ঙসি প্রধানমন্ত্রী শ্রী নরেন্দ্র মোদীনা মৈশুরু অমসুং কেএসআর বেঙ্গালুরুগী মরক্তা রেলৱে লাইনগী ইলেক্ত্রিফিকেসন অদু জাতিদা খুৎশিন্নখ্রে । মৈশুরু রেলৱে স্তেসন্দা পাংথোকপা থৌরম অমদা মহাক্না মৈশুরু অমসুং উদয়পুরগী মরক্তা চেনগদবা পেলেস ক্যুইন হমসফর এক্সপ্রেসশু লমথাখি ।
মদুগী মমাংদা প্রধানমন্ত্রীনা বহুবলি মহামস্থাকভিশেকা মহোৎসব ২০১৮গীদমক শ্রাবনাবেলাগোলাদা চৎখি । বিন্দ্যাগিরি চিংদা এএসআইনা পায়খৎলিবা অনৌবা খোংথাংশিং অদু মহাক্না শঙ্গাখি । মহাক্না বাহুবলি জেনরেল হোস্পিতালশু শঙ্গাখি ।
শ্রাবনাবেলাগোলাদা পাংথোকপা মীয়ামগী মীফমদা ৱা ঙাংলদুনা প্রধানমন্ত্রীনা হায়খি মদুদি ঐখোয়গী লমদম অসিদগী লাইনিংবশিংনা মতম পুম্নমক্তা সমাজকীদমক্তা থবক তৌরি অমসুং পোজিতিব ওইবা খেৎনবা অমা থম্লি । লাইরবশিংদা অফবা অমসুং অহোংবা হেল্থকেয়ার ফংহনবা অসি ঐখোয়গী ইথৌনি হায়না মহাক্না মখা তাখি ।
