খুরুমজরি!
‘মন কী বাত’কী মতেংদগী ময়ামগা উনজবগী খুদোংচাবা অদু অমুক্কা হন্না ফংজরে। ঈশিং লান্মীগী নুপী কমান্দর ৬না হৌখিবা থা কয়ামরুমদগী সমুদ্র কোইবা অদু ময়াম পুম্নমক্না খঙবীরমগনি। ‘নবিকা সাগর পরিক্রমা’ – মসিগী মরমদা ঐহাক ৱাফম খরদং ফোংদোকচগে। ভারতকী ইচানুপী ৬ অসিনা, মখোয়গী তীম্না সমুদ্রদা আই.এন.এস.ভি. তারিনীদা তোংদুনা নুমিৎ ২৫০ চুপ্না মালেম পুম্বা কোইরুরবা তুংদা মে ২১দা ভারত্তা হল্লক্লে। অমসুং লৈবাক পুম্বনা মখোয়বু হরাও–তয়াম্না ওকখি। মখোয়না তোঙান তোঙানবা মহাসাগর অমদি সমুদ্র কয়া লান্দুনা চাউরাক্না নৌতিকেল মাইল লিশিং ২২রোম লাপ্না কোইরুরে। মসি মালেমদা অহানবা ওইনা থোকপা থৌদোক্নি। হৌখিবা য়ুমশকৈশা নুমিত্তা ইচানুপীশিং অসিগা উন্নদুনা ৱারী শানবগী খুদোংচাবা ঐ ফংজখি। ইচানুপীশিং অসিগী থৌনা ফবগী খোংচৎ, ঈশিং লান্মীগী মিংচৎ হেনগৎহন্নবগী তাঞ্জা, ভারতপু মীয়াম্না ইকাই খুম্নবা হেনগৎনবগী তাঞ্জা, থোইদোক হেন্দোক্না মালেমদা ভারতকী ইচানুপীশিং অসি কনাদগীসু তাদে হায়বা পাউজেল অসি মীয়ামদা য়ৌহনবীবগীদমক্তা হন্না হন্না থাগৎপা ফোংদোকচরি। থৌনা ফনা অনৌবা মফম থিদোকপগী খোংচৎ অসি খঙদবা মী লৈতে। করিগুম্বা ঐখোয়না মীওইবা খুন্নাইগী হৌরকপগী খোংচৎ য়েংলুবদা উবা ফংলিবা অসি অসিগুম্বা থৌবা ফনা অনৌবা মফম থিদোকপগী ৱারী অসিতনি। করিগুম্বা খরা পাংথোক্নীংবগী ৱাখল, ময়াম্না চৎনরিবা লম্বীদগী হেন্দোক্লগা অনৌবা লম্বী অমা শেম্বগী ৱাখল, থোইদোক্না ময়াম্না তৌনদবা থবক তৌবগী ৱাফম, ঐসু করিগুম্বা খরা তৌবা ঙম্মি হায়না উৎনীংবগী ৱাখল, উৎপা ঙম্বা মীওই অসি মশিং য়ামদে অদুবু মখোয় খরা অসি চহি চা কয়া কয়া ফাওবা মীওই কোতি কোতিনা ইথিল পোক্নফম ওইদুনা লৈহৌরগনি। হৌখিবা নুমিৎ খরা অসিদা মাউন্ত এভরেস্ত কাবগী মরমদা খন্ন–নৈনবা অনৌ অনৌবা ৱাফম কয়া লাক্লি অমসুং চহি চা কয়াদগী এভরেস্তনা মীওইবা খুন্নাইবু শিংনদুনা লাক্লি অমসুং থৌনা ফরবা মীওই কয়ানা শিংনবা অসিবু মায়োক্নরি, মায়োক্নদুনা লাক্লি।
মেগী ১৬তা মহারাষ্ট্রগী চন্দ্রপুরগী আশ্রম–স্কুলগী ত্রাইবেল মহৈরোই ৫ – মনীষা ধুর্বে, প্রমেশ আলে, উমাকান্ত মদবী, কবিদাস কাতমোরে, বিকাস সোয়ামগী তীম্না মালেমগী খ্বাইদগী ৱাংবা চীংদোল অসি কাখি। আশ্রম–স্কুলগী মহৈরোইশিং অসিনা ২০১৭কী ওগস্তগী ত্রেনীং হৌখি। ৱর্ধা, হাইদ্রবাদ, দার্জিলিং, লেহ, লদ্দাখতা মখোয়গী ত্রেনীং তৌখি। নহারোলশিং অসি মিশন সৌর্য়গীদমক্তা খনখিবনি অমসুং মমিংগা চান্ননা এভরেস্তপু ঙমদুনা লৈবাক অপুনববু মাই পাকহল্লে। ঐনা চন্দ্রপুরগী স্কুলগী মীওইশিং অমদি ঐগী পীক্লিবা মরূপশিং অসিবু হন্না হন্না নুংঙাইবা ফোংদোকচরি। হন্দক্তা চহি ১৬ খক্তা ঙাইরিবী শিবাংগী পাথকনা নেপাল্লোমদগী এভরেস্তপু ঙমখিবী খ্বাইদগী চহি নৌরিবী ভারতকী নুপী ওইরে। ইচানুপী শিবাংগীবু হন্না হন্না নুংঙাইবা ফোংদোকচরি।
অজীত বজাজ অমদি মহাক্কী মচানুপী দীয়ানা এভরেস্তা পুন্না কামিন্নখিবা অহানবা মপা মচা ওইরে। নহা খক্তনা এভরেস্ত কাখিবা নত্তে। সঙ্গীতা বহলনা মে ১৯দা এভরেস্ত কাবা ঙমখি, মহাক চহি ৫০ হেল্লবীনি। এভরেস্ত কাখিবা মীওইশিং অসিনা মখোয় অসি চীং কাবগী লমদা হৈথোই–শিংথোইবতা নত্তনা য়াম্না খঙগনবসু ওই হায়বদু উৎলি। নুমিৎ খরনিগী মমাংদা ‘স্বচ্ছ গঙ্গা মিশন’গী মনুং চন্না বি.এস.এফ.কী কাংবু অমনা এভরেস্ত কাখি, মখোয়গী তীম অদুনা এভরেস্তগী অমোৎ অকাই কয়া মখাদা পুথরকখি। মশি য়াম্না শিংথানীংঙাই ওইবা থবক্নি, লোইননা লুবা–নানবা অমদি অকোইবগী ফিভম্বু ঙাকপদা মখোয়গী অচৌবা থৌদাং অদু উৎখি। চহি কয়াগী মমাংদগী মীওই কয়ানা এভরেস্ত কাদুনা লাক্লি, মখোয়গী মরক্তগী খরদি মাই পাকখি, অদুগুম্বা থৌনা ফবা ইচা নুপীশিং অদুবু ঐহাক্না হন্না হন্না নুংঙাইবা ফোংদোকচরি।
ঐগী নুংশিজরবা ইরৈবাকচাশিং মরু ওইনা ঐগী নহা ওইরিবা মরূপশিং! থা অনিগী মমাংদা ঐহাক্না ফিৎ ইন্দিয়াগী মরমদা ঙাংখি, মদুগী অফবা পাউখুম অসুক য়াম্না লাক্কনি হায়বসি ঐহাক থাজরুদে। মশিং য়ামখ্রবা মীয়াম্না মসিবু শৌগৎতুনা মাংজিল থারক্লি। ফিৎ ইন্দিয়াগী মতাংদা ঐনা খনজবদি ঐখোয়না শান্নরিবমখৈ লৈবাক অসিনা শান্নখিগনি। সোসিয়েল মীদিয়াদা মীয়াম্না ফিৎনেস চেলেঞ্জগী ভিদিওশিংদা মখোয় মশেল তেগ তৌনদুনা শিংনরি। ফিৎ ইন্দিয়াগী খোংজং অসিদা মীয়াম্না শরুক য়ানরি। ফিল্ম, শান্ন–খোৎনবা মীচম মীয়াম, লান্মী, স্কুলগী ওজা পুম্নমক্না শরুক য়াদুনা খোঞ্জেল হৌনা লাওরি – “ঐ ফিৎ ওইরবদি ভারতসু ফিৎ ওইগনি”। য়াম্না নুংঙাইরিবা ৱাফম অমদি ভারত ক্রিকেৎ তীমগী কেপ্তেন বিরাত কোহলীজীনা ঐবু শিংনরকই, ঐনা মহাক্কী শিংনবা অদু য়াজরে। মসি য়াম্না ফবা থবক অমনি হায়না ঐনা লৌজৈ, অমসুং অসিগুম্বা মখলগী শিংনবা অসিনা ঐখোয়বু ফিৎ লৈনবা অমদি অতোপ্পবুসু ফিৎ লৈহনবদা পুক্নীং থৌগৎলি।
ঐগী নুংশিজরবা ইরৈবাকচাশিং! ‘মন কী বাত’তা শান্ন–খোৎনবগী মতাংদা, শান্নরোইশিংগী মতাংদা ঐ য়াম্না ঙাংজখ্রে অমসুং হৌখিবা কমন ৱেল্থ গেম্সতা শান্নরোই ওইখিবী অমনা অসুম্না হায়বীরকই –
“সারবু খুরুমজরি! ঐ নোয়দাদগী ছবী য়াদবনি, ঐ অদোমগী মন কী বাত চাং নাইনা তাজবা মীশক্নি অমসুং ঙসি ঐহাক অদোমদা ঐগী পুক্নীংগী ৱাফম খরা ফোংদোকচবা পামজৈ। কালেন শুতি থাবা হৌরে, মমা অমা ওইনা ঐনা হায়জনীংবদি অঙাংশিংনা অয়াম্বা মতমদা ইন্তর্নেৎ গেম শান্নদুনা অয়াম্বা মতম লেল্লি, ঐখোয়না অঙাং ওইরিঙৈদদি মপান্দনা অয়াম্বা শান্নৈ। মশান্না অমা য়াওই মদুদা নুং মচা তরেৎখক লোনখৎনরগা মদুদা বোল অমনা থোমদুনা শান্নৈ, খো খোসু শান্নৈ। অদুবু হৌজিক্তি মদু মাংখ্রবগুম্লে। ঐনা হায়জনীংবদি হৌজিক্কী মীরোলশিং অসিদা মহৌশাদগী শান্নরকপা মশান্না খরগী মতাংদা হায়বীয়ু। অদু ওইরবদি মখোয় খরা পাম্লকপসু য়াই। থাগৎচরি।”
ছবী য়াদবজী, ফোন তৌবীরকপগীদমক অদোম্বু থাগৎচরি। অশেংবমক্নি, মমাংঙৈদা লৈরক–খুল্লক্তা অঙাংশিংনা শান্নরম্বা মশান্নশিং অদু হৌজিক্তি য়াম্না হন্থরে। মশান্নশিং অসি থোইদোক্না কালেন শুতিগা থানবা য়াদ্রবা শরুক অমা ওইরম্মি। নুংথিলগী মতমদা নত্রগনা নুমিদাং চাক চাবা তোক্লবা মতুংদা অফা–অপুন অমত্তা য়াওদনা য়াম্না নুংঙাইনা শান্নৈ। মশান্না খরদি ইমুং পুম্বগা লোইননা শান্নমিন্নবসু য়াওই। পিৎথু নত্রগা কঞ্চে, খো খো, খুং উংবী নত্রগা চৈতেক–কোৎপী … মশিং য়ামখ্রবা মশান্ননি। মসি কশ্মীরদগী কন্যরুমারী, কচ্ছদগী কামরূপ ফাওবা মমিং তোঙাল্লবসু অঙাং পুম্নমক্না শান্নবা মশান্ননি। মফম মান্নদবগী লোন খেন্নবনা মরম ওইদুনা তোঙান তোঙানবা মমিং কৌনবগী ৱানি। শম্না হায়রবদা পিৎথু হায়রিবা মশান্না অসি তোঙান তোঙানবা মফমগী তোঙান তোঙানবা মমিং কৌনৈ। কনানা মসিবু লাগোরী, সাতোলিয়া, নুং তরেৎ, দিকোরী, সতোদিয়া অসুম্না মশান্না অমা খক্তংদা তোঙানবা মমিং কয়া থোল্লি। থাইনগী মশান্নশিং অসিদা মখল অনি হায়বদি মনুংগী মশান্না অমদি মপানগী মশান্না খাইদোকই। ঐখোয়গী লৈবাক অসিগী খেন্নবা শক্তম মশান্নশিং অসিদা উবা ফংই। মশান্না অমখক্তংবু তোঙানবা মফমশিংদা তোঙানবা মমিংদা খঙনৈ। ঐ গুজরাত্তগীনি মফম অদুদা মশান্না অমা লৈ মদু চোমল–ইস্তো কৌই। ফিৎ ৮x৮গী স্ক্বার বোর্দ অমদা মঙ্গে মরু নত্রগা লিকোন নত্রগা দাইসনা লংদুনা শান্নৈ। মশান্না অসি লৈবাক অসিগী রাজ্য খুদিংমক্তা শান্নৈ। কর্নাতক্তনা চৌকাবারা, মধ্যপ্রদেশতনা অত্তু কৌই। কেরলদনা পকীরাকালী অদুগা মহারাষ্ট্রদনা তম্পল, তমিলনাদুদনা দায়াম অমসুং শ্যাম, রাজস্থান্দনা চংগাপো কৌই। অদুবু শান্নরুরগদি লোন খেন্নবনা মমিং খেন্নবনি – এহ! মসিদি ঐখোয়সু শান্নৈনা, হায়না অদুম হায়নৈ। অঙাং ওইরিঙৈদা চৈতেক কোৎপী শান্নরক্তবা কনা য়াওবগে। মসি খুঙ্গংদগীনা শহর ফাওবা শান্নবা মশান্ননি। লৈবাক অসিগী তোঙান তোঙানবা মফমশিংদা তোঙান তোঙানবা মমিং কৌনৈ। আনধ্র প্রদেশতা মসিবু গোতিবিল্লা নত্রগা কর্রবিল্লা হায়না খঙনৈ। উরিসাদা মসি গুলিবারী হায়না কৌই, মহারাষ্ট্রদা বিত্তিদালু কৌই। ময়াম্নসু উবীরমগনি ইকাই থিগনবা অঙাংশিংসু শান্নবা মতমদদি য়াম্না ঙাওশিন্নৈ। মতম অদুদা মখোয় মশাগী অশেংবা শক্তম অদু উৎথোকচরকই। অহলশিংসু অদুমঙাই, হেক য়েংবদদি য়াম্না চীং–লেম্বা মাল্লগা শান্নরকপা মতমদদি মখোয়দা য়াওরিবা অঙাং ওইবগী মতৌ অদু মথন্তা উৎথোকচরকই। থাইনগী মশান্নশিংদা হকচাং শাজেন্তা নত্তনা ঐখোয়গী ৱাখল খলহনবা ঙম্বগী শক্তি পুক্নীং চংবা মীৎ–নাশিংবা অমসুং শরিৎ–শরাৎ হৈবা অসিনচীংবা হেনগৎহল্লি। লোইননা শান্নবতা নত্তনা পুন্সিগী মমলসু খঙহল্লি। পান্দম লেপ্পা, পুক্নীং চংবা, অপুনবগী ৱাখল খলহনবা, অমগা–অমগা মতেং পাংনবা অসিনচীংবা তম্বি। হন্দক্তা ব্যুজিনেস মেনেজমেন্তকা মরি লৈননা পংথোকপা ত্রেনিং প্রোগ্রামশিংদা ওভরওল দিবেলপমেন্ত পার্সোনেলিতী অমদি ইন্তর্পাসোনেল স্কিল হেনগৎহন্নবগীদমক্তা ঐখোয়গী থাইনগী মশান্নশিং অসি শিজিন্নবা থেংনৈ। মসিনা ওভরওল দিবেলপমেন্তা য়াম্না লাইনা মতেং পাংবা ঙম্মি লোইননা শান্নবগী চহি হায়বা অমা তোঙান্না লৈতে। অঙাং মচাদগী হৌরগা মপু–মবেন পুন্না শান্নমিন্নরবদি জেনরেসন গেব হায়বদু লৈররোই লোইননা ঐখোয়গী চৎনবী হৌন–লোনচৎ পুম্নমক খঙমিন্নগনি। মশান্না খরদি ঐখোয়গী খুন্নাই অমদি অকোইবগী ফিভম্বু ঙাকপদা মতেং পাংলি। ঐখোয়গী মশান্নশিং অসি মাংখিবতা নত্তনা ঐখোয়গী অঙাং ওইরিঙৈগী পুন্সিসু মাংখিদুনা শৈরেং ওইনা তাদুনা লৈহৌরগদরা হায়না পাখৎতবা ঙমদে।
লন–থুম অসিসু লৌরো
মিংচৎ অসিসু লৌরো
নহা ওইবগী মতম অসিসু মুনখ্রো
অদুবু ঐঙোন্দা হনবীরকউ অঙাং ওইরিঙৈগী নোংজু থা
অদুঙৈগী চেগী হি, অদুঙৈগী নোংগী ঈশিং
ঈশৈ অসি ওইনা তাদুনা লৈহৌরগনি মরম অদুনা থাইনগী মশান্নশিং অসিবু মাংহন্দনবা স্কুল, লৈকাই, নহাগী লুপশিংনা চোংথোকপীরক্তুনা মসি য়োকখৎসি। ক্রাউদ সোর্সিংগী মতেংনা ঐখোয়গী থাইনগী মশান্নশিং অসিগী অচৌবা আর্কাইব অমা শেমবা য়াই। মশান্নশিং অসিগী ভিদিও শেমদুনা চৎন–কাংলোনশিংবু উৎপা য়াই। এনিমেসন ফিল্ম শেমদুনা লৈরক্তা শান্নরম্মি হায়বদা অঙকপা ফাওজরিবা ঐখোয়গী মীরোল অসিবু য়েংহনবা তঙাইফদে। অদুম তৌরবদি মখোয়না য়েংগনি,শান্নগনি অমদি নুংঙাইবা ফাওগনি।
ঐগী নুংশিজরবা ইরৈবাকচাশিং! লাক্লিবা জুন ৫দা পাংথোক্কদৌরিবা ৱার্ল্দ এনভাইরনমেন্ত দে সেলেব্রেসন অসি ভারতনা য়ুম্বু ওইগনি। মসি ভারতকী য়াম্না মরু ওইবা মাই পাকপা অমনি। মসি ঈশিং নুংশিৎ হোংহনবা হন্থহন্নবগী লমদা ভারতনা মাংজিল থারি হায়বসিগী খুদম্নি। হন্দক্কী থীমদি ‘বীৎ প্লাস্তিক পোলুসন’ হায়বসিনি। ঐনা অদোমদা হায়জরি মদুদি থীম অসিগী ৱাখল্লোন অমদি মসিগী মরু ওইবা অদুবু খঙবগা লোইননা ঐখোয় পুম্নমক্না পোলিথিন, হন্থবা থাক্কী প্লাস্তিক শিজিন্নরগুমসি। প্লাস্তিক পোলুসন্না মহৌশিগী ফিভমদা, ৱাইল্দ লাইফতা, অমদি ঐখোয়গী হকচাংদা ফত্তবা মমি তাহল্লিবা অসি হন্থহন্ননবা হোৎনরসি। ৱাল্দ ইনভাইরনমেন্ত দেগী ৱেবসাইৎ ৱেদ–ইন্দিয়া ২০১৮দা চংদুনা মদুদা পুক্নীং নুংঙাইবা মওংদা য়াওরিবা কান্নবা ৱাফমশিং অদু খঙমিন্নসি। অমসুং ঐখোয়গী নুংতিগী পুন্সিদা পান্সিন্ননবা হোৎনরসি। য়াম্না শাবা মতমদা নোং লেপ্তনা চুবা মতম ইচাউ থোকপা মতমদা কা হেন্না ইংবা মতমদা ঐখোয় পুম্নমক হৈথোই–শিংথোইরবা অমগুম গ্লোবেল ৱার্মিং অমসুং ক্লাইমেৎ চেঞ্জগী মরমদা ৱা ঙাংই। অদুবু ঙাংবা খক্তনা য়ারবরা? মহৌশাগী অকোইবগী ফিভম্বু খঙবা মসিবু ঙাক–শেনবা হায়বা অসি ঐখোয়গী লমচৎ ওইগদবনি, ঐখোয়গী ইনাৎ ওইগদবনি। হৌখিবা চয়োল খরা অসিদা ঐখোয়না মহৌশাগী ওইবা নত্তবদা লৈবাক অসিগী মফম খরদা উফুলগী নুংশিৎ শিৎপা অকনবা নুংশিৎকা লোইনা অকনবা নোং চুবা থেংনখ্রে। থৱাই অমদি লন–থুমদা অমাং–অতা থোকখ্রে। মসি পুম্নমক অসি ঈশিং–নুংশিৎকী খোংচৎতা অওনবা লাকপননি। ঐখোয়গী ইনাৎ, ঐখোয়গী চৎন–লোনচৎনা মহৌশাগা মুক্নবা তম্বীরি। ঐখোয়না মহৌশাগা লোইননা অফবা, অচেৎপা মরি থমগদবনি। মহাত্মা গান্ধীনা পুন্সিগী খোংথাং খুদিংদা ৱাফম অসিবু শৌগৎতুনা হায়রম্মি। ঙসিদি ভারতনা ক্লাইমেৎ জস্তিসকী মতাংদা ৱা ঙাংলি। ভারতনা কোপ২১ অমসুং পেরিস এগ্রিমেন্তকী মতমদা মরু ওইবা থৌদাং লৌখিবা মতম অমদি ইন্তর্নেস্নেল সোলর এলাইন্সকী মতেংনা মালেম পুম্ববু অমত্তা ওইনা পুন্সিনবা পুম্নমক অসিগী নুংদা মহাত্মা গান্ধীগী মংলান অসিবু মপুং ফাহনবগী ৱাখল্লোন অদুনি। ইনভাইরনমেন্ত দে পাংথোকপা মতমদা ঐখোয় পুম্নমক্না খনগদবদি ঐখোয়না ঐখোয়গী প্লানেৎ অসিবু লু–নান্না অমদি ইশং–শংনা থম্নবগীদমক করি তৌবা য়াই হায়বসিনি। মতৌ করম্না মাইকৈ অসোমদা চংশিনগদগে হায়বা অসিনি। করি ইনোবেতিব তৌবা য়াই? নোংজু থা লাক্কদৌরে, ঐখোয়না উ থাবগী পান্দম থম্বা য়াই। শুপ্নগী উ থাবা খক নত্তে মখোয়না চাউদ্রি ফাওবা মখোয়বু ঙাক–শেন্নবা হোৎনগদবনি।
ঐগী নুংশিজরবা ইরৈবাকচাশিং অমসুং থোই–দোক হেন্দোক্না ঐগী নহা ওইরিবা মরূপশিং! নখোয়না জুন ২১বু মতম পুম্বদা নীংশিংলি। অদোম খক্তা নত্তে, ঐ খক্তা নত্তে তাইবং পুম্বনা জুন ২১বু নীংশিংলি। মালেম পুম্বনা জুন ২১ অসি মালেমগী য়োগগী নুমিৎ হায়না পাংথোক্নৈ। মালেম পুম্বনা কুমওন অসি পাংথোক্ননবগীদমক য়াম্না চাউনা শেম–শারি হায়বগী পাউসু ফংলে। হৌখিবা চহি খরা অসিদা মীপুম খুদিংমক্তা ফাওখিবদি য়োগ ফোর য়ুনিতী অমসুং হার্মোনিয়স সোসাইতী হায়বা পাউজেল অসিনি। চহি চা কয়াগী মমাংদা সংস্কৃৎকী অফাওবা কবি ভর্তৃহরিনা শতকত্রয়্মদা ইবীরম্মি –
ধৈর্য়ং য়স্য পিতা ক্ষমা চ জননী শান্তিশিচরং গেহিনী
সত্যং সূনুরয়ং দয়া চ ভগিনী ভ্রাতা মনঃ সংয়মঃ।
শয়্যা ভুমিতলং দিশোSপি বসনং জ্ঞানামৃতং ভোজনং
এতে য়স্য কুতিম্বিনঃ বদ সখে কস্মাদ্ ভয়ং য়োগিনঃ॥
চহি চা কয়াগী মমাংদা হায়রম্বা ৱাফম অসিগী ৱাহন্থোক্তি, চাং নাইনা য়োগ তৌবনা অফবা গুন খরদি ঐগী মরি–মতা অমদি মরূপ–মপাংগী মতৌগুম ওই হায়বা অসিনি। য়োগ তৌবনা ঐখোয়দা থৌনা হাপ্পি অমসুং ঐখোয়বু ইপাগী মতৌগুম্না ঙাক–শেনবী। মমানা মচাশিংগী মফমদা উৎপা মতৌগুম ঙাকপীবগী ৱাখল্লোন ফাওহল্লি। পুক্নীং ইং–তপ্পা হায়বসিনা ঐখোয়গী লেংদ্রবা মরূপ ওই। ভর্তৃহরিনা হায়বীরম্মি মদুদি চাং নাইনা য়োগ তৌবনা, অচুম্বা হায়বা অসিনা ঐখোয়গী ইচা, মীনুংশিনা ঐখোয়গী ইচে–ইচল, পুক্নীংবু খুদুম চনবনা ঐখোয়গী ইবুং–ইপ্বা, মালেম লৈমনা ঐখোয়গী ফমুং অমসুং লৌশিংনা ঐখোয়গী অরাম্বা কোহনবা ওই। অসুক য়াম্বা গুনশিং অসিনা মরু ওইরবদি য়োগদি মখল খুদিংমক্কী অকিবা পুম্নমক মাইথিবা পীবা ঙম্বা তাবনি। অমুক্কা হন্না ঐনা ঐগী ইরৈবাকচাশিংদা হায়জরি মদুদি লিশাং শিৎনা চৎথরক্লিবা য়োগগী চৎন–লোনচৎ অসিবু মাং লোমদা পুখৎসি অমসুং মশা–মউ ফবা নুংঙাই–য়াইফবা অমদি অফবা ৱাখল্লোন্না মপুং ওইবা লৈবাক অমা শেমগৎসি।
ঐগী নুংশিরবা ইরৈবাকচাশিং! ঙসি অসি মে ২৭নি। ভারতকী অহানবা প্রধান মন্ত্রী পন্দিৎ জৱহরলাল নেহরু লৈখিদবগী কুমওন নুমিৎনি। ঐনা পন্দিৎজীবু খুরুমজরি। মে থা অসি নীংশিংবা অসিদা বীর সাবরকরগসু মরি লৈনৈ। ১৮৫৭তা অংগ্রেজশিংদা ভারত মচাশিংনা মশাগী থৌনা উৎখিবদু মে থা অসিদনি। লৈবাক অসিগী মফম কয়াদা ঐখোয়গী জৱান অমসুং লৌমীশিংনা মশাগী থৌনা উৎতুনা অরানবগী মায়োক্তা হৌখিবা ইহৌনি। নুংঙাইত্রিবদি ঐখোয়না অসুক কুইবা অসি ১৮৫৭কী থৌদোকপু শুপ্নতগী শিফাই লালহৌ ওইনা উবা অসিনি। অশেংবদি থৌদোক অসিবু মীৎয়েং হন্থনা য়েংবতা নত্তনা ঐখোয়গী ইশাগী চাউথোকচববু চৈথেং পীননবা হোৎনজবনি। বীর সাবরকর খক্তনদি অকিবা লৈতনা ইখি মদুদি ১৮৫৭কী থৌদোক অদু ইচম চম্বা লালহৌ নত্তে নীং খা তম্বগী অহানবা লাঞ্জংনি। সাবরকরগা লোইননা লন্দনগী ইন্দিয়া হাউসকী অথৌবশিংগা লোইনা থৌদোক অসিগী চহি ৫০শুবা কুমওন য়াম্না চাউনা পাংথোকখি। মসি অঙকপা চান্নবা অমসুনি মদুদি নীং তম্বগী অহানবা লালহৌ হৌখিবা থা অসি বীর সবরকরগী মপোক থাসুনি। সাবরকর অসি খুৎশু–খুৎলাই অমসুং লাইরিক–লাইশুগী লম অনিমক্তা থোইদোক–হেন্দোক্না হৈ–শিংই। অয়াম্বনদি বীর সাবরকরবু মহাক্কী মতিক মথৌনা অমসুং ব্রিতিশ লৈঙাক্কী মায়োক্তা হৌখিবা ইহৌগীদমক খঙনৈ অদুবু মসিদা নত্তনা মহাক্তি অথোইবা কবি অমসুং খুন্নাইগী অওনবা পুরকপা মীশক্নি। সাবরকরজীগী মরমদা ইকাই খুম্নজনীংঙাই ওইরবা অতল বিহারী বাজপেয়ীজীনা হায়বীরম্মি সাবরকর হায়বদি মঙাল হায়বনি, কৎথোকপনি। অচেৎপা লাইনীংনি, তঙাইফদবা মচলনি। থোৎপ–নৌবনি, তেঞ্জৈনি অমদি থাংশাংনি। অতলজীনা কয়াদা চুম্না হায়বীরম্লিবা। সাবরকরদি শৈরেং অমসুং লালহৌ অনিমক পুন্না চৎমিন্নৈ। মীওইবগী ইহুল খঙবা কবি অমা ওইবতা নত্তনা মহাক্তি থৌনা ফবা লালহৌবা অমসুনি।
ঐগী নুংশিজরবা ইচিল ইনাওশিং! ঐনা তি.ভি.দা ৱারী অমখক উখি। রাজস্থানগী সীকর খুঙ্গংগী লাইরবী ইচানুপীশিংগীনি। ফত্ত–হাওদি থিবদগী হৌরগা য়ুমথোং খুদিং চাকনীবা চৎপী ইচানুপীশিং অদু ঙসিদি ফি–রোল তুবা তমদুনা লাইরবশিংগীদমক ফি তুরি। মফম অসিগী নুপী মচাশিংনা ঙসিদি মশাগী অমদি ইমুং মনুংগীতা নত্তনা ইচম চম্বদগী হৌরগা ফজবা ফিজোল ফাওবা তুরি। মসিগা লোইননা স্কিল দিবেলপমেন্তকী কোর্সশিং তৌরি। ঙসিদি নুপী মচাশিং অসি মরোমদোম লেপচবা ঙম্লে। ইকাই খুম্নবা পুন্সিদা হিংলি অমসুং মখোয় মখোয়গী ইমুং–মনুংগী পাঙ্গলসু ওইরে। ঐনা অনীংবা অমসুং থাজবগা লোইননা নুপী মচাশিং অসিগী মঙাল নাইবা তুংগী পুন্সি অমগীদমক য়াইফ–মঙ্গল পীজরি। করিগুম্বা খরা তৌগে হায়বগী ইখৌ লাংবা অমসুং অচেৎপা ফিরেপ লৈরবদি খুদোং থিবা কয়াগী মরক্তসু মাই পাকপা ঙম্মি হায়বসি মখোয়না উৎলে। মসি সীকর খক্তগী নত্তে হিন্দুস্তানগী কাচিন অমদা হেক্তা উবা ফংগনি। করিগুম্বা অদোম্না য়ুমলোন–কৈরোন্নবদা মীৎয়েং থম্লবদি মখোয়না মতৌ করম্না খুদোং থিবা কয়াবু মাইথিবা পীবগে হায়বদু উবা ফংগনি। ঐখোয়না চাগী দুকান্দা চা থকপা মতমদা চাগী মহাও লৌবতা নত্তনা হিরম কয়াগী মরমদা ঙাংন–শক্নবা অমদি নৈনবা তত্তনা থেংনৈ। নৈনবা অসি রাজনীতি, খুন্নাই, সিনেমা, দ্রমা, শান্ন–খোৎনবা অমদি লৈবাক্কী ওইবা ৱাফম কয়া ওইবা য়াই। অদুবু অয়াম্বা মতমদা মসি নৈনবা খক্তনি। অদুবু অখাং কনবগা লোইননা অচুম্বা লম্বীদা থবক পাংথোক্নবা চংশিনবা মীওইসু লৈ। অতোপ্পগী মংলানবু মশাগী ওন্থোক্তুনা মদুবু মপুং ফাননবা হোৎনবদা মশা ফাওবা কাওথোকপগী ৱারী উরিসাগী কতক শহরগী খাংপোকশঙ অমদা লৈবা দি. প্রকাশ রাওগী ৱারীনি। ঙরাংতা ঐগা দি. প্রকাশ রাওগা উনবগী তাঞ্জা অমা ফংখি। শ্রীমান দি. প্রকাশ রাও চহি ৫০ রোমদগী শহরদা চা য়োল্লক্লম্মি। ইচম চম্বা চা য়োনবা মীশক্নি, অদোম্না ঙকপীগনি মদুদি মহাক্না অঙাং ৭০দগী হেনবগী পুন্সিদা মহৈগী মঙাল পীরি। মহাক্না খাংপোকশঙশিংদা লৈবা অঙাংশিংগীদমক্তা ‘আশা আশ্বাসন’ কৌবা স্কুল অমা লিংখৎখি। মদুদা লাইরবা চা য়োনবা মীশক অসিনা চা য়োনবদগী ফংলকপা শেনফমদগী ৫০% শিজিন্নৈ। মহাক্না স্কুলগী অঙাংশিং অসিগী মহৈ–মশিং, হকশেল অমদি চান–থক্ননবশিং য়েংশিল্লি। দি.প্রকাশ রাওগী হোৎনবা কনবা, নীংহন্নদবা অমসুং লাইরবা অঙাংশিংবু অনৌবা মাইকৈ অমদা পুবীবগীদমক ঐনা মহাকপু থাগৎপা ফোংদোকচরি।
জুনগী থা অসি অসুক্কী মতিক শাবনা মরম ওইদুনা মীপুম খুদিংমক্না নোংবু খৌরাংনা ঙাইনরি মতম খরগী তুংদা মীয়াম্না থাবু ঙাইনগনি। থা উবা হায়বদি ইদ পাংথোকপা য়ারে হায়বনি। থা অমগী রমজানগী চাকহেন থা লোইরবা মতুংদা ইদকী কুম্মৈ অসি হরাও–নুংঙাইবা হৌরকপগী খুদম্নি। ঐনা থাজৈ মদুদি পুম্নমক্না হরাও–তয়াম্না ইদ পাংথোক্কনি। কুম্মৈ অসিদা মরু ওইনা অঙাংশিংনা অফবা ইদী ফংগনি। ঐনা থাজৈ মদুদি ইদকী কুম্মৈনা খুন্নাইদা অফবা ৱাখল্লোনগী লীপুন অসি অমুক্কা হেন্না চেৎশিলহল্লগনি। পুম্নমকপু হন্না হন্না য়াইফ–পাউজেল পীজরি।
ঐগী নুংশিজরবা ইরৈবাকচাশিং! অদোম্বু হন্ন হন্না থাগৎচরি। মথংগী থাদা অমুক্কা হন্না ‘মন কী বাত’তা উনরসি।
খুরুমজরি।
#MannKiBaat has begun. PM @narendramodi congratulates the team of INSV Tarini. https://t.co/mpVak6uxrs pic.twitter.com/1EgbnzKRaW
— PMO India (@PMOIndia) May 27, 2018
Sense of adventure कौन नहीं जानता है | अगर हम मानव जाति की विकास यात्रा देखें तो किसी-न-किसी adventure की कोख में ही प्रगति पैदा हुई है | विकास adventure की गोद में ही तो जन्म लेता है: PM @narendramodi #MannKiBaat https://t.co/mpVak6uxrs
— PMO India (@PMOIndia) May 27, 2018
A sense of adventure inspires people to do great things. In the recent weeks, several people scaled Everest and made us proud. #MannKiBaat https://t.co/mpVak6uxrs pic.twitter.com/CovuN308Cm
— PMO India (@PMOIndia) May 27, 2018
PM @narendramodi lauds 5 tribal students from Chandrapur, Maharashtra, Ajeet and Deeya Bajaj, Sangeeta Bahl and a BSF contingent for scaling Everest. BSF contingent also brought back dirt that had accumulated in the mountains. #MannKiBaat https://t.co/Os1tozKZZ5
— PMO India (@PMOIndia) May 27, 2018
There is great awareness towards Fitness. Everyone is saying #HumFitTohIndiaFit. #MannKiBaat pic.twitter.com/DS6KcVxs04
— PMO India (@PMOIndia) May 27, 2018
During today's #MannKiBaat PM @narendramodi is talking about traditional games. Hear. https://t.co/mpVak6uxrs
— PMO India (@PMOIndia) May 27, 2018
Devote this summer to playing traditional games of India. #MannKiBaat pic.twitter.com/Y334e6gcfF
— PMO India (@PMOIndia) May 27, 2018
Youngsters can beautifully express themselves through sports. #MannKiBaat pic.twitter.com/yt6a1lpihF
— PMO India (@PMOIndia) May 27, 2018
Our traditional games also enhance logical thinking. #MannKiBaat pic.twitter.com/xxTrUf6hl8
— PMO India (@PMOIndia) May 27, 2018
We must not forget our heritage. Through crowd sourcing, let us make archives of our traditional sports. The youngster generation will gain through this. #MannKiBaat pic.twitter.com/NwVw6Hce6e
— PMO India (@PMOIndia) May 27, 2018
India is delighted to host this year's World Environment Day programme. It is our duty to live in harmony with nature. #MannKiBaat pic.twitter.com/LLEQtAuVO3
— PMO India (@PMOIndia) May 27, 2018
In the last few weeks we saw what happens due to unusual weather patterns.
— PMO India (@PMOIndia) May 27, 2018
India will do everything possible for a cleaner and greener tomorrow.
This time, let us focus on tree planting. #MannKiBaat pic.twitter.com/Fw8Nf82DIS
On 21st June we will mark the #4thYogaDay.
— PMO India (@PMOIndia) May 27, 2018
The world has seen the manner in which Yoga unites. We believe in Yoga for unity and Yoga for a harmonious society. #MannKiBaat pic.twitter.com/5LnUVhr6Bw
During #MannKiBaat, PM @narendramodi pays tributes to Pandit Nehru.
— PMO India (@PMOIndia) May 27, 2018
The month of May is associated with a historic event in 1857. While many preferred to call it only a Mutiny or a Sepoy Mutiny, it was Veer Savarkar who called it the First War of Independence. I pay my tributes to the great Veer Savarkar: PM @narendramodi #MannKiBaat
— PMO India (@PMOIndia) May 27, 2018
Remembering Veer Savarkar. #MannKiBaat pic.twitter.com/S5uYqsTlbI
— PMO India (@PMOIndia) May 27, 2018
Veer Savarkar was a prolific writer and social reformer. #MannKiBaat pic.twitter.com/RbhFpkXSNG
— PMO India (@PMOIndia) May 27, 2018
A wonderful description of Veer Savarkar by our beloved Atal Ji. #MannKiBaat pic.twitter.com/2eqaHu1GD9
— PMO India (@PMOIndia) May 27, 2018
अब से कुछ दिनों बाद लोग चाँद की भी प्रतीक्षा करेंगे | चाँद दिखाई देने का अर्थ यह है कि ईद मनाई जा सकती है | रमज़ान के दौरान एक महीने के उपवास के बाद ईद का पर्व जश्न की शुरुआत का प्रतीक है: PM @narendramodi #MannKiBaat
— PMO India (@PMOIndia) May 27, 2018
मुझे विश्वास है कि सभी लोग ईद को पूरे उत्साह से मनायेंगे | इस अवसर पर बच्चों को विशेष तौर पर अच्छी ईदी भी मिलेगी | आशा करता हूँ कि ईद का त्योहार हमारे समाज में सद्भाव के बंधन को और मज़बूती प्रदान करेगा | सबको बहुत-बहुत शुभकामनाएँ : PM @narendramodi #MannKiBaat
— PMO India (@PMOIndia) May 27, 2018
मैं टी.वी. पर एक कहानी देख रहा था | राजस्थान के सीकर की कच्ची बस्तियों की हमारी ग़रीब बेटियों की | हमारी ये बेटियाँ, जो कभी कचरा बीनने से लेकर घर-घर माँगने को मजबूर थीं - आज वें सिलाई का काम सीख कर ग़रीबों का तन ढ़कने के लिए कपड़े सिल रही हैं : PM @narendramodi
— PMO India (@PMOIndia) May 27, 2018
यहाँ की बेटियाँ, आज अपने और अपने परिवार के कपड़ों के अलावा सामान्य से लेकर अच्छे कपड़े तक सिल रही हैं | वे इसके साथ-साथ कौशल विकास का course भी कर रही हैं | हमारी ये बेटियाँ आज आत्मनिर्भर बनी हैं : PM @narendramodi
— PMO India (@PMOIndia) May 27, 2018
कल ही मुझे डी. प्रकाश राव से मिलने का सौभाग्य मिला। श्रीमान् डी. प्रकाश राव पिछले पाँच दशक से शहर में चाय बेच रहे हैं। एक मामूली सी चाय बेचने वाला, आज आप जानकर हैरान हो जाएँगे 70 से अधिक बच्चों के जीवन में शिक्षा का उजियारा भर रहा है : PM @narendramodi #MannKiBaat
— PMO India (@PMOIndia) May 27, 2018
मैं डी. प्रकाश राव की कड़ी मेहनत, उनकी लगन और उन ग़रीब बच्चों के जीवन को नई दिशा देने के लिए बहुत-बहुत बधाई देता हूँ : PM @narendramodi #MannKiBaat
— PMO India (@PMOIndia) May 27, 2018
