নেস্নেল য়ুথ দেগী থৌরমনা লাকপদা প্রধানমন্ত্রী শ্রী নরেন্দ্র মোদীনা মরুওইবা থৌরম অনিদা ভিদিওকনফরেন্সকী খুথাংদা ৱা ঙাংখ্রে ।
গ্রেতর নোইদাগী গৌতম বুদ্ধ য়ুনিবর্সিতীদা পাংথোকপা নেস্নেল য়ুথ ফেস্তিবেল ২০১৮ হৌদোকপগী থৌরমদা ৱাঙাংলদুনা, প্রধানমন্ত্রীনা অহানবদা পিএসএলভি–সি৪০ মায় পাক্না থাগৎখিবদা ইসরোবু থাগৎপা ফোংদোকখি ।স্পেসতা ঐখোয়গী খোংথাংশিং অসিনা ঐখোয়গী নাগরিকশিংদা কান্নবা ফংহল্লগনি অমসুং ঐখোয়গী চাওখৎখোংথাং হেঙ্গৎহল্লগনি হায়না প্রধানমন্ত্রীনা হায়খি ।
ইং ২০১৭কী দিসেম্বর থাগী মন কী বাত অদুদা জিলাশিংদা মোক পর্লিয়ামেন্তশিং পাংথোক্নবা মহাক্না হায়খিবাঅদু নৌহৌননা নিংশিংখি । অসিগুম্বা মখলগী মোক পর্লিয়ামেন্তশিং অদুনা ঐখোগী নহাশিংগী মরক্তা খন্ন–নৈনবগী ৱাখল্লোন চেলহনগনি হায়না মহাক্না মখা তাখি । প্রধানমন্ত্রীনা হায়খি মদুদি ঐখোয় পুম্নমক ইং ১৯৪৭কীমতুংদা পোকপা ওইবনা নিংতম ইহৌদা শরুক য়াবা ফংহৌদে । অদুবু, ঐখোয়গী নিং তম্বগীদমক থৱায় থাখিবাশক্নাইরবা নুপা অমসুং নুপীশিং অদুগী মংলান অদু মংফাওহন্নবা খুদোংচাবা অদুদি ঐখোয়দা লৈরি হায়না মহাক্নামখা তাখি । ঐখোয়গী নিংতম লান্মীশিংনা মঙলম্বা ভারত অদু ঐখোয়না শেম্বা তাই হায়না শ্রী নরেন্দ্র মোদীনাকন্না পনখি ।
প্রধানমন্ত্রীনা হায়খি মদুদি ঐখোয়না ঐখোয়গী নহাশিংবু থবক পীবা ঙম্বশিং ওইহনবা পাম্মী । অনৌবা খোংথাংপায়খৎলিবশিং অদু নহারোলশিং ওইগদবনি হায়না মহাক্না মখা তাখি । ঙসিগী নহাশিং অসি খাংবা কন্দে হায়নামীওই খরনা হায়নরিবা অদু প্রধানমন্ত্রীনা খংজিনখি । অদুম ওইনমক, লম্বী অমদা মদুনা ঐখোয়গী নহাশিংদাঅনৌবা খোংথাং পায়খৎনবগী ইখৌ লাংবা অমা চুখৎলিবা অদু মহাক্না ফাওরি । শান্ন–খোৎনববু মখোয়গীপুন্সিগী শরুক অমা ওইহন্নবা প্রধানমন্ত্রীনা নহারোলশিংদা তকশিনখি ।
কর্নতকাগী বেলগাবীদা নেস্নেল য়ুথ দে অমসুং সর্ব ধর্ম শভাগী থৌরম অমদা ৱা ঙাংলদুনা স্বামি বিবেকানন্দনামচিল মনাও ওইবগী মরিদা পুক্নিং থৌগৎখি হায়না প্রধানমন্ত্রীনা হায়খি । ঐখোয়গী য়াইফবনা ভারতচাওখৎহনগনি হায়না মহাক্না থাজবা থমখি হায়না প্রধানমন্ত্রীনা মখা তাখি ।
শ্রী নরেন্দ্র মোদীনা হায়খি মদুদি ৱেস্তর্ন ৱার্ল্দদা ভারতকী মায়োক্তা প্রোপেগন্দা কয়া অমা লৈরম্মী মদুবু স্বামিবিবেকানন্দনা অরানবনি হায়না খুদম পীখি । মহাক্না সমাজকী ফৎতবশিংগী মায়োক্তশু খোলাও লাওখি হায়নামহাক্না মখা তাখি ।
মীওই খরনা জাতি অসিবু থুগায়নবা হোৎনরি অমসুং অসিগুম্বা পোৎশকশিং অসিদা লৈবাক অসিগী নহাশিংনামতিকচাবা পাওখুম পীরি হায়না প্রধানমন্ত্রীনা হায়খি । ঐখোয়গী নহাশিংবু কৈদৌনুংদা লান্না লমজিংলোইদবনিহায়না প্রধানমন্ত্রীনা মখা তাখি । স্বচ্ছ ভারত মিশনবু অৱাংবা থাক্তা পুখৎখিবা অসি ভারতকী নহারোলশিংননিহায়না প্রধানমন্ত্রীনা হায়খি । ভারত অসি তোঙান তোঙানবা লাইনিংবশিং, লম্বোইবশিংগী ময়ুম ওইরি মখোয়নাসমাজকীদমক থবক তৌরম্মী অমসুং মসিবু চুমথোকখি হায়না মহাক্না মখা তাখি ।
সেবাগী ৱাখল্লোন অসি ঐখোয়গী কলচরগী শরুক অমনি হায়না প্রধানমন্ত্রীনা হায়খি । কৎথোকপগা লোইননাসমাজকীদমক থবক তৌবা মীওই অমসুং লুপ কয়া অমা ভারত পুম্বদা লৈরি হায়না মহাক্না মখা তাখি ।প্রধানমন্ত্রীনা ঐখোয়গী লৈবাক অসিবু ওদিএফ ওইহন্নবা মায়কৈদা থবক তৌরিবা পুম্নমকপু পুক্নিং থৌগৎখি ।
Click here to read PM's speech at Gautam Buddha University in Noida
