কিংদম ওফ মোরোক্কোগী মিনিস্ত্রী ওফ ইন্দস্ত্রী, ইনবেস্তমেন্ত, ত্রেদ এন্দ দিজিতেল ইকোনোমীদা ফোরেন ত্রেদকী সেক্রেতরী ওফ স্তেত ইন চার্জ, শ্রী রাকিয়া ইদ্দরহম্না প্রধান মন্ত্রী শ্রী নরেন্দ্র মোদীগা ঙসি উনখ্রে।
শ্রী রাকিয়া ইদ্দরহম্না মোরোক্কোগী নিংথৌ হিজ মেজেস্তীগী য়াইফ পাওজেল প্রধান মন্ত্রীগী মফমদা লানথোকখি। প্রধান মন্ত্রীনা হিজ মেজেস্তীগা লোয়ননা মমাংদা মহাক্কা উনখিবা অদু নৌহৌনা নিংশিংখি অমসুং হিজ মেজেস্তীগী মফমদা হকচাক ফনা য়াইফনা লৈনবা অমদি মোরোক্কোগী শান্তি অমসুং প্রজাশিংগী চাওখৎপা পুরক্নবা মহাক্কী ওইবা য়াইফ পাওজেল পীখি।
হৌখিবা চহীশিংদা লৈবাক অনিগী মরক্তা লেগেল এসিস্তেন্স, সাইবর সেক্যুরিতী অমসুং স্পেসতা তেংবাং পীনবা হেঙ্গৎলক্লিবা অদু শ্রী রাকিয়া ইদ্দরহম্না ফোংদোকখি। প্রধান মন্ত্রীনা লৈবাক অনিগী মরক্তা লৈরিবা পুৱারিগী অচেৎপা মরী অদুদা অপেনবা ফোংদোকখি অমসুং মখা তানা ম্যুচেল ইন্তরেস্তকী লমশিংদা লৈবাক অনিগী মরক্তা তেংবাং পীনবা লোয়ন লোয়ননা গুজরাত রাজ্যগা লোয়ননা মোরোক্কোগী ত্রেদ অমসুং ইনবেস্তমেন্তকী মরী হেঙ্গৎহন্নবা হোৎনরিবা অদু তরাম্না ওকখি।
