তেকানপুরগী বিএসএফ একাদেমিদা পাংথোকপা পুলিসকী দাইরেক্তর জেনরেলশিং অমসুং ইন্সপেক্তর জেনরেলশিংগী মীফম লোইশিনবগী থৌরমদা ঙসি প্রধানমন্ত্রীনা ৱা ঙাংখ্রে ।
মীফম অসিগী মওং মতৌ অমসুং স্কোপ অদু ইং ২০১৪ দগী হৌরগা অহোংবা লাকখিবা, দিল্লিগী ৱাংমদা পাংখিবা অদু প্রধানমন্ত্রীনা নৌহৌনা নিংশিংখি । অহোংবা অসি পুরক্নবা হোৎনবদা থৌদাং লৌখিবা ওফিসারশিং অদুবু মহাক্না থাগৎপা ফোংদোকখি । প্রধানমন্ত্রীনা হায়খি মদুদি লৈবাক অসিনা থেংনরিবা মায়োক্নরিবশিং অমসুং থৌদাংশিং অদুগী মনুং চন্না হৌজিক্তি মীফম অসি হেন্না কান্নবা ওইহল্লে । মীফম অসিগী অনৌবা ফোর্মেত অসিনা খন্ন-নৈনবগী ক্বালিতি হেঙ্গৎহল্লে হায়না মহাক্না হায়খি ।
লৈবাকপু ঙাক শেনবদা থৌদাং লৌরিবা লৈবাক অসিগী সেক্যুরিতীগী মীওইশিংবু মহাক্না থাগৎপা ফোংদোকখি । মহাক্না হায়খি মদুদি ঙসিগী মীফম অসিদা শরুক য়ারিবা ওফিসারশিংনা নেগতিভিতীগী এভাইরোনমেন্ত অমা ওপরেত তৌখিগদবদগী লুচিংদুনা চৎলি ।
মহাক্না হায়খি মদুদি মীফম অসিদা খন্ন-নৈনবা অসিগী মহৈ অমা ওইনা হৌখিবা চহি খরা অসিদা, হৌজিকমক, পুলিস ফোর্সকীদমক ওবজেক্তিব অমা ময়েক শেংনা দিফাইন তৌরে, পুন্না পাংথোক্কদবা কয়া অমা লৈরি । মীফম অসিনা মকোকথোংবা পুলিস ওফিসারশিংবু প্রোব্লেমশিং অমসুং চেলেঞ্জশিংগী হেন্না ময়েক শেংবা মীৎয়েং অমা ফংহনবদা মতেং ওইরে হায়না মহাক্না ফোংদোকখি । হৌখিবা চহি অনিদগী খন্ন-নৈনরিবা তোপিকশিংগী রেঞ্জ অসি হেন্না পাকথোক চাওথোক্লে হায়না মহাক্না হায়খি । মসিনা সেনিয়র পুলিস ওফিসারশিংদা অপুনবা অনৌবা ভিজন অমা পিবদা মতেং ওইরে হায়না মহাক্না মখা তাখি ।
মীফম অসিদা মসিদগী হেনবা ভেলু হাপচিন্নবা লম্বীশিং খন্নরদুনা প্রধানমন্ত্রীনা সজেস্ত তৌখি মদুদিচহি চুপ্পা অমা ৱার্কিং গ্রুপশিংগী খুথাংদা ফোল্লো অপ মখা চৎথগদবনি । মসিগী মনুং চন্না, নহা ওইরিবা ওফিসারশিংনা শরুক য়াবগী মরুওইবা অদু মহাক্না অখন্ননা কন্না পনখি । মসিনা এক্সরসাইজ অদুগী ইফেক্তিবনেস অদু ফগৎহনবদা চাওনা মতেং ওইগনি হায়না মহাক্না ফোংদোকখি ।
প্রধানমন্ত্রীনা আইন্না য়াদবা ফাইনান্সিএল দিল্লিংশিংদা চাওনা ই-পাও পীথোক পীশিন তৌনবগী মায়কৈদা মালেম পুম্বনা য়ান্নরদুনা চৎনরিবা অদু পনখি অমসুং মসি ফংবদা ভারতনা মরুওইবা থৌদাং অমা লৌগনি হায়না মহাক্না ফোংদোকখি । মহাক্না হায়খি মদুদু সেক্যুরিতি অসি অখন্ননা নত্রগা মথন্তা ফংবা ঙম্লোই । অদুবু রাজ্যশিংগী মরক্তা লমগী খেৎনবা থমদবা অমশুং ইনফোর্মেশন সেয়ার তৌবনা পুম্নমকপু হেন্না সেক্যুর ওইহনবদা মতেং ওইগনি । “ঐখোয়শি এসেম্বল এনতাইতি অমা নত্তে, অদুম ওইনমক ওর্গানিক এন্তাইতি অমনি,” মহাক্না মখা তাখি ।
সাইবর সেক্যুরিতি ইশুশিং খুদক্তগী য়েংশিনবা হৌগদবনি, অমসুং খ্বাইদগী ৱাংবা প্রায়োরিতী অদু ফংগদবনি হায়না প্রধানমন্ত্রীনা হায়খ্রে । মসিগা মরি লৈননা সোসিএল মীদিয়াগী মরুওইবা অদু মহাক্না অখন্ননা পনখি । য়াম্না হেন্না ইফেক্তিব ওইনবগীদমক্তা মেসেজশিং অদু মফম অদুগী লোনশিংদা থাগদবনি হায়না মহাক্না হায়খি । রেদিকেলাইজেসন্দশু প্রোব্লেম থোক্লিবা মফমশিং পিনপোইন্ত তৌনবা তেক্নোলোজী শিজিন্ননবা প্রধানমন্ত্রীনা তকশিনখি ।
প্রধানমন্ত্রীনা আইবি ওফিসারশিংদা প্রসিদেন্তস পুলিস মেদল্স ফোর দিস্তিঙ্গুইজ সর্বিসেসশু লানথোকখি । মহাক্কী ৱারোলদা প্রধানমন্ত্রীনা মেদল ফংলবা আইবি ওফিসারশিংবু মথৌদা মখোয়না কৎথোকপা অমসুং অচেৎপা থৌদাংগীদমক অপেনবা অমসুং থাগৎপা ফোংদোকখি ।
থৌরম অদুদা কেন্দ্রগী হোম মিনিস্তর শ্রী রাজ নাথ সিংহ, অমসুং য়ুনিয়ন মিনিস্তর ওফ স্তেত ফোর হোম শ্রী হন্সরাজ অহির অমসুং শ্রী কিরেন রিজিজু শরুক য়াখি ।
