India-France ties based on the principles of liberty, equality and fraternity: PM Modi
India and France will cooperate to mitigate climate changeIndia and France will expand cooperation in security and counter-terrorism measures: PMয়োর এক্সিলেন্সী, রাস্ত্রপতি ইমানুয়েল মেক্রোন,
ভারত অমসুং ফ্রান্সকী ইকায় খুম্নজরিবা মীহুৎ কাংবুশিং,
মরূপশিং,
বোন জৌর,
খুরুমজরি,
অহানবা মক্তদা, ঐহাক্কী নক্নরবা মরূপ রাস্ত্রপতি মেক্রোনবু ঐহাক্না থম্মোই শেংনা থাগৎপা ফোংদোকচরি। মহাক্না ঐহাক অমসুং ঐহাক্কী মীহুৎ কাংবুবু অসিগুম্লবা পুৱারী ওইরবা হেরিতেজ সাইত অসিদা তরাম-তরাম্না ওকপীরি। মসি ঐহাক্কীদমক কাওঙম্লরোইদবা মীকুপ অমনি। জি৭ মীফমদা রাস্ত্রপতি মেক্রোন্না বার্তন তৌবীরকপা অসি ভারত অমসুং ফ্রান্সকী মরক্তা স্ত্রাতেজিক পার্তনরশিপকী খুদম অমনি। ঙসি ঐখোয়না ফ্রান্সনা লুচিংলিবা জি৭গী এজেন্দাদা য়াম্না কুপ্না খন্ন-নৈনখি। মদুনা বাইওদাইবর্সিতী ওইগেরা, ক্লাইমেৎ চেঞ্জ ওইগেরা, নত্রগা কূলিং অমসুং গ্যাসকী ইশুশিং ওইগেরা, চহী চা কয়াদগী ভারতনা মহৌশাগা লোয়ননা তোৎন তিন্নদুনা লৈবগী কলচর অমা ঙাক্তুনা চৎলক্লি। মহৌশাবু মাংহন তাকহনবা অসি কৈদৌনুংদা মীওইবা জাতিগী কান্নবা ওইরোই অমদি হন্দক্কী জি৭ মীফমগী হিরম অসি মসি ওইবনা ভারতকীদমক হেন্না নুংঙাইবা মীকুপ অমনি।
মরূপশিং,
ভারত অমসুং ফ্রান্সনা চহী চা কয়া লীরবা মরীশিং লৈনরি। ঐখোয়গী মরূপ ওইবগী মতৌ অসি ইশা-ইশাগী কান্ননবা মরমশিংদা য়ুমফম ওইবা নত্তে মসিদি ‘লিবর্তী, ইক্বেলিতী অমসুং ফ্রেতর্নিতী’গী অচেৎপা ৱাখল্লোনদা য়ুমফম ওইরি। মরম অসিননি ভারত অমসুং ফ্রান্সনা লেং মান্নবা প্রোতেক্তেদ ফ্রীদম অমসুং দেমোক্রেসী লৈরিবা অমদি ফেসিজম অমসুং এক্সত্রিমিজম থেংনরিবা। অহানবা মালেমগী লাঞ্জাও মতমদা ভারতকী লান্মী লিশিং কয়ানা থৱায় কৎখিবা অদু হৌজিক ফাওবা ফ্রান্সতা নীংশিংলি। ঙসিদি ফ্রান্স অমসুং ভারতনা তেরোরিজম, ক্লাইমেৎ চেঞ্জ, এনভাইরনমেন্ত অমসুং তেক্নোলোজীগী ইনক্লুসিব দিবেলপমেন্তনা মায়োক্নরিবশিং থেংননবা খোংফম চেৎনা পুন্না লেপ্লি। লৈবাক অনিমক্না অফবা পোৎশিংগী মরমদা ঙাংবা খক্তা নত্তনা অচেৎপা খোংথাংসু লৌখৎলি। ইন্তর্নেস্নেল সোলর এলাইন্স অসি ভারত অমসুং ফ্রান্সকী অসিগুম্লবা মায়পাক্লবা অনৌবা খোংথাং অমনি।
মরূপশিং,
চহী তরাগী খুজিং অনিদগী, ঐখোয়না স্ত্রাতেজিক পার্তনরশিপকী লম্বীদা চৎমিন্নরি। ঙসিদি ফ্রান্স অমসুং ভারত অসি অমনা অমদা থাজবা থম্বা পার্তনরশিং ওইরে। ঐখোয়গী অৱাবা মতমশিংদা ঐখোয় অমনা অমবু খঙখি অমদি অমনা অমগী মিৎয়েংদা মতেং পাংনখি।
মরূপশিং,
ঙসি, রাস্ত্রপতি মেক্রোন অমসুং ঐহাক্না ঐখোয়গী লৈনরিবা মরীশিংদা কুপথনা খন্ন-নৈনখি। ২০২২ চহীদা ভারতকী নীংতম্বগী ৭৫শুবা চহী ওইরগনি, মদু ফাওবগী মনুংদা ঐখোয়না অনৌবা ভারতকীদমক পান্দম কয়া অমা থৌরাং তৌরি। ঐখোয়গী মরুওইবা পান্দমদি ভারতপু দোলর ত্রিলিয়ন ৫গী ইকোনোমী অমা ওইহনবনি। চাউখৎ থৌরাংগীদমক ভারতকী দরকার ওইরিবশিংনা ফ্রান্সকী ইন্ত্রপ্রিনরশিংদা অচৌবা খুদোংচাবা অমা পীরি। ঐখোয়না স্কিল দিবেলপমেন্ত, সিভিল এভিয়েসন, আই.তি, স্পেস অমসুং অতোপ্পা লমশিংদা ঐখোয়গী ইকোনোমিক কোওপরেসন হেঙ্গৎহন্নবা অনৌবা খোংথাংশিংদা মিৎয়েং থম্লি। ঐখোয়গী লৈনরিবা মরীগী অচেৎপা য়ুম্বী অমদি ঙাকশেলদা তেংবাং পীনবনি। ঐহাক নুংঙাইবা ফাওই মদুদি ঐখোয়না তোঙান তোঙানবা প্রোজেক্তশিংদা নীংথিজনা খুমাং চাউশিল্লে। অহানবা ওইনা মথং থাদা রাফেল এয়রক্রাফ ৩৬ ভারত্তা দেলিবর তৌরগনি। তেক্নোলোজী অমসুং কো-প্রদক্সন্দা ঐখোয়না তেংবাং পীনবা হেঙ্গৎলগনি। ফ্রান্স অসি ঐখোয়না ন্যু জেনরেসন সিভিল ন্যুক্লিয়র এগ্রীমেন্তা খুৎয়েক পীনখিবা অহানবা লৈবাক্নি। ঐখোয়না ঐখোয়গী কম্পেনীশিংবু জাইতাপুর প্রোজেক্ততা লেপ্পা লৈতনা মিৎয়েং থম্নবা অমসুং ইলেক্ত্রিসিতীগী মমল অদু ৱাখল্লোন্দা থম্নবা অকনবা ৱাফম থম্লি। নাকল অনিমক্তগী লমকোইবা মশিং হেঙ্গৎলকপা অসিসু অফবা ৱাফম অমনি। চহী খুদিংগী চাউরাক্না ফ্রান্সকী লমকোইবা লাখ ২.৫ অমসুং ভারতকী লমকোইবা লাখ ৭ অমনা অমগী লৈবাক্তা চত্থোক চৎশিন তৌরি। হায়র এজুকেসনগী লমদা মহৈরোইশিং একচেঞ্জ তৌবগী মশিং চাং নাইনা হেঙ্গৎলক্লি। ভারতকী সংস্কৃতিগী কুমহৈ “নমস্তে ফ্রান্স”কী মথংগী এদিসন ফ্রান্স পুম্বদা ২০২১-২০২২দা পাংথোক্লগনি। কুমহৈ অসিনা ফ্রান্সকী মীয়াম্বু ভারতকী সংস্কৃতিদা মখা তানা পুক্নিং চংহল্লগনি হায়না ঐহাক্না থাজবা থম্লি। য়োগ অসি ফ্রান্সতা ময়াম্না য়াম্না পাম্নৈ হায়বা ঐহাক খঙই। হকচাং ফনা লৈনবগী লম্বী অমা ওইনা ফ্রান্সতা লৈরিবা ঐহাক্কী মরূপ কয়া অমনা মসিবু য়োকখৎকনি হায়না ঐহাক্না থাজবা থম্লি।
মরূপশিং,
মালেম অসিনা মায়োক্নরিবশিংগীদমক ভারত অমসুং ফ্রান্সকী মরক্তা তেংবাং পীনবগী মরুওইবা অদু ঐহাক্না ফোংদোকখ্রে। ঐখোয়গী লৈবাক অনিমক্না তেরোরিজম অমসুং রেদিকেলাইজেসন মায়োক্নরি। ঙমখৈ ৱাংমগী তেরোরিজম থেংনবদা ঐখোয়না ফ্রান্সকী মমল য়াম্লবা তেংবাংশিং ফংলি। মসিগীদমক ঐখোয়না রাস্ত্রপতি মেক্রোনবু থাগৎচরি। মেরিতাইম অমসুং সাইবর সেক্যুরিতীদী মখা তানা তেংবাং পীনবা হেঙ্গৎহন্নবসু ঐখোয়না ৱারেপ লৌরে। সাইবর সেক্যুরিতী অমসুং দিজিতেল তেক্নোলোজীদা ঐখোয়না অনৌবা রোদমেপ অমা য়ানবা পুরকপদা ঐহাক অপেনবা ফাওই। ভারত মহাসাগর লমদমদা ঐখোয়গী তেংবাং পীনবা লেপ্পা লৈতনা হেঙ্গৎলক্লি।
মরূপশিং,
অসিগুম্লবা শিংনরিবা মতম অসিদা অনৌবা মিৎয়েং, থৌনা অমসুং স্কিলগা লোয়ননা জি৭ মাই পাক্না লুচিংনবা ঐহাক্না ঐহাক্কী মরূপ রাস্ত্রপতি মেক্রোন অমসুং ফ্রান্সকী মফমদা য়াইফ-পাউজেল পীজরি।
এক্সেলেন্সী,
হোৎনরিবা অসিদা ভারত মচা কোতি ১৩০না অদোমগীদমক লেপ্লি। ঐখোয়গী লৈবাক অনিমক্না পুল্লগা খুদোংথিবা লৈতবা অমসুং চাউখৎপা মালেম অমগীদমক লম্বী শেম্বা ঙমগনি। বিয়ারিতজদা পাংথোক্কদৌরিবা জি৭ মীফমদা শরুক য়ানবা ঐহাক্না মিৎয়েং থম্লি অমদি মীফম অসি মাই পাক্নবগীদমক অদোম অমসুং ফ্রান্স অপুনববু হন্না-হন্না য়াইফ-পাউজেল পীজরি। অদোমগী বার্তন অদুগীদমক ঐহাক্না অমুক হন্না তৌবীমল খঙবা উৎচরি।
ময়াম্বু থাগৎচরি।
মর্সি বিওকোপ,
ঔ রিভোয়র
भारत और फ़्रांस के बीच संबंध सैकड़ों साल पुराना है।
— PMO India (@PMOIndia) August 22, 2019
हमारी दोस्ती किसी स्वार्थ पर नहीं, बल्कि ‘लिबर्टी, इक्वलिटी और फ्रेटरनिटी’ के ठोस आदर्शों पर टिकी है: PM
Climate Change, Environment, और Technology के समावेशी विकास की चुनौतियों का सामना करने के लिए France और भारत एक साथ मज़बूती से खड़े हैं: PM
— PMO India (@PMOIndia) August 22, 2019
हम दोनों देशों को आतंकवाद का लगातार सामना करना पड़ रहा है।
— PMO India (@PMOIndia) August 22, 2019
क्रॉस-बार्डर terrorism का मुक़ाबला करने में हमें फ्रांस का बहुमूल्य समर्थन मिला है, उसके लिए हम President मैक्रों को धन्यवाद देते हैं।
हमने security और counter-terrorism पर सहयोग को व्यापक बनाने का इरादा किया है: PM
मैं अपने अभिन्न मित्र President मैक्रों को इस चुनौतीपूर्ण समय में एक नए vision, उत्साह और कुशलता के साथ फ्रांस और G-7 के नेतृत्व के लिए शुभकामनाएं देता हूं।
— PMO India (@PMOIndia) August 22, 2019
हम दोनों देश मिलकर, सुरक्षित और समृद्ध विश्व का मार्ग प्रशस्त कर सकते हैं: PM
