Share
 
Comments
PM Modi launches #SwachhataHiSeva Movement, gives clarion call for rededicating ourselves towards fulfilling Bapu's dream of a Clean India
In the last four years, Swachhata has become a mass movement: PM Modi #SwachhataHiSeva
Nearly 9 crore toilets constructed in the last 4 years, around 4.5 lakh villages, 450 districts and 20 states and union territories have been declared ODF: PM #SwachhataHiSeva
Swachhata must become our Swabhaav: PM Modi #SwachhataHiSeva
Youngsters are ambassadors of social change. The way they have furthered the message of cleanliness is commendable: PM Modi #SwachhataHiSeva
Unclean environment impact poor the most: PM Modi #SwachhataHiSeva

মফম পুম্নমক্তগী পুল্লরিবা অদোম স্বচ্ছগ্রহী পুম্নমকপু থমোই শেংনা নোল্লুকপা ফোংদোকচরি, অদোম পুম্নমকপু তরাম্না ওকচরি। ঙসি সেপ্তেম্বর ১৫গী নুমিৎ অসি মশানা পুৱারী ওইরবা নুমিৎ ওইরে। পুৱারী ওইরিবগী মরমদি ঙসিগী অয়ুক অসি অনৌবা ৱাশক, অনৌবা থৌনা, অনৌবা মঙলান অমা পুদুনা লাক্লি। ঙসি অদোম, ঐ ইরৈবাকচা ক্রোর ১২৫না স্বচ্ছতা হী সেবাগী ৱাশক অসি অমুক্কা হন্না শক্কদৌরি। ঙসিদগী হৌরগা ওক্তোবর ২ হায়বদি পুজা তৌনীংঙাইগী মশক ওইরবা বাপুগী মপোক কুমওন ফাওবা লৈবাক অপুনবদা ঐখোয় পুম্নমক্না অনৌবা থৌনাগা লোইননা, অনৌবা লিংজেলগা লোইননা ঐখোয়গী লৈবাক অসিবু, ঐখোয়গী ভারতপু তরু তনানহন্নবগীদমক্তা শ্রম দান তৌগনি, ঐখোয়গী থৌদাং পীগনি। দীৱালীগী মতমদা ঐখোয়না য়ুম অদু অদুক্কী মতিক তরু তনান্না থমজরবসু দীৱালী হেক লাকপগা ইমুং পুম্নমক্না য়ুমগী কাচিন কোয়া পুম্নমক লুনা নান্না থম্নবা হোৎনৈ। মতৌ অদুম্না ঐখোয়সু লৈবাক্কী মফম পুম্নমক্তা লুবা নানবগী ৱাখল্লোন অসি থা খুদিংগী, চহি খুদিংগী পাংথোকপা তাই।

চহি মরিগী মমাংদা হৌখিবা, লুবা নানবগী খোংজং অসি হৌজিক মরু ওইবা তাঙ্কক অদুদা য়ৌরে।

ঐখোয়না চাউথোকচনা হায়বা ঙম্মি মদুদি লৈবাক অসিগী মফম পুম্নমক, কাংলুপ খুদিংমক, খুন্নাই খুদিংমক, চহি তাঙ্কক খুদিংমক্কী ঐগী খোংলোইশিংনা মসিগী অচৌবা খোংজং অসি মখা চৎথরি। খুঙ্গংবু ওইরো, লৈকাইবু ওইরো, লৈরকপু ওইরো, শহরবু ওইরো মফম অমত্তা খোংজং অসি য়ৌদবা লৈত্রে।

২০১৪দা ভারতকী লুবা নানবগী কভরেজ অসি শুপ্নগী চাদা ৪০ খক্তমক ওইরম্মি। ঙসি অদোম পুম্নমক্কী থৌনা অমসুং ৱাশক অদুনা মরম ওইদুনা লুবা নানবগী কভরেজ অসি চাদা ৯০দগী হেল্লে। হৌখিবা চহি মরিদা ঐখোয়না লুবা নানবগী কভরেজ অসিদা অসুক য়াম্না খুমাং চাউশিনবা ঙমগনি হায়বসি কনানা খল্লুবা ঙম্বগে, মসি চাউরাক্না চহি ৬০-৬৫ অসিদা ফাওবা ওইবা ঙমখিদ্রবনি। ভারতনা চহি মরিগী মনুংদা চাউরাক্না অমাংশঙ করোর ৯ শাগনি হায়বসি কনানা খল্লুবা ঙম্বগে। চহি মরিগী মনুং অসিদা চাউরাক্না খুঙ্গং লাখ মরিনা লমহাংদা মাংশিনবা তোক্কনি হায়বসি কনানা খল্লুবা ঙম্বগে। চহি মরি অসিদা জিলা ৪৫০দগী হেনবনা লমহাংদা মাংশিনবা তোক্কনি হায়বসি কনানা খল্লুবা ঙম্বগে। চহি মরি অসিদা রাজ্য অমদি য়ু.তি. ২০না লমহাংদা মাংশিনবা তোক্কনি হায়বসি কনানা খল্লুবা ঙম্বগে।

মসি ভারত মচাশিংগী, অদোম স্বচ্ছগ্রীশিংগী থৌনা অদুনি। থাক অসি ফাওবগী অহোংবা অসি শুপ্নগী সরকার খক্তনা তৌবা ঙম্বা নত্তে। হেল্থকী ৱাফম্বু ওইরো নত্ত্রগা ৱেল্থকী ৱাফম্বু ওইরো, লুবা নানবনা মীয়ামগী পুন্সিদা অহোংবা পুরকপদা য়াম্না চাউবা থৌদাং য়ারি। ৱার্ল্দ হেল্থ ওর্গনাইজেসন, ‘হু’গী থাজবা অমগী মতুং ইন্না মীওই লাখ অহুমগী পুন্সি কনবদা লুবা নানবনা থৌদাং য়াগনি অমসুং স্তদী অমনা তাকই মদুদি লুবা নানবনা দাইরিয়াগী মতাংদা চাদা ৩০ হন্থহনগনি।

অদুবু ইচিল ইনাওশা, শুপ্নগী অমাংশঙ শারগা ভারতনা লুবা নানবা ওইগনি হায়বা নত্ত্রি। তোইলেৎকী খুদোংচাবা পীবা, অমোৎ-অকাই হুন্দোকফমগী খুদোংচাবা পীবা, অমোৎ-অকাই লোইশিন্নবগী থৌরাং তৌবা ময়াম অসি পাম্বৈ অমনি। লুবা নানবা হায়বসি হৈনবী অমনি মসি নুংতিগী থবক-থৌরমশিংদা য়াওহনগদবনি। মসি লমচৎ-শাজৎতা অহোংবা পুরক্নবগী য়জ্ঞ অমনি। মসিদা লৈবাক অসিগী মীপুম খুদিংমক্না অদোম পুম্নমক্না অদোমগী ওইবা মওংদা শরুক য়াবীরি।

ঐনা হোৎনজবদি স্বচ্ছ ভারত মিশনগা মরি লৈনরিবা অদোমগী খঙ-হৈবশিং অদু তাবনি, অদোমদগী করিগুম্বা খরা তমজবনি অমসুং মতুংদা ঐখোয় পুন্না শ্রম দান তৌবনি। ঙসি হিন্দুস্তানগী তোঙান তোঙানবা মফমশিংদা চৎপগী খুদোংচাবা ফংলগনি। মফম অদুদা পাইখৎলিবশিং অদু হকথেংননা উজবগী খুদোংচাবা ফংলগনি।

ঙসি ঐনা অমুক্কা হন্না ইরৈবাকচাশিংদা হায়জনীংই মদুদি লৈবাক অপুনবগী স্বচ্ছগ্রহীশিংগী ৱাশক অমসুং কৎথোকপা অদু ঐখোয়না উরে, তারে, খঙলে, ফংলে, কয়াদা তাংলবা তেংবাংনো। লৈবাক অসিগী শক্নাইরবা মীশকশিংনা চাউরাক্না পুং অনি থবক অসিগীদমক্তা কাইথোকপীবা, মখোয়গী খঙ-হৈবশিং তাবা, ঐনা ফাওই মদুদি হিন্দুস্তানগী মফম খুদিংমক্তা মতৌ করম্না লুবা নানবগী মাইকৈদা ইরৈবাকচা ক্রোর ১২৫না খোংজং অসিবু মালেম অপুনবগী মাংদা ঙসি উৎলি। মালেম্না য়েংনরি।

তুংলমচৎতা মীয়ামগী খোংজং অসিগী মতাংদা ইরকপদা, পারকপদা অদোম স্বচ্ছগ্রহী পুম্নমক্কী মিং অরাবা ময়েক্না ইবা থেংনরগনি। নীং খা তম্নবগীদমক থৱাই কৎখিবা অথৌবশিংবু ঙসি ইকাই খুম্নবগা লোইননা য়েংনরিবা অসিগুম্না অদোমগী থৌদাং অসিসু পুজা তৌনীংঙাই ওইরবা বাপুগী অশেংবা চারোল-শুরোল ওইনা মালেম্না নীংশিংনহৌরগনি, মসি ঐগী থাজবনি।

ঐনা অমুক্কা হন্না অদোমগী ইথিল অসিগীদমক অদোমগী থৌনা অসিগীদমক অদোম্বু থমোই শেংনা নোল্লুকচরি। অথোইবা মীশক পুম্নমকপু খুরুমজবগা লোইননা ঐগী ৱাহৈ লোইশিঞ্জরি। হন্না হন্না থাগৎচরি। 

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Powering the energy sector

Media Coverage

Powering the energy sector
...

Nm on the go

Always be the first to hear from the PM. Get the App Now!
...
Social Media Corner 18th October 2021
October 18, 2021
Share
 
Comments

India congratulates and celebrates as Uttarakhand vaccinates 100% eligible population with 1st dose.

Citizens appreciate various initiatives of the Modi Govt..