মালেমদা মতেং পাংনবা হেনগৎহনবা, মালেমগী শেন-থুম চাউখৎহনবা, মালেমদা খ্বাইদগী য়াংনা চাউখৎপা অচৌবা ইকনোমী ওইহনদুনা ভারতকী মীয়ামগী চাউখৎপা খোঙজেল য়াংহনবা অমসুং শেঞ্জা-থুমজাগী মায়োক্তা থবক লৌখৎপা অমসুং খুন্নাইগী অপুনবা পুরক্নবা থবক কয়া পায়খৎপদগী শক খঙবা ওইনা প্রধান মন্ত্রী নরেন্দ্র মোদীদা সিওল পিস প্রাইজ২০১৮ পীনবা সিওল পিস প্রাইজ কমিতীনা ৱারেপ লৌখ্রে ।
সিওল পিস প্রাইজ ২০১৮ পীবা মতমদা , এৱার্দ কমিতীনা প্রধান মন্ত্রী মোদীনা ভারতঅমসুং মালেমগী ইকনোমীশিং চাউখৎনবা তৌরিবা থবকশিং অমসুং ইনাকখুনবাঅমসুং লায়রবগী মরক্তা খুন্নাইগী অমসুং শেন–থুমগী খেন্নবা লৈরিবশিং হন্থনবামোদীনোমিক্স পায়খৎপা অসি মশক খঙলি । শেঞ্জা-থুমজাগী মায়োক্তা থবক লৌখৎপা অমসুং দিমনিতাইজেসন তৌদুনা অচুম্বা সরকার অমা ওইনবা প্রধান মন্ত্রীনা পায়খৎলিবা থবকশিং কমিতীনা থাগৎখি । ‘মোদী দোক্ত্রিন’ অমসুং ‘এক্ত ইস্ত পোলিসী’গী মখাদা মালেমগী লৈবাকশিংগা অফবা মপান লৈবাক্কী থৌশিলশিংগী মখাদা মালেমগী শান্তি পুরক্নবা মহাক্না হোৎনরিবশিংগী মানা কমিতীনা প্রধান মন্ত্রীদা পীখি ।
লেমজনীংঙাই ওইরবা মানা অদুগীদমক মহাক্কী থাগৎপা ফোঙদোক্লদুনা অমসুং কোরিয়াগা ভারতকা লৈনরিবা মরি অদু য়েংলগা প্রধান মন্ত্রী মোদীনা মানা অদু লৌবা য়াখি । মানা অদু লৈবাক অনিগী খুদোংচাবা মতম অমা য়েংলগা সিওল পিস প্রাইজ ফাউন্দেসন্না য়েন্থোক্কনি ।
নুংগী ৱারোল :
মালেমগী লৈবাক ১৬০না শরুক য়াদুনা কোরিয়াদা ২৪শুবা ওলেম্পিক গেমস মাইপাক্না পাংথোকখিবা অদু নীংশিংবা ওইনা ১৯৯০দা সিওল পিস প্রাইজ লিংখৎখিবনি । কোরিয়া পেনিন্সুলাদা অমসুং মালেমগী মফমশিংদা শান্তি লৈহন্নীংবগী কোরিয়াগী মীয়ামগী অপাম্বা অদু থবক্তা ওন্থোক্নবা সিওল পিস প্রাইজ লিংখৎখিবনি ।
সিওল পিস প্রাইজ অসি চহি অনি খুদিংগী ওইনা মীওইবা খুন্নাইগী য়াইফনবা, লৈবাকশিংগী মরক্তা নুংশিনবা পুরক্নবা অমসুং মালেমগী শান্তি পুরক্নবা কৎথোকপগা লোয়ননা থবক তৌবা লনাই মীওইশিংদা পীবনি । মনা ফংখ্রবা মালেমগী শক্নাইরবশিংগী মরক্তা য়ু এনগী সেক্রেতরীজেনরেল কোফী অনন, জরমনগী চান্সেল্লর এঞ্জেলা মেরকেল অমসুং মালেমগী মমিং লৈরবা লুপশিং হায়বদি দোক্তর্স ৱিদাওদ বোর্দরস অমসুং ওক্সফার্ম য়াওরি। মালেম শীনবা থুংনা নোমিনেতর ১৩০০ হেনবনা মীওই ১০০ হেন্না খল্লকপা অদু থিজিল্লবা মতুংদা এৱার্দ কমিতীনা মনা অসি প্রধান মন্ত্রী মোদীদা পীখিবনি অমসুং মহাক অসি সিওল পিস প্রাইজ ২০১৮ পীবদা খ্বাইদগী মতিক চারবা অমনি হায়রি ।
