প্রধান মন্ত্রী শ্রী নরেন্দ্র মোদীনা ইন্দোনেসিয়াগী রাস্ত্রপতি ঐস.ই. মিস্তর জোকো ৱিদোদোগা ইতালীগী রোমদা পাঙথোকখৎবা জি২০ মীফম শরুক য়াবদা ওক্তোবর ৩১, ২০২১দা উনখ্রে।
প্রধান মন্ত্রী মোদীনা ইন্দোনেসিয়াগী মফমদা মথঙ চহিদা জি২০গী থৌবু ওইগদৌরিবা অদুগীদমক্তা নুংঙাইবা ফোঙদোকখি অমদি ত্রোইকাগী শরুক অমা ওইনা লৈবাক অদুগা ভারতনা পুন্না থবক তৌমিন্নবগী শেম শাদুনা লৈরি হায়বা ৱাফম থমখি।
লুচিংবা অনিনা হন্দক্তা পাঙথোকখিবা ইন্দিয়া-ইন্দোনেসিয়া কম্প্রিহেন্সিব স্ত্রেতেজিক পার্ত্নরসিপকী মরমদা খন্নখি। কোবিদ-১৯ লাইচৎ মনুংদা মপুং ফানা ঙাক্লৌ পীনখিবগীদমক্তা লুচিংবা অনিনা অমনা অমগী তৌবিমল খঙবা উৎনখি অমদি লাইচৎ মতুংদা হান্নগী ফীভমদা হঙ্গৎলক্নবগী থবক্তসু তেংবাংননবা য়ানখি। মখোয়না ইন্দো-পেসিফিক কোওপরেসনগী মরুওইবশিংসু নৈনখি।
লুচিংবা অনিমক্না নাকল অনিগী ওইবা লল্লোন ইতিক অমসুং লৈবাক অনিগী মরক্তা ইনভেস্তমেন্ত মপাঙ্গল কনখৎহন্নবা অমদি মীগা মীগগী মরক্তা হেন্না তোৎন-তিন্ননবগী লম্বী য়াৎনবগীদমক ফিরেপ ফোঙদোক্নখি।
অইং অশাগী খল কায়থরকপা, মরুওইনা ক্লাইমেত ফাইনান্স কম্মিতমেন্তকী থবক পায়খৎপগী মরুওইবগী মরমদসু খন্ন-নৈনখি।
PM @narendramodi met President @jokowi in Rome. Strong relations with Indonesia is a key part of India’s ‘Act East’ policy and ‘SAGAR’ vision. Ways to improve economic linkages and cultural cooperation figured prominently during the talks. pic.twitter.com/IP5ghJiTsQ
— PMO India (@PMOIndia) October 31, 2021
