ঙসি ভিদিও কনফরেন্সিংগী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শানখ্রে। অকক্নবা মতম অমগী মনুংদা সরকারনা পায়খৎলিবা স্কিমশিংগী কান্নবশিং ফংফম থোকপা বেনিফিসরিশিংদা মপুংফানা য়ৌহন্নবা লৈবাক শীনবা থুংনা বিকসিত ভারত সংকল্প যাত্রা পাংথোক্লি।
জম্মু অমসুং কাস্মিরদগী বিকসিত ভারত সংকল্প যাত্রাগী বেনিফিসরি অমা, শঙ্গোম য়োনবী নাজিয়া নাজিরগা ৱারি শানবদা, প্রধান মন্ত্রীনা মহাক্কী ইমুং-মনুংগী মরমদা হংখি। মহাক্না পাউখুম পীখি মদুদি মহাক্কী মপুরোইবা ওতো থৌবা অমনি অমসুং মহাক্কী অঙাং অনিমক সরকারগী স্কুলদা তম্লি।
হৌখিবা চহিশিংগা চাংদম্নবদা মহাক্কী খুঙ্গংদা করি অহোংবা পুরকপা উরবগে হায়না প্রধান মন্ত্রীনা হংবদা, নাজিয়া নাজিরনা হায়খি মফম অমদা ঈশিং ফংবদগী অৱাবা লৈরম্বা অদু মখোয়গী য়ুমদা অফবা থক্নবা তোতি ঈশিং ফংদুনা অচৌবা অহোংবা অমা পুরক্লে। উজৱালা য়োজনাগী মখাদা গ্যস কন্নেক্সন ফংবা, সরকারগী স্কুলশিংদা লাইরিক তম্বা অমসুং অতোপ্পা চহি ৫ পি.এম.জি.কে.এ.ৱাই শাংদোকপগীদমক মহাক্না প্রধান মন্ত্রী থাগৎপা ফোঙদোকখি। মহাক্কী খুঙ্গংদা বিকসিত ভারত সংকল্প যাত্রা ভেন য়ৌরকপদা ফাওবা ৱাখল অমসুং কান্নবগী মতাংদা শ্রী মোদীনা হংখি। মহাক্না হায়খি কাস্মিরগী নাৎকা মরী লৈনবা শেংলবা থৌরমশিংগা লোয়ননা যাত্রা অসি মীয়াম্না তরাম্না ওকখি।
নাজিয়া নাজিরগা ৱারি শান্নবদা প্রধান মন্ত্রী মোদীনা নুংঙাইবা ফোঙদোকখি। মখোয়গী অঙাংশিং লাইরিক তমহনবদা সরকারগী কান্নবশিং ফংলিবা অমসুং লৈবাক অসি চাউখৎনবা অনিংবগা লোয়ননা মাঙলোমদা চঙশিল্লিবা কাস্মিরগী নুপীশিংগী শক্তিদা প্রধান মন্ত্রীনা থাজবা ফোঙদোকখি। প্রধান মন্ত্রীনা হায়খি অদোমগী থৱায় য়াওবা অসি ঐঙোন্দা থৌনাগী হৌরকফম অমনি। জম্মু অমসুং কাস্মিরদা বিকসিত ভারত সংকল্প যাত্রাগীদমক হরাওবা অসিনা লৈবাক্কী অতৈ মফমদা অফবা পাউজেল অমা পীরে। লৈবাক শীনবা থুংবগী মীয়াম চাউখৎপগী গারি তোংবদা মহাক্না অপেনবা ফোঙদোকখি অমসুং জম্মু অমসুং কাস্মিরগী মীয়ামগী মতেংগীদমক থাগৎপা ফোঙদোকখি।
