Share
 
Comments

প্রধান মন্ত্রী শ্রী নরেন্দ্র মোদীনা নীতি আয়োগ অমদি পেত্রোলিয়ম অমসুং নেচরেল গ্যাস মন্ত্রালয়না পাংথোকপা চহিগী থৌরমদা মাংজিল থারিবা ওইল অমসুং গ্যাস কম্পনীশিংগী সি.ই.ও.শিংগা লোয়ননা ঙসি ৱারী শাখ্রে।

ৱারী ৱাতাই শাবা অসিদা, প্রধান মন্ত্রীনা ইনর্জী অসি মীওইবগী চাউখৎ থৌরাংদা মথৌ তাই মরম অসিনা ইনর্জী সেক্তর য়োকখৎপা অসি মরু ওইরিবনি। মহাক্না হায়খি সরকারগী পোলিসী অসিগী পান্দমদি ভারত মচা পুম্বদা খেৎনবা লৈতনা অফবা, শেল চংদবা অমসুং সস্তেনেবল ইনর্জী ফংহনবনি, মসিগীদমক লৈবাক অসিনা ইন্তিগ্রেতেদ এপ্রোচ অমা পাইখৎখি।

সরকারনা পোলিসী মথং-মথং পায়খৎতুনা ভারতবু ইনবেস্তমেন্তগী লমথুংফম ওইনবা হোৎনরি, ভারতকী ইনর্জী সেক্তর অসিনা ইনভেস্তরশিংদা অচৌবা খুদোংচাবশিং পীরি হায়না মহাক্না পাউদমখি। ভারতনা হৌজিক এক্সপ্লোরেসন অমসুং প্রদক্সন প্রোজেক্তশিংদা এফ.দি.আই. ১০০% অয়াবা পীখ্রে অমসুং ওতোমেতিক রুৎকী মখাদা রিফাইনিং তৌরিবা পব্লিক সেক্তরদা এফ.দি.আই. ৪৯%গী অয়াবা পীখ্রে। মহাক্না হায়খি অহোংবশিং পুরকপা অসিনা সেক্তর অসিদা এফ.দি.আই.গী ইনফ্লো হেনগৎহনখি। মহাক্না মখা তারদুনা হায়খি লৈবাক অসি গ্যাস-বেজ ইকনোমী অমা ওইনবা খোঙথাংশিং লৌখৎলি অমসুং ‘ৱান নেসন ৱান গ্যাস গ্রিদ’ ওইথোকপা ঙম্নবা গ্যাস পাইপলাইন নেৎৱার্ক অমা শেমগৎলি। অফবা চাক থোংনবা অমসুং গারীগী ফুয়েলশিং সপ্লাই তৌবদা মতেং পাংনবা শহরগী গ্যাস দিস্ত্রিব্যুসন নেৎৱার্কশিং চাউথোক্নবা হোৎনরি হায়নসু মহাক্না ফোঙদোকখি। মহাক্না মখা তারদুনা হায়খি ভারতনা কেমিকেল্স অমসুং পেত্রো-কেমিকেল্স শানবা অমসুং এক্সপোর্ত তৌবগী হব অমা ওইহন্নবা পান্দম থম্লি। 

প্রধান মন্ত্রীনা হায়খি মীওইবগী মথৌ তাবশিং অমসুং অপাম্বশিংগা অকোয়বগী ফীভমশিংগা নুংঙাইন্দবা লৈহল্লোইদবনি। মহাক্না হায়খি ভারতনা মীওইবগী চাউখৎ থৌরাং পুরকপা অমসুং মহৌশাবু য়োকখৎপা হায়বা অসিদা থাজবা থম্মি। মহাক্না মখা তারদুনা হায়খি লৈবাক অসিনা ইথানোল, সেকেন্দ জেনরেসন ইথানোল, কম্প্রেস বাইওগ্যাস অমসুং বাইওদিজল শীজিন্নবা হেনগৎপগী খুত্থাংদা ইম্পোর্ত তৌবা ফুয়েলগী মখা পোনবা হন্থহন্নবা হোৎনরি। সস্তেনেবল দিবেলপমেন্তগী ফিলোসোফীদা য়ুম্ফম ওইরগা ভারতনা ইন্তরনেস্নেল সোলর এলাইন্সগুম্বা অনৌবা ইন্সতিত্যুসনশিং য়োকখৎনবা হোৎন্দুনা ‘ৱান ৱর্ল্দ, ৱান সন, ৱান গ্রিদ’কী ঐখোয়গী পান্দম ফংনবা হোৎনরি হায়না মহাক্না ফোঙদোকখি। ভারতকী ‘নাইবরহুদ ফার্স্ত’পোলিসীগী কান্নবা অদু ফোঙদোক্লদুনা প্রধান মন্ত্রীনা হায়খি ভারতনা য়ুম্লোন্নরিবা লৈবাকশিং নেপাল, বাংলাদেশ, শ্রী লঙ্কা, ভুতান অমসুং ম্যান্মারগা লোয়ননা ইনর্জী হেনগৎহন্নবা হোৎনরি। ভারতকী থুনা য়াংনা খুমাং চাউশিল্লিবা ইনর্জী সেক্তর অসিনা ইনভেস্তরশিংদা অচৌবা খুদোংচাবশিং পীরি হায়না হায়রদুনা লোইশিনখি। ভারতকী ইনর্জীগী মখল পুম্নমক পুথোকপা হেনগৎহন্দুনা ভারতকী চাউখৎ থৌরাং অমসুং পুম্নমক্কী য়াইফ থৌরাং পুরক্নবা মালেমগী ইন্দস্ত্রীগী পার্তনরশিং ওইনবা মহাক্না ফোঙদোকখি।

থৌরম অসিদা ওইল অমসুং গ্যাস সেক্তরদগী সি.ই.ও. ৪০ রোমনা শরুক য়াখি লোয়ননা লুচিংবা ২৮না প্রধান মন্ত্রীদা মখোয়গী ৱাখল্লোনশিং ফোঙদোকখি। অবু ধবি নেস্নেল ওইল কম্পনীগী সি.ই.ও. অমসুং য়ু.এ.ইগী. ইন্দস্ত্রী অমসুং এদভান্স তেক্নোলোজীগী মন্ত্রী দা. সুল্তান অহমেদ অল জবের; দিপুতী চিয়রমেন, প্রসিদেন্ত অমসুং সি.ই.ও. অমসুং কতারগী ইনর্জী এফিয়র্সকী রাজ্য মন্ত্রী শ্রী সাদ শেরিদা অল-কাবী; ও.পি.ই.সি.গী সেক্রেতরী জেনরেল শ্রী মোহম্মদ সনুসি বার্কিন্দো; আই.ই.এ.গী একজিক্যুতিব দিরেক্তর দা. ফেথ বিরোল; জি.ই.সি.এফ.কী য়ুরী সেন্তয়ুরিন; অমসুং য়ু.কে.গী আই.ঐচ.এস. মার্কিৎকী ভাইস চাঞ্চেলর দা. দেনিএল য়র্গিনগুম্বা মরু ওইবা স্তেকহোল্দরশিংনা সেক্তর অসিদা মখোয়না পীরিবা ইনপুৎশিংগী মতাংদা শেয়র তৌখি। সোনেফ, বি.পি., তোতেল. লিনদোল বসেল, তেলুরিয়ন, শুলুমবর্গর, বকর হুঘেস, জে.ই.আর.এ., ইমর্সন অমসুং এক্স-কোইল য়াওনা মরু ওইবা ওইল অমসুং গ্যাস কম্পনীশিংগী সি.ই.ও.শিংনা মীফম অসিদা শরুক য়াখি।

 

সেবা অমসুং সমর্পনগী চহি 20 তাক্লিবা ফোতো 20
Mann KI Baat Quiz
Explore More
জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে

Popular Speeches

জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে
India achieves 40% non-fossil capacity in November

Media Coverage

India achieves 40% non-fossil capacity in November
...

Nm on the go

Always be the first to hear from the PM. Get the App Now!
...
PM greets Indian Navy on Navy Day
December 04, 2021
Share
 
Comments

The Prime Minister, Shri Narendra Modi has greeted the Indian Navy personnel on the occasion of Navy Day.

In a tweet, the Prime Minister said;

"Greetings on Navy Day. We are proud of the exemplary contributions of the Indian navy. Our navy is widely respected for its professionalism and outstanding courage. Our navy personnel have always been at the forefront of mitigating crisis situations like natural disasters."