Share
 
Comments

৭২শুবা নীংতম্বা নুমিৎতা প্রধান মন্ত্রী শ্রী নরেন্দ্র মোদীনা রেদ ফোর্ত্তগী লৈবাক্কী মীয়ামদা ঙসি ৱা ঙাংখি।মখাগীশিং অসি মহাক্কী ৱারোলগী শম্লপ্পনি:

  • ঙসিদি, লৈবাক অসি মশা মরোমদোম থাজবা লৈজরে। অনৌবা থাক অমা য়ৌনবা ৱারেপ অমগা লোয়ননা কন্না হোৎনবদগী লৈবাক অসি অনৌবা ফিবম অমদা য়ৌরে।
  • উত্তরাখন্দ, হিমাচল ,মণিপুর, তেলঙ্গনা অমসুং অন্ধ্র প্রদেশকী ঐখোয়গী ইচানুপীশিংনা সমুদ্রা তরেৎ লান্দুনা মালেম শীনবা থুংনা কোইরুরবা মতুংদা ঐখোয়না মসিগী নীংতম্বগী কুম্মৈ অসি পাংথোক্লি। মখোয়না সমুদ্রা তরেৎতা মচু অহুমগী ফিরাল পাইহন্দুনা সমুদ্রা তরেৎ অদু মচু অহুম ওন্থোক্লবা মতুংদা মখোয় ঐখোয়গী নাক্তা হল্লক্লে।
  • মনুং–হুঞ্জনবা ঐখোয়গী উমংশিংদা লৈবা ঐখোয়গী ত্রাইবেল অঙাংশিংনা, মখোয়না মাউন্ত এভরেস্ততা মচু অহুমগী ফিরাল পাইহন্দুনা মসিগী মশেক–মঙাল হেনগৎহল্লে।
  • দলিত ওইনসু নৎত্রগা কনাগুম্বা নৈহৎপীরবা নৎত্রগা তোল্লবা মীওই অমা নৎত্রগা নুপী  ওইসনু, মখোয়গী য়াইফনবা ঐখোয়গী সংসদনা খুন্নাইগী অচুম্বা কয়া থবক ওইনা পায়খৎল।
  • চহি কয়াগী মমাংদগী ও বি সি কম্মিসন সংবিধানগী থাক্তা শক খঙনবা তকশিন্দুনা লাক্লি। হৌজিক ঐখোয়গী সংসদনা শোৎথরবা কাংলুপশিং অমসুং শাথিনা শোৎথরবা কাংলুপশিংগী য়াইফনবা ও বি সি কম্মিসন সংবিধানগী থাক্তা শক খঙলে।
  • ঈচাউ থোকপদগী মখোয়গী নক্নবা মীওইশিং লৈখিদ্রবশিং অমসুং অৱাবা নংলবশিংদা লৈবাক অসিনা মখোয়গীদমক লেপ্লি হায়না ঐনা থাজবা পীরি। মখোয়গী মতেং পাংনবা থবক কয়া পায়খৎলি। মখোয়গী নুংশিরবা ইমুং–মনুংগী মীওইশিং লৈখিদ্রবশিংগী মফমদা ঐনা থম্মোই শোক্নবা অৱাবা ফোঙদোকচরি।
  • মথং চহিদা জলিয়াংৱালা বাগকী মীহাৎ চহি ১০০ মপুং ফারগনি। লৈবাক অসিগী নীংতম্বা পুরক্নবা অমসুং নৈহৎপীরবশিংগীদমক মীয়াম্না মখোয়গী থৱাই কৎখি। জলিয়াংৱালা বাগকী  থৌদোক অসিনা থৱাই থাখ্রবা অথৌবশিং অদু ঐখোয়না নীংশিংহল্লি। অথৌবশিং অদু ঐগী থম্মোইনুংদগী ইকায়খুম্নবা উৎচরি।
  • ভারত অসি হৌজিক মালেমগী খ্বাইদগী চাউবা তরুকশুবা ইকনোমী ওইরে।
  • ঐগী লৈবাক্কী মীয়ামগী মহুৎ শীন্দুনা ঐনা থৌনা ফরবা নীংতম লান্মীশিংদা ঐগী থম্মোইনুংদগী ইকায়খুম্নবা উৎচরি। ঐখোয়গী লান্মীশিং, পেরা–মিলিতরী ফোর্সশিং অমসুং পুলিসশিংনা মখোয়গী থৱাই কৎলি অমসুং লৈবাক অসিগী মচু অহুমগী ফিরালগী চিংলেম্বা ঙাক্নবা মখোয়না লৈবাক অসিগীদমক অহিং–নুংথিল নাইদনা থবক তৌরি।
  • নীংতম্লবা মতুংদা, পুম্নমক কোনশিনবা সংবিধান অমা বাবা সাহেব অম্বেদকরগী লমজিং মখাদা শেম্লে। মসি অনৌবা ভারত অমা শেম্নবা ৱারেপকা লোয়ননা থবক হৌখি।
  • ভারত অসি মশা–মরোমদোম লেপচবা ঙম্বা, মপাঙ্গল কনবা, মতম চুপ্পা তুংকোইনা চাউখৎপগী লম্বীদা চৎপা লৈবাক অমা ওইগদবনি। ভারতকী থাজবা অমা ওইবা খক নত্তনা, ভারত অসি মালেমদা মতিক চাবা ওইগদবনি হায়বসি ঐখোয়গী অপাম্বনি, ঐখোয়না ভারত অসি ফিবম অসি ওইহন্নীংই।
  • মীওই ক্রোর ১২৫গী মঙলানশিং, থবক কন্না শুবা অমসুং অপাম্বশিং পুনশিল্লবা মতমদা,  ফংবা ঙম্লোইদবা করি লৈরিবগে?
  • ভারত মচা ক্রোর ১২৫না ২০১৪দা সরকার শেম্বা খক্তদা লোইহনখিদে, মদুগী মহুৎতা মখা তানা লৈবাক অসি ফগৎনবা হোৎনখি। মসি ভারতকী পাঙ্গলনি।
  • হৌখিবা চহি ৪ অসিদা পায়খৎখিবা থবকশিংগী মতাংদা অদোম্না খন্নবা মতমদা, লৈবাক অসিনা কয়া য়াম্না খুমাং চাউশিল্লবগে হায়বদু উবদা অদোম অঙকপা পোক্কনি।
  • ঐখোয়না ২০১৩গী খোঙজেলদা থবক তৌরম্লবদি, চাদা ১০০ লমহাংদা খোঙ হামদবা ভারত অমা ওইহনবা নৎত্রগা মফম খুদিং মৈ ফংহনবা নৎত্রগা খুঙ্গং অমসুং শহরগী নুপীশিংদা এল পি জি গ্যস কনেক্সন পীবা অসি চহি ১০০ হেন্না চংগনি। ঐখোয়না ২০১৩গী খোঙজেলদা থবক তৌরম্লবদি লৈবাক অসি শীনবা থুংনা ওপ্তিকেল ফাইবরনা শম্নহনবদা মীরোল অমা চংগনি। হায়রিবা পান্দমশিং অসি ফংনবা ঐখোয়না য়াংনা চৎলি।
  • হৌখিবা চহি ৪ অসিদা লৈবাক অসিদা অহোংবা কয়া পুরক্লে। থৌনা অমগা লোয়ননা লৈবাক অসি চাউখৎলক্লি।ঙসিদি লৈবাক অসি হায়ৱেশিং শরুক অনি হেন্না শেম্লে অমসুং খুঙ্গংশিংদা য়ুম শরুক মরি হেন্না শারে।
  • লৈবাক অসিনা মমাংদা ওইখিদ্রিবা মওংদা চানবা মহৈ–মরোং পুথোক্লে অমসুং মোবাইল ফোন মশিং য়াম্না শারে।ত্রেক্তর য়োনবগী চাং ফজনা হেনগৎলে।
  • নীংতম্লবা মতুংদা লৈবাক অসিনা খ্বাইদগী মশিং য়াম্লবা এয়রপ্লেনশিং লৈরি।
  • লৈবাক অসিদা অনৌবা আই আই এমশিং, আই আই তিশিং অমসুং এ আই আই এম এসশিং লিংখৎলে।
  • অপীকপা মফমশিংদা অনৌবা সেন্তরশিং লিংখৎতুনা স্কিল হেনগৎহন্নবগী থবকশিং চাউখৎহল্লে।
  • তয়ার ২ অমসুং তয়ার ৩গী শহরশিংদা ষ্টার্ত–অপগী থবকশিং চেঙ্গুম শৌবগুম শৌগৎলে।
  • মীমান্নদ্রবা মীওইশিংগী য়ানরবা খুদমগী দিক্সনারী অমা শেম্নবা থবক কন্না পায়খৎলি।
  • লৌউ–শিংউগী লমদা মতমগা চুনরবা অনৌবা তেক্নোলোজী কয়া শীজিন্নবা হৌরে। ঐখোয়গী লৌমীশিংনা মাইক্রো ইরিগেসন, দ্রিপ ইরিগেসন অমসুং স্প্রিঙ্কলর ইরিগেসনগী থবকশিং শীজিন্নবা হৌরে।
  • অতোপ্পা অমদা, ঐখোয়গী লান্মীশিংনা অৱা–অনা নংলবশিংদা মীনুংশি অমগা লোয়ননা মতেং পাংলি অমসুং অতোপ্পা অমদনা মখোয়না সর্জিকেল ত্রাইক তৌদুনা য়েক্নবশিংদা লান্দারি।
  • অনৌবা পান্দমশিংগা লোয়ননা মতম চুপ্পদা ঐখোয় মাংলোমদা চংশিনগদবনি। ঐখোয়গী পান্দমশিং অদু ময়েক শেংদ্রবদি, চাউখৎপা ঙম্লোই। চহি কয়া চংনা ঐখোয়গী খুদোংচাদবশিং কোকহনবা ঙম্বগী ফিবম লৈরোই।
  • লৌমশিংগী পোৎথোকশিংদা মতিক চাবা মমল পীনবা ঐখোয়না থৌনা ফনা ৱারেপ লৌরে। মহৈ–মরোং কয়াগী মিনিমম সপোর্ত প্রাইজ লৌ উবদা চংবা চাদিংগী শরুক ১.৫ হেন্না পীরগনি।
  • অপীকপা ললোনবশিংগী মতেংগা লোইননা, মখোয়গী অরোনবা থমদবা, অনৌবা থবক পায়খৎনীংবগী অপাম্বনা মরম ওইদুনা লৈবাক অসিদা মাইপাক্না জি এস তি চৎনরে। মসিনা ললোনবশিংদা নৌনা থাজবা অমা পুরক্লে।
  • লৈবাক অসিগী ফনবা অচৌবা ৱাখল্লোন অমগা লোয়ননা বেনামী প্রোপর্তী লো চৎনবা হৌরে।
  • ভারতকী শেন–থুম অসি ফিবম চাদে হায়না মালেম্না হায়নবা মতম অমা লৈরম্মি। অদুম ওইনমক, চপ মান্না মীওইশিং অমসুং লুপশিংনা থাজবা অমগা লোয়ননা ঐখোয়গী অওনবশিং অসিদা থাজবা য়াম্না লৈরে অমসুং ঐখোয়গী থবকশিং ফগৎলে।
  • মালেম্না রেদ তেপকী মতাংদা ঙাংনবা মতম অমা লৈরম্মি। অদুবু ঙসিদি, রেদ কার্পেৎকী ৱারী ওইনা ঙাংনরে। ললোন–ইতিক তৌবদা লাইবা লৈবাকশিংগী রেঙ্কতা ঐখোয় ১০০শুবদা লৈরে। ঙসিদি মালেম পুম্বনা কল্লকপগা লোয়ননা ঐখোয়গী মাইপাকপশিংবু য়েংলি।
  • মতম অমদা মালেমগী মমাংদা ভারত অসি থৌশিল হৈতবা অমসুং অওনবা থেংবা লৈবাক অমা ওইনা লৌনরম্মি। অদুবু ঙসিদি ভারতকী অওনবা, থবক অমসুং অহোংবগী মরমদা ৱারী শানরে।
  • ভারত অসি কাইগল্লবা লৈবাক মঙাগী মনুংদা লৈরে হায়না মালেম্না হায়নবা মতম অমা লৈরম্মি। অদুবু ঙসিদি মালেম্না ভারত অসি দোল্লর ত্রিলিয়ন কয়া শেল থাদফম অমা ওইরে হায়নরি।
  • ভারতকী ইকনোমী অসি অতুম্বা শামু মিকপ থোরকপনি হায়নরি অমসুং চেনবা হৌরক্লি। মথং চহি ৩০ অসিদা মালেমগী শেন-থুম চাউখৎপদা ভারতনা অচৌবা থৌদাং লৌগনি হায়না মালেমগী ইকনোমিস্তশিং অমসুং লুপশিংনা হায়রি।
  • মালেমগী ফোরমশিংদা ভারতকী মিংচৎ হেনগৎলে, অসিগুম্বা ফোরমশিং অসিদা ভারতকী অকনবা ৱাফমশিং থম্বা ঙম্লে।
  • মমাংদদি ভারতনা মালেমগী তোঙান-তোঙানবা লুপশিংগী মেম্বর ওইনা ঙাইদুনা লৈরম্মি। হৌজিক্তি মশিং থিঙমদবা লুপ কয়ানা মখোয়গী মেম্বর ওইবীয়ু হায়না ভারত্তা হায়জরক্লে। ভারত অসি অতোপ্পা লৈবাক কয়াগী অশা তৌফম লৈবাক অমা ওইরে অমসুং মালেমগী শাবা হেনগৎলকপা অসিদা ভারত অসি য়াম্না মরুওইনা লৌরি। ইন্তর্নেস্নেল সোলর এলাইন্স অসি মালেম শীনবা থুংনা তরাম্না ওক্লি।
  • ঙসিদি শান্ন-খোৎনবগী লমদা অৱাং-নোংপোক্কী ফিবম শিংথাবা য়ানা ফগৎলকপা ঐখোয়না উরে।
  • অৱাং-নোংপোক্কী ইকোন কোনবা খুঙ্গংদা মৈ ফংহল্লে।
  • অৱাং-নোংপোক্তা হায়ৱেশিং, রেলৱেশিং, এয়রৱেশিং, ঈশিং লম্বীশিং অমসুং ইনফোর্মেসন ৱেশিং ফগৎপা ঐখোয়না উরে।
  • অৱাং-নোংপোক্কী ঐখোয়গী নহারোলশিংনা মখোয়গী লমদা বি পি ওশিং লিংখৎলে।
  • অৱাং-নোংপোক অসি ওর্গানিক ফার্মিংগী মফম অমা ওইরে। অৱাং-নোংপোক্তা স্পোর্ত য়ুনিভর্সিতী লিংখৎলে।
  • দিল্লীদগী অৱাং-নোংপোক অসি য়াম্না লাপ্না খনবা মতম অমা লৈরম্মি অদুবু হৌখিবা চহি মরি অসিদা ঐখোয়না দিল্লী অসি অৱাং-নোংপোক্কী থোঙ্গালদা থম্বা ঙম্লে।
  • ঐখোয়গী লৈবাক অসিগী অপুনবা মীশিংগী চাদা ৬৫দি চহি ৩৫ মখাগী মীওইশিংনি। থবক ফংবগী মওংদা ঐখোয়গী নহারোলশিংনা অচৌবা অওনবা অমা পুরক্লে। স্তার্ত অপ ওইগেরা, বি পি ও নৎত্রগা ই-কম্মর্স ওইগেরা নৎত্রগা চৎথোক-চৎশিনগী লমদা, ঐখোয়গী নহারোলশিংনা অনৌবা হিরম কয়াদা চংবা ঙম্লে। হৌজিক ঐখোয়গী নহারোলশিংগী থবকশিংনা লৈবাক অসি অৱাংবা থাক অমদা পুখৎলে।
  • মীওই ক্রোর ১৩ মুদ্রা লোন ফংলিবা অসি অচৌবা মাইপাকপা অমনি। মসিগী মনুংদা নহারোল ক্রোর ৪দি অহানবা ওইনা লোন ফংবনি অমসুং মশানা মশাবু থবক পীজবা অমসুং মনীং তম্না চাউখৎলক্লিবা ঙাক্তনি। মসি ফিবম হোংলকপগী অচৌবা খুদম অমনি। খুঙ্গং লাখ ৩দা ঐখোয়গী নহারোলশিংনা কম্মন সর্বিস সেন্তরশিং থবক তৌরি অমসুং মখোয়না ইনফোর্মেসন তেক্নোলোজী শীজিন্নদুনা খুঙ্গংশিংগী মীয়ামগা মালেমগা শম্নহল্লি।
  • ঐখোয়গী সাইন্তিস্তশিংগী অনৌবা পুথোকপগী ৱাখল্লোনগা লোয়ননা ঐখোয়না ‘নাভিক’ পুথোকপদগী ঙামীশিংদা য়াম্না কান্নরগনি।
  • ২০২২দা সুন্দংদা মী য়াওবা স্পেসক্রাফ থাগৎনবা ভারতনা ৱারেপ লৌরে। মসি পাংথোকপা  ঙম্বা ভারতনা মরিশুবা লৈবাক ওইরগনি।
  • লৌউ-শিংউগী লমদা মতমগা চুনবা অনৌবশিং পুরক্নবা ঐখোয়না অকনবা মীৎয়েং থম্লি। ৭৫শুবা নীংতম্বা নুমিৎতা লৌমীশিংগী শেন্থোক শরুক অনিদা হেনগৎহন্নবা ঐখোয়না মঙ মঙলি।
  • মতমগা চুনবা অনৌবশিং হাপচিন্দুনা লৌউ-শিংউবগী থবকশিং পাকথোক-চাউথোকহনবা ঐখোয়না পাম্মি। মরুদগী হৌরগা কৈথেল ফাওবদা মগুন হেনগৎহনবা ঐখোয়না পাম্মি। মালেমগী কৈথেলদা ঐখোয়গী লৌমীশিং মায়োক্নবা ঙম্নবা অহানবা ওইনা এগ্রিকলচর এক্সপোর্ত পোলিসী শেম্নবা থবক পায়খৎলে।
  • মাংদা চৎখৎনবা ঐখোয়না থৌরাং তৌদুনা হৌজিক ওর্গানিক ফারমিং, ব্লু রিভোলুসন, স্বিৎ রিভোলুসন, সোলর ফার্মিংগী থবকশিং পায়খৎপা হৌরে।
  • ঙা য়োকপদা ভারতনা মালেমদা অনিশুবা খ্বাইদগী চাউবা লৈবাক ওইরে।
  • মপান্দা খোইহি থাদোকপা শরুক অনিদা হেনগৎলে।
  • চু থাবা লৌমীশিং নুংঙাইবা অমা ওইনা ইথানোল পুথোকপা শরুক অহুমদা হেনগৎলে।
  • খুঙ্গংগী শেন-থুমদা অতোপ্পা সেক্তরসু য়াম্না মরুওই। নুপীশিংগী সেল্ফ হেল্প গ্রূপশিং শেমদুনা, বিলিয়ন কয়াগী শেনফম থৌরাং তৌদুনা খুঙ্গংগী শেন্থোক হেনগৎহনবা ঐখোয়না পাম্মি। খুঙ্গংগী তৌবা ঙম্বশিং হেনগৎহনবা ঐখোয়না পাম্মি অমসুং মসিগী লমদা ঐখোয়না থবক পায়খৎলি।
  • হৌজিক খাদি য়োনবা শরুক অনিদা হেনগৎলে।
  • ঐখোয়গী লৌমীশিং হৌজিক সোলর ফারমিংদা মীৎয়েং থম্বা হৌরে। মসিনা লৌউ-শিংউবদা মতেং পাংবা ঙমগনি অমসুং নুমিৎকগী ইনর্জী য়োন্দুনা শেন তানবা ঙমগনি।
  • শেন-থুম অমসুং চাউখৎপা পুরকপগা লোয়ননা, মীওইবগী চিংলেম্না হিংবা মরুওইনা লৌদুনা মসিদা ঐখোয়না মীৎয়েং থম্লি। মীচম অমনা মহাক্কী পুন্সি চাউথোকচনা, ইকায়খুম্ননা অমসুং চিংলেম্না হিংনবা ঐখোয়না স্কিম কয়া পায়খৎলি।
  • দবল্যু ঐচ ওগী মতুংইন্না শ্বচ ভারত মিশন্না মরম ওইদুনা অঙাং লাখ ৩গী পুন্সি কনবা ঙম্লে।
  • সৈত্যগ্রহীশিং শেমগৎখিবা গান্ধীজিগী মতৌ তমদুনা, ঐখোয়না শ্বচগ্রহীশিং মাইপাক্না শেমগৎপা ঙম্লে। চহি ১৫০শুবা মপোক কুমওন থৌরমদা শ্বচগ্রহী ক্রোর কয়ানা থবক ওইনা পাংথোক্তুনা অমসুং শ্বচ ভারতকী মওংদা বাবুজীদা ইকায়খুম্নবা উৎনবা থৌরাং তৌরি।
  • লায়রবা মীওইশিংদা লেম্না অনা-লায়েংগী খুদোংচাবশিং ফংহন্নবা ভারত সরকারনা প্রধান মন্ত্রী জন অরোগ্য অভিয়ান হৌদোক্লে। হৌজিক স্কিম অসিগী মখাদা মীওই অমনা অফবা লায়েংশঙশিংদা চৎতুনা লায়েংবা য়ারগনি।
  • অয়ুসমান ভারত স্কিমগী মখাদা ইমুং ক্রোর ১০ হেল্থ ইন্সুরেন্সগী খুদোংচাবা ফংলগনি, মসিনা মীওই ক্রোর ৫০ রোম কান্নবা ফংহল্লগনি। ইমুং অমনা চহি অমদা লুপা লাখ ৫গী কবরেজ ফংগনি।
  • তেক্নোলোজী অমসুং অরোন অথুপ লৈতনা থবক তৌবদা ঐখোয়না মরুওইনা লৌরি। খুদোংচাবা কয়া ফংহন্দুনা তেক্নোলোজীনা লায়রবশিংগী অৱাবা কোকহনবা ঙমগনি। মসিগী ৱাখল্লোন অসিগা লোয়ননা তেক্নোলোজীগী খুৎলায়শিং পুথোক্লে।
  • ২০১৮গী সেপ্তেম্বর ২৫দা প্রধান মন্ত্রী জন আরোগ্য অভিয়ান হৌদোক্লগনি, মসিনা লায়রবশিংদা অরুবা লায়নাশিংগী অৱাবা লৈহল্লোই।
  • হকশেলগী লমদা ময়াই ওইবা ইমুংশিং অমসুং নহারোলশিংগী অনৌবা খুদোংচাবা কয়া লৈরে। তয়ার ২ অমসুং তয়ার ৩গী শহরশিংদা অনৌবা লায়েঙশঙশিং শারগনি। মেদিকেল স্তাফ ময়াম অমা হাপ্লগনি। মথং চহিশিংদা থবক য়াম্না ফংলগনি।
  • চহি মরিগী মতম অসিদা ঐখোয়না লায়রবশিং শক্তি পীনবা হোৎনরি। মালেমগী লুপ অমগী মতুংইন্না, হৌখিবা চহি ২ অসিদা মীওই ক্রোর ৫ লায়রবা কোক্লে। লায়রবশিং ফগৎনবা স্কিম কয়া পায়খৎলি। অদুবু মীরক্কী মীওইশিংনা কান্নবশিং লৌখি অমসুং লায়রবশিংনা কান্নবা ফংহৌদে।
  • নারোন্দা শেন মাঙবা থিংনবা সরকারনা কন্না হোৎনরি। শেঞ্জা-থুমজা অমসুং অরোনবা শেন মুৎথৎনবা লম্বীদা চংশিল্লি। হায়রিবা থবকশিং অসি পায়খৎলকপদগী ঐখোয়না সরকারগী পুক্কৈদা লুপা ক্রোর ৯০০০০ হাপচিনবা ঙম্লে।
  • পুকচেল শেংবশিংনা তেক্স থি। মখোয়গী মতেংদগী স্কিমশিং অসি পায়খৎপনি। মসিগী মনা তেক্স থিবশিংদা পীরি অমসুং সরকারদা নত্তে।
  • ২০১৩ ফাওবা, হৌখিবা চহি ৭০ অসিদা তেক্স থিবা মীশিং অসি সুপ্নগী মীওই ক্রোর ৪ ওইরম্মি। হৌজিক মশিং শরুক অনিদা হেনগৎতুনা ক্রোর ৭.২৫ য়ৌরে।
  • হৌখিবা চহি ৭০ অসিদা ইন্দাইরেক তেক্স ওফিসিয়েলশিংনা লুপা লাখ ৭০গী রেভিন্যু খোমগৎপা ঙমখি। অদুবু জি এস তি চৎনবা হৌবা চহি অমগী মনুংদা লুপা লাখ ১৬কী রেভিন্যু খোমগৎলে।
  • ঐখোয়না শেঞ্জা-থুমজা অমসুং অরোনবা শেনগী মায়োক্তা লৈগনি। মসিদা খুদোংচাদবা কয়া থেংনগনি। অদুবু মসিদা ঐখোয় লেম্না তোক্লোই। হৌজিক দিল্লীগী লম্বীশিংদা পাৱর ব্রোকরশিং উররোই।
  • অরোন-অথুপ লৈতনবা ঐখোয়না ওনলাইনগী থবকশিং পায়খৎপা হৌরে। ঐখোয়না ইনফোর্মেসন তেক্নোলোজী অসি অয়ৌবী থাক্তা শীজিন্নরে।
  • সোর্ত সর্বিস কম্মিসনগী খুৎথাংদা, ভারতকী আমর্দ ফোর্সশিংদা ঐখোয়না নুপী ওফিসরশিং হাপ্লগনি। মসিগী থবক অসিদা মনুং-মপান নাইদনা থবক তৌগনি। নুপী ওফিসরশিং মখোয় নুপা ওফিসরশিংগা চপ মান্নগনি।
  • নমজা-নমথেক্নবা অসি অৱাবা অমনি। চৈথেং ফংলবশিংনা হেন্না অৱাবা নংলি। মসি লৈবাক অসিগী মীয়াম্না খঙগদবনি। মীপুম খুদিংমক্না চৈনা অসি খঙগদবনি।
  • অসিগুম্বা ফৎত্রবা থৌওং অসিদগী খুন্নাই অসি নান্থোক্নবা ঐখোয়না লৈবাক অসি মনীং তমহনগদগনি। আইনগী মশাগী ওইবা থবক তৌজরি। মসিগী থবক অসি থেংননবা ঐখোয়না হোৎনগদবনি। মসিগুম্বা মখলগী ৱাখল্লোন অসি ঐখোয়না ময়োক্নগদবনি। মসিগুম্বা মখলগী লমচৎ য়াওদবা থবকশিং লৌথোকখিগদবনি।
  • ত্রিপল তলাক্না মুস্লিম নুপীশিংদা খুদোংচাদবা কয়া থেংনরি। তলাক তৌদ্রিবশিংসু চপ মান্নবা হি অমদা তোংদুনা চৎমিন্নরি। সংসদকী নোংজু মীফমদা এক্ত অমা পুথোক্তুনা মুস্লিম নুপীশিংগী অৱাবশিং কোক্নবা ঐখোয়না হোৎনরি। অদুবু ঙসিদি বিল অসি পাস তৌহন্নীংদবা মীওই কয়া লৈরি।
  • সেক্যুরিতী ফোর্সশিং, রাজ্য সরকারশিংনা হোৎনবদগী অমসুং কেন্দ্র অমসুং রাজ্য সরকারশিংনা চাউখৎ-থৌরাংগী স্কিমশিং পায়খৎপা অমসুং মীয়াম্না শরুক য়ারকপদগী ত্রিপুরা অমসুং মেঘলয়দগী আমর্দ ফোর্সেস স্পিসিয়েল পাৱর এক্ত লৌথোক্লে।
  • জম্মু অমসুং কশ্মীরগী মতাংদা অতল বিহারী বাজপেয়ীনা ঐখোয়দা উৎলম্বা লম্বী অদুনা খ্বাইদগী ফরে। হায়রিবা লম্বী অদুদা চৎপা ঐখোয়না পাম্মি। নোংমৈ মরু অমসুং হাৎনবগী লম্বী অদু ঐখোয়না পামদে।
  • থা খরগী মতুংদা জম্মু অমসুং কশ্মীরগী মীয়াম্না মখোয়গী হকশিং ফংলগনি। মখোয় মশানা মশাগী চেকশিন থৌরাং লৌখৎচবা ঙম্লগনি। চাউখৎ-থৌরাংগীদমক ভারত সরকারনা গ্রাম পঞ্জায়তশিংদা শেন মতিক চানা পীরগনি। ঐখোয়না পঞ্জায়তশিং অমসুং লোকেল লুপশিংগী মীখল পাংথোক্নবা শীল্লগনি।
  • ভারত মচা খুদিংগী মঙলান্দি মশাগী য়ুম অমমম লৈবনি, মরম অদুনা ঐখোয়না খুদিংমক্কী য়ুম শারে। মশাগী য়ুম মৈ থান্নিংবশিংগীদমক, খুঙ্গংশিংদা মৈ য়ৌহল্লে। ভারত মচা খুদিংমক্না চাকখুমদা মৈখু খুহনবা পামদে। মসি য়ানবা ঐখোয়না চাকশঙ খুদিংদা গ্যাস ফংহল্লে। ভারত মচা খুদিংমক অফবা থক্নবা ঈশিং দরকার ওই। মরম অদুনা ঐখোয়না মীপুম খুদিংমক্তা ঈশিং ফংহল্লে। ভারত মচা খুদিংমক অমাংশঙ দরকার ওই, মরম অদুনা খুদিংমক অমাংশঙ লৈহনবা হায়বসি ঐখোয়গী পান্দমনি। ভারত মচা খুদিংমক স্কিল হেনগৎহন্নবা ঐখোয়না স্কিল দিবলপমেন্ত স্কিম পায়খৎলে। মীপুম খুদিংমক অফবা অনা–লায়েংগী খুদোংচাবা ফংনবা থবক পায়খৎলে। ভারত মচা খুদিংমক হেল্থ ইন্সুরেন্স কবরেজ দরকার ওই। মসি ফংনবা ঐখোয়না খুদিংমক্কী ইন্সুরেন্স পীরি। ভারত মচা খুদিংমক ইন্তর্নেত দরকার ওই। মসি ফংনবা ঐখোয়না থবক পায়খৎলে। কন্নেকতিবিতীগী লাইৱা অসিনা ঐখোয়গী লৈবাক অসি চাউখৎহনবা ঐখোয়গী অপাম্বনি।
  • ঐখোয় মুক্নবগী লম্বীদা চৎপা পামদে। ঐখোয় লম্বী থিংজিনবা পামদে। ঐখোয় কনাগুম্বা অমগী মফমদা কোক নোঞ্জবা পামদে। লৈবাক অসিনা কৈদৌঙৈদা লেপ্লোই, কৈদৌঙৈদা নোঞ্জরোই, কৈদৌঙৈদা চোকথরোই। ঐখোয় অনৌবা থাক অমা য়ৌনবা হোৎনগনি। মসি ঐখোয়গী পান্দমনি।

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

দোনেসন
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Dreams take shape in a house: PM Modi on PMAY completing 3 years

Media Coverage

Dreams take shape in a house: PM Modi on PMAY completing 3 years
...

Nm on the go

Always be the first to hear from the PM. Get the App Now!
...
PM’s Meeting with Mr. Tony Abbott, Former Prime Minister of Australia
November 20, 2019
Share
 
Comments

Prime Minister Shri Narendra Modi met Mr Tony Abbott, Former Prime Minister of Australia today.

The Prime Minister conveyed his condolences on the loss of life and property in the recent bushfires along the eastern coast of Australia.

The Prime Minister expressed happiness at the visit of Mr. Tony Abbott to India, including to the Golden Temple on the 550th year of Guru Nanak Dev Ji’s Prakash Parv.

The Prime Minister fondly recalled his visit to Australia in November 2014 for G-20 Summit in Brisbane, productive bilateral engagements in Canberra, Sydney and Melbourne and his address to the Joint Session of the Australian Parliament.

 

The Prime Minister also warmly acknowledged the role of Mr. Tony Abbott in strengthening India-Australia relations.