Mann Ki Baat

ঐহাক্কী নুংশিরবা ইরৈবাকচাশিং খুরুমজরি। 'মন কী বাত'তা অদোম পুম্নমকপু তরাম্না ওকচরি… মীকুপ অসিদা অদোম পুম্নমক্না য়োগগী ইনর্জী অমসুং "ইন্তর্নেস্নেল য়োগ দে"গী নিংশিংবশিংনা থল্লি। চহি অসিগী জুন ২১দা লৈবাক শিনবা থুংনা অমসুং মালেম শিনবা থুংনা মীওই করোর কয়া অমা 'ইন্তর্নেস্নেল যোগ দে' অসিদা শরুক য়াখি। অদোম্না নীংশিংবীরিবরা, মসি চহি ১০গী মমাংদা হৌখি। হৌখিবা চহি ১০ অসিদা, থৌরম অসি চহি খুদিংগী হেন্না চাউথোরক্লি। মসিসু মীওই কয়া অমনা মখোয়গী নুমিৎ খুদিংগী পুন্সিদা য়োগবু শিজিন্নরকপগী খুদম অমনি। হন্দক্তি ঐখোয়না "য়োগ নুমিৎ"কী য়াম্না ফজবা ফোতো কয়া উবা ফংলে। ভিসাখাপত্নমগী সমুদ্র তোর্বানদা মীওই লাখ অহুম্না পুন্না য়োগ তৌখি। ভিসাখাপত্নমদগী অতোপ্পা ফজরবা ভিজুএল অমা উবা ফংলে... অদিবসী মহৈরোই লিশিং অনি হেনবনা মিনিত ১০৮ চুপ্না সুর্য় নমস্কার তৌখি। দিসিপ্লিন অমসুং কত্থোকপা কয়া য়াম্না লৈরমগদগে হায়বসি খল্লু! ঐখোয়গী নেভেল শিপশিংদসু য়োগগী মশক অমা উবা ফংখি। তেলঙ্গনাদা, দিব্যাঙ্গ মরুপ লিশিং অহুম্না য়োগ কেম্প অমদা পুন্না শরুক য়াখি।

মখোয়না উৎখি মদুদি মতৌ করম্না য়োগ অসি শক্তি পীনবগী পাম্বৈ অমসু ওইরি। দিল্লীগী মীয়াম্না যোগ অসি ক্লিন য়ামুনাগী ৱারেপকা কন্নেক্ত তৌখি অমসুং য়ামুনাগী তুরেলদা য়োগ তৌখি। জম্মু অমসুং কাশ্মীরদা, মালেমগী খ্বাইদগী ৱাংবা রেলৱেগী থোং ওইরিবা চেনাব ব্রিজদসু মীয়াম্না য়োগ তৌখি। হিমালয়গী উন্না কুপ্পা চিংদোলশিং অমসুং ITBPগী লান্মীশিং... মফম অদুদা য়োগ উবা ফংখি; থৌনা অমসুং সাধনা পুন্না চৎমিন্নখি। গুজরাতকী মীয়াম্না অনৌবা পুৱারী অমসু শেমখি। বদনগরদা, মীওই ২১২১ (চাউরাক চাম্মগা কুন মাথোই) না পুন্না ভুজঙ্গসনা তৌদুনা অনৌবা রেকোর্দ অমা শেমখি। ন্যু য়োর্ক, লন্দন, তোকিও, পেরিস, মালেমগী অচৌবা শহর খুদিংদগী য়োগগী ফোতোশিং লাকখি... অমসুং ফোতো খুদিংমক্তা অখন্নবা পোৎশক অমা য়াওরম্মি - শান্তি, স্তেবলিতী অমসুং বেলেন্স।

হন্দক্তি থিম অসিসু য়াম্না অখন্নবা ওইখি, ‘য়োগ ফোর ৱান আর্থ, ৱান হেল্থ’। মসি স্লোগান অমা খক্তা নত্তে, মসিদি ঐখোয়দা 'ভাসুধৈব কুতুম্বকম'গী মপুং ওইবা ৱাখল্লোন খঙহল্লিবা মাইকৈ অমনি। ঐহাক্না থাজবা থম্লি মদুদি চহি অসিগী য়োগ নুমিৎকী শীংথানিংঙাই ওইবা থৌওং অসিনা মীওই কয়াবু য়োগ তৌনবগীদমক পুক্নিং থৌগৎকনি।

ঐগী নুংশিরবা ইরৈবাকচাশিং,

কনাগুম্বা অমনা লাই খুরুম্বা চৎপা মতমদা, ৱাখলদা লাকপা অহানবা ৱাখল অসিদি, “চালো বুলাৱা অয়া হে...” হায়বদি, ঈশ্বরনা কৌরিবা অসিদা চংশিল্লসি... হায়রিবা ৱাখল্লোন অসিমক ঐখোয়গী ধর্ম্মগী খোঙচৎশিংগী থৱায় ওইরিবনি। মসিগী খোঙচৎশিং অসি হকচাংবু দিসিপ্লিন তৌনবা, ৱাখলবু শেংদোক্নবা, অমগা অমগা নুংশিন্ননবা অমসুং মচিল-মনাও ওইবগী থৌওং অমনি, অমসুং ঈশ্বরগা মরী লৈনবগী থৌওং অমনি। মসিদা নত্তনা, হায়রিবা লাই খুরুমবগী থৌরমশিং অসিগী অতোপ্পা অচৌবা মশক অমসু লৈরি। অসিগুম্বা লাইনিংগী ওইবা তীর্থয়াত্রাশিং অসিসু শেবা তৌবগী ৱাখল্লোনগীদমক খুদোংচাবা কয়া অমা পীবা অচৌবা থৌরম অমনি। করিগুম্বা তীর্থয়াত্রা অমা পাংথোকপা তারবদি, তীর্থয়াত্রীশিং অদুদগী তীর্থয়াত্রা অদু শিনবদা মতেং পাংলিবা মীওইশিংনা হেন্না য়াম্মি। ভাণ্ডারাশিং অমসুং লঙ্গারশিং হায়বদি লেম্না চিঞ্জাক য়েন্থোকপগী থবকশিং তোঙান তোঙানবা মফমশিংদা পায়খৎলি। মীয়াম্না লম্বীগী নাকলদা থক্নবা ঈশিংগী দুকানশিং থম্মি। মেদিকেল কেম্পশিং অমসুং ফেসিলিতীশিং অসি শেবাগী ৱাখল্লোনগা লোয়ননা শেমগৎলি। মীওই কয়ানা ধর্মশালাশিং অমসুং মখোয়না শেল পুথোকচদুনা লৈফম চাফম শিল্লি-লাংলি।

মরুপশিং,

মতম কয়াগী মতুংদা, কাইলাশ মনসরোবর য়াত্রা অসি অমুক হন্না হৌখ্রে। কাইলাশ মনসরোবর অসি ভগবান শিবগী লৈফমলেন অমনি। কাইলাশ অসি হিন্দু, বুদ্ধ নৎত্রগা জেন ওইগেরা, চৎনবী খুদিংমক্তা থাজবা অমসুং ইকায় খুম্নবাগী মফম অমনি হায়না লৌনৈ।

মরুপশিং,

জুলাইগী তাং ৩দা শেংলবা অমরনাথ য়াত্রা হৌরগনি, অমসুং শেংলবা সাৱান থা অসিসু নুমিৎ খরনিগী মনুং অসিদা লাক্কনি। নুমিৎ খরনিগী মমাংদা, ঐখোয়না ভগবান জগন্নাথজীগী রথ যাত্রা উবা ফংখি। ওরিশা, গুজরাত নত্ত্রগা লৈবাক অসিগী অতোপ্পা মফম অমা ওইরবসু, ভক্ত লাখ কয়ানা মসিগী য়াত্রা অসিদা শরুক য়াখি। অৱাংদগী খা ফাওবা, নোংপোকদগী নোংচুপ ফাওবা, হায়রিবা য়াত্রাশিং অসি 'এক ভারত-শ্রেস্ত ভারত'কী ৱাখল্লোনগী মমি অমা ওইরি। ঐখোয়না ঐখোয়গী ধর্মগী খোঙচৎ অসি ইকায় খুম্নবা, মপুং ফানা কত্থোকপা অমসুং মপুং ফানা দিসিপ্লিন তৌদুনা লোইশিনবা মতমদা, ঐখোয়না মদুগী মহৈসু ফংই। য়াত্রা অসিদা শরুক য়াগদৌরিবা ময়াম পুম্নমকপু ঐহাক্না য়াইফ-পাউজেল পীজরি। ঐহাক্না শেবা তৌবগী ৱাখল্লোনগা লোয়ননা হায়রিবা য়াত্রাশিং অসি মায়পাক্নবা অমসুং শাফবা ওইহন্নবা হোৎনরিবা মীওইশিংবুসু থাগৎপা ফোংদোকচরি।

ঐগী নুংশিরবা ইরৈবাকচাশিং,

হৌজিক ঐহাক্না অদোমদা লৈবাক অসিগী অসিগুম্বা মায়পাকপা অনিগী মরমদা শন্দোক্না তাকপা পাম্মি, মখোয়না অদোমবু চাউথোকচবা পোকহনগনি। মালেমগী ইন্সতিত্যুসনশিংনা মসিগী মায়পাকপশিং অসিগী মতাংদা খন্ন-নৈনরি। WHO হায়বদি ৱার্ল্দ হেল্থ ওর্গনাইজেসন অমসুং ILO  হায়বদি ইন্তর্নেস্নেল লেবর ওর্গনাইজেসন্না লৈবাক অসিগী মায়পাকপশিং অসিদা থাগৎপা ফোংদোকখ্রে। অহানবা মায়পাকপা অসি ঐখোয়গী হকশেলগা মরী লৈনৈ। অদোমগী মরক্তগী অয়াম্বনা - ত্রাকোমা হায়না খঙনবা মীৎকী লাইনা অমগী মরমদা তারম্বা য়াই। ইনফেক্সন অসি বেক্তরিয়াগী খুত্থাংদা শন্দোকই।

লৈবাক অসিগী মফম কয়াদা লাইনা অসি য়াম্না তোইনা থেংনরম্বা মতম অমা লৈরম্মি। করিগুম্বা লায়েংদ্রবদি, লায়না অসিনা তপ্না তপ্না মীৎ তাংহল্লি। ঐখোয়না ত্রাকোমাবু মাগী হৌরকফমদগী মুত্থৎনবা ৱারেপ লৌখি। অমসুং ঐহাক্না নখোয়দা হায়জবদা য়াম্না নুংঙাইবা ফাওই মদুদি WHOনা ভারতপু ত্রাকোমা ফ্রী হায়না লাউথোকখ্রে। ভারত অসি হৌজিক্তি ত্রাকোমা ফ্রী ওইরবা লৈবাক্নি। মসি লাইনা অসি চোকথবা লৈতনা লান্থেংনরিবা মীওই লাখ কয়াগী কন্না হোৎনবগী মহৈনি। মসিগী মায়পাকপা অসি ঐখোয়গী হকশেলগী থৌমীশিংগীনি।

মরম অদুনা, স্বচ্ছ ভারত অভিয়াননা মসি মুত্থৎপদা মতেং পাংখি। মসিগী মায়পাকপসিদা 'জলজীবন মিসন'সু অচৌবা থৌদাং লৌরি। হৌজিক্তি, য়ুমথোং খুদিংদা তোতি খুত্থাংদা অফবা ঈশিং য়ৌরকপনা, অসিগুম্বা লায়নাশিং অসি থোকপগী রিস্ক হন্থরে। ভারতনা লাইচৎ অসি থেংনবগা লোয়ননা, মসিগী হৌরকফম ওইবা মরমশিংদগীসু মুত্থৎপা ঙমবগীদমক WHOনা থাগৎপা ফোংদোকখ্রে।

মরুপশিং,

হৌজিক ভারত্তা লৈরিবা মীশিং অয়াম্বনা সোসিএল প্রোতেক্সনগী কান্নবা অমা নৎত্রগা অতোপ্পা অমা লৌরি অমসুং ইন্তর্নেস্নেল লেবর ওর্গনাইজেসন – ILOগী য়াম্না মরু ওইবা রিপোর্ত অমা হন্দক্তা থোরকখি।

ভারতকী মীশিংগী চাদা ৬৪ (৬৪%) হেনবনা হৌজিক্তি সোসিএল প্রোতেক্সনগী কান্নবা খরা ফংলি হায়না রিপোর্ত অসিদা পনখ্রে। সোসিএল সেক্যুরিতী অসি মালেমদা খ্বাইদগী চাউবা কভরেজশিংগী মনুংদা অমনি। ঙসিদি, লৈবাক অসিগী মীওই করোর ৯৫ রোম্না সোসিএল সেক্যুরিতী স্কিমশিংগী কান্নবা ফংলি। অদুগা, ২০১৫ ফাওবদা, সরকারগী স্কিমশিংনা মীওই করোর ২৫ খক্তদা য়ৌহনবা ঙমলমখি।

মরুপশিং,

ভারত্তা, হেল্থতগী হৌরগা সোসিএল সেক্যুরিতী ফাওবদা, লম খুদিংমক্তা লৈবাক অসিনা সেচুরেসনগী ৱাখল্লোনগা লোয়ননা মাংলোমদা চংশিল্লি। মসি খুন্নাইগী অচুম্বা ৱায়েল-পথাপকীসু অচৌবা মশক অমনি। মায় পাকপশিং অসিনা লাক্কদৌরিবা মতমশিং অসি হেন্না ফবা ওইরগনি; ভারতনা খোঙথাং খুদিংদা হেন্না মপাঙ্গল কনখৎলগনি হায়বগী থাজবা অমা থম্লি।

ঐগী নুংশিরবা ইরৈবাকচাশিং,

মীয়ামগী শরুক য়াবগী পাঙ্গলনা অচৌবা ক্রাইসিসশিং মায়োক্নহনবা ঙম্মি। ঐহাক্না অদোমগীদমক ওদিও অমা থাজগে... মসিগী ওদিও অসিদা অদোম্না ক্রাইসিস অদুগী পাক চাউবগী ৱাখল্লোন অমা ফংগনি। ক্রাইসিস অসি কয়া য়াম্না শাথীবগে হায়বদু... অহানবদা মদু তাবীয়ু... মদু খঙবীয়ু।

ওদিও ক্লিপ – মোরারজী ভাই দেসাই

পুম্নমক অসিগী মতুংদা চহি অনি মীওৎ-মীনৈ চত্থখি, চহি ৫-৭গী মমাংদা মীওৎ মীনৈ অসি হৌখি। অদুবু মসি হৌখিবা চহি অনিদা খ্বাইদগী ৱাংবা থাক অদু য়ৌরকখি, মীয়ামগী মথক্তা ইমর্জেন্সী থমখি অমসুং মীয়াম্বু মীওইবা নত্তবগুম্না ওৎনৈখি। মীয়ামগী নীংতম্বা ফংবগী হক অদু মুনখি, পাউচেশিংবু নীংতম্বা ফংহন্দনা থমখি। কোর্তশিং অসি মপুং ফানা শক্তি লৈতবা ওইহনখি। অমসুং মীওই লাখ অমা হেন্না জেলদা থমখিবা অমসুং মতুংদা অর্বিত্রেরী রুল মখা চত্থখিবা মওং অসি মালেমগী পুৱারীদা মসি থীবদা অৱাবা অমনি।

মরুপশিং,

মসি লৈবাক অসিগী হান্নগী প্রধান মন্ত্রী শ্রীমান মোরাজী ভাই দেশাইনা ঙাংবনি। মহাক্না ইমর্জেন্সীগী মতাংদা শমলপ্না য়াম্না ময়েক শেংনা ঙাংখি। মতম অদু করম্বা মওং ওইরমগনি হায়বদু অদোম্না খন্থবীয়ু! ইমর্জেন্সী থম্বা মীওইশিংনা ঐখোয়গী সম্বিধান খক্তা হাৎপা নত্তনা জুদিসিয়রীবুসু মখোয়গী লান্মী ওইনা থম্নবা পান্দম থমখি। হায়রিবা মতম অসিদা, মীয়াম্বু পাক-শন্না অৱাবা পীখি। অসিগুম্বা খুদম কয়া অমা লৈরি, মখোয় অসি কৈদৌঙৈদসু কাউথোকপা য়ারোই। জোর্জ ফর্নান্দেজ সাহিবপু চেন্না পুন্দুনা থমখি।

মীওই কয়া অমা শাথিনা ওৎনৈখি। MISAগী মখাদা, মীওই অমহেক্তবু অথুবা মতমদা ফাগৎপা য়াই। মহৈরোয়শিংসু অৱাবা পীখি। ফোংদোকপগী নীংতম্বা অসিসু ককথৎখি। মতম অদুদা ফাখিবা মীওই লিশিং কয়া অসি অসিগুম্বা মীনুংশি লৈতবা থৌদোকশিং অসি মায়োক্নখি। অদুবু মসি ভারতকী মীয়ামগী পাঙ্গলনি... মখোয়না হনবা লৈখিদে অমসুং দেমোক্রেসীদা কমপ্রোমাইজ অমত্তা তৌখিদে। অরোইবদা, মীয়াম্না মায় পাকখি - ইমর্জেন্সী লৌথোকখি অমসুং ইমর্জেন্সী থম্বা মীওইশিংবু মায়থিবা পীখি। বাবু জগজীবন রামজীনা মসিগী মতাংদা মহাক্কী ৱাখল্লোন অদু য়াম্না কন্না ফোংদোকখি।

ওদিও ক্লিপ – বাবু জগবীবন রাম

ইচিল-ইনাওশিং, হৌখিবা মীখল অসি মীখল নত্তে। মসি ভারতকী মীয়ামগী অচৌবা কেম্পেন অমনি... মতম অদুগী ফিভমশিং অদু হোংদোক্নবা... শুপনম শাশন তৌবা অদু হোংদোক্নবা অমসুং ভারত্তা দেমোক্রেসীগী য়ুম্ফম অদু মপাঙ্গল কনখৎহন্নবা।

ঐখোয়না অতলজীনা মহাক্কী মশাগী তোপ-তোপ্পা স্তাইলদা করি হায়খিবগে হায়বা অদুসু তাসি -

ওদিও ক্লিপ – অতল বিহারি বাজপায়ী

ইচিল-ইনাওশিং, লৈবাক অসিদা থোকখিবা মদুবু শুপ্নগী মীখল অমনি হায়না কৌবা য়ারোই। শান্তি ওইবা রিভোলুসন অমা পাংথোকখ্রে। মীয়ামগী শক্তিগী ঈথৎনা দেমোক্রেসীগী মীহাৎপশিংবু পুৱারীগী দসবিন্দদা থাদখ্রে।

মরুপশিং,

নুমিৎ খরনিগী মমাংদা, লৈবাক অসিদা ইমর্জেন্সী থমখিবগী চহি ৫০ মপুং ফারখ্রে। ঐখোয় লৈবাক মীয়াম্না 'সম্বিধান হত্যা দিবস' পালন তৌরি। ঐখোয়না মতম পুম্নমক্তা ইমর্জেন্সীদা থৱায় য়াওনা লান্থেংনখিবা মীওইশিং অদু নীংশিংগদবনি। মসিনা ঐখোয়গী সম্বিধানবু মপাঙ্গল কনখৎহন্নবা অমসুং মতম চুপ্পদা চৎনহন্নবা লেপ্পা লৈতনা চেকশিন্না লৈনবা ঐখোয়দা ইথিল পীরি।

ঐগী নুংশিরবা ইরৈবাকচাশিং,

ইমেজ অমা খনবিয়ু। অয়ুক্কী নুমিৎনা চীংদোলদা শোক্লি, মঙালনা তম্পাক্কী মায়কৈদা তপ্না য়ৌরক্লি, অমসুং মঙাল অদুগা লোয়ননা, ফুতবোল পামজবশিংগী কাঙলুপ অমনা খোঙজেল য়াংশিল্লি। হুইশেন খোংলকই অমসুং মতম খরগী মতুংদা, লৈমায় অদুদা থাগৎপা অমসুং স্লোগানশিং নিনখি। পাস খুদিংগী, গোল খুদিংগী মীশিংগী পুক্নিং থৌগৎপা হেনগৎলক্লি। অদোম্না হংনীংবীরমগনি... মদু কয়াদা ফজরবা মালেমনো?

মরুপশিং,

মসি আসামগী মরুওইবা লমদম অমা ওইরিবা বোদোলেন্দগী অশেংবা ফিভমনি। ঙসিদি বোদোলেন্দ অসি অনৌবা মাইথোং, অনৌবা মশক অমগা লোয়ননা লৈবাক অসিদা মশক তাক্লি। মফমসিগী নহাশিংনা পীরক্লিবা ইনর্জী অমসুং থাজবা অসি ফুৎবোলগী লমদা খ্বাইদগী উবা ফংই। বোদো তেরিতোরিয়েল এরিয়াদা, বোদোলেন্দ CEM কপ শীনবগী থৌরম পাংথোক্লি। মসি তোর্নামেন্ত খক্তমক নত্তে, মসি অমত্তা ওইবগী অমসুং আশাগী কুহ্মৈ অমা ওইরে। তীম ৩,৭০০ হেন্না, শান্নরোই ৭০,০০০ রোম, অমসুং মখোয়গী মরক্তা ঐখোয়গী ইচানুপীশিংনা মশীং য়াম্না শরুক য়ারি! হায়রিবা স্তেতিস্তিক্সশিং অসিনা বোদোলেন্দদা অচৌবা অহোংবা লাকপগী ৱারী তাক্লি। বোদোলেন্দনা হৌজিক লৈবাক অসিগী স্পোর্তস মেপতা হেন্না হেন্না মশক থোক্লক্লি।

মরুপশিং,

মতম অমদদি মসিগী মফম অসিগী মশক অসি অৱাবনা তাকলমখি। মতম অদুদা মফম অসিদা লৈরিবা নহাশিংগী ওইনদি খুদোংচাবা কয়া লৈরমদে। অদুবু ঙসিদি মখোয়গী মীৎয়েংদা অনৌবা মঙলানশিং অমসুং মখোয়গী থম্মোয়দা মশা মথন্তা থাজবগী থৌনা অদু উবা ফংলে। মফমসিদগী লাকপা ফুৎবোল শান্নরোয়শিংনা হৌজিক অৱাংবা থাক্তা মখোয়গী মফম কনবা হৌরে। হালিচরন নর্জরী, দুর্গা বোরো, অপুরবা নর্জরী, মনবীর বসুমতারী - মখোয়শিং অসি ফুৎবোল শান্নরোইশিংগী মমিং খক্তনি - মখোয়শিং অসি বোদোলেন্দবু শান্নফমদগী নেস্নেল স্তেজদা পুখৎলকখিবা অনৌবা মীরোলগী মশক অদুনি।

মখোয়গী মরক্তগী অয়াম্বনা অকক্নবা রিসোর্সনা প্রেক্তিস তৌখি। অরুবা ফিভম কয়া অমদা মখোয়না মখোয়গী লম্বী শেমখি, অমসুং ঙসিদি লৈবাক অসিগী অঙাং কয়া অমনা মখোয়গী মমিংশিং অদুদগী ইথিল লৌরদুনা মখোয়গী মঙলানশিং অদু হৌদোক্লি। ঐখোয়না ঐখোয়গী কেপাসিতী পাকথোক চাউথোকহনগদবদি, অহানবদা ঐখোয়না ঐখোয়গী ফিৎনেস অমসুং য়াইফ-থৌরাংদা মীৎয়েং থমগদবনি। ময়াম পুম্নমকপু খুরুমজরি, ঐহাক্না ফিৎনেসকীদমক্তা অমসুং লায়রবগী চাং হন্থহন্নবগীদমক্তা পীখিবা ঐহাক্কী সজেসন অমা অদোম্না নিংশিংলিবরা? চিঞ্জাকশিংদা অচা থাও চাদা ১০ হন্থহনবা, লায়না হন্থহনবা। অদোম্না ফিৎ ওইরবা মতমদা, অদোম পুন্সিদা হেন্না সুপর হিৎ ওইগনি।

ঐগী নুংশিরবা ইরৈবাকচাশিং,

ঐখোয়গী ভারত অসি রিজনেল, লিংগ্যুস্তিক অমসুং কলচরেল দাইভর্সিতীগীদমক শকখঙনবগুম্না, মখল-মখা কয়াগী কলা, খুৎ-শা হৈবা অমসুং হৈ-শিংবা অসিসু ঐখোয়গী লৈবাক অসিগী অচৌবা মগুন অমনি। অদোম্না মফম অমা হেক্তদা চৎলু, মফম অদুগী অখন্নবা চিঞ্জাক খরা খঙবা ফংলগনি। লৈবাক অসিগী অসিগুম্বা তোপ তোপ্পা পোত্থোকশিংগী মতাংদা ঐখোয়না 'মন কী বাত্তা' তোয়না ঙাংই। অসিগুম্বা পোত্থোকশিংগী মনুংদা মেঘালয়াগী ইরি সিল্কসু অমনি। মসি নুমিৎ খরনিগী মমাংদা GI তেগ ফংখ্রে। ইরি সিল্ক অসি মেঘালয়গী হেরিতেজ অমনি। মফম অসিদা লৈরিবা ত্রাইবশিংনা, মরু ওইনা খাসি কম্ম্যুনিতীগী মীওইশিংনা, মসি চহি কয়াদগী ঙাক-শেন্দুনা লাক্লি অমসুং মখোয়গী হৈ-শিংবশিংগা লোয়ননা মসিবু মপাঙ্গল কনখৎহল্লি। মসিগী সিল্ক অসি অতোপ্পা ফেব্রিকশিংদগী তোঙান্না থম্লিবা অখন্নবা মগুন কয়া অমা লৈ। মসিগী খ্বাইদগী অখন্নবা মগুনদি মসিবু করম্না শেমখিবনো হায়বসিনি। মসিগী মুগা অসি শেম্লিবা মুগাতিনশিং অসি মসি ফংনবগীদমক হাত্তে, মরম অদুনা মসিবু অহিমা সিল্ক হায়নসু কৌই।

হৌজিক্কী মতমদা, মালেম অসিদা অসিগুম্বা পোত্থোকশিংগী দিমান্দ য়াম্না থুনা হেনগৎলক্লি, মসিদা হিংসা য়াওদে অমসুং মহৌশাগী ফিভমদা অকায়বা অমত্তা লৈতে, মরম অদুনা, মেঘালয়াগী ইরি সিল্ক অসি মালেমগী কৈথেলগীদমক্তা মতিক চাবা পোত্থোক অমনি। অতোপ্পা অখন্নবা মগুন অমা হায়রগদি, মসিগী সিল্ক অসিনা নহাকপু নীংথম থাগী মতমদা লুমহল্লি অমসুং কালেন থাগী মতমদা ইংহল্লি। মসিগী মগুন অসিনা মসি মফম অয়াম্বদা শিজিন্নবা য়াহল্লি। মেঘালয়াগী নুপীশিংনা হৌজিক সেল্ফ হেল্প গ্রুপশিংগী খুত্থাংদা মসিগী হেরিতেজ অসিবু পাক চাউনা মাংলোমদা পুখৎলি। ইরি সিল্কনা GI-তেগ ফংলকপদা ঐনা মেঘালয়গী মীয়ামদা নুংঙাইবা ফোংদোকচরি। ঐহাক্না অদোম পুম্নমকপু ইরি সিল্কতগী শাজবা পোৎশকশিং চাংয়েং তৌনবা হায়জরি। অদুগা, অদোম্না খাদি, হেন্দলুম হেন্দিক্রাফ্ত, ভোকেল ফোর লোকেল অসি মতম পুম্নমক্তা নীংশিংগদবনি। করিগুম্বা কস্তমরশিংনা ভারত্তা শাবা পোত্থোক খক্তমক লৈরবদি অমসুং ত্রেদরশিংনা ভারত্তা শাবা পোত্থোক খক্তমক য়োল্লবদি, 'আত্মানির্ভর ভারত অভিয়ান' অসি অনৌবা ইনর্জী ফংলগনি।

ঐগী নুংশিরবা ইরৈবাকচাশিং,

ভারতকী অনৌবা তুংলমচৎ অমা শেম্নবা 'নুপীশিংনা লুচিংবা চাউখৎ-থৌরাং'গী মন্ত্র অসি শেম শারে। ঐখোয়গী ইমাশিং, ইচে-ইচলশিং, ইচানুপীশিংনা ঙসিদি মখোয় মশাগীদমক্তা নত্তনা খুন্নাই পুম্বগীদমক্তা অনৌবা মায়কৈ অমা পীরি। তেলঙ্গনাগী ভাদ্রাচালমগী নুপীশিংগী মায়পাকপগী মতাংদা খঙবা মতমদা অদোমসু নুংঙাইবা ফাওগনি। হায়রিবা নুপীশিং অসি মতম অমদা লমদম অসিদা শিন্মী ওইনা থবক তৌরম্মি। মখোয়না হিংনবগীদমক নুমিৎ চুপ্পা কন্না থবক তৌরম্মি।

ঙসিদি হায়রিবা নুপীশিং অসিমক্না মিলেৎশিংদগী বিস্কিতশিং শেম্লি, হায়বদি শ্রীয়ানা। 'ভদ্রাদ্রি মিল্লেত মেজিক' হায়না মিংথোনবা বিস্কিতশিং অসি হায়দ্রাবাদতগী লন্দন ফাওবা য়ৌরক্লি। ভাদ্রাচালমগী নুপীশিং অসি সেল্ফ হেল্প গ্রুপ অমদা য়াওখি অমসুং ত্রেনিং ফংখি।

মরুপশিং,

নুপীশিং অসিনা শিংথাবা য়াবা অতোপ্পা থবক অমসু পাংথোক্লি। মখোয়না 'গিরি সেনিতরী পেদ' পুথোকপা হৌখি। থা অহুম খক্তদা, মখোয়না পেদ ৪০,০০০ শেমগৎতুনা স্কুলশিং অমসুং মনাক নকপদা লৈবা ওফিসশিংদা য়ৌহনখি - মসিসু য়াম্না হন্থবা মমলদা।

মরুপশিং,

. কর্নাতকাগী কালাবুর্গীগী নুপীশিংগী এচিবমেন্তসু য়াম্না ফৈ। মখোয়না জোৱর রোতিবু ব্রান্দ অমা ওইহনখ্রে। মখোয়না শেমখিবা কোওপরেতিব অসিদা, নোংমদা রোতি লিশিং অহুম হেন্না শাই। হায়রিবা রোতিশিংগী মগুন অসি খুঙ্গংদুখক্তদা লোইবা নত্তে। বেঙ্গলোরদা অখন্নবা কাউন্তর অমা হাংদোকখ্রে। ওনলাইন ফুদ প্লেৎফোর্মশিংদা ওর্দরশিং লাক্লি। কালাবুর্গী রোতি অসি হৌজিক অচৌবা শহরশিংগী চাকশঙশিংদা য়ৌরে। মসিনা নুপীশিং অসিদা অচৌবা শাফু অমা পীরি, মখোয়গী শেন্থোক হেনগৎলক্লি।

মরুপশিং,

তোঙান তোঙানবা রাজ্যশিংদগী লাকপা ৱারীশিং অসিগী তোঙান তোঙানবা মশকশিং লৈ। অদুবু মখোয়গী মঙালদি মান্নৈ। মসিদি মশাদা থাজবা, মশা-মরোমদোম লেপচবগী মঙাল অদুনি। অসিগুম্বা মীৎয়েং অমা হায়রগদি মধ্য প্রদেশতগী সুমা উইকেনি। সুমা জীগী হোৎনরিবশিং অসি থাগৎনিংঙাইনি। মহাক্না বালাঘাত জিলাগী কাতঙ্গি ব্লোক্কী সেল্ফ হেল্প গ্রুপতা য়াওদুনা মশাগী ওইবা মশাগী ওইবা চেংগুম অমসুং শা-ষন য়োকপগী ত্রেনিং য়াওখি। অসুম্না মহাক্না মশামকপু থাজবগী লম্বী অদু ফংখি। সুমা উইকেগী শেন্থোং হেনগৎলকপা মতমদা, মহাক্না মহাক্কী থবকসু পাকথোক চাউথোকহনখি। অপীকপা হোৎনবা অমগা লোয়ননা হৌরকখিবা খোঙচৎ অসিনা হৌজিক 'দিদি কেন্তিন' অমসুং 'থর্মেল থেরাপী সেন্তর' য়ৌরে। লৈবাক অসিগী মফম খুদিংমক্তা, অসিগুম্বা নুপী মশীং থীঙমদ্রবা কয়া অমনা মখোয়গী অমসুং লৈবাক অসিগী লাইবক হোংলক্লি।

ঐগী নুংশিরবা ইরৈবাকচাশিং,

হৌখিবা নুমিৎ খরনি অসিদা, ভিয়েতনামদগী মীওই কয়ানা তোঙান তোঙানবা মীদিয়মশিংগী খুত্থাংদা ঐঙোন্দা মখোয়গী মেসেসশিং থারকখি। মেসেজশিং অসিগী লাইন খুদিংমক্তা ইকায় খুম্নবা অমসুং নুংশিজবা য়াওরম্মি। মখোয়গী ৱাখল্লোনশিং অদু নুংঙাইবা পোকই। মখোয়না ভগৱান বুদ্ধগী শেংলবা রেলিকশিং দর্শন তৌবগীদমক ভারতকী মফমদা মখোয়গী থাগৎপা ফোংদোকখি। মখোয়গী ৱাহৈশিং অসিদা উৎখিবা ইথিল অসি থাগৎপা ফোংদোকপগী মওং খক্তা নত্তে।

মরুপশিং,

অহানবদা ভগবান বুদ্ধগী অশেংবা লাইগী পোৎলমশিং অসি আন্ধ্র প্রদেশকী পালনাদু জিলাগী নাগার্জুনকোন্দাদা ফংখি। মফম অসিদা বুদ্ধ ধর্মগা অচেৎপা মরী লৈনৈ। মতম অমদা, শ্রী লঙ্কা অমসুং চাইনা য়াওনা অরাপ্পা মফমশিংদগী মীওইশিং মফম অসিদা লাক্নরম্মি হায়না হায়নৈ।

মরুপশিং,

মমাং থাদা ভগৱান বুদ্ধগী শেংলবা রেলিকশিং অসি ভারত্তগী ভিয়েতনামদা পুখি। মফম অদুদা তোঙান তোঙানবা মফম ৯দা মীয়ামগী দর্শনগীদমক থমখি। ভারতকী খোঙথাং অসি ভিয়েতনামগী নেস্নেল ফেস্তিবেল অমা ওইখি। মীওই করোর ১০ রোমগী মীশিং লৈবা ভিয়েতনামদা মীওই করোর ১.৫ হেনবনা ভগবান বুদ্ধগী লাইনিং লাইশোলগী দর্শন তৌখি হায়বসি অদোম্না খন্দুনা য়েংঙু। সোসিএল মীদিয়াদা ঐনা উখিবা ফোতোশিং অমসুং ভিদিওশিং অদুনা ঐঙোন্দা দিভোসনগী ঙমখৈ লৈতে হায়বা খঙহনখি। নোং চুবা নৎত্রগা অয়াকপা নুংশা ওইরবসু, মীওইশিং অসি পুং কয়া পরেং লেপতুনা লৈরম্মি। অঙাংশিং, অহল ওইরবা মীওইশিং, মীমান্নদ্রবা মীওইশিং, মীপুম খুদিংমক্না অৱাবা কয়া মায়োক্নখি। ভিয়েতনামগী প্রসিদেন্ত, দিপুতি প্রধান মন্ত্রী, সেনিয়র মিনিস্তর, মীপুম খুদিংমক্না ইকায় খুম্নবা উৎখি। মফম অদুদা লৈরিবা মীওইশিংগী মরক্তা লাই খুরুম্বা অসিগী ইথিল অদু অদুক্কী মতিক চাউনা লৈখি মরম অদুনা ভিয়েতনামগী সরকারনা মসি অতোপ্পা নুমিৎ 12গী ওইনা শাংদোক্নবা হায়খি অমসুং ভারতনা মসি হরাও-নুংঙাইনা য়াখি।

মরুপশিং,

ভগবান বুদ্ধগী ৱাখল্লোনশিংনা লৈবাকশিং, চৎনবীশিং অমসুং মীওইশিংবু পুনশিন্নবগী শক্তি লৈ। মমাংদা, ভগবান বুদ্ধকী শেংলবা রেলিকশিং অসি থাইলেন্দ অমসুং মোঙ্গোলিয়াদা পুখি, অমসুং মফমশিংদসু মান্নবা ইকায় খুম্নবা অদু ফাওখি। ঐহাক্না অদোম পুম্নমকপু অদোমগী রাজ্যদা লৈরিবা বুদ্ধগী মফমশিং অসি য়েংনবা হায়জরি। মসি ঐখোয়গী কলচরেল হেরিতেজগা মরী লৈননবা অঙকপা খুদোংচাবা অমা ওইবগা লোয়ননা, স্পিরিচুএল এক্সপরিয়েন্স অমা ওইরগনি।

ঐগী নুংশিরবা ইরৈবাকচাশিং,

থা অসিদা ঐখোয় পুম্নমক্না 'ৱার্ল্দ এনভাইরনমেন্ত দে' পালন তৌখি। ঐহাক্না অদোমগী পাউজেল লিশিং কয়া ফংজখি। মীওই কয়ানা ঐঙোন্দা মখোয়গী মরুপশিং অদুগী মরমদা হায়খি, মখোয়না অকোয়বগী ফিভম ঙাক্নবা হোৎনবদা অমত্তা ওইনা হোৎনখি অমসুং তুংদা খুন্নাই পুম্নমক্না মখোয়গা লোয়ননা শরুক য়াখি। মীপুম খুদিংমক্কী থৌদাং অসি ঐখোয়গী পৃথীবিগীদমক অচৌবা শক্তি অমা ওইরক্লি। পুনেগী শ্রী রমেশ খারমলে... মহাক্কী থবকশিংগী মরমদা খঙবনা অদোমবু য়াম্না ইথিল পীগনি। মীশিংনা চয়োল লোইরকপদা  পোত্থাবা মতমদা রমেশজী অমসুং মহাক্কী ইমুং-মনুংনা কয়েন্তী অমসুং বেরচান পাইদুনা চৎখি। কদাইদা চৎকদগে হায়বা খঙব্রা? জুন্নরগী চীংমায়গী মায়কৈদা চৎলি। নুমিৎ থোরকপা ওইরবসু নত্রগা অঙম্বা কাবা ওইরবসু, মখোয়গী খোংজেল লেপখিদে। মখোয়না নাপী-শিংবী য়ানথৎলি, ঈশিং তুংনবা অরুবা কোমশিং তৌথোকই অমসুং মরু হুল্লি। থা অনি খক্তদা মখোয়না কোম ৭০ তৌথোকখি।

রমেশ জীনা অপীকপা পুখ্রি কয়া তৌখ্রে, উ পাম্বী চা কয়া থাখ্রে। মহাক্না ওক্সিজেন পার্ক অমাসু শেমগৎলি। মসিনা মরম ওইদুনা মফম অসিদা উচেকশিং হল্লকপা হৌরকখি, লম্লক্কী শা-ইচেকশিংনা অনৌবা শ্বর ফংবা হৌরকখি।

মরুপশিং,

অকোয়বগী ফিভমগীদমক অতোপ্পা ফজরবা খোঙথাং অমা গুজরাতকী অহমাদাবাদ শহরদা উবা ফংলে। মফম অসিদা ম্যুনিসিপাল কোর্পোরেসন্না 'মিসন ফোর মিলিয়ন ত্রীজ' কেম্পেন হৌদোকখ্রে। পান্দমদি - উ পাম্বী লাখ কয়া থাবনি। কেম্পেন অসিগী অখন্নবা মশক অমা হায়রগদি 'সিন্দুর ভেন'নি। মসিগী উমং অসি ওপরেসন সিন্দুরগী থৌনা ফরবা মীওইশিংদা কত্থোকচরি। লৈবাক অসিগীদমক পুম্নমকপু কত্থোকখিবা থৌনা ফরবা মীওইশিং অসি নীংশিংবা ওইনা সিন্দুরগী উ পাম্বী চারশিং থাখ্রে। মফম অসিদা, অতোপ্পা কেম্পেন অমনা অনৌবা থৌনা অমা পীরক্লি। কেম্পেন অসিগী মখাদা লৈবাক অসিদা উ পাম্বী করোর কয়া থাখ্রে। অদোমগী খুঙ্গং নৎত্রগা সহরদা পাংথোক্লিবা অসিগুম্বা কেম্পেনশিংদা অদোমসু শরুক য়াগদবনি। উ পাম্বী থাবা, ঈশিং কনবা, পৃথিবীদা মতেং পাংবীয়ু, মরমদি ঐখোয়না মহৌশাগী ফিভম কনবা মতমদা, ঐখোয়না তুংগী চারোন-শুরোনশিংসু কনবা ঙমগনি।

মরুপশিং,

মহারাস্ত্রাগী খুঙ্গং অমদসু অচৌবা খুদম অমা থম্লি। 'পাতোদা' অসি ছত্রপতি সমভাজী নগর দিস্ত্রিক্তা লৈবা গ্রাম পঞ্চায়ত অমনি। মসি কার্বোন ন্যুত্রেল ওইবা গ্রাম পঞ্চায়ত অমনি। খুঙ্গং অসিদা, কনাগুম্বা অমত্তনা মখোয়গী য়ুমগী মপান্দা অমোৎপা হুন্দোক্তে। য়ুম খুদিংমক্তগী কাচিন-কাশিংদগী অমোৎ-অকাই লৌথোকপগী মপুং ফাবা সিস্তেম অমা লৈ। মফম অসিদা, অমোৎপা ঈশিংসু ত্রীৎমেন্ত তৌরি। ঈশিং অমত্তবু শেংদোক্ত্রবদি তুরেলদা থাজিনদে। মফম অসিদা, অরোইবা থৌরমশিং অসি কাও দং কেকশিংগা লোয়ননা পাঙথোকই অমসুং লৈখিদ্রবগী মিংদা উৎ অদুগা লোয়ননা পাম্বী অমা থাখি। খুঙ্গং অসিদা লৈরিবা লুনানবগী ফিভম অসিসু য়েংবা য়াই। অপীকপা হৈনবীশিং অসি অপুনবগী ওইবা ৱারেপ অমা ওইরকপা মতমদা, অচৌবা অহোংবা অমা লাক্কনি।

ঐগী নুংশিরবা মরুপশিং,

হৌজিক্কী ওইনা মীপুম খুদিংমক্না ইন্তর্নেস্নেল স্পেস সেন্তরদা মীৎয়েং থম্লি। ভারতনা অনৌবা পুৱারী অমা ইখ্রে। ঙরাং ঐহাক্না গ্রুপ কেপ্তেন শুভানশু শুক্লাগা ৱারী শানখি। ঐহাক্না শুভানশুগা ৱারী শানখিবা অদুসু নখোয়না তারমলগনি। শুভানশুবু ইন্তর্নেস্নেল স্পেস সেন্তরদা নুমিৎ খরগী ওইনা লৈখিগনি। ঐখোয়না মসিগী মিসন অসিগী মতাংদা হেন্না ৱারী শানগনি, অদুবু 'মন কী বাত'কী মথংগী ইপিসোদতা ৱারী শানগনি।

এপিসোদ অসিদা অদোমগা ৱারী শানবগী মতম ওইরে। অদুবু মরুপশিং, ঐহাক্না নখোয়গা কাইনদ্রিঙৈদা নখোয়দা অখন্নবা নুমিৎ অমা নীংশিংহনবা পাম্মি। জুলাইগী ১দা, হংচিৎ অসি ঐখোয়না য়াম্না মরু ওইবা প্রোফেসন অনি - দোক্তরশিং অমসুং CAশিংবু ইকায় খুম্নবা উৎলি। মখোয় অনিমক অসি খুন্নাইগী মরুওইবা য়ুম্বীনি, মসিনা ঐখোয়গী পুন্সি মহিং হেন্না ফগৎহল্লি। দোক্তরশিং অসি ঐখোয়গী হকশেলগী ঙাক্লৌনি অমসুং CAশিং (চারতর্দ একাউন্তেন্তশিং) অসি শেন্মিৎলোনগী পুন্সিগী লমজিংবশিংনি। দোক্তর অমসুং চারতর্দ একাউন্তেন্ত পুম্নমক্তা ঐহাক্না য়াইফ-পাউজেল পীজরি।

মরুপশিং,

ঐহাক্না অদোমগী ৱাখল্লোনশিং মতম পুম্নমক্তা ঙাইরি। 'মন কী বাত'কী মথংগী এপিসোদ অসি অদোমগী ৱাখল্লোনশিংনা হেন্না মগুন লৈহল্লগনি। ঐখোয়গী লৈবাক মীয়ামগী অনৌবা ৱাখল্লোনশিং, অনৌবা ইথিল অমসুং অনৌবা মায়পাকপশিংগা লোয়ননা ঐখোয়না অমুক্কা হন্না উন্নগনি। অদোমবু হন্না-হন্না থাগৎচরি, খুরুমজরি।

ঐহাক্কী নুংশিরবা ইরৈবাকচাশিং, খুরুমজরি। ঙসিদি লৈবাক পুম্বনা তেরোরিজমগী মায়োক্তা অমত্তা ওইনা লেপ্পী; অশাউবা অমসুং ফিরেপনা থল্লি। ঙসিদি ভারত মচা খুদিংমক্না তেরোরিজম মুত্থৎনবা চপ মান্নবা ৱারেপ লৌরে। মরুপশিং, ওপরেসন সিন্দুরগী মতমদা ঐখোয়গী ফোর্সশিংনা উৎখিবা থৌনা অদুনা ভারত মচা খুদিংমকপু চাউথোকচবা পোকহল্লি। ঐখোয়গী লান্মীশিংনা ঙমখৈগী ৱাংমদা লৈবা তেরোরিস্তশিংগী অরোনবা মফমশিংবু থুগাইবগী প্রিসিজন অমসুং এক্যুরেসী অসি য়াম্না শিংথানীংঙাইনি। ওপরেসন সিন্দুরনা মালেম শিনবা থুংনা তেরোরিজমগা লান্থেংনবদা অনৌবা থাজবা অমসুং থৌনা পীরি।

মরুপশিং, ওপরেসন সিন্দুর অসি মিলিতরী মিসন অমা খক্তা নত্তে; মসি ঐখোয়গী ৱারেপ, থৌনা অমসুং ভারতকী অহোংবা পুরকপগী মশক অমনি অমসুং মসিগী মশক অসিনা লৈবাক পুম্বদা লৈবাকনীংবগী ৱাখল্লোন অমা পোকহল্লি অমসুং লৈবাক অসিবু মচু অহুমগী মচুনা শংখি। লৈবাক অসিগী শহর, খুঙ্গং অমসুং অপীকপা শহর কয়াদা তিরঙ্গা য়াত্রাগী থৌরম পাংথোকপা অদোম্না উবা ফংলমগনি। মীওই লিশিং কয়া অমা লৈবাক অসিগী লান্মীশিংদা ইকায় খুম্নবা উৎনবা তিরঙ্গা পাইদুনা থোরকখি। শহর কয়াদা, নহারোল কয়া অমা সিভিল দিফেন্স ভোলুন্তিয়র ওইনবা পুন্না লাকখি... অমসুং ঐখোয়না চান্দিগরগী ভিদিওশিং অসি ভাইরেল ওইরকপা উখি। সোসিএল মীদিয়াদা শৈরেংশিং ইরি, ৱারেপ লৌবগী ঈশৈশিং শক্লি। অপীকপা অঙাংশিংনা মখোয়দা অচৌবা পাউজেলশিং পুরিবা লাইশিং য়েকখি।

নুমিৎ হুমনিগী মমাংদা ঐহাক বীকানেরদা চৎখি। মফম অদুদা, অঙাংশিংনা ঐঙোন্দা অসিগুম্বা পেন্তিং অমা খুদোল ওইনা পীখি। "ওপরেসন সিন্দুর"না লৈবাক অসিগী মীয়াম্বু য়াম্না ইথিল পীখিবনা ইমুং কয়া অমনা মসিবু মখোয়গী পুন্সিগী শরুক অমা ওইহনখি। বিহারগী কাতিহার, য়ু.পি.গী কুশিনগর অমসুং অতোপ্পা শহর কয়াদা, মতম অদুদা পোকখিবা অঙাংশিংবু “সিন্দুর” হায়না মিংথোনখি।

মরুপশিং, ঐখোয়গী লান্মীশিংনা তেরর বেজশিংবু থুগাইখি; মসি ভারত্তা শাবা খুৎলাইশিং, ইক্বিপমেন্তশিং অমসুং তেক্নোলোজীগী শক্তিগা লোয়ননা মখোয়গী নমথব ঙমদবা মপাঙ্গল থৌনা ওইখি। মসিদা 'আত্মনির্ভর ভারত'কী ৱারেপসু য়াওরি। ঐখোয়গী ইঞ্জিনীয়রশিং, ঐখোয়গী তেক্নিসিয়নশিং, তশেংনমক্কীদি, মীপুম খুদিংমক্কী হুমাং মমল অসি মাইপাকপসিদা য়াওরি। কেম্পেন অসিগী মতুংদা, "ভোকেল ফোর লোকেল"গী মতাংদা লৈবাক শিনবা থুংনা অনৌবা ইনর্জী অমা উবা ফংলে। কয়া অমনা থম্মোয়দা ইথিল পীখি। মমা-মপা অমনা হায়খি, "ঐখোয়গী অঙাংশিংগীদমক্তা ঐখোয়না হৌজিক ভারত্তা খক্তা শাবা শান্নপোৎশিং লৈরগনি। লৈবাকনীংবা অসি অঙাং ওইরিঙৈদগী হৌগনি”। ইমুং খরনা অচেৎপা ৱারেপ লৌখ্রে, "ঐখোয়না মথংগী ছুতি অসি লৈবাক অসিগী ফজরবা মফম অমদা চৎকনি।" নহা ওইরিবা মীওই কয়ানা লৈবাক অসিদা মখোয়না লুহোংগনি হায়না 'ৱেদ ইন ইন্দিয়া'গী অচেৎপা ৱাফম থমখি। কনাগুম্বা অমনা মসিসু হায়খি, "হৌজিক ঐখোয়না পীগদবা খুদোল অমা হেক্তা অসি ভারতকী আর্তিসান অমনা শাবা ওইগদবনি।"

মরুপশিং, মসি ভারতকী অশেংবা পাঙ্গলনি – ‘মীশিং অমসুং ৱাখল্লোনগী মরক্তা লৈনবা মরী... মীয়ামগী শরুক য়াবা’। ঐহাক্না অদোম পুম্নমকপুসু হায়জরি... লাকপীয়ু, ঐখোয়গী পুন্সিদা ওইথোকপা য়াবা মফম খুদিংমক্তা, লৈবাক অসিদা শাবা পোত্থোকশিংদা অহেনবা মীৎয়েং থমগনি হায়বগী অচেৎপা ফিরেপ অমা ঙসি ঐখোয়না লৌরসি।

মসি শেন্মিৎলোনগী ওইবা মশা-মরোমদোম লেপচবগী ৱাফম খক্তা নত্তে... মসি লৈবাক শেমগৎপদা শরুক য়াবগী ৱাখল্লোন অমনি। ঐখোয়গী খোঙথাং অমখক্তনা ভারতকী চাউখৎ-থৌরাংদা অচৌবা থৌদাং অমা লৌবা ঙমগনি।

মরুপশিং, মফম অমদা বসতা চৎপা অসি য়াম্না তোইনা থোকপা থৌওং অমনি। অদুবু ঐহাক্না খুঙ্গং অমগী মরমদা হায়জনীংই মদুদা অহানবা ওইনা বস অমা লাকখি। মফম অদুদা লৈরিবা মীওইশিংনা চহি কয়াদগী নুমিৎ অসি লাক্নবা ঙাইদুনা লাক্লি। অমসুং বস অসিনা খুঙ্গংদা অহানবা ওইনা থুংলবা মতমদা, মীয়াম্না ধোল-নগরা থিন্দুনা তরাম্না ওকখি। বস অদু উবদা মখোয়গী নুংঙাইবগী ঙমখৈ লৈখিদে! খুঙ্গংদা লম্বী অমা লৈরম্মি... মসি মীওইশিংনা মথৌ তারমখি, অদুবু মফম অসিদা বস অমত্তা চৎপা ঙম্লমদে। করিগীদমক্তা... মরমদি খুঙ্গং অসি মাওইস্তশিংগী হিংসানা শোকহল্লমখি। মফম অসি মহারাস্ত্রগী গাদচিরোলি দিস্ত্রিক্ততা লৈ, অমসুং খুঙ্গং অসিগী মমিং অসি কেতেঝারী কৌই। কতেঝারীদা ওইরক্লিবা অহোংবা অসি অকোয়বগী মফম পুম্নমক্তা উবা ফংলি। হৌজিক্তি মফম অসিদা ফীভম অসি খোংজেল য়াংনা নোর্মেল ওইরক্লি। মাওইজমগী মায়োক্তা পুন্না লান্থেংমিন্নবনা মরম ওইদুনা, হায়রিবা মফমশিং অসিদসু মরুওইবা খুদোংচাবশিং ফংহনবা হৌরে। খুঙ্গংগী মীওইশিংনা হায়রি মদুদি বস অদু লাকপগা লোয়ননা মখোয়গী পুন্সি অসি য়াম্না লাইথোক্লগনি।

মরুপশিং, 'মন কী বাত'তা ঐখোয়না ছত্তিসগরদা পাংথোকপা বাস্তর ওলিম্পিক্স অমসুং মাওইস্তশিংনা শোকহল্লবা মফমশিংদা সাইন্স লেবকী মতাংদা হান্ননা খন্নখ্রে। মফম অসিদা লৈরিবা অঙাংশিং অসি সাইন্সকী মতাংদা পুক্নিং চংলি। মখোয়না শান্ন­-খোৎনবা য়াম্না হৈ । অসিগুম্বা খোঙথাংশিং অসিনা মফমশিং অসিদা লৈরিবা মীওইশিং অসি করম্না থৌনা লৈবগে হায়বদু উৎলি। হায়রিবা মীওইশিং অসিনা অৱাবা কয়া অসিগী মরক্তা মখোয়গী পুন্সি মহিং ফগৎহন্নবগী লম্বী অসি খনখি।

দান্তেৱাদা দিস্ত্রিক্তকী 10শুবা অমসুং 12শুবা থাক্কী পরিক্ষাগী রিজল্তশিং অসি অফবা ওইরে হায়বা খঙবদা ঐহাক য়াম্না নুংঙাইবা ফাওই। চাদা 95গী চাংগা লোয়ননা, হায়রিবা দিস্ত্রিক্ত অসিনা 10শুবা থাক্কী ফলশিংদা মকোক থোংখি। অদুগা ক্লাস 12গী পরিক্ষাদা হায়রিবা দিস্ত্রিক্ত অসিনা ছত্তিসগরদা তরুকশুবা মফমদা লৈখি। খল্লু! মতম অমদা মাওইজমগী মপুং ফাবা মফম দান্তেৱাদাদা ঙসিদি এজুকেসনগী ফিরাল অসি ৱাংনা পাইরি। অসিগুম্বা অহোংবশিং অসিনা ঐখোয় পুম্নমকপু চাউথোকচবা পোকহল্লি।

ঐহাক্কী নুংশিরবা ইরৈবাকচাশিং, হৌজিক ঐহাক্না নোংশাশিংগা মরী লৈনবা নুংঙাইবা পাউ খরা শিন্নবা পাম্মি। হৌখিবা চহি মঙা অসিদা, গুজরাতকী গিরদা নোংশাগী মশীং 674দগী 891দা হেনগৎখ্রে। নোংশাগী সেন্সস মতুংদা ওইরকখিবা নোংশাগী মশীং অসি য়াম্না পুক্নিং থৌগৎনিংঙাই ওই। মরুপশিং, নখোয় কয়া অমনা শা মশীং থীবগী থবক অসি মতৌ করম্না পাংথোকপগে হায়না হংনীংলমগনি। হায়রিবা এক্সরসাইজ অসি য়াম্না শিংননিংঙাই ওই। নোংশাগী সেন্সস অসি জিলা 11দা, স্ক্বার কিলোমিতর 35,000গী লমদম অমদা পাংথোকখি হায়বসি খঙবদা অদোম্না অঙকপা পোক্কনি সেন্সসকীদমক্তা, তীমশিংনা হায়রিবা মফমশিং অসি নুমিৎ চুপ্পা... পুং কুনমরি মোনিতর তৌখি। কেম্পেন অসিদা ভেরিফিকেসন অমসুং ক্রোস ভেরিফিকেসন অনিমক পাংথোকখি। মসিনা নোংশাশিংবু নীংথিনা মশীং থীবা ঙমহনখি।

মরুপশিং, এসিয়াতিক লায়নগী মশীং হেনগৎলকপা অসিনা খুন্নাই অসিদা মপু ওইবগী ৱাখল্লোন মপাঙ্গল কনখৎলকপা মতমদা, অঙকপা মহৈশিং ফংই উৎলি। চহী তরাগী খুজিং খরগী মমাংদা, গিরগী ফিভম অসি য়াম্না অরুবা অমা ওইখি। অদুবু মফম অদুদা লৈরিবা মীওইশিংনা অহোংবা পুরক্নবা পুন্না হোৎনমিন্নখি।

খ্বাইদগী নৌবা তেক্নোলোজীগা লোয়ননা, মালেমগী খ্বাইদগী ফবা থৌওংশিংসু মফম অসিদা শিজিন্নখি। মতম অসিদা, গুজরাত অসি নুপীশিংবু ফোরেস্ত ওফিসরশিং ওইনা পাকশন্না খনখিবা অহানবা রাজ্য ওইখি। মসি পুম্নমক্না ঙসি ঐখোয়না উরিবা মহৈশিং অসিদা মতেং পাংলি। ঐখোয়না লম্লক্কী শা-ঙা ঙাক-শেনবগীদমক মখাতানা চেকশিন্না লৈগদবনি।

ঐহাক্কী নুংশিরবা ইরৈবাকচাশিং, নুমিৎ খরনিগী মমাংদা, ঐহাক অহানবা রাইজিং নোর্থ ইস্ত সম্মিৎতা শরুক য়াখি। মদুগী মমাংদা, ঐখোয়না অৱাং নোংপোক্কী শক্তিদা কত্থোকপা 'অস্তলক্ষ্মী মহোৎসব'সু পাংথোকখি। অৱাং-নোংপোক অসি অখন্নবা অমনি; মাগী পাঙ্গল, মাগী হৈ-শিংবা অসি তশেংনা শিংথানিংঙাই ওই। ঐহাক্না ক্রাফতেদ ফাইবরশিংগী মতাংদা নুংঙাইবা ৱারী অমা খঙলে। ক্রাফতেদ ফাইবর অসি ব্রান্দ অমখক্তমক নত্তে; মসি সিক্কিমগী চৎনবী, ফী শাবগী কলা অমসুং ঙসিগী ফেশনগী ৱাখল্লোনগী ফজরবা অপুনবা অমনি। মসি দোক্তর চেৱাং নোর্বু ভুতিয়ানা হৌদোকখি। মহাক অসি শিনফমগী মতুং ইন্না ভেতেরিনরী দোক্তর অমনি অমসুং মহাক্কী থম্মোয়না সিক্কিমগী কলচরগী অশেংবা ব্রান্দ এম্বেসেদর অমনি। মহাক্না খল্লম্মি... “করিগীদমক্তা ফী শাবদা অনৌবা মায়োল অমা পীরোইদগে!” অমসুং মসিগী ৱাখল্লোন অসিনা ক্রাফতেদ ফাইবরশিংবু পোকহনখি। মহাক্না ত্রেদিস্নেল ৱেভিংবু মোদর্ন ফেশন্দা শম্নহনখি অমসুং মসিবু সোসিএল এন্তর্প্রাইজ অমা ওইহনখি। হৌজিক্তি মহাক্না ফী খক্তমক শাবতা নত্তনা পুন্সি কয়াসু শেমগৎলি। মহাক্না মফম অদুগী মীওইশিংদা স্কিল ত্রেনিং পীদুনা মখোয়বু মশা মরোমদোম লেপচবা ঙমহল্লি। খুঙ্গংগী ফী শাবীশিং, শা-শন য়োকপা মীওইশিং অমসুং সেল্ফ হেল্প গ্রুপশিংগা শম্নহন্দুনা, দোক্তর ভুতিয়াদা থবক ফংহন্নবগী অনৌবা লম্বীশিং শেম্লে।

ঙসিদি, মফম অদুগী নুপীশিং অমসুং আর্তিসানশিংনা মখোয়গী স্কিলশিংগী খুত্থাংদা শেন্দোং তালি। ক্রাফতেদ ফাইবরসকী শাল, স্তোল, গ্লোব, মোজা... পুম্নমক অসি মফম অদুগী হেন্দলুমশিংনা শারি। মসিদা শীজিন্নরিবা শামতু অসি সিক্কিমগী থেবা অমসুং য়াওশিংদগী লৌই। মচুশিং অসিসু মপূং ফানা মহৌশাগীনি - কেমিকেল য়াওদে, মহৌশাগী মচুশিং খক্তনি। দোক্তর ভুতিয়ানা সিক্কিমগী চৎনবী ফী শাবা অমসুং কলচরদা অনৌবা মশক অমা পীরি। দোক্তর ভুতিয়াগী থবক্না চৎনবী অসি পুক্নিং থৌগৎপগা লোয়ননা পুনশিনবা মতমদা মালেম অসি কয়া য়াম্না পুক্নিং চিংশিনবা ঙম্মি হায়বা অদু ঐখোয়দা তাকপীখি।

ঐহাক্কী নুংশিরবা ইরৈবাকচাশিং, ঙসি ঐহাক্না আর্তিস্ত লোয়ননা হিংদুনা লৈরিবা ইনস্পিরিসন ওইরিবা মীওই অমা, য়াম্না শিংথানীংঙাই ওইবা মীওই অমগী মরমদা শন্দোক্না তাকপা পাম্মি। মহাক্কী মিংদি - জীভন জোশীনি; চহি 65 শুরে। হৌজিক খন্থবীয়ু, মী অমগী মমিংদা 'জীভন' য়াওবা মীওই অদু করম্না পুন্সিনা থনবগে। জিভনজী উত্তরাখন্দগী হালদ্ৱানিদা লৈরি। অঙাং ওইরিঙৈদা পোলিওনা মহাক্কী মখোঙগী মপাঙ্গল মাংহনখি, অদুবু পোলিওনা মহাক্কী থৌনা অদু মাঙহনবদি ঙমখিদে।

মহাক্কী খোঙচৎকী খোঙজেল তপ্না তপ্না হন্থরক্লবসু, মহাক্কী ৱাখলনা খোংজেল য়াংনা চৎখি। মসিগী খোংজেল অসিদা, জিভনজীনা তোপ তোপ্পা আর্ত অমা পুথোকখি... মহাক্না মসিবু 'বাজেৎ' হায়না মিংথোনখি। মসিদা মহাক্না উচান পাম্বীশিংদগী কেল্লকপা অকংবা মকুদগী ফজরবা আর্ত পীচশিং শেম্মী। মীওইশিংনা মহৌশানা কান্নদ্রে হায়না লৌনরিবা মকু অসি - জীভন জীগী খুৎতা লাকপগা লোয়ননা হেরিতেজ অমা ওইরকই। মহাক্কী পোৎশক খুদিংমক্তা উত্তরাখন্দগী লৈহাওগী মগুন য়াওরি। করিগুম্বা মতমদা মসি চীংগী মীয়ামগী খুৎলাইশিংনি, অমসুং করিগুম্বা মতমদা চীংগী থৱায়না উশিং অসিদা চঙশিল্লকপগুম তৌই। জীভন জীগী থবক অসি আর্ত খক্তমক নত্তে, মসি সধনা অমনি।

মহাক্না মহাক্কী পুন্সি পুম্বা আর্ত অসিদা কত্থোকখি। জীভন জোশীগুম্বা আর্তিস্তশিংনা ঐখোয়দা নীংশিংহল্লি মদুদি ফীভমশিং অদু ওইনীংবা ওইরবসু, করিগুম্বা ৱাখল্লোন অদু মপাঙ্গল কনখৎলবদি, করিগুম্বা অমত্তা তৌবা ঙম্লোই। মহাক্কী মিংদি জীভননি অমসুং মহাক্না তশেংনা পুন্সি হিংবা হায়বসি করিনো হায়বদু উৎখ্রে।

ঐহাক্কী নুংশিরবা ইরৈবাকচাশিং, ঙসিদি নুপী কয়ানা লৌশিংবুক্তা থবক তৌরি অমসুং অতিয়াগী পনখৈশিং য়ৌরি। হোয়! অদোম্না চুম্না তারি, হৌজিক খুঙ্গংগী নুপীশিংনা দ্রোন দিদি ওইনা দ্রোনশিং পাইরি অমসুং লৌউ-শিংউদা অনৌবা অহোংবা অমা পুরক্লি।

মরুপশিং, তেলঙ্গনাগী সঙ্গরেদ্দি জিলাদা, মতম খরগী মমাংদা অতোপ্পদা মখা পোন্দুনা লৈরম্বা নুপীশিংনা ঙসিদি দ্রোনশিংগী মতেংগা লোয়ননা একর 50গী লমদা তিলহীদাকশিং চাইবগী থবক লোইশিনখ্রে। অয়ুক্তা পুং অহুম, নুমিদাংদা পুং অনি অদুগা থবক লোইরে। নুংশাগী অয়াকপা মৈশা নৎত্রগা হু চেনবা কেমিকেলশিংগী খুদোংথীবা অমত্তা লৈতে। মরুপশিং, খুঙ্গংগী মীওইশিংনসু মসিগী অহোংবা অসিবু থম্মোয় শেংনা য়াজরি। হৌজিক্তি হায়রিবা নুপীশিং অসি 'দ্রোন ওপরেতরশিং' ওইনা খঙনদ্রে অদুবু 'স্কাই ৱারিয়রশিং' ওইনা খঙনরে। তেক্নোলোজী অমসুং অখাং কনবা অসিনা অমত্তা ওইনা চৎমিন্নবা মতমদা অহোংবা লাকই হায়না নুপীশিং অসিনা ঐখোয়দা তাক্লি।

ঐহাক্কী নুংশিরবা ইরৈবাকচাশিং, 'ইন্তর্নেস্নেল য়োগ নুমিৎ' পাংথোক্কদবা থা অমা ফাদ্রে। করিগুম্বা অদোম্না হৌজিক ফাওবা য়োগ তৌদ্রিবা ওইরবদি, হৌজিক্তি য়োগ তৌবীয়ু হায়বা থৌরম অসিনা ঐখোয়দা নিংশিংহল্লি। য়োগনা নহাক্কী পুন্সি মহিং হোংদোক্কনি। মরুপশিং, 2015গী জুন 21দা 'য়োগ নুমিৎ' হৌখিবদগী মসিগী মায়কৈদা পুক্নিং চিংশিনবা অসি লেপ্তনা হেনগৎলক্লি।

মসিগী মতাংদসু, 'য়োগ নুমিৎ' অসিদা মালেম পুম্বদা লৈরিবা মীওইশিংগী মরক্তা পুক্নিং থৌগৎপা অমসুং থৌনা অসি ময়েক শেংনা উবা ফংলি। মশিং য়াম্লবা ইন্সতিত্যুসনশিংনা মখোয়গী শেম-শারিবা অদু শেয়র তৌরি। হৌখিবা চহিশিং অসিগী ফোতোশিং অসি য়াম্না পুক্নিং থৌগৎনীংঙাই ওইখি। চহিশিং অসিদা ঐখোয়না উবা ফংলি মদুদি তোঙান তোঙানবা লৈবাকশিংদা লৈরিবা মীওইশিংনা য়োগ চেন নৎত্রগা য়োগ রিং শেমখি। মীরোন মরিনা য়োগ পুন্না তৌরিবা উৎলিবা ফোতো কয়া অমা লৈরি। মীওই কয়ানা য়োগগীদমক মখোয়গী শহরগী মশক থোকপা মফমশিং খনখ্রে। অদোমসু ঙসি য়োগ নুমিৎ অসি নুংঙাইবা মওংনা পাংথোক্নবা খল্লু।

মরুপশিং, আন্ধ্র প্রদেশ সরকারনা য়োগআন্ধ্র অভিয়ান হৌদোকখ্রে। মসিগী পান্দমদি রাজ্য পুম্বদা য়োগগী চৎনবী অসি চাউখৎহনবনি। মসিগী কেম্পেন অসিগী মখাদা, য়োগ তৌরিবা মীওই লাখ 10গী পুল অমা শেমগৎলি। ঐহাক্না চহি অসিদা বিশাখাপত্নমদা পাংথোক্কদৌরিবা 'য়োগ দিবস' প্রোগ্রামদা শরুক য়াবগী খুদোংচাবা ফংলগনি। ঐখোয়গী নহা ওইরিবা মরুপশিংনা লৈবাক অসিগী হেরিতেজগা মরী লৈনবা মশক থোকপা মফমশিংদা হন্দকসু য়োগ পাংথোক্কনি হায়বা খঙবদা ঐহাক নুংঙাইবা ফাওই। নহা কয়া অমনা রেকোর্দ অমা শেম্নবা অমসুং য়োগ চেনগী শরুক অমা ওইনবা ৱাশক লৌখ্রে। ঐখোয়গী কোর্পোরেৎশিংসু, মসিগী মতাং অসিদা শোত্থবা লৈতে। ইন্সতিত্যুসন খরনা মখোয়গী ওফিসশিংদা য়োগ চত্থনবা তোঙানবা মফম অমা থম্লি। স্তার্ত-অপ খরনা 'ওফিস য়োগগী মতম' শেম্লে। খুঙ্গংশিংদা চৎতুনা য়োগ তম্বীনবা শেম শারিবা মীওইশিংসু লৈরি। হকশেল অমসুং ফিৎনেসকী মতাংদা মীয়ামগী ওইবা এৱেরনেস অসিনা ঐঙোন্দা য়াম্না নুংঙাইবা পোকহল্লি।

মরুপশিং, য়োগ দেগা লোয়ননা, আয়ুর্বেদকী লমদসু করিগুম্বা অমা থোক্লে, মদুগী মরমদা খঙবদা অদোম য়াম্না নুংঙাইগনি। ঙরাং, হায়বদি মে 24দা, WHOগী দাইরেক্তর জেনরেল অমসুং ঐহাক্কী মরুপ তুলসী ভাইগা লোয়ননা MoU অমা খুৎয়েক পীখ্রে। মসিগী এগ্রীমেন্ত অসিগা লোয়ননা, ইন্তর্নেস্নেল ক্লাসিফিকেসন ওফ হেল্থ ইন্তরভেন্সনগী মখাদা দেদিকেতেদ ত্রেদিস্নেল মেদিসিন মোদুল অমগী থবক হৌখ্রে। মসিগী খোঙথাং অসিনা সাইন্তিফিক ওইবা মওংদা মালেম শিনবা থুংনা লৈরিবা মীওই কয়াদা আয়ুশ য়ৌহনবদা মতেং পাংগনি।

মরুপশিং, অদোম্না স্কুলশিংদা ব্লেকবোর্দশিং উবা ফংলগনি, অদুবু হৌজিক্তি স্কুল খরদসু ‘সুগর বোর্দ’শিং হাপচিল্লি - ব্লেকবোর্দ নত্তে, সুগর বোর্দনি। CBSEগী অখন্নবা খোঙথাং অসিগী পান্দমদি অঙাংশিংদা মখোয়না চিনি চাবগী মতাংদা খঙহনবনি। চিনিগী চাং অসি করম্না শিজিন্নগদগে অমসুং চিনিগী চাং অসি করম্না শিজিন্নগদগে হায়বদু খঙবনা, অঙাংশিংনা মশা-মশানা মশা-মশাগীদমক মশা-মশানা হকশেল ফবা ওপ্সনশিং খনবা হৌরকখি। মসি অখন্নবা খোঙথাংনি অমসুং মসিগী ইম্পেক্ত অসিসু য়াম্না পোজিতিব ওইগনি। মসিনা অঙাং ওইরিঙৈদগী হকশেল ফবা পুন্সি মহিং লৈহনবদা য়াম্না কান্নবা ওইগনি। মমা-মপা কয়ানা মসি থাগৎপা ফোংদোকখ্রে অমসুং অসিগুম্বা থৌরাংশিং অসি ওফিসশিং, কেন্তিনশিং অমসুং ইন্সতিত্যুসনশিংদসু লৌখৎকদবনি হায়না ঐনা থাজৈ। মরমদি, হকশেল লৈরবদি, পুম্নমক লৈ। ফিৎ ইন্দিয়ানা মপাঙ্গল কনবা ভারতকী য়ুম্ফম্নি।

ঐহাক্কী নুংশিরবা ইরৈবাকচাশিং, ক্লিন ইন্দিয়াগী মতাংদা ঙাংবা অমসুং 'মন কী বাত' তারিবা মীওইশিং অদু তুংওইননা থম্বা হায়বা অসি করম্না ওইথোক্কনি? অদোম পুম্নমক্না অদোমগী থাক্তা কেম্পেন অসিবু মপাঙ্গল কনখৎহনগনি হায়না ঐনা থাজবা থম্লি।

অদুবু ঙসি ঐহাক্না অদোমদা লুনান্না লৈবগী ৱারেপনা অচৌবা শীংনবা ফাওবা মাইথিবা পীবা ঙম্বগী খুদম অমা শন্দোক্না তাকপীবা পাম্মি। খন্থদুনা য়েংবীয়ু, শ্বর হোনবা ৱাবা, খোঙথাং খুদিংদা পুন্সিদা খুদোংথিবা লৈরিবা উন্না কুপ্পা চীংজাও অমা কারিবা মীওই অদুনা মফম অদু শেংদোক্লি। ঐখোয়গী ITBP তীমগী মেম্বরশিংনা মান্নবা থবক অমা পাংথোকখ্রে। মসিগী তীম অসিনা মালেমগী খ্বাইদগী কাবা ৱাবা, মাউন্ত মাকালু কাবা চৎখি। অদুবু মরুপশিং, মখোয়না চীং অদু খক্তমক কাখিবা নত্তে... মখোয়না মখোয়গী পান্দমদা ‘লুনানবগী’ অতোপ্পা মিসন অমসু হাপখি। মখোয়না চীংদোনগী মনাক্তা লৈরিবা অমোৎপশিং লৌথোকপগী থবক তৌখি। খল্লু, তীম অসিগী মেম্বরশিংনা মখোয়গা লোয়ননা নোন-বাইওদিগ্রেদেবল ৱেস্ত কেজি 150 হেন্না পুথরকখি। অসিগুম্বা অৱাংবা মফমদা শেংদোকপা অসি অরায়বা থবক নত্তে। অদুবু মসিনা উৎলি মদুদি অখাং কল্লবদি, লম্বী অসি মশা মরোমদোম শেমজরকই।

মরুপশিং, মসিগা মরী লৈনবা অতোপ্পা মরুওইবা হীরমদি - পেপর ৱেস্ত অমসুং রিসাইক্লিংনি। ঐখোয়গী য়ুম অমসুং ওফিসশিংদা নুমিৎ খুদিংগী পেপর ৱেস্ত কয়া অমা থাদোরকই। ঐখোয়না মসি নোর্মেলনি হায়না খনবা য়াই, অদুবু লৈবাক অসিগী লেন্দফিল ৱেস্তকী মরিশুবা শরুক অমা পেপরগা মরী লৈনৈ হায়বসি খঙবদা অদোম্না অঙকপা ফাওগনি। ঙসিদি, মীওই খুদিংমক্না অসিগুম্বা মাইকৈদা খনবা মথৌ তাই। ভারতকী স্তার্ত-অপ কয়া অমনা সেক্তর অসিদা অফবা থবকশিং পাংথোক্লি হায়বা খঙবদা ঐহাক নুংঙাইবা ফাওই। বিশাখাপত্নম অমসুং গুরুগ্রামগুম্বা শহর কয়াদা, স্তার্ত-অপ কয়া অমনা পেপর রিসাইক্লিংগী অনৌবা পাম্বৈশিং শিজিন্নরি। মীওই খরনা রিসাইকল তৌরবা পেপরদগী পেকেজিং বোর্দশিং শেম্বা, অতোপ্পা খরনা দিজিতেল মেথদশিংগী খুত্থাংদা পাউচে রিসাইকল তৌবা লাইথোকহল্লি।

জলনাগুম্বা শহরশিংদা, স্তার্ত-অপ খরনা 100% রিসাইকল তৌরবা পোৎলমশিংদগী পেকেজিং রোলশিং অমসুং পেপর কোরশিং শেমগৎলি। তন অমগী পেপর রিসাইকল তৌবনা উ পাম্বী 17 য়ান্থবদগী ঙাকথোকই অমসুং লিতর লিশিং কয়াগী ঈশিং কনবা ঙম্মি হায়বা খঙবনা অদোমবু পুক্নিং থৌগৎকনি। খল্লু, করিগুম্বা চীংকারোইশিংনা অসিগুম্লবা অরুবা ফীভমশিংদা ৱেস্তশিং পুথরকপা ঙম্লবদি, ঐখোয়সু ঐখোয়গী য়ুমশিং নৎত্রগা ওফিসশিংদা পেপর খায়দোক্তুনা রিসাইকল তৌবদা মতেং পাংফম থোকই। লৈবাক অসিগী নাগরিক খুদিংমক্না লৈবাক অসিগীদমক্তা হেন্না ফবা করি তৌবা য়াবগে হায়বদু খল্লকপা মতমদা, ঐখোয় পুন্না চাউনা অহোংবা পুরকপা ঙমগনি।

মরুপশিং, হন্দক পাঙথোকখিবা খেলো ইন্দিয়া গেমস অসি য়াম্না মাইপাকখি। বিহারগী শহর মঙাদা খেলো ইন্দিয়া গেম্স পাঙথোকখি। তোঙান তোঙানবা কেতেগোরীশিংগী মেৎচশিং মফম অসিদা পাঙথোকখি। ভারত শিনবা থুংবদগী মফম অদু য়ৌরকখিবা শান্নরোইশিংগী মশিং অসি লিশিং মঙা হেন্না ওইখি। শান্নরোইশিং অসিনা বিহারগী স্পোর্তিং স্পিরিৎ অমসুং বিহারগী মীয়াম্না উৎলিবা নুংশিবা অদু থাগৎপা ফোংদোকখি।

মরুপশিং, বিহারগী লম অসি য়াম্না অখন্নবা অমনি। থৌরম অসিদা তোপ তোপ্পা থৌদোক কয়া থোকখি। মসি ওলিম্পিক চেনেলগী খুত্থাংদা মালেম পুম্বদা য়ৌখিবা খেলো ইন্দিয়া য়ুথ গেম্সকী অহানবা ইদিসননি। মালেম পুম্বগী মীওইশিংনা ঐখোয়গী নহা ওইরিবা শান্নরোইশিংগী হৈ-শিংবা অদু উখি অমসুং থাগৎপা ফোংদোকখি। মেদল ফংলবা পুম্নমকপু, মরু ওইনা মকোক থোংবা অহুম - মহারাস্ত্রা, হরিয়ানা অমসুং রাজস্থানবু ঐহাক্না নুংঙাইবা ফোংদোকচরি।

মরুপশিং, খেলো ইন্দিয়াদা হন্দক্তি পুন্না রেকোর্দ 26 শেমখ্রে। ৱেথ লিফতিং কম্পিতিসনশিংদা মহারাস্ত্রগী অসমিতা ধোন, ওরিশাগী হর্শবর্ধন সাহু অমসুং উত্তর প্রদেশকী তুশার চৌধরীনা নীংথিনা শান্নদুনা মীপুম খুদিংমক্কী পুক্নিং চিংশিনখি। মহারাস্ত্রগী সাইরাজ পারদেসিনা রেকোর্দ অহুম শেমখি। এথলেতিক্সতা, উত্তর প্রদেশকী কাদির খান অমসুং শৈখ জিসান অমসুং রাজস্থানগী হন্সরাজনা শিংথানিংঙাই ওইনা পরফোর্ম তৌখি। হন্দক্তি বিহারনা মেদল 36 ফংখি। মরুপশিং, শান্নরিবা মীওই অদু চাউখৎলকই। তোর্নামেন্ত অসি য়ং স্পোর্তিং তেলেন্তকীদমক য়াম্না মরু ওই। অসিগুম্বা থৌরমশিং অসিনা ভারতকী শান্ন-খোৎনবগী তুংলমচৎ অসি হেন্না মপাঙ্গল কনখৎহল্লগনি।

ঐহাক্কী নুংশিরবা ইরৈবাকচাশিং, মেগী 20 অসি মালেমগী খোইগী নুমিৎনি; খোহী অসি অথুম্বা খক্তা নত্তে, মসি হকশেল, মশানা থবক পীজবগী অমসুং মশা মরোমদোম লেপচবগী খুদম অমসুনি হায়বসি ঐখোয়দা নিংশিংহল্লিবা নুমিৎনি। হৌখিবা চহি 11 অসিদা, ভারত্তা খোই য়োকপগী লমদা স্বীত রিভোল্যুসন অমা লাক্লে। চহি 10-11গী মমাংদা ভারত্তা খোহী পুথোকপা অসি চহি অমদা মেত্রিক তন লিশিং 70-75 রোম ওইরম্মি। ঙসিদি মসি চাউরাক্না মেত্রিক তন লাখ 1.25দা হেনগৎখ্রে। মসিনা তাক্লিবদি খোহী পুথোকপদা চাউরাক্না চাদা 60 হেনগৎলক্লি। ঐখোয়না খোহী পুথোকপা অমসুং এক্সপোর্ত তৌবদা মালেমগী মকোক থোংবা লৈবাক অমা ওইরে। মরুপশিং, নেস্নেল বিকেপিং অমসুং 'হনী মিসন'না মাগী পোজিতিব ইম্পেক্ত অসিদা অচৌবা থৌদাং অমা লৌরি। মসিগী মখাদা, খোই য়োকপগী থবকশিংগা মরী লৈনবা লৌমী লিশিং কয়াদা ত্রেনিং, ইক্বিপমেন্ত পীখি অমসুং কৈথেলদা মখোয়গী হকথেংননা খুদোংচাবা ফংহনখি।

মরুপশিং, অহোংবা অসি মশিং খক্তদা উবা ফংদে; মসি গ্রাউন্দ লেবেলদা ময়েক শেংনা উবা ফংই। ছত্তিসগরগী কোরিয়া দিস্ত্রিক্তকী খুদম অমা লৈরি, মফম অসিদা ত্রাইবেল ফার্মরশিংনা 'সোনহানি' হায়না মিংথোনবা অশেংবা ওর্গানিক হনী ব্রেন্দ অমা শেমখ্রে। ঙসিদি হনী অসি Ge য়াওনা ওনলাইন পোর্তেল কয়াদা য়োল্লি। হায়ব,দি খুঙ্গংনা কন্না হোৎনরিবা অসি গ্লোবেল ওইরক্লি। মতৌ অসুম্না, উত্তর প্রদেশ, গুজরাত, জম্মু অমসুং কাশ্মীর, নোংচুপ বেঙ্গল অমসুং অরুনাচল প্রদেশকী নুপী অমসুং নহারোল লিশিং কয়াসু হনী ওন্তপ্রিন্যুওর ওইরে। মরুপশিং, হৌজিক্তি খোহীগী চাং খক্তা নত্তনা মাগী প্যুরিতীদা থবক পায়খৎলি। স্তার্ত-অপ খরনা হৌজিক্তি AI অমসুং দিজিতেল তেক্নোলোজীগা লোয়ননা খোহীগী ক্বালিতী সর্তিফাই তৌরি। মথংদা অদোম্না খোহী লৈবদা, হনী ওন্তপ্রিন্যুওরনা পুথোকপা খোহী অসি মহাও তংবিয়ু। লোকেল লৌমী অমদগী নত্ত্রগা নুপী ওন্তপ্রিন্যুওর অমদগী খোহী লৈবীনবা হোৎনৌ। মরমদি মদুগী মরিক খুদিংমক্তা মহাও খক্তা নত্তনা মসিদা ভারতকী কন্না হোৎনবগী থৌনা অমসুং আশাশিংসু য়াওরি। খোহীগী অথুম্বা অসি মশা-মরোমদোম লেপচবা ভারতকী মহাও অদুনি।

মরুপশিং, ঐখোয়না খোহীগা মরী লৈনবা লৈবাকশিংগী হোৎনরিবশিং অদুগী মতাংদা ঙাংলিঙৈদা, ঐহাক্না অতোপ্পা খোঙথাং অমগী মরমদা অদোমদা হায়জনীংই। মসিনা ঐখোয়দা নীংশিংহল্লি মদুদি খোইশিংবু ঙাক-শেন্দুনা থম্বা হায়বসি অকোইবগী ফীভম ঙাক-শেন্দুনা থম্বতা নত্তনা ঐখোয়গী লৌউ-শিংউ অমসুং তুংগী মীরোনগীদমকসু ঙাক-শেন্দুনা থম্বা অমনি। মসিদা পুনে শহরগী খুদম অমা লৈজরে, হায়রিবা অসিদা হাউসিং সোসাইতী অমদগী খোইগী মহুম অমা লৌথোকখি - করিগুম্বা সেক্যুরিতীগী মরম নৎত্রগা অকিবা লৈবদগী ওইরম্বা য়াই। অদুবু থৌদোক অসিনা মীওই অমবু করিগুম্বা খরা খন্থহনখি।

অমিত কৌবা নহা অমনা খোইশিং অসি লৌথোক্লোইদবনি অদুবু মখোয়বু কনবা তাই হায়না ৱারেপ লৌখি। মহাক্না মশামক্না তমখি, খোইশিংগী মরমদা রিসর্চ তৌখি অমসুং অতোপ্পশিংসু হাপচিনবা হৌখি। তপ্না তপ্না মহাক্না তীম অমা শেমখি, মদুগী মমিং মহাক্না বি ফ্রেন্দস কৌখি, হায়বদি ‘বি মিত্রা’। হৌজিক্তি হায়রিবা বি ফ্রেন্দস অসিনা মীশিংবু খুদোংথিনিংঙাই ওইহন্দনবা অমসুং খোইশিংসু হিংদুনা থম্নবা, খোইশিংবু মফম অমদগী মফম অমদা সেফ ওইবা মওংদা ত্রান্সফর তৌরি। অমিত জীগী থৌনা অসিনা অচৌবা মহৈ অমা পীরি। খোইগী কোলোনীশিং অসি ঙাকথোক্লি। খোহী পুথোকপগী চাং হেনগৎলক্লি, অমসুং খ্বাইদগী মরু ওইরিবদি, মীশিংগী মরক্তা এৱেরনেসসু হেনগৎলক্লি। ঐখোয়না মহৌশাগী ফীভমগা চুশিন্ননা থবক তৌরবদি, মসিদগী মীপুম খুদিংমক কান্নবা ফংগনি হায়বসি মসিগী খোঙথাং অসিনা ঐখোয়দা তাক্লি।

ঐহাক্কী নুংশিরবা ইরৈবাকচাশিং, 'মন কী বাত'কী তাঙ্কক অসি মসিদা লোইরে। লৈবাক অসিগী মীয়ামগী মাইপাকপশিং অমসুং খুন্নাইগীদমক মখোয়না হোৎনরিবশিং অদু ঐঙোন্দা থাবীরকউ। ঐখোয়না অমুক হন্না 'মন কী বাত'কী মথংগী তাঙ্কক্তা উন্নরসি। ঐখোয়না অনৌবা হিরম কয়া অমসুং লৈবাক মীয়ামগী অনৌবা মাইপাকপশিং খন্ন-নৈনগনি। ঐহাক্না অদোমগী মেসেসশিং অদু ঙাইজরি। হন্না-হন্না থাগৎচরি। খুরুমজরি।

ঐগী নুংশিরবা ইরৈচাশিং, খুরুমজরি!

ঙসি ঐনা মন কি বাত্ত অদোমগী মফমদা ৱা ঙাংবগা লোয়ননা, ঐগী থম্মোয়দা য়াম্না নুংঙাইতবা অমা ফাওরে। এপ্রিল ২২ দা পহালগামদা থোকখিবা তমথিরবা থৌদোক অদুনা লৈবাক অসিগী মীওই খুদিংমক নুংঙাইহন্দ্রে। অৱাবা নংলবা ইমুংশিংগীদমক ভারতমচা খুদিংমক থম্মোয় শোক্না অৱাবা ফোঙদোক্লি। করম্বা রাজ্যগী মীওইনো হায়বা লৈতনা, ঙাংলিবা লোলগী ৱাফম থিদনা, থৌদোক অসিদা লৈখিদ্রবশিংগীদমক চপ মান্নবা অৱাবা ফাওরি। তেরোরিস্তনা খুৎথারকপগী ফোতোশিং উবদা ভারতমচা খুদিংমক শাওবনা ঈ কারে হায়না ঐনা খল্লি। তেরোরিজম য়োকখৎলিবশিং নিংবা কাইবা অদু পহালগামগী থৌদোক অসিদগী খঙলে; কাস্মিরদা শান্তি হঞ্জিল্লকপদা, স্কুলশিং অমসুং কলেজশিং ফজনা হাংলকপদা, মমাংদা অমুক্ত ওইখিদ্রিবা খোঙজেলদা শেমগৎ-শাগৎপগী থবক পায়খৎলকপদা, গনতন্ত্র মপাঙ্গল কনখৎলকপদা, রেকোর্দ রেত অমদা লমকোয়বা মীওইশিং মশিং হেনগৎলকপদা, মীয়ামগী শেন্থোক হেনগৎলকপদা, নহারোলশিংগী অনৌবা খুদোংচাবশিং ফংহনবদা… মখোয়গী পাংদবা অদু উৎথোক্লকপনি। লৈবাক অসিগী য়েক্নবশিং, জম্মু অমসুং কাস্মিরগী য়েক্নবশিংনা মসি পামদে। তেরোরিস্তশিং অমসুং তেরর শৌগৎলিবশিংনা কাস্মির অমুক হন্না মাঙহনবা পাম্মী অমসুং মরম অদুনা অসিগুম্বা অচৌবা লৌতুনবা অমা মখোয়না পাংথোকপনি। তেরোরিজমগী মায়োক্ত চৎথরিবা লাল অসিদা, লৈবাক্কী অপুনবা, ভারতমচা করোর ১৪০ গী অমতা ওইবা অসি ঐখোয়গী খ্বাইদগী কনবা থৌনানি। মসিগী অপুনবা অসি ঐখোয়না তেরোরিজম থেংনবগী য়ুম্ফমনি। লৈবাক্কী মাঙদা থেংনরিবা শিংনবা অসি মায়োক্ননবা ঐখোয়না ঐখোয়গী ৱারেপ কনখৎহনগদবনি। লৈবাক অমা ওইনা ঐখোয়না অকনবা থৌনা উৎথোক্কদবনি। তেরোরিস্তশিংগী থৌদোক অসিগী মতুংদা, ঙসি মালেম্না য়েংলি, লৈবাক শীনবা থুংনা খোল্লাউ অমা লাউরি। 

মরুপশিং,

ঐখোয় ভারতকী মীয়াম্না ফাওরিবা অশাওবা অসি মালেম শীনবা থুংনা ফাওরে। তেরোরিস্তকী থৌদোক অসিগী মতুংদা, মালেম শীনবা থুংবদগী অৱাবা ফোঙদোকপা লেপ্তনা লাক্লি। মালেমগী লুচিংবশিংনা ঐঙোন্দা কোল তৌরকখি, চিথিশিং ইরকখি অমসুং মেসেজশিংশু থারকখি। মীপুম খুদিংমক তেরোরিস্তনা লালদারকপা অসি কন্না য়ানিংদবা ফোংদোক্লি। মখোয়না লৈখিদ্রবশিংগী ইমুং-মনুংগী অৱাবশু শরুক য়াখি। ঐখোয়না তেরোরিজমগী মায়োক্ত লান্থেংনরিবা অসিদা মালেম শীনবা থুংবনা ভারতমচা করোর ১৪০ গীদমক লেপ্লি। অৱাবা তারবা ইমুংশিংনা অচুম্বা ফংগনি হায়না ঐনা অমুক হন্না থাজবা পীরি। অরানবা তৌখিবশিং অমসুং থৌদোক অসিগী লৌতুনরিবশিংদা অকনবা পাউখুম পীগনি।

মরুপশিং,

নুমিৎ নিনিগী মমাঙদা লৈবাক অসিগী শক্নাইরবা সাইন্তিস্ত দোক্তর কে কস্তুরিরঙ্গন জি ঐখোয়না মাঙজরে। ঐনা কস্তুরিরঙ্গন জিগা উনখিবা খুদিংদা, ঐখোয়না ভারতকী নহারোলশিং হৈথোই-শিংথোইবা, অনৌবা ইজুকেসন, স্পেস সাইন্সগুম্বা হিরমশিং খন্নখি। সাইন্স অমসুং ইজুকেসন অনৌবা থাকশিংদা পুখৎপদা মহাক্না থৌদাং কয়া পাংথোকখি অমসুং ভারতকী স্পেস প্রোগ্রাম্না মতম পুম্নমক্ত নিংশিংলগনি। মহাক্কী লুচিং মখাদা ইসরো অনৌবা শক্তম অমা ফংখি। মহাক্কী লমজিং মখাদা পাংথোকখিবা ভারতকী স্পেসকী থৌরমশিং মালেম্না শক খঙখি। ঙসি ভারতনা শীজিন্নরিবা সেতেল্লাইত অয়াম্বা দোক্তর কস্তুরিরঙ্গনগী মীৎয়েং মখাদা থাগৎখিবনি।

হৌরক্লিবা মীরোলনা তমগদবা মহাক্কী অখন্নবা গুন অমা লৈরি। মহাক্না মতম পুম্নমক্ত অনৌবা থবক পাংথোকপা অসি মরুওইনা লৌখি। তম্বা, খঙবা অমসুং অনৌবা খর পাংথোক্নবা মহাক্কী পান্দম অসি য়াম্না পুক্নিং থৌগৎনিঙাইনি। লৈবাক অসিগী অনৌবা নেসনেল ইজুকেসন পোলিসি শেম্বদা দোক্তর কে কস্তুরিরঙ্গন জিনা মরুওইবা থৌদাং অমা লৌখি। ২১ শুবা চহিচাগী দরকার ওইবশিং ফংনবা লাইরিক-লাইশু তম্বীগী থবক পায়খৎনবা অনৌবা ৱাখল দোক্তর কে কস্তুরিরঙ্গন জিনা পুথোকখি। লৈবাক্কীদমক ওইজবা থিদবা মহাক্কী থবক অমসুং লৈবাক শেমগৎনবা পাংথোকখিবা থবকশিং মতম পুম্নমক্ত নিংশিংদুনা লৈহৌরগনি। য়াম্না চম্না, ঐনা দোক্তর কে কস্তুরিরঙ্গনগী মফমদা ঐগী ইকায়খুম্নবা উৎচরি।

মরুপশিং,

এপ্রিল থা অসিদা অর্য়াভত্তা সেতেল্লাইত থাগৎখিবা চহি ৫০ মপুংফারে। ঙসি, ঐখোয়না হন্না য়েংলকপা অমসুং চহি ৫০ গী খোঙচৎ অসি নিংশিংবদা, ঐখোয় কয়া য়াম্না লাপ্না লাক্লবগে হায়বা ঐখোয় খঙলে। থাজবগা লোয়ননা স্পেসতা চৎনবা ভারতকী মঙলান অসি হৌখিবনি। লৈবাক্কীদমক করিগুম্বা খর পাংথোক্নবা ঙাউজবা নহা ওইরিবা সাইন্তিস্ত খরনা.. মখোয় ঙসিগী অসিগুম্বা অনৌবা খুদোংচাবশিং লৈত্রবশু অমসুং মালেমগী তেক্নোলোজি ফংদ্রবশু। মখোয়গী লৈজবদি লৌশিং, কৎথোকপা, থবক শুবা কনবা অমসুং লৈবাক্কীদমক করিগুম্বা খর পাংথোক্নবা থৌনা অদুনি।  ঐখোয়গী সাইন্তিস্তশিংনা মরুওইবা খুৎলায়শিং মখোয় মশামক্না ষন গারিশিং অমসুং সাইকলশিংদা পুবগী ফোতোশিং অদোম উরম্লগনি। ঙসি ভারত মালেমগী স্পেস পৱার অমা ওইরে। মতম অমতদা সেতেল্লাইত ১০৪ থাগৎতুনা ঐখোয়না রিকোর্দ অমা থম্লে। ঐখোয় মালেমদা থাগী খা মেরু য়ৌবা অহানবা লৈবাক ওইরে।

ঐখোয়না মার্স ওর্বিত্তর মিসন থাগৎলে অমসুং ঐখোয়না অদিত্যা-এল ১ মিসনগী খুৎথাংদা নুমিৎকী ময়া য়াম্না নক্না য়ৌবা ঙম্লে। ঙসি ভারতনা মালেম শীনবা থুংনা শেন য়াম্না চঙদনা মাইপাক্না স্পেস গ্রোগ্রাম পাংথোকপদা মাঙজিল থারে। মখোয়গী সেতেল্লাইতশিং অমসুং স্পেস মিসনশিংগীদমক মালেমগী লৈবাক কয়ানা ইসরোগী মতেং লৌরে। ঐখোয়না ইসরোনা থাগৎপা সেতেল্লাইত অমা উবদা, ঐখোয় চাউথোকচৈ। ঐনা ২০১৪ দা পি.এস.এল.ভি-সি-২৩ থাগৎপা উবদা  ঐনা চাউথোকচবা ফাওখি। ২০১৯ দা চন্দ্রয়ান-২ তাবা মনুংদা ঐশু বেঙ্গালুরুদা ইসরো সেন্তরদা লৈখি। মতম অদুদা চন্দ্রয়ান মাইপাকপা ঙমখিদবদা, সাইন্তিস্তশিংনা খুদোংচাদবা মতম অমা থেংনখি। অদুবু ঐগী মীৎনা সাইন্তিস্তশিংগী খাংবা কনবা অমসুং করিগুম্বা খর মাইপাক্নবা মখোয়গী ইখৌ লাংবা অদু উবা ফংখি। চহি খরগী মতুংদা, হায়রিবা সাইন্তিস্তশিং অদুনা কমদৌনা চন্দ্রয়ান-৩ মাইপাকখিবগে হায়বা মালেম শীনবা থুংবনা খঙখি।

মরুপশিং,

ঙসি ভারতনা মহাক্কী স্পেস সেক্তর প্রাইভেদ সেক্তরগীদমক হাংদোক্লে। নহারোল কয়া স্পেস স্তার্দঅপশিংগী লমদা অনৌবা মাইপাকপা কয়া লৈরে। চহি ১০ গী মমাঙদা কম্পেনি অমা খক লৈরম্বা অদু, ঙসি লৈবাক অসিদা স্পেস স্তার্দঅপ ৩২৫  হেন্না লৈরে। স্পেসতা অনৌবা খুদোংচাবা কয়া ফংবগী মতম অদু লাক্লে। ভারত অনৌবা থাকশিং য়ৌবা ঙম্লে। গাগনয়ান, স্পাদেক্স অমসুং চন্দ্রয়ান-৪ গুম্বা মরুওইবা মিসনশিংগীদমক শেম শাবদা লৈবাক অসি মথৌ চিল্লে। ঐখোয়না ভেনস ওর্বিতর মিসন অমসুং মার্স লেন্দর মিসনগীদমক থবক পায়খৎলি। ঐখোয়গী স্পেস সাইন্তিস্তশিংনা মখোয়গী অনৌবা থবকশিংগী খুৎথাংদা লৈবাক অসিগী মীয়াম অনৌবা চাউথোকচবা ফংহল্লে।

মরুপশিং,

হৌখিবা থাদা ম্যান্মারদা য়ুহা হাবগী অকিবা শক্তম কয়া অদোম শোইদনা উরম্লগনি। ম্যান্মারদা লৈরিবা ঐখোয়গী ইনাওশিং অমসুং ইচলশিংগীদমক ভারতনা খুদক্ত ওপরেসন ব্রাহ্মা হৌখি। এয়র ফোর্স এয়রক্রা, নেভি জহাজশিং য়াওনা খুদিংমক ম্যান্মারগী মতেং পাংনবা থাখি। ভারতকী কাংবুনা মফম অদুদা ফিল্দ হোস্পিতাল লিংখৎখি। মরুওইবা বিল্দিংশিং অমসুং ইনফ্রাস্ত্রকচরশিংগী অমাং-অতা য়েংশিনবদা ইঞ্জিনিয়ার কাংবু অমনা মতেং পাংখি। ভারতকী কাংবুনা ফৈজুপশিং, তেন্তশিং, তুম্নবা বেগশিং, হিদাক-লাংথকশিং, চীঞ্জাকশিং অমসুং অতোপ্পা পোৎলম কয়া ফংহনখি। লৈবাক অদুগী মীয়াম্না ভারতকী কাংবু য়াম্না থাগৎখি।

মরুপশিং,

 অৱাবা মরক অসিদা, থৌনা ফবা, খাংবা কনবা অমসুং লৌশিং লৈবগী থম্মোয়দা তিং পানবা খুদম কয়া লৈরি। পু ১৮ হেন্না অতেক অকায় মরক্ত ননশীন্দুনা লৈরক্লবী চহি ৭০ হেল্লবী নুপী অমা ভারতকী কাংবুনা কনখি। হৌজিক তি.ভি মন কি বাত য়েংলিবা মীওইশিংনা অহল নুপী অদুগী মাইথোং উবা ফংগনি। ভারতকী কাংবুনা মহাক লায়েংখি। অহল ওইরবী নুপী অদু হোস্পিতালদগী দিসচার্জ তৌখ্রে অমসুং মহাক্না ঐখোয়গী কাংবু থাগৎলমখি। ঐখোয়গী কাংবুনা মরম ওইদুনা মখোয়গী মরুপশিং অমসুং মরী-মতাশিং ফংবা ঙম্লে হায়না মীওই কয়ানা ঐখোয়গী কাংবুদা হায়খি।

মরুপশিং,

য়ুহা হাবা মতুংদা, মন্দালেদা মোনাস্ত্রি অমদা মীওই কয়া চপতুনা লৈখি। মফম অদুদা ঐখোয়গী কাংবুনা মতেং পাংবা অমসুং মী কনবগী থবকশিং পাংথোকখি অমসুং থবক অদুদগী বুদ্ধিস্ত লম্বোইবশিংদগী থৌজাল ফংখি। ওপরেসন ব্রাহ্মাদা শরুক য়াখিবশিংগীদমক ঐখোয়না য়াম্না চাউথোকচৈ। মালেম শীনবা থুংবা অসি ইমুং অমনি হায়বা ঐখোয়গী চৎনবী, ঐখোয়গী গুনশিং লৈরি। অৱাবা মতমদা মালেমগী মরুপ অমা ওইনা থবক তৌনবা ভারতনা থৌরাং তৌরি অমসুং মীওইবা খুন্নাইগীদমক ভারতনা পায়খৎলিবা থবক অসি ঐখোয়গী শক্তম ওইরক্লে।

মরুপশিং,

অফ্রিকাগী ইথোপিয়াদা লৈরিবা ভারতমচাশিংগী অনৌবা থবক অমা ঐ তারে। ইথোপিয়াদা লৈরিবা ভারতমচাশিংনা হেক পোকপদগী থম্মোয়গী লায়না লৈবা অঙাংশিং লায়েংনবা ভারত্ত থারকখি। অসিগুম্বা অঙাংশিং অদু ভারতকী ইমুংশিংনা শেনগী মতেং পাংখি। করিগুম্বা শেন লৈতবদগী ইমুং অমগী অঙাং অমা ভারত্ত লাকপা ঙমদ্রবদি, ঐখোয়গী ভারতমচাশিংনা মখোয়গীশু থৌরাং তৌরি। থবক অসিনা অরুবা অনাবা লায়েংনবা ইথোপিয়াগী লায়রবা অঙাং খুদিংমক মতেং পাংলে। ভারতমচাশিং অফবা থবক অসি ইথোপিয়াদা য়াম্না থাগৎনরে। ভারত্ত অনা-লায়েংগী থবকশিং লেপ্তনা ফগৎলক্লিবা অসি অদোম খঙলে। মসিগী কান্নবা অতোপ্পা লৈবাকশিংগী মীয়ামশু ফংলে।

মরুপশিং,

নুমিৎ খরগী মমাঙদা ভারতনা অফগানিস্থানগী মীয়ামগীদমক য়াম্লবা ভেক্সিন থাখ্রে। হায়রিবা তিকাশিং অসি রেবিজ, তেতানস, হেপাতাইতিস-বি অমসুং ইনফ্লুয়েঞ্জাগুম্বা লায়নাশিং ঙাকপদা শীজিন্নগনি। চয়োল অসিদা নেপালদা য়াম্লবা হিদাক-লাংথকশিং অমসুং তিকাশিং থাখ্রে। মসিনা থালাসেমিয়া অমসুং সিক্কল সেল লায়না লায়েংবদা কান্নবা পীগনি। মীওইবগী মতেংবগী মতাং লাকপদা, ভারতনা মতম পুম্নমক্ত মাঙজিল থাগনি অমসুং তুংদশু দরকার ওইরকপদা মাঙজিল থাগনি।

মরুপশিং,

মহৌশাগী অমাং-অতা থেংননবা খ্বাইদগী মরুওইবা অসি অদোম মীকুপ-নাহুম শিংনা লৈবা অসিনি। অদোমগী মোবাইলদা অখন্নবা এপ্প অমা হাপতুনা হৌজিক অদোম মীকুপ-নাহুম শিংনা লৈবা য়ারে। মসিগী মমিং সাচেত কৌই অমসুং মহৌশাগী ওইবা অমাং-অতা অমদা অদোম চপতুনা লৈখিবদা এপ্প অসিনা অদোম কনগনি। সাচেত এপ্প অসি ভারতকী নেসনেল দিজাস্তার মেনেজমেন্ত ওথোরিতিনা পুথোকপনি। ঈশিং চাউবা, নোংলৈ নুংশিৎ, লৈবাক নিংখাইবা, সুনামি, লান্মৈ চাকপা, উন নিংখাইবা অমসুং ব্রাজ তাবদা, অদোম ৱেদর দিপার্তমেন্তদগী খ্বাইদগী নৌবা পাউশিং ফংগনি। অখন্নবা থবক অমনা সাচেত এপ্প অসিনা লম লমগী লোল কয়াদা পাউশু পীরি। অদোম এপ্প অসিগী কান্নবা লৌগদবনি অমসুং অদোম্না থেংনবা থৌদোকশিং ঐখোয়দা শরুক য়াবীয়ু।

মরুপশিং,

 ঙসি মালেম শীনবা থুংবা ভারতকী হৈশিংবা থাগৎনরে। মালেম্না ভারত্ত য়েংলিবা মীৎয়েং ভারতকী নহারোলশিংনা হোংহল্লে অমসুং লৈবাক অসিগী তুংলমচৎ অসিগুম্না তৌগদবনি হায়বা লৈবাক অমগী নহারোলশিংগী অপাম্বা অসিনা উৎলে। ঙসি ভারতকী নহারোলশিং সাইন্স, তেক্নোলোজি অমসুং ইন্নোবেসন্দা মাঙলোমদা চঙশিল্লি। মমাঙদা চাউখৎতবগী অমসুং অতোপ্পা মরম কয়াগী খঙনরম্বা লমদমশিং, নহারোলশিংনা খুদমশিং পীদুনা ঐখোয়দা অনৌবা থাজবা পীরে। ছতিসগরগী দান্তেৱারাদা সাইন্স সেন্তর অমা লিংখৎতুনা মীওই খুদিংমক্কী পুক্নিং চিংশিল্লে। মতম খরগী মমাঙদা, হিংগীদমক মমিং চৎলম্বা দান্তেৱারা, সাইন্স সেন্তর অসিনা অঙাংশিং অমসুং মখোয়গী মমা-মপাশিংগী অনৌবা থাজবা অমা ওইরে। সাইন্স সেন্তর অসিদা অঙাংশিং নুংঙাইরে। অনৌবা মেছিনশিং শাবদগী হৌরগা তেক্নোলোজি ফাওবা খুদিংমক মখোয়না সেন্তর অসিদগী হৌজিক তম্লে।

মখোয়না ৩-দি প্রিন্তরশিং অমসুং রোবোত কারশিংগী মরমদা তম্নবা খুদোংচাবা ফংলে। মতম খরগী মমাঙদা, ঐনা গুজরাত সাইন্স সিতিদা সাইন্স গেল্লারিশিং শঙ্গাখ্রে। হায়রিবা গেল্লারিশিং অসিনা অনৌবা সাইন্সগী খুদোংচাবশিংগী শক্তম অমা উৎখি অমসুং সাইন্সনা ঐখোয়গীদমক থবক কয়া য়াম্না পাংথোকপা ঙম্বগে হায়বা উৎখি। গেল্লারিশিং অসিদা অঙাংশিং য়াম্না হরাওরে হায়বা ঐ খঙলে। সাইন্স অমসুং ইন্নোবেসন পাম্নবা হেনগৎলকপা অসিনা শোইদনা ভারত অনৌবা থাকশিং য়ৌবা ঙমগনি।

মরুপশিং,

ঐখোয়গী লৈবাক্কী অচৌবা মপাঙ্গলদি ঐখোয়গী মীয়াম করোর ১৪০, মখোয়গী থবক ঙম্বা, মখোয়গী খাংবা কনবগী শক্তি অসিনি। মীওই করোর কয়া খোঙজং অমা শরুক য়াবদা, মসিগী কান্নবা য়াম্না ফংই। মসিগী খুদম ‘এক পের মা কে নাম’ অসিনি- খোঙজং অসি ঐখোয়বু পোকপীরিবা ইমাংগী মিংদা অমসুং মহাক্কী তম্পাক্ত ঐখোয়বু য়োকপীরিবা মালেম ইমাগী মিংদা পাংথোকপনি। লাক্লিবা জুন ৫, মালেমগী ইনভাইরোনমেন্ত দে অসিদা খোঙজং অসি চহি অমা মপুংফারে। চহি অসিগী মনুংদা, খোঙজং অসিগী মখাদা, লৈবাক শীনবা থুংনা ইমাগী মিংদা উ পাম্বী করোর ১৪০ হেন্না থাখ্রে। ভারতকী থবক অসি উবদা, লৈবাক অসিগী ৱাংমদা লৈরিবা মীয়াম্না মখোয়শু মখোয়গী মমাগী মিংদা উ পাম্বীশিং থারে।

মরুপশিং,

উশিংনা অইংবা ফংহল্লি হায়বা ঐখোয় পুম্নমক্না খঙলে… ঐখোয়না উগী মরুমদা হাংচিৎ লাংই। অদুবু ঐগী পুক্নিং চিংশিনবা অতোপ্পা মরী লৈনবা পাউ অমা ঐ তারে। হৌখিবা চহি খর অসিদা, গুজরাতকী অহমেদবাদ সহরদা উ লাখ ৭০ হেন্না থাখ্রে। হায়রিবা উশিং অসিনা অহমেদবাদগী অশংবা শরুক হেনগৎহল্লে। লোয়ননা সবরমাতি তুরেলদা রিভর ফ্রন্ত শেমগৎপদগী ঈশিং লৈবা মফমশু হেনগৎলে অমসুং হৌখিবা চহি খর অসিদা মালেমগী শাবা হেনগৎলকপা কোকহন্নবা হোৎনরিবা অচৌবা সহরশিংগী মনুংদা অহমেদবাদ অমা ওইরে হায়না পাউ খরদা হায়রি। অহমেদবাদতা থাখিবা উশিং অদুনা মফম অসি নুংঙাইনবা মরুমশিং ফংহল্লে। অইং-অশাগী খল হোংলকপা থেংননবা অমসুং অদোমগী অঙাংশিংগী তুংগী য়াইফনবা অমসুং মালেমগী হকশেলগী ফিবম ফনা থম্নবা উ পাম্বীশিং থানবা ঐনা অদোমগী মফমদা হায়জরি। এক পের মা কে নাম।

মরুপশিং,

মমাঙঙৈগী হায়নবা অমা লৈরি. ‘নিংবু নিংলবদি লম্বী অমা লৈগনি’। করিগুম্বা অনৌবা অমা পাংথোক্নবা ঐখোয়না ৱারেপ লৌরবদি, ঐখোয় শোইদনা ঐখোয়গী পন্থুংফম য়ৌগনি। অদোম চীংদা হৌবা এপ্পল ময়াম অমা চারম্লগনি। করিগুম্বা অদোম কর্নাতকাদা হৌবা এপ্পল মহাও তংলবরা হায়না হংবদা, অদোম অঙকপা ফাওগনি। মহৌশানা, এপ্পলশিং চীং খক্তদা হৌবনি হায়না ঐখোয়না খল্লি। অদুবু কর্নাতকাগী বাগালকোত্ত লৈবা শ্রী সাইল তেলি জিনা তম্পাক্ত এপ্পলশিং থারে। মহাক্কী কুলালি খুঙ্গংদা, ৩৫ দিগ্রিগী মথক্ত শাবা মফমদা উহৈ পানবা হৌরে। তশেংনা, শ্রী সালি তেলি লৌ উবা পামজখি অমসুং মহাক এপ্পল থানবা হোৎনখি অমসুং মহাক মাইপাক্লে। ঙসিদি মহাক্না এপ্পল পাম্বী কয়া থারে অমসুং মখোয় য়োনবগী শেন য়াম্না ফংলে।

মরুপশিং,

অদোম কিন্নাউরি এপ্পলগী মমিং তারম্লগনি। এপ্পলশিংগীদমক মমিং চৎলিবা কিন্নাউরিদা সেফ্রোন পুথোকপা হৌরে। মহৌশানা হিমালচলদা সেফ্রোন য়াম্না থাদে। অদুবু হৌজিক কিন্নাউরগী ফজরবা শঙ্গলা ভেল্লিদা সেফ্রোন থাবা হৌরে। অসিগুম্বা খুদম অমা কেরলাগী ৱেনাদনা ওইরে।

মফম অসিদা মাইপাক্না সেফ্রোন হৌরে। ৱেনাদতা সেফ্রোন অসি লৈবাক্ত হৌবা নত্তে, মসি এরোপোনিক্স তেক্নিক্কী মতেংনা থাবনি। মসিগা মান্নবা অঙকপা অমা লিতচি পুথোকপদা থেংনরে। লিতচি অসি বিহার, নোংচুপ বেঙ্গল নত্ত্রগা ঝারখন্দদা হৌবনি হায়বা ঐখোয়না তাই। অদুবু হৌজিক লিতচি অসি খা ভারত অমসুং রাজস্থান্দশু হৌরে। তামিল নাদুগী তিরু বিরা অরাসু কোফি থাবনি। মহাক্না কোদাইকনালদা লিচিত থাখি অমসুং চহি ৭ গী মতুংদা পাম্বীশিং উহৈ পানবা হৌরে। লিতচি থাবা মাইপাকপা অসিদগী মফম অদুগী অতোপ্পা লৌমীশিংশু পুক্নিং থৌগৎলে। রাজস্থান্দা জিতেন্দ্র সিংহ রানাৱাতনা লিতচি থাবদা মাইপাক্লে। হায়রিবা খুদমশিং অসি পুক্নিং থৌগৎনিঙাইনি। করিগুম্বা ঐখোয়না অনৌবা খর পাংথোক্নবা ৱারেপ লৌরবদি অমসুং অৱাবা মায়োক্নবা ঙম্লবদি, ওইথোক্তবশিং ফাওবা ওইথোকপা ঙমগনি।

মরুপশিং,

ঙসি অসি এপ্রিলগী অরোইবা নোংমাইজিংনি। নুমিৎ খরগী মতুংদা মে হৌরগনি। ঙসি ঐনা অদোম চহি ১০৮ গী মতুংদা পুগনি। ১৯১৭ গী এপ্রিল অমসুং মে থা অনি অসিদা, লৈবাক অসিদা নিংতম্বা পুরক্নবা অঙকপা লানফম অমা মায়োক্নখি। বৃতিসকী মীওৎ-মীনৈ মতোল লোমখি। লায়রবশিং, তোল্লবশিং অমসুং লৌমীশিং ওৎপা খম থেংখি। লৈহাও লৈরবা বিহারদা বৃতিসনা নমদুনা লৌমীশিং ইন্দিগো থাহনখি। ইন্দিগো থাবদগী লৌমীশিংগী লৌবুক লমহাং ওইখি অদুবু বৃতিস সরকারনা করিশু খনখিদে। অসিগুম্বা ফিবম অমদা, ১৯১৭ দা গান্ধীজি বিহারগী চম্পারনদা থুংলখি।

গান্ধীজিনা লৌমীশিংদা হায়খি- ঐখোয়গী লম মাঙশিল্লক্লে, ঐখোয়গী চানবা মহৈ-মরোংশিং ফংদ্রে। লৌমী লাখ কয়াগী অৱাবশিংদগী গান্ধীজিগী ৱাখলদা ৱারেপ অমা লৌখি। মসিদগী পুৱারি ওইরবা চম্পারনগী সত্যগ্রহ হৌদোকখি। চম্পারন সত্যগ্র অসি বাপুগী ভারত্ত পাংথোকপা অহানবা চাংয়েংনি। বাপুগী সত্যগ্রহদা বৃতিস লৈঙাক নিকখি। লৌমীশিং নমদুনা ইন্দিগো থাহনবা আইন অদু বৃতিসনা ককখি। মসিগী মাইপাকপা অসিনা নিংতম ইহৌদা অনৌবা থাজবা পীখি।

নিংতম্লবা মতুংদা লৈবাক অসিগী অহানবা রাস্ত্রপতি ওইখিবা, সত্যগ্রহ অসিদা য়াম্না মতেং পাংখিবা বিহারগী অতোপ্পা মপারি অমা অদোম খঙলমগনি। শক্নাইরবা মীওই অদু দোক্তর রাজেন্দ্র প্রসাদনি। মহাক্না চম্পারন সত্যগ্রহগী মরমদা লাইরিক অমা ইখি… নহারোল কয়া মহাক্কী লাইরিক পাখি। ইনাওশিং অমসুং ইচলশিং, নিংতম ইহৌগী মুৎপা নাইদ্রবা পন্দুব কয়া এপ্রিল থা অসিগা শাগোন্নরি। গান্ধীজিগী দান্দি মার্চ এপ্রিল ৬ দা লোইশিনখি। খোঙচৎ অসি মার্চ ১২ দগী হৌখি অমসুং নুমিৎ ২৪ পাংথোক্তুনা বৃতিস নিকহনখি। এপ্রিল থাদা জাল্লিয়ানৱালা বাগ মীহাৎ থোকখি। মসিদা তাখিবা ঈ অদু হৌজিক ফাওবা পঞ্জাবগী লৈহাওদা লৈরি।

মরুপশিং,

 নুমিৎ খরনিগী মতুংদা, মে ১০ দা, অহানবা নিংতম ইহৌগী চহি ১০০ শুবা থৌরম পাংথোক্লগনি। মসিনা নিংতম্নবগী অহানবা লানফম ওইখি অমসুং তুংদা নিংতম লান্মী মিল্লিয়ন কয়াগী মৈরা অমা ওইখি।

এপ্রিল ২৬ দা, ১৮৫৭ লালহৌগী অথৌবা বাবু বীর কুনৱার সিংহগী ১০০শুবা লৈখিদবা কুমওন থৌরম ঐখোয়না পাংথোক্লি। বিহারগী শক্নাইরবা নিংতম লান্মী অসিদগী লৈবাক শীনবা থুংনা ইথিল পীখি। ঐখোয়না অসিগুম্বা নিংতম লান্মী লাখ কয়াগী মুৎপা নাইদ্রবা ইথিলশিং হিহন্দুনা থম্লি। ঐখোয়না মখোয়দগী ফংবা থৌনা অদুনা অমৃতকালগী ঐখোয়গী থৌনাদা অনৌবা মপাঙ্গল হাপ্লে।

মরুপশিং,

মন কি বাতকী শাংলবা খোঙচৎ অসিদা, থৌরম অসিদা অদোমগা অচেৎপা মরী অমা লৈনরে। মন কি বাতকী খুৎথাংদা লৈবাক অসিগী মীয়াম্না মাইপাকশিং অতোপ্পশিংদা খঙহনবা পাম্মী। মথংগী থাদা, ঐখোয় অমুক হন্না উনগনি অমসুং হিরম কয়াদা, ফজরবা চৎনবীশিং অমসুং লৈবাক অসিগী অনৌবা মাইপাকপশিংগী মরমদা ৱারি শানগনি। মখোয়গী কৎথোকপা অমসুং থবক শুবগী থৌনাগা লোয়ননা খুন্নাইদা অহোংবা পুরক্লিবা মীওইশিংগী মরমদা ঐখোয়না খঙগনি। মতম পুম্নমক্ত, অদোমগী ৱাখলশিং অমসুং পাউতাকশিং ঐখোয়দা থাবীরকউ। অদোম থাগৎচরি, খুরুমজরি।

ঐগী নুংশিজরবা ইরৈচাশিং, খরুমজরি। ঙসিগী শেংলবা নুমিৎ অসিদা ঐহাক্না ‘মন কী বাত’কী খুত্থাংদা নখোয়গা ৱারি শানবগী তাঞ্জা অমা ফংজরে। ঙসি অসি চৈত্রা পানখৎলকপা থাবানগী অহানবা নুমিৎনি। ঙসিদগী চৈত্রা নৱরাত্রি হৌরগনি। ঙসিদগী ভারতমচাশিংগী চহি অনৌবা হৌরগনি। ঙসিদগী ভিক্রম সমভাত ২০৮২ হৌরগনি। হৌজিক ঐগী মাংদা অদোম্না থারকপা চিথি কয়া লৈরি। বিহার, বেঙ্গাল, তামিল নাদু অমসুং গুজরাতনচিংবা মফমশিংদগী থারকপা কয়াশু য়াওরি। মসিদা য়াম্না ফজবা মওংদা পুক্নিংগী ৱাফম কয়া ফোংদোক্নরক্লি। চিথিশিং অসিদা য়াইফ-পাউজেল পীনরকপা কয়াশূ য়াওরি। পাউজেলশিং অসি অদোমগী মফমদা খঙহনগে হায়না ঐনা খঞ্জৈ-

প্রধান মন্ত্রী (সার্বারিগু য়ুগাদি হাববাদা শুভাশেগাদু) – পুম্নমকপু উগাদি কুম্মৈগী য়াইফ-পাউজেল পীজরি

মথংগী পাউজেল অসি-

প্রধান মন্ত্রী (অন্দরিকি উগাদ শুভাকাঙ্কশালু) - পুম্নমকপু উগাদি কুম্মৈগী য়াইফ-পাউজেল পীজরি

অতোপ্পা চিথি অমদা ইরম্বা-

প্রধান মন্ত্রী (সাউনসার পাদৱ্যাচি পার্বি)- সাউনসার পার্ৱাগী য়াইফ-পাউজেল পীজরি

মথংগী পাউজেলদা ইরম্বা-

প্রধান মন্ত্রী (গুদিপাদৱ্যা নিমিত্তা হারদিক সুভেছা)- গুদি পার্ৱানা লাকপদা য়াইফ-পাুজেল পীজরি

ঐখোয়গী মরুপ অমনা অসুম্না ফোংদোরকখি-

প্রধান মন্ত্রী (ইল্লাৱারাক্কম ৱিশু আশমশাগল) – ময়াম পুম্নমক্তা ৱিশু কুম্মৈগী য়াইফ-পাউজেল পীজরি।

অতোপ্পা পাউজেল অমদা-

প্রধান মন্ত্রী (ইন্নিতী পুতান্দ নল্লা ৱাঝাথুক্কল)- ময়াম পুম্নমকপু অনৌবা চহি পুথান্দুনা লাকদা য়াইফ-পাউজেল পীজরি।

মরুপশিং হায়রিবশিং অসি তোঙান-তোঙানবা লোলদা থারকপনি হায়বসি অদোমশু খঙলম্লগনি।ঐকোবগী লৈবাক অসিগ তোঙান-তোঙানবা মফমদা ঙসিদগী নত্রগা নুমিৎ খরগী মতুংদগী অনৌবা চহি হৌরগনি অদুনা তোঙান-তোঙানবা লোলদা য়াইফ-পাউজেল পীনরক্লিবনি।

মরুপশিং, ঙসি কর্নাতাকা, অন্ধ্র প্রদেশ, তেলঙ্গনাদা উগাদিগী কুমহৈ চাউনা পাংথোক্নরি। ঙসি মক্তদা মহারাস্ত্রদা গুরি পর্ৱা কুম্মৈ পাংথোক্লি। এখোয়গী লৈবাক অসি তোঙান-তোঙানবা স্তেতশিংদা, নুমিৎ খরনি অসিদা কুমহৈ কয়া পাংথোকনরগনি। অসামদা ‘রোঙ্গালি বিহু’, বেঙ্গালদা ‘পোইলা বোইশাখ’, কাশ্মিরদা ‘নৱরেহ’ পাংথোক্নরগনি। অসুম্না এপ্রিল ১৩দগী ১৫গী মরক অসিদা ভারতকী তোঙান-তোঙানবা মফমদা হরাও-কুমহৈ পাংথোক্নবা উবা ফংগনি লোইননা ইদশু লাক্লে। হাববদি থাসি হরাও-কুম্মৈনা থল্লগনি। ঐনশু পুম্নমক্কী মফমদা য়াইফ-পাউজেল পীজরি। কুম্মৈশিং অসি লৈবাক অসিগী তোঙান-তোঙানবা মফমদা পাংথোকচরবশু খেন্নবা কয়াগী মরক্তা অমত্তা ওইবগী মশক অমা উৎলি। অমত্তা ওইবগী ৱাখল্লোন অসি হেন্না মপাঙ্গল কলহনবা মথৌ তাই।

মরুপশিং, পরিখ্যা লাকপা মতমদা, ঐনা নহা ওইরিবা মরুপশিংগা লোইননা ‘পরিক্সা পে চর্চা’ পাংথোকই। হৌজিক্তি পরিখ্যা লোইনখ্রে। স্কুলশিংদা ক্লাসশিং অমুক হৌনখ্রে। মসিগী মতুংদা কালেনগী ছুতিশু লাক্লগনি। অঙাংশিংনা মসিবু খৌরাংনা ঙাইনৈ। ঐশু অঙাং ওইরিঙৈগী মতম নিংশিংলকই, মতম অসিদা ঐনা মরুপশিংগা লোইননা নুমিৎ চুপ্পা লাং-খেদুনা লেনখি। অদুবু ঐখোয় কনস্ত্রক্তিব ওইবা করশু তৌখি লোইননা তমশু তমখি। কালেনগী মতম অসি য়াম্না শাংই অদুনা অঙাংশিংনা তৌবা য়াবা কয়া তৌবগী মতম য়াম্না ফংই। মতম অসি অনৌবা ওবী পাংথোকপগা লোইননা ঈসাদা য়াওজবা তৌবা ঙম্বা কয়া থিদোকপা য়াবা মতম্নি। অঙাংশিংগীদমক্তা প্লেতফোর্ম কয়া ৱাত্তনা লৈরি। মদুদগী মখোয়না তম্বা য়াবা কয়া তম্বা য়াগনি।

খুদম ওইনা হায়রবদা, সংস্থান অমনা তেক্নোলোজী কেম্প পাংথোকপা তারবদি, অঙাংশিংনা মদুদগী এপ শেম্বগা লোইননা ওপন সোর্স সোফৱেয়রগী মতাংদা খঙবা য়াগনি। মসিদা নত্তনা এনভাইরনমেন্তকী, থিয়েতরকী. লীদরশিপকী তোঙান-তোঙানবা কোর্স পাংথোক্নরি। মসিদা অঙাংশিংশু শরুক য়াবা য়াগনি। স্পীচ, দ্রামানচিংবা কয়াশু তম্বীবা স্কুল কয়া অমশু লৈরি। লোইননা কালেন ছুতি মতম অসিদা ভোলন্তীবর এক্তিবিতী কয়াদশু শরুক য়াবা য়াই। স্কুল, সংস্থান, সাইন্স সেন্তরশিংনা সম্মর এক্তিবিতীশিং পাংথোক্নরবদি, #MyHolidays তা শিয়র শোইদনা তোবীয়ু। মসিদগী লৈবাক শিনবগী অঙাংশিং অমশুং মমা=মপংসিংনা তোরিবশিং অসিগী মতাংদা খঙবা ঙমগনি।

ঐগী নহা ওইরিবা মরুপশিং, ঙসি ঐনা মাই-ভারতকী অখন্নবা কেলেন্দর অসিগী মতাংদা ৱাফম খরদং থম্বা পাম্মি, মসি হন্দক্কী সম্মর ভেকেসন অসিগীদমক্তা শেমজবনি। কেলেন্দর অসিগী কোপী অমা ঐগী মাংদা হৌজিক লৈরি। কেলেন্দর অসিদা য়াওরিবা অখন্নবা খোংথাং খরা হায়জগে। মাই-ভারতকী স্তদী তুরদগী অদোম্না ‘জন ওসাধি কেন্দ্রনা’ মতৌ করম্না থবক করম্না পাংথোকপগে হায়বা খঙবা ঙমগনি। অদোম্না ভাইব্রেন্ত ভিলেজ অভিয়ানগী শরুক অমা  ওইদুনা ঙমখৈদা লৈরিবা খুঙ্গংসিংগী নুংঙাইরবা এক্সপরিয়েন্স অমা লৌবা য়াগনি। মসিগা লোইননা কলচর অমশুং স্পোর্তস এক্তিবিতীশিংদ শরুক য়াবা য়াগনি অমদি অম্বেদকর জয়েন্তিগী পদয়াত্রাদা শরুক য়াদুনা সংবিধানগী ভেল্যু মীয়ামদা শন্দোকপা য়াগনি।

অঙাংশিং অমসুং মখোয়গী মমা-মপাশিংনা মখোয়গী ছুতিগী এক্সপরিয়েন্সশিং অদু #HolidayMemories তা শোইদনা শিয়র তৌবীয়ু। অদোমগী এক্সপরিয়েন্সশিং অদু মথংগী ‘মন কী বাত’তা হাপ্নবা হোৎনজগে।

ঐগী নুংসিজরবা ইরৈচাশিং, কালেনগী মতম হেক লাকপগা, সহর, খুঙ্গংশিংদা ঈশিং য়োকশিনবগী শেম-শাবা হৌনরক্লগনি। স্তেত কবাদা ৱাতর হারবেস্তিংগা মরি লৈনবা থবকশিং খোংজেল য়াংনা পাইখৎনরি। জল শক্তি মন্ত্রালয় অমসুং তোঙান-তোঙানবা সেল্ফ-হেল্ফ গ্রুপশিংনা মাইকৈ অসিদা থবক কয়া পাইখৎনরি। লৈবাক অসিদা পাত, চেক দামশিং, বোরৱেল রিচার্জ অমসুং কম্যুনিতী সোক পিতশিং লিশিং লিশিং শেমগৎপগী থবক পাইখৎলি, চহি খুদিং তৌবগুম্না হন্দকশু ‘কেচ দ রেন’ কেমপেন পাইখৎনবা শেম-শাবা লোইরে। কেমপেন অসি লেঙাক্কী নত্তে, মীয়ামগীনি, ইশিং য়োকশিনবদা মীপুম কুদিংমক্কী থৌদাং হেনগৎহন্নবা জল সঞ্চয়-জন ভাগিদারি কেমপেনশু পাইখৎলি।হোৎনজরিবশিং অসি মহৌশাদগী ফংবা রিসোর্সশিং ঐখোয়না তুংগী মীরোলদা তেক্ত-কাইদনা শিন্নরম্নবনি।

মরুপশিং, নোংগী ঈশিংবু য়োকশিন্দুনা থম্লবদি, ঐখোয়না ঈশিং অরেম্বদা মাংহন্দে। হৌখিবা চহি খরদগী খোংজংসিংদা লৈবাকসিগী মফম কয়াদগী মীওই কয়ানা শরুক য়াদুনা শিংথানিংঙাই ওইবা থবক কয়া তৌরি। হৌখিবা চহি ৭-৮ সিদা অনৌবা শাবা তেঙ্কী, পুখ্রিশিং অমদি অতৈ ঈশিং থমফমশিংদা ঈশিং ক্যুবিক মিতর বিলিয়ন ১১ য়োকশিনবা ঙম্লে। অদোম্না ঈশিং ক্যুবিক মিতর বিলিয়ন ১১ অসি কয়া য়াম্না য়াম্বনো খঙনিংলমগনি।

মরুপশিং, ভাক্রা নাঙ্গাল দামদা ঈশিং নিক নিক লাওনা লৈবদুগী ফোতো ময়াম্না উবীরম্লগনি। ঈশিং অসিনা গোবিন্দা সাগর পাত শেম্লিবনি। পাত অসিগী শাংবসি কিলোমিতর ৯০দগী হেল্লি। পাত অসিদফাওবা ঈশিং ক্যুবিক মিতর বিলিয়ন ৯-১০দগী হেন্না তুংবা ঙমদে। শুপ্নতগী ক্যুবিক মিতর বিলিয়ন ৯-১০! অদুবু লৈবাক মীয়াম্না তপ্না-তপ্না হোৎনদুনা লৈবাক অসিগী মফম কয়াদা ঈশিং ক্যুবিক মিতর বিলিয়ন ১১ তুংশিন্নবা হোৎনখি- মসি তাবদা নুংঙাইত্রা!

মরুপশিং, হিরম অসিদা কর্নাতকাগী গরক জিলাগী মীয়াম্নশু অচৌবা থৌদাং লৌবীরি। চহি খরগী মমাংদা মফম অসিগী খুঙ্গং অনিগী পাংতশিং পুমকং কংখ্রে। শা-উচেক্নফাওবা থক্ননবা ঈশিং ফংখিদে। তপ্না-তপ্না পাত অদু নাপী-শিংনাংনা কুপশিন্দুনা পিকথনখ্রে। অদুবু খুঙ্গংগী মীওই খরনা মদুবু অমুক হন্না হিংগৎহন্নবা ৱারেপ লৌরদুনা থবক পাইকৎখি। হায়নবা লৈ, ‘পাম্বু পাম্লদি লম্বি অমহেক্তা লাকই’। খুঙ্গংগী মীয়াম্না হোৎনরিবদু উবদা, অকোইবদা লৈবা সোসিয়েল ওর্গনাইজেশনশিংনশু মতেং পাংশিল্লকখি। ময়াম পুন্দুনা লৈখোম-লৈনাং, নাপি-শিংবী ময়াম অদু শেংদোক্লে, মতম খরগী মতুংদা পাত লৈরম্বা মফম অদু লোইনা নাল্লে। হৌজিক মীয়াম্না নোং তাবা ঙাইদুনা লৈরে। মসি তশেংনমক ‘কেচ দ রেন’ কেমপেনগী অচৌবা খুদম অমনি।। মরুপশিং, ময়ামশু অসিগুম্বা খোংজং অসিদা শরুক য়ানবা হোৎনবীয়ু। মীয়ামগী ঈহৌ খোংজং অসিবু হেন্না খুমাং চাউশিন্ননবা পোরম য়াৎপীয়ু। লোইননা ময়াম্না নিংশিংবীগদবা অমনা, ঙম্লবদি কালেনগী মতমদা, য়ুমগী মমাংদা চফুদা আইংবা ঈশিং হাপ্তুনা থম্বীয়ু। য়ুমথক নত্রগা বেরেন্দাহদা উচকশিংগীদমক্তা ঈশিং থম্বীয়ু। অফবা থব অসিনা অওম্বু কয়াম নুংঙাইহনবগে হায়বদু য়েংবীয়ু।

মরুপশিং, হৌজিক অসি ‘মন কী বাত’না শিংনবা ময়াম্বু মায়োক্নবগী অমদি থৱাই হাপ্পগী ৱা ঙাক্তনি। নুমিৎ খরনিগী মমাংদা পাংথোকখিবা খেলো ঈন্দিয়া পেরা গেম শান্নরোইশিংনা, মখোয়গী থৱাই য়াওবা অমদি মখোয়গী হৈথোই-শিংথোইবা অদুনা ময়াম্বু ঙক্নহনখি। মসিদগী পেরা স্পোর্তস অসি মীয়াম্না কয়া য়াম্না পাম্নবগে হায়বদু উবা ফংলে। মসান্না অসিদা শরুক য়ারুবা শান্নরোইশিং অদুবু মখোয়না উৎখিবা শিংথানিংঙাই ওইবা থবকশিং অদুগীদমক্তা থাগৎপা ফোংদোকচরি। হরিয়ানা, তামিল নাদু আমসুং য়ু.পি.গী শান্নরোইশিংবু অহানবা, অনিশুবা অমদি অহুমশুবা মফম ফংবগীদমক্তা নুংঙাইবা ফোংদোকচরি। মশান্না অসিদা ঐখোয়গী দিব্যাং শান্নরোইশিংনা জাতিগী রেকোর্দ ১৮ থম্বা ঙম্লে। মসিগী মনুংদা নুপী শান্নরোইগী মিং য়াওরি। খেলো ইন্দিয়া পেরা গেম্স অসিদা সনাগী তকমান ফংলকখিবা আর্ম রেস্তলর জোবী মেথ্যুনা ঐঙিন্দা চিথি ইরকখি। মদুগী মতেক খরা পারগা তাহঞ্জগে। মহাক্না অসুম্না ইরকখি-

“তকমান ফংবা হায়বসি থোইদোক্না নুংঙাই, অদুবু ঐখোয়না শিংনরিবসি শুপ্নগী পোদিয়ম ফাওবদং লেপ্নবগী পান্দম অদু নত্তে। ঐখোয়না নুমিৎ খুদিংগী লান্থেংনরি। পুনশিসিনা চাংয়েং কয়া তৌরি… মী খরতনি মসিবু খঙবীরিবসি। পুম্নমক অসি ওইদুনশু ঐখোয়না থৌনা ফনা মাংদা  চংশিল্লি। ঐখোয়না ঐখোয়গী মঙলান অদুবু মঙফাওননবা হোৎনরি। ঐখোয় কনাদগীশু হন্থদে হায়বা ইশানা থাজৈ।”

ৱাহ! জোবী মেথ্যু অঙকপনি! ওন্থোক্না ফজনশু ইখ্রে। চিথি আসিগীদমক্তা অদোম্বু থাগৎচবা ফোংদোকচরি। ঐহাক্না জোবী মেথভু অমদি দিব্যাং মরুপশিংদা হায়নিংবদি, নখোয়গী হোৎনবসিনা ঐখোয়দা অচৌবা ঈথিল অমা পীরি।

মরুপশিং, দিল্লীদা পাংথোকখিবা অচৌবা মীফম অমনা অচৌবা ঈথিল অমা পীরি। ইন্নোভেতিব আইদিয়া অমা ওইনা ফিত ঈন্দিয়া কার্নিবল শিন-লাংখি। মসিদা তোঙান-তোঙানবা মফমদগী চাউরাক্না মীওই লিশিং ২৫ রোম্না মসিদা শরুক য়াখি। অপুনবা মীৎয়েংদা, মসিগী পান্দমদি ফিত ওইনা লৈবা অমদি ফিতনেসকি মরমদা মীয়ামদা মীৎ-নাকোং শিংহনবা অসিনা। থোরম অসিদা শরুক য়ারিবা মীওইশিংনা মখোয়গী মশা-মউ  ফবগা লোইননা অফবা চিঞ্জাক্কী মরমদশু মীয়ামদা খঙহনখি। ময়ামশু ইশা-ইশানা লৈরিবা মফমদা অসিগুম্বা কার্নিবল অসি পাংথোক্নবা হোৎনবীয়ু। মতাং অসিদা মাই-ভারতনা ময়ামগী মতেং পাংবা ঙমগনি খল্লি।

মরুপশিং, ঐখোয়গী মৈহৌরোলদগী লৈরক্লবা মশান্নশিং অসি হৌজিক্তি পোপুলর কলচরগী শরুক অমা ওইনা ময়াম্না লৌনরে। অফাওবা রেপ্পর হনুমান কাইন্দবু ময়াম্না খঙনরম্লগনি। মহাক্কী ইশৈ “রন ইত অপ” অসি ময়াম্না য়াম্না পাম্নরি। মসিদা কালারিপায়ত্তু, গতকা অমদি থাং-তানচিংবা ঐখোয়গী মৈহৌরোলদগী লৈরক্লবা মার্সিয়েল আর্ত অসি য়াওরি। মসিগীদমক্তা ঐহাক্না হনুমানকাইন্দবু থাগৎপা ফোংদোকচরি। মহাক্না ঐখোয়গী মার্সিয়েল আর্তপু মালেমগী মীয়ামদা শক তাক্লি।

এগী নুংশিজরবা ইরৈবাকচাশিং, থা কুদিংগী ঐহাক্না MyGov অমদি NaMo এপতা ময়ামদগী মেসেজ কয়া ফংলি। খরনা থমোইদা তিং পাল্লি, খরনা মদু পারুরগা চাউথোকচবা ফাওজৈ। অয়াম্বা মতমদা মেসেজশিং অসি ঐখোয়গী চৎন-লোনচৎ অমদি চৎন-পরিংগী মরমদা অঙকপা ফংনা কান্নবা ফংলি। হন্দক ঐহাক্না থমোইদা তিং লাওইবা মেসেজতু মবামদা শিয়র তৌজগে।

বনারসতগী অধর্বা কাপুর, মুম্বাইদগী আর্য়াশ লীখা অমদি অত্রে মাননা হন্দক্কী মোরিসিয়স খোংচৎকী মরমদা ইবীরকই। মখোয়না ইবীরকই মদুদি খোংচৎ অদুদা “গীত গাৱাই”গী পর্ফোর্মেন্স অদু য়াম্না নুংঙাইখি। নোংপোক উত্তর প্রদেশ অমদিং বিহারদগী লাকপা চিথিশিংনা মসিগী ৱাখল্লোনশিং অসি উবা ফংই।

মরুপশিং, ঐখোয়না ঐখোয়গী হৌরকফমগা চেৎনা মরি লৈনরবদি, অচৌবা নোংলৈ কয়া লাক্লবশু ফুক্তৎপা ঙম্লোই। খন্দুনা য়েংবীয়ু, চাউরাক্না চহি ২০০গী মমাংদা, ভারত্তগী মোরিসিয়সতা থবক শুবা মীওই কয়া পুখি। তুংদা করি ওইগদগে হাববসি কনানা খঙগনি অদুবু মতমগী মতুং ইন্না মখোয় মফম অদুদা খুন্দা লৈতাখ্রে। মখোয়না মোরিসিয়সতা মশাগী হৌরকফম চৎন-লোঞ্চতপু ঙাক্না থমদুনা, ময়ামগী মফমদা শক তাকচরি। মসি মোরিসিয়সকী ৱাফমদ নত্তে গুয়ানাদসুনি, মফম অদুগী চৌতাল পর্ফোর্মেন্স অদুনা ঐহাকপু য়াম্না শুমহৎখি।

মরুপশিং, ঐহাক হৌজিক ময়ামদা খোঞ্জেল অমা তাহঞ্জগে।

#(ক্লিপ)#

অদোম শোইদনা খনবীরমগনি, মসি ঐখোয়গী লৈবাক্কী ৱাফম্নি হায়না অদুবু অদোম অশেংবসি খঙলবদি ঙকপা শোইদনা ফাওগনি। ৱাফম অসি ফিজিগী মতাংদনি। ফিজিগী য়াম্না মমিং লৈরবা ‘ফাগৱা চৌতাল’গী ৱাফম্নি। অতাবা খুদিংদা থৌনা অমা হাপ্পগুম থোক্লিবা অদুগুম্লবা ইশৈ-নোংমাইগী ওদিয়ো অমা ময়ামদা তাহন্নবগী তাঞ্জা অমা লৌজগে।

#(ক্লিপ)#

ওদিও অসি সুরিনামগী চৌতালগীনি। থৌরম অসিবু তি.ভি.দা মীৎয়েং তাবীরিবা ইরৈবাকচাশিংনা সুরিনামগী রাস্ত্রপতি অমদি ঐগী মরুপ চান সান্তোক্কীনা থৌরম অসিবু নুংঙাইনা মীৎয়েং তারি। অসিগুম্বা ইশৈ অমদি মীফমশিং অসি ত্রিনিদেদ অমদি তোবাগোদা অদুক্কী মতিক মমিং চৎলি। হায়রিবা লৈবাকশিং অসিদা মীয়াম্না রামায়ন য়াম্না ফজনা পানৈ। মফম অসিদা ফাগুৱা য়াম্না মমিং চৎলি, অদুগা অমনা ভারতকী কুম্মৈ-হরাও কয়াশু য়াম্না থৱাই য়াওনা পাংথোকই। মফমসিগী ইশৈশিং, ভোজপুরি, অৱধি নত্রগা য়ানসিন্নবা লোলনচিংবা শিজিন্নৈ; অদুগা মরক-মরক্তা ব্রজ অমসুং মাইথিলিশু শিজিন্নৈ। লৈবাকশিংসিদা ঐখোয়গী লৈবাক্কী চৎনবীবু মশক থোক্না লৈহলজলিবা মখোয়শিংসিবু য়াম্না থাগৎচনিংঙি।

মরুপশিং, মালেমসিদা ভারতকী জগোই, কলা, নাত, ইশৈবু য়োকখৎপগী অমত্তা ঙাইরবা পান্দম থমদুনা থবক-থৌরম কয়া পাইখৎলিবা- ‘সিঙ্গাপুর ইন্দিয়ন ফাইন আর্ত সোসাইতী’শু অমনি। লমসিদা চহি ৭৫ মপুং ফারবা সংস্থান অমনি। হিরমসিগা মরি লৈননা পাংথোকখিবা থৌরম অমদা, সিঙ্গাপুরগী রাস্ত্রপতি, শ্রীমান থার্মান শনমুগারত্নমনা গেস্ত ওফ ওনর ওইনা শরুক য়াখি। মহাক্না সংস্থান অসিবু য়াম্না থাগৎপীরম্মি। ঐহাক্না তীমসিবু য়াইফ-মাঙ্গোল পীজরি।

মরুপশিং, ‘মন কী বাত’তা সমাজকী ওইবা হিরম কয়াগা লোইননা লৈবাক প্রজাদা ফংহনবা খুদোংচাবা ময়ামগী মরমদা খন্ন-নৈনজৈ। হন্দক্কী ‘মন কী বাত’তদি লৈবাক মীয়াম পুম্নমক্না মায়োক্নগদবা ৱাফম অমা থমজগে। ৱাফমসি ‘তেক্সতাইল ৱেস্ত’কী মতাংদনি। অদোম্না মসি তাবীরবা মতুংদা খনবীরমগনি, তেক্তাইল ৱেস্ত করি-করম্বা ৱাফম ওইরবা?

তেক্সতাইল ৱেস্ত অসি ঙসিদি মালেমগী ওইনা অচৌবা ৱাহং অমা ওইনা পুক্নিংদা চিংনবা ফাওহল্লিবা ৱাফম অমা ওইহল্লে। মীয়াম্না চাউখৎলকপগী মতুং ইন্না পঋতিবী পুম্বদা মন্থরবা ফিজোলশিংবু অনৌবা ফিজোলশিংনা য়াম্না থুনা মহুৎ শিন্তোক্নবনা অয়াম্বনি। অদুবু অমনবা শেৎপীদ্রবা ফিজোলশিং অদুবুনা কমাইনা তৌবা? মসিবুনি ঐখোয়না তেক্সতাইল ৱেস্ত হায়না খঙনরিবসি। গ্লোবল রিসর্চকী মতুং ইন্না চাদা শরুক অমদগী তানা তেক্সতাইল ৱেস্ত অসি অনৌবা ফিজোলদা রিসাইকল তৌই। ভারতনা তেক্সতাইল ৱেস্ত পুধোকপগী লমসিদা অহুমশুবা লৈবাক ওইরি। মসিনা তাকপদি, তেক্সতাইল ৱেস্তসি ঐখোয়গী লৈবাক্তগী চাং য়াম্না ৱাংনা থোক্লকই হায়বনি। অদুবু থাগৎনিংঙাই ওইবা ৱাফম অমনা মসিগী শিংনবশিং অসিবু মায়োক্ননবগীদমক্তা ভারতকী স্তার্তঅপ কয়া অমনা তেক্সতাইল রিকোবরি ফেক্তরীশিংদা থবক পাইখৎলক্লি।

তীম কয়া অমনা অমোৎপশিং খুনবগী থবক তৌরিবা ইচিল-ইনাওশিংবু গ্যান তাহন্নবগী থবক কয়া অমা পাইখৎলি। মসিদ নত্তনা ঐখোয়গী নহা ওইরিবা মরুপশিংনা সস্তেনএবল ফেশন য়োকখৎননবা কন্না হোৎনজরি। অমনবা পোৎলম ফিরোল, কোংউপ্নচিংবশিং রিসাইকল তৌরগা মদুগী মথৌ তারিবা লৈত-লাইরশিংদা পীবীরি। ‘সার্কুলর ফেশন ব্রান্দশিং’বু মমিং চৎহন্নবা সংস্থানশিংনা য়াম্না কন্না হোৎনরি। অনৌবা অনৌবা রেন্তেল প্লেতফোর্মশিংগী মতেংনা দিজাইনর ফিশিং মীয়ামদা শান্দোক্তুনা ফংহল্লি। সংস্থান খরনা অমনবা ফিরোলশিংবু খোমজিন্দুনা অমুক শিজিন্নবা য়াননবা অমুক শেমজিল্লি অদুগা লৈত-লাইরশিং কয়াদশু ফংহল্লি।  

মরুপশিং, তেক্সতাইল ৱেস্তশিংগা লান্থেংনবদা মাইপাক্লবা সহরশিংগী মনুংদা তেক্সতাইল রিসাইক্লিংগী গ্লোবল হব ওইরক্লিবা হরিয়ানাগী পানিপত অমদি বেঙ্গলুরুনা ইন্নোভেতিব ওইবা তেক সোল্যুসনশিংগা লোইননা মশাবু মশক তাক্লি। তেক্সতাইল ৱেস্তকী শরুক তঙখাই অমদি মসিদা খোমজিল্লিবনি। অসিগা চপ মান্ননা তামিল নাদুগী তিরুপুর ৱেস্তৱাতর ত্রীৎমেন্ত অমসুং নিন্যুৱেবল ইনর্জীগী খুত্থাংদা তেক্সতাইল ৱেস্ত মেনেজমেন্ততা শরুক য়ারি।

ঐগী নুংশিরবা ইরৈচাশিং, হকচাং ফবগা লোইননা, কাউন্তকী য়াম্না চাউরবা রোল অমা লাক্লি। নোংমদা ঐখোয়না খোংথাং কয়া চৎপগী কাউন্ত, নোংমদা কেলোরী কয়া চাবগী কাউন্ত, কেলোরী কয়া চৎখিবগী কাউন্ত…. কাউন্ত কয়া অসিগী মরক অসিদা অতোপ্পা কাউন্ত দাউন অমশু হৌগদৌরে। মদুদি ইন্তরনেস্নেল য়োগ দেগী কাউন্তদাউননি। য়োগগী নুমিৎ পালন তৌগদবা নুমিৎ ১০০ ফাজিল্লক্ত্রবনি। অদোম্না অদোমগী পুনশিদা য়োগ অমুক্তা তৌবীদ্রিবা ওইরবশু হন্দক্তি অমুক্তং শোইদনা শরুক য়াবীয়ু। চহি ১০গী মমমাংদা ২০১৫গী জুন ১১দা অআনবা ইন্তরনেস্নেল য়োগ নুমিৎ পালন তৌবা হৌনরকখিবনি। নুমিৎ অসিদগী হৌরগা মীওইবা খুনাইগীদমক্তা ভারতকী মাইকৈদগী তাংলবা খুদোল অমা ওইজরিবা য়োগনি। খুদোল অসিনা তুংদা লাক্কদবা মীরোলদশু য়াম্না কান্নবা শিদ-হিদাক অমগুম থোক্লগনি খল্লি। ‘য়োগ ফোর ৱান অর্থ ৱান হেল্থ’ হায়বদি য়াওগগী মতেংনা মালেম পুম্ববু মশা-মউ ফবা, তিঞ্জং-কাইজংদবা হায়না হন্দক চহিগী ২০২৫গী ওইনা থীমসিদা বুমফম ওইদুনা য়োগ নুমিৎ পালন তৌজগনি।

মরুপশিং, ঐখোয়গী য়োগ অমদি য়েলঔঙৈদগী শিজিন্নরক্লবা হিদাক-লাংথকশিংগ মতাংদা মালেম শিনথুংনা খঙনিংবা হেনগৎলকপা অসি ঐখোয়গী ওইনা য়াম্না চাউথোকচনিংঙাইনি। নহা কয়া অমনা য়োগ অমদি আয়ুর্বেদবু ৱেলনেসকী মতিকচারবা পাম্বৈ অমা ওইনা শাগোন্নদুনা চৎলি।

খুদম ওইনা চিলে হাবরিবা সাউথ অমেরিকা লৈবাক অসিদা আবুর্বেদ অসি য়াম্না পাম্নবা অমা ওইরক্লি। মমাংগী চহিদা ঐনা কোইবা চৎলুবদা, চিলেগী প্রেসিদেন্তকা উনরকখি। আয়ুর্বেদকী পোপুলেরিতীগী মতাংদা য়াম্না কুপ্না ৱারি শানরকখি। ‘সোমোস ইন্দিয়া’ হায়রিবা তীম অমগী মতাংদা ঐ পাউ তারকখি। স্পেনিশতা মসিগী ৱাহন্থোক্তি, ঐখোয় ইন্দিয়ন্নি হায়বনি। তীম অসিনা হৌখিবা চহি ১০ অসিদা য়োগ অমদি অয়ুর্বেদপু হেন্না প্রোমোত টৌনবা হৌৎনৈ। অনা-লাইয়েং চত্থবদা নত্তনা এজুকেস্নেল প্রোগ্রামদশু মাই ওনশিনবনা তীম অসিগী মরুোইবা পান্দম্নি। অয়ুর্বেদগা য়োগগী মরি লৈনবা ৱাফমশিং স্পেনিশ লোলদা হন্দোক্নবা মখোয়না হোৎনৈ। হৌখিবা চহিদা তোঙান-তোঙানবা থৌরম অমদি কোর্সশিংদা চাউরাক্না মীওই লিশিং ৯ লোম্না শরুক য়াখি। তীম অসিগা মরি লৈনবা মীপুম খুদিংমকপু মখোয়গী ওৎনজমনগীদমক্তা য়াম্না থাগৎলি।  

ঐগী নুংশিজরবা মরুপশিং, ‘মন কী বাত’তা হৌজিক য়াম্না নুংঙাইবা ৱাহং অমা হংজগে! লৈশিংগী খোংচৎকী মতাংদা অদোম ৱাখল খনবা ঙমব্রা? লৈ পাম্বীশিংদা শাৎলিবা লৈশিংনা লাই খুরমফম মন্দির ফাওবা য়োরকই, লৈ খরদি য়ুম-কৈবু লৈতেংহল্লি, খরা অমনা পর্ফ্যুম ওনখিদুনা মফম খুদিংমক্তা মাগী নুংশিরবা লৈনম য়েল্লি। অদুবু ঙসিগী তোঙান খোংচৎ অমগী মতাংদা ঐ পাউদমজগে। ময়াম্না মহুৱা হায়রিবা পাম্বি অসিগী লৈগী মতাংদা তাবীরম্লগনি। ঐখোয়গী খুঙ্গংগী ত্রাইবল কম্যুনিতীগী মীওইশিংনা লৈ অসিগী মরুওইবসি নিংথিজনা খঙই। মধ্য প্রদেশকী চিন্দৱারা জিলাদা, মহুৱাগী লৈদগী কুকীজ শেম্মি। রাজাহকোহ খুঙ্গংদা মচিল-মনাও নুপী মরিনা পুন্না হোৎনদুনা কুকীজ অসি হৌজিক্তি মীয়াম্না য়াম্না পাম্বা হায়বদু ওইরে। 

মখোয়গী থৱাই য়াওজবা, মতিং লৈনা ধবক শুবদু উবদা অচৌবা কমপনী অমনা মখোয়বু ফেক্রীদা থবক তৌননবা ত্রেনিং পীখি। মখোয়দগী ইন্সপাইয়র ওইদুনা, খুঙ্গংগী নুপী কয়া অমশু মখোয়গী মতুং ইল্লক্লি। মখোবনা শেম্বা কুকীশিং অদু মীয়াম্না পাম্নবগী চাং য়াম্না হেনগৎলক্লি। তেলঙ্গনাগী অদিলাবাদ জিলাদশু মচিল-মনাও নুপী অনিনা মহুৱাগী লৈদগী অনৌবা চাংয়েং তৌখ্রে। মখোয়না তোঙান-তোঙানবা চানবগী মখল-মথেল শেম্মি, মীয়াম্নশু য়াম্না পাম্নৈ।

মরুপশিং, য়াম্না তোপ-তোপ্পা নিংথিরবা লৈ মখল অমগী মতাংদা অমুক হায়জগে। লৈ অদুগী মমিং ‘কৃষ্ণ কমল’ কৌই। গুজরাতকী এক্তা নাগরদা লৈবা স্তেচু ওফ বুনিতী অদোম য়েংবা চৎলুরব্রা? স্তেচু ওফ লিবর্তীগী অকোইবদা কৃষ্ণ কমল অসি অদুক্কী মতিক য়াম্না উবা ফংগনি। লৈ অসিনা লম কোইবা লাকপা ময়ামগী থমোই শুমহৎলি। এক্তা নাগরগী আরোগ্যা ৱন, এক্তা নর্সরী, ৱিস্বা ৱন অমদি মিয়াৱাকি উমংগী লৈশিং অসিনা মীয়ামগী মীৎয়েংফম ওইহল্লি। অদোমশু অদোমগী মফমদা অসিগুম্বা নিংথিরবা লৈগী খোংচৎকী ৱারি ঐঙোন্দা ইদুনা খঙহনবীরকউ।

ঐগী নুংশিরবা মরুপশিং, হান্নগুম অদোমগী ৱাখল, অদোম্না থেংনরকপা অমদি খঙজবা ময়াম অদুবু শিয়র তৌবীয়ু। অদোমগী অনকপদা থোক্লিবশিং, য়েংবদা ইচম-চম্বা মাল্লগনি অদুবু কনাগুম্বা অমগীদি অদু য়াম্না অঙকপা ওইনা থোকপা অমদি অনৌবা থৌদোক ওইনা থোকপা য়াই। মথংগী থাদা ওইনা থেংনরসি অমসুং ইরৈবাকচাশিংগী পুক্নিং থৌগৎনিংঙাই ওইরবা ৱারি কয়া অমগী মতাংদা অমুক ৱারি শাসি। ময়াম্বু হন্না হন্না থাগৎচরি, খুরুমজরি।

ঐগী নুংশিরবা ইরৈচাশিং, খুরুমজরি। মন কি বাত্ত তরাম্না ওকচরি। হৌজিক চেম্পিয়ন ত্রোফি পাংথোক্লি অমসুং মফম খুদিংমক্ত ক্রিকেতকী ৱারিনা পীক থল্লে। ক্রিকেত্ত সেঞ্চুরি অমগী নুংঙাইবা অদু ঐখোয় পুম্নমক্না খঙলে… অদুবু ঙসি ঐনা ক্রিকেতকী মরমদা ৱা ঙাংলোই, স্পেসকী লমদা ভারতকী অঙকপা সেঞ্চুরিগী মরমদা ঙাংগনি। হৌখিবা থাদা, ইসরোগী ১০০শুবা রোক্কেত থাগৎপা ঐখোয়না উরে। মসি শুপ্নবগী মশিং অমা খক নত্তে, মসিদা নুমিৎ খুদিংগী স্পেস সাইন্সতা অনৌবা থবকশিং পাংথোক্নবা ঐখোয়গী ৱাশক্কী মমিশু তারে। ইচম চম্বা লম্বী অমদা ঐখোয়গী স্পেসকী খোঙচৎ হৌখিবনি। খোঙথাং খুদিংদা খুদোংচাদবা কয়া মায়োক্নখি, অদুবু ঐখোয়গী সাইন্তিস্তশিংনা মখোয় মাইথিবা পীদুনা মাঙলোমদা চঙশিনখি। মতমগী মতুংইন্না, স্পেসকী খোঙচৎ অসিদা ঐখোয়গী মাইপাকপগী মশিং হেনগৎলকই। লঞ্চ ভেহিকলশিং শাবা, চন্দ্রয়ান, মঙ্গালয়ান, অদিত্যা এল-১ মাইপাকপা নত্ত্রগা রোক্কেত অমনা অমুক্তদা সেতেলাইত ১০৪ থাগৎপগী মমাংদা অমুক্ত পাংথোকখিদ্রিবা মিসন য়াওনা ইসরোগী মাইপাকপা অসি তশেংনা পাক-চাউরে। হৌখিবা চহি ১০ খক্তদা, চাউরাক্না সেতেলাইত ৪৬০ রোম থাগৎলে অমসুং মসিগী মনুংদা অতোপ্পা লৈবাকশিংগী কয়া য়াওরি। হৌখিবা চহি খর অসিদা ঐখোয়গী স্পেস সাইন্তিস্ত কাংবুগী মরক্ত নুপীশিং শরুক য়াবা লেপ্তনা হেনগৎলক্লি। ঙসি স্পেসকী হিরম অসি ঐখোয়গী নহারোলশিংগী পামজবা অমা ওইরকপদা ঐ য়াম্না হরাওই।

হিরম অসিদা চহি খর অসিদা স্তার্দ-অপশিং অমসুং প্রাইভেস সেক্তরগী মশিং চা কয়াদা হেনগৎলক্কনি হায়বা কনানা খনখিবগে। পুন্সিদা হেন্না হরাওবা অমসুং নুংঙাইবা খর পাংথোকপা ঐখোয়গী নহারোলশিংনা পামখি, স্পেসকী থবক অসি অফবা থবক অমা ওইখি।

মরুপশিং,

নুমিৎ খরগী মতুংদা, ঐখোয়না জাতিগী সাইন্স নুমিৎ থৌরম পাংথোক্লগনি। ঐখোয়গী অঙাংশিং অমসুং নহারোলশিং সাইন্স য়াম্না পামজৈ অমসুং ঙাওজৈ। ‘সাইন্তিস্ত অমা ওইনা নোংমা’ হায়না অদোম্না কৌবা য়াবা অনৌবা ৱাখল অমা ঐগী লৈরি। মসিদা, অদোম সাইন্তিস্ত অমা ওইনা নোংমগী মতম লেনগদবনি। অদোমগী খুদোংচাগদবা অমসুং অপাম্বা নুমিৎ অমা অদোম্না খনবা য়াগনি। নুমিৎ অদুদা, অদোম রিছার্স লেব অমা, প্লানেতোরিয়ম নত্ত্রগা স্পেস সেন্তর অমদা চৎকদবনি। মসিনা অদোমগী সাইন্সকী মরমদা খৌরাংবা হেনগৎহনগনি। স্পেস অমসুং সাইন্সগুম, ভারতনা য়াংনা চঙশিল্লিবা অতোপ্পা হিরম অমদি আর্তফিসিএল ইন্তিলিজেন্সনি। হন্দক ঐ অচৌবা এ.আই কনফরেন্স অমা শরুক য়ানবা পেরিসতা চৎলুরে। মফম অদুদা, হিরম অসিদা ভারতকী খুমাঙচাউশিনবা মালেম্না থাগৎনখি।

কমদৌনা ঙসি ঐখোয়গী মীয়াম্না এ.আই শীজিন্নরিবগে হায়বগী খুদমশিংশু ঐখোয়না উরে। খুদম ওইনা, তেলঙ্গানাগী অদিলাবাদতা লৈবা সরকারগী স্কুল অমগী ওজা, থোদাসাম কাইলাস জি লৈরে। মহাক্না দিজিতেল ম্যুজিক্ত থৱায় য়াওবা অসিনা ঐখোয়গী ত্রাইবেলগী লোলশিং ঙাক-শেনবদা য়াম্না মরুওইবা থবক অমা পাংথোক্লে। মহাক্না এ.আই তুলশিং শীজিন্নদুনা কোলামি লোলদা ঈশে অমা শুর পান্দুনা অঙকপা থবকশিং পাংথোক্লে। মহাক্কী ত্রেকশিং সোসিএল মেদিয়াদা ঐখোয়গী ত্রাইবেল ইনাওশিং অমসুং ইচলশিংনা পাম্না পাম্নরে। মসি স্পেস সেক্তর নত্ত্রগা এ.আইদা ওইবা য়াই, ঐখোয়গী নহারোলশিং শরুক য়াবা হেনগৎলকপা অসিনা অনৌবা অওনবা অমা পুরক্লে। অনৌবা তেক্নোলোজিশিং শীজিন্নবা অমসুং শীজিন্ননবা হোৎনবদা ভারতকী মীয়াম কনা অমতগী মনিংদা লৈতে।

ঐগী নুংশিরবা ইরৈচাশিং,

মথংগী থা, মার্চ ৬ অসি মালেমগী নুপীশিংগী নুমিৎনি। মসি ঐখোয়গী নুপীশিংগী থৌনাদা ইকায়খুম্নবা উৎনবা অখন্নবা থৌরম অমনি। দেবী মহাতম্যানা হায়খি-

বিদ্যা: সমাসতাস-তৱা দেবী ভেদা:

স্ত্রিয়া: সমাস্তা: সকালা জগাতসু।

বিদ্যা খুদিংমক লাইরেম্বীগী তোঙান-তোঙানবা শক্লোনশিং ফোঙদোকপনি অমসুং মালেমগী নুপীশিংগী শক্তি খুদিংমকশু মহাক্কী মমিনি। ঐখোয়গী চৎনবীদা, ইচানুপীশিং ইকায়খুম্নবা অসি য়াম্না মরুওই। ঐখোয়গী নিংতম ইহৌ অমসুং সংবিধান শেম্বদা লৈবাক অসিগী মাত্রিশক্তিনা অচৌবা থৌদাং অমা লৌখি। কন্সতিতুয়েন্ত এশেমব্লিদা ঐখোয়গী লৈবাক্কী ফিরাল পুথোকপা মতমদা হানসা মেহতা জিনা ফোঙদোকখিবা ৱাফম অদু মহাক্কী খোঞ্জেল ওইনা ঐনা মীয়ামগী মফমদা লান্থোকচরি।

# খোঞ্জেল মতেক অমা :-

হাওস অসিদা অহানবা ফিরাল অদু পাইগদবা অসি ভারতকী নুপীশিংগী খুদোল অমা ওইগনি। ঐখোয়না গেরুৱা মচু শঙজিল্লে, লৈবাক অসিগী নিংতম্বা পুরক্নবগীদমক ঐখোয় লান্থংনখি, অৱাবা মায়োক্নখি অমসুং থৱায় কৎখি। ঙসি ঐখোয়না ঐখোয়গী পান্দম ফংলে। ঐখোয়গী নিংতম্বগী খুদম অসি উৎপা মতমদা, ঐখোয়না অমুক হন্না লৈবাক্কীদমক ঐখোয়গী থবকশিং পাংথোক্লি। অচৌবা ভারত অমগীদমক থবক শুনবা, লৈবাকশিংগী মনুংদা লৈবাক অমা ওইনবা লৈবাক অমা শেমগৎনবা ঐখোয় ৱাশক্লে। ঐখোয়গী নিংতম্বা লেংদনা থম্নবগীদমক অচৌবা থবক অমগীদমক থবক শুনবা ঐখোয় ৱাশক্লে।  

মরুপশিং,

লৈবাক অসিগীদমক মখোয়গী থৱায়শিং কৎপদগী হৌরগা ঐখোয়গী লৈবাক্কী ফিরাল তুবা ফাওবা য়াওনা, লৈবাক শীনবা থুংবগী নুপীশিংনা পাংথোকখিবা থবকশিং হানসা মেহতা জিনা পুখৎলকখি। মসিগী ৱাখল্লোন অসি ঐখোয়গী মচু অহুমগী ফিরালদা গেরুৱা মচুনা ফোঙদোক্লি হায়না মহাক্না থাজবা থমখি। মপাঙ্গল কনবা অমসুং নুংঙাই-য়াইফবা ভারত অমা ওইহনবদা ঐখোয়গী নুপীশিংনা মমল নাইদ্রবা মতেং পাংগনি হায়বা মহাক্না থাজবা ফোঙদোকখি; ঙসিদি মহাক্কী ৱাহৈশিং চুম্লক্লি। করিগুম্বা অদোম্না হিরম অমদা হেক্ত য়েংবদা, কমদৌনা হিরম অদুদা নুপীশিংনা অকনবা থবক পাংথোকপগে হায়বা অদোম খঙবা ঙমগনি। হন্দক্কী মালেমগী নুপীশিংগী নুমিৎ অসিদা, ঐখোয়গী নারী শক্তিদা কৎথোক্তুনা, নোংমা চুপ্পা থবক অমদা ঐনা মতম কাইথোক্কনি। অখন্নবা থৌরম অসিদা, এক্স, ইন্সতাগ্রামগুম্বা ঐগী সোসিএল মেদিয়া একাউন্তশিং লৈবাক অসিগী পুক্নিং থৌগৎনিঙাই ওইরবা নুপী খরদা ঐনা শীন্নগনি। হিরম কয়াদা মাইপাক্লবা নুপীশিং; তোঙান-তোঙানবা হিরমশিংদা অনৌবা থবকশিং পাংথোক্লে অমসুং মখোয় মশামক অঙকপা মওং অমদা মশক তাক্লে। মার্চ ৮ দা, মখোয়গী থবক অমসুং মখোয়গী লৌশিং লৈবাক মীয়ামদা মখোয়না ফোঙদোক্কনি। প্লেতফোর্ম অদু ঐগীনি, অদুবু মদুদা মখোয়গী লৌশিং, মখোয়গী খুদোংচাদবশিং অমসুং মখোয়গী মাইপাকপশিং ফোঙদোক্নবা শীজিন্নগনি। মসিগী খুদোংচাবা অসিনা অদোম লৌনিংলবদি, নমো এপ্পতা শেম্বা অখন্নবা ফোরমগী খুৎথাংদা অমসুং ঐগী এক্স অমসুং ইন্সতাগ্রাম একাউন্তশিংগী খুৎথাংদা অদোমগী মেসেজ থারক্তুনা চাংয়েং অসিদা শরুক য়াবা য়াগনি। হন্দক্কী নুপীশিংগী নুমিৎ অসিদা, নুপীশিংগী মাইথিবা পীবা ঙমদবা থৌনা ঐখোয়না হরাওবা ফোঙদোক্লসি, ইকায়খুম্নবা উৎলসি।

ঐগী নুংশিরবা ইরৈচাশিং,

অদোম্না উত্তরখন্দা পাংথোকখিবা নেসনেল গেমস নুংঙাইনা য়েংখ্রে। লৈবাক শীনবা থুংবগী শান্নরোয় ১১,০০০ হেনবনা ফজনা শান্নখ্রে। থৌরম অসিদা দেবভুমিগী অনৌবা শক্লোন অমা উৎখ্রে। হৌজিক লৈবাক অসিদা উত্তরখন্দ শান্নবগী শক্তি লৈরবা মফম অমা ওইরক্লে। উত্তরখন্দগী শান্নরোয়শিংশু অঙকপা ফংনা ফজনা শান্নখ্রে। হন্দক উত্তরখন্দ ৭শুবা মফমদা লৈখি-মসি লনাই মীওইশিং অমসুং মীয়াম অমসুং রাজ্য অসি শীনবা থুংনা অওনবা পুরকখিবা শান্নবগী তৌবা ঙম্বনি। গেমস অসিনা তুংগী মীরোলশিংদা ইথিল পীখি অমসুং ফজনা থবক পাংথোকপগী চৎনবী অমসু শেমগৎখি। উত্তর প্রদেসকী জেবেলিন শান্নরোয় সাচিন যাদব, হরিয়ানাগী হায় জম্প শান্নরোয় পুজা অমসুং কর্নাতকাগী ইরোইবগী শান্নরোয় ধিনিধি দেসিন্ধুনা লৈবাক অসিগী মীয়ামগী থম্মোয় জয় তৌখি। অনৌবা নেসনেল রেকোর্দ অহুম থমদুনা মখোয়না মীওই খুদিংমক অঙকপা ফাওহনখি। চহি অসিগী নেসনেল গেমসগী তিনএজ চেম্পিয়ন মশিং অসি অঙকপনি। চহি ১৫ শুরবা শুত্তর গাবিন এন্থোনি, য়ু.পিদগী চহি ১৬ শুরবা হেম্মর থ্রোৱর অনুকসা যাদব অমসুং মধ্য প্রদেসতগী চহি ১৯ শুবা পোল ভোলতর দেব কুমার মীনানা ভারতকী শান্নবগী তুংলমচৎ হৈথোই-শিংথোইরবা মীরোল অমগী মখুত্ত লৈরে হায়বশু উৎলে। কৈদৌঙৈদা মাইথিবা য়াদবা মীওইশিং শোইদনা মাইপাকই হায়বা উত্তরখন্দদা পাংথোকপা নেসনেস গেমস অসিনা উৎলে। ঐখোয়গী নহা ওইরিবা শান্নরোয়শিংগী অচেৎপা ফিরেপ অমসুং থকশি-খাসিদা ঐ হরাওই অমসুং মালেমদা শান্নবগী পৱারহাওস অমা ওইরক্নবগী মাইকৈদা ভারত য়াংনা চঙসিল্লি।

ঐগী নুংশিরবা ইরৈচাশিং,

দেহরাদুন্দা নেসনেল গেমস হৌদোকপদা, ঐন আ য়াম্না মরুওইবা ৱাফম অমা হৌদোকখি, লৈবাক অসিদা অনৌবা খন্ন-নৈনবা অমা হৌদোকখি-হিরম অদুদি হকচাং নোইবনি। মশা ফবা লৈবাক অমা ওইনবা, ঐখোয়না শোইদনা হকচাং নোইখৎপগী খুদোংচাদবশিং লাকশিনগদবনি। থিজিনবা অমগী  মতুংইন্না, ঙসি মীওই নিপালগী মনুংদা মীওই অমা নোইবগী খুদোংচাদবা মায়োক্নরি। হৌখিবা চহিশিংদা নোইবগী কেসশিং শরুক অনি হেনগৎলে, অদুবু খ্বাইদগী হেন্না ৱারিবদি অঙাংশিংগী মরক্ত ফাওবা নোইবগী খুদোংচাদবা শরুক মরি হেনগৎলকপা অসিনি। ২০২২ দা দব্লিউ.ঐচ.ওনা পীখিবা দেতা অমগী মতুংইন্না, মালেম শীনবা থুংনা মীওই করোর ২৫০ রোম হকচাংগী অরুম্বা হেল্লি, মখোয়গী দরকার ওইবদগী হেন্না মখোয় হকচাং লুম্লে। হায়রিবা মশিং অসি য়াম্না খুদোংথিনিঙাই ওইরি অমসুং করিদগী মসি থোকহনবনো হায়বা ঐখোয়দা নমদুনা ৱাখল খলহল্লে। হকচাংগী অরুম্বা কা হেনগৎপা নত্ত্রগা নোইবা অসিনা মখল কয়াগী লায়নাশিং নাহল্লি।

 অপীকপা থবকশিংগা লোয়না মসিগী খুদোংচাদবা অসি ঐখোয়না কোকহনবা ঙমগনি। খুদম ওইনা, ঐনা পাম্বৈ অমা পুথোকখিবা অদুদি অচাথাউ শীজিন্নবা চাদা ১০ হন্থহনবা অসিনি। অদোম্না থা খুদিংগী থাউ চাদা ১০ হন্থনা শীজিন্নগনি হায়না ৱারেপ লৌ। অচাথাউ লৈবা মতমদা অদোম্না থাউ চাদা ১০ তানা লৈগনি হাবনা অদোম্না ৱারেপ লৌবা য়াগনি। মসি নোইবা হন্থহন্নবা মাইকৈদা থাংজিনবা মরুওইবা খোঙথাং অমনি। ঙসিগী মন কি বাত অসিদা হিরম অসিগী মতাংদা ঐনা অদোমদা অখন্নবা পাউজেল খর পীনিংই। মাইপাক্না নোইবা হন্থহল্লবা ওলেম্পিক মেদালিস্ত নীরাজ চোপ্রাগা লোয়ননা ঐখোয় ৱারি শানবা হৌরসি:

# খোঞ্জেল মতেক অমা:-

পুম্নমকপু খুরুমজরি। হন্দক্কী মন কি বাত অসিদা ঐখোয়গী লৈবাক্কী য়াম্না মরুওইবা ৱাফম অমা ওইরিবা নোইবগী মতাংদা ঙসি ঐখোয়গী ইকায়খুম্নরবা প্রধান মন্ত্রী শ্রী নরেন্দ্র মোদী জিনা খন্নরি হায়না নীরাজ চোপ্রা ঐনা আদোমগী মফমদা হায়নিংই। ঐ ইশামক ৱাফম অসিগা করিগুম্বা খরদা মরী লৈনরি, মরমদি ঐনা শানবা হৌরকপা মতমদা ঐ হকচাং নোইখি অমসুং ঐনা ত্রেনিং হৌরকপা মতমদা অমসুং নিংথিনা চাবা হৌখি অমসুং ঐগী হকচাং ফগৎলকখি অমসুং তুংদা ঐ শীনফম অমা ওইনা শান্নরোয় অমা ওইরকখি। মখোয়গী মচাশিংগা লোয়ননা মমা-মপাশিংনা লম্পাক্ত শান্নবা অমসুং হকচাং ফবা পুন্সি মহিং অমা শেমগৎনবা ঐনা মমা-মপাশিংদা হায়নিংই অমসুং ফজনা চাগদবনি অমসুং শাজেল তৌনবগীদমক অদোমগী হকচাংদা নোংমদা পুং অমগী মতম নত্ত্রগা মসিদগী হেন্না ফংহনগদবনি। ঐখোয়গী প্রধান মন্ত্রীনা থাউ চাবা চাদা ১০ হন্থহন্নবা হন্দক ফোঙদোকখ্রে, মরমদি ঐখোয়না থাউদা তাউবা চীঞ্জাক য়াম্না চাবা অসিনা হকচাং য়াম্না নোইখৎহল্লি। অসিগুম্বা থাউ য়াম্না শীজিন্নবা চীঞ্জাকশিং চাদনবা অমসুং মখোয়গী হকশেলগী মরমদা চেকশিন্নবা ঐনা হায়নিংই। মসিনা ঐনা অদোমগী মফমদা হায়জবা অমসুং ঐখোয়গী অপুনবা থবকনা ঐখোয়না ঐখোয়গী লৈবাক চাউখৎহনগনি, অদোম থাগৎচরি।

নীরাজ জি, ঐনা অদোম থাগৎচরি। হিরম অসিদা শক্নাইরবা শান্নরোয় নিখাত জারিন জিশু মহাক্কী ৱাখল্লোনশিং ফোঙদোক্লি:

# খোঞ্জেল মতেক অমা:-

ঐগী মিং নিখাত জারিন কৌই অমসুং ঐ ৱার্ল্দ বোক্সিং চেম্পিয়ন অনিরক ওইরে। মন কি বাত্তা ঐখোয়গী প্রধান মন্ত্রী নরেন্দ্র মোদী জিনা নোইবগী মতাংদা পনখ্রে অমসুং লৈবাক্কী মরুওইবা ৱাফম অমনি, ঐখোয়গী ভারত্ত য়াম্না য়াংনা নোইবা হেনগৎলকপা মরমনা ঐখোয়গী ঐখোয়গী হকশেলগী মরমদা চেকশিনগদবনি। মসি ঐখোয়না লেপহনগদবনি অমসুং ঐখোয়না ঙম্লিবমখৈ হকচাং ফবা পুন্সি মহিং অমা ঙাক্না চৎনবা হোৎনগদবনি। শান্নরোয় অমা ওইনা ঐ ইশামক অফবা চীঞ্জাক চানবা হোৎনৈ মরমদি করিগুম্বা ঐনা শোইদুনা হকচাং শোক্নিংঙাই ওইবা চীঞ্জাক চারবদি নত্ত্রগা থাউ য়াম্না য়াওবা চীঞ্জাক চারবদি, মসিনা ঐগী শান্নবদা অকায়বা পী অমসুং ঐ য়াম্না থুংনা রিংদা চোকথরকই অমসুং  ঐ য়ারিবমখৈ থাউ য়াম্না চাদনবা হোৎনৈ অমসুং অফবা চীঞ্জাক চাবা অমসুং নুমিৎ খুদিংগী শাজেল তৌবদগী ঐ হকচাং ফনা লৈরি। নুমিৎ খুদিংগী থবক শুবা চৎলিবা ঐখোয়গুম্বা মীচম মীয়াম্না মখোয়গী হকশেলগী মরমদা চেকশিনগদবনি অমসুং নুমিৎ খুদিংগী হকচাং শাজেল তৌগদবনি, মসিনা ঐখোয় থম্মোয়গী লায়নাশিং অমসুং কেন্সরগুম্বা লায়নাশিংদগী ঙাকথোক্কনি অমসুং ঐখোয় ইশামক হকচাং ফনা থমগনি অমসুং করিগুম্বা ঐখোয় হকচাং ফরবদি মতম অদুদা ভারত হকচাং ফগনি।

নিখাত জিনা তশেংনা অফবা ৱাফম খর ফোঙদোক্লে। হৌজিক ঐখোয় দোক্তর দেবী সেত্তি জিনা করি হায়রিবা তারসি। অদোম খঙলে, মহাক হিরম অসিদা লেপ্তনা থবক তৌরক্লিবা শক্নাইরবা দোক্তর অমনি:

# খোঞ্জেল মতেক অমা :-

মহাক্কী মন কি বাত থৌরমদা নোইবগী মতাংদা মীয়ামদা ৱাখল তাহনবগীদমক ঐনা ঐখোয়গী ইকায়খুম্নরবা প্রধান মন্ত্রী থাগৎনিংই। ঙসিদি নোইবা অসি মপান থোংগী খুদোংচাদবা অমা নত্তে, মসি য়াম্না শাথিবা মেদিকেলগী খুদোংচাদবা অমনি। ঙসিদি ভারত্ত নহারোল কয়া নোইরে। ঙসি মীওই কয়া নোইবগী মরুওইবা মরমদি কার্বোনহায়দ্রেতশিং হায়বদি চাক, তল অমসুং চিনি কা হেন্না চাবা অমসুং থাউ য়াম্না শীজিন্নবদগী ওইরকপনি। নোইবনা থম্মোয়গী লায়না, ব্লদ প্রেসর ৱাংবা, ফেত্তি লিভর অমসুং অতোপ্পা লায়না কয়া থোকহল্লি। মরম অদুনা ঐনা নহারোলশিংদা হায়জরি মদুদি অদোমগী চীঞ্জাক চাং কক্নবা চাবা হৌগদবনি অমসুং শাজেল তৌগদবনি অমসুং অদোমগী হকচাংগী অরুম্বা য়েংগদবনি। তুংদা অদোমগী হকচাং ফনা লৈনবা ঐনা অমুক হন্না য়াইফ পাউজেল পীজরি।

মরুপশিং,

থাউ য়াম্না চাদবা অমসুং নোইবা হন্থহনবা অসি লনাই মীওই অমগী অপাম্বা খক নত্তনা মসি ইমুং অমদা ঐখোয়না পাংথোকফম থোকপা থবক্নি। থাউ কা হেন্না চাবা অসিনা থম্মোয়গী লায়না, দাইবেতিস অমসুং বি.পি য়ানা লায়না কয়া থোকহল্লি। ঐখোয়গী চীঞ্জাক্কী হৈনবীশিংদা অপীকপা অহোংবশিং পুরকপনা, ঐখোয় তুংদা হেন্না পাঙ্গল কনহলগনি অমসুং লায়না লৈহল্লোই। মরম অদুনা থেংদবা তৌদনা, হিরম অসিদা ঐখোয়গী থবকশিং হেনগৎহনগদবনি অমসুংমসি ঐখোয়গী পুন্সিদা থবক ওইনা পায়খৎকদবনি। খুদম ওইনা, ঙসিদিগী মন কি বাত অসিগী মতুংদা, মীওই ১০ মখোয়গী চীঞ্জাক্ত থাউ শীজিন্নবা চাদা ১০ হন্থহন্নবা ঐনা হায়জরি। ঐনা মসিগী শিংনবা অসি অনৌবা মীওই ১০দা পাংথোক্নবা তকশিনগনি। মসিনা নোইবা হন্থহনবদা য়াম্না চাউনা মতেং পাংগনি হায়না ঐনা থাজৈ।

মরুপশিং,  

অদোম এসিয়াতিক লাইওন, হাঙ্গুল, পীগমি হোগ অমসুং লাইওন তেল মেকাক্বিউগী মরক্ত লৈরিবা মান্নবা খঙলবরা? পাউখুমদি হায়রিবা শাশিং অসি মালেমগী মফম অমতদা ফংদে.. মখোয় ঐখোয়গী লৈবাক খক্তদা ফংলি। তশেংনা ঐখোয়গী ওইনা লম্লক্কী শা-উচেকশিং অমসুং পাম্বীশিংগী ফজবা লৈফমশিং লৈরি। হায়রিবা লম্লক্কী শাশিং অসি ঐখোয়গী পুৱারি অমসুং নাৎতা অচৌবা মফম অমা কল্লি। শা কয়া লাইনিংথৌশিং অমসুং লাইরেম্বীশিংগী শাদোং শা ওইনা শীজিন্নরি। ময়াই থংবা ভারতকী ত্রাইব কয়ানা ভাগেশ্বর ইরাৎলি। মহারাস্ত্রাদা ৱাঘোবা ইরাৎপগী চৎনবী অমা লৈরি। ভগবান অয়াপ্পা অসি কৈগা অচেৎপা মরী লৈনরি। বোনবিবি অসি সন্দুরবন্দা ইরাৎলি। মহৌশা অমসুং লম্লক্কী শাশিংগা মরী লৈনবা কর্নাতকাগী হুলি ভেসা, তামিল নাদুগী পুলি অমসুং কেরালগী পুলিকালিগুম্বা জগোয় কয়া ঐখোয়গী লৈরি। লম্লক্কী শাশিং ঙাক-শেনবগী থবকশিংদা শরুক য়ারিবা ঐগী ত্রাইবেল ইনাওশিং অমসুং ইচলশিং ঐনা থাগৎপা ফোঙদোকচরি। কর্নাতকাগী বি.আর.তি তাইগর রিজার্বতা কৈ মশিং লেপ্তনা হেনগৎলক্লি। মসিদা কৈ ইরাৎলিবা সোলিগা ত্রাইবনা অচৌবা থৌদাং অমা লৌরি। মখোয়না মরম ওইদুনা, লমদম অসিদা মীওইবা অমসুং শাগী মরক্ত মুক্নবা লৈতে। গিরদা এসিয়াতিক লাইওন ঙাক-শেনবদা গুজরাতকী মীয়াম্না মশক থোকপা থবক পাংথোক্লি। মহৌশাগা লোয়ননা পুন্না হিংমিন্নবগী লম্বীশিং মখোয়না মালেমদা তাক্লি। হায়রিবা থবকশিং অসিনা হৌখিবা চহি খর অসিদা কৈ, কবো কৈ, এসিয়াতিক নোংশা, রাইনো অমসুং রারাসিংহ মশিং হেনগৎলক্লে। লৈবাক অসিগী নোংচুপ থংবা শরুক্ত এসিয়াতিক নোংশাশিং ফংলি অমসুং নোংপোক, ময়াই থংবা অমসুং খা ভারত অসি কৈশিংগী লৈফমশিংনি। অৱাং-নোংপোক্ত রাইনো ফংলি। ভারত্ত লম্লক্কী শাশিং ঙাক-শেন্নবা থবকশু পায়খৎলি। চহি কয়া অন্দমান অমসুং নিকোবর ইথৎশিং থবক তৌরক্লবা অনুরাধা রাও জিগী মরমদা ঐ তারে। চহি য়াম্না নৌরিঙৈদগী অনুরাধা জিনা শাশিং য়াইফনবা মহাক মশামক কৎথোক্তুনা লাকখি। চহি ৩০ হেন্না মহাক্না শজি অমসুং ৱাহোংশিং ঙাক-শেন্দুনা লাকখি। মীয়াম্না মহাক ‘শজি নুপী’ হায়না খঙনৈ। মথং থাদা ঐখোয়না মালেমগী লম্লক্কী শা-উচেকশিংগী নুমিৎ পাংথোক্কনি। লম্লক্কী শাশিং ঙাক-শেনবগী থবকশিংদা মীয়াম শরুক য়ানবা ঐনা হায়জরি। হিরম অসিদা স্তার্দ-অপ কয়া থোক্লকপা অসি ঐগী ওইনা অপেনবা অমনি।  

মরুপশিং,

হৌজিক বোর্দ পরিক্ষাশিংগী মতমনি। ঐগী নহা ওইরিবা মরুপশিং হায়বদি একজাম ৱারিয়রশিংদা মখোয়গী পরিক্ষাশিংগীদমক ঐনা ঐগী য়াইফ পাউজেল পীজরি। পাখৎপা অমতা য়াওদনা অদোমগী পরিক্ষাশিংগী শরুক য়াগদবনি। চহি খুদিংগী পরিক্ষা পে চার্চাদা ঐখোয়না ঐখোয়গী একজাম ৱারিয়রশিংগা লোয়ননা পরিক্ষাশিংগা মরী লৈনবা তোঙান তোঙানবা হিরমশিং ঐখোয়না খন্নরি। থৌরম অসি হৌজিক ইন্সতিতুৎ অমগী মওংদা লাকপা অসিদা ঐ হরাওই। থৌরম অসিদা অনৌবা অখঙ-অহৈ কয়া য়াওরক্লে। চহি অসিগী ওইনা ঐখোয়না অনৌবা  মওং অমদা পরিক্ষা পে চার্চা পাংথোক্লে। অখঙ-অহৈশিংগা লোয়ননা, তোঙান তোঙানবা তাঙ্কক ৮ য়াওরে। পরিক্ষাশিংগীদগী হৌরগা হকশেল অমসুং পুক্নিং ৱাখলগী হকশেল অমসুং মচি ওইবা চীঞ্জাক ফাওবগী হিরমশিং ঐখোয়না কোনশিল্লে।

মমাংগী তোপ্পরশিংনা মীওই খুদিংমক্ত মখোয়গী লৌশিং অমসুং থেংনরকপশিং পাউদম্লে। থৌরম অসিগী মতাংদা নহারোল কয়া, মমা-মপাশিং অমসুং ওজাশিংনা ঐঙোন্দা চিথি কয়া ইরকখি। হিরম খুদিংমক য়াম্না কুপ্না খন্নবা মরম্না হন্দক্কী মওং অসি মখোয় পাম্মী হায়না মখোয়না হায়খি। ঐখোয়গী নহারোলশিং ইন্সতাগ্রামদা মশিং য়াম্না হায়রিবা তাঙ্ককশিং অসি য়েংলে। থৌরম অসি দিল্লিদা সুন্দর নর্সরিদা পাংথোক্লে। পরিক্ষা পে চার্চাগী তাঙ্ককশিং য়েংহৌদবা ঐখোয়গী নহারোলশিং হৌজিক মখোয়গা লোয়ননা য়েংবা য়ারগনি। তাঙ্ককশিং পুম্নমক হৌজিক নমো এপ্পতা ফংলে। অমুক হন্না ঐখোয়গী একজাম ৱারিয়রশিংদা হরাওনা অমসুং পাখৎতনা পরিক্ষাশিং ফম্নবা ঐগী পাউজেল পীজরি।

ঐগী নুংশিরবা মরুপশিং,

তাঙ্কক অসিগী মন কি বাত মতাং অসিদা লোইজরে। অনৌবা হিরমশিংগা লোয়ননা মথংগী থাদা ঐখোয় অমুক হন্না মন কি বাত পাংথোক্কনি। অদোমগী চিথিশিং, অদোমগী পাউজেলশিং ঐঙোন্দা থাবীরকউ। হকচাং ফনা, নুংঙাইনা লৈবীয়ু। অদোম থাগৎচরি। খুরুমজরি।

ঐগী নুংশিরবা ইরৈচাশিং, খুরুমজরি।

ঙসি অসি ২০২৫ গী অহানবা মন কি বাতনি। অদোম শোইদনা খঙলমগনি। মহৌশানা থা অমগী অরোইবা নোংমাইজি নুমিত্ত মন কি বাত শন্দোকপনি, অদুবু হন্দক্কী ওইনা, মরিশুবা নোংমাইজিংগী মহুত্ত ঐখোয় চয়োল অমা ঙনখৎনা অহুমশুবা নোংমাইজিংদা উনরে। মথংগী চয়োলদা, নোংমাইজিং নুমিত্ত গনতন্ত্র দিবস থোক্লে। মাঙজৌননা নুংঙাইরবা গনতন্ত্র দিবস অমগীদমক ঐনা ইরৈচাশিংদা য়াইফ পাউজেল পীজরি।

মরুপশিং,

চহি অসিগী গনতন্ত্র দিবস অসি য়াম্না অখন্নবনি। চহি অসিদা ভারতনা রিপব্লিক ওইরকপা চহি ৭৫ মপুংফারে। চহি অসিদা সংবিধান চৎনবা হৌখিবা চহি ৭৫ মপুংফারে। ঐখোয়দা শেংলবা সংবিধান পীরম্বা, কন্সতিতুয়েন্ত এশেমব্লিগী শক্নাইরবা মীওইশিংদা ঐনা ইকায়খুম্নবা উৎচরি। কন্সতিতুয়েন্ত এশেমব্লি মনুংদা, হিরম কয়াদা শাংনা খন্ন-নৈনখি। খন্ন-নৈনখিবশিং অদুদা, কন্সতিতুয়েন্ত এশেমব্লিগী মেম্বরশিংগী ৱাখল্লোনশিং, মখোয়গী ৱাহৈশিং, ঐখোয়গী মমল য়াম্লবা লন ওইহৌরে। ঙসি মন কি বাত্ত অদোমগী মফমদা শক্নাইরবা মীওই খরগী খোঞ্জেল তাহনগনি।

মরুপশিং,

কন্সতিতুয়েন্ত এশেমব্লিনা থবক হৌরকপা মতমদা, বাবা সাহেব অম্বেদকারনা হায়খিবা অদু অমগা অমগা মতেং পাংনবদা য়াম্না মরুওইবনি। মহাক্না ইংলিসতা ৱা ঙাংখি। মদুগী মতেক খর ঐনা অদোমগী মফমদা তাহনগনি-

“হৌজিক ফাওবদা, অরোইবা পান্দমগী মতাংদা খন্নবদা, ঐখোয় অমতা চিংনবা অমতা লৈতে হায়না ঐনা খল্লি। ঐখোয় অমতনা চিংনবা দরকার ওইদে, অদুবু ঐগী অকিবদি ঐনা নাখৈ শেংনা ফোঙদোক্কনি, ঐখোয়গী খুদোংচাদবদি তুংগী নত্তে। ঐখোয়গী খুদোংচাদবদি ঙসি ঐখোয়গী মখল কয়াগী মীয়াম, অমতা ওইনা ৱারেপ অমা লৌমিন্নবা অমসুং ঐখোয় অমতা ওইনা লম্বী অদুদা মতেং পাংনদুনা চৎমিন্নবা অদুনি। ঐখোয়গী খুদোংচাদবা অসি অরোইবা পন্থুং অদু নত্তে; ঐখোয়গী খুদোংচাদবদি হৌরকপা অসিনি”।

মরুপশিং,

কন্সতিতুয়েন্ত এশেমব্লি অমতা ওইগদবনি, ৱাখল্লোন অমা খক ওইগদবনি অমসুং মীয়ামগী য়াইফনবা পুন্না থবক তৌমিন্নগদবনি হায়বা অসিদা বাবা সাহেবা থাজবা থমখি। ঐনা অদোমগী মফমদা কন্সতিতুয়েন্ত এশেমব্লিগী অতোপ্পা খোঞ্জেল মতেক অমগা তাহনগে। ঐখোয় দোক্তর রাজেন্দ্র প্রাসাদ জিগী ৱারোল তারসি-

“ঐখোয় শান্তি ওইনা হিংবা অমসুং মতম পুম্নমক্ত শান্তি ওইনা হিংবা পাম্বনি হায়বা ঐখোয়গী পুৱারিনা ঐখোয়দা তাক্লে অমসুং ঐখোয়গী চৎনবীনা ঐখোয়দা তম্বীরে। য়োৎকী নত্ত্রগা সনাগী চেনশিং ওইগেরা, ঐখোয়না কৈদৌঙৈদা অতোপ্পশিং চেন্না পুন্নবা হোৎনদে। য়োৎকী চেনশিংদগী হেন্না কনবা অদুবু হেন্নবা ফজবা লাইনিং, নাৎ অমসুং লৌশিংগী মুগাগী লং অমনা ঐখোয়না অতোপ্পশিং পুল্লে। ঐখোয়না মখা তানা চপ মান্নবা লম্বীদা চৎকনি অমসুং ঐখোয়গী অমতা ঙাইরবা অনিংবা অমা লৈরি; মদুগী অনিংবা অদুদি… মালেমদা শান্তি অমসুং নুংঙাইবা পুরকপদা অমসুং ঙসি ঐখোয় নিংতম্বা পুরকখিবা অচুম্বা অমসুং অহিংশাগী খুৎলায়শিং মালেমদা পীবদা ঐখোয়না মতেং পাংবা ঙমগনি। মতমগী অকনবা চৈথেংদা হিংনবা ঙম্নবগীথৌনা ঐখোয়গী পুন্সি অমসুং নাৎনা ঐখোয়দা পীরে। করিগুম্বা ঐখোয়গী অচুম্বা ফিদমশিং ঐখোয়গী মাঙদা লৈরবদি, ঐখোয়না মালেমদা অফবা থবক অমা পাংথোকপা ঙমগনি”।

মরুপশিং,

মীওইবগী গুনশিংগীদমক লৈবাক অসিনা পায়খৎলিবা থবকশিংগী মতাংদা রাজেন্দ্র প্রাসাদ জিনা ফোঙদোকখি। ঐনা হৌজিক অদোমদা দোক্তর শ্যাম প্রাসাদ মুখর্জিগী খোঞ্জেল তাহনগনি। খুদোংচাবশিং চপ মান্ননা ফংহন্নবা ৱাফম মহাক্না পুখৎখি। দোক্তর শ্যামা প্রাসাদ মুখর্জিনা হায়খি-

“খুদোংথিবা কয়া মায়োক্নরবশু ঐখোয়গী থবকশিংগা লোয়ননা ঐখোয় মাঙলোমদা চঙশিনগনি হায়না ঐনা থাজৈ অমসুং মসিনা কাংলুপ অমগী নত্ত্রগা কাংলুপ অদুগী, ফুরুপ অমগী নত্ত্রগা ফুরুপ অদুগী, জাতি, কাস্ত, ফুরুপকী খেন্নবা লৈতনা লমদম অসিদা নুপা, নুপী অমসুং অঙাং য়াওনা মীওই খুদিংমক খুন্দাবা ইমা লৈবাক ভারত শেমগৎপদা মতেং পাংগনি। মখোয়গী লৈজবা লৌশিংগী মতুংইন্না অমসুং ইমা ভারতকী য়াইফনবা নুপা নত্ত্রগা নুপী মশা মরোমদোম চাউখৎচনবা মীওই খুদিংমক্ত চপ মান্নবা খুদোংচাবা পীগদবনি”।

মরুপশিং,

কন্সতিতুয়েন্ত এশেমব্লিদা মরৈ য়েৎনখিবগী অশেংবা খোঞ্জেল অসি অদোম তানিংগনি হায়না ঐনা থাজৈ। ঐখোয়, লৈবাক অসিগী মীয়াম, হায়রিবা ৱাখল্লোনশিং অসিনা ইথিল পীখি, ঐখোয়গী সংবিধান শেম্লম্বশিংনা ফাওবা চাউথোকচবা ফাওনবা অসিগুম্বা ভারত অমা শেমগৎনবা ঐখোয় থবক তৌগদবনি।

মরুপশিং,

গনতন্ত্র দিবস নোংমা ৱাৎলিঙৈ, জনুৱারি ২৫ অসি নেসনেল ভোতর্স দেনি। নুমিৎ অসিদা ভারতকী ইলেক্সন কম্মিসন লিংখৎপা মরম্না নুমিৎ অসি য়াম্না মরুওই। ঐখোয়গী সংবিধান শেম্লম্বশিংনা ঐখোয়গী ইলেক্সন কম্মিসন অসি সংবিধান্নদা মরুওইবা মফম অমা পীরমখি অমসুং মসিগা চপ মান্ননা গনতন্ত্রদা মীয়াম শরুক য়ানবা মফম পীরমখি। ১০৫১-৫২ দা অহানবা মীখলশিং পাংথোকপা মতমদা, লৈবাক অসিগী গনতন্ত্র হিংবা ঙমগদরা হায়না মীওই খরনা চিংনবা পোকখি। অদুবু ঐখোয়গী গনতন্ত্রনা চিংবশিং অদু অরানবা তাহনখি-পুম্নমক্কী মথক্ত, ভারত অসি গনতন্ত্রগী মমানি। হৌখিবা চহিশিংদা, লৈবাক অসিগী গনতন্ত্র মপাঙ্গল কনখৎহল্লে অমসুং নুংঙাই য়াইফরে।

মতম মতমগী মতুংইন্না মীখলগী থবকশিং নৌথোকহনবা অমসুং মপাঙ্গল কনখৎহনবগীদমক ঐনা ইলেক্সন কম্মিসন থাগৎপা পাম্মী। মীয়ামগী শক্তিদা শক্তি হেন্না পীনবা কম্মিসন্না তেক্নোলোজিগী শক্তি শীজিন্নরে। নিয়ম চুম্না মীখলশিং পাংথোকপগীদমক ঐনা ইলেক্সন কম্মিসন থাগৎপা ফোঙদোকচরি। মশিং য়াম্না থোক্লক্তুনা, ভোৎ থাদবগী মখোয়গী হকশিং শীজিন্ননবা ঐনা মীয়ামদা তকশিল্লি অমসুং লৈবাক অসিগী গনতন্ত্রগী থবকশিংগী শরুক অমা ওইনবা অমসুং থবক অসি মপাঙ্গল কনখৎহন্নবা ঐনা হায়জরি।

ঐগী নুংশিরবা ইরৈচাশিং,

প্রায়াগ্রাজদা মহা কুম্ভ হৌখ্রে। কাউবা ঙমদ্রবা মীগী সমুদ্র অমনি, ফজরবা শক্তমশিংনি অমসুং মান্নবা অমসুং নুংশিনবগী অঙকপা ইতিনফম অমনি। চহি অসিদা, কুম্ভদা ঈশ্বরগী ওইবা থৌরম কয়াশু মপা চানরে। কুম্ভ অসি খেন্নবশিংগী অপুনবা শক্তমগী কুহ্মৈ অমনি। ভারত অমসুং মালেম শীনবা থুংবগী মীওইশিং সঙ্গমগী লৈঙোইদা পুল্লে। মসিদা মীচং-মীখাই নাইদবা,কাংলু-ফুরুপ খাইদবা অসি চহি লিশিং কয়াদগী লৈরক্লবা  চৎনবীনি… ভারতকী খা, নোংপোক, নোংচুপকী মীওইশিং মফম অসিদা থুংলরে। কুম্ভদা,লায়রবা অমসুং ইনাকখুনবা অমতা ওইরে। ঐখোয় খুদিংমক সঙ্গমদা ইরুপ্লে, পুন্না ভান্দ্রাশিং চামিন্নরে, প্রসাদ ফংমিন্নরে- মরম অদুনা কুম্ভ অসি অপুনবগী মহা কুম্ভনি। কমদৌনা চৎনবীশিংনা ভারত পুম্নমক কোনশিনবগে হায়বা কুম্ভগী থৌরম অসিনা ঐখোয়দা তাক্লে। লাইনিংনা অমতা ওইহনবগী লম্বীশিং অৱাংদগী হৌরগা খা ফাওবা অমতা ওইরে। অতোপ্পা অমদা, প্রায়াগ্রাজ, উজ্জেন, নাসিক অমসুং হরিদ্বারদা কুম্ভ পাংথোকই; অমরোমদা, খা থংবা শরুক্ত, গোদাবরি, কৃষ্ণ, নর্মাদা অমসুং কাভেরি তুরেলশিংগী মপানশিংদা পুস্কারম পাংথোক্লি। হায়রিবা কুহ্মৈশিং অসি ঐখোয়গী শেংলবা তুরেলশিং অমসুং মখোয়গী লাইনিংশিংগা শম্নৈ। কুম্বাকোনাম, তিরুকাদ-য়ুর, কোদ-বাসুল, তিরুচেরাইগুম্বা মখোয়গী চৎনবীশিংগা কুম্ভগা শম্নবা অসিগুম্বা লাইশঙ কয়া লৈরি।

মরুপশিং,

কুম্ভদা নহারোলশিং মশিং য়াম্না শরুক য়াবা অদোম উরমগনি অমসুং নহারোলশিং চাউথোকচবগা লোয়ননা লৈবাক অসিগী সভত্যগা শম্নবা অসি অচুম্বনি, লৈবাক অসিগী মরাশিং হেন্না মপাঙ্গল কনখৎলে অমসুং লৈবাক অসিগী অফবা তুংলমচৎ অমা উরে। হন্দক্কী অসিদা ঐখোয়না য়াম্না পাক-চাউনা কুম্ভদা দিজিতেল ফুতপ্রিন্তশিংশু উবা ফংলে। কুম্ভ মালেমদা মমিং চৎপা অসি ভারতমচা খুদিংমক্কী চাউথোকচনিঙাইনি।

মরুপশিং,

নুমিৎ খরনিগী মমাংদা, নোংচু বেঙ্গলগদা য়াম্না পাক-চাউনা ‘গঙ্গা সাগর মেলা’শু পাংথোকখ্রে। শেংলবা সংক্রান্তি থৌরমদা, মেলা অসিদা মালেম শীনবা থুংবগী ভক্ত লাখ কয়া ইরুপখি। কুম্ভ, পুস্কারম অমসুং গঙ্গা সাগর মেলা- হায়রিবা কুহ্মৈশিং অসি ঐখোয়গী খুন্নাইগী নুংশিন্নবা, পুন্না হিংমিন্নবা অমসুং অপুনবা হেনগৎহনবা ঐখোয়গী কুহ্মৈশিংনি। হায়রিবা কুহ্মৈশিং অসিনা ভারতকী মীয়ামগা ভারতকী চৎনবীশিংগা শম্নহল্লে অমসুং মালেমদা ঐখোয়গী অরিবা লাইরিকশিংনা হায়রিবা ধর্মা, অর্থ, কাম, মোক্সাগা শম্নহল্লে। ঐখোয়গী কুহ্মৈশিং অমসুং চৎনবীশিংনা অধ্যাতিক, খুন্নাই, নাৎ অমসুং শেন্মিৎলোনগী হিরম খুদিংমক ফগৎহল্লে।

মরুপশিং,

থা অসিদা, ‘পৌষ সুক্লা দ্বাদাসি’ নুমিত্তা রাম লালাগী প্রান প্রাতিস্থা পর্বগী অহানবা কুমওন থোক্লে। চহি অসিগী ‘পৌষ সুক্লা দ্বাদাসি’ জনুৱারি ১১ দা তাখি। নুমিৎ অসিদা, রামগী ভক্ত লাখ কয়া অয়োধ্যাদা রাম লাল্লাগী দর্শন ফংখি অমসুং মহাক্কী থৌজাল ফংখি। প্রান প্রাতিস্থাগী দ্বাদাসি অসি ভারতকী নাৎকী ৱাখল তাবা অমুক হন্না শম্নহন্নবা দ্বাদাসিনি। মরম অদুনা ‘পৌষ সুক্লা দ্বাদাসি’গী নুমিৎ অসিশু মওং অমদা প্রাতিস্থা দ্বাদাসিগী নুমিৎ ওইরক্লে। চাউখৎপগী লম্বীদা চৎপগা লোয়ননা, ঐখোয়না ঐখোয়গী হেরিতেচ ঙাক-শেনগদবনি অমসুং মদুগী ইথিল লৌদুনা মাঙলোমদা চঙশিনগদবনি।

ঐগী নুংশিরবা ইরৈচাশিং,

২০২৫ হৌরকপদা, স্পেসকী লমদা ভারতনা পুৱারি ওইরবা মাইপাকপা কয়া পুরক্লে। বেঙ্গালুরুদা লৈবা ভারতকী স্পেস-তেক স্তার্দ-অপ পিক্সেলনা মাইপাক্না ভারতকী অহানবা প্রাইভেদ সেতেল্লাইত কন্সতেল্লেসন-‘ফায়ারফ্লাই’ থাগৎলে হায়না ঙসি পাউদম্বদা ঐ চাউথোকচৈ। মসিগী সেতেল্লাইত কন্সতেল্লেসন অসি মালেমদা খ্বাইদগী রিজোলুসন ৱাংবা হায়পরস্পেকত্রাল সেতেল্লাইত কন্সতেল্লেসন্নি। মসিগী মাইপাকপা অসিনা অনৌবা স্পেস তেক্নোলোজিদা ভারত লুচিংবা অমা ওইহনবা খক নত্তনা, মসিনা অত্মানির্ভর ভারতকী মাইকৈদা অচৌবা খোঙথাং অমা থাংজিল্লে। মসিগী মাইপাকপা অসি ঐখোয়গী প্রাইভেদ স্পেস সেক্তরদা মপাঙ্গল অমসুং অনৌবা থবক ফগৎলকপগী খুদম অমনি। লৈবাক মীয়ামগী মহুৎশীন্দুনা, মাইপাকপা অসিগীদমক ঐনা পিক্সেল, ইসরো অমসুং ইন-স্পেসকী কাংবু থাগৎপা ফোঙদোকচরি।

মরুপশিং,

নুমিৎ খরগী মমাংদা, ঐখোয়গী সাইন্তিস্তশিংনা স্পেস সেক্তরদা অতোপ্পা অচৌবা মাইপাকপা অমা পুরক্লে। ঐখোয়গী সাইন্তিস্তশিংনা সেতেল্লাইতশিং স্পেসতা শম্নহনখ্রে। স্পেসতা স্পেসক্রাফ অনি শম্নহনবা অসিবু স্পেস দোক্কিং হায়না খঙনৈ। মসিগী তেক্নোলোজি অসি স্পেস স্তেসনশিংদা পোৎ-চৈশিং থাবা অমসুং স্পেসতা ক্রিউ মিসনশিং থাবদা য়াম্না মরুওই। মসিগী থবক অসি মাইপাক্না পাংথোকপা ঙম্বা মরিশুবা লৈবাক ভারতনা ওইরে। স্পেসতা পাম্বীশিং থানবা অমসুং মখোয় হিংহন্নবা ঐখোয়গী সাইন্তিস্তশিংনা থবক পায়খৎলি। মসিগীদমক, ইসরোগী সাইন্তিস্তশিংনা হৱায় অশাংবীগী মরুশিং খনখি। হায়রিবা মরুশিং অদু দিশেম্বর ৩০ দা থাখি, স্পেসতা মতোল চোংহল্লে। মসিগী চাংয়েং অসিনা তুংদা স্পেসতা মনা-মশিং থানবগী লম্বীশিং য়াৎলগনি। ঐখোয়গী সাইন্তিস্তশিং কয়া য়াম্না তুংগী উদুনা থবক তৌবগে হায়বা মসিনা তাক্লে।

মরুপশিং,

অতোপ্পা পুক্নিং থৌগৎনিঙাই ওইবা থবক অমগী মরমদা ঐনা অদোমগী মফমদা হায়নিংই। আই.আই.তি মাদ্রাসকী এক্সতেম সেন্তরনা স্পেসতা মেনুফেকচরিংগী অনৌবা তেক্নোলোজিশিংগী লমদা থবক তৌরি। সেন্তর অসিনা থ্রি-দি প্রিন্তেদ বিল্দিংশিং, মেতেল ফোমশিং অমসুং ওপ্তিকেল ফাইবরশিং স্পেসতা থবক তৌনবা তেক্নোলোজিশিংদা থিজিনবগী থবক পায়খৎলি। সেন্তরনা ঈশিং য়াওদনা কংক্রিতগী য়ুম শানবগী পাম্বৈশিংশু শেমগৎলি। এক্সতেমনা থিজিল্লিবা অসিনা ভারতকী গাগনয়ান মিসন অমসুং তুংগী স্পেস স্তেসন মপাঙ্গল কনখৎহনগনি। মসিনা মেনুফেকচরিংদা অনৌবা তেক্নোলোজিগী অনৌবা মফমশিং পীগনি। তুংদা লাক্কদবা খুদোংচাদবশিং কোকহন্নবা মীৎয়েং শানবা ঐখোয়গী সাইন্তিস্তশিং অমসুং ইন্নোবেতরশিংনা কমদৌনা হায়রিবা মাইপাকপশিং ঙসি পুরকপগে হায়বা মসিনা খুদমনি। ঙসি ঐখোয়গী লৈবাক অসি স্পেস তেক্নোলোজিদা অনৌবা মাইপাকপশিং পুরক্লে। লৈবাক শীনবা থুংবগী মীয়ামগী মহুৎশীন্দুনা, ভারতকী সাইন্তিস্তশিং, ইন্নোবেতরশিং অমসুং নহা ওইরিবা ওন্ত্রাপ্রেনিউয়রশিংদা ঐনা ঐগী য়াইফ পাউজেল পীজরি।

ঐগী নুংশিরবা ইরৈচাশিং,

মীওইবা অমসুং শাশিংগী মরক্ত অচেৎপা মরী লৈনবগী শক্তম কয়া অদোম কয়ারক উরম্লগনি; শাশিংনা মপুশিং নুংশিবা অমসুং মপুশিংনা শাশিং নুংশিবগী ৱারি কয়া অদোম তারম্লগনি। মসি য়ুমদা য়োকপা নত্ত্রগা লম্লক্কী শা অমা ওইবা য়াই, মীওইবগা মখোয়গা লৈনবা মরীশিং অসিনা করিগুম্বা মতমদ ঐখোয় অঙকপা ফাওহল্লি। শাশিং ৱা ঙাংবা ঙমদে, অদুবু মখোয়গী ৱাখলশিং অমসুং মখোয়গী লেংবা ওৎপগী ফিবমশিং মীওইবনা খঙই। শাশিংনা নুংশিবগী লোলশু খঙই অমসুং মসিদা মখোয় হিংলিবনি। অসামগী খুদম অমা ঐ অদোমগী মফমদা পাউদমগে। অসামদা নাগাউন কৌবা মফম অমা লৈ। নাগাউন অসি ঐখোয়গী শক্নাইরবা শ্রীমতা সঙ্করদেব জিগী পোক্নফম লমদমনি। মফম অসি য়াম্না ফজৈ। মফম অসি মশিং য়াম্লবা শামুশিংগী লৈফমশু ওইরি। মফম অসিদা শামুশিংনা মহৈ-মরোং কয়া মাঙহনবা, লৌমীশিং শাওহনবা, মসিনা মরম ওইদুনা খুঙ্গং ১০০ রোমগী মীয়াম অৱাবা তাবগী থৌদোক কয়া খঙলে। অদুবু খুঞ্জাশিংনা শামুশিংগী উপায় লৈতবা ফিবমশিং অদু খঙই। মখোয়গী অরাম-খৌরাংবা অদু কোক্নবা শামুশিং লৌবুক্ত চঙলকপনি হায়বা মখোয় খঙই, মরম অদুনা খুঞ্জাশিংনা মসি কোক্নবা পাম্বৈ অমা পুথোক্লে। ‘হাথি বন্ধু’ কৌবা খুঞ্জাশিংগী কাংবু অমা শেম্লে। হাথি বন্ধুনা মখোয়গী লৌশিং শীজিন্নদুনা, বিঘা ৮০০গী লমহাং অমদা অখন্নবা থবক অমা পায়খৎখি। মফম অদুগী খুঞ্জাশিংনা পুন্দুনা নেপিয়র নাপী থাখি। শামুশিংনা নাপী অসি য়াম্না পাম্মী। মসিদগী শামুশিং অতোপ্পা লৌবুকশিংদা হায়দোরক্ত্রে। মসিদগী খুঞ্জা লিশিং কয়া অৱাবা কোক্লে। মখোয়গী থবকশিং অসি শামুশিংনা অমসুং মীয়াম্না পাম্নরে।

মরুপশিং,

অকোয়বদা লৈরিবা শাশিং অমসুং উচেকশিংগা নুংশিন্না লৈমিন্ননবা ঐখোয়গী নাৎ অমসুং চৎনবীনা ঐখোয়দা তম্বীরি। হৌখিবা থাদা ভারতকী অনৌবা তাইগর রিজার্ব অনি হেনগৎলকপা অসি য়াম্না হরাওনিঙাইনি। হায়রিবা রিজার্বশিং অদুগী মনুংদা অমনা ছতিসগরদা গুরু ঘাসিদাস-তামোর পিঙ্গলা তাইগর রিজার্ব অমসুং অতোপ্পা অমনা মধ্য প্রদেসতা রাতাপানি তাইগর রিজার্বনি।

ঐগী নুংশিরবা ইরৈচাশিং,

শ্বামী বিবেকানন্দা জিনা হায়রমখি মদুদি কনাগুম্বা অমগী অনৌবা ৱাখলশিংদা ঙাওজবা মীওই খক্তনা কনাগুম্বা অমগী পান্দম ফংবা ঙমগনি। অনৌবা ৱাখল অমা মাইকপাকহনবদা ঐখোয়গী পামজবা অমসুং কৎথোকপা অসি খ্বাইদগী মরুওই। মপুংফানা কৎথোকপা অমসুং হরাওবগী খুৎথাংদা অনৌবা অমসুং মাইপাকপগী লম্বীদা চৎপা ঙমগনি। নুমিৎ খরগী মমাংদা পাংথোকখিবা, শ্বামী বিবেকানন্দা জিগী মপোক কুমওন থৌরমদা, ঐ ‘বিকসিত ভারত য়ং লিদর্স দাইলোগ’ শরুক য়াবগী খুদোংচাবা ফংখি। ঐনা নুমিৎ চুপ্পা অমা লৈবাক অসিগী মফম কয়াদগী লাকপঅ নহারোল মরুপশিংগা লৈখি। তোঙান তোঙানবা হিরমশিং হায়বদি স্তার্দঅপশিং, নাৎ, নুপীশিং, নহারোলশিং অমসুং ইনফ্রাস্ত্রকচরগী লমদা মখোয়গী অনৌবা ৱাখলশিং শরুক য়াখি। মসিগী থৌরম অসি ঐঙোন্দা নিংশিংদুনা লৈরি।

মরুপশিং,

নুমিৎ খরগী মমাংদা, স্তার্দ-অপ ইন্দিয়া চহি ৯ মপুংফারে। চহি মপান অসিদা ঐখোয়গী লৈবাক্ত শেমগৎখিবা স্তার্দ-অপশিংগী তংখায় অমদি তয়র-২ অমসুং তয়র-৩ সহরশিংদনি অমসুং ঐখোয়না মসি তাবদা, ঐখোয়গী স্তার্দ-অপকী থবকশিং অসি শুপ্নগী অচৌবা সহরশিং খক্তদা লিংখৎপা নত্তে হায়বা খঙবদা ভারতমচা খুদিংমক্কী থম্মোয়দা অপেনবা ফাওরে। অপীকপা সহরশিংদা স্তার্দ-অপশিংগী তংখায় অমদি ঐখোয়গী ইচানুপীশিংনা লুচিংবনি হায়বা খঙবদা অদোম অঙকপা ফাওগনি। অম্বালা, হিসার, কঙ্গারা, চেনগালপাত্তু, বিলাসপুর, গ্বালিয়র অমসুং ৱাসিমগুম্বা সহরশিং স্তার্দ-অপশিংগী মফম ওইরক্লে হায়না ঐখোয়না তাবদা, হরাওবনা থুমহৎলে। হৌখিবা চহিদা নাগালেন্দগুম্বা রাজ্যদা স্তার্দ-অপশিং রেজিস্তার তৌবা চাদা ২০০ হেনগৎলে। স্তার্দ-অপশিং অয়াম্বনা অমোৎপা লোইশিনবা, নন-রিন্যুএল ইনর্জি, বাইওতেক্নোলোজি অমসুং লোজিস্তিক্স সেক্তরশিংদা থবক পায়খৎপা উরে। মখোয় মহৌশাগী সেক্তরশিং অদু নত্তে, অদুবু ঐখোয়গী নহারোলশিংনা হান্নগী চৎনবীগী ৱাংমদা খনগদবনি অমসুং মসিনা মাইপাক্নবগী লম্বীনি।

মরুপশিং,

চহি ১০ গী মমাঙদা কনাগুম্বা অমনা স্তার্দ-অপশিংগী হিরমদা চঙনবা ৱারি শারকপা মতমদা, কনাগুম্বা অমনা মখল কয়াগী নমথাক তৌবগী ৱারি তারমগনি। কনাগুম্বা অমনা হংলমগনি, স্তার্দ-অপ হায়বসি করিনো? অতোপ্পশিংনা হায়রমগনি, মদুনা নহাক চাউখৎপা ঙম্লোই। য়েংউ, চহি ১০ অসিদা কয়া য়াম্না অহোংবা পুরক্লবগে হায়বা। অদোমশু ভারত্ত ফংলিবা অনৌবা খুদোংচাবশিং ঙসিগী কান্নবশিং মপুংফানা লৌগদবনি। করিগুম্বা অদোম্না নশামক্ত থাজবা থম্লবদি, অদোমগী মঙলানশিং অনৌবা থাকশিংদা য়ৌবা ঙমগনি।

ঐগী নুংশিরবা ইরৈচাশিং,

অচুম্বা ৱাখল্লোনশিংগা লোয়ননা অমসুং মশাগী ওইজবা থিদনা পাংথোকপা থবকশিং মী অমদগী মী অমদা পাক-শন্না শন্দোকই। ঐখোয়গী মন কি বাত অসি থবক অসিগী অচৌবা মফম অমনি। ঐখোয়গী পাক্লবা লৈবাক অসিদা, মনুং হুঞ্জিনবা মফমশিংদা কনাগুম্বা অমনা অফবা থবক থবক পাংথোক্লবশু অমসুং কনাগুম্বা অমগী থৌদাং থৱায় য়াওনা পাংথোক্লবশু, কনাগুম্বা অমগী থবক মাঙদোমদা পুখৎলক্নবা মসি খ্বাইদগী ফবা মফমনি। দিপক নাবাম জিনা অরুনাচল প্রদেসতা মীয়ামগী থবক তৌনবগী অফবা খুদম অমা ওইরে। অনাবশিং, হকচাংগী ফিবম চাদ্রবা মীওইশিং অমসুং অহলশিং, দ্রদ এদিগশিং সেবা তৌনবা লিভিং হোম অমা দিপক জিনা মফম অসিদা লিংখৎখি। খুন্নাইগী তোল্লবশিং, হিংশানা শোকহল্লবা ইমুংশিং অমসুং য়ুম লৈজদ্রবা মীওইশিং মতেং পাংনবা মতেং অমতা য়াওদনা দিপক নাবামনা কেম্পেন অমা হৌদোকখি। ঙসিদি মহাক্কী থবক অসিনা লুপ অমা ওন্থোক্লে অমসুং মহাক্কী লুপ অসি মনা কয়া ফংলে। লাক্ষদ্বিপ ইথৎতা নর্শ অমা ওইনা থবক তৌবী কে. হিন্দুম্বী জিগী থবক অসি য়াম্না পুক্নিং থৌগৎনিঙাইনি। মহাক চহি ১৮ গী মমাঙদা সরকারগী থবক্তগী পোথারবা মতুংদা, মহাক হান্নগুম্বা মীয়ামগী সেবা তৌরি হায়বা খঙবদা অদোম অঙকপা ফাওগনি। লাক্ষদ্বিপগী কে.জি মোহমদ জিগী থবকশিংশু অঙকপনি। মহাক্কী থবকশিংনা মিনিকোই ইথৎকী মেরিন ইকোসিস্তেম হেন্না ফগৎলে। মহৌশাগী অকোয়বগী ফিবমগী মরমদা মীয়াম খঙনবা মহাক্না ঈশৈ কয়া ইখি। মহাক লাক্ষদ্বিপ সাহিত্য কলা একাদেমীদগী বেস্ত ফোক্ল সোং এৱার্দ ফংলে। থবক্তগী পোথারবা মতুংদা, মহাক মফম অদুদা ম্যুজিয়মগা লোয়ননা থবক তৌরি।

মরুপশিং,

নিকোবরগী অশেংবা য়ুবী থাউ হন্দক জি.আই তেগ পীরে। জি.আই তেগ ফংলবা মতুংদা, অশেংবা য়ুবী থাউগী অতোপ্পা থবক অমা পায়খৎলে। থাউ অসি পুথোক্নবা নুপীশিংনা সেল্ফ হেল্প গ্রুপশিং শেমগৎলে। মখোয়দা য়োনবা অমসুং ব্রান্দ শেমগৎনবা অখন্নবা ত্রেনিং পীরে। মসি ঐখোয়গী ত্রাইবেলশিংগী শেন-থুমগী ফিবম ফগৎনবা অচৌবা থবক অমনি। তুংদা অন্দমান-নিকোবরগী অশেংবা য়ুবী থাউ অসি মালেমগী পাউ অমা ওইগনি অমসুং মফম অসিগী নুপীশিংগী সেল্ফ হেল্প গ্রুপশিংদা চাউনা মতেং পাংগনি হায়বগী থাজবা ঐনা থম্লি।

ঐগী নুংশিরবা ইরৈচাশিং,

সিন অমা ঙাইক্তং ৱাখলদা শাগৎতুনা য়েংউ। মসি কোলকাতাদা জনুৱারি থাদনি। মালেমগী অনিশুবা লাঞ্জাউ কন্না শোক্নবা মতমনি অমসুং ভারত্ত বৃতিসকী মায়োক্না কন্না শাওবা মতমনি। মসিনা মরম ওইদুনা, সহর অসিগী মফম খুদিংমক্ত পুলিসমেন থমখি। চৈরক অদুদা, অশাংবা কোত লিৎপা, খোঙগ্রাউ শেৎপা অমসুং অমুবা তুপী অমা উপ্পা নুপা অমা য়ুম অমদগী কার অমদা অহিংবগী অমম্বদা থোক্লকখি। য়াম্না কন্না ঙাক-শেনবা চেকপোইন্তশিং লাল্লগা, মহাক গোমো কৌবা রেলৱে স্তেসন অমদা থুংলখি। স্তেসন অসি হৌজিক ঝারখন্দা লৈরি। মফম অদুদগী, মহাক ত্রেন অমা তোংদুনা চৎখি। মসিগী তুংদা, মহাক অফগানিস্থান ফাওরগা য়ুরোপ য়ৌখি অমসুং মসি বৃতিস লৈঙাক্কী নমখায়বা ঙমদ্রবা অথিংবশিং লৈরবশু থবক ওইনা পাংথোকখি।

মরুপশিং,

ৱারি অসি অদোমগী মফমদা ফিল্মগী সিন অমা মাল্লমগনি। অসিগুম্বা থৌনা উৎখিবা মীওই অসি করম্বা মখলগী মীনো হায়না অদোম ঙক্লমগনি। মীওই অসি কনা অমতা নত্তে, মহাক ঐখোয়গী লৈবাক্কী শক্নাইরবা মীওই, নেতাজি সুভাস চন্দ্র বোসনি। জনুৱারি ২৩ অসি ‘পরাক্রম দিবস’ হায়না মহাক্কী মপোক নুমিৎ অসি ঐখোয়না থৌরম পাংথোক্লি। মহাক্কী থৌনা ফবগী ৱারি অসিনা মহাক্কী পরাক্রমগী শক্তম অমা উৎলে। চহি খরগী মমাংদা, বৃতিসতা উৎ চাইরম্লগা মহাক্না নানথোকখিবা য়ুম অদুদা ঐ চৎলুরে। য়ুম অদুদা হৌজিক ফাওবা কার অদু লৈরি। খোঙচৎ অদু ঐঙোন্দা য়াম্না অখন্নবা অমা ওইখি। সুভাস বাবু মীৎয়েং শানবা লুচিংবা অমনি। মহাক থবক হৈবা লৈঙাকপা অমসুনি। চহি ২৭ শুবা মহাক কোলকাতা কোর্পোরেসনগী চীফ ইজুক্যুতিপ ওফিসার ওইখি অমসুং তুংদা মহাক মেয়র ওইখি। মহাক্না অঙাংশিংগী স্কুলশিং লিংখৎখিবা, লায়রবা অঙাংশিংগী শঙ্গোম ফংহনখিবা অমসুং লু-নানবগী থবকশিং হৌজিক ফাওবা নিংশিংলি। নেতাজি সুভাসশু রেদিওগা য়াম্না নক্নবা মরী লৈনখি। মহাক্না ৱা ঙাংবা তানবা মীয়াম্না মহাক্না লিংখৎপা অজাদ হিন্দ রেদিও ঙাইনখি। মহাক্কী ৱারোলশিংদা মপান লৈবাক্কী লৈঙাক্কী মায়োক্তা ৱা ঙাংদুনা অনৌবা থৌনা অমা পীখি। ইংলিস, হিন্দী,তামিল, বাংলা, মরাথি, পঞ্জাবী, পাসতো অমসুং উর্দুদা অজাদ হিন্দ রেদিওদা অনৌবা পাউশিং শন্দোকখি। ঐনা নেতাজি সুভাস চন্দ্র বোসকী মফমদা ইকায়খুম্নবা উৎচরি। মহাক্কী মরমদা ঙম্লিবমখৈ পানবা অমসুং মহাক্কী পুন্সিদগী ইথিল লৌনবা লৈবাক অসিগী নহারোলশিংদা ঐনা হায়জরি।

মরুপশিং,

মতম খুদিংমক্ত, লৈবাক্কী অপুনবা থবকশিং অমসুং অদোমগী অপুনবা থৌনাগা লোয়ননা মন কি বাত থৌরম অসিদা ঐগা শম্নহল্লে। থা খুদিংগী ঐনা মশিং য়াম্লবা অদোমগী পাউতাকশিং ফংখি অমসুং অনৌবা ৱাখল্লোনশিং অসি ফংবদা বিকসিত ভারত্তা থম্লিবা ঐগী থাজবা মখা তানা হেনগৎহল্লে। অদোমগী থবকশিংনা ভারত খ্বাইদগী ফবা ওইনবা অদোম মখা তানা থবক তৌগদবনি। হন্দক্কী মন কি বাত মতাং অসিদা লোইজরে। মাইপাকপগী অনৌবা ৱারিশিং, ভারতমচাশিংগী ৱাশকশিং অমসুং মাইপাকপশিংগা লোয়ননা ঐখোয় মথংগী থাদা অমুক উনরসি। অদোম ঙমখৈ লৈতনা থাগৎপা ফোঙদোকচরি। খুরুমজরি।

ঐগী নুংশিরবা ইরৈচাশিং,

খুরুমজরি, ২০২৫ য়ৌরক্লে; থোংজিলদা লেপ্লরে। জনুৱারি ২৬, ২০২৫ দা ঐখোয়গী সংবিধান চহি ৭৫ মপুংফারে। মসি ঐখোয় পুম্নমক্কী চাউথোকচবা অমনি। ঐখোয়গী সংবিধান শেম্বশিংনা ঐখোয়দা শীন্নরম্বা সংবিধান অসি মতমদা চুননা শেম্লগা থম্লখি। সংবিধান অসি ঐখোয়গী লমজিং মৈরানি, ঐখোয়গী লমজিংনি। ভারতকী সংবিধান্না মরম ওইদুনা ঙসি ঐনা মীয়ামগী মফমদা ৱা ঙাংবা ঙম্লিবনি। চহি অসিগী নবেম্বর ২৬, সংবিধানগী নুমিত্তা, চহি অমা চুপ্না পাংথোক্কদবা থৌরম কয়া হৌদোকখ্রে। লৈবাক অসিগী মীয়াম সংবিধানগী মরমদা খঙহন্নবা constitution75.com কৌবা অখন্নবা ৱেবসাইত অমা শেম্লে। মসিদা, অদোম্না সংবিধানগী প্রিয়েম্বল পাবা য়াগনি অমসুং অদোমগী ভিদিও থাগৎপা য়াগনি। অদোম্না সংবিধান লোল কয়াদা পাবা য়াগনি; সংবিধানগী মরমদা অদোম্না ৱাহংশিং হংবা য়াগনি। ৱেবসাইত অসিদা চঙবীনবা অমসুং মসিগী শরুক অমা ওইনবা মন কি বাত তারিবশিং, স্কুল কারিবা অঙাংশিং, কলেজ কারিবা নহারোলশিংদা ঐনা হায়জরি।

মরুপশিং,

মথং থাগী ১৩ দগী প্রায়াগ্রাজদা মহা কুম্ভ মেলাশু পাংথোক্লগনি। থৌরম অসিগীদমক শঙ্গমগী তোর্বানশিংদা য়াম্না চাউবা শেম-শাবা হৌরে। নুমিৎ খরগী মমাঙদা ঐনা প্রায়াগ্রাজদা চৎখিবা অদু ঐ নিংশিংলি, হেলিকোপ্তর অমদগী কুম্ভাগী মফম শীনবা থুংনা উবদা ঐগী থম্মোয় হরাওবনা পীক থনখি। মসি অসুক্কী মতিক চাউখি! য়াম্না ফজখি! চিংলেমখি!

মরুপশিং,

মহা কুম্ভাগী অখন্নবা অসি মসিগী পাক-চাউবা অসি খক নত্তে। মহা কুম্ভাগী অখন্নবা অসি মসিগী মখল কয়া অসিনি। থৌরম অসিদা মীওই করোর কয়া পুল্লি। সাধু লাখ কয়া, চৎনবী লিশিং কয়া, সেক চা কয়া, অখারা কয়া, মীওই খুদিংমক থৌরম অসিগী শরুক অমা ওইরে। মফম অমতদা খেন্নবা অমতা লৈতে, অচৌবা লৈতে, অপীকপা লৈতে। অসিগুম্বা খেন্নবশিংগী অপুনবগী শক্তম অমা মালেমগী মফম অমতদা উবা ফংলোই। মরম অদুনা, ঐখোয়গী কুম্ভ অসিশু অপুনবগী  মহা কুম্ভ অমনি। হন্দক্কী মহা কুম্ভ অসি অপুনবগী মহা কুম্ভগী লাইৱা মতেং পাংগনি। ঐ মীয়ামদা হায়জরি; ঐখোয়না কুম্ভ শরুক য়াবা মতমদা, মসিগী অপুনবগী ৱাশক অসি ঐখোয়না পুরকসি। খুন্নাইদা তোখায় তাবা অমসুং তুংগৎচবগী ৱাখল থাদোক্নবা ঐখোয় ৱারেপ অমা লৌরসি। করিগুম্বা ঐনা মসি ৱাহৈ খরদা হায়রবদি. ঐনা হায়গনি… মহা কুম্ভ কা সন্দেস, এক হো পুরা দেস… মহা কুম্ভাগী পাউজেল, লৈবাক অসি অমতা ওইনা পুল্লসি। অতোপ্পা মওং অমদা, ঐনা হায়গনি… গঙ্গ কি অভিরাল ধারা, না বন্তে সমাজ হামারা… গঙ্গগী লেপ্তবা ইচেলগুম, ঐখোয়গী খুন্নাই তোখায় তাহল্লোইসি। হন্দক প্রায়াগ্রাজদা লৈবাক অসিগী অমসুং মালেমগী ভক্তশিংনা দিজিতেল মহা কুম্ভ উবা ফংলগনি। দিজিতেল নেভিগেসনগী মতেংনা, অদোম্না তোঙান-তোঙানবা ঘাতশিং, লাইশঙশিং অমসুং সাধুশিংগী খারাশিং য়ৌবা ঙমগনি। হায়রিবা নেভিগেসন সিস্তেম অসিনা গারি থাফমশিং য়ৌবদা অদোমগী মতেং পাংগনি। অহানবা ওইনা, মহা কুম্ভদা এ.আই চাতবোত অমা শীজিন্নগনি। মহা কুম্ভগা মরী লৈনবা ই-পাউ খুদিংমক ভারতকী লোল ১১ দা এ.আই চাতবোতকী খুৎথাংদা ফংগনি। তাইপ তৌরগা নত্ত্রগা ৱা ঙাংলগা, মসিগী চাতবোত অসিগী খুৎথাংদা কনাগুম্বা অমনা মতেং অমা হেক্ত লৌনবা হংবা য়াগনি। মেলাগী মফম শীনবা থুংনা এ.আই-পৱার কেমেরাশিং শীজিন্নগনি। মহা কুম্ভদা মনুংদা কনাগুম্বা অমগী ইমুং-মনুংগী মীওই মাঙনখ্রবদি, মখোয় ফংনবা থিবদা হায়রিবা কেমেরাশিং অসিনা মতেং পাংগনি। ভক্তশিংনা মাঙখিবা অমসুং ফংফমগী দিজিতেল সেন্তর অমগী খুদোংচাবা ফংগনি। সরকারনা য়ারবা তুর পেকেজশিং, লৈফম অমসুং হোমস্তেগী মতাংদা ভক্তশিংনা মখোয়গী মোবাইল ফোনশিংদা ই-পাউশু ফংগনি। করিগুম্বা অদোমশু মহা কুম্ভদা চৎলবা, হায়রিবা খুদোংচাবশিং অসি ফংবা মতমদা… অমসুং EktaKaMahakumbh গা লোয়ননা অদোমগী সেলফি থাগৎলু।

মরুপশিং,

হৌজিক মন কি বাত হায়বদি এম.কে.বিনি, ঐখোয় কে.তি.বিগী ৱারি শানগনি। অহল অয়াম্বা কে.তি.বিগী মরমদা খঙলম্লোই। অদুবু অঙাংশিংদা হংলবদি, কে.তি.বি অসি অঙাংশিংনা য়াম্না পাম্বা অমনি। কে.তি.বি হায়বদি কৃস, ত্রিস অমসুং বালতিবোই হায়বনি। অঙাংশিংনা পামজবা এনিমেসন সেরিজ অসি কে.তি.বি-ভারত হাই হম কৌই হায়বা অদোম খঙগনি অমসুং হৌজিক মসিগী অনিশুবা সিজনশু ফোঙলে। হায়রিবা এনিমেসন চেরক্তর অহুম অসিনা ঐখোয়গী অথৌবশিং অমসুং থৌনা ফবশিং; কয়া কন্না খঙনদবা ভারত নিংতম ইহৌগী নুপীশিং অমসুং নুপাশিংগী মরমদা ঐখোয়দা খঙহল্লি। হন্দক, মসিগী অনিশুবা সিজন অখন্নবা মওং অমদা ইন্তরনেসনেল ফিল্ম ফেস্তিবেল ওফ ইন্দিয়া,গৱাদা ফোঙখ্রে। সেরিজ অসিগী খ্বাইদগী ফবদি ভারতকী লোলশিং খক নত্তনা মপান লৈবাকশিংগী লোলশিংদা শন্দোকপা অসিনি। মসি দুরদর্সন অমসুং অতোপ্পা ও.তি.তি প্লেতফোর্মশিংদা য়েংবা ফংগনি।

মরুপশিং,

ভারতকী ক্রেয়েতিপ ইন্দস্ত্রি কয়া য়াম্না ফগৎলবগে হায়বা ঐখোয়গী এনিমেসন ফিল্মশিং, ফিল্মশিং অমসুং তি.ভি সেরিএলশিং পাম্নরকপা অসিনা উৎলে। ইন্দস্ত্রি অসিনা ভারত চাউখৎপদা মতেং পাংবা খক নত্তনা ঐখোয়গী শেন্মিৎলোনশু অনৌবা থাকশিংদা পুখৎলে। ঐখোয়গী ফিল্ম অমসুং হরাও-কুহ্মৈগী ইন্দস্ত্রি অসি য়াম্না পাক-চাউই। লৈবাক অসিগী লোল কয়াদা ফিল্মশিং নম্লে; ক্রিয়েতিপ কন্তেন্ত পুথোক্লে। মসিনা ‘এক ভারত-শ্রেস্থা ভারত’ গী ৱাখল্লোন মপাঙ্গল কনখৎহনবগীদমক ঐনা ঐখোয়গী ফিল্ম অমসুং ইন্তরতেনমেন্ত ইন্দস্ত্রি থাগৎপা ফোঙদোকচরি। +

মরুপশিং,

২০২৪ দা ঐখোয়না ফিল্ম তাইবংগী শক্নাইরবা কয়াগী চহি ১০০শুবা মপোক নুমিৎ থৌরমশিং পাংথোক্লি। হায়রিবা মীওইশিং অসিনা ভারতকী সেনিমা মালেমগী থাক্ত মশক তাকখি। ফিল্মশিংগী খুৎথাংদা রাজ কাপুর জিনা মালেমদা ভারতকী সোফ পৱার মশক তাকখি। মিত্রংগুম্লবা রফি সাহেবগী খোঞ্জেলনা মীওই খুদিংমক্কী থম্মোয়দা তিং লাউহনখি। মহাক্কী খোঞ্জেল অঙকপনি। লাইশোন ঈশৈশিং ওইগেরা নত্ত্রগা নুংশি-নুংওলগী ঈশৈশিং ওইগেরা, মহাক্কী খোঞ্জেলনা থৱায় হাপখি। ঙসিগী নহারোলশিংনা মহাক্কী ঈশৈশিং য়াম্না পামজনা তারিবা অসিনা কলাকার অমা ওইবগী মহাক্কী মতিক-মগুন খঙবা ঙম্লে-মসি মুৎপা নাইদ্রবা কলাগী তোপ-তোপ্পা মশকনি। অক্কিনেনি নাগেশ্বর রাও গারুনা তেলুগু সেনিমা অনৌবা থাকশিংদা পুখৎলমখি। মহাক্কী ফিল্মশিংদা ভারতকী চৎনবীশিং অমসুং গুনশিং নিংথিনা উৎখি। তপন সিনহা জিগী ফিল্মশিংনা খুন্নাইদা অনৌবা মীৎয়েং অমা তাকখি।

মতম পুম্নমক্ত মখোয়গী ফিল্মশিংদা খুন্নাইগী ৱাখল্লোন অমসুং লৈবাক্কী অপুনবগী পাউজেল অমা পুখি। হায়রিবা শক্নাইরবশিং অসিগী পুন্সিশিং অসি ঐখোয়গী অপুনবা ফিল্ম ইন্দস্ত্রিগী ইথিল অমনি।

মরুপশিং,

ঐনা অদোমদা অতোপ্পা নুংঙাইবা পাউ অমা তমনিংই । মালেমদা ভারতকী ক্রিয়েতিপ তেলেন্ত উৎনবগী অচৌবা খুদোংচাবা অমা লৈরে। মথং চহিদা, অহানবা ওইনা, ঐখোয়গী লৈবাক্ত ৱার্ল্দ ওদিও ভিজুয়েল ইন্তরতেনমেন্ত সম্মিৎ হায়বদি ৱেবস সম্মিৎ পাংথোক্লগনি। মালেমগী শেন-থুমগী শক্নাইরবশিং পুনবা দাবোসকী মরমদা অদোম তারম্লগনি। মসিগা মান্ননা, ৱেবস সম্মিৎতা, মেদিয়া অমসুং ইন্তরতেনমেন্ত ইন্দস্ত্রিগী শক্নাইরবশিং অমসুং ক্রেয়েতিপ ৱার্ল্দগী মীওইশিং ভারত্ত লাক্কনি। মীফম অসি ভারত মালেমগী কন্তেন্ত ক্রিয়েসনগী মফম অমা ওইনবা মাইকৈদা থাংজিবা মরুওইবা খোঙথাং অমনি। মীফম অসিগী শেম-শাবদা ঐখোয়গী লৈবাক্কী নহা ওইরিবা ক্রিয়েতরশিং থৱায় য়াওনা শরুক য়ারি হায়না ঐনা চাউথোক্না অদোমগী মফমদা পাউদম্লি। ঐখোয়না দোল্লর ত্রিল্লিয়ন ৫ গী ইকোনোমি অমগী মাইকৈদা চঙশিনবা মতমদা, ঐখোয়গী ক্রিয়েতর ইকোনোমি অসিনা অনৌবা থৌনা অমা পীগনি। অদোম অনৌবা ক্রিয়েতর অমা নত্ত্রগা মমিং লৈরবা কলাকার অমা, বোল্লিৱুদ নত্ত্রগা রিজনেল সেনিমাগী ওইগেরা, তি.ভি ইন্দস্ত্রিগী ওইগেরা, এনিমেসন, গেমিং নত্ত্রগা ইন্তরতেনমেন্ত তেক্নোলোজিগী ইন্নোবেতর অমা ওইগেরা, ৱেবস সম্মিৎকী শরুক অমা ওইগদবনি।

ঐগী নুংশিরবা ইরৈচাশিং,

ঙসিদি মালেমগী কাচিন-কোয়া শীনবা থুংনা ভারতকী নাত-চৎনবীগী মঙাল য়ৌরে হায়বা ময়াম পুম্নমক্না খঙলে। ঙসি, ঐখোয়গী নাত-চৎনবীশিং য়ৌবা উরবা মহাদেস অহুমগী অসিগুম্বা থবকশিং ঐনা অদোমগী মফমদা হায়গনি। মখোয় অমগা অমগা মাইল কয়া লাপ্নরি। অদুবু মখোয়না ভারতকী মরমদা খঙনিংবা অমসুং ঐখোয়গী নাত তম্নিংবা অসি চপা মান্নৈ।

মরুপশিং,

অয়েকপা লাইশিং মচু কয়ানা থল্লবদি হেন্না ফজৈ। তি.ভিদা মন কি বাত য়েংলবশিংনা হৌজিক তি.ভিদা অয়েকপা লাই খর উবা ফংগনি। হায়রিবা লাইশিং অসিদা অদোম্না ঐখোয়গী লাইনিংথৌশিং অমসুং লাইরেম্বীশিং, জগোয় মখলশিং অমসুং শক্নাইরবা মীওইশিং উগনি। হায়রিবা লাইশিং অসিদা ভারত্ত ফংবা পাম্বীশিং অমসুং শা-উচেকশিংগী মথক্ত, অদোম্না পোৎশক কয়া উগনি। মখোয়গী মনুংদা চহি ১৩ গী নুপীমচা অমগী তাজ মহলগী অয়েকপা লাই অমা উবা ফংগনি। দিবয়াং নুপীমচা অসিনা লাই অসি মহাক্কী মচিন্না য়েকপনি হায়বা খঙবদা অদোম অঙকপা পোক্কনি। য়াম্না নুংঙাইরিবা ৱাফমদি হায়রিবা অয়েকপা লাইশিং অসি ভারতমচাশিংনা য়েকপা নত্তে, ইজিপকী মহৈরোয়শিংনা য়েকপনি। চহি খরগী মমাংদা, ইজিপকী মহৈরোয় লিশিং ২৩ রোম শরুক য়াদুনা লাইয়েকপা চাংদম্নবা অমা পাংথোকখি। মখোয়না ভারতকী নাত অমসুং লৈবাক অনিগী মরক্ত লৈনবা পুৱারিগী মরীশিং উৎপা লাই য়েক্নবা হোৎনখি। চাংদম্নবা অসিদা শরুক য়াখিবা নহারোলশিং ঐনা থাগৎপা ফোঙদোকচরি। মসিগী থাগৎপা অসিনা মখোয়গী হৈথোই-শিংথোইবা অদুগী মতিক চাবা নত্তে।

মরুপশিং,

খা অমেরিকাদা পারাগুৱে কৌবা লৈবাক অমা লৈ। লৈবাক অদুদা ভারতমচা লিশিং অমা রোম লৈরি। পারাগুৱেদা অঙকপা থবক অমা পাংথোক্লি। লৈবাক অদুদা লৈবা ভারতকী এম্বেসিদা, ইরিকা হুবরনা অয়ুর্বেদ লায়েং পাংথোক্লি। নুমিৎ কয়ানি, মশিং য়াম্লবা মফম অদুগী মীওইশিং মহাক্কী অয়ুর্বেদগী পাউতাক লৌনবা লাক্নখি। ইরিকা হুবর ইঞ্জিনিয়ারিং তম্লকপনি, অদুবু মহাক অয়ুর্বেদা থৱায় য়াওখি। মহাক্না অয়ুর্বেদা মরী লৈনবা কোর্সশিং শরুক য়াখি অমসুং মতমগী মতুংইন্না মহাক মসি হৈরকখি।

মরুপশিং,

তামিল মালেমদা খ্বাইদগী লিরবা লোল অমা ওইবদা ঐখোয় খুদিংমক চাউথোকচরি অমসুং মসিগীদমক ভারতমচা খুদিংমক চাউথোকচরি। মালেমগী লৈবাকশিংদা লোল অসি তম্বা মীওই মশিং হেনগৎলক্লি অমসুং হৌখিবা থাদা ভারত সরকারগী মতেংগা লোয়ননা ফিজিদা তামিল তম্নবা থৌরম অমা হৌখ্রে। মসি হৌখিবা চহি ৮০দা অহানবা ওইনা ত্রেন তৌরিবা তামিল ওজাশিংনা ফিজিদা লোল তম্বীবনি। ঙসি ফিজিগী মহৈরোয়শিংনা তামিলগী লোল অমসুং নাত তম্বদা থৱায় য়াম্না য়াওবদা ঐ হরাওই। হায়রিবা থবকশিং অসি শুপ্নগী মাইপাকপগী ৱারিশিং নত্তে। মখোয় অসি ঐখোয়গী নাতকী পুক্কৈগী মাইপাকপনি। খুদমশিং অসিনা ঐখোয় চাউথোকচবা ফাওহল্লে। কলাগী অয়ুর্বেদা ফাওবা অমসুং লোলদগী ঈশৈ ফাওবা, ভারত্ত অশুক্কী মতিক য়াম্না লৈরি, মসিনা লৈবাক অসি মালেমদা মমিং চৎলিবনি।

মরুপশিং,

নিংথমথা অসিদা লৈবাক শীনবা থুংনা শান্নবা অমসুং হকচাং ফবগা মরী লৈনবা থৌরম কয়া পাংথোক্লি। মীয়াম্না ফিতনেস অসি মখোয়গী নোংমগী পুন্সিগী শরুক অমা ওইহনবদা ঐ হরাওই।

কাস্মিরদা স্কি থৌবা, গুজরাত্ত তেলঙ্গা পাইবা, শান্নবদা থৱায় য়াওবা মফম খুদিংমক্ত উবা ফংগনি। #SundayOnCycle অমসুং  #CyclingTuesday গুম্বা খোঙজংশিংনা সাইকল থৌবা পুক্নিং থৌগৎলি।

মরুপশিং,

ঐখোয়গী লৈবাক অসিদা অহোংবা পুরকপা অমসুং নহারোলশিংনা থৱায় য়াওবগী অঙকপা খুদম অমা ঐ হায়গে। ঐখোয়গী বাস্তারদা য়ুনিক ওলেম্পিক অমা পাংথোকপা হৌখিবা অদু অদোম খঙবরা? অহানবা বাস্তার ওলেম্পিক পাংথোক্তুনা বাস্তারদা অনৌবা অওনবা অমা পুরক্লে। বাস্তার ওলেম্পিক্কী মঙলান মঙফাওনবা অসিদা ঐ য়াম্না হরাওই। মতম অমদা মাওইস্তকী ইরাং লৈরম্বা মফম অমদা মসি পাংথোকপা অসিদা ঐ হরাওই। বাস্তার ওলেম্পিক্সকী মেস্কোত অসি -ইরোই অমসুং চোঙানি। মসিদা বাস্তারগী নাতকী মমি তারি। মসিগী শান্নবগী মহাকুম্ভ অসিগী লাইৱাদি-

‘করসে তা বাস্তার বারসায়ে তা বাস্তার’

হায়বদি ‘ বাস্তার শান্নগনি-বাস্তার থোইগনি’।

বাস্তার ওলেম্পিক্সতা জিলা ৭ গী শান্নরোয় লিশিং ৬৫ শরুক য়াখি। মসি শুপ্নগী মশিং অমা নত্তে-ঐখোয়গী নহারোলশিংগী ৱাশক্কী চাউথোকচবা ৱারিনি।

এথলেতিক, আর্চরি, বেদমিন্তন, ফুতবোল, হোক্কী, ৱেথলিফতিং, করাতে, কাবাদি, খো-খো অমসুং ভোল্লিবোল- শান্নবা খুদিংমক্ত ঐখোয়গী নহারোলশিংনা মখোয়গী হৈথোই-শিংথোইবা উৎখি। কারি কাস্যাপ জিগী ৱারিনা ঐঙোন্দা ইথিল য়াম্না পীরে। অপীকপা খুঙ্গং অমদগী লাকপা কারি জিনা আর্চরিদা সিভর মেদল অমা ফংখি।

মহাক্না হায়খি- বাস্তার ওলেম্পিক্সনা ঐখোয়দা শান্নবুং অমা ফংহনবতা নত্তনা পুন্সিদা মাঙলোমদা চঙশিন্নবা খুদোংচাবা অমা পীরে। সুকমাদগী পায়াল কাৱাসি জিনা হায়খি মসিনা ইথিল পীদবা নত্তে। জেবেলিন থ্রোদা সনাগী মেদল অমা ফংখিবা পায়াল জিনা হায়খি- থকশি-খাসি লৈবা অমসুং থবক কন্না শুবগা লোয়ননা, ফংবা ঙমদবা পান্দম অমতা লৈতে। সুকমাগী দোরনাপালদগী পুনেম সন্নাগী ৱারি অসি ভারতকী ভারতকী পুক্নিং থৌগৎপা ৱারি অমনি। মতম অমদা নেক্সালগী ইথিল ফংখিবা পুনেম জি ঙসি হুইলচিয়ার অমদা লমজেলদা মেদল ফংলে। মহাক্কী থৌনা অসি মীওই খুদিংমক্কী ইথিল অমনি। কোদাগাউনগী আর্চর রঞ্জু ‘বাস্তার য়ুথ আইকোন’ ওইনা খল্লে। মনুং হুঞ্জিনবা মফমশিংগী নহারোলশিং বাস্তার ওলেমপিক্সনা জাতিগী থাক য়ৌনবা খুদোংচাবা অমা পীরে হায়বা মহাক্না থাজখি।

মরুপশিং,

বাস্তার ওলেম্পিক্স অসি শুপ্নগী শান্নবগী থৌরম অমা নত্তে। মসি চাউখৎপা অমসুং শান্নবা অনিমক পুনবা, ঐখোয়গী নহারোলশিংনা মখোয়গী হৈথোই-শিংথোইবা হেনগৎহনবা অমসুং অনৌবা ভারত অমা শেমগৎপা মফম অমনি। ঐনা মীয়ামদা পাংথোক্নবা হায়জরি:

-অসিগুম্বা শান্নবগী থৌরমশিং অদোমগী লমদমদা পুক্নিং থৌগৎপীয়ু

-অদোমগী লমদমগী শান্নবদা হৈথোই-শিংথোইবগী ৱারিশিং #KhelegaBharat – JeetegaBharat দা শরুক য়াবীয়ু

-মফম অমগী শান্নবগী হৈথোই-শিংথোইবশিং চাউখৎনবা খুদোংচাবা অমা পীবীয়ু

নিংশিংবীয়ু, শান্নবা অসি হকচাং ফহনবা খক নত্তনা, মসি খুন্নাইগা শান্নবগী ৱাখল্লোনগা শম্নহনবা শক্তি লৈরবা পাম্বৈ অমনি। মরম অদুনা ফজনা শান্নসি অমসুং নুংঙাইনা হিংসি। ঙসি ভারতকী অচৌবা মাইপাকপা অনিনা মালেমগী পুক্নিং চিংশিল্লে। মখোয়গী মরমদা তাবদা অদোম চাউথোকচবা ফাওগনি। মাইপাকপা অনি অসি হকশেলগী লমদা ফংলকপনি। অহানবা মাইপাকপা অসিনা মেলারিয়া থেংনবনি। মেলারিয়া অসি চহি লিশিং কয়া মীওইবা খুন্নাইগী অচৌবা অৱাবা অমা ওইদুনা লাক্লি। নিংতম্বা মতমদা ফাওবা, মসি ঐখোয়গী হকশেলগী অচৌবা শিংনবা অমা ওইখি। থা অমদগী চহি মঙা ফাওবগী মনুংদা লৈবা অঙাংশিং শিহনবা লৌনগনবা লায়নাশিংগী মনুংদা মেলারিয়া অহুমশুবনি। ঙসি, লৈবাক অসিগী মীয়ামগী অপুনবা পাঙ্গলনা মসি থেংনবদা অপেনবা ফাওই। ৱার্ল্দ হেল্থ ওর্গনাইজেসনগী রিপোর্তনা হায়খি- ভারত্ত, ২০১৫ অমসুং ২০২৩ গী মনুংদা মেলারিয়াগী কেস অমসুং মসিনা শিহনবা মশিং চাদা ৮০ হন্থরে। মসি অচম্বা মাইপাকপা অমা নত্তে। খ্বাইদগী হেন্না নুংঙাইরিবদি মসি মীওই খুদিংমক শরুক য়াদুনা মাইপাকপা অসিনি। ভারতকী মফম খুদিংমক্তগী, জিলা খুদিংমক্তগী খোঙজং অসিদা শরুক য়াখি। চহি মরি ফাওবগী মমাঙদা, অসামগী জোরহাতকী চা বাগানশিংদা মেলারিয়া অসি অচৌবা খুদোংচাদবা অমা ওইখি। লায়না অসি মুৎথৎনবা চা বাগানশিংদা লৈরিবশিং অমতা ওইনা পুনবা মতমদা, মসি অচৌবা মাইপাকপা অমা ওইখি। থবক অসিগীদমক মখোয়না তেক্নোলোজি অমসুং সোসিএল মেদিয়া শীজিন্নখি। মসিগা চপ মান্ননা, হরিয়ানাগী কুরুক্ষেত্রা জিলা অসি মেলারিয়া লাকশিন্নবগী অফবা নমুনা অমা ওইরে। মফম অসিদা মেলারিয়া য়েংশিনবগী থবক্ত মীয়াম শরুক য়াবা অসি তশেংনা মাইপাক্লে। লম্বীগী লিলাশিং অমসুং রেদিওগী খুৎথাংদা, অকনবা পাউজেল কয়া পীদুনা কাংশিংগী মরুম কোকফম লৈহন্দবদা মতেং পাংখি। লৈবাক শীনবা থুংনা অসিগুম্বা থবকশিং পাংথোকপা খক্তনা ঐখোয়না মেলারিয়াগী মায়োক্ত চঙশিনবা লাল মাইপাকপা ঙম্বনি।

মরুপশিং,

ঐখোয়না মাইপাকপী অতোপ্পা খুদম অমনা কেন্সর থেংনবগী মতাংদা মীয়াম ৱাখল তাহনবা অসিনি। মালেমদা মমিং লৈরবা মেদিকেলগী চেফোঙ লান্সেতগী থিজিনবা অসিনা থাজবা কয়া হেনগৎহল্লে। চেফোঙ অসিগী মতুংইন্না, হৌজিক ভারত্ত মতম চানা কেন্সর লায়েংবা হৌবা অঙকপা ফংনা হেনগৎলে। মতম চানা লায়েংবা হায়বদি কেন্সর অনাবা মীওই অমা নুমিৎ ৩০গী মনুংদা লায়েংবা হৌবা অসিনি অমসুং মসিদা অয়ুস্মান ভারত য়োজননা অচৌবা থৌদাং অমা লৌরে। য়োজনা অসিগী মতেংদগী কেন্সর অনাবা মীওইশিংগী চাদা ৯০ মতম চানা লায়েংবা হৌরে। শেন লৈতদবগী মসি মমাঙদা লায়েংলমদে, লায়রবা অনাবশিং কেন্সর লায়েংদনা লৈখি। হৌজিক মখোয় থোক্লক্তুনা মখোয় মশামক লায়েংবা হৌরে। কেন্সর লায়েংবদা অয়ুস্মান ভারত স্কিমনা শেন-থুমগী অৱাবা কোকহল্লে। কেন্সর মতম চানা লায়েংবগী মতাংদা হৌজিক মীয়াম হান্নগী হেন্না ৱাখল তারে। মসিগী মাইপাকপা অসি ঐখোয়গী অনা-লায়েংগী থবক, দোক্তরশিং, নর্সশিং অমসুং তেক্নিকেল স্তাফশিং অমসুং অদোম, ঐগী ইচিন-ইনাওশিং অমসুং ইচন-ইচেশিংগী হেন্না মাইপাকপনি। মীওই খুদিংমক্কী থবকশিংগা লোয়ননা, কেন্সর মাইথিবা পীনবা ৱারেপ হেন্না মপাঙ্গল কনখৎলে। মাইপাকপা অসিগী মনা মীয়াম ৱাখল তাহন্নবা অচৌবা থৌদাং লৌখিবশিংদা পীজরি। কেন্সর থেংননবা অমতা ঙাইরবা লাইৱাদি-ৱাখল তাহনবা, থবক পায়খৎপা অমসুং থাজবা পীবনি। ৱাখল তাহনবা হায়বদি কেন্সর অমসুং মসিগী লাইওংগী মরমদা ৱাখল তাহনবনি, থবক ওইনা পাংথোকপা হায়বনা মতম চানা লাইওং খঙদোকপা অমসুং লায়েংবনি, থাজবা পীবা হায়বনা অনাবশিংগীদমক মতেং খুদিংমক লৈরিবা হায়বগী থাজবনি। লাক্লো, ঐখোয় পুন্না কেন্সর থেংনমিন্নরসি অমসুং অনাবশিংদা পাংবা য়াবা মতেং পাংলসি।

মরুপশিং,

 ঈশিং অমসুং শেনগী অৱাৎপা কয়া লৈরবশু মাইপাকপগী অনৌবা ৱারি অমা ইখিবা, ওরিসাগী কলাহান্দিগী থবক অমগী মতাংদা ঐনা অদোমদা হায়নিংই। মসি কলাহান্দিগী ‘ইন্সাং-নাপীগী অওনবা’ অসিনি। মতম অমদা লৌমীশিং তঙাইফদনা য়ুম হোংখি, অদুবু ঙসিদি, কলাহান্দিগী গোলামুন্দা ব্লোক মনা-মশিংগী মফম অমা ওইরে। কমদৌনা মসি অহোংবা পুরকখিবগে? মসি লৌমী ১০গী কাংবু অমনা হৌরকখিবনি। মখোয়না পুন্না কিষান উতপাদ সঙ্গ’ কৌবা এফ.পি.ও অমা লিংখৎখি, লৌ উবদা অনৌবা তেক্নোলোজি শীজিন্নবা হৌখি অমসুং ঙসি মখোয়গী এফ.পি.ও অসি লুপা করোর কয়াগী ললোন-ইতিক পাংথোক্লে। মসিদা লৌমী নুপী ৪৫ য়াওনা লৌমী ২০০ হেন্না শরুক য়ারে। লৌমীশিং অসিনা একর ২০০ দা খামেন অশিনবা অমসুং একর ১৫০ দা খারোত অখাবী থাখি। হৌজিক এফ.পি.ও অসিগী চহিগী শেনফম লুপা করোর ১.৫ হেল্লে। ঙসি, কলাহান্দগী ইন্সাং-নাপীশিং ওরিসাগী তোঙান-তোঙানবা জিলাশিং খক্তদা নত্তনা অতোপ্পা রাজ্যশিংদা য়ৌরে অমসুং হৌজিক লৌমীশিংনা অলু অমসুং তিলহৌ থানবা অনৌবা তেক্নিকশিং তম্বা হৌরে।

মরুপশিং,

কলাহান্দিগী মাইপাকপা অসিনা ঐখোয়দা খাংবা কনবা অমসুং অপুনবা থবক্না করি থবক পাংথোকপা ঙম্বগে হায়বা তম্বীরে। মসি পাংথোক্নবা ঐনা অদোমদা হায়জরি:-

• অদোমগী লমদমগী এফ.পি.ও পুক্নিং থৌগৎপীয়ু।

• এফ.পি.ও শরুক য়াবীয়ু অমসুং মখোয়গী মপাঙ্গল কনখৎহল্লু।

নিংশিংউ- পীক্নবা হৌবনা ফাওবদা অচৌবা অহোংবা পুরকপা ঙম্মী। ঐখোয়না অচেৎপা ফিরেপ অমসুং পুন্না থবক তৌমিন্নবগী থৌনা দরকার ওই।

মরুপশিং,

ঙসিগী মন কি বাত্ত, খেন্নবা কয়াগী অপুনবা শক্তমগা লোয়ননা কমদৌনা ভারতনা মাঙলোমদা চঙশিনবগে হায়বা ঐখোয়না তারে। মসি শান্নবা নত্ত্রগা সাইন্স, হকশেল নত্ত্রগা লাইরি-লাইশুগী হিরমদা ওইবা য়াই- হিরম খুদিংমক্ত ভারত অনৌবা মাইপাকপশিং লৈরে। ইমুং অমগুম ঐখোয়না খুদোংচাদবা খুদিংমক মায়োক্নরে অমসুং অনৌবা মাইপাকপশিং পুরক্লে। ২০১৪ দা হৌখিবা মন কি বাত ১১৬শুবা তাঙ্কক য়ৌরে অমসুং মন কি বাত অসি লৈবাক অসিগী অপুনবগী শক্তিগী অহিংবা দোকুমেন্ত অমা ওইরকপা ঐনা উরে।

থৌরম অসিদা মীয়াম পুম্নমক তরাম্না ওকচরি। থা খুদিংগী অদোমগী ৱারিশিং অমসুং থবকশিং শরুক য়ারি। করিগুম্বা মতমদা নহা ওইরিবা ইন্নোবেতর অমগী অনৌবা ৱাখল ঐঙোন্দা ইথিল পীখি অমসুং করিগুম্বা মতমদা ইচানুপী অমগী মাইপাকপনা ঐ চাউথোকচহনখি। অদোম্না শরুক য়াবদগী লৈবাক অসিগী মফম খুদিংদগী অফবা শক্তি পুনশিনবনি অমসুং হৌজিক ২০২৫ থোংজিলদা লেপ্লরে। লাক্লিবা চহিদা মন কি বাতকী খুৎথাংদা ঐনা হেন্না পুক্নিং থৌগৎপা থবকশিং শরুকক য়াগনি। মসগী অফবা ৱাখল অমসুং লৈবাক মীয়ামগী অনৌবা থৌনাগা লোয়ননা, ভারত অনৌবা থাকশিং য়ৌবা ঙমগনি হায়না ঐনা থাজৈ।

#Mannkibaat তা অদোমগী অকোয়বদা লৈরিবা অঙকপা থবকশিং শরুক য়ারি। মথং চহিগী মন কি বাত খুদিংদা, ঐনা অদোমদা থবক কয়া শরুক য়াগনি। অনৌবা চহি ২০২৫ গী য়াইফ-পাউজেল পীজরি। হকচাং নুংঙাইনা লৈয়ু, হরাওনা লৈয়ু, ফিত ইন্দিয়া মুভমেন্ত শরুক য়াবীয়ু, ইশা হকচাং ফনা থম্বীয়ু। পুন্সিদা চাউখৎপা ওইবীয়ু। অদোম ঙমখৈ লৈতনা থাগৎপা ফোঙদোকচরি।

ঐহাক্কী নুংশিরবা ইরৈবাকচাশিং, খুরুমজরি। 'মন কী বাত' হায়বসিনা লৈবাক অসিগী অপুনবা খোঙথাংশিংগী মতাংদা পাউদম্বা; লৈবাক অসিগী মায়পাকপশিং অদু পাউদম্বা; মীয়ামগী মপাঙ্গলগী মতাংদা নৈনবনি। 'মন কী বাত' হায়বসিনা নহারোলশিংগী মঙলানশিং, লৈবাক অসিগী প্রজাশিংগী অপাম্বশিংগী মতাংদা পাউদম্বনি। ঐহাক্না নখোয়গা হকথেংননা পাউ ফাওননবগীদমক্তা থা অসিগী মন কী বাতকীদমক ঙাইরি। মেসেজ মশিং থিঙমদ্রবা কয়া অমা লৈ! ঐহাক্না অদোম্না পীরকপা মেসেজ কয়া য়ারিবা মখৈ পাবা ঙম্নবা; অদোমগী সজেসনশিং অদুগী মতাংদা ঐহাক্না খন্ন-নৈন্নবা থম্মোয় শেংনা হোৎনৈ।

মরুপশিং, ঙসি অসি য়াম্না অখন্নবা নুমিৎ অমনি - মসি NCC নুমিৎনি। NCCগী মমিং হেক তাবা মতমদা, ঐখোয়না ঐখোয়গী স্কুল-কোলেজগী মতমশিং নীংশিংলি। ঐহাক ইশামকসু NCC কেদেত অমা ওইরম্মি, মরম অদুনা মদুদগী ফংলকপা এক্সপরিয়েন্স অদু ঐহাক্কীদমক মমল য়াম্লবা অমনি হায়না ঐহাক্না মপুং ফানা থাজবগা লোয়ননা হায়বা ঙমগনি। ‘NCC'না নহারোলশিংদা দিসিপ্লিন, লুচিংবা অমসুং শেবাগী ৱাখল্লোন পোকহল্লি। খুদোংথীবা অমা থোকপা মতমদা, ঈশিং-ঈচাউ অমা ওইরবসু, য়ুহার হাবা ওইরবসু নৎত্রগা এক্সিদেন্ত অমা ওইরবসু, NCCগী কেদেতশিংনা মতেং পাংনবা মফম অদুদা শোইদনা লাকই হায়বসি অদোম্না অদোমগী অকোইবদা উবা ফংলমগনি। ঙসিদি, লৈবাক অসিদা NCCবু মপাঙ্গল কনখৎহন্নবা কন্না হোৎনরি। 2014দা চাউরাক্না নহারোল লাখ 14না NCC য়াওখ্রে। হৌজিক 2024দা, নহা লাখ 20 হেনবনা NCC য়াওখ্রে।

মমাংগী মতমশিংগা চাংদম্নবদা, অনৌবা স্কুল অমসুং কোলেজ লিশিং মঙাদা NCCগী প্রোভিজন শেম্লে... অমসুং খ্বাইদগী চাউবা এস্পেক্ত অসিদি মমাংদা NCCদা নুপী কেদেতশিংগী মশিং অসি চাদা 25 রোমখক্তনি। হৌজিক NCCদা নুপী কেদেতশিংগী মশিং অসি চাদা 40 রোমদা হেনগৎখ্রে। ঙমখৈদা লৈবা নহাশিংবু হেন্না হেন্না NCCগা শম্নহন্নবা কেম্পেনসু লেপ্তনা চত্থরি। ঐহাক্না নহারোলশিংদা NCCদা মশিং য়াম্না য়াওশিন্নবা হায়জরি। নহাক্না খননীংবা কেরিয়র খল্লবসু NCCনা নহাক্কী পর্সনেলিতী দিবেলপমেন্তদা য়াম্না মতেং পাংবা উবা ফংগনি। মরুপশিং, চাউখৎলবা ভারত অমা শেমগৎপদা নহাশিংগী থৌদাং অসি য়াম্না মরু ওই। নহা ওইরিবা ৱাখল্লোনশিং পুনশিল্লকপা মতমদা অমসুং লৈবাক অসিগী তুংলমচৎকী খোঙচৎকী মতাংদা খন্ন-নৈনরকপা মতমদা, পোজিতিব ওইবা, কংক্রিৎ ওইবা লম্বীশিং থোরকই। জনুৱারীগী 12দা স্বামী বিবেকানন্দগী মপোক কুমওন্দা লৈবাক অসিনা 'য়ুথ দে' পাংথোকই হায়বসি অদোম্না খঙই। মথংগী চহি অসি স্বামী বিবেকানন্দগী 162শুবা মপোক কুমওননি। হন্দক্তি মসিগী থৌরম অসি য়াম্না অখন্নবা মওংদা পাংথোক্কনি। থৌরম অসিদা, জনুৱারী 11-12দা দিল্লীগী ভারত মন্দপমদা নহাশিংগী মহা কুম্ভ অমা পাংথোক্লগনি। থৌরম অসিগী মমিংদি 'ভিকসিৎ ভারত য়ং লিদর্স দাইলোগ'নি। ভারত শিনবা থুংবদগী নহা করোর কয়ানা শরুক য়াগনি। খুঙ্গং, ব্লোক, জিলা, রাজ্যশিংদগী খনগৎলবা অসিগুম্বা নহা লিশিং অনিনা 'ভিকসিৎ ভারত য়ং লিদর্স দাইলোগ'কীদমক ভারত মন্দপমদা পুনগনি। অদোম্না নীংশিংলমগনি মদুদি লাল কিলাগী লানবনদগী মখোয়গী ইমুংগী মীওই অমত্তা নৎত্রগা ইমুং পুম্নমক্না রাজনিতীগী মরী লৈনদবা অদুগুম্বা নহাশিংবু রাজনিতীদা য়াওনবা ঐহাক্না হায়জখি।

অসিগুম্বা নহারোল লাখ অমা, অনৌবা নহারোলশিং অসি রাজনিতীগা শম্নহন্নবা, লৈবাক অসিদা অখন্নবা কেম্পেন কয়া অমা চত্থগনি। 'ভিকসিৎ ভারত য়ং লিদর্স দাইলোগ' অসিসু অসিগুম্বা খোঙথাং অমনি। লৈবাক অসিগী অমসুং মপানগী এক্সপর্তশিংনা মসিদা শরুক য়াগনি। নেস্নেল অমসুং ইন্তর্নেস্নেলগী শক্নাইরবা মীওই কয়াসু মসিদা শরুক য়াগনি। ঐহাকসু মদুদা য়ারিবমখৈ মতম শাংনা শরুক য়ানবা হোৎনগনি। নহারোলশিংনা মখোয়গী ৱাখল্লোনশিং হকথেংননা ঐখোয়গী মমাংদা ফোংদোক্নবগী খুদোংচাবা ফংলগনি। লৈবাক অসিনা ৱাখল্লোনশিং অসিবু মতৌ করম্না মাংলোমদা পুখৎকদগে? মতৌ করম্না মপাঙ্গল কনবা রোদমেপ অমা শেম্বা য়াগনি? মসিগীদমক ব্লুপ্রিন্ত অমা শেমগনি। মরম অদুনা, অদোমসু শেম-শাবিরো; মসি ভারতকী তুংলমচৎ শেমগদবা, লৈবাক অসিগী তুংলমচৎকী মীরোলশিংগীদমক অচৌবা খুদোংচাবা অমনি। লাক্লো, ঐখোয় পুন্না লৈবাক অসিবু শেমগৎলসি, লৈবাক অসিবু চাউখৎহল্লসি।

ঐহাক্কী নুংশিরবা ইরৈবাকচাশিং, 'মন কী বাত'তা ঐখোয়না অসিগুম্বা নহারোলশিংগী মরমদা তোয়না ৱারী শাই। খুন্নাইগীদমক মশানা মশাবু কত্থোক্তুনা থবক তৌরিবা অমসুং মীয়ামগী অপীকপা সমস্যা কয়াগী সোলুসন পুথোকপদা য়াওরিবা নহা কয়া অমা লৈরি। ঐখোয়না ঐখোয়গী অকোইবদা য়েংলবদি, মখল খরগী মতেং নত্ত্রগা ই-পাউ মথৌ তারিবা মীওই কয়া ঐখোয়না উবা ফংই। নহারোল খরনা লুপ শেমদুনা অসিগুম্বা ৱাফমশিং অসি খন্ন-নৈনরকপা অসি খঙবদা ঐহাক নুংঙাইবা ফাওই। খুদম ওইনা, লখনৌদা লৈবা বীরেন্দ্রনা অহল ওইরবা মীওইশিংদা দিজিতেল লাইফ সর্তিফিকেৎকী মতাংদা মতেং পাংলি। নিয়মগী মতুং ইন্না, পেন্সনর পুম্নমক্না চহিদা অমুক্তি লাইফ সর্তিফিকেৎ পীশিনগদবনি। 2014 ফাওবদা, প্রোসেস অসি চহি য়াম্লবা মীওইশিংনা বেঙ্কশিংদা চত্তুনা মখোয় মশা-মশানা পীশিনবগী থৌওং ওইরম্মি। মসিনা ঐখোয়গী অহল ওইরবা মীওইশিংদা কয়া য়াম্না খুদোংচাদবা পীবগে হায়বদু অদোম্না খনবীয়ু। হৌজিক্তি সিস্তেম অসি হোংখ্রে।

হৌজিক্তি দিজিতেল লাইফ সর্তিফিকেৎকী খুত্থাংদা থবকশিং অসি য়াম্না লায়থোক্লে; চহি য়াম্লবা মীওইশিংনা বেঙ্কতা চৎপগী মথৌ তাদ্রে। তেক্নোলোজীনা মরম ওইদুনা অহল ওইরবা মীওইশিংনা খুদোংচাদবা অমত্তা মায়োক্নদনবা হোৎনবদা বীরেন্দ্রগুম্বা নহারোলশিংনা অচৌবা থৌদাং লৌরি। মখোয়না মখোয়গী য়ুম্লোন্নবদা লৈরিবা অহল ওইরবা মীওইশিংবু মসিগী মতাংদা খঙহনখি। মসি খক্তা নত্তনা, মখোয়না চহি য়াম্লবা মীওইশিংবু তেক্নোলোজীগী লমদা খুমাং চাউশিলহল্লি। ঙসিদি, অসিগুম্লবা খোঙথাংশিং অসিগা লোয়ননা, দিজিতেল লাইফ সর্তিফিকেৎ ফংলবা মীওইশিংগী মশিং অসি লাখ 80 হেনখ্রে। মসিগী মনুংদা, চহি 80গী মথক্তা লৈবা চহি য়াম্লবা মীওই লাখ 2 হেন্না য়াওরি।

মরুপশিং, শহর কয়াদা নহারোলশিংনা অহল ওইরবা মীওইশিংবু দিজিতেল রিভোলুসনগী শরুক অমা ওইহন্নবা হোৎনরি। ভোপালদগী মহেশনা মহাক্কী লৈকাই অদুগী চহি য়াম্লবা মীওই কয়াদা মোবাইলগী খুত্থাংদা শেল থাবা তম্বীখ্রে। চহি য়াম্লবা মীওইশিং অসি স্মার্ত ফোনশিং লৈ, অদুবু মখোয়বু মখোয়না মতৌ করম্না শিজিন্নগদগে হায়বদু তাকপীনবা মীওই অমত্তা লৈখিদে। দিজিতেল এরেস্তকী খুদোংথীবদগী চহি য়াম্লবা মীওইশিংবু কন্নবা নহারোলশিংসু মাং থানা থোরক্লি। অহমদাবাদতগী রাজীবনা দিজিতেল এরেস্তকী রিস্ককী মতাংদা মীয়ামদা খঙহল্লি। ঐহাক্না দিজিতেল এরেস্তকী মতাংদা 'মন কী বাত'কী অরোইবা তাঙ্কক্তা খন্ন-নৈনখি। চহি য়াম্লবা মীওইশিং অসি অসিগুম্বা ক্রাইমশিংগী খ্বাইদগী কম্মন ওইবা ভিক্তিমশিংনি। অসিগুম্বা ফিভম অমদা, মখোয়বু খঙহনবা অমসুং সাইবর ফ্রোদতগী ঙাকথোক্নবা মতেং পাংবীবা অসি ঐখোয়গী থৌদাংনি। ঐখোয়না মীয়ামদা হন্না হন্না তাকপীগদবনি মদুদি সরকার অসিদা দিজিতেল এরেস্তকী প্রোভিজন অমত্তা লৈতে; মসি নমথাক্নি, মীওইশিংবু লাংদা থুহন্নবা থৌশিল অমনি। ঐখোয়গী নহা ওইরিবা মরুপশিংনা থবক অসিদা মপুং ফানা শরুক য়াবদা অমসুং অতোপ্পশিংবু পুক্নিং থৌগৎপদা ঐহাক নুংঙাইবা ফাওই।

ঐহাক্কী নুংশিরবা ইরৈবাকচাশিং, ঙসিদি অঙাংশিংগী এজুকেসনগীদমক চাংয়েং কয়া অমা পাংথোক্লি। ঐখোয়গী অঙাংশিংগী ক্রিএতিবিতী অমসুং লাইরিক পাম্বা হেনগৎহন্নবা হোৎনরি। হায়নৈ মদুদি 'বুকশিং' অসি মীওইবগী খ্বাইদগী ফবা মরুপনি অমসুং মরুপ-মপাং ওইবগী মরী অসি মপাঙ্গল কনখৎহন্নবা লাইব্রেরীদগী হেন্না ফবা মফম করি লৈবগে। ঐহাক্না চেন্নাইদগী অদোমদা অসিগুম্বা খুদম অমা পীবা পাম্মি। মফম অসিদা অঙাংশিংগীদমক্তা অসিগুম্বা লাইব্রেরী অমা লিংখৎলে, মসি ক্রিএতিবিতী অমসুং লর্নিংগী হব অমা ওইরে। মসিবু প্রাকৃৎ অরিবাগম হায়না খঙনৈ। লাইব্রেরী অসিগী ৱাখল্লোন অসি তেক্নোলোজীগী লমগা মরী লৈনবা শ্রীরাম গোপালানজীগী ৱাখল্লোননি। মপান্দা থবক তৌরিঙৈ মতমদা, মহাক্না খ্বাইদগী নৌবা তেক্নোলোজীগী লমগা শম্নদুনা লৈখি। অদুবু, মহাক্না অঙাংশিংদা লাইরিক পাবগী অমসুং তম্বগী হৈনবী শাগৎপগী মতাংদসু খন্নখি। ভারত্তা হল্লক্লবা মতুংদা মহাক্না প্রাকৃৎ অরিবাগম লিংখৎখি। মসিদা লাইরিক লিশিং অহুমদগী হেন্না লৈরি, মসি অঙাংশিংনা য়াম্না খৌরাংনা পানবা ঙাইরি। লাইব্রেরী অসিদা লাইরিকশিং নত্তনা তোঙান তোঙানবা থবক থৌরমশিং পাঙথোকপনসু অঙাংশিংবু পুক্নিং চিংশিল্লি। ৱারী লীবগী সেসনশিং, মেমোরী ত্রেনিং ক্লাসশিং, রোবোতিক্স লেসন নৎত্রগা পব্লিক স্পিকিং ওইরবসু, মীপুম খুদিংমক্কী অপাম্বা মতুং ইন্না করিগুম্বা অমদি লৈ।

মরূপশিং, ফুদ ফোর থোৎ ফাউন্দেসন্না হায়দ্রাবাদতা অঙকপা লাইব্রেরী কয়া অমসু লিংখৎলে। অঙাংশিংনা য়ারিবা মখৈ হীরম কয়াদা মরিক চুম্বা ই-পাউগা লোয়ননা লাইরিকশিং পাবা ফংহন্নবা মখোয়না হোৎনরি। বিহারগী গোপালগঞ্জকী প্রয়াগ লাইব্রেরী অসি য়ুম্লোন্নরিবা শহর কয়াদা মসিগী মতাংদা ঙাংনবা হৌরে।

খুঙ্গং 12 রোমগী নহারোলশিংনা লাইব্রেরী অসিদগী লাইরিকশিং পাবগী খুদোংচাবা ফংবতা নত্তনা, লাইব্রেরী অসিনা মীয়ামদা অতোপ্পা মরুওইবা খুদোংচাবশিংসু ফংহল্লি। লাইব্রেরী খরদি মহৈরোইশিংনা কম্পিতিতিব একজামিনেসনগীদমক শেম-শারিঙৈদা য়াম্না কান্নবা ওই। খুন্নাই অসিবু মপাঙ্গল কনখৎহন্নবা লাইব্রেরী অসি খ্বাইদগী ফবা মওংদা শীজিন্নরি হায়বসি উবদা য়াম্না নুংঙাইবা ফাওই। অদোমসু লাইরিকশিংগা মরুপ-মপাং ওইনবা হোৎনগদবনি অমসুং মসিনা অদোমগী পুন্সিদা করম্না অহোংবা পুরকপগে হায়বদু য়েংবীয়ু।

ঐহাক্কী নুংশিরবা ইরৈবাকচাশিং, ঐহাক ঙরাং নুমিদাংৱাইরমদা খা অমেরিকাগী লৈবাক অমা ওইরিবা গুয়ানাদগী হল্লকখি। ভারতদগী কিলোমিতর লিশিং কয়া লাপ্না লৈবা গুয়ানাদসু 'মিনি ইন্দিয়া' অমা লৈরি। চাউরাক্না চহি 180গী মমাংদা, ভারতকী মীওইশিংবু গুয়ানাদা লৌবুকশিংদা থবক তৌনবা অমসুং অতৈ থবকশিং তৌনবা পুখি। ঙসি, গুয়ানাদা লৈরিবা ভারত মচাশিংনা রাজনিতী, ললোন-ইতিক, এজুকেসন নৎত্রগা কলচর ওইগেরা, লম খুদিংমক্তা লৈবাক অসিবু লুচিংলি। গুয়ানাগী রাস্ত্রপতি দাক্তর ইরফান অলি অসিসু ভারত মচা অমনি অমসুং মহাক্কী ইন্দিয়ন হেরিতেজকীদমক চাউথোকচৈ। ঐহাক গুয়ানাদা লৈরিঙৈদা, ঐহাক্কী ৱাখলদা ৱাখল অমা লাকখি অমসুং মদু ঐহাক্না 'মন কী বাত'তা নখোয়দা পাউদম্বা পাম্মি। গুয়ানাগুম্না, মালেমগী লৈবাক কয়াদা ভারত মচা লাখ কয়া লৈরি। মখোয়গী মপা-মপুশিংগী চহি তরাগী খুজিং কয়াগী মখোয়গী মশাগী ৱারীশিং লৈ; চহি 200-300গী মমাংগী ৱারীশিং ফাওবা লৈ। ভারতকী ইমিগ্রেন্তশিংনা তোঙান তোঙানবা লৈবাকশিংদা মখোয়গী মমিং লৈহনখিবগী অসিগুম্বা ৱারীশিং অসি অদোম্না য়েংবা পাম্বিব্রা? মখোয়না মখোয়গী নীংতম লান্থেংদা মতৌ করম্না শরুক য়াখিবগে! মখোয়না মখোয়গী ইন্দিয়ন হেরিতেজবু হিংহন্দুনা করম্না থমখিবা! অদোম্না অসিগুম্বা অশেংবা ৱারীশিং অসি থিজিল্লু অমসুং ঐঙোন্দা শিয়র তৌবা ঐহাক্না পাম্মি। নহাক্না হায়রিবা ৱারীশিং অসি নমো এপ নৎত্রগা মাইগোবতা #IndianDiasporaStoriesগা লোয়ননা শিয়র তৌবসু য়াগনি।

মরুপশিং, অদোম্না ওমানদা চত্থরিবা অখন্নবা প্রোজেক্ত অমনা য়াম্না পুক্নিং চীংশিনবসু থেংনগনি। ভারতকী ইমুং কয়া অমা ওমানদা চহি চা কয়া লৈরকখি। মফম অদুদা লৈরিবা অয়াম্বদি গুজরাতকী কচ্ছতগীনি। হায়রিবা মীওইশিং অসিনা মরু ওইবা ললোন-ইতিক্কী মরীশিং শেমগৎলকখি। ঙসি ফাওবদা মখোয়না ওমানগী প্রজা ওইরি, অদুবু ভারতকী মগুন অসি মখোয়গী মগুনদা য়াওরি। ওমানদা লৈরিবা ভারতকী এম্বেসী অমসুং নেস্নেল আর্কাইব ওফ ইন্দিয়াগী মতেংগা লোয়ননা, তীম অমনা ইমুংশিং অসিগী পুৱারী ঙাক-শেন্নবা থবক হৌরে।.কেম্পেন অসিগী মখাদা হৌজিক ফাওবদা দোক্যুমেন্ত লিশিং কয়া খোমজিনখ্রে। মসিগী মনুংদা দাইরীশিং, একাউন্ত বুকশিং, লিদজরশিং, চিথীশিং অমসুং তেলেগ্রামশিং য়াওরি। মসিগী দোক্যুমেন্ত খরদি 1838গী মতমগীনি। হায়রিবা দোক্যুমেন্তশিং অসি সেন্তিমেন্তশিংনা থল্লি। চহি কয়াগী মমাংদা মখোয়না ওমানদা য়ৌরকপা মতমদা, মখোয়না করম্বা পুন্সি মহিং হিংলম্বগে, করম্বা নুংঙাইবা অমসুং অৱাবা কয়া থেংনখিবা, অমসুং ওমানগী মীয়ামগা মখোয়গী মরী করম্না খুমাং চাউশিল্লকখি হায়বা য়াওরি। মসি পুম্নমক অসি দোক্যুমেন্তশিং অসিগী শরুক অমনি। ‘ওরেল হিস্তরী প্রোজেক্ত’ অসিসু মিসন অসিগী মরুওইবা য়ুম্ফম অমনি। মিসন অসিদা, মফম অদুগী সেনিয়রশিংনা মখোয়গী এক্সপরিয়েন্সশিং শিয়র তৌখি। মফম অদুদা লৈরিবা মীওইশিংনা মখোয়গী পুন্সি মহিংগী মতাংদা কুপ্পা ৱারোল ফোংদোকখি।

মরুপশিং, ভারত্তা অসিগুম্লবা "ওরেল হিস্তরী প্রোজেক্ত" অমা পায়খৎলি। প্রোজেক্ত অসিগী মখাদা, হিস্তরী পামজবা মীওইশিংনা লৈবাক অসিগী পার্তিসনগী মতমগী ভিক্তিমশিংগী এক্সপরিয়েন্সশিং খোমজিল্লি। হৌজিক, লৈবাক অসিদা পার্তিসনগী অকিবা কয়া উখিবা মীওই খরা খক্তমক ঙাইরে। অসিগুম্বা ফিভম অমদা, মসিগী খোঙথাং অসি হেন্না মরু ওইরক্লি।

মরুপশিং, লৈবাক অমা, মফম অমা, মদুগী পুৱারীবু ঙাক্তুনা থম্বনা মদুগী তুংলমচৎসু ঙাকশেনগনি। হায়রিবা ৱাখল্লোন অসিগা লোয়ননা খুঙ্গংশিংগী পুৱারীবু ঙাক-শেন্নবা দাইরেক্তরী অমা শেম্নবা হোৎনরি। লৈবাক অসিদা ভারতকী অরিবা মতমগী সমুদ্রগী পাঙ্গলগা মরী লৈনবা খুদম-চাংদমশিং ঙাক-শেন্নবা কেম্পেন অমসু চত্থরি। মসিগী পরিং অসিগী মখাদা লোথালদা য়াম্না চাউবা ম্যুজিয়ম অমা শাগৎলি। মদুগী মথক্তা, করিগুম্বা অদোম্না মেনুস্ক্রিপ্ত অমা, পুৱারীগী ওইবা দোক্যুমেন্ত অমা, খুৎনা ইবা কোপি অমা লৈ হায়বা খঙলবদি, অদোম্না মদু নেস্নেল আর্কাইব ওফ ইন্দিয়াগী মতেংগা লোয়ননা ঙাকশেন্দুনা থম্বা য়াই।

মরুপশিং, স্লোভাকিয়াদা ঐখোয়গী চৎনবী অসি ঙাক-শেন্দুনা থম্বগা মরী লৈনবা অসিগুম্লবা খোঙথাং অমগী মতাংদা ঐহাক্না খঙবা ঙমখি। মফম অসিদা, অহানবা ওইনা, ঐখোয়গী উপনিশদশিং অসি স্লোবেক লোলদা হন্দোক্লে। মসিগী খোঙথাং অসিনা মালেমগী মফম কয়াদা ভারতকী চৎনবীগী ইথিল অদু উৎলি। মালেম শিনবা থুংনা ভারতপু নুংশিজবা মীওই করোর কয়া অমা লৈরি হায়বসি ঐখোয় পুম্নমক্কীদমক চাউথোকচনীংঙাইনি।

ঐহাক্কী নুংশিরবা ইরৈবাকচাশিং, লৈবাক অসিনা ফংলকপা অসিগুম্লবা, নখোয়বু নুংঙাইবা অমসুং চাউথোকচবা পোকহনগদবা, অমসুং করিগুম্বা নখোয়না মসি পাংথোক্ত্রবদি, নখোয়না মদুগীদমক নীংঙমদবা পোকহনগদবা অমা ঐহাক্না নখোয়দা হৌজিক শিয়র তৌবা পাম্মি। থা খরগী মমাংদা ঐখোয়না 'এক পের মা কে নম' কেম্পেন হৌদোকখি। লৈবাক শিনবা থুংবদগী মীওইশিংনা মসিগী কেম্পেন অসিদা য়াম্না থৱায় য়াওনা শরুক য়াখি। মসিগী কেম্পেন অসিনা মরুওইবা মাইলস্তোন অমা হায়বদি উ পাম্বী করোর 100 থাবা ঙমবগী মায়পাকপা অসিদা ঐহাক্না য়াম্না নুংঙাইবা ফাওই। থা মঙা খক্তগী মনুংদা, উ-চারা করোর 100 থাখ্রে।

মসি ঐখোয়গী লৈবাক্কী মীওইশিংগী চোকথবা লৈতবা হোৎনবনা ওইথোকপা ঙমখি। মসিগা মরী লৈনবা অতোপ্পা ৱাফম অমা খঙবদা নহাক্না চাউথোকচবা পোক্কনি। 'এক পের মম কে নম' কেম্পেন অসি হৌজিক মালেমগী অতোপ্পা লৈবাকশিংদা শন্দোরক্লি। ঐহাক গুয়ানাদা লৈরিঙৈদা, মফম অদুদসু কেম্পেন অসি উবা ফংখি। মফম অদুদা, গুয়ানাগী রাস্ত্রপতি দাক্তর ইরফান অলি, মহাক্কী মনেম অমসুং অতোপ্পা ইমুংগী মীওইশিংগা লোয়ননা ঐহাক্না 'এক পের মা কে নাম' কেম্পেন অসিদা শরুক য়াখি।

মরুপশিং, মসিগী কেম্পেন অসি লৈবাক অসিগী তোঙান তোঙানবা মফমশিংদা লেপ্পা লৈতনা চত্থরি। 'এক পের মা কে নম' কেম্পেনগী মখাদা ইন্দোর, মধ্য প্রদেশতা উ থাবগী রেকোর্দ অমা থমখি - মফম অসিদা পুং 24গী মনুংদা উ পাম্বী লাখ 12 হেন্না থাবগী থবক পায়খৎখি। মসিগী কেম্পেন অসিনা মরম ওইদুনা, ইন্দোরগী রেবতী হিল্সকী লৈহাও চেন্দ্রবা মফম অসি গ্রীন জোন অমা ওইহল্লগনি। কেম্পেন অসিগী খুত্থাংদা রাজস্থানগী জয়সলমরদা অখন্নবা রেকোর্দ অমা থমখি। মফম অসিদা নুপীগী তীম অমনা পুং অমা খক্তদা উ পাম্বী লিশিং 25 থাবগী থবক পাংথোকখি। মমাশিংনা মখোয়গী মমাশিংগী মিংদা পাম্বী থাখি অমসুং অতোপ্পশিংদসু ইথিল পীখি। মফম অসিদা, মীওই লিশিং মঙাদগী হেনবনা মফম অমদা উ পাম্বী থাখি।

মসিসু রেকোর্দ অমনি। 'এক পের মা কে নম' কেম্পেনগী মখাদা, খুন্নাইগী ওইবা ওর্গানাইজেসন কয়ানা মফম অদুগী মথৌ তাবশিংগী মতুং ইন্না উ পাম্বীশিং থাবগী থবক পায়খৎলি। মখোয়না খোঙথাংশিং অদুদি উ পাম্বী থাবা মফম খুদিংদা, অকোইবগী ফিভমদা নুংঙাইবা মওংদা মপুং ফাবা ইকো সিস্তেম অমা শেমগৎকপনি। মরম অদুনা, হায়রিবা ওর্গনাইজেসনশিং অসিনা মফম খরদা হিদাক-লাংথক্তা কান্নবা পাম্বীশিং থারি, অমসুং অতোপ্পা মফম খরদা, মখোয়না উচেকশিংনা মকোন শানবগীদমক পাম্বীশিং থারি। বিহারদা, 'জীবিকা সেল্ফ হেল্প গ্রুপ'কী নুপীশিংনা উ পাম্বী লাখ 75 থাবগী কেম্পেন অমা চত্থরি। নুপীশিং অসিনা মখোয়গী মীৎয়েং অসি উ-হৈশিংদনি, মসিনা তুংলমচৎতা শেল তানবগী খুদোংচাবা ফংহল্লগনি।

মরুপশিং, মসিগী কেম্পেন অসিদা শরুক য়াদুনা মীওই খুদিংমক্না মহাক্কী মমাগী মিংদা পাম্বী অমা থাবা য়াই। করিগুম্বা মমা অদু অদোমগা লোয়ননা লৈরবদি, নহাক্না মহাক্কা লোয়ননা উ অসি থাবা য়াই, নৎত্রবদি নহাক্না মহাক্কী ফোতো অমা পুদুনা কেম্পেন অসিগী শরুক অমা ওইবা য়াই। নহাক্না উ-পাম্বী অদুগা লোয়ননা সেল্ফি অমা mygov.inদা থাগৎপা য়াই। ঐখোয় পুম্নমক্কীদমক ঐখোয়গী ইমানা তৌবীরিবা অদুগী লমন ঐখোয়না কৈদৌনুংদা শীংবা ঙম্লোই, অদুবু মহাক্কী মিংদা পাম্বী অমা থাদুনা, ঐখোয়না মহাকপু মতম চুপ্পগী ওইনা হিংহন্দুনা থম্বা ঙমগনি।

ঐহাক্কী নুংশিরবা ইরৈবাকচাশিং, অঙাং ওইরিঙৈদা নখোয় পুম্নমক্না সেন্দ্রাংশিংবু য়ুমথক্তা নৎত্রগা উদা খোঙবা উবা ফংলমগনি। শেন্দ্রাংশিং অসি তামিল অমসুং মালায়ালমদা কুরুভি, তেলুগুদা পিচুকা অমসুং কন্নরাদা গুব্বি হায়না খঙনৈ। সেন্দ্রাংগী ৱারীশিং অসি লোল অমসুং চৎনবী খুদিংমক্তা লীনরি। সেন্দ্রাংশিংনা ঐখোয়গী অকোয়বদা লৈরিবা বাইও-দাইবর্সিতী ঙাকপদা য়াম্না মরু ওইবা থৌদাং অমা লৌরি, অদুবু ঙসিদি সেন্দ্রাংশিং অসি শহরশিংদা পাক্না উবা ফংখিদ্রে। অর্বানাইজেসন হেনগৎলকপনা মরম ওইদুনা, উচেকশিং অসি ঐখোয়দগী লাপ্না লৈখ্রে। সেন্দ্রাংশিং অসি পিকচর নৎত্রগা ভিদিওদা খক্তদা উবা ফংবা ঙসিগী মীরোলগী অঙাং কয়া অমা লৈরি। অসিগুম্বা অঙাংশিংগী পুন্সিদা অহিংবা উচেক অসিবু অমুক হন্না পুরক্নবা অখন্নবা খোঙথাংশিং পায়খৎলি। চেন্নাইগী কুদুগল ত্রস্তনা স্কুলগী অঙাংশিংবু সেন্দ্রাংগী পোপুলেসন হেনগৎহন্নবা কেম্পেনদা শরুক য়াহনখ্রে। ওর্গানাইজেসন অসিগী মীওইশিংনা স্কুলশিংদা চৎলি অমসুং অঙাংশিংদা নোংমগী পুন্সিদা সেন্দ্রাংশিং কয়া য়াম্না মরুওইবগে হায়বদু পাউদম্লি। ওর্গনাইজেসন অসিনা অঙাংশিংদা সেন্দ্রাংগী মকোন শাবগী ত্রেনিং পীরি। মসিগীদমক্তা, ওর্গনাইজেসনগী মীওইশিংনা অঙাংশিংদা উগী য়ুম মচা অমা শেম্বা তম্বীখি। মদুদা, উচেকশিং অদুগীদমক চানবা অমসুং লৈফম পীবগী থৌরাং তৌই। মসি বিলদিং অমগী মপান থংবা ফক্লাং নত্ত্রগা উ অমদা থম্বা য়াবা য়ুমশিংনি।

অঙাংশিংনা থৌনা ফনা কেম্পেন অসিদা শরুক য়াখি অমসুং মশিং য়াম্লবা সেন্দ্রাংগীদমক মকোন শাবা হৌখি। হৌখিবা চহি 4 অসিদা, ওর্গনাইজেসন্না সেন্দ্রাংশিংগীদমক্তা অসিগুম্বা ময়ুম লিশিং 10 শাখ্রে। কুদুগল ত্রস্তকী থৌরাং অসিনা মরম ওইদুনা অকোয়বগী মফমশিংদা সেন্দ্রাংগী মীশিং হেনগৎলকপা হৌরে। করিগুম্বা অদোমসু অদোমগী অকোয়বদা অসিগুম্বা খোঙথাংশিং অসি পাংথোক্লবদি, সেন্দ্রাংশিং অসি অমুক হন্না ঐখোয়গী পুন্সিগী শরুক অমা ওইরক্কনি। মরুপশিং, কর্নাতকাগী মৈসুরুদা লৈবা ওর্গনাইজেসন অমনা অঙাংশিংগীদমক ‘আর্লী বর্দ' কৌবা কেম্পেন অমা হৌদোক্লে। ওর্গনাইজেসন অসিনা অঙাংশিংদা উচেকশিংগী মরমদা তাক্নবগীদমক্তা অখন্নবা লাইব্রেরি অমা চলাইরি। মসি খক্তা নত্তনা, অঙাংশিংদা মহৌশাগী মায়কৈদা থৌদাং লৌবগী ৱাখল্লোন অমা পোকহন্নবা 'নেচর এজুকেসন কিৎ' অমা শেমখ্রে। মসিগী কিৎ অসিদা অঙাংশিংগীদমক্তা ৱারীগী লাইরিকশিং, গেমশিং, এক্তিবিতী শীতশিং অমসুং জিগ-সো পাজলশিং য়াওরি। ওর্গনাইজেসন অসিনা শহরদগী অঙাংশিংবু খুঙ্গংশিংদা পুরকই অমসুং মখোয়বু উচেকশিংগা উন্নহল্লি। ওর্গনাইজেসন অসিনা হোৎনরিবশিং অসিনা মরম ওইদুনা, অঙাংশিংনা উচেক মখল কয়া মশক খঙবা হৌরক্লি। 'মন কী বাত' তারিবা মীওইশিংনসু অসিগুম্বা থৌওংশিং অসিগী খুত্থাংদা অঙাংশিংদা মখোয়গী অকোয়বগী ফিভম অদু য়েংনবা অমসুং খঙনবা তোঙানবা মীৎয়েং অমা শেমগৎপা ঙমগনি।

ঐহাক্কী নুংশিরবা ইরৈবাকচাশিং, কনাগুম্বা অমনা 'সরকারগী ওফিস' হায়রকপগা লোয়ননা অদোমগী ৱাখলদা ফাইল মপৈ পৈদুনা লৈবা উরকই। অদোম্না ফিল্মদসু মসিগা মান্নবা অমা উবা ফংলমগনি। লৈঙাক্কী ওফিসশিংদা লৈরিবা ফাইল ময়ামসিদা ফাগী কয়া শেম্বা লৈখ্রে; ৱারী কয়া অমা ইখ্রে। হায়রিবা ফাইলশিং অসি ওফিসশিংদা চহি কয়া নমদুনা লৈবনা উফুল থাংলি, অমসুং অমোৎ-অকাই চেনবা হৌরকই।

অসিগুম্বা চহি কয়াগী মমাংগী ফাইলশিং অমসুং স্ক্রেপশিং লৌথোক্নবা অখন্নবা স্বচ্ছতা অভিয়ান অমা হৌদোকখি। মসিগী কেম্পেন অসিনা সরকারগী দিপার্তমেন্তশিংদা অঙকপা ফলশিং পুরকপা ঙমখি হায়বা খঙবদা অদোম নুংঙাইগনি। শেংদোকপা অসিনা ওফিসশিংদা অহাংবা মফম কয়া অমা ফংহল্লে। মসিনা ওফিসশিংদা থবক তৌরিবা মীওইশিংগী মরক্তা মপু ওইবগী ৱাখল্লোনসু পোকহল্লি। মখোয়না থবক মফম অদু মশা-মউ ফনা থম্নবগী মতাংদসু হকচিন্না লৌরি।

মরুপশিং, লুনান্না লৈবা মফমদা লাইরেম্বী লক্ষ্মী লৈ হায়না অহলশিংনা হায়রকপা অদোম্না তোয়না তারমগনি। ঐখোয়গী লৈবাক অসিদা 'ৱেস্ত তু ৱেল্থ' হায়বা ৱাখল্লোন অসি য়াম্না লিরবনি। লৈবাক অসিগী মফম কয়াদা, ‘নহারোল’শিংনা কান্নদ্রবা পোৎলমশিং, হায়বদি অমোৎ-অকাইনি হায়না লৌনরিবা পোৎলমশিংবু লন ওন্থোক্লি। মখোয়না তোঙান তোঙানবা মওংদা অনৌবা পুথোক্লি। মখোয়না মসিদগী শেল তানরি; থবক ফংহন্নবগী লম্বীশিং শেমগৎলি। নহাশিং অসিনা মখোয়গী হোৎনবশিংগী খুত্থাংদা তুং কোইনা চৎনবা য়াবা পুন্সি মহিং অমা পুক্নিং থৌগৎলি। মুম্বাইগী ইচানুপী অনিগী হোৎনরিবশিং অসি তশেংনা পুক্নিং থৌগৎনীংঙাইনি। অক্ষরা অমসুং প্রক্রিতী কৌবা ইচানুপী অনি অসিনা ফেব্রিক্কী অখন্নবা পোৎলমশিংদগী ফেসনগী পোৎলমশিং শারি। অদোম্না মসিসু খঙই মদুদি ফী ককপা অমসুং তুবা মতমদা থোক্লকপা অরেম-অপাশিং অসি স্ক্রেপশিংনি হায়না লৌনৈ অমসুং হুন্দোক্নৈ। অক্ষরা অমসুং প্রক্রিতীগী তীম্না ফেব্রিক্কী চপ মান্নবা পোৎলমশিং অসি ফেশন প্রদক্তশিংদা ওন্থোকই। অরেম্বদগী তুবা তুপীশিং অমসুং বেগশিং অসি য়োনবা হৌরে।

মরুপশিং, স্বচ্ছতাগী মতাংদা কানপুর, য়ু.পি.দসু অফবা খোঙথাং অমা পায়খৎলি। মফম অসিদা মীওই খরদি গঙ্গাগী তুরেল তোর্বানদা চাইরিবা প্লাস্তিক অমসুং অতৈ অমোৎ-অকাই খোমজিন্নবা নুমিৎ খুদিংগী অয়ুক্কী ৱাকিং চৎলি। হায়রিবা গ্রুপ অসিবু 'কানপুর প্লোগর্স গ্রুপ' হায়না মমিং থোল্লি।

কেম্পেন অসি মরুপ খরনা পুন্না হৌদোকখি। তপ্না তপ্না, মসি মীয়ামগী শরুক য়াবদগী অচৌবা কেম্পেন অমা ওইরকখি। শহর অসিগী মীওই কয়া অমা কেম্পেন অসিদা শরুক য়াখ্রে। মসিগী মীহুৎশিংনা হৌজিক দুকানশিং অমসুং য়ুমশিংদগীসু অমোৎ-অকাইশিং খোমজিনবা হৌরে। রিসাইকল প্লান্তদা গার্বেজ অসিদগী ত্রী গার্দশিং শেম্মী, হায়বদি, গার্বেজ অসিগী অসিদগী শেম্বা ত্রী গার্দশিংগা লোয়ননা  গ্রুপ অসিগী মীওইশিংনা পাম্বীশিংবুসু ঙাক-শেল্লি।

মরুপশিং, অসামগী ইতিশা অসিসু অপীকপা খোঙথাংশিংনা অচৌবা মাইপাকপা অমা পুরকপা ঙম্বগী খুদম অমনি। ইতিশা দিল্লী অমসুং পুনেদা মহৈ তমখি। ইতিশানা কোর্পোরেৎ ৱার্ল্দগী ফজবা অমসুং নুংঙাইবা থাদোকখ্রে অমসুং মহাক্না অরুনাচলগী সাংতি ভেলী শেংদোকপগী থবক তৌখি। তুরিস্তশিংনা মরম ওইদুনা মফম অসিদা প্লাস্তিক্কী অমোৎ-অকাই পৈশিনবা হৌখি। মতম অমদদি লুরম্বা তুরেল অদু প্লাস্তিক্কী অমোৎপশিংনা মরম ওইদুনা মোৎশিল্লকখি। ইতিশানা মফম অদুগী মীওইশিংগা লোয়ননা মসি শেংদোক্নবা হোৎনরি। মহাক্কী লুপকী মীওইশিংনা মফম অদুদা লাকপা তুরিস্তশিংগী মরক্তা এৱেরনেস শন্দোকখি অমসুং প্লাস্তিক্কী অমোৎ-অকাইশিং খোমজিন্নবা ভেলী অদুগী মফম পুম্নমক্তা বেম্বুগী দস্তবিনশিং থমখি।

মরুপশিং, অসিগুম্বা থৌওংশিং অসিনা ভারতকী স্বচ্ছতা অভিয়ানবু খোঙজেল য়াংখৎহল্লি। মসি পর্পিচুএল কেম্পেন অমনি। মসি অদোমগী অকোইবদা শোইদনা চত্থহনগদবনি। অসিগুম্বা খোঙথাংশিং অসিগী মতাংদা ঐঙোন্দা মখা তানা ইবীরকখো।

মরুপশিং, 'মন কী বাত'কী তাঙ্কক অসিগীদমক্তা মসিদা লোইরে। ঐহাক্না থা অসি চুপ্না অদোমগী ফিদবেক, চিথীশিং অমসুং সজেসনশিং খৌরাংনা ঙাইখি। থা খুদিংগী অদোমগী মেসেজশিংনা ঐঙোন্দা হেন্না ফবা থবক তৌনবা পুক্নিং থৌগৎলি। লৈবাক অসিগী অমসুং লৈবাক মীয়ামগী অনৌবা মায়পাকপশিংগা লোয়ননা লাক্কদৌরিবা থাদা ঐখোয় অমুক হন্না 'মন কী বাত'কী তাঙ্কক অমদা উনরসি। মদু ফাওবদা, লৈবাক মীয়াম পুম্নমকপু ঐহাক্না য়াইফ-পাউজেল পীজরি। হন্না-হন্না থাগৎচরি।

ঐগী নুংশিরবা ইরৈচাশিং, খুরুমজরি।

মন কি বাতনা তরাম্না ওকচরি। ঐগী পুন্সিদা খ্বাইদগী নিংশিংদুনা লৈহৌরগদবা থৌদোকশিং করিনো হায়না করিগুম্বা অদোম্না ঐঙোন্দা হংলবদি, ঐনা থৌদোক কয়া নিংশিংগনি, অদুবু থোইদোক হেন্দোকপা মিকুপ অমা লৈরি। থৌদোক অদু হৌখিবা চহিগী নবেম্বর ১৫ দা ওইখি, ঐ ভগবান বিরসা মুন্দাগী মপোক নুমিত্তা মহাক্কী পোক্নফম লমদম ঝারখন্দগী উলিহাতু খুঙ্গংদা চৎখি। খোঙচৎ অদুনা ঐঙোন্দা অকনবা ইথিল অমা পীখি। শেংলবা লমদম অসিগী লৈবাক্তা ঐগী লাইবক্না শোকপা ফংখিবা লৈবাক অসিগী অহানবা প্রধান মন্ত্রী ঐনা ওইখি। মিকুপ অউদা, ঐনা নিংতম ইহৌগী থৌনা অদু ফাওবা খক নত্তনা, লমদম অসিগী মপাঙ্গলগা শম্নবগী খুদোংচাবা অমশু ফংখি। ৱাশক অমা ঙাক্নবা থৌনানা কমদৌনা লৈবাক্কী মীওই করোর কয়াগী মরাইবক্তা অহোংবা পুরকপা ঙম্বগে হায়বা ঐ খঙবা ঙমখি।

মরুপশিং,

যুগ খুদিংমক্তা নত্ত্রগা অতোপ্পা অমদা ভারতনা খুদোংচাদবা খর মায়োক্নখি অমসুং যুগ খুদিংমক্তা হায়রিবা খুদোংচাদবশিং অদু কোকহনবা তোপ-তোপ্পা ভারতমচাশিং পোকখি। ঙসিগী মন কি বাত্তা, মথৌনা লৈবা অমসুং তুংগী উবা ঙম্বা অসিগুম্বা অথৌবা অনিগী মরমদা ঐনা খন্নগনি। লৈবাক অসিনা মখোয়গী চহি ১৫০শুবা মপোক কুমওনশিং পাংথোক্নবা ৱারেপ লৌরে। ওক্তোবর ৩১ দগী সারদার পতেলগী চহি ১৫০শুবা মপোক কুমওন পাংথোকপা হৌরগনি। মসিগী তুংদা, নবেম্বর ১৫ দগী ভগবান বিরসা মুন্দাগী চহি ১৫০শুবা মপোক কুমওন পাংথোকপা হৌগনি। হায়রিবা অথৌবা থৱায় অনিমক তোঙান-তোঙানবা অৱাবা কয়া মায়োক্নখি অদুবু মখোয়গী পান্দমদি অমতা ওইখি, পান্দম অমদি ‘লৈবাক্কী অপুনবা’ অসিনি।

মরুপশিং,

হৌখিবা চহি খরদা, লৈবাক অসিনা অসিগুম্বা অথৌবশিংগী মপোক কুমওনশিং পাংথোকখ্রে, অনৌবা থৌনা লৈরবা নুপাশিং অমসুং নুপীশিংনা নহা ওইরিবা মীরোলশিংদা অনৌবা ইথিল পীখি। ঐখোয়না মহাত্মা গান্ধীগী ১৫০শুবা মপোক কুমওন পাংথোকপা মতমদা কমদৌনা অখন্নবা থৌরমশিং পাংথোকখিবগে হায়বা অদোম নিংশিংলমগনি।

নিউ য়োর্ককী তাইমস সক্বারদগী হৌরগা অফ্রিকাগী খ্বাইদগী পীকপা খুঙ্গং ফাওবা, মালেম শীনবা থুংবগী মীওইশিংনা খঙখি, অমুক হন্না খঙখি অমসুং অচুম্বা অমসুং অহিংশাগী ভারতকী পাউজেলগা লোয়ননা হিংখি। নহারোলশিংদগী হৌরগা অহলশিং ফাওবা, ভারতমচাশিংদগী হৌরগা মপান লৈবাক্কী মীওইশিং, মীওই খুদিংমক্না, মালেমগী ওইরক্লিবা ফিবমশিং অসিদা অনৌবা ফিবম অমদা গান্ধীজিগী পাউতাকশিং মশক খঙখি। ঐখোয়না শ্বামী বিবেকানন্দগী ১৫০শুবা মপোক কুমওন পাংথোকপা মতমদা, অনৌবা ৱাহন্থোকশিংগী খুৎথাংদা লৈবাক অসিগী নহারোলশিংনা ভারতকী অধ্যাতিক অমসুং নাতকী তৌবা ঙম্বা মশক খঙখি। ঐখোয়গী শক্নাইরবশিং অকাওবগী লৈরোন্নুংদা লৈখিদে, মদুগী মহুত্তা, মখোয়গী পুন্সিনা হৌজিক্কী মীরোল ঐখোয়দা তুংগী লম্বী তাক্লি হায়বা হায়রিবা স্কিমশিং অসিনা ঐখোয়দা খঙহল্লে।

মরুপশিং,

অসিগুম্বা অথৌবশিং অসিগী ১৫০শুবা মপোক কুমওনশিং জাতিগী থাক্ত পাংথোক্নবা সরকারনা ৱারেপ লৌরবশু, থবক অসি হিংহনবা অমসুং থৱায় হাপ্পদি অদোম্না শরুক য়াবদা লৈরে। খোঙজং অসিগী শরুক অমা ওইনবা ঐনা মীয়ামগী মফমদা হায়জরি। ভারতকী য়োৎকী মী সারদার পতেলগী মতাংদা অদোমগী ৱাখল্লোনশিং অমসুং থবক্কা মরী লৈনবশিং ৱাফমশিং #Sardar150 দা শরুক য়াবীয়ু অমসুং  ধর্তি-আবা বিরসা মুন্দাগী ইথিলশিংনা #BirsaMunda150 দা শরুক য়াবীয়ু, অদুম্না মালেমদা মসিগী কুহ্মৈ অসি উৎসি। মসিগী কুহ্মৈ অসি খেন্নবা কয়ানা ভারতকী অপুনবা ওইরিবা অসি হরাওবা ফোঙদোক্নবা কু্হ্মৈ অমা ওইহন্নবা ঐখোয়না পুন্না চৎমিন্নরসি অমসুং মসি হেরিতেচকী খুৎথাংদা চাউখৎপগী কুহ্মৈ অমা ওইহনসি।

ঐগী নুংশিরবা ইরৈচাশিং,

তি.ভিদা “ছোতা ভিম” শন্দোকপা হৌখিবা নুমিৎশিং অদু অদোম নিংশিংলমগনি। মদু অঙাংশিংনা কৈদৌঙৈদা কাউবা ঙমখিদে; “ছোতা ভিম”গী মরমদা অশুক্কী মতিক হরাওখি। ঙসিদি ‘ধোলাকপুর কা ধোল’ না ভারতকী অঙাংশিং খক নত্তনা অতোপ্পা লৈবাকশিংগী অঙাংশিংগী পুক্নিং চিংশিনবদা অদোম অঙকপা ফাওগনি। মসিগা চপ মান্ননা, অতোপ্পা এনিমেসনগী সেরিএলশিং হায়বদি ‘কৃষ্ণন’, ‘হনুমান’, ‘মোতু-পাতলু’ মালেম শীনবা থুংনা পাম্নরে। ভারতকী এনিমেসনগী কেরেক্তরশিং, এনিমেসন মুভিশিং, কন্তেন্ত অমসুং হৈথোই-শিংথোইবা মালেম শীনবা থুংনা পাম্নরে। অদোম খঙলমগনি মদুদি স্মার্দফোনদগী হৌরগা সেনিমা স্কৃন ফাওবা, গেমিং কন্সোলদগী হৌরগা ভর্চুএল রিয়েলিতি ফাওবা, এনিমেসন অসি মফম খুদিংক্তা য়াওরে। এনিমেসনগী তাইবংদা অনৌবা অওনবা অমা পুরক্নবা লম্বীদা ভারত লৈরে। ভারতকী ওইনা গেমিংগী পাক-চাউবা হেনগৎলক্লি। ঙসিদি ভারতকী গেমশিং মালেম শীনবা থুংনা মমিং চৎলে। থা খরগী মমাঙদা ঐনা ভারতকী মাঙজিল থাবা গেমর খরগা উনবদা, ভারতকী গেমশিংগী মগুন অমসুং হৈথোই-শিংথোইবা খঙনবগী খুদোংচাবা অমা ঐনা ফংখি। তশেংনা, লৈবাক অসিদা অনৌবা পুথোকপগী থৌনাগী ইহৌ অমা লৈরে…এনিমেসন, মেদ ইন ইন্দিয়া অমসুং মেদ বাই ইন্দিয়ান্সগী লমদা মফম খুদিংমক্তা উবা ফংলগনি। ঙসিদি ভারতকী হৈথোই-শিংথোইবা অসি মপান লৈবাকশিংগী প্রদক্সনশিংগী শরুক অমা ওইরে হায়বা খঙবদা অদোম হরাওগনি। স্পাইদর-মেন নত্ত্রগা ত্রান্সফোর্মর ওইবা য়াই, হায়রিবা মুভি অনিমক্তা, হরিনারায়ন রজিবনা পাংথোকখিবা থবকশিং মীয়াম্না থাগৎনরে। দিসনি অমসুং ৱার্নর ব্রোদরসগুম্বগা মালেমগী মমিং লৈরবা প্রদক্সন কম্পেনিশিংগা ভারতকী এনিমেসন স্তদিওশিংগা থবক তৌমিন্নরে।

মরুপশিং,

ঙসিদি ঐখোয়গী নহারোলশিংনা ঐখোয়গী নাত মমি তাবা অশেংবা ভারতকী ৱারি পুথোক্লে। মখোয় মালেম শীনবা থুংনা য়েংলে। ঙসিদি, অতোপ্পা ইন্দস্ত্রিশিংগী থৌনা পীদুনা, এনিমেসন সেক্তর অসি ইন্দস্ত্রি অমগী মওংদা লাক্লে, ঙসিদি ভি.আর তুরিজম মমিং চৎলে। ভর্চুএল তুর অমা পাংথোক্তুনা অদোম্না অজান্ত শুরুংশিং য়েংবা ফংলগনি, কোনার্ক লাইশঙ নত্ত্রগা বারানসীগী ঘাতশিং কোইনা য়েংবা ফংলগনি।

হায়রিবা ভি.আর এনিমেসনশিং অসি ভারতমচাশিংনা পুথোকপনি। মখোয় ভি.আরদা য়েংলবা মতুংদা, মীওই কয়া হায়রিবা লমকোয়ফমশিং অদু তশেংনা চৎপা পাম্লে, হায়বদি লমকোয়ফম অমগী ভর্চুএল তুর অসি মীওই কয়াগী ৱাখলদা চৎনিংবগী লাংতক্নবা ফাওহন্নবা পাম্বৈ অমা ওইরে। ঙসিদি সেক্তর অসিদা, এনিমেতরশিংগা লোয়ননা, ৱারি লিবা মীওইশিং, অইবশিং, ভোইস-ওভরগী অখঙ-অহৈশিং, শৈশকপশিং, গেম শেমগৎপশিং, ভি.আর অমসুং এ.আর অখঙ-অহৈশিং লেপ্তনা হেনগৎলক্লি। মরম অদুনা, ভারতকী নহারোলশিংদা ঐনা হায়নিংই – অদোমগী হৈথোই-শিংথোইবা হেনগৎহল্লু। মালেমগী মথংগী খ্বাইদগী নুংঙাইবা এনিমেসন অদোমগী থোক্লকপশু য়ারি, কননা খঙগনি। মথংগী ভাইরেল গেম অদোমগী ওইবশু য়াই। ইজুকেসনেল এনিমেসনগী অদোমগী অনৌবা থবকশিং চাউনা মাইপাকপা ঙমগনি। হয়েং ওক্তোবর ২৮ দা, ‘মালেমগী এনিমেসন দে’ পাংথোক্কনি। ভারত মালেমদা এনিমেসনগী মফম অমা ওইনা শেমগৎনবা ঐখোয় ৱাশক লৌরসি।

ঐগী নুংশিরবা ইরৈচাশিং,

শ্বামী বিবেকানন্দনা মাইপাক্নবগী লাইৱা তাকখ্রে… মহাক্কী লাইৱা অদুদি-অনৌবা ৱাখল অমা লৌশিল্লু, অনৌবা ৱাখল অদুনা অদোমগী পুন্সি শেম্মু; পুন্সিগী মরমদা খল্লু; পুন্সিগী মরমদা মঙ মঙউ; হিংবা হৌরো। হৌজিক, অত্মানির্ভর ভারত অভিয়ান অসি মাইপাকপগী লাইৱা অসি তোংদুনা চৎলি। মসিগী অভিয়ান অসি ঐখোয়গী অপুনবা ৱাখল তামিন্নবগী শরুক অমা ওইরে। মসি খোঙথাং খুদিংমক্তা ঐখোয়গী ইথিল ওইরে। মশাগী ওক্নবা পুথোকচবা অসি ঐখোয়গী থৌশিল ওইবা খক নত্তনা ঐখোয়গী পামজবশু ওইরে। নুমিৎ ১০গী মমাঙদা, করিগুম্বা মফম অদুনা কনাগুম্বা অমনা হায়রবদি, মদুদি ভারত্তা অরুবা তেক্নোলোজি খর শেমগৎপা মতমদা, মীওই কয়ানা মদু থাজবা ঙম্লোই অমসুং মীওই কয়ানা মদু নোক্নগনি-অদুবু হায়রিবা মীওইশিং অদুনা লৈবাক অসিগী মাইপাকপা উবদা অঙকপা ফাওরে। মশাগী ওক্নবা পুথোকচবদা, হিরম খুদিংমক্তা ভারতনা অঙকপা কয়া পাংথোক্লে। খন্দুনা য়েংউ, মতম অমদা ভারতনা মপান লৈবাকশিংদগী পুশিল্লকপা মোবাইল ফোনশিং শীজিন্নরমখি, ঙসিদি মালেমদা অনিশুবা খ্বাইদগী চাউবা মোবাইল ফোন শাবা লৈবাক ওইরে। ভারত মতম অমদা মালেমদা ঙাক-শেনগী খুৎলায়শিং খ্বাইদগী য়াম্না লৈবা লৈবাক ওইরমখি, ঙসিদি লৈবাক ৮৫ দা খুৎলায়শিং য়োল্লে। ঙসিদি, স্পেস তেক্নোলোজিদা, ভারত থাগী খা-মেরু য়ৌবা ঙম্বা অহানবা লৈবাক ওইরে। ঐনা খ্বাইদগী পামজবা অমদি হৌজিক অত্মানির্ভর ভারত অভিয়ান অসি মখা তানা সরকারগী অভিয়ান অমা ওইদ্রে; অত্মানির্ভর ভারত অভিয়ান অসি মীয়ামগী অভিয়ান অমা ওইরে-হিরম খুদিংমক্তা ঐখোয় মাইপাক্লে। থা অসিদা, ঐখোয়না লাদাখকী হানলেদা এসিয়াগী খ্বাইদগী চাউবা ‘ইমেজিং তেলেস্কোপ মেস’ শঙ্গারে। মসি মিতর ৪৩০০ ৱাংবা মফম অমদা লৈরি। খন্দুনা য়েংউ, মাইনস ৩০ দিগ্রি য়ৌনা শাথিনা ইংবা মফমদা, ওক্সিজেন ফাওবা মরাংকাইনা ফংবদা মফমদা, অতোপ্পা এসিয়াগী লৈবাক অমতনা পাংথোকপা ঙমদবা খর ঐখোয়গী সাইন্তিস্তশিংনা পাংথোকপা ঙম্লে। হানলে তেলিস্কোপনা থাপ্না লৈবা মালেম অমা য়েংলবশু, মসিনা ঐখোয়দা করিগুম্বা খর উৎলে-অত্মানির্ভর ভারতকী তৌবা ঙম্বশিং উৎলে।

মরুপশিং,

অদোম্না থবক অমা খক পাংথোকপা ঐনা পাম্মী। অসিগুম্বা থবকশিংনা ভারত মশাগী ওক্নবা পুথোকচবা ঙম্লে হায়বগী খুদম কয়া শরুক য়াবীয়ু। অদোমগী য়ুম্লোন্নবদা অদোম্না করি অনৌবা থবক উবা ফংলবগে? লৈকায় অমগী করম্বা স্তার্দঅপ অদোম্না খ্বাইদগী পামজবগে? হেস্তেগ অত্মানির্ভর ইন্নোবেসনগা লোয়ননা, মসিগী পাউ অসি সোসিএল মেদিয়াদা ইবীয়ু অমসুং অত্মানির্ভর ভারত হরাওবা ফোঙদোক্লসি। কুহ্মৈগী মতম লাকপা অসিদা, ঐখোয় অত্মানির্ভর ভারতকী অভিয়ান মপাঙ্গল কনখৎহল্লসি। ইরমদমগী পোৎথোক লৈনবা লাইৱাগা লোয়ননা ঐখোয় পোৎ-চৈ লৈরসি। ওইথোক্তবা অসি শিংনবা অমা ওইবা অনৌবা ভারতনি… মেক ইন ইন্দিয়া অসি হৌজিক মেক ফোর ৱার্ল্দ ওইরে, মীওই খুদিংমক অনৌবা থবক পাংথোকপা মীওই ওইরে, শিংনবা খুদিংমক খুদোংচাবা ওইরে। ঐখোয়না ভারতকী মশাগী ওক্নবা পুথোকচবা খক নত্তনা, ইন্নোবেসনগী মালেমগী পৱারহাওস অমা ওইনা ঐখোয়গী লৈবাকশু মপাঙ্গল কনখৎহল্লে।

ঐগী নুংশিরবা ইরৈচাশিং, অদোমগীদমক ঐনা খোঞ্জেল অমা খোঙলি।

# ( ওদিও ) #

মসিগী খোঞ্জেল অসি পাউ খক্তগী নত্তে, মসি নুংঙাইবগী খোঞ্জেল অমা নত্তে… মসি য়াম্না মরুওইবা অমনি। অদোম্না তাখিবা ৱারি শান্নবা অসি দিজিতেল এরেস্তকী নমথাক তৌবগীনি। ৱারি শান্নবা অসি অৱাবা তারবা মীওই অমগা নমথাক তৌবা মীওই অমগগী মরক্তনি।

পুলিস, সি.বি.আই, নার্কোতিক্স, আর.বি.আই শাদুনা দিজিতেল এরেস্তকী নমথাক তৌরিবা মীওই অদুনা কয়ারক ফোন তৌরিকখি… মখোয়না থাজবা কয়াগা লোয়ননা শাশিন্নবা ওফিসারশিংগা ৱারি শান্নখি। মন কি বাত তারিবা মীওই কয়ানা ঐখোয় হিরম অসিগী মতাংদা খন্নবা পামখি। হায়রিবা নমথাক তৌবা মীওইশিং অসি কমদৌনা থবক তৌবগে হায়বা ঐ অদোমদা হায়গে। মসিগী গেম অসি কয়া য়াম্না খুদোংথিনিঙাই ওইবগে? অদোম্না মসি খঙজিনবা য়াম্না মরুওই অমসুং অতোপ্পশিংশু মসি খঙজিনবা চপ মান্ননা মরুওই।

অহানবা খোঙথাং… মখোয়না অদোমগী মরমদা ই-পাউশিং খোমজিল্লি… “অদোম হৌখিবা থাদা গৱাদা চৎখি, অদোম চৎতবরা? অদোমগী ইচানুপী দিল্লিদা লাইরিক তম্লি, চুম্বরা? মখোয়না অদোমগী মফমদা খোমজিনবা য়াবশিং খোমজিনগনি মদুদি অদোম অঙকপা ফাওগনি। অনিশুবদা, অকিবা ফাওহনগনি… য়ুনিফোর্ম, সরকারগী ওফিস মানহনবা, লিগেলগী সেক্সনশিং… মখোয়না অদোম ফোন্দা অসুক্কী মতিক কিহনগনি… ৱারি শান্নরিঙৈ মরক্ত অদোম ৱাখল খনবা ফাওবা ঙম্লোই। মদুদগী মখোয়গী অহুমশুবা খোঙথাং হৌরক্কনি, অহুমশুবা খোঙথাংদি-অকক্নবা মতম থারক্কনি। “হৌজিক অদোম ৱারেপ লৌগদবনি নত্ত্রগা অদোম ফারগনি”- হায়রিবা মীওইশিং অসিনা অকিবা ফাওরবা মীওই অমদা অকিবা য়াম্না পোকহনগনি। কাংলুপ খুদিংগী অমসুং চহি মতাং খুদিংগী মীওইশিং দিজিতেল এরেস্তকী অৱাবা নংগনি। কিবদগী মীওই কয়া মখোয়না থবক কন্না শুরগা তাঞ্জবা লুপা লাখ কয়া মাঙখ্রে।

করিগুম্বা অদোম্না অসিগুম্বা কোল অমা ফংবদা, কিবীগনু। থিজিন্নবা লৈরিবা এজেন্সি অমতনা ফোন নত্ত্রগা ভিদিও কোল অমদা কৈদৌঙৈদা ৱাহং-পাউহংদে হায়বা অদোম খঙজিনগদবনি। দিজিতেল সেকুরিতিগী খোঙথাং অহুম ঐনা পল্লি। খোঙথাং অহুম অদুদি- লেপ্পু-ৱাখল খল্লু-থবক লৌখৎলু। কোল অমা হেক ফংবগা, লেপ্পু… পাখৎকনু, তপথৌ, হাথু-হাথু থবক অমতা তৌগনু, কনাগুম্বা অমতদা অদোমগী মরমদা ই-পাউ পীথোক্কনু; ঙম্লবদি স্কৃনসোত অমা লৌশিল্লু অমসুং মসি শোইদনবা রেকোর্দ তৌশিল্লু।

মসিগী মতুংদা অনিশুবা খোঙথাং লৈরে। অহানবা খোঙথাংনা ‘লেপ্পা’ অমসুং অনিশুবা খোঙথাংনা ‘ৱাখল খনবা’। সরকারগী এজেন্সি অমতনা মতৌ অশুম্না ফোন্দা অদোমদা কিহল্লোই, ভিদিও কোল অমা তৌদুনা ৱাহং-পাউহংবা নত্ত্রগা শেন পীনবা হায়রোই। করিগুম্বা অদোম অকিবা ফাওরবদি, করিগুম্বা অরানবা খর লৈরবদি খঙজিল্লু। হৌজিক অহুমশুবা খোঙথাং লৈরে… অদোম থবক পায়খৎকদবনি। নেসনেল সাইবর হেপ্ললাইন 1930 দা কোল তৌগদবনি, cybercrime.gov.in দা পাউ পীগদবনি, ইমুং-মনুং অমসুং পুলিসতা পাউ পীগদবনি, খুদম ওইবা য়াবশিং থমজিনগদবনি। লেপ্পা, ৱাখল খনবা অমসুং থবক লৌখৎপা হায়রিবা খোঙথাং অহুম অসিনা অদোমগী দিজিতেল সেকুরিতি ওইগনি।

মরুপশিং,

আইন্দা দিজিতেল এরেস্তগুম্বা থবক অমতা লৈতে হায়না ঐনা অমুক হন্না ফোঙদোক্লি, মসি নমথাক অমনি, মসি মীনম্বা অমনি, মীফত্তশিংগী কাংবু অমনি অমসুং থবক অসি পাংথোক্লিবা মীওইশিং অসি খুন্নাইগী য়েক্নবশিংনি। দিজিতেল এরেস্তকী মিংদা নমথাক তৌরিবা মীওইশিং থেংন্নবা, থিজিন্নবা লৈরিবা এজেন্সি খুদিংমক রাজ্য সরকারশিংগা পুন্না থবক তৌমিন্নরি। হায়রিবা এজেন্সশিংগী মরক্তা পুন্না থবক তৌমিন্ননবা, নেসনেল সাইবর কো-ওর্দিনেসন সেন্তর অমা লিংখৎলে। শাশিন্নবা ভিদিও কোল্লিং আই.দি লিশিং কয়া এজেন্সিশিংনা থিংজিল্লে। সিম কার্দ, মোবাইল ফোন অমসুং বেঙ্ক একাউন্ত লাখ কয়া থিংজিল্লে। এজেন্সিশিং মখোয়গী থবকশিং পাংথোক্লি, অদুবু দিজিতেল এরেস্তকী মিংদা অসিগুম্বা স্কামশিংদগী ঙাকথোক্নবা, মীওই খুদিংমক মীকুপ-নাহুম শিংবা অমসুং খঙবা য়াম্না মরুওই। অসিগুম্বা মখলগী সাইবরগী নমথাক তৌবগী খুদোংথিবা নংলবা মীওইশিংনা ঙম্লিবমখৈ মীওই কয়াদা মসিগী মরমদা খঙহনগদবনি। ৱাখল তাহন্নবা অদোম্না #SafeDigitalIndia শীজিন্নবা য়াগনি। সাইবর স্কামশিংগী মথক্তা খোঙজংশিং চৎথবদা স্কুল অমসুং কলেজশিংগী মহৈরোয়শিং শরুক য়ানবা ঐনা তকশিল্লি। খুন্নাইগী অপুনবা থবকশিং খক্তনা ঐখোয়না মসিগী খুদোংচাদবা অসি থেংনবা ঙমগনি।

ঐগী নুংশিরবা ইরৈচাশিং,

ঐখোয়গী স্কুলগী অঙাং কয়া কেল্লিগ্রাফি য়াম্না পাম্মী। মসিগী মতেংদগী, ঐখোয়গী খুৎইশিং পাবা থোক্লিবনি, ফজৈ অমসুং পানিংবা পোকহল্লি। হৌজিক মসি জম্মু অমসুং কাস্মিরদা মফম অদুগী নাত মীয়াম্না পামহন্নবদা শীজিন্নরে।

অনন্তনাগতগী ফিরদৌসা বসির কেল্লিগ্রাফি য়াম্না হৈ, মহাক্না মসিগী খুৎথাংদা মফম অদুগী নাতকা মরী লৈনবা কয়া ফগৎহনখি। ফিরদৌসা জিগী কেল্লিগ্রাফি অসি মফম অদুগী নহারোলশিং য়াওনা মীওই কয়াগী পুক্নিং চিংশিনখি। মসিগা চপ মান্নবা মওংদা উধামপুরগী গোরিনাথ জিনা থবক পাংথোক্লে। মহাক্না চহিচা অমা হেল্লবা সারঙ্গি অমা খোঙলগা দোগ্রা কলচর অমসুং হেরিতেচ ঙাক-শেনগী থবকশিং পায়খৎলি। সারঙ্গিগী সুরগা লোয়ননা, মহাক্না মখোয়গী নাতকা মরী লৈনবা পুৱারিগী থৌদোকশিং অমসুং অরিবা ৱারিশিং লিখি। লৈবাক অসিগী তোঙান-তোঙানবা মফমশিংদা নাত অমসুং চৎনবীশিং ঙাক্নবা তোপ-তোপ্পা থবকশিং পাংথোকপা মীওই কয়া অদোম থেংনগনি। চহি ৫০ রোম চেরিয়াল ফোক আর্ত মমিং চৎনবা দি ভাইকুন্থাম্না হোৎনদুনা লাক্লি। মহাক্কী থবকশিংনা তেলঙ্গানাগা মরী লৈনবা কলা অসি য়োকখৎলি। চেরিয়াল পেন্তিংগী থবক অসি অঙকপনি। মসি মকোল অমগী মওংদা লৈরি অমসুং ৱারি কয়া লিরি। মসিদগী ঐখোয়না ঐখোয়গী পুৱারিগী মপুংফাবা শক্তম অমা উবা ফংলে। ছতিসগরগী নরায়ানপুরদগী বুতলুরাম মথ্রা জিনা অবুঝমাদিয়া ত্রাইবকী ফোক আর্ত ঙাক-শেন্নবা থবক তৌরি। মহাক্না থবক অসি চহি ৪০ হেন্না পাংথোক্তুনা লাক্লি। ‘বেতি বচাউ-বেতি পরাউ’ অমসুং ‘শ্বাছ ভারত’ গুম্বা অভিয়ানশিংদা মহাক্কী কলা অসিনা মীয়ামগা শম্নহল্লে।

মরুপশিং,

কাস্মরি তম্পাক্তগী হৌরগা ছতিসগরগী উমংশিং ফাওবদা কমদৌনা ঐখোয়গী কলা অমসুং নাতনা থবক কয়া পাংথোক্লিবগে হায়বা ঐখোয় ৱারি শান্নরি। হায়রিবা ঐখোয়গী কলাশিং অসিগী লৈনম পাক-শন্না শন্দোক্লে। মালেমগী তোঙান-তোঙানবা লৈবাকশিংগী মীয়াম ভারতকী কলা অমসুং নাত-চৎনবীশিংদা অঙকপা ফাওনরে। উধামপুরদা সারঙ্গি মখোলগী মতাংদা ঐনা অদোমদা ৱারি শাবগা লোয়ননা, রুসিয়াগী সহর য়াকুতসতা মাইল লিশিং কয়া লাপ্না কমদৌনা ভারতকী ফজরবা কলাগী শুর খোন্থাং য়ৈবগে হায়বা ঐ নিংশিংলি। নিংথম থাগী নোংম নত্ত্রগা নুমিৎ নিনি, মাইনস ৬৫ দিগ্রি, মফম খুদিংদা উন মপাক-মপাক অমসুং মফম অদুদা থিয়েতর অমা লৈ, ভাবকশিংনা কালিদাসকী ‘অভিজ্ঞান শকুন্তলম’ য়েংখি। মালেমদা খ্বাইদগী ইংবা মফম ওইরিবা য়াকুতসতা ভারতকী সাহিত্যগী ফজবা অদু অদোম ৱাখলদা শাগৎপা ঙম্বরা। মসি ভাবনা শাগৎপা নত্তে, মসি অশেংবনি- মসিনা ঐখোয় খুদিংমক চাউথোকচবা অমসুং হরাওবনা পীক থনহল্লে।

মরুপশিং,

নুমিৎ খরগী মমাঙদা ঐ লাওসতা চৎলুরে। মদু নবরাত্রি মনুংদনি অমসুং ঐনা অঙকপা খর উখি। লমদম অদুগী কলাকারশিংনা “ফালক ফালম”-লাওস রমায়ন উৎখি। ঐখোয়গী রমায়ন্দা উরিবা অদুগা চপ মান্নবা মখোয়গী মাইথোংশিংদা উখি, মখোয়গী খোঞ্জেলদা চপ মান্নবা কৎথোকপা উবা ফংখি। কুৱেত্তা শ্রী অবদুল্লাহ অল-বরুন্না রমায়ন অমসুং মহাভারত অরাবিক্তা হন্দোক্লে। মসি শুপ্নগী হন্দোকপা খক নত্তে, মসি অনৌবা কলচর অনিগী মরক্তা থোং অমনি। অতোপ্পা খুদম অমনা, পেরুগী ইরলিন্দা গারসিয়ানি। ইরলিন্দা গারসিয়ানা মফম অদুগী নহারোলশিংদা ভারতনত্যম তম্বীখি অমসুং মারিয়া বালদেসনা ওরিসি জগোয় তম্বীখি। খা অমেরিকাগী লৈবাক কয়াদা ভারতকী ক্লাসিকেল দান্স পাম্নবগী  ইহৌ অমা লৈরে।

মরুপশিং,

মসি মপান লৈবাকশিংদা ভারতকী নাত অমসুং চৎনবীগী শক্তি কয়া য়াম্না কনবগে হায়বগী খুদমশিংনি। মসিনা মালেম মশামক মখা তানা পুক্নিং চিংশিল্লে।

“কলা লৈবা মফম খুদিংমক্তা, ভারত লৈগনি”

নাত লৈবা মফম খুদিংমক্তা, ভারত লৈগনি”

ঙসিদি মালেম শীনবা থুংবগী মীয়াম্না ভারত অমসুং লৈবাক অসিগী মীয়ামগী মরমদা খঙবা পাম্লে। অসিগুম্বা কলচরগী থবকশিং য়োকখৎনবা অদোম্না হায়রিবা থবকশিং অদু #CulturalBridges দা সিয়ার তৌগদবনি। অসিগুম্বা খুদম কয়া তুংদা মন কি বাত্তা ঐখোয় খন্নগনি।

ঐগী নুংশিরবা ইরৈচাশিং,

নিংথম থা লাকপগা লোয়ননা, লৈবাক অসিগী অয়াম্বা শরুক, হকচাং ফনা লৈবা পামজবা, ফিত ইন্দিয়াগী থৌনা অসি নোং-চিংগী ফিবম্না অকায়বা পীবা ঙমদে। হকচাং ফনা লৈবা পামজবা মীওইশিংগী ওইনা নিংথম থা, কালেন নত্ত্রগা নোংজু থা নাচুংবীদে। হৌজিক ভারতকী মীয়াম হকচাং ফনা লৈনবা ৱাখল তারকপদা ঐ হরাওই। পার্কশিংদা মীওই মশিং হেনগৎলকপা অদোম উরম্লগনি। অহলশিং, নহারোলশিং অমসুং ইমুং-মনুং কয়া পার্কশিংদা য়োগ শান্নবা উবদা ঐ হরাওই। য়োগ নুমিত্তা ঐ শ্রীনগরদা লৈবা মতমদাআ, নোং চুরবশু, য়োগগীদমক মীওই কয়া তিনখিবা অদু ঐ নিংশিংলি। নুমিৎ খরগী মমাঙদা শ্রীনগরদা পাংথোকপা মরাথোন শরুক য়াদুনা হকচাং ফনা লৈনবা থৱায় য়াওখিবা অদু ঐ খঙলে। মসি ফিত ইন্দিয়াগী থৌনানি অমসুং মসি হৌজিক মীয়ামগী ইহৌ অমা ওইরে।

মরুপশিং,

অঙাংশিং হকচাং ফনা লৈনবা ঐখোয়গী স্কুলশিং হৌজিক পুক্নিং চঙবা উবদা ঐ হরাওই। ফিত ইন্দিয়া স্কুল অৱার্স অসি অঙকপা থবক অমনি। স্কুলশিং মখোয়গী অহানবা পেরদ তোঙান-তোঙানবা হকচাং ফনবা থবকশিংদা শীজিন্নরে। স্কুল কয়া নোংমনা য়োগ শান্নরে, নোংমনা এরোবিক্স, নোংমনা অতোপ্পা অমা, মমাঙঙৈগী গেমশিং হায়বদি খো-খো অমসুং কবাদ্দি শান্নরে অমসুং মসি অঙকপা অমনি। অঙাংশিং স্কুল কাবা হেনগৎলক্লে, অঙাংশিং পুক্নিং চঙবা হেনগৎলক্লে অমসুং অঙাংশিং মসিদা নুংঙাইবা ফংলে।

মরুপশিং,

নুংঙাইবগী শক্তি অসি মফম খুদিংমক্তা ঐনা ফাওরে। মন কি বাত তারিবা মীওই কয়া মখোয়না খঙজবা কয়া শরুক য়াখি। মীওই খরনা অঙকপা থবক কয়া পাংথোক্লি। খুদম ওইনা, ফেমিলি ফিতনেস অৱার্স, হায়বদি চয়োল অমগী অরোইবা নুমিত্তা ইমুং অমনা হকচাং ফনা লৈনবা পুং অমা কাইথোকপা হায়বনি। অতোপ্পা খুদম অমনা,  অরিবা গেমশিং অমুক হিঙ্গৎনবা হোৎনবনি, হায়বদি ইমুং খরনা মখোয়গী অঙাংশিংদা অরিবা গেমশিং তাকপী-তম্বীরি। হকচাং ফনা লৈনবা অদোম্না নোংমদা পাংথোক্লিবা থবকশিংগী মতাংদা অদোম্না #fitindia শীজিন্নদুনা সোসিএল মেদিয়াদা থাগৎলু। লৈবাক অসিগী মীয়ামদা মরুওইবা পাউ অমা ঐনা পীবা পাম্মী। চহি অসিগী ওক্তোবর ৩১ দা সারদার পতেলগী মপোক নুমিৎ অমসুং দিপাৱালি কুহ্মৈ থোক্লে।

চহি খুদিংগী ঐখোয়না ওক্তোবর ৩১ দা নেসেনেল য়ুনিতি দে পাংথোক্লি অমসুং ঐখোয়না রন ফোর য়ুনিতি পাংথোক্লি। ঐখোয় মসি পাংথোকসি। দিপাৱালিনা মরম ওইদুনা, রন ফোর য়ুনিতি ওক্তোবর ২৯ (লৈবাকপোকপা) দা পাংথোক্কনি। মসিদা মশিং য়াম্না শরুক য়ানবা ঐনা তকশিল্লি।

ঐগী নুংশিরবা ইরৈচাশিং,

মন কি বাত মসিদা লোইজরে। অদোমগী ৱাখল্লোনশিং ফোঙদোকপীয়ু। হৌজিক কুহ্মৈশিংগী মতমনি। ধান্তেরাস, দিৱালি, ছাথ পুজা, গুরু নানক জয়েন্তি অমসুং কুহ্মৈ খুদিংমক্কী মন কি বাত তারিবশিংদা য়াইফ-পাউজেল পীজরি। হরাও-তয়াম্না, ইরমদমগী পোৎথোক লৈনবা লাইৱা নিংশিংদুনা অদোম কুহ্মৈশিং পাংথোক্লসি, কুহ্মৈ মনুংদা লমদম অসিগী দুকানফম্বশিংদগী লৈবা পোৎথোকশিং অদোমগী য়ুমশিংদা পুরক্নবা হোৎনৌ। লাক্লিবা কুহ্মৈশিংগীদমক অমুক হন্না ঐনা মীয়ামদা য়াইফ-পাউজেল পীজরি। অদোম থাগৎচরি।

ঐগী নুংশিরবা ইরৈচাশিং, খুরুমজরি।

ঐখোয় অমুক হন্না মন কি বাত্তা উনরে। ঙসিগী তাঙ্কক অসি ঐগী ওইনা পুক্নিং য়াম্না নুংশিবা অমনি। তাঙ্কক অসিদা  হৌখ্রবা থৌদোক কয়ানা ঐঙোন্দা পীক থল্লে। মসিগী মরমদি ঐখোয়গী মন কি বাতকী খোঙচৎ চহি ১০ মপুংফারে। চহি ১০গী মমাঙদা ওক্তোবর ৩আ বিজয়াদস্মী নুমিত্তা মন কি বাত হৌখি। অঙকপা চপ মান্নবা থৌদোক অমা ওইনা, চহি অসিগী ওক্তোবর ৩ দা মন কি বাত চহি ১০ মপুংফারে। নুমিৎ অসি নবরাত্রিগী অহানবা নুমিৎনি। মন কি বাতকী শাংলবা খোঙচৎ অসিদা ঐনা তাঙ্কক কয়া কাউবা ঙমদ্রে। মন কি বাত তারিবা মীওই করোর কয়া খোঙচৎ অসিদা ঐখোয়গী খোঙলোয়শিংনি, মখোয়না মখা তানা ঐ শৌগৎলি। মখোয়না লৈবাক অসিগী মফম কয়াদগী ই-পাউ পীরকখি।

মন কি বাত তারিবশিং থৌরম অসিগী অশেংবা মপুশিংনি। মশালা থাক্ত্রবা নত্ত্রগা নাতৈ চাদবা ৱাফমশিং য়াওদ্রিবমখৈ থৌরম অদু পাম্নদে হায়না মীয়াম্না থাজনবা অমা লৈরি। লৈবাক অসিগী মীয়াম্না অফবা পাউ কয়া য়াম্না খৌরাংনা ঙাইরিবগে হায়বা মন কি বাতনা খুদম ওইরে। মীয়াম্না নুংঙাইবা ৱারিশিং, পুক্নিং থৌগৎপা খুদমশিং অমসুং ইথিল পীবা ৱারিশিং য়াম্না পাম্মী। নোংগী ঈশিং খক্তা থকপা চাকোর কৌবা উচেক অমা লৈ। মন কি বাত্তা ঐখোয়না চাকোর উচেকগুম্বা উরে, লৈবাক অসিগী মাইপাকপশিং, মীয়ামগী অপুনবা মাইপাকপশিং চাউথোকচবগা লোয়ননা মীয়াম্না তারি। মন কি বাতকী চহি ১০গী খোঙচৎ অসিদা মখল কয়াগী লৈশিংগী লৈপরেং অমা লেংলে, তাঙ্কক খুদিংমক অনৌবা যুগশিংনি, অনৌবা রেকোর্দশিংনি; অনৌবা মীওইশিং শরুক য়াহল্লে। ঐখোয়গী খুন্নাইদা পাংথোক্লিবা থবক খুদিংমক অপুনবা ৱাখল্লোন অমগা লোয়ননা, থবক অদু মন কি বাত্তা ইকায়খুম্নবা উৎলে। মন কি বাত্তা থারকপা চিথিশিং ঐনা পাবা মতমদা ঐগী থম্মোয় চাউথোকচখি।

ঐখোয়গী লৈবাক্কী হৈথোই-শিংথোইরবা মীওই কয়া লৈরি… লৈবাক অসিগী অমসুং খুন্নাইগী থবক তৌনবা মখোয়দা পামজবা অসুক্কি মতিক লৈরি। ওইজবা থিদনা মীয়ামগী থবক তৌনবা মখোয়গী পুন্সি চুপ্পা মখোয়না কৎথোক্লি। মখোয়গী মরমদা খঙলকপদা ঐখোয়না থৌনা হেনগৎলকখি। ঐগী ওইনা মন কি বাতকী থৌরম অসি ঈশ্বর খুরুম্নবা মন্দিরদা চৎপগুম্বনি। ঐনা পোৎ খুদিংমক, থৌদোক খুদিংমক অমসুং মন কি বাত্তা মরী লৈনবা চিথি খুদিংমক নিংশিংবা মতমদা, ঐঙোন্দা ঈশ্বরগুম্লবা মীয়াম, জনতা জনারদন দর্শন তৌবনি হায়না করিগুম্বা মতমদা ঐনা খল্লি।

মরুপশিং,

ঙসি ঐনা দুরদর্শন, প্রাসার ভারতি অমসুং ওল ইন্দিয়া রেদিওগা মরী লৈনবা মীওই খুদিংমক থাগৎপা ফোঙদোকচরি। মখোয়না চোকথবা লৈতনা হোৎনবদগী, মন কি বাত মসিগী খুমাঙচাউশিনবা অসি য়ৌরকপনি। থৌরম অসি লেপ্তনা শন্দোক্লিবা তোঙান-তোঙানবা তি.ভি চেন্নেলশিং, রিজনেল তি.ভি চেন্নেলশিং ঐনা থাগৎপা ফোঙদোকচরি। মন কি বাতকী খুৎথাংদা ঐখোয়না পুখৎলকপা ৱাফম কয়াদা মেদিয়া হাওস কয়ানা কেম্পেনশিং পাংথোক্লি। থৌরম অসি য়ুমথোং খুদিংদা য়ৌহনবগীদমক ঐনা প্রিন্ত মেদিয়াশু থাগৎপা ফোঙদোকচরি। মন কি বাতকী মতাংদা থৌরম কয়া পুথোক্লিবা য়ুতুবরশিংশু ঐনা থাগৎচরি। থৌরম অসি মপান লৈবাকশিংগী লোল ১২গী মথক্তা লৈবাক অসিগী লোল ২২ দা তাবা ফংগনি। মখোয়গী লমগী লোলদা মন কি বাত তাবা ফংলে হায়না মীয়াম্না ঙাংনবা তাবদা ঐ য়াম্না হরাওই। মন কি বাত থৌরমদা য়ুম্ফম ওইবা কুইজ চাংদম্নবা অমা পাংথোক্লি হায়বা অদোম্না খঙলমগনি, মসিদা মীওই অমনা হেক্তা শরুক য়াবা য়াগনি। MyGov.in দা চঙলগা শরুক য়াবা য়াগনি অমসুং মনা কয়াশু ফংগনি। ঙসি, মরুওইবা তাঞ্জা  অসিদা, ঐনা অমুক হন্না অদোমগী থৌজাল নিজরি-থম্মোয় শেংনা অমসুং কৎথোকপগা লোয়ননা- ভারতকী মীয়ামগী মতিক মগুনগী  ঈশৈ ঐনা মখা তানা শকপা য়াগদরা… লৈবাক অসিগী অপুনবা থৌনা ঐনা মখা তানা হরাওবা ফোঙদোকপা য়াগদরা… মসি ঐনা ঈশ্বরদা থৌনিজবনি, মসি ঐনা মীয়ামদা হায়জবনি।

ঐগী নুংশিরবা ইরৈচাশিং,

হৌখিবা চয়োল খরগী মমাঙদগী লৈবাক অসিগী তোঙান-তোঙানবা মফমশিংদা অকনবা নোং চুরক্লি। ঈশিং তুংশিনবা অসি কয়া য়াম্না মরুওইবগে হায়বা হন্দক্কী নোংজু থা অসিনা ঐখোয়না নিংশিংহল্লে।

নোং চুরিঙৈ নুমিৎশিংদা ঈশিং লোকশিনহৌবা অসিনা ঈশিং তাংলকপা থাশিংদা চাউনা মতেং পাংই অমসুং মরম অদুনা ‘নোংগী ঈশিং তুংশিনশি’ হায়বা খোঙজংশিং পায়খৎলিবনি। ঈশিং তুংশিন্নবা মীওই কয়ানা অনৌবা থবক কয়া পায়খৎলকপদা ঐ হরাওই। অসিগুম্বা অনৌবা থবক অমা উত্তর প্রদেসকী ঝান্সিদা উবা ফংলে।

বুন্দেলখন্দগী ঝান্সি অসি ঈশিং য়াম্না তাংনা ফংবগীদমক অদোম্না খঙলিবদুনি। ঝান্সিদা, নুপী খরনা গুরারি তুরেলদা অনৌবা মপোক অমা পীরে। নুপীশিং অসি সেল্ফ হেল্প গ্রুপশিংদা থবক তৌবনি অমসুং মখোয় মশামক ‘জল সাহেলি’ ওইদুনা খোঙজং অসি লুচিংখি। নুপীশিং অসিনা শিরবা তুরেল গুরারি কনগনি হায়বা কনাগুম্বা মীওই অমতা খনখিদে। জল সাহেলিশিং অসিনা বোরাশিংদা লৈঙোই হাঞ্জিন্দুনা চেক দাম অমা শেমগৎখি অমসুং মাংখিগদৌরিবা নোংগী ঈশিং থিংখি অমসুং তুরেল অদু অরুবা ঈশিংনা পীক থনখি। ঈশিং তুংশিন্দুনা থম্নবা মফম চা কয়া শেমগৎপা অমসুং অমসুং মখোয় অমুক হন্না হিঙ্গৎহনবদা হায়রিবা নুপীশিং অসিনা থৱায় য়াওনা শরুক য়াখি। মসিনা মফম অসিগী মীয়ামগী ঈশিংগী অৱাবা কোকহনবা খক নত্তনা, মখোয়গী মাইথোংদা অমুক হন্না হরাওবগী মমি তারে।

মরুপশিং,

মফম খরদা নুপীশিংগী থৌনানা ঈশিং ফংবা হেনগৎহল্লে অমসুং মফম খরদা ঈশিংগী শক্তিনা নুপীশিংগী থৌনা হেনগৎহল্লে। মধ্য প্রদেসকী পুক্নিং থৌগৎনিঙাই ওইবা ৱারি অনি ঐ তারে। দিন্দোরিগী রাইপুরা খুঙ্গংদা, অচৌবা পুখ্রি অমা তৌবদগী লৈনুংগী ঈশিংগী অঙকপা ফংনা হেনগৎহল্লে। খুঙ্গং অসিগী নুপীশিং মসিগী কান্নবা ফংলে। ‘সারাদা অজিবিকা সেল্ফ হেল্প গ্রুপ’কী নুপীশিং ঙা য়োকপগী অনৌবা শীনফম অমা পায়রে। নুপীশিং অসিনা ঙাগী দুকান অমা হাংদোকপগী ঙা য়োনবদগী মখোয়গী শেন্থোকশু হেনগৎলে । মধ্য প্রদেসকী ছাতারপুরগী নুপীশিংগী থবকশিং অসিশু থাগৎনিঙাইনি। খোম্প খুঙ্গংগী অচৌবা পুখ্রি অমা কংবা হৌরকপদা, নুপীশিংনা পুখ্রি অদু অমুক হন্না শেমজিনখি। হরি বাগিয়া সেল্ফ হেল্প গ্রুপকী নুপীশিংনা পুখ্রি অদুদগী য়াম্লবা লৈখোম-লৈনাং লৌথোকখি… পুখ্রিদগী লৌখৎলকপা লৈনাং অদু লমহাংদা হৈকোল অমা শেমগৎনবা মখোয়না শীজিন্নখি।

নুপীশিং অসিনা কন্না হোৎনবদগী, পুখ্রি অসি ঈশিংনা পীক থনবা খক নত্তনা, মহৈ-মরোংগী পোৎথোকশু হেনগৎলে। লৈবাক্কী খুদিংমক্তা অসিগুম্বা ঈশিং য়োকশিনবগী থবক অসি পায়খৎলবদি ঈশিংগী অৱাবা কোকহনবদা মতেং পাংগনি। অদোমগী অকোয়বদা অসিগুম্বা থবকশিং পাংথোকপা মতমদা অদোমশু শরুক য়াগনি হায়বগী থাজবা ঐনা থম্লি।

ঐগী নুংশিরবা ইরৈচাশিং,

উত্তরখন্দগী উত্তরকাসিদা ‘ঝালা’ কৌবা ঙমখৈগী খুঙ্গং অমা লৈ। মখোয়গী খুঙ্গং লু-নান্না থম্নবা মফম অদুগী নহারোলশিংনা অখন্নবা থবক অমা হৌদোক্লে। মখোয়গী খুঙ্গংদা নহারোলশিং অদুনা ‘ধন্যবাদ প্রকৃতি’ নত্ত্রগা ‘থাগৎচরি মহৌশা’ কৌবা খোঙজং অমা পাংথোক্লি। থৌরম অসিগী শরুক অমা ওইনা, নুমিৎ খুদিংগী পুং ২ খুঙ্গং অসি শেংদোকই। খুঙ্গংগী লম্বীদগী অমোৎপশিং খোমজিল্লি অমসুং খুঙ্গংগী ৱাংমদা অকক্নবা মফম অমদা অমোৎপশিং থমখি। থবক অসিনা মরম ওইদুনা, ঝালা খুঙ্গং লু-নানলে অমসুং মীয়ামশু ৱাখল তারে। খন্দুনা য়েংউ, করিগুম্বা খুঙ্গং খুদিংমক, লম্বী খুদিংমক, অদোমগী লৈকায় খুদিংমক্তা ‘থাগৎচরি মহৌশা’গা মান্নবা খোঙজং অমা হৌদোক্লবদি, কয়া য়াম্না অওনবা পুরকপা ঙমগনি।

মরুপশিং,

পুদুচেরিগী সমুদ্র খোঙবালদা লু-নানবগী অকনবা খোঙজং অমা পায়খৎলে। মফম অদুদা, রাময়া জি কৌবী নুপী অমনা মাহে ম্যুনিসিপালিতি অমসুং মসিগা নক্নবা মফমশিংগী নহারোলশিং লুচিংলি। কাংবু অসিগী মীওইশিংনা মাহে অমসুং মসিগা নক্নবা সমুদ্র মপানগী শরুকশিং শেংদোকখি।

মরুপশিং,

ঐনা মফম অসিদা থবক অনি খক খন্নরি। করিগুম্বা ঐখোয়না কোইনা য়েংলবদি, মসিগা মান্নবা লু-নানবগ মরী লৈনবা থবকশিং ঐখোয়না লৈবাক অসিগী মফম খুদিংমক্তা উবা ফংগনি। নুমিৎ খরগী মতুংদা, ওক্তর ২ দা, শ্বাছ ভারত মিসন চহি ১০ মপুংফারগনি। মসি ভারতকী পুৱারিদা মিসন অসি অচৌবা ইহৌ অমা ওইহনখিবা মীওইশিং থাগৎনবা নুমিৎ অমনি। লু-নানবগীদমক মহাক্কী পুন্সি কৎথোকখিবা মহাত্মা গান্ধী ইকায়খুম্নবা উৎনবা নুমিৎ অমনি।

মরুপশিং,

ঙসি শ্বাছ ভারত মিসন মাইপাকপগা লোয়ননা অমোৎপদগী শেন ওন্থোক্নবা লাইৱা অসি মীয়াম মরক্তা য়াম্না পাম্নরে। মখোয়গী খুদমশিং পীবগা লোয়ননা, মীয়াম্না রিদক্স, রিয়ুজ অমসুং রিসাইকলগী মরমদা ঙাংনবা হৌরে। কেরলাগী কোজিকোদতা পাংথোকপা অঙকপা থবক অমগী মরমদা ঐ খঙলে। মফম অদুদা, চহি ৭৪ শুরবা সুব্রমনিয়ান জিনা চৌক্রি লিশিং ২৩ হেন্না অমুক হন্না শেমজিনখি অমসুং মসিনা চৌক্রিশিং অদু অমুক হন্না শীজিন্নবা য়াহল্লে। মীয়াম্না মহাক রিদক্স, রিয়ুজ অমসুং রিসাইকল, হায়বদি আর.আর.আর(আর ৩) চেম্পিয়ন হায়না খঙনৈ। মহাক্কী অঙকপা থবকশিং অসি কোজিকোদ সিবিল স্তেসন, পি.দব্লিউ.দি অমসুং এল.আই.সি ওফিসশিংদা উবা ফংলে।

মরুপশিং,

হৌজিক পায়খৎলিবা লু-নানবগী খোঙজং অসিদা ঐখোয়না মীওই কয়া শরুক য়াহনগদবনি। মসি নোংম খক্তগী নত্ত্রগা চহি অমগী খোঙজং নত্তে; মসি চহি কয়া লেপ্তনা চৎথগদবা খোঙজং অমনি। মসি লু-নানবা হায়বসি ঐখোয়গী হৈনবী অমা ওইদ্রি ফাওবা  পাংথোক্কবা থবক্নি। অদোমগী ইমুং-মনুং, মরুপশিং, য়ুম্লোন্নবশিংগা লোয়ননা লু-নানবগী খোঙজং অসি শরুক য়ানবা ঐনা অদোমগী মফমদা হায়জরি। শ্বাছ ভারত মিসন মাইপাকপগীদমক ঐনা অমুক হন্না অদোম থাগৎপা ফোঙদোকচরি।

ঐগী নুংশিরবা ইরৈচাশিং,

ঐখোয়গী ইপা-ইপুশিংনা থম্বীরম্বা নাতকী অরিবা পোৎলমশিং অমসুং চৎনবীশিংগীদমক ঐখোয়না চাউথোকচরি। ঐনা মতম পুম্নমক্তা চাউখৎ-থৌরাং অমসুং হেরিতেচগী মরমদা হায়রি। মরম অদুনা হন্দক ঐনা য়ু.এস.এদা চৎলুবগী ৱাফম অমগী মতাংদা ঐনা মেসেজ কয়া ফংলে। অমুক হন্না, ঐখোয়গী অরিবা কলাগী পোৎলমশিং অমুক পুরকপগী মতাংদা ৱাফম কয়া খন্নরে। মসিগী মতাংদা অদোমগী ৱাখল্লোনশিং ঐ খঙলে অমসুং মসিগী মরমদা মন কি বাত তারিবশিংদা ৱাফম খর হায়বা ঐ পাম্মী।

মরুপশিং,

ঐগী য়ু.এস খোঙচৎ মনুংদা, য়ু.এস সরকারনা চাউরাক্না অরিবা কলাগী পোৎলম ৩০০ রোম ভারত্তা অমুক হন্না পীরক্লে। য়ু.এসগী রাস্ত্রপতি বাইদেন্না দিলৱায়রদা লৈবা মহাক্কী লনাই য়ুমদা হায়রিবা অরিবা পোৎলমশিংগী মনুংদা খর ঐঙোন্দা উৎখি। অমুক পুরক্লবা কলাগী পোৎলমশিং অদু তেরাকোত্তা, নুঙ, শামু ময়া, উ, কোরি অমসুং শেঞ্জেংনা শাবনি। ১৯শুবা চহিচাগী য়াওনা চহি ৪০০ মমাঙগী কলাগী পোৎলমশিং য়ু.এসনা পীরক্লে।

অমুক পীরক্লবা পোৎলমশিংগী মনুংদা ভেজশিং, লাইরেম্বা অমসুং লাইরেম্বীশিংগী তেরাকোত্তা প্লেগশিং, জেন তির্থানকারাসশিং, ভাগবান বুদ্ধা অমসুং ভাগবান শ্রী কৃষ্ণগী মীতমশিং য়াওরি। অমুক হন্না পুরক্লবা কলাগী পোৎলমশিং অদুগী মনুংদা তোঙান-তোঙানবা শাশিংগী মীতমশিং য়াওরি। জম্মু অমসুং কাস্মিরদগী, নুপা অমসুং নুপীগী শক্তমশিংগী তেরাকোত্তা তাইলশিং য়াম্না ফজৈ। পোৎলমশিং অসিগী মনুংদা খা ভারত্তগী ভাগবান গনেসকী শেঞ্জেংগী মীতমশিং য়াওরি। কলাগী পোৎলমশিংগী মনুংদা ভাগবান বিষ্ণুগী শক্তমশিং য়াওরি। মখোয় অয়াম্বা অৱাং ভারত অমসুং খা ভারত্তগী ঙাক্তনি।

হায়রিবা আর্তিফেক্তশিং অসি উবদা, ঐখোয়গী ইপা-ইপুশিংনা কয়া য়াম্না কুপ্না হোৎনরম্বগে হায়বা কনাগুম্বনা খঙবা ঙমগনি। মখোয়না কলা মমুৎ তানা খঙখি। নারোন্দা অমসুং আইন্না য়াদবা অতোপ্পা পাম্বৈশিংগী খুৎথাংদা হায়রিবা কলাগী পোৎলমশিং অসি লৈবাক অসিদগী পুখিবনি-মসি অচৌবা ক্রাইম অমনি… মওং অমদা মসিনা ঐখোয়গী হেরিতেচ মাঙহল্লে, হৌখিবা চহি ১০ অসিদা, অসিগুম্বা কলাগী পোৎলম কয়া অমসুং ঐখোয়গী হেরিতেচগী অরিবা পোৎলম কয়া লৈবাক অসিদা অমুক হন্না পুরকপদা ঐ য়াম্না হরাওই। ঙসি, ভারতনা হিরম অসিদা লৈবাক কয়াগা ৱারি শান্নরি। ঐখোয়না ঐখোয়গী হেরিতেচগী চাউথোকচবা মতমদা, মালেমনশু মসি ইকায়খুম্নৈ অমসুং মসিগী ফল ওইনা ঐখোয়গী লৈবাক্তগী পুখিবা অসিগুম্বা কলাগী পোৎলমশিং ঙসিদি মালেমগী লৈবাকশিংনা ঐখোয়দা অমুক হন্না পীরক্লে।

ঐগী নুংশিরবা মরুপশিং,

অঙাং অমনা করম্বা লোল য়াম্না লাইনা অমসুং য়াংনা খঙবা ঙম্বগে হায়না করিগুম্বা ঐনা অদোমদা হংলবদি, অদোমগী পাউখুম অদু ‘মমালোল’ ওইগনি। ঐখোয়গী লৈবাক্তা লোল লিশিং ২২ ঙাংনরি অমসুং লোল অমমম অসি কনাগুম্বা অমগী নত্ত্রগা অতোপ্পা অমগী মমালোল অমা শোইদনা ওইগনি। মীওই য়াম্না ঙাংনবদা লোল খরশু লৈরি, হায়রিবা লোলশিং অদু ঙাক-শেন্নবা ঙসি তোপ-তোপ্পা থবকশিং পায়খৎলে হায়বা খঙবদা অদোম হরাওগনি। অসিগুম্বা লোল অমদি ঐখোয়গী ‘শন্থালি’ লোল অসিনি। দিজিতেলগী অনৌবা থবকশিংগা লোয়ননা শন্থালিগী অনৌবা মশক অমা তাক্নবা খোঙজং অমা হৌরে। শন্থালি লোল অসি ঐখোয়গী লৈবাক্কী রাজ্য কয়াদা লৈরিবা শন্থাল ত্রাইবশিংনা ঙাংনবা লোল অমনি।

ভারতকী মথক্তা, শন্থালি লোল ঙাংবা ত্রাইবশিং হৌজিক বাংলাদেস, নেপাল অমসুং ভুতান্দা লৈরি। শন্থালি লোলগী ওনলাইনগী মশক অমা তাক্নবা উরিসাগী ময়ুরভঞ্জদা লৈবা শ্রীমান রামজিত তুদুনা খোঙজং অমা চৎথরি। শন্থালি লোলগা মরী লৈনবা সাহিত্য শন্থালি লোলদা পাবা অমসুং ইবা ঙম্নবা রামজিত জিনা দিজিতেল প্লেতফোর্ম অমা শেমগৎলে। চহি খরগী মমাঙদা রামজিত জিনা মোবাইল ফোন শীজিন্নবা হৌরকপদা, মহাক্কী মমালোলদা মেসেজ থাবা য়াদে হায়বা মহাক খঙখি। তুংদা মহাক্না শন্থালি লোলগী ময়েক ‘ওল চিকি’ তাইপ তৌবা য়ানবা থবকশিং পায়খৎপা হৌখি। মহাক্কী মরুপ খরগী মতেংগা লোয়ননা, মহাক্না ‘ওল চিকি’ তাইপ তৌনবা তেক্নিক পুথোকখি। ঙসিদি, মহাক্কী থবকশিংদগী, শন্থালি লোলদা ইবা আর্তিকল কয়া মীওই মিল্লিয়ন কয়াদা য়ৌরে।

মরুপশিং,  

ঐখোয়গী অপুনবা ৱারেপ অমসুং অপুনবা থবকশিং পুনশিনবা মতমদা, মসিনা খুন্নাই শীনবা থুংনা অঙকপা ফলশিং পুরক্কনি। মসিগী ময়েক লারবা খুদমদি ‘এক পের মা কে নাম’ অসিনা ওইগনি- মসি অঙকপা কেম্পেন অমনি; মীয়াম্না শরুক য়াবগী অসিগুম্বা খুদম অসি তশেংনা পুক্নিং থৌগৎনিঙাই ওই। লৈবাক অসিগী মফম কয়াদা মীয়াম্না খোঙজং অসি শরুক য়ারে অমসুং মহৌশাগী অকোয়বগী ফিবম ঙাক-শেনবগী থবক পায়খৎপা হৌরে। পান্দম থমখিবদগী মশিং হেন্না উ পাম্বীশিং থাদুনা উত্তর প্রদেস, গুজরাত, মধ্য প্রদেস, রাজস্থান অমসুং তেলঙ্গানানা অনৌবা রেকোর্দশিং থম্লে। খোঙজং অসিগী মখাদা, উত্তর প্রদেসতা উ চারা করোর ২৬ হেন্না থারে। গুজরাতকী মীয়াম্না উ চারা করোর ১৫ হেন্না থাখ্রে। ওগস্ত থা খক্তদা রাজস্থান্দা উ চারা করোর ৬ হেন্না থাখ্রে। লৈবাক অসিগী স্কুল লিশিং কয়া খোঙজং অসি থৱায় য়াওনা শরুক য়ারি।

মরুপশিং,

উ থাবগী খোঙজংগা মরী লৈনবা খুদম কয়া ঐখোয়গী লৈবাক অসিদা উবা ফংলে। অসিগুম্বা খুদম অমদি তেলঙ্গানাগী কে.এন রাজাসেখর জিনি।  উ থানবা মহাক্না পাংথোক্লিবা থবক অসিনা ঐখোয় খুদিংমক অঙকপা ফাওহল্লে। চহি মরিগী মমাঙদা, মহাক্না উ থাবগী খোঙজং অমা হৌদোকখি। নুমিৎ খুদিংগী উ পাম্বী অমা শোইদনা থানবা মহাক্না ৱারেপ লৌখি।

অচেৎপা ৱাশক অমগুম মহাক্না খোঙজং অসি পাংথোকখি। মহাক্না উ চারা ১৫০০ হেন্না থাখ্রে। পনবা য়াবা অমনা, চহি অসিদা খুদোংথিবা অমা থেংনরবা মতুংদা, মহাক্না মহাক্কী ৱাশক ঙাকখি। অসিগুম্বা থবক অসি ঐনা থম্মোয় শেংনা থাগৎচরি। এক পের মা কে নাম খোঙজং অসি শরুক য়ানবা ঐনা অদোমগী মফমদা হায়জরি।

ঐগী নুংশিরবা মরুপশিং,

অদোম শোইদনা উরম্লগনি… খুদোংথিবা থেংনবা মতমদা অৱাবা খাঙবা ঙম্বা মীওই খর ঐখোয়গী ইরক্তা লৈরি, মখোয়না অৱাবা অদুদগী পারা তমখি। সুভাশ্রী অসি, অসিগুম্বা নুপীনি, মহাক্কী থবকশিংনা, অতাংবা লৈশিং অমসুং কান্নরবা পাম্বীশিংগী অঙকপা লৈকোল অমা শেমগৎখি। মহাক তামিল নাদুগী মদুরাইদগীনি। মহাক ওজাগী শীনফমদা লৈজরবশু, মহাক্না হিদাক ওইনা শীজিন্নবা য়াবা পাম্বীশিং য়াম্না পামজৈ। মহাক্কী মপা লিন অমনা চিকপদগী ১৯৮০গী মতমদগী মহাক্না হিদাক ওইনা শীজিন্নবা য়াবা পাম্বীশিং থিজিনবা হৌরকখি। মতম অদুদা, থায়নগী পাম্বীশিংনা মহাক্কী অপোকপা মপা ফগৎলকপদা মতেং পাংখি। থৌদোক অসিগী মতুংদগী, মহাক্না থায়নগী হিদাক-লাংথকশিং অমসুং পাম্বীশিং থিবা হৌরকখি। ঙসিদি, অতাংবা হিদাক ওইনা শীজিন্নবা পাম্বী ৫০০ হেন্না হৌরবা মহাক্কী অখন্নবা হার্বেল গার্দেন অমা মদুরাইগী ভেরিচিয়ুর খুঙ্গংদা লৈরে। পাম্বী অমমম থিনবা মহাক্না লম থাপ্না চৎতুনা অমসুং ই-পাউ খোমজিন্দুনা অমসুং অতোপ্পা মীওইশিংদা কয়ারক হংদুনা লৈকোল অসি শেমগৎনবা মহাক্না য়াম্না কন্না হোৎনখি। কোবিদ মনুংদা মহাক্না মীয়ামদা লায়নাদগী ঙাকথোকপা ঙম্বগী শক্তি হেনগৎনবা পাম্বীশিং ফংহনখি। হিদাক ওইনা শীজিন্নবা পাম্বীশিং অমসুং মখোয়গী শীজিন্নফমগী মতাংদা মীওইশিং খুদিংমক্তা মহাক্না খঙহনখি। চহি লিশিং কয়া ঐখোয়গী চৎনবীগী শরুক অমা ওইদুনা লাক্লবা ঐখোয়গী অরিবা চৎনবী অসি সুভাশ্রীনা মাঙলোমদা পুখৎলি। মহাক্কী লৈকোল অদুনা ঐখোয়গী হৌখ্রবা মতমগা তুংলমচৎকা শম্নহল্লে। মহাক্কীদমক ঐখোয়না য়াইফ-পাউজেল পীজরি।

মরুপশিং,

মতম হোংলকপগা লোয়ননা, থবক শুবগী মওংশু হোংলে অমসুং অনৌবা হিরমশিং থোক্লক্লে, হায়বসি গেমিং, এনিমেসন, রিল নম্বা, ফিল্ম নম্বা নত্ত্রগা পোস্তর য়েকপা অসিনচিংবা। হায়রিবা থবকশিং অসিদা অদোম্না ফজনা থবক তৌরবদি, অদোমগী হৈথোই-শিংথোইবা অদুগী অচৌবা মফম অমা ফংগনি, করিগুম্বা অদোম্না ব্রান্দ অমগী থবক তৌরবা নত্ত্রগা কম্মুনিতি রেদিও অমগী থবক তৌরবদি, মসিদা অদোমগীদমক য়াম্বা খুদোংচাবা অমা লৈরি।

অদোমগী হৈথোই-শিংথোইবা অমসুং অনৌবা থবক য়োকখৎনবা, ‘ক্রিয়েত ইন ইন্দিয়া’ থিমগী মখাদা ভারত সরকারগী ইনফোর্মেসন অমসুং ব্রোদকাস্তিং মিনিস্ত্রিনা চেলেঞ্জ ২৫ পাংথোকপা হৌরে। হায়রিবা নুংঙাইরবা চেলেঞ্জশিং অসি অদোম শোইদনা শরুক য়াগনি হায়না খল্লি। চেলেঞ্জ খরদি ঈশৈ, লাইরিক-লাইশু তম্বা অমসুং এন্তি-পাইরেসিদা মীৎয়েং থম্লে। মসিদা প্রোফেসনেল ওর্গনাইজেসন কয়া শরুক য়ারি অমসুং হায়রিবা চেলেঞ্জশিং অসিদা মতেং পাংলি। শরুক য়ানবগীদমক অদোম্না wavesindia.org দা চঙবীয়ু। লৈবাক অসিগী ক্রিয়েতরশিং শোইনা শরুক য়ানবা অমসুং মখোয়গী অনৌবা থবকশিং মীয়ামদা উৎনবা ঐনা হায়জরি।

ঐগী নুংশিরবা ইরৈচাশিং,

চৎলিবা থা অসিদা অতোপ্পা মরুওইবা অভিয়ান অমা চহি ১০ মপুংফারে। অভিয়ান অসি মাইপাকপদা লৈবাক অসিগী অচৌবা উদ্যোগশিং অমসুং অপীকপা দুকান মপুশিং ফাওবনা শরুক য়াখি। ঐনা মেক ইন ইন্দিয়াগী মরমদা হায়রি। ঙসি, অভিয়ান অসিগী কান্নবা কয়া লায়রবা, মিদল ক্লাস অমসুং এম.এস.এম.ইশিংনা ফংবা উবদা ঐ য়াম্না হরাওই। কাংলুপ খুদিংমক্কী মীওই মখোয়গী হৈথোই-শিংথোইবা উৎথোক্নবগী খুদোংচাবা অমা অভিয়ান অসিনা পীরে। ঙসিদি, ভারত মেনুফেকচরিংগী পৱারহাওস অমা ওইরে অমসুং লৈবাক অসিগী নহারোলশিংগী শক্তিনা ওইহনবনি অমসুং অমসুং মালেম শীনবা থুংবগী লৈবাকশিংনা ঐখোয়দা য়েংবা হৌরক্লে। ওতোমোবাইলশিং ওইগেরা, তেক্সতাইলশিং ওইগেরা, এভিএসন, ইলেক্ত্রোনিক্স নত্ত্রগা দিফেন্স ওইগেরা…হিরম খুদিংমক্তা লৈবাক অসিনা মপান লৈবাকশিংদা থাদোকপা লেপ্তনা হেনখৎলক্লি। মেক ইন ইন্দিয়া মাইপাকপদগী লৈবাক অসিদা মখা তানা এফ.দি.আই হেনগৎলকপনি। হৌজিক ঐখোয়না থবক অনিদা মীৎয়েং চঙলি… অহানবা অসিনা ‘মগুন লৈহনবা’, হায়বদি ঐখোয়গী লৈবাক্কী শাবা পোৎলমশিং মালেমগী থাকশিং য়ৌহনবা… অমসুং অতোপ্পা অমনা লমদম অসিদা শাজবা পোৎথোকশিং শীজিন্নবা হায়বনি। হায়বদি লমদম অসিগী পোৎথোকশিং খ্বাইদগী য়াম্না য়োকখৎপা হায়বনি। মন কি বাত্তা ঐখোয়না #MyProductMyPride গী মরমদশু খন্নরে। খুদম অমা পীদুনা খঙহন্দুনা লমদম অসিগী পোৎথোকশিং য়োকখৎপদা কমদৌনা লৈবাক অসিগী মীয়ামদা কান্নবা পীগদগে।

মহারাস্ত্রাগী ভান্দারা জিলাদা, ‘ভান্দারা তুসার সিল্ক হেন্দলুম’গী অরিবা তেক্সতাইলগী চৎনবী অমা লৈরি। মসিগী মচু, দিজাইন অমসুং মপাঙ্গলগীদমক তুসার সিল্ক মমিং চৎলি। ভান্দারাগী শরুক খরদা, সেল্ফ হেল্প গ্রুপ ৫০ হেন্না মসি য়োকখৎনবা থবক তৌরি। মসিদা নুপীশিং মশিং য়াম্না শরুক য়ারি। মসিগী মুগা অসি য়াম্না পাম্নরে অমসুং লমদম অদুগী মীওইশিংগী ফিবম ফগৎহল্লে… অমসুং মসি মেক ইন ইন্দিয়াগী ৱাখল্লোন্নি।

মরুপশিং,

কুহ্মৈ-হরাওগী মতম লাকপা অসিদা অমুক হন্না অদোমগী অরিবা ৱাশকশিং নিংশিংহল্লে। অদোম্না লৈবা পোৎলম খুদিংমক, মেক ইন ইন্দিয়া ওইগদবনি… অদোমগী খুদোলপোৎ খুদিংমক মেদ ইন ইন্দিয়া ওইগদবনি। ইচম চম্বা লৈবাক্না শাবা থাউমৈশিং লৈবনা লমদম অসিগী পোৎথোকশিং লৈবনি হায়বা য়ারোই। অদোমগী লৈকায়দা পুথোকপা পোৎলশিং অদোম্ন য়োকখৎকদবনি। অসিগুম্বা ভারতকী খুৎহৈবশিংগী হুমাংনা পুথোকপা পোৎথোক অমা হেক্তা, ভারতকী লৈহাওদা পুথোকপা, মসি ঐখোয়গী চাউথোকচবনি, মসিগী চাউথোকচবা অসি মতম পুম্নমক্তা ঐখোয়গী মাইপাকপনি।

মরুপশিং,

হন্দক্কী মন কি বাত অসিদা অদোমগা উনবদা ঐ অসুক্কী মতিক হরাওরে। থৌরম অসিগা মরী লৈনবা অদোমগী পাউতাকশিং অমসুং পাউজেলশিং ঐখোয়দা থাবীরকউ। অদোমগী চিথিশিং অমসুং পাউজলশিংগীদমক ঐনা ঙাইরি। নুমিৎ খরগী মতুংদা, হরাও-কুহ্মৈগী মতম হৌরগনি। মসি নবরাত্রিনা হৌদোক্লগনি অমসুং মথংগী থা অনি চুপ্না, ইরাৎ-থৌনি, চারা হেনবা, কুহ্মৈশিং, হরাওবা অমসুং নুংঙাইবনা পীক থল্লগনি। লাক্লিবা কুহ্মৈশিং অসিগীদমক অদোমগী মফমদা ঐগী য়াইফ-পাউজেলশিং পীজরি। অদোমগী ইমুং-মনুং অমসুং অদোম্না নুংশিজবা মীওইশিংগা লোয়ননা কুহ্মৈশিং হরাওনা শরুক য়াবীয়ু অমসুং অদোমগী হরাওবদা অতোপ্পশিং য়াওহনবীয়ু। মথং থাগী মন কি বাত্তা অনৌবা হিরম খরগা লোয়ননা অদোমগা অমুক উনরসি। ঐনা অদোম থাগৎপা ফোঙদোকচরি।

ঐগী নুংশিরবা ইরৈচাশিং, খুরুমজরি। ঐগী ইমুং-মনুংগী মীওই খুদিংমক মন কি বাত্তা অমুক হন্না তরাম্না ওকচরি।

ঙসি, অমুক হন্না, ঐখোয়না লৈবাক্কী মাইপাকপশিং অমসুং লৈবাক্কী মীয়ামগী অপুনবা থবকশিং খন্নগনি। চাউখৎলবা ভারত অমগী য়ুম্ফম মপাঙ্গল কনখৎহল্লিবা ২১শুবা চহিচাগী ভারত্তা থৌদোক কয়া থোক্লে। খুদম ওইনা, ওগস্ত ২৩দা লৈবাক মীয়াম্না অহানবা নেসনেল স্পেস দে থৌরম পাংথোক্লে। চন্দ্রয়ান-৩ মাইপাকপগী অমুক হন্না হরাওবা ফোঙদোকপা ওইনা অদোম্না নুমিৎ অসিগী থৌরম পাংথোক্কনি হায়না ঐনা থাজৈ। হৌখিবা চহিদা, নুমিৎ অসিদা, সিব-শক্তি পোইন্ত ওইনা খঙনবা থাগী খা মেরুগী শরুক্তা চন্দ্রয়ান-৩ মাইপাক্না তাখি। মসিগী চাউথোকচবনা পীক থল্লবা মাইপাকপা অসি পুরকপা ঙম্বা মালেমগী অহানবা লৈবাক ভারতনা ওইরে।

মরুপশিং,

স্পেসগী লমদা অওনবা কয়া পুরকপদগী লৈবাক অসিগী নহারোল কয়া কান্নবা ফংলে, মরম অদুনা ঙসিগী মন কি বাত অসিদা ঐনা খনখি, স্পেস সেক্তরদা থবক তৌরিবা ঐখোয়গী নহা ওইরিবা মরুপ খরগা করিগীদমকৱারি শান্নরোইদৌরিবনো। স্পেসতেক স্তার্দ-অপ গেলেক্সিআইগী কাংবু অমা হৌজিক ঐগা পাউ ফাওনরে। মসিগী স্তার্দ-অপ অসি আই.আই.তি-মাদ্রাসগী মহৈরোয়শিং সুয়াস, দনিয়েল, রক্ষিৎ, কিসন অমসুং প্রানিতনা লিংখৎপনি, মখোয় হৌজিক ফোন লাইন্দা লৈরে। নহারোলশিং অসিনা পায়খৎলিবা থবকশিংগী মরমদা ঐখোয় খঙলসি।

প্রধান মন্ত্রী : হেল্লো !

নহারোলশিং : হেল্লো !

প্রধান মন্ত্রী : খুরুমজরি!

নহারোলশিং : খুরুমজরি সার!

প্রধান মন্ত্রী: য়াম্না ফরে মরুপশিং, আই.আই.তি মাদ্রাসদা তম্লিঙৈগী নখোয়গী মরুপ-মপাংগী মরী অদু হৌজিক ফাওবা চেৎনা লৈবা উবদা ঐ য়াম্না হরাওই। মরম অসিদগী নখোয়না অপুনবা ওইনা গেলেক্সিআই লিংখৎনবা খনখিবনি। ঐশু হিরম অসিদা খঙবা পাম্মী। মসিগী মরমদা ঐখোয়দা খর তাকউ। অদোমগী তেক্নোলোজি অদুনা কমদৌনা লৈবাক অসিদা কান্নবা পীগনি হায়বগী মতাংদা ঐখোয়দশু খঙহল্লু।

সুয়াস: সার, ঐগী মিং সুয়াস কৌই.. অদোম্না তাকপীখিবা অদুগুম্না, ঐখোয় আই.আই.তি মাদ্রাসদা থেংনখি। ঐখোয় খুদিংমক তোঙান-তোঙানবা চহিশিংদা তমখি, ঐখোয় ইঞ্জিনিয়ারিং তমখি। মতম অদুদা ঐখোয়না হায়পরলুপ কৌবা প্রোজেক অমগী মরমদা খনখি, মরম অদুনা ঐখোয় পুন্না থবক তৌমিন্নবা পামখি। মতম অদুদা ঐখোয়না অভিস্কার হায়পরলুপ কৌবা কাংবু অমা থবক হৌখি, মদু ঐখোয়না অমেরিকা ফাওবা পুখি। চহি অদুদা, ঐখোয়গী কাংবু অসি মফম অদুদা চৎখিবা এসিয়াগী অমতা ঙাইরবা তিমনি অমসুং মফম অদুদা ঐখোয়গী জাতিগী ফিরাল পাইহনখি। মালেম শীনবা থুংবগী তিম ১৫০০গী মনুংদা ঐখোয়গী তিম অদু মকোক থোঙবা তিম ২০গী মনুংদা চনখি।

প্রধান মন্ত্রী : য়াম্না ফরে, মখা তানা তাদ্রিঙৈদা, মসিগীদমক ঐনা অহানবদা অদোম থাগৎপা ফোঙদোকচরি।

সুয়াস :  অদোম থাগৎচরি। মাইপাকপা অদুদগী ঐখোয়গী মরুপ-মপাংগী মরী হেন্না চেৎশীনহনখি অমসুং অসিগুম্বা অরুবা প্রোজেকশিং পায়খৎনবা ঐখোয়দা থাজবা পীখি। স্পেসএক্সগী মরমদা খঙলবা মতুংদা অমসুং স্পেস সেক্তর প্রাইভেতাইজ তৌনবা ২০২০দা অদোম্না অচৌবা ৱারেপ অমা লৌরবা মতুংদা… মসিগী মরমদা ঐখোয় য়াম্না হরাওখি। ঐখোয়না করি শেমগৎলিবা অমসুং মসিগী শীজিন্নফমশিংগী মতাংদা ৱা ঙাংনবা ঐনা রক্ষিৎতা হায়জরি।

রক্ষিৎ : সার, ঐগী মিং রক্ষিৎ কৌই অমসুং মসিগী তেক্নোলোজি অসিনা কমদৌনা ঐখোয়দা কান্নবা পীগনি হায়বগী পাউখুম ঐ পীজগে।

প্রধান মন্ত্রী : রক্ষিৎ, অদোম উত্তরখন্দগী করম্বা মফমদগীনো ?

রক্ষিৎ : সার, ঐ অলমোহারদগীনি।

প্রধান মন্ত্রী : অদুদি অদোম বাল মিথাই ৱালা অমনি।

রক্ষিৎ :  হোই সার, হোই, বাল মিথাই অসি ঐখোয়গী পামজবনি।

প্রধান মন্ত্রী : অদোম লক্ষ্য সেন খঙইদনা, মহাক্না ঐঙোন্দা বাল মিথাই চাং নাইনা পীজখি। ফরে, রক্ষিৎ হায়য়ু।

রক্ষিৎ : ঐখোয়গী তেক্নোলোজি অসিনা নুমিদাংগী মতমদা ফাওবা য়ুনিভর্স অসিদা লৈচিল ফাওদুনা উবা ঙমগনি, মরম অদুনা লৈবাক অসিগী মতম অমদগী হেক্তা ঐখোয়গী লৈবাক্কী অশেংবা শক্তম অমা ঐখোয়না নুমিৎ খুদিংগী নম্বা য়াগনি। মদুগী দেতা অদুনা চাউখৎ-থৌরাংগী হিরম অনিদা ঐখোয়না চাউখৎ-থৌরাংগী থবকশিংদা শীজিন্নগনি; অহানবদা ঐখোয়গী ভারত অশোই-অঙাম লৈহল্লোই; ঐখোয়গী ঙমখৈশিং, ঐখোয়গী সমুদ্রশিং ঐখোয়না নুমিৎ খুদিংগী য়েংশিনগনি। ঐখোয়না য়েক্নবশিংগী থবকশিং য়েংশিনগনি অমসুং ঐখোয়গী আর্মদ ফোর্সশিংদা ইন্তিলিজেন্স পীগনি। অনিশুবদা, মসিনা ভারতকী লৌমীশিংগী ফিবম ফগৎহনগনি। হৌজিক চঙলিবা শেনফমগী শরুক তারা থোকপগী শরুক অমা চঙনা লৌমীশিংগী পুখ্রিশিংগী ঈশিংগী মগুন ওন্নবা ভারতকী খজিং য়োকপা লৌমীশিংগী পোৎথোক অমা ঐখোয়না মমাংদা পুথোকখ্রে। তুংদা, ঐখোয়না মালেমগী শাবা হেনগৎলকপা থেংননবা খ্বাইদগী শেংনবা সেতেল্লাইত মমিশিং পুথোক্নবা ঐখোয়না পান্দম থম্লি অমসুং ঐখোয়না মালেমদা খ্বাইদগী ফবা সেতেল্লাইত দেতা ফংহন্নবা পান্দম থম্লি।

প্রধান মন্ত্রী : মসিতা তাক্লি মদুদি নখোয়গী কাংবু অসিদা জয় জয়ান অমসুং জয় কিষানগী মমি অমা তারে হায়বা।

রক্ষিৎ : হোই সার, অশেংবনি।

প্রধান মন্ত্রী : মরুপশিং, অদোম্না অসিগুম্বা অফবা থবক  পায়খৎলি, মসিগী তেক্নোলোজি অসিগী মপাঙ্গল অদু ঐ খঙবা পাম্মী।

রক্ষিৎ: সার, ঐখোয়না সেন্তিমিতর ৫০ মখাগী রিজোলুসন ফাওবা নম্বা ঙমগনি। ঐখোয়না মতম অমদা চাউরাক্না ইসক্বার কিলোমিতর ৩০০ হেনবগী মমি পুথোকপা ঙমগনি।

প্রধান মন্ত্রী : মরম অদুনা, মসি তারিবা ঐখোয়গী ইরৈচাশিংনা চাউথোকচবা ফাওগনি। অদুবু ঐনা অতোপ্পা ৱাহং অমা হংনিংলি।

রক্ষিৎ : হোই সার

প্রধান মন্ত্রী : স্পেস ইকোসিস্তেম অসি য়াম্না ফরে। হৌজিক, অদোমগী কাংবুনা করি অহোংবশিং উবা ফংলবগে?

কিসন : ঐগী মিং কিসন কৌই । গেলেক্সি আই থবক হৌরবা মতুংদা ঐখোয় ইন-স্পেসতা লাকখি। ঐখোয়না ‘জিও-স্পাসিএল দেতা পোলিসি’ অমসুং ইন্দিয়া স্পেস পোলিসগুম্বা পোলিসি কয়া থেংনরে। হৌখিবা চহি অহুমদা ঐখোয়না অহোংবা কয়া উবা ফংলে…থবক কয়াগা লোয়ননা, ইনফ্রাস্ত্রকচর কয়া লৈরে অমসুং ঐখোয়না ইসরোদা চৎপা মতমদা ইসরোগী খুদোংচাবা কয়া থেংনরে অমসুং ঐখোয়গী হার্দৱায়ারগী চাংয়েং পাংথোক্লে। মসি হৌজিক য়াম্না লাইনা পাংথোকপা য়ারে। চহি অহুমগী মমাঙদা হায়রিবা খুদোংচাবশিং মফম অসিদা লৈরমদে অমসুং খুদোংচাবা অশিনা ঐখোয়দা মতেং য়াম্না ওইরে অমসুং স্তার্দ-অপ কয়াশু লৈরে। হন্দক এফ.দি.আই থৌশিল কয়া লৈরক্লে অমসুং হায়রিবা খুদোংচাবশিং অসিনা স্তার্দ-অপ কয়া মতেং ফজনা ফংলে অমসুং অসিগুম্বা স্তার্দ-অপশিং য়াম্না লাইনা চাউখৎপা ঙম্লে অমসুং মসি মহৌশানা শেন য়াম্না চঙবা অমসুং মতম য়াম্না চঙবা ঙাক্তনি। হৌজিক চৎনরিবা থৌশিলশিং অমসুং ইনস্পেস লাকপদগী স্তার্দ-অপশিং লাইনা থবক তৌবা ঙম্লে। হিরম অসিগী মতাংদা ঐগী মরুপ দনিয়েলনা ঙাংগনি।

প্রধান মন্ত্রী : দনিয়েল, হায়য়ু।

দনিয়েল : সার, ঐখোয়গী ইঞ্জিনিয়ারিং মহৈরোয়শিংগী ৱাখল্লোন্দা অহোংবা অমা লাকপা ঐখোয়না উরে। মমাংদা মখোয়না অৱাংবা থাক্কী মহৈ তম্নবা মপান্দা চৎপা অমসুং মফম অদুদা স্পেসকী লমদা থবক তৌবা পামখি, অদুবু হৌজিক ভারত্তা অফবা স্পেস ইকোসিস্তেম অমা লৈরকপদগী, মখোয়না ভারত্তা লাক্লগা মসিগী ইকোসিস্তেম অসিদা থবক তৌবা পাম্লে… মসি ঐখোয়না খঙবা ফিদবেক অমনি অমসুং ঐখোয়গী কম্পেনিদা মপান্দগী হল্লকপা মীওই খর থবক শুবা হৌরে।  

প্রধান মন্ত্রী : কিসন অমসুং দনিয়েল অনিনা পুখৎলক্লিবা ৱাফমশিং ঐ খঙলে,  হিরম অমদা অওনবা পুরকপা অসিনা কমদৌনা হিরম কয়াদা কান্নবা পীবগে হায়বা… মীওই কয়া কান্নবা পীবগে হায়বা মীওই কয়া খঙদ্রি হায়বা ঐনা খল্লি.. অমসুং অদোম্না ফোঙদোকপগী মতুংইন্না, অদোম্না হিরম অসিদা থবক তৌবদগী, অদোম শোইদনা খঙলমগনি অমসুং হিরম অসিদা লৈবাক অসিগী নহারোলশিং মখোয়গী তুংগী হোৎনিংবা অমসুং মখোয়গী হৈথোই-শিংথোইবা অদু শীজিন্নবা পাম্লে হায়বা খঙলে। নখোয়না উরিবা অদু য়াম্না ফৈ।

ঐনা অতোপ্পা ৱাহং অমগা হংবা পাম্লী, মদুদি স্তার্দ-অপশিং অমসুং স্পেস সেক্তরদা মাইপাকপা পাম্বা নহারোলশিংদা অদোম্না করি পাউজেল পীনিংবগে।

প্রানিত: সার, ঙাংজরিবসি প্রানিতনি অমসুং ঐনা ৱাহংগী পাউখম পীগনি।

প্রধান মন্ত্রী : হোই, প্রানিত ঐঙোন্দা পাউখুম পীয়ু।

প্রানিত : সার, চহি খর অসিদা ঐনা খঙজবা ৱাফম অনি ঐনা হায়নিংই। অহানবদা করিগুম্বা ঐখোয়না স্তার্দ-অপ অমা লিংখৎপা পাম্লবদি, হৌজিক অসি খুদোংচারবা মতমনি, মরমদি হৌজিক মালেমদা খ্বাইদগী য়াংনা চাউখৎলক্লিবা ইকোনোমি ভারত্তা লৈরি, মসিনা তাক্লি মদুদি ঐখোয়দা খুদোংচাবা কয়া মরাংকাইনা লৈরিবা হায়বা…

প্রানিত : … চহি ২৪ শুরকপদা মথং চহিদা ঐখোয়না ইশাগী সেতেল্লাইত থাগৎকনি হায়না ঐনা খল্লি। মসিদা, ঐখোয়গী সরকারনা মরুওইবা ৱারেপ খর লৌগনি অমসুং মসিদা ঐখোয়না অপীকপা মতেং অমা পাংগনি। লৈবাক্কী ওইনা কান্নবা পীগদবা অসিগুম্বা প্রোজেকশিংদা থবক তৌনবা, অসিগুম্বা ইন্দস্ত্রি অমসুং অসিগুম্বা মতমদা, হৌজিক স্পেস ইন্দস্ত্রি থবক হৌরে। মরম অদুনা, মসি ইশাগী শেন-থুমগী ফিবম ফগৎনবা অমসুং মালেমগী খুদোংচাদবা অমা কোকহন্নবা খুদোংচাবনি হায়না ঐগী নহারোল মরুপশিংদা ঐনা হায়নিংই। ঐখোয়না নহা ওইরিঙৈদা অমগা অমগা ৱারি শান্নবা মতমদা ঐখোয়না ঐখোয় চাউরক্লবা মতমদা এক্তর ওইগনি, শান্নরোয় ওইগনি.. অদু ওইগনি হায়না ঙাংনখি, অদুবু হৌজিক ঐখোয়না কনাগুম্বা অমনা হায়বা তাবা মতমদা ঐনা ওন্ত্রেপ্রেনিউয়র ওইগনি, ঐ চাউরক্লগা স্পেস ইন্দস্ত্রিদা থবক তৌগনি হায়বা তারে, মসিগী অচৌবা অওনবা অসিগী অপীকপা শরুক অমা ঐখোয়না ওইবা ঙম্বা অসি য়াম্না চাউথোকচনিঙাই ওইবা মিকুপ অমনি।

প্রধান মন্ত্রী : মরুপশিং, প্রানিত, কিসন, দনিয়েল, রক্ষিৎ অমসুং সুয়াস, অদোমগী স্তার্দ-অপ অসি নখোয়গী মরুপ-মপাংগী মরীগুম মপাঙ্গল য়াম্না কল্লে। মরম অদুনা নখোয়না অসিগুম্বা অঙকপা থবক পাংথোক্লিবনি। চহি খরগী মমাঙদা ঐ আই.আই.তি মাদ্রাসতা চৎপগী খুদোংচাবা অমা ফংখি অমসুং ঐ ইশামক ইন্সতিতুৎ অদুগী অফবা উবা ফংলে। আই.আই.তি অমসুং মসিদগী থোক্লকপা মহৈরোয়শিং মালেম শীনবা থুংনা ইকায়খুম্নরি। মখোয়না ভারতকীদমক থবক তৌবা মতমদা, শোইদনা অফবা খর পাংথোক্কনি। নখোয়গী ময়ামগী মফমদা অমসুং স্পেস সেক্তরদা থবক তৌরিবা অতোপ্পা স্তার্দ-অপশিংদা য়াইফ-পাউজেল পীজরি। নখোয় মঙাগা ৱারি শান্নবা অসি ঐ তশেংনা নুংঙাই। মরুপশিং থাগৎচরি।

সুয়াস : অদোম ঙমখৈ লৈতনা থাগৎচরি!

ঐগী নুংশিরবা ইরৈচাশিং,

চহি অসিদা লাল কিলাদগী, রাজনিতিগা শম্নদ্রিবা নহারোল লাখ অমা রাজনিতিদা পুশিন্নবা ঐনা তকশিনখ্রে। মসিগী ৱাফম অসিদা অকনবা পাউখুম কয়া লাকখি। মশিং য়াম্লবা ঐখোয়গী নহারোলশিং রাজনিতিদা চঙনবা খৌরাংনা ঙাইরি হায়বা ঐখোয় খঙলে। মখোয়না অচুম্বা খুদোংচাবা অমসুং ফজনা লমজিংবা ঙাইরি। হিরম অসিদা লৈবাক শীনবা থুংবগী নহারোলশিংদগী ঐনা চিথি কয়াশু ফংলে। সোসিএল মেদিয়াদশু অঙকপা পাউখুম ফংলে। মীয়াম্না ঐঙোন্দা পাউতাক কয়া পীরকখি। মখোয়না অসিগুম্না ইরক্কনি হায়বগী থাজবগী ৱাংমদা নহারোল খরনা মখোয়গী চিথিশিং ইরকখি। মখোয়না রাজনিতিদা চঙনিংলবসু মখোয়গী মপা-মপুশিং নত্ত্রগা মমা-মপা রাজনিতি য়াওরমদবদগী মখোয় রাজনিতি চঙবা ঙমদবদগী মরমদা ইরকখি। নহারোল খরনা মখোয় মীয়ামগা লোয়ননা থবক তৌমিন্নবগী অফবা লৌশিং লৈবগী মতাংদা ইরকখি। মরম অদুনা মীয়ামগী অৱাবশিং কোকহনবদা মখোয় কান্নগনি। শাগৈগী রাজনিতিগী মখোয়গী অনৌবা হৈথোই-শিংথোইবা মাঙহল্লে হায়না নহারোল খরনা ইরকখি। অসিগুম্বা থবকশিংনা ঐখোয়গী গনতন্ত্র হেন্না মপাঙ্গল কনখৎহনগনি হায়না নহারোল খরনা ইরকখি। রাজনিতি য়াওদ্রিবা নহারোলশিং রাজনিতি য়াওবা য়াগনি, মখোয়গী লৌশিং অমসুং মখোয়না পামজবা অদুনা লৈবাক্কী ওইনা কান্নগনি হায়না ঐনা থাজবা থম্লি।

মরুপশিং,

নিংতম ইহৌ মনুংদা ফাওবা, রাজনিতি য়াওদবা অসিগুম্বা মীওই কয়া চোঙথোরকখি। ভারত নিংতম্নবা মখোয়না থবক কয়া পাংথোকখি। অমুক হন্না, বিকসিত ভারতকী পান্দম ফংনবা ঐখোয়না চপ মান্নবা থৌনা অদু দরকার ওইরে। মসিগী খোঙজং অসিদা থৱায় য়াওনা শরুক য়ানবা ঐনা ঐগী নহা ওইরিবা মরুপশিংদা তকশিল্লি। অদোমগী খোঙথাংশিং অদুনা অদোমগী তুংলমচৎ অমসুং লৈবাক্কী তুংলমচৎতা অওনবা পুরক্কনি।

ঐগী নুংশিরবা ইরৈচাশিং,

হন্দকশু, হর ঘর তিরঙ্গা অমসুং পুরা দেস তিরঙ্গ কেম্পেনশিং মপুংফানা পাংথোকখি। লৈবাক শীনবা থুংনা কেম্পেন পাংথোকপগী ফজরবা শক্তম কয়া মাঙদা থোক্লকখি। য়ুমশিং, স্কুলশিং, কলেজশিং অমসুং য়ুনিভর্সিতিশিংগী মথক্তা মচু অহুমগী ফিরালশিং পাইবা ঐখোয়না উরে। মীওই খরনা মখোয়গী দুকানশিং, ওফিসশিংদা মচু অহুমগী ফিরাল পাইহনখি, মীওই খরনা মখোয়গী দেক্সতোপশিং, মোবাইলশিং অমসুং গারিশিংদা পাইহনখি। মীয়াম্না অসিগুম্বা ৱাখল্লোন অমা ফোঙদোক্নবা শরুক য়াবা মতমদা, মসিনা কেম্পেন অসি লাম্বা লৈতনা মাইপাকপা ওইহল্লে। হৌজিক অদোমগী তি.ভি স্কৃন্দা অদোম্না উরিবা শক্তমশিং অসি জম্মু অমসুং কাস্মিরগী রিয়াসিদগীনি। মালেমদা খ্বাইদগী ৱাংবা চেনাব রেলৱে ব্রিজদা মিতর ৭৫০ শাংবা ফিরালগী তিরঙ্গা রেল্লি অমা পাংথোকখি। মসিগী শক্তমশিং উরুবা মীওইশিং মখোয়গী থম্মোয়দা অপেনবা পোকখি। শ্রীনগরগী দাল পাত্তা তিরঙ্গা যাত্রা পাংথোকপগী পুক্নিং হুরবা শক্তমশিং ঐখোয় উরে। অরুনাচল প্রদেসকী ইস্ত কামেং জিলাদা ফিত ৬০০ শাংবা মচু অহুমগী ফিরালগী যাত্রা অমা পাংথোকখি। মসিগা চপ মান্নবা মওংশিংদা, লৈবাক অসিগী রাজ্যশিংদা চহি মতাং কয়াগী মীওইশিংনা তিরঙ্গা যাত্রাশিং শরুক য়াখি। হৌজিক নিংতম্বা নুমিৎ অসি কুহ্মৈ অমা ওইনা পাংথোক্নবা অদোমশু উরে। মীয়াম্না মখোয়গী য়ুমশিং মচু অহুমগী ফিরালনা লৈতেংলে। নুপীশিংগী সেল্ফ হেল্প গ্রুপশিংনা ফিরাল লাখ কয়া তুরে।

ই-কম্মর্স প্লেতফোর্মশিংদা, মচু অহুম য়েকপা পোৎলমশিং য়োনবা হেনগৎলকপা উরে। নিংতম্বা নুমিৎ থৌরমদা, লৈবাক অসিগী কাচিন কোয়া খুদিং… কংফাল, সমুদ্র অমসুং অতিয়াদা মচু অহুমগী ঐখোয়গী ফিরাল উবা ফংলে। হর ঘর তিরঙ্গাগী ৱেবসাইত্তা সেলফি করোর মঙা হেন্না থাগৎলকখি। মসিগী কেম্পেন অসিনা লৈবাক শীনবা থুংনা অপুনবা লংলা অমনা পুনশিল্লে অমসুং মসি এক ভারত শ্রেস্থ ভারত অদুমক্নি।

ঐগী নুংশিরবা ইরৈচাশিং,

মীওইবা অমসুং শা-উচেকশিংগী মরক্তা নুংশিনবগী ফিল্ম কয়া অদোম য়েংলম্লগনি। হৌজিক অসামদা অশেংবা ৱারি অমা লৈরে। অসামগী তিনসুকিয়া জিলাগী বারেকুরি খুঙ্গংদা, মোরান ফুরপকী মীওইশিং খুন্দারি। হায়রিবা খুঙ্গং অসিদা হুলোক গিবোনশিং লৈরি। মখোয় মফম অদুদা “হালো বন্দর” হায়না খঙনৈ। মসিগী খুঙ্গং অসি হুলোক গিবনশিংগী লাইরৈবাক্নি। খুঙ্গং অসিগী মীয়াম অমসুং য়োং অসিগী মরক্তা অচেৎপা মরী অমা লৈনবা অদু খঙবদা অদোম অঙকপা ফাওগনি। খুঞ্জাশিং হৌজিক ফাওবা মখোয়গী থায়নগী চৎনবীশিংগা লোয়ননা হিংলি। মরম অদুনা  মখোয়গা গিবনশিংগা লৈনবা মরী হেনগৎহন্নবা মখোয়না পায়খৎপা য়াবা থবকশিং পায়খৎলি। গিবনশিং লফোই য়াম্না পাম্মী হায়বা মখোয়না খঙবদগী, মখোয়গী ইংখোলশিংদা মখোয়না লফু পাম্বী কয়া থাখি। মসিগী মথক্তা, মখোয়গী ইমুং-মনুংগী নুংশিরবা মীওইশিং লৈখিদবা মতমদা লাইনিংগী থৌরমশিংগুম, গিবনশিং পোকপা অমসুং শিবা মতমদা মখোয়না লাই-তিনগী থৌরমশিং পাংথোক্নবা মখোয়না ৱারেপ লৌরে। হন্দক, মখোয়গী লৈফম ময়া নক্না ইলেক্ত্রিক তারাশিং পুবদগী গিবনশিং খুদোংচাদবা কয়া থেংনখি। ফিবম অসিদা, খুঞ্জাশিংনা অৱাবা অসি সরকারদা খঙহনখি অমসুং মদু কোক্নবা অথুবা পাম্বৈ অমা ফংখি। হায়রিবা গিবনশিং অদু ফোতো নম্নবা পোজ তৌখি হায়বা ঐ খঙলে। 

মরুপশিং,

শা-উচেকশিং নুংশিবদা অরুনাচল প্রদেসকী ঐখোয়গী নহারোলশিং অসি কনাগুম্বশিংদগী তাবা নত্তে। অরুনাচল প্রদেসকী ঐখোয়গী নহারোল খর ৩-দি প্রিন্তিং তেক্নোলোজি শীজিন্নবা হৌরে। করি মরমগীনো হায়বা অদোম খঙবরা? শাশিং মখোয়গী মচি লৌনবা শা তানবা থিংবা মখোয়না পামখি। নাবম বাপু অমসুং লিখা নানাগী লমজিং মখাদা, তোঙান-তোঙানবা শাশিংগী কয়াৎশিং কাংবু অসিনা ৩-দি প্রিন্ত তৌরে। শাশিংগী মচিশিং নত্ত্রগা ময়াশিং ৩-দি প্রিন্ত তৌরে। মখোয়না মদু ফিরোল অমসুং কোক্তা উনবা পোৎলমশিংদা শীজিন্নরে। মসিদা মখোয়না মশা মরোমদোম তুমজবা ঙম্বা পোৎলমশিং শীজিন্নবা অসি অঙকপা অমনি। অসিগুম্বা থবকশিং অসি থাগৎপগী লোইবা নাইরোই। হিরম অসিদা অহেনবা স্তার্দ-অপ কয়া থোক্লক্কনি অমসুং ঐখোয়গী শা-উচেকশিং ঙাক-শেনগনি অমসুং চৎনবীশিং মখা চৎথগনি হায়না ঐনা হায়জরি।

ঐগী নুংশিরবা ইরৈচাশিং,

মধ্য প্রদেসকী জবুয়াদা অদোম্না শোইদনা খঙনিংগদবা অঙকপা থবক অমা পাংথোক্লি। মফম অদুদা ঐখোয়গী সেনিতেসন শিন্মীশিংনা অঙকপা থবক অমা পাংথোক্লি। হায়রিবা ইনাওশিং অমসুং ইচলশিং অসিনা অমোৎপদগী শেন ওন্থোকপা হায়বা ৱাখল্লোন অদু তশেংনা থবক ওইনা পাংথোক্লে। জাবুয়াদা লৈবা পার্ক অমদা, কাংবু অসিনা অমোৎপশিংদগী অঙকপা ফংলবা কলাগী পোৎলমশিং শেমগৎলে। মখোয়গী থবক অসিগীদমক, মখোয়না প্লাস্তিক ফত্তবা, শীজিন্নদ্রবা বোত্তলশিং, তয়ারশিং অমসুং পাইপশিং খোমজিনখি। মখোয়না শেমগৎখিবা কলাগী পোৎলমশিংগী মনুংদা হেলিকোপ্তরশিং, কারশিং অমসুং কেন্ননশিং য়াওখি। ফজরবা লৈগী গমলাশিংশু শেমখি। মফম অদুদা, অমনবা তয়ারশিং নুংঙাইরবা ফম্ফমশিং ওইনা শেমখি। মসিগী সেনিতেসনগী শিন্মী কাংবু অসিনা রিদক্স, রিয়ুজ অমসুং রিসাইকলগী লাইৱা অদু থবক ওইনা পাংথোক্লে। মসিগী মথক্তা, লৈকায়গী মীয়াম অমসুং অনকপা জিলাশিংগী মীওইশিং য়েংবা লাক্নরে।

মরুপশিং,

ঙসি ঐখোয়গী লৈবাক্কী স্তার্দ-অপ কয়া ইনভাইরোনমেন্ত ফগৎনবা পান্দমগা লোয়ননা মখোয় মশামক শরুক য়াবা উবদা ঐ হরাওই। ফত্তবা প্লাস্তিক শীজিন্নদুনা মহৌশাগী ফিবমদা অকায়বা পীদবা পোৎলমশিং শাবা ই-কন্সসিয়স কৌবা কাংবু অমা লৈরে। ঐখোয়গী লমকোয়ফমশিং মরুওইনা চীংগী মফমশিংদা অমোৎপশিং চাইদুনা লৈবা উবদা মখোয়দা মসিগী অনৌবা ৱাখল অসি লাকখিবনি। ৱাখল মান্নবা কাংবু অমা শেমদুনা ইকোকারি কৌবা স্তার্দ-অপা অমা থবক হৌরকখি। মখোয়না ফত্তবা প্লাস্তিক্তগী ফজরবা পোৎলম কয়া পুথোকখি।

মরুপশিং,

শান্নপোৎশিং রিসাইক্লিং তৌবা অসি ঐখোয় পুন্না থবক তৌমিন্নবা য়াবা হিরম অমনি। মখোয়গী শান্নপোৎশিং পামদ্রবা অঙাং কয়া লৈরি অমসুং অদুগা হায়রিবা শান্নপোৎশিং অদু ফংলবদি হায়না মঙ মঙজরিবা অঙাং কয়া অমসু লৈরি। অদোমগী অঙাংশিংনা শান্নবীদ্রবা শান্নপোৎশিং অদু মখোয় মখা তানা শান্নবা পাম্লিবা মফমশিংদা অদোম্না পীথোকখিবা য়াই। মসিনা মহৌশাগী অকোয়বগী ফিবম ঙাক-শেনবদা অফবা লম্বী অমা ওইগনি। ঐখোয়না পুন্না থবক তৌমিন্নবা মতমদা, মসিনা শোইদনা ঐখোয়গী ইনভাইরোনমেন্ত ফগৎহনগনি অমসুং লৈবাক অসি চাউখৎকনি।

ঐগী নুংশিরবা ইরৈচাশিং,

হৌখিবা ওগস্ত ১৯দা ঐখোয়না রক্ষবন্ধন কুহ্মৈ পাংথোকখ্রে। নুমিৎ অদুদা, মালেম শীনবা থুংনা  মালেমগী সংস্কৃত নুমিৎ পাংথোকখি। ঙসি ফাওবা, লৈবাক মনুং অমসুং মালেম শীনবা থুংনা অখন্নবা ওইনা সংস্কৃত পাম্নবা উবা ফংলি। মালেমগী লৈবাক কয়াদা, সংস্কৃত লোলগী মরমদা থিজিনবা অমসুং চাংয়েং কয়া পাংথোক্লি। ঐ মখা তাদ্রিঙৈদা, ঐনা অদোমগীদমক অতেনবা খোঞ্জেল মতেক অমা তাহনগে।

### ওদিও মতেক অমা ###

মরুপশিং,

মসিগী খোঞ্জেল মতেক অসি য়ুরোপকী লৈবাক লিথুঅনিয়াগা মরী লৈনৈ। লৈবাক অদুগী প্রোফেসার বাইতিস বিদুনাসনা মসি মহাক্না সংস্কৃত ওন দি রিভরস হায়না মমিং থোনখি। মীওই খর নেরিস তুরেলগী মপান্দা পুনখি অমসুং মফম অদুদা বেদা অমসুং গীতা পাথোকখি। অসিগুম্বা থবকশিং অসি হৌখিবা চহি খরগী মমাঙদগী পাংথোক্তুনা লাক্লি। অদোমশু, সংস্কৃত লোল চাউখৎনবা অসিগুম্বা থবকশিং অসি পাংথোক্নবা হোৎনবীয়ু।

ঐগী নুংশিরবা ইরৈচাশিং,

হকচাং ফনা থম্বা হায়বসি ঐখোয়গী পুন্সিদা য়াম্না মরুওই। হকচাং ফনবা, ঐখোয়গী চীঞ্জাকশিং, ঐখোয়গী পুন্সি মহিং, খুদিংমক ঐখোয়না পুক্নিং চঙগদবনি। মীয়াম হকচাং ফনা লৈবগী মরমদা ৱাখল তাহন্নবা, ফিত ইন্দিয়া কেম্পেন হৌদোক্লে। হকচাং ফনা লৈনবা, চহি অমসুং ক্লাস থিদনা মীয়াম্না য়োগ শান্নরি। মীয়াম্না শ্রীঅন্ন হায়না খঙনবা সুপরফুদ মিল্লেতশিং চাবা হৌরে। মসিগী পান্দমদি ইমুং অমগী মীওই খুদিংমক হকচাং ফনা লৈহনবনি।

মরুপশিং,

ঐখোয়গী ইমুং, ঐখোয়গী খুন্নাই অমসুং ঐখোয়গী লৈবাক… মখোয়গী তুংলমচৎ য়াওনা, ঐখোয়গী অঙাংশিং মশা ফবগী মখা পোল্লি অমসুং মখোয় মশা ফনা লৈনবা, মখোয়দা অফবা চীঞ্জাক পীজবা হায়বসি তঙাইফদে। অঙাংশিংদা মচি ওইবা চীঞ্জাক পীজবা হায়বসি লৈবাক অসিগী মরুওইবা অমনি। ঐখোয়না অঙাংশিংগী মচি ওইবা চীঞ্জাক্কীদমক চহি চুপ্পা পুক্নিং চঙলবসু, হিরম অসিগী মতাংদা মীৎয়ং চঙনবা অকক্নবা থা অমা কৎথোক্লি। মসিগীদমক চহি খুদিংগী সেপ্তেম্বর ১ দগী সেপ্তেম্বর ৩০ ফাওবা অসি ন্যুত্রিসন মন্থ হায়না থৌরম পাংথোক্লি। মচি ওইবা চীঞ্জাক্কী মরমদা ৱাখল তাবা হেনগৎনবা, মচি ওইবা চীঞ্জাক্কী মেলাশিং, এনেমিয়া কেম্পশিং, পোকপতা ঙাইরিবা অঙাংশিংদা য়ুমদা চৎপা, সেমিনারশিং, ৱেবিনারশিং পাংথোক্লি। মফম কয়াদা, অঙ্গনৱাদি ৱার্করশিংগী মীৎয়েং মখাদা মমা অমসুং অঙাংশিংগী কম্মিতিশিং শেম্লে। হায়রিবা কম্মিতিশিং অসিনা মচি ওইবা চীঞ্জাক চাবা ৱাৎলবা অঙাংশিং, মীরোবীশিং অমসুং পোকপা কুইদ্রিবা অঙাংশিং খোঙ্গুল লীরি অমসুং মখোয় লেপ্তনা য়েংশিল্লি অমসুং মখোয়দা মচি ওইবা চীঞ্জাক ফংহন্নবা থৌরাং তৌরি। হৌখিবা চহিদা পোসান অভিয়ান অসি অনৌবা ইজুকেসন পোলিসিগা শম্নহল্লে। পোসান ভি, পরাই ভি কেম্পেনগী মখাদা, অঙাংশিংদা মচি ওইবা চীঞ্জাক ফংহন্নবা মীৎয়েং চঙলে। মচি ওইবা চীঞ্জাক্কী মরমদা ৱাখল তানবা অদোম ইশামক অসিগুম্বা কেম্পেনশিংদা শোইদনা শরুক য়াগদবনি। অদোমগী মাইকৈদগী অপীকপা থবক মচা অমা শরুক য়াবা অদুনা মচি ওইবা চীঞ্জাক চাবা ফংদবগী অৱাবা কোকহন্নবা হোৎনবদা চাউনা মতেং পাংগনি।

ঐগী নুংশিরবা ইরৈচাশিং,

মসিনি ঙসিগী মন কি বাতকী ৱাফমশিং। মন কি বাত্তা অদোমগা ৱারি শান্নবা অসি ঐঙোন্দা হরাওবা ফাওহল্লি। ইচম চম্বা মওং অমদা ঐগী ইমুং-মনুংগী মীওইশিংদা ঐগী পুক্নিংগী ৱা ফোঙদোকপনি হায়না ঐনা খল্লি… অদোমগী থম্মোয়শিংগা ঐগা শম্নরি। অদোমগী পাউতাকশিং অমসুং ৱাখল্লোনশিং ঐঙোন্দা য়াম্না মরুওই। হৌজিক কুহ্মৈ কয়া পরেং লেংদুনা লৈরে। কুহ্মৈশিং অদুগীদমক, ঐনা মীয়ামগী মফমদা ঐগী য়াইফ-পাউজেল পীজরি।

জন্মঅস্থামী কুহ্মৈ লাক্লে। মথং থাগী হৌরকপদা গনেস চতুর্থি কুহ্মৈশু লৈরে। ওনাম কুহ্মৈশু লাক্লে। মিলাদ-উন-নবিগীদমক ঐনা ঐগী য়াইফ-পাউজেল পীজরি।

মরুপশিং,

থা অসিগী ২৯দা তেলুগু ভাসা দিবস থৌরম পাংথোক্কনি। লোল অসি তশেংনা অঙকপা লোল অমনি। তেলুগু ভাসা দিবস লাকপদা মালেম শীনবা থুংনা লৈরিবা তেলুগু ঙাংবা মীওইশিংদা ঐনা য়াইফ-পাউজেল পীজরি।

প্রাপঞ্চ ব্যাপতঙ্গা উন্ন

তেলুগু বরিকি

তেলুগু ভাসা দিনউৎসব সুভাকাক্ষালু

মরুপশিং,

নোংজু থা অসিদা চেকশিন থৌরাং লৌখৎনবা ঐনা অদোমগী মফমদা অমুক হন্না হায়জরি অমসুং অদোম্না এক পের মা কি নাম কেম্পেন অসি নিংশিংনবা ঐনা অদোমগী মফমদা নিংশংলি… উ য়াম্না থাবীয়ু অমসুং অতৈশু উ থানবা তকশিনবীয়ু। নুমিৎ খরনিগী মতুংদা, পেরিসতা পেরালেম্পিক্সসু হৌরগনি। ঐখোয়গী দিবয়াং ইনাওশিং অমসুং ইচলশিং মফম অসিদা থুংখ্রে। ঐখোয়গী শান্নরোয়শিংগীদমক ভারতমচা করোর ১৪০ না পুক্নিং থৌগৎলি। অদোম্না ঐখোয়গী শান্নরোয়শিং #Cheer4bharat গা লোয়ননা পুক্নিং থৌগৎপীয়ু। ঐখোয় মথংগী থাদা অমুক উনরসি অমসুং হিরম কয়াদা খন্ন-নৈনরসি। মতম অদু ফাওবা, ঐনা অদোমগা কাইনরসি।

থাগৎচরি, খুরুমজরি!

এগী নুংশিজরবা ইরৈবাকচাশিং, ‘মন কী বাত’কী থৌরমদা অদোম্বু তরাম্না ওকচরি। খুরুমজরি। মফম খুদিংমক্তা হৌজিক ময়াম্না শোন্নরিবসি পেরিস ওলীমপিক্সকী মতাংদা ঙাক্তনি। ওলীমপিক্সনা ঐখোয়গী শান্নরোইশিংদা লৈবাক অসিগী মচু অহুমগী ফিরাল তিরঙ্গা পাইহন্নবগী তাঞ্জা অমা পী। লৈবাক অসিগীদমক্তা করিগুম্বা খরা তৌননবগী খুদোংচাবা পী। অদোম্না ঐখোবগী শান্নরোইশিংবু পুক্নিং থৌগৎপীয়ু। চিয়র ফোর ভারত!!

মরুপশিং, শান্না-খোৎনবগী ওইবা ওলীমপিক অসিদগী খরা নাথৈরগা নুমিৎ খরনিগী মমাংদা মেতসকী ওইবা ওলীমপিক অমা পাংথোওকখি। ইন্তররনেস্নেল মেথমেতিক্স ওলীমপিয়াদ। ওলীমপিয়াদ অসিদা ভারতকী মহৈরোইশিংনা য়াম্না ফজবা পার্ফোর্মেন্স পীখি। মসিদা ঐখোয়গী তীম্না খ্বাইদগী ফজবা পার্ফোর্মেন্স পীদুনা, গোল্দ মেদল মরি, সিলভর মেদল অমা ফংখি। ইন্তর্নেস্নেল মেথমেতিক্স ওলীমপিয়াদ অসিদা লৈবাক ১০০ হেনবদগী নহাশিংনা শরুক য়াখি। ওভরোল তেলিদা ঐখোয়গী তীম্না তোপ ৫কী মফম কনবা ঙমখি। লৈবাক্কী মিংচৎ পুরকখ্রবা মহৈরোইশিং অদুদি-

পুনেদগী আদিত্য ভেনকত গানেশ, সিদধার্থ চোপ্রা, দিল্লীদগী অর্জুন গুপ্তা, গ্রেতর নোইদাদগী কানৱ তলৱার, মুম্বাইদগী রুশিল মাথুর অমসুং গুৱাহাতিদগী অন্দো ভাদুরিনি।

মরুপশিং, ঙসিগী ‘মন কী বাত’কী থৌরমদা ঐহাক্না মাইপাক্লবা, হায়রিবা নহাশিং অসিবু শরুক য়ানবা অখন্ননা কৌজবনি। মখোয় পুম্নমক ফোন লাইনদা লৈরি।

প্রধান মন্ত্রী:- খুরুমজরি মরুপশিং। ‘মন কী বাত’কী থৌরমদা অদোম্বু তরাম্না ওকচরি। অদোম কমদৌবীরি?

মহৈরোইশিং:- ঐখোয় নুংঙাইজরি সর।

প্রধান মন্ত্রী:- মরুপশিং, ‘মন কী বাত’কী থৌরম অসিগী খুত্থাংদা লৈবাক মীয়াম্না অদোম অদোক=মগি এক্সপরিয়েন্স খঙনিংবন আলাংতক্নরে। আদিত্যা অমদি সিদধার্থতগী হৌগে। নখোয় নখোয় হৌজিক পুনেদা লৈরিবনি। নখোয় অনিদগী হৌগে। ওলীমপিয়াদ অসিদা নখোয় অনিনা থেংনখিবা ময়াম অদু লৈবাক মীয়ামদা শিয়র তৌবীরকউ।

আদিত্য: ঐহাক অঙাং ওইরিঙৈদগী মেতস য়াম্না পামজরকখি। ঐহাকপু 6 স্তেন্দার্দ মেতস ওম প্রকাশ সরনা তম্বীরকই অমসুং মহাক্না মেতসতা এগী ইন্তরেস্ত হেনগৎহনখি। ঐনা মঙোন্দা তম্বা য়াবা তম্বগী খুদোংচাবা কয়া ফংখি।

প্রধান মন্ত্রী: অদোমগী মরুপকীদি করি করম তৌবা?

সিদধার্থ: সর, ঐগী মিং সিদধার্থ কৌই, ঐ পুনেদগীন। ঐহাক ক্লাস 12 পাস তৌরে। IMOদা শরুক য়াবা অসি হন্দক্কীসিনা২অনিরক শুবনি, ঐশু অঙাং ওইরিঙৈদগী মেতস য়াম্না পামজরকই অমসুং ঐহাক্না আদিত্যগা লোইননা ক্লাস 6তগী ওম প্রাকাশ সরন আমেতস তাকপীরকই। মহাক্না ঐখোয়বু ত্রেন তৌবীরকপনি। মঙোন্দগী কান্নবা য়াম্না ফংলকই। ঐখোয় হৌজিক কোলেজকীদমক্তা CMIদা চৎলগনি অমসুং মেতস অমসুং CS মখাতানা তমথগনি।

প্রধান মন্ত্রী: অদুগা অর্জুন নহাক্না গান্ধিনাগরদা লৈ হায়বা তাই অমসুং কানৱ নহাক্না গ্রেতর নোইদাদগীনি হায়। অর্জুন অমসুং কানৱনা ওলীমপিয়াদ অসিগীদমক্তা নখোয় অনিনা থৌরাং তৌখিবগী মতাংদা খরা হায়রগদি, অতাবশিংনা হেন্না নুংঙাইজগনি।

অর্জুন: খুরুমজরি সর, জয় হিন্দ, ঐ অর্জুননি।

প্রধান মন্ত্রী: জয় হিন্দ অর্জুন।

অর্জুন: ঐ দিল্লীদগীনি, ঐগী ইমা, শ্রীমতি আশা গুপ্তা দিল্লী য়ুনিভর্সিতীদা ফিজিক্সকী প্রোফেসরনি অমসুং ঐগী অপোকপা শ্রী অমিত গুপ্তা চার্তর একাউন্তেন্তনি। লৈবাক অসিগী প্রধান মন্ত্রীগা ৱারি শাবা ফংবদা য়াম্না চাউথোকচৈ। ঐগী মাইপাকপগী ক্রেদিৎ অসিগী ঐগী ইমা-ইপাদা পীনিংঙি। অসিগুম্বা কমপিতিশন অমগীদমক ইমুংগী মীওই অমনা হোৎনবা হায়বসি মথন্তা হোৎনবা নত্তে হায়জনিংঙি। ইমুংগী মী অদু পুল্লপ হোৎনরিবনি।

অহানবা পেপর অদুদা প্রোব্লেম অহুম সোল্ব তৌনবা পুং মরি মখাই পী। প্রোব্লেম অমগীদমক্তা পুং অমগা মখাই ওই- মরম অদুনা প্রোব্লেম অমা সোল্ব তৌনবা পুং কয়া চংঙি হায়বা খঙই। অদুনা য়ুমদা য়াম্না কন্না হোৎনবা মথৌ তাই। করিগুম্বা মতমদা প্রোব্লেম অমা সোল্ব তৌনবা হোৎনবদা পুং কয়া কয়া চংঙি। করিগুম্বদশু নোংমা চংবা, নুমিৎ হুম্নি ফাওবা চংবা য়াওই। অদুনা ঐখোয় ওনলাইন প্রোব্লেমশিং য়েংই। মমাংগী চহিগী প্রোব্লেমশিং সোল্ব তৌনবা হোৎনবা অসিনাচিংবা অসিনা তপ্না তপ্না এক্সপরিয়েন্স হেনগৎলি। মসিনা মেতমেতিক্স খক্তা নত্তে, পুনশিগী লম কয়াদা মতেং পী।

প্রধান মন্ত্রী: কানৱদগী অমুক অখন্নবা এক্সপরিয়েন্স তাবা য়াগদ্র। মসিগী থৌরাং তৌবসিদা করম্বা অখন্নবা থবক তৌখিবানিচিংবা খরা তম্মু। ঐখোয়না মদু তাবদা য়াম্না নুংঙাইজগনি।

কানৱ তলৱার: ঐগী মিং কানৱ তলৱার কৌই। ঐগী গ্রেতর নোইদা উত্ত প্রদেশতগীনি। মেতমেতিক্স ঐগী খ্বাইদগী পামজবা সবজেচ্তনি। অঙাং ওইরিঙৈদগীশু য়াম্না পামজরকই। অঙাং ওইরিঙৈদা ঐগী ইপানা পজলশিং পী, মদুনা ঐগী ইন্তরেস্ত হেনগৎলকখি। ওলিপিয়াদকী থৌরাং ঐহাক্না ক্লাস 7 তম্লিঙৈদগী হৌরকখি। মসিদা ঐগী সিস্তরগী মতেং য়াম্না ফংখি। ঐগী পেরেন্তসনশু য়াম্না শৌগৎপীখি। ওলিমপিয়াদ অসি HBCSEনা কন্দক্ত তৌই। মসি স্তেজ 5গী প্রোসেস অমনি। মমাংগী চহিদা ঐ তীমদা য়াওবা ফংখিদে, য়াম্না নক্না লৈহৌই, মদুদা ঐ থৱায় য়াম্না নুংঙাইখিদে, মদুদা ঐগী পেরেন্তসনা তম্বীখি মদুদি ঐখোয় মাইপাকপা নত্রগাঐখোয় তম্মি।

মাইপাকপদগী খোংচৎনা হেন্না মরু ওই। অদুনা ঐনা হায়জনিংবদি – ‘লব ঢাত য়ু দু এন্দ দু ঢাত য়ু লব’। খোংচৎনা মাইপাকদগী হেন্না মরু ওই অদুগা ইশানা পামজবা সবজেক্ত অসিবু নুংশিজরুবা, জর্নী অসিবু ইনজোই তৌরব আ, ঐখোয় মাই অদুমক পাক্কনি।

প্রধান মন্ত্রী: কনৱ নহাক্তি মেতমেতিক্সতা ইন্তরেস্ত লৈবা মীনি অদুগা নহাক্না ঙাংলিবা অসিদা সহিত্যদা ইন্তরেস্ত লৌবা মীগা চপ মান্নৈ।

কানৱ তলৱার: হোই সর! অঙাং ওইরিঙৈদা দিবেতিং অমসুং ওরেতিংশু তৌজরকই।

প্রধান মন্ত্রী: হৌজিক অমুক অনন্দোগা অমুক ৱারি শানসি। অনন্দো, নহাক গুৱাহাতিদগীনি অদুগা নহাক্কী মরুপ রুশিলনা মুম্বাইদগীনি। নখোয়দা অনিদা ঐহাক ৱাহং অমা হংগে। ‘পরীক্সা পে চর্চা’দি অদুমক তৌই অদুগা অতোপ্পা হিরমদা মহৈরোইশিংগা ৱারি অদুমক ৱারি শান্নৈ। মহৈরোই অয়াম্বা মেতমেতিক্সশু য়াম্না লুনা লৌই। মমিং তাবদা য়াম্না পাখৎনৈ। ঐনা খঙনিংলিবসি মেতসকা করম্না মরুপ শানগনি?

রাহুল মাথুর: সর! ঐ রুশিল মাথুরনি। ঐখোয়না অঙাং ওইরিঙৈদা, অহানবা ওইনা এদিশন তম্বদা করি ফোরৱার্দ তৌহল্লি অদুবু কেরী ফোর্ৱার্দ করিনো হায়বদুদি তাক্লক্তে অদুগা কমপাউন্দ ইন্তরেসত তম্বদা মসিগী ফোর্মুলা অসি কদাইদগী লাকপনো হায়বা হংলুদে। ঐহাক্না খঞ্জবদা মেতস হায়বা অসি তশেংনা ৱাখল খন্নবা অমদি প্রোব্লেম সোল্বিংগী কলা অমনি। অদুনা ঐখোয়না করিগী তৌরিবনো হায়বা ৱাহং অমা মেথমেতিক্সতা হাপচল্লবদি, মেতসতা ইন্তেরস্ত লাক্কনি। ঐখোয়না পোত অমা করিনো খঙদ্রবদি অকিবা পোক্কনি অদুগা ময়াম্না মেথমেতিক্স অসি লোজিকেল ওইবা সবজেক্ত অমনি হায়না লৌনৈ অদুবু মেথমেতিক্সতা ক্রিয়েতিবিতিশু য়াম্না মরু ওই মরমদি করিয়েতিবিতী অসিনা আউত ওফ দ বোক্স সোল্যুশন খনবা ঙমহল্লি। মসিনা ওলীপিয়াদতশু য়াম্না মতেং ওই। মেতসতা ইন্তরেস্ত লৌবা হেনগৎহন্নবা মেতস ওলীমপিয়াদকী য়াম্না মরু ওইবা থৌদাং লৈ।

প্রধান মন্ত্রী: অনন্দোদি করি হায়নিংঙি?

অনন্দো ভাদুরি: খুরুমজরি প্রধান মন্ত্রী জী, ঐহাক গুৱাহাতিদগী অনন্দো ভাদুরিনি। ঐহাক ক্লাস 12 লোইবতা ঙাইজরি। ঐহাক্নামফ অসিগী লোকেল ওলীপিক্সতা ক্লাস 6, 7 তম্লিঙৈদা শরুক য়াজখি। ঐহাক্কীদি মসিনা অনিশুবা IMOনি। ঐহাক্না IMO অনিমক নিংথিজনা পাংথোকচখি। অদুগা ঐহাকশু রুশিলনা হায়খিবা ৱাফম অদু ঐহাকশু য়াজনিংঙি। অঙ্ক কিজবা মীওইশিংনা খাংবা ঙম্বগী শক্তি লৈবা তাবনি। ঐখোয়বু তাকপীখিবা ওজানশু অসুম্না হায়বীখি মদুদি, অঙ্ক হায়বসি ফোর্মুলা অমা চিনফা পুশিল্লগা ফোর্মুলা অদুদগী ৱাহং চাম হেন্না পুথোকই। অদুবু ফোর্মুলা অদু খঙব্রা খঙদব্রা হায়না য়েংদনা ৱাহংতমক হংবশু য়াওই। ফোর্মুলাদু চিনফা পুশিল্লি অদুনা পরিখাদা ফোর্মুলাদু কাওখ্রগনা কমদৌবা? মরম অসিনা ঐনা হায়জনিংবদি ফোর্মুলাদু মুন্না খঙনবা হোৎনরগা রুশিলনা হায়খিবা অদুগুম্না খাঙবা কনবগী মথৌ তাই। ফোর্মুলাদু মুন্না খঙলবদি ৱাহং চাম থোরক্লরোই, ৱাহং অমা অনিদমক থোরক্লনি লোইননা অঙ্কদা কিবশু ফাওররোই।

প্রধান মন্ত্রী: আদিত্য অমসুং সিদধার্থ, হৌরকপদা ৱারি নিংথিনা শাবা ফংখিদ্রে। মরুপ ময়ামসিগী ৱা তারবা মতুংদা ৱা খরদি ঙাংফম থোকই হায়না খল্লমগনি। করি হায়বীনিংবগে? থেংনখিবা ময়ামদু খজিক্তং শিয়র তৌবীয়ু।

সিদধার্থ: লৈবাক খরগা ৱারি-ৱাতাই শানজখি। মখল-মখলগী চৎন-লোঞ্চৎনি অদুবু অতোপ্পা লমগী মহৈরোইশিংগশু থেংনজখি, ৱারি-ৱাতাই শানজবসি নুংঙাইজবা ফাওই। ময়ামদুগী মরক্তা অঙ্ক য়াম্না হৈবা য়াওই।

প্রধান মন্ত্রী: অদুগা আদিত্য।

আদিত্য: য়াম্না নুংঙাইবা এক্সপরিয়েন্স অমনি অমসুং মখোয়না বেথ সিতী কোইবা পুবীখি। নুংঙাইরবা ভ্যু কয়া অমা য়েংহল্লকখি, পার্ক কয়াদশু পুই অদুগা ঐখোয়বু ওক্সফোর্দ য়ুনিভর্সিতীদশু পুবীখি। শম্না হায়রবদা য়াম্না নুংঙাইখি।

প্রধান মন্ত্রী: য়াম্না নুংঙাইজরে, মরুপশিং ময়ামগা ৱারি শানবা ফংবা অসিদা অমুক্কশু হেন্না নুংঙাইরে।

ময়াম পুম্নকপু য়াইফ-পাউজেল পীজরি, অসিগুম্বা মখলগী খুৎশান্না অসিগীদমক এক্তিবিতী কয়াদা ফোকস পীবা তাই, কোক য়াম্না চংবা থবক্নি অমসুং ইমুংগী মিংদশু তাবা য়াম্না ৱাবা থবক্নি – করিনো তৌরিসিবু... তিনশিন্নবা, খাইদোকপা, তিনশিনবা, খাইদোকপা হায়না তৌদুনা লৈরে হায়নরিবনি। অদুবু ঐহাক্কী মাইকৈদগী ময়াম পুম্নকপু য়াইফ মঙ্গোল পীজরি। ময়াম্না লৈবাক অসিগী ইকাইখুম্নবা মিংচৎ পুরক্লি।  থাগৎচরি মরুপশিং।

মহৈরোইশিং: থেঙ্ক্যু, থাগৎচরি

প্রধান মন্ত্রী: থেঙ্ক্যু।

মহৈরোইশিং: থেঙ্ক্যু সর, জয় হিন্দ।

প্রধান মন্ত্রী: জয় হিন্দ - জয় হিন্দ।

মহৈরোইশিং ময়ামগা ৱারি শানবা ফংবা অসিদা ওন্থোক্না নুংঙাইজখ্রে। ‘মন কী বাত’তা শরুক য়াবীবগীদমক্তা ময়াম্বু হন্না থাগৎচরি। অঙ্ক হৈবা ময়ামসিগা ৱারি শানরুবদগী অতোপ্পা নহাশিংশু অঙ্কদগী নুংঙাইবা লৌনিংবগী ৱাখল ফাওবীরমগনি।

ঐগী নুংশিজরবা ইরৈবাকচাশিং, ভারতকী মীয়াম্না হেক তাবদা চাউথোকচবা ফাওগদবা হিরম খরা, ‘মন কী বাত’তা শিয়র তৌজগে। অদুবু মসিগী মমাংদা, ঐহাক ময়াম মমাংদা ৱাহং অমত্তং হংজগে। ময়াম্না চারাইদিও মাইদাম হায়বসি তাবীখ্রবরা? তাবীদ্রিবা ওইরগদি, ময়াম্না অসি হঞ্জিন-হঞজিন তাবা ফংলগনি। অদুনা খঙন-চানবশিংদশু মসিগী মরমদা হায়নিংবা ফাওরগনি। অসামগী চরাইদিও মাইদাম অসিবু য়ুনেস্কো ৱার্ল্দ হেরিতেজ সাইত্তা য়াওহনগদৌরে। মসিগী লিস্ত অসিদা য়াওবা ভারতকী ওইনা 43শুবা অদুগা নোর্থিস্তকীদি অহানবনি।  

মরুপশিং ময়াম্না চরাইদিও মাইদাম অসি করিনো অদুগা মসিনা অসুক মরু ওইরিবসি করিগীনো? খঙনিংলমগনি। চরাইদিওগী ৱাহন্থোক্তি- শাইনিং সিতী ওন দ হিলস হায়বদি চিংদা মঙাল নাইনা লৈরিবা সহর হায়বনি। মসি অহোম নিংথৌ শাগৈগী অহানবা কোনুংনি। অহোম নিংথৌ শাগৈশিংনা মখোয়গী মপা-মপুশিংগী অসিবা হকচাং অমদি মমল য়াম্লবা পোৎলমশিং অদু থাইনদগী চৎনরকপা মওং অমদা মাইদামদা থম্মি।

মাইদাম হায়বা অসি লৈপুংগী শক্তম অনি। মসিগী মথক্তা লৈবাক কুপশিল্লি অদুগা মখাদা কা অমা অদুগা অমদগী হেনবা লৈ। মাইদাম অসি অহোম লৈবাক্কী লাইওইখ্রবা নিংথৌশিং অমদি মশক নাইবা মীওইদা ইকাইখুম্নবা উৎপগী খুদম্নি। মপা-মপুশিংগী মফমদা ইকাইখুম্নদুনা ফোংদোক্নবগী খুদম অসি য়াম্না থোইদোকপা তোঙানবা মওং অমনি। মফম অসিদা ময়াম পুন্না ইরাৎ-থৌনিশু তৌই।

মরুপশিং, অহোম লৈবাক্কী অতোপ্পা ৱাফম অমনা, মসি তাবদা ময়াম অঙকপা ফাওগনি। অহোম লৈবাক্কী লৈঙাক অসি 13শুবা চহিদগীনা 19শুবা চহি চাগী হৌরকপা ফাওবা পাল্লম্মি। লৈঙাক অমনা অসুক য়াম্না শাংবা মতম অসি ফাওবা পানবা অসি থোইদোক-হেন্দোকপা থৌওং অমনি। অহোম লৈঙাক্কী ফিদম অমদি থাজবা অসি অসুক্কী মতিক মরা চৎখ্রে, মরম অসিনা অসুক শাংবা মতম অসি লৈঙাক তৌদুনা পান্দুনা লৈরম্লিবনি। ঐহাক্না নিংশিংশিংজবদা, হন্দক্কী চহীসিগী মার্চ 9দা থৌনা ফরবা অমদি মতিক-মগুন লৈরবা অহোমগী লান্মী, লচিত বোর্ফুকানগী খ্বাইদগী ৱাংবা মীতম, মাইখুম হাংদোক্নবগী লাইবক ফবা অদু ফংজখি। থৌরম অসিদা অহোম কাংবুগী মীওইশিংনা, স্পিরিচুৱল ওইবা থৌরম কয়া পরিং কাইদনা পাংথোকপা কয়া অদু উবদা ঐঙোন্দা নুংঙাইজবা ফাওখি। লচিত মাইদামদা অহোম কাংবুগী পুরৱন্সিবু ইকাইখুম্নবা উৎপা ফংবা অদু ঐহাক্কী লাইবক ফংবনি। হৌজিক চরাইদিও মাইদাম অসি ৱার্ল্দ হেরিতেজ সাইত ওইবসিনা লম কোইবা মশিং য়াম্না লাক্লনি। ময়ামশু লম কোইবগী প্লান তৌবদা মফম অসিশু শোইদনা য়াওহনবীয়ু।

মরুপশিং, ইশাগী চৎন-লোনচৎপু ইকাইখুম্নরবদি, লৈবাক অদু মাংজিল থাবাশোইদনা ঙমগনি। ভারত্তা অসিগুম্বা মখলগী থৌরম কয়া হোৎনরি।  প্রোজেক্ত PARI শু মদুগী মনুংদা অমনি। PARI হায়বসিদা ময়াম কনফ্যুস ওইবীগনু... হেলোই হায়বসি লাইরৈবাক্কী হেলোইদু নত্তে, মালেমসিবু লাইরৈবাক ওইহল্লিবনি। PARI হায়বদি পব্লিক আর্ত ওফ ইন্দিয়া, প্রোজেকক্ত PARI। পব্লিক আর্তপু মীয়াম্না পাম্নহন্নবগীদমক্তা, হৌগৎলক্লিবা আর্তিস্তশিংবু ফমপাক অমদা পুন্না পুরকহন্নবগী মীদিয়ময়ম অমনি। লম্বি মপান্দা, ফক্লাংশিংদা, অন্দরপাসশিংদা ফজ-ফজরবা পেন্তিং কয়া য়েকপা উবীরম্লগনি। অসিগুম্বা পেন্তিং অমদি ফিগরেতিব ময়াম অসি PARIদা য়াওবা আর্তিস্তশিংনা য়েক্লিবনি। মসিনা ঐখোয়গী পব্লিক প্লেসসিবু ফজহনবদা নত্তনা ঐখোয়গী কলচরবু মীয়ামদা হেন্না খঙহন্নবা হোৎনদা মতেং পাংঙি। খুদম ওইনা হায়রবদা, দিল্লীগী ভারত মন্দপম। মফম অসিদা ভারত পুম্বগী অঙকপা কলাগী থবক কয়া উবা ফংবীগনি। দিল্লীদা অন্দরপাস অমদি ফ্লাইওভর খরদশু ফজরবা পব্লিক আর্ত অসি উবা ফংবীগনি। ঐহাক্না কলা অমদি সংস্কৃতিবু নুংশিজবা মীওইশিংদা হায়জরি, মখোয়শু পব্লিক আর্ত্তা থবক খরা তৌবীয়ু। মসিনা ঐখোয়গী হৌরকফমগীদমক চাউথোকচবগী নুংঙাইজবা অদু ফংবা ঙমগনি।

ঐগী নুংশিজরবা ইরৈবাকচাশিং, ‘মন কী বাত’ অসিদা হৌজিক মচুগী অমুক হায়জগে- মসিগী মচুসিনা হরিয়ানাগী রোহতক জিলাদা নুপী 250রোমগী পুনশিদা চাউখৎপগী মচু শংখ্রবনি। ইয়োং ফিগী ইন্দস্ত্রী তৌবা নুপীশিং অসিনা হান্নদি অপিক-অপিকপা দুকানশিং অমদি অফং-অফংবা থবক তৌদুনা হিংলম্মি। অদুবু ময়াম পুম্নমক অমনা অমদগী হেনগৎনবগী ৱাখলদি লৈতবা নত্তে, মরম অসিনা মখোয়না UNNATI সেল্ফ হেল্প গ্রুপতা য়াওননবা ৱারেপ লৌনরে অমসুং গ্রুপ অসিদা য়াওরগা মখোয়না ব্লোক পেন্তিং অমদি মচু শংবগী ত্রেনিং লৌরে। ফিরোলশিংদা মচুগী কুম্মৈ শানহল্লিবী নুপীশিং অসিনা হৌজিক্তি লুপা লাখ কয়া তানবা ঙম্লে। মখোয়না শাবা বেদ কোভর, সারি অমদি ফি মতেকশিং অসি কৈথেলদা য়াম্না পাম্নরি।

মরুপশিং, রোহতক্কী নুপীশিংগী মতৌগুম্না, লৈবাক অসিগী তোঙান-তোঙানবা মফমদগী খুৎহৈবা-শিংবশিংনা হেন্দলুম অসিবু ময়াম্না হেন্না পাম্নহন্নবা কন্না হোৎনৈ। ওরিশাগী সম্বলপুরি সারি, MPগী মাহেস্বরি সারি, মহারাস্ত্রগী পাইথানি নত্রগা বিদর্ভাগী হেন্দব্লোক প্রিন্তশিং, হিমাচলগী ভুতিকো সোলশিং অমসুং শমতুগী ফিশিং নত্রগা জম্মু অমসুং কাশ্মিরগী কানি সোলশিং। হেন্দলুমগী আর্তিসানশিংগী থবক অসি লৈবাক শিন-থুংনা শন্দোক্লি। মসিগী মতাংদা ময়ামশু খঙলম্লনি মদুদি নুমিৎ খরনিদা, ওগস্তকী তাং 7তা, এখোয়না নেস্নেল হেন্দলুম দেগী থৌরম পাংথোক্লগনি। হৌজিক মতম অসিদদি, হেন্দলুমগী পোত্থোকশিং অসিনা মীয়ামগী থমোইদা কল্লিবা মফম অসি য়াম্না মাইপাক্লে, য়াম্না চাউখ্রে। হৌজিক্তি AI খুত্থাংদা লনাইগী কমপনী কয়া অমনা হেন্দলুম পোত্থোক অমসুং সস্তেনেবল ফেশন প্রোমোত তৌরি।

কোশা AI, হেন্দলুম ইন্দিয়া, D-জঙ্ক, নোভাতাক্স, ব্রহমপুত্র ফেবলস, অসিগুম্বা স্তার্ত কয়া অমশু হেন্দলুমগী পোত্থোকশিংগী মমিং হেনগৎহনবদা মতেং পাংলি।  লোকেল প্রোদক্তশিং পোপুলার ওইনবা হোৎনবা উবদা ঐহাকশু য়াম্না নুংঙাইবা পোকই। ময়ামশু লোকেল প্রোদক্তপু ‘হাসতেগ মাই প্রোদক্ত মাই প্রাইদ’ হায়বা মমিংদা সোসিয়েল মীদিয়াদা অপলোদ তৌবীয়ু। ময়াম্না হোৎনরিবসিনা মীওই কয়াগী পুনশিবু অহোংবা পুক্কনি। মরুপশিং, হেন্দলুমগা লোইননা খাদিগী মরমদশুহায়জনিংঙি। ময়াম্না অহানবদদি অমুক্তা শিজিন্নরম্লোই অদুবু হৌজিক্তি য়াম্না চাউথোক্না খাদিগী পোত শিজিন্নরি। ঐহাকশু মসি তাবদা নুংঙাইজৈ। হৌজিক্তি খাদি কোতেজগী কর্বার অসি য়াম্না চাউখৎলে, লুপা করোর লাখ 1.5 হেন্না ফংখ্রে। খনবীয়ু লুপা করোর লাখ অমগা মখাই অমসুং খাদি পোত্থোক য়োনবসি 400% হেনগৎলকখি। খআদি হেন্দলুমগী পোত শিৎপা হেনগৎলকপা অসিদা মীওই কয়াশু থবক পীরি। ইন্দস্ত্রী অসিদা নুপীশিংনা হঅএন্না থবক শুরি। খ্বাইদগী কান্নবশু ফংলি। ঐনা হায়জনিংবদি, ময়ামগী ফিরোল মখল মখল লৈরমগনি, খাদি পোত্থোক অমুক্তা লৈদবশু য়াওরমগনি অদুবু হন্দক্কী চহিসিদগী লৈবা হৌবীরো।

ওগস্ত থা লাক্লে, নিংতম্বা ফংবগী থানি, নিংতম ইহৌগী থানি। খাদি লৈবগী খ্বাইদগী ফবা তাঞ্জা লাক্লে। ঐগী নুংশিজরবা ইরৈবাকচাশিং, ‘মন কী বাত’তা মীয়ামদা দ্রগ শিজিন্নবগী মতাংদা পঞ্জরি। ইমুং খুদিংনা মখোয়গী অঙাংশিংবু দ্রগকী লাংদা থুদনবা কন্না হোৎনরি। অসিগুম্বা মীশিংগী মতেংগীদমক্তা সরকারনা অখন্নবা সেন্তর অমা হাংলে। মসিগী মমিংনা ‘Manas’। দ্রগকী মায়োক্তা লান্থেংনবগী মসি অচৌবা খোংথাং অমনি। নুমিৎ খরনিগী মমাংদা ‘Manas’হেল্পলাইন অমসুং পোর্তেল অমা লোঞ্চ তৌখ্রে। সরকার তোল-ফ্রী নম্বর ‘1933’ হাংদুনা থম্লে। মসিদা কোল তৌরগা দরকার ওইবা থৌরাং কয়া লৌখৎপা য়ারে। মতুংদা রিহেবিলিতেশনগী পাউ খঙবা য়ারে। করিগুম্বা কনাগুম্বা অমনা দ্রগকা মরি লৈনবা ই-পাউ লৈরবদি, মখোয়না মসিগী নম্বর অসিদা কোল অসিদা কোল তৌরগা নার্কোতিক্স কন্ত্রোল ব্যুরোগা শিয়র তৌবশু য়াই। MANASকা মরি লৈনবা ৱাফম খুদিংমক অরোনবা ওইনা থমগনি।

ভারতপু ‘দ্রগ ফ্রী’ ওইনা থম্নবা হোৎনবদা শরুক য়ারিবা মীশিং, ইমুংশিং, ইনস্তইত্যশনশিংদা MANASগী হেল্পলাইন নিংথিনা শিজিন্নবীয়ু হায়না হায়জরি।

ঐগী নুংশিজরবা লৈবাক্কী মীওইশিং, হয়েংদি পৃথিবি পুম্বদা তাইগর দে পালন তৌগনি। কৈ হায়বসি ভারতকী সংস্কৃতিগা য়াওন্নদুনা লৈরিবা শরুক অমনি। ঐখোয়না কৈশিংগী থৌদোক্কী ৱারিশিং তাদুনা চাউরকই। জঙ্গলদা নক্না তাবা খুঙ্গংশিংদা শাথিরবা কৈশিংগা করম্না লৈমিন্নগনি হায়বসি মীপুম খুদিমক্না য়াম্না মুন্না খঙই। ঐখোয়গী লৈবাক অসিদা , মীওইবা অমসুং কৈশিংগী মরক্তা করিশু কাইদনা লৈমিন্নৈ। অদুবু করিগুম্বা মতমদা মী অমসুং কৈগা নক্ননা লৈমিন্নবা য়ারক্তবা থৌদোক্লকপা মতমদা মদুগি চপ চাবা থৌরাংশিং মহৈরোলদগী লৈরক্লিবনি। মীয়াম পুন্না য়াবা অদুগুম্লবা য়াম্না নুংঙাইবা মখলগী খোংজং অমা রাজস্থানগী রন্থম্বোরদগী হৌদোকখি। “কুলাহারি বন্দ পঞ্চায়ত” হায়বা খোংজং অসিগী মখাদা মফমদুগী মীওইশিংনা জঙ্গলদা শিংজং পাইদুনা চত্তবা হায়বা ৱাশক লৌমিন্নখি। মরম অসিনা জঙ্গলদু অমুক্ক হন্না অশং অমান্না পিক থন্না হেন্না ফবা আকোইবগী ফিভম ওইখি।

মরুপশিং, মহারাস্ত্রগী তাদোবা-অন্ধেরি তাইগর রিজার্ব অসি কৈশিংগী য়াম্না মরু ওইবা হেবিতেত অমা ওইরিবনি। মফম অসিদা খুন্দা লৈতাদুনা লৈরিবা, মরু ওইনা ঐখোয়গী গোন্দ অমসুং মানা জাতিগী ইচিল-ইনাও, ইচে-ইচলশিংনা ইকো-তুরিজমগী মাইকৈরোমদা কন্না চংশিল্লি। মখোয়না জঙ্গলদগী থোকপা পোত্থোকশিংগী মপাল তাংবা কয়া হন্থহন্দুনা কৈশিংগী পুনশিদা হিংজবা ঙম্নবা কন্না হোৎনরি। অদুগা অসিদনত্তনা অন্ধ্র প্রদেশকী নল্লামালাইগী চিংশিংদা খুন্দারিবা ‘চেঞ্চু’ জাতিগী হোৎনজমগী ৱারি তারগা হেন্না ঙকপা পোক্কনি হায়না খল্লি। মফমদুদা মখোয়না তাইগর ত্রেকর ওইনা জঙ্গলদুদা মখল অমত্তগী চত্থোক-চৎশিনগী মওং অমত্তদা পাউ পীবগী থৌওং পাংথোকই। লোইননা আইনগী ৱাংবদা তৌবা থবক থৌওংশিংবু চেকশিন্না য়েংশিল্লি। মসিগা লোইননা উত্তর প্রদেশকী পিল্লিভিত্তা পাংথোক্লিবা ‘কৈগা নুংশি-চান্নবা হায়বা থৌরম’  অসি য়াম্না মমিং চৎলিবনি। থৌরমসিগা মরি লৈননা মফম অদুগী মীওইশিংবু কৈগা নুংশি-চান্নবগী শক্তম অমা ওইনা থবক অমা ওইনা ত্রেনিং পীদুনা মীওইবগা কৈগগী মরক্তা মুক্নবা থোক্তনবা হোৎনৈ। ঐহাক্না মসিদা পল্লিবসি খরা খক্তনি অদুবু মীয়ামগী হনবা লৈত্রবা থৌদাংশিংনা কৈবু য়োকখৎপদা য়াম্না অচৌবা মতেং অমা পীরিবসি থেংনবদা য়াম্না নুংঙাইবা ফাওই। অসুম্না খন্না হোৎনবসিনা ভারত্তা কৈগী মশিং চহি খুদিংগী মশিং হেনগৎলক্লিবনি। মসিদগী পৃথিবিগী ওইনা য়েংলুবদা, কৈগী মশিং 70% ঐখোয়গী ভারত্তা লৈ। অদোমসু মসি তাবদা নুংঙাইজবা, চাউথোকচবা ফাওগনি খল্লি। খনবীয়ু, মরম অদুননি, ঐখোয়গী লৈবাক্কী মফম কয়া অশি তাইগর সেনচুরী লৈরিবসি।

মরুপশিং, কৈশিংগী মশিং হেনগৎলকপগা লোইননা উমংগী হিরমদশু মাংলোমদা চংশিল্লি। মসিদা কম্যুনিতীগী থাক্তা হোৎনজমন অদুবু উবা ফংই। মমাংগী ‘মন কী বাত’তা ‘এক পের মা কে নাম’ থৌরম অসিগী মতাংদা ঐখোয়না খন্নখ্রে। লৈবাক অসিগী তোঙান-তোঙানবা মফম কয়াদগী মীওই কয়ানা থৌরম অসিদা শরুক য়ারি হায়না খঙজবদা ঐহাক্না থোইদোক্না পেনবা পোকই। হন্দক্তা নুমিৎ খরনিগী মমাংদা লু নানবগীদমক্তা মমিং চৎলবা ইন্দোরদা থৌরম অমা আংথোকখি। মমফ অসিদা ‘এক পের মা কে নাম’ থৌরম অসিগী মনুং চন্না নুমিৎ নিনিগী মনুংদা উ-পাম্বি লাখ অনিগী মথক্তা থাখি। ইশাগী অপোকপীগী মিংদা উ-ৱা থাবগী থৌরাং অসিদা অদোমশু শরুক য়াবীয়ু। থৌওং অসি পাংথোক্লিঙৈ শেল্ফি লৌদুনা সোসিয়েল মীদিয়াদা থাগৎপীয়ু। থৌরাং অসিদা শরুক য়াদুনা ইশাগী অপোকপীগা লোইননা মালেম ইমা অনিমক্কী করিগুম্বা অখন্নবা খরা পাংথোক্নিংবগী ইথিল ফাওগনি।

ঐগী নুংশিজরবা ইরৈবাকচাশিং, ওগস্ত 15 হৌজিক্তি পংলাপ লাপত্রে।  ওগস্ত 15 অসিদা থৌরাং অমশু য়াওরি মদুদি ‘হর ঘর তিরঙ্গা’। হৌখিবা চহি অসিদি, য়ুমথোং খুদিং মচু অহুমগী ফিরাল পাইহন্নবা মীয়াম্না থৱায় য়াওনা শরুক য়াবা উই। মচু অহুমগী ফিরাল হায়দুনা সেল্ফী নম্লগা সোসিয়েল মীদিয়াদা থাগৎনবা মীয়ামগী ইখৌ লাংবা অদু উবা ফংই। মফম কয়াদা, লৈকাই খুল্লক্তা, য়ুম অমদা ফিরাল থেৎপা হৌরকপদা থংনবা য়ুমশিংশু ফিরাল থেৎলকপা হেক্তা উরকই। ‘হর ঘর তিরঙ্গা’ অভিয়ান অসি হৌজিক্তি তোপ-তোপ্পা কুম্মৈ অমা ওল্লে।

মরুপশিং, হান্নগুম হন্দকশু ‘harghartiranga.com’ লৈবাক অসিগী মচু অহুমগী ফিরালগা লোইননাসেল্ফি অমগা লোইননা অপলোদ শোইদনা তৌবীরকউ। লোইননা ৱাফম অমগা ময়ামদা নিংশিংজরমগে। চহি খুদিংগী ওগস্ত 15 য়ৌদ্রিঙৈ, অদোম্না মমল য়াম্লবা সজসন কয়া ঐঙোন্দা য়ৌহনবীয়ু। হন্দকশু অদুমক থাবীরকউ। MyGov নত্রগা NaMo এপ অসিগী খুত্থাংদা অদোমগী সজেসনশিং থাবীরকপা য়াগনি। আদোমগী সজেসনশিং ঙম্লিমখৈ ওগস্ত 15গঈ স্পীচতা য়ৌহন্নবা হোৎনজগে।

ঐগী নুংশিজরবা ইরৈবাকচাশিং, ‘মন কী বাত’কী হন্দক্কী তাঙ্কক অসিগী খুত্থাংদগী অদোমগা ৱারি শাবা ফংবা অসিদা থোইদোক্না নুংঙাইবা ফাওই। লৈবাক্কী মাইপাকপগী ৱারি কয়া অমগা লোইননা মীয়ামগী হোৎনজমনগী অনৌবা ৱারি কয়াগা মথংগী তাঙ্কক্তা অমুক থেংনরসি। অদোম্না ‘মন কী বাত’কীদমক সজেসন শোইদনা থাবীরকউ। লাক্কদৌরিবা মতম খরসিদা, হরাও কুম্মৈ কয়া অমশু লাক্কদৌরে। ফেস্তিবলশিং অসিগীদমক্তশু ময়ামগী মফমদা হরাও-তয়াম্বা ফোংদোকচরি। ইমুং-মনুংগা লোইননা হরাও-কুম্মৈশিং অসি পাংথোকপীয়ু। লৈবাক অসিগীদমক্তশু অনৌবা থবক-থৌরম পাংথোক্নিংবগী ইথিলগা লোইনদুনা চৎপীয়ু। হন্না হন্না থাগৎচরি। খুরুমজরি।

ঐহাক্কী লৈবাক মীয়ামগী মফমদা কোক নোঞ্জরি। ঐখোয়না ফেব্রুৱারীদগী ঙাইরকপা মতম অদু ঙসিদি য়ৌরক্লে। ঐহাক্না ঙসি ‘মন কী বাত’ কী খুত্থাংদা অদোম, ঐহাক্কী ইমুংগী মীওইশিংগা অমুক্কা হন্না পুল্লরে। ‘ইতি বিদা পুনর্মিলানয়া’ হায়বা য়াম্না ফজবা ৱারোল অমা লৈ, মসিনা হায়বদি ঐহাক্না অদোমগী মফমদগী কায়ন য়াথং লৌরিবসি অদোমগা অমুক হন্না উন্ননবনি হায়বনি। চপ মান্নবা ৱাখল্লোন অসিগা লোয়ননা ঐহাক্না মীখলদা মায় পাক্লবা তুংদা অমুক্কা হন্না উন্নসি হায়না ফেব্রুৱারীদা হায়খিবনি। অদুগা ঙসিদি, ঐহাক্না অদোমগী নাক্তা ‘মন কী বাত’কী খুত্থাংদা অমুক্কা হন্না পুল্লে। অদোমশু নুংঙাইরমগনি থাজৈ, মোন্সুনশু লাক্লে, মোন্সুন লাকপসি ৱাখল অমসুং পুন্সি তেখৎপনি হায়নরিবনি। লৈবাক অসিদা মখোয়গী থৌদাং কয়ানা অহোংবা পুরক্লিবা মীওই কয়াগী মতাংদা ৱারী শাবগী থৌওং অসি ঙসিদগী হৌনা ‘মন কী বাত’ অসিদা অমুক্কা হৌরসি। ঐখোয়গী ইনাক খুল্লবা চৎনবী, ঐখোয়গী য়াইফরবা পুৱারী অমসুং চাউখৎপা ভারত অমা ওইহন্নবা ঐখোয়না হোৎনরিবা কয়া অসিগী মতাংদা ঐখোয় অমুক খন্নবা হৌরসি।

মরুপশিং, ফেব্রুৱারীগী হেক মতুংদগী থাগী অরোইবা নোংমাইজিং লাকপা খুদিংদা ঐহাক্না অদোম্বু য়াম্না নীংশিংই। অদুগা, থাশিং অসিদা অদোম্না পাউজেল কয়া থারকখিবনা ঐহাকপু য়াম্না নুংঙাইহল্লি।

‘মন কী বাত’ রেদিও প্রোগ্রাম অসি থা খরা লেপ্লুরে, অদুবু, ইশাগী ওইজবা থীদনা, হনবা লৈতনা পাংথোকপা থবক কয়াগী মতাংদা পাউদম্লদুনা প্রোগ্রাম অসিগী ইথিলদি লেপ্পা লৈত্রি। মীখল মরক্তা মসিগুম্বা ৱারী কয়ানা অদোমগী পুক্নিংদা নুংঙাইবা পোকহল্লমগনি।

মরুপশিং, লৈবাক্কী গনতন্ত্রগী পথাপ অমসুং সংবিধান্দা অদোম্না অচেৎপা থাজবা থম্বগীদমক্তা ঐহাক্না লৈবাক মীয়াম্বু থাগৎপা পামজৈ। ইং 2024গী মীখল অসিদি মালেমগী খ্বাইদগী চাউবা মীখল অমনি। মীওই করোর 65না ভোত থাদবা মসিগুম্না চাউবা মীখল অসি মালেমদা ঙসি ফাওবদা পাংথোকখিদ্রি। মীখলগী থবক্কা মরী লৈনবা ইলেক্সন কম্মিসন অমসুং মীপুম খুদিংবু ঐহাক্না থাগৎচরি। ঐহাক্কী নুংশিরবা লৈবাক মীয়াম, জুন 30 অসিদি য়াম্না মরু ওইবা নুমিৎ অমনি। ঐখোয়গী ত্রাইবেল ইচিল ইনাওশিংনা নুমিৎ অসিবু ‘হুল দিবস’ হায়না পাংথোক্লি। মীরম লৈবাক্কী লৈঙাকপশিংগী মাইয়োক্তা লেপখিবা বীর সিদ্ধু কানহুগী হনবা লৈত্রবা থৌনাগা ঙসিগী নুমিৎকা মরী লৈনৈ। বীর সিদ্ধু কানহুনা সন্থল মরুপ্লোই লিশিং কয়াবু অমত্তা ওইনা পুন্সিন্দুনা মখোয়গী অপুনবা পাঙ্গলগা ব্রিতিশকা লান্থেংনখি। থৌদোক অসি করম্বা মতমদা থোকখিবগে অদোম খঙবরা? মসিদি ভারতকী নীংতম্বগী অহানবা লান হৌখিবা ইং 1857গী চহি অনিগী মমাংদা ইং 1855তা থোকখিবনি। মতম অদুদা, ঝার্খন্দগী সন্থল পর্গনাদা ঐখোয়গী ত্রাইবেল ইচিল ইনাওশিংনা মীরম লৈঙাক্কী মাইয়োক্তা খুৎলায় পায়খিবনি।

ব্রিতিশনা ঐখোয়গী সন্থল ইচিল ইনাওশিংগী মাইয়োক্তা মীওৎ মীনৈ কয়া চত্থখি অমসুং অথিংবা কয়া অমা থমজিনখি। লালহৌ অসিদা মশাগী থৌনা উত্তুনা বীর সিদ্ধু অমসুং কানহুনা মথ্বাই কৎখিবনি। ঝার্খন্দগী অমর ওইবা লমদম অসিগী মচাশিংনা থৱাই কৎখিবগী থৌওংনা ঙসি ফাওবদা লৈবাক মীয়ামদা ইথিল পীরিবনি। সন্থালি লোলদা মখোয়গীদমক্তা শকপা ঈশৈ অমা ঐখোয় তামিন্নসি।

#ওদিও ক্লিপ#

ঐহাক্কী নুংশিরবা মরুপশিং, মালেমদা খ্বাইদগী তাঙবা মরী অসি করিনো হংবদা অদোম্না ইমা হায়না শোইদনা খুমগনি। ঐখোয়গী খুদিংগী পুন্সিদা ইমাগী থাক্না খ্বাইদগী হেন্না ৱাংই। মমা অমনা অৱাবা কয়া মাইয়োক্নরবশু মচাবু নুংশিবদি হনবা লৈতে। ইমাগী মীনুংশি অসিদি ঐখোয়না কৈদৌনুংদা শিংবা ঙম্লরোইদবা লমন অমনি। ঐহাক্না খল্লিবনি...ঐখোয়না ইমাদা করিগুম্বা অমত্তা পীবদি ঙমদে, অদুবু মহাক্কীদমক্তা করিগুম্বা অমদি তৌবা য়াইনা? ৱাখল্লোন অসিগা লোয়ননা, হন্দক্কী চহিগী মালেমগী ইনভাইরনমেন্ত নুমিত্তা অখন্নবা কেম্পেন অমা হৌদোকখি। কেম্পেন অসিগী মিংদি “এক পের মা কে নাম” হায়বনি। ঐহাকশু ইমাগী মিংদা উ অমা থাজখি। মালেমগী লৈবাক্কী মীপুম খুদিংনা মখোয়গী মমাগা লোয়ননা নত্ত্রগা মখোয়গী মমাগী মিংদা উ অমমম থাসি হায়না ঐহাক্না পাউজেল পীজখি।

কেম্পেন অসিগী মখাদা ইমাগী মিংদা উ থাবগী থবক্না মতিক লৈনা চত্থরকপা অসিদা ঐহাক্না নুংঙাইবা ফাওই। মীওই কয়ানা মখোয়গী মমাগা লোয়ননা উ থাবগী ফোতো কয়া সোসিএল মীদিয়াদা থাগৎনরক্লি। কেম্পেন অসিনা ঐখোয় পুম্বনা ইমাবু ইকায় খুম্নবগী চপ মান্নবা খুদোংচাবা পীরি। #Plant4Mother অমসুং #Ek_Ped_Maa_Ke_Naamগী মখাদা মখোয়গী ফোতো থাগত্তুনা মীপুম খুদিংদা ইথিল পীনরি। মরুপশিং, কেম্পেন অসিনা ঐখোয় খুদিংদা অতোপ্পা লম্বী অমদশু তেংবাংগনি। মালেম পৃথীবিশু ঐখোয়বু মমাগুম্না নাওকোনবীরি। মালেম পৃথিবীনা ঐখোয় খুদিংবু হিংহল্লিবনি, অদুনা মহাক্কীদমক্তা চেকশিঞ্জবা হায়বশু ঐখোয়গী থৌদাংনি। ইমাগী মিংদা উ থাবনা ঐখোয়গী ইমা খক্তবউ ইকায় খুম্নবতা নত্তনা মালেম ইমাবুশু তেক্ত কায়দনা ঙাক শেন্দুনা থমগদৌরিবনি। মমাংগী দিকেদতা ঐখোয়না পুন্না হোৎনমিন্নবনা মরম ওইরগা ঐখোয়না ভারতকী উমংগী পাক চাউবা য়াম্না হেনগৎহনখ্রে। অমৃত মহোৎসব মতমদা লৈবাক শিনবা থুংবদা অমৃত সরোবর লিশিং 60 হেন্না শেমগৎখি। ইমাগী মিংদা উ থাবগী কেম্পেন অসিবুশু ঐখোয়না শৌগত্তুনা খুমাং চাউশিলহনবগী মথৌ তারে।

ঐহাক্কী নুংশিরবা লৈবাক মীয়াম, মোন্সুন্না মহাক্কী মচু কয়া লৈবাক্কী মফম কয়াদা খোঙজেল য়াঙনা শন্দোক্লি। নোংজু থা মতমসিদা য়ুম খুদিংদা কোইথী থীনরিবা পোৎলম অমদি ‘শাতিন’ হায়বসিনি। ঙসিগী ‘মন কী বাত’ অসিদা ঐহাক্না অখন্নবা শাতিন অমগী মতাংদা পাউদমগে। হায়রিবা শাতিন অসি ঐখোয়গী কেরলাদা শাবনি।

কেরলাগী চৎনবীদা শাতিনগী অখন্নবা মতৌ অমা লৈ। মফমসিগী ইরাৎ থৌনী কয়াদা শাতিনগী মথৌ য়াম্না তাবা লৈ। অদুবু, ঐহাক্না হায়রিবা শাতিন মখল অসিদি ‘কার্থুম্বী শাতিন’ অসিনি অমসুং মসি কেরলাগী অত্তাপদীদা শাবনি। মসিগী মচুনা থল্লবা শাতিন অসি য়াম্না ফজৈ। খ্বাইদগী অখন্নবা ৱাফম অমনা, শাতিন অসি কেরলাগী ত্রাইবেল ইচিল ইনাওশিংনা শাবনি। শাতিন অসি ঙসিদি লৈবাক পুম্বনা পাম্নবা হেনগৎলক্লি। মখোয় অসি ওনলাইন্দশু য়োল্লি। শাতিন অসি ‘বত্তালাকী কোওপরেতিব ফার্মিং সোসাইতী’গী মিৎয়েং মখাদা শাবনি। সোসাইতী অসি নুপীনা লুচিংদুনা চলাইবনি। নুপীশিংগী লুচিং মখাদা, অত্তাপাদীগী ত্রাইবেল খুন্নাইনা ওন্তোপ্রিনর্শিপকী নীংথিরবা খুদম অমা উৎলি। সোসাইতী অসিনা বেম্বু-হেন্দিক্রাফ য়ুনিৎ অমশু হাংদোক্লে। মীওইশিং অসিনা হৌজিক রিতেল আউতলেত অমসুং ত্রেদিস্নেল কেফে অমা হাংদোক্নবা থৌরাং তৌরি। মখোয়গী পান্দম অসিদি শুপ্নগী শাতিন অমসুং অতোপ্পা পোত্থোক য়োনবখক নত্তে, মখোয়গী চৎনবী অমসুং নাৎপু মালেমদা মখোয়না খঙহনবা পাম্লি। ঙসিদি, কার্থুম্বী শাতিন্না কেরলাগী অপীকপা খুঙ্গং অমদগী হেন্দোক্তুনা মলতিনেস্নেল কম্পেনী ফাওবা য়ৌবগী খোঙচৎ চৎখ্রে। ভোকেল ফোর লোকেলগী ওইনা মসিদগী হেন্না ফবা করি খুদম অমা লৈরিবগে?

ঐহাক্কী নুংশিরবা লৈবাক মীয়াম, মথংগী থাদা পেরিস ওলিম্পিক্স হৌরগনি। হায়রিবা ওলিম্পিক গেম্স অসিদা ভারত মচাশিংগী পুক্নিং থৌগৎলগে হায়না পুম্নমক্না ঙাইনরিবা ঐহাক খঙই। ওলিম্পিক গেম্স অসিদা ঐহাক্না ভারতকী তীম্না মায় পাকপা ওইসনু হায়জরি। তোকিয়ো ওলিম্পিক্সকী থৌদোকশিং ঐখোয়না ঙসিশু তগৎ তগৎ তেক্না নীংশিংলি।

ঐখোয়গী শান্নরোইশিংনা তোকিয়োদা উৎখিবা পরফোর্মেন্সনা ভারত মচা খুদিংগী পুক্নিং হুখি। তোকিয়ো ওলিম্পিক্স হেক লোইবগা ঐখোয়গী শান্নরোইশিংনা পেরিস ওলিম্পিক্সকীদমক্তা শেম শাবা হৌনখ্রবনি। ঐখোয়না শান্নরোই খুদিংবু অমত্তা ওইনা পুন্সিল্লবদি, মখোয় পুম্নমক্না মতমদুদগী হৌনা মালেমগী তুর্নামেন্ত চাউরাক্না চমাপ্পন্দা শরুক য়াখ্রবনি। মসিদি য়াম্না য়াম্বা মশিংনি।

মরুপশিং, অখন্নবা থৌদোক খরা অদোম্না পেরিস ওলিম্পিক্সতা খ্বাইদগী অহানবা ওইনা উবা ফংগনি। শুতিংদা, ঐখোয়গী শান্নরোইশিংগী তেলেন্তনা খ্বাইদগী মাঙ থাগনি। নুপা অমসুং নুপীগী তীম অনিমক্না তেবল তেন্নসিতা ক্বালিফাই তৌখ্রে। ঐখোয়গী নুপী শুতর কয়াশু ভারতকী শুতিং তীমগী শরুক ওইরি। ঐখোয়গী তীমগী মীওইশিংনা রেস্তলিং অমসুং হোর্স রাইদিংদা চাংয়েংনগনি, মসি মমাংদা অমুক্তা তৌখিদ্রিবনি। পুম্নমক অসি খঙলবা তুংদা, ঐখোয়না শান্ন খোৎনবগী মতাংদা অখন্নবা নুংঙাইবা অমা থেংনরগনি হায়বা অদোম খঙলম্লগনি। অদোম্না নীংশিংলম্বা য়াই, থা খরগী মমাংদা, ৱর্ল্স পেরা এথলেতিক চেম্পিয়নশিপ্তা ঐখোয়গী খ্বাইদগী ফজবা পরফোর্মেন্স উৎখি। ঐখোয়গী শান্নরোইশিংনা ছত্রং অমসুং বেদমিন্তন্দা মনা কয়া লৌখি। ঐখোয়গী শান্নরোইশিংনা ওলিম্পিক্স অসিদশু নীংথিবা পরফোর্মেন্স উৎনবা লৈবাক  পুম্বনা ঙাইনরি, মেদল লৌবা ঙাইনরি, লৈবাক মীয়ামগী পুক্নিং শুমহৎনবা ঙাইনরি। লাক্কদৌরিবা মতমশিংদা, ঐহাক্না ভারতকী তীমগা উন্নবগী খুদোংচাবা ফংগনি। অদোমগী মায়কৈদগী ঐহাক্না মখোয়দা য়াইফ পাউজেল পীগনি। হন্দক্কী হেশতেগ অসি #Cheer4Bharat ওইগনি।

ঐখোয়না হেশতেগ অসিগী খুত্থাংদা ঐখোয়গী শান্নরোইশিংগী পুক্নিং থৌগৎসি। অদোমগী ইথিল অসিনা মখোয়দা তেংবাংদুনা ভারতকী জাদুবু মালেমদা উৎহনবা ঙমগনি।

ঐহাক্কী নুংশিরবা লৈবাক মীয়াম, অদোমগীদমক্তা অতেনবা ওদিও ক্লিপ অমা থাজগে।

#ওদিও ক্লিপ#

রেদিও প্রোগ্রাম অসি তাবদা অদোমশু ঙকপা ফাওরমগনি। মসিগী ৱারী লিজগে। তসেংবদি, মসিদি কুৱেত রেদিওদা থাদোকপা ক্লিপ অমনি। মফম অসিদা হিন্দি করম্না য়াওরিবনো? তসেংবদি, কুৱেত সরকারনা মখোয়গী লৈবাক্কী রেদিওদা অখন্নবা থৌরম অমা হৌদোকখ্রে। মদুশু হিন্দিদা। মসি কুৱেত রেদিওদা নোংমাইজিং খুদিংগী পুংখায় অমা শন্দোকই। মসিদা ভারতকী চৎনবীগী ৱারোল কয়া পাউদম্মি। ঐখোয়গী ফিল্ম অমসুং আর্তকী মালেমগা মরী লৈনবা ৱারোলশিং অসি মফম অসিগী ভারতকী খুন্নাইদা য়াম্না অপাম্বা ওই। কুৱেতকী লোকেল মীয়ামশু মসিবু য়াম্না পাম্মি হায়না ঐহাক্না তারে। মসিগুম্বা ফজরবা খোঙথাং অসিগীদমক্তা ঐহাক্না কুৱেত সরকার অমসুং মীয়ামবু থম্মোইনুংদগী থাগৎচরি।

মরুপশিং, ঐখোয়গী চৎনবীনা মালেমদা ঙান্থোইরিবা অসিদা ভারত মচা কনানা নুংঙাইরোইদগে? খুদম অমা, তুর্কেমেনিস্তান্দা মখোয়গী লৈবাক্কী কবিগী 300শুবা মপোক নুমিৎ অসি চহিসিগী মে থাদা পাংথোকখি। থৌরমসিদা, তুর্কেমেনিস্তানগী রাস্ত্রপতিনা মালেমগী মমিং লৈরবা কবি 24গী মীতমগী মায়খুম হাংদোকখি। মীতমশিং অসিগী মনুংদা ঐখোয়গী গুরুদেব রবিন্দ্রনাথ তেগোরশু য়াওরিবনি।

মসিদি ঐখোয়গী ভারত অমসুং গুরুজীবু তসেংনা ইকায় খুম্নবগী থৌওংনি। মান্নবা মতৌ অমা ওইনা, জুন থাদা, কেরিবিয়ানগী লৈবাক অনি ওইরিবা সুরিনাম অমদি সেন্ত ভিন্সেন্ত অমশুং গ্রেনাদিন্না মখোয়গী ইন্দিয়ন হেরিতেজপু থৱাই য়াওনা পাংথোকখি। সুরিনামগী ইন্দিয়ন কম্ম্যুনিতীনা চহি খুদিংগী জুন 5 অসিবু ইন্দিয়ন এরাইবেল দে অমসুং প্রাবাসী দিন হায়না পাংথোকই। মফম অসিদা হিন্দিগা লোয়ননা ভোজপুরীশু পাক শন্না ঙাংনৈ। সেন্ত ভিন্সেন্ত অমসুং গ্রেনাদিন্দা ভারত্তগী হৌখিবা মীওই চাউরাক্না লিশিং তরুকমুক লৈ। মখোয় খুদিংনা মখোয়গী হেরিতেজকীদমক্তা চাউথোকচৈ। জুন 1দা মখোয়না হেরিতেজ নুমিৎ হায়না পাংথোকপগী মতৌনা মখোয়গী ইথিলগী মমি উহনবা ঙম্মি। ভারতকী হেরিতেজনা মালেমগী মফম খুদিংদা মসিগুম্না শন্দোকপগী মতৌদা ভারত মচা খুদিংনা নুংঙাইবা ফাওনরি।

মরুপশিং, হন্দক্কী থা অসিদা মালেম পুম্বনা 10শুবা য়োগ নুমিৎ থৱাই য়াওনা পাংথোকখি। ঐহাক ইশামকশু জম্মু কশ্মিরগী শ্রীনগরদা শিনখিবা থৌদোক্তা শরুক য়াজখি। মফম অদুদা নহাশিং খক্তা নত্তনা, ইচে ইচল অমসুং ইচানুপীশিংনা য়োগ নুমিত্তা থৱাই য়াওনা শরুক য়ানখি। য়োগ নুমিৎ পাংথোকপগী থৌওং হেনগৎলকপগা লোয়ননা অনৌবা রেকোর্দ কয়াশু শেমখ্রে। খ্বাইদগী অহানবা ওইনা, সাউদী অরাবিয়াদা অল হনুফ সাদ জী কৌবী নুপী অমনা কম্মন য়োগ প্রোতোকোল লুচিংদুনা পাংথোকখি। য়োগগী মপুং ওইবা সেসন অমদা নুপীনা লুচিংবসি মসিনা সাউদীদা অহানবনি। ইজিপকী ওইনশু, য়োগ নুমিত্তা ফোতো কম্পিতিসন অমা পাংথোকখি। নাইল তুরেল তোর্বান, রেদ সীগী তোর্বান অমসুং পীরামিদকী মমাংদা মীওই লাক্ষ কয়ানা য়োগ তৌনবগী ফোতো য়াম্না মমিং চৎনখি। মার্বল বুদ্ধ স্তেচ্যুগীদমক্তা মমিং চৎলিবা ম্যান্মারগী মারাবিজয় পগোদা কমপ্লেক্স অসিশু মমিং চৎলি। মফম অসিদশু, জুন 21দা য়োগগী সেসন পাংথোকখি। দিব্যাং অঙাংশিংগী ওইবা অখন্নবা কেম্প অমশু বাহরেন্দা পাংথোকখি। শ্রী লঙ্কাদা লৈরিবা অমসুং UNESCO হেরিতেজ সাইত অমা ওইবগীদমক্তা মমিং চৎলিবা গেল লানবন্দশু নীংশিংনীংঙাই ওইরবা য়োগ সেসন অমা পাংথোকখি। USAগী ন্যু য়োর্কী ওবজর্বেসন দেক্তশু মীওই কয়ানা য়োগ তৌনখি। মার্শেল আইলেন্দগী রাস্ত্রপতিশু মফম অদুদা পাক চাউনা খ্বাইদগী অহানবা ওইনা পাংথোকখিবা য়োগগী থৌরমদা শরুক য়াখি। ভুতানগী থিম্ফুদা য়োগ নুমিৎকী চাউরবা থৌরম পাংথোকখি, মসিদা ঐহাক্কী মরুপ, প্রধান মন্ত্রী তোবগেশু শরুক য়াখি। য়োগ নুমিত্তা শরুক য়াখিবা ঐহাক্কী মরুপ খুদিংবু ঐহাক্না থাগৎচরি। ঐখোয়না য়োগ অসি শুপ্নগী নোংমগী থৌরম ওইহনগদবা নত্তে। ঐখোয়না য়োগ চাং নাইনা তৌফম থোকই। য়োগ তৌবা মতমদা অদোমগী পুন্সিদা অফবা অহোংবা অমা শোইদনা লাক্কনি। মরুপশিং, মালেমদা য়াম্না পাম্নবা ভারতকী পোত্থোক কয়া অমা লৈ অমসুং ভারতকী লোকেল পোত্থোক অমনা মালেমদা মমিং লৈরকপদা চাউথোকচবা হায়বসি মশানা তাবনি। মসিগুম্বা পোত্থোক অমদি ঐখোয়গী অরাকু কোফী অসিনি। অরাকু কোফী অসি আন্ধ্র প্রদেশকী অল্লুরী সিতা রাম রাজু জিলাদা মশিং য়াম্না পুথোকই। মসিগী মহাও অমসুং মনমগীদমক্তা মমিং চৎলিবনি। অরাকু কোফী থাবদা ত্রাইবেল ইমুং লাক্ষ 1.5মুক শরুক য়ারি। অরাকু কোফীবু অৱাংবা থাক্তা পুখৎপদা গিরিজন কোওপরেতিবকী অচৌবা থৌদাং য়াওরি। মখোয়না লৌমী ইচিল ইনাওশিংবু অমত্তা ওইনা পুরক্তুনা মখোয়বু অরাকু কোফী থাহনখিবনি।

মসিনা ঐখোয়গী লৌমীশিংগী শেন্থোকশু য়াম্না হেনগৎহল্লে। কোন্দা দোরা ত্রাইবেল খুন্নাইশু মসিদগী কান্নবা য়াম্না ফংলি। চাগা তানবতা নত্তনা মখোয়না ইকায় খুম্নবা পুন্সি মহিং অমশু হিংবা ঙমলে। ঐহাক্না বিশাখাপত্নমদা চৎপদা, আন্ধ্র প্রদেশকী মুখ্য মন্ত্রী চন্দ্রবাবু নাইদু গারুগা লোয়ননা কোফী অসিবু মহাও তংবগী খুদোংচাবা ফংজখি। য়াম্না হাওই...কোফী অসিদি য়াম্না হাওবজাৎনি। অরাকু কোফীনা মালেমগী ওইবা মনা কয়া ফংলে। দিল্লীদা পাংথোকখিবা জি-20 সম্মিত্তা কোফী অসি য়াম্না পাম্নখি। অদোম্না তাঞ্জাবু ফংলবদি, অরাকু কোফী শোইদনা থকপীয়ু।

মরুপশিং, লোকেল পোত্থোকপু গ্লোবেল ওইহনবগী লমদা জম্মু অমসুং কশ্মিরশু মনিংদা লৈত্রে। মখোয়না মমাংগী থাদা ফংখিবা মায় পাকপা অসি লৈবাক শিনবা থুংবগী মীয়ামগী খুদম অমা ওইগনি। মফমসিগী পুলৱামাদগী স্নো পীগী অহানবা কন্সাইনমেন্ত লন্দন্দা থাখ্রে। মীওই খরনা অসুম্না খনখি, কশ্মিরদা হৌরিবা লোকেলগী মনা মশিংবু মালেদা য়ৌহনবা করি কায়বা লৈবগে! অদুদগীদি, চকুরা খুঙ্গংগী অব্দুল রশিদনা হীরম অসিদা খ্বাইদগী হান্না থোক্লকখি। মহাক্না খুঙ্গং অসিগী অতোপ্পা লৌমীশিংগী লম পুন্সিন্দুনা স্নো পী থাবা হৌখি, অদুদগী ইকুই কুইদনা মখোয়গী স্নো পী হৌজিক্তি লন্দন য়ৌরে। মায় পাকপা অসিনা কশ্মিরগী নুংঙাই য়াইফবগী থোঙ অমা হাংদোক্লে। মসিগুম্বা অখন্নবা পোত্থোক্কী অৱাৎপা অমতা লৈবাক অসিদা লৈতে। অদোম্না পোত্থোক অসিবু #myproductsmypride কা লোয়ননা চাউথোকচনা শেয়র তৌগদবনি। মথংগী ‘মন কী বাত’ কী থৌরমদা ঐহাক্না হীরম অসিদা ৱা ঙাঙগনি।

মাম প্রিয়াঃ দেশবাশীনঃ

অদ্য অহম কিনচিৎ চর্চা সংস্কৃত ভাশ্যম আরাভে

ঐহাক্না ‘মন কী বাত’ অসিদা খুদক্তা সংস্কৃত ঙাঙলকপা অসিদা অদোম অঙকপা পোক্লমগনি। মসিগী মরমদি, সংস্কৃতকা মরী লৈনবা অখন্নবা থৌরম অমা ঙসি তাবগীনি। ঙসি, জুন 30 অসিদা অকাশবানীগী সংস্কৃত বুল্লেতিন্না মখোয়গী ব্রোদকাস্তকী চহি 50 মপুং ফারি। বুল্লেতিন অসিনা মীওই কয়াবু চহি 50 সংস্কৃতকা মরী লৈনহন্দুনা লাক্লি। ঐহাক্না ওল ইন্দিয়া রেদিওগী ইমুংবু থাগৎচরি।

মরুপশিং, ভারৎকী অরিবা লৌশিং অমসুং বিজ্ঞান চাউখৎপদা সংস্কৃতনা অচৌবা থৌদাং য়াদুনা লাক্লি। ঙসিগী মতমগী তঙাই ফদবদি, ঐখোয়না সংস্কৃতপু ইকায় খুম্নদুনা নোংমগী পুন্সিগী শরুক অমা ওইহনবা হায়বসিনি। বেঙ্গালুরুদা মীওই কয়া অমনা মসিগী মতাংদা হৌজিক্কান য়াম্না কন্না হোৎনরি। বেঙ্গালুরুদা ক্যুবন পার্ক হায়বা অমা লৈ, মফমসিগী মীয়াম্না অনৌবা চৎনবী অমা হৌদোক্লে। চয়োল অমদা, নোংমাইজিং খুদিংগী, অঙাং, নহা অমসুং অহলশিংনা মফমসিদা সংস্কৃত্তা ৱারী শানৈ। মসিদা নত্তনা, দিবেত কয়া অমশু সংস্কৃত্তা শিন্দুনা পাংথোক্লি। খোঙথাং অসিগী মিংদি সংস্কৃত ৱিকেন্দ কৌই, মসিবু সমস্থী গুব্বী জীনা ৱেবসাইত অমগী খুত্থাংদা হৌদোকখিবনি। নুমিৎ খরনিগী মমাংদা হৌদোকখিবা খোঙথাং অসি বেঙ্গালুরুগী মীয়াম্না য়াম্না পাম্নরি।

ঐখোয় খুদিংনা মসিগুম্বা খোঙথাংদা শরুক য়াবা মতমদা, ঐখোয়না মালেমগী খ্বাইদগী লিরবা মসিগুম্বা সাইন্তিফিক ওইবা লোল অসিদগী পারা য়াম্না তম্বা ফংগনি।

ঐহাক্কী নুংসিরবা লৈবাক মীয়াম, ঙসিগী মন কী বাতকী তাঙ্কক অসিদা অদোমগা পুনবসিদা ঐহাক য়াম্না নুংঙাই। পরিং অসি হান্নগুম্না মখা তানা চত্থরগনি। শেংলবা রথ য়াত্রা অসি ঙসিদগী চয়োল অমগী মতুংদা হৌরগনি। মহাপ্রভু জগন্নাথনা খুদিংমকপু থৌজানবা হায়বসি ঐহাক্কী অপাম্বনি। অমর্নাথ য়াত্রাশু হৌখ্রে অমসুং নুমিৎ খরনিগী মতুংদা পনধর্পুর ৱারিশু হৌরগনি। য়াত্রাশিং অসিদা শরুক য়াগদৌরিবা য়াত্রী খুদিংবু ঐহানা য়াইফ পাউজেল পীজরি। খ্বাইদগী নকপদা, কুৎচীগী অনৌবা চহি হৌবগী কুহ্মৈ – অশাধী বীজ লৈরি। কুহ্মৈশিং অসিগীদমক্তা ঐহাক্না মীয়ামগী মফমদা য়াইফ পাউজেল পীজরি। পোজিতিবিতীগা মরী লৈনবা মীয়াম্না হোৎনবগী থৌওং কয়া মীয়াম্না ঐহাক্কী ইফমদা পাউদম্লক্কনি হায়না ঐহাক্না চেৎনা থাজৈ। ঐহাক্না অদোমগী মথংগী থাদা অমুক্কা পুন্নবা ঙাইজরি। অদু ফাওবদি, ইশা অমসুং ইমুংবু চেকশিন্না থম্বীয়ু। থাগৎচরি। নমস্কার।

ঐগী নুংশিরবা ইরৈচাশিং,

খুরুমজরি।

মন কি বাতকী ১১০শুবা তাঙ্কক্তা তরাম্না ওকচরি। মহৌশাগুম, হন্দকশু ঐখোয়না পাউতাকশিং, ৱাফম কয়া অমসুং ৱাকৎ কয়া ফংখি। হান্নগুম, হন্দকশু তাঙ্কক অসিদা খনগৎলবা হিরমশিং য়াওহনবা অসি শিংনবা অমা ওইখি। ঐনা ৱারোল কয়া ফংখি, অতোপ্পা অমদগী হেন্না ফবা কয়া লাকখি। ফংখিবা ৱারোলশিংগী মনুংদা মখোয়দা থাজবগী মঙাল অমা পীদুনা অতোপ্পশিংগী পুন্সি মহিং ফগৎহন্নবা হোৎনরিবা লৈবাক অসিগী মীওই কয়া য়াওরি।

মরুপশিং,

নুমিৎ খরনিগী মতুংদা, মার্চ ৮দা ঐখোয় ‘নুপীগী নুমিৎ’ থৌরম পাংথোক্লগনি। লৈবাক চাউখৎনবা খোঙচত্তা নুপীশিংগী শক্তিনা লৌরিবা থৌদাং ইকায়খুম্নবা উৎনবা খুদোংচাবা অমা অখন্নবা নুমিৎ অসিনা পীরে। মহাকবি ভারতীয়ার জিনা হায়খি নুপীশিংদা চপ মান্নবা খুদোংচাবশিং ফংহল্লবা মতমদা মালেম অসি নুংঙাইগনি। ঙসি ভারতকী নুপীশিং হিরম খুদিংমক্তা চাউখৎপগী অনৌবা থাকশিং য়ৌরে। খুঙ্গংগী নুপীশিংশু দ্রোনশিং পাইগনি হায়না চহি খরগী মমাঙদা কনা খঙবা ঙমখিবগে ?

অদুবু ঙসিদি মসি ওইথোক্লে। ঙসিদি খুঙ্গং খুদিংমক্তা দ্রোন দিদিগী মরমদা ৱারি শান্নরে… “নমো দ্রোন দিদি, নমো দ্রোন দিদি”, হায়না মীওই খুদিংমক্কী মচিন্দা ঙাংনরে। মীওই খুদিংমক মখোয়গী মরমদা ৱারিনরে। মরম অদুনা, হন্দক্কী মন কি বাত অসিদা নমো দ্রোন দিদি অমগা করিগী ৱারি শান্নরোইদৌরিবনো হায়না ঐশু খনখি। উত্তর প্রদেসকী সিতাপুরদগী নমো দ্রোন দিদি সুনিতা জি, ঐখোয়না ফাওনরে। ঐখোয় মহাক্কা ৱারি শারসি।

অহানবা কোল

মোদী জি: সুনিতা দেবী জি, খুরুমজরি।

সুনিতা দেবী: খুরুমজরি সার।

মোদী জি: ফরে সুনিতা জি, অহানবদা, ঐ অদোমগী মরমদা খঙনিংই। ঐনা অদোমগী ইমুংগী মরমদা খঙনিংই। ঐঙোন্দা খর হায়বীয়ু।

সুনিতা দেবী : সার, ঐখোয়গী ইমুংদা অঙাং অনি লৈ। ঐ, ইপুরোইবা, ঐগী ইমা লৈরি।

মোদী জি: সুনিতা জি অদোম লাইরিক কদাই ফাওবা তম্বগে”

সুনিতা দেবী: সার, বি.এ(ফাইনেল) ফাওবা তম্লে।

মোদী জি: য়ুমদা করি থবক শুবগে?

সুনিতা দেবী: লৌউ-শিংউগা মরী লৈনবা থবক শুই।

মোদী জি: ফরে সুনিতা জি, কমদৌনা অদোম দ্রোন দিদি অমা ওইরকপগে? অদোম কদাইদা ত্রেনিং ফংখিবগে, করি অহোংবা পুরক্লে; মকোক্তগী হৌনা ঐ খঙনিংই।

সুনিতা দেবী: হোই সার, এল্লাহবাদতা লৈবা ঐখোয়গী ফুলপুর ইফকো কম্পেনিদা ত্রেনিং পাংথোকখি অমসুং মফম অদুদা ঐখোয় ত্রেনিং চৎথখি।

মোদী জি: মতম অদুদা অদোম দ্রোনগী মরমদা তারবরা ?

সুনিতা দেবী: সার, ঐ অমুক্তা তাদ্রি.. ঐখোয় সিতাপুরদা কৃষি বিগ্যান কেন্দ্রদা অমুক্তং উখ্রে… ঐখোয়না মফম অদুদা উখ্রে… মফম অদুদা অহানবা ওইনা ঐখোয়না দ্রোন অমা উখিবনি।

মোদী জি: সুনিতা জি, অদোম্না মফম অদুদা অহানবা নুমিত্তা চৎপা অদুদগী হৌনা খঙবা পাম্মী।

মোদী জি: অদোম অহানবা নুমিত্তা দ্রোন অমা উরমগনি… বোর্দতা অদোমদা করিগুম্বা খর তাক্লমগনি; চেদা তাক্লমগনি, অদুদগী লৌবুক্তা পাইবা তম্লমগন… মপুংফানা অদোম্না ঐঙোন্দা শন্দোক্না তাকপা য়াগদরা?

সুনিতা দেবী: হোই সার, অহানবা নুমিত্তা ঐখোয় মফম অদুদা চৎখি… অনিশুবা নুমিত্তা ঐখোয়গী ত্রেনিং হৌখি। অহানবদা থিওরি তম্বীখি অমসুং নুমিৎ নিনি ক্লাস চৎথখি। ক্লাসতা, দ্রোন অমগী পার্তশিং করি করিনো, কমদৌনা মথৌ পাংথোকই অমসুং নহাক্না করি তৌগনি.. পুম্নমক অসি থিওরিদা তমখি। সার, হুমনি চনবা নুমিত্তা, ঐখোয় চায়েং অমা পাংথোকখি.. মদুগী তুংদা সার, কম্পতরদশু পরিক্ষা অমা পাংথোকখি.. হায়বদি, অহানবদা ক্লাস তৌখি অমসুং তুংদা তেস্ত তৌখি। মতুংদা কমদৌনা দ্রোন পাইগনি, কমদৌনা কন্ত্রোল তৌগনি, খুদিংমক থবক ওইনা তাকখি।

মোদী জি: অদুদগী দ্রোন্না করি পাংথোকই, কমদৌনা তম্বী?

সুনিতা দেবী: সার, মহৈ-মরোং হৌবা হৌরকপদা, দ্রোন থবক তৌগনি। নোংচু থা নত্ত্রগা লৌবুক্কী থবক অমা লাকপা মতমদা…

সুনিতা দেবী: নোং চুবা মতমদা মহৈ-মরোং লোক্নবা ঐখোয় লৌবুক্তা চঙবা ঙমদে, মরম অদুনা কমদৌনা থবক শুগনি। অদুবু মসিগী খুৎথাংদা লৌমীশিং কান্নবা য়াম্না ফংগনি অমসুং মখোয় লৌবুক্তা চঙবা ফাওবা চঙলরোই। শিন্মীশিংনা শুরম্বা থবকশিং ঐখোয়গী দ্রোন্না শুবা য়ারগনি, লৌরিদা লেপ্লগা ঐখোয়না ঐখোয়গী থবক তৌবা য়ারগনি, করিগুম্বা লৌবুক্তা তিল তারবদি ঐখোয়না য়েংশিনবা ঙম্লগনি, খুদোংচাদবা অমতা লৈররোই অমসুং লৌমীশিং ৱাখল নুংঙাইরগনি। সার, ঐখোয়না হৌজিক ফাওবদা একর ৩৫ তিলহিদাক চাইখ্রে।

মোদী জি: মরম অদুনা লৌমীশিংনা মসিগী কান্নবশিং খঙলে ?

সুনিতা দেবী: হোই সার, লৌমীশিং য়াম্না পেল্লে… মখোয় ময়াম্না ফরে হায়না মখোয়না হায়রি। মতমশু চঙদ্রে, থবক খুদিংমক ঐখোয়না পাংথোকচরে… ঈশিং, হিদাক, খুদিংমক পুন্না থম্লে অমসুং ঐখোয় লৌবুক্তা হেক থুংলবগা লৌবুক অসিদ কদাইদগী কদাই ফাওবনো হায়বা খঙজিল্লে… অমসুং পুং ১:৩০গী মনুংদা থবক পুম্নমক ঐনা লোইশিনখি।

মোদী জি: অতোপ্পা মীওইশিং দ্রোন অসি য়েংবা লাকপরা?

সুনিতা দেবী: হোই সার, মীওই ময়াম অমা দ্রোন য়েংবা লাকই। মশিং য়াম্লবা ইনাকখুনবা লৌমীশিংশু লাকখি, মখোয়গী হিদাক চাইনবা নেক্কনি হায়না মখোয়না হায়খি।

মোদী জি: য়াম্না ফরে, লাখপতি দিদি শেম্নবা ঐগী মিসন অমা লৈরি… ঙসি লৈবাক শীনবা থুংবগী ইচলশিংনা তারবদি, অহানবা ওইনা ঐনা দ্রোন দিদি অমগা ৱারি শানরি। মসিদা অদোম করি হায়নিংই?

সুনিতা দেবী: ঙসি ঐ ইথন্তা দ্রোন দিদি ওইরিবা অসিগুম্না, ঐগুম্না দ্রোন দিদি ওইনবা ইচল লিশিং কয়া থোরক্কদবনি অমসুং ঐ ইথন্তা ঙাইবা মতমদা ঐ হরাওগনি… অতোপ্পা মীওই লিশিং কয়া ঐগা থবক তৌমিন্নগনি.. ঐখোয় খক্তা নত্তে হায়বা খঙবদা মসি য়াম্না নুংঙাইগনি.. দ্রোন দিদিশিং ওইনা মীওই কয়া ঐগা থবক তৌমিন্নরি।

মোদী জি: য়াম্না ফরে সুনিতা জি, ঐনা কয়ারক থাগৎচরি। নমো দ্রোন দিদি অসি লৈবাক অসিদা লৌউ-শিংউগী থবক চাউখৎনবা অচৌবা পাম্বৈ অমা ওইরে। ঐগী য়াইফ-পাউজেল পীজরি।

সুনিতা দেবী: অদোম থাগৎচরি, অদোম থাগৎচরি সার।

মোদী জি: অদোম থাগৎচরি।

মরুপশিং,  

ঙসি লৈবাক অসিদা নুপীশিংগী শক্তি শোৎথনা লৈবা লমদম অমতা লৈত্রে। নুপীশিংনা মখোয়গী লুচিংবা ঙম্বগী শক্তিশিং উবা ঙম্বা অতোপ্পা হিরমদি ওর্গনিক ফার্মিং, ঈশিং য়োকশিনবা অমসুং সেনিতেসন্নি। কেমিকেলশিংগী মরম ওইদুনা ঐখোয়গী মালেম ইমানা অৱাবা কয়া মায়োক্নরি- ঐখোয়গী মালেম ইমা কনবদা লৈবাক অসিগী মাত্রিশক্তিনা অচৌবা থৌদাং অমা লৌরি। লৈবাক্কী মফম শীনবা থুংনা হৌজিক নুপীশিংনা নেচরেল ফার্মিং পায়খৎলে।

হৌজিক, জল জিবন মিসনগী মখাদা লৈবাক অসিদা পায়খৎলিবা অশুক য়াম্বা থবকশিংদা, ৱাতর কম্মিতিনা মসিদা অচৌবা থৌদাং অমা লৌরি। হায়রিবা ৱাতর কম্মিতিশিংগী লুচিংবগী থবকশিং অসি নুপীশিং খক্তনা ওইরি। মসিগী মথক্ত,আ ইচলশিং অমসুং ইচানুপীশিনা ঈশিং তুংশিন্নবা থবক খুদিংমক পাংথোক্লি। অসিগুম্বা নুপী অমা, কলয়ানি প্রাফুল্লা জি হৌজিক ফোন লাইন্দা লৈরে। মহাক মহারাস্ত্রাদগীনি।

মহাক্কী থবকশিংগী মরমদা খঙনবা ঐখোয় কলয়ানি প্রাফুল্লা জি ৱারি শানরসি।

অনিশুবা কোল

প্রধান মন্ত্রী: কলয়ানি জি, খুরুমজরি।

কলয়ানি জি: খুরুমজরি সার।

প্রধান মন্ত্রী: কলয়ানি জি, অহানবদা, অদোমগী, অদোমগী ইমুংগী অমসুং অদোমগী থবক্কী মরমদা ঐখোয়দা তাকপীয়ু।

কলায়নি জি: সার, ঐ এম.এস.সি মাইক্রোবাইওলোজি অমনি অমসুং য়ুমদা ঐগী ইপুরোইবা, ঐগী ইনেম্বোক অমসুং ঐগী ইচা অনি লৈরি অমসুং ঐ ঐখোয়গী গ্রাম পঞ্চয়াত্তা চহি অনি থবক তৌরক্লে।

প্রধান মন্ত্রী: অদোম খুঙ্গংদা লৌ উবগী থবক তৌবরা? অদোম হান্না খঙলে, অদোম হিরম অসিদশু তম্লে অমসুং হৌজিক অদোম লৌ উবা শরুক য়ারে, মরম অদুনা নহাক্না করি অনৌবা থবকশিং পাংথোকপগে?

কলয়ানি জি : সার, ঐখোয়না উ মখল ১০ খোমজিল্লে অমসুং মদুদগী ঐখোয়না ওর্গনিক স্প্রে অমা শেম্লে অমসুং ঐখোয়না তিলহাৎ হিদাক চাইবা অদুগুম্না শীজিন্নরে।

কলয়ানি জি: ঐখোয়দা কান্নবা পীবা তিলশিংশু হাৎতোক্লে অমসুং কেমিকেলশিং শীজিন্নবদগী ঐখোয়গী লৈবাক-লৈহাও পোল্লুসন থোকপদগী ঐখোয়গী হকচাংশু মাঙহল্লে। মরম অদুনা ঐখোয়না তিলহাৎ হিদাকশিং চাং য়ামদনা শীজিন্নরে।

প্রধান মন্ত্রী: মরম অদুনা অদোম মপুংফানা নেচরেল ফার্মিং পায়খৎলে।

কলয়ানি জি: হোই, সার, ঐখোয়গী মমাঙঙৈদগী লৈরক্লবা লৌউ মখল অসি ঐখোয়না হৌখিবা চহিদগী পায়খৎলে।

প্রধান মন্ত্রী: নেচরেল ফার্মিংদগী অদোম করি কান্নবা ফংলবগে?

কলয়ানি জি: সার, ঐখোয়গী নুপীশিংগী চাদিং হন্থরে অমসুং পোৎথোকশিং মফম অসিদা লৈজরে, সার, পাম্বৈ ফংবদগী, ঐখোয় লৌ উবদা তিল তাদ্রে… সহরগী লমদা কেন্সর হেনগৎলকপা হৌজিক উরে… ঐখোয়গী খুঙ্গংশিংদশু মসি হেনগৎলকপা উরে, করিগুম্বা অদোম্না অদোমগী ইমুং ঙাকথোকপা পাম্লবদি, নেচরেল ফার্মিং পায়খৎপা দরকার ওইরে। হায়রিবা নুপীশিং অসি থৱায় য়াওনা মসিদা শরুক য়ারি।

প্রধান মন্ত্রী: য়াম্ন ফরে কলয়ানি জি, অদোম ঈশিং তুংশিনবগী থবকশু পাংথোকপরা ? মসিগীদমক অদোম করি থবক পাংথোকপগে?

কলয়ানি জি: প্রাইমারি স্কুল, অঙ্গানৱাদি, ঐখোয়গী গ্রাম পঞ্চয়াত বিল্দিংগুম্বা সরকারগী বিল্দিংশিংদা নোংগী ঈশিং লৌশিল্লে। নোংগী ঈশিং অদু লৈনুংদা থাজিল্লে। ঐখোয়গী খুঙ্গংদা ঐখোয়না লৈনুংদা নোংগী ঈশিং থাজিন্নবা সাফ ২০ শেম্লে অমসুং রিচার্জ সাফ ৫০গী সেঙ্কসন তৌরে। হৌজিক মসিগী থবক অথুবা মতমদা হৌরগনি।

প্রধান মন্ত্রী: য়াম ফরে কলয়ানি জি, অদোমগা ৱারি শানবা নুংঙাইরে। ঐগী য়াইফ-পাউজেল পীজরি।

কলয়ানি জি: সার, অদোম থাগৎচরি। অদোমগা ৱারি শানবদা ঐশু হরাওই। ঐগী পুন্সি মহৈ য়াল্লে হায়না ঐনা থাজৈ।

প্রধান মন্ত্রী: থবক মখা পাংথোকখো।

প্রধান মন্ত্রী: ফরে, অদোমগী মিং অসি কলয়ানি হায়বনি, মরম অদুনা, অদোম্না মীয়ামগী য়াইফনবা থবক তৌগদবনি। অদোম থাগৎচরি। খুরুমজরি।

কলয়ানি জি: সার, অদোম থাগৎচরি।

মরুপশিং,

সুনিতা জি নত্ত্রগা কলয়ানি জি ওইগেরা, হিরম কয়াদা নুপীশিংগী শক্তিনা মাইপাকপা অসি পুক্নিং থৌগৎনিঙাইনি। ঐগী থম্মোয়নুংদগী, ঐনা অমুক হন্না ঐখোয়গী নুপীশিংগী থৌনা ঐনা থাগৎচরি।

ঐগী নুংশিরবা ইরৈচাশিং,

ঙসিদি ঐখোয় খুদিংমক্কী পুন্সিদা তেক্নোলোজিগী মরুওইবা হেনগৎলক্লে। মোবাইল ফোনশিং অমসুং দিজিতেলগী গেজেদশিং মীওই খুদিংমক্কী পুন্সিগী মরুওইবা শরুক অমা ওইরে। দিজিতেল গেজেদশিংগী মতেংদগী, হৌজিক ঐখোয়না লম্লক্কী শা-উচেকশিংগা পুন্না লৈমিন্নবদা মতেং পাংলে হায়বা অদোম ৱাখলদা শাগৎপা ঙমগনি।

                                                                                                                                                                                                                 নুমিৎ খরনিগী মতুংদা, মার্চ ৩ অসি ‘ৱার্ল্দ ৱাইল্দলাইফ দে’ নি। লম্লক্কী শা-উচেকশিং ঙাক-শেনবগী মতাংদা ৱাখল তাহন্নবা পান্দমদা নুমিৎ অসি পাংথোক্লি। চহি অসিদা, ‘ৱার্ল্দ ৱাইল্দলাইফ দে’ গী থিমদা দিজিতেলগী অনৌবা থবকশিং অসি মরুওইনা লৌরি। ঐখোয়গী লৈবাক্কী তোঙান-তোঙানবা মফমশিংদা লম্লক্কী শা-উচেকশিং ঙাক-শেন্নবা তেক্নোলোজি মপুংফানা শীজিন্নরে হায়বা খঙবদা অদোম হরাওগনি। হৌখিবা চহি খর অসিদা, সরকারগী থবকশিংদগী , লৈবাক অসিদা কৈ মশিং হেনগৎলে। মহারাস্ত্রাগী চান্দ্রপুরদা লৈবা তাইগর রিজার্বতা কৈ মশিং হেনগৎলক্তুনা হৌজিক কৈ ২৫০ হেল্লে।

চন্দ্রপুর জিলাদা মীওইবা অমসুং কৈশিংগী মরক্তা মুক্নবা হন্থহন্নবা আর্তিফিসিএল ইন্তিলিজেন্সকী মতেং লৌরে। খুঙ্গংশিং অমসুং উমংশিংগী ঙমখৈদা কেমেরাশিং খিল্লে। খুঙ্গং অমগী মনাক্তা কৈ অমা লাকপা মতমদা, এ.আইগী মতেংদগী, মফম অদুগী মীওইশিং মখোয়গী মোবাইল ফোন্দা খঙহল্লক্কনি। ঙসিদি, মসিগী থবক অসিনা তাইগর রিজার্ব অসিগী অকোয়বদা লৈরিবা খুঙ্গং ১৩ গী মীয়ামদা কান্নবা য়াম্না পীরে অমসুং কৈশিংশু ঙাক-শেল্লে।

মরুপশিং,

ঙসিদি নহা ওইরিবা ওন্ত্রেপ্রেনিউয়রশিং লম্লক্কী শা-উচেকশিং ঙাক-শেনবা অমসুং ইকো-তুরিজমগী লমদা অনৌবা থবকশিং পায়খৎলে। উত্তরখন্দগী রুরকিদা, ৱাইল্দলাইফ ইন্সতিতুৎ ওফ ইন্দিয়াগা খুৎশম্নদুনা রোতর প্রিসিজন গ্রুপনা কেন তুরেলগী গুমভিরশিং য়েংশিন্নবদা মতেং পাংনবা দ্রোন অমা পুথোক্লে। বেঙ্গালারুগী কম্পেনি অমনা ‘বাঘীরা’ অমসুং ‘গরুরা’ কৌবা এপ্প অমা পুথোক্লে।

বাঘীরা এপ্পকী মতেংনা, জঙ্গল সাফারি অমদা গারিগী অয়াংবা অমসুং অতোপ্পা থবকশিং য়েংশিনবা ঙম্লগনি। মসি লৈবাক অসিগী তাইগর রিজার্ব কয়াদা শীজিন্নরে। এ.আই অমসুং ইন্তরনেত ওফ থিংসতা য়ুম্ফম ওইবা  গরুরা এপ্প অসিনা সি.সি.তি.ভি অমগা হেক শম্নবগা খুদক্তা পাউ পীবা হৌরকই।

লম্লক্কী শা-উচেকশিং ঙাক-শেন্নবা পায়খৎলকপা থবক খুদিংমক্না, ঐখোয়গী লৈবাক্কী বাইওদাইভর্সিতি ইনাকখুনবা হেনগৎহল্লে।

মরুপশিং,

ভারত্তা মহৌশাগা নুংশিননা হিংমিন্নবা হায়বসি ঐখোয়গী চৎনবীগী থাদোক্নবা য়াদ্রবা শরুক অমনি। ঐখোয় চহি লিশিং কয়া মহৌশা অমসুং লম্লক্কী শা-উচেকশিংগা পুন্না হিংমিন্নবগী ৱাখল্লোন অমদা লৈরক্লি। করিগুম্বা অদোম্না মহারাস্ত্রাগী মেলঘাত তাইগর রিজার্বতা চৎপা মতমদা, অদোম্না মসি থবক ওইনা উগনি। সরকারগী মতেংদগী মেলঘাত তাইগর রিজার্ব ময়াদা লৈবা খাতকালি খুঙ্গংগী ত্রাইবেল ইমুংশিং মখোয়গী য়ুমশিং হোম স্তেশিং ওন্থোক্লে। মসি মখোয়গী অচৌবা শেন্থোক লম্বী অমা ওইরে। খুঙ্গং অসিগী কোরকু ত্রাইবকী প্রকাস জমকার জিনা মহাক্কী হেক্তর অনিগী লমদা কা তরেৎ লৈবা স্তে হোম অমা শারে। মহাক্কী ইমুং-মনুংনা মহাক্কী য়ুমদা লৈবা মীওইশিংগী চানবা অমসুং থক্নবা থৌরাং তৌখি। হিদাক ওইনা শীজিন্নবা য়াবা পাম্বীশিংগী মথক্তা, মহাক্না মহাক্কী য়ুমগী অকোয়বদা হৈনৌ অমসুং কোফি পাম্বীশিং থাখি। মসিনা লমকোয়বা মীওইশিংগী পুক্নিং চিংশিনবা খক নত্তনা, মসিনা অতোপ্পা মীওইশিংদা অনৌবা থবক কয়া ফংহল্লে।

ঐগী নুংশিরবা ইরৈচাশিং,

ঐখোয়না শা-ষন লোইবগী ৱারি শান্নবা মতমদা, ঐখোয়না ষনশিং অমসুং ইরোইশিং খক্ত খন্নৈ। অদুবু মরুওইবা শা অমা ওইরিবা হমেংশিংগী মরমদা ঐখোয়না তোইনা খন্নদে। লৈবাক অসিগী মফম কয়াদা মীওই কয়া হমেং লোইরি। ওরিসাগী কলাহন্দিদা হামেং লোইবা অসি খুঙ্গী মীয়ামগী হিংনবগী লম্বী ফগৎহন্নবা অমসুং মখোয়গী পুন্সি মহিং ফগৎনবা অচৌবা পাম্বৈ অমা ওইরে। থবক অসিগী মতুংদা জয়ান্তি মহাপত্রা জি অমসুং মহাক্কী মপুরোইবা বিরেন সাহু জিগী অচৌবা ৱারেপ অমা লৈরি। মখোয় অনিমক বেঙ্গালুরুদা মেনেজমেন্তগী শীনফমদা থবক তৌরি, মখোয় ছুতি লৌনবা ৱারেপ অমা লৌখি অমসুং কলাহন্দিগী সালেভতা খুঙ্গংদা লাকখি। খুঞ্জাশিংনা থেংনরিবা অৱাবশিং কোকহন্নবা মখোয়না করিগুম্বা খর পাংথোকপা পামখি। ৱাখল অসিগা লোয়ননা, মখোয়না মনিকাসতু এগ্রো লিংখৎখি অমসুং লৌমীশিংগা লোয়ননা থবক তৌবা হৌখি। মখোয় অনিনা মফম অদুদা মনিকাসতু গোত বেঙ্ক হাংদোকখি। মখোয়না হমেং লোইবা পুক্নিং থৌগৎখি। মখোয়গী হমেং ফার্মদা হমেং দর্জন কয়া লৈরে।

মনিকাসতু গোত বেঙ্কনা লৌমীশিংগী মপুংফাবা থবক অমা পায়খৎলে। মসিগী খুৎথাংদা, লৌমীশিংদা থা ২৪গীদমক হমেং অনি পীখি। চহি অনিদা হমেংশিংনা মচা ৯ দগী মচা ১০ ফাওবা পোকই। মসিগী মনুংদা মচা ৬ মখোয়না বেঙ্কতা থমখি অমসুং অতৈ অদুনা হমেং য়োক্লিবা ইমুংশিংদা পীখি। মসি খক নত্তনা, হমেংগী দরকার ওইবা থবক খুদিংমক মখোয়না পাংথোকখি।

ঙসিদি খুঙ্গং ৫০গী লৌমী ১০০০ হেন্না মতৈ-মনাও অসিগা থবক তৌমিন্নরে। মখোয়গী মতেংদগী, খুঞ্জাশিং শা-ষন লোইবগী লমদা মশা-মরোমদোম লেপচবা ঙম্লে। তোঙান-তোঙানবা হিরমশিংদা মাইপাক্লবা মীওইশিংনা লায়রবা লৌমীশিংগী য়াইফনবা অমসুং মশা-মরোমদোম লেপচবা ঙম্নবা অনৌবা থবকশিং পায়খৎলকপদা ঐ হরাওই। মখোয়গী থবকশিংনা মীওই খুদিংমক ইথিল পীরগনি।

ঐগী নুংশিরবা ইরৈচাশিং,

ঐখোয়গী চৎনবীগী পাউতাকশিংগী মরুওইবদি- ‘পরমার্থ পরামো ধর্মহ’ হায়বদি অতোপ্পশিংগী মতেং পাংবা অসিনা খ্বাইদগী চাইবা থৌদাংনি। ৱাখল্লোন অসিগী মতুংইন্না, মশাগী ওইজবা থাদোক্তুনা অতোপ্পশিংগী সেবা তৌনবা ঐখোয়গী লৈবাক্কী মশিং থিঙমদ্রবা মীওই কয়া মখোয়গী পুন্সিশিং কৎথোক্লি। অসিগুম্বা মীওইশিংগী মনুংদা-বিহারগী ভোজপুরদগী ভিম সিংহ ভবেস অমনি। মহাক্কী লমগী মুসাহার ফুরপকী মীয়াম মরক্ত মহাক্কী থবকশিংগী মরমদা য়াম্না ঙাংনরে।

মরম অদুনা ঙসি মহাক্কী মরমদা করিগীদমক ৱা ঙাংলোইদৌরিবনো হায়না ঐনা খনখি। মুসাহার অসি বিহারদা য়াম্না তোনবা কাংলুপ অমনি। ভিম সিংহ ভাবেসনা মহাক্কী কাংলুপকী অঙাংশিংগী লাইরিক তম্নবা থবক পায়খৎখি, মসিনা মখোয়গী তুংগী পুন্সিদা অফবা ওইগনি। মহাক্না স্কুলদা মুসাহার কাংলুপকী অঙাং লিশিং ৮ রোম মিং চনখি। মহাক্না অচৌবা লাইব্রেরি অমা শাদুনা অঙাংশিংদা খুদোংচাবশিং হেন্না ফংহনখি।

মহাক্কী কাংলুপকী মীওইশিং দরকার ওইবা চে-চাংশিং শেম-শাবা অমসুং ফোর্মশিং মেনশিনবদা ভিম সিংহ ভাবেসনা মতেং পাংখি। মীয়ামগী হকশেলগী ফিবম ফগৎনবা মহাক্না মেদিকেল কেম্প ১০০ হেন্না পাংথোকখি। কোরোনা লাইচৎ মনুংদা, মহাক্কী লমগী মীওইশিং তিকা থানবা ভিম সিংহ ভাবেসনা পুক্নিং থৌগৎখি।

খুন্নাইগীদমক অসিগুম্বা অফবা থবক কয়া পাংথোকপা ভিম সিংহ ভাবেসগুম্বা মীওই কয়া লৈবাক অসিগী তোঙান-তোঙানবা মফমশিংদা লৈরি। করিগুম্বা ঐখোয়না ঐখোয়গী থৌদাংশিং দাইত্ব লৈবা নাগরি অমা ওইনা পাংথোক্লবদি, মসিনা মপাঙ্গল কনবা লৈবাক অমা শেমগৎপদা ময়াম্না মতেং ওইগনি।

ঐগী নুংশিরবা ইরৈচাশিং,

ভারতকী ফজবা মসিগী খেন্নবশিং অমসুং মচু কয়াগী ঐখোয়গী চৎনবীদা লৈরি। ভারতকী নাৎ অমসুং চৎনবীশিং ঙাক-শেন্নবা মশিং থিঙমদ্রবা মীওই কয়া মশাগী ওইজবা থাদোক্তুনা থবক কয়া পাংথোকপা উবদা অপেনবা ফাওই। অসিগুম্বা মীওই অদোম্না ভারতকী মফম খুদিংমক্তা উবা ফংগনি। মখোয়গী মরক্তা, লোলগী লমদা থবক তৌরিবা মশিং য়াম্লবা মীওইশিং য়াওরি। জম্মু অমসুং কাস্মিরগী গন্দরবলদগী মোহমদ মনসাহ জিনা হৌখিবা চহি ৩০ অসিদা গোজরি লোল ঙাক-শেন্নবা থবক তৌদুনা লাক্লি।

মহাক ত্রাইবেল ফুরুপ গুজার বাকারৱালগী মীওইনি অমসুং মহাক অঙাং ওইরিঙৈদগী নোংমদা খোঙনা কিমি ২০ খোঙনা চৎতুনা লাইরিক তম্লকখি। অসিগুম্বা শিংনবা কয়াগী মরক্তা, মহাক মাস্তর দিগ্রি লোইশিনখি অমসুং মতম অদুদগী মহাক্কী লোল ঙাক-শেন্নবা মহাক্কী ৱাশক অদু হেন্না মপাঙ্গল কনখৎখি। মনসাহ জিনা সাহিত্যগী লমদা য়াম্না কন্না থবক তৌদুনা চাউরাক্না ভোলুম ৫০ ঙাক-শেনখি। মখোয়গী মনুংদা শৈরেংশিং অমসুং খুনুং ঈশৈশিং য়াওরি। মহাক্না লাইরিক কয়া গোজরি লোলদা হন্দোকখি।

মরুপশিং,

অরুনাচল প্রদেসকী তিরাপতগী বনৱাং লোসু জি ওজা অমনি। মহাক্না ৱানচো লোল শন্দোক্নবা অচৌবা থৌদাং অমা লৌখি। লোল অসি অরুনাচল প্রদেস, নাগালেন্দ অমসুং অসামগী শরুক খরদা ঙাংনরিবা লোলনি। মহাক্না লোলগী স্কুল অমা লিংখৎখি অমসুং ৱানচো লোলগী ময়েক অমসু পুথোকখি। লোল অসি মুৎখিগদবদগী কন্নবা মহাক্না তুংগী মীরোলশিংদা ৱানচো লোল তম্বীরি।

মরুপশিং,

ঈশৈশিং অমসুং জগোয়শিংগী খুৎথাংদা মখোয়গী নাৎ অমসুং লোল য়োকখৎলিবা মীওই কয়া ঐখোয়গী লৈবাক অসিদা লৈরি। হিরম অসিদা কর্নাতকাগী ভেনকাপ্পা অম্বাজি সুগেতকারগী পুন্সি পুক্নিং থৌগৎনিঙাইনি। বাগালকোতকী সুগতকার জি খুনুং ঈশৈ শকপা মীওই অমনি। মহাক গোন্ধালি ঈশৈ ১০০০ হেন্না শকখ্রে অমসুং ৱারি কয়া লিদুনা লোল অসি শন্দোক্লি। মহাক ফি অমতা লৌদুনা মহৈরোয় কয়া ত্রেনিং পীরি। অসিগুম্বা ঐখোয়গী নাৎ ইনাকখুনহলবা মীওই কয়া ভারত্তা ৱাৎপা লৈতে। অদোম্না মখোয়দগী ইথিল লৌগনি অমসুং অদোম ইশাগী ওইবা করিগুম্বা খর পাংথোক্নবা হোৎনৌ। মদুদা অদোম অপেনবা ফাওগনি।

ঐগী নুংশিরবা ইরৈচাশিং,

ঐনা নুমিৎ নিনিগী মমাঙদা, বরানাসীদা অঙকপা ফোতো একজিবিসন অমা য়েংখ্রে। কাসি অমসুং মসিগী অকোয়গী মফমশিংগী নহারোলশিংনা মোবাইল কেমেরা অমা নম্বা ফোতোশিংনি। তশেংনা, ঙসি মোবাইল অমা লৈরবা মীওই অমা কন্তেন্ত ক্রিয়েতর অমা ওইরে। মীয়ামগী লৌশিং অমসুং হৈশিংবা উৎথোকপদা সোসিএল মেদিয়ানা য়াম্না চাউনা মতেং পাংলে। য়েংবদা নুংঙাইবা থৌরমশিং পুথোকপগী লমদা ভারতকী নহারোলশিংনা অঙকপা কয়া পাংথোক্লি।

তুরিজম, খুন্নাইগী, মীয়াম শরুক য়াবা নত্ত্রগা পুক্নিং থৌগৎনিঙাই ওইবা পুন্সি অমগী খোঙচৎকী মতাং য়াওনা তোঙান-তোঙানবা হিরমশিংদা মখল কয়াগী কন্তেন্তশিং সোসিএল মেদিয়াদা ফংলে। কন্তেন্ত পুথোক্লিবা লৈবাক অসিগী নহারোলশিংগী খোল্লাউ ঙসিদি মপাঙ্গল কল্লে। মখোয়গী হৈশিংবা ইকায়খুম্নবা উৎপা ওইনা নেসনেল ক্রেয়েতরস এৱার্দ হৌদোক্লে। মসিগী মখাদা, খুন্নাইগী অহোংবা পুরক্নবা তেক্নোলোজি শীজিন্নদুনা কাংলুপ কয়াদা কেন্তেন্ত শেম্লিবশিং ইকায়খুম্নবা উৎকনি। চাংদম্নবা অসি MyGov তা পাংথোক্লি অমসুং কন্তেন্ত ক্রিয়েতরশিং শরুক য়ানবা ঐনা তকশিল্লি। করিগুম্বা অদোম্না অসিগুম্বা কন্তেন্ত ক্রিয়েতরশিং মশক খঙলবদি মখোয় নেসনেল ক্রিয়েতর এৱার্দকী নোমিনেত তৌগদবনি।

ঐগী নুংশিরবা ইরৈচাশিং,

নুমিৎ খরগী মমাঙদা ইলেক্সন কম্মিসন্না ‘মেরা পহেলা ভোৎ-দেস কে লিয়ে’ হায়বা কেম্পেন অমা হৌদোকখিবদা ঐ হরাওই। মসিগী খুৎথাংদা, অহানবা ওইনা ভোৎ থাগদবা ভোত্তরশিং মশিং য়াম্না ভোৎ থাদনবা ঐনা তকশিল্লি। লৈবাক অসিগী নহারোলশিংগী থৌনাগীদমক ভারতনা চাউথোকচবা পোক্লি। ঐখোয়গী নহারোলশিংনা মীখলগী থবক্তা হেন্না শরুক য়ারিবমখৈ, লৈবাক অসি হেন্না কান্নবা ওইগনি।

অহানবা ওইনা ভোৎ থাগদবা মীওইশিং মশিং য়াম্না ভোৎ থাদনবা ঐনা হায়জরি। চহি ১৮ শুরকপদা, ১৮শুবা লোক সভাগী মেম্বর অমা খন্নবা অদোমগী খুদোংচাবা অমা ফংলে। মসিনা তাক্লি মদুদি ১৮শুবা লোক সভা অসি নহারোলশিংগী অপাম্বগী খুদম অমা ওইরগনি। মরম অদুনা, অদোমগী ভোৎকী মরুওইবা অদু হেনগৎলক্লে। সাধরন মীখলগী চরাংনবা মরক অসিদা, নহারোলশিং রাজনিতিগী থবকশিংদা শরুক য়াবা খক নত্তনা খন্ন-নৈনবশিং মিকুপ-নাহুম শিংনা তাগদবনি। নিংশংউ- ‘ঐগী অহানবা ভোৎ-লৈবাক্কীদমক’। লৈবাক অসিগী ইথিল পীবা মীওইশিংদা ঐনা হায়জরি, মখোয় শান্নবগী, ফিল্মগী, সাহিত্যগী, অতোপ্পা শীনফমগী নত্ত্রগা ইন্সতাগ্রাম অমসুং য়ুতুবকী ইনফ্লুয়েন্সরশিং ওইবা য়াই, কেম্পেন অসিদা মখোয়শু থৱায় য়াওনা শরুক য়াগদবনি অমসুং অহানবা ভোত্তরশিং পুক্নিং থৌগৎকদবনি।

মরুপশিং,

 তাঙ্কক অসিগী মন কি বাত মতাং অসিদা লোইরে। লৈবাক শীনবা থুংনা লোক সভা মীখলগী থৌরাং তৌরে অমসুং মার্চ থাদা কোদ ওফ কন্দক লাকপা য়ারে। মন কি বাত তাঙ্কক ১১০ শুরকপা অসি অচৌবা মাইপাকপা অমনি, মসি ঐখোয়না সরকারগী মমি ফাওবা তাহন্দে। মন কি বাত অসি, লৈবাক অসিগী অপুনবা শক্তিনি অমসুং লৈবাক অসিগী মাইপাকপশিং ৱারি লিফমনি। 

মসি মীয়ামগীদমক, মীয়াম্না অমসুং মীয়ামগী খুৎথাংদা শেমজবা থৌরম অমনি। লোক সভাগী মীখল মনুংদা মথংগী থা অহুম মন কি বাত শন্দোক্লোই। মথংগী মন কি বাতকী ১১১শুবা তাঙ্কক্তা ঐখোয়না অদোমগা উনগনি। মথংগী মন কি বাত অশেংবা মশিং ১১১গা লোয়ননা হৌরগনি। মরুপশিং, অদোম্না ঐগীদমক থবক অমা পাংথোক্কদবনি।

থা অহুম মন কি বাত শন্দোকপা লেপ্লবশু, লৈবাক অসিগী মাইপাকপশিং লেপ্লোই। মরম অদুনা মন কি বাতকী হেসতেগকা লোয়ননা খুন্নাইগী অমসুং লৈবাক্কী মাইপাকপশিং সোসিএল মেদিয়াদা থাগৎকদবনি। মতম খরগী মমাঙদা নহা অমনা ঐঙোন্দা অফবা পাউতাক অমা পীরকখি। পাউতাক অদুদি মমাঙগী মন কি বাত তাঙ্ককশিংদগী য়ুতুব সোর্তশিংগী মওংদা সোর্ত ভিদিও সিয়ার তৌনবা হায়বনি। মরম অদুনা, মন কি বাত তারিবশিংনা অসিগুম্বা সোর্তশিং সিয়ার তৌনবা হায়জরি। মথং অদোমগা লোয়ননা ৱারি শানবা মতমদা, অনৌবা থৌনা অমসুং অনৌবা ই-পাউগা লোয়ননা ঐনা অদোমগা উনগনি।

অদোম চেকশিন্না লৈবীয়ু, অদোম থাগৎচরি।

খুরুমজরি!

ঐগী নুংশিরবা ইরৈচাশিং,

খুরুমজরি!

মসি ২০২৪গী অহানবা মন কি বাত থৌরমনি। অমৃত কালদা অনৌবা হরাওবা অমসুং অনৌবা ইহৌ অমা লৈরে। নুমিৎ নিনিগী মমাঙদা, ঐখোয়গী লৈবাক্না হরাও-তয়াম্না ৭৫শুবা গনতন্ত্র দিবস থৌরম পাংথোকখ্রে। চহি অসিদা ঐখোয়গী সংবিধান চহি ৭৫ মপুংফারে… অমসুং সুপ্রিম কোর্তশু চহি ৭৫ মপুংফারে। ঐখোয়গী গনতন্ত্রগী কুহ্মৈশিং অসিনা গনতন্ত্রগী মমা ওইনা ভারতকী মপাঙ্গল মখা তানা হেনগৎহল্লে। য়াম্না কন্না খন্ন-নৈরবা মতুংদা ভারতকী সংবিধান শেমখিবা মরম্না মসি অহিংবা চে-চাং অমনি হায়না খঙনরিবনি। সংবিধানগী ওরিজিনেল কপিগী অহুমশুবা শরুক্তা ভারতকী মীয়ামগী ফন্দামেন্তেল রাইতশিং য়াওরি অমসুং অহুমশুবা শরুক্কী অহৌবদা ঐখোয়গী সংবিধান শেমখিবশিংনা প্রভু রাম, মাতা সিতা অমসুং লক্সমন জিগী শক্তমশিংগী মফম পীখিবা অসি শিংথাবা য়াবনি। প্রভু রামগী নিয়মশিং অসি ঐখোয়গী সংবিধান শেমখিবশিংগী ইথিলগী হৌরকফম অমনি অমসুং মরম অদুনা জুনুৱারি ২২ দা অযোধ্যাদা ঐনা ‘দেব সে দেস’গী মরমদা হায়খিবা, ঐনা ‘রামদগী রামরাজ্য’ পনখিবা।

মরুপশিং,

অযোধ্যাদা প্রান প্রাতিস্থা থৌরম্না লৈবাক্কী মীওই করোর কয়া অমতা ওইবা লংলানা পুনখি। মীওই খুদিংমক্কী ৱাখল অমতা ওইখি, মীওই খুদিংমক্কী চঙজবা অমতা ওইখি… মীওই খুদিংমক রাম শোনখি, মীওই খুদিংমক্কী থম্মোয়দা রাম লৈখি। হায়রিবা মতম অসিদা, লৈবাক্কী মীওই কয়া রামগী লাইশোন ঈশৈশিং শক্তুনা শ্রী রামগী খুয়াদা চঙজখি। জনুৱারি ২২গী নুমিদাংৱাইরমদা, লৈবাক শীনবা থুংনা রাম জয়তি থানখি অমসুং দিৱালি পাংথোকখি। চাউখৎলবা ভারত অমগী ঐখোয়গী ৱারেপশিং ওইরিবা অপুনবগী শক্তি অদু লৈবাক অসিনা হায়রিবা মতম অসিগী মনুংদা উবা ফংখি।

মকর সংক্রান্তি নুমিত্তগী হৌরগা জনুৱারি ২২ ফাওবা লম-তু শেংবগী থবক অমা পাংথোক্নবা ঐনা লৈবাক অসিগী মীয়ামদা হায়জখি। মীওই লাখ কয়া কৎথোকপগা লোয়ননা মখোয়গী অকোয়বদা লৈবা লাইশঙশিং লু-নান্না থম্বদা ঐ অপেনবা ফাওই। মীওই কয়ানা থৌরম অসিগী ফোতোশিং অমসুং ভিদিওশিং ঐঙোন্দা থারকখি, মসিগী ৱাখল্লোন অসি মাঙহল্লোইদবনি, মসিগী ইহৌ অসি লেপ্লোইদবনি। মসিগী অপুনবা থবক্কী শক্তি অসিনা ঐখোয়গী লৈবাক মাইপাকপগী অনৌবা থাকশিংদা পুখৎকনি।

ঐগী নুংশিরবা ইরৈচাশিং,

হন্দক্কী ২৬ জনুৱারিগী পেরেদ অঙকপা ওইখি, পেরেদতা নুপীশিংগী থৌনা উখিবা অসি মীয়াম্না শোন্নখি, কর্তব্যা পথতা সেন্ত্রেল সেকুরিতি ফোর্সশিং অমসুং দিল্লি পুলিসকী নুপী কন্তিনজেন্তশিং চঙশিল্লকপা উবদা, মীওই খুদিংমক চাউথোকচবা ফাওখি। নুপীগী বেন্দশিং চঙশিল্লকপা অমসুং মখোয়না ফজনা খোঙবা উবদা, লৈবাক অসিগী অমসুং মপান লৈবাকশিংগী মীয়াম অঙকপা ফাওখি। পরেদ অসিদা শরুক য়াখিবা কন্তিনজেন্ত ২০গী মনুংদা ১১ নুপীশিংগীনি। কলাকার খুদিংমক নুপীশিংনা ওইবা তেব্লোশিং ঐখোয়না উরে। নাৎকী থৌরমশিংদা চাউরাক্না ইচানুপী ১৫০০ রোম শরুক য়াখি। নুপী কলাকার কয়ানা ভারতকী ঈশৈগী যন্থশিং হায়বদি মোইবুং, নাদাশ্বারম অমসুং নাগাদা খোঙখি। দি.আর.দি.ওগী তেব্লোশু মীয়ামগী পুক্নিং চিংশিনখি। ঈশিং, কংফাল, অতিয়া, সাইবর অমসুং সুন্দ্রংদা কমদৌনা নুপীশিংগী থৌননা লৈবাক অসি ঙাকপগে হায়বা উৎখি। ২১শুবা চহিচাগী ভারত নুপীশিংনা লমজিংবগা চাউখৎপগী লাইৱাগা লোয়ননা মাঙলোমদা চঙশিল্লি।

মরুপশিং,

নুমিৎ খরগী মমাঙদা অর্জুন এৱার্দ য়েন্থোকপগী থৌরম পাংথোকখিবা অদু অদোম উরম্লগনি। লৈবাক অসিগী শক্নাইরবা শান্নরোয়শিং রাস্ত্রপতি ভাবন্দা ইকায়খুম্নবা উৎখ্রে। অর্জুন এৱার্দ ফংলবী ইচানুপীশিং অমসুং মখোয়গী পুন্সিগী খোঙচৎশিংগী মতাংদা মীওই কয়াগী পুক্নিং চিংশিনখি। হন্দক নুপী শান্নরোয় ১৩ অর্জুন এৱার্দ পীদুনা ইকায়খুম্নখ্রে। হায়রিবা নুপী শান্নরোয়শিং অসি অচৌবা তুর্নামেন্ত কয়া শরুক য়াখি অমসুং ভারতকী ফিরালগী ইকায়খুম্নবা পুরকখি। হকচাংগী খুদোংচাদবশিং, শেন-থুমগী খুদোংচাদবশিংনা হায়রিবা থৌনা ফরবা অমসুং হৈথোই-শিংথোইরবা শান্নরোয়শিং ফাজিন্দুনা থম্বা ঙমখিদে। হোংলক্লিবা ভারত্তা, লৈবাক অসিগী ইচানুপীশিং অমসুং নুপীশিংনা হিরম খুদিংমক্তা অঙকপা থবকশিং পাংথোক্লি। নুপীশিংনা মখোয় মশক তাকপা অতোপ্পা হিরম অমা লৈরে, মদুদি সেল্ফ হেল্প গ্রুপশিংনি। ঙসিদি লৈবাক অসিদা নুপীশিংগী সেল্ফ হেল্প গ্রুপশিংগী মশিং হেনগৎলক্লে অমসুং মখোয়গী থবকশিংশু পাকথোক-চাউথোক্লে। খুঙ্গং খুদিংমক্কী লৌবুকশিংদা নমো দ্রোন দিদিশিংনা লৌউ-শিংউদা দ্রোনশিং শীজিন্নবা অদোম্না উবা ফংগদবা নুমিৎ অদু ইকুই কুইদ্রে। য়ু.পিগী বাহরাইচতা নুপীশিংনা মফম অদুদা ফংবা মচাকশিং শীজিন্নদুনা বাইও ফর্তিলাইজর অমসুং বাইও পেস্তিসাইত শেম্বগী মতাংদা ঐ পাউ তারে। নিবিয়া বেগুমপুর খুঙ্গংগী নুপীশিংনা সেল্ফ হেল্প গ্রুপশিংগী মতেংগা লোয়ননা ষনয়ুং, নিম মনা অমসুং মখল কয়াগী হিদাক ওইনা শীজিন্নবা পাম্বীশিংগা লোয়ননা বাইও ফর্তিলাইজর শেম্লে। নু্পীশিং অসিনা শিং, য়াইঙং, তিলহৌ অমসুং মোরোক শীজিন্নদুনা ওর্গনিক পেস্তিসাইত পুথোক্লে। হায়রিবা নুপীশিং অসিনা ‘উন্নতি জাইবিক ইকাই’ কৌবা লুপ অমা শেম্লে। নুপীশিংনা বাইওগী পোৎলমশিং পুথোকপদা লুপ অসিনা মতেং পাংলে। মখোয়না পুথোকপা বাইও ফর্তিলাইজর অমসুং বাইও পেস্তিসাইত পাম্নবা হেনগৎলক্লে। ঙসিদি অনকপা খুঙ্গংশিংগী লৌমী লিশিং ৬ হেনবনা মখোয়গী বাইওগী পোৎলমশিং লৈরে। মসিনা নুপীশিংগী শেন্থোক হেনগৎহল্লে অমসুং মখোয়গী শেন-থুমগী ফিবমশু ফগৎলে।

ঐগী নুংশিরবা ইরৈচাশিং,

খুন্নাই অমসুং লৈবাক চাউখৎনবা মশাগী ওইজবা থাদোক্তুনা থবক তৌরিবা লৈবাক অসিগী মীয়ামগী হোৎনবশিং ঐখোয়না ‘মন কি বাত’তা ফোঙদোক্লি। অসিগুম্বা ফিবম অমদা, নুমিৎ হুম্নিগী মমাঙদা লৈবাক অসিনা পদ্ম এৱার্দশিং লাউথোকপা মতমদা, মন কি বাত্তা অসিগুম্বা মীওইশিংগী মরমদা খন্নবা হায়বসি মশানা তাবনি। মীয়ামগা শম্নদুনা খুন্নাইদা অচৌবা অওনবশিং পুরক্নবা থবক তৌরিবা লৈবাক অসিগী মীওই কয়াদা হন্দকশু পদ্ম পীদুনা ইকায়খুম্নবা উৎলে। পুক্নিং থৌগৎনিঙাই ওইরবা মীওইশিংগী পুন্সি ৱারি খঙনবা লৈবাক শীনবা থুংবগী মীওই কয়া লাংতক্নরে। মেদিয়াগী হেদলাইনশিংদা লাপ্না, পাউ-চেশিংগী অহানবা লমায়দগী লাপ্না, হায়রিবা মীওইশিং অসিনা খুন্নাইগী থবক পাংথোক্লি। ঐখোয়না হায়রিবা মীওইশিং অসিগী মরমদা হান্না অমুক্তা তাখিদ্রি, অদুবু হৌজিক পদ্ম এৱার্দশিং লাউথোক্লবা মতুংদা মফম খুদিংমক্তা হায়রিবা মীওইশিং অসিগী মরমদা ঙাংনরে, মীয়াম্না মখোয়গী মরমদা হেন্না খঙনিংবগী লাংতক্নবা লৈরে। পদ্ম এৱার্দ ফংলবা মীওই অয়াম্বা মখোয়গী হিরমশিংদা অঙকপা থবকশিং পাংথোক্লি। কনাগুম্বনা এম্বুলেন্সকী থবক তৌরি, কনাগুম্বনা লায়রবগী য়ুম শাবীরি। মীওই খরনা উ পাম্বী লিশিং কয়া থাদুনা মহৌশাগী ফিবম কন্নবা থবক পায়খৎলি। ফৌ মখল ৬৫০ হেন্না কন্নবা থবক পায়খৎপা মীওই অমা য়াওরি। খুন্নাইদা ময়াই কাবা চীঞ্জাক লাইচুবা থিংনবা ৱাখল তাহনবগী থবক পাংথোকপা মীওই অমশু য়াওরি। মীওই কয়া সেল্ফ হেল্প গ্রুপশিংগা থবক তৌমিন্নরি অমসুং নারী শক্তি কেম্পেন্দা শরুক য়ারি। এৱার্দ ফংলবশিংগী মনুংদা মীওই ৩০ নুপীশিং হায়বা খঙবদা লৈবাক অসিগী মীয়াম হরাওরে। মখোয়না মীয়ামগা হকথেংননা থবক তৌমিন্নদুনা নুপীশিং অসিনা খুন্নাই অমসুং লৈবাক অসি মাঙলোমদা পুখৎলি।

মরুপশিং,

পদ্ম এৱার্দ ফংলবা মীওই অমমমনা পাংথোক্লিবা থবক অসি লৈবাক মীয়ামগী ইথিল অমনি। ক্লাসিকেল দান্স, ক্লাসিকেল ঈশৈ, ফোক দান্স, থিয়েতর অমসুং লাইশোন ঈশৈগী লমদা লৈবাক অসিগী মিংচৎ পুরকপা মীওইশিং হন্দক মনা পীদুনা ইকায়খুম্নবা উৎলি। প্রাকৃত, মালভি অমসুং লাম্বাদি লোলশিংদা শিংথাবা য়াবা থবক পাংথোকপশিংদশু মনা অসি পীদুনা ইকায়খুম্নবা উৎলে।  ভারতকী কলচর অমসুং হেরিতেচ অৱাবা থাক্তা পুখৎপদা অচৌবা থৌদাং লৌরিবশিং মপান লৈবাকশিংগী মীওই কয়া পদ্ম এৱার্দশিং পীদুনা ইকায়খুম্নবা উৎলে। মখোয়গী মনুংদা ফ্রান্স, তাইৱান, মেক্সিকো অমসুং বাংলাদেসকী মীওইশিং য়াওরি।

মরুপশিং,

হৌখিবা চহি ১০দা পদ্ম এৱার্দশিং পীবগী মওংদা মপুংফানা অহোংবা পুরক্লে। হৌজি মসি মীয়ামগী পদ্ম ওইরে। মীয়াম্না মখোয় মশামক নোমিনেত তৌবা য়ারে। মরম অসিনা ২০১৪ গা চাংদম্নবদা নোমিনেসন শরুক ২৮ হেন্না ফংলে। মসিনা পদ্ম এৱার্দকী মিংচৎ উৎলে অমসুং মসিগী ইকায়খুম্নবা চহি খুদিংগী হেনগৎলক্লে। পদ্ম এৱার্দ ফংলবশিংদা ঐনা অমুক হন্না ঐগী য়াইফ-পাউজেল পীজরি। 

ঐগী নুংশিরবা ইরৈচাশিং,

পুন্সি খুদিংমক্কী পান্দম অমা লৈ; মীওই খুদিংমক পান্দম অমা ফংনবা পোক্লিবনি। মদুগীদমক, মীয়াম্না কৎথোকপগা লোয়ননা মখোয়গী মথৌশিং পাংথোক্লি। মীওই খরনা মীয়ামগী থবক তৌদুনা, মীওই খরনা লান্মীদা য়াওদুনা, খরনা তুংগী মীরোলশিংদা লাইরিক তম্বীদুনা মখোয়গী মথৌশিং পাংথোকপা ঐখোয়না উরে, মখোয়গী পুন্সি লোইরবা মতুংদা ফাওবা ঐখোয়গী ইরক্তা হিংলিবা মীওই খর, হকচাং কয়াৎশিং কৎথোক্তুনা খুন্নাই অমসুং পুন্সিদা মখোয়গী থৌদাংশিং পাংথোকপা মীওই খর লৈরি। চহি খর অসিদা, লৈবাক অসিদা মীওই লিশিং অমা হেন্না মখোয় লৈখিদ্রবা মতুংদা মখোয়গী হকচাং কয়াৎশিং কৎথোকখি। মসিগী ৱারেপ অসি অরাইবা নত্তে, মসি পুন্সি কয়া কনবা ৱারেপ অমনি। মখোয়গী ইমুং-মনুংগী মীওইনা হিংলিঙৈদা পামজরম্বশিং থবক ওইনা পাংথোক্লিবা ইমুংশিং ঐনা থাগৎপা ফোঙদোকচরি। হিরম অসিদা লৈবাক অসিদা লুপ কয়ানা অফবা থবক কয়া পাংথোক্লি। লুপ খরনা মীয়ামদা হকচাং কয়াৎশিং কৎথোকপগী মতাংদা মীয়ামদা ৱাখল তাহল্লি, লুপ খরনা হকচাং কয়াৎশিং কৎনিংবা মীওইশিং রেজিস্তার তৌবদা মতেং পাংলি। অসিগুম্বা থবকশিং অসিনা লৈবাক অসিদা হকচাং কয়াৎ কৎথোকপা অমসুং মীওই কয়াগী পুন্সি কনবদা অফবা ফিবম অমা শেমগৎলে।

ঐগী নুংশিরবা ইরৈচাশিং,

অনাবশিং পুন্সি লাইথোকহনবা অমসুং মখোয়গী অৱাবশিং মতেং পাংগদবা ভারতকী মাইপাকপা অমা ঐনা হৌজিক অদোমদা শরুক য়ারি। অদোমগী মরক্তা অয়ুর্বেদা, সিদ্ধা নত্ত্রগা য়ুনানি লায়য়েং পথাপকী কান্নবা ফংলবা মীওই কয়া য়াওরমগনি। অসিগুম্বা অনাবা খরা মখোয়না হায়রিবা লায়য়েং পথাপশিং অসিগী দোক্তর খরগী মনাক্তা চৎলুবদা খুদোংচাদবা মায়োক্নৈ। হায়রিবা লায়য়েং কাংলোনশিং অসিদা, লায়নাশিং, লায়য়েংবা অমসুং হিদাক-লাংথকশিংগী মতাংদা চপ মান্নবা লোন অমা শীজিন্নদে। দোক্তর খুদিংমক মখোয় মশাগী ওইবা মওংদা লায়না মমিং অমসুং লায়য়েংবগী পাম্বৈশিং ই। মসিনা অতোপ্পা দোক্তরশিংনা খঙবদা য়াম্না খুদোংচাহন্দে। মসিগী খুদোংচাদবা অসি কোকহন্নবা চহি কয়া থিরকপা অদু হৌজিক ফংলে। ৱার্ল্দ হেল্থ ওর্গনাইজেসনগী মতেংগা লোয়ননা অয়ুস মিনিস্ত্রিনা অয়ুর্বেদা, সিদ্ধা নত্ত্রগা য়ুনানি লায়য়েং পথাপকা মরী লৈনবা দেতা অমসুং তর্মিনোলোজি মখল খাইদোক্লে হায়না ঐনা পাউদম্লি। হায়রিবা থবকশিং অসিনা অয়ুর্বেদা, সিদ্ধা নত্ত্রগা য়ুনানি মেদিসিন্দা লায়না অমসুং লায়য়েংবগা মরী লৈনবা তর্মিনোলোজিগী কোদ শেম্লে। মসিগী কোদিং অসিগী মতেংগা লোয়ননা দোক্তর খুদিংমক হৌজিক মখোয়গী প্রেস্ক্রিপসনশিংদা চপ মান্নবা লোলশিংনা ইরগনি। মসিগী খুদোংচাবা অমনা, করিগুম্বা অদোম্না চে অদু পায়রবা অতোপ্পা দোক্তর অমদা চৎপদা, চে অদুদগী দোক্তর অদুনা খুদিংমক খঙবা ঙম্লগনি। হায়রিবা চে অদুদগী কনাগুম্বা অমগী অনাবা , লায়য়েং, করি হিদাক চাখিবা অমসুং মতম কয়াম কুইনা লায়য়েংবগী থবক চৎথরক্লে হায়বা, কনাগুম্বা অমগী এল্লর্জিক ওইবগী মতাংদা খঙবা ঙম্লগনি। মসিগী থবক অসিনা রিছার্স তৌরিবা মীওইশিংদশু কান্নবা পীরগনি। অতোপ্পা লৈবাকশিংগী দোক্তরশিংশু লায়না, হিদাক অমসুং মখোয়গী কান্নবশিংগী মতাংদা মপুংফাবা ই-পাউ ফংবা ঙম্লগনি। ঐখোয়গী অয়ুস দোক্তরশিংনা মসিগী কোদিং অসি অথুবা মতমদা শীজিন্নবা হৌগনি হায়বগী থাজবা ঐনা থম্লি।

মরুপশিং,

ঐনা অয়ুস লায়য়েংগী মতাংদা পল্লকপা মতমদা, ঐগী মিৎতা য়ানুং জামোহ লেগোগী শক্তমশিং উরক্লে। য়ানুং অরুনাচল প্রদেসতগীনি অমসুং মহাক হার্বেল মেদিসিনগী অখঙ-অহৈ অমনি। মহাক্না অদি ত্রাইবকী মহৌশাগী ওইবা লায়য়েং মখল হিঙ্গৎহন্নবা কন্না হোৎনখি। থবক অসিগীদমক মহাক পদ্ম এৱার্দ পীদুনা ইকায়খুম্নবা উৎলে। মসিগা চপ মান্ননা, ছতিসগরগী হেমচান্দ মাঞ্চি পদ্মা এৱার্দ ফংলে। মহাক্না চহি ৫০ হেন্না ছতিসগরগী নরায়ানপুরদা লায়রবা অনাবশিংগী সেবা তৌখি। ঐখোয়গী লৈবাক্তা লোৎতুনা লৈরিবা অয়ুর্বেদা অমসুং হার্বেল মেদিসিনগী পুক্কৈ ঙাক-শেন্দুনা থম্বদা য়ানুং অমসুং হেমচান্দনা অচৌবা থৌদাং অমা লৌরে।

ঐগী নুংশিরবা ইরৈচাশিং,

মন কি বাতকী খুৎথাংদা ঐখোয় লোয়নরকপা হৌজিক চহি ১০ শুরে। সোসিএল মেদিয়া অমসুং ইন্তরনেতকী ষুগ অসিদা, লৈবাক শীনবা থুংনা পাউ ফাউন্নবা রেদিওনা শক্তি লৈরবা পাম্বৈ অমা ওইরি। রেদিওগী শক্তিনা কয়া য়াম্না অওনবা পুরকপা ঙম্বগে হায়বগী অঙকপা খুদম অমা ছতিসগরদা উবা ফংলে। হৌখিবা চহি ৭তা রাজ্য অসিদা ‘হামরা হাথি-হামার গোথ’ কৌবা থৌরম অমা রেদিওদা শন্দোকখি। মসিগী মমিং তাবদা রেদিও অমসুং শামু অনিগী মরক্তা লৈনবা মরী অদুদা অদোম অঙকপা পোক্কনি। মসিনা রেদিওগী ফজবা। থৌরম অসিদা ছতিসগরদা নুমিদাংৱাইরম খুদিংগী অকাসবানিগী স্তেসন মরি-অম্বিকাপুর, রাইপুর, বিলাসপুর অমসুং রাইগরদা শন্দোকখি অমসুং ছতিসগর অমসুং মসিগী অকোয়বগী উমংশিংদা লৈরিবা মীয়াম্না থৌরম অসি থৱায় য়াওনা তাই হায়বা খঙবদা অদোম অঙকপা ফাওগনি। ‘হামরা হাথি-হামার গোথ’ হায়রিবা থৌরম অসিদা  উমংগী করম্বা শরুক্তা শামুশিং শঙ্গু অমা ফাওদুনা চৎলিবগে হায়বা লাউথোকই। মসিগী পাউ অসি মফম অদুগী মীওইশিং য়াম্না কান্নবা ফংখি। শামু শঙ্গু অমা লাকপদগী পাউ রেদিওদগী হেক ফংবগা, মখোয় মিকুপ-নাহুম শিংনা লৈগনি। শামুশিংনা ফাউদুনা লাক্কদবা লম্বীশিংদা ফাউদুনা চৎপগী খুদোংথিবশিংদগী ঙাকথোকই। অমরোমদা, মসিনা শামুশিংনা অমাং-অতাশিং থোকহনবদগী হন্থহনবা ঙম্মী, অতোপ্পা অমদা, মসিনা শামুশিংগী মরমদা দেতা খোমজিনবা ঙমহল্লি। মসিগী দেতা অসিনা তুংদা শামুশিং ঙাক-শেনবগী থবকশিংদা মতেং পাংগনি। মফম অসিদা, সোসিএল মেদিয়াগী খুৎথাংদশু মীয়ামদা শামুগা মরী লৈনবা ই-পাউশিংশু য়ৌহল্লে। মসিনা উমংগী অকোয়বদা লৈরিবা মীয়ামগা শামুগা পুন্না লৈমিন্নবদা লাইহল্লে। মসিগী ছতিসগরগী অঙকপা থবক অসিদগী লৈবাক অসিগী অতোপ্পা উমংগী শরুকশিংদা লৈরিবা মীয়াম্না খুদোংচাবা অসি লৌবা য়াগনি।                                             

ঐগী নুংশিরবা ইরৈচাশিং,

জনুৱারি ২৫ দা ঐখোয়না জাতিগী ভোত্তরশিংগী নুমিৎ থৌরম পাংথোক্লে। মসি ঐখোয়গী ফজরবা গনতন্ত্রগী চৎনবীশিংগী মরুওইবা নুমিৎ অমনি। হৌজিক লৈবাক অসিদা চাউরাক্না ভোত্তর করোর ৯৬ রোম লৈরে। মশিং কয়া কয়া য়াম্লবগে হায়বা অদোম খঙবরা? মসি অমেরিকাগী অপুনবা মীশিংদগী শরুক অহুম হেল্লবনি। মসি অপুনবা য়ুরোপকী অপুনবা মীশিংদগী শরুক ১.৫ হেল্লবনি। করিগুম্বা ঐখোয়না পোল্লিং স্তেসনশিংগী মশিং হায়রবদি, লৈবাক অসিদা মখোয়গী মশিং লাখ ১০.৫ রোম লৈগনি। ভারতকী মীয়াম্না মখোয়গী গনতন্ত্রগী হকশিং শীজিন্নবা ঙম্নবা, শুপ্নগী ভোত্তর অমা খক লৈবা মফমশিং ফাওবদা ঐখোয়গী ইলেক্সন কম্মিসন্না পোল্লিং বুথশিং হাংদোক্লে। লৈবাক অসিদা গনতন্ত্রগী মগুনশিং মপাঙ্গল কনখৎহন্নবা ইলেক্সন কম্মিসন্না পায়খৎলিবা থবকশিং ঐনা থাগৎলি।

মরুপশিং,

মালেমগী লৈবাকশিংদা ভোৎ থাবদগী চাং হন্থরকপা মতম অসিদা, ভারত্তা ভোৎ থাদবগী চাং হেনগৎলকপা অসি লৈবাক অসিগী ওইনা হরাওনবগী মচাক অমনি। লৈবাক অসিদা অহানবা ওইনা ১৯৫১-৫২দা মীখল পাংথোকপা মতমদা, ভোত্তর চাদা ৪৫ খক্তনা মখোয়গী ভোৎশিং থাদখি। ঙসিদি মশিং অসি শিংথাবা য়ানা হেনগৎলে। লৈবাক অসিদা ভোত্তর মশিং হেনগৎলকপদা নত্তনা, ভোৎ থাদবা থোরকপা মশিংশু হেনগৎলে। ঐখোয়গী নহা ওইরিবা ভোত্তরশিং য়াম্না মিং চনবগী খুদোংচাবশিং পীনবা সরকারনা আইনশিংশু শেমদোক্লে। ভোত্তরশিং ৱাখল তানবা মীয়াম মরক্তা থবক কয়া পায়খৎপদা ঐ হরাওই। মফম খরদা মীয়াম্না য়ুমথোং য়ুমথোংদা চৎতুনা ভোৎ থাদনবা ভোত্তরশিংদা হায়খি। অতোপ্পা মফম খরদা অয়েকপা লাইশিং অমসুং লম্বীগী লিলাশিং উত্তুনা নহারোলশিংগী পুক্নিং চিংশিল্লে। থবক খুদিংমক অসিনা ঐখোয়গী গনতন্ত্রগী হরাওবদা ফজরবা মচু কয়া হাপচিল্লে। মন কি বাতকী খুৎথাংদা অহানবা ওইনা ভোত্তর ওইরিশিংনা মখোয়গী মিংশিং ভোত্তর লিস্তা হাপচিনগদবনি। মসি নেসনেল ভোত্তর সর্বিস পোর্তেল অমসুং ভোত্তর হেল্পলাইন এপ্পকী খুৎথাংদা মখোয়না লাইনা পাংথোকপা য়াগনি। অদোমগী ভোৎ অমনা লৈবাক্কী মরাইবক লেপ্পা ঙম্মী হায়বা অদোম মতম পুম্নমক্তা নিংশিংগদবনি।

ঐগী নুংশিরবা ইরৈচাশিং,

ঙসি জনুৱারি ২৮ অসি ভারতকী শক্নাইরবা মীওই অনিগী মপোক নুমিৎশিং থোক্লি। ঙসি ঐখোয়না লৈবাক অসি নিংতম্বা পুরক্নবা মখোয়গী পুন্সি কৎখ্রবা পঞ্জাব কেসারি লালা লাজপাত রাই জিগী মফমদা ইকায়খুম্নবা উৎচরি। লালা জিগী পুন্সি অসি নিংতম ইহৌ খক্তদা ওইবা য়ারোই। মহাক তুংগী শান্না উবা ঙম্বা মীওই অমনি। পঞ্জাব নেসনেল বেঙ্ক অমসুং অতোপ্পা ইন্সতিতুসনশিং লিংখৎপদা মহাক্না মরুওইবা থৌদাং অমা লৌখি। লৈবাক অসিদগী মপান লৈবাকশিংগী লৈঙাকপশিং তান্থোকপনা মহাক্কী পান্দম ওইবা খক নত্তনা, লৈবাক অসিগী শেন-থুমগী ফিবম ফগৎহন্নবা মহাক্না মরুওইবা থৌদাং লৌখি। মহাক্কী ৱাখল অমসুং কৎথোকপনা ভাগৎ সিংহদা য়াম্না চাউনা ইথিল পীখি। ঙসি ফিল্দ মার্সেল কে.এম কারিয়াপ্পাগী মফমদা ইকায়খুম্নবা উৎচরি। পুৱারিগী মরুওইবা তাঙ্কক অমদা মহাক্না ঐখোয়গী লান্মী লমজিংবগী থৌনা লৈবগী খুদম অমা থমখি। ঐখোয়গী লান্মী মপাঙ্গল কনখৎহনবদা মহাক্না মরুওইবা থৌদাং অমা লৌখি।

ঐগী নুংশিরবা ইরৈচাশিং,  শান্নবগী তাইবংদা ঙসি ভারতনা নুমিৎ খুদিংগী অনৌবা মাইপাকপশিং পুরকপা ঙম্লে। শান্নবগী তাইবংদা মশক থোকপা ঙম্নবা, লৈবাক অসিদা নিংথিনা পাংথোকপা শান্নবগী তুর্নামেন্তশিংদা শরুক য়ানবা শান্নরোয়শিংদা খুদোংচাবশিং পীবা হায়বসি য়াম্না মরুওই। মসিগী ৱাখল অসিগা লোয়ননা, ঙসি ভারত্তা অনৌবা শান্নবগী তুর্নামেন্তশিং পাংথোক্লে।

নুমিৎ খরনিগী মমাঙদা, চেন্নাইদা খেলো ইন্দিয়া য়ুথ গেমস হৌদোকখ্রে। মসিদা লৈবাক অসিগী শান্নরোয় লিশিং ৫ হেন্না শরুক য়ারি। দিয়ুদা বিচ গেমস পাংথোকখ্রে। দিয়ু অসি সোমনাথকা য়াম্না নক্নবা য়ুনিয়ন তেরিতোরি অমনি হায়বা অদোম  খঙলে। চহি অসি হৌরকপদা হায়রিবা বিচ গেমস অসি দিয়ুদা পাংথোকপনি। মসি ভারতকী অহানবা মশান্না কয়াগী বিচ গেমসনি। মসিদা তুগ ওফ ৱার, সি সুইমিং, পেনকেক সিলাত, মালখাম্বা, বিচ বোল্লিবোল, বিচ কাবাদ্দি, বিচ সোক্কর অমসুং বিচ বোক্সিং য়াওখি। তুর্নামেন্ত অসিদা সমুদ্রা লৈতবা রাজ্য কয়াগী শান্নরোয়শিং শরুক য়াখি। সমুদ্র লৈতবা মধ্য প্রদেসনা মসিদা মেদল মশিং খ্বাইদগী য়াম্না ফংখি। শান্নবগী তাইবংদা লৈবাক অমা হেক্তা মাইপাকপা ঙমগনি হায়বা মসিগী থৌনা অসিনা উৎলে।

ঐগী নুংশিরবা ইরৈচাশিং,

মন কি বাত্তা ঐনা হায়গদবা মতাং অসিদা লোইরে। ঐ অমুক হন্না ফেব্রুৱারিদা অদোমদা ৱা ঙাংগনি। লৈবাক অসিগী মীয়ামগী অপুনবা থবকশিংনা কমদৌনা লৈবাক অসি মাঙলোমদা চঙশিনগনি হায়বা মতাংদা মীৎয়েং চঙগনি। হয়েং জনুৱারি ২৯গী অয়ুক পুং ১১ তাবদা ঐখোয় পরিক্ষা পে চার্চা পাংথোক্কনি। মসি পরিক্ষা পে চার্চাগী ৭শুবা তাঙ্কক্নি। মসিগী থৌরম অসিদা ঐনা থাজবা থম্লি। মহৈরোয়শিংগা ঐগা ৱারি শান্নবগী খুদোংচাবা অমা ঐঙোন্দা পীরে অমসুং মখোয়গী পরিক্ষাগা মরী লৈনবা লাংতক্নবা কোকহন্নবা ঐনা মতেং পাংগনি। হৌখিবা চহি ৭ তা পরিক্ষা পে চার্চা অসি লাইরিক তম্বা অমসুং পরিক্ষাশিংগা মরী লৈনবা ৱাফম কয়া খন্নদুনা লাক্লি। হন্দক থৌরম অসিগীদমক মহৈরোয় করোর ২.৫ মিং চনবদা ঐ হরাওই। ২০১৮দা থৌরম অসি অহানবা হৌদোকপদা শুপ্নগী মহৈরোয় ২২,০০০ খক শরুক য়াখি।

মহৈরোয়শিং পুক্নিং থৌগৎনবা অমসুং পরিক্ষাশিংগা মরী লৈনবা লাংতক্নবশিংগী মরমদা ৱাখল তাহন্নবা অনৌবা থবক কয়া পায়খৎলে। হয়েং থৌরম অসি অদোম, মহৈরোয়শিং অমসুং নহারোলশিং শরুক য়ানবা ঐনা হায়জরি। ঐশু অদোমগা ৱারি শানবা নুংঙাইগনি। ৱাহৈশিং অসিগা লোয়ননা, ঐ মন কি বাতকী তাঙ্কক অসি লোইশিঞ্জরে। অদোমগা অমুক হন্না উনখিসি। অদোম থাগৎচরি।

ঐগী নুংশিরবা ইরৈচাশিং,

খুরুমজরি !

মন কি বাত হায়বসি অদোমগা উনবগী শেংলবা খুদোংচাবা অমনি অমসুং অদোম্না অদোমগী ইমুং-মনুংগী মীওইশিংগা উনবদা মতমদা, মসি অসুক্কী মতিক অপেনবা পোকই। মতৌ অদুগুম্না মন কি বাতকী খুৎথাংদা অদোমগা উনবা ঐ অপেনবা পোকই। তশেংনা ঙসি অসি ঐখোয়গী থৌরম অসিগী ১০৮শুবা তাঙ্কক্নি। ঐখোয়গী ওইনা মশিং ১০৮ অসি য়াম্না মরুওই অমসুং মসিগী অশেংবা অসি কুপ্না থিজিনবগী হিরম অমনি। মালা অমদা মরু ১০৮ য়াওরি, ১০৮ রক মন্ত্রা শোল্লি, লাইফম ১০৮ লৈরি, লাইশঙশিংদা থাক ১০৮ লৈরি, কাংসি ১০৮ লৈরি, মশিং ১০৮ অসি লাইনিংগা অচেৎপা মরী অমা লৈনরি। মরম অদুনা মন কি বাতকী ১০৮ শুবা তাঙ্কক অসি ঐগী ওইনা অখন্নবা অমনি। ১০৮ শুবা তাঙ্কক অসিদা মীয়াম্না শরুক য়াবা অমসুং মখোয়দগী ইথিল ফংবগী খুদম কয়া ঐখোয়না উরে।

মসিগী মাইপাকপা অসি য়ৌরক্লবা মতুংদা, অনৌবা থৌনাগা লোয়ননা অমসুং হেন্না য়াংবা খোঙজেল অমদা মাঙলোমদা চঙশিন্নবা ঐখোয়না ৱারেপ লৌরে। হয়েংগী নুমিৎ থোকপা অসি ২০২৪ গী অহানবা নুমিৎ থোকপা ওইরগনি- ঐখোয় ২০২৪ দা হিংলগনি। অনৌবা চহি ২০২৪গীদমক ময়াম পুম্নমক য়াইফ-পাউজেল পীজরি।

মরুপশিং,

মন কি বাত তারিবা মীওই কয়া ঐঙোন্দা চিথি কয়া ইরকখি অমসুং মখোয়গী নিংশিংনিঙাই ওইরবা থৌদোক কয়া ৱারি লীরকখি। চহি অসিদা ভারতমচা করোর ১৪০গী থৌনানা মরম ওইদুনা লৈখোয়গী লৈবাক্না অখন্নবা মাইপাকপা কয়া ফংবা ঙমখিবনি। চহি কয়া ঙাইদুনা লাকপা নারী শক্তি বন্দন এক্ত চহি অসিদা পাস তৌরে।

ভারতনা খ্বাইদগী চাউবা ৫শুবা ইকোনোমি ওইরকপদা মীওই কয়ানা হরাওবা ফোঙদোকপগী চিথি কয়া ইরকখি। জি-২০ মীফম মাইপাকপগীদমক মীওই কয়ানা ঐঙোন্দা হায়রকখি।

মরুপশিং,

ঙসিদি ভারতকী মফম খুদিংমক মশানা মশাবু থাজবা লৈজরে, চাউখৎলবা ভারত অমগী থৌনা লৈরে; মশাগী ওক্নবা পুথোকচনবগী থৌনা লৈরে। ২০২৪দশু মসিগী থৌনা অসি ঐখোয়না লেংদনা থমগদবনি। দিৱালিদা লৈখিবা ললোন-ইতিক্কী থবক অদুনা ভারতমচা খুদিংমক ভোকেল ফোর লোকেলগী লাইৱা মরুওইনা লৌরে হায়বা খঙলে।

মরুপশিং,

চন্দ্রয়ান-৩ মাইপাকপদা হৌজিক ফাওবা মীওই কয়ানা ঐঙোন্দা মেসেজ কয়া থারক্লি। ঐখোয়গী সাইন্তিস্তশিং অমসুং মরুওইনা নুপী সাইন্তিস্তশিংগীদমক অদোম্না চাউথোকচবা ফাওরে হায়বা ঐ খঙলে।

মরুপশিং,

নাতু-নাতুনা ওস্কার ফংলকপদা লৈবাক শীনবা থুংনা হরাওরে। ‘ইলিফেন্ত ৱিস্পরর্স’ ইকায়খুম্নবা উৎলকপদা হরাওরোইদবা কনা লৈবগে ? মখোয়গী মতেংদগী মালেম্না ভারতকী হৈথোই-শিংথোইবা উরে অমসুং ঐখোয়গী মহৌশাগা নক্নবা অদু খঙলে। চহি অসিদা ঐখোয়গী শান্নরোয়শিংনা শান্নবদা মশক থোকপা মাইপাকপা উৎলে। ঐখোয়গী শান্নরোয়শিংনা এসিয়ান গেমসতা মেদল ১০৭ অমসুং এসিয়ান পেরা গেমসতা মেদল ১১১ ফংলে। ক্রিকেত ৱার্ল্দ কপতা ঐখোয়গী শান্নরোয়শিংনা মীওই খুদিংমক্কী থম্মোয় জয় তৌবা ঙমখি। অন্দর-১৯ ৱার্ল্দ কপতা ঐখোয়গী নুপীগী ক্রিকেত তিম্না মাইপাকপা অসি পুক্নিং থৌগৎনিঙাইনি। হৌজিক ২০২৪দা পেরিস ওলেম্পিক পাংথোক্লগনি, মসিগীদমক লৈবাক শীনবা থুংনা ঐখোয়গী শান্নরোয়শিং পুক্নিং থৌগৎলি।

মরুপশিং,

ঐখোয়না মাইপাক্না অজাদি কা অমৃত মহোৎসব অমসুং মেরী মাতি মেরা দেস কেম্পেনশিং মাইপাক্না পাংথোকখ্রে। কেম্পেনশিং অসিদা মীওই করোর কয়া শরুক য়াখিবা ঐখোয়না উবা ফংলে। অমৃত সরোভর লিশিং ৭০ শেমখৎখিবা অসিশু ঐখোয়গী অপুনবা মাইপাকপা অমনি।

মরুপশিং,

ভারতনা ইন্নোবেসনগী হব অমা ওইরকপা অসি ঐখোয়না লেপ্তনা হোৎনবগী খুদম অমনি। ২০১৫ দা ঐখোয় গ্লোবেল ইন্নোবেসন ইন্দেক্সতা ৮১শুবা মফমদা লৈখি, ঙসিদি ৪০শুবা মফমদা লৈরে। চহি অসিদা ভারত্তা পেতেন্ত মশিং য়াম্না ফাইল তৌখি, মসিগী মনুংদা চাদা ৬০ দি লৈবাক মনুংগী ফন্দশিংদগীনি। চহি অসিদা ভারতকী য়ুনিভর্সিতি মশিং খ্বাইদগী য়াম্না ক্বিউ.এস এসিয়া য়ুনিভর্সিতি রেঙ্কিংদা য়াওরে। করিগুম্বা ঐখোয়না হায়রিবা মাইপাকপশিংগী পরেং অমা শেম্লবদি, মসি কৈদৌঙৈদা লোইবা ঙম্লরোই। হায়রিবা মাইপাকপশিং অসি লৈবাক অসিগী মীয়ামগী মাইপাকপনি। অমুক হন্না, ঐনা ময়াম নুংঙাইরবা ২০২৪গী য়াইফ-পাউজেল পীজরি।

ঐগী ইমুং-মনুংগী মীওইশিং,

ঐখোয়না থাজবা অমসুং হরাওবগী খন্নরি- মসিগী থাজবা অমসুং অনিংবা অসি য়াম্না ফৈ। ভারতনা চাউখৎলকপা মতমদা, অদোম খ্বাইদগী কান্নবা ফংগনি। মখোয়না মশা-মউ ফনা লৈবা মতমদা, নহারোলশিংনা হেন্না কান্নবা ফংগনি। পুন্সি মহিংগা মরী লৈনবা লায়নাশিং অসি মরুওইনা নহারোলশিংগীদমক য়াম্না নুংনাংবা অমনি। ঙসিগী মন কি বাত অসিদা, ফিত ইন্দিয়াগা মরী লৈনবা ৱাফমশিং থারক্নবা ঐনা ময়ামগী মফমদা হায়জরি। মশিং য়াম্লবা স্তার্দঅপশিং নমো এপ্পতা মখোয়গী পাউতাকশিং থারকখি, মখোয়গী অঙকপা থবক কয়া মখোয়না খন্ন-নৈনখি।

মরুপশিং,

২০২৩দা ভারতনা হোৎনদুনা ঐখোয়না মালেমগী মিল্লেতশিংগী চহি পাংথোক্লে। মসিনা হিরম অসিদা থবক তৌরিবা স্তার্দঅপশিংদা খুদোংচাবা কয়া পীরে। স্তার্দঅপশিং হায়বদি লখনৌগী কিরোস ফুদস, প্রায়াগ্রাজগী গ্রান্দ-মা মিল্লেতস অমসুং নিউত্রাসিউতিকেল রিচ ওর্গানিক পানবা য়াই। অলপিনো হেল্থ ফুদস, আর্বোরিএল অমসুং কিরোস ফুদসনা অফবা চীঞ্জাক্কী মতাংদা অনৌবা কয়া পুথোক্লে। বেঙ্গালুরুগী অনবোক্স হেল্থনা মীয়াম্না অপাম্বা চীঞ্জাক খনবগী মতাংদা মতেং পাংলি। জোগো তেক্নোলোজিসগুম্বা স্তার্দ-অপশিংনা কোচশিং অমসুং ত্রেন্নরশিং দরকার ওইরকপা মতমদা ফংহনবদা মতেং পাংলি।

মরুপশিং,

ঙসি হকচাং ফবগী মতাংদা ৱারি কয়া শান্নরে, অদুবু অতোপ্পা মরুওইবা অমদি পুক্নিং-ৱাখলগী হকশেলগী মতাং অসিনি। মুম্বাইদা লৈবা ইনফি-হিএল অমসুং য়োর-দোস্তনা পুক্নিং-ৱাখলগী হকশেল ফনা থম্নবা থবক তৌবদা ঐ হরাওই। মসি খক নত্তনা, ঙসিদি হিরম অসিদা আর্তিফিসিএল ইন্তিলিজেন্সগুম্বা তেক্নোলোজি শীজিন্নরে। হকচাং ফবা অমসুং পুক্নিং-ৱাখলগী হকশেলগী লমদা মমিং লৈরিবা মীওইশিংগা ৱারি শানবগী তাঞ্জা অমা অদোমগা শরুক য়ামিন্নবা ঐনা পাম্মী।

অহানবগী মেসেজ অসি সাধগুরু জাগ্গী বসুদেব জিদগীনি।

মহাক্না হকচাং ফবা মরুওইনা পুক্নিং-ৱাখলগী হকশেলগী মতাংদা মহাক্কী ৱাখল্লোনশিং ফোঙদোক্কনি।

**** ওদিও *****

মন কি বাত্তা পুক্নিং-ৱাখলগী হকশেলগী মতাংদা ৱা ঙাংবা অসি ঐখোয়গী লাইবক ফবনি। পুক্নিং-ৱাখলগী লায়না অমসুং কমদৌনা ঐখোয়না ঐখোয়গী নিউরোলোজিকেল সিস্তেম থম্বগে হায়বগা হকথেংননা মরী লৈনৈ। কমদৌনা ঐখোয়গী নিউরোলোজিকেল সিস্তেম অসি অকায়বা পীদনা থম্বগে হায়বা অসিনা ঐখোয় কয়া য়াম্না ৱাখল নুংঙাইনা খনবগে হায়বা মরী লৈনৈ। ঐখোয়না শান্তি, নুংশিবা, হরাওবা, অৱাবা, পুক্নিং ৱাবা হায়রিবা পুম্নমক অসি কেমিকেল অমসুং নিউরোলোজিকেলদা য়ুম্ফম ওইবনি। মপান্দগী কেমিকেলশিং হাপচিল্লগা হকচাংদা কেমিকেলশিং ৱাৎপা মেনখৎনবা হোৎনবদা ফার্মাকোলোজি অসি তঙাইফদে। মতৌ অশুম্না পুক্নিং-ৱাখলগী হকশেলগী অনাবা অসি লায়েংই অমসুং হিদাক থাবগী ম ওংদা মপানগী কেমিকেলশিং চাবা অসি কনাগুম্বা অমগী অরুবা ফিবম লাকপদা মতমদা দরকার ওই হায়বদি ঐখোয়না খঙগদবনি। হরাওবা, শান্তি ওইবা হায়বদি মীওই খুদিংমক্কী লনাই পুন্সিদা লৈগদবনি, খুন্নাই অমগী পুন্সিরোলদা লৈগদবনি অমসুং মালেমগী লৈবাকশিং অমসুং মীওইবা খুন্নাইদা লৈগদবনি। ঐখোয়গী পুক্নিং-ৱাখলগী হকশেলগী মরমদা ঐখোয়না খঙবা য়াম্না মরুওই, মসি ঐখোয়না ঙাক-শেনগদবনি, ঐখোয়না মসি য়োকখৎকদবনি। মসিগীদমক য়োগা শান্নবগী থাক কয়া লৈরি।  নিউরোলোজিকেল সিস্তেমশিংদা কেমিস্ত্রি খরা মান্ননা থম্নবা অমসুং ৱাখল লৈতানবা অচম্বা য়োগা খর শান্নবা দরকার ওই। পুক্নিং-ৱাখলগী হকশেলগী ফনা থম্নবা তেক্নোলোজিশিং অদু ঐখোয়না য়োগীক সাইন্স হায়না খঙনৈ। মসি ঐখোয়না থবক ওইনা পাংথোক্লসি।

অসিগুম্বা মওংদা মহাক্কী ৱাখল্লোনশিং ফোঙদোকপগীদমক সাধগুরু জি অসি মমিং চৎলি।

হৌজিক ঐখোয় মমিং লৈরবা ক্রিকেত শান্নরোয় হরমানপ্রিত কৌর জিদগী তারসি।

**** ওদিও ****

মন কি বাতকী খুৎথাংদা লৈবাক অসিগী মীয়ামদা ঐনা করিগুম্বা হায়বা পাম্মী। ইকায়খুম্নরবা প্রধান মন্ত্রী শ্রী নরেন্দ্র মোদী জিগী ফিত ইন্দিয়া না অদোমদা ঐগী ফিতনেসকী লাইৱা শরুক য়ানবা পুক্নিং থৌগৎলে। অহানবা ঐগী পাউতাক্তি অদোম্না কনাগুম্বা অমা ফত্তবা চীঞ্জাক্কী ত্রেনিং পীরোইদবনি। মসিনা তাক্লিবদি করম্বা মতমদা অদোম্না করি চাগনি হায়বগী মতাংদা অদোম য়াম্না চেকশিনগদবনি। প্রধান মন্ত্রীনা মীওই খুদিংমক মিল্লেত চানবা পুক্নিং থৌগৎলি। মসিনা ইম্মুনিতি হেনগৎহল্লি অমসুং চাবা তুম্বদা য়াম্না মতেং পাংই। চাং নাইনা শাজেল তৌবা অমসুং পুং ৭ মপুংফানা তুম্বা হায়বসি হকচাং ফনা লৈনবা য়াম্না মরুওই। মসিদা থকশি-খাসি অমসুং ফজনা পাংথোকপা দরকার ওই। অদোমনা কান্নবা ফংলবা হৌরকপদা, অদোম নুমিৎ খুদিংমক শাজেল তৌবা হৌরক্কনি। অদোমগা ৱারি শান্নবা অমসুং ঐগী ফিতনেসকী লাইৱা শরুক য়ানবগী খুদোংচাবা পীবগীদমক ঐনা প্রধান মন্ত্রী কয়ারক থাগৎচরি।

হরমানপ্রিত জিগুম্বা শান্নরোয় অমগী ৱাহৈশিংনা তশেংনা ময়ামগী পুক্নিং থৌগৎকনি।

গ্রান্তমাস্তর বিশ্বানাথন অনন্দ জিদগী তারসি। ঐখোয়গী গেম চেসগীদমক পুক্নিং-ৱাখলগী হকশেল অসি কয়া য়াম্না মরুওইবগে হায়বা ঐখোয় খুদিংমক খঙলগনি।

**** ওদিও*****

খুরুমজরি,

ঐ বিশ্বানাথন অনন্দনি অমসুং ঐনা চেস শান্নবা অদোম উরম্লগনি অমসুং অদোমগী ফিতনেস রুতিনগী মতাংদা ঐনা য়াম্না তোইনা হংলি। চেস অসি পুক্নিং চঙবা অমসুং খাংবা কনবা য়াম্না দরকার ওই, মরম অদুনা ঐনা হকচাং ফনা লৈনবা কন্না হোৎনৈ। ঐনা চয়োল অমদা য়োগা অনিরক শান্নৈ, ঐনা চয়োল অমদা কার্দিও অনিরক পাংথোকই, চয়োল অমদা ফেক্সিবিলিতি, স্ত্রেৎচিং অমসুং ৱেত ত্রেনিং অনিরক পাংথোকই অমসুং ঐনা চয়োল অমদা নোংমা পোথাই। পুম্নমক অসি চেসকীদমক য়াম্না মরুওই। অদোম পুং ৬-৭ গী অকনবা ৱাখল থবকশিংগী স্তেমিনা লৈবা দরকার ওই, অদুবু চেসগুম্বা গেম অমা শান্নবা মতমদা নুংঙাইনা ফম্বা অমসুং অদোমগী শ্বর চাংনাইনা হোনবা ঙম্বগী শক্তি লৈবা দরকার ওই। মন কি বাত তারিবশিংদা  হকচাং ফনা লৈনবা ঐগী পাউতাক্তি কনাগুম্বা অমনা মাঙদা তারিবা থবক অমগীদমক ৱাখল লৈতাগদবনি অমসুং পুক্নিং চঙগদবনি।

হকচাং ফনা লৈনবা খ্বাইদগী মরুওইবা পাউতাক্তি অহিং ফজনা তুম্বা অসিনি। অহিং অমদা পুং মরিদগী পুং মঙা ফাওবা তুম্বা তম্লোইদবনি, কনাগুম্বা অমনা তঙাইফদনা পুং ৭ নত্ত্রগা পুং ৮ তুম্নবা হোৎনগদবনি, মরমদি মথংগী নুমিত্তা অদোম নুমিৎ চুপ্পা অমা লৈতানা লৈবা ঙমগনি। অদোম্না পুক্নিং ৱাগদবা ৱারেপশিং লৌরোইদবনি, অদোম্না অদোমগী পুক্নিংগী ইহুলশিং লাকশিনগদবনি। ঐগী ওইনা তুম্বা হায়বসিনা হকচাং ফনা লৈনবগী খ্বাইদগী মরুওইবা পাউতাক্নি।

হৌজিক ঐখোয় অক্ষে কুমার জিদগী তারসি।

**** ওদিও *****

খুরুমজরি!

ঐ অক্ষে কুমার নি। অদোমগী মন কি বাত্তা ঐগী পুক্নিংগী ৱারোল খর ফোঙদোক্নবা খুদোংচাবা পীবগীদমক ঐখোয়গী ইকায়খুম্নরবা প্রধান মন্ত্রী ঐনা থাগৎচরি। ঐ হকচাং ফনা লৈনবা হোৎনবদা থৱায় য়াওই হায়বা অদোম খঙলে। ঐনা জিম, মপান্দা ইরোইবা, বেতমিন্তন শান্নবা, সিরিশিং কাবা, মুদগার ক্লব বেল অমগা শান্নবা,অফবা চীঞ্জাক চাবা পাম্মী… করিগুম্বা চাং চানা চারবদি অশেংবা ঘী ফাওবা ঐখোয়দা কান্নবা পী হায়না ঐনা থাজৈ। অদুবু মখোয় নোইগনি হায়না কিবদগী নুপামচাশিং অমসুং নুপীমচাশিং ঘী চাদবা ঐনা উরে। ঐখোয় হকচাং ফনা লৈবদা করিনা অফবনো অমসুং করিনা ফত্তবনো হায়বা খঙবা অসি য়াম্না মরুওই।

ফিল্ম স্তার অমগী হকচাং য়েংলগা অদোমগী পুন্সি মহিং হোংলোইদবনি অমসুং দোক্তরগী পাউতাক মতুংইন্না অদোমগী পুন্সি মহিং হোংগদবনি। এক্তর অয়াম্বা মখোয় স্কৃন্দা উরিবা অদু নত্তে। ফিল্তর মখল কয়া অমসুং স্পিসিএল ইফেক কয়া শীজিন্নরি অমসুং মখোয় উরবা মতুংদা, ঐখোয়গী হকচাংদা অহোংবা পুরক্নবা ঐখোয়না অরানবা থবক কয়া পাংথোক্লি। অতেনবা লম্বী থিবনা অদোমগী পুন্সি তেনগনি হায়বা নহারোলশিং খঙজিল্লু। অদোম অতেনবা লম্বী অমা দরকার ওইদে, অদোম্না তুংকোইনা লৌহৌগদবা হকচাং ফবা দরকার ওই। হকচাং ফনা লৈবা হায়বসি খাংবা কনবা অমনি। মসি ইন্সতেন্স কফি নত্ত্রগা ইন্সতেন্ত নোদলশিং নত্তে। অনৌবা চহি লাকপদা, অদোম ৱাশক লৌগদবনি… কেমিকেলশিং শীজিন্নরোইবদনি, অতেনবা মতমদা শাজেল তৌরোইদবনি, য়োগা, অফবা চীঞ্জাক, ফজনা তুম্বা, ধ্যান তৌবা অমসুং অদোমগী পুন্সিগী মীৎয়েং অদু হরাওনা য়াবা অসি পাংথোক্কদবনি। ঙসিদগী, ফিলতরগী পুন্সি অমদা হিংগনু, হেন্না হকচাং ফবা পুন্সি অমদা হিংউ। চেকশিল্লু। জয় মহাকাল।

**** ওদিও *****

খুরুমজরি!

ঐগী মিং রিসাভ মলহোত্রা অমসুং ঐ বেঙ্গালুরুদগীনি। মন কি বাত্তা হকচাং ফবগী মতাংদা খন্নবা অসিদা ঐ হরাওই। ঐনা বেঙ্গালুরুদা ‘তেগদা রাহো’ কৌবা স্তার্দ-অপ অমা লিংখৎলে। ঐখোয়গী স্তার্দ-অপ অসিনা ভারত্তা মমাঙঙৈগী শাজেলশিং চাউখৎহল্লে। ভারতকী অরিবা ‘গাদা শাজেল’ অসি অঙকপা শাজেল অমনি অমসুং ঐখোয়গী কাংবুনা মেস অমসুং মুদগার শাজেল খক্তদা মীৎয়েং চঙলে। মেস অমগা কমদৌনা শাজেল তৌগনি হায়বদা মীওই কয়া অঙকপা পোক্নখি। মেস শাজেল অসি চহি লিশিং কয়া শুরে অমসুং মসি ভারত্তা চহি লিশিং কয়া শান্নদুনা লাক্লি।

ঐখোয়গী স্তার্দ-অপনা মসি অনৌবা মওংদা ওন্থোক্লে। লৈবাক শীনবা থুংনা মসি পাম্নরে। ভারত্তা অরিবা শাজেল কয়া লৈরি। মসি ঐখোয়না শান্নগদবনি অমসুং মালেমদা মখা তানা তম্বীগদবনি। মেস শাজেল অসিনা অদোমগী পাঙ্গল, থৌনা, ফিরেপ অমসুং শ্বর হোনবা ফগৎহনগনি অমসুং মসি অদোম্না শান্নগদবনি। জয় হিন্দ।

ঐগী ইমুং-মনুংগী মীওইশিং,

কাসি তামিল শঙ্গমম শরুক য়ানবা তামিল নাদুদগী মীওই লিশিং কয়া কাসিদা লাকখিবা অদোম খঙলে। মখোয়গা ৱারি শান্নবা ঐনা অহানবা ওইনা এ.আই তুল ভাসিনি শীজিন্নখি। ঐনা হিন্দীদা ৱা ঙাংবদা এ.আই তুল ভাসিনিগী খুৎথাংদা মখোয়না তামিলদা তাখি। কাসি-তামিল শঙ্গমম শরুক য়াবা লাকখিবশিং চাংয়েং অসিদা অঙকপা পোকখি।

কনাগুম্বা অমগী লোলদা ৱা ঙাংবা মতমদা খুদক্তা মখোয়গী লোলশিং মীয়াম্না তাবা য়াগদবা মতম অদু কুইদ্রে। মসি মীয়াম্না ফিল্ম য়েংবা মতমদশু এ.আইগী মতেংনা রিএল তাইম ত্রান্সলেসন তাবা ফংলগনি। মসিগী তেক্নোলোজি অসি ঐখোয়গী স্কুলশিং, ঐখোয়গী হোস্পিতালশিং, ঐখোয়গী কোর্তশিংদা শীজিন্নরবদি কয়া য়াম্না অওনবা পুরক্কনি হায়বা অদোম খন্দুনা য়েংউ। ঙসিগী নহারোলশিংনা রিএল তাইম ত্রান্সলেসনগা মরী লৈনবা এ.আই.তুলশিং শীজিন্ননবা অমসুং মখোয় চাদা ১০০ ফুল প্রুফ ওইহন্নবা ঐনা তকশিল্লি।

ঝাখন্দদা লৈবা ত্রাইবেলগী খুঙ্গং অমদা মখোয়গী অঙাংশিং মখোয়গী লোলদা লাইরিক তম্বীনবা অঙকপা থবক অমা পায়খৎলে। গারহৱা জিলাগী মঙ্গালো খুঙ্গংদা কুদুখ লোলদা অঙাংশিং লাইরিক তম্বীরে। স্কুল অদুগী মমিং কার্তিক ওরাউন অদিবাসি কুদুখ স্কুল কৌই। স্কুল অসিদা অঙাং ৩০০ তম্লি। কুদুখ লোল অসি ওরাউন ত্রাইবেল ফুরুপকী ইমালোলনি। কুদুখ লোলগী মশাগী ময়েক লৈজৈ অমসুং মসি তোলাং সিকি হায়না খঙনৈ।

লোল অসি মুৎশিল্লক্লে অমসুং মসি কন্নবা ফুরুপ অসিনা মখোয়গী লোলদা মখোয়গী অঙাংশিং লাইরিক তম্বীনবা ৱারেপ লৌখিবনি। স্কুল অসি লিংখৎখিবা অর্বিন্দ ওরাউন্না হায়খি ত্রাইবেলশিং ইংলিস খঙবদা য়াম্না ৱাই,মরম অদুনা মখোয়গী মমালোলদা মহাক্না অঙাংশিং লাইরিক তম্বীবা হৌখিবনি। মহাক্কী থবক অসিগী কান্নবা ফংলকপদগী, খুঞ্জাশিং মহাক্কী মতুং ইল্লকখি। মখোয়গী মমালোলদা লাইরিক তম্বীবদগী অঙাংশি লাইরিক হৈবা হেনগৎলক্লে। হৌজিক ঐখোয়গী লৈবাক অসিদা লোল খঙবদবগী অঙাং কয়া ময়াই থিখাংদা লাইরিক তম্বা তোক্নরে। অসিগুম্বা খুদোংচাদবশিং কোকহন্নবা অনৌবা ইজুকেসন পোলিসিনা মতেং পাংলে। লাইরিক তম্বদা লোল অমনা খুদোংচাদবা থোকহন্দনবা হোৎনবা হায়বসি ঐখোয়গী থবক্নি।

মরুপশিং, জনুৱারি ৩ দা ঐখোয়না লৈবাক অনিগী শক্নাইরবী  অনি সাবিত্রি ফুলে জি অমসুং রানী ভেলু নাচিয়ারগী মপোক নুমিৎ থৌরমশিং পাংথোক্কনি। সাবিত্রি ফুলে জিনা লাইরিক-লাইশু তম্বা অমসুং খুন্নাইগী অওনবা পুরকপদা অচৌবা থৌদাং লৌখি। মহাক্না লায়রবশিং অমসুং নুপীশিং লাইরিক তম্নবা অকনবা খোল্লাউ কয়া লাউখি। মহাক্না মতম পুম্নমক্তা অরানবা থবকশিংগী মায়োক্তা লৈখি। মহাত্মা ফুলে জিগা লোয়ননা মহাক্না নুপীমচাশিংগী স্কুল কয়া লিংখৎখি। মহারাস্ত্রাদা চাক তাংবা থোকপা মতমদা, সাবিত্রিবাই অমসুং মহাত্মা ফুলেনা মখোয়গী য়ুমগী থোংশিং লায়রবশিংগীদমক হাংদোকখি। মীওইবা খুন্নাইগীদমক মহাক্কী পুন্সি কৎথোকখিবা অদু হৌজিক ফাওবা ঐখোয়দা ইথিল পীরি।

মরুপশিং,

রানী ভেলু নাচিয়ারনা বৃতিসকী মায়োক্তা থেংনখি অমসুং বৃতিসশিংনা সিবাগঙ্গাই লৈবাক্তা লান্দারকপা মতমদা মহাক্কী মপুরোইবা হাৎখি। মহারানী ভেলু নাচিয়ার অমসুং মহাক্কী মচানুপী য়েক্নবশিংদগী নান্থোকখি।

মহাক্কী কমান্দরশিং হায়বদি মুরুদু ব্রোদরশিংগা লোয়ননা মহাক্না লাল থেংনখি। অহানবা ওইনা মখোয়গী নুপীশিং খক্তগী ওইবা লান্মী কাংবু শেম্বদা রানী ভেলু নাচিয়ারগী মমিং য়াওখি। থৌনা ফরবী নুপী অনি অসিগী মফমদা ঐনা ইকায়খুম্নবা উৎচরি।

মরুপশিং,

দাইরো অসি খুনুং ঈশৈ, ফোক লিতেলেচর অমসুং ফাগীনা শেম্বা গুজরাতকী চৎনবী অমনি। ভাই জগদিস ত্রিবেদি অসি দাইরোগী অফাওবা কলাকার অমনি। ফাগী তৌবা মীওই অমা ওইনা,ভাই জগদিস ত্রিবেদিনা চহি ৩০ হেন্না মীয়াম নোকহন্দুনা লাক্লি। হন্দক ঐনা ভাই জগদিস ত্রিবেদিদগী চিথি অমা ফংখি অমসুং মহাক্কী লাইরিক অমশু মহাক্না থারকখি। লাইরিক অদুগী মমিং-সোসিএল ওদিদ ওফ সোসিএল সর্বিস কৌই। হৌখিবা চহি ৬ দা মহাক্না শেন তানখিবা অমসুং শীজিন্নখিবগা মতাংদা লাইরিক অদুদা ইরি। মহাক্না তানখিবা শেনফম খুদিংমক স্কুল, হোস্পিতাল, লাইব্রেরি, হকচাংগী ফিবম চাদ্রবশিংগী ইন্সতিতুৎশিং, মীয়ামগী থবকশিংদা শীজিন্নখি। ২০২২দা মহাক্কী থৌরমশিংদগী মহাক্না লুপা ২,৩৫,৮৯,৬৭৪ তানখি। মহাক্না লুপা করোর ২,৩৫,৮৯,৬৭৪ স্কুল অমসুং লাইব্রেরিদা শীজিন্নখি। মহাক মশাগী লুপা অমা ফাওবা থমখিদে। মসিগী তুংদা নুংঙাইরবা থৌদোক অমা লৈরি। ২০১৭ দা ভাই জগদিস ত্রিবেদি চহি ৫০ শুখি। মহাক্কী থৌরমশিংদগী ফংলকপা শেনফম মহাক্না য়ুমগী শীজিন্নখিদে। ২০১৭ দগী মহাক্না মীয়ামগীদমক লুপা করোর ৮.৭৫ শীজিন্নখ্রে। ফাগীরোয় অমা ওইনা মহাক্কী ৱাহৈশিংনা মীয়াম নমদুনা নোকহনখি। অদুবু, মহাক্কী মনুংদা লৈরিবা পুক্নিংগী ইহুল অদু ভাই জগদিস ত্রিবেদি জিগী পুন্সিদা উবা ফংলে। মহাক পি.ঐচ.দি দিগ্রি অহুম পায়রবা মীওই অমনি হায়বা খঙবদা অদোম অঙকপা পোক্কনি। মহাক্না লাইরিক ৭৫ ইখ্রে। মহাক্কী খুন্নাইগী থবকশিংগীদমক ঐনা ভাই জগদিস ত্রিবেদি জি থাগৎপা ফোঙদোকচরি।

ঐগী ইমুং-মনুংগী মীওইশিং,

অযোধ্যদা রাম মন্দির শাবা অসিদা লৈবাক শীনবা থুংনা হরাওরে। হৌখিবা নুমিৎ খরনি অসিদা, শ্রী রাম অমসুং অযোধ্যাগী মতাংদা অনৌবা ঈশৈ কয়া অমসুং লাইশোল ঈশৈ কয়া সুর পাল্লে। মীওই কয়া অনৌবা শৈরেং কয়া ইনরে। অনৌবা কলাকার কয়া ফজরবা লাইশেল ঈশৈ কয়া শক্নরে। ঐগী সোসিএল মেদিয়াদা ঐনা ঈশৈ খর অমসুং লাইশোল ঈশৈ কয়া সিয়ার তৌজরি। মখোয় মশাগী লৈজবা স্তাইলদা পুৱারি ওইরবা তাঞ্জা অসি কলাগী তাইবংনা শরুক য়াগনি। অসিগুম্বা ফজরবা কলাগী পোৎথোকশিং কম্মন হেস তেক অমদা ঐখোয়না সিয়ার তৌবা য়াগনি। সোসিএল মেদিয়াদা অদোমগী ফজরবা পোৎথোকশিং হেসতেগ শ্রী রাম ভাজন (#shriRamBhajan) দা সিয়ার তৌবীয়ু।

ঐগী নুংশিরবা ইরৈচাশিং,

মসি ঙসিগী ঐগী মন কি বাতনি। পুং খরগী মতুংদা ২০২৪ লাক্লগনি। ভারতকী মাইপাকপশিং ভারতমচা খুদিংমক্কী মাইপাকপনি। পঞ্চ প্রানগা লোয়ননা চাউখৎলবা ভারত অমা শেমগৎবা ঐখোয় লেপ্তনা হোৎনরি। ঐখোয়না পাংথোক্লিবা থবক খুদিংমক, ঐখোয়না লৌরিবা ৱারেপ খুদিংমক লৈবাক অসিনা কান্নবা ফংগনি। রাস্ত্রা প্রাথাম-নেসন ফার্স্ত- হায়বা লাইৱা অসিদগী হেনবা লাইৱা লৈতে। লাইৱা অসিগা লোয়ননা, ঐখোয় ভারতমচাশিংনা ঐখোয়গী লৈবাক চাউখৎহনগনি অমসুং মশা মরোমদোম লেপচবা ঙমহনগনি। ময়াম পুম্নমক ২০২৪দা অনৌবা মাইপাকপা কয়া পুরকপা ঙম্লসনু, অদোম হকচাং ফনা, নুংঙাইনা লৈবা ওইরসনু-মসি ঐগী লাইনিংনি। ২০২৪ লাকপদা ঐখোয় অমুক হন্না লৈবাক অসিগী মীয়ামগী অনৌবা মাইপাকপশিংগী মতাংদা অমুক খন্নরসি।

ময়াম পুম্নমক ঙমখৈ লৈতনা থাগৎচরি।

ঐহাক্কী নুংশিরবা লৈবাক মীয়াম, মন কী বাত্তা অদোম্বু তরাম্না ওকচরি। ঐখোয়না ঙসিগী নুমিৎ, নবেম্বর 26পু কৈদৌনুংদা কাওবা ঙম্লোই। লৈবাক্না তেররগী তমথীবা লান্দা অমা নংখিবা অদু ঙসিগী নুমিৎ অসিদনি। তেরোরিস্তশিংনা মুম্বাইবু অকীবনা নিকহনখি, লৈবাক পুম্ববুসু নিকহনখি। অদুবু, থৌদোক অদুদগী মায় পাকপা ঙমহনখিবা অদুদি ভারতকী লানফম মরক্কী থৌনাননি; ঐখোয়না হৌজিক্তি তেররগা ইশাগী অপুনবা ইতিক্কা লান্থেংনরি। মুম্বাই লান্দাদা পুন্সি মাঙখিবা পুম্নমক্কী মফমদা ঐহাক্না ইকায় খুম্নবা উৎচরি। ঙসিদি, লান্দা মনুংদা খ্বাইদগী চাউনা কত্থোকখিবা থৌনা ফরবশিংবু লৈবাক্না নীংশিংলি।

ঐহাক্কী ইমুংগী মীওইশিং, ঙসিগী নবেম্বর 26কী নুমিৎ অসি অতোপ্পা মরম অমগী ওইনসু য়াম্না মরু ওইরি। ইং 1949গী ঙসিগী নুমিৎ অসিমক্তদা কনস্তিত্বেন্ত এসেমব্লীনা অয়াবা পীদুনা ভারতকী সংবিধান চৎনবা হৌখিবনি। ইং 2015দা ঐখোয়না বাবাসাহেব অম্বেদকরগী 125শুবা মপোক কুমওন পাংথোক্লিঙৈ মনুংদা, নবেম্বর 26পু সংবিধানগী নুমিৎ হায়া পাংথোকপা য়াই হায়বা ৱাখল অমা ঐঙোন্দা লাকখিবদু ঐহাক নীংশিংলি। মদুদগী হৌদুনা অমসুং মখা তারকপা চহি খুদিংদা, ঐখোয়না নুমিৎ অসিবু সংবিধানগী নুমিৎ হায়না পাংথোক্তুনা লাক্লি। ঐহাক্না সংবিধানগী নুমিৎ অসিদা লৈবাক মীয়ামদা য়াইফ পাউজেল পীজরি। মীয়ামগী থৌদাংদা মরু ওইবা প্রাইওরিতী পীদুনা ঐখোয়না চাউখৎপা ভারতকী ৱারেপ অমা অমত্তা ওইনা পুন্দুনা ফংমিন্নগনি।

মরুপশিং, সংবিধান শেম্বদা চহি 2, থা 11 অমসুং নুমিৎ 18 চঙখি হায়বা ঐখোয় পুম্নমক্না খঙনরে। কনস্তিত্বেন্ত এসেমব্লীগী খ্বাইদগী অহল ওইবা মীওইদি শ্রী সচিদানন্দজীনি। ঐখোয়গী সংবিধানগী দ্রাফ অসিদি লৈবাক 60 হেনবগী সংবিধানশিংবু মতম শাংনা খন্ন-নৈনরবা মতুংদা শেমখিবনি। দ্রাফ শেম্বা লোইরবা তুংদা, অরোইবা স্ত্রকচর শেমদ্রিঙৈদা, মসিদা এমেন্দমেন্ত 2000 হেনববু হাপচিনখি। ইং 1950দা সংবিধান চৎনখ্রবা মতুংদগী ঙসিগী নুমিৎ ফাওবদা, সংবিধান অসিদা পুন্না এমেন্দমেন্ত 106 হাপখি। লৈবাক্কী মতম, ফিভম অমসুং তঙাই ফদবশিংগী মতুং ইন্না, সরকার কয়ানা মতম কয়াদা এমেন্দমেন্ত পাংথোকখি। সংবিধানগী অহানবা এমেন্দমেন্তনা ফ্রীদম ওফ স্পীচ অমসুং এক্সপ্রেসনবু অকক্নহনখিবা অদুসু ঐখোয়গী লাইবক থীবনি। অদুগা, 44শুবা এমেন্দমেন্ত অসিদনা ইমর্জেন্সীগী মনুংদা পাংথোকখিবা অরানবা খুদিংবু মতমগী অপাম্বগী মখা পোন্না শেমদোকখিবনি।

মরুপশিং, কনস্তিত্বেন্ত এসেমব্লীগীদমক্তা নোমিনেত তৌখিবা চপ মান্নবা মেম্বরশিংগী মনুংদগী 15না নুপী ওইখিবা অসিসু ইথিল পীনিংঙাই ওইবা থৌওংনি। মসিগুম্বা মেম্বর অমদি হন্সা মেহতাজীনি, মহাক্না নুপীগী হক অমসুং অচুম্বা ৱায়েলগীদমক্তা ৱাফম থমখিবনি। মতমদুদা, ভারত অসি নুপীদা ভোত থাদবগী হক পীবা সংবিধানগী মরক্তা অমা ওইরম্মি। লৈবাক শেম্বা মতমদা, পুন্না চাউখৎমিন্নবা হায়বসি মীপুম খুদিংনা শরুক য়াবা মতমদা ওইথোক্কদবনি। সংবিধান শেম্বীরম্বা মীওইশিংগী মিৎয়েং শানবা মতৌ ইন্দুনা ভারতকী পার্লিয়ামেন্তনা নারি শক্তি আধিনিয়মগী অয়াবা পীবসিদি ঐহাক্না নুংদা য়াম্না নুংঙাইবা ফাওজখি। নারী শক্তি বন্দন আধিনিয়ম অসিদি গনতন্ত্রগী ৱারেপকী পাঙ্গল, শঙ্কল্প শক্তিগী খুদম অমনি। মসিনা চাউখৎপা ভারত অমগী ৱারেপ অসি ফংবদা খোঙজেল হাপকনি।

ঐহাক্কী ইমুংগী মীওইশিং, মীয়াম মশিং য়াম্বনা লৈবাক শেম্বগী থৌদাং লৌরক্লবদি, লৈবাক অদুনা তুংলমচত্তা খোঙদাবদা মালেমগী শক্তি অমত্তনা থিংবা ঙম্লোই। ঙসিদি, লৈবাক্কী মীওই করোর 140না অহোংবা কয়া পুরকপগী মতৌদি ঙসি ভারত্তা ময়েক শেংনা উবা ঙম্লে। হন্দক্কী কুহ্মৈগী কুমজাদা মসিগী হকথেংনবা খুদম অমা ঐখোয়না উবা ফংখি। মমাংগী থাগী ‘মন কী বাত’তা ঐহাক্না ‘ভোকেল ফোর লোকেল’, হায়বদি, লোকেলগী পোত্থোক লৈবা হায়বসিদা মরু ওইবা পীখিবনি। হৌখিবা নুমিৎ খরনিসিদা, দিৱালী, ভৈয়া দুজ অমসুং ছথ পুজাদা লুপা করোর লাখ 4 হেনবগী কারবার লৈবাক অসিদা তৌনখি। মতমসিগী মনুংদা, লৈবাক মীয়াম্না মেদ ইন ইন্দিয়া পোত্থোক লৈবদা থৱাই নুংঙাইনবগী মতৌ উনখি। ঐখোয়গী অঙাংশিংসু দুকান্দা পোৎ লৈবা মতমদা মদুদা ভারত্তা শাবনি হায়না থাবরা থাদবরা য়েংনবা হৌরে। মসিদা নত্তনা, মীয়াম্না ওনলাইন্দগী পোৎ লৈবদা পোত্থোক অদুগী হৌরকফম য়েংবসু কাওনদ্রে।

মরুপশিং, ‘স্বচ্ছ ভারত অভিয়ান’গী মায় পাকপনা ইথিল ওইরক্লিবা অসিগুম্না, ‘ভোকেল ফোর লোকেল’গী মায় পাকপা অসিনসু ‘চাউখৎপা ভারত – নুংঙাই য়াইফবা ভারত’ অমগী থোঙ হাংদোক্লি। মসিগুম্বা ‘ভোকেল ফোর লোকেল’ কেম্পেন অসিনা লৈবাক্কী শেন্মিৎলোনগী মপাঙ্গলসু হেনগৎহল্লে। মসিগী কেম্পেন অসিদি থবক পীবগী গেরেন্তীসু ওইরে। মসিদি চাউখৎ-থৌরাংগী গেরেন্তীনি; মসিদি লৈবাক্কী খল মান্ননা চাউখৎপগী গেরেন্তীনি। মসিনা লোকেল পোত্থোকশিংগী ভেল্যু ইদিসনগী লম্বীসু য়াৎলি, অদুগা করিগুম্বা, মালেমগী শেন্মিৎলোন্দা অকা অকুম লৈরক্লবসু, ভোকেল ফোর লোকেলগী মন্ত্রনা ঐখোয়গী শেন্মিৎলোনবু ঙাক শেল্লি।

মরুপশিং, ভারতকী পোত্থোকশিংগী মতাংদা চেল্লিবা ৱাখল্লোন অসি শুপ্নগী কুহ্মৈগী মতমদা অকক্নবা লৈহল্লোইদবনি। লুহোংবগী কুমজাসু হৌজিক হৌরে। কুমজা অসিগী মনুংদা চাউরাক্না লুপা করোর লাখ 5কী কারবার তৌনগনি হায়না লল্লোন-ইতিক্কী লুপ খরনা পানরি। অদোম্না লুহোংবগী পোৎ লৈবা খুদিংদা, ভারত্তা শাবা পোত্থোকশিংদা খক্তা মরু ওইবা পীগদবনি। অদুগা হোই, লুহোংবগী ৱাফম লাক্লবনিনা, ঐহাকপু মতম শাংনা ৱাহনবা হীরম অমা লৈরি...ঐহাক্কী ইমুংগী মীওইদা হায়দনা কনাদা হায়গনি? অমুক্তা খন্থসি, হৌজিক্কান্দি, মীরম লৈবাক্তা চত্তুনা লুহোংবগী থৌরম পাংথোকপগী চৎনবী অমা ইমুং খরনা হৌদোক্নরক্লি। মসিবু য়াম্না তঙাই ফদ্রবরা? ঐখোয়না ইরমদম অসিদা লুহোংবগী থৌরমশিং পাংথোকপা মতমদা, লৈবাক্কী শেল অসি লৈবাক মনুংদা অদুমক লৈজগনি। লৈবাক্কী মীওইশিংনা অদোমগী লুহোংবদা মশাগী সেবা পীবগী খুদোংচাবা ফংজগনি, লাইরবা মীওইশিংসু মখোয়গী অঙাংশিংদা মদুগী মতাংদা পাউদমজগনি। অদোম্না ‘ভোকেল ফোর লোকেল’ মিসন অসিগা থৌরমশিং অসিগা চুনহনবা য়াদবরা? ইশাগী লৈবাক্তা লুহোংবগী থৌরম পাংথোকপদা করি অকায়বা লৈবগে? অদোম্না পাম্বা পথাপশিংদু ঐখোয়গী নাক্তা ঙসি লৈরমদবা য়াই, অদুবু, ঐখোয়না অসুম পাংথোক্নরবদি, পথাপ অদু মথন্নতা লৈজরক্কনি। মসিদি য়াম্না চাউবা ইমুংশিংগা মরী লৈনবা হীরম্নি। ঐহাক্কী ৱাফম অসি অচৌবা ইমুংশিং অদুদা শোইদনা য়ৌগনি হায়না ঐহাক্না খল্লি।

ঐহাক্কী ইমুংগী মীওইশিং, হন্দক্কী কুহ্মৈগী কুমজা অসিদা অতোপ্পা অচৌবা চৎনবী অমসু উবা ফংই। দীপাবলিদা কেশ পেমেন্ত শিজিন্নদুনা পোৎ লৈবা হন্থরক্লিবা অসিসু হন্দক্কে চহিসিনা থংন-থংননা অনিশুবা চহি ওইরি। মসিনা হায়বদি, মীয়াম্না দিজিতেল পেমেন্ত হেন্না হৌজিক্তি পাম্নরে হায়বনি। মসিদি পুক্নিং য়াম্না থৌগৎপা ৱাফম্নি। অদোম্না পাংথোকপা য়াবা অমসু লৈ। থা অমদি কেশ পেমেন্ত শিজিন্নদনা শুপ্নগী UPI নত্ত্রগা দিজিতেল পেমেন্তখক শিজিন্নগে হায়না ইশানা অমুক্তা লেপ্পীয়ু।  দিজিতেল ইহৌনা ভারত্তা মায় পাক্লকপনা মসিবু ওইথোকহল্লে। থা অমদু হেক লোইখিবগা, অদোমগী এক্সপেরিএন্স অমসুং ফোতোশিংবু ঐঙোন্দা শেয়র তৌবীরকউ। ঐহাক্না অদোম্না মায় পাকপা ওইরো হায়না হৌজিক্তগী হৌনা মাংজৌননা য়াইফ পাউজেল পীজরি।

ঐহাক্কী ইমুংগী মীওইশিং, ঐখোয়গী নহা ওইরিবা মরুপশিংদা নুংঙাইরবা অতোপ্পা পাউ অমসু লৈবাক্কীদমক্তা লৈরে, মসিনা ঐখোয়বু শোইদনা চাউথোকহনগনি। ‘ইন্তেল্লিজেন্স, দেতা অমসুং ইন্নোভেসন’ অসিদি ভারতকী নহাশিংগী ঙসিগী শক্তাক্নি। তেক্নোলোজী পুনশিন্দুনা মখোয়গী ইন্তেলেকচুএল প্রোপর্তী মশক থোক্না অমসুং লেপ্তনা হেনগৎলক্লিবা অসিমক লৈবাক্কী মতিক হেনগৎহনবদা পুরকপা মায় পাকপা অমনি। ভারত মচানা পেতেন্তকীদমক্তা এপ্লাই তৌবগী মশিংনা ইং 2022দা চাদা 31 হেন্না হেনগৎখি তাবদা অদোমসু পেনবা ফাওগনি। ৱর্ল্দ ইন্তেলেকচুএল প্রোপর্তী ওর্গনাইজেসন্না য়াম্না নুংঙাইবা রিপোর্ত অমা ফোঙখ্রে। থৌওং অসি পেতেন্ত ফাইল তৌবগী মতাংদা মাঙজিল থানা লৈরিবা মকোক থোংবা লৈবাক 10গী মফমদসু থোকখিদ্রি হায়না রিপোর্ত অসিনা পল্লি। মসিগুম্বা ফজরবা মায় পাকপা অসিগীদমক্তা ঐহাক্কী নহা ওইরিবা মরুপশিংবু থাগৎচরি। লৈবাক্না অদোমগী খোঙ্কাপ খুদিংদা অদোমগীদমক্তা লেপ্লি হায়না নহা ওইরিবা মরুপশিংগী মফমদা থাজবা পীজরি। সরকারনা পাংথোকখিবা এদমিনিস্ত্রেতিব অমসুং লিগেল রিফোর্ম কয়াগী মতুংদা, ঐখোয়গী নহাশিংনা অনৌবা পাঙ্গলগা লোয়ননা ঙসিদি, ইন্নোভেসন পাক চাউনা পাংথোক্লি। চহি 10গী মমাংদা লৈরম্বা ফিগরগা চাংদম্নবা মতমদা, ঐখোয়গী পেতেন্তনা চাদা 10 হেন্না এপ্রুবেল ফংলে। পেতেন্তশিংনা লৈবাক্কী ইন্তেলেকচুএল প্রোপর্তী মশিং হেনগৎহনবতা নত্তনা, মখোয়না খুদোংচাবগী অনৌবা থোঙ কয়াসু হাংদোক্লিবনি। মসিদা নত্তনা, মসিনা ঐখোয়গী স্তার্তঅপশিংগী পাঙ্গল অমসুং মতিকপুসু হেনগৎহল্লি। ঙসিদি, স্কুল তম্লিবা অঙাশিংদসু ইন্নোভেসনগী ইথিল পীরে। অতল তিঙ্করিং লেব, অতল ইন্নোভেসন মিসন, কোলেজশিংদা লৈবা ইনক্যুবেসন সেন্তর, স্তার্তঅপ ইন্দিয়া কেম্পেন...লেপ্তনা পায়খৎলিবা মসিগুম্বা থবকশিংগী মহৈ ঐখোয়গী মাঙদা লৈরে। মসিমক ঐখোয়গী ভারতকী নহাশিংগী পাঙ্গলগী হকথেংনবা খুদম অমনি; মসিমক ভারতকী ইন্নোভেসনগী পাঙ্গলনি। মসিগুম্বা নুংঙাইবা ৱাখল্লোনগা লোয়ননা তুংলমচত্তা খোঙদাদুনা, ঐখোয়না চাউখৎপা ভারত অমগী পান্দম ফংলগনি, অদুনা, ঐহাক্না ‘জয় জৱান - জয় কিশান’, ‘জয় বিজ্ঞ্যান – জয় অনুসন্ধান’ হায়না হঞ্জিন-হঞ্জিন্না হায়রীবনি।

ঐহাক্কী নুংশিরবা লৈবাক মীয়াম, ভারত্তা মেলা মশিং য়াম্না পাংথোক্লি হায়না ঐহাক্না থা খরগী মমাংদা ‘মন কী বাত’তা হায়খিবা অদোম্না নীংশিংলম্বা য়াই। অদুনা, চাংয়েংনবগী ৱাফমসু ৱাখল্লোন্দা অদুমক লাক্কনি, অদুগা মেলাশিংগা মরী লৈনবা ফোতো কয়াসু মীয়াম্না শেয়র তৌনরক্কনি। কলচর মন্ত্রালয়না চপ মান্নবা ৱাখল্লোনগা লোয়ননা মেলা মোমেন্ত কন্তেস্ত অমা শীনখ্রে। মীওই লিশিং কয়ানা মসিদা শরুক য়াদুনা মনা কয়া অমসু ফংনখ্রে তাবদা অদোম্না নুংঙাইবা ফাওগনি। কোলকাতাদা লৈবা রাজেশ ধার্জীনা কাপখিবা চরকমেলাদা বেল্লুন অমসুং শান্নপোৎ য়োনবা মীওই অমগী ফোতোনা মনা অসি ফংখি। মেলা অসি বেঙ্গলগী খুঙ্গংদা মমিং য়াম্না চৎলি। ভরানসীদা হোলী পাংথোকপগী মতৌ উৎপা অনুপম সিংহজীগী ফোতোনা মেলা পোর্ত্রেত এৱার্দ ফংখি। ‘কুলাসাই দসেরা’গা মরী লৈনবা নীংথিরবা শক্তম অমগীদমক্তা অরুন কুমার নালিমেলাজীদা মনা পীখি। চপ মান্নবা মতৌ ওইনা, মহারাস্ত্রগী শ্রীমান রাহুলজীনা থারকপা পন্ধার্পুরগী অচেৎপা নুংশিবা উৎপা ফোতো অমবু খ্বাইদগী পাম্নবা ফোতোশিংগী মনুং চনখি। চাংয়েংনবা অসিদা, মেলাশিংদা য়োনবা লোকেল অচা-অথক্কী ফোতো কয়া অমসু থারকখি। মসিগী মনুংদা, পুরুলিয়াদা লৈবা অলোক অভিনাশকী ফোতোনা মনা অমা ফংখি। মহাক্না মেলা মনুংদা উৎপা বেঙ্গলগী খুঙ্গংগী মফমশিংগী চিঞ্জাকশিং উৎখি। ভাগোরিয়া কুহ্মৈদা কুলফী হাওনা চারিবী নুপী অমগী শক্তম উৎপা প্রনব বাসকজীগী ফোতোবুসু মনা পীখি। নুপী অমনা ছতিসগরগী জগদলপুরগী খুঙ্গংগী মেলা অমদা ভজিয়া চাবগী ফোতো অমা রুমেলাজীনা থারকখি, মদুবুসু মনা পীখি।

মরুপশিং, ‘মন কী বাত’কী খুত্থাংদা, ঐহাক্না ঙসি, খুঙ্গং, স্কুল অমসুং পঞ্চায়ত খুদিংনা মসিগুম্বা চাংয়েংনবগী থৌরমশিং মতম নাইনা শীন্নবা হায়জরি। হৌজিক্কান্দি, সোসিএল মীদিয়াগী শক্তি য়াম্না চাউরে, তেক্নোলোজী অমসুং মোবাইলনা য়ুম্থোং খুদিংদা য়ৌরে। অদোমগী লোকেল কুহ্মৈ নত্ত্রগা পোত্থোক ওইরো, অদোম্না মখোয়শিংবু গ্লোবেল ওইহনবা য়ারে।

মরুপশিং, খুঙ্গং খুদিংদা মেলা পাংথোকপগুম্না, মখল কয়াগী জগোইশিংসু মশাগী হেরিতেজ লোইনা লৈজৈ। ঝার্খন্দ, ওরিশা অমসুং বেঙ্গলগী ত্রাইবেল মফমশিংদা ‘ছাউ’ কৌবা অফাওবা জগোই অমা লৈ। নবেম্বর 15-17দা ‘এক ভারত। শ্রেস্থ ভারত’কী ইথিলগা লোয়ননা শ্রীনগরদা ‘ছাউ’ কুহ্মৈ পাংথোকখি। থৌরম অসিদা উৎখিবা ‘ছাউ’ জগোইবু মীপুম খুদিংনা পাম্নখি। শ্রীনগরগী নহাশিংদা ছাউগী ত্রেনিং পীনবা ৱর্কশোপ অমসু পাংথোকখি। মান্নবা মতৌ ওইনা, চয়োল খরগী মমাংদা কথুৱা জিলাদা ‘বাসোলী উৎসব’ পাংথোকখি। মফম অসিদি শ্রীনগরদগী কিলোমীতর 150 থাপ্না লৈবনি। কুহ্মৈ অসিদা লোকেল আর্ত, খুনুং জগোই অমসুং ত্রেদিস্নেল রামলীলাসু উৎখি।

মরুপশিং, ভারতকী চৎনবীগী ফজবগী মতৌ অসি সাউদী অরাবিয়াদসু উবা ফংখ্রে। হন্দক্কী থা অসিদা, সাউদী অরাবিয়াদা ‘সংস্কৃত উৎসব’ কৌবা থৌরম অমা পাংথোকখি। মসিমক মশানা তোপ-তোপ্পা থৌরম অমনি, মরমদি, অপুনবা থৌরম অসি সংস্কৃত্তা পাংথোকখি। দাইলোগ, ম্যুজিক, জগোই...পুম্নমক সংস্কৃত্তা পাংথোকখি অমসুং মসিদা লোকেল মীয়াম্না শরুক য়াবগী মতৌসু উবা ফংখি।

ঐহাক্কী ইমুংগী মীওইশিং, ‘স্বচ্ছ ভারত’ হায়বসি লৈবাক পুম্বগী খ্বাইদগী পাম্নবা হীরম অমা ওইরে। মসি ঐহাক্কীসু খ্বাইদগী পামজবা হীরম ওইরি অমসুং ঐহাক্না মসিগা মরী লৈনবা পাউ হেক তাবা খুদিংদা ঐগী ৱাখলনা মসিগী মাইকৈদা অদুম চৎলি....অদুনা ‘মন কী বাত’তা মসিগী মতাংদা পনবা হায়বসিদি মহৌশানা তাবনি। স্বচ্ছ ভারত অভিয়ান্না লু-নানবা অমসুং পব্লিক হাইজিনগী মতাংদা মীয়ামগী ৱাখল্লোনবু হোংহল্লে। ঙসিদি, খোঙথাং অসিনা লৈবাক্কী ইথিলগী খুদম অমা ওইরে, অমসুং মসিনা লৈবাক মীয়াম করোর অমগী পুন্সিবু ফগৎহল্লে। কেম্পেন অসিনা থেংখাং খুদিংগী মীওইদা ইথিল পীরি, মরু ওইনা, মহাশিংবু পাক্তক্ননা শরুক য়াহল্লি। মসিগুম্বা থাগৎনীংঙাই ওইরবা থৌরম অমা ঐখোয়না সুরত্তা উবা ফংখি। নহাশিংগী কাঙলুপ অমনা মফমসিদা “প্রোজেক্ত সুরত” হৌদোকখ্রে। মখোয়গী পান্দমদি সুরতপু ফিদম্নীংঙাই ওইবা শহর অমা ওইহন্দুনা লু-নানবা অমসুং সস্তেনেবল দিভেলপমেন্তকী অফবা খুদম অমা ওইহনবনি। ‘সফাই সন্দে’ হায়না হৌদোকখিবা থবক্কী মখাদা, সুরতকী নহাশিংনা অহানবদা মীয়াম তিনবা মফম অমসুং দুমাস সমুদ্র তোর্বান শেংদোক্লম্মি। মতুংদা, মখোয়না তাপী তুরেলগী তোর্বান শেংবগী থবকসু থৱাই য়াওনা পায়খৎপা হৌখি। থবক অসিদা শরুক য়াবা মীওই মশিংনা তেল্লবা মতমগী মনুংদা লিশিং 50 হেনখি তাবদা অদোম্না নুংঙাইবা পোক্কনি। কাঙবু অসিগী থাজবা হেনগৎলকখি, মীয়াম্না শৌগৎপসু হেনগৎলকখি, অদুদগী মখোয়না ফত্ত-হৌদী খোম্বগী থবক হৌখি। কাঙবু অসিনা ফত্ত-হৌদী কিলো লাখ কয়া খোমখ্রে তাবদা অদোম্না অঙকপা ফাওগনি। গ্রাসরুত লেবেলদা মসিগুম্বা থবক পায়খৎপনা অচৌবা অহোংবা পুরকপা ঙমগনি।

মরুপশিং, অতোপ্পা পাউ অমদি গুজরাতমক্তগী লাকপনি। চয়োল খরগী মমাংদা, অম্বাজীদা ‘ভদরাভী পুনম’ মেলা পাংথোকখি। মীওই লাখ 50 হেনবনা মেলা অসি য়েংবা লাকখি। মেলা অসি চহি খুদিংগী পাংথোকই। মসিগী খ্বাইদগী মশক নাইবা ৱাফমদি, মেলাসিদা শরুক য়াবা লাকপা মীওইশিংনা গব্বর চিংগী চাউরবা মফমদা লু-নানবগী থবক পায়খৎখিবা অসিনি। লাইশঙগী অকোয়বদা লৈবা অপুনবা মফম অসিবু লু-নান্না থম্বগী কেম্পেন অসিদি ইথিল পীনিংঙাইনি।

মরুপশিং, লু-নানবা হায়বসিদি নোংমা নত্ত্রগা চয়োল অমখক পাংথোক্কদবা থবক নত্তে, মসিদি পুন্সি চুপ্পা পায়খৎকদবা খোঙথাং অমনি হায়না ঐহাক্না য়াম্না তোয়না হায়বনি। লু-নানবগীদমক্তা মপুন্সি কত্থোক্লবা মীওই কয়া অমা ঐখোয়গী অকোয়বদা উবা ফংই। তমিল নাদুগী কোইম্বাতোরদা লৈবা লোগনাথঞ্জীগা কনামত্তগা চাংদম্নবা য়ারোই। মহাক্না অঙাং ওইরিঙৈদা শেগাইবা ফিরোল শেৎপা লাইরবা অঙাং উবদা য়াম্না নুংঙাইতবা পোকখি। মদুদগী মহাক্না মখোয়বু তেংবাংগে হায়না লেপখি অমসুং মহাক্না তুংশিঞ্জবা শেনফমশিংবু মখোয়গীদমক্তা পীবা হৌখি। মহাক্কী মফমদা শেল লৈরক্তবা মতমদা, লাইরবা অঙাংশিংবু তেংবাংবা ঙম্নবগীদমক্তা মহাক্না অমাংশঙ শেংবা ফাওবা য়াওখি। মহাক্না চহি 25তগী থবক অসি থৱাই য়াওনা পাংথোক্তুনা লাক্লি অমসুং হৌজিক ফাওবদা মহাক্না অঙাং 1500 হেনবদা তেংবাংখ্রে। ঐহাক্না মহাক্কী হোৎনজমনবু অমুক্কা হন্না ইকায় খুম্নজরি, থাগৎচরি। লৈবাক্কী মফম কয়াদা পাংথোক্লিবা মসিগুম্বা থবক থৌরম কয়ানা ঐখোয়বু ইথিল হাপ্লি অমসুং অনৌবা অমা তৌহন্নীংনবা ইথিলসু ঐখোয়দা পীরি।

ঐহাক্কী ইমুংগী মীওইশিং, 21শুবা চহি-চাগী মালেমগী খ্বাইদগী চাউবা শিংনবশিংগী মনুংদগী অমদি ‘ঈশিংগী অৱাৎপা’ অসিনি। ঈশিং য়োকশিনবনা পুন্সি কনবদগী তাবা নত্তে। মসিগুম্বা অপুনবগী ইথিলগা লোয়ননা ঐখোয়না থবক তৌরবদি ঐখোয়না শোইদনা মায় পাকই। মসিগী খুদম অমদি লৈবাক্কী জিলা খুদিংদা ‘অমৃত সরোবর’ অসিনি। ভারতনা অমৃত মহোৎসবকী মনুংদা শেমখিবা অমৃত সরোবর লিশিং 65না লাক্কদৌরিবা চারোন শুরোনশিংদা কান্নবা পীগনি। ‘অমৃত সরোবর’ অমবু হেক শারবদি, মদুনা মরু ওইবা ঈশিং ফংফম অমা ওইহন্নবগীদমক্তা ঙাক শেন্দুনা থম্বা হায়বসি ঐখোয়গী থৌদাং ওইরবনি।

মরুপশিং, ঈশিং য়োকশিনবগী মতাংদা ৱারী শারিবসিগী মরকসিদা, ঐহাক্না গুজরাতকী অমরেলীদা পাংথোকপা ‘জল উৎসব’কী মতাংদা খঙবা ফংখ্রে। গুজরাত্তা ঈশিং লেপ্তনা চেনবা তুরেলগী অৱাৎপা লৈ, অদুনা মীয়াম্না নোংগী ঈশিংদা অয়াম্বা মতমদা মায় ওনশিল্লি। হৌখিবা চহি 20-25 অসিদা, সরকার অমসুং সোসিএল ওর্গনাইজেসনগী হোৎনজমন্দগী ফিভম অসিদা অহোংবা লাক্লে। অদুনা, মসিদা ‘জল উৎসব’কী মরু ওইবা থৌদাং য়াওরি। অমরেলীদা পাংথোকপা ‘জল উৎসব’কী মনুংদা, ঈশিং য়োকশিনবা অমসুং পাৎ য়োকখৎপগী মতাংদা মীয়ামদা খঙবা হেনগৎহন্নবা থৌওং কয়া পাংথোকখি। লোয়ননা, ৱাতর স্পোর্তসু মসিদা হৌদোকখি অমসুং ৱাতর সেক্যুরিতীগী মতাংদা অখঙ-অহৈশিংগা লোয়ননা ব্রেন্সতোর্মিংসু পাংথোকখি। প্রোগ্রাম অদুদা শরুক য়াখিবা মীয়াম্না মফমদুগী মচু অহুমগী ঈশিং চাইবীবু য়াম্না পাম্নখি। ৱাতর ফেস্তিবেল অসি সাভজীভাই ধোলাকিয়াগী ফাউন্দেসন্না শীনবনি। মখোয় অসিদি সুরতকী দাইমন্দ কারবারদা মশাগী মিংচৎ শেমখ্রবনি। থৌরম অসিগা মরী লৈনবা মীপুম খুদিংবু ঐহাক্না থাগৎচরি অমসুং ঈশিং য়োকশিনবগী মতাংদা পাংথোকপা চপ মান্নবা থবকশিংগীদমক্তা য়াইফ পাউজেল পীজরি।

ঐহাক্কী ইমুংগী মীওইশিং, স্কিল দিভেলপমেন্তকী মরু ওইবশিংবু মালেম পুম্বনা হৌজিক্কান্দি শকখঙনবা হৌনরে। ঐখোয়না মীওই অমদা স্কিল তাকপীবা মতমদা, ঐখোয়না মখোয়দা স্কিল পীবতা নত্তনা মখোয়গী শেন্দান লম্বী অমসু পীবিরিবনি। হৌখিবা দিকেদ মরিদগী স্কিল দিভেলপমেন্তকী মতাংদা থবক পায়খৎপা লুপ অমগী মতাংদা ঐহাক্না খঙলকখিবা মতমদা, ঐহাক্না য়াম্না হেন্না নুংঙাইবা অমা ফাওখি। হায়রিবা ইন্সতিত্যুসন অসি আন্ধ্র প্রদেশকী বেলজিপুরমদা লৈ অমসুং মিংনা ‘বেলজিপুরম য়ুথ ক্লব’ কৌই। মখোয়না স্কিল দিভেলপমেন্ততা মিৎয়েং চঙদুনা, চাউরাক্না নুপী 7000পু মপাঙ্গল হাপখ্রে। ঙসিদি, নুপীশিংগী অসিগী মরক্তগী মশিং য়াম্লবা খরদি মশাগী থবক তৌনরে। চাইল্দ লেবরদা পন্দুনা লৈরবা অঙাং কয়াবুসু ফত্ত্রবা পথাপ অসিদগী থোক্লকপা ঙম্নবা স্কিল মখল কয়া তাকপী তম্বীদুনা মখোয়না তেংবাংলি। ‘বেলজিপুরম য়ুথ ক্লব’কী তীম অসিনা ফার্মর প্রদ্যুসর ওর্গনাইজেসন (FPO)গা মরী লৈনবা লৌমী কয়াদা অনৌবা স্কিল তাকপীখ্রে অমসুং মশিং য়াম্লবা লৌমীশিংবু মপাঙ্গল হাপ্লি। ক্লব অসিনা লু-নানবগী মরু ওইবসু খুঙ্গংশিংদা খঙহল্লি। মখোয়না অমাংশঙ কয়া শাবদসু মতেং পাংলি। স্কিল দিভেলপমেন্তকা মরী লৈনবা লুপ অসিগী মীপুম খুদিংবু ঐহাক্না থাগতচরি। ঙসিদি, মসিগুম্বা কল্লেক্তিব এফর্ত অসি লৈবাক্কী খুঙ্গংশিংগী চাউখৎ থৌরাংগীদমক্তা মথৌ তারি।

মরুপশিং, পান্দম অমগী মাইকৈদা অমত্তা ওইনা হোৎনবা মতমদা, মায় পাকপগী থাকসু ৱাংবা হেনগৎলকই। লদাখকী অফবা খুদম অমা অদোমগী মফমদা শেয়র তৌজগে। অদোম্না পাশমীনা শালগী মতাংদা শোইদনা তারম্লগনি। লদাখী পাশমীনাগী মতাংদা মতম কয়াদগী খন্নদুনা লাক্লি। লদাখী পাশমীনা অসি ‘লুম্স ওফ লদাখ’ হায়না মালেমগী কৈথেলশিংদা য়োন্নরি। খুঙ্গং 15গী ফিশাবী 450 হেনবনা শাল অসি শাবনি তাবদা অদোম্না ঙকপা ফাওগনি। মমাংদদি, লমদমসিদা লাকপা লমকোয়বা খক্তদা শাল অসি য়োল্লম্মি। অদুবু, দিজিতেল ইন্দিয়াগী হৌজিক্কী য়ুগ অসিদদি, মখোয়না শাবা পোত্থোকশিংনা লৈবাক অমসুং মালেমগী কৈথেল কয়াদা য়ৌবা হৌরে। মসিনা হায়বদি, ঐখোয়গী লোকেলনা গ্লোবেল ওইরক্লে হয়বনি অমসুং মসিনা মরম ওইরগা, হায়রিবা নুপীশিং অসিগী শেন্থোকসু হেনগৎলে।

মরুপশিং, মসিগুম্বা নুপীশিংগী মায় পাকপসি লৈবাক্কী কাচিন কোয়া খুদিংদা লৈরে। মসিগুম্বা খুদম্বু মীয়াম মাঙদা য়ারিবমখৈ পুরকপগী মথৌ য়াম্না তারে। মসিগীদমক্তা, ‘মন কী বাত’তগী হেন্না ফবা করি পাম্বৈ লৈবগে? অদুনা, অদোমসু খুদম অসিবু য়ারিবমখৈ শেয়র তৌবীয়ু। ঐহাকসু মসিগুম্বা খুদম কয়া য়ারিবমখৈ পুরক্নবা হোৎনজগে।

ঐহাক্কী ইমুংগী মীওইশিং, মালেমদা অচৌবা অহোংবা কয়া পুরকপা পুন্না হোৎনমিন্নবগী থবক কয়াগী মতাংদা ঐখোয়না ‘মন কী বাত’তা খন্ন-নৈনদুনা লাক্লি। ‘মন কী বাত’কী অতোপ্পা মায় পাকপা অমনা, মসিনা রেদিওবু য়ুম্থোং খুদিংদা পাম্নহল্লে। ঐহাক্না উত্তর প্রদেশকী অমরোহাদা লৈবা রাম সিংহ বাউধজীদগী মাইগোবতা চিথী অমা ফংখি। রাম সিংহজী অসি হৌখিবা দিকেদ কয়াদগী হৌনা রেদিও সেট কয়া খোমজিন্দুনা লাকপনি। মহাক্না হায়বদা, ‘মন কী বাত’কী মতুংদগী, মীয়াম্না মহাক্কী রেদিও ম্যুজিয়মগী মতাংদা খঙনীংবগী চাং য়াম্না হেনগৎলে। চপ মান্নবা থৌওং অমদা, ‘মন কী বাত’না ইথিল পীরদুনা, অহমেদবাদকী মনাক্তা লৈবা তীর্থ ধাম প্রেরনা তীর্থনা য়াম্না নুংঙাইবা একজিবিসন অমা শীনখ্রে। মসিদা ভারত অমসুং মালেমদগী খোম্লকপা তোপ-তোপ্পা মখলগী রেদিও 100 হেনববু উৎলি। মফমসিদা, ‘মন কী বাত’কী ইপিসোদ খুদিংমক তাবা ফংগনি। ‘মন কী বাত’না মতৌ করম্না ইথিল পীদুনা মশাগী ইন্তর্প্রাইস হৌদোকখিবগী অহেনবা খুদম কয়া অমসু লৈরি। মসিগী খুদম অমদি, মশানা মরোমদোম লেপচবা ঙমহন্নবা মন কী বাতনা ইথিল পীখিবা কর্নাতকাগী চামারাজানগরগী বর্শাজীনি। প্রোগ্রাম অসিগী ইপিসোদ অমনা পুক্নিং থৌগৎখিবদগী, মহাক্না লফোইদগী ওর্গানিক ফর্তিলাইজর শাবা হৌখি। মহৌশাবু য়াম্না পামজবা বর্সাজীগী খোঙথাং অসিনা অতোপ্পা মীওই কয়াদসু থবক্কী খুদোংচাবা ফংহল্লি।

ঐহাক্কী ইমুংগী মীওইশিং, হয়েং, নবেম্বর 27 অসিদি কার্তিক পুর্নিমানি। নুমিৎ অসিদা ‘দেব দীপাবলী’সু পাংথোক্নৈ। ঐহাক্তি কাশীগী দেব দীপাবলি য়েংবা য়াম্না পামদুনা লাকই। হন্দক্কী মতাংসিদি, ঐহাক কাশীদা চৎপদি ঙম্লরোই অদুবু ঐহাক্না ‘মন কী বাত’কী খুত্থাংদা বনারসকী মীয়ামদা ঐহাক্কী য়াইফ পাউজেলদি শোইদনা য়ৌহনগনি। হন্দক্কী মতাং অসিদসু, কাশীগী ঘাতশিংদা থাউমৈ কয়া থানগনি, অচৌবা আর্তী অমসু পাংথোক্কনি, লেজর শো অমসু পাংথোক্কনি অমসুং ভারত অমসুং মীরম লৈবাক্কী মীয়াম্না দেব দীপাবলীগী নুংঙাইবা লৌনগনি।

মরুপশিং, হয়েং, পুর্নিমা নুমিৎ অসিদি গুরু নানক দেবজীগী প্রকাশ পর্বসু তাবনি। গুরু নানকজীগী মমল য়াম্লবা পাউজেল অসিদি ঙসিগী মতমগী ভারতখক্তা নত্তনা মালেমগসু চুনরি। মখোয়না ঐখোয়বু ইচম চম্না লৈনবা, নুংশি চাননা লৈনবা অমসুং অমনা অমগী তেংবাংনবা ইথিল পীরি। ঐখোয়গী মালেম পুম্বগী সিখ ইচিল ইনাওশিংনা গুরু নানক দেবজীগী পাউতাক ইন্দুনা চৎপগী মতৌ ঐখোয়না উবা ফংলি। মখোয়না অতোপ্পগী সেবা নীংথিজনা তৌরি। মন কী বাতপু তাবীরিবা মীপুম খুদিংগী মফমদা ঐহাক্না গুরু নানক দেবজীগী প্রকাশ পর্বগী য়াইফ পাউজেল পীজরি।

ঐহাক্কী ইমুংগী মীওইশিং, ঙসিগী ‘মন কী বাত’কী ওইনা মসিদা লোইশিঞ্জরে। ইং 2023সু লোইশিল্লক্লে। ঐখোয়না মতম পুম্বদা হায়নবগুম্না হন্দকসু চহি অসি য়াম্না থুনা হৌখ্রে হায়নরি। হন্দক্কী চহিসিদি ভারতকী অচৌবা মায় পাকপা কয়াগী চহিনি হায়বসিদি অচুম্বনি, ভারতকী মায় পাকপা অসিদি ভারত মচা খুদিংগী মায় পাকপনি। ভারত মচাশিংগী মসিগুম্বা মায় পাকপশিংবু মীয়ামদা খঙহনবদা ‘মন কী বাত’না মপাঙ্গল লৈবা পাম্বৈ অমা ওইবসিদা ঐহাক্না নুংঙাইবা ফাওজৈ। মথংদি, লৈবাক মীয়ামগী অতোপ্পা মায় পাকপা কয়াগী মতাংদা ৱারী শাসি। মদু ফাওবদি, ঐহাক্না অদোমগী য়াথং নিজরি।

পুম্নমকপু থাগৎচরি!

ঐগী নুংশিজরবা লৈবাক মীয়াম, খুরুমজরি‍। মন কী বাত্তা অমুক্কা হন্না তরাম্না ওকচরি‍। লৈবাক পুম্বা কুমহৈ হরাওগী মথুম মরাং হৌবা মতমসিদা তাঙ্কক অসি পুদুনা লাক্লি‍। কুমহৈ হরাওশিংগী তাঞ্জাসিদা ময়াম পুম্নমক্কী মফমদা য়াইফ-পাউজেল পীজরি‍।

মরূপশিং, কুমহৈ হরাওগী মথোই কাবা মরকসিদা, ঐনা মন কী বাত অসি দিল্লীগী পাউদম অমগা লোয়ননা হৌদোকচগে‍। থা অসিগী হৌরকপদা, গান্ধী জয়ন্তীগী থৌরমদা, দিল্লীদা খাদী রেকোর্দ ওইনা য়োনখি‍। মফমসিগী কনৌত প্লেসতা, খাদীগী স্তোর অমখক্তদা, নোংমখক্তা, মীয়াম্না লুপা করোর অমা মখায় হেনবগী পোৎলমশিং লৈনখি‍। থা অসিদা চত্থরিবা খাদী মহোৎসপ অসিনা মমাঙগী পোৎ য়োনবগী রেকোর্দ পুম্বা থুগাইখ্রে‍। অদোম্না খঙজিনবদা অপেনবা পোক্কদবা অতোপ্পা ৱাফম অমদি মমাঙদা লৈবাকসিদা খাদীগী পোত্থোকশিং য়োনবগী চাং অসি লুপা লিশিং কুন্থ্রা য়ৌবা ঙম্লমদে; হৌজিক্তি লুপা করোর লাখ ১.২৫কী ময়া য়ৌরে‍। খাদী য়োনবগী চাং হেনগৎলকপা হায়বসি মসিগী কান্নবশিং ময়োল্লম অমদি খুঙ্গংগী কাঙলুপ শিনবা থুংনা য়ৌবা ঙম্লে হায়বনি‍। য়োল্লিবা অসিদগী কান্নবা ফংলবশিংদি ঐখোয়গী ফিশাবীশিং, খুৎশা হৈবর মীওইশিং, ঐখোয়গী লৌমীশিং, অয়ুর্বেদিক পাম্বীশিং থাবগী থবক তৌরিবা কোত্তেজ ইন্দস্ত্রীশিংনি, য়োল্লিবা অসিদগী মীপুম খুদিংমক্না কান্নবা ফংলি… অমদি, মসি ‘ভোকেল ফোর লোকেল কেম্পেন’গী মপাঙ্গলনি… তপ্না তপ্না লৈবাক মীয়াম পুম্নমক্কী ঙাক্লৌ ফংবা হেনগৎলক্লি‍।

মরূপশিং, ঙসি ঐনা ময়ামগী মফমদা অমুক্কা হন্না অমদি লেপ্পা লৈতনা থমজনিংবা ৱাফমদি, অদোম্না লম কোইবগী চৎপা খুদিং; লাই খুরুম্ফমশিংদা চৎপা মতমদা, মফমদুগী খুৎহৈবশিংনা শেম শাবা পোত্থোকশিং লৈবিয়ু হায়বসিনি‍।

অদোমগী লম কোইবগী অপুনবা বজেত্তা, মরুওইবা ৱাফম অমা ওইনা লম-লমদুগী পোৎলমশিং লৈনবগী শেন্ফম হাপ্পিয়ু‍। চাদ তরাদং ওইরবসু, কুন্দং ওইরবসু, অদোমগী বজেত্তা য়াবা চাংদা, অদোম্না লম লমদুদা শীজিন্ননবা খাকপিগদবনি‍।

মরূপশিং, হান্নগী মতৌগুম, হন্দমসু, ঐখোয়গী কুমহৈ হরাও পাঙথোকপদা, ঐখোয়গী মরুওইবা মীৎয়েঙ ‘ভোকেল ফোর লোকেল’দা থমগদবনি অমদি ঐখোয় পুন্না মঙলান অমা মঙফাওনহনসি; মঙলান অদুদি ‘আত্মনিরভর ভারত’ হায়বসিনি‍। হন্দক্তি, ঐখোয়গী য়ুমশিং ঐখোয়গী লৈবাক্কী মীওই অমগী হুমাংমলগী মনম চেনবা পোৎলমশিংনা, ঐখোয়গী লৈবাক্কী নহা অমগী হৈথোই শিংথোইবগী মমি তাবা… মদুবু শেম্বদা ঐখোয়গী লৈবাক্কী মীওইশিংদা থবক পীখিবা পোৎলমশিংনা তরং তরংহনসি‍। ঐখোয়গী নুংতিগী পুন্সিদা চঙবা পোৎলম ওইরবসু ঐখোয় লমদমসিগী পোত্থোক লৈগদবনি‍। অদুগা অদোম্না অতোপ্পা ৱাফম অমগদসু মরুওইবা মীৎয়েঙ থম্বা তাই, ভোকেল ফোর লোকেলগী ৱাখল্লোন অসি কুমহৈগী পোৎ-চৈ লৈবখক্তদা লোইদে, কনাগুম্বনা দিৱালীগী থাউমৈ লৈরগা সোসিএল মিদিয়াদা ‘ভোকেল ফোর লোকেল’ থাদুনা থাগৎলকপা থেংনি‍। মদুখক্তনা নত্তে, মসিদি হৌরকপদা ঙায়রিবনি‍। ঐখোয়গী লৈবাকসিগী মতাঙদা ঐখোয় মাঙদা য়াম্না চঙশিনবা তাই‍। হৌজিক্তি পুন্সিগী মথৌ তাবা পুম্নমক, পোৎলম খুদিংমক ফংলে‍। মঙলিবা মঙলান অসি অপীকপা দুকান নৎত্রগা লম্বী মতাইগী পোৎফমদগী পোৎ-চৈ লৈবখক্তা লোইদে‍। ঙসি ভারতনা মালেমগী খ্বায়দগী চাউবা পোৎ পুথোকপগী মকোন ওইরক্লি‍। অচৌবা ব্রান্দ কয়ানা মখোয়গী পোত্থোকশিং মফমসিদা পুথোক্লি‍। করিগুম্বা ঐখোয়না হায়রিবা পোৎলমশিং অসি শীজিন্নরবদি, মেক ইন ইন্দিয়াদা অচৌবা ইনোৎ অমা হাপকনি অমদি মসিসু ‘ভোকেল ফোর লোকেল’নি, অমদি অসিগুম্বা পোৎলমশিং লৈবা মতমদা, ঐখোয়গী লৈবাকসিগী চাউথোকচনিংঙাই ওইরবা UPI দিজিতেল পেমেন্ত সিস্তেম শীজিন্ননবা হোৎনবিগদবনি‍। মসিবু হৈনবী অমা ওইহনবিয়ু অমদি পোৎলম অদুগা নৎত্রগা খুৎহৈবা অদুগা লোয়ননা নম্বা সেল্ফি অমা নামো এপতা থাগৎপিরকউ অমদি মদুসু ভারত্তা শাবা স্মার্তফোন্দগী ওইহনবিয়ু‍। ঐনা অদুগুম্বা পোস্ত খরা, অতৈ মীওইশিংদসু ‘ভোকে,ল ফোর লোকেল’গীদমক পুক্নিং থৌগৎননবা সোসিএল মিদিয়াদা থাগৎকনি‍‍।

মরূপশিং, অদোম্না অদোমগী দিৱালীবু ভারত্তা শাবা, ভারত মচাশিংনা শাবা পোত্থোকশিংনা মশক মচু থোকহনবা মতমদা; অদোমগী ইমুংগী মথৌ তাবা খুদিংমক লমদমসিগী পোত্থোকশিংনা মেনশিনবা মতমদা, দিৱালীগী মৈঙালসু ঙানবা হেনগৎকদৌরিবনি, অদুবু খুৎহৈবশিংদুগী পুন্সিদদি, অনৌবা দিৱালী অমা ঙানগদৌরিবনি, পুন্সিগী অনৌবা অয়ুক অমা ঙান্থোরক্কদৌরিবনি, মখোয়গী পুন্সিবু নুংঙাইহনগদৌরিবনি‍। অদোমগা লোয়ননা লৈবাক মীয়াম করোর কয়াগী দিৱালীবু নুংঙাইবা, চঙ চঙ লাউবা, মশেক মঙাল নাইবা অমদি মশক মচু থোকপা ওইহন্নবগীদমক ভারতপু মরোমদোম লেপ্পা ঙমহনবিয়ু, ‘মেক ইন ইন্দিয়া’বু লেপ্তনা খনবিয়ু‍।

ঐগী নুংশিজরবা লৈবাক মীয়াম, ওক্তোবর ৩১ অসি ঐখোয় পুম্নমক্কী য়াম্না অখন্নবা নুমিৎ অমনি‍। নুমিৎ অসিদা ঐখোয়না ঐখোয়গী আইরন মেন সর্দার বল্লবভাই পতেলগী মপোক কুমওন থৌরম পাঙথোক্লি‍। ঐখোয় ভারত মচাশিংনা মহাকপু মরম কয়াগীদমক নীংশিংই অমদি মহাক্কী মফমদা ইকায়খুম্নবা উৎলি‍। ময়ামদুগী মরক্তা খ্বায়দগী চাউবা মরমদি – লৈবাকসিগী নিংথৌ পানবা লৈবাক ৫৮০ হেনববু পুনশিল্লম্বা অদুনি‍। চহি খুদিংগী ওক্তোবর ৩১দা য়ুনিতী দেগী মরুওইবা থৌরম গুজরাতকী স্তেচু ওফ য়ুনিতীদা পাঙথোকপা ঐখোয়না খঙলে‍। মসিগী মথক্তা, কর্তব্য পথকী মতাঙদা য়াম্না অখন্নবা থৌরম অমা পাঙথোক্লি‍। অদোমসু নীংশিংবিরমগনি হন্দক্তা ঐনা ময়ামগী মফমদা লৈবাকসিগী খুঙ্গং খুদিংদগী, য়ুমথোং খুদিংদগী লৈবাক মচেৎ খরা খরা খোমজিন্নবা ৱাফম থমখি‍। য়ুমথোঙ খুদিংদগী লৈবাক খরা খরা লৌখৎলবা মতুংদা মদু কলাস অমদা হাপতুনা অমৃৎ কলাস য়াত্রা পাঙথোকখি‍। লৈবাক্কী কাচিন কোয়া খুদিংদগী খোমগৎলকপা লৈবাকশিং অসিগা লোয়ননা অমৃৎ কলাস য়াত্রা লিশিং কয়া হৌজিক দিল্লীদা থুংলরে‍। দিল্লীদা, লৈবাকশিং অদু অচৌবা ভারত কলাস অমদা হাপকনি অমদি হায়রিবা শেংলবা লৈবাক অসিদা দিল্লীদা ‘অমৃৎ ভাতিকা’ শাগনি‍। মসিনা লৈবাকসিগী কোনুংগী ময়ায় চবুক্তা অমৃৎ মহোৎসবকী অচৌবা লন অমা ওইনা লৈহৌগনি‍। লৈবাক শিনবা থুংনা হৌখিবা চহি অনি মখায় চত্থদুনা লাক্লিবা অজাদী কা অমৃৎ মহোৎসব অসি ওক্তোবর ৩১দা লোইশিল্লগনি‍। ময়াম পুম্নমক্না মসিবু মালেমগী খ্বায়দগী শাংনা চত্থবা কুমহৈ অমা ওইহনখিবনি‍। ঐখোয়গী নীংতম লান্মীশিংবু ইকায়খুম্ননবু ওইরবসু নৎত্রগা হর ঘর তিরঙ্গাবু ওইরবসু, অজাদী কা অমৃৎ মহোৎসব অসিদা, মীয়াম্না মখোয় মখোয়গী লমদুগী পুৱারীদা অনৌবা শক্তম অমা হাপখি‍। হায়রিবা মতমসিদা, মীয়ামগী থৌগলগী মশক থোক্লবা খুদম চাংদম কয়াবু উবা ফংখি‍।

মরূপশিং, ঙসি ঐ ময়ামগী মফমদা অতোপ্পা নুংঙাইরবা পাউ অমগসু তমজগে, মরুওইনা লৈবাকসিগীদমক করিগুম্বা খরদং ওইরবসু তৌরমগে হায়বগী ইহুল, মঙলান অমদি ফিরেপ লৈরিবা ঐগী নহা ওইরিবা ইচাশিংগী মফমদনি‍। হায়রিবা নুংঙাইবা পাউ অসি লৈবাক মীয়ামগীখক নত্তে, মসি অখন্ননা ঐগী নহা ওইরিবা মরূপশিংগীদমক্তনি‍। নুমিৎ নিনিখক্কী মতুংদা, ওক্তোবর ৩১দা, লৈবাক পুম্বগী ওইবা অচৌবা লূপ অমগী য়ুম্ফম থোনগদৌরি, মদুসু সর্দার সাহিবকী মকোক কুমওন নুমিত্তা‍। হায়রিবা লুপ অসিগী মমিংদি – মেরা য়ুবা ভারত হায়বদি মাই ভারত হায়বসিনি‍। মাই ভারত লূপ্না ভারতকী নহাশিংদা তোঙান তোঙানবা লৈবাক শেমগৎপগী থৌরমশিংদা শরুক য়াননবগী তাঞ্জাম অমা পীগনি‍। মসি চাওখৎপা ভারত অমা পুরক্নবগীদমক ভারতকী নহাশিংগী মতিংবু পুনশিন্নবগী তোপ তোপ্পা থৌরাং অমনি‍।

মেরা য়ুবা ভারতকী ৱেবসাইত মাই ভারতসু হাংদোক্কনি‍। ঐনা নহাশিংগী মফমদা, ঈরৈবাকসিগী নহা পুম্নমক, ইচানুপা পুম্নমক অমদি ইচানুপী পুম্নমক্কী মফমদা mybharat.gov.in দা রেজিস্তর তৌশিনবিনবা অমদি তোঙান তোঙানবা থৌরমশিংগীদমক সাইন অপ তৌবিনবা ৱাফম থমজরি‍। ওক্তোবর ৩১ অসি হান্নগী প্রধান মন্ত্রী স্রিমতী ইন্দিয়া গান্ধী জীগী লৈখিদবা কুমওন নুমিৎসু তারি‍। ঐনা মহাক্কী মফমদসু শ্রদ্ধাঞ্জলি কৎচরি‍।

ঐগী ইমুং মনুংগুম্লবা ময়াম, ঐখোয়গী লোয়নসিল্লোন অসি এক ভারত শ্রেস্থ ভারতকী ৱাখল্লোনবু হেন্না মনুং হঞ্জিন্না পাউ ফাউদোক্নবগী খ্বায়দগী ফবা পাম্বৈশিংগী মরক্তা অমনি‍। ঐনা তামিল নাদুগী চীং-লেম্লবা পারী পুরীগী লনগা মরী লৈনবা য়াম্না পুক্নিং থৌগৎনিংঙাই ওইরবা ৱাফম অনিখক ময়ামগী মফমদা থমজগে‍। ঐ মমিং লৈরবা তামিল অইবা ইচে সিভ সঙ্করা জীবু মশক খঙজহৌনবগী তাঞ্জা ফংখি‍। মহাক্না লোইনসিল্লোনগী খুত্থাঙদা নিত ইন্দিয়া কৌবা প্রোজেক্ত অমা পায়খৎখি         ‍। মসিগী ৱাহন্থোক্তি – লংলা অমদা লেংশিনবা অমদি লৈবাকসিবু লোইনসিল্লোনগী খুত্থাঙদা শমজিন্নবনি‍। মহাক্না প্রোজেক্ত অসিদা হৌখিবা চহি ১৬সিদা থবক তৌদুনা লাক্লি‍। প্রোজেক্ত অসিগী খুত্থাঙদা মহাক্না ভারতকী লোল ১৮দা ইবা লোইনসিল্লোনশিং হন্দোক্লি‍। মহাক্না লৈবাক শিনবা থুংনা কয়ারক হন্না, কন্যাকুমারীদগী কাস্মির ফাওবা অমদি ইম্ফালদগী জয়সলমর ফাওবা তোঙান তোঙানবা স্তেতশিংদগী অইবা অমদি ৱাকমশিং উননবা চৎলম্মী‍। সিব সঙ্কারী জীনা তোঙান তোঙানবাম ফমশিংদা চৎখি অমদি খোঙচত্তুগী কম্মেন্তরীশিংগা লোয়ননা থেংনরকপশিং লাইরিক ওইনা ফোঙদোকই‍। মসি মহাক্না তামিল অমদি ইংলিস লোল অনিমক্তা ফোঙবনি‍। প্রোজেক্ত অসিদা অচৌবা ভোল্যুম মরি য়াওরি অমদি ভোল্যুম অমমম্না ভারতকী তোঙান তোঙানবা মফমশিংদা কত্থোকপনি‍। মহাক্নী ফিরেপ অমদি মথৌনাগীদমক ঐ চাউথোকচৈ‍।

মরূপশিং, কন্যাকুমারীগী তিরু এ.কে. পেরুমাল জীগী খুৎইশিং য়াম্না পুক্নিং থৌগৎনিংঙাই ওই‍। মহাক্না তামিল নাদুগী ৱারী লীবগী চৎনবীবু য়োকখত্তুনা থম্নবগী য়াম্না শিংথানিংঙাই ওইরবা থবক পায়খৎলি‍। মহাক্না হায়রিবা মিসন অসিদা হৌখিবা চহি ৪০ চুপ্না চঙশিল্লক্লি‍। মসিগীদমক, মহাক্না তামিল নাদুগী তোঙান তোঙানবা মফমশিংদা চত্তুনা ফোল্ক আর্ত মখলশিং থিজিনখি অমদি মখোয়শিংদুবু মহাক্কী লাইরিক্কী শরুক ওইহনখি‍। হৌজিক ফাওবদা মহাক্না অসিগুম্বা লাইরিক ১০০ হেন্না ইখ্রে হায়বা খঙবদা অদোম ঙকপা ফাওগনি‍। মসিগী মথক্তা, পেরুমাল জীগী অতোপ্পা পামজবা অমসু লৈ‍। মহাক্না তামিল নাদুগী লাইশঙগী কলচরগী মরমদা থিজিনবা পাম্মি‍। মহাক্না শউনগী হংলাইগী মরমদা য়াম্না কন্না থিজিন হুমজিল্লম্মি, মদুনা লমদুগী ফোল্ক আর্তিস্তশিংদা কান্নবা পীখি‍। সিব সঙ্কারী জী অমদি এ.কে. পেরুমাল জীনা হোৎনরমখিবা মীপুম খুদিংগী মফমদা ফিদম্নিংঙাই ওইরি‍। ঐখোয়গী লৈবাক্কী অমত্তা ওইবা শক্তমবু মপাঙ্গল কনখৎহনবতা নত্তনা লৈবাকসিগী মিংচৎ, ইকায়খুম্নবা অমদি পুম্নমক্কী মতিং হাপকদবা, লৈবাকসিগী নাৎ য়োকখৎনবগী অসিগুম্বা থৌরাংশিং অসিগীদমক ভারতনা চাউথোকচবা ফাওরি‍।

ঐগী ইমুংগী মীওইশিং, লৈবাক পুম্বনা নবেম্বর ১৫দা ‘জঞ্জাতিয় গৌরব দিবস’ পাঙথোক্কদৌরি‍। অখন্নবা নুমিৎ অসি ভগবান বির্সা মুন্দাগী মপোক কুমওন থৌরমদা মরী লৈনৈ‍। ভগবান বির্সা মুন্দা ঐখোয় পুম্নমক্কী থম্মোয়নুংদা লৈ‍। মহাক্কী পুন্সিদগী ঐখোয়না অশেংবা থৌনা হায়বরি করিনো অমদি মশাগী ফিরেপ্তা খোঙফম হন্দনা লেপ্পা হায়বসি করিনো হায়বা খঙবা ঙমই‍। মহাক্না কৈদৌঙৈদা মপান লমগী লৈঙাকপু য়াখিদে‍। মহাক্না অরানবা ৱায়েল লৈতবা খুন্নাই অমগী মঙলান মঙলম্মি‍। মহাক্না মীপুম খুদংইমক পুন্সিগী ইকায়খুম্না ঙাক্না অমদি থোং মান্নবা মহিং অমদা হিংবা পাম্লম্মি‍। ভগবান বির্সা মুন্দানা মতম পুম্বদা মহৌশাগা পুন্না হিংমিন্নবগী মরুওইবা ৱাফমশিং থমখি‍। ঙসিমকসু, ঐখোয়গী ত্রাইবেল ইচিল ইনাওশিংনা মহৌশাবু ঙাক শেন্দুনা কায়হন্দনা থম্লি হায়না ঐখোয়না হায়বা ঙম্মি‍। ঐখোয় পুম্নমক্কীদমক্তা, ঐখোয়গী ত্রাইবেল ইচিল ইনাওশিংগী থৌওংনা চাউনা পুক্নিং থৌগৎনফম ওইরিবনি‍।

মরূপশিং, হয়েং হায়বদি ওক্তোবর ৩০ অসি গুরু গোবিন্দ জীগী লৈখিদবগী কুমওন নুমিৎসু তাই‍। গুরু গোবিন্দ জীনা গুজরাত অমদি রাজস্থানগী ত্রাইবেল অমদি শোত্থহৌরবা ফুরূপশিংগী পুন্সিদা অখন্নবা মফম কন্দুনা লৈ‍। ঐহাকসু গোবিন্দ গুরু জীগী মফমদা শ্রদ্ধাঞ্জলি কৎচরি‍। নবেম্বর থাদা ঐখোয়না মনগধ মীহাৎকী কুমওন থৌরম পাঙথোকই‍। হায়রিবা মীহাৎ অদুদা লৈখিদ্রবা ভারত ইমাগী মচাশিংগী মফমদা ঐনা ইকোক নোঞ্জরি‍।

মরূপশিং, ভার্তা ত্রাইবেল লান্মীশিংগী ইনাক খুল্লবা পুৱারী লৈ‍। ভারতকী লৈমায়সিদনি অথোইবা তিল্কা মানঝীনা অরানবা ৱায়েলগী মায়োক্তা খোল্লাউ কয়া লাউখিবা‍। লৈমায়সিদনি সিদ্ধো – কানহুনা মান্নবা খুন্নাইগী খোল্লাউ লাউখিবা‍। লান্মী তান্তিয়া ভীল লৈমায়সিদা পোক্লমবগীদমক ঐখোয়না চাউথোকচরি‍। খুদোংথিরবা মতমদা মহাক্কী মীয়ামগীদমক লেপ্লম্বা অথৌবা বীর নারায়ন সিংহবু ঐখোয়না ইকায় খুম্নবগা লোয়ননা নীংশিংলি‍।

বীর রামজী গোন্দ, বীর গুন্দাধুর, নৎত্রগা ভীমা নায়কপু ওইরবসু মখোয়না থৌনানা ঐখোয়বু পুক্নিং থৌগৎলি‍। লৈবাকসিনা অল্লুরী সিতারাম রাজুনা ত্রাইবেল ইচিল ইনাওশিংদা ইনোৎ হাপ্লম্ববু নীংশিংলি‍। অৱাং নোংপোক্তা ঐখোয়না নীংতম লান্মী কিয়াং নোবং অমদি রানী গাইদিনলিউনচিংবদগী পুক্নিং থৌগৎনফম ওইরি‍। লৈবাকসিনা রাজমোহিনী দেবী অমদি রানি কম্লাপতীনচিংবা মথৌনা লৈরবা নুপীশিং ফংখিবসু ত্রাইবেল ফুরূপশিংদগীনি‍। লৈবাকসিনা ত্রাইবেল খুন্নাইবু পুক্নিং থৌগৎপিরম্বা রানী দুর্গাবতী জীগী চহি ৫০০ শুবা মপোক কুমওন থৌরম পাঙথোক্লি‍। লৈবাকসিগী নহা মশিং হেন্না হেন্না মখোয়গী লমদুগা ত্রাইবেল মীওইশিংগী মরমদা খঙলক্তুনা মখোয়দগী পুক্নিং থৌগৎনফম ওইরকপা ওইরক্কনি হায়না ঐনা থাজবা থমজরি‍। লৈবাক অসিনা মশানা মশাবু ইকায়খুম্নজবা অমদি লৈবাক চাওখৎহন্নবগীদমক মতম চুপ্পদা লেপ্লিবা ত্রাইবেল খুন্নাইগীদমক চাউথোকচবা পোক্লি‍।

ঐগী নুংশিরবা ঈরৈচাশিং, কুমহৈ হরাওগী মতমসিদা, লৈবাকসিদা শান্ন-খোৎনবগী ফিরালনা অতিয়া পক্না হাইনা হুম্না পাইরি‍। হন্দক্তা, এসিয়ন গেম্সকী মতুংদা, ভারতকী শান্নরোয়শিংনা পেরা এসিয়ন গেম্সতা চাউনা মায় পাকপা পুরকখি‍। ভারতনা হায়রিবা মশান্না অসিদা মেদল ১১১ ফংদুনা অনৌবা পুৱারী অমা শেম্লে‍। ঐনা পেরা এসিয়ন গেম্সতা শরুক য়াখিবা শান্নরোয় পুম্নমক্কী মফমদা নুংঙাইবা ফোঙদোকচরি‍।

মরূপশিং, ঐনা ময়ামগী পুক্নিংবু স্পিসিএল ওলিম্পিক্স ৱর্ল্দ সম্মর গেম্সকী মায়কৈদসু চিংশিঞ্জরি‍। মসি বর্লিন্দা পাঙথোকখিবনি‍। অথোই অহেন তান্নবগী থৌরম অসি ঐখোয়গী ৱাখল লৌশিং মপুং ফাদ্রবা শান্নরোয়শিংনা মখোয়গী মতিং উত্থোকচনবগী নীংথিরবা তাঞ্জা অমনি‍। অথোই অহেন তান্নবা অসিদা, ভারতকী তীম্না সনাগী মেদল ৭৫ য়াওনা মেদল ২০০ ফংখি‍। রোলর স্কেতিং, বীচ ভোলীবোল, ফুতবোল নৎত্রগা লোন তেন্নিসতা ওইরবসু, ভারতকী শান্নরোয়শিংনা মেদল কয়া ফংখি‍। মেদল ফংলক্লিবশিং অসিগী পুন্সিগী খোঙচৎসু য়াম্না পুক্নিং থৌগৎনিংঙাই ওই‍। হরিয়ানাগী রনবীর সাইনীনা গোল্ফতা সনাগী মেদল ফংলকখি‍। অঙাং ওইরিঙঅদগী ওতিজম নারক্লবা রনবীরগীদমক্তদি শিংনবা অমত্তনা মহাক্না গোল্ফপু পামজবা অদু নমথবা ঙমখিদে‍। মহাক্না মমানসু মখোয়গী ইমুংগী মীপুম খুদিংমক হৌজিক্তি গোল্ফ শান্নরে হায়রি‍। চহি ১৬খক্তা ঙায়রিবা পুদুচেরীদগী তি-বিসালনা মেদল ৪ ফংখি‍। গোৱাগী সিয়া সরোদনা পৱার লিফ্তিংদা সনাগী মেদল ২ য়াওনা মেদল ৪ ফংখি‍। চহি ৯ খক্তা ঙায়রিঙৈদা মমা কায়নখ্রবসু, মহাক্কী থৌনা হন্থহনখিদে‍। দুর্গ ছত্তিসগরগী অনুরাগ প্রসাদনা পৱার লিফ্তিংদা সনাগী মেদল ৩ অমদি লুপাগী মেদল ১ ফংখি‍। অসিগুম্বা পুক্নিং থৌগৎনিংঙাই ওইরবা অতোপ্পা ৱারী অমনা সাইক্লিংদা মেদল ২ ফংখিবা ঝার্খন্দকী ইন্দু প্রকাসকীনি‍। অচম্বা ইমুংদগী ওইজরবসু, ইন্দুনা লায়রবনা মহাক্কী মায় পাকপগী লম্বীদা খুরৌ কৈদৌঙৈদা ওইহনখিদে‍। হায়রিবা মশান্না অসিদা ভারতকী শান্নরোয়শিংনা মায় পাকখিবা অসিনা ৱাখল লৌশিংগী পাঙ্গল ৱাৎলবা অতৈ অঙাংশিং অমদি মখোয়গী ইমুং মনুংশিংবু মখা তানা পুক্নিং থৌগৎখিগনি হায়না ঐনা চপ চানা থাজৈ‍। ঐনা অদোমগী মফমদা অদোমগী ইমুংগা লোয়ননা অদোমগী খুঙ্গংদা নৎত্রগা খুল থংনবদা লৈবা মশান্না অসিদা শরুক য়ারুবা নৎত্রগা মায় পাক্লকখিবা অসিগুম্বা অঙাংশিংগী মনাক্তা চৎনবা ৱাফমসু থমজগে‍। মখোয়গী মফমদা নুংঙাইবা ফোঙদোকপিয়ু‍। অদুগা অসিগুম্বা অঙাংশিংগা মতম খরা কাইথোক্তুনা লোয়নবিয়ু‍। অদোমগী মফমদা অনৌবা মহাও অমা ফংগনি‍। তাইবং শেম্বা মপুনা মখোয়দা অকক্নবা থৌনা অমা হাপ্পিরি অমদি মদুবু উননবা অমদি পুক্নিংদা ফাওননবা তাঞ্জা অমা অদোম্না ফংগনি‍। চৎপিয়ু‍।

ঐগী ইমুং মনুংশিং, অদোম পুম্নমক্না গুজরাতকী অম্বা জী মন্দির হায়রিবা লাই খুরুম্ফম অসিগী মরমদা তাবিরম্লগনি‍। মফমসি ভারত অমদি মপান লৈবাকশিংদগী মশিং য়াম্লবা মীওইশিংনা ইমা অম্বেবু খুরুমজবা লাকপা মরুওইবা শক্তী পীথ অমনি‍। মফমসিদা গব্বর পর্বতকী লম্বীদা, অদোম্না তোঙান তোঙানবা য়োগগী ফম্ফম অমদি আসনশিংগী মীতমশিং উবা ফংবিগনি‍। হায়রিবা মীতমশিং অসিগী অখন্নবা ৱাফমশিং করিনো হায়বা অদোম খঙবিবরা? তশেংবদি হায়রিবা মীতমশিং অসি অতেক অকায়শিংদগী শেম্বনি; মওং অমদা, ফত্ত-হৌদিদগী শেম্বনি অমদি মসি তশেংনা ঙক্নিংঙাইনি‍। মসিনা তাকপদি হায়রিবা মীতমশিং অসি অতেক অকায় ওইনা হুন্দোরক্লবা মীয়াম্না শীজিন্নরুরবা পোৎলমশিংদগী শেম্বনি‍। অম্বা জী শক্তী পীথতা লাইরেম্বী ইমাবু খুরুমজবগা লোয়ননা হায়রিবা মীতমশিং অসিনসু লাই খুরুম্বা লাক্লিবশিংগী পুক্নিং চিংশিনফম ওইরি‍। থৌরাং অসি মায় পাক্লকপসি য়েংলগা, ঐগী পুক্নিংদা হৌদোকচনিংবা ৱাফম অমসু লাক্লি‍। ঐখোয়গী লৈবাকসিদা ফত্ত-হৌদিশিংদগী অসিগুম্বা পোৎলমশিং শাবা হৈবা মীওই কয়া অমা লৈ‍। ঐনা গুজরাত লৈঙাক্কী মফমদা অথোই অহেন তান্নবগী থৌরম অমা শীন্দুনা অসিগুম্বা মীওইশিং পাউকৎ পীবিনবা হায়জরি‍। থৌরাং অসিনা, গব্বর পর্বতকী পুক্নিং চিংশিনবগী মতিং হেনগৎহনবগা লোয়ননা, লৈবাক পুম্বদা ‘ৱেস্ত তু ৱেল্থ’ কেম্পেনগীদমক্তা মীয়ামবুসু পুক্নিং থৌগৎহনবা ঙমগনি‍।

মরূপশিং, স্বচ্ছ ভারত অমদি ‘ৱেস্ত তু ৱেল্থ’কী মতাঙ লাকপা খুদিংদা, ঐখোয়না লৈবাকসিগী কাচিন কোয়া খুদিংদগী মশিং থিঙমদ্রবা খুদমশিং উবা ফংলি‍। অসামগী কামরুপ মেত্রোপোলিতন দিস্ত্রিক্তা লৈবা অক্সর ফোরম কৌবা স্কুল অমনা অঙাংশিংদা হৌন-লোনচৎ অমদি পুন্সিগী মমল অমদি তুং কোইনা চাওখৎপগী মরুওইবা ৱাফমশিং হনবা লৈতনা তাকপি তম্বিরি‍। মফমসিদা তমবা অঙাংশিংনা চয়োল খুদিংগী প্লাস্তিক্কী ফত্ত-হৌদিশিং খোমজিন্দুনা, মদুবু ইকো-ফ্রেন্দলী চেক অমদি শো মরীশিং শেম্বদা শীজিন্নরি‍। মফমসিদা মহৈরোয়শিংদা রিসাইক্লিং অমদি প্লাস্তিক ফত্ত-হৌদিশিংদগী পোত্থোকশিং শেম শাবগী মরমদা তাকপি তম্বিরি‍। চহি নৌরিঙৈ মতমদগী অকোয়বগী ফীভমগী মরমদা খঙহল্লিবা অসিনা অঙাংশিং অসিবু লৈবাক্কী মথৌ মশক খঙবা মীওইশিং ওইহল্লকপদা চাউনা মতেঙ ওইগনি‍।

ঐগী ইমুং মনুংশিং, ঙসি নুপীগী মতিক্কী মঙম উবা ফংদবা পুন্সিগী মফম অমত্তা লৈত্রে‍। মখোয়গী মায় পাকপশিংবু মফম খুদিংদা শিংথানরবা মতমসিদা, ঐখোয়না ভক্তীগী মতিক উৎপিরম্বা, পুৱারীগী লামায়দা সনাগী ময়েক্না ইদুনা লৈহৌরবা নুপী লাইনিংবী অমগী মরমদা ঐখোয়না নীংশিংবা তাই‍। চহি অসিদা লৈবাকসিনা অথোইবা লাইনিংবী মিরাবাইকী ৫২৫শুবা মপোক কুমওন থৌরম পাঙথোক্লি‍। মহাক মরম কয়াগীদমক লৈবাক পুম্বগী মীয়ামবু পুক্নিং থৌগৎলিবা মীওই অমা ওইরি‍। করিগুম্বা কনাগুম্বা মীওই অমনা ঈশৈ নোংমাইদা খোইদারবদি, মহাক ঈশৈ নোংমাইদা পুক্নিং লুপ্পগী অথোইবা খুদম অমনি; করিগুম্বা কনাগুম্বা অমনা শৈরেংবু পামজরবদি, মীরাবাইগী ভজন্না, পুক্নিং লুপ্পগী অথোইবা খুদম ওইদুনা, তোঙানবা মহাও অমা পীরি; কনাগুম্বনা লাইগী মতিক ময়াইদা থাজরবদি, মিরাবাইনা শ্রী কৃষ্ণদা পুক্নিং লুপচবা মতৌনা অদুগুম্বা মীওইদুগী পুক্নিং থৌগৎনফম ওইগনি‍। মিরাবাইনা লম্বোইবা রবিদাসপু মহাক্কী গুরুনি হায়না লৌখি‍। গুরু মিলিয়া রাইদাস, দিন্হী জ্ঞান কী গুতকী হায়নসু মহাক্না হায়বিরম্মী‍।

মিরাবাই হৌজিকসু লৈবাকসিগী ইমা, ইচে-ইচল অমদি ইচানুপীশিংগী পুক্নিং থৌগৎনফম অমা ওইরি‍। মতমদুদসু, মহাক্না মাগী নুংগী খোঞ্জেলবু তাখি অমদি কা হেনবা ৱাখল্লোনশিংগী মায়োক্তা লেপখি‍। লাইনিংবী অমা ওইনসু, মহাক্না ঐখোয় পুম্নমকপু পুক্নিং থৌগৎলি‍। লৈবাক অসিদা মখল কয়াদা লান্দারকপা মতমদা মহাক্না ভারতকী খুন্নাই অমদি নাৎপু মপাঙ্গল কনখৎহন্নবগীদমক চোংথোকখি‍। মিরাবাইগী পুন্সিদগী ঐখোয়না ইচম চম্বা অমদি চীং লেম্বা মতৌদা মতিক কয়া য়াম্না লৈবগে হায়বা ঐখোয়না খঙবা ঙম্মি‍। ঐনা লাইনিংবী মিরাবাইগী মফমদা ইকোক নোঞ্জর‍ি‍।

ঐগী নুংশিরবা ইমুং মনুংশিং, ‘মন কী বাত’ অসিদা থমজনিংবা ৱাফমশিংদি মসিনি‍। ময়ামগা ৱারী ৱাতায় শান্নবা খুদিংনা ঐগী ইফমদা অনৌবা থৌনা হাপ্লি‍। অদোমগী পাউজেলদা থাজবা অমদি অফবা ৱাখল্লোনগী ৱারী চা কয়ানা ঐগী ইনাক্তা য়ৌরক্লি‍। ঐনা অমুক্কা হন্না ময়ামগী মফমদা আত্ম নিরভর ভারত কেম্পেন্দা মরুওইবা মীৎয়েঙ থম্বিনবা হায়জরি‍। লমদমসিগী পোত্থোকশিং লৈবিয়ু, ভোকেল ফোর লোকেল ওইবিয়ু‍। অদোমগী য়ুম লুনা নান্না থম্বগুম্না, অদোমগী লৈকায় অমদি ময়োল্লমশিং লুনা নান্না থম্বিয়ু‍। অদুগা অদোম্নসু খঙবিরি, ওক্তোবর ৩১দা, সর্দার সাহেবকী মপোক কুমওনবু, লৈবাকসিনা য়ুনিতী দে হায়না পাঙথোক্লি; লৈবাক্কী মফম কয়াদা রন ফোর য়ুনিতী প্রোগ্রামশিং পাঙথোক্লি‍। অদোমসু ওক্তোবর ৩১দা রন ফোর য়ুনিতী থৌরমশিং পাঙথোকপিয়ু‍। অদোম্না মশিং য়াম্না শরুক য়াবিদুনা অমত্তা ওইবগী ফিরেপ্পু মপাঙ্গল হাপ্পিয়ু‍। অমুক্কা হন্না, ঐনা লাক্কদৌরিবা কুমহৈ হরাওশিংগীদমক য়াইফ-পাউজেল পীজরি‍। ময়াম পুম্নমক অদোমগী ইমুং মনুংশিংগা লোয়ননা হরাও তয়াম্না পাঙথোকপিয়ু; হকচাঙ ফনা লৈবিয়ু, নুংঙাইনা লৈবিয়ু হায়না য়াইফ পাউজেল পীজরি‍। অদুগা, দিৱালীগী মতমসিদা, মৈহৌ লাংপোক থোকপা য়াবা অশোয়বা অরানবা থৌওং অমত্তা তৌবিগনু‍। করিগুম্বা কনাগুম্বা মীওই অমগী পুন্সি খুদোং থিনিংঙাই ওইরবদি অদোম্না য়েংশিনবিগদবনি; অদোমগীদমক অমদি মফম পুম্নমক্কীদমক চেকশিন্না লৈবিয়ু‍।

য়াইফ পাউজেল পীজরি‍।

ময়ামবু ঙমখৈ লৈতনা থাগৎচরি‍।

ঐহাক্কী ইমুং-মনুংগী নুংশীরবা মীওইশিংবু নমস্কার! ‘মন কী বাত’কী অতোপ্পা তাঙ্কক অমা লাকপসিদা ঐহাক্না অদোমগী মফমদা ৱাফম খরা থমজবগী খুদোংচাবা অমুক ফংজরে। লৈবাক্কী মায় পাকপা, লৈবাক মীয়ামগী মায় পাকপা, মখোয়গী ইথিল পীনিংঙাই ওইরবা পুন্সি খোঙচৎ কয়া মীয়ামদা শেয়র তৌজগে। হৌজিক্কান্সিদা ঐহাক্না ফংলিবা চিথী খুদিংমক অয়াম্বনা হীরম অনিগী মতাংদা ওই। অহানবা অসিনা, চন্দ্রয়ান-3না মায় পাক্না থা লৈবাক্তা তাখিবা অমসুং অনিশুবা অসিনা, দিল্লীদা G20 মায় পাক্না শিনখিবা। ঐহাক্না লৈবাক্কী মফম খুদিং, খুন্নাইগী কাঙলুপ খুদিং অমসুং চহি মখল খুদিংগী মীওইশিংগী মফমদগী মশিং থীঙমদ্রবা চিথী কয়া ফংজখি। চন্দ্রয়ান-3গী লেন্দরনা থা লৈবাক্তা তাগদৌবগী ঙাইরিবা পুঙফমদা মীওই করোর কয়ানা থৌদোক অসিগী মিৎকুপ খুদিংবু পাম্বৈ কয়াগী খুত্থাংদা য়েংনবা খৌরাংনা ঙাইনদুনা লৈনখি। মীওই লাখ 80 হেনবনা থৌদোক অসিবু ISROগী য়ু-তুবকী লাইব চেন্নেলদা য়েংনখি, মসিমক রেকোর্দ অমনি। ভারত মীয়াম করোর কয়ানা চন্দ্রয়ান-3গীদমক্তা থৱাই কয়া য়াম্না য়াওবগে হায়বা মসিনা উৎলবনি। চন্দ্রয়ানগী মসিগুম্বা মায় পাকপা অসিগা মরী লৈননা লৈবাক অসিদা হৌজিক্কান ফজবা ক্বিজ কম্পিতিসন অমা পাংথোক্লি। মসিবু ‘চন্দ্রয়ান-3 মহাক্বিজ’ হায়না মিংথোল্লি। মাইগোব পোর্তেলদা চত্থরিবা ক্বিজ কম্পিতিসন অসিদা হৌজিক ফাওবদা মীওই লাখ 15 হেনবনা শরুক য়াখ্রে। মাইগোব হৌদোকখ্রবা মতুংদা পাংথোকপা ক্বিজ অমদা মশিং খ্বাইদগী য়াম্বা মীয়াম্না শরুক য়াবসি মসিনা ওইরি। অদোম্না করিগুম্বা মসিদা শরুক য়াদ্রিবা ওইরবদি, থেংথবীরগনু, মসিনা লোইশিনগদবা নুমিৎ তরুক ৱাৎলি, ঙসিমক শরুক য়াবীরো।

ঐগী ইমুংগী মীয়াম, চন্দ্রয়ান-3না মায় পাক্লবা মতুংদা G-20বু মায় পাক্না অমুক পাংথোকখিবনা ভারত মীয়ামগী নুংঙাইবগী চাংদা শরুক অনি হেনগৎলে। ভারত মন্দপমসু মীয়াম্না শকখঙবা অমা ওইরে। মীয়াম্না মসিগা লোয়ননা সেলফী নম্নরি অদুগা চাউথোকচবগা লোয়ননা পোস্তসু তৌনরি। সম্মিত অসিদা ভারতনা অফ্রিকাগী য়ুনিয়নবু G-20গী মপুং ওইবা মেম্বর ওইহন্দুনা মশাগী লুচিংবগী মতিক উৎখ্রে। ভারতনা নুংঙাই য়াইফরিঙৈ মতমদা, সিল্ক রুত অসি ভারত অমসুং মালেমদা ৱারি শাবগী হীরম অমা ওইরম্মি হায়বা অদোম্না খঙলবনি। সিল্ক রুতনা কারবারগী মরু ওইবা পাম্বৈ ওইরম্মি। হৌজিক্কী মতমসিদা, ভারতনা G-20দা অতোপ্পা ইকোনোমিক কোরিদোর অমগী ৱাহৌদোক থমখি অমসুং মদুদি ভারত-মিদ্দল ইস্ত-য়ুরোপ ইকোনোমিক কোরিদোরনি। কোরিদোর অসিনা মথংগী চহি চা কয়াগী ওইনা মালেমগী লল্লোন-ইতিক্কী ফম্বাক অমা ওইগনি, অদুগা কোরিদোর অসি ভারতকী লৈহাওদগী হৌদোকখিবনি হায়বা পুৱারীনা মতম পুম্বদা নীংশিংহৌরগনি।

মরুপশিং, G-20গী মনুংদা ভারতকী নহাগী শক্তিনা থৌদোক অসিগা মরী লৈনহনখিবগী মতাংদা অখন্নবা পাউদম অসি ঙসি থম্বগী মথৌ তারে। G-20গা মরী লৈনবা থৌরম কয়া লৈবাক্কী য়ুনিভর্সিতী কয়াদা চহি চুপ্পা পাংথোক্তুনা লাকখি। থৌদোক পরিং অসিগী শরুক অমা ওইনা, য়াম্না নুংঙাইবা থৌরম অমা, G-20 য়ুনিভর্সিতী কন্নেক্ত প্রোগ্রাম অসি হৌজিক দিল্লীদা পাংথোক্কদৌরি। লৈবাক শিনবা থুংবগী য়ুনিভর্সিতীগী মহৈরোইশিংনা প্রোগ্রাম অসিগী খুত্থাংদা পাউ ফাওনগনি, মরী লৈনগনি। IIT, IIM, NIT অমসুং মেদিকেল কোলেজকুম্বা ইকায় খুম্ননীংঙাই ওইরবা ইন্সতিত্যুসন কয়ানা মসিদা শরুক য়াগনি। অদোম্না করিগুম্বা কোলেজ তম্বা মহৈরোই অমা ওইরবদি, সেপ্তেম্বর 26তা পাংথোক্কদৌরিবা প্রোগ্রাম অসিদা মিৎয়েং তাবীয়ু অমসুং শরুক য়াবীয়ু হায়না ঐহাক্না হায়জনীংই। প্রোগ্রাম অসিদা ভারতকী তুংগী মতম অমসুং নহাশিংগী তুংগী মতমগী মতাংদা নুংঙাইরবা ৱাফম কয়া লান্নগদৌরি। ঐহাকসু কোলজকী মহৈরোইশিংগা ৱারি শানবা ঙাইরিবনি।

ঐহাক্কী ইমুংগী মীওইশিং, ঙসিদগী নুমিৎ নিনিগী মতুংদা, সেপ্তেম্বর 27দা ‘ৱর্ল্দ তুরিজম দে’ তারি। মীওই খরদি তুরিজম অসিবু শুপ্নগী লম কোয়বগী পাম্বৈ অমখক্নি হায়না খল্লি, অদুবু মসিগী অচৌবা থৌওং অমদি থবক পীবগা মরী চাউয়া লৈনৈ। সেক্তর অমদা শেল য়াম্না থাদদনা থবক য়াম্না পীবা ঙম্লবদি, সেক্তর অদু তুরিজম ওইগনি হায়নবা লৈরিবনি। তুরিজম সেক্তর চাউখৎহনবা মতমদা, লৈবাক অমগী মতাংদা অফবা ৱাখল্লোন লৈবা অমসুং মদুনা মীয়ামগী পুক্নিং চীংশিনবা হায়বসি য়াম্না মরু ওই। ভারতপু পাম্নবগী মতৌ অসি মমাংগী চহি খরদা য়াম্না হেনগৎলে, অদুগা G-20 মায় পাক্না পাংথোকখ্রবা মতুংদদি, মালেমগী মীয়াম্না ভারত্তা থৱাই চঙবগী মতৌ অসি অমুক্কা হেন্না হেনগৎলে।

মরুপশিং, দেলিগেত লাখ অমা হেনবনা ভারত্তা G-20গীদমক্তা লাকখি। মখোয়না মফমসিগী দাইবর্সিতী; তোঙান-তোঙানবা চৎনবী; চাবগী মখল য়াম্লবা মথেল অমসুং ঐখোয়গী হেরিতেজশিং নীংথিনা খঙনখি। লৈবাকসিদা লাকখিবা দেলিগেতশিংনা ফংখিবা নুংঙাইরবা এক্সপেরিএন্সশিং মখোয়গা লোয়ননা পুদুনা হন্নখি, মসিনা ঐখোয়গী তুরিজম্বু অমুক্কা হেন্না চাউখৎহনগনি। ভারত্তা ৱর্ল্দ হেরিতেজ সাইত কয়া লৈ অমসুং মখোয়গী মশিংসু লেপ্তনা হেনগৎলক্লি হায়বা অদোম খুদিংনা খঙনরবনি। নুমিৎ খরনিগী মমাংদা, শান্তিনিকেতন অমসুং করনাতকাগী হোয়শালা লাইশঙ অসিবু ৱর্ল্দ হেরিতেজ সাইতনি লাউথোকখ্রে। মসিগুম্বা নুংঙাইরবা মায় পাকপা অসিগীদমক্তা ঐহাক্না লৈবাক মীয়াম্বু থাগৎচরি। ঐহাকসু ইং 2018দা শান্তিনিকেতন্দা চৎপগী খুদোংচাবা ফংজখ্রে। শান্তিনিকেতনগা গুরুদেব রবিন্দ্রনাথ তেগোরগা মরী লৈনবনি। গুরুদেব রবিন্দ্রনাথ তেগোরনা শান্তিনিকেতনগী মোত্তো অসি সংস্কৃতকী অরিবা ৱারোলদগী লৌথোকপনি। ৱারোল অদুদি – “য়াত্রা বিশ্বম ভবাতয়েক নীদম” হায়বসিনি।

মসিনা হায়বদি, অপীকপা উচেক মহুম অমনা মালেম পুম্ববু মনুং চলহনবা ঙম্বা হায়বনি।

UNESCOগী মালেমগী হেরিতেজ লিস্তকী মনুং চনখ্রবা করনাতকাগী হোয়শালা লাইশঙ অসি 13শুবা চহি চাগী নীংথিরবা য়ুমশারোলগীদমক্তা মমিং চৎলি। লাইশঙশিং অসিবু UNESCOনা শকখঙবা অসিসু ভারতকী লাইশঙ শাবগী চৎনবীবু ইকায় খুম্নবনি। ভারত্তা লৈবা ৱর্ল্দ হেরিতেজ প্রোপর্তীগী অপুনবা মশিংনা হৌজিক 42 য়ৌখ্রে। ঐখোয়গী পুৱারী অমসুং নাৎকী ওইবা মফমশিং অয়াম্বা ৱর্ল্দ হেরিতেজ সাইত ওইনা মশক খঙহন্নবা ভারতনা কন্না হোৎনরি। ঐহাক্না মীয়ামদা হায়জরি...অদোম্না করিগুম্বা মফম অমদা চৎপগী থৌরাং য়াৎপা খুদিংদা ভারতকী দাইবর্সিতী য়েংনবা হোৎনবীয়ু। তোঙান-তোঙানবা রাজ্যশিংগী চৎনবী খঙবীয়ু। হেরিতেজ সাইতশিংদা চৎপীয়ু। অসুম্না তৌরবা মতুংদা, অদোম্না ঐখোয়গী লৈবাক্কী ফজরবা পুৱারী খঙবগা লোয়ননা লোকেল মীয়ামগী শেন্থোক হেনগৎহনবদা অদোম্না মরু ওইবা মতেংসু পাংগনি।

ঐহাক্কী ইমুংগী মীওইশিং, ভারতকী চৎনবী অমসুং ঈশৈ নোংমাই অসি হৌজিক্তি গ্লোবেল ওইরবনি। মালেম্না মসিবু পাম্বগী মতৌ অসি নোংম-নোংমগী হেনগৎলক্লিবনি। নুংশিরবা ইচানুপী অমনা শেম্বা ওদিও অমা ঐহাক অদোমগী মফমদা তাহনজগে।

####ওদিও ঈশৈ

অদোম্না মসি তাবদা ঙকই, নত্ত্রনে? কয়াদা খোইথুম্লবা খোঞ্জেলনো! ৱাহৈ খুদিংদা উবা ঙম্লিবা মহাক্কী ইমোসন অসিদা ঐখোয়না মহাক্না ইশ্বরবু পামজবগী মতৌ উবা ঙম্মি। মসিগী খোইথুম্লবা খোঞ্জেল অসি জর্মনীগী ইচানুপী অমগীনি হায়না ঐহাক্না হায়বা মতমদা, অদোম্না হেন্না অঙকপা ফাওগনি। ইচানুপী অসিগী মিংদি কস্মী কৌই। চহি 21 শুরবী কস্মী অসি হৌজিক্কান ইনস্তাগ্রামদা মমিং য়াম্না চৎলি। কস্মী অসি জর্মন্দা লৈবনি, মহাক ভারত্তা অমুক ফাওবা লাকখিদ্রি, অদুবু মহাক অসি মহাক্না অমুক ফাওবা লাকখিদ্রিবা ভারতকী ঈশৈ নোংমাইবু পামজবা মীওই অমনি। মহাক্না ভারতকী ঈশৈ নোংমাইবু পামজরিবা অসি ইথিল য়াম্না পীনিংঙাই ওই। মহাক অসি পোকপদগী মমিৎ তাঙলবনি, অদুবু মসিগুম্বা অরুবা শিংনবা অসিনা মহাকপু অতোপ্পদগী তোঙানবা মায় পাকপা ফংবদগী থিংবা ঙমদে। মহাক্না ম্যুজিক অমসুং ক্রিএতিবিতী কয়ামুক পামজগে হায়বদা মহাক্না অঙাং ওইরিঙৈদগী থৱাই য়াওবা হৌরক্লবনি। মহাক্না চহি 3 শুবদগী অফ্রিকাগী দ্রম থিনবা হৌরকখি। মহাক্না চহি 5-6 শুরকপা মতমদা মহাক্কী মফমদা ভারতকী ঈশৈ নোংমাই শক্তাকপীখি। ভারতকী ঈশৈ নোংমাইনা মহাকপু শুমহৎখিদুনা মহাক্না মসিদা মপুং ফানা লুপচখি। মহাক্না তব্লা থিনবসু তম্লে। খ্বাইদগী ইথিল পীনিংঙাই ওইরিবা অসিদি মহাক্না ভারতকী লোল কয়াদা ঈশৈ শকপা নীংথিনা হৈবা অসিনি। সংস্কৃত, হিন্দি, মলায়ালম, তমিল, কন্নর নত্ত্রগা অসমিজ, বেঙ্গালী, মরাথী, উর্দুগী নোৎ খুদিংমক মহাক্না মমুৎ তানা হৈরে। খঙদবা লোল অমদা ৱাহৈ পরেং অনি-অহুম মপুং ফানা খঙবা হায়বসি কয়াদা লুরমগনি অমুক্তা খন্দুনা য়েংসি, অদুবু কস্মীদদি লুদে। মহাক্কী মফমদদি মসিদি অঙাংনা শান্নবগুম্বনি। মহাক্না কন্নরদা শকপা ঈশৈ অমগা অদোমগীদমক্তা অমুক্কা তাহনগে।

###ওদিও ঈশৈ

জর্মনীগী কস্মীনা ভারতকী নাৎ অমসুং ঈশৈ নোংমাইবু পামজরিবা অসিবু ঐহাক্না তসেংনা থাগৎচনীংই। মহাক্না পাংথোক্লিবা খুদিংনা ভারত মচা খুদিংগী পুক্নিং শুমহৎকনি।

ঐহাক্কী ইমুংগী মীওইশিং, ঐখোয়গী লৈবাক্তা এজুকেসনবু সেবা অমনি হায়না মতম পুম্বদা খন্নৈ। চপ মান্নবা ইথিলগা লোয়ননা অঙাংশিংগী এজুকেসনগীদমক্তা হোৎনরিবা উত্তরাখন্দগী নহা খরগী মতাংদা ঐহাক্না খঙবা ঙম্লে। নাইনিতাল জিলাগী নহা খরনা অঙাংশিংগীদমক্তা “ঘোরা লাইব্রেরী” অমা হৌদোক্লে। লাইব্রেরী অসিগী খ্বাইদগী মশক নাইবা মওং-মতৌদি লাইব্রেরী অসিগী লাইরিকশিংনা খ্বাইদগী মনুং হঞ্জিনবা মফমগী অঙাংশিংদা য়ৌবা অসিনি, অদুগা মসিদা নত্তনা, সেবা অসি লেম্না পীরিবনি। লাইব্রীরী অসিগী মখাদা হৌজিক ফাওবদা নাইনিতালগী খুঙ্গং 12 কোল্লে। অঙাংগী এজুকেসনগা মরী লৈনবা অফবা থবক অসিগীদমক্তা লোকেল মীয়াম্না তেংবাংগে হায়না থোক্নরক্লি। মনুং হঞ্জিনবা মফমগী অঙাংশিংনা স্কুলগী লাইরিক্কী মথক্তা ‘শৈরেং’, ‘ৱারি’ অমসুং ‘মোরেল এজুকেসন’গী লাইরিকশিং পাবগী খুদোংচাবা ফংহন্নবা ঘোরা লাইব্রেরী অসিগী খুত্থাংদা হোৎনরি। মসিগুম্বা তোপ তোপ্পা লাইব্রেরী অসি অঙাংশিংনসু য়াম্না পাম্নরি।

মরুপশিং, ঐহাক্না হাইদ্রবাদতা লাইব্রেরীগা মরী লৈনবা মসিগা মান্নবা থবক অমগী মতাংদসু তারে। মফমসিদা, তরেৎশুবা ক্লাস্তা তম্লিবী ইচানুপী আকর্শনা সতিশনা অঙকপা থবক কয়া পাংথোক্লি। মশাগী শুপ্নগী চহি 11 অসিদা মহাক্না লাইব্রেরী অমখক নত্তনা লাইব্রেরী তরেৎ চলাইরি তাবদা অদোম ঙক্কনি। আকর্শনানা মহাক্কী মমা-মপাগা কেন্সর হোস্পিতাল অমদা চহি অনিগী মমাংদা চৎখিবা মতমদা মহাক্না মসিগী ইথিল ফংখি। মহাক্কী মপানা লৈজদ্রবশিংগী মতেং পাংবা চৎখিবনি। মফমদুগী অঙাংশিংনা ‘কলর তৌনবা লাইরিক’ পীবিয়ু হায়রকখি, মসিগী থৌওং অসিনা লাইফদীবিগুম্লবী পীক্লিবী ইচানুপী অসিগী থম্মোই শোকখিবদগী মহাক্না মখল খুদিংগী লাইরিক খোমজিনগে খনখিবনি। মহাক্না য়ুম্লোন্নবা, মরী মতা অমসুং মরুপশিংদগী লাইরিক খোমজিনবা হৌখি, অদুগা মহাক্না হাংদোকখিবা অহানবা লাইব্রীরী অদুদি কেন্সর হোস্পিতাল অদুগী অঙাংশিংগীদমক্তা হাংদোকখিবনি তাবদা অদোম্না নুংঙাইবা পোক্কনি। লৈত-লাইরবা অঙাংশিংগীদমক্তা ইচানুপী অসিনা তোঙান-তোঙানবা মফমশিংদা হাংদোক্লিবা লাইব্রেরী তরেত্তা পুন্না লাইরিক চাউরাক্না লিশিং 6 লৈরে। অঙাং কয়াগী তুংগী পুন্সি শেম্বদা পীক্লিবী আকর্শনানা পাংথোক্লিবা থবক অসিদি ইথিল পীনিংঙাই য়াম্না ওই।

মরুপশিং, ঙসিগী য়ুগ অসিদি দিজিতেল তেক্নোলোজী অমসুং ই-বুক্কী য়ুগনি হায়বসি অশেংবনি, অদুবু, লাইরিকশিংনা ঐখোয়গী পুন্সিদা অচানবা মরুপ অমগী থৌদাং লৌবদি লেপ্ত্রি। অদুনা, ঐখোয়না অঙাংশিংদা লাইরিক পানবা পুক্নিং থৌগৎকদবনি।

ঐহাক্কী ইমুংগী মীওইশিং, ঐখোয়গী স্কৃপচরশিংদা অসুম্না হায়রম্মি –

জীবেশু করুনা চাপী, মাইত্রী তেশু বিধিয়াতম।

মসিনা হায়বদি, অহিঙবা জিবশিংবু নুংশিবীয়ু অমসুং মখোয়বু অদোমগী মরুপ ওইহল্লু হায়বনি। ঐখোয়গী লাইবু পুরিবা জিব অয়াম্বা শা উচেক ঙাক্তনি। ঐখোয়না লাইশঙদা ইশ্বর খুরুম্বা চৎলি, অদুবু মখোয়বু পুদুনা চৎলিবা শাশিংগী মতাংদা কয়া য়াম্না খঞ্জিল্লুদে। মখোয়গুম্বা জিবশিং অসিসু ঐখোয়গী থাজবগী ময়োলদা লৈহনবখক নত্তনা, ঐখোয়না মখোয়বু মতম পুম্বদা ঙাক শেনগদবনি। মমাংগী চহি খরসিদা, লৈবাকসিদা কৈ, নোংশা, কবোকৈ অমসুং শমু মশিং মশক থোক্না হেনগৎপগী মতৌ উবা ফংই। পৃথিবী অসিদা লৈরিবা অতোপ্পা শাশিংবু কনবগী থবক কয়া অমসু পায়খৎলি। মসিগা মান্নবা থবক খরসু রাজস্থানগী পুস্করদা পায়খৎলি। মফমসিদা, সুখদেব ভতজী অমসুং মহাক্কী তীম্না লম্লক্কী শা কন্নবা তোপ-তোপ্পা থবক পায়খৎলি। মহাক্কী তীমগী মমিং করি কৌই খঙবরা? মহাক্কী তীমগী মমিংদি কোব্রা কৌই। মসিগুম্বা খুদোংথীনিংঙাই ওইরবা মিং অসিগী মরমদি, মহাক্কী তীম্না লমদম অসিদা মহু লৈরবা খারৌ কনবগী থবক পাংথোক্লি। তীম অসিদা মীওই মশিং য়াম্না লৈ, কোল অমখক ফংবদা মখোয়না মফমদুদা য়ৌশিল্লি অদুগা মখোয়গী মিসন মখা চত্থৈ। সুখদেবজীনা হৌজিক ফাওবদা মহু লৈরবা খারৌ লিশিং 30 হেনবগী পুন্সি কনখ্রে। মসিগুম্বা খোঙথাং অসিনা মরম ওইরগা মীয়ামগী পুন্সিদা থোক্কদবা খুদোংথীবদগীসু কল্লে, অদুগা মহৌশাগী খলবুসু ঙাক্লে। মখোয়গী তীম্না অতোপ্পা শা অনাবা কনবগী থবকসু পাংথোক্লি।

মরুপশিং, ওতো থৌবা মীওই, এম. রাজেন্দ্র প্রসাদসু তমিল নাদুগী চেন্নৈদা তোপ-তোপ্পা মখলগী থবক পাংথোক্লি। মহাক্না হৌখিবা চহি 25-30দগী খুনুগী সেবা তৌদুনা লাক্লি। মহাক মশাগী ময়ুমদসু খুনু 200 হেন্না লৈ। মফমসিদসু, মহাক্না উচেক খুদিংদা মচিঞ্জাক, ঈশিং পীজ-পীথক্লে, মখোয়গী হকশেলসু শেন্নরি। মহাক্না মসিদা শেল য়াম্না থাদৈ, অদুবু মহাক্কী থবক্তদি অপনবা অমত্তা লৈহন্দে। মরুপশিং, অফবা ৱাখল্লোনগা লোয়ননা মসিগুম্বা থবক তৌবা মীওই উদসিনা ঐখোয়বু নুংঙাইবা ফাওহল্লি। অদোম্না মসিগুম্বা ই-পাউ খঙবা লৈরবদি, মীয়ামদা শেয়র তৌবীয়ু।

ঐহাক্কী ইমুংগী নুংশিরবা মীওইশিং, হৌজিক্কী নিংতম্বগী অমৃত কাল অসিদি লৈবাক মীয়াম খুদিংনা মশাগী থৌদাং পাংথোকপগী মতম্নি। মশাগী থৌদাং পাংথোক্লবা মতমদা, ঐখোয়না ঐখোয়গী পান্দম ফংগদৌরিবনি। মসিগুম্বা থৌদাং খঙবগী মতৌনা ঐখোয়বু অমত্তা ওইহল্লিবনি। য়ু.পি.গী সমভলদা লৈবাক অসিনা মথৌদাং খঙবগী মতৌ উবা ফংলে, মসি ঐহাক্না মীয়ামদা খঙহঞ্জনীংই। অমুক্তা খনবীয়ু, খুঙ্গং 70 হেনবা, মীশিংনা লিশিংদা ওইবা অদুগা মখোয় পুম্নমক্না অমত্তা ওইদুনা পান্দম

অমা ফংনবা হোৎনমিন্নবা। মসি য়াম্না তোয়না থোক্তে, অদুবু সমভলগী মীয়াম্নদি মসিমক পাংথোক্লে। মীয়ামশিং অসিনা পুন্দুনা মীয়াম পুন্না শরুক য়ামিন্নবা অমসুং পুন্না হোৎনমিন্নবগী খুদম অমা থম্লে। তসেংবদি, দিকেদ কয়াগী মমাংদা, লমদমসিদা ‘সোত’ কৌবা তুরেল অমা চেল্লম্মি। অম্রোহাদগী হৌরক্তুনা সমভল ফাওদুনা বরাউন ফাওবা চেল্লম্মবা তুরেল অসি লমদম অসিগী পুন্সি পীবনি হায়না খঙনরম্মি। তুরেল অসিদা ঈশিং লেপ্তনা চেল্লম্মি, মসিনা মফমসিগী লৌমীশিংগা লৌউবগী য়ুম্ফম ওইরম্মি। মতমগী মতুং ইন্না, তুরেলগী ইচেল হন্থরকখি, তুরেল অসিনা চেল্লম্বা মফমশিংবু মীয়াম্না খোপচিন্নখি অমসুং তুরেল অসি মমৈথংদা মাঙখ্রে। তুরেলবু ইমানি খনবা ঐখোয়গী লৈবাকসিদা সমভলগী মীয়াম্নসু সোত তুরেলবু অমুক হিংগৎহল্লসি হায়বা ৱারেপ লৌখি। মমাংগী চহিগী দিসেম্বরদা গ্রাম পঞ্চায়ত 70 হেনবনা সোত তুরেলবু হান্নগুম্না হিংগৎহনবগী থবক হৌখি। গ্রাম পঞ্চায়তশিংগী মীওইশিংনা সরকারগী বিভাগশিংসু মখোয়গা লোয়ননা চৎমিন্নখি। চহিসিগী অহানবা থা তরুকখক্কী মনুংদা, মীয়াম অসিনা তুরেল অসিগী কিলোমীতর 100 হেনববু হান্নগী ফিভমদা হঞ্জিলহল্লে তাবদা অদোম্না নুংঙাইবা ফাওগনি। নোংজু থা হৌরকপা মতমদা, মীয়াম অসিগী হোৎনজমন মহৈ য়ানখি অমসুং সোত তুরেল অসি ঈশিংনা থনখি। থৌদোক অসি মফমসিগী লৌমীশিংগী নুংঙাইবগী অচৌবা পুংফম ওইখি। মীয়াম্না তুরেলগী তোর্বান্দা ৱা লিশিং 10 হেন্না থারে। মসিনা তুরেল মপালবু তেক্ত কায়দবা ওইহল্লি। তুরেল অসিদা কাঙ মচা পোকহন্দনবা গম্বুসিয়া ঙা লিশিং 10 হেনবসু থাদরে। মরুপশিং, ঐখোয়না ৱাখলবু চেৎলবদি, খ্বাইদগী চাউবা শিংনবসু মায়থীবা পীদুনা অওনবা পুরকপা ঙমগনি হায়বসি সোত তুরেলনা খুদম ওইনা তাক্লে। ইশাগী থৌদাংগী লম্বীদা চত্তুনা, অদোমসু অকোয়বদা লৈবা মসিগুম্বা অওনবা পুরকপগী পাম্বৈ ওইবা য়াগনি।

ঐহাক্কী ইমুংগী মীওইশিং, ৱাখলনবু চেৎলবা অমসুং করিগুম্বা অমা তম্নীংবগী অপাম্বা লৈরবদি, থবক অমত্তা অরুবা ওইদে। নোংচুপ বেঙ্গলগী শ্রীমতি শকুন্তলা সর্দারনা মসি অচুম্বনি হায়বা তাক্লে। ঙসিদি, মহাক অসি অতোপ্পা নুপী কয়াগী ইথিল ওইরে। শকুন্তলাজী অসি জঙ্গল মহলগী শতানালা খুঙ্গংদা লৈবনি। মহাক্কী ইমুংনা মতম শাংবদগী শিন্মী ওইদুনা ইমুংগী চরা তান্দুনা লাক্লি। মহাক্কী ইমুংনা নোংমগী পুন্সি হিংবখক্তদসু অৱাবা কয়া মাইয়োক্নখি। মদুদগী, মহাক্না অনৌবা লম্বী অমদা খোঙদারগে খনখি অমসুং মদুদা মায় পাক্তুনা মীপুম খুদিংবু অঙকপা ফাওহনখি। মহাক মসি মতৌ করম্না পাংথোকখিবগে খঙবরা? মদুগী পাউখুমদি, ফি তুনবা কোনগী মছিন। মহাক্না কোনগী মছিন শিজিন্নদুনা ‘সাল’ মনাদা ফজরবা দিজাইন শেম্বা হৌখি। মহাক্কী মহৈ অসিনা মহাক্কী ইমুংগী মরাইবক হোংদোকখি। মহাক্না শেম্বা দিজাইন অসিগী দিমান্দ নোংম-নোংমগী হেনগৎলক্লি। শকুন্তলাজীগী মহৈনা মহাকখক্কী নত্তনা ‘সাল’ মনা খোম্বা মীওই কয়াগী পুন্সিদা অহোংবা পুরকখি। হৌজিক্তি, মহাক্না নুপী কয়াদা ত্রেনিং পীরি। মতম অমদা শিন্মীগী খুৎশুমলদা হিংলম্বা ইমুং অমনা অতোপ্পদা থবক পীদুনা ইথিল পীবা হায়বসি অমুক্তা খন্থবীয়ু। মহাক্না মহাক্কী ইমুংবু মশানা লেপচবা ঙমহল্লে। মসিনা মহাক্কী ইমুংনা অতোপ্পা থবকশিংদা মিৎয়েং চঙবগী খুদোংচাবসু পীরে। মসিদগী অহেনবা অমসু থোকখ্রে। শকুন্তলাজীগী ফিভম হেক ফগৎলকপগা মহাক্না শেল তুংশিনবা হৌখি। মহাক্না মহাক্কী অঙাংশিংগী অফবা তুংগী মতমগীদমক্তা হৌজিক্তি লাইফ ইন্স্যুরেন্স প্লানশিংদা শেল থাদবসু হৌরে। শকুন্তলাজীবু থাগৎপগী পনখৈ লোইররোই। ভারত মীয়াম অসি মসিগুম্বা তেলেন্তনা থনবনি, মখোয়দা খুদোংচাবা অমা পীয়ু, মখোয়না অঙকপা থবক কয়া পাংথোক্তুনা উৎকনি।

মরুপশিং, দিল্লীদা G-20 সম্মিত পাংথোকখিবা মতমদা, মালেমগী লুচিংবা কয়ানা রাজঘাত্তা পুন্না লাক্তুনা বাপুগী মফমদা ইকায় খুম্নবা উৎখিবগী শক্তম কনানা কাওবা ঙমগনি। বাপুজীগী ৱাখল্লোন অসি হৌজিক্কী মালেমদা কয়া য়াম্না চুনরিবগে হায়বগী মসিনা খুদম ওইরিবনি। গান্ধী জয়ন্তীগী থৌরমদা লৈবাক শিনবা থুংবদা লু-নানবগী থৌরম কয়া পাংথোক্নবা থৌরাং তৌরিবসিদা ঐহাক্না নুংঙাইবা ফাওই। ‘স্বচ্ছতা হি সেবা অভিয়ান’ অসিবু কেন্দ্র সরকারগী ওফিসশিংদা থৱাই য়াওনা পাংথোক্নরি। ইন্দিয়ন স্বচচতা লীগতা মশক থোকপা শরুক য়াবগী মতৌ লৈরি। ঙসিদি, ঐহাক্না ‘মন কী বাত’কী খুত্থাংদা লৈবাক মীয়ামগী মফমদা হায়নীংবদি, ওক্তোবর 1, নোংমাইজিং নুমিৎকী অয়ুক্কী পুং 10 তাবা মতমদা লু-নাবগী অচৌবা থৌরম অমা পাংথোক্কনি। অদোমসু ইশাগী মতম কাইথোক্তুনা লু-নানবগা মরী লৈনবা কেম্পেন অসিদা শরুক য়াহন্নীংই। অদোমসু ইশাগী লৈরক, লৈকাই....পার্ক্তা ওইরো, তুরেল, পাৎ নত্ত্রগা মীয়ামগী মফম অমা হেক্তদা মসিগুম্বা লু-নানবগী কেম্পেন্দা শরুক য়াবা য়াগনি। অমৃত সরোবর সারিবা মফম খুদিংবুসু লু নালহনগদবনি। মসিগুম্বা লু-নানবগী থবক অসিমক্না গান্ধীজীগী মফমদা ইকায় খুম্নবা উৎপা ওইগনি। হন্দক্কী গান্ধী জয়ন্তীগী থৌরম অসিদা খাদীগী পোত্থোক অমদি শোইদনা লৈগে খনবীয়ু হায়না ঐহাক্না মীয়ামদা হায়জরি।

ঐহাক্কী ইমুংগী মীওইশিং, ঐখোয়গী লৈবাক অসিদসু কুহ্মৈগী মতম হৌরক্লে। অদোম পুম্নমক্না ইমুংগীদমক্তা করিগুম্বা খরা লৈগে খল্লমগনি। কনাগুম্বা অমনা নব্রাত্রী মনুংদা অফবা থবক অমা-অনিদি হৌগে শোইদনা খন্নরমগনি। মসিগুম্বা নুংঙাইবগী মতমসিদা, অদোম্না ভোকেল ফোর লোকেলগী মন্ত্রবু শোইদনা নীংশিংগদবনি। অদোম্না য়ারিবমখৈ ভারত্তা শাবা পোত্থোক লৈগদবনি, শিজিন্নগদবনি অমসুং অতোপ্পদা খুদোল তমগদবনি। অদোম্না নুংঙাইরিবা অদুনা অতোপ্পা ইমুং অমগী নুংঙাইবগী পাম্বৈ ওইগদৌরিবনি। অদোম্না লৈবা ভারতকী পোত্থোক খুদিংনা ঐখোয়গী শিন্মী, ক্রাফ পর্সন অমসুং অতোপ্পা বিশ্বকর্মা ইমুংগী ইচিল ইনাওশিংদা হকথেংননা কান্নবা পীগদৌরিবনি। হৌজিক্কান্দি, স্তার্তঅপ কয়া অমসু লোকেলগী পোত্থোকশিংবু শৌগৎলি। অদোম্না লোকেলগী পোত্থোক লৈবা মতমদা, মসিগুম্বা স্তার্তঅপ তৌরিবা নহাশিংদসু কান্নবা পীগদৌরিবনি।

ঐহাক্কী নুংশিরবা ইমুংগী মীওইশিং,

ঙসিগী ‘মন কী বাত’ অসিগীদি মসিদা লোইরে। ঐহাক্না মথংগী মন কী বাত্তা অদোমগা উন্নবা মতমদদি নব্রাত্রী অমসুং দসেরা লোইরগনি। মসিগী কুহ্মৈগী মতমসিদা, অদোম্না হরাও তয়াম্না কুহ্মৈ পাংথোকপা ওইবীয়ু। অদোমগী ইমুংদা নুংঙাই য়াইফবনা থনবা ওইসনু, মসি ঐহাক্কী অপাম্বনি। কুহ্মৈশিং অসিগীদমক্তা অদোমগী মফমদা য়াইফ পাউজেল পীজরি। ঐহাক্না অনৌবা থীম, লৈবাক মীয়ামগী মায় পাকপগী অনৌবা ৱারিগা লোয়ননা অদোমগা অমুক্কা উন্নরসি। মেসেজ লেপ্তনা থাবীরকউ, অদোমগী এক্সপেরিএন্স পাউদম্বা কাওবীগনি। ঐহাক্না মখোয়বু ঙাইদুনা লৈগনি।

অদোম্বু থাগৎচরি।

নমস্কার!

এগী নুংশিজরবা ইমুংগী মীওইশিং, খুরুমজরি। মন কী বাতকী ওগস্তকী তাঙক্কসিদা ময়াম্বু হন্না-হন্না তরাম্নাওকচরি। শাৱনগী শেংলবা থানুংসিদা, ‘মন কী বাত’সি অনিরক হন্না পাংথোকপা অমুক্তা য়াওখিদ্রি, অদুবু, হন্দক্তি মদু ওইথোক্লে। শাৱন হায়বসি, ভগবান শিবগী থানি, হরাও-কুম্মৈগী থানি। চন্দ্রয়ানগী মাইপাকপনা কুম্মৈ অসিবু অমুক্কা হেন্না হেনগৎহল্লে। চন্দ্রয়ান্না থাদা খোংদাখিবা নুমিৎ হুম্নি খরা হেল্লে। মাইপাকপসি অদুক্কী মতিক মগুন লৈখ্রে, শিংথাবগী লোইবা-খম্বা নাইদ্রে। ঙসি ময়ামগী মফমদা ৱা ঙাংজরিঙৈগী মরকসিদা, ঐহাক্কী অরিবা শৈরেং অমা নিংশিংলকই।

অহাংবা মালঙদা লেপখত্তুনা কোক

অমুবা লৈচিলগী পৌমাই হাংদোক্তুনা

মঙাল ফংগনি হায়বগী ৱাখলদা

থোরক্লে কোরৌহনবা।

অরেপ্পা ৱাখলগা লোইননা

খুদোংথিবা কয়াবু লান্থোক্লে হায়রগা;

শুক্ল-মম্লবা অমম্ববু কোকহন্নবা

থোরক্লে কোরৌহনবা।

অহাংবা মালঙদা লেপখত্তুনা কোক

অমুবা লৈচিলগী পৌমাই হাংদুনা

থোরক্লে কোরৌহনবা।

এগী ইমুংগী মীওইশিং, ওগস্ত ২৩দা ভারতকী চন্দ্রয়ান্না খোংদাবা ঙমখিবা অসিনা, মঙাল ফংবগী ৱাখলসি, থাদশু য়ৌরে হায়বা খঙহনবা ঙম্লে। মিসন চন্দ্রয়ান অসি ভারতকী ফিভম অমদা হেক্তা মাইপাকপা ঙম্বগী স্পিরিৎ অসি মিসন চন্দ্রয়ান্না ওইখ্রে।

মরুপশিং, ঙসি ঐহাক্না ময়ামগী মফমদা, মিসন অসিগী তাঙ্কক অমগী মতাংদা থোইদোক্না পঞ্জনিংঙি। ঐহাক্না লাল কিলাদগী হায়জখিবা, ৱুমেন লেদ দেবেলপমেন্তবু নেস্নেল কেরেক্তর ওইনা, এমপাৱর তৌগনি হায়বদু, নুপীশিংগী তৌবা ঙম্বগী শক্তি লৈবা মফমদুদা ওইথোক্তবা হায়বা অমত্তা লৈতে। ভারতকী মিসন চন্দ্রয়ান অসি নারি শক্তিগী ময়েক লারবা খুদম্নি। মিসন অসিদা ৱুমেন সাইন্তিস্ত অমদি ইঞ্জিনীয়র কয়ানা হকথেংননা শরুক য়ারি। মখোয়না তোঙান-তোঙান সীস্তেমগী প্রোজেক্ত দাইরেক্তর, প্রোজেক্ত মেনেজরনচিংবা অচৌবা থৌদাং কয়া লৌরি। ভারতকী ইচানুপীশিংনা হৌজিক মপাল নাইদ্রে হায়নরিবা সুন্য তরংবু শিংনরি। লৈবাক অদুগী মচানুপীশিংনা অদুক্কী মতিক ৱাখল ৱাংলবদা, অদুগুম্বা লৈবাক অদুনা চাউখৎপদা কনানা থিংবা ঙমগদৌরি।

মরুপশিং, ঐখোয়না অসুক ৱাংনা পাইবা ঙম্লিবসি, ঐখোয়গী মঙলান অচৌবা মঙবগীনি অমদি লেপ্পা লৈতনা হোৎনবগীনি। চন্দ্রয়ান-৩না মাইপাকপদা অতোপ্পা সেক্তর কয়াগীশু অচৌবা থৌদাং য়াওরি। মসিগী পার্তশিং অমদি তেক্নিকেল ওইবা তঙাইফদবা কয়া মপুং ফাহনবদা লৈবাক মীয়াম্না অচৌবা থৌদাং লৌরি। ময়াম পুম্নমক্না হোৎনবীবদগী মাইপাকপসি ওইরকখিবনি। মসিনি চন্দ্রয়ান-৩গী খ্বাইদগী চাউবা মাইপাকপা। মতুংদশু ঐখোয়গী স্পেস সেক্তরদা ময়াম পুন্না হোৎনমিন্নদুনা মাইপাকপা পুরকসি হায়না ঐনা থাজবা থমজরি।

ঐগী ইমুং মনুংগী মীওইশিং,  সেপ্তেম্বর থাসিদা, ভারতকী তৌবা ঙম্বগী শক্তি অদু ময়াম্না উবীগদৌরি। মথং থাদা পাংথোক্কদৌরিবা জি.-২০ লীদর্স সম্মিতকীদমক ভারতনা নিংথিনা শেমশারে। থৌরম অসিদা শরুক য়ানবগীদমক্তা লৈবাক ৪০গী লুচিংবা অমদি অতৈ গ্লোবেল ওর্গনাইজেশন কয়া দিল্লীদা লাক্কদৌরি। জি.-২০গী সম্মিতকী পুৱারিদা মসিনা হৌজিক ফাওবগী ওইবা অচৌবা শরুক য়াবা ওইগদৌরিবনি। ঐখোয়না প্রেসিদেন্সী ওইরিঙৈসিদা ভারতনা জি.-২০গী ওইবা ইনক্লুজিব ফোরম অমা শেম্লে। ভারতনা হায়জরুবদগী অফ্রিকান য়ুনিয়নশু জি.২০দা য়াওরে লোইননা অফ্রিকাগী মীয়ামগী খো্লাওশু মালেমগী অথোইবা প্লেতফোর্মদা য়ৌবা ঙমহল্লে। মরুপশিং, হৌখিবা চহিদা, বালিদা ভারতনা জি.-২০গী পরেসিদেন্সী ফংলবা মতুংদগী হৌজিক ফাওবদা পাংথোক্লিবা থবক ময়াম অসিনা ঐখোয়বু চাউথোকচবা ফাওহল্লি। অচৌ-অচৌবা থৌরম কয়া দিল্লীদতা পাংথোকপগী চৎনবী লৈরম্বা অদু তোকথোক্তুনা, লৈবাক অসিগী সহর কয়াদা পাংথোক্লি। লৈবাক অসিগী সহর ৬০রোমদা, মসিগা মরি লৈনবা মীতিং ২০০রোম পাংথোকখ্রে। জি.-২০গী দেলিগেতশিংনা চৎলু-চৎলুবা মফমশিংদা, মীয়াম্না হরাও-তয়াম্না ওকখি।দেলিগেতশিংনা ঐখোয়গী লৈবাক্কী দাইভর্সিতরী অমদি ভাইব্রেন্ত দেমোক্রেসী উবদা য়াম্না পেন্নখি। মখোয়না ভারতকী মফদমদা থাজবা থমখি।

মরুপশিং, জি.-২০গী প্রেসিদেন্সী অসি পীপলস প্রেসিদেন্সিনি। মসিদা মীয়াম্না শরুক য়াবগী ৱাখল্লোন্না মাংজিল থারি। জি.-২০দা এনগেজমেন্ত গ্রুপ ১১ লৈ, মসিদা একাদেমিয়া, সিভিল সোসাইতী, নহারোল, নুপীশিং, ঐখোয়গী সংসতশিং, এন্ত্রপ্রেনরশিং অমদি অর্বান এদমিনিস্ত্রেশনগী মরি লৈনবা মীওইশিং অচৌবা থৌদাং লৌরি। মসিগা মরি লৈননা লৈবাক অসিদা পাংথোক্লিবা থৌরমশিংদা মীওই করোর ১.৫ রোমদি হিরম অমা নত্রগা হিরম অমদা শরুক য়ারি । মীয়াম্না শরুক য়ানবা হোৎনবা অসিদা অমুক্তা নত্তনা ৱার্ল্দ রেকোর্দ অনিরক থম্বা ঙমখ্রে। বারানসিদা পাংথোকখিবা জি.-২০ ক্বিজদা স্কুল ৮০০গী মহৈরোই লাখ ১.২৫ রোম্না শরুক য়াদুনা ৱার্ল্দ রেকোর্ফদ থমখ্রে। মফম অদুদা লম্বানি খুৎ-শা হৈবশিংনা মখোয়গী হৈথোই-শিংথোইবা অদু উৎখি। খুৎ-শা হৈবা ৪৫০না চাউরাক্না য়ুনিক পেচেস ১৮০০গী অঙকপা কলেক্সন শেমদুনা মখোয়গী হৈ-শিংবা অমদি ক্রাফসমেনশীপতু ময়ামদা শক তাকখি। জি.-২০দা লাকখিবা মীওই খুদিংমক্না ঐখোয়গী লৈবাক্কী আর্তিস্তিক দাইভর্সিতীসি উবদা পুমঙক ঙকখি। অসিগুম্বা অচৌবা থৌরম অমশু সুত্তা পাংথোকখি। মফম অদুদা পাংথোকপা ‘সারী ৱাকাথোন্দা’, রাজ্য ১৫দগী নুপী ১৫,০০০রোম্না শরুক য়াখি। থৌরম অসিদগী সুরতকী তেক্সতাইল ইন্দস্ত্রীবু পুক্নিং থৌগৎখি, লোইননা ‘ভোকেল ফোর লোকেল’বুশু মপাঙ্গল কনখৎহনখি, লোকেলবু গ্লোবেল ওইনবগী লম্বি য়াৎখ্রে।স্রিনাগরদা জি.-২০গী মীতিং পাংথোকপদগী, কাশ্মিরদা লম কোইবা লাকপা মশিং হেনগৎলক্লি। ঐহাক্না ইরৈবাকচাশিংদা, জি.-২০ সম্মিত অসিবু মাইপাকহন্দুনা লৈবাক্কী মিংচৎ হেনগৎ্ল্লসি হায়জরি।

এগী ইমুংগী মীওইশিং, ‘মন কী বাত’কী থৌরমদা  ঐখোয়গী নহাশিংগী তৌবা ঙম্বা কয়াগী মতাংদা য়াম্না তোইনা খন্ন-নৈনৈ। ঙসি শান্ন-খোৎনবগী লম অসিদা, ঐখোয়গী নহাশিংনা লেপ্পা লৈতনা মাইপাকপা পুরক্লি। ঙসিগী ‘মন কী বাত’কী থৌরম অসিদা ঐখোয়গী শান্নরোইশিংনা, লৈবাক অসিগী ফিরাল ৱাংনা পাইহনখিবা তোর্নামেন্ত অমগী মতাংদা ৱাফম খরা হায়জগে। নুমিৎ খরগী মমাংদা চাইনাদা ৱার্ল্দ য়ুনিভর্সিতী গেম্স পাংথোকখি। মসিদা ভারতকী বেস্ত ইভর পার্ফোর্মেন্স হায়বদু ওইখি। ঐখোয়গী শান্নরোইশিং পুন্না মেদল ২৬ ফংবা ঙমখি।  মসিদা গোল্দ মেদল ১১নি। ১৯৫৯দগী ৱার্ল্দ য়ুনিভর্সিতী গেম্স কয়া শরুক য়ারকপা অসিদা হৌজিক ফাওবদা পুন্না মেদল ১৮ খক্তমক ঙাইরি। দিকেদ কয়াসিদা, শুপ্নতংগী মেদল ১৮ অদুবু হন্দক্তি ঐখোয়গী শান্নরোইশিংনা মেদল ২৬ ফংবা ঙমখ্রে। ৱার্ল্দ য়ুনিভর্সিতী গেম্সতা মেদল ফংলক্লবা শাত্র নহা শান্নরোইশিং ফোন লাইনদা লৈরে। মখোয়গী মতাংদা ঐনা হান্না তাকচগে। য়ু.পি. লৈবি প্রগতিনা আর্চরীদা মেদল ফংখি। অসামদা লৈবা অম্লাননা এথলেতিক্সতা মেদল ফংখি। য়ু.পি.দা লৈবী প্রিয়াঙ্কানা রেস ৱাকতা মেদল ফংখি। মহারাস্ত্রদা লৈবী অভিদন্যানা শুতিংদা মেদল ফংখি।

মোদী জী :- ঐগী নহা শান্নরোইশিং, খুরুমজরি।

নহা শান্নরোইশিং :- খুরুমজরি সর।

মোদী জী :- নখোয়গা ৱারি শাবা ফংবসি য়াম্না নুংঙাইরে। অহানবদা, ভারতকী য়ুনিভর্সিতীশিংদগী খনগৎলক্লবা তীম নখোয়না লৈবাক্কী মিংচৎ পুরকপগীদমক্তা য়াইফ-পাউজেল পীজরি। ৱার্ল্দ য়ুনিভর্সিতী গেম্সতা নখোয়না ফজরবা পার্ফোর্মেন্স পীদুনা লৈবাক অসিগী মীপুম খুদিংমক্না চাউথোকচনবা তাঞ্জা পীনবীরে। মর অদুনা নখোয়বু য়াইফ-পাউজেল পীজরি।

প্রগতি, ৱারি শাবসে নঙোন্দগী হৌরগে। নহাক্না মেদল অনি ফংবা ঙম্লক্লে, মসি ফংগনি হায়বসি হান্নদগী খনখিবরা? য়াম্না চাউনা মাইপাকপসিদা নশাদা করি ফাওই?

প্রগতি :- সার, ঐখোয়গী লৈবাকাক্কী ফিরাল য়াম্না ৱাংনা পাইহনবা ঙম্বসিদা, ঐ য়াম্না চাউথোকচবা পোকই। অহানবদা গোল্দ ফাইত য়ৌরম্বদগী লুজ তৌবা মতমদা য়াম্না নিংহন্নবা পোকখি। অদুবু অনিরক শুবদা মখা শুংতা তাহনবা য়াদে হায়বা ৱাখলদা লেপখি। অকোনবদা ফাইত অদু মাইপাকখি, পোদিয়মদা ঐখোয়না ফজনা সেলেব্রেত তৌখি। ঐখোয়না অদুক্কী মতিক নুংঙাইখি। লৈবাক্কীদমক্তা চাউথোকচবা পোকখি।

মোদী জী :- প্রগতি, নহাক ফিজিকেল্লী য়াম্না প্রোব্লেম ওইখিবনি। মদুদগী নহাক ফগৎলক্তুনা হোৎনরকখিবনি। মসি লৈবাক অসিগী নহাশিংগীদমক্তা তমজনিংঙাইনি। করি তৌখিবনো অমুক্তা হায়য়ু?

প্রগতি :- সার, মে ৫, ২০২০দা, ঐহাক ব্রেন হেমরেজ তৌখি। ভেন্তিলেতরদা লৈখি। ঐ হিংগনি, শিগনি হায়বা তম্বা ঙমখিদে, হিংলবশু ঐ করম্বা ফিভমদা লৈগনি হায়বা তম্বা ঙমখিদে? অদুবু ঐঙোন্দা থৌনাদি নিংহন্নখিদে, গ্রাউন্দা লেপ্তুনা তেন কাপখিগনি হায়না অদুমক লেপখি। ঐগী পুন্সি অসি তাইবং মপুনা কনবীরকপনি, মথংদা দোক্তর অমদি আর্চরীনা।

মোদী জী :- ঐখোয়গী ইরক্তা, অম্লানশু লৈরি। অম্লান, এথলেতিক্সতা পুক্নিং চংলকখিবসি মতৌ করম্ননো!

অম্লান :- নমস্তে সার।

মোদী জী :- নমস্কার, নমস্কার

অম্লান :- সার, অহানবদদি এথলেতিক্সতা ঐ য়াম্না খোইদারমদে।  হান্নদি ঐহাক ফুতবোলদনা হেন্না কোইদারম্মি। অদুবু ঐগী ইয়াম্বগী মমান্নবনা অমনা ঐসে এথলেতিক্সকী কমপিতিশন্দা শরুক য়াও হায়না হায়রকখি। ঐশু ফরে হায়দুনা স্তেত মীত্তা শরুক য়াখি অদুবু ঐ মাইথিখি। মাইথিবসি ঐনা শুকপাম-পামখিদে। অদুদগী মথং-মথং লাক্তুনা এথলেতিক্সতা চংশিল্লে। হৌজিক্তি য়াম্না নুংঙাইরে। পাম্বশু য়াম্না হেনগৎলে।

মোদী জী :- অম্লান প্রক্তিস তৌবদি, অয়াম্বা মতমদা কদাইদা তৌই!

অম্লান :- অয়াম্বা মতমদা হাইদ্রবাত্তা, সাই রেদ্দী সারগী লমজিং মখাদা প্রক্তিস তৌই। অদুদগী ভুবনেশ্বরদা হোংলক্তুনা প্রোফেস্নেল্লী প্রক্তিস তৌবা হৌরে।

প্রিয়াঙ্কাশু লৈরি। প্রিয়াঙ্কা, নহাক ২০ কিলোমিতর রেস ৱাক্তা য়াওখিবনি। লৈবাক শিনবগী মীওইনা তারিবনি। মখোয়না স্পোর্তস অসিগী মতাংদা খঙবা পাম্মি। মশান্না অসিগী করি- করম্বা স্কিল মথৌ তাই হায়বা খরা হায়য়ু। লোইননা নহাক্কী কেরিয়র অসি কদাই-কদাইদগী লাক্তুনা হৌজিক করম্বা ফিভমদা লৈরে।

প্রিয়াঙ্কা :- ঐগী মশান্না অসি য়াম্না লুবা অমনি। মসিদা জজ ৫ লৈগনি। করিগুম্বা, চেল্লুরবা, চোংলুরবা, জজনা মপান থোকহল্লক্কনি, লোইননা কম্লাক কোল্লুরবশু জজনা মপান থোকহল্লক্কনি। ঐ হন্দক্কী মতাং অদুদা ৱার্নিং অনি ফংখি। অদুদগী ঐনা তীমগীদমক্তা মেদল লৌগদবনি খন্দুনা স্পীত ফজনা কন্ত্রোল তৌখি। মরমদি, মফম অসিদা লৈবাক্কীদমক্তা লাকখিবনা, খুৎ হাংনা হনবা পামখিদে।

মোদী জী :- হোই, অদুগা পাবুং, ইবুং-ইপ্বাদি লোইনা নুংঙাইরিকো?

প্রিয়াঙ্কা :- হোই সার, ময়াম পুম্নমক নুংঙাইরি। সারনা ঐখোয়বু অশুক্কী মতিক পুক্নিং থৌগৎপী হায়দনা ঐগী পুম্নমক্তা পাউদম্লিবনি। তশেংনমক্কীশু, সার, য়াম্না নুংঙাইবা ফাওজৈ। ৱার্ল্দ য়ুনিভর্সিতী গেম্স অসি ভারত্তদি কনামত্তনা খঙবীদে। অদুবু হৌজিক্তি শান্নবগী লমদা সপোর্ত য়াম্না ফংবা হৌরে। ত্বীত কয়াদশু উবা ফংলে। ঐখোয়না মেদল কয়া অমা ফংবা ঙম্লে। ত্বীত্তা মতরাং কাইনা ইরি। য়াম্নশু নুংঙাই। ওলেমপিক্তা মেদল ফংলকপগুম ফাওই। মসিনশু ময়াম্নশুং পুক্নিং থৌগৎপীরি।

মোদী জী :- প্রিয়াঙ্কাবু ঐগী মাইকৈদগীশু থাগৎপা ৱাহৈ থম্লি। অদোম্না লৈবাক্কী মিংচৎ পুরক্লি। য়াইফবতা ওইবীয়ু। হৌজিক অভিদান্যাগ অমুক ৱারি শারসি।

অভিদন্যা :-  খুরমজরি সার।

মোদী জী :- খুরুমজরি, ইশাগী মতাংদা খরা তাসি।

অভিদন্যা :- সার ঐ মহারাস্ত্রগী প্রোপর কোলাপুরদগীনি। ২৫ মিতর্স স্পোর্তস পিস্তল অমদি ১০ মিতর্স এয়র পিস্তল ইভেন্ত অনি অসি ঐহাক শান্নজৈখ। ঐহাক্কী ইমা-পাবুং হাইস্কুলগী ওজানি। ২০১৫দগী শুতিং তম্বা হৌরককি। শুতিং তম্বা হৌরকপদা, মতমদুদা কোলাপুরদা খুদোংচাবা কয়া ফংখিদে। বস তোংদুনা ৱাদগাওনদগী কোলাপুর ফাওবা চৎপদা, পুং ১.৩০ চংখি, হল্লকপগী পুং ১.৩০ অমুক্কা, ত্রেনিংদা পুং ৪, অসুম্না চত্থোক-চৎশিন অমদি ত্রেনিংগা পুন্না পুং ৬ – ৭ চংখ্রবনিনা স্কুলশু চৎপা ঙমদনা তোকপা কয়া য়াওখি। মদুদা, ইমা-পাবুংনা হায়রকখি, থাংজ- নোংমাইজিংসিদি শুতিং রেঞ্জতা মখোয়না থিনবীগে, অতৈ নুমিৎ খৈদনা অতোপ্পা মশান্নদা মাই ওন্সিল্লু হায়দনা, মরম অসিনা মশান্না কয়া অমা ঐনা শান্নরকপা ফংখি। ঐগী ইমা-পাবুং অনিমক শান্নবদা থৱাই য়াওজরবশু, শেল-থুমগী ফিভমদি ফত্তবনা, মখোয়না করিশু অহেনবা তৌবদি ঙম্লমদে। য়াম্না হেন্না খঙ-হৈবশু নৎচদে মখোয়, অদুনা ইমাগী মঙলান ওইরম্মি। লৈবাক্কী মীহুৎ ওইনা চত্তুনা মেদলশু লৌগদবনি হায়বসি ইমানা তত্তনা হায়বা ৱাহৈশিংনি। ইমা মঙলানবু অশেংবদা ওন্থোক্নবা, অঙাং ওইরিঙৈদগী শান্ন-খোৎনবদা থৱাই-হকচাং য়াওনা চংশিনখি। তাইক্বোন্দো ব্লেক বেল্তনি। বোক্সিং, জুদো, ফেন্সিং অমদি দিস্কস থ্রো মশান্নশিংসিদা শান্নরবা মতুংদা, ইং ২০১৫দগী শুতিং মশান্নদা চংশিনখি।  চহি ২-৩ ঐ য়াম্না স্তধ্রগল তৌখি, য়ুনিভর্সিতী চেমপিয়নশিপ্তা মলেসিয়া চৎনবগীদমক্তা ঐহাক খল্লকখি, মদুদা ব্রোঞ্জ মেদলশু ফংজরকখি। মসিদগী ঈথিল অমশু ফংলকখি। মসিদগী ঐখোয়গী স্কুলনা শুতিং রেঞ্জ অমশু শেম্বীখি, মফম অদুদা ঐহাক ত্রেনিং চতথখি, অদুগী মতুং, ঐবু ত্রেনিং মখাতানা চত্থনবগীদমক্তা পুনেদা থাবীখি। মফম অদুদা গগন নরায়ন স্পোর্তস ফাউন্দেশনগী গন ফোর গ্লোরীগী মখাদা ত্রেনিং লৌরকখি। গগন সরনা ঐবু য়াম্না সপোর্ত তৌবীরকখি। ঐগী গেম্সতা পুক্নিং থৌগৎপীখি।

মোদী জী :- য়াম্না ফরে, নখোয় মরি ঐঙোন্দা করি করম্বা ৱাফম হায়নিংবা লৈ, ঐ তানবা ঙাইরিবনি। প্রগতি, অম্লান, প্রিয়াঙ্কা অমসুং অভিদান্যা। হায়য়ুনে, নখোয় মরিগী ৱাহৈ খরশু পাউদম্লকউ। হৌজিক ঐগা ৱারি শান্নরিঙৈসিদা।

অম্লান :- সার ৱাহং অমখক্তং হংজগে।

মোদী জী :- হংবীয়ু।

অম্লান :- সার, সারনা খ্বাইদগী পামজবা মশান্নসি করিনো?

মোদী জী :- শান্নবগী তাইবংদা, ভারতনা য়াম্না চাউথোকচফম থোকই। ঐদি লম অসিবু পুক্নিং য়াম্না থৌগৎলি, হোকী, ফুতবোল, কবাদ্দি, খো-খো মশান্নশিং অসি ঐখোয়গী লৈবাক্কা শাগোন্ননা চৎমিন্নরকপা মশান্ননি। মশান্নশিং অসিদা ফাওবদি, ঐখোয় মনিংদা লৈহৌফম থৌক্তে, আর্চরীদা ঐখোয়গী শান্নরোইশিংনা ফজবা পার্ফোরমেন্স উৎলি, শুতিংদশু য়াম্না ফজনা পার্ফোর্ম তৌরি। অদুগা ৱাফম অমনা ঐখোয়গী নহাশিং, ইমুংগী মীওইশিংদা, শান্ন-খোৎনবগী লমদা ৱাখল্লোন অমা হোংলকপগুম উবা ফংলে। হান্না লৈরম্বা মিৎয়েং অদু হৌজিক লৈত্রে। হান্নদি অঙাংশিং শান্নবা চৎপদা খাম্বীখিবা ঙাক্তনি। হৌজিক্তি মদুগী ফিভমদু নত্রে। অদোম্না মেদলশিং পুবীরক্লিবা ময়াম অদুনা ইমুং কয়া-কয়াবু পুক্নিং থৌগৎলি। মশান্না অমদা হেক্তা চংখিবদা, মাইপাক্তুনা লৈবাক্কী মিংচৎ পুরকই। মসিগী পাউশিংশু , খবরগী চেফোংশিংদা হেদলাইন ওইরি। স্কুল কোলেজশিংদা খন্ন-নৈনৈ। য়াম্না নুংঙাইরে! নখোয় ময়ামগা ৱারিশু শারে। ঐগী মাইকৈদগী হন্না-হন্না থাগৎচরি। য়াইফবতা ওইবীয়ু।

নহা শান্নরোইশিং :-  য়াম্না নুংঙাইজৈ! থেঙ্ক্যু সার!

মোদী জী :- থাগৎচরি! খুরুমজরি।

এগী ইমুংগী মীওইশিং, হন্দক্কী ওগস্ত ১৫দা লৈবাক্না ময়াম পুন্না হোৎনবগী শক্তি অদু উবা ফংখ্রে। লৈবাক মচা পুম্নমক্কী হোৎনজমন্না হর ঘর তিরঙ্গা অভিয়ানবু, হর মন তিরঙ্গা অভিয়ান ওইহল্লে। অভিয়ান অসিগী মনুংদা রেকোর্দ কয়া অমশু থমখি। ইরৈবাকচাশিংনা ভারতকী মচু অহুমগী ফিরালশিং করোর ৩গী মথক্তা লৈনখি। পোস্ত ওফিস লাখ ১.৫গী কুত্থাংদা, ফ্লেগ করোর ১.৫০ রোম য়োনখি। মসিনা ঐখোয়গী থবকশুবশিং, ফি শাবশিং, মরু ওইনা নুপী ওইবীশিংগী আই তানবগী হিরমদা কান্নবা পীখি। মচু অহুমগী ফিরালগা লোইননা, সেল্ফী নম্দুনা থাগৎপদা, ইরৈবাকচাশিংনা অনোবা রেকোর্দ থমখ্রে। মমাং চহিগী ওগস্ত ১৫ ফাওবদা, ইরৈবাকচাশিং করোর ৫ রোম্না মচু অহুমগী ফিরালগা লোইননা সেল্ফী থাগৎখি। হন্দক্কী চহিদা মসি করোর ১০ হেনখি।  

মরুপশিং, হৌজিক মতম অসি ‘মেরি মাতি, মেরা দেশ’ ইরৈবাক নিংবগী ৱাখল্লোন অসিদা ইহৌ শাগৎলি। লাক্লিবা সেপ্তেম্বর থাসিদা, খুঙ্গং খুদিংমক্তা, য়ুমথোং খুদিংমক্তগী লৈবাক খরা-খরা পুনশিনবগী থবক হৌরগনি। ওক্তোবরগী অরোইবা ফাওবা অমৃত কলশকী খোংচৎ লিসিং কয়া কয়া দেশকী রাজধানিদা থুংলগনি। হায়রিবা লৈবাকশিংসিনা দিল্লীগী অমৃত ভাতিকা শেমগৎপা হৌগনি। লৈবাকসিগী মীওই কয়ানা, অসিগুম্বা থবকশিং অসিবু মাই শোইদনা পাকহনগনি হায়বসি ঐহাক্না থাজজৈ।

ঐগী ইমুংগী মীওইশিং, হন্দক্তি ঐনা সংস্কৃত লোলদা চিথি কয়ামরুম ফংঙি। মসিগী মরমদি, থৱান থাগী পুর্নিমা অসিদা মালেমগী সংস্কৃত নুমিৎ হায়না পাংথোক্লি।

সর্বভ্যা বিস্বা সংস্কৃত দিৱস্যা হারদয়াহা সুভকাম্মনাহ

ময়াম পুম্নমকপু মালেমগী সংস্কৃতকী নুমিৎ অসিদা হন্না-হন্না নুংঙাইবা ফোংদোকচরি। সংস্কৃত হায়বা লোল অসি খ্বাইদগী লিরবা লোল অমনি। লোল অসি অনৌবা লোল ময়াম অসিগী অপোকপীনি। সংস্কৃত লোল অসি অরিবা লোল অমা ওইবগা লোইন-লোইননা বিগ্যানগী অমসুং ব্যাকরনগী হৌরকফম্নি। চহি লিশিং কয়াগী মমাংদগী লৈরক্লবা অরিবা সভ্যতাগী গ্যান লৌশিং কয়া সংস্কৃত লোলদা ফংঙি। য়োগ, অয়ুরভেদ অমসুং ফিলোসোফী হায়রিবা বিসয়শিং অসিদা রিসর্চ কয়ামরুম অমশু হায়রিবা মাইকৈ অসোমদা থবক তৌরি, থিজিল্লি। মদুদি সংস্কৃত প্রোমোশন ফাউন্দেশন, সংস্কৃত ফোর য়োগ, সংস্কৃত ফোর অয়ুরভেদ অমসুং সংস্কৃত ফোর বুধিজম অসিনচিং কোর্স কয়ানি। ‘সংস্কৃত ভার্তী’না মীওই কয়াবু সংস্কৃত তম্বীবগী থবক চত্থরি। মসিদা অদোম্না নুমিৎ ১০নিগী ‘সংস্কৃত ভাশন শিৱির’দা শরুক য়াবা য়াগনি। ময়াম্না সংস্কৃত লোলবু য়াম্না মরু ওইনা লৌবসি উবদা, ঐহাক য়াম্না হরাওবা পোকই। হৌখিবা চহি কয়াগী মমাংদগী মরু ওইবা থৌদাং কয়া লৈ। মসিদা সংস্কৃত দীম য়ুনিভর্সিতী ৩ লৈ। মসি ২০২০দা সেন্ত্রেল য়ুনিভর্সিতী ওন্থোকখ্রে। তোঙান-তোঙানবা সহরশিংদা সংস্কৃত বিস্ববিধ্যালয়, কোলেজ কয়া অমশুং ওর্গানাইজেশন কয়া লিংখৎলে। আই.আই.তি অমশুং আই.আই.এম. হায়রিবা ওর্গনাইজেশনশিংদা সংস্কৃত কেন্দ্রশু থম্লি।

মরুপশিং, অদোম্না শোইদনমক পুক্নিং ফাওবীরমগনি। ঐখোয়গী সংস্কৃতিগা খুৎশম্নবা ঐখোয়গী চৎনবী, ঐখোয়গী ইমা লোল। ঐখোয়না ঐখোয়গী ইমা লোলগা শম্নজবগুম সংস্কৃতকী চৎনবীগশু শম্নৈ। মসি ঐখোয়গী থাইনদগী লৈরক্লবা ইরলনি। অসুম্না ভারত্তশু তেলিগু লোলশু ইমা লোল অমনি। ওগস্ত তাং ২৯ অসি তেলিগু দিবস পাংথোক্লি।

অন্দারিকি তেলিগু ভাশা দিনোতসব শুভকাঙ্কশলু

পুম্নমকপু তেলিগু দিবসনা লাকপসিদা হন্ন-হন্না থাগৎচরি। তেলিগু লোন্দা সহিত্যগী ওইবা অথোইবা ভারত্য সংস্কৃতীগী মমল য়াম্লবা মগুন কয়া লোত্তুনা লৈরি। তেলিগু লোনগী পুক্কৈদগী কান্নবা কয়া লৈবাকসিনা ফংলি।  

ঐগী ইমুংগী মীওইশিং, ‘মন কী বাত’কী তাঙ্ককসিদা তুরিজমগী মতাংদা খন্নখি। পোৎশকশিং মফমশিংবু বু ইশানা য়েংজবা, খঙজবা, খঙনবা হোৎনবসিনা মিৎকুপ খরদং অনৌবা তোঙাননুংঙাইবা পীরি।

মীয়াম্না সমুদ্রগী ফজবা ময়ামশিং শিংথানরবশু, সমুদ্রবু উরদ্রগদি মদুগী ফজবা নিংথিবা কয়াদুগী মরদা খঙবা ঙমদে। কনা অমনা হিমালয়গী নিংথিবা ফজবা কয়া শিংথারবশু, মদুবু উরুদ্রগদি, ফজবদু খঙবা ঙম্লোই। মরম অদুনা অদোম্না তাঞ্জা ফংলগদি, লৈবাক অসিগী ফজবা, ঐখোয়গী দাইভর্সিতী শোইদনা য়েংবা চৎপীয়ু। ঐখোয়না মফম কয়া কোইনা চৎলবশু, ঐখোয়গী সহরশিং অমসুং রাজ্যশিংদা য়েংবা য়াবা অফবা মফম কয়াশু লৈরি।

মীওই খরা অমদি মশাগী স্র অমশুং ইতিহাসকা শাগোন্নরবা মফমশিংগী মরমদা নিংথিনা খঙদে। নোংমা ধনপাল জীদশু থোক্লম্মি, ধনপাল জী বেঙ্গলুরুগী ত্রান্সপোর্ত ওফিসকী দ্রাইভরনি। চহি ১৭কী মমাংদা, মহাক সাইত সীয়িং ৱিংগী থৌদাং লৌরম্মি। মহাকপু হৌজিক্তি বেঙ্গলুরু দর্সিনি হাইনা খঙনরে। ধনপাল জীনা লম কোইবশিংবু সহরগী তোঙান-তোঙানবা মফমশিংদা য়েংবদা লমজিংঙি। অসুম্না তুরিস্ত ত্রিপ অমদা, তুরিস্ত অমনা বেঙ্গলুরুদা তেঙ্কপু সেনকি তেঙ্ক করিগী কৌরিবনো হায়না হংলকই। মহাক্না মদুগী পাউখুম খঙলমদে। মদুদগী মহাক্না খঙননবা য়াম্না কন্না হোৎনরম্মি। মহাক্কী লৈরম্লিবা পোৎলমশিং অদুবু খঙননবা হোৎনবা অসিদা নুংদা হক্তুনা থম্লম্বা পোৎলম কয়া থেংনখি। মহাক্না অদুক্কী মতিক পুক্নিং চংখ্রে। হায়রিবা থবক অসিদা ধনপাল জী, ইপিগ্রাফী, হায়বদি নুংদা হক্তুনা ইবশিংগী নৈনবা হিরমদা দিপ্লোমাশু তৌথোক্লে। হৌজিক্তি মহাক থবক্তগী পোত্থারে অদুবু বেঙ্গলুরুগী পুৱারিদা নৈনবদদি তোক্ত্রি।

মরুপশিং, ব্রিয়ান দি. খরপ্রানগী মতাংদা ৱাফম খরদং পঞ্জবদা নুংঙাইবা পোকচৈ। মহাক মঘালয়াদগীনি। মহাক্না স্পেয়িলোলোজীগী মতাংদা থৱায় য়াম্না য়াওই অরাইবা লোলদা হায়রগা, মসিগী আর্থ অসি কেবশিংগী মরমদা নৈনবা, মহাক্না ৱারি মচা কয়া পাবদগী ইন্তরেস্ত অশি লৈরকখিবনি। ১৯৬৪দা মহাক্না স্কুলগী মহৈরোই অমা ওইনা অহানবা এক্সপ্লোরেশন তৌখি। ১৯৯০দা মহাক্না মহাক্কী মরুপশিংগা পুল্লগা এসোসিয়েশন অঞা লিংখৎখি। লোইননা মঘালয়াগী ময়াম্না খঙনদবা কেবশিংগী মরমদা খঙনবা হোৎনখি। অসুম তৌনা মহাক্না মহাক্কী তীমগা লোইননা, মেঘালয়াগী কেব ১৭০০ হেনবা থিদুনা পুথোকখি অমসুং রাজ্য অসিবু ৱার্ল্দ কেব মেবতা য়াওহনখি। ভারতকী খ্বাইদগী শাংবা অমশুং লুবা কেবশিং খরদি মেঘালয়াদা লৈ। ব্রিয়ান জী অমশুং মহাক্কী তীম্না কেব ফাউনা, হায়বদি কেবশিংদা লৈবা মালেমশিংগী মফম অতৈদা ফংদ্রবা, থৱায় পানবা জিবশিংগী মরমদা থিজিনখি। ঐহাক্না তীম অসিনা তৌরিবা থবকশিং অদুবু থাগৎচরি, লোইননা ময়ামশু মঘালয়াদা চৎপীদুনা কেবশিং অদু য়েংবীরুনবা প্লান শিনবীয়ু।

ঐগী ইমুংশিংগী মীওইশিংদা হায়জনিংবা অমনা, দেরী সেক্তর অসি ঐখোয়গী লৈবাক্কী ওইবা য়াম্না মরু ওইবা সেক্তর অমনি। মসিনা ঐখোয়গী ইচে-ইচলশিংগী পুন্সিদা য়াম্না অচৌবা অওনবা অমা লাকহনবদা য়াম্না মরু ওইরবা থৌদাং অমা লৌরি। এসিয়াগী ওইনা খ্বাইদগী চাউবা দেরী অমা ওইনা খঙনরিবা গুজরাতকী বানস দেরীগী য়াম্না ইন্তরেস্তিং ওইবা ইনিসিয়েতিব অমগী মতাংদা পাউ অমা ফংজখি। মফম অসিদা, নুমিৎ খুদিংগী ওইনা, চাউরাক্না শঙ্গোম লিতর লাখ ৭৫মুক প্রোসেস তৌদুনা পুথোকপা ঙম্লি। মসিদগী অতোপ-অতোপ্পা স্তেতশিং থাবগী থবক তৌরি। মসিবু মতম চানা দেলিভরী তৌননবা তেঙ্করশিং নত্রগা শঙ্গোমগী ত্রেনশিংদা শিজিন্নৈ। অদুবু মসিমকশু অরাইবা খক ওইখিদে। লোদিং-অনলোদিং তৌবনচিংবদা মতম য়াম্না চংঙি। অদুগা অমনা শঙ্গোম য়াম্না বিন্ধা ওন্দুনা মাংঙি, অসিগুম্বা অৱাবা ফিভম অসি মায়োক্নবা ঙম্নবা, ভারতকী রেলগী ওইবা, অনৌবা থৌওং অমা পাইখৎলি। রেলৱেনা ত্রক ওন ত্রেক কৌবা অনৌবা থৌওং অসিগা মরি লৈননা, পাল্লমপুরদগী ন্যু রেৱারি ফাওবা থবক পাইখৎখি। ত্রক ওন ত্রেননা পীবা খুদোংচাবসি অদুক্কী মতিক পেনবা হায়বদু থোকই। মরমদি, মসিগী মতেংনা শঙ্গোমগী ত্রকশিংবু ত্রেনগী মথক্তা থৌগৎহন্দুনা ত্রান্সপোর্তেশনগী অৱাবশিং অদুবু কোকহল্লি। মসিনা অৱাবা ময়াম অমা কোকহন্দুনা য়াম্না লাইনা মতম ইচং-চংহন্দনা শঙ্গোম য়ৌহনবা ঙম্মি। হায়রিবা থবকসি হান্নদি ৱানা পুং ৩০ চংনা হোৎনরম্বনি। মসিদা নত্তনা গারিগী ইঞ্জিনগী চংলম্বা খর্জ কয়াদা নত্তনা, অমোৎপা মৈখু থোকহনবদগীশু কনবা ঙম্লে। লোইননা, গারি দ্রাইভরশিংগী হিংবগী পুন্সি লম্বিদশু কান্নবা কয়া পীরি।

মরুপশিং, ঐখোয়গী শঙ্গোম দেরীশিং কয়া অমশুং অনৌবা ৱাখল্লোন লাকপদগী, কেলক্তিব ইফর্তকা লোইননা মাংলোমদা অসুম চংশিনবা ঙম্মি। অকোইবগী ঈশিং-নুংশিৎপু য়োকখৎপগী মতাংদশু, বানস দেরীনা করি করি থবক-থৌরম পাইখত্তুনা মাংলোমদা চংশিল্লি হায়বসি ঐখোয়না সীদবোলগী উ-পাম্বী থাবগী খোংজংগী মতাংদগী খঙা ঙম্মি। মেন্যুর মেনেজমেন্ত তৌদুনা, বারানসিসি মিল্ক য়ুনিয়ন্না ঐখোয়গী লৌমীশিংগী ইনকম হেনগৎহনবদা মতেং পাংঙি। কেরলাগী মালাবার মিল্ক য়ুনিয়ন দেরীনা হোৎনজবা অদু অঙকপগী মশক অমা ওইখি। দেরী অসিনা শং-শনগী ওইবা লাইনা কয়া লাইয়েংদুনা আয়ুরবেদিক মেদিসিনশিং চাউখৎহন্নবগী মাইকৈলোমদা কন্না চংশিল্লি। 

মরুপশিং, হৌজিক্কী মতম অসিদা মীওই কয়ানা ঙসিদি দেরীবু শিজিন্নদুনা, হেন্না দাইভর্সিইফাইদ ওইবা মওংদা ওইহল্লে। মতাং অসিগা মরি লৈননা, রাজস্থানগী কোতাদা, দেরী ফার্ম চলাইরিবা, অমনপ্রীত সিংগী মরমদা খঙহঞ্জনিংঙি। মহাক্না দেরীগী থবক অসিগা লোইননা বায়ো গ্যাস শিজিন্নবগী মাইকৈদা খোং থাংজিন্দুনা, বায়োগ্যাস প্লান্ত অনিশু লিংখৎখি। মসিনা মরম ওইরগা মৈ শিজিন্নবগী চাং চাদা ৭০ হন্থহল্লি। মহাক্কী অসিগুম্বা থবক অসিনা লৈবাক্কী অতৈ দেরী ফার্মরশিংবুশু লম অসোমদা থৱায় চংশিলহল্লি। অদুনা ঙসিদি দেরী কয়া বায়োগ্যাসকী থবক অসিদা পুক্নিং চঙশিন্নরে। মতৌ অসিগুম্বা কম্যুনিতী দ্রিভন ভেল্যু এদিশন অসিনা পুক্নিং থৌগৎপদা মতেং পাংঙি। লৈবাক পুম্বদা, ত্রেন্ত অসি লেপ্পা লৈতনা চত্থগনি হায়বগী থাজবা থমজগে।

ঐগী ইমুংগী মীওইশিং, মন কী বাত্তা ঙসিগী ওইনা হায়রিবশিং অসিখক থমজগে। হৌজিক্তি কুম্মৈ হরাওগী মতমশু নকশিল্লক্লবনি, ময়াম পুম্নকপু রক্সা বন্ধনগী য়াইফ-পাউজেল পীজরি। কুম্মৈ হরাওবা শরুক য়াবা মতমদা, ভোকেল ফোর লোকেলগী মন্ত্রবু শোইদনা নিংশিংবীয়ু। ‘আত্মানির্ভর ভারত’ হায়রিবা খোংজং অসি লৈবাক প্রজা পুম্বগী ওইবা মশা-মশাগী খোংজং অমনি। কুম্মৈ হরাওগী ওইবা মফমশিং অমদি অকোইবদা লৈবা মফমশিংবু ঐখোয়না লু-নান্না থমগদবনি; মদুবু কাওবীগনু মতম চুপ্পদা। মথংগী তাঞ্জা অমদা ‘মন কী বাত’তা অতোপ্পা হিরম কয়া অমগা লোইননা অমুক থেংনখিসি। লৈবাক্কী প্রজা কয়ামরুমগী হোৎনবগী মাইপাকপগী ৱারি কয়া অমগী মতাংদা অমুক খন্নখিসি। মতম অদুফাওবতংদি কাইনয়াথং পীনবীসি।

থাগৎচরি, খুরুমজরি।

ঐগী নুংশিজরবা ইরৈবাকচাশিং, খুরুমজরি।

‘মন কী বাত্তা’ নখোয় পুম্নমকপু তরাম্না ওকচরি। জুলাই হায়বা থা অসিদি নোংজুথানি, নোং চুবা থানি। মহৌশাগী খুদোংথিবশিংনা মরম ওইদুনা হৌখিবা নুমিৎ খরনি অসি ৱাখল ৱাবা অমসুং অৱাবনা পীক থনখি। য়মুনা য়াওনা তুরেল কয়া ঈশিং চাউবনা মফম কয়াদা মীয়াম্না চৈথেং নংখি। চীংগী মফমশিংদা চীং নীংখাইবগী থৌদোকশিংসু থোকখি। চৈরক অসিদা লৈবাক্কী নোংচুপ থংবা শরুক ওইরিবা গুজরাতকী মফমশিংদা মতম খরগী মমাংদা বিপরজয় সাইক্লোনগী চৈথেং নংখি। অদুবু মরুপশিং খুদোংথিবশিং অসিগী মরক্তা ঐখোয়গী ইরৈবাকচা পুম্নমক্না অপুনবগী শক্তি অদু মাংদা পুথোকখি। মফমশিং অদুগী মীয়াম, ঐখোয়গী NDRF জৱানশিং, মফমশিং অদুগী লৈঙাক্কী মীওইশিংনা অসিগুম্বা খুদোংথিবশিং অসি লাকশিন্নবা অয়ুক নুমিদাং খাইদনা কন্না হোৎনখি। ঐখোয়গী তৌবা ঙম্বশিং অমসুং রিসোর্সশিংনা খুদোংথিবা অমা হেক্তা লাকশিনবদা অচৌবা থৌদাং লৌরি – অদুবু হায়রিবা তানফম অসিদা ঐখোয়না ৱাখল নীংথিনা খনবা অমসুং হেন্দ-হোল্দিংগী ৱাখল্লোন চেনবা অসি চপ মান্ননা মরু ওই। সর্বজন হিতায়াগী ৱাখল্লোন্না ভারতপু মশক তাক্লি লোয়ননা ভারতকী শক্তি ওইরি।

মরুপশিং নোংজুগী তাঙ্কক অসি ‘উ থাবা’ অমসুং ‘ঈশিং য়োকশিনবগীদমক্তসু’ চপ মান্ননা মরু ওই। ‘আজাদি কা অমৃত মহোৎসব’ মনুংদা অমৃত সরোভর লিশিং 60 হেন্না শাখিবা অদুসু মখোয়গী মশেক-মঙাল থাদোরকপা হেনগৎলক্লি। হৌজিক্কী ওইনা অমৃৎ সরোভর লিশিং 50 হেন্না শাবগী থবক চত্থরি। ঐখোয়গী ইরৈবাকচাশিংনা মপুং ফানা ৱাখল তানা অমসুং থৌদাং লৈনা ‘ঈশিং য়োকশিনবগী’ অফবা খোঙথাংশিং পাইখৎলি। নখোয়না নীংশিংলমগনি, মতম খরগী মমাংদা ঐহাক্না M.P.গী শাহদোলদা চৎখি। ঐহাক্না মফম অদুগী পাকারিয়া খুঙ্গংগী ত্রাইবেল ইচিল-ইনাওশিংগা উন্নখি। মফম অদুদা ঐহাক্না মখোয়গা লোয়ননা মহৌশাগী ফীভম কন্নবা অমদি ঈশিং য়োকশিনবগী মতাংদা খন্নখি। হৌজিক্তি ঐহাক্না পাকারিয়া খুঙ্গংগী ত্রাইবেল ইচিল-ইনাওশিংনা মসিদা থবক পাইখৎপা হৌখ্রে হায়বা খঙবা ঙম্লে। মফম অসিদা লৈঙাক্কী মতেংগা লোয়ননা মীয়াম্না গুহা কয়া ৱাতর রিচার্জ সিস্তেমশিংদা ওন্থোকখি। নোংগী ঈশিংনা গুৱা অসিদা তারি অমসুং গুৱাশিংদগী ঈশিং অদুনা লৈনুংদা চেনশিল্লি। মসিনা মফম অসিগী গ্রাউন্দ ৱাতর লেবেল তপ্না-তপ্না হেনগৎহল্লগনি। হৌজিক খুঞ্জা পুম্নমক্না রিচার্জ তৌনবা অপুনবা লমদম অসিদা লৈরিবা গুহা 800 রোম শীজিন্ননবা পান্দম অমা থমখ্রে। অসিগুম্বা পুক্নীং থৌগৎনীংঙাই ওইবা পাও অমা U.P.দগী লাকখি। নুমিৎ খরনিগী মমাংদা উত্তর প্রদেশতা নোংমা খক্তদা উ পাম্বী করোর 30 থাখিবগী রেকোর্দ অমা থমখ্রে। কেম্পেন অসি রাজ্য সরকারনা হৌদোকখিবনি; মসিবু মফম অদুগী মীয়াম্না মপুং ফাহনখি। অসিগুম্বা খোঙথাংশিং অসি মীয়াম্না শরুক য়াবা লোয়ননা মীয়ামনা ৱাখল তাবগী অফবা খুদমশিংনি। ঐহাক্না ঐখোয় পুম্নমকসু উ পাম্বী থানবা অমসুং ঈশিং য়োকশিনবগী খোঙথাংশিংগী শরুক অমা ওইবা পাম্মি।

ঐগী নুংশিরবা ইরৈবাকচাশিং, হৌজিক ‘সাৱন’গী শেংলবা থা অসি চত্থরি। সাদাশিব মহাদেব থৌনিবগা লোয়ননা ‘সাৱন’ অসি অশং-অমান অমসুং হরাও-তয়াম্বগা মরী লৈনৈ। মরম অসিনা ‘সাৱন’ অসি লাইনীং-লাইশোন লোয়ননা নাৎকী ওইবা মীৎয়েংদা য়াম্না মরু ওই। সাৱনগী হাইহুম্বা, সাৱনগী মহেন্দী, সাৱনগী হরাও-কুহ্মৈশিং… হায়বদি ‘সাৱন’ অসিমক হরাও-তয়াম্বা অমসুং নুংঙাইবা হায়বনি।

মরুপশিং, ঐখোয়গী ধর্ম অমসুং চৎনবীশিং অসিগী অতোপ্পা শক্লোন অমসু লৈরি। ঐখোয়গী কুহ্মৈশিং অমসুং চৎনবীশিং অসিনা ঐখোয়বু দাইনামিক ওইহল্লি। ভক্তা কয়ানা সাৱনগী মতমদা শিব খুরুমজনবা কনৱার য়াত্রা চৎলি। নুমিৎশিং অসিদা ভক্তা কয়ামরুমনা ‘সাৱন’গা মরী লৈননা জ্যোতির্লিঙ্গা 12 য়ৌশিল্লি। বানরসতা লাকপা মীওইশিংগী মশিংসু হেনগৎলক্তুনা রেকোর্দশিং থুরাইরি তাবদা নখোয়না নুংঙাইবা পোক্কনি। চহি খুদিংগী কাশীদা লমকোইবা করোর 10 হেনবনা হৌজিক লাক্নরি। অয়োধ্যা, মথুরা, উজ্জেনগুম্বা তীর্থ য়াত্রাগী মফমশিংদা লাকপা ভক্তাশিংগী মশিং খোঙজেল য়াংনা হেনগৎলক্লি। মসিনা মরম ওইদুনা লায়রবা লাখ কয়ানা থবক ফংলি; মখোয়গী হীংনবগী লম্বী পীরি। পুম্নমক অসি ঐখোয়গী অপুনবা নাৎকী ওইবা লমদা মীকপ থোরক্নবগী ফলনি। হৌজিক ঐখোয়গী তীর্থ য়াত্রাগী মফমশিংদা মালেম পুম্বদগী মীয়াম্না ‘দর্শন’ তৌনবা লাক্নরি। অমরনাথ য়াত্রা চৎনবা কেলিফোর্নিয়াদগী মফম অসিদা অমেরিকন মরুপ অনি লাকখি হায়না ঐহাক্না তাজৈ। অমরনাথ য়াত্রাগা মরী লৈননা স্বামি বিবেকানন্দগী এক্সপরিয়েন্সশিংগী মরমদা মফম অমদগী মীরমগী মীওইশিং অসিনা তাখি। মদুনা ইথিল পীদুনা মখোয়না অমরনাথ য়াত্রা চৎনবগীদমক লাকখি। মখোয়না মসি ভগবান ভোলেনাথকী থৌজালনি হায়না লৌই। মীপুম খুদিংমকপু তরাম্না ওকপা, মীপুম খুদিংমক্তা করিগুম্বা খরা পীবা হায়বসি ভারতকী অখন্নবা মগুননি। মতৌ অসুম্না ফ্রেঞ্চ মচা – চার্লোৎ চোপিন হায়না নুপী অমা লৈ। হন্দক্তা ঐহাক ফ্রান্সতা চৎলুই মদুদা মহাক্কা থেংনরকখি। চার্লোৎ চোপিন অসি য়োগ প্রেক্তিসনর, য়োগগী ওজা অমনি অমসুং মহাক চহি 100 হেল্লে। মহাক সেনচুরি অমা হেল্লে। মহাক্না হৌখিবা চহি 40 অসি য়োগ তৌদুনা লাকখি। মহাক্কী হকশেল অমসুং চহি 100 পুন্সিবা ঙম্মিবা অসি য়োগননি হায়খি। মহাক অসি মালেমদা ভারতকী য়োগগী লৈরিবা বিজ্ঞান অমসুং মসিগী শক্তিবু তাক্লিবা মশক নাইবা মীওই অমনি। মঙোন্দগী মীপুম খুদিংমক্না তমশিনগদবনি। ঐখোয়গী হেরিতেজপু ঐখোয়না ঙাকপা খক্তা নত্তনা মসিবু থৌদাং লৈনা মালেমদা খঙহল্লসি। অমসুং হৌজিক উজ্জেনদা অসিগুম্বা খোঙথাং অমা পাইখৎলে তাবদা ঐহাক্না নুংঙাইবা পোকই। মফম অসিদা লৈবাক শিনবা থুংবদগী লাইয়েকপা 18না পুরানশিংদা য়ুম্ফম ওইবা পুক্নীং চীংশিন্নীংঙাই ওইবা ৱারী লাইরিকশিং শেম্মি। বুন্দি মওং, নাথদ্বারা মওং, পহারি মওং অমসুং অপাভ্রামশ মওং অসিগুম্বা তোপ-তোপ্পা মওং কয়াদা লাইশিং য়েংক্কনি। মসি মতম খরগী মতুংদা উজ্জেনগী ত্রিবেনি ম্যুজিয়মদা দিস্প্লে তৌগনি, নখোয়না উজ্জেনদা লাকপা মতমদা অদোমনা মহাকাল মহালোক্কা  লোয়ননা অতোপ্পা ফজরবা মফমসু উবা ফংলগনি।

মরুপশিং, উজ্জেনদা য়েকপা লাইশিংগী মতাংদা পনবা অসিদা ঐহাক্না অতোপ্পা তোপ-তোপ্পা লাই অমা নীংশিংলক্লি। লাই অসি রাজকোৎতগী আর্তিস্ত, প্রভাত সিংহ মোদভাই ভর্হাৎনা য়েকপনি।

লাই অসি ছত্রপতি বীর শিবাজী মহারাজকী পুন্সিদা থোকখিবা থৌদোক অমদা য়ুম্ফম ওই। আর্তিস্ত প্রভাত ভাইনা ছত্রপতি শিবাজী মহারাজনা ফম্পান কারবা মতুংদা মহাক্না কুলদেবি ‘তুলজা মাতা’দা চৎখিবা অমসুং মতম অদুদা ওইখিবা ফীভম অদু উৎখি। ঐখোয়গী চৎনবী, ঐখোয়গী হেরিতেজ হীংদুনা থম্নবা ঐখোয়না মসিবু ঙাকশেনবা, মসিগা  লোয়ননা হীংবা, মথংগী মীরোলদা মসিবু তাকপা তাই। মাইকৈ অসিদা খোঙথাং কয়া পাইখৎলিবা অসিদা ঙসি ঐহাক্না নুংঙাইবা পোকই।

ঐগী নুংশিরবা ইরৈবাকচাশিং,

ইকোলোজী, ফ্লোরা, ফৌনা, বাইও দাইভর্সিতীগুম্বা ৱাহৈশিং অসি তাবা খুদিং মীওই খরনা মসি স্পেসিএলাইজ সবজেক্তশিং; এক্সপর্তশিংগা মরী লৈনবা সবজেক্তশিংনি হায়না খল্লি। অদুবু মসি অচুম্বা নত্তে। করিগুম্বা ঐখোয়না মহৌশাবু তশেংনা নুংশিবা তারবদি ঐখোয়গী অপীকপা খোঙথাংশিং পাইখৎতুনা থবক কয়া তৌবা ঙমগনি। সুরেশ রাঘবনজী অসি তামিল নাদুগী বদাবল্লীদগী মরুপ অমনি। রাঘবনজী অসি লাইয়েকপা য়াম্না পাম্মি। লাইয়েকপা অসি আর্ত অমসুং কেনবসকা মরী লৈনৈ, অদুবু রাঘবনজীনা মহাক্কী লাইশিংগী খুত্থাংদা পাম্বী অমসুং শা-ঙাশিংগী মরমদা ই-পাউশিং ঙাকশেন্নবা ৱারেপ লৌখি। মহাক্না ফ্লোরা অমসুং ফৌনা মখল কয়াগী লাই য়েক্তুনা মখোয়গা মরী লৈনবা ই-পাউ দোক্যুমেন্ত তৌখি। হৌজিক ফাওবদা মহাক্না উচেক, শা, ওর্কিদগুম্বা মুৎখিগদৌরবশিংগী লাই কয়া য়েকখ্রে। আর্তকী খুত্থাংদা মহৌশাগী শেবা তৌবগী খুদম অসি তশেংনা শীংথানীংঙাই ওই।

ঐগী নুংশিরবা ইরৈবাকচাশিং ঙসি ঐহাক্না অতোপ্পা ৱাফম অমগী থমজনীংই। নুমিৎ খরনিগী মমাংদা সোসিএল মেদিয়াদা অঙকপা অমা উবা ফংখি। অমেরিকানা ঐখোয়দা অতাংবা অমসুং অরিবা আর্তিফেক চামা হেন্না হন্দোরকখ্রে। মসিগী মতুংদা আর্তিফেক্তশিং অসিগী মতাংদা সোসিএল মেদিয়াগী মরমদা খন্ন-নৈনবা কয়াগী পাওশিং থোরকখি। নহাশিংনা মখোয়গী হেরিতেজতা চাউথোকচবা পোকপগী ৱাখল্লোন অদু উৎখি। ভারত্তা হন্দোকরকখিবা আর্তিফেক্তশিং অসি চহি 2500 দগী 250 শুরবা ঙাক্তনি। অতাংবা পোৎলমশিং অসি লৈবাক্কী তোঙান-তোঙানবা লমদমশিংগা মরী লৈনৈ খঙবদা নখোয়না নুংঙাইবা পোক্কনি। মখোয় অসি তেরাকোত্তা, নুং, ধাতু অমসুং উ শীজিন্নদুনা শাবনি। মখোয় অসিগী মরক্তা খরদি নখোয়না উবদা অঙকপা পোক্কনি। করিগুম্বা নখোয়না মসি য়েংলবদি নখোয়বু শুমহৎকনি। মসিগী মরক্তা 11শুবা চহিচাগী ফজরবা সেন্দস্তোন স্কল্পচর অমসু উবা ফংগনি। মসি ‘অপসারা’ জগোই শাবগী আর্তৱার্ক অমনি, মসি মধ্য প্রদেশকীনি। চোলা মতমগী মীতম কয়াসু মসিদা য়াওরি। দেবী অমসুং ভগবান মুরুগনগী মীতমশিং অসি 12শুবা চহিচাগী মতমগীনি অমসুং মসি তামিল নাদুগী ফজরবা নাৎকা মরী লৈনৈ। চহি লিশিং অমগী ময়া শুরবা শেঞ্জেংগী ভগবান গনেশকী মীতম অমসু ভারত্তা হন্দোরকখি। 11শুবা চহিচাগীনি হায়নবা ললিতাসনগী উমা-মহেশ্বারাগী নন্দিদা মখোয় অনিমক্না ফম্বা মীতম অমা য়াওরি। জেন তীর্থানকারাসকী নুংগী মীতম অনিসু ভারত্তা হন্দোরকখি। ভগবান সুর্য় দেবকী মীতম অনিনসু নখোয়বু শুমহৎকনি। মসিগী মনুংদা অমদা সেন্দস্তোননা শাই। হন্দোরকখিবা পোৎলমশিং অসিগী মনুংদা উনা শাবা পেনেল অমা য়াওরি, মসিনা সমুদ্র নীকখিবগী ৱারী মাংদা পুথোকখি। 16-17শুবা চহিচাগী পেনেল অসি খা ভারতকা মরী লৈনৈ।

মরুপশিং, ঐহাক্না হৌজিক মমিং খরা পনখ্রে, অদুবু নখোয়না য়েংলবদি মসিগী লিস্ত অসি য়াম্না শাংই। ঐখোয়গী মমল য়াম্লবা হেরিতেজ হন্দোকপীরকখিবা অমেরিকাগী সরকারবু ঐহাক্না থাগৎচনীংই। 2016  অমসুং 2021দা ঐহাক্না অমেরিকাদা চৎখিবা মতমদা আর্তিফেক্ত কয়া ভারত্তা হন্দোরকখি। ঐহাক্না থাজৈ মদুদি অসিগুম্বা খোঙথাংশিং অসিনা লৈবাক শিনবা থুংবদা ঐখোয়গী কলচরেল হেরিতেজ হুরানবা লেপহন্নবা এৱের্নেস পীবা হেনগৎহল্লগনি। মসিনা ঐখোয়গী ফজরবা হেরিতেজকা ইরৈবাকচাশিংগা লৈরিবা মরী হেন্না চেৎশিনহনগনি।

ঐগী নুংশিরবা ইরৈবাকচাশিং, দেবভুমি উত্তরাখন্দগী ইমা অমদি ইচে-ইচল খরনা থাবীরকপা চীথিনা ঐহাক্কী থমোয় পেলহনখি। মখোয়গী মচানুপা, মখোয়গী ময়াম্বদা থৌজাল কয়া পীখি। মখোয়না অসুম্না ইরকখি – ‘মমাংদা কলচরেল হেরিতেজ ‘ভোজপত্রা’ অসি মখোয়গী হীংনবগী লম্বী অমা ওইরক্কনি হায়বা মখোয়না থাজরুদে। নখোয়না খল্লগনি ৱাফম অসি করিনো হায়না!

মরুপশিং, চীথি অসি চামোলি জিলাগী নিতি-মানা তম্পাক্কী নুপীশিংনা ঐঙোন্দা ইরকখিবনি। নুপীশিং অসিনা ঐঙোন্দা মমাং চহিগী ওক্তোবরদা ভোজপত্রাগী তোপ-তোপ্পা আর্তৱার্ক অমা খুদোল তমলকখি। খুদোল অসি ফংবদা ঐহাক্না অপেনবা পোকখি। মরমদি অরিবা মতমদগী হৌরগা ভোজপত্রাশিং অসিদা ঐখোয়গী স্ক্রিপচর অমসুং লাইরিকশিং ঙাকশেন্দুনা লাকখি। মহাভারতসু ভোজপত্রাদা ইরমখি। ঙসি দেবভুমিগী নুপীশিং অসিনা ভোজপত্রাদগী ফজরবা আর্তিফেক্তশিং অমসুং সোবেনিরশিং শারি। মানা খুঙ্গংদা চৎখিবা ঐহাক্কী খোঙচৎ অসিদা ঐহাক্না মখোয়গী অখন্নবা খোঙথাং অসিবু থাগৎখি। ঐহাক্না দেবভুমিদা লাকপা লমকোইবশিংদা মখোয়না লাকপদা য়ারিবা মখৈ লোকেল প্রদক্তশিং লৈনবা অপীল তৌজরি। মফম অদুদা অচৌবা কান্নবা অমা পীখি। ঙসি ভোজপত্রাগী প্রদক্তশিং অসি মফম অসিদা লাকপা তীর্থ য়াত্রা চৎপা মীওইশিং অসিনা য়াম্না পাম্নৈ অমসুং মমল ৱাংনা লৈনরি। ভোজপত্রাগী অরিবা হেরিতেজ অসিনা উত্তরাখন্দগী নুপীশিংগী পুন্সিশিংদা নুংঙাইবগী অনৌবা মচুশিংনা শংলি। রাজ্য সরকারনা ভোজপত্রাদগী অফবা প্রদক্তশিং পুথোক্নবা নুপীশিংদা ত্রেনিং পীরি তাবদা ঐহাক্না নুংঙাইবা পোকই।

রাজ্য সরকারনা ভোজপত্রাগী অতাংবা স্পেসিসশিং ঙাকশেন্নবা কেম্পেন অমা হৌদোকখি। লমগী অরোইবা পোইন্তনি হায়না খন্নরম্বা মফমশিং অসি লৈবাক্কী অহানবা খুঙ্গংশিং ওইনা লৌদুনা মখোয়বু চাউখৎহল্লি। ঐখোয়গী চৎনবী অমসুং নাৎ ঙাকশেনবগা লোয়ননা খোঙথাংশিং অসিনা শেন্মীৎলোন খুমাং চাউশিন্নবা পাম্বৈশিং ওইরক্লি।

ঐগী নুংশিরবা ইরৈবাকচাশিং, ‘মন কী বাত’তা  হন্দক্তি ঐহাক্না অসিগুম্বা চীথি মশিং কয়া ফংখি মসিনা ৱাখলদা অপেনবা পোকহনখি। চীথিশিং অসি হন্দক্তা হজ তীর্থ য়াত্রা চৎলুবা মুস্লিম নুপীশিংনা ইরকখিবনি। মখোয়গী খোঙচৎ অসি লম কয়াদা য়াম্না অখন্নৈ। মখোয় অসি নুপী নত্ত্রগা মেহরম য়াওদনা হজ পাঙথোকখিবা নুপীশিংনি, অমসুং মখোয়গী মশিং অসি য়াংখৈ নত্ত্রগা চামা খক্তা নত্তনা মসি লিশিং মরি হেল্লি – মসিমক অচৌবা অওনবা অমনি। মমাংদা মুস্লিম নুপীশিং অসি মেহরম য়াওদনা ‘হজ’ পাঙথোকপা য়াহল্লমদে। মন কী বাতকী খুত্থাংদা ঐহাক্না সৌদী অরাবিয়াগী সরকারদা থমোয় শেংনা তৌবীমল খঙবা উৎচরি। মেহরম য়াওদনা ‘হজ’ চৎপা নুপীশিংগীদমক অখন্ননা নুপী কোওর্দিনেতরশিং খনখি।

মরুপশিং, হৌখিবা চহি খরা অসিদা হজ পোলিসীদা পুরকখিবা অহোংবশিং অসি য়াম্না থাগৎনরকখি। ঐখোয়গী মুস্লিম ইমা অমদি ইচে-ইচলশিংনা মসিগী মতাংদা ঐঙোন্দা য়াম্না ইরকখি। হৌজিক মীওই কয়া কয়ানা ‘হজ’ চৎনবগী খুদোংচাবা ফংলি। হজ চৎলুবদগী হল্লকখিবা মীওইশিং, মরু ওইনা ইমা অমদি ইচে-ইচলশিংনা মখোয়গী চীথিশিংগী খুত্থাংদা পীবীরকপা থৌজালশিং অসি য়াম্না ইনোৎ হাপনীংঙাই ওই।

ঐগী নুংশিরবা ইরৈবাকচাশিং, জম্মু-কাশ্মিরগী ম্যুজিকেল নাইৎশিং, অৱাবা অলতিত্যুদশিংদা চৎপা বাইক রেল্লীশিং, চান্দিগরগী লোকেল ক্লবশিং অমসুং পঞ্জাবকী স্পোর্ত গ্রুপ কয়া ওইরবসু…. ঐখোয়না এন্তর্তেনমেন্ত অমসুং এদভেঞ্চরগী মরমদা ৱারী শাবা মাল্লি। অদুবু মসিদি করিগুম্বা তোখাইবা অমনি… মসিগী থৌরম অসিদি ‘মীয়ামগী য়াইফনবা’ হীরম অমগা মরী লৈনৈ। অমসুং মসিগী মীয়ামগী য়াইফনবা হীরম অসি দ্রগশিংগী মায়োক্তা চত্থবা এৱের্নেস কেম্পেন অমনি। জম্মু অমসুং কাশ্মিরগী নহাশিংবু দ্রগশিংগী কন্নবা অনৌবা খোঙথাং কয়ামরুম পাইখৎপা উবা ফংখি। ম্যুজিকেল নাইৎ, বাইক রেল্লীশিংগুম্বা প্রোগ্রামশিং মফম অদুদা পাঙথোক্লি। চান্দিগরদা পাউজেল অসি শন্দোক্নবা লোকেল ক্লবশীংনা মখোয়গা লোয়ননা লিঙ্ক তৌখি। মখোয়না মসিবু VADA ক্লব হায়না কৌই। VADA গী ৱাহন্থোক্তি বিক্তরী অগেনস্ত দ্রগ এব্যুজ হায়বনি। পঞ্জাবতা স্পোর্তস গ্রুপ কয়া শেমখ্রে, মখোয়না মশা-মউ ফনা লৈবা অমসুং দ্রগতা লাইচুবদগী ঙাকথোকপদা মীৎয়েং থম্বা এৱের্নেস কেম্পেনশিং পাঙথোক্লি। দ্রগ এব্যুজকী মায়োক্তা চত্থবা কেম্পেন্দা নহা কয়ানা শরুক য়াবা হেনগৎলকপা অসি য়াম্না পুক্নীং থৌগৎনীংঙাই ওই। খোঙথাংশিং অসিনা ভারত্তা দ্রগকী মায়োক্তা চত্থবা  কেম্পেন্দা শক্তি কয়া পীরি। করিগুম্বা ঐখোয়না লৈবাক্কী তুংগী মীরোলশিংবু কনবা পাম্লবদি ঐখোয়না মখোয়বু দ্রগশিংদগি লাপ্না থম্বা তাই। ৱাখল্লোন অসিগা লোয়ননা ‘নশামুক্ত ভারত অভিয়ান’ ওগস্ত 15, 2020দা হৌদোকখি। কেম্পেন অসিদা মীওই করোর 11 হেনবনা শরুক য়রি। চয়োল অনিগী মমাংদা ভারতনা দ্রগকী মায়োক্তা অচৌবা এক্সন অমা লৌখৎখি। দ্রগ কিলোগ্রাম লাখ 1.5 ফাখ্রবা মতুংদা মদুবু মাংহনখি। ভারতনা দ্রগ কিলোগ্রাম লাখ 10 মাংহনবগী অখন্নবা রেকোর্দ অমসু থমখ্রে। দ্রগশিং অসিগী মমল অসি লুপা করোর 12,000 হেনখি। ঐহাক্না দি-এদিক্সনগী অফবা কেম্পেন অসিদা শরুক তম্মিবা পুম্নমকপু ঐহাক্না থাগৎচনীংই। দ্রগতা লাইচুবা হায়বা অসি ইমুং-মনুংগীদি অচৌবা সমস্যা অমা ওইবতা নত্তনা খুন্নাই পুম্বগীসু ওইরি। অসিগুম্বা ফীভম অমদা খুদোংথিবা অসি মতম চুপ্পগী ওইনা লোইশিন্নবা ঐখোয়না অমত্তা ওইনা মাইকৈ অসিদা চংশিনবা তঙাই ফদে।

ঐগী নুংশিরবা ইরৈবাকচাশিং দ্রগ অমসুং হৌরক্লিবা মীরোলগী মতাংদা ঙাংবা অসিদা ঐহাক্না মধ্য প্রদেশকী ইথিল পীনীংঙাই ওইবা খোঙচৎ অমগী মতাংদা ফোঙদোকচগে। মসি মিনি ব্রাজিলগী ইথিল পীনীংঙাই ওইবা খোঙচৎনি। মধ্য প্রদেশতা করম্না মিনি ব্রাজিল করম্না লাক্লিবনো হায়না খল্লগনি, হোয় মসিদা ৱাফম অমা য়াওরি। MPগী শাহদোলদা বিচারপুর কৌবা খুঙ্গং অমা লৈ। বিচারপুর অসি মিনি ব্রাজিল হায়না খঙনৈ। ঙসি খুঙ্গং অসি ফুতবোলগী হৌগৎলক্লিবা স্তারশিং য়াম্না লৈবনা মসি ‘মিনি ব্রাজিল’ ওইরি। ঐহাক্না চয়োল খরগী মমাংদা শাহদোলদা চৎলুই, ঐহাক্না মফম অদুদা  অসিগুম্বা ফুতবোল শান্নরোয় কয়া উন্নরকখি। ঐহাক্না খল্লি ঐখোয়গী ইরৈবাকচাশিং অমসুং মরু ওইনা ঐখোয়গী নহা ওইরিবা মরুপশিংনা মসিগী মরমদা খঙবা তঙাই ফদে।

মরুপশিং বিচারপুর খুঙ্গংনা মিনি ব্রাজিল ওইনবা খোঙচৎ অসি দিকেদ অনি মখাইগী মমাংদগী হৌখি। মতম অদুদা বিচারপুর খুঙ্গং অসি আইন্না য়াদবা য়ুগদক মমিং চৎলম্মি… নিশাগী ইপাক্তা লুপলমখি। অসিগুম্বা মখলগী এনভাইর্নমেন্তগী খ্বাইদগী চাউবা চৈথেং মফম অদুগী নহাশিংনা ফংলমখি। হান্নগী নেস্নেল প্লেয়র অমসুং কোচ, রায়িজ অহমদনা নহারোলশিং অসিগী তেলেন্ত উবা ফংখি। রায়িজজীদা রিসোর্স য়াম্না লৈখিদে অদুবু মহাক্না মপুং ফানা কত্থোকপগা লোয়ননা নহারোলশিংদা ফুতবোল তম্বীবা হৌখি। চহি খরগী মনুংদা ফুতবোল অসি পাম্নরক্তুনা বিচারপুর খুঙ্গং অসি ফুতবোলনা মশক তাকখি। হৌজিক ফুতবোল ক্রান্তি কৌবা প্রোগ্রাম অমা মফম অসিদা চত্থরি। প্রোগ্রাম অসিগী মখাদা নহারোলশিংবু মশান্না অসিগী শম্নহনখি অমসুং মখোয়দা ত্রেনিং পীখি। প্রোগ্রাম অসি অদুক্কী মতিক মাইপাকপা ওইরকপনা বিচারপুরদগী নেস্নেল অমসুং স্তেৎ লেবেল প্লেয়র 40 হেন্না পুথোকখি। ফুতবোল রিভোল্যুসন অসি হৌজিক তপ্না-তপ্না মসিগী অপুনবা লমদম অসিদা শন্দোরক্লি। শাহদোল অমসুং মসিগী অকোইবা মফমশিংদা ফুতবোল ক্লব 1200 হেন্না শেমখ্রে। মফম অসিদগী মশিং য়াম্লবা প্লেয়রশিং হৌরক্লি, হায়রিবশিং অসিনা নেস্নেল লেবেলদা শান্নরি। ঙসি মমিং লৈরবা হান্নগী ফুতবোল শান্নরোয় অমসুং কোচ কয়ানা মফমগী নহারোলশিংদা ত্রেনিং পীরি। খন্থদুনা য়েংবীয়ু, আইন্না য়াদবা য়ুগীদমক, দ্রগতা লাইচুবগী খঙনরম্বা ত্রাইবেলগী মফম অমনা হৌজিক লৈবাক অসিগী ফুতবোল নর্সরী ওইরক্লে। মরম অসিনা হায়নবা লৈ – খাংবা খল্লবদি ফমেন ফম্মি। ঐখোয়গী লৈবাক্তা তেলেন্তকী অৱাৎপা লৈতে। মখোয়বু থীদোকপা অমসুং য়োকখৎপা মথৌ তাই। মসিগী মতুংদা নহারোলশিং অসিনা লৈবাক্কী মীংচৎ পুরকই অমসুং লৈবাক অসিবুসু চাউখৎপগী মাইকৈদা লমজিংই।

ঐগী নুংশিরবা ইরৈবাকচাশিং নীংতম্বগী চহি 75 মপুং ফারকপা অসিদা ঐখোয় পুম্নমক্না থৱায় য়াওনা ‘অমৃত মহোৎসব’ পাঙথোক্নরি। ‘অমৃত মহোৎসব’ মনুংদা লৈবাক অসিদা প্রোগ্রাম লাখ অনিরোম পাঙথোকখি। প্রোগ্রামশিং অসি মচু কয়ানা লৈতেংখি… মখল মখা কয়ানা থনখি। মথৌরমশিং অসিগী ফজবদি মসিদা নহারোল মশিং কয়ানা শরুক য়াখিবা অসিনা ওইরি। মসিদা ঐখোয়গী নহারোলশিংনা লৈবাক্কী মশক নাইবা মীওইশিংগী মরমদা কয়া অমা খঙবা ঙমখি। করিগুম্বা ঐখোয়না অহানবগী থা খরগী মতাংদা হায়রবদি ঐখোয়না মীয়াম্না শরুক য়াবগা মরী লৈনবা নুংঙাইরবা প্রোগ্রাম কয়া উবা ফংখি। মসিগী মনুংদা – দিব্যাঙ্গ অইবশিংগীদমক পাঙথোকখিবা ‘রাইতর্স মীত’ প্রোগ্রাম অসি অমনি। মীওই মশিং কয়ানা শরুক য়াবা উবা ফংখি। মসিগা লোয়ননা আন্ধ্র প্রদেশকী তিরুপতিদা ‘নেস্নেল সংস্ক্রিৎ কনফরেন্স’ পাঙথোকখি। ঐখোয়গী পুৱারীদা লানবনশিংগী মরু ওইবা ঐখোয় পুম্নমক্না খঙই। মসিবু উৎলিবা কেম্পেন, ‘কিল ওর কহানিয়া’ হায়বদি লানবনশিংগা মরী লৈনবা ৱারীশিং অসি মীয়াম্নসু পাম্নখি।

মরুপশিং, হৌজিক চত্থরিবা অমৃত মহোৎসবকী খোন্থাংগী মরক্তা ওগস্ত 15সু য়ৌশিল্লক্লে, লৈবাক অসিদা অতোপ্পা অচৌবা কেম্পেন অমসু লোঞ্চ তৌরগনি। ঐখোয়গী থৱায়না পোন্থা পীখ্রবা অথৌবা নুপা অমসুং নুপীশিংবু ইকাই খুম্নবা উৎনবা ‘মেরি মাতি মেরা দেশ’ কেম্পেন হৌদোক্লগনি। মসিগী মখাদা প্রোগ্রাম কয়া ঐখোয়গী অমর ওইরবা অথৌবশিংবু নীংশিংদুনা লৈবাক শিনবা থুংবদা পাঙথোক্কনি। মমিং লৈরবা মীওইশিং অসিবু নীংশিংবা ওইনা লৈবাক্কী খুঙ্গংগী পঞ্চায়ৎ লাখ কয়াদা অখন্নবা ইনস্ক্রিপ্সনশিং খিনগনি। কেম্পেন অসিগী মখাদা, লৈবাক শিনবা থুংবদা ‘অমৃত কলাশ য়াত্রা’সু পাঙথোক্কনি। লৈবাক্কী কাচিন কোয়া খুদিংমক্তগী চফু 7500দা লৈপাক হাপতুনা পুরিবা ‘অমৃত কলাশ য়াত্রা’না লৈবাক্কী কোনুং দিল্লীদা থুংগনি। খোঙচৎ অসিদা লৈবাক্কী তোঙান-তোঙানবা মফমশিংদগী উ-চারাশিংসু পুগনি। চফু 7500দা পুরকপা লৈপাক অমসুং উ-চারাশিং পুনশিন্দুনা নেস্নেল ৱার মেমোরিএলগী মনাক্তা ‘অমৃত বতিকা’ শেমগনি। ‘অমৃত বতিকা’ অসিনা ‘এক ভারত শ্রেস্থ ভারত’কী অচৌবা খুদম অমা ওইরগনি। মমাং চহিদা লাল কিলাদগী ঐহাক্না অমৃতকালগী মথংগী চহি 25গী ‘পঞ্চ প্রন’গী মরমদা ফোঙদোকখি। ‘মেরি মাতি মেরা দেশ’ কেম্পেন্দা শরুক য়াদুনা ঐখোয়না ‘ফিরেপ মঙা’ অসি থুংহন্নবা ৱাশকসু শক্কি। নখোয় পুম্নমক্না লৈবাক্কী শেংলবা লৈপাক পাইদুনা ৱাশক লৌবগী নখোয়গী সেল্ফীশিং অদু yuva.gov.in দা শোইদনা অপলোদ তৌবীয়ু। মমাং চহিগী নীংতম নুমিৎতা লৈবাক পুম্বনা অমত্তা ওইনা ‘হর ঘর তিরঙ্গা অভিয়ান’ পাঙথোকখি… মতৌ অসুম্না হন্দকসু ঐখোয়না য়ুম খুদিংমক্তা মচু অহুমগী ফিরাও চীংখৎলসি অমসুং মসিগী চৎনবী অসি মখা চত্থরসি। খোঙথাংশিং অসিগা লোয়ননা ঐখোয়না ঐখোয়গী থৌদাংশিং পাঙথোকপা ঙমলগনি…. ঐখোয়না লৈবাক্কী নীংতম্বগীদমক মশিং লাকঙমদনা কত্থোকখিবশিং অদু উৎলগনি; ঐখোয়না নীংতম্বগী ভেল্যু খঙহল্লগনি। মরম অসিনা ইরৈবাকচা খুদিংমক্না খোঙথাংশিং অসিদা য়াওশিনগদবনি।

ঐগী নুংশিরবা ইরৈবাকচাশিং, ঙসিগী ওইনদি ‘মন কী বাত’ মসিদা লোইশিনজরি।

নুমিৎ খরনিগী মতুংদা ঐখোয়না ওগস্ত 15দা নীংতম্বগী অচৌবা কুহ্মৈ পালন তৌগনি। ঐখোয়না লৈবাক্কী নীংতম্বগীদমক থৱায়না পোন্থা পীখ্রবশিংবু মতম চুপ্পদা নীংশিংহৌরগনি। ঐখোয়না মখোয়গী মঙলানশিং অসি মঙফাওনবা ঙম্নবা অয়ুক নুমিদাং খাইদনা হোৎনখি অমসুং ‘মন কী বাত’ অসিনা কন্না হোৎনখিবা অমসুং ইরৈবাকচাশিংনা পুন্না হোৎনখিবশিং অদু মাংদা পুথোক্নবা মেদিয়ম অমনি। অনৌবা হীরম খরগা লোয়ননা মথংদা অমুক থেংনরসি। হন্না-হন্না থাগৎচরি।

ঐগী নুংশিরবা ইরৈচাশিং,

মীয়াম পুম্নমক মন কি বাত্তা অমুক হন্না তরাম্না ওকচরি। চৎনবী অমা ওইনা মন কি বাত অসি থা অমগী অরোইবা নোংমাইজিং নুমিত্তা শন্দোকপনি, অদুবু হন্দক্তি মসি চয়োল অমা ঙনখৎনা শন্দোক্লে। অদোম্না খঙলে মদুদি, মথংগী চয়োলদা ঐ অমেরিকাদা চৎকনি অমসুং মফম অদুদা থবক য়াম্না চিনগনি, মরম অদুনা ঐনা মফম অদুদা চৎত্রিঙৈদা অদোমগী মফমদা ৱা ঙাংনবা ঐনা খনখি। মসিদগী হেন্না ফবা করি লৈরি। জনতা-জনর্দান, মীয়াম, অদোমগী অনিংবা কয়াগী থৌজালদগী ঐগী শক্তি মখা তানা হেনগৎহনগনি।

মরুপশিং,

প্রধান মন্ত্রী অমা ওইনা ঐনা অফবা থবক তৌরি হায়না মীওই খরনা হায়নরি। মন কি বাত তারিবশিংনা মখোয়গী চিথিশিংদা থাগৎলকখি। কনাগুম্বা খরনা অকক্নবা থবক অমা পাংথোক্লে হায়রকখি; খরনা থবক অমা ফজনা পাংথোক্লে হায়রকখি; খরনা থবক অমা হেন্না ফজনা পাংথোক্লে হায়রকখি, মদু য়াম্না অফবা অমনি। অদুবু ঐনা ভারতকী মীচম মীয়ামগী হোৎনবা কনবা, খাংবা কনবা উবদা ঐনা ইশামক অপেনবা পোকই। মসি খ্বাইদগী ৱাংবা পান্দম ওইবা য়াই, মসি খ্বাইদগী কনবা শিংনবা ওইবা য়াই, ভারতকী মীয়ামগী অপুনবা থৌনা ওইবা য়াই, অপুনবা থৌনা অসিনা খুদোংচাদবা খুদিংমক্কী পাম্বৈ অমা ফংহল্লে। নুমিৎ হুম্নিগী মমাঙদা লৈবাক অসিগী নোংচুপ থংবা শরুক্তা অচৌবা নোংলৈ-নুংশিৎ অমা লাকখিবা অদু কয়া য়াম্না কনবগে হায়বা ঐখোয়না উরে… নুংশিৎ কন্না শিৎখি, অকনবা নোং তাখি। নোংলৈ নুংশিৎ বিপারজয়না কুছতা য়াম্না চাউনা অমাং-অতা থোকহনখি।

তমথিরবা নোংলৈ নুংশিৎ অমা থেংন্নবা কুছকী মীয়াম্না থৌরাং তৌখিবা অমসুং থৌনা অদু মমাঙদা অমুক্তা থেংনখিদ্রি। শুপ্নগী নুমিৎ নিনিগী মতুংদা, কুছকী মীয়াম্না মখোয়গী অনৌবা চহি হৌবগী থৌরম অশাধি বিজ পাংথোক্লগনি। অশাধি বিজ অসি কুছ লমদমদা নোং চুবা হৌবগী খুদম অমনি হায়না খন্নরি। ঐ চহি কয়া কুছতা চৎখ্রে… মফম অদুগী মীয়ামগী সেবা তৌবগী খুদোংচাবা কয়া ঐনা ফংখ্রে… অমসুং কুছ মীয়ামগী হরাও-তয়াম্বা অমসুং থৌনা অদু ঐ ফজনা খঙই। চহি ২০গী মমাংদা  য়ূহা হাবা থোকখ্রবা মতুংদা কুছ অসি অমুক হন্না শেমগৎপা ঙম্লরোই হায়না খন্নখি… ঙসিদি, হায়রিবা জিলা অসি লৈবাক অসিদা খ্বাইদগী য়াংনা চাউখৎলক্লিবা জিলাশিংগী মনুংদা অমা ওইরে। নোংলৈ নুংশিৎ বিপারজয়না অমাং-অতা থোকহনবদগী কুছকী মীয়াম য়াংনা মহৌশাগী ফিবমদা হঞ্জিল্লক্কনি হায়না ঐনা থাজবা থম্লি।

মরুপশিং,

কনাগুম্বা অমতনা মহৌশাগী ওইবা অমাং-অতাশিং লাকশিনবা ঙমদে, অদুবু হৌখিবা চহি খর অসিদা ভারত্তা অমাং-অতা থেংন্নবা থৌনা হেনগৎলক্লিবা অসি ঙসিদি খুদম অমা ওইরে। মহৌশাগী অমাং-অতাশিং থেংনবগা লোয়ন্না মহৌশাগী অকোয়বগী ফিবম ঙাক-শেন্নবা শিংথানিঙাই ওইরবা লম্বী অমা লৈরি। নোংজু থাগী মতমদা হিরম অসিদা ঐখোয়গী থৌদাং শরুক কয়া হেনগৎলে। মরম অদুনা ‘নোংগী ঈশিং লৌশিনশি’ হায়বা খোঙজংশিংগা লোয়ন্না  ঙসি লৈবাক অসিদা অপুনবা ওইনা থবক পায়খৎলে। মমাঙ থাগী মন কি বাত্তা, ঈশিং য়োকশিন্নবা স্তার্দঅপশিংগী মতাংদা ঐখোয় খন্নখি। মীওই কয়ানা ঈশিং মরিক অমা ফাওবা মাঙহন্দনবা মখোয়না লৈজবী থাদুনা হোৎনরিবশিংগী মতাংদা ইরকপা চিথি কয়াগী খুৎথাংদগী ঐ খঙবা ঙম্লে। অসিগুম্বা মরুপ অমদি য়ু.পিগী বন্দা জিলাদগী তুলসিরাম যাদবনি। যাদবজি লুকতারা গ্রাম পঞ্চায়তকী প্রধান্নি। বন্দা অমসুং বুন্দেলখান্দ লমদমদা ঈশিং ফংবদগী অৱাবগী মতাংদা অদোমশু খঙলবনি।

মসিগী অৱাবা অসি কোক্নবা খুঙ্গংগী মীয়ামগা লোয়ন্না তুলসিরাম্না মফম অদুদা পুখ্রি ৪০ হেন্না তৌখি। ইংখোলশিংদা ঈংখোলগী ঈশিং ফংহনবা, খুঙ্গংশিংদা খুঙ্গংগী ঈশিং ফংহনবা হায়বা মহাক্কী খোঙজংদা য়ুম্ফম ওইদুনা তুলসিরাম্না থবক পাংথোকখিবনি। মহাক্না কন্না হোৎনবদগী মহাক্কী খুঙ্গং অসিদা লৈনুংগী ঈশিংগী ইমায় হেনগৎলে। য়ু.পিগী হাপুর জিলাদা মীয়াম্না পুন্না হোৎনদুনা ইচেল লেপখ্রবা তুরেল অমা অমুক হিঙ্গৎহনখ্রে। মতম কয়াগী মমাঙদা, মফম অদুদা নিম কৌবা তুরেল অমা লৈরমখি। মতমগী মতুংইন্না তুরেল অদু মাঙখি,অদুবু মফম অদুগী মীয়ামগী নিংশিংবা অমসুং ফুঙ্গা ৱারিদা নিংশিংদুনা লৈহৌখি। মখা তারকপদা, মীয়াম্না মখোয়গী মহৌশাগী লনশিং অমুক হিঙ্গৎনবা ৱারেপ লৌখি। মীয়াম্না পুন্না হোৎনবগী মহৈ ওইনা, নিম তুরেল অমুক হন্না চেনবা হৌরে। তুরেলগী মরু অদু অমৃত সরোভর অমা ওইনা শেমগৎলে।

মরুপশিং,

মসিগী তুরেলশিং, খোঙবালশিং, পাৎশিং অসি ঈশিং ফংফম খক ওইবা নত্তনা… পুন্সি কয়া অমসুং থম্মোয়গী ওইবা ৱাফম কয়াগা মখোয়গা মরী লৈনরি। মসিগা মান্নবা ফিবম অমা নুমিৎ খরগী মমাঙদা মহারাস্ত্রদা উবা ফংখ্রে। মসিগী অকক্নবা মফম অসি মতম অয়াম্বদা ইকং ময়োক্নদুনা লৈখি। চহি ৫০ ঙাইরবা মতুংদা, হৌজিন নিলৱান্দে দামগী কেনেল শেমগৎপা লোইশিল্লে। নুমিৎ খরগী মমাঙদা, চাংয়েং ওইনা কেনেলদা ঈশিং থারে। হায়রিবা থৌদোক অসিদা উবা ফিবম অদু পুক্নিং য়াম্না নুংশিখি। খুঙ্গং অদুগী মীয়াম য়াওশঙ-দিৱালি কুহ্মৈগুম হরাওখি।

মরুপশিং,

অশীন-অরাংগী ৱাফম লাকপা মতমদা, ঙসি ঐনা ছত্রপতি শিবজী মহারাজশু নিংশিংলি। ছত্রপতি শিবজী মহারাজগী থৌনা ফবগা লোয়ন্না, মহাক্কী লৈঙাক অমসুং অশীন-অরাং হৈবগী মতাংদা মঙোন্দগী তমগদবা কয়া অমা লৈরি। ঈশিং পীনবা অমসুং নেভিগী মতাংদা ছত্রপতি শিবজী মহারাজনা পায়খৎলম্বা থবক্না ঙসি ফাওবা ভারত পুৱারিগী মতিক ময়াই হেনগৎহল্লে। মহাক্না শারম্বা সমুদ্রগী লানবন্দশিং চহিচা কয়াগী মতুংদা হৌজিক ফাওবা সমুদ্র ময়াইদা চাউথোকচনা লৈরি। থা অসি হৌরকপদা ছত্রপতি শিবজী মহারাজনা ফম্বাল তোংখিবা চহি ৩৫০ শুরকপগী থৌরম পাংথোকখ্রে। মসিগী থৌরম অসি কুহ্মৈ ওইনা পাংথোক্লি। থৌরম অসিগী মনুংদা মহারাস্ত্রাগী রাইগর লানবন্দদা অচৌবা থৌরম কয়াশু পাংথোকখি। চহি কয়াগী মমাঙদা ২০১৪ দা ঐনা রাইগরদা চৎপগী খুদোংচাবা অমা ফংখিবা অদু ঐ নিংশিংলি অমসুং শেংলবা লমদম অদুদা ইকায়খুম্নবা উৎখি। থৌরম অসিদা ছত্রপতি শিবজী মহারাজগী অশীন-অরাং হৈবগী লৌশিংগী মরমদা খঙবা হায়বসি ঐখোয় পুম্নমক্কী থৌদাংনি। মসি ঐখোয়গী হেরিতেচতা চাউথোকপা অমা ওইনা ঐখোয়দা ফাওহল্লি অমসুং তুংদা ঐখোয়গী থৌদাংশিং পাংথোক্নবা ঐখোয়দা ইথিল পীগনি।

নুংশিরবা ঐগী ইরৈচাশিং,

রমায়ন্দা রাম সেতু শাবদা মতেং পাংবা লাকখিবা অপীকপা খৈরোই অমগী ৱারি অদোম তারম্লগনি। মসিদা ঐনা হায়নিংবদি, খল্লিবা ৱাখল অদুনা চুম্লবদি, থবকশিং পুকচেল শেংলবদি, ফংবা ঙমদবা পান্দম অমতা লৈতে। ঙসি, ভারতসু, অচুম্বা ৱাখল্লোন অমগা লোয়ননা, অচৌবা খুদোংচাদবা অমা মায়োক্নরি। খুদোংচাদবা অদু তি.বি- নত্ত্রগা তুবরকুলোসিসনি।  ২০২৫ ফাওবগী মনুংদা তি.বি লৈতবা ভারত অমা ওইহন্নবা ভারতনা ৱাশক লৌরে।  তি.বিগী মরমদা পাউ তাবদা, ইমুং-মনুংগী মীওইশিং ফাওবা চেনখিবা মতম অমা লৈরমখি, ঙসিদি, ঙসিদি তি.বি অনাবা মীওইশিং মখোয়গী ইমুং-মনুংনা মতেং পাংলে।

তি.বি মুৎথৎনবা নিক্ষয় মিত্রশিংনা মাংজিল থারে। লৈবাক অসিদা তোঙান-তোঙানবা খুন্নাইগী লুপ কয়া নিক্ষয় মিত্রশিং ওইরে। খুঙ্গংশিং অমসুং পঞ্চায়তশিংদা মীওই লিশিং কয়া মখোয় মশামক থোরক্লে অমসুং তি.বি অনাবা মীওইশিং লায়য়েংলে। তি.বি অনাবশিং মতেং পাংনবা অঙাং কয়া থোরক্লে। মীয়াম শরুক য়াবা অসি খোঙজং অসিগী খ্বাইদগী চাউবা থৌনানি। মীয়াম শরুক য়াবদগী, ঙসিদি লৈবাক অসিদা তি.বি অনাবা মীওই লাখ ১০ হেন্না লৌশিল্লে…  অমসুং মসি নিক্ষয়  মিত্র লিশিং ৮৫ হেনবগী অফবা থবক্কী শরুক অমনি। মখোয়গী খুঙ্গংদগী তি.বি মরু ফংনা মুৎথৎনবা লৈবাক অসিগী পরপঞ্চশিং, খুঙ্গংগী লুচিংবশিংনা থবক অসিদা শরুক য়াবদা ঐ হরাওই।

নাইনিতালদা খুঙ্গং অমগী নিক্ষয় মিত্র শ্রীমান দিকারনা তি.বি অনাবা মীওই তরুক সেবা তৌখি। মসিগা মান্নবা মওংদা, কিন্নৌরগী পঞ্চায়ত অমগী লুচিংবা শ্রীমান গ্যান সিংহ অমসুং নিক্ষয় মিত্র অমনা মখোয়গী ব্লোক্তা তি.বি অনাবা মীওইশিংদা দরকার ওইবা মতেংশিং পাংখি। তি.বি লৈতবা ভারত অমা ওইহন্নবা খোঙজং অসিদা ঐখোয়গী অঙাংশিং অমসুং নহা ওইরিবা মরুপশিং তুংদা লৈহৌবা নত্তে। হিমাচল প্রদেসকী উনাদগী চহি ৭ শুরবী ইচানুপী নলিনি সিংহগী অঙকপা থবক য়েংশি। মহাক মশাগী শেনফম পুথোক্তুনা ইচানুপী নলিনিনা তি.বি অনাবশিং মতেং পাংখি। অঙাংশিংনা কয়া য়াম্না শেনফু পামজবগা হায়বা অদোম খঙলিবনি, অদুবু  মধ্য প্রদেসকী কাত্নি জিলাদগী চহি ১৩ শুরবী মিনাক্সি অমসুং নোংচুপ বেঙ্গলগী দাইমন্দ হার্বরদগী চহি ১১ শুরবী বাশ্বার মুখর্জি অনিমক তোখায়বা অঙাংশিংনি। হায়রিবা অঙাং অনিমক অসিনা তি.বি লৈতবা ভারত অমগী খোঙজংগীদমক মখোয়গী শেনফুশিং শীন্নরকখি। খুদমশিং অসিনা পুক্নিং নুংশিহনবগী মথক্তা, তশেংনা পুক্নিং থৌগৎনিঙাই ওই। নৌরিবা চহি মতাং অমদা অচৌবা ৱাখলশিং খনবগীদমক হায়রিবা অঙাংশিং অসি ঐনা থম্মোয় শেংনা থাগৎচরি।

নুংশিরবা ঐগী  ইরৈচাশিং,

অনৌবা ৱাখলশিং লৌশিন্নবা থৌরাং তৌদুনা লৈবা অসি ঐখোয় ভারতমচাশিংগী হৌনশানি। ঐখোয়গী ঐখোয়গী পোৎশিং নুংশিজৈ অমসুং অনৌবা থবকশিং পাংথোকই। মসিগী খুদম অমা ওইনা, জপানগী তেক্নিক মিয়াৱাকি অসিনি, করিগুম্বা মফম অমগী লৈবাক অদু লৈহাও চেন্দ্রবদি, মফম অদু অমুক হন্না লৈহাও লৈহন্নবা মিয়াৱাকি তেক্নিক অসি খ্বাইদগী ফবা লম্বী অমনি। মিয়াৱাকি উমংশিং য়াংনা পাকথোক-চাউথোকই অমসুং চহি ২০-৩০গী মনুংদা মখল কয়াগী জিবশিং লৈবা মফম অমা ওইরকই। মসি হৌজিক ভারতকী মফম কয়াদা য়াংনা শন্দোরক্লি। মসিগী তেক্নিক অসি শীজিন্নদুনা কেরলাগী ওজা শ্রীমান রফি রামনাথনা মফম অদুগী ফিবম হোংহল্লে। তশেংনা, রামনাথজিনা মহাক্কী মহৈরোয়শিংদা মহৌশা অমসুং অকোয়বগী ফিবমগী মতাংদা শন্দোক্না তাকপা পামখি।  মসিগীদমক মহাক্না হার্বেল গার্দেন অমা শেমখি। মহাক্কী গার্দেন অদু হৌজিক মখল কয়াগী পাম্বীশিং হৌবা মফম অমা ওইরে। মসিগী মাইপাকপা অসিনা মহাক হেন্না ইথিল পীখি। মসিগী মতুংদা, রফি জিনা মিয়াৱাকি তেক্নিক শীজিন্নদুনা অপীকপা উমং অমা শেমগৎখি অমসুং মদুগী মমিং ‘ বিদ্যাবনম’ হায়না মমিং থোনখি। ওজা অমা খক্তনা অসিগুম্বা ফজরবা মমিং বিদ্যাবনম শেমগৎপা ঙমখিবনি। রামনাথজিগী অপীকপা বিদ্যাবনমদা মখল ১১৫গী উ পাম্বী ৪৫০ হেন্না থারে। উশিং অদু শেন্নবদা মহাক্কী মহৈরোয়শিংশু মহাক্কী মতেং পাংখি।

মহাক্কী ফজরবা মফম অদু য়েংনবা স্কুলগী মহৈরোয় কয়া অমসুং মীচম মীয়াম কয়া লাক্নখি। মফম অমদা হেক্তা মিয়াৱাকি উমংশিং শেমগৎপা য়াই, সহরশিং ফাওবদা শেমগৎপা য়াই। মতম  খরগী মমাঙদা ঐনা গুজরাতকী কেবারিয়াদা লৈবা এক্তা নাগরদা মিয়াৱাকি উমং অমা শঙ্গাখ্রে। কুছতা ২০০১গী য়ুহা হাবদা লৈখিদ্রবশিংগী মিংদা মিয়াৱাকি স্তাইলদা উমং অমা শেমগৎলে। মহৌশাগী অকোয়বগী ফিবম শাথিনা ফত্তবা কুছগুম্বা মফমশিং ফাওবদা মসিগী তেক্নোলোজি অসি মাইপাকপা উরে। মিয়াৱাকি মেথোদ শীজিন্নদুনা অম্বাজি অমসুং পবাগাধদা উ চারাশিং থারে। লখনৌগী অলিগঞ্জদশু মিয়াৱাকি গার্দেন অমা শেমগৎলে হায়বা ঐ খঙলে। হৌখিবা চহি ৪ দা মুম্বাইদা অসিগুম্বা  উমং ৬০ হেন্না শেমগৎলে। হৌজিক মসিগী তেক্নিক অসি মালেম শীনবা থুংনা থাগৎনরে। মসি শিঙ্গাপুর, পেরিস, অস্ত্রেলিয়া অমসুং মালেএসিয়াগুম্বা লৈবাকশিংদা মপুংফানা থবক ওইনা পায়খৎলে। ইরৈচাশিং, মরুওইনা সহরশিংদা লৈরিবা মীয়াম্না মিয়াৱাকি মেথোদ অসি তম্নবা ঐনা তকশিল্লি। মসিগী মতেংদগী, অদোম্না ঐখোয়গী মালেম অমসুং মহৌশা শংহনবা অমসুং লু-নান্না থম্বদা মমল নাইদ্রবা মতেং পাংগনি।

ঐগী নুংশিরবা ইরৈচাশিং,

হৌজিক লৈবাক অসিদা জম্মু অমসুং কাস্মিরগী মরমদা ৱাখল কয়া খন্নরি। করিগুম্বদা তুরিজম ফগৎলকপগী, করিগুম্বদা জি-২০গী ফজরবা থৌরমশিংগী মতাংদা খন্নখি। মতম খরগী মমাংদা মন কি বাত্তা ঐনা কাস্মিরগী নাদ্রু লৈবাক্কী ৱাংমদা কমদৌনা খঙনখিবগে হায়বগী মতাংদা ফোঙদোকখ্রে। হৌজিক জম্মু অমসুং কাস্মিরগী বারামুল্লা জিলাগী মীয়াম্না অঙকপা থবক অমা পাংথোক্লে। বারামুল্লাদা মতম কয়াগী মমাঙদগী লৌউ-শিংউ তৌদুনা লাক্লবসু, মফম অদুদা শঙ্গোম ফংলমদে। বারামুল্লাগী মীয়াম্না মসিগী অৱাবা অসিদগী খুদোংচাবা অমা লৌখি। মফম অদুগী মশিং য়াম্লবা মীয়াম ষন লোইবা হৌরকখি। মসিগী থবক অসিদা নুপীশিংসু মাংজিল থাখি, অসিগুম্বা মীওইশিংগী মনুংদা ইচল নুপী অমা –নিশ্রাত নবি য়াওরি। গ্রেজুয়েদ অমা ওইরিবী ইশ্রাতনা মির সিস্তর দাইরি ফার্ম হৌদোকখি। মখোয়গী ফার্ম অসিদগী নোংমদা শঙ্গোম লিতর ১৫০ রোম পুথোকখি। অসিগুম্বা সোপুরদগী ৱাসিম অনায়াত কৌবা মরুপ অমা লৈরি। ৱাসিমগী শা-ষন ২৪ হেন্না লৈরি অমসুং নোংমদা শঙ্গোম লিতর ২০০ হেন্না মহাক্না য়োনখি। অবি হুসেন কৌবা নহা অমসু মহাক্কী দাইরি ফার্ম তৌখি। অসিগুম্বা মীওইশিং অসিনা থবক কন্না শুবদগী, বারামুল্লাদা নোংমদা শঙ্গোম লিতর লাখ ৫.৫ পুথোক্লে। বারামুল্লা শীনবা থুংনা অনৌবা হৱাইদ রিভোলুসনগী খুদম অমা ওইরে। হৌখিবা চহি ২.৫ দগী চহি ৩গী মনুংদা মফম অসিদা দাইরি য়ুনিত ৫০০ হেন্না লিংখৎলে। ঐখোয়গী লৈবাক্কী মফম খুদিংমক খুদোংচাবা কয়া লৈরি হায়বা বারামুল্লাগী দাইরি ইন্দস্ত্রি অসিনা খুদম অমা ওইরে। লমদম অমগী মীয়ামগী অপুনবা থৌনানা পান্দম অমা হেক্তা ফংবা ঙমগনি।

ঐগী নুংশিরবা ইরৈচাশিং,

থা অসিদা শান্ন-খোৎনবদগী ভারত্তা নুংঙাইবা পাউ কয়া লাক্লে। অহানবা ওইনা নুপীগী জুনিয়র এসিয়া কপ থোইদুনা তিম ইন্দিয়ানা মচু অহুমগী ফিরাল পাইহল্লে। থা অসিমক্তদা ঐখোয়গী নুপাগী হোক্কি তিম্না জুনিয়র এসিয়া কপ মাইপাক্লে। মসিগা লোয়ন্না, ঐখোয়না তুর্নামেন্ত অসিগী পুৱারিদা ঐখোয়না খ্বাইদগী মশিং য়াম্না থোইবা তিম ওইরে। ঐখোয়গী জুনিয়র তিমনা জুনিয়র সুতিং ৱার্ল্দ কপতা অঙকপা কয়া উৎখ্রে। তুর্নামেন্ত অসিদা ভারতকী তিম্না অহানবা পোজিসন তাখি। তুর্নামেন্ত অসিগী অপুনবা গোল্দ মেদলশিংগী মনুংদা, চাদা ২০ রোম ভারতকী একাউন্তদা চঙলকখি। জুন থা অসিদা এসিয়া অন্দর ২০ এথলেতিক্স চেম্পিয়নশিপশু পাংথোক্কনি। মসিদা লৈবাক ৪৫ গী মনুংদা মেদল তেল্লিদা ভারতনা মকোক অহুমগী মনুংদা লৈগনি।

মরুপশিং,

ঐখোয়না মালেমগী থৌদোকশিংগী মরমদা ৱারি শানবা মতমদা, মতম অদুদা ভারতকী মমিং পনখিদে। অদুবু ঙসিদি হৌখিবা চয়োল খরগী মাইপাকপশিং ঐনা পনবা মতমদা, লিস্ত অদু য়াম্না শাংলে। মসি ঐখোয়গী নহারোলগী অশেংবা থৌনানি। ঙসি ভারতনা অহানবা ওইনা শরুক য়াবা অসিগুম্বা শান্নবা অমসুং চাংদম্নবা কয়া লৈরে। মদুদা ভারত শরুক য়ারে। খুদম ওইনা, লেমজনিঙাই ওইরবা পেরিস দাইমন্দ লিগতা লোং জম্পতা শ্রী সঙ্কর মুরালিনা লৈবাক অসিগী অহানবা ব্রোঞ্জ অমা ফংলে। মসি চাংদম্নবা অসিদা ভারতকী অহানবা মেদল ফংবনি। কিরগিজস্থান্দা ঐখোয়গী অন্দর ১৭ ৱুমেন রেস্তলিং তিম্না মাইপাকপা ঙম্লে। লৈবাক অসিগী শান্নরোয়শিং, মখোয়গী মমা-মপাশিং অমসুং কোচশিং মখোয়গী হোৎনবা অসিগীদমক ঐনা থাগৎচরি।

মরুপশিং,

মালেমগী ইভেন্তশিংদা লৈবাক অসিনা মাইপাকপা অসিগী মরমদি জাতিগী থাক্তা ঐখোয়গী শান্নরোয়শিংনা কন্না হোৎনবদগীনি। ঙসিদি লৈবাক অসিগী তোঙান-তোঙানবা রাজ্যশিংদা অনৌবা থৌনা অমগা লোয়ন্না শান্নবশিং থৌরমশিং পাংথোক্লে। মখোয়না শান্নরোয়শিংদা শান্নবা, থোইনবা অমসুং মাইথিবদগী পারা তম্নবা খুদোংচাবা পীরে। হন্দক য়ু.পিদা খেলো ইন্দিয়া য়ুনিভর্সিতি গেমস পাংথোকখ্রে। নহারোলশিংদা হরাওবা কয়া উবা ফংখি। হায়রিবা গেমস অসিদা ঐখোয়গী নহারোলশিংনা রেকোর্দ ১১ থুগায়খি। মেদল তেল্লিদা পঞ্জাব য়ুনিভর্সিতি, অমৃতশরগী গুরু নানক দেব য়ুনিভর্সিতি অমসুং কর্নাতকাগী জেন য়ুনিভর্সিতিনা অহানবা, অনিশুবা অমসুং অহুমসুবা তাখি।

মরুপশিং,

অসিগুম্বা তুর্নামেন্তশিং অসিদগী পুক্নিং থৌগৎনিঙাই ওইরবা নহা ওইরিবা শান্নরোয় কয়াগী ৱারি থোরকখি। খেলো ইন্দিয়া য়ুনিভর্সিতি গেমসকী রোৱিংদা অসামগী কত্তন য়ুনিভর্সিতিগী অনয়াতাম রাজকুমারনা মসিদা শরুক য়াবা অহানবা দিয়াং শান্নরোয় ওইরে। খুউগী অশোকপা অমা লৈরবসু বারকাতুল্লাহ য়ুনিভর্সিতিগী নিধি পাৱাইয়ানা সোত-পুত্তা সনাগী মেদল অমা ফংখি। খোঙদা অশোকপা অমা লৈবদগী হৌখিবা চহিদা নিংবা কায়খিবা সবিত্রিবাই ফুলে পুনে য়ুনিভর্সিতিগী সুভাম ভান্দারে হন্দক স্তিপলচেসতা সনাগী মেদল অমা ফংখি। দুরদৱান য়ুনিভর্সিতিগী সরশ্বাতি কুন্দুনা মহাক্কী কবাদি তিমগী কেপ্তেন ওইখি। মদু য়ৌরক্নবা হোৎনবদা মহাক্না খুদোংচাবা কয়া থেংনখি। শান্নরোয় কয়া তোপস স্কিমগী খুদোংচাবা ফংলে। ঐখোয়গী শান্নরোয়শিংনা হেন্না শানরিবমখৈ, মখোয় হেন্না মাইপাক্কনি।

ঐগী নুংশিরবা ইরৈচাশিং,

জুন ২১ নকশিল্লক্লে। নুমিৎ অসিদা মালেমগী মফম কয়াদা মালেমগী য়োগ নুমিৎ পাংথোক্নবা খৌরাংনা ঙাইনরি। চহি অসিগী য়োগ নুমিৎকী থিমদি ‘ভসুধাইব কুতুম্বকমগী য়োগ’ হায়বনি। হায়বদি মালেম অমা-ইমুং অমগী মওংদা নুংঙাই য়াইফনবা য়োগ হায়বনি। মসিদা য়োগনা খুদিংমক পুনশিনবা অমসুং লোয়নবা অদু ফোঙদোক্লি। হন্দক্কী ওইনা, য়োগগা মরী লৈনবা থৌরম কয়া লৈবাক্কী মফম কয়াদা পাংথোক্কনি।

মরুপশিং,

হন্দক নিউ য়োর্ককী য়ু.এন হেদক্বাতর্সতা পাংথোকপা য়োগ নুমিৎকী থৌরমদা শরুক য়ানবা ঐ খুদোংচাবা ফংলে। য়োগ নুমিৎকী মতাংদা হরাওবা ফোঙদোকপা ঐনা সোসিএল মেদিয়াদা উবা ফংলে। য়োগ অসি অদোমগী নোংমগী পুন্সিগী শরুক অমা ওইহন্নবা, অদোমগী পুন্সিদা য়োগ শান্নবা ঐনা অদোমগী মফমদা হায়জরি। করিগুম্বা অদোম য়োগ শান্নদ্রবদি, জুন ২১ অসি মসিগী ৱাশক লৌনবা অচৌবা খুদোংচাবা অমনি। য়োগ শান্নবদা অহেনবা কয়া থৌরাং তৌবা দরকার ওইদে। অদোম্না য়োগ শান্নবা মতমদা, অদোমগী পুন্সিদা কয়া য়াম্না অহোংবা লাকপগে হায়বা য়েংউ।

ঐগী নুংশিরবা ইরৈচাশিং,

লাক্লিবা জুন ২০ অসি রথ যাত্র নুমিৎনি। রথ যাত্র (কাং চিংবা) অসি লৈবাক শীনবা থুংনা মমিং চৎলে। লৈবাক্কী তোঙান-তোঙানবা মফমশিংদা অচৌবা হরাও-তয়াম্বগা লোয়ন্না কাং চিংবগী কুহ্মৈ পাংথোক্নরি। ওরিসাগী পুরিগী কাং চিংবা অসি অঙকপা অমনি। ঐনা গুজরাত্তা লৈরিঙৈদা, অহমেদবাত্তা ঐনা কাং চিংবগী থৌরম শরুক য়ানবগী খুদোংচাবা অমা ফংখি। লৈবাক অসিগী মীওই কাংলুপ কয়া, খুন্নাই খুদিংমক হায়রিবা কাং চিংবা থৌরমদা শরুক য়াবা অসি ফিদম্নফম ওইবা অমনি। লাইনিংগী থাজবগা লোয়ন্না, মসি এক ভারত- শ্রেস্থা ভারতকী ৱাখল্লোন অমা মমি তারি। মসিগী শেংবা থৌরম অসিগীদমক মীয়াম পুম্নমক্কী মফমদা ঐগী য়াইফ-পাউজেল পীজরি।  ইরৈচাশিং হকচাং ফনা লৈনবা, হরাওনবা অমসুং নুংঙাই-য়াইফনা পান্নবা ঐনা ভাগবান জগানাথকী মফমদা থৌনিজরি।

মরুপশিং,

ভারতকী চৎনবী অমসুং কলচরগা মরী লৈনবা কুহ্মৈশিংগী মরমদা খন্নবা মতমদা, লৈবাক অসিগী রাজ ভাবনশিংদা পাংথোক্লিবা নুংঙাইরবা থৌরমশিং ঐনা পল্লি। হৌজিক লৈবাক অসিগী রাজ ভাবনশিং অসি খুন্নাই অমসুং চাউখৎ-থৌরাংগী মফমশিং ওইনা খঙনরে। ঙসি ঐখোয়গী রাজ ভাবনশিং তি.বি লৈতবা ভারত  খোঙজং অমসুং ওর্গনাইক ফার্মিংগা মরী লৈনবা খোঙজংশিংগী মাংজিল থাবা মফমশিং ওইরেল গুজরাত, গৱা, তেলঙ্গানা, মহারাস্ত্রা, সিক্কিমদা মখোয়গী রাজ্যশিং লিংখৎখিবগী নুমিৎশিং মখোয়গী রাজ ভাবনশিংদা পাংথোকপা অসি মসিগী খুদম অমনি। মসি এক ভারত শ্রেস্থা ভারতকী ৱাখল্লোন থৌনা হাপ্নবা অঙকপা থবক অমনি।

মরুপশিং,

ভারত গনতন্ত্রগী মমানি। ঐখোয়না ঐখোয়গী গনতন্ত্রগী ফিদমশিং অসি মরুওইনা লৌরি। ঐখোয়গী সংবিধান অসি ঐখোয়না মরুওইনা লৌরি… মরম অদুনা, ঐখোয়না কৈদৌঙৈদা জুন ২৫ কাউবা ঙম্লোই। নুমিৎ অসিদা ঐখোয়গী লৈবাক্তা ইমর্জেন্সি থমখি। মসি ভারতকী পুৱারিদা অমম্বা তাঙ্কক অমনি। মীওই লাখ কয়া ইমর্জেন্সিগী মায়োক্তা লৈখি। মতম অদুদা গনতন্ত্র শৌগৎপশিং ওৎ নৈখি। ঙসি ফাওবা মসিনা অকিবা ফাওহল্লি। মতম অদুগী মীওৎ-মীনৈশিং অদুগী মতাংদা লাইরিক কয়া ইখ্রে। মতম অদুদা ‘সংঘর্স মৈ গুজরাত’ কৌবা লাইরিক অমা ইনবা ঐগী খুদোংচাবা ফংখি।

নুমিৎ খরগী মমাংদা ঐনা ইমর্জেন্সিগী মরমদা ইবা লাইরিক অমা থেংনখি। লাইরিক অসি ইমর্জেন্সি মনুংদা সরকারনা কমদৌনা গনতন্ত্রগী লুচিংবশিং ওৎখিবগে হায়বগী মতাংদা ফোঙদোকখি। লাইরিক অসিদা থৌদোক কয়া নৈনখি অমসুং ফোতো কয়া য়াওখি। ঙসি ঐখোয়না অজাদি কা অমৃত মহোৎসব পাংথোকপা মতমদা নিংতম্বা লৈবাক অমনা থেংনরিবা অসিগুম্বা ক্রাইমশিং ঐখোয়না হনগৎনা য়েংগদবনি। মসিনা ঙসিগী নহারোলশিংনা গনতন্ত্রগী ৱাহন্থোক অমসুং কান্নবা খঙবা ঙমগনি।

ঐগী নুংশিরবা ইরৈচাশিং,

মন কি বাত অসি মচু কয়াগী মুক্তশিংগী ফজরবা লৈ পরেং অমনি… মুক্ত অমমম অখন্নবনি অমসুং মসিগী মমল নাইদে। থৌরম অসিগী তাঙ্কক খুদিংমক মপুংফাবা পু্ন্সিনি। মসিগী ৱাখল্লোন অসিগা লোয়ন্না, মসিনা ঐখোয়দা ইথৌ পাংথোক্নবা অমসুং খু্ন্নাইগী থবক তৌনবা ৱাখল অমা ফাওহল্লি। মফম অসিদা ঐখোয়না খন্নরিবা হিরমশিং অসি ঐখোয়না য়াম্না তোইনা পাদবা অমসুং তাদবা ঙাক্তনি। মন কি বাত্তা পনখিবা অকক্নবা হিরম অমনা লৈবাক অসিগী মীওই কয়া য়াম্না  অনৌবা ইনোৎ পীবগে হায়বা ঐ খঙলে। হন্দক লৈবাক অসিগী শক্নাইরবা ভারতকী ক্লাসিকেল জগোয় শাবী অনন্দ সঙ্কর জয়ান্তদগী  ঐনা চিতি অমা ফংখি।  ঐখোয়না ৱারি লিবগী মতাংদা খন্নখিবা মন কি বাতকী তাঙ্কক অমগী মতাংদা মহাক্না  মহাক্কী চিথি অদুদা পল্লকখি।

থৌরম অদুদা, হিরম অসিদা হৈথোই-শিংথোইবা মীওইশিংগী মরমদা ৱারি শানখি। মন কি  বাত থৌরমনা ইথিল পীদুনা, অনন্দ সঙ্কর জয়ান্তনা ‘কুত্তি কহানি’ থৌরাং তৌখি। মসি অঙাংশিংগীদমক তোঙান-তোঙানবা লোলশিংদগী ৱারিশিংগী খোমজিনবা অমনি। হায়রিবা ৱারিশিং অসিগী নুংঙাইরবা ভিদিও খর মহাক্কী য়ু তুব চেন্নেলদা মহাক্না থাগৎলে। লৈবাক অসিগী মীয়ামগী অফবা থবকশিংনা অতোপ্পশিংদা ইথিল পীবদগী ঐ হরাওবদগী ঐনা অনন্দ সঙ্কর জয়ান্তগী থবকশিং অসি পনখিবনি। মসি ভারতকী মীয়ামগী অপুনবা থৌনানি, মসিনা লৈবাক অসিগী চাউখৎপদা অনৌবা থৌনা পীরে।

ঐগী নুংশিরবা ইরৈচাশিং,

মন কি বাতকী ৱাফমশিং মতাং অসিদা লোইজরে। মথংদা অনৌবা হিরমশিংগা লোয়ন্না অদোমগা অমুক উনরসি। হৌজিক নোংজু থা মতম্নি, মফম অদুনা অদোমগী হকচাং অনা-অয়েক য়াওদনবা চেকশিনবীয়ু। অফবা মচি ওইবা চীঞ্জাক চাবীয়ু অমসুং হকচাং ফনা লৈবীয়ু। শোইদনা য়োগ শান্নবীয়ু। হৌজিক স্কুল অয়াম্বদা কালেন ছুতিশিং লোইরক্লে। অঙাংশিংনা মখোয়গী হোমৱার্ক লোইশিন্নবা ঐনা হায়জরি। অদোমগী থবক লোইশিল্লু অমসুং পোথাউ। অদোম থাগৎচরি!

ঐগী নুংশিরবা ইরৈচাশিং, খুরুমজরি!

মীয়াম পুম্নমক অমুক হন্না ‘মন কি বাত’তা তরাম্না ওকচরি। হন্দক্কী মন কি বাতকী তাঙ্কক অসি মসিগী অনিশুবা সেঞ্চুরিগী অহৌবনি। হৌখিবা থাদা ঐখোয়না অখন্নবা সেঞ্চুরি হরাও-তয়াম্বা ফোঙদোকখ্রে। অদোম্না শরুক য়াবা অসি থৌরম অসিগী মপাঙ্গলনি। ১০০শুবা তাঙ্কক শন্দোকপা মনুংদা, মওং অমদা লৈবাক অসি লংলা অমনা পুনখি। সেনিতেসনগী ইচিন-ইনাওশিং অমসুং ইচল-ইচেশিং ওইগেরা নত্ত্রগা মশিং য়াম্লবা অহলশিংগী মরক্তগী ওইগেরা, মন কি বাতনা মীওই খুদিংমক পুনশিনখি। মন কি বাতকীদমক অদোম্না উৎলিবা মীনুংশি অসি মমাঙদা অমুক্তা থেংনখিদ্রি, মসিনা কনাগুম্বা অমা পুক্নিং নুংশিহল্লে। মন কি বাত শন্দোকপা মতমদা, মালেমগী তোঙান-তোঙানবা মফমশিংদা, তোঙান-তোঙানবা মতমশিংদা, মশিং য়াম্লবা মীয়াম্না ১০০শুবা তাঙ্কক তাখি। মাইল লিশিং কয়া থাপ্পা, নিউ জিলেন্দদা চহি ১০০ শুরবী নুপী অমনা মমা ওইবীগী থৌজাল পীবা ভিদিও অমা ঐ উরে। ভারত অমসুং মপান লৈবাকশিংগী মীয়াম্না মন কি বাতকী মতাংদা মখোয়গী ৱাখল্লোনশিং ফোঙদোক্লে। মীওই কয়ানা ফজবা মওংদা নৈনরে। মন কি বাত অসি লৈবাক্কী মাইপাকপশিং অমসুং মীয়াম্না নৈনরিবা ঙাক্তনি হায়না মীয়াম্না থাগৎলি। মসিগী থৌজাল অসিগীদমক ঐনা মীয়াম পুম্নমক অমুক হন্না থাগৎচরি।

ঐগী নুংশিরবা ইরৈচাশিং,

মন কি বাত্তা ঐখোয়না কাসি-তামিল শঙ্গমম, সৌরাস্ত্রা-তামিল শঙ্গমমগী মরমদা ৱারি শানরে। মতম খরগী মমাঙদা বরানসীদা কাসি-তেলুগু শঙ্গমম পাংথোকখ্রে। লৈবাক অসিদা এক ভারত শ্রেস্থা ভারতকী ৱাখল্লোন মপাঙ্গল কনখৎহন্নবা অতোপ্পা অঙকপা থবকনি। মসি যুব শঙ্গমগী থবক্নি। ঐনা খল্লি, মসিগী থবক অসি শরুক য়াখিবা মীওই খুদিংমক্না অকুপ্পা মরোলগীদমক করিগী হংলক্ত্রিবনো। মরম অদুনা ঐনা হৌজিক নহা ওইরিবা মীওই অনি ফোন্দা ফাওনরে-অরুনাচল প্রদেসতগী গ্যামারয়োকুম অমসুং অতোপ্পা অমনা বিহারদগী ইচানুপী বিশাখা সিংহ জিনি। ঐখোয় অহানবদা গ্যামারয়োকুমগা ৱারি শানসি।

প্রধান মন্ত্রী: গ্যামার জি, খুরুমজরি!

গ্যামার জি: খুরুমজরি মোদী জি!

প্রধান মন্ত্রী: গ্যামার জি, অহানবদা ঐনা অদোমগী মরমদা খঙবা পাম্মী।

গ্যামার জি: মোদী জি, ঐঙোন্দা খুদোংচাবা অমা পীবীবা অমসুং মমল য়াম্লবা মতম কাইথোক্তুনা ঐগা ৱারি শানবগীদমক অহানবদা ঐনা অদোম অমসুং ভারত সরকার থাগৎপা ফোঙদোকচরি। ঐ নেসনেল ইন্সতিতুৎ ওফ তেক্নোলোজি, অরুনাচল প্রদেসতা মেদিকেল ইঞ্জিনিয়ারিংদা অহানবা চহিদা তম্লি। 

প্রধান মন্ত্রী: নহাক্কী অপোকপা অমসুং ইমুং-মনুংগী অতোপ্পা মীওইশিং করি শীনফম পায়রি?

গ্যামার জি: ঐগী অপোকপা ইপা ললোন-ইতিক মচা অমা চৎথরি অমসুং অতৈ মীওইশিংনা লৌউ-শিংউগী থবক তৌরি।

প্রধান মন্ত্রী: কমদৌনা নহাক্না যুব শঙ্গমগী মরমদা খঙলকপগে? যুব শঙ্গমগীদমক নহাক কদাইদা চৎপগে, কমদৌনা নহাক চৎপগে, করি থেংনখি?

গ্যামার জি: মোদী জি, ঐখোয়গী ইন্সতিতুৎ এন.আই.তিনা ঐখোয়দা যুব শঙ্গমগী মরমদা হায়রকখি অমসুং মদুদগী ঐখোয় শরুক য়াবা ঙমখিবনি। ঐনা অমুক হন্না ইন্তরনেত্তা খর থিখি অমসুং ঐনা মসিগী য়াম্না ফবা থৌরম অসিগী মরমদা খঙখি, মসিদা কনাগুম্বা অমনা এক ভারত শ্রেস্থা ভারত্তা য়াম্না চাউনা মতেং পাংবা ঙমহল্লে অমসুং ঐনা করিগুম্বা অনৌবা খর খঙনবগী খুদোংচাবা অমা ফংলে। মদুদগী ৱেবসাইত্তা চঙলগা ঐনা থৌরম অসিদা মিং চনখি। ঐ য়াম্না নুংঙাইখি অমসুং অফবা ওইখি।

প্রধান মন্ত্রী: নহাক অপাম্বা অমা হেক্তা খনখিবরা?

গ্যামার জি: মোদী জি, ঐনা ৱেবসাইত হাংদোকপা মতমদা, অরুনাচলগী মীয়ামগী অপাম্বা খন্নবা অনি লৈরমখি… অহানবা আই.আই.তি তিরুপতি, অন্ধ্র প্রদেস অমসুং অনিশুবদা সেন্ত্রেল য়ুনিভর্সিতি, রাজস্থান্নি, ঐনা ঐগী অহানবা অপাম্বা রাজস্থান খনখি অমসুং অনিশুবদা আই.আই.তি তিরুপতি খনখি। ঐ রাজস্থানগী খল্লকখি। মরম অদুনা ঐ রাজস্থান্দা চৎখি।

প্রধান মন্ত্রী: অদোমগী রাজস্থান খোঙচৎ কমদৌখি? মসি অদোমগী অহানবা ওইনা রাজস্থান্দা চৎপা খোঙচৎলা?

গ্যামার জি: হোই, ঐ অহানবা ওইনা অরুনাচল প্রদেসকী ৱাংমদা চৎপা খোঙচৎনি।

ঐনা ফিল্মশিং অমসুং ফোন্দা রাজস্থানগী লানবন্দশিং অদু উবনি, মরম অদুনা, ঐনা অহানবা ওইনা মফম অদুদা চৎপা মতমদা, ঐ য়াম্না নুংঙাইখি অমসুং মফম অদুগী মীওইশিং য়াম্না ফে অমসুং ঐখোয়দা য়াম্না লুনা তৌবীরকখি। ঐনা রাজস্থানগী অচৌবা পাৎশিং অমসুং মফম অদুগী মীয়ামগী মরমদা অনৌবা কয়া খঙলকখি অমসুং ঐনা খঙলমদবা নোংগী ঈশিং লৌশিনবগী মতাংদসু খঙলকখি, মরম অদুনা মসিগী রাজস্থানগী খোঙচৎ অসি ঐগী ওইনা য়াম্না কান্নখি।

প্রধান মন্ত্রী: য়েংউ, নহাক্না ফংলিবা খুদোংচাবদি অরুনাচল প্রদেসসু থৌনা ফবশিংগী লম অমনি, রাজস্থানশু থৌনা ফবশিংগী লম অমনি অমসুং রাজস্থানগী মশিং য়াম্লবা মীওই কয়া লান্মী ওইরি, অরুনাচল প্রদেসকী ঙমখৈদা লৈরিবা লান্মীশিংগী মরক্তা রাজস্থানগী মীওইশিং করিগুম্বা নহাক্না থেংনরবদি, নহাক্না মখোয়গা ৱারি শানগদবনি, নহাক রাজস্থান চৎলুরে হায়গদবনি… অদুগী মতুংদা নহাক্না মখোয়গা নকশিন্নবা খুদক্তা হেনগৎলক্কনি।

গ্যামার জি: মোদী জি, ঐনা থেংনবা চপ মান্নবা অমদি লৈবাক নুংশিবা অমসুং এক ভারত শ্রেস্থা ভারতকী পান্দম অমসুং ৱাখল্লোন অদুনি, মরমদি মখোয় ভারতমচানি হায়না অরুনাচলগী মীয়ামশু চাউথোকচবা ফাওরি অমসুং মসিগা চপ মান্না রাজস্থানগী মীয়ামশু মখোয়গী ইমা লৈবাক্কী চাউথোকচবা ফাওরি। মসি ঐনা নহারোলশিংগা উনবা মতমদা খঙবা ঙমখি। অদোম্না ভারতকীদমক থবক পাংথোকপা অমসুং লৈবাক নুংশিবদা… রাজ্য অনিমক্তা মান্নবা কয়া ঐনা উবা ফংলে।

প্রধান মন্ত্রী: মরম অদুনা, মফম অদুদা খঙনখিবা মরুপশিংগা নহাক্কা ৱারি শানবা হেনগৎলকপরা… নত্ত্রগা হল্লক্লবা মতুংদা মখোয় কাউখ্রবরা?

গ্যামার জি: নত্তে, ঐখোয় অমগা অমগা শকখঙ-মাইখঙনবা হেনগৎলক্লে।

প্রধান মন্ত্রী: হোই…! মরমদি নহাক সোসিএল মেদিয়া ফজনা শীজিন্নৈ?

গ্যামার জি: হোই মোদী জি, ঐ ফজনা শীজিন্নৈ।

প্রধান মন্ত্রী: যুব শঙ্গমদগী নহাক্না ফংখিবা নুংঙাইবগী মতাংদা নহাক্না ব্লোক অমা ইবা মতমদা, কমদৌনা নহাক্না মসি শরুক য়াখিবগে, রাজস্থান্দা নহাক্না থেংনরকপশিং ইগদবনি, মসিনা লৈবাক্কী নহারোলশিংনা এক ভারত শ্রেস্থা ভারতকী মরুওইবা অমসুং অচৌবা খঙবা ঙমগনি, মসিগী স্কিম অসিগী মরমদা খঙবা ঙমগনি… কমদৌনা নহারোলশিংনা মসিগী কান্নবা লৌগনি, নহাক্না থেংনবশিং মপুংফানা ব্লোক অমা ইগদবনি, মসিনা পাবদা মীওই কয়া কান্নবা পীগনি।

গ্যামার জি: হোই, ঐ শোইদনা ইগনি।

প্রধান মন্ত্রী: গ্যামার জি, অদোমগা ৱারি শানবা য়াম্না হরাওই।

নহাকগুম্বা নহারোলনা লৈবাক্কী অফবা তুংলমচৎকীদমক থবক তৌগদবনি, মরমদি হায়রিবা চহি ২৫ অসি য়াম্না মরুওই-নহাক্কী পুন্সিগীদমক অমসুং লৈবাক্কীদমক, ঐনা অদোমগী মফমদা ঐগী য়াইফ-পাউজেল পীজরি। অদোমবু থাগৎচরি।

গ্যামার জি: মোদী জি অদোমবুসু থাগৎচরি।

প্রধান মন্ত্রী: খুরুমজরি ইনাও!

মরুপশিং, ঐনা মখোয়গা ৱারি শানবা মতমদা অরুনাচল প্রদেসকী মীয়াম হরাও-তয়াম্না পীক থনখি। যুব শঙ্গমদগী গ্যামার জিনা ফংলকপশিং অদু য়াম্না ফৈ। ঐখোয় হৌজিক বিহারদগী ইচানুপী বিশাখা সিংহ জিগা ৱারি শানরসি।

প্রধান মন্ত্রী: বিশাখা সিংহ জি, খুরুমজরি।

বিশাখা জি: অহানবদা, ইকায়খুম্নরবা ভারতকী প্রধান মন্ত্রী ঐনা খুরুমজরি অমসুং মসিগা লোয়ন্না, মীয়াম পুম্নমক্কী মহুৎ শীন্দুনা অদোম ইকায়খুম্নবা উৎচরি।

প্রধান মন্ত্রী: য়াম্না ফরে বিশাখা জি, অহানবা নহাক নশাগী মরমদা ঐখোয়দা খঙহল্লু। অদুগা ঐনা যুব শঙ্গমগী মরমদসু খর খঙনিংই।

বিশাখা জি: ঐ বিহারগী সাসারাম সহরদা লৈবা মীওই অমনি অমসুং ঐগী কলেজগী হ্বাতসএপ্প গ্রুপকী মেসেজ অমগী খুৎথাংদগী যুব শঙ্গমগী মরমদা খঙখি। মদুদগী ঐনা মসিগী মরমদা অকুপ্পা মরোলশিং খঙখি। মসি প্রধান মন্ত্রীগী স্কিম ‘এক ভারত শ্রেস্থা ভারত’ কী খুৎথাংদা নহারোলশিং পুনশিনবা অমনি হায়বা ঐ খঙখি। মদুগী মতুংদা ঐনা এপ্লাই তৌখি অমসুং মসি শরুক য়াগনি খনবদা ঐ হরাওখি, মসিগী থৌরম অসিগী শরুক অমা ওইবদা ঐ হৌজিক চাউথোকচবা ফাওই। মরম অদুনা মসিগী থৌরম অসি শরুক য়াবদা ঐ য়াম্না হরাওই অমসুং নহারোলশিংগী অসিগুম্বা থৌরম অমা শীনবদগীদমক ঐগী থম্মোয়দগী অদোমগী মফমদা ঐগী তৌবীমল খঙবা উৎচরি, মসিনা ভারতকী তোঙান-তোঙানবা মফমশিংগী কলচর ঐখোয়দা খঙহল্লে।

প্রধান মন্ত্রী: বিশাখা জি, অদোম করি তম্লি?

বিশাখা জি: ঐ কম্পুতর সাইন্স ইঞ্জিনিয়ারিংগী অনিশুবা চহিগী মহৈরোয় অমনি।

প্রধান মন্ত্রী: য়াম্না ফরে বিশাখা জি, নহাক্না চৎনবা কমদৌনা রাজ্য খনবগে?

বিশাখা জি: ঐনা যুব শঙ্গমগী মতাংদা গুগলদা থিবা মতমদা, বিহারগী মহৈরোয়শিংনা তামিল নাদুগী মহৈরোয়শিংগা চৎথোক-চৎশিন তৌনৈ হায়বা খঙবা ঙমখি। তামিল নাদু অসি ঐখোয়গী লৈবাক্তা কলচরদা য়াম্না ইনাকখুনবা রাজ্য অমনি, বিহারগী মীওইশিং তামিল নাদুদা থাবা অদু ঐ উখি, মসিনা ঐগী ৱারেপ লৌবদা মতেং পাংখি অমসুং ঐনা ফোর্ম মেনশিনখি। থৌরম অসিগী শরুক অমা ওইবদা ঐ য়াম্না হরাওই অমসুং মসিগীদমক চাউথোকচবা ফাওই।

প্রধান মন্ত্রী: মসি নহাক্কী তামিল নাদুদা অহানবা চৎপরা?

বিশাখা জি: হোই… মসি ঐগী অহানবা খোৎচৎনি।

প্রধান মন্ত্রী: অখন্নবা নিংশিংবা য়াবা করিগুম্বা নহাক্না হায়নিংবা লৈরবদি, নহাক করি হায়গনি? লৈবাক অসিগী নহারোলশিং নহাক্না ঙাংবা তানবা ঙাইরি।

বিশাখা জি: হোই, করিগুম্বা ঐখোয়না লৈবাক পুম্নমক্কী খন্নরবদি, মসি ঐঙোন্দা অঙকপা অমনি। তাঙ্কক খুদিংমক্তা ঐখোয়না অফবা কয়া তম্লে। তামিল নাদুদা ঐনা মরুপ কয়া তিন্নরে… মফম অদুগী কলচর খঙলে। কনাগুম্বা অমতা ইসরো চঙবগী খুদোংচাবা পীদে অমসুং ঐখোয় দেলিগেদশিং  ইসরোদা চঙবগী খুদোংচাবা পীখি। অনিশুবা খ্বাইদগী ফবা অমনা,ঐখোয় রাজ ভাবন্দা চৎখি অমসুং তামিল নাদুগী রাজ্যপালগা উনখি। নহা অমা ওইনা চহি মতাং অসিদা হায়রিবা তাঞ্জা অনি অদু ঐগী ওইনা য়াম্না নুংঙাইখি অমসুং ঐখোয়না যুব শঙ্গমগী কান্নবা ফংলে। মসি ঐগী ওইনা খ্বাইদগী মতিক চাবা অমসুং নিংশিংদুনা লৈহৌরগদবা অমনি।

প্রধান মন্ত্রী: বিহারগী চাকচা-য়ুথকশিংগা তামিল নাদুগা য়াম্না খেন্নৈ!

বিশাখা জি: হোই

প্রধান মন্ত্রী: কমদৌনা মসি চুশিন্ননবা হোৎনৈ?

বিশাখা জি: তামিল নাদুদা খা ভারতকী ইন্সাং মথেলশিং পাম্না চানৈ। ঐখোয়না মফম অদুদা লৈবা মতমদা দোসা, ইদলি, সাম্ভার, উত্তাপাম, বারা, উপমা পীজরকখি। ঐখোয়না অহানবা ওইনা চাবদা য়াম্না হাওখি। মফম অদুগী চীঞ্জাক য়াম্না ফবা ওইখি, তশেংনা হাওই অমসুং ঐখোয়গী অৱাং ভারত্তা চারিবা অসিদগী য়াম্না তোঙানখি। মরম অদুনা ঐনা মফম অদুগী চীঞ্জাক পামখি অমসুং মফম অদুগী মীওইশিংশু য়াম্না ফৈ।

প্রধান মন্ত্রী: হৌজিক নহাক তামিল নাদুদসু মরুপ-মপাং লৈরবরা?

বিশাখা জি: হোই, ঐখোয় এন.আই.তি ত্রিচিদা লৈখি, তুংদা আই.আই.তি মদ্রাসদা লৈখি। হায়রিবা মফম অনিমক্কী মহৈরোয়শিং ঐগী মরুপশিং ওইরে। সি.আই.আইনা শীনবা তরাম্না ওকপগী থৌরম অমসু পাংথোকখি, অনকপা কলেজশিংগী মহৈরোয় কয়া মফম অদুদা লাকখি। হায়রিবা মহৈরোয়শিং অদুগা ঐখোয়গা ৱারি শানখি অমসুং মখোয়গা উনবা অমসুং মখোয়গা মরুপ ওইবদা ঐ হরাওখি। ঐনা তামিল নাদুদগী বিহারদা লাকখিবা দেলিগেদ খরগা উনখি, মখোয়গা ৱারি শানখি অমসুং হৌজিক ফাওবা মখোয়গা ৱারি শানরি, মরম অদুনা ঐ য়াম্না হরাওই।

প্রধান মন্ত্রী: মরম অদুনা বিশাখা জি, সোসিএল মেদিয়াদা ব্লোক অমা ইয়ু, অহানবদা যুব শঙ্গমগী, মথংদা এক ভারত শ্রেস্থা ভারত অমসুং মথংদা তামিল নাদুদা ফংলকখিবা নুংঙাইবা অমসুং নহাক তরাম্না ওকখিবা অদুগী মতাংদা ইয়ু। তামিল নাদু মীয়ামগী মীনুংশিং নহাক্কী মফমদা হৈথরকখিবা অদু, লৈবাক অসিগী মীয়ামদা খঙহল্লু। নহাল ইগদরা?

বিশাখা জি: হোই, শোইদনা ইগনি!

প্রধান মন্ত্রী: ঐনা নহাক্কী মফমদা য়াইফ-পাউজেল পীজরি অমসুং অদোমবু থাগৎচরি।

বিশাখা জি: অদোমবু থাগৎচরি। খুরুমজরি।

গ্যামার অমসুং বিশাখাদা ঐগী য়াইফ পাউজেল পীজরি। যুব শঙ্গম্না অদোমদা তম্বীরিবা অদু নহাক্কী পুন্সি চুপ্পা লৈহৌরগনি। মসি নখোয় ময়ামগী মফমদা পীবা ঐগী য়াইফ-পাউজেলনি।

মরুপশিং, ভারতকী মপাঙ্গল অসি লৈবাক অসিগী খেন্নবশিংদা লৈরি। ঐখোয়গী লৈবাক্তা মখল কয়া উরে। মসি খঙবদগী, ইজুকেসন মিনিস্ত্রিনা ‘যুবশঙ্গম’ কৌবা থবক আমা পায়খৎপনি। থবক অসিগী পান্দমদি মীগা মীগা শম্নবা হেনগৎহনবনি অমসুং লৈবাক অসিগী নহারোলশিং অমগা অমগা তোৎন-তিন্ননবা খুদোংচাবা অমা পীবনি। তোঙান-তোঙানবা রাজ্যশিংদা লৈরিবা অৱাংবা থাক্কী মহৈলোয়শঙশিং থৌরম অসিগা শম্নরে।

‘যুবশঙ্গম’দা নহারোলশিং অতোপ্পা রাজ্যশিংগী সহরশিং অমসুং খুঙ্গংশিংদা চৎতুনা মখল কয়াগী মীওইশিং উন্নবগী খুদোংচাবা অমা ফংলে। যুবশঙ্গমগী অহানবা তাঙ্কক্তা, লৈবাক অসিগী রাজ্য ২২দা চাউরাক্না নহারোল ১২০০ কোয়বা চৎখ্রে। থৌরম অসিদা শরুক য়াখিবা নহারোল খুদিংমক মখোয়গী পুন্সিদা মখোয়গী থম্মোয়শিংদা হক্তুনা লৈহৌরগনি। অচৌবা কম্পেনিশিংগী সি.ই.ওশিং, বিজিনেস লুচিংবশিং বেক-পেক্করশিং ওইনা ভারত্তা মতম লেনবা ঐখোয়না উরে। অতোপ্পা লৈবাকশিংগী লুচিংবশিংগা ঐগা উনবা মতমদা, মখোয়না নহা ওইরিঙৈদা মখোয় ভারত্তা লাক্লম্লে হায়না মখোয়না ফোঙদোকখি। ঐখোয়গী ভারত্তা য়েংগদবা অমসুং খঙগদবা কয়া লৈরি অমসুং নহাক্কী লাংতক্নবা মতমগী মতুংইন্না হেনগৎলক্কনি। হায়রিবা নুংঙাইরবা থৌদোকশিং অসি খঙলবা মতুংদা নহাকসু লৈবাক অসিগী তোঙান-তোঙানবা মফমশিংদা কোয়বা চৎনবা ইথিল পীগনি হায়না ঐনা থাজবা থম্লি।

ঐগী নুংশিরবা ইরৈচাশিং, নুমিৎ খরনিগী মমাঙদা ঐ জপানগী হিরোসিমাদা চৎলুরে।

মফম অদুদা ঐ হিরোসিমা পিছ মেমোরিএল মিউজম থেংনবা খুদোংচাবা অমা ফংখি। মসি পুক্নিং নুংশিবা অমনি। পুৱারিগী থৌদোকশিং ঐখোয়না নিংশিংবা মতমদা, মসিনা তুংগী মীরোলশিংদা য়াম্না মতেং পাংই। করিগুম্বা মতমদা ঐখোয়না মিউজমশিংদগী অনৌবা পারাশিং তমখি… করিগুম্বা মতমদা ঐখোয়না কয়া অমা তমখি। নুমিৎ খরগী মমাঙদা ভারত্তা ইন্তরনেসনেল মিউজম এক্সপো পাংথোকখ্রে। মসিদা মালেমগী মিউজম ১২০০ হেনবগী অখন্নবা পোৎলমশিং উৎখি। ভারত্তা মখল কয়াগী মিউজমশিং লৈরি, মসিদা ঐখোয়গী হৌখ্রবা মতমশিংগী পোৎলমশিং উৎলি। গুরুগ্রামদা লৈবা মুসিও কেমেরা মিউজমদা ১৮৬০ মতুংগী কেমেরা লিশিং ৮ হেন্না থম্লি। ঐখোয়গী দিবয়াং মীয়াম ৱাখলদা থমদুনা তামিল নাদুগী মিউজম ওফ পোজিবিলিতিস শেমগৎখিবনি। মুম্বাইগী ছত্রপতি সিবাজি মহারাজ ভসতুসংগ্রহলয়দা পোৎলম লিশিং ৭০ হেন্না লীদুনা থম্লি।

২০১০দা লিংখৎখিবা ইন্দিয়া মেমোরি প্রোজেক অসি ওনলাইন মিউজম মখল অমনি। মসিনা ভারতকী মমাঙঙৈগী ফজরবা পুৱারি ফোতোশিং অমসুং ৱারিশিংগা লোয়ন্না মালেম শীনবা থুংনা শন্দোক্লি। পার্তিসনগী অকিবশিং উৎনবা থৌরাং অমা পায়খৎলে। হৌখিবা চহি ২দা, ভারত্তা অনৌবা মিউজম মখল কয়া উবা ফংলে অমসুং মেমোরিএল কয়া লিংখৎলক্লে। নিংতম ইহৌদা অচৌবা থৌদাং লৌখিবা ত্রাইবেল ইচিন-ইনাওশিং অমসুং ইচল-ইচেশিংগী কৎথোকপা অনৌবা মিউজম ১০ লিংখৎলে। মসি কোলকাতাগী ভিক্তোরিয়া মেমোরিএলগী বিপ্লোবী ভারত গেল্লরি ওইবা য়াই নত্ত্রগা জল্লিয়ানৱালা বাগ মেমোরিএল অমুক হিঙ্গৎহনবা ওইবা য়াই। লৈবাক অসিগী হান্নগী প্রধান মন্ত্রীশিংদা কৎথোকপা প্রধান মন্ত্রী সংগ্রহলয় অসিনা ঙসি দিল্লিগী ফজবশু হেনগৎহল্লে।

দিল্লিদা লৈরিবা নেসনেল ৱার মেমোরিএল অমসুং পুলিস মেমোরিএলদা অথৌবশিংগী মফমদা ইকায়খুম্নবা উৎনবা নুমিৎ খুদিংগী মীওই কয়া লাক্নরি। পুৱারি ওইরবা দান্দি খোচত্তা দান্দি মেমোরিএল কৎথোকপা ওইগেরা নত্ত্রগা স্তেচু ওফ য়ুনিতি মিউজম ওইগেরা… লৈবাক অসিগী মিউজম মমিং অসি য়াম্না শাংবা মরম্না ঐ মতাং অসিদা লেপ্লগনি অমসুং অহানবা ওইনা লৈবাক অসিদা লৈরিবা মিউজমশিংগী দরকার ওইবা ৱারোলশিং খোমজিল্লে। মিউজমগী থিমদা য়ুম্ফম ওইরগা, মফম অদুদা করি করম্বা পোৎলমশিং থম্লি, মখোয়গা পাউ ফাওন্নবা অকুপ্পা মরোলশিং- পুম্নমক অসি ওনলাইন দাইরেক্তোরি অমদা খোমজিল্লে। অদোম্না খুদোংচাবা অমা ফংবা মতমদা, অদোম্না ঐখোয়গী লৈবাক্কী মিউজমশিং য়েংগদবনি। মিউজমশিংদগী লৌরকপা ফোতোশিং অদু #(Hashtag) Museum Memories দা সিয়ার তৌবা কাউদনবা ঐনা অদোমগী মফমদা হায়জরি। মসিনা ঐখোয় ভারতমচাশিংগা ঐখোয়গী হৌখ্রবা ফজরবা কলচরগা লৈনবা মরী অদু মখা তানা মপাঙ্গল কনখৎহনগনি।

ঐগী নুংশিরবা ইরৈচাশিং, ঈশিং য়াওদনা পুম্নমক অরেম্বনি হায়বা অদোম্না হঞ্জিন-হঞ্জিন তারম্লগনি। ঈশিং য়াওদবা পুন্সি অসি মতম পুম্নমক্তা অৱাবনি… লনাই মীওই অমা অমসুং লৈবাক চাউখৎপা চপ লেপকনি। মসিগী তুংগী অৱাবশিং অদু খঙদুনা, ঙসি লৈবাক অসিগী জিলা খুদিংমক্তা অমৃত সরোভর ৭৫ শেমগৎলে। মখোয় অজাদি কা অমৃত কালদা শেমগৎপা মরম্না ঐখোয়গী অমৃত সরোভরশিং অসি অখন্নবনি অমসুং মীয়াম্না হোৎনবগী মহৈ অদু মখোয়না থম্লে। হৌজিক ফাওবদা অমৃত সরোভর লিশিং ৫০ শেমগৎখ্রে হায়বা খঙবদা অদোম অপেনবা পোক্কনি। মসি ঈশিং য়োকশিন্নবা মাইকৈদা থাংজিনবা অচৌবা খোঙথাং অমনি।

মরুপশিং, ঐখোয়না কালেন থা খুদিংগী ঈশিং ফংদবগী মতাংদা ৱারি শান্নরি। হন্দকসু ঐখোয়না হিরম অসি লৌখৎকনি, হন্দক ঐখোয়না ঈশিং য়োকশিন্নবা স্তার্দঅপশিংগী মতাংদা খন্ন-নৈনগনি। ফ্লুসজেন কৌবা স্তার্দঅপ অমা লৈরে। আই.ও.তি তেক্নোলোজিশিং শীজিন্নদুনা মসিগী স্তার্দঅপ অসিনা ঈশিং পীথোক-পীশিনগী থবকশিং পাংথোক্নবা খুদোংচাবা পীরি। মসিগী তেক্নোলোজি অসিনা ঐখোয়দা ঈশিং শীজিন্নবগী মওং খঙহনবা ঙম্মী অমসুং ঈশিং ফজনা শীজিন্নবদা মতেং পাংগনি। লাইফএনসেন্স কৌবা অতোপ্পা স্তার্দঅপ অমসু লৈরে। মসি আর্তিফিসিএল ইন্তিলিজেন্স অমসুং মেছিন লার্নিংদা য়ুম্ফম ওইবা প্লেতফোর্ম অমনি। মসিগী মতেংনা ঈশিং ফংহনবগী থবকশিং মপুংফানা য়েংশিনবা ঙমগনি। মসিদগী ঐখোয়না ঈশিং কয়া য়াম্না মাঙহনবগে হায়বা খঙবা ঙমগনি। অতোপ্পা স্তার্দঅপ ‘কুম্ভিকাগজ’ কৌবা অমসু লৈরে। কুম্ভিকাগজ স্তার্দঅপনা অখন্নবা থবক অমা পায়খৎলে। মখোয়না চরাংদগী চে পুথোক্লি, মতম অমদা ঈশিং ফংফমদা চরাং অসি অৱাবা অমা ওইরম্বনি, হৌজিক মফম চে শাবদা শীজিন্নরে।

মরুপশিং,

করিগুম্বা নহারোল কয়া ইন্নোবেসন অমসুং তেক্নোলোজিগী খুৎথাংদা থবক তৌরবসু, ছতিসগরগী বালোদ জিলাগ নহারোলশিংগুম, নহারোল কয়া খুন্নাই ৱাখল তাহন্নবা পান্দমদা থবক কয়া পাংথোক্লি। নহারোলশিংনা ঈশিং কন্নবা খোঙজং অমা পায়খৎলে। ঈশিং য়োকশিন্নবা মীয়াম ৱাখল তাহন্নবা মখোয়না য়ুমথোং য়ুমথোংদা চৎখি। মফম অমদা লুহোংবগুম্বা থৌরম অমা লৈবা মতমদা, নহারোলশিং মফম অদুদা চৎখি অমসুং ঈশিং লান্না শীজিন্নবা কমদৌনা তোক্কনি হায়বগী মতাংদা ই-পাউ পীখি। ঈশিং ফজনা শীজিন্নবগী মতাংদা পুক্নিং থৌগৎনিঙাই ওইবা থবক অমা ঝরখন্দগী খুন্তি জিলাদা পায়খৎলে। চেক দামশিং শাদুনা ঈশিংগী অৱাবা কোক্নবা লম্বী অমা খুন্তিগী মীয়াম্না ফংলে। চেক দামশিংনা ফাজিন্দুনা থম্বা ঈশিংনা মফম অদুদা মনা-মশিং কয়া হৌরে। মসিনা মরম ওইদুনা মীয়ামগী শেন্থোক হেনগৎহল্লে অমসুং লমদম অদুগী দরকার ওইবশিং ফংহনবা ঙম্লে। কমদৌনা মীয়াম শরুক য়াবা থবকশিংনা অওনবা অমা পুরকপগে হায়বা অদু খুন্তিনা ময়েক লারবা খুদম অমা ওইরে। মসিগী থবক অসিগীদমক ঐনা মফম অদুগী মীয়াম থাগৎপা ফোঙদোকচরি।

ঐগী নুংশিরবা ইরৈচাশিং,

১৯৬৫গী লান মনুংদা, ঐখোয়গী হান্নগী প্রধান মন্ত্রী লাল বহাদুর সাস্ত্রীনা জয় জৱান,জয় কিষান খোল্লাউ লাউখি, অতল জিনা মসিদা জয় বিজ্ঞান হাপচিনখি। চহি খরগী মমাঙদা ঐনা লৈবাক অসিগী সাইন্তিস্তশিংগা ৱারি শানখি, ঐনা জয় অনুসন্ধানগী মরমদা ৱারি শাখি। মন কি বাত্তা, ঙসি অসিগুম্বা মীওই অমা, অসিগুম্বা লুপ অমা, হায়রিবা জয় জৱান, জয় কিষান, জয় বিজ্ঞান অমসুং জয় অনুসন্ধানগী মমিং তাবা মীওই অমা লৌখৎলে। মীওই অসি, মহারাস্ত্রাদগী শ্রীমান সিবাজি সামরাও দোলেনি। সিবাজি দোলে নাশিক জিলাগী অপীকপা খুঙ্গং অমদগী হৌরকপনি। মহাক্না লায়রবা ত্রাইবেল লৌমী অমগী ইমুংদগীনি অমসুং এক্স-সর্বিসমেন অমসুনি। মহাক্না লান্মী ওইরিঙৈদা মহাক্কী পুন্সি লৈবাক্কীদমক কৎথোকখি। থবক্তগী পোথারবা মতুংদা, করিগুম্বা অনৌবা খর তম্নবা মহাক্না ৱারেপ লৌখি অমসুং এগ্রিকলচরদা দিপ্লোমা অমা তৌখি, মদুদগী মহাক জয় জৱান, জয় কিষানগী মাইকৈদা খোঙ থাংজিনখি। হৌজিক মহাক্না, লৌউ-শিংউগী লমদা কমদৌনা পোৎথোক খ্বাইদগী য়াম্না পুথোক্কদগে হায়বদা চঙশিল্লি। খোঙজং অসিদা, সিবাজি দোলেনা মীওই ২০গী অপীকপা কাংবু অমা শেমখি অমসুং মদুদা এক্স-সর্বিসমেন খর য়াওহনখি। মহাক্কী কাংবুনা ভেনকতেশ্বর কো-ওপরেতিপ পৱার এন্দ এগ্রো প্রোসেসিং লিমিতেদ কৌবা কো-ওপরেতিপ ওর্গনাইজেসন অমা শীন-লাংবগী থৌদাং লৌখি। মসিগী কো-ওপরেতিপ ওর্গনাইজেসন অসি থবক তৌদনা লৈরক্লবনি, অমুক হিঙ্গৎহন্নবা মহাক্না থৌদাং লৌখি। ঙসিদি ভেনকতেশ্বর কো-ওপরেতিপ জিলা কয়াদা পাকথোক-চাউথোকলে। ঙসি মহাক্কী কাংবু মহারাস্ত্রা অমসুং কর্নাতকাদা থবক তৌরি। মসিদা মীওই ১৮,০০০ রোম থবক তৌরি অমসুং মশিং য়াম্লবা ঐখোয়গী এক্স-সর্বিসমেনশিংসু য়াওরি। কাংবু অসিগী মেম্বরশিংনা নাসিক্কী মালেগাউন্দা লম একর ৫০০ হেনবদা লৌউ-শিংউগী থবক পায়খৎলি। কাংবু অসিনা ঈশিং য়োকশিন্নবা পুখ্রি কয়া তৌবগী থবকশু পায়খৎলি।

মসিগী মরুওইবা অমনা, মখোয়না ওর্গনিক ফার্মিং অমসুং শঙ্গোম পুথোকপসু হৌরে। হৌজিক মফম অদুদা থাবা অঙ্গুর য়ুরোপতা থাদোক্লে। কাংবু অসিগী মরুওইবা শক্তম অনিদি-জয় বিজ্ঞান অমসুং জয় অনুসন্ধান অসিনি। মসিগী মেম্বরশিংনা তেক্নোলোজি অমসুং অনৌবা লৌউ পথাপশিং খ্বাইদগী য়াম্না শীজিন্নরি। মরুওইবা অনিশুবা অমনা, মখোয়না মপান লৈবাকশিংদা য়োন্নবা তোঙান-তোঙানবা সর্তিফিকেসনগী থবকশিংদা মীৎয়েং চঙবা অসিনি। মতেং পাংনদুনা নুংঙাইমিন্নবা হায়বা ৱাখল্লোন অসিগা লোয়ন্না থবক তৌবগীদমক ঐনা কাংবু অসি থাগৎলি। মসিগী থবক অসিনা মশিং য়াম্লবা মীওই থৌনা হাপ্পা খক নত্তনা, মীওই কয়াগী হিংনবা লম্বীশিং শেম্লে। মসিগী থবক অসিনা মন কি বাত তারিবা মীওই খুদিংমক ইথিল পীগনি হায়না ঐনা থাজৈ।

ঐগী নুংশিরবা ইরৈচাশিং,

ঙসি মে ২৮ অসি, অথৌবা নিংতম লান্মী বির সরভারকরগী মপোক নুমিৎনি। মহাক্কী কৎথোকপা, থৌনা অমসুং ৱাশক্কা মরী লৈনবা ৱারিশিংনা ঙসি ফাওবা ঐখোয়গী পুক্নিং থৌগৎলি। অন্দমানগী কালাপানিদা ফাদোক তাখিবা বির সরভারকরনা লৈরম্বা সেল অদু ঐনা য়েংলুবা নুমিৎ অদু ঐনা কাউবা ঙম্লোই। মহাক্কী অকিবা ফাওদবা অমসুং মশানা মশাবু ইকায়খুম্নবা মওং অদুনা মতম পুম্নমক্তা মীনাই ওইবগী ৱাখল্লোন অদু য়াখিদে। নিংতম ইহৌ খক নত্তনা, খুন্নাইগী থোং মান্নবা অমসুং খুন্নাইগী অচুম্বা পুরক্নবা বির সরভারকরনা পাংথোক্লম্বা থবকশিং ঙসি ফাওবা নিংশিংলি।

মরুপশিং, নুমিৎ খরনিগী মতুংদা, জুন ৪দা, সান্ত কবিরদাস জিগী মপোক নুমিৎ থোক্লে। কবিরদাসনা তাক্লম্বা লম্বী অদু ঙসি ফাওবা চুনরি। কবিরদাস জিনা হায়রমখি,

‘কবিরা কাউন এক হাই, পানি ভারে অনেক বার্তন মৈ হাই ভের হাই, পানি সব মৈ এক’

মসিনা হায়রি: মীওই মখল কয়া গুহাদগী ঈশিং শোক্নবা লাক্নখি… অদুবু কনাগুম্বা অমতা খেন্নবা লৈতে… পাত্রশিংদা য়াওরিবা ঈশিং চপ মান্নৈ।

খুন্নাই তোখাই তাহনবা ফত্তবা থবক খুদিংমক সান্ত কবিরনা য়াখিদে; খুন্নাই মিকপ থোক্নবা হোৎনখি। ঙসিদি, লৈবাক অসি চাউখৎনবা ফিরেপ অমগা লোয়ন্না মাঙলোমদা চঙশিল্লি, সান্ত কবিরদগী ইথিল লৌদুনা খুন্নাই শক্তি পীনবা ঐখোয়গী থবকশিং ঐখোয়না হেনগৎহনগদবনি।

ঐগী নুংশিরবা ইরৈচাশিং,

রাজনিতি অমসুং ফিল্মদা মহাক্কী অঙকপা লৌশিংগী থৌনানা মুৎপা নাইদ্রবা মফম অমা কল্লম্বা লৈবাক অসিগী শক্নাইরবা মীওই অমগী মরমমদা হৌজিক ঐনা অদোমগা লোয়ন্না ৱারি শানগনি। শক্নাইরবা মীওই অদুগী মমিং মীয়াম্না এন.তি.আর হায়না খঙনবা এন.তি রামা রাওনি। ঙসি অসি মহাক্কী ১০০শুবা মপোক কুমওন্নি। মাইথোং য়াম্বা মহাক্কী লৌশিংগী মপাঙ্গলনা, মহাক্না তেলুগু সেনিমাগী সুপরস্তার অমা ওইবতা নত্তনা, মহাক্না মীওই করোর কয়াগী থম্মোয় জয় তৌখি। মহাক্না ফিল্ম ৩০০ হেন্না কুমখি হায়বা অদোম খঙবরা?

মহাক্কী এক্তিংদা মহাক্না পুৱারিগী করেক্তর কয়া হিঙ্গৎহনখি। ভাগবন কৃষ্ণ, রাম অমসুং অতোপ্পা কয়াগী এন.তি.আরগী রোলশিং মীয়াম্না পাম্নখি, মখোয় অদুনা মরম ওইদুনা হৌজিক ফাওবা মহাক নিংশিংলি। সেনিমা অমসুং রাজনিতিগী তাইবংদা এন.তি.আরনা মহাক মশাগী শক্তম অমা শেমখি। মহাক মীয়ামগী মীনুংশি অমসুং থৌজাল কয়া ফংখি। ভারত অমসুং মালেমগী মীওই করোর কয়াগী থম্মোয় জয় তৌখিবা এন.তি রামা রাও জিগী মফমদা ঐনা ইকায়খুম্নবা উৎচরি।

ঐগী নুংশিরবা ইরৈচাশিং,

হৌজিক্কী মন কি বাত মতাং অসিদা লোইরে। মথংদা অনৌবা হিরমশিংগা লোয়ন্না ঐ অদোমগা উনগনি… মতম অদু ফাওবদা মফম খরদা নুংশাগী মৈশা হেনগৎলক্কনি। মফম খরদা নোং চুবশু হৌরে। নোং-চিংগী ফিবম খুদিংমক্তা অদোমগী হকশেলগী চেকশিন-থৌরাং লৌগৎকদবনি। জুন ২১দা ঐখোয়না মালেমগী য়োগ নুমিৎ পাংথোক্কনি। থৌরম অসিগীদমক লৈবাক মনুং অমসুং মপান লৈবাকশিংদা শেম-শাবা চৎথরি। হায়রিবা শেম-শারিবশিং অসিগা মতাংদা অদোমগী মন কি বাত্তা ঐঙোন্দা ইবীরকউ। অতোপ্পা হিরম অমা করিগুম্বা অদোম্না অহেনবা ই-পাউ লৈরবদি, মদু ঐঙোন্দসু হায়বীরকউ। মন কি বাত্তা পাউতাকশিং মশিং য়াম্না য়াওহন্নবা ঐনা হোৎনগনি। ঐনা অমুক হন্না মীয়াম পুম্নমক অমুক হন্না থাগৎচরি। মথংগী থাদা ঐখোয় উনগনি, মতম অদু ফাওবা ঐ অদোমগা কাইনরসি।

খুরুমজরি।

ঐহাক্কী নুংশিরবা লৈবাক মীয়াম, নমস্কার। ঙসি অসিদি ‘‘মন কী বাত’’না 100শুবা তাঙ্কক মপুং ফাবা নুমিৎনি। ঐহাক্না অদোমগী মফমদগী চিথি লিশিং কয়া, মেসেজ লাক্ষ কয়া ফংজখি...ঐহাক্না ঙম্লিবমখৈ চিথি য়াম্না পানবা হোৎনজখি, য়েংজনিংখি অমসুং মেসেজশিংবু নিংথীনা খঙনবা হোৎনজখি। ঐহাক্না অদোমগী চিথী পাবা মতমদা পুক্নিং নুংশিরকপা মতাং য়াম্না য়াওই, অদুগা ইশাবু অমুক্কা ফাথবসু য়াওরিবনি। অদোম্না ‘মন কী বাত’কী 100শুবা তাঙ্কক অসিগীদমক্তা ঐহাকপু থাগৎপীরকখি, অদুগা ঐহাক্না থম্মোইনুংদগী মসিমসু হায়জরি, ‘মন কী বাত’ তাবীরিবা অদোম লৈবাক মীয়াম পুম্নমকসু থাগৎফম থোকই। ‘মন কী বাত’ অসিদি ভারত মচা করোর কয়াগী ‘মন কী বাত’নি, মসিদি মখোয়গী ৱাখল্লোনশিংগী মমিনি।

মরুপশিং, ওক্তোবর 3, 2014 অসি বিজয়া দশমীগী নুমিৎ ওইখি, অমসুং ফত্তববু অফবনা মায়থীবা পীবগী কুহ্মৈ নুমিৎ অসিদা ঐখোয় পুন্না ‘মন কী বাত’কী খোঙচৎ অসি হৌদোকমিন্নখি। ‘মন কী বাত’না লৈবাক মীয়ামগী অফবা মগুন অমসুং চাউখৎপা ৱাখল খনবগী তোপ-তোপ্পা মখলগী কুহ্মৈ অমা ওইরকখি। ঐখোয় পুম্বনা খৌরাংনা ঙাইবা থা খুদিংগী লাকপা কুহ্মৈ অমা ওইখি। ঐখোয়না মসিদা পোজিতিবিতীগী হরাও নুংঙাইবসু ফোংদোকই। ‘মন কী বাত’ হৌখিবা অসি থা কয়া, চহি কয়া ফাখ্রে হায়বসি করিগুম্বা মতমদা থাজদবসু য়াওই। তাঙ্কক খুদিং মশানা অদুমক অখন্নবা ওইখি। তাঙ্কক খুদিংদা লৈবাক মীয়ামগী অনৌবা খুদম, অনৌবা মায় পাকপা কয়ানা থনখি। ‘মন কী বাত’ অসিদা লৈবাক্কী মফম খুদিংগী মীওই কাঙলুপ কয়ানা শরুক য়াখি। বেতি বচাও, বেতি পড়াও ওইরো, স্বচ্ছ ভারত ইহৌ ওইরো, মহৌশা নত্ত্রগা খাদিবু নুংশিবা ওইরো, নিংতম্বগী অমৃত মহোৎসব নত্ত্রগা অমৃত সরোবর ওইরো, ‘মন কী বাত’কা মরী লৈনখিবা হীরম খুদিংনা মীয়ামগী ইহৌ ওইখি, অদুগা মসি অদোম্না ওইহনবনি। ঐহাক্না মতম অমগী USকী রাস্ত্রপতি বারাক ওবামাগা ‘মন কী বাত’ পুন্না শন্দোকখিবা মতমদা, মালেম পুম্বনা মসিবু ৱারীনখি।  

মরুপশিং, ঐহাক্কী ওইনদি ‘মন কী বাত’ অসি অতোপ্পদা চেনবা অফবা মগুনবু নিংজবনি। ঐহাক্কী লমজিং লমতাকপীবা মীওই অমা লৈরম্মি – শ্রী লক্ষমনরাও জী ইনামদার। ঐখোয়না মহাকপু উকিল সাহেব হায়না কৌনৈ। ঐখোয়না অতোপ্পদা চেনবা অফবা মগুনবু নিংজগদবনি হায়না মহাক্না মতম পুম্বদা হায়বী। অদোমগা মাইয়োক্নরিবা মীওই অদু কনা অমত্তা ওইজসনু, মহাক্না অদোমগী মরুপ, নত্ত্রগা য়েক্নবা ওইবা য়াই, ঐখোয়না মখোয়গী অফবা মগুন খঙগদবনি অমসুং মদুদগী তমগদবনি। মসিগী থৌওং অসিনা ঐঙোন্দা মতম পুম্বদা ইথিল পীবি। ‘মন কী বাত’ অসিনা অতোপ্পগী অফবা মগুন তমজবগী অফবা পাম্বৈ অমা ওইরকখি।

ঐহাক্কী নুংশিরবা লৈবাক মীয়াম, থৌরম অসিনা ঐহাকপু অদোমদগী কৈদৌনুংদা লাপথোকহন্দে। ঐহাক্না গুজরাতকী মুখ্য মন্ত্রী ওইরিঙৈদা, মফমদুগী মীচম মীয়ামগা উন্নদুনা ৱারী শাবসি ঐহাক্কী নোংমগী পাংথোকফম থোকপা থবক ওইরম্বদু ঐহাক্না ঙসিসু নিংশিংলি। মুখ্য মন্ত্রীগী থবক অসিদি মদুমক্নি...পুনমিন্নবগী খুদোংচাবা কয়া ফংই। অদুবু, ইং 2014দা দিল্লীদা হেক লাকখিবদগী, মফমসিগী পুন্সিনা তোঙাল্লি হায়বা ঐহাক্না খঙখি। থবক খেন্নরে, থৌদাং খেন্নরে, ঐহাকপু ফিভম-মতম, সেক্যুরিতী অমসুং মতমগী অকক্নবা পুন্দুনা থম্লে। অহৌবগী মতমশিংদা করিগুম্বা অমা ইচু-চুশিন্নদে, ইশাদা অহাঙবা অমা ফাওই। চহি য়াঙখৈগী মমাংদদি, ঐহাক্না য়ুমদগী থোক্তুনা ইশাগী লৈবাক মীয়ামগা লায়না উন্নবা ঙম্লম্মি, অদুবু ঙসিদি মসি ওইথোক্ত্রে। ঐহাক্কী ইফমদা পুম্নমক ওইবা লৈবাক মীয়ামগা হিংমিন্নবা ফংদ্রে, মখোয়দগী তোঙান্না লৈরে। ‘মন কী বাত’না অৱাবা অসিগী ৱারোইশিন পীবিখি, মীচম মীয়ামগা উন্নবগী পাম্বৈ অমা পীবিখি। ঐহাক্কী ফম অমসুং কাঙলোনশিং অসিদি পথাপকী মখা পোনবা ওইরবসু, মসিগা লোয়নবা মীয়ামগী অপাম্বা অসিদি ঐহাক্কী ইশাগী মালেমগী তৎন-থানবা য়াদ্রবা হীরম অমা ওইদুনা লৈখি। ঐহাক্না লৈবাক মীয়াম্না থারকপা চিথি লিশিং কয়া পাজৈ, ঐহাক্কী লৈবাক মীয়াম্না লৌরক্লিবা নিংথীরবা শক্তম কয়া উজবা ফংই। লৈবাক মীয়ামগী কত্থোকপা অমসুং হোৎনজমনশিংগী খম থেংবা চাং ঐহাক্না উবা অমসুং খঙবা ফংই। অদুনা, ঐহাক্না অদোমদগী লাপথোক্লে হায়না কৈদৌনুংদা খন্দে। ঐহাক্কী ওইনদি ‘মন কী বাত’ অসি শুপ্নগী থৌরম অমখক নত্তে, মসিদি ঐহাক্কী লাইনিং, থাজবা নত্ত্রগা ব্রত্তগী ৱাফম অমনি। মীয়াম্না লাই খুরুম্বা চৎপা মতমদা মখোয়না প্রসাদ হাপ্নবা পুখম অমা পুদুনা চৎনৈ। ঐহাক্কী ওইনদি, ‘মন কী বাত’ অসিনা মীয়াম, জন্তা-জনর্দনগী শক্তমদা লৈরিবা ঈশ্বরগী খুয়াখাদা লাই খুরুম্বগী প্রসাদকী পুখম্নি। ‘মন কী বাত’ অসিনা ঐহাক্কী পুন্সিগী স্পিরিচুএল খোঙচৎ অমা ওইরে।

‘মন কী বাত’ অসিদি ঐহাক্কী ইশাদগী মীয়াম ফাওবা চৎপগী খোঙচৎনি।

‘মন কী বাত’ অসিদি ঐহাক ইশাদগী ঐখোয় হায়বা অসি ফাওবগী খোঙচৎনি।

মসিদি ঐহাক নত্তে, অদোম্না মসিগী সন্সকার সাধনানি।

অমুক্তা খন্থবীয়ু, ঐখোয়গী লৈবাক মচা খরনা অকোকপা চিং অমসুং লমহাংশিংদা চহি 40দগী উ থাদুনা লাক্লি, মীওই কয়ানা ঈশিং য়োকশিন্নবগীদমক্তা চহি 30দগী পুখ্রি অমসুং স্তেপৱেল তৌদুনা লাক্লি, লোয়ননা মখোয়শিং অসিবুসু শেংদোক্লি। মীওই খরনা শোত্থরবা অঙাংশিংদা চহি 25-30দগী লাইরিক তম্বীদুনা লাক্লি, খরনা লাইরবশিংগী লাইয়েংদা তেংবাংলি। ঐহাক্না ‘মন কী বাত’তা মখোয়গী মতাংদা পাউদম্বদা পুক্নিং নুংশিরকপা কয়ারক হন্না য়াওখি। AIRগী মরুপশিংনা কয়ারক হন্না অমুক্কা হন্না রেকোর্দিং তৌবা তাখি। ঙসিদি, মমাংগী মতমগী ৱাফম কয়া ঐহাক্কী মাঙদা লাক্লি। লৈবাক মীয়ামগী মসিগুম্বা হোৎনজমন কয়া অসিনা ঐহাকপু লেপ্তনা হোৎনবগী ইথিল পীরি। 

মরুপশিং, ঐখোয়না ‘মন কী বাত’তা মিং পল্লিবা মীপুম খুদিংমক ঐখোয়গী হীরো ঙাক্তনি অমসুং মখোয়না থৌরম অসিবু হিংহল্লিবনি। ঐখোয়না 100শুবা তাঙ্কক্কী ঙসি মশক নাইরবা থাক অমা য়ৌবা অসিদা ঐখোয়না হীরোশিং অসিগী মনাক্তা অমুক্কা হন্না চত্তুনা মখোয়গী খোঙচৎকী মতাংদা অমুক তারসি। ঐখোয়না ঙসি মরুপ খরগা ৱারী ভাতাই শানবসু হোৎনগনি। হরিয়ানাগী ইনাও সুনিল জগলান্না ঐখোয়গা পুল্লি। জেন্দর রেসিওগী মতাংদা হরিয়ানাদা ৱারী য়াম্না শাবা হৌরকপা অমসুং ঐহাক্না হরিয়ানামক্তগী ‘বেতি বচাও, বেতি পড়াও’ কেম্পেন অমা হৌদোকখিবনা ঐহাক্না সুনিল জাগলানগী মতাংদা য়াম্না খল্লি। ঐহাক্না তাঞ্জ অসিদা সুনিলজীগী ‘সেলফী ৱিথ দোতর’ (ইচানুপীগা শেলফী নম্মিন্নবা) কেম্পেন থেংনবদা য়াম্না নুংঙাইবা ফাওখি। ঐহাক্না মহাক্কী মফমদগী মসিবু খঙলক্তুনা ‘মন কী বাত’তসু য়াওহনখিবনি। ‘সেলফী ৱিথ দোতর’না তেল্লবা মতমদা মালেমগী কেম্পেন অমা ওইরকখি। মসিদা তসেংনা মিৎয়েং চঙলিবা হীরমদি সেলফী নত্ত্রগা তেক্নোলোজী অসিদা নত্তে, মসিদি ইচানুপীশিংদা মরু ওইবা পীবনি। পুন্সিদা ইচানুপীগী মরু ওইবশিং অসি কেম্পেন অসিগী খুত্থাংদগী মীয়াম্না খঙনরকখি। মসিগুম্বা হোৎনজমন কয়াগী মরম ওইনা, হরিয়ানাগী জেন্দর রেসিও য়াম্না ফগৎলে। ঙসিদি সুনিলজীগা ৱারী শারসি। 

প্রধান মন্ত্রীজী: নমস্কার সুনিলজী।

সুনিল: নমস্কার সর, অদোমগী খোঞ্জেল তাবদগী ঐগী হরাওবসি য়াম্না হেনগৎলে, সর।

প্রধান মন্ত্রী: সুনিলজী, মীপুম খুদিংনা ‘সেলফী ৱিথ দোতর’বু নিংশিংলি। ঐখোয়না মসিগী মতাংদা অমুক ৱারী শাবসিদা অদোম করি ফাওবীবগে?

সুনিল: প্রধান মন্ত্রীজী, ঐখোয়গী রাজ্য হরিয়ানাদগী অদোম্না হৌদোকপীখিবা পনিপতকী মরিশুবা লান অসিনা ঐখোয়গী ইচানুপীশিংগী মাইথোংদা মোমোন মিনোক অমুক পুরক্লে, মসিবু লৈবাক মীয়াম্না অদোমগী লুচিং মখাগা মরী লৈনহল্লি অমসুং মসিদি ঐহাক, মচানুপীবু নুংশিবা মপাশিংগীদমক্তা য়াম্না মরু ওইবনি।

প্রধান মন্ত্রী:- সুনিলজী, অদোমগী ইচানুপীশিংদি হৌজিক কমদৌরি, মখোয়দি হৌজিক্কান করি তৌরিবগে?

সুনিল: হোই, ঐহাক্কী ইচানুপীশিংদি নন্দনি অমসুং য়াচিকা কৌই, অমনা ক্লাস 7 অমসুং অমনা ক্লাস 4দা তম্লি অমসুং মখোয় অনিমক্না অদোম্বু য়াম্না পামজৈ। তসেংবদি, মখোয় অমসুং মখোয়গী ক্লাসকী মরুপশিংনা অদোম্বু থাগৎপা চিথী অমা ইখিবনি।

প্রধান মন্ত্রী: মদুদি য়াম্না নুংঙাই। ঐহাক অমসুং ‘‘মন কী বাত’’ তারিবা মীওইশিংগী মাইকৈদগী মখোয়গী মফমদা য়াইফ পাউজেল পীবিয়ূ।

সুনিল: অদোম্বু থাগতচরি। অদোম্না মরম ওইদুনা, লৈবাক্কী ইচানুপীশিংগী মাইথোংদা মোমোন মিনোক নোকপগী মশিং হেনগৎলক্লি।

প্রধান মন্ত্রী:  সুনিলজীবু ঐহাক্না থাগৎচরি।

সুনিল: অদোম্বু থাগৎচরি।

লৈবাক্কী নুপীগী পাঙ্গলগা মরী লৈনবা ইথিল পীনিংঙাই ওইরবা ৱারী চাম্ম-চাম্মা ঐখোয়না ‘মন কী বাত’তা লিবা ফংবসি ঐহাক য়াম্না নুংঙাইজৈ। আর্মী নত্ত্রগা স্পোর্তকী মালেমদা ওইরো, ঐহাক্না নুপীশিংগী মায় পাকপগী ৱারী শাবা মতমদা, পুম্নমক্না মদুবু থাগৎনৈ। খুদম ওইনা হায়রবদা, ঐখোয়না ছতিসগরগী দেওর খুঙ্গংগী নুপীশিংগী মতাংদা ৱারী শাখি। নুপীশিং অসিনা সেল্ফ হেল্প গ্রুপকী খুত্থাংদা খুঙ্গংগী মী পুনফম, শোরোক অমসুং লাইশঙ শেংদোকপগী থবক পাংথোকখি। মান্নবা থবক অমা ওইনা, ইকো ফ্রেনলী ওইবা তেরাকোতা কপ লিশিং কয়া এক্সপোর্ত তৌখিবী তমিল নাদুগী ত্রাইবেল নুপীশিংগী মফমদগী লৈবাক্না ইথিল কয়া ফংনখি। তমিল নাদু মক্তদা, নুপী লিশিং 20 থোক্লক্তুনা ভেল্লোরগী নাগ তুরেলবু মহৌশাগী ফিভমদা হঞ্জিল্লক্নবা থবক পাংথোকখি। মসিগুম্বা থবক কয়া অমা নুপীগী পাঙ্গলনা লুচিংখি অমসুং ‘মন কী বাত’না মসিগুম্বা থবকশিংবু মীয়াম মাঙদা পুরকপগী প্লেতফোর্ম অমা ওইখি।

মরুপশিং, ঐখোয়গী নাক্তা ইবুংঙো অমসু ফোন লাইন্দা লৈরি। মহাক্কী মমিংদ মঞ্জুর অহমদ কৌই। জম্মু অমসুং কশ্মিরদা পেন্সিল স্লেত শাবগীদমক্তা ঐখোয়না ‘মন কী বাত’তা মঞ্জুর অহমদকী মতাংদা খন্নখিবনি।

প্রধান মন্ত্রী: মঞ্জুরজী, অদোম্বু কমদৌরিবগে?

মঞ্জুরজী – থাগৎচরি সরবু, ঐহাক নুংঙাইজরি।

প্রধান মন্ত্রী: ঙসিগী ‘‘মন কী বাত’’কী 100শুবা তাঙ্কক অসিদা অদোমগা ৱারী শাবসি য়াম্না নুংঙাই।

মঞ্জুরজী – সরবু থাগৎচরি।

প্রধান মন্ত্রী: ফরেনে, পেন্সিল স্লেত শাবগী থবক্তি কমদৌরি?

মঞ্জুরজী - নিংথীনা চত্থরি সরজী। অদোম্না ‘‘মন কী বাত’’ থৌরমদা ঐখোয়গী মতাংদা হেক পনবীখিবদগী ঐখোয়গী থবক য়াম্না হেনগৎলে অমসুং ঐখোয়না থবক অসিগা মরী লৈননা অতোপ্পদা থবক পীবসু য়াম্না হেনগৎলে।

প্রধান মন্ত্রী: অদোম্না হৌজিক মীওই কয়াদা থবক পীরিবগে?

মঞ্জুরজী - সর হৌজিক 200 হেনবা মীওইদা থবক পীরি

প্রধান মন্ত্রী: য়াম্না ফরে, মদু তাবদা ঐ য়াম্না নুংঙাই।

মঞ্জুরজী –হোই সর। ঐহাক্না থা খরগী মনুংদা থবক চাউথোক্লগনি, মদুদা অহেনবা মীওই 200 অমগদা থবক পীরগনি সর।

প্রধান মন্ত্রী: – মদুদি য়াম্না অফবনি। 

মঞ্জুরজী – হোই সর।

প্রধান মন্ত্রী:- মসিদি শক্তাক লৈতবা, ইশাবু মশক খঙজবা ঙমদবা থবক্নি, মদুনা মরম ওইরগা অদোম্না অৱাবা অমসুং খুদোংচাদবা কয়া থেংনৈ হায়না অদোম্না হায়খিবা অদু ঐহাক্না ঙসিসু নিংশিংলি। অদুবু, হৌজক্তি অদোম্বু মীয়াম্না শকখঙলে অদুগা মীওই 200 হেনবদসু থবক পীরে।

মঞ্জুরজী – হোই সর।

প্রধান মন্ত্রী:- অদোম্না থবক পাকথোক-চাউথোক্কনি অমসুং অহেনবা মীওই 200দা থবক পীগনি হায়বসিদি য়াম্না নুংঙাইবা পাউনি।

মঞ্জুরজী- সর, মসিদা লৈরিবা লৌমীশিংসু কান্নবা য়াম্না ফংলে সর। হান্নদি উ অমা লুপা 200দা য়োল্লম্বনি, হৌজিক্তি চপ মান্নবা উ অদুগী মমল লুপা 5000 য়ৌরে। মতমদুদগী ঐখোয়গী দিমান্দসু য়াম্না হেনগৎলে, অদুগা ইশাগী শক্তাক অমসু ফংজরে। সর, ঐহাক্কী নাক্তা ওর্দর য়াম্না লৈরে, অদুনা ঐহাক্না থা অমা নত্ত্রগা অনিগী মনুংদা থবক চাউথোক্কদৌরিবনি অমসুং খুঙ্গং অনিদগী মরি ফাওবা কোনগনি। মসিগীদমক্তা নুপামচা নত্ত্রগা নুপীমচা 200দগী 250 ফাওবগী মথৌ তাগনি, মসিনা মখোয়গী পুন্সি মহিংদসু মতেং ওইগনি।

প্রধান মন্ত্রী:- ভোকেল ফোর লোকেলগী পাঙ্গল অসি উবীরেকো মঞ্জুরজী, অদোম্না হীরমসিদা থবক অচৌবা অমা পাংথোক্লে।

মঞ্জুরজী – হোই সর।

প্রধান মন্ত্রী: অদোম অমসুং খুঙ্গংগী লৌমী  অমদি অদোমগা থবক তৌমিন্নরিবা মীওইশিংগী মফমদা ঐহাক্না য়াইফ পাউজেল পীজরি।

মঞ্জুরজী - সরবু থাগৎচরি।

মরুপশিং, মশাগী হোৎনজমন্না মায় পাকপগী অৱাংবা থাক্তা য়ৌখিবা তেলেন্ত লৈরবা মীওই কয়া ঐখোয়গী লৈবাক অসিদা লৈরি। ভিশাখাপত্নমগী ভেঙ্কত মুরালী প্রসাদজীনা আত্মানির্ভর ভারত চার্ত শেয়র তৌখিববু ঐহাক্না নিংশিংলি। ঐখোয়না ভারতকী পোত্থোকশিংবু য়ারিবমখৈ শিজিন্নগদবনি হায়না মহাক্না হায়বীখি। বেত্তিয়াগী প্রমোদজীনা LED বল্ব শানবা অপীকপা য়ুনিৎ অমা লিংখৎখিবা নত্ত্রগা গরহমুক্তেশ্বরগী সন্তোশজীনা ফক শাবা হৌখিবা মতমদা, ‘মন কী বাত’না মখোয়গী পোত্থোকশিংবু মীয়ামদা য়ৌহনবগী পাম্বৈ ওইখিবনি। ঐখোয়না ‘মন কী বাত’ অসিদা মেক ইন ইন্দিয়াদগী হৌদুনা স্পেস স্তার্তঅপকী খুদম কয়া অমসু নৈনখিবনি।

মরুপশিং, ঐহাক্না মমাংগী তাঙ্কক অমদা মনিপুরগী ইচল, বিজয়াশান্তি দেবীগী মতাংদা পনখিবদু অদোম্না নিংশিংলম্বা য়াই। বিজয়াশান্তিজীনা থম্বালগী মখোক্তগী শুংবা লংনা ফি শাই। মসিগুম্বা ইকো ফ্রেনলী ওইবা মহাক্কী তোপ-তোপ্পা ৱাখল্লোন অসিবু ঐখোয়না ‘মন কী বাত’তা নৈনখি অমসুং মহাক্কী থবক অসি মমিং চৎখি। ঙসি, বিজয়াশান্তিজীনা ঐখোয়গা লোয়ননা ফোন্দা লৈবীরি।

প্রধান মন্ত্রী: নমস্তে বিজয়াশান্তিজী! অদোম্বু কমদৌরিবগে?

বিজয়াশান্তিজী : সর ঐহাক নুংঙাইজরি।

প্রধান মন্ত্রী: অদোমগী থবক্তি কমদৌরি?

বিজয়াশান্তিজী : ঐহাক্কী মরুপ নুপী 30গা লোয়ননা থবক্সু নিংথীনা চত্থরি সর।

প্রধান মন্ত্রী: অতেনবা মতম অসিদা অদোমগী তীমগী মীওই মশিংনা 30 য়ৌখ্রে।

বিজয়াশান্তিজী : হোই সর, হন্দক্কী চহি অসিদা ঐখোয়না ঐখোয়গী মফমদা নুপী 100 হাপচিনগনি।

প্রধান মন্ত্রী: :- অদুদি অদোমগী পান্দম অসি মীওই 100 নিনে।

বিজয়াশান্তিজী :- হোই সর, নুপী 100

প্রধান মন্ত্রী: :- হৌজিক্তি মীয়াম্না থম্বাল মখোক্তগী শুংবা লংগী মতাংদা খঙনরবরা?

বিজয়াশান্তিজী :- হোই সর, ‘মন কী বাত’ থৌরমগী মতেংদগী ভারত পুম্বনা খঙনরে।

প্রধান মন্ত্রী: :- অদুদি, মসি মমিং য়াম্না চৎলেকো

বিজয়াশান্তিজী :- হোই সর, প্রধান মন্ত্রীজীগী ‘‘মন কী বাত’’ প্রোগ্রামদগী মীপুম খুদিংনা থম্বাল মখোক্তগী শিংবা লংগী মরমদা খঙলে।

প্রধান মন্ত্রী: হৌজিক্তি অদোমগী মার্কেতসু লৈরব্রা?

বিজয়াশান্তিজী : হোই সর, USAদা ঐহাক্কী মার্কেত লৈজরে, অদুগা মখোয়না মশিং য়াম্না লৈবসু পাম্লে। ঐহাক্না হন্দক্কী চহিদগী USতা থাদোকপা হৌরগনি।

প্রধান মন্ত্রী: অদুদি, অদোম খৌজিক এক্সপোর্তর অমা ওইরেনে?

বিজয়াশান্তিজী :- হোই সর, হন্দক্কী চহিদগী ভারত্তা শাবা লোতস ফাইবরগী পোত্থোক মীরমদা থাদোকপা হৌরগনি।

প্রধান মন্ত্রী: ঐহাক্না ভোকেল ফোর লোকেল হায়রম্বনি অদুগা হৌজক্তি লোকেল ফোর গ্লোবেল ওইরেকো

বিজয়াশান্তিজী : হোই সর, ঐহাক্না ঐহাক্কী পোত্থোক অসি মালেম পুম্বদা য়ৌহনবা পাম্মে।

প্রধান মন্ত্রী: :- থাগৎচরি অদুগা মায় পাকপসু ওইয়ু।

বিজয়াশান্তিজী :- সরবু থাগৎচরি।

প্রধান মন্ত্রী: :- বিজয়াশান্তিবু থাগৎচরি।

বিজয়াশান্তিজী :- সরবুসু থাগৎচরি।

মরুপশিং, ‘মন কী বাত’কী অখন্নবা মতৌ অমগা লৈ। ‘মন কী বাত’না মরম ওইরগা, মীয়ামগী ইহৌ কয়া লাকখ্রে অমসুং মায় পাকপা কয়া ফংখ্রে। খুদম ওইনা হায়রবদা, ঐখোয়গী শান্নপোৎকী ইন্দস্ত্রী নৌনা অমুক শেমগৎপগী ৱারী অসি ‘‘মন কী বাত’’তগী হৌদোকখি। ঐখোয়গী লমদমগী হুই মখলগী মতাংদা এৱিয়র্নেস শন্দোকপগী থবক অসিসু ‘মন কী বাত’তগী হৌদোকখি। ঐখোয়না লোকেলগী লাইরবা দুকান ফম্বশিংদা পোৎকী মমল মন্তিক্নরোই হায়বগী কেম্পেন অমা হৌদোকখি। ঐখোয়না ‘হর ঘর তিরঙ্গা’ কেম্পেন হৌদোকখিবা মতমদা ৱারেপ অসিগা লৈবাক মীয়ামগা নকশিন্নহনবদা ‘মন কী বাত’না অচৌবা থৌদাং য়াখি। মসিগুম্বা খুদম খুদিংনা খুন্নাইদা অহোংবা পুরকপগী পাম্বৈ অমা ওইখি। খুন্নাইদা ইথিল পীবা থবক অমসু প্রদীপ সাংৱাঞ্জীনা পায়খৎখি। ঐখোয়না ‘মন কী বাত’তা প্রদীপ সাংৱাঞ্জীগী ‘হিলিং হিমালয়া’ কেম্পেনগী মতাংদা ৱারী শাখি। মহাক হৌজিক ফোন লাইন্দা লৈরি।

মোদী জী – প্রদীপজী নমস্কার!

প্রদীপজী – জয় হিন্দ সর

মোদী জী - জয় হিন্দ ইনাও, কমদৌরি?

প্রদীপজী - য়াম্না নুংঙাইরি সর, অদোমগী খোঞ্জেল তাবদা অমুক্কা হেন্না নুংঙাইবা ফাওরে।

মোদী জী – অদোম্না হিমালয়বু কনগে খনখি।

প্রদীপজী – হোই সর।

মোদী জী - লোয়ননা, কেম্পেন অমসু হৌদোকখি। অদোমগী কেম্পেন্দি হৌজিক্কান কমদৌরিবগে?

প্রদীপজী - সর, য়াম্না নিংথীনা চত্থরি। ঐখোয়না 2020দগী চহি মঙাদা তৌবা ঙম্লম্বা থবক অসি হৌজিক্তি চহি অমদা তৌবা ঙম্লে।

মোদী জী –মদুদি য়াম্না ফৈনে।

প্রদীপজী - হোই সর, ঐহাক অহানবদা য়াম্না পাখৎলম্মি। মসিবু ঐহাক্না পুন্সি চুপ্পা তৌবা ঙমগদরা হায়বগী অকীবা অমা ফাওরম্মি, অদুবু 2020 ফাওবদি ঐখোয় য়াম্না ৱারম্মি, মসি পুকচেল শেংনা হায়রবনি। মীওই মশিং য়াওম্না য়াওরমদে, মতেং পাংবা ঙমদবা মীওই কয়া লৈরম্মি। মখোয়না ঐখোয়গী কেম্পেন অসিবু লুনা লৌরমদে। অদুবু, 2020দা মসিবু মন কে বাততা হেক পনখিবদগী, অহোংবা কয়া অমা লাকখি। হায়বদি, ঐখোয়না চহি অমদা শেংদোকপগী থবক অসি 6-7লক খক পাংথোক্লম্মি, নত্ত্রগা য়ালবদা 10। অদুবু, হৌজিক্তি, ঐখোয়না তোঙান-তোঙানবা মফমদগী নোংমদা ফত্ত হৌদি তন কয়া খোম্লে।

মোদী জী – য়াম্না ফৈনে।

প্রদীপজী - ‘মন কী বাত’তা হেক পনখিবদগী, থাজবীয়ু সর, মতম অদু ঐখোয়না তোক্লসিরা খনবা মতমনি, অদুবু ঐহাক্কী পুন্সিদা অহোংবা কয়া অমা লাকখি, ঐনা খল্লুদবা মওংদা থবকশিংগী খোঙজেল য়াঙবা হৌরকখি। মখোয়গুম্বা মীয়াম অমা অদোম্না পুথোকপীবসি ঐহাক য়াম্না নুংঙাইজৈ। মসিগুম্বা মনুং হঞ্জিনবা মফমদবু কনানা থবক তৌবগে, অদুবু ঐখোয়না মসিগুম্বা অলতিচুদ অসিদা হিমালয় মফমদা থবক তৌরি। অদোম্না ঐখোয়বু মফমসিদা থেংনবীখি। অদোম্না ঐখোয়গী থবকপু মালেম মাঙদা পুথোকপীখি। মতম অদু ঐহাক্কী ওইনা য়াম্না পুক্নিং নুংশিবা মতম্নি অদুগা ঐহাক্না লৈবাক্কী প্রিন্সিপল সর্ভেন্তকা ৱারী শাবা অসিসু পুক্নিং য়াম্না নুংশিবা ফাওই। ঐহাক্কী ওইনদি মসিদগী হেন্না লাইবক ফবা অমত্তা লৈত্রে।

মোদী জী –প্রদীপজী, অদোম্না হিমালয়গী চিংদোন্দা অশেংবা শাধনা তৌরি, অদোমগী মিং তাবদা মীয়াম্না অদোম্না চিংশাং পরেং অসি শেংবগী থবক্তা মতৌ করম্না শরুক য়াবগে হায়বা শোইদনা নিংশিংলমগনি হায়না ঐহাক্না থাজৈ।

প্রদীপজী – হোই সর।

মোদী জী –অদোম্না অচৌবা তীম অমা শেম্লে অমসুং নোংমদা থবক য়াম্না তৌবা ঙম্লে হায়বীরে।

প্রদীপজী – হোই সর।

মোদী জী –অদোমগী হোৎনজমন অমসুং মদুগী মতাংদা ৱারী শাবনা মরম ওইরগা, হৌজিক্তি চিংকারোই কয়ানা লু-নানবগা মরী লৈনবা ফোতো কয়া থাগৎপা হৌনরে।

প্রদীপজী - হোই সর, য়াম্না হৌনরে।

মোদী জী –মসি য়াম্না ফবা থবক্নি। অদোমগুম্বা মরুপশিংগী হোৎনজমন্না মরম ওইরগা ফত্ত হৌদীসু হৌজিক্তি লন ওইবা হৌরক্লে হায়বসি মীয়ামগী ৱাখল্লোন্দা লেঙদনা লৈবা হৌরক্লে অমসুং মসিনা ইনভাইরনমেন্তপুসু ঙাকথোকই অমসুং ঐখোয়না চাউথোকচরিবা হিমালয় অসিবুসু নিংথীনা ঙাক শেল্লে। মসিদা মীচম মীয়মসু অমত্তা ওইনা শরুক য়ারক্লি। ইনাওবু মসিগীদমক্তা য়াম্না থাগৎচরি।

প্রদীপজী - সরবু য়াম্না থাগৎচরি, জয় হিন্দ।

মরুপশিং, লৈবাক অসিগী তুরিজম ইন্দস্ত্রী অসি য়াম্না য়াঙনা চাউখৎলক্লি। ঐখোয়গী নেচরেল রিসোর্স, তুরেল, চিং, পুখ্রি নত্ত্রগা ঐখোয়গী লাইনিংফম ওইরো, মখোয়বু লু নান্না থম্বা হায়বসি য়াম্না মরু ওইবনি। মসিনা তুরিজম ইন্দস্ত্রীদা মশক থোক্না তেংবাংগনি। তুরিজমগীদমক্তা লু-নানবগা লোয়ননা ঐখোয়না ইনক্রেদিবল ইন্দিয়াগী মতাংদসু য়াম্না তোয়না খন্ন-নৈনখি। মীয়াম্না মখোয়গা নক্ননা লৈবা মফম কয়াসু মসিগুম্বা খোঙথাংদগী খঙবা হৌরক্লে। ঐখোয়না মীরমদা লম কোয়বা চত্ত্রিঙৈদা, ঐখোয়গী লৈবাক্কী লমকোয়ফম য়ামদ্রবদা 15দা চৎপীয়ু হায়না ঐহাক্না মতম পুম্বদা হায়দুনা লাক্লি। হায়রিবা মফমশিং অসি অদোমগী রাজ্যগী মপানগী মফম অমা হেক্তা ওইবা য়াই। মান্নবা থৌওং অমা ওইনা, ঐখোয়না লু-নানবা সিয়াচেন, সিঙ্গল য়ুজ প্লাস্তিক অমসুং ই-ৱেস্তকুম্বা অরুবা হীরমগী মতাংদসু খন্ন-নৈনখ্রে। ঙসি, ঐখোয়না ‘মন কী বাত’কী খুত্থাংদা হোৎনরিবা অসি মালেম পুম্বনা পাখৎপা ফাওনরিবা শিংনবা কয়াগী ৱারোইশিন পুরকপদা য়াম্না মরু ওইবা থৌওং ওইগনি।

মরুপশিং, হন্দক্কী মতাং অসিদা UNESCO DG ওদ্রী অজুলেনা ‘মন কী বাত’কী মতাংদা অখন্নবা মেসেজ অমা পীরকখি। মহাক্না মসিগুম্বা 100শুবা তাঙ্কক্কী নিংথীরবা খোঙচৎ অসিগীদমক্তা লৈবাক মীয়ামদা য়াইফ পাউজেল পীরক্লি। মসিদা নত্তনা, মহাক্না ৱাহং খরসু হংখি। UNESCOগী DGগী ‘মন কী বাত’তা ঐখোয় অমুক তারসি।  

#Audio (UNESCO DG)#

DG UNESCO: নমস্তে, এক্সেলেন্সী দিয়র প্রধান মন্ত্রী, ঐহাক্না UNESCOগী মহুৎ শিন্দুনা ‘মন কী বাত’ রেদিও ব্রোদকাস্ত অসিগী 100শুবা তাঙ্কক অসিগীদমক্তা থাগৎচবগী খুদোংচাবা লৌজরি। UNESCO অমসুং ভারতকী অমত্তা ওইবা পুৱারী য়াম্না লৈ। ঐখোয়গী মিৎয়েং চঙবা হীরম – এজুকেসন, সাইন্স, কলচর অমসুং ইনফোর্মেসনগী লমদা মপাঙ্গল লৈবা মরী লৈ অমসুং ঐহাক্না ঙসিগী খুদোংচাবা অসি লৌরগা এজুকেসনগী মরু ওইবগী মতাংদা ৱাফম খরা থমজনিংই। মালেমগী মীয়াম পুম্বনা ইং 2030 ফাওবদা ক্বালিতী এজুকেসন ফংহন্নবগীদমক্তা UNESCOনা মেম্বর লৈবাকশিংগা থবক পায়খৎমিন্নরি। মালেমগী খ্বাইদগী মীশিং য়াম্না লৈরিবা অদোম্না পান্দমশিং অসি ফংনবা ভারতনা মতৌ করম্বা থবক পায়খৎকনি অমুক্তা হায়বীগেরা? UNESCOনা কলচর অমসুং হেরিতেজ য়োকখৎনবা থবক তৌরি অমসুং ভারতনা হন্দক্কী চহিগী G-20সু লুচিংলি। মালেমগী লুচিংবশিংনা থৌরম অসিগীদমক্তা নই দিলীদা লাক্কদৌরি। এক্সলেন্সী, ভারতনা কলচর অমসুং এজুকেসনগী মালেমগী এজেন্দাগী খ্বাইদগী মকোক্তা মতৌ করম্না থম্বা পামগনি? ঐহাক্না খুদোংচাবা অসিগীদমক্তা অমুক্কা হন্না থাগৎচরি অমসুং ঐহাক্কী খুত্থাংদা ভারতকী মীয়ামদা য়াইফ পাউজেল পীজরি। অথুবা মতমদা অমুক উন্নসি, থাগৎচরি।

এক্সেলেন্সীবু থাগৎচরি। ঐহাক্না ‘মন কী বাত’কী 100শুবা তাঙ্কক অসিদা অদোমগা ৱারী শাবদা নুংঙাইবা ফাওই। অদোম্না এজুকেসন অমসুং কলচরগা মরী লৈননা মরু ওইবা ৱাহং খরা থম্লকপা অসিদসু ঐহাক্না নুংঙাইবা ফাওই।

মরুপশিং, UNESCOগী DGনা এজুকেসন অমসুং কলচর য়োকখৎপগী মতাংদা ভারতনা করি হোৎনগনি হায়বা খঙবা পাম্লি। হীরম অনিমক অসিদি ঐহাক্কী ‘মন কী বাত’কী খ্বাইদগী পামজবা হীরম্নি।

এজুকেসন নত্ত্রগা কলচর, মসিবু য়োকখৎপা নত্ত্রগা খুমাং চাউশিলহনবা ওইরো, মসিদি ভারতকী অরিবা চৎনবী অমা ওইদুনা লাক্লিবনি। লৈবাক অসিনা মাইকৈ অসিদা পাংথোক্লিবা থবকশিংদি থাগৎনিংঙাই ওইবা ঙাক্তনি। নেস্নেল এজুকেসন পোলিসী ওইরো নত্ত্রগা রিজনেল লোলদা মহৈ তম্বা য়াবগী অপাম্বা খনবা ওইরো, নত্ত্রগা এজুকেসন্দা তেক্নোলোজী শরুক য়াহনবা ওইরো, অদোম্না মসিগুম্বা মান্নবা থবক কয়া থেংনগনি। চহি কয়াগী মমাংদা ‘গুনোউৎসব অমসুং শালা প্রবেশউৎসব’না গুজরাত্তা অফবা এজুকেসন পীবা অমসুং দ্রোপআউতকী চাং হন্থহন্নবা হোৎনবদা মীয়াম্না শরুক য়াবগী নিংথীরবা খুদম অমা ওইখি। ঐখোয়না ‘মন কী বাত’তা এজুকেসনগীদমক্তা মশাগী কান্নবা য়েংদনা থবক তৌরিবা মখোয়গুম্বা মীওই কয়াগী হোৎনজমনবু মীয়ামদা খঙহল্লি। লাইরবা অঙাংশিংবু লাইরিক তম্বীবগী মিসন পাংথোকপা ওরিশাদা লৈবা চা য়োনবা, লৈখিদ্রবা দি. প্রকাশ রাওগী মতাংদা খন্ন-নৈনখিবদু অদোমসু নিংশিংলমগনি। ঝার্খন্দগী খুঙ্গং অমদা দিজিতেল লাইব্রেরী চলায়রিবা সঞ্জয় কাশ্যপ, কোবিদ মনুংদা অঙাংশিংদা ই-লর্নিংগী খুত্থাংদা মহৈ তম্বীখিবী হেমলতা এন.এক.; মখোয়গুম্বা ওজা কয়াগী খুদম ঐখোয়না ‘মন কী বাত’তা পীখি। কলচর য়োকখৎপগী মতাংদা পাংথোক্লিবা থবক কয়াগী লেঙদবা মফম অমসু ঐখোয়না ‘মন কী বাত’তা হাপখি।

লক্ষদ্বীপকী কুম্মেল ব্রদর্স চেল্লেঞ্জর্স ক্লব নত্ত্রগা কর্নাতকাগী ‘ক্বেমশ্রী’জীগী ‘কালা চেত্না’গুম্বা প্লেতফোর্ম ওইরো, হীরম খুদিংগী মীওই কয়ানা মসিগুম্বা খুদম কয়াগী মতাংদা চিথি কয়া থাবীরক্লি। ঐখোয়না লৈবাক নিংবগী ৱাখল্লোন্দা য়ুম্ফম ওইবা ঈশৈ, নাউশুম ঈশৈ অমসুং ‘রঙ্গোলী’গা মরী লৈনবা চাংয়েংনবা অহুমগী মতাংদসু ৱারী শাখি। লৈবাক শিনবা থুংবগী ৱারী লিবশিংনা ৱারী লিবা হায়বা খোঙথাংগী খুত্থাংদা ভারতকী এজুকেসনগী মখল কয়াগী মতাংদা ৱারী শাখিবা অদুসু অদোম্না নিংশিংলমগনি। মীয়াম পুন্না হোৎনমিন্নবা মতমদা অচৌবা অওনবা পুরকপা ঙমগনি হায়বা ৱাফম অসিদা ঐহাক্না চেৎনা থাজবা থম্মি। ঐখোয়না নিংতম্বগী অমৃত কাল অসিদা মাঙজিল থানা চৎলিবা হন্দক্কী চহি অসিদা ঐখোয়না G-20 বুসু লুচিংগদৌরি। ঐখোয়না এজুকেসনগা লোয়ননা দাইভর্স গ্লোবেল কলচরবু মতিক মপাঙ্গল হেন্না লৈহন্নবা লৌরিবা ৱারেপ অসিনা মপাঙ্গল লৈবা হেনগৎলক্লিবা অসিদা মসিসু মরম অমা ওইরি।

ঐহাক্কী নুংশিরবা লৈবাক মীয়াম, ঐখোয়গী উপানিশদকী মন্ত্রা অমনা চহি চা কয়াদগী ঐখোয়গী অপুনবা ৱাখল্লোন্দা ইথিল পীদুনা লাক্লি।

চরাইবেতী চরাইবেতী চরাইবেতী।

লেপ্তনা চঙশিল্লু, লেপ্তনা চঙশিল্লু, লেপ্তনা চঙশিল্লু।

ঐখোয়না চরাইবেতী চরাইবেতীগী চপ মান্নবা ইথিলগা লোয়ননা ঐখোয়না ‘মন কী বাত’কী 100শুবা তাঙ্কক অসি ঙসি মপুং ফাহনবা ঙম্লি। ভারতকী খুন্নাইগী ফেব্রিক অসিবু মপাঙ্গল কনখৎহনবদা ‘মন কী বাত’না চরিক অমগী মরুশিংবু অমত্তা ওইনা পুনশিল্লিবা লংলা অদুগা মান্নবা থৌদাং য়ারি। থৌরম খুদিংদা পনখিবা লৈবাক মীয়ামগী সর্ভিস অমসুং কেপাসিতীনা অতোপ্পশিংদা ইথিল পীখি। থৌরম অসিদা, লৈবাক মীয়াম খুদিংনা অমনা অমগী ইথিল ওইরি। ‘মন কী বাত’কী তাঙ্কক খুদিংনা মথংগী তাঙ্কক্কীদমক্তা মতম পুম্বদা শেম শাই। ‘মন কী বাত’না অফবা ৱাখল্লোন, সর্ভিস-স্পিরিতকী ইথিল অমসুং ইশাগী থৌদাং খঙদুনা মতম পুম্বদা তুংলমচত্তা চঙশিনখি। মসিগুম্বা পোজিতিবিতী অসিনা লৈবাকপু নিংতম্বগী অমৃত কাল অসিদা তুংলমচত্তা পুগনি, অনৌবা থাক্তা য়ৌহনগনি অমসুং ‘মন কী বাত’না হৌদোকখিবা ‘অহৌবা নাইবা’ হায়বসিনা ঙসিদি লৈবাক্কী চৎনবী অমা ওইবসিদা ঐহাক্না নুংঙাইবা ফাওই। চৎনবী অসিদা ঐখোয়না মীপুম খুদিংগী হোৎননিংবগী ইথিল উবা ফংলি। 

মরুপশিং, মসিগী অপুনবা প্রোগ্রাম অসিবু খাঙবা কনবগা লোয়ননা রেকোর্দ তৌবীরিবা ওল ইন্দিয়া রেদিগী মীওই খুদিংবু ঐহাক্না থাগৎচরি। ‘‘মন কী বাত’’পু রিজনেল লোলশিংদা অতেনবা মতমগী মনুংদা ৱাহন্থোক হনবীরিবা ত্রান্সলেতর খুদিংবুসু ঐহাক্না থাগৎচরি। ঐহাক্না দুরদর্শন অমসুং মাইগোবকী মীওইশিংবুসু থাগৎচরি। ঐহাক্না লৈবাক্কী TV চেন্নেল, ইলেক্ত্রোনিক মীদিয়াগী মীপুম খুদিংবু ‘মন কী বাত’পু কম্মর্সিএল ব্রেক অমত্তা য়াওদনা উৎপীবগীদমক্তা তৌবীমল খঙবা উৎচরি। অদুগা অরোইবা ওইনা, ‘মন কী বাত’কী চুক্লি পায়রিবা ভারতকী মীয়াম, ভারত্তা থাজবা থম্লিবা মীয়াম্বু ঐহাক্না থাগৎচরি। অদোম্না ইথিল পীবা অমসুং অদোমগী পাঙ্গলদগী পুম্নমক অসি ওইথোক্লিবনি।

মরুপশিং, ঐহাক্না ঙাঙনিংবদি য়াম্না লৈরি, অদুবু ৱাহৈ অমসুং মতমগী অকক্নবা লৈবনা ঙমদ্রে। অদোম্না ঐহাক্কী ৱাখল্লোন খঙবীগনি হায়না থাজৈ। ঐহাক্না অদোমগী ইমুংগী মীওই অমা ওইনা, ‘মন কী বাত’কী খুত্থাংদা অদোমগী মরক্তা লৈবা ফংজখি। ঐখোয়না মথংগী থাদা অমুক উন্নসি। ঐখোয়না অনৌবা হীরম অমসুং ই-পাউগা লোয়ননা লৈবাক মীয়ামগী মায় পাকপগী নুংঙাইবা ফোংদোকমিন্নসি। মতম অসি লাক্ত্রিবা ফাওবা ঐহাক্না অদোমগী মফমদগী কায়নবগী য়াথং নিজরি। অদোমগী নুংশি চানবশিংবু তেক্ত কায়দনা থম্বীয়ু।

অদোম্বু থাগৎচরি, নমস্কার!

ঐহাক্কী নুংশিরবা লৈবাক মীয়াম্বু ঐহাক্না মন কী বাত্তা অমুক্কা হন্না তরাম্না ওকচরি। ঐখোয়না ঙসিগী ৱারী-ৱাতাই হৌদোকপগা লোয়ননা পুক্নিং অমসুং থম্মোইদা ৱাখল কয়া অমা লাক্লি। ঐখোয়না মশেলনা মন কী বাতকী খুত্থাংদা মরী অমা শেমগৎলিবা অসি ৯৯লক শুরবনি। মরিফুতরা মাপল (৯৯)গী মখা চত্থবা অসি য়াম্না অরুবা লাংফম অমা ওই হায়না অয়াম্বনা থাজনৈ। ক্রিকেতকী মশান্নদা “নর্ভস নাইন্তী” হায়বসি য়াম্না লুবা লাংফম অমনি হায়না খন্নৈ। অদুবু ভারত মীয়ামগী মন কী বাতপু লৈরবদি, মসিগা লোয়নরিবা ইথিল অসিদি তোঙানবা মতৌ অমনি। মন কী বাতকী ১০০শুবা তাঙ্কক্কা মরী লৈননা মীয়ামদা থৱাই য়াওবগী মতৌ অমা লৈনবা উবসি য়াম্না নুংঙাইবা ফাওই। ঐহাক্না মেসেজ কয়া অমা ফংলি, ফোনসু তৌরকই। ঐখোয়না ঙসি নিংতম্বগী অমৃত কালগী নুংঙাইবা ফোংদোক্লিবা, অনৌবা ৱারেপ কয়াগা লোয়ননা তুংলমচত্তা চঙশিল্লিবা অসিদা মন কী বাতকী ১০০শুবা তাঙ্কক্কা মরী লৈনবা পাউতাক অমসুং ৱাখল্লোন কয়া অদোমগী মফমদগী তানিংবগী ঐহাক্না লাংতক্নবা ফাওরি। ঐহাক্না অদোমগী পাউতাক কয়া ঙাইজরি। অদোমগী পাউতাক অমসুং ৱাফমশিংনা এপ্রিল ৩০দা পাংথোক্কদৌরিবা মন কী বাতকী ১০০শুবা তাঙ্কক অসি য়াম্না অখন্নবা অমা ওইহনগদৌরিবনি।

ঐহাক্কী নুংশিরবা লৈবাক মীয়াম, অতোপ্পগী সেবাগীদমক্তা মশাগী পুন্সি কত্থোকপা মীওই কয়াগী মতাংদা ঐখোয়না মন কী বাত্তা নৈনরি। মচানুপীগী মহৈ-মশিংগীদমক্তা মশাগী পেন্সন খুদিংমক চাদিং তৌবা মীওই কয়া লৈ, খরা অমনা মশাগী পুন্সিদা তাঞ্জবা শেনফম খুদিংমক অকোয়বগী ফিভম অমসুং থৱাই পানবা জিবশিংগীদমক্তা কত্থোক্লি। ঐখোয়গী লৈবাক অসিদা, মশাগী খন্দনা অতোপ্পগীদমক্তা পীথোকপা, পরমার্থকী মতৌ অসি অদুক্কী ৱাংই, অতোপ্পগী নুংঙাইবগীদমক্তা মশাগী লৈজবী খুদিংমক পীথোকপদা ৱাখল অনিরক শুনা খন্দে। মসিনা মরম ওইরগা, মশাগী পুন্সিবু অতোপ্পগীদমক্তা কত্থোকখিবা শিবী অমসুং দাধিচীগী ৱারী কয়া ঐখোয়না অঙাং ওইরিঙৈদগী হৌনা লিবীদুনা লাক্লিবনি।

মরুপশিং, হৌজিক্কী মোদর্ন মেদিকেল সাইন্সকী মতমসিদা, হকচাং কয়াৎ দান তৌবা হায়বসি অতোপ্পা মীওই অমদা পুন্সি পীবগী য়াম্না মরু ওইবা পাম্বৈ অমা ওইরে। মীওই অমনা লৈখিদ্রবা মতুংদা মশাগী হকচাং অতোপ্পদা দান তৌবা মতমদা, মীওই নিপান্দগী মাপন ফাওবদা অনৌবা পুন্সি অমা পীবগী ওইথোকপা লৈহল্লি। হকচাং কয়াৎ দান তৌবগী মতাংদা লৈবাক অসিদা খঙনরক্লিবা অসি য়াম্না নুংঙাইবা ৱাফম অমনি। ইং ২০১৩দা লৈবাক অসিদা হকচাং কয়াৎ দান তৌবগী থৌওং লিশিং মঙাদগী হন্থনা লৈরম্মি; অদুবু, ইং ২০২২দা মসিগী মশিং অসি লিশিং তরামঙা হেন্না হনগৎখি। হকচাং কয়াৎ দান তৌবা মীওই, মখোয়গী ইমুংশিংনা পুনয়া কয়া অমা তানশিল্লবনি!

মরুপশিং, মসিগুম্বা থবক পাংথোকপা মীওইশিংগী মন কী বাত তাজবা অমসুং লৈবাক মীয়ামদসু তাহনবগী অপাম্বা অমা ঐহাক্না মতম কয়াদগী লৈরক্লি। অদুনা, ঙসিগী মন কী বাত অসিদা য়াম্না নুংশিরবী ইচানুপী, নুংশিরবী এঞ্জেল অসিগী মপাবুং অমসুং মহাক্কী ইমানা ঙসি ঐখোয়গা পুনগদৌরি। মপাবুংগী মমিংনা সুখবির সিংহ সন্ধুজী অমসুং মমাগী মইংনা সুরপ্রীত কাউর কৌই, মখোয় অসি পঞ্জাবকী অমৃতসরদা লৈবনি। মখোয়না থৌনিজবা কয়াগী মতুংদা, লাইফদিবীগুম্না নিংথীবী নুংশিরবা মচানুপী অমা ফংজখি। ইমুংগী মীওইশিংনা মহাকপু য়াম্না নুংশিনা অবাবত কাউর হায়না কৌই। অবাবত হায়বদি অতোপ্পদা তেংবাংবা হায়বনি, অতোপ্পগী অৱাববু নুংঙাইবদা ওন্থোকপীবা হায়বনি। মহাক্না শুপ্নগী নুমিৎ কুন্থ্রা মাপন শুবা মতমদা মহাক্না মালেম অসি থাদোক্তুনা চৎখি। অদুবু, সুখবিরজী, মহাক্কী লোয়নবী সুরপ্রীত কাউর অমসুং মখোয়গী ইমুং মনুংনা ইথিল পীনিংঙাই ওইরবা ৱারেপ অমা লৌখি। ৱারেপ অদুদি, শুপ্নগী নুমিৎ কুন্থ্রা মাপনখক্তা ঙাইরিবী মচানুপীগী হকচাং কয়াৎ দান তৌথোকপা হায়বসিনি। সুখবির সিংহ অমসুং মহাক্কী লোয়নবীনা ঙসি ঐখোয়গা লোয়ননা ফোনগী লাইন্দা হৌজিক লৈরি। মখোয়গা ৱারী অমুক্তা শাসি।

প্রধান মন্ত্রী – সুখবিরজী, নমস্তে।

সুখবিরজী – ইকায় খুম্ননিংঙাই ওইরবা প্রধান মন্ত্রীবু নমস্তে। সত শ্রী অকাল।

প্রধান মন্ত্রী – সত শ্রী অকালজী, সত শ্রী অকালজী, সুখবিরজী, ঐহাক্না ঙসিগী ‘মন কী বাত’ কী মতাংদা ৱাখল খনবা মতমদা অবাবতকা মরী লৈনরিবা হীরম অসি তসেংনা ইথিল য়াম্না পীনিংঙাই ওইবনা ৱাফম অসিমক অদোমগী ইফমদগী তাবনা হেন্না ফগনি খনখি। মসিগী মরমদি, ইমুং অমদা নুপীমচা অমা পোকপা মতমদা মসিনা নুংঙাইবা অমসুং মঙলান কয়া অমা পুরকই, অদুগা ইচানুপী অদুনা নৌনা লৈরোইদবা ওইরবদি মসিনা কয়া য়াম্না অৱাবা পোকহনগনি হায়বসু ঐনা খঙবা ঙম্মি। অদুগা অদোম্না মখা তারকপা লৌরিবা ৱারেপ অদুগী মতাংদা ঐহাক্না মপুং ফানা তাবা পাম্মি।

সুখবিরজী – সর, ইশ্বরনা ঐখোয়গী ইফমদা য়াম্না নুংশিবা অঙাং অমা পীবিখি, লাইফদিবীগুম্না নুংশিবী নুপীমচা অমা ঐখোয়গী ইমুংদা খোংদারকখি। মহাক হেক পোক্লকপগা, মহাক্কী থোপ্তা নর্ব চবুন অমা য়াওরে অমসুং মদুনা মরম ওইরগা মহাক্কী থম্মোইনা চাউবা অশুম-অশুম হেনগৎলক্লে হায়বা ঐখোয়না খঙখি। মশা-মউ অদুক য়াম্না ফবা অঙাং অসিদা অসুক য়াম্না লুবা ফিভম অমগা লোয়ননা পোক্লকপা অদুদা ঐখোয় য়াম্না ঙকপা ফাওখি। মহাক্কী অহানবা পুং ২৪দি মহাক য়াম্না নোর্মেল ওইনা লৈখি। অদুদগী মহাক্কী থম্মোইনা মথৌ তৌবা খঙলেপ লেপখি, মদুদগী ঐখোয়না মহাকপু হোস্পিতালদা খুদক্তা পুখি, দাক্তরনা মহাকপু হিংগৎহনখি, অদুবু মহাক্কী মফমদা করি অশোইবা লৈবগে খঙবদা মতম চঙখি। পীক্লিবা অঙাং অমদা খঙহৌদনা হার্ত অতেক তৌবসিদি য়াম্না চাউবা ৱাফম অমনি। অদুনা ঐখোয়না মহাকপু লাইয়েংনবগীদমক্তা চন্দিগরগী পি.জি.আই.দা পুখি। মহাক্না মফমদুদা লাইয়েংবদা য়াম্না থৌনা ফনা মাইয়োক্নখি। অদুবু, মহাক্কী অদুদি অদুক য়াম্না নৌরবা চহিদুদা লাইয়েংবদা য়াম্না খুদোংচাদবা লাইনা মখল অমা ওইখি। দাক্তরনা মহাকপু কন্নবা য়াম্না হোৎনখি, মহাক্না করিগুম্বা থা ৬ কুম্বা শুবা ওইরবদি, ওপরেসন তৌবা য়াগদরা হায়বা য়েংলম্বা য়াবনি। অদুবু ইশ্বরনা তোঙানবা অমা খল্লম্লে, মহাক্না নুমিৎ ৩৯ শুবা নুমিত্তা হার্ত এতেক অমা অমুক তৌরে হায়না দাক্তরনা হায়, থাজবগী মঙাল লৈশিল্লকত্রে। অশুক য়াম্না নৌরিবী মহাক্না লাইয়েংবগী অৱাবা কয়াবু হঞ্জিন হঞ্জিন্না থৌনা য়াম্না ফনা মাইয়োক্নবা, মহাক্কী অরোইবা মিৎকুপ লাক্লে খনবগা অমুক হিংৎলকপগী মতৌ ঐখোয়না উখিবা অদুদদি মহাক্না ঐখোয়গী নাক্তা লাক্লিবসি মরম অমদি শোইদনা লৈগনি হায়না ঐহাক অমসুং ঐহাক্কী লোয়নবীনা কপ্না কপ্না খন্নখি। দাক্তরশিংনা মখা তাবা করিমত্তা তৌবা ঙম্লরোই হায়রকপা মতমদা মহাক্কী হকচাং কয়াৎ দান করি তৌবগী তৌরোইদোইনো হায়না ঐখোয় অনিনা ৱারেপ লৌখি। মহাক্কী মরমদগী কনাগুম্বা অমগী পুন্সিদা মঙাল পীবা ঙম্বসু য়াই। অদুদগী ঐখোয়না পি.জি.আই.গী এদমিন ব্লোক্কা পাউ ফাওনখি অমসুং মহাক্কুম্বী নৌরিবী অঙাংগী কিদনিখক লৌবা য়াগনি হায়না পাউতাক পীবিরকখি। মপু ইবুংঙোনা ঐখোয়দা থৌনা পীবিখি। গুরু নানক সাহেবকী ৱাখল্লোন্না ঐখোয়বু লমজিংবীখি।

প্রধান মন্ত্রী – অদোম্না গুরু নানক্কী পাউতাকশিংবু পুন্সিদা তসেংনা ইল্লি। সুরপ্রীতজী অদোম লৈবিরিকো? ঐখোয়না মহাক্কা ৱারী শাবা য়াগদরা?

সুখবিরজী – হোই, য়াগনি।

সুরপ্রীতজী – নমস্কার সর, অদোমগা ৱারী শাবা ফংবসি ঐখোয়গীদি য়াম্না চাউথোকচনিংঙাইনি সর।

প্রধান মন্ত্রী – অদোম্না য়াইফরবা থবক অমা পাংথোক্লি, অদুনা লৈবাক পুম্বনা অদোমগী থবক অসিগী মতাংদা খঙলকপা মতমদা, মখোয়সু কনাগুম্বা অতোপ্পা অমগী পুন্সি কনগে হায়দুনা শোইদনা থোক্লক্কনি। অবাবতনা পাংবীরম্বা তেংবাং অসিদি য়াম্না চাউবনি।

সুরপ্রীতজী – সর, ঐখোয়না মসিগুম্বা চাউরবা ৱারেপ লৌবা ঙম্বগী থৌনা লৈরিবা অসিসু গুরু নানক বাদশাহজী বক্সিস অমা শোইদনা ওইগনি।

প্রধান মন্ত্রী – গুরুগী থৌজাল য়াওদনা করিমত্তা ওইথোক্কদবা নত্তে।

সুরপ্রীতজী – য়াম্না চুম্মি, সর।

প্রধান মন্ত্রী – সুখবিরজী, অদোম্না হোস্পিতালদা লৈরিঙৈদা দাক্তরনা নুংঙাইতবা পাউ অসি তম্লবা মতুংদা ফাওবা অদোম অমসুং অদোমগী লোয়নবীনা অসুক য়াম্না চাউরবা ৱারেপ অমা মোং হাদনা লৌবা ঙমখি। ৱাখলবু তংদুয়া লৈতানা লৈহল্লিবা অসিদি গুরুজীগী পাউতাকশিংননি অমসুং অবাবতকী ৱাহন্থোক অসিনসু তসেংনা তেংবাংখিবনি। মসিগী থবক অসি হেক পাংথোকপগা ঐহাক্না পাউ লোইনা তাজনিংই।

সুখবিরজী – সর, প্রিয়া কৌবা ঐখোয়গী ইমুং-মনুংগী মরুপ অমসু মহাক্কী হকচাং কয়াৎ দান তৌখ্রে অমসুং ঐখোয়না মঙোন্দগী ইথিল ফংখিবনি। অদুগা হকচাং অসি ইলিমেন্ত মঙাদা পুনখিগদবনি হায়না ঐখোয়না ফাওখি। কনাগুম্বা মীওই অমা ঐখোয়দগী মতম পুম্বগী চৎখিবা মতমদা মহাক্কী হকচাংবু ঐখোয়না মৈ থাই নত্ত্রগা ফুম্মি, অদুবু মহাক্কী হকচাং কয়াৎ অদু কনাগুম্বা অমদা কান্নগদবা ওইরবদি, মদুদি য়াম্না য়াইফবা থবক অমনি অমসুং ঐখোয়গী ইচানুপীনা ভারতকী খ্বাইদগী নহা ওইবী দোনর অমা ওইরে অমসুং মহাক্কী কয়াৎ অদু অতোপ্পা অমদা মায় পাক্না হাপখ্রে হায়না তম্লকপদা ঐখোয়না য়াম্না চাউথোকচখি। ঐখোয়না হৌজিক্কী চহি অসি য়ৌরবা ফাওবদা ইমা-ইপাগী মিংচৎ পুরকপা ঙমদ্রি, অদুগা অপীকপা অঙাং অমা লাক্লগা ঐখোয়বু মিংচৎপু নুমিৎ কয়া-কয়াগীদমক্তা ৱাংনা পুখৎপীরম্বা অসিদা ঐখোয়না য়াম্না চাউথোকচৈ। মসিনসু মরম ওইরগা, ঐখোয়না ঙসি সরগা হীরম অসিগী মতাংদা ৱারী শারি। ঐখোয় তসেংনা চাউথোকচরে।

প্রধান মন্ত্রী – সুখবিরজী, অদোমগী ইচানুপীগী কয়াৎ অমখক ঙসি হিংলি হায়বা নত্ত্রে। অদোমগী ইচানুপীদি মীওইবা খুন্নাইনা লৈরিবমখৈ হিংহৌরগনি। মহাক্কী হকচাং কয়াৎ অমগী খুত্থাংদা মহাক ঙসিসু হিংলি। মসিগুম্বা য়াইফরবা থবক অসিগীদমক্তা ঐহাক্না অদোম, অদোমগী লোয়নবী অমসুং ইমুংবু থাগৎচরি।

সুখবিরজী – সরবু থাগৎচরি।

মরুপশিং, হকচাংগী কয়াৎ দান তৌবগী খ্বাইদগী নুংঙাইবা ৱাখল্লোন অসিদি মীওই অমনা লৈখিদ্রবা মতুংদসু কনাগুম্বা অমগী পুন্সি কনবা ঙম্বা হায়বসিনি। ওর্গান দোনেসনগীদমক্তা ঙাইদুনা লৈবা মীওইশিংনা মিৎকুপ অমমম ঙাইদুনা লৈবসি কয়া য়াম্না ৱাবগে হায়বা খঙই। মসিগুম্বা তাঞ্জা অসিদা ওর্গান দোনর নত্ত্রগা কেদাভার দোনর অমা ফংবা মতমদা অদুক্কী য়াম্না নুংঙাইবা ফাওই, মহাক্কী মফমদা ইশ্বরমক উবা ফংলে হায়না খল্লিবনি। মপু ইবুংঙোনা পুন্সি পীবগুম্না ঝার্খন্দগী স্নেহলাতা চৌধুরীসু পুন্সি দান তৌখ্রে। চহি ৬৩ শুরবী স্নেহলাতা চৌধুরীনা মহাক্কী থম্মোই, কিদনি অমসুং ফিরাক দান তৌরমখি। ঙসিগী ‘মন কী বাত’ অসিদা মহাক্কী মচানুপা অভিজীত চৌধুরিসু ঐখোয়গী নাক্তা লৈরি। মহাক্কা ৱারী অমুক শারসি।

প্রধান মন্ত্রী – অভিজীতজী, নমস্কার।

অভিজীতজী – প্রনাম, সর।

প্রধান মন্ত্রী – অদোমদি অদোম্বু পোকপীদুনা অদোমগী মফমদা পুন্সি পীরম্বা মমা অমগী মচানি, অদুগা মহাক্না লৈখিদ্রবা মতুংদসু অদোমগী ইমানা অতোপ্পা কয়াদা পুন্সি পীবিরি। অদোম্না মহাক্কী মচা অমা ওইনা য়াম্না চাউথোকচরমগনি।

অভিজীতজী – হোই, ফাওজৈ, সর।

প্রধান মন্ত্রী – ঐখোয়গী ইফমদা অদোমগী ইমাগী মতাংদা খরা তম্বীয়ু, করম্বা তাঞ্জাদা ওর্গান দোনেসন তৌবগী ৱারেপ লৌখিবনো?

অভিজীতজী – ঐহাক্কী ইমা-ইপানা সেরাইকেলা কৌবা ঝার্খন্দগী অপীকপা খুঙ্গং অমদা লৈরম্মি। মখোয়না মমাংগী চহি কুন মঙাদগী অয়ুক খুদিংগী লেপ্তনা ৱাকিং চৎলি। মখোয়গী নুংতিগী পাংথোকপা থৌওংগী মতুং ইন্না, মখোয়না অয়ুক অঙনবা পুং ৪দা থোকই। মোতোর সাইকল থৌবা মীওই অমনা নোংমদি মঙোন্দা থোম্বদগী মহাক খুদক্তা তুখি অমসুং মকোক্তা য়াম্না থীনা শোকখি। ঐখোয়না মহাকপু সেরাইকেলাগী সদর হোস্পিতালদা খুদক্তা পুখৎখি, দাক্তরনা মহাক্কী বেন্দেজ য়েৎপীখি, অদুবু মহাক্কী ঈ থোকপদি লেপখিদে। অদুদগী মহাক গ্যান মাঙখি। ঐখোয়না মহাকপু তাতাগী অচৌবা হোস্পিতালদা অমুক পুখৎখি। মফমদুদা সর্জরী তৌখি, অদুগা পুং ৪৮ ঙাইরবা মতুংদা, মফমদুদা মহাকপু কনবা ঙম্বগী ওইথোকপা খরা ৱাৎকনি হায়রকখি। অদুদগী ঐখোয়না মহাকপু এয়রলিফ তৌদুনা দিল্লীগী এমসতা পুরকখি। মফমদুদা নুমিৎ ৭-৮নিমুক লাইয়েংখি। অদুদগী খরা ফনা উখি, অদুবু মহাক্কী ব্লদ প্রেসর য়াম্না হন্থরকখি। মদুদগী ঐখোয়না মহাক অসি ব্রেন দেথ ওইরে হায়বা খঙবা ঙমখি। মদুদগী ওর্গান দোনেসনগী কাঙলোনশিং দাক্তরশিংনা ঐখোয়দা তাকপীখি। মসিগী মতাংদা ঐখোয়না পাবুংগী মফমদা তম্লমদে, মরমদি ওর্গান দোনেসন কৌবা থৌওং লৈ হায়বসি মহাক্না খঙবা অমসুং লৌশিনবা ঙম্লোই হায়না ঐখোয়না খনবগীনি। মসিগুম্বা থবক খরা খন্নরি হায়বসি ঐখোয়না মঙোন্দা খঙহন্নিংদ্রে। অদুবু, ঐখোয়না ওর্গান দোনেসন তৌবগী মতাংদা মহাক্কী মফমদা হেক তম্বগা মসিদি ঐখোয়গী ইমানা পাম্লম্বনি হায়না মহাক্না হায়রকখি। ঐখোয়গী ইমা অসি হিংলরোই খনবদা ঐখোয় য়াম্না নুংঙাইরমদ্রবনি, অদুবু ওর্গান দোনেসনগী ৱারী শাবা হেক হৌবদগীদি ঐখোয়গী নুংঙাইতবা অদুবু পোজিতিব ওইবা হীরমদা ওনখি অদুদগী ঐখোয়না পোজিতিব ওইবা এতমোস্ফিয়র অমদা চঙশিনখি। মদুগী মতমদুদা, ঐখোয়না নুমিদাংগী পুং ৮দা কাউন্সেল্লিং তৌই। নিনিশুবা নুমিত্তা ঐখোয়না ওর্গান দোনেসন তৌখি। ঐখোয়গী ইমাদি মসিগুম্বা হীরমদা থৱাই য়াম্না য়াওজবনি, মিৎ দোনেসন তৌবগুম্বা সোসিএল এক্তিবিতীদা মহাক্তি মমাংদসু থৱাই য়াম্না য়াওজৈ। মদু ময়ামদু খনবদগী ঐখোয়না অসুক য়াম্না চাউবা থবক পমা পাংথোকপা ঙমখিবনি, অদুগা ঐখোয়গী পাবুংনা হীরম অসিগী মতাংদা লৌবা ৱারেপ অদুনা মসিগী থবক অসি হেন্না লাইহনখিবনি।

প্রধান মন্ত্রী – ওর্গানশিং অদুদগী মীওই কয়ানা কান্নবা ফংখিবগে?

অভিজীতজী – মহাক্কী থম্মোই, কিদনী অনি, ফিরাক অমসুং মহাক্কী মিৎ অনিমক দোনেত তৌখ্রে। অদুনা মীওই মরিনা মশাগী পুন্সি অমুক হন্না ফংখ্রে অদুগা মীওই অনিনা মমিৎ ফংখ্রে।

প্রধান মন্ত্রী – অভিজীতজী, অদোমগী ইমা অমসুং পাবুংবু ঐখোয়না কোক নোনফম থোকই। ঐহাক্না মখোয়বু ইকায় খুম্নজরি, অদোমগী পাবুংনা মসিগুম্বা চাউরবা ৱারেপ লৌবদা ইমুংবু লুচিংখি। মসিদি ইথিল য়াম্না পীবা মতৌনি। মমদি মমানি হায়বসিদা ঐহাক্না থাজবা থম্মি। মমা হায়বসিদি ইথিলগী হৌরকফমসু মশানা ওইজরবনি। মমানা থম্লম্বা চৎনবী অসিদি চারোন খুদিংগী মপাঙ্গল লৈবা হেনগৎলিবনি। অদোমগী ইমাগী খুত্থাংদগী ওর্গান দোনেসনগী ইথিল অসি মালেম পুম্বদা য়ৌরে। মসিগুম্বা শেংলবা অমসুং য়াইফরবা থবক অসিগীদমক্তা ঐহাক্না অদোমগী ইমুং মনুং পুম্ববু ইকায় খুম্নজরি। অভিজীতপু থাগৎচরি অমসুং পাবুংদা ঐখোয়না ইকায় খুম্নবা উৎলকই তম্বীয়ু।

অভিজীতজী – শোইদনা তমজগে, সরবু থাগৎচরি।

মরুপশিং, শুপ্নগী নুমিৎ ৩৯ শুবী অবাবত কাউর ওইরো নত্ত্রগা চহি ৬৩ শুরবী স্নেহলাতা চৌধুরী ওইরো, মখোয়গুম্বা অথোইবা দোনরশিংনা ঐখোয়দা পুন্সিগী মরু ওইবা খঙহল্লি। হকশেল ফবা পুন্সি অমা পাম্বগীদমক্তা ওর্গান দোনর অমগীদমক্তা ঙাইদুনা লৈবা মীওই কয়া অমা ঐখোয়গী লৈবাক অসিদা ঙসি লৈরি। ওর্গান দোনেসন তৌবা লাইহন্নবা অমসুং মসিবু পুক্নিং থৌগৎনবগীদমক্তা চপ মান্নবা পোলিসী অমদা লৈবাক শিনবা থুংবদা থবক পায়খৎলিবা অসিদা ঐহাক্না য়াম্না অপেনবা ফাওরি। থৌওং অসিগী মাইকৈদা, রাজ্যগী দোমিসাইল ওইগদবনি হায়বা কন্দিসন ঐখোয়না লৌথোক্নবা ৱারেপ লৌরে অমসুং অনাবা অমনা লৈবাক্কী রাজ্য অমা হেক্তদা চত্তুনা ওর্গান রিসিব তৌবগী এপ্লিকেসন থাবা য়ারগনি। ওর্গান দোনেসন তৌবগীদমক্তা চহি ৬৫গী মখাদা লৈগদবনি হায়বা অকক্নবা অদুসু লৌথোক্নবা সরকারনা ৱারেপ লৌরে। মসিগুম্বা হোৎনরিবা কয়া অসিগী মরক্তা, ওর্গান দোনরশিংনা মশিং য়াম্না থোকপীরক্নবা ঐহাক্না লৈবাক মীয়ামদা হায়জরি। অদোমগী ৱারেপ অমনা অতোপ্পা মীওই অমগী পুন্সি কনবা ঙমগদৌরিবনি।

ঐহাক্কী নুংশিরবা লৈবাক মীয়াম, হৌজিক অসিদি নবরাত্রীগী মতম্নি। শক্তি নিংবগী মতম্নি। অনৌবা মাইকৈ অমদগী ঙসি থোক্লক্লিবা ভারতকী তৌবা ঙম্বগী মতি অসিদা নুপীগী পাঙ্গলগী অচৌবা থৌদাং য়াওরি। মসিগুম্বা খুদম কয়া অমা হন্দক্তা ইকুই কুইদনা থোকপা হৌরক্লে। এসিয়াগী খ্বাইদগী অহানবা নুপী লোকো পাইলোত, সুরেখা য়াদবকী মতাংদা অদোম্না সোসিএল মীদিয়াদা থেংনরম্লগনি। সুরেখাজীনা, অতোপ্পা রেকোর্দ অমসু থমদুনা, বন্দে ভারত এক্সপ্রেসকী অহানবা নুপী লোকো পাইলোত ওইরবনি। হন্দক্কী থা অসিদা, প্রদ্যুসর গুনীত মোঙ্গা অমসুং দাইরেক্তর কার্তিকি গোঞ্জালবেজনা মখোয়গী দোক্যুমেন্তরী ‘দি ইলিফেন্ত হ্বিস্পরর’না ওস্কার ফংদুনা লৈবাক্কী মিংচৎ পুরকখি। ভাভা এতোমিক রিসর্চ সেন্তরগী ইচল, জ্যোতিরমায়ী মোহন্তীনা লৈবাক্কী ওইনা মায় পাকপা অমসু ফংখ্রে। জ্যোতিরমায়ীনা কেমিস্ত্রী অমসুং কেমিকেল ইঞ্জিনিয়রিংগী লমদা আই.য়ু.পি.এ.সি.দগী অখন্নবা মনা অমা ফংলে। হন্দক্কী চহিগী অঙনবদসু, ভারতকী অন্দর-১৯গী নুপীগী ক্রিকেত তীম্না তি.২০ ৱর্ল্দ কপ লৌদুনা পুৱারী শেমখ্রবনি। অদোম্না রাজনিতীগী লমদা য়েংলুরবদি, নাগালেন্দদা অনৌবা মতম অমা হৌরবনি। নাগালেন্দদা চহি ৭৫গী মনুংদা খ্বাইদগী অহানবা ওইনা, নুপী লেজিস্লেচর অনিনা মীখলদা মায় পাক্তুনা বিধান সভাদা য়ৌরে। মখোয়গী মনুংদগী অমদি, নাগালেন্দ রাজ্যগী মন্ত্রী ওইনসু হাপখ্রে। রাজ্য অসিগী মীয়াম্না নুপী মন্ত্রী অমা ফংবসি হন্দক্কী অসিনা অহানবনি।

মরুপশিং, নুমিৎ খরনিগী মমাংদা, তর্কীদা য়ুহা হাওবদগী অমাং-অতা চাউনা থোকখিবা থৌদোক্তা তর্কীগী মীয়াম্বু তেংবাংনবগীদমক্তা চৎখিবী থৌনা লৈরবী ইচানুপীশিংবুসু ঐহাক্না উন্নরে। মখোয়শিং অসি এন.দি.আর.এফ. কন্তিঞ্জেন্তকী শরুক্নি।

মখোয়গী থৌনা অমসুং স্কিলবু মালেম পুম্বনা থাগৎনরি। ভারতনা য়ু.এন. মিসনগী মখাদা লৈবা পিস্কীপিং ফোর্সতা নুপীখক্তগী ওইবা প্লেতুন অমসু থাখ্রে।

ঙসিদি, লৈবাক্কী ইচানুপীশিংনা আর্ম্দ ফোর্স অহুম্মক্তা মখোয়গী থৌনা ফবগী ফিরাল ৱাংনা পাইহল্লি। গ্রুপ কেপ্তেন শালিজা ধামীনা কোম্বেত য়ুনিত্তা কম্মান্দ এপ্পোইন্তমেন্ত ফংবী অহানবা নুপী এয়রফোর্স ওফিসর ওইরে। মহাক্না চাউরাকপা পুং ৩০০০গী ফ্লাইং এক্সপেরিএন্স লৈ। মান্নবা থৌওং ওইনা, ইন্দিয়ন আর্মীগী কেপ্তেন শিবা চাউহান্না সিয়াচেন্দা থবক তাবী খ্বাইদগী অহানবা নুপী ওফিসর ওইরে। তেম্পেরেচরনা মাইনস সিক্সতী (-৬০) দিগ্রী ওইবা মফমদা মহাক্না থা অহুম লৈগনি।

মরুপশিং, লিস্ত অসি য়াম্না শাংমনবনা মখোয় পুম্নমক্কী মতাংদা ৱারী শাবসি য়াম্না লুরগনি। মখোয়গুম্বী ঐখোয়গী ইচানুপীশিংনা ভারত অমসুং ভারতকী মঙলানশিংদা অনৌবা পাঙ্গল হাপ্লি। নুপীগী পাঙ্গলগী মসিগুম্বা ইনর্জী অসিনা চাউখৎপা ভারতকী ওক্সীজেন ওইরি।

ঐহাক্কী নুংশিরবা লৈবাক মীয়াম, মালেম পুম্বনা ক্লিন ইনর্জী, রিন্যুএবল ইনর্জীগী মতাংদা হৌজিক্কান ৱারী য়াম্না শানরি। ঐহাক্না মালেম শিনবা থুংবগী মীওই কয়া উন্নৈ, ঐখোয়না হীরম অসিদা মশক থোকপা মায় পাকপা ফংলিবা অসিগী মতাংদা মখোয়না ৱারী য়াম্না শাই। অখন্নবা অমা ওইনা, ভারতনা সোলর ইনর্জীগী লমদা চঙশিল্লিবা খোঙজেল অসিমক অসিসু মায় পাকপগী তোপ-তোপ্পা মতৌ অমনি। ভারত মীয়াম্না চহি চা কয়াদগী নুমিৎকা অখন্নবা মরী অমা লৈনদুনা লাক্লি। ঐখোয়না নুমিৎকী মতাংদা খঙবা সাইন্তিফিক ওইবা লৌশিং, নুমিৎ লাৎপগী চৎনবী অসি অতোপ্পা মফমশিংদা থোইদোক্না উবা ফংলোই। লৈবাক্কী মীওই খুদিংনা সোলর ইনর্জীগী মরু ওইবা মমুৎ তানা খঙবা অমসুং ক্লিন ইনর্জীগী লমদা মশাগী শরুক তম্নিংবগী ইথিল লৈবসিদা ঐহাক্না য়াম্না নুংঙাইবা ফাওই। ‘সবকা প্রয়াস’কী ইথিল অসিনা ভারতকী সোলর মিসনবু তুংলমচত্তা পুরিবনি। মহারাস্ত্রগী পুনেগী মসিগুম্বা থৌওং অমনা ঐহাক্কী পুক্নিং চিংশিনখি। এম.এস.আর.-ওলিব হাউজিং সোসাইতীগী মীওইশিংনা সোসাইতীগী থক্নবা ঈশিং, লিফ অমসুং মৈ-থানবগুম্বা কম্মন য়ুতিলিতীশিং অসি সোলর ইনর্জীখক শিজিন্নদুনা চলায়রগনি হায়না ৱারেপ লৌরে। মদুগী মতুংদগী, সোসাইতী অসিগী মীওইশিংনা পুন্দুনা সোলর পেনেল ইন্সতোল তৌনখ্রে। ঙসিদি, হায়রিবা সোলর পেনেলশিং অসিদগী চহি খুদিংগী ওইনা কিলোৱাত হাউর লিশিং ৯০গী মৈ পুথোক্লি। মসিনা থা খুদিংগী লুপা ৪০,০০০ মুক তুংশিনবা ঙম্লে। সোসাইতীগী মীওই খুদিংনা মসিগুম্বা সেভিং অসিদগী কান্নবা য়াম্না ফংনরি।

মরুপশিং, পুনেদা পাংথোকপগুম্না, তোঙানবা জিলা অমা ওইরিবা দামন অমসুং দিয়ুগী মীওইশিংসু য়াম্না অফবা থবক অমা পাংথোক্লি। দিয়ু অসি সোম্নাথকী মনাক্তা লৈ হায়বা অদোম্না খঙলবনি। নুংথিলগী মতমদা তঙাই ফদবা খুদিংগীদমক্তা ক্লিন ইনর্জী ১০০% শিজিন্নবা অহানবা জিলা অসি দিয়ুনা ওইরবনি। দিয়ুগী মসিগুম্বা মায় পাকপা অসিগী মন্ত্রসু সবকা প্রয়াসনি। মৈ পুথোকপগী রিসোর্সশিং অসি মতম অমদা শিংনবা অমনি হায়না খল্লম্মি। অদুবু মীয়াম্না সোলর ইনর্জীবু মসিগী ৱারোইশিন ওইনা খল্লে। মফম অসিদা, সোলর পেনেলশিং অসি অহাঙবা লম অমসুং য়ুম্থক কয়াদা খিল্লি। দিয়ুনা নুংথিলগী মতমদা তঙাই ফদবা মৈগী চাংদগী য়াম্না হেনবা মৈগী চাং অসি সোলর পেনেলশিং অসিগী মতেংদগী পুথোক্লি। মসিগী সোলর প্রোজেক্ত অসিগী খুত্থাংদগী, মৈ লৈবদা চঙগদবা লুপা করোর ৫২মুক্কী শেনফম তুংশিনবা ঙম্লে। অকোয়বগী ফিভমসু মসিনা য়াম্না ঙাক শেনবা ঙম্লে।

পুনে অমসুং দিয়ুদা পাংথোক্লিবা থৌওং অসিগুম্বা থবক কয়াসু লৈবাক্কী তোঙান-তোঙানবা মফমশিংদা পাংথোক্লি, মরুপশিং। ভারত মচাশিংনা অকোয়বগী ফিভম অমসুং মহৌশাগী মতাংদা কয়া য়াম্না লুনা লৌই অমসুং ঐখোয়গী লৈবাক অসিনা তুংগী চারোন-শুরোনশিংগীদমক্তা মিৎকুপ নাহুম শিংনা লৈরি হায়বা থৌওংশিং অসিনা উৎলি। মসিগুম্বা হোৎনজমন খুদিংবু ঐহাক্না থম্মোইনুংদগী থাগৎপা ফোংদোক্লি।

ঐহাক্কী নুংশিরবা লৈবাক মীয়াম, ঐখোয়গী লৈবাক অসিদা, মতম অমসুং ফিভমগী মতুং ইন্না, চৎনবী কয়া থোক্লকই। মসিগুম্বা চৎনবীশিংনা ঐখোয়গী নাৎকী মপাঙ্গল হেনগৎহল্লি অমসুং অনৌবা পাঙ্গল অমা নুমিৎ খুদিংগী হাপ্লি। মসিগুম্বা চৎনবী অমসু থা অমগী মমাংদা কাশীদা হৌদোকখি। কাশী-তমিল সঙ্গমমগী থৌরম মনুংদা কাশী অমসুং তমিলগী মফমশিংগী মরক্তা লৈবা চহি চা কয়া শুরবা পুৱারী অমসুং নাৎকী মরীশিংগী নুংঙাইবা ফোংদোক্লি। ‘এক ভারত, স্রেস্থ ভারত’কী ইথিলনা ঐখোয়গী লৈবাক্কী মপাঙ্গল হেনগৎহল্লি। ঐখোয়না ঐখোয় মশেলগী মতাংদা খঙনবা মতমদা, অমত্তা ওইবগী মসিগুম্বা ৱাখল্লোনগী মরা চেৎশিল্লি। ‘সাউরাস্ত্রা তমিল সঙ্গমম অসি অমত্তা ওইবগী মসিগুম্বা ইথিলগা লোয়ননা মথংগী থাদা গুজরাত্তা পাংথোক্কনি।

সাউরাস্ত্রা তমিল সঙ্গমম অসি এপ্রিল ১৭তগী ৩০ ফাওবা চত্থগনি। গুজরাতকী সাউরাস্ত্রাগা তমিল নাদুগা করি মরী লৈনবগে হায়না মন কী বাত তারিবা মীওই খরনা শোইদনা খল্লমগনি। ঐহাক হায়জগে। চহি চা কয়াগী মমাংদা, সাউরাস্ত্রাগী মীওই কয়া অমনা তমিল নাদুগী তোঙান-তোঙানবা মফমশিংদা খুন্দা লৈতাখি। মখোয়গুম্বা মীওইশিং অসি ‘সাউরাস্ত্রী তমিল’ হায়না ঙসিসু খঙনরি। সাউরাস্ত্রাগী মওং-মতৌ খরা মখোয়গী চাকচা-হৈজা, পুন্সি মহিং অমসুং খুন্নাইগী থৌদোকশিংদা ঙসিসু উবা ফংলি। তমিল নাদুদগী মীওই কয়া অমনা থৌরম অসিগী থাগৎ ৱাহৈগী চিথী কয়া ঐঙোন্দা ইরকই। মদুরাইদা লৈবা জয়াচন্দ্রন্না য়াম্না পেন্দবগী ৱাফম খরা ইরকখি। মহাক্না হায়রি, “চহি লিশিং অমগী মতুংদা, মীওই অমনা সাউরাস্ত্রা-তমিলগী মরীগী মতাংদা খনবীরি অমসুং সাউরাস্ত্রদগী লাক্তুনা তমিল নাদুদা খুন্দা লৈতাখিবা মীওইশিংবু মীয়াম মাঙদা পুথোকপীরি”। জয়াচন্দ্রনগী ৱাখল্লোন অসিমক তমিল ইচিল ইনাও লিশিং কয়াগী খোঞ্জেলনি।

মরুপশিং, ঐহাক্না ‘মন কী বাত’ তারিবা মীওইশিংগী মফমদা অসমগা মরী লৈনবা পাউদম অমত্তা থমজগে। ‘এক ভারত স্রেস্থ ভারত’কী ইথিলবু মসিনসু মপাঙ্গল হাপকনি। ঐখোয়না বীর লচিত বোরফুকানগী ৪০০শুবা মপোক কুমওনগী নুংঙাইবা ফোংদোক্লি হায়বা অদোম্না খঙবীরম্লগনি। থৌনা লৈরবা বীর লচিত বোরফুকান্না অসম্বু ঙকচাও থেকপা মুঘল সলতনেত্তগী গুৱাহাতীবু মনিং তমহনখি। ঙসিদি, লৈবাক অসিনা থৌনা লৈবা লান্মী অসিগী মথৌনাগী মতাংদা খঙবা হৌনরে। লচিত বোরফুকানগী পুন্সিদা য়ুম্ফম ওইবা এসে ইবগী চাংয়েংনাব অমসু নুমিৎ খরনিগী মমাংদা হৌদোকখ্রে। মসিগীদমক্তা মীওই লাখ ৪৫না এসে ইদুনা থাজিল্লকখি তাবদা অদোম্না ঙকপা ফাওগনি। থৌওং অসিনা হৌজিক্তি গিনেস রেকোর্দ অমা ওইরে তাবদা অদোম্না নুংঙাইবসু ফাওগনি। অদুগা খ্বাইদগী নুংঙাইবা অমসুং শিংথানিংঙাই ওইবা ৱাফম অমনা, বীর লচিত বোরফুকানগী মতাংদা ইদুনা থাজিল্লক্লিবা এসেশিং অসি তোঙানবা লোল ২৩দা ইরকখিবনি। অসামিজ লোল নত্তনা, এসে অসিবু ইরক্লিবা অতোপ্পা লোলশিংদি হিন্দি, ইংলিশ, বাঙ্গলা, বোরো, নেপালি, সংস্কৃত অমসুং সন্থালীনি। মসিগুম্বা থৌওং অসিগী শরুক ওইরিবা মীওই খুদিংবু ঐহাক্না থাগৎচনিংই।

ঐহাক্কী নুংশিরবা লৈবাক মীয়াম, কশ্মির নত্ত্রগা শ্রীনগরগী মতাংদা হেক য়ৌরকপদা, ঐখোয়গী ৱাখল্লোন্দা লাকপা খ্বাইদগী অহানবা শক্তমদি মফমসিগী তম্পাক অমসুং দল পাৎনি। ঐখোয় খুদিংনা দল পাত য়েংনিংই। অদুবু, দল পাৎকী অতোপ্পা অখন্নবা মতৌ অমসু লৈ। দল পাত অসি মসিদা হৌরিবা মহাও লৈবা থম্বৌ, “কমল কাক্রি” হায়না খঙনবা অসিগীসু মমিং চৎলি। থম্বৌ অসি লৈবাক্কী তোঙান-তোঙানবা মফমশিংদা তোঙান-তোঙানবা মিংদা খঙনৈ। কশ্মিরদা মসিবু নাদ্রু হায়না কৌই। কশ্মিরগী নাদ্র্যগী দিমান্দ অসি য়াম্না হেনগৎলক্লি। দিমান্দ হেনগৎলক্লিবা অসি য়েংলদুনা, দাল পাত্তগী নাদ্রু থারিবা লৌমীশিংনা এফ.পি.ও. অমা শেম্লে। চাউরাকপা লৌমী ২৫০না এফ.পি.ও. অসিদা য়াওরি। ঙসিদি, এফ.পি.ও.শিং অসিনা মীরম লৈবাক্তা নাদ্রু এক্সপোর্ত তৌবসু হৌরে। লৌমীশিংনা অসিনা নাদ্রুগী কন্সাইনমেন্ত অনি য়ু.এ.ই.দা মতম খরগী মমাংদা থাখ্রে। মসিগুম্বা মায় পাকপা অসিনা কশ্মিরগী মিংচৎ পুরকপখক্তা নত্তনা লৌমী চাম্মা-চাম্মগী শেন্থোকসু হেনগৎহল্লে।

মরুপশিং, লৌউ-শিংউগা মরী লৈনবা কশ্মিরগী মীওইশিংনা মখোয়গী মায় পাকপশিংদা হৌজিক্কান্দি মনমসু নুংশিহল্লি। ঐহাক্না মায় পাকপগী মনক হায়রিবসি করিগীনো হায়না অদোম্না খল্লমগনি? হোইনে, হীরম অসিমক মনমগীনি, মনম নুংশিবগী ৱাফম অমনি। জম্মু অমসুং কশ্মিরগী দোদা জিলাদা ‘ভদরৱা’ কৌবা শহর মচা অমা লৈ। মফমসিগী লৌমীশিংনা চুজাক থাবগী চৎনবীবু দিকেদ কয়াদগী  চত্থদুনা লাক্লি, অদুবু লৌমী খরনা তোঙানবা অয়া তৌবগী মতাংদা খনখি। মখোয়না ফ্লোরিকলচরগী মাইকৈদা মায় ওনশিনখি, লৈ থাবা হৌখি। ঙসিদি, মফমসিগী লৌমী চাউরাকপা লিশিং অনি মখায়না লেবেন্দর থারি। মখোয়বু কেন্দ্র সরকারগী এরোমা মিসনগী খুত্থাংদসু লমজিং লমতাকপীরি। লৌমীশিংগী মসিগুম্বা অনৌবা থৌওংশিং অসিনা মখোয়গী শেন্থোকসু য়াম্না হেনগৎহল্লে, অদুগা ঙসিদি, লেবেন্দরগা লোয়ননা মখোয়গী মায় পাকপগী মনমসু পাক শন্না শন্দোক্লে।

মরুপশিং, কশ্মির, থম্বাল, লৈ অমসুং মনম নুংশিবগী ৱারী শারবদি, থম্বাল মথক্তা ফম্লিবী ইমা শার্দাবু নিংশিংবা হায়বসিদি মহৌশানা তাবনি। ইমা শর্দাগী চাউরবা লাইশঙ অমসু নুমিৎ খরনিগী মমাংদা কুপ্বারাদা শঙ্গাখ্রে। লাইশঙ অসি ঐখোয়না শার্দা পীথতা চৎপা লম্বীমক্তা লৈবনি। লোকেলগী মীয়াম্না লাইশঙ অসি শাবদা মতেং য়াম্না পাংখি। ঐহাক্না জম্মু অমসুং কশ্মিরগী মীয়াম্বু মসিগুম্বা য়ািফরবা থবক্কীদমক্তা থাগৎপা ফোংদোকচরি।

ঐহাক্কী নুংশিরবা লৈবাক মীয়াম, হন্দক্কী ‘মন কী বাত’ অসিগী তাঙ্কক্কী ওইনদি মসিদা লোইরে। ঐহাক্না ‘মন কী বাত’কী মথংগী ১০০শুবা তাঙ্কক্তা অদোমগা অমুক্কা উন্নগনি। অদোম্না ইশাগী পাউতাক পীবিয়ু হায়না ঐহাক্না হায়জরি। হন্দক্কী মার্চ থা অসিদি, হোলিদগী নবরাত্রী ফাওবদা ঐখোয়বু কুহ্মৈ কয়া অমা চিলহল্লে। রামজানগী শেংলবা থাসু হৌখ্রে। শ্রী রাম মবমীগী শেংলবা কুহ্মৈসু মথংগী নুমিৎ খরনিদা হৌরগনি। মসিগী মথংদা, মহাবীর জয়ন্তী, গুদ ফ্রাইদে অমসুং ইস্তরসু লাক্লগনি। এপ্রিল থাদনা, ঐখোয়না ভারতকী শক্নাইরবা মীওই অনিগী মপোক কুমওন অমুক পাংথোক্কনি। শক্নাইরবা মীওই অনি অদুদি – মহাত্মা জ্যোতিবা ফুলে অমসুং বাবাসাহেব অম্বেদকরনি। মখোয় অনিমক্না তাথী তাওই তৌবা অমসুং হন্থবা মিৎয়েং য়েংবগী চৎনবীবু খুন্নাইদগী মুত্থৎখিবদা মমাংদা অমুক্তা পাংথোকখিদ্রিবা থৌদাং লৌখি। ঙসি, ‘নিংতম্বগী অমৃত কাল’ অসিদা ঐখোয়না মখোয়গুম্বা শক্নাইবা মীওইশিংগী মফমদগী তমজদুনা মখোয়দগী ইথিল লেপ্তনা লৌবগী মথৌ তারি। ঐখোয়না ইশাগী থৌদাংবু খ্বাইদগী মমাঙদা থম্বা তাবনি। মরুপশিং, কোরোনাসু মফম খরদা হৌজিক অমুক থোক্লক্লি। মরম অদুনা, অদোম্না চেকশিন থৌরাং লৌগদবনি অমসুং লু-নান্না লৈবগী মতাংদা মুন্না খন্থগদবনি। ঐখোয়না মথংগী থাদা ‘মন কী বাত’কী ১০০শুবা তাঙ্কতা অমুক্কা উন্নরসি। ঐহাক্না পুম্নমক্তগী কায়নবগী য়াথং নিজরি।

থাগৎচরি, নমস্কার!

ঐগী নুংশিজরবা ইরৈবাকচাশিং, খুরুমজরি। ‘মন কী বাত’কী ৯৮শুবা তাঙ্কক অসিদা ময়ামগা অমুক উনবা ফংবজবসিদা ঐহাক য়াম্না নুংঙাইজৈ। সেঞ্চুরি অমা য়ৌনা চংশিল্লক্লিবা খোংজং অসিদা, ময়াম্না মন কী বাতপু মীয়াম পুনফম, মীয়ামগী ৱাখল ফোংদোক্নবগী অঙকপা প্লেতফোর্ম অমা ওইনখি। থা খুদিংগী মেসেজ লাখ কয়ানা মীওই কয়াগী পুক্নিংগী ৱাফমবু ঐঙোন্দা য়োহনবীরকই। অদোম্না, মীয়াম্না পুক্নিংগী শক্তিবু খঙই, অসুম্না সামাজগী শক্তিনা লৈবাক্কী মতিক-মগুন মতৌ করম্না হেনগৎহল্লি হায়বদু ঐখোয়না ‘মন কী বাত’কী তোঙান-তোঙানবা তাঙ্ককশিংদা উখ্রে, খঙখ্রে লোইননা মীয়াম্নশু য়ানখ্রে। ঐহাক্না ‘মন কী বাত’তা থাইনদগী চৎনরকপা মশান্নশিংবু য়োকখৎনবগী মরমদা ‘মন কী বাত’তা হায়খিবদু নিংশিংঙি। থুনমক লৈবাক শিনথুংনা থাইনদগী লৈরক্লবা মশান্নশিং উনিংবগী, তম্নিংবগী ঈথক অমা হৌরকখি। ‘মন কী বাত’তা ভারতকী শান্নপোৎশিংগী মতাংদা ৱারি শানখি, মদুদসু লৈবাকশিংগী মীয়াম্না শরুক য়াবীরকখি। হৌজিক্তি ভারতকী শান্নপোৎশিং পাম্নবগী ঈহুল অসি অদুক্কী মতিক কনখ্রে। মপান লৈবাক্তশু মসিবু ময়াম্না য়াম্না পাম্নরক্লি, দিমান্দ য়াম্না  তৌরক্লি। ঐখোয়না ‘মন কী বাত’তা ৱারি লিবগী মতাংদা পনখিবতদা, থাপ্লা-থাপ্লবা মফম কয়াদা ফাওবা মসি য়ৌখি। মীয়াম্না ভারতকী ৱারি লিবগী চৎনবী অসিবু য়াম্না পাম্নখি।

মরুপশিং, ময়াম্না সর্দার পতেলগী জয়েন্তি, হায়বদি এক্তা দিৱসকী নুমিত্তা, ‘মন কী বাত’তা কমপিতিশন অহুমগী মরমদা পঞ্জখিবদু নিংশিংবীরমগনি। কমপিতিশনশিং অদুদি লৈবাক নিংবদা য়ুম্ফম ওইবা ইশৈ, নাওশুম ইশৈ অমদি রঙ্গোলিনি। লৈবাক অসিগী জিলা ৭০০ হেনবদগী মীওই লাখ ৫ হেনবনা মসিদা থৱাই য়াওনা শরুক য়াখি। ৱাফম অসিদা ঐহাক য়াম্না নুংঙাইজখি। অঙাং, অহল, মীয়াই চল্লবা, য়াম্না অহল ওইরবা পুম্নমক্না মসিদা থৱাই য়াওনা শরুক য়াখি লোইননা লোন ২০ হেনবদা মীয়াম্না এন্ত্রী থাজিন্নখি। কমপিতিশনশিং অসিদা শরুক য়ারিবা কম্পিতিতর পুম্নমক্পু ঐহাক্কী মাইকৈদগী হন্না নুংঙাইবা ফোংদোকচরি। ময়াম পুম্নমক চেম্পিয়ন ঙক্তনি, কলাবু পামজবা ঙাক্তনি । লৈবাক অসিগী তোঙান-তোঙানবা শক্তম অমদি সংস্কৃতি অসিবু ময়াম্না কয়া য়াম্না নুংশিজগে হায়বদু ঐহাক্না উবা ফংলি।

মরুপশিং, ঙসিগী তাঞ্জা অসিদা, লাতা মঙ্গেস্কর জী, লাতা দিদিবু নিংশিংলকপা হায়বসি মহৌশানি। মরমদি কম্পিতিশন অসি হৌরকপা মতমদা, লাতা দিদিনা লৈবাক মীয়ামদা ত্রেদিশন অসিদা শরুক য়াবীনবা ত্বীত তৌদুনা হায়জখি।

মরুপশিং, নাওশুম ইশৈ ইবগী কম্পিতিশনদা কর্নাতকাদগী চামরাজা জিলাগী বি.এম. মঞ্জুনাথ জীনা অহানবা মনা ফংখি। মহাক্কী নাওশুম ইশৈ, কন্নাদা লোন্দা ইবা ‘মলগু কন্দা’দা মনা অসি ফংখিবনি। মহাক্না মহাক্কী অপোকপী মমা অমদি মবেনপোক্কী নাওশুম ইশৈশিংদগী ইবা ঈহুল অসি ফংখিবনি। মসি তাবদা ময়ামশু নুংঙাইগনি।

 [কন্নদা সাউন্দ ক্লিপ (সেকেন্দ ৩৫)]

“তুম্মো, তুম্মো, ইবেম্মা, ইবুংঙো,

ঐগী মরম মোকপা নুংশিবা, তুম্মো,

নুমিৎ ময়ুম চংখ্রে, অমম্বা মতম ওইরক্লে,

নিন্দ্র দেবি লাক্লনি,

থৱান্মিচাক্কী লৈকোলদগী,

নুংঙাইবা মঙলান পুদুনা লাক্লগনি!

তুম্মো, তুম্মো,

হুম... হুম... হুম..

হুম...হুম...হুম...”

অসামগী কামরুপ জিলাদা লৈবা দিনেশ গোৱালানা কম্পিতিশন অসিদা অনিশুবা মনা ফংখি। মহাক্কী নাওশুম  ইশৈ অদুদা লমদম অদুগী লৈবাক অমদি ধাতুগী কোনলিক শাবা মীওইশিং অদুগী খুশা হৈবগী মমিদু তাই।

[অসামীজ সাউন্দ ক্লিপ (সেকেন্দ ৩৫)]

চফু চাবা তাদনা, পোৎয়োম পুদুনা লাক্লি,

ময়োমদুদা করিবু য়াওরিবা?

হাংদুনা য়েংঙি, চফু শাবগী পোৎয়োমদু,

য়াওরম্মি মদুদা নুংশিরবা অপিকপা তেঙ্কোৎ অমা,

ঐগী অপিকপী ইচানুপীনা হংঙি, চফু শাবদা,

অপিকপা তেঙ্কোৎসিদি করমহায়না শারিবা!

ইশৈ অমসুং নাওশুম ইশৈগী মতৌগুম, রঙ্গোলি কম্পিতিশনশু মীয়াম্না য়াম্না পাম্নরি। মসিদা শরুক য়ারিবশিংনা ফজ-ফজরবা রঙ্গোলি কয়া শেমদুনা থারকই। মসিদা পঞ্জাবকী কমল কুমারনা ৱিন্নিং এন্ত্রী ওইরে। মহাক্না নেতাজী সুভাশ চন্দ্র বোস অমদি অমর সহিদ বির ভগত সিংগী ফজরবা রঙ্গোলিশিং শেমখি। মহারাস্ত্রগী সাংলিদগী সচিন নরেন্দ্র অৱসারি জীনা মহাক্কী রঙ্গোলিদা জলিয়ানৱালা ভাঘ, মদুদি মীহাৎ অমদি সহিদ উধম সিংগী থৌনা ফবদুবু উৎথোক্লি। গোৱাদগী গুরুদত্ত ভান্তেকরনা গান্ধিজীগী রঙ্গোলি শেমখি, লোইননা পুদুচেরীগী মালাতিসেলভননশু নিংতম লানগী অথোইবা লান্মী কয়াদা ফোকস থমখি। লৈবাক নিংবা ইশৈগী কম্পিতিশনদা অন্ধ্র প্রদেশকী তি. ৱিজয় দুর্গা জীনা ৱিনর ওইখি। মহাক্না তেলিগুদা এন্ত্রী থাজিনখি। মহাক্কী লমগী নিংতম লান্মী নরসিম্হা রেদ্দী গারু জীবু মহাক্না য়াম্না পামজখি। ময়ামশু ৱিজয় দুর্গা জীগী এন্ত্রী গী মতাং অসি তামিন্নসি।

[তেলিগু সাউন্দ ক্লিপ (সেকেন্দ ২৭)]

রেনাদু লমদমগী কোরৌ ওইরিবা,

থৌনা ফরবা হে নরসিম্হা!

ভারতকী নিংতম ঈহৌগী মরুনি নংদি, নংনা ঙাক্লিবনি!

অচুম্বা য়াওদ্রবা, নমথবা অংগ্রজশিংগী অহেনবা মীওৎ-মীনৈ উরুবদা,

নহাক্কী ঈখেং শাগৎলকখি, মৈরি থোরকখি!

রেনাদু লমদমগী কোরৌ ওইরিবা,

থৌনা ফবা হে নরসিম্হা!

তেলিগুগী মথংদা ঐহাক্না ময়াম্বু মাইথিলিগী ক্লিপ মতেক অমত্তং তাহঞ্জগে। মসি দীপক ভাতস জীনা থাবীরকপনি। মহাকশু কম্পিতিশন অসিগী ৱিনরনি।

[মাইথিলি সাউন্দ ক্লিপ (সেকেন্দ ৩০)]

মরুপশিং, ভারতসি মালেমগী লেমজনফম্নি,

ঐখোয়গী ইরৈবাক অথোইবা লমদম্নি

কোইরি মাইকৈ অহুমদা সমুদ্রনা,

অৱাংদা চিং-লেম্লবা কৈলাশ,

গঙ্গা , জমুনা, কৃষ্ণা, কবেরি,

কোশি, কামলা বালন্না লৈতেংলি,

ঐখোয়গী ইরৈবাক অথোইবা লমদম্নি,

থৱাইনি মচু অহুমগী ফিরালনা!

মরুপশিং, ময়াম্না মসি তাবদা নুংঙাইবীরমগনি খল্লি। কম্পিতিশনদা লাক্লিবা এন্ত্রীশিংগী লিস্ত অসি য়াম্না শাংঙি। অদোম্না, কলচরেল মিনিস্ত্রীগী ৱেবসাইত্তা চংবীরগা, মসিবু ইমুং-মনুংগা লোইননা য়েংবীয়ু, য়াম্না নুংঙাইগনি।

ঐগী নুংশিজরবা ইরৈবাকচাশিং, বানরসকী ৱা ওইরবা, সেহনাইগী মরমদা ওইরবা, উস্তাদ বিসমিল্লাহ খান জী মরমদা ওইরবা, মদুদা ঐহাক্না পুক্নিং চংবা হায়বসি মশানা তারবা ৱাফম্নি। নুমিৎ খরনিগী মমাংদা উসতাদ বিসমিল্লাহ খান য়ুব পুরুস্কার মনা য়েন্থোকখ্রে। মনা অসি ম্যুজিক অমসুং পার্ফোর্মিং আর্তসকী লমদা মমিং চৎলক্লিবা কালাকারশিংদা পীবনি। মখোয় কলা অমসুং ইশৈগী তাইবংবু মীয়াম্না পাম্নহনবদা অচৌবা থৌদাং লৌরি। মসিদা মতমগী ঈচেলগা লোইননা, মীয়াম্না পাম্নবা হন্থরক্লবা ইনস্ত্রুমেন্তশিংদা অনৌবা থৱাই হাপ্লিবা কালাকারশু য়াওরি। ময়াম ঙৈহাক তামিন্নসি।

 [সাউন্দ ক্লিপ (সেকেন্দ ২১) ইনস্ত্রুমেন্ত – ‘সুর্সিঙ্গার’, আর্তিস্ত – জয়দীপ মুখর্জী]

মসি করি ইনস্ত্রুমেন্তনো ময়াম খঙবীবরা? ময়াম খঙলমদবা য়াই! মসিগী ইনস্ত্রুমেন্ত অসিগী মমিং ‘সুর্সিঙ্গার’ কৌই অদুগা ত্যুন অসি জয়দীপ মুখর্জীনি। জয়দীপ জী উস্তাদ বিসমিল্লাহ খান পুরুস্কার পীদুনা ইকাইখুম্নখ্রবা নহাশিংগী মনুংদা অমনি। ইনস্ত্রুমেন্ত অসিগী ত্যুন অসি হৌখিবা দিকেদ ৫০-৬০দগী তাবা ফংখিদ্রবনি। অদুবু জয়দীপ্না সুর্সিঙ্গারবু  অমুক হন্না হিঙ্গৎহন্নবা থৱাই-হকচাং য়াওনা হোৎনরি। মতৌ অসুম্না ইচলনুপী উপ্পলপু নাগমনি জীনা হোৎনরিবসিশু য়াম্না শিংথানিংঙাই ওই। মহাক্না মেন্দোলিনদা কার্নাতিক ইনস্ত্রুমেন্তেল খোংবগীদমক্তা মনা অসি পীখিবনি। মতৌ অসুম্না সংগ্রাম সিং, সুহাস ভন্দারে জীনসু ৱার্কারি কির্তন শকপগীদমক্তা মনা অসি ফংখি। লিস্ত অসিদা ইশৈগা মরি লৈনবা কলাকার খক্তা নত্তে, জগোইদশুনি – ভি. দুর্গা দেবি জীনা জগোইগী অরিবা স্তাইল ‘করকত্তম’গী দমক্তা মনা অসি ফংখি।মনা ফংলিবশিংগী মরক্তা অমা ওইরিবা রাজকুমার নায়ক জী তেলঙ্গানাগী জিলা ৩১দা নুমিৎ ১০১ শুপ্না পেরিনি ওদিসী পাংথোকখি। পেরিনি জগোই অসি ভগবান শিবদা কত্থোকপা জগোইনি। মসি কাকাতিয়া শাগৈনা পানবা মতমদা মীয়াম্না য়াম্না পাম্নখি। অতোপ্পা মনা ফংবা মীওই অমনা- সাইখোম সু্রচন্দ্র সিংহনি। মহাক্না মৈতৈ পুং ইনস্ত্রুমেন্ততা থোইদোক-হেন্দোক্না হৈ-শিংবগীদমক্তনি। মসিগী ইনস্ত্রুমেন্ত অসিদি মনিপুর খক্তগী ওইবনি। পুরন সিংদি দিৱ্যাং কালাকারনি। মহাক্না রাজুলা-মালুশাহি, হুদকা বোল, জাগরনাচিংবা ইশৈগী তোঙান-তোঙান মওংশিংবু মীয়ামদা পাম্নহল্লি। মহাক্না মসিগী ওদিয়ো রেকোর্দিং কয়াশু তৌখ্রে। উত্তরখন্দগী ফোক ম্যুজিক আর্তিস্ত অসিনা মহাক্কী হৈজ-শিংজবা কয়া উৎথোক্তুনা মহাক্না মনা কয়াশু ফংখ্রে। মতমগী ঙমখৈ অমশু লৈ, ঐহাক্না মফমসিদা মনা ফংলবা মীয়ামগী মরমদা লোইনা হায়বা ঙমদ্রগশু, ময়াম্না শোইদনা পাবীগনি খল্লি। কালাকারশিং অসিনা পার্ফোর্মিং আর্ত অসিবু ময়াম্না হেন্না পাম্নহন্নবাবগীদমক্তা, মীয়াম্বু গ্রাসরুত লেভেলদা খঙহনগনি হায়না ঐহাক্না থাজজৈ।

ঐগী নুংশিজরবা ইরৈবাকচাশিং, খোংজেল য়াম্না য়াংনা চেনখৎলক্লিবা, ভারতকী দিজিতেল ইন্দিয়া গী থৌনাসি মালেমগী মীয়াম্না য়েংনরি। দিজিতেল ইন্দিয়াবু য়ুমথোং খুদিং য়ৌহন্নবা হোৎনবদা, মখল কয়াগী এপস কয়াগী অনৌবা থৌদাং লৈরি। এপ অমা লৈ, ই-সঞ্জীবানি, এপ অসিনা তেলিকন্সল্তেশন হায়বদি লাপ্না ফম্লগা ভীদিও কনফরেন্সকী খুত্থাংদা দোক্তরদগী ইশাগী অনাবাগী মরমদা এদভাইস লৌবা য়াই। এপ অসি শিজিন্নদুনা, তেলিকন্সল্তেশন তৌবগী স্তেতেস্তিক্স অসি করোর ১০ হেনখ্রে। ভীদিও কনফরেন্সকী খুত্থাংদা কন্সল্তেশ তৌবা করোর ১০, অনাবা অমসুং দোক্তরগা অনকপা মরি অসিগীদমক্তা ঐহাক্না দোক্তরশিং অমসুং খুদোংচাবা ফংলবা অনাবশিংগী মফমদা নুংঙাইবা ফোংদোকচরি। ভারতকী মীয়াম্না তেক্নোলোজীবু কমদৌনা পুনশিগী শরুক অমা  ওইনা শিজিন্নবগে হায়বদুগী ময়েক লারবা খুদম অমনি। কোরোনাগী মতমদা ই-সঞ্জীবানি এপ অসিনা তেলিকন্সল্তেশন তৌবা ফংবদগী মীয়ামদা অচৌবা খুদোল অমা ওইখি। মসিগী মতাংদা ঐহাক্না ‘মন কী বাত’ অসিদা দোক্তর অমগা অনাবা অমগা ৱারি শানহন্দুনা ময়াম্না তানবা হোৎনগে খনখি। তেলিকন্সল্তেশন অশি কয়াম্না ইফেক্তিব ওইবগে হায়বদু, সিক্কিমদগী দা. মদন মনি জীদগী খঙমিন্নরসি। দা. মদন মনি জী সিক্কিমদগীনি, মহাক্না এম.বি.বি.এস. ধনবাদতগী লোইখি অদুগা বানারস হিন্দু য়ুনিভর্সিতীদগী এম.দি. তৌখি। মহাক্না খুঙ্গংগী লমদমদা লৈবা মীওই চা কয়াগা লোইননা তেলিকন্সল্তেশন তৌখ্রে।

প্রধান মন্ত্রী : খুরুমজরি মদন মনি জী, খুরুমজরি...

দা. মদন মনি জী: খুরুমজরি সার।

প্রধান মন্ত্রী : ঙাংজরিবসি নরেন্দ্র মোদীনি!

দা. মদন মনি জী: হোই... হোই.. সার।

প্রধান মন্ত্রী : অদোমদি বানারসতা তম্বিরকপনি।

দা. মদন মনি জী: অহোই, ঐহাক বানারসতা তমজরকই, সার

প্রধান মন্ত্রী : অদোমগী মেদিকেল এজুকেশনশু, মফমদুদা অদুম লোইশিনবীরকপ্রা।

দা. মদন মনি জী: হোই.. হোই.. সার।

প্রধান মন্ত্রী : অদুদি, অদোম্না বানারসতা লৈরকপা মতমদা, মতমদুগী বানারস অদুগা হৌজিক্কী ওল্লক্লিবা বানারস অসিগা য়েংননবা চৎপীরুরব্রা, চৎপীরুদিব্রা?

দা. মদন মনি জী: প্রধান মন্ত্রী জী, ঐহাক চৎলুবা ঙমজদ্রি, সিক্কিমদা হল্লকপদগীদি, অদুবু ঐহাক্না তজবদা ফনা নিংথিনা ওল্লে হায়না তাজৈ।

প্রধান মন্ত্রী : অদুদি চহি কয়া ফারবগে, অদোম্না বানারস থাদোকপীরকপসে?

দা. মদন মনি জী: বানারস অসি ২০০৬তগী থাদোকচরকপনি সার।

প্রধান মন্ত্রী : ও.. অদুদি অদোম শোইদনমক চৎপীবা ফৈ।

দা. মদন মনি জী: হোই.. হোই.. সার

প্রধান মন্ত্রী : ফরে, ঐহাক্না ফোন তৌজরকপগী মরমদি, অদোম্না সিক্কিমগী মনুং হঞ্জিনবা চিংদা লৈবীদুনা, মফমদুগী মীওইশিংদা তেলিকন্সল্তেশনগী অচৌবা থবক অমা থৌদাং য়াবীরি।

দা. মদন মনি জী: অহোই

প্রধান মন্ত্রী : ঐহাক্না ‘মন কী বাত’ তাবীরিবশিংদা অদোমগী এক্সপরিয়েন্স অদু তাহঞ্জনিংঙি।

দা. মদন মনি জী: অহোই সার।

প্রধান মন্ত্রী : এক্সপরিয়েন্স অদু কমদৌবীবগে হায়বদু ঐঙোন্দা অমুক্তা পাউদম্বীয়ু।

দা. মদন মনি জী: নুংঙাইখ্রবা এক্সপরিয়েন্সনি প্রধান মন্ত্রী জী... মসিদা তৌরিবসি সিক্কিমদা য়াম্না নকপা পি.ঐচ.সি. অমদা চৎননবগীদমক্তশু মীশিংসি গারি তোংনবা লুপা চামা চনিদি হাপতুনা চৎপা তাই। মদুসু অমুক দোক্তর থেনগদ্র নত্রগা থেংনরোইদ্রা হায়বসিশু প্রোব্লেম অমনি। অদুনা তেলিকন্সল্তেশনগী পাম্বৈনা অরাপ্পদা লৈহৌরিবা মীওইশিংসিগা ঐখোয়গা ইশা হকথেংননা শমজিন্নৈ। হেল্থ এন্দ ৱেলনেস সেন্তরশিং অশিগী সি.ঐচ.ও. ওইরিবশিংসিনা ঐখোয়গা কনেক্ত তৌহল্লি। অদুগা ঐখোয়দা মখোয়গী অরিবা অনাবা রিপোর্ত অদুগা অদুগা হৌজিক ওইরিবা কন্দিশন্নচিংবা ৱাফম কয়াদু ঐখোয়দা খঙহল্লি।

প্রধান মন্ত্রী : হায়বদি দোক্যুমেন্তশিং ত্রান্সফর তৌবনিনে!

দা. মদন মনি জী: অহোই। দোক্যুমেন্ত ত্রান্সফরশু তৌই অদুগা করিগুম্বা দোক্যুমেন্ত তৌবা ঙমদ্রগদি মদু ঐখোয়দা পাথোক্তুনা তাহল্লি।

প্রধান মন্ত্রী : মফমদুগী ৱেলনেস সেন্তরগী দোক্তরনা তম্মি!

দা. মদন মনি জী: অহোই, ৱেলনেস সেন্তরদা লৈরিবা সি.ঐচ.ও., কম্যুনিতী হেল্থ ওফিসর।

প্রধান মন্ত্রী : আদুগা অনাবশিংনা মখোয় মখোয়গী নুংঙাইতবদু অদোমদা হকথেংননা হায়বা।

দা. মদন মনি জী: মানি সার, অনাবশিংনসু মখোয়গী নুংঙাইতবশিং অদু ঐখোয়দা হায়। অদুদগী অরিবা রেকোর্দশিংদু য়েংলগা করিগুম্বা অনৌবা খরা খঙনিংবা লৈরগদি হায়বদি কনাগুম্বগী চেস্ত ওস্কল্তেত তৌবা তারবা, মহাক্কী মখোংদু পোম্ব্র পোমদব্রা? সি.ঐচ.ও.না করিগুম্বা য়েংদ্রিবা ওইরগদি, ঐখোয়না মখোয়দা হায়রিবসি পোম্ব্রা পোমদব্রা হায়বদু য়েংথোক্লুচো, মিৎশু য়েংঙু, এনিমিয়া লৈব্রা লৈতব্রা হায়না, করিগুম্বা লোক খুরগদি চেস্ততু ওসকল্তেত তৌ অদুগা মখোল থোকপ্রা থোক্তব্রা হায়বদু খঙদোকউ।

প্রধান মন্ত্রী : অদোম্না ৱারিসি ভোইস কোল খক্তা তৌবীব্রা, ভীদিও কোলশু শিজিন্নবীব্রা?

দা. মদন মনি জী: অহোই ভীদিও কোলশু শিজিন্নৈ।

প্রধান মন্ত্রী : অদুদি অদোম্না অনাবদুবুশু উবীরে।

দা. মদন মনি জী: অহোই অনাবদুশু উবা ফংজৈ।

প্রধান মন্ত্রী : অনাবদা করি ফাওবগে?

দা. মদন মনি জী: অনাবদু নুংঙাইজৈ, মরমদি মহাক্না দোক্তরবু নক্না উবা ফংজৈ। মখোয়দা চমম্নবা হেক হেক থোকই, মরমদি হিদাক অসি হন্থগদোরিব্রা হেনগৎকদৌরিবা হায়না, মরমদি সিক্কিমগী অনাবা অয়াম্বা দাইবিতিস, হাইপরতেন্সন্না নাবা ঙাক্তনি অদুগা দাইবিতিসকা হাইপরতেন্সনগগী হিদাক অসি চেঞ্জ তৌনবগীদমক্তা মখোয়না দোক্তর উনবা লাপ্না চৎপা তারকই। অদুবু তেলিকন্সল্তেশনগী পাম্বৈনা মখোয়দু অদুম ফংহল্লে। অদুগা হিদাকশু হেল্থ এন্দ ৱেলনেস সেন্তরদা ফ্রী দ্রগস ইনিসিয়েতিবতগী ফংবা ঙম্মি। অদুনা মখোয়না মফমদুদগী হিদাকশু অদুমক লৌই।

প্রধান মন্ত্রী : ফরে, মদন মনি জী, অদোম্না হেন্না খঙবীরিবদুনি, অনাবগী মচৎ অমা লৈ, দোক্তরদা হেক লাক্ত্রিবা ফাওবা দোক্তর য়েংদে, মখোয়না পেঞ্জদে অদুগা দোক্তরদশু অনাবশিংসি ঙৈহাক য়েংলুগে হায়বা ৱাখল অমা লৈ। হৌজিক মফম অদুদা পুম্নমক তেলিকোমদা কন্সল্তেশন তৌবসিদগী দোক্তরদা করি ফাওবীবগে; অনাবদনা করি ফাওবগে?

দা. মদন মনি জী: অহোই, ঐখোয়দশু ফাওরিবনি, করিগুম্বা অনাবনা মসি দোক্তরনা য়েংবীগদবনি হায়না খল্লগদি, ঐখোয়না য়েংগদৌরিবশিংদু সি.ঐচ.ও.দা হায়রগা ভীদিওদা অদুম  য়েংনবা হায়। আদুগা করিগুম্বদা পেসেন্তশিং অদু ভীদিওদা নকশিন্নহল্লগা, মখোয়গী নুংঙাইতবশিং অদু হায়বদি কনাগুম্বা অমদা ইশাগী নুংঙাইতবা লৈরে অদু ওইরগদি ভীদিওদগী অদুম য়েংহনবনি। অদুগা মখোয়নশু মদুদা অদুম পেঞ্জৈ।

প্রধান মন্ত্রী : অদুগা মদু লাইয়েংলবা মতুংদা মখোয় অদুম পেনব্রা, করি এক্সপরিয়েন্স ফংবীবগে? অনাবশিং অদু ফগৎলকপ্রা?

দা. মদন মনি জী: অহোই য়াম্না পেঞ্জৈ। ঐখোয়শু পেঞ্জৈ সার।  মরমদি ঐহাক হৌজিক হেল্থ দিপার্তমেন্ততা লৈজরি। লোইন-লোইননা তেলিকন্সল্তেশন চত্থজরি। অদুনা ফাইলগা লোইন-লোইননা অনাবশিংশু য়েংবসিদা ঐগী ওইনদি য়াম্না নুংঙাইবা হায়বদু ফাওজরি।

প্রধান মন্ত্রী : এভরেজতা অনাবা কয়াদি লাকপগে তেলিকন্সল্তেশন কেসসিদা?

দা. মদন মনি জী: হোজিক ফাওবদা অনাবা ৫৩৬তি শুরে ঐহাক্না য়েংজবসিদা।

প্রধান মন্ত্রী : ও.. হায়বদি অদোমদি হিরমসিদা থোইদোক-হেন্দোক্না হৈথোই-শিংথোইবা হায়বদু ওইরেনে।

দা. মদন মনি জী: অহোই, য়েংবসিদা নুংঙাইবশু ফাওজৈ সার।

প্রধান মন্ত্রী : ফরেনে, ঐহাক্না অদোমদা য়াইফ-পাউজেল পীজরি। হায়রিবা তেক্নোলোজীসি শিজিন্নবীদুনা অদোম্না সিক্কিমগী মনুং হঞ্জিন্না লৈবা উমংদা চিংদা লৈবা মীওইশিংগী সেবা নিংথিনা তৌবীরি অদুগা নুংঙাইজরিবা ৱাফমদি, ঐখোয়গী লৈবাক্কী অরাপ্পা মফমদশু তেক্নোলোজীসি য়াম্না ফজনা শিজিন্নরি। য়াম্না ফরে, ঐগী মাইকৈদগী অমুকশু য়াইফ-পাউজেল পীজরি।

দা. মদন মনি জী: থেন্ক য়ু!

মরুপশিং, দা. মদন মনিগী ৱাফমসিনা তাক্লিবদি, ই-সম্জিবানি এপ্না মঙোন্দা মতৌ করম্না মতেং পাংলিবগে হায়দুনি। দা. মদন মনি জীগী মথংদা,  হৌজিক ঐখোয় অতোপ্পা মদন জী অমমুক শমজিন্নজরি। মহাক উত্তর প্রদেশকী চন্দৌলি জিলাদা লৈবা মদন মোহন লাল জীনি। মসিমশু তাঞ্জা চানরুবা হায়জবা তারে, চন্দৌলিসিশু বানারসকা তাইনবনি। মদন মোহন জীদগী ই-সঞ্জীবানিগা মরি লৈননা, অনাবা মীওই অমা ওইনা করি করি ফাওবীবগে হায়বদু খঙমিন্নসি।

প্রধান মন্ত্রী : মদন মোহন জী, খুরুমজরি!

মদন মোহনন জী: খুরুমজরি, খুরুমজরি সাহেব!

প্রধান মন্ত্রী : খরুমজরি! ঐঙোন্দা তাকপীরকপদা অদোমসি দাইবেতিসকী পেসেন্তনি হায়না তাকপী।

মদন মোহনন জী: অহোই।

প্রধান মন্ত্রী :অদুগা অদোম্না তেক্নোলোজী শিজিন্নবীদুনা  তেলিকন্সল্তেশনগী পাম্বৈনা ইশাগী অনাবগী মতাংদা মতেং লৌবীরি।

মদন মোহনন জী: অহোই।

প্রধান মন্ত্রী : অনাবা অমা ওইনা, চৈনা ফংলিবা অমা ওইনা, অদোম্না হকথেংনবীখিবশিংদু ঐহাক তাজনিংঙি। মসিনা ঙসিগী তেক্নোলোজী অসিনা ঐখোয়গী খুঙ্গংদা লৈবীরিবা মীয়াম্বু কমদৌনা মসি শিজিন্নবগে হায়বদু ইরৈবাকচাশিংদা ঐহাক্না য়ৌহঞ্জনিংবগীনি। কমদৌনা পাংথোকপীবগে অমুক্তা হায়বীয়ু?

মদন মোহনন জী: সার জী, মসি সুমদৌবনি, ঐখোয়গী হোসপিতালশিং অসি য়াম্না লাপ্না লৈ অদুগা ঐহাক্না দাইবিতিস নাবা মতমদা, ঐহাক্না লাইয়েংনবগীদমক্তা কি.মি. ৫-৬ লাপ্না চৎপা তারকই, য়েহনবা তারকই। মদুদগী অদোম্না থৌরাংসি হেক পাইখৎপীরকপদগী, হৌজিক ঐবু য়েংশিনবীরে, মপানগী দোক্তরশিংগা ৱারি শাবশু ফংহনবীরে অদুগা হিদাকশু পীবীরে। মসিগী মতেং য়াম্না ফংজরে ঐহাক অমসুং অতোপ্পা মীওইশিংদশু মসিদগী মতেং ফংলে। 

প্রধান মন্ত্রী : দোক্তর অমখক্তনা অদোম্বু লাইয়েংবরা নত্রগা দোক্তর শিনব্রা?

মদন মোহনন জী: দোক্তর অমদা য়েংলবশু মহাক্না অমুক অতোপ্পা দোক্তর অমদা ৱারি তৌরগা ঐগা অমুক ৱারি শানহল্লি।

প্রধান মন্ত্রী : দোক্তরনা পীরকপা গাইদেন্সশিং অদু অদোমদা কান্নবা ফংব্রা?

মদন মোহনন জী: য়াম্না কান্নৈ। খুঙ্গংদা লৈবা মীপুম খুদিমক্নশু মসিদগী য়াম্না কান্নরে। মীপুম খুদিমক্না তেলিকন্সল্তেশনগী মতেং লৌদুনা বি.পি. লৈ, সুগর লৈ, তেস্ত তৌবীয়ু, হিদাক হায়বীয়ু হায়না ফোংদোরকই। হান্নদি কি.মি. ৫-৬ চত্তুনা শাংলবা লাইনগী ক্যু লেপ্নরম্মি, পেথোলোজীগী লাইনশু য়াম্না শাংনা-শাংনা লৈরম্মি। নোংমা মতম মাংনরম্মি। 

প্রধান মন্ত্রী : হায়বদি অদোমগী মতমশু মাংদরে।

মদন মোহনন জী: হৌই, হান্নদি শেলশু তিংলম্মি, মসিদদি শেল তিংদনা লাইয়েংলে।

প্রধান মন্ত্রী : দোক্তর অমদা য়েংবদা, ঐখোয়না মঙোন্দা থাজবা অমা পোকই। ঐগী মীহুল য়েংদুনা, মিৎ য়েংদুনা, লৈ তিংথোকহন্দুনা য়েংদুনা, মহাক্না য়েংলি খন্দুনা পুক্নিংদা নুংঙাইবা অমা পোকই। অদুবু তেলিকন্সল্তেশন অসিদদি অদোম অপেনবা পোকপ্রা?

মদন মোহনন জী: তশেংনা অপেনবা পোকচৈ। অদোম্না অসিগুম্বা থৌরাং অমা শিনবীবসে ঐখোয়গীদি য়াম্না লাইবক ফবনি। হান্নদি গারি ভারা তিংনা, লাইনদা য়াম্না ৱানা লেপ্তুনা লাইয়েংলম্বনি অদুবু হৌজিক্তি য়ুমদা লৈনা-লৈনা লাইয়েংবগী খুদোংচাবা ফংলে।

প্রধান মন্ত্রী : অদোম্বু য়াইফ-পাউজেল পীজরি। চহি তাঙ্কক অসিদসু তেক্নোলোজী তমদুনা, তেক্নোলোজীগী কান্নবা লৌবীরি। অতোপ্পশিংদশু অদোম্না খরা, মসিগী মতাংদা তম্বীয়ু। মসিনআ মতম, শেল মাংহল্লরোই, মদুদগী ফংলকপা পাউতাক লৌদুনা হিদাক লাংথক ফজনা চাদুনা কান্নবা লৌবা য়াগনি।

মদন মোহনন জী: অচুম্বনি।

প্রধান মন্ত্রী : ফরে, অদোম্বু য়াইফ-পাউজেল পীজরি।

মদন মোহনন জী: বানারসপু অদোম্না কাশি ৱিশ্বনাথ স্তেশন ওইহল্লে, য়াম্না চাউখৎহনবীরে। মসিগীদমক্তা অদোম্বু থাগৎচরি!

প্রধান মন্ত্রী : থাগৎচরি। ঐনা করিবু তৌরিবনো? বানারসকী মীয়াম্না বানারসপু শেমজবনি। ঐদি ইমা গঙ্গাগী সেবাগীদমক্তনি, ইমা গঙ্গানা কৌরকপনি। ফরে, অদোম্বু য়াইফ-পাউজেল পীজরি। খুরুমজরি।

মদন মোহনন জী: খুরুমজরি!

প্রধান মন্ত্রী : খুরুমজরি!

মরুপশিং, লৈবাক অসিগী মীচমগী ময়াই ওইবা থাক্তা লৈবা মীয়ামগী, চিংদা লৈবা মীয়ামগীদমক্তা, ই-সঞ্জীবনি হায়বা পুনশিবু ঙাক-শেন্নবা এপ অমা শেম্লে। মসি ভারতকী দিজিতেল ক্রান্তিগী শক্তিনি । মসিগী মমি লম খুদিমক্তা উরি। ভারতকী য়ু.পি.আই.গী মপাঙ্গল অদোম্না খঙলে। মালেমগী লৈবাক কয়ানা মসিবু পাম্নরি। নুমিৎ খরনিগী মমাংদা, ভারত অমসুং সিঙ্গাপোর অনিগী মরক্তা য়ু.পি.আই. পেনাও লিঙ্ক লোঞ্চ তৌখি। হৌজিক্তি সিঙ্গাপোর অমসুং ভারত্তা লৈবা মীয়ামগী মরক্তা মশা-মশাগী লৈবাক মনুংদা তৌনবগুম মোবাইল ফোনদা শেল ত্রান্সফর তৌনরে। মীয়াম্না মসিগী কান্নবা লৌবসি, য়াম্না নুংঙাইবা পোকই। ভারতকী ই-সঞ্জীবানি এপ নত্রগা য়ু.পি.আই.নচিংবসি ইজ ওফ লিবিং খুমাং চাউশিনহনবদা য়াম্না মতেং ওইরি।

ঐগী নুংশিজরবা ইরৈবাকচাশিং, লৈবাক অমদা মাংখিগদৌরবা উচেক-ৱায়া নত্রগা শা-ঙাগী কাংলুপ অমা কনবা মতমদা, মালেম শিনবনা মদুগী মতাংদা হেক্তা শোন্নৈ। ঐখোয়গী লৈবাক অসিদা ফজরবা থাইনদগী চৎনরক্লবা চৎনবী কয়া অমা লৈ। খরা অমদি মাংখ্রে, মীয়ামগী পুক্নিং ৱাখলদগী মাংলুরে অদুবু মীয়াম পুম্নমক্না শরুক য়াদুনা অমুক হন্না হিংগৎহন্নবগী থৌরাং তৌরি। ‘মন কী বাত’তা ৱাফম অসি থমহৌবনা মসিদগী হেন্না ফবা মফম কদাইদা লৈরুগনি।

হৌজিক ঐহাক্না হায়জগদৌরিবা ৱাফম অসি খঙলগা অদোম য়াম্না নুংঙাইবা পোক্কনি। ইপা ইপুনা ঐখোয়গীদমক্তা থম্বীরম্লিবসি খঙবদা চাউথোকচবা পোক্কনি। অমেরিকাদা লৈবা শ্রী কঞ্চন বেনর্জীনা, ইপা-ইপুনা থম্বীরম্বা কয়া কন্নবা খোংথাং অমা লৌখৎলকপা অসিনা ঐগী পুক্নিং চিংশিল্লি। ঐনা মহাকপু থাগৎপা ফোংদোকচরি। মরুপশিং, নোংচুপ বেঙ্গোলগী হুগ্লি দিস্ত্রিক্তকী মনুং চনবা, বাসবেরিয়াদা, হন্দক্কী থা অসিদা ত্রিবেনি কুম্ভো মহোতসব পাংথোকখি। মসিদা লাখ নিপাল হেনবা শ্রধা লৈখ্রবা মীওই কয়ানা শরুক য়াখি। মসি য়াম্না মরু ওইরিবা করিগীনো অদোম খঙবীরব্রা? য়াম্না মরু ওইবগী মরমদি, চৎনবী অসি চহি ৭০০ মুক্কী মতুংদা অমুক হিংগৎহনখীবনি। অসৈংবদি পরমপরা অসি চহি লিশিং লিশিং লিরবনি অদুবু, লাইবক থিবদগী চহি ৭০০ মমাংদা বেঙ্গোলগী ত্রিবেনিদা পাংথোকপা মহোতসব অসি লেপখিবনি। মসি নিংতম্লবা মতুংদা হৌরমগদবনি আদুবু ঙমখিদে। চহি অনিগী মমাংদা মফমদুগী মীয়াম অমসুং ‘ত্রিবেনি কুম্ভো পোরিচালোনা সমিতি’গা খুৎশম্নদুনা মওৎসব অসি হৌখিবনি। মসিদা খুৎশম্নরিবা মীপুম খুদিংমকপু ঐনা থাগৎচরি। অদোম্না পরমপরা অমখক্তা হিংগৎহনবা নত্তে, ভারতকী সংস্কৃতিগী ৱিরাসতপু হিংগৎহল্লিবনি।

মরুপশিং, ৱেস্ত বেঙ্গোলদা ত্রিবেনিসিবু থাইনদগী শেংলবা মফম অমা ওইনা লৌনৈ। তোঙান-তোঙানবা মঙ্গলকৱ্য, ৱৈশ্নৱা শাহিত্য, শক্তা শহিত্য অমসুং বঙ্গালি শহিত্যগী লাইরিকশিংদা মসিগী মতাংদা ইবা থেংনৈ। হিস্তোরিকেল দোক্যুমেন্তশিংদগী মফম অসি মতম অমদা সংস্কৃত মহৈ-মশিং অমসুং ভারতকী সংসৃতীগী মরু ওইবা মফম অমা ওইরম্মি হায়বা খঙবা ঙম্মি। মুর্তি কয়ানা মফম অসি মাঘ সংক্রান্তিদা কুম্ভ স্নানগীদমক্তা শেংলবা মফম অমনি হায়না লৌনৈ। ত্রিবেনিদা তোঙান-তোঙানবা গঙ্গা ঘাত, শিবা মন্দির অমসুং তেরাকোতাগী খুৎনা হক্তুনা লৈতেংলবা অরিবা য়ুম কয়া উবা ফংলগনি। ত্রিবেনিগী হান্নগী লৈজরম্বা চৎনবী হিংগৎহন্নবা অমসুং কুম্ভ পরমপরাগী ফজখ্রবা মশক অসিবু হিংগৎহন্নবা মমাং চহিদা কুম্ভ মেলা পাংথোকখি। চহি ৭০০কী মনুংদা নুমিৎগী কুম্ভ মহাস্নান অমসুং মেলা অসিনা মফম অসিদা অনৌবা পাঙ্গলগী ঈনোৎ অমা লাকহল্লে। নুমিৎ হুম্নি নুংতিগী পাংথোকপা গঙ্গা আর্তি অমসুং রুদ্রাভিশেক অমসুং য়গ্যা অসিদা মীওই কয়ানা মশিং য়াম্না শরুক য়াখি। হন্দক পাংথোকখিবা মাহোতসব অসিদা তোঙান-তোঙানবা আশ্রমশিং, মথ অমসুং অখারা কয়ানা শরুক য়াখি। বঙ্গালি পরমপরাগা মরি লৈনবা, কির্তন, বাউল, গৌরিয়ো জগোই, শ্রী-খোল, পোতের ইশৈ, চৌ জগোইনা নুমিদাংগী থৌরমদা মীয়ামগী পুক্নিং চিংশিন্নখি। ঐখোয়গী নহাশিংবু লৈবাক অসিগই হৌখ্রবা ফজরবা মচৎ কয়াগা শমজিন্নবা মরু ওইবা খোংথাং অমনি। ভারত্তা চৎনবী কয়া অমসু লৈ, মদু নৌনা হিংগৎহনবা তঙাইফদে। মসিগী মতাংদা খন্ন-নৈনবনা মীয়াম্বু মাইকৈ অসিদা পুক্নিং চিংশিনবা ঙমগনি হায়না ঐনা থাজৈ।

ঐগী নুংশিজরবা ইরৈবাকচাশিং, স্বছ ভারত আভিয়ানদা মীয়াম্না মতেং য়াম্না পাংঙি। লৈবাক অসিগী কাচিন অমদা লু-নানবগা মরি লৈনবা থবক অমগী মতাংদা ঐঙোন্দা পাউ হেক্তা য়ৌহল্লকই। হরিয়ানাগী নহাশিংনা পাংথোকপা স্বছ ভারত অভিয়ান অমদআ ঐগী পুক্নিং চিংশিনখি। হরিয়ানাদা দুলহদি কৌবা খুঙ্গং অমা লৈ। মফম অসিগী নহাশিংনা ভিৱানি সহর অসি লু-নানবগী তমজনফম অমা ওইহল্লগে হায়না ফিরেপ অমা লৌখি। য়ুব স্বছতা অমসুং জনসেবা সমিতি কৌবা সঙ্গথন অমা শেমখি। সমিতি অসিগী নহাশিংনা অয়ুক পুং ৪দা ভিৱানি য়ৌই। সহরগী তোঙান-তোঙানবা মফমশিং শেংদোকপগী অভিয়ান পাংথোকই। মখোয়না সহরগী তোঙান-তোঙানবা মফমশিংদগী ফত্ত-হাওদি তন কয়া শেংদোকখ্রে।

মরুপশিং, স্বছ ভারত অভিয়ানগী  অতোপ্পা মরু ওইবা মশক অমাদি ‘ৱেস্ত তু ৱেল্থ’ অসিশুনি। ওরিশাগী কেন্দ্রআদা দিস্ত্রিক্তগী ইচল কমলা মোহরানা সেল্ফ-হেল্ফ গ্রুপ অমা চলাই। গ্রুপ অসিগী নুপীশিংনা শঙ্গোম হাপ্নবা খাও, প্লাস্তিক পেকিংনা পোলাং অমসুং মোবাইল স্তেন্দনচিংবা কয়া শাই। মসিনা লু-নানবগা লোইননা শেল তানবগী পাম্বৈ অমসুং ওইহল্লে। ঐখোয়না ফিরেপ লেপ্লবদি, লু-নানবা ভারত অমা ওইহনবদা অচৌবা থৌদাং পীবা ঙমগনি। ঐখোয়না য়ামদ্রবদা প্লাস্তিক খাও শিজিন্নবগী মহুত্তা ফিগী খাও শিজিন্নবা হায়বা ফিরেপ লেপকদবনি। অদোমগী ফিরেপ অদুনা অদোম্বু কয়াম পেলহনগনি হায়বদু য়েংঙু। মসিনা অতোপ্পদশু ঈথিল পীগনি।

ঐগী নুংশিজরবা ইরৈবাকচাশিং, ঙসি ঐখোয়না পুন্না অমুক্কা হন্না তমজনিংঙাই ওইরবা হিরম কয়াদা ৱারি শানরি। ইমুং-মনুংগা পুন্না তামিন্নরে। হৌজিক্তি নুমিৎ চুপ্পা মদুগী মতাংদা ৱাখল খল্লগনি। ঐখোয়না লৈবাক অসিনা তৌবা ঙম্বা কয়াগী মতাংদা খন্নরিবমখৈ, ঐখোয়াদা পাঙ্গল থৌনা কয়া ফংগনি। অসিগুম্বা পাঙ্গল থৌনা কয়া অসিগী মতেংগা লোইননা চৎন-চৎনা ঙসি ‘মন কী বাত’কী ৯৮শুবা ইপিসোদ য়ৌরে। ঙসিদগী নুমিৎ খরনি লৈরগা, হোলিগী কুম্মৈ লাক্লনি। অদোম্বু হোলিগী য়াইফ-পাউজেল পীজরি। ঐখোয়না কুম্মৈ অসিবু ‘ভোকেল ফোর লোকেল’গী ফিরেপকা লোইননা পাংথোক্কদবনি। অদোমগী এক্সপরিয়েন্স ঐঙোন্দা শিয়র তৌবীবা কাওবীগনু। মথংদা, অতোপ্পা হিরম অমগা লোইননা অমুক থেংনরসি। মতম অদু ফাওবগীদি কাইনরসি। হন্না থাগৎচরি, খুরুমজরি!

ঐগী নুংশিজরবা ইরৈবাকচাশিং,খুরুমজরি। চহি ২০২৩গী অহানবা ‘মন কী বাত’নি লোইননা থৌরম অসিগী ৯৭শুবা তাঙ্কক্নি। ময়ামগা অমুক্কা হন্না ৱারি শানবা ফংজবসিদা ঐহাক য়াম্না নুংঙাইজৈ। জনুৱারি থা অসি থৌদোক কয়ানা থল্লি। থা অসিগী জুনুৱারি ১৪গী ময়াদগী হৌরগা, অৱাংদগী খা ফাওবদা অমদি নোংপোক্তগী নোংচুপ ফাওবদা, লৈবাক শিনবা থুংনা কুম্মৈ ফিয়োং কয়া পাংথোক্লি। মসিগী মতুংদা, লৈবাকসিদা গনতন্ত‌্র দিৱসকী কুম্মৈসু পাংথোকই। হন্দক্কী গনতন্ত্র দিৱস অসিদা হিরম কয়াদা মাইকৈ মরিদগী থাগৎনরক্লি। জয়শলমেরদগী পুলকিতনা ঐঙোন্দা ইরকই, জনুৱারি ২৬কী পেরেদতা কার্তৱ্য পথ শেম্বদা থৌদাং লৌখিবা লানমীশিং উবদা য়াম্না নুংঙাইবা ফাওই। কানপুর জয়ানা ইরকই, মহাক্না পেরেদতা শরুক য়ারিবা তব্লুশিংদুদা ভারতকী কলচরগী তোঙান-তোঙানবা শক্তমশিংদু উবদা, য়াম্না নুংঙাইবা ফাওই। পেররেদ অসিদা ইহান হানবা ওইনা শরুক য়ারিবা নুপী উত তোংবীশিং অমদি সি.আর.পি.এফ.কী নুপীগী বতালিয়নশিংবুশু য়াম্না থাগৎনখি।

মরুপশিং, দেহরাদুনদগী বাসলনা ঐঙোন্দা ইরকই, মহাক্না জনুৱারি ২৫সি মতম পুম্নমক্তা ঙাইদুনা লৈ, মরমদি নুমিৎসিদা পদমা এৱার্দ লাউথোকই; শম্না হায়রবদা ২৫গী নুমিদাংৱাইরম অসিদা ঐহাক্কী জনুৱারি ২৬কী নুংঙাইবদু শরুক হেন্না হেনগৎহল্লি। মীওইবগী সেবাগী ৱাখল্লোন্না মাং থাদুনা কত্থোক্লবা অমদি লৈবাক-লৈহাওগা তোৎনরিবা মীওইশিংদুগী, মীয়ামগী পদমাগী মতাংদা, মীওই কয়ানা মাগী-মাগী ৱাখল্লোন শিয়র তৌনরকই। হন্দক্কী পদমা মনা ফংলবা মীওইশিংগী মরক্তা ত্রাইবেল কম্যুনিতী অমদি ত্রাইবেলগী পুনশি মহিংগা শম্নবা মীওই কয়া য়াওরি। ত্রাইবেলগী পুনশি অসি শহরগী নিলখোংবা অমদি লৈতাদবা পুনশিগা য়াম্না খেৎনৈ লোইননা মখোয়না মায়োক য়ারিবা শিংনবশিংগশু য়াম্না খেৎনৈ। মসিদশু নত্তনা, ত্রাইবেল সমাজনা মশাগী চৎন-লোঞ্চৎ পরিবু ঙক-শেন্ননবা মতম খুদিংদা থৌরাং তৌদুনা লৈ। ত্রাইবেল কম্যুনিতী মরি লৈনবা পোৎলমশিং ঙাকশেন্নবা লোইননা মখোয়গী মরমদা নৈনদুনা থীজিন্নবশু হোৎনৈ। মতৌ অসুম্না তোতো, হো, কুই, কুৱি অমদি মান্দানাচিংবা ত্রাইবেল লোনশিংদা থবক তৌবা অথোইবা মীশিংদা পদমা মনা অসি পীরি। মসি ঐখোয় পুম্নমক্কী চাউথোকচনিংঙাই ওইবা ৱাফম্নি। ধনিরাম তোতো, জানুম সিং সোই অমদি বি. রামকৃষ্ণ রেদ্দীনচিংবগী মিংসি হৌজিক্তি লৈবাক পুম্বনা খঙনরে। সিদধি, জারৱা অমদি ওঙ্গেনচিংবা ত্রাইবেলশিংগা লোইননা থবক তৌমিন্নরিবা মীওইশিংবু হন্দক্তি ইকাইখুম্নখ্রে। মখোয় অদুদি হিরাবাই লোবি, রতন চন্দ্র কার অদি ইস্বর চন্দ্র বর্মানি। ত্রাইবেল কম্যুনিতী অসি ঐখোয়গী লৈবাক, ঐখোয়গী হেরিতেজকী থাদোক্নবা য়াদ্রবা শরুক অমনি। লৈবাক অমদি সমাজ চাউখৎপদা মখোয়গী থৌদাং য়াম্না চাউই। মখোয়গীদমক্তা থবক তৌরিবা মীওইশিংবু ইকাইখুম্নবা হায়বসি অনৌবা মীরোলবুশু ঈথিল পীবনি। হন্দক্কী চহিসিদি, নক্সলাইৎনা শোকহল্লবা মফমশিংদা ফাওবা পদমা মনাগী নিলখোংবসি য়ৌরে। মশানা কন্না হোৎনদুনা নক্সলাইৎনা শোকহল্লবা মফমশিংদা লৈবা ককঙাওনরবা নহাশিংবু অচুম্বা লম্বি উৎপীবশিংবুশু পদমা মনা পীদুনা ইকাইখুম্নখ্রে। মসিগীদমক্তা কানকেরদা উদা হকপগী থবক তৌরিবা অজয় কুমার মান্দৱি অমদি গদচিরোলিগী মমিং চৎলবা ঝরিপত্তি রঙ্গভুমিগা মরি লৈনবা পর্শুরাম কোমাজি খুনেবুশু ইকাইখুম্নবসি পীবীখ্রে। মতৌ অসুম্না নোর্থ ইস্ততা মখোয় মশাগী কলচরবু ঙাকশেনবগীথবক তৌরিবা রামকুইৱাংবে ন্যুমে, বিক্রম বহাদুর জমাতিয়া অমদি কর্মা ৱাংচুবুশু ইকাইখুম্নখ্রে।

মরুপশিং, হন্দক পদমা মনা পীদুনা ইকাইখুম্নখ্রবশিংগী মনুংদা, ইশৈবু মগুন হাপ্পীখিবা মীওই কয়াশু য়াওরি। ইশৈ পামদবা কনাবু লৈরিবগৈ? মী খুদিংগী পাম্নবা ইশৈসি তোঙান-তোঙাল্লি, অদুবু ইশৈনা মীপুম খুদিংগী পুনশিগী শরুক অমা ওইরি। হন্দক্কী পদমা মনা ফংলবশিংগী মনুংদা সন্তুর বামহুম, দ্বিতারানচিংবা পারি-পুরিদগী চৎনরক্লবা ইনস্ত্রুমেন্তশিংদা হৈথোই-শিংথোইরবা কয়া য়াওরি। ঘুলাম মোহম্মদ জাজ, মোৱা সি-পোং, রি-সিংবোর কুর্কা-লোং, মুনি-ভেনকতপ্পা অমদি মঙ্গল কান্তি রাইনচিংবা কয়া য়াওরি। মখোয়গী মরমদা মাইকৈ মরি শিনবা থুংনা শক্না শোন্নরি।

মরুপশিং, পদমা মনা ফংলবশিংগী মনুংদা, পুনশি চুপ্পা লৈবাক্কী ৱানা মাং থাদুনা থবক তৌদুনা লাক্লবা ঐখোয়গী মরুপ কয়া য়াওরি। মখোয়গী সেবাগী ৱাখল্লোনদা লৈবনিনা, মনা ফংবগী ৱাখলদি খল্লুবা নত্তে। মখোয়গীদমক্তদি, মখোয়না থবক তৌবীরিবশিংদুগী মাইথোংদা মোমোন মীনোক উবদুনি মখোয়গী অচৌবা মনাদি। অসিগুম্বা কত্থোক্লবা মীওইশিং অসিবু ইকাইখুম্নবা অসিনা লৈবাক্কী মিংচৎপু অমুক্কা হেন্না হেনগৎহল্লিবনি। ঐহাক্না মফমশিংসিদা পদমা মনা ফংলবা মীওই পুম্নমক্কী মিং পঞ্জবা ঙমজদ্রবশু, অদোম্না পদমা মনা ফংলবা মীওইশিংদুগী মরমদা থিজিনবীরগা অতোপ্পা মীওইশিংদা মখোয়গী মরমদা শন্দোক্না তাকপীয়ু।

মরুপশিং, হৌজিক ঐখোয়না আজাদি কা অমৃত মহোতসবকী মনুং চন্না গনতন্ত্র দিৱসকী মরমদা নৈনরিঙৈগী মরকসিদা য়াম্না নুংঙাইবা লাইরিক অমগী মরমদশু নৈনজগে। চয়োলমুক্কী মমাংদা ফংবা লাইরিক অসিদা য়াম্না পুক্নিং চিংশিন্নিংঙাই ওইবা হিরমদা নৈনবা থেংনজখি। লাইরিকসিগী মমিংদি, ইন্দিয়া - দ মাদর ওফ দএমোক্রেসীনি অদুগা মসিদা য়াম্না ফজবা ৱারেং কয়া য়াওরি। ভারত অসি মালেমগী খ্বাইদগী চাউবা মীয়ামগী লৈঙাক্নি লোইননা ঐখোয়না ঐখোয়গী লৈবাকসি দেমোক্রেসীনি হায়বা ৱাফম অসিদা চাউথোকচবা ফাওজৈ। লোকতন্ত্রসি ঐখোয়গী লু-তোং            দা, ঐখোয়গী সংস্কৃতিদা য়াওরি। চহি চা কয়াদগী মসি ঐখোয়গী থবক থৌরম কয়াগী শরুক অমা ওইরি। দেমোক্রেতিক সোসাইতী অসি ঐখোয়গী লমচৎনি। দা. অম্বেদকরনা বৌধা বিখু শংঘগা ঐখোয়গী ভারতকী সংসতকা চাংদম্নরম্মি। মহাক্না মসিবু মোসন্স, রিজোল্যুসন্স, ক্বারম, ভোতিং অমদি ভোত মশিং থিবগী নিয়ম কয়া লৈবা ওর্গনাইজেসন অমনি হায়না তাকপীরম্মি। বাবাসাহেবনা খনখি, ভগবান বুধনা ৱাখল্লোন অসি মতমদুগী রাজনিতি থৌরাংশিংদগী শোইদনা ঈথিল ফংলমগনি।

তামিল নাদু পিক্তি পিকপা অদুগা য়াম্না মমিং চৎপা খুঙ্গং অমা লৈ, মমিংনা উতিরমেরুর কৌই। মফমসিদা লৈবা চহি ১১০০-১২০০ শুরবা ময়েক অমা লৈ, মসিনা মালেম পুম্ববু অঙকপা অমা পোকহল্লে। মসিগী নুংপাক্তা ইরম্বা অসি মিনি কনস্তিত্যুসন অমগুম্বনি। মসিদা, গ্রাম  সভা অমবু করম্না ওপরেত তৌগনি লোইননা মসিগী মেম্বরশিং কমদৌনা খনগনি হায়বদু য়াম্না মমুৎ তানা নৈনরি। ঐখোয়গী লৈবাক্কী পুৱারিদা দেমোক্রেতিক ভেল্যুগী অতোপ্পা খুদম অমগা লৈরি, ১২শুবা চহি চাগী ভগবান বাসাৱেস্বরাগী অনুভৱ মন্দপম মফমসি ফ্রী দিবেত অমদি খন্না নৈনববু পুক্নিং থৌগৎলি। ময়াম্না মসি মেগ্না কর্তাদগী ফাওবা মমাংগী মফম্নি খঙবদা অঙকপা অমা পোক্লমগনি। ৱারঙ্গলগী কাতিয়া শাগৈগী নিংথৌশিংগী গনতন্ত্রগী চৎন-লোনঞ্চৎ পরিশু মীয়াম্না শোন্নরি। ভক্তি ঈহৌনা নোংচুপ ভারত্তা লোকতন্ত্রগী কলচর অসিবু মখাতানা চথহনখি। লাইরিক অসিদা সিখ পন্থগী লোকতান্ত্রিক ওইবা ৱাখল্লোনবুশু মীয়ামদা খঙহল্লি, মসিনা গুরু নানক দেবজীগী অয়াবা লৌরগা লেপখিবা ৱারেপশিংবু মীয়ামদা খঙহল্লি। ময়াই থংবা ভারতকী ওরাওন অমদি মুন্দা ত্রাইবশিংদা কম্যুনিতী দ্রিবন অমদি কন্সেন্সস দ্রিবন ওইবা ৱারেপকী মতাংদশু লাইরিক অসিদা নিংথিনা ইরি। ময়াম্না লাইরিক অসি পাবীরবা মতুংদা চহি চা কয়াদগী লৈবাক অসি লোকতন্ত্রগী ঈচেল চেল্লক্লি হায়বদু খঙবা ঙম্বীগনি। মাদর ওফ দেমোক্রেসীগী শক্তমদা ঐখোয়না হিরম অসিদা মুন্না নৈনবা, খন্থবা অমদি মালেম পুম্বদা খঙহনবা তাই। মসিনা লৈবাক অসিদা লোকতন্ত্রগী ৱাখল্লোন অসি হেন্না মরা চেৎহনগনি।

ঐগী নুংশিজরবা ইরৈবাকচাশিং, য়োগ দিৱসকা ঐখোয়গী মখল-মখলগী অপৌবা মহৈ-মরোংশিং – মিল্লেতসকা করিদা কমন ওইবগে হায়না হংলবদি, করি কমদৌনা চাংদম্নরিবনো মসিবু হায়না খনবীগনি। অনিসিদা ফনা নিংথিনা কমন ওইবা লৈয়ে হায়রগদি ঙক্কনি। তশেংবদি য়ুনাইতেদ নেসন্না ইন্তর্নেস্নেল য়োগ দেগা ইন্তর্ন্সনেল য়িয়র ওফ মিল্লেতসকা অনিমক্কী ৱারেপসে ভারতনা থাগৎলক্লবা মতুংদা লৌকিবনি। অতোপ্পা ৱাফম অমনা য়োগ হায়বসিশু হকচাং ফবগা মরি লৈনৈ অদুগা মিল্লেতসশু হকচাং ফবদা য়াম্না মরু ওইবা থৌদাং লৌরিবনি। অহুমশুবদা হেন্না মরু ওইরিবা ৱাফমদি খোংজং অনিমকসিদা মীয়াম্না শরুক য়াবা মরম্না অওনা লাকখ্রে। মীয়াম্না পাক শন্না হৈনিংনা শরুক য়াবীদুনা য়োগ অমদি ফিৎনেসপু পুনশিগী শরুক অমা ওইহনবগুম মিল্লেতসপুশু মীয়ম্না য়াম্না পাম্না লৌনরক্লি। হৌজিক্তি মিল্লেতসপু চান-থক্নবগী শরুক অমা ওইনা শিজিন্নরে। অওনবসিগী মহৈশু উবা ফংলি। অপিকপা লৌমীশিংদা থৌনা পীবগুম থোক্লি। মহৌশাদগী চৎনবী অমা ওইনা  মেল্লেতসকী পোত্থোকপু পুথোক্লম্বদু হৌজিক্তি মালেমসিনা মিল্লেতসকী মরু ওইবদু খঙবীরকপসিদা মখোয় য়াম্না হরাওই। মাইকৈ অমরোমদা, এফ.পি.ও. অমদি এন্ত্রপ্রেন্যরশিংনা মিল্লেতসকী কৈথেল য়ৌহনবা অমদি মীয়ামদা ফংহন্নবা থৌরাং হৌখ্রে।

অন্ধ্র প্রদেশকী নান্দয়াল জিলাদা লৈবা কে.ভি. রামা সুব্বা রেদ্দীজীনা মিল্লেতসকীদমক্তা শেল নিংথিনা ফংলিবা থবক থাদোকখি। ইশাগী খুৎনা শেম্বা মিল্লেতসকী চান-থক্নবশিংদুগী মহাওদুনা মরম ওইদুনা মহাক্না মহাক মশাগী খুঙ্গংদুদা বাজরাগী প্রোসেসিং য়ুনিৎ হৌদোকখি। সুব্বা রেদ্দীজীনা ময়ামদা বাজরাগী কান্নববু খঙহল্লি লোইননা ইরাই লাইনশু ফংহল্লি। মহারাস্ত্রগী আলিবাগ মনাক্তা লৈবা কেএনাদ হায়রিবা খুঙ্গংদুগী শর্মিলা ওস্বাল কৌবী অমনা হৌখিবা চহি ২০মুকসিদা মিল্লেতকী চাথোকশিংদা তোপ-তোপ্পা মওং অমা ওইনা মতেং পাংলি। মহাক্না লৌমীশিংদা স্মার্ত এগ্রিকলচরগী ত্রেনিং পীরি। মহাক্না হোৎনজবদুনা মিল্লেতসকী পোত্থোক হেনগৎহনবদা নত্তনা লৌমীশিংগী শেন্থোকশু হেনগৎহল্লি।

করিগূম্বা অদোম্না ছত্তিসগরদা লৈবা রাইগর চৎপগী তাঞ্জা ফংলবদি মফমদুগী মিল্লেত কেফে শোইদনা চংবীয়ু। থা খরগী মমাংদা হৌদোকখিবা মিল্লেত কেফেসিদা চিল্লা, দোসা, মোমো, পিজা, অমদি মঞ্চুরিয়ানগুম্বা আইতেমশিং মমিং য়াম্না  চৎখৎলক্লি।

ঐহাক ৱাফম অমত্তংগা হংজগে? অদোম এন্ত্রপ্রেন্যর হায়বা ৱাহৈসি তাবীরম্লগনি,  অদুবু মিল্লেতপ্রেন্যর হায়সিদি অদোম  তাবীরব্রা? ওরিশাগী মিল্লেতপ্রেন্যরসি হনদক মরক্তি ময়ামগী মিৎয়ৈং চিংশিন্নিংঙাই কন্না ওইখৎলকগলি। আদিৱাসি দিস্ত্রিক্ত সুন্রগরগী মনাক্তা চাউরাক্না নুপী লিশিং ১৫০০ মুক্কী সেল্ফ হেল্প গ্রুপ ওরিশা মিল্লেতস মিসনগা শম্নরি। মফমসিদা নুপীশিংনা কুকীজ, রসগুল্লা, গুলাব জামুন অমদি কেক ফাওবা শারি। কৈথেলদা মীয়াম্না য়াম্না পাম্নরকপা মরম্না, নুপীশিংসিগী শেন্দান লম্বিশু হেনগৎলক্লি। কর্নাতকাগী

কর্নাতকাগী কালাবুর্গিদা আলন্দ ভুতাই মিল্লেতস ফার্মর্স প্রোদ্যসর কমপনীনা হৌখিবা চহিদা ইন্দিয়ন ইনস্ত্ত্যুত ওফ মিল্লেতস রিসর্চকী মিৎয়েং মখাদা থবক তৌখি। মফমদুগী খাজরা বিস্কিত অমদি লদু মীয়াম্না য়াম্না পাম্নৈ। কর্নাতকামক্কী বিদার জিলাদা, হুলসুর মিল্লেত প্রোদ্যুসর কমপনীগা শম্নরিবা নুপীশিংনা মিল্লেতসকী লৌ উবগা লোইননা মদুগী আতাশু শেম্লি। মসিদগী মখোয়গী শেন্দান লম্বি ফনা নিংথিজনা হেনগৎপা ঙম্লে। মহৌশাগী ওইবা লৌউগা শম্নরিবা, ছত্তিসগরগী সন্দীপ শর্মাজীগী এফ.পি.ও.গা ঙসিদি রাজ্য ১২গী লৌমীশিংগা শম্নরে। বিলাসপুরগী এফ.পি.ও.শিংদা মিল্লেতস মখল ৮গী আতা অমদি মদুগী মথেল-লুকোই শেম্লি।

মরুপশিং, ঙসিদি হিন্দুস্তানগী কাচিন-কোয়া য়ৌনা জি.২০গী সম্মিতসি লেপ্তনা চত্থরি অদুগা ঐহাক্না নুঙাইজরিবদি, জি.২০গী সম্মিত পাংথোক্লিবা লৈবাকসিগী কাচিন-কোয়া খুদিংমক্তা মিল্লেতসনা শেম্বা অফবা অমদি মহাও লৈবা মথেল-লুকোই য়াওহল্লি। মফমসিদা কৈথেলদা ফংবা বাজরা-খিচরি, চেমপাক, খের অমদি তলগা লোইননা রাগিনা শেম্বা পায়াসম, পুরি অমদি দোসানচিংবা মথেলশু পীরি। জি.২০গী মফম পুম্নমক্তা পাংথোক্লিবা মিল্লেতস এক্জিবিশনদা মিল্লেতসনা শেম্বা হেল্থ দ্রিন্কস, সিরিয়ল অমদি নুদলশিং উৎলি। মালেম পুম্বদা ইন্দিয়ন মিসন্নশু পাম্নরিবা অসিবু হেন্না হনগৎহন্নবা মপুং ফানা হোৎনরি। লৈবাক শিন্না হোৎনরিবা অমদি মালেমসিদা মিল্লেতসপু হেন্না পাম্নরক্লিবা অসিনা ঐখোয়গী অপিকপা লৌমীশিংদা পাঙ্গল কয়া য়াম্না হাপকৎলক্কদগে হায়বদু খনবীবা য়ারে। ঙসিদি অনৌ-অনৌবা পোৎলম কয়া মিল্লেতসনা শেম্বা হেনগৎলক্লিবসিগী মতিক ঐখোয়গী মহারোলশিংনসু পাম্বা হেনগৎলকপসি উবদা ঐহাক্না য়াম্না নুঙাইবা ফাওজৈ। ইন্তর্নেস্নেল য়িয়র ওফ মিল্লেতসকী অসিগুম্বা ফজবা শৈহৌ ফজবা অসিগীদমক অমদি মসিবু লেপ্তনা খুমাং চাউশিলহন্নবগীদমক ঐহাক্না ‘মন কী বাত’ তাবীরিবশিংগী মফমদা য়াইফ পাউজেল পীজরি।

ঐগী নুংশিজরবা ইরৈবাকচাশিং, কনাগুম্বনা অদোমদা তুরিস্ত হব ওৱাগী ৱাফম পল্লকপদা করি ফাওবীবগে?

গোৱাগী মিং হেক পনবগা ইহান-হানবদা মফমদুগী ফজরবা কোস্তলাইন, বীচেস অমদি পামজবা চাক-য়েন্সাংগী ৱাফম নিংশিংলকপা হায়বসি মশানা তাবা ৱাফম্নি, অদুবু হন্দক্কী থাসিদা, থোইদোকপা মিৎয়েং চিংশিন্নিংঙাই ওইবা অমা ওইরে। মসি ঙসি, ‘মন কী বাত’ অসিদা শিয়র তৌজনিংঙি।গোৱাদা পাংথোকখিবা ইভেন্তনি, পর্পল ফেস্ত, হায়রিবা ফেস্ত অসি জনুৱারিগী ৬তগী ৮ ফাওবা পনাজিদা পাংথোকখি। স্পেসিয়েল্লী এবলশিংগী য়াইফ-থৌরাংশিংগা মরি লৈননা মসি অঙকপা মহোৎনা অমা ওইখি। পর্পল ফেস্ত হায়বা অসিনা কয়ামুক য়াম্না চাউনা ফংবা খুদোংচাবনো হায়ববু, ইচিল-ইনাও, ইচল-ইচে লিশিং ৫০ হেনবনা মসিদা শরুক য়াখি হায়বসিনা তাক্লি। মফম অসিদা লাকখিবশিংদুনা ‘মিরামার বীচ’ কোইবগী মপুং ফারবা নুংঙাইবদু ফংলনি খনবদা হরাও-তজুংনখি। তশেংবদি ‘মিরামার বীচ’ ঐখোয়গী স্পেসিয়েল্লী এবল ইচিল-ইনাও, ইচে-ইচলশিংগীদমক্তা গোৱাগী এক্সেসিবল বীচেসশিংগী মনুংদা অমা ওইরি। মফমসিদা ক্রিকেত তুর্নামেন্ত, তেবল-তেন্নিস তুর্নামেন্ত, মরাথোন কমপিতিশন লোইননা দীপ-ব্লাইন্দ কোনভেন্সন অমসু শিনখি। মফমসিদা য়ুনিক বার্দ ৱাতচিং প্রোগ্রামদা নত্তনা ফিলম অমসু উৎখি। ঐখোয়গী স্পেসিয়েল্লী এবল ইচিল-ইনাও, ইচল-ইচেশিংনা মপুং ফানা নুঙাইবদু খঙজনবা, মসিগীদমক্তা থৌইদোকপা মওংদা শিল-লাংখি। পর্পল ফেস্তকী থোইদোকপা অমদি লৈবাকসিগী প্রাইভেত সেক্তরশিংশু শরুক য়াখিবসিনি। মখোয়গী মাইকৈদগী দৱ্যাং ফ্রেন্দলী ওইবা প্রোদক্ত কয়া উৎখি। 

পর্পল ফেস্তকী থোইদোকপা অমদি লৈবাকসিগী প্রাইভেত সেক্তরশিংশু শরুক য়াখিবসিনি। মখোয়গী মাইকৈদগী দৱ্যাং ফ্রেন্দলী ওইবা প্রোদক্ত কয়া উৎখি।  ফেস্ত অসিদা স্পেসিয়েল্লী এবলশিংগী য়াইফনবগীদমক্তা মিৎ-না শিংনবা হোৎনবা কয়ামরুমশু উবা ফংখি। পর্পল ফেস্তপু মাইপাকহনবীবগীদমক্তা মসিদা শরুক য়াবীরিবা পুম্নমক্কী মফমদা ঐহাক্না য়াইফ-পাউজেল পীজরি। লোইননা মসিবু শিল-লাংবীবদা অহিং-নুংথিল খাইদনা হোৎনবীখিবা ভোলন্তিয়র পুম্নমক্কী মফমদশু কোক নোঞ্জরি। এক্সেসিবল ইন্দিয়াগী ঐখোয়গী ভিজনসিবু মাইপাকহনবদা অসিগুম্বা মখলগী খোংজংসি য়াম্না মরু ওইবা অমা ওইনা থোক্কনি হায়বসি ঐহাক্না মপুংফানা থাজজৈ।

ঐগী নুংশিজরবা ইরৈবাকচাশিং, হৌজিক ঐহাক ‘মন কী বাত’ থৌরম অসিদা হিরম অমগী মতা দা পঞ্জগে, মসি তাবদা নুঙাইবা চাওথোকচবা পোক্কনি, থমোইদা অপেনবা  পোকপা হায়বদো শোইদনা ওইগনি। লৈবাক অসিগী খ্বাইদগী লিরবা সাইন্স ইনস্তিত্যুসনশিংগী মরক্তা অমা ওইরিবা বেঙ্গলুরুগী ইন্দিয়ন ইনস্তিত্যুত ওফ সাইন্স আই.আই.এস.সী.না শিংথানিংঙাই ওইরবা খুদম অমা মীয়ামদা উৎলি। ‘মন কী বাত’কী মমাংগী তাঙ্ককশিংদা ঐহাক্নসু হান্না পঞ্জখ্রে। লোইশঙ অসি শেমগৎ-শাগৎপদা ভারতকী অথোইবা মীওই অনি হায়বদী জামসেদজী তাতা অমদি স্বামি ৱিবেকানন্দনা পুক্নিং থৌগৎপীরম্মি। অমুক্কহেন্না হ‌রাও মীনোক তমহনগদবা লোইননা চাওথোকচবা পোকহনগদবা ৱাফম্,না চহি ২০২২ অসিদা লোইশঙ অসিগী মিংদা পেতেন্ত ১৪৫ লৈখি। মদুনা হায়বদি নুমিৎ ৫নী খুদিংগী পেতেন্ত অনি, রেকোর্দ অসি য়াম্নামক ঙক্নিংঙাইনি ওইবা ৱাফমনি। অচৌবা মায়পাকপসিগীদমক আই.আই.এস.সী.গী তীমবু ঐহাক্না থাগৎপা ফোংদোকপা পাম্লি। মরুপশিং, ঙসিদি পেতেন্ত ফাইলিংদা ভারতকী রেংকিং অসে মালেমগী ওইনা ৭শুবা মফমদা অদুগা ত্রেদমার্কতনা ৫ শুবা মফমদা লৈবা ঙম্লে। পেতেন্ত খক্তদা, হৌখিবা চহি ৫ অসিদা চাউরাক্না চাদা ৫০ গুম্বগী চাংদা হেনগৎখি। গ্লোবেল ইনোভেসন ইন্দেক্সতসু ভারতকী রেঙ্কিং য়াম্না শিংথানিঙা‌ ওইনা ফগৎলে । ইং ২০১৫দা রেঙ্কিং অসে ৮০গী মনিংদা লৈরম্বা অদু ঙসিদি হায়গৎলক্তুনা ৪০শুবদা লৈবা ঙমখ্রে। য়াম্না নুংঙাইবা ৱাফম অমসু পাউ তমজগে, ভারত্তা হৌখিবা চহি ১১ অসিদা অহানবা ওইনা দোমেস্তিক পেতেন্ত ফাইলিংগী মশিং অসি ফোরেন ফাইলিংদগী হেনবা উখি। মসিনা ভারতকী বেগ্যানিক্কী মতিক ময়াযদুবু উৎলি।

মরুপশিং, ২১শুবা চহি চাগী গ্লোবেল ইকোনোমিদা নোলেজনা খ্বাইদগী মরু ওইবনি হায়বসি ঐখোয় পুম্নমক্না খঙনরবা ৱাফমনি। ভারতনা তেক্নলোজিগী মঙলান মঙলবাসি, ইনোভেতর অমদি পেতেন্তশিংনা মরম ওইরদুনা মঙফাওনবা ঙমগদৌরিবনি। মসিদগীদি ভারত্তা শেমজবা ৱর্ল্দ ক্লাস তেক্নোলোজি অমদি মসিগী পোত্থোকশিংগী কান্নবা ঐখোয়না লৌবা ফংলনি।

ঐগী নুংশিজরবা মরুপশিং, নমো এপতা তেলঙ্গনাগী ইঞ্জিনিয়র বিজয়গী পোস্ত অমা উখি, পোস্ত অসিদা বিজয়না ই-ৱেস্তকী মতাংদা ৱাফম খরা ইরি ।মহাক্না ‘মন কী বাত’তা হিরম অসিগী মরমদা খন্না নৈনবিয়ু হায়দুনা হায়বিরকই। মমাংদসু ঐখোয়না ‘ৱেস্ত তু ৱেল্থ’কী মতাংদশু ৱারি শাখ্রে । ঙসি ই-ৱেস্তকী মতাংদা অমুক খন্নরসি।

মরুপশিং, মোবাইল ফোন, লেপতোপ, তেব্লেতনচিংবা দিভাইস কয়া অমা য়ুমথোং খুদিংগী ঙসিদি য়াম্না লাইনা ফংবা পোৎশক অমা ওইরে। পোৎশকশিং অসিগী মশিং অসি লৈবাক অসিদা বিলিয়নদা লৈরমগনি। ঙসি-ঙসি শিজিন্নরিবা দোভাইসশিং অসি তুংদা ই-ৱেস্ত ওইগদৌরিবনি। ঐখোয়না অনৌ-অনৌবা দিভাইস লৈবা মতমদা পোৎশকশিং অদু নিংথিজনা দিস্কার্দ তৌব্রা-তৌদব্রা হায়বসি মুন্না খঙজিনবা মথৌ তাই। ই-ৱেস্তশিং অসি ফজনা দিসপোস তৌদ্রবদি অকোইবগী ফিভমদা অকাইবা পীরকপগী অকিবা লৈরিবনি। অদুবু, চেকশিন্না হোৎনরবদি, রিসাইকল অমদী রি-য়ুসকী সার্কুলার ইকোনোমিগী অচৌবা পাঙ্গল শক্তি ওইবা ঙমগনি । চহি খুদিংগী ই-ৱেস্ত মিলিয়ন তন য়াংখৈমুক হুন্দোকই হায়না য়ুনাইতেদ নেসনগী রিপোর্ত অমদা ফোংলি। মসি কয়াম য়াম্লমগনি হায়বদু অদোম্নসু খন্দুনা য়েংবীয়ু । মীওইবগী পুৱারিদা শাখিবা কমর্সিয়েল প্লেনশিং অদুগী অরুম্বদু পুন্সিন্দুনশু হৌজিক থোক্লিবা ই-ৱেস্ত অসিগা চাংদম্নবদা মান্নবা ঙম্লোই । সেকেন্দ খুদিংগী লেপতোপ ৮০০ হুন্দোকপগা মান্নৈ হায়না লৌবা য়া‌ই। তোঙান-তোঙানবা প্রোসেসকী পাম্বৈনা ই-ৱেস্তসিদগী চাউরাক্না মমল য়ম্লবা মেতেল ১৭ লোম লৌথোকপা য়াই হায়বসে খঙবদা অদোম শোইদনা ঙক্কনি। মসিদা গোল্দ, সিল্ভর, কোপর অমদি নিকেল য়াওরি। মরম অদুনা ই-ৱেস্তপু ফজনা শিজিন্নবা অসিনা অমোৎ-অকায়বু সনা ওলহনবা হায়বসিদগী হন্থবা নত্তে। ঙসিদি, মায়কৈ অসোমদা ইনোভেতিব ওইবা থবক তৌবিবা, অসিগুম্বা মখলগী স্তার্ত অপকী অৱাৎপা লৈতে। ঙসিদী চাউরাক্না ই-ৱেস্ত রিসাইক্লর ৫০০রোম হিরমসিদা শম্নরি অদুগা হোৎনবা কনবা অনৌবা কয়ামরম অমবুসু মসিগা শমজিন্নহল্লি, থবক পীরি। বেঙ্গলুরুগী ই-পরিসরা হায়বসিসু অসিগুম্বা মহোৎনসিদা মাই ওন্সিল্লি। মখোয়না প্রিন্তেদ সর্কিত বোর্দকী মমল য়ম্লবা ধাতুশিং খায়দোক্তুনা ইরমদমগী ওইবা তেক্নলোজী অমা শেমগৎলি।

মতৌ অসুম্না, মুম্বাইদা থবক তৌরিবা ইকোরেকোনা মোবাইল এপকী মতেংনা ই-ৱেস্ত খোম্নবা সীস্তেম শেমখি। উত্তরাখন্দগী রুরকীদা লৈবা এত্তেরো রিসাইক্লিংনা লম অসিদা মালেম শিনবদা পেতেন্ত কয়া ফংখ্রবনি। মসিনা মশাগী ওইবা ই-ৱেস্ত রিসাইক্লিং তেক্নোলোজি পুথোক্তুনা  মিংচৎ কয়া ফংখ্রবনি। ভোপালদা মোবাইল এপ অমসুং ৱেবসাইত ‘কবারিৱালা’গী মতেংনা ই-ৱেস্ত তন কয়া  খোমগৎখি। মসিগুম্বা খুদম কয়া অমা লৈখ্রে । মখোয় অসিনা, ভারত অসি গ্লোবেল রিসাইক্লিং হব অমা ওইহনবদা মতেং পাংলি। অদুবু, অসিগুম্বা ইনিসিয়েতিব অসি মাইপাক্নবগীদমক্তা ৱাফম খরা ঙাকপা মথৌ তাই । মদুদি, ই-ৱেস্তককী মতাংদা খুদোংথিনিংঙাই ওইদবা কান্নরবা পাম্বৈ মতাংদা মীপুম খুদিংদা খংহনবা চংঙি। ই-ৱেস্তকী লম অসিদা থবক তৌরিবা মীওইশিংনা হায়বদা, হৌজিক চহিদা সুপ্নগী ই-ৱেস্ত চাদা ১৫দগী ১৭ ফাওবা রি-সাইকল তৌরি।    

ঐগী নুংশিজরবা ইরৈবাকচাশিং, ঙসি মালেম শিনবনা ক্লাইমেত চেঞ্জ অমসুং বায়োদাইভর্সিতি কন্নবা ৱাফম কয়া খন্নরি। মসিগী লম অসিদা ভারতকী অচেৎপা খোংথাং কয়াগী মতাংদা পন্নরি। ভারতনা ৱেতলেন্দশিংগীদমক্তা তৌরিবা থবকশিং অসি খঙবদা অদোম্না তশেংনা নুঙাইবা পোক্কনি। তারিবা খরনা ৱেতলেন্দ অসি করিনো হায়না খল্লমগনি। ৱেতলেন্দশিং অসি মহি লাংলবা লৈখোমশিংগী মথক্তা চহি চুপ্পা ইশিংনা কুপসিন্দুনা লৈখ্রবা মফমশিং অদুবুনি। নুমিৎ খরনিগী মতুংদা ফেব্রুৱারীগী তাং ২দা ৱর্ল্দ ৱেতলেনদ্স দে নি। ৱেতলেন্দশিং অসি অসুক্কী মতিক মরু ওই মরমদি মফমশিং অসিদা উচেক-ৱয়া জিবা পানবা কয়া চাক্তারিবনি।মসিনা বোয়োদাইভর্সিতি চাউখৎহনবদা নত্তনা ফ্লদ কন্ত্রোল অমসুং গ্রাউন্দ ৱাতর রিচার্জ তৌবদসু মতেং পাংঙি। অয়াম্বনা খঙনরমগনি রামসর সাইতস ৱেতলেন্দশিং অসি মালেমগী থাক্তা মরু ওইরবনি। লৈবাক অমগী মফম অমদা হেক্তা লৈবা ৱেত লেন্দশিং অসি রামসর সাইতস হায়না মিংথোন পীনবগীদমক্তা ৱাফম কয়া ঙাকপা মথৌ তাই। রামসর সাইত্তা ৱাতর বর্দ ২০,০০০ নত্রগা মদুদগী হেন্না লৈগদবনি। লম-লমদুগী ওইবা ঙা মখল কয়া অমা লৈবা মথৌ তাই। নিংতম্বগী চহি ৭৫ মপুং ফারবা অমৃত মহোতসব অসিদা রামসর সাইতকা মরি লৈনবা ৱাফম অমা শেয়র তৌবা পামে। ঐখোয়গী লৈবাক্তা রামসর সাইতকী মশিং অসি ৭৫ শুরে। ২০১৪দা, শুপ্নতংগী ২৬ খক্তংনি। মসিগীদমক্তা মফম অদুগী মীওইশিং তশেংনা থাগৎনিংঙাইনি। মখোয়না বায়োদাইভর্সিতিসিবু ঙাকপী-শেনবীখি। মসি, মহৌশাগা ঐখোয়গা লৈনরকপা নুংশিরবা মরি অদুবু ইকাইখুম্নবগী মচৎনি। ওরিশাদা লৈরিবা চিল্কা লেক অসি ৱাতরবর্দ স্পেসিস ৪০ হেন্না চাকতাফম পীবগীদমক্তা মশক খঙনৈ। কৈবুল-লমজাও, লোক্তাক অসি ফুমদি মথক্তা লৈবা সজি মখল অমা ওইরিবা সঙাইগী অমত্তা ঙাইরবা নেচরেল হেবিতেতনি।

তামিল নাদুগী বেরনথাঙ্গল অসি চহি ২০২২দা রামসর সাইত হায়না লাউথোকখি। মফম অসিগী উচেক্কী পোপুলেসন অসি কনবদা মফম অসিগী অনকপদা লৈরিবা লৌমীশিংগী থৌদাং থাগৎনিংঙাইনি। কাশ্মিরদা পঞ্জাথ নাগ কাংলুপকী এন্যুৱল ফ্রুত ব্লোসম ফেস্তিবলগী মতমদা নুমিৎ অমা মরু ওইনা খুঙ্গংগী ঈশিং চাইবীশিং শেংদোক-খোত্তোকপগী থবক পাংথোকই। মনিপুরগী লোক্তাক অমসুং শেংলবা ঈশিং চাইবী রেনুকাগা মফমশিং অদুগী সংস্কৃতিগা অচেৎপা মরি লৈনৈ। মতৌ অসুম্না সামভারগা ইমা দুর্গাগী অবতার শাকামভরি দেবিগা মরি লৈনৈ। ভারত্তা ৱেতলেন্দশিং পাক-চাউথোরক্লিবসি রামসর সাইত্তা লৈরিবা  মীওইশিংগী মতেংদগীনি। অসিগুম্বা মীওইশিংবু ঐনা থাগৎলি, ‘মন কী বাত’ তাবীরিবশিংগী মাইকৈদগী মখোয়বু য়াইফ-পাউজেল পীজরি।

ঐগী নুংশিজরবা ইরৈবাকচাশিং, হন্দক ঐখোয়গী লৈবাক অসিগী অৱাং মাইকৈদা য়াম্না শাথিনা ইংখি। মতম অসিদা মীয়াম্না চিংদা চৎনদুনা উন তাবা য়েংদুনা শান্নবগী নুংঙাইবশু লৌনখি। জম্মু কাশ্মিরদগী থোরকপা ফোতো খরনা মীপুম খুদিমক্কী পুক্নিং হুখি। সোসিয়েল মীদিয়াদগী, মালেম শিনবদগী মীওইনা ফোতোশিং অসি য়াম্না পাম্নরি। উন তাবনা মরম ওইরগা কাশ্মির অসি চঈ খুদিংগুম হন্দক্সু য়াম্না ফজখি। বানিহলদগী বেলগাম চৎপা অদুগী ভীদিও ময়াম্না অশুক্কী মতিক ফজৈ হায়না থাগৎনখি। ময়াম্না মফম অসি লাইরৈবাক্কী ৱারিদা য়াওবা মফম অদু মাল্লি হায়না হায়নৈ। মীওই কয়ানশু হায়, মফম অসি মীরৈবাক নত্তে, ঐখোয়গী লৈবাক অসিগী কাশ্মিরগী ফোতোশিংনি।

সোসিয়েল মীদিয়া য়ুজর অমনা ইরকই, শ্বর্গনা অসিদগী হেন্না নিংথিজরমগদ্রা? তশেংবনি, মরম অসিননি কাশ্মিরবু নোংদোল মখাদা লৈবা শ্বর্গ হায়না হায়নরিবা। অদোম ফোতোশিং অসি উরগা, কাশ্মির কোইবা চৎনিংবা ফাওরমগনি। অদোমশু চৎপীয়ু অদুগা অদোমগী মরুপশিংবুশু পুবীয়ু। কাশ্মিরদা উন্না কুপশিল্লবা চিং মহৌশাগী ফজবা ময়াম অসিগা লোইননা খঙগদবা, য়েংগদবা কয়া অমা লৈরি। খুদম ওইনা, কাশ্মিরগী সায়েদাবাদ ৱিন্তর গেম্স পাংথোকই। গেম্সকী থীমদি, স্নো ক্রিকেতনি। স্নো ক্রিকেত অসি য়াম্না নুংঙাইবা গেম ওইরমগনি হায়না খল্লমগনি।

তশেংবনি, কাশ্মিরগী নহাশিংনা উন মথক্তা ক্রিকেত অসিবু হেন্না মশক থোকহল্লি। মসিগী মতেংনা, কাশ্মিরদা তুংদা তীম ইন্দিয়াদা শান্নগদবা ক্রিকেত শান্নরোই থিবগী থবক পাংথোক্লি। মসিশু খেলো ইন্দিয়া মুবমেন্তকী পাক-চাউরবা শরুক অমনি। কাশ্মিরদা নহাশিংগী মরক্তা শান্ন-খোৎনবদা, পুক্নিং চিংশিন্নরক্লি। লাক্কদৌরিবা  মতমদা, মখোয়গী মরক্তগী নহা কয়ানা ভারতকী মেদল ফংদুনা, মচু অহুমগী ফিরাল পাইহল্লক্কনি। অদোম্না কাশ্মির চৎপগী প্লান শিনবা মতমদা, অসিগুম্বা গেম অসি য়েংবীয়ু, হাপ্পীয়ু। মসিনা অদোমগী জর্নী অদু হেন্না নিংশিংনিংঙাই ওইহনগনি।

ঐগী নুংশিজরবা ইরৈবাকচাশিং, গনতন্ত্রবু হেন্না চেৎহন্নবা, ঐখোয়না মতম পুম্বদা হোৎনগদবনি। মীয়াম পুম্বা শরুক য়াবনা, পুম্নমক্না হোৎনবনা, লৈবাক্কীদমক্তা মশা-মশাগী মথৌদাং পাংথোকপনা, গনতন্ত্রবু হেন্না চেৎশিনহনগনি। ঐনা পেঞ্জৈ মদুদি, ঐখোয়গী ‘মন কী বাত’ অসি মথৌদা পুক্নিং লুপচবা শিন্মীশিংগী অহোবা খোঞ্জেল অমনি। মথংদা অমুক মথৌদা পুক্নিং লুপচবা মীওইশিংগী নুংঙাইরবা, ইনোৎ হাপ্পা ৱারিগা লোইননা অমুক উনরসি।

পুম্নমকপু থাগৎচরি।

ঐহাক্কী নুংশিরবা লৈবাক মীয়াম্বু নমস্কার। ঐখোয়না ঙসি ‘মন কী বাত’কী ৯৬শুবা তাঙ্কক্কীদমক্তা অমুক হন্না পুল্লি। ‘মন কী বাত’কী ৯৭শুবা তাঙ্কক্তি মথংগী চহি, ইং ২০২৩দা লান্থোক্লগনি। অদোম্না থাবীরকখিবা পাউজেলশিংদা অদোম্না ইং ২০২২গা কায়নবগী মতাংদা ৱাফম থম্বীরক্নবা হায়রকখি। হৌখিবা মতম্বু নিংশিংবনা হৌজিক অমসুং লাক্কদৌরিবা মতমশিংগীদমক্তা শেম-শানবা ঐখোয়দা ইথিল পী। ইং ২০২২দা লৈবাক মীয়াম, অদোম্না অমত্তা ওইনা পাংথোকমিন্নবা থবক, অদোমগী ৱারেপ অমসুং মায় পাকপশিং অসি অদুক্কী মতিক পাক চাউখিবনা ‘মন কী বাত’ মনুংদা ফোংদোকপসি ওইথোক্লরোই। ইং ২০২২ অসি হীরম খুদিংদা তসেংনা ইথিল য়াম্না পীবা অমসুং অফবা ওইখি। হন্দক্কী চহিসিদা ভারতনা নিংতম্বগী চহি ৭৫ মপুং ফাখি অমসুং অমৃত কালসু হন্দক্কী চহিদগী হৌখি। হন্দক্কী চহিসিদা লৈবাক অসিনা অনৌবা খোঙজেল ফংখি অমসুং লৈবাক মীয়াম্না অমদগী হেনবা মায় পাকপা কয়া ফংখি। ইং ২০২২গী তোঙানবা মায় পাকপা কয়ানা মালেম শিনবা থুংবদা ভারতকী অখন্নবা মফম শেমখি। ইং ২০২২দা ভারতনা মালেমগী খ্বাইদগী মঙাশুবা চাউবা শেন্মিৎলোন ওইখিবা, ভেক্সিন দোজ করোর ২২০ হেন্না কাপ্পা ঙমখিবা, বিলিয়ন দোল্লর ৪০০গী ঙক্নিংঙাই ওইরবা এক্সপোর্তকী শেনফম য়ৌবা ঙমখিবা, লৈবাক মীয়াম্না “মরোমদোম লেপচবা ঙম্বা ভারত” অমগী ৱারেপ লৌখিবা অমসুং মদুমকপু ওইথোকহনবা, ভারতকী লমদমসিদা পুথোকচবা অহানবা এয়রক্রাফ কেরিয়র আই.এন.এস. বিক্রান্ত তরাম্না ওকখিবা, স্পেস, দ্রোন অমসুং দিফেন্স সেক্তরদা অচৌবা মায় পাকপা ফংখিবা, ভারতনা হীরম খুদিংদা মহাক্কী মপাঙ্গল উৎখিবা, কম্মনৱেল্থ গেম্স নত্ত্রগা ঐখোয়গী নুপীগী হোক্কী তীম্না মায় পাকখিবগুম্বা শান্ন-খোৎনবগী লমদা ফংখিবা মায় পাকপা ওইরো, ঐখোয়গী নহাশিংনা অচৌবা মতিক মগুন উৎখি।

মরুপশিং, ময়াম অসিগা লোয়ননা, ইং ২০২২বু অতোপ্পা মরমগীদমক্তসু মতম পুম্বদা নিংশিংনগনি। মদুদি, ‘এক ভারত, শ্রেস্থ ভারত’কী ইথিলগী মখা তারকপনি। অমত্তা ওইবা অমসুং অপুনবগী মতৌবু নুংঙাইবা ফোংদোক্নবগীদমক্তা লৈবাক মীয়াম্না তোঙানবা থৌরম কয়া শীন লাঙখি। গুজরাতকী মাধবপুর মেলা, রুকমিনিগী লুহোংবা অমসুং অৱাং নোংপোক লমদমগা ভগ্বান কৃষ্ণগা লৈনবা মরীগী নুংঙাইবা ফোংদোকপা ওইরো, কাশি-তমিল শঙ্গমম ওইরো, অমত্তা ওইবগী মতৌ কয়া ঐখোয়না কুহ্মৈশিং অসিদা উবা ফংখি। ইং ২০২২দা লৈবাক মীয়াম্না অমর ওইগদবা পুৱারীগী অতোপা তাঙ্কক অমসু ইখি। ওগস্ত থাদা পাংথোকখিবা ‘হর ঘর তিরঙ্গা’ কেম্পেনবু কনানা কাওবা ঙমগনি? থৌদোকশিং অদুদি লৈবাক মীয়ামদা তুচুংবা ফাওহনবা থৌদোকশিংনি। নিংতম্বগী চহি ৭৫ মপুং ফাবগী থৌরমসিদা লৈবাক মীয়াম খুদিংনা মচু অহুমগী ফিরালগী মচুশিংবু শাগোন্নখি। মীওই করোর ৬ হেনবনা মচু অহুমগা নম্মিন্নবা শেলফী থাগৎনখি। মসিগী নিংতম্বগী অমৃত মহোৎসব অসি ঐখোয়না মথং চহিদসু হন্দক্কা মান্ননা পাংথোক্কনি, মসিনা ঐখোয়গী অমৃত কালগী ফম্বাকপু মপাঙ্গল হেন্না কনখৎহনগনি।

মরুপশিং, ভারতনা হন্দক্কী চহসিদা জি.২০ গ্রুপকী লুচিংবগী থৌ পুবগী খুদোংচাবসু ফংজখি। ঐহাক্না মসিগী মতাংদা মমাংদসু কুপ্না পাউদমখ্রে। ঐখোয়না জি.২০গীদমক্তা থৱাই য়াওরিবশিংবু ইং ২০২৩দা মাং থানা পুবা তাই, থৌরমসিবু মীয়ামগী ইহৌ ওইহনবা তাই।

ঐহাক্কী নুংশিরবা লৈবাক মীয়াম, ঙসি নুমিৎসিদা খৃস্তমাসকী কুহ্মৈসু মালেম শিনবা থুংবদা থৱাই য়াওনা পাংথোক্নরি। ঙসিগী নুমিৎসিদি প্রভু জিসুগী পাউতাক অমসুং পুন্সি নিংশিংবগী নুমিৎনি। ঐহাক্না মীয়ামদা খৃস্তমাসকী য়াইফ পাউজেল পীজরি।

মরুপশিং, ঙসিগী নুমিৎ অসিদি ঐখোয়গী নুংশিরবা অতল বিহারী ভাজপায়জীগী মপোক নুমিৎসু ওইরি। মহাক অসি শক্নাইরবা ৱাঙাংলোই অমনি, মহাক্না ভারতপু মশক থোক্না লুচিংবীরম্মি। ভারত মচা খুদিংগী থম্মোইদা মহাক্কী তোঙানবা মফম লৈনরি। ঐহাক্না কোলকতাগী আস্থাজীদগী চিথী অমা ফংজৈ। মহাক্না দিল্লীদা হন্দক্তা চৎখিবা খোঙচৎকী মতাংদা চিথী অসিদা ইরক্লি। খোঙচৎ মনুংসিদা মহাক্না পি.এম. ম্যুজিয়ম চৎপগী খুদোংচাবা ফংজখি হায়না ইরকখি। মহাক্না ম্যুজিয়ম অসিদা অতলজীগী গেল্লরীবু য়াম্না পামজখি হায়রকখি। মহাক্না মফমদুদা অতলজীগা লোয়ননা নম্মিন্নখিবা ফোতোশিংদু মপুন্সি চুপ্পগী নিংশিংগনি হায়রকখি। অতলজীগী গেল্লরীদা ঐখোয়না মহাক্না লৈবাক্কীদমক্তা পাংথোক্লম্বা মমল নাইদ্রবা থবকশিং উবা ফংগনি। ইনফ্রাস্ত্রকচর, এজুকেসন নত্ত্রগা ফোরেন পোলিসী ওইরো, মহাক্না ভারতপু অৱাংবা থাক্তা পুখৎনবা হোৎনরম্মি। ঐহাক্না অতলজীগী মফমদা অমুক্কা হন্না থম্মোই শেংনা কোক নোঞ্জরি।

মরুপশিং, হয়েং, দিসেম্বর ২৬ অসিদি ‘বীর বাল দিবস’ নুমিৎনি অমসুং মসিগুম্বা থৌরমসিদা সাহিবজাদা জোরাৱর সিংহ অমসুং সাহিবজাদা ফতেহ সিংহজীনা লৈবাক্কীদমক্তা কত্থোক্লম্বা কয়াবু নিংশিংবগী থৌরম অমা দিল্লীদা শরুক য়াবগী খুদোংচাবা ফংজগনি। সাহিবজাদা অমসুং ইমা গুজরীনা কত্থোক্লম্বশিংবু লৈবাক্না মতম পুম্বদা নিংশিংগনি।

ঐহাক্কী নুংশিরবা লৈবাক মীয়াম, অসুম্না হায়বা অমা লৈ –

সত্যম কিম প্রমানম, প্রত্যক্সম কিম প্রমানম।

মসিনা হায়বদি, অচুম্বগী খুদম মথৌ তাদে, অচুম্বনি খল্লবশিংগীসু চুম্মি হায়না উৎপগী মথৌ তাদে হায়বনি।

মোদর্ন মেদিকেল সাইন্সকী মতাংদা লাকপা মতমদা, খ্বাইদগী মরু ওইরিবসি খুদম উৎপনি। চহি চা কয়াদগী ঐখোয় ভারত মচাশিংগী পুন্সিগী শরুক ওইদুনা লাক্লবা য়োগ অমসুং অয়ুর্বেদগুম্বা ঐখোয়গী স্কৃপচরশিংগী মতাংদা খুদমদা য়ুম্ফম ওইদুনা থিজিন হুমজিনবগী থৌওং ৱাৎপগী মতৌ ঐখোয়না উরি, অদুবু মসি চুম্মি হায়বগী খুদমদি অদুমক উবা ফংলি। অদুবু, খুদমদা য়ুম্ফম ওইবা হিদাক লাংথক্কী য়ুগ অসিদা ঐখোয়গী য়গ অমসুং অয়ুর্বেদনা হৌজিক্কী য়ুগকী চাংয়েং কয়াগা মাইয়োক্নবা ঙমদুনা মথক্তা লৈরিবসিদি ঐহাক্না তসেংনা নুংঙাইবা ফাওই। অদোম পুম্নমক্না মুম্বাইগী তাতা মেমোরিএল সেন্তরগী মতাংদা শোইদনা তারম্লগনি। ইন্সতিত্যুত অসিনা রিসর্চ, ইন্নোভেসন অমসুং কেন্সর লাইয়েংগী মতাংদা মশাগী মমিং থম্বা ঙমজরি। সেন্তর অসিনা পাংথোকপা অচৌবা রিসর্চ অমনা য়োগনা ব্রেস্ত কেন্সরগী লাইয়েংদা মশক থোক্না তেংবাংই হায়না উৎখ্রে। মখোয়না অমেরিকাদা পাংথোকপা ব্রেস্ত কেন্সরগী ইকায় খুম্ননিংঙাই ওইরবা কনফরেন্স অমদা রিসর্চ অসিগী মহৈ মীয়ামদা খঙহনখ্রে। মসিগুম্বা মহৈশিংনা মালেমগী শক্নাইরবা অখঙ-অহৈ কয়াগী পুক্নিং চিংশিনখ্রে। অনাবশিংনা য়োগদগী কান্নবা কয়া য়াম্না ফংবা ঙম্মি হায়বসি তাতা মেমোরিএল সেন্তরনা খুদমগা লোয়ননা উৎখ্রে। সেন্তর অসিগী রিসর্চকী মতুং ইন্না, চাং নাইনা য়োগ তৌবনা মসিগুম্বা মখলগী কেন্সর নাবা অমসুং ব্রেস্ত কেন্সরগী অনাবশিংনা পুন্সি মাঙবগী চাংবু ১৫% হন্থহল্লি হায়না উৎলি। মসিনা ভারতকী নাৎকী লাইয়েং হিদাকপু নোংচুপ্লোমগী হিদাকশিংগা চাংয়েংনদুনা অহানবা ওইনা চাংয়েং তৌবগী অহানবা খুদম্নি। মসিদা নত্তনা, ব্রেস্ত কেন্সরনা শোকহল্লবা নুপীশিংগী পুন্সি মগুনবু য়োগনা ফগৎহনবা ঙম্মি হায়বগী ৱাফমসু স্তদী অসিদা ঐখোয়না অহানবা ওইনা খঙবা ঙম্লে। মসিনা মতম শিংনা কান্নবা পী হায়বসু মীয়াম মাঙদা খঙহল্লে। তাতা মেমোরিএল সেন্তরনা মখোয়গী স্তদীগী মহৈবু পেরিস্তা পাংথোকপা য়ুরোপিয়ন সোসাইতী ওফ মেদিকেল ওনকোলোজী কনফরেন্সতা লান্থোকখি।

মরুপশিং, ঙসিগী মতমসিদা ভারতকী হিদাক লাংথক্কী পথাপশিংনা খুদমদা য়ুম্ফম ওইবা হেল্লিবা মখৈ, মালেম্না য়াবা হেনগৎলক্লি। ৱাখল্লোন অসিগা লোয়ননা, দিল্লীগী এমসতসু মান্নবা থৌওং কয়া হোৎনরি। ঐখোয়গী নাৎকী লাইয়েংবগী পথাপশিংবু চুমি তাক্নবগীদমক্তা চহি তরুক্কী মমাংদা সেন্তর ফোর ইন্তিগ্রেতিব মেদিসিন অমসুং রিসর্চ মফমসিদা লিংখৎখ্রবনি। খ্বাইদগী অনৌবা মোদর্ন তেক্নিক অমসুং রিসর্চ মেথদশিং মসিদা শিজিন্নরি। সেন্তর অসিনা মালেমগী মমিগ লৈরবা চেফোঙশিংদা পেপর ২০ হেন্না ফোঙখ্রে। অমেরিকন কোলেজ ওফ কার্দিওলোজীদা ফোঙবা চেফোঙ অমনা সিঙ্কোপ নাবা অনাবশিংনা য়োগদগী কান্নবা কয়া য়াম্না ফংই হায়বা উৎখি। মান্নবা ওইনা, পেপর ওফ ন্যুরোলোজী জর্নেল অমদা, য়োগগী কান্নবশিংবু য়াম্না কুপ্না তাকখি। মাইগ্রেন্দা য়োগগী কান্নবা কয়াগী মতাংদসু তাকখি। তোঙানবা লাইনাশিংদা য়োগগী কান্নবা কয়াগী মতাংদসু তোঙানবা স্তদী কয়া পাংথোক্লি। থম্মোই লাইনা, দিপ্রেসন, তুম্বা কায়বা অমসুং নুপীশিংনা মীরোনবা মতমদা থেংনবা নুংঙাইতবা কয়াগী মতাংদসু মান্নবা থৌওংশিং পাংথোক্লি।

মরুপশিং, নুমিৎ খরনিগী মমাংদা ঐহাক গোৱাদা ৱর্ল্দ অয়ুর্বেদ কংগ্রেস য়াওখি। মসিদা লৈবাক ৪০ হেনবগী মীহুৎশিংনা শরুক য়াখি অমসুং সাইন্তিফিক পেপর ৫৫০ হেন্না মফমসিদা লান্থোকখি। ভারত য়াওনা মালেমগী কম্পেনী চাউরাকপা ২১৫না মফমসিদা পাংথোকপা একজিবিসন্দা মশাগী পোত্থোকশিং উৎনখি। নুমিৎ মরিনি চত্থখিবা এক্সপো অসিদা মীওই কয়ানা অয়ুর্বেদগা মরী লৈনবা এক্সপেরিএন্স কয়া নুংঙাইনা শরুক য়ানখি। মফমসিদা পাংথোকখিবা অয়ুর্বেদ কংগ্রেসতা ঐহাক্না মালেমগী মফম খুদিংদগী লাকখিবা অয়ুর্বেদগী অখঙ-অহৈশিংগী মফমদা খুদমদা য়ুম্ফম ওইদুনা পাংথোকপা রিসর্চকী মতাংদা অখন্নবা ৱাফম খরা নৌহৌননা অমুক থমখি। মালেম শিনবা থুংনা চৎলিবা কোরোনাগী লাইচৎ অসিগী মতমসিদা মীপুম খুদিংনা য়োগ অমসুং অয়ুর্বেদগী মতিক উবা ঙম্নরিবা মওং অসিদদি, খুদমদা য়ুফম ওইরগা পাংথোকপা রিসর্চকী মগুন য়াম্না হেনগৎলক্কনি। অদোম্না য়োগ, অয়ুরবেদ অমসুং ঐখোয়গী নাৎকী লাইয়েংবগী থৌওংগা মরী লৈননা মসিগুম্বা ৱাফম খঙবা লৈরবদি সোসিএল মীদিয়াদা শেয়র তৌবীনবা অদোমগী মফমদসু হায়জরি।

ঐহাক্কী নুংশিরবা লৈবাক মীয়াম, ঐখোয়না মমাংগী চহি খরসিদা হকশেলগী সেক্তরগা মরী লৈনবা অচৌবা খুদোংচাদবা কয়া মায়থীবা পীবা ঙমখ্রে। মসিগী মপুং ওইবা মহৈদি ঐখোয়গী মেদিকেল এক্সপর্ত, সাইন্তিস্ত অমসুং লৈবাক মীয়ামদা পীফম থোকই। ঐখোয়না স্মোলপোক্স, পোলিও অমসুং ‘গিয়া ৱর্ম’গুম্বা লাইনাশিংবু ভারত্তগী মুত্থৎপা ঙমখ্রে।

ঙসিদি, ঐহাক্না ‘মন কী বাত’ তাবীরিবশিংগী মফমদা অরোইবা নাইরক্লগদবা শিংনবা অমগী মতাংদা তম্বা পাম্মি। হায়রিবা শিংনবা অসিদি ‘কালা অজার’গী লাইনানি। লাইনা অসিগী পেরাসাইতনা সেন্দ ফ্লাইনা চিকপদগী শন্দোকই। কনাগুম্বা মীওই অমনা ‘কালা অজার’ নাবা মতমদা, মখোয়না থা কয়া লাইহৌ হৌগনি, এনেমিয়া নাগনি, হকচাং শোন্থরক্কনি অমসুং মহাক্কী অরুম্বসু হন্থরক্কনি। লাইনা অসি অঙাংদগী অহল ফাওবগী মীওই খুদিংদা নাবা য়াই। অদুবু মীয়াম পুন্না হোৎনমিন্নবদগী, মসিগী ‘কালা অজার’ লাইনা অসি য়াম্না থুনা মুত্থরক্লি। হন্দক্তা ইকুই কুইদনা, কালা অজার লাইনা অসি রাজ্য মরিগী জিলা ৫০দা শন্দোক্লকখি। অদুবু লাইনা অসি বিহার অমসুং ঝার্খন্দগী জিলা ৪ খক্তদা নারে। বিহার অমসুং ঝার্খন্দ মীয়ামগী পাঙ্গল অমসুং এৱিয়র্নেসনা মরম ওইরগা, জিলাশিং অসিদগী ‘কালা অজার’ মুত্থৎপদসু সরকারনা হোৎনরিবশিংদা তেংবাংগনি হায়না ঐহাক্না থাজবা থম্লি। ‘কালা অজার’না শোকহল্লবা মফমশিংগী মীয়ামদা ঐহাক্না হায়নিংবদি ৱাফম অনিখক নিংশিংবীয়ু হায়বসিনি। অমনা – সেন্দ ফ্লাই লাকশিনবা অমসুং অতোপ্পা অমনা, য়ারইবমখৈ মসিগী লাইওং খঙদোক্তুনা অথুবা মতমদা লাইয়েংবা অসিনি। লাইনা অসি য়াম্না লাইয়েংবা য়াই, মসিদা শিজিন্নবা হিদাকশিংসু য়াম্না নিংথিজনা মথৌ তৌই। অদোম্না শুপ্নগী চেকশিনবীগদবনি। করিগুম্বা লাইহৌ নারক্লবদি চেকশিনবীয়ু, লাইথোক্কনু, অমসুং সেন্দ ফ্লাই হাৎনবা হিদাক কাপথোকপীয়ু। লৈবাক অসিনা কালা অজারদগী নিং তম্বা মতমদা ঐখোয়না কয়া য়াম্না নুংঙাইগনি হায়বা খঙবীয়ু। সবকা প্রয়াসকী মসিগুম্বা ইথিল অসিগা লোয়ননা, ঐখোয়না ইং ২০২৫ ফাওবদা ভারত্তগী তি.বি. মুত্থৎনবা কন্না হোৎনরি। তি.বি. লৈতবা ভারত কেম্পেন হৌদোকখিবা মতমদা মীওই লিশিং কয়ানা তি.বি.না নারবা মীওইশিংবু তেংবাংনবা থোক্লকখিবা অদোম্না ইকুই কুইদনা উরম্লগনি। মসিগুম্বা মীওইশিং, নিক্সয় মিত্রশিংনা মখোয়বু শেল থুমগী তেংবাংলি। মসিগুম্বা মীয়ামগী সেবা অমসুং মীয়াম্না শরুক য়াবগী পাঙ্গল

ঐহাক্কী নুংশিরবা লৈবাক মীয়াম, ঐখোয়গী চৎনবী অমসুং নাৎকা ইমা গঙ্গাগা তৎন-থানবা য়াদ্রবা মরী লৈদুনা লাক্লি। গঙ্গাগী ঈশিংনা ঐখোয়গী পুন্সিগী মপুং ওইবা শরুক ওইদুনা লাক্লি অমসুং মসিমক ঐখোয়গী স্কৃপচরশিংদসু পল্লম্মিঃ

নমামী গঙ্গে ট্যাব পাদ পঙ্কজম,

সুর অসুরাইঃ বন্দিত দিব্যা রুপম।

ভুক্তিম চা মুক্তিম চা দাদাসি নিত্যম,

ভাব অনুসারেন সদা নরানম।।

মসিনা হায়বদি, হো ইমা গঙ্গা! অদোম্না অদোমগী নচাশিংদা মখোয়গী অপাম্বগী মখা পোন্না মালেমগী নুংঙাই-য়াইফবা পীবিদুনা লাক্লি। অদোমগী খুয়াখাদা পুম্নমক্না চঙজরি, ঐহাকসু অদোমগী খুয়াখাদা চঙজরি। পুম্নমক অসিগী মরক্তা, চহি চা কয়াদগী চেল্লক্লিবা ইমা গঙ্গাবু ঐখোয়না তরু-তনান্না থম্বা হায়বসি ঐখোয়গী থৌদাংনি। পান্দম অসিগা লোয়ননা, ঐখোয়না চহি নিপানগী মমাংদা ‘নমামী গঙ্গা কেম্পেন’ হৌদোকখ্রে। খোঙথাং অসিবু মালেমগী মফম খুদিংদগী থাগৎনরক্লিবা অসি ঐখোয়গী চাউথোকচনিংঙাইনি। য়ূনাইতেদ নেসন্সনা ‘নমামী গঙ্গা’ মিসনবু ইকোসীস্তেম অমুক হন্না শেমগৎপগী খ্বাইদগী মকোক থোংবা থবক তরাগী মনুং চলহনখ্রে। মসিগুম্বা থবক ১৬০গী মনুংদা মালেম শিনবনা ‘নমামী গঙ্গে’বুসু মনুং চলহনবা হায়বসিনা ঐখোয়বু হেন্না নুংঙাইহল্লি।

মরুপশিং, ‘নমামী গঙ্গে’ কেম্পেন অসিদা মপাঙ্গল হাপ্লিবা খ্বাইদগী চাউবা ইথিলদি ঐখোয়গী লৈবাক মীয়াম্না লেপ্তনা শরুক য়াবসিনি। কেম্পেন অসিদা গঙ্গা নহারিস অমসুং গঙ্গা দুতকী অচৌবা থৌদাং য়াওরি। মখোয়না উ-থাদুনা, ঘাত শেংদোক্তুনা, গঙ্গা আর্তী, স্ত্রীত প্লে, পেন্তিং অমসুং শৈরেংগী খুত্থাংদা কেম্পেন অসিগী এৱিয়র্নেস শন্দোক্লি। কেম্পেন অসিনা মরম ওইরগা বাইওদাইবর্সিতীদা য়াম্না ফগৎপগী মতৌ উবা ঙম্লে। হিলশা ঙা, গঙ্গাগী দোলফিন অমসুং থেঙ্গুগী মশিংসু য়াম্না হেনগৎলে। গঙ্গাগী ইকোসীস্তেম্না তরু-তনানবা হৌরকপদগী পুন্সি মহিং তানবগী অতোপ্পা পাম্বৈ কয়াসু হেনগৎলক্লি। ঐহাক্না মতাংসিদা ‘জলজ অজিবীকা মোদেল’গী মতাংদা ৱারী শাবা পাম্মি, ঐখোয়না বাইওদাইবর্সিতী খন্নদুনা মসি শেমখিবনি। তুরিজমদা য়ুম্ফম ওইবা হিগী শফারী অসি মফম ২৬তা হৌদোকখ্রে।

‘নমামী গঙ্গে’ মিসনগী পান্দম পাকথোক চাউথোকপা মতমদা তুরেল অসিবু তরু-তনান্না থম্বা খক্কী ৱাফমদগী হেন্না চাউথোক্লে হায়বসি তসেংবনি। ঐখোয়না ৱাখল চেৎপা অমসুং লেপ্তনা হোৎনবগী মহৈ হকথেংননা উবা ঙম্বা মতমদা, মসিনা মালেমদা ইনভাইরনমেন্ত ঙাক শেনবগী অনৌবা পাউজেল অমসু পীবা ঙমগদৌরিবনি।

ঐহাক্কী নুংশিরবা লৈবাক মীয়াম, ঐখোয়গী ৱারেপশিংগী পাঙ্গলনা কল্লবা মতমদা, খ্বাইদগী অরুবা শিংনবা ফাওবা লাইথোরকই। মসিগী খুদমসি সিক্কিমগী থেগু খুঙ্গংগী সাঙ্গে শের্পাজীনা থমখ্রে। মমাংগী চহি ১৪দগী মহাক্না ফীত ১২০০০ হেন্না ৱাংবা মফমদা ইনভাইরনমেন্ত ঙাক শেনবগী থবক পাংথোক্তুনা লাক্লি। নাৎ অমসুং থাজনবগী মরু ওইবা অমা লৈরিবা সোমগো পাতপু তরু-তনান্না থম্বগী থৌদাংবু সাঙ্গেজীনা লৌদুনা লাকখি। মহাক্কী লেপ্তবা হোৎনজমন্না মরম ওইদুনা, মহাক্না গ্লেসিয়র পাৎ অসিগী শক্তম অমসুং মওং-মতৌদা অহোংবা পুরকখি। সাঙ্গে শের্পাজীনা থবক অসি ইং ২০০৮দগী হৌখিবা মতমদা মহাক্না শিংনবা কয়া থেংনখি। অদুবু, মতম খরগী মতুংদা মহাক্কী খুঙ্গং অমসুং নহাশিংগা লোয়ননা মহাক্কী পঞ্চায়তনা মহাক্কী অফবা থবক্তা তেংবাংবা হৌরকখি। অদোম্না ঙসি সোমগো পাত্তা চৎপা মতমদা, ফত্ত-হৌদি হাপ্নবা অচৌবা পাত্র কয়া অদোম্না উগনি। মসিদা খোমজিল্লিবা ফত্ত-হৌদিশিং অসি রিসাইক্লিং তৌনা থাই, অমসুং ফত্ত-হৌদিশিং চাইথোকহন্দনবগীদমক্তা মফমসিদা লমকোয়বা লাকপশিংদসু ফিনা শাবা খাও পী। ঙসিদি, তরু-তনানবা পাৎ য়েংনবগীদমক্তা চহি খুদিংগী লমকোয়বা লাখ ৫মুক লাকই। সোমগো পাৎপু তরু-তনান্না থম্নবা সেঙ্গে শের্পানা হোৎনরিবা পুম্নমক্কীদমক্তা মহাক্কী মফমদা লুপ কয়ানা ইকায় খুম্নবা উৎখ্রে। মসিগুম্বা হোৎনজমন্না মরম ওইদুনা, ঙসিদি সিক্কিম অসি ভারতকী খ্বাইদগী তরু-তনানবা রাজ্যশিংগী মনুং চল্লে। শের্পাজী অমসুং মহাক্কী খোঙলোইশিংগা লোয়ননা, লৈবাক অসিদা লৈরিবা ইনভাইরনমেন্তপু ঙাক শেনবগী থবকশিংগা মরী লৈনরিবা পুম্নমকপু ঐহাক্না থাগৎচরি।

মরুপশিং, ‘স্বচ্ছ ভারত মিসন’ অসিনা ভারত মীয়াম খুদিংগী শাগোন্নবা ৱাফম অমা ঙসি ওইরকপসিদা ঐহাক্না য়াম্না নুংঙাইবা ফাওই। ইং ২০১৪দা মসিগুম্বা মীয়ামগী ইহৌ অসি হেক হৌবদগী হৌনা, মসিবু অনৌবা থাক্তা পুখৎনবগীদমক্তা লৈবাক অসিগী মীয়াম্না তোঙানবা থবক কয়া পাংথোক্নখ্রে।

হায়রিবা থবকশিং অসি খুন্নাই মনুংদা খক্তা নত্তনা সরকারগী মাইকৈদগীসু পাংথোকখি। ফত্ত-হৌদি লৌথোকখিবা, তঙাই ফদবা পোৎলমশিং লৌথোকখিবনা মরম ওইরগা, ওফিসকী মফম কয়া হাঙনলে। মমাংগী মতমশিংদা, ওফিসকী অহাঙবা মফম লৈতবনা মরম ওইরগা, অরাপ্পা মফমশিংদা ওফিস কয়া হোংবা তাখি। অদুবু ঙসিদি, মসিগুম্না লু-নানবদগী ওফিসকী অহাঙবা মফম কয়া লৈরক্লে, অদুগা ওফিস কয়া অমা মফম অমখক্তা লৈবা হৌরক্লে। ইনফোর্মেসন অমসুং ব্রোদকাস্তিং মন্ত্রালয়না মখোয়গী মুম্বাই, অহমেদবা, কোলকতা, শিল্লোংগী ওফিসশিংদা মসিগুম্বা থবক পাংথোকখি। মসিনা মরম ওইরগা, মখোয়গী ওফিসকী মথোল কয়া অমা নৌনা শিজিন্নবা য়ানবা হাঙলে। মসিগুম্বা থবক অসিদগী ঐখোয়না ঐখোয়গী রিসোর্সশিং নিংথিনা শিজিন্নবা ঙম্লে। খুন্নাই অমসুং খুঙ্গংশিং খক্তা নত্তনা, শহর অমসুং ওফিসশিংদা, মসিগুম্বা থবকশিংনা লৈবাক্কী অফবা ওইহল্লে।

ঐহাক্কী নুংশিরবা লৈবাক মীয়াম, ঐখোয়গী আর্ত অমসুং কলচরগী মতাংদা অনৌবা ৱাখল্লোন অমা লৈবাক অসিদা লাকপা হৌরক্লে। ঐখোয়না ‘মন কী বাত’ অসিদা মসিগুম্বা ৱাফম কয়া তত্তনা খন-নৈনৈ। আর্ত, লিতরেচর অমসুং কলচরনা খুন্নাইগী অমগী কল্লেক্তিব কেপিতেল ওইবগুম্না, মসিবু খুমাং চাউখৎহনবা হায়বসিসু ঐখোয়গী থৌদাংনি। মসিগুম্বা মায় পাকপা থৌওং অমা লক্ষদ্বীপ্তা পাংথোক্লি। কুম্মেল ব্রদর্স ক্লব কৌবা কালপেনী ইথত্তা ক্লব অমা লৈ। ক্লব অসিনা নহাশিংদা মখোয়গী লমদমগী কলচর অমসুং নাৎকী আর্তশিং য়োকখৎনবা ইথিল পীরি। নহাশিংবু মফমসিদা লোকেলগী আর্ত কোলকালী, পরিচক্লী, কিলিপাত অমসুং নাৎকী ঈশৈশিংগী ত্রেনিং পীরি। মসিনা হায়বদি, অরিবা হেরিতেজপু অনৌবা চারোন শুরোনগী খুত্থাংদা ঙাক-শেল্লি অমসুং মখা তানা চাউখৎলি হায়বনি। মসিগুম্বা থবকশিং অসি লৈবাক অসিদা খক্তা নত্তনা মীরমদসু পাংথোক্লিবা অসিদা ঐহাক্না নুংঙাইবা ফাওই। দুবাইদা লৈবা কলারী ক্লব অমনা গিনেস ৱর্ল্দ রেকোর্দতা মখোয়গী মনিং চনবা ঙমখ্রে হায়বগী পাউ লাকই। দুবাইগী ক্লবনা মালেমগী রেকোর্দ থম্বা মতমদা, মখোয়গা ভারতকা করি মরী লৈনবগে হায়না মীয়াম খুদিংনা খনগনি। তসেংবদি, রেকোর্দ অসি ভারতকী অরিবা মার্সিএল আর্ত কলারিপায়ত্তুগা মরী লৈনবনি। রেকোর্দ অসি মীওই মশিং খ্বাইদগী য়াম্বনা মতম অমত্তদা কলারিপায়ত্তু তৌবগী রেকোর্দনি। কলারী ক্লব দুবাইনা দুবাই পুলসিকা পুন্দুনা মসিগী থৌরাং য়াৎখি অমসুং য়ু.এ.ই.গী নেস্নেল দে নুমিত্তা পাংথোকখি। থৌরম অসিদা, চহি ৪দগী চহি ৬০ ফাওবগী মীওইশিংনা মখোয়গী কলারীগী খ্বাইদগী হৈজবা মতৌ উৎখি। মসিদি তোঙানবা চারোন শুরোনশিংনা থৱাই মপুং ফানা য়াওদুনা অরিবা চৎনবী অসিবু মখা তানা চত্থবগী নিংথিরবা খুদম অমনি।

মরুপশিং, ঐহাক্না ‘মন কী বাত’ তাবীরিবশিংদা কর্নাতকাগী গরক জিলাদা লৈবা ‘ক্যুমাশ্রী’জীগী মতাংদা খঙহনবা পাম্মি। অৱাং মাইকৈদা, ‘ক্যুমাশ্রী’জীনা কর্নাতকাগী আর্তকী চৎনবীবু হিংগৎহন্নবগীদমক্তা মমাংগী চহি ২৫দগী হোৎনদুনা লাকখি। মহাক্কী তপস্যা অসি কয়া য়াম্না কল্লমগনি হায়না অদোমসু খনবা হৌজিক্তি ঙম্লমলগনি! মহাক অসি হোতেল মেনেজমেন্তকী থবক তৌরম্না মীওইনি। অদুবু, মহাক্না কলচর অমসুং চৎনবীদা থৱাই য়াম্না চঙবা হেনখিবনা মসিমক মহাক্কী মিসন ওইহনখি। মহাক্না ‘কলা চেত্না’ কৌবা প্লেতফোর্ম অমা শেমখি। প্লেতফোর্ম অসিনা ঙসিদি কর্নাতকা অমদি ভারত অমসুং মীরম লৈবাক্কী আর্তিস্তশিংগী প্রোগ্রাম কয়া পাংথোক্লি। থৌরমশিং অসিদা লোকেল আর্ত অমসুং কলচরবু খুমাং চাউখৎহন্নবা থৌরম কয়া অমসু পাংথোক্লি।

মরুপশিং, লৈবাক মীয়াম্না মশাগী আর্ত অমসুং কলচরদা থৱাই য়াওবগী মসিগুম্বা মতৌ অসিদি মশাগী আর্ত অমসুং কলচরদা থৱাই য়াওবগী মতোউ উৎপনি। মসিগুম্বা থৌওং কয়া অমা ঐখোয়গী লৈবাক্কী তোঙানবা মফমদা লৈরি। ঐখোয়না মখোয়বুসু চাউখৎহন্নবা থবক পায়খৎফম থোকই।

ঐহাক্কী নুংশিরবা লৈবাক মীয়াম, লৈবাক্কী তোঙানবা মফমশিংদা ৱাদগী ফজরবা অমসুং কান্নবা পোৎলম কয়া শারি। মহৈ হৈবা ৱাগী আর্তিস্ত কয়া অখন্ননা ত্রাইবেল মফমশিংদা লৈরি। ব্রিতিশ মতমদগী চৎনরক্লবা ৱাগী আইনবু ঐখোয়না হেক হোংদোকখিবদগী, মসিগী অচৌবা মার্কেত অমা লৈরক্লে। মহারাস্ত্রগী পলঘরগুম্বা মফমশিংদসু, ত্রাইবেল মীয়াম্না ৱাগী তোঙানবা পোত্থোক কয়া শারি। উপু মচা, চৌক্রি, চা হাপ্নবা পাত্র, খাও অমসুং ত্রেগুম্বা ৱানা শাবা পোত্থোকশিং মীয়াম্না পাম্বা হেনগৎলে। মসিদা নত্তনা, মীওইশিং অসিনা ৱা নাপীগী ফজরবা ফিরোল অমসুং লৈতেংগী পোৎলম কয়া শারি। মসিনা ত্রাইবেল নুপীশিংদা থবক পীরি অমসুং মখোয়গী হৈ-শিংবসু মীয়াম্না খঙবা হৌরক্লে।

মরুপশিং, কর্নাতকাগী মতৈ-মনাও অমনা বিতলনত ফাইবরনা শাবা তোপ-তোপ্পা পোত্থোক কয়া মালেমগী কৈথেলদা য়োল্লি। হায়রিবা মতৈ-মনাও অসি কর্নাতকাগী শিবমোগাদগীনি। মখোয়গী মমিংদি শ্রীমান সুরেশ অমসুং মহাক্কী লোয়নবী শ্রীমতি মাইথিলী কৌই। মখোয়না ত্রে, প্লেত অমসুং হেন্দবেগতগী হৌদুনা লৈতেংগী পোৎলম কয়া বিতলনত ফাইবরদগী শারি। ফাইবর অসিদগী শাবা চপ্পলসু ঙসিদি মীয়াম্না য়াম্না পাম্নরে। ঐখোয়গী মহৌশাগী পোত্থোক অমসুং মীয়ামগী হৈ-শিংবগী মগুন অসিবুনি মীয়াম্না পাম্নরিবসি। মসিগুম্বা ভারতকী নাৎকী লৌশিং অসিনা মরম ওইরগা, মালেম্না ভারত্তা সস্তেনেবল ওইবা তুংগী মতমগী পাম্বৈগীদমক্তা য়েংনরি। ঐখোয়সু মসিগী মতাংদা নিংথিনা খঙফম থোকই। ঐখোয় ইশামকসু লমদমসিগী পোত্থোক শিজিন্নবগা লোয়ননা অতোপ্পদসু খুদোল ওইনা পীগদবনি। মসিনা ঐখোয়গী শক্তাক্কী মপাঙ্গল হেন্না লৈহনগনি, লোকেল শেন্মিৎলোনগী মপাঙ্গল হেনগৎহনগনি অমসুং ঐখোয়গী মীয়ামগী তুংগী মতম্বুসু হেন্না ফগৎহনগনি।

ঐহাক্কী নুংশিরবা লৈবাক মীয়াম, ঐখোয়না মমাংদা অমুক্তা থোকখিদ্রিবা, ‘মন কী বাত’ অসিগী ১০০শুবা তাঙ্কক য়ৌবগী মশক থোকপা পুংফম অমগী মাইকৈদা চঙশিল্লে। ঐহাক্না লৈবাক মীয়াম কয়াদগী চিথী য়াম্না ফংই, মখোয়না ১০০শুবা তাঙ্কক্কী মতাংদা খঙবা পাম্মি। অদোম্না ঐহাক্কী মফমদা মসিগী মরী লৈনবা পাউতাক পীহন্নিংই, মসিবু করম্না অখন্নবা তাঙ্কক ওইগদগে হায়বীরকউ। মথংদদি, ঐখোয়না ইং ২০২৩দা উন্নরগনি। ঐহাক্না ইং ২০২৩গীদমক্তা অদোম পুম্নমক্কী মফমদা য়াইফ পাউজেল পীজরি।

লাক্কদৌরিবা চহি অসিসু লৈবাক্কী অফবা চহি ওইবা ওইসনু, লৈবাক অসিনা অনৌবা থাক ফংবা ওইসনু, অদুগা পুম্নমক অসিবু ওইথোকহন্নবগীদমক্তা পুন্না হোৎনমিন্নসি হায়বগী ৱারেপ লৌমিন্নরসি। হৌজিক্কী মতমসিদি মীয়াম অয়াম্বনা ছুতীগী ৱাখল্লোন্দা লৈনরি। ছুতীশিং নুংঙাইনা লেনবীয়ু, অদুবু চেকশিনবদি কাওবীগনি। মালেমগী লৈবাক কয়াদা কোরোনা অমুক হেনগৎলক্লিবসি অদোমসু উরে, অদুনা মাস্ক উপ্পা অমসুং খুৎ তোয়না হাম্বগুম্না চেকশিনবগী থবকশিং কাওরোইদবনি। ঐখোয়না করিগুম্বা চেকশিনবা তারবদি, ঐখোয়না তেক্ত-কায়দনা লৈগনি অসুং নুংঙাইবা ফোংদোকপদা অয়েৎপা লৈরোই। ৱাফম অসিগা লোয়ননা, ঐহাক্না পুম্মক্কী মফমদা অমুক্কা হন্না য়াইফ পাউজেল পীজরি। অদোম পুম্নমকপু থাগৎচরি। নমস্কার!

ঐহাক্কী নুংশিরবা লৈবাক মীয়াম, নমস্কার!

ঐহাক্না অদোম পুম্নমকপু ‘মন কী বাত’তা অমুক্কা হন্না তরাম্না ওক্লি। হন্দক্কী প্রোগ্রাম অসিনা ৯৫শুবা তাঙ্কক্নি। ঐখোয়না ১০০শুবা ‘মন কী বাত’কী মাইকৈদা খোঙজেল য়াঙনা চঙশিল্লি। মসিগী প্রোগ্রাম অসিদি ঐহাক্কা লৈবাক মীয়াম করোর ১৩০গা পাউ ফাওনবগী অতোপ্পা পাম্বৈ অমনি। তাঙ্কক খুদিংগী মমাংদা খুঙ্গং অমসুং শহরশিংদগী লাকপা চিথী পাবা, অঙাং অমসুং অহলশিংনা থারকপা ওদিও মেসেজ তাবনা ঐহাক্কী স্পিরিচুএল এক্সপেরিএন্স অমা ওইরি।

মরুপশিং, ঐহাক্না তোপ-তোপ্পা খুদোলপোৎ অমগী মতাংদা পন্দুনা ঙসিগী থৌরম হৌদোক্নিংই। তেলঙ্গানাগী রাজন্না সির্সিলা জিলাদা ফিশা-লোন্সা তৌবা মরুপ অমা লৈ – য়েলদি হরিপ্রসাদ গারু হায়দনা। মহাক মশামক্না লোনবা জি.২০গী লোগো অমা মহাক্না ঐহাক্কী ইফমদা থারকই। নিংথিরবা খুদোল অদু উবদা ঐহাক্তি অঙকপা পোকখ্রে। হরিপ্রসাদজী অসি মহাক্কী আর্ত্তা অসুক্কী মতিক হৈ, মহাক্না মীপুম খুদিংগী পুক্নিং চিংশিল্লে। মখুৎমক্না লোনবা লোগোগা লোয়ননা মহাক্না চিথী অমসু থারক্লি। ভারতনা মথংগী চহিদা জি.২০ সম্মিতকী য়ুম্বু ওইগদৌরিবসি য়াম্না চাউথোচনীংঙাইনি হায়না মহাক্না ইরকখি। লৈবাক্কী মায় পাকপা কয়াগী মরকসিদা মহাক মশামক্না জি.২০গী লোগো শেম্লি। মহাক্না মসিগুম্বা ফি-লোনবগী নিংথীরবা মহৈ অসি মহাক্কী মপাবুংদগী ফংজবনি, অমসুং ঙসিদি মহাক্না মসিবু থৱাই য়াওনা মখা চত্থরি।

মরুপশিং, ঐহাক্না নুমিৎ খরনিগী মমাংদা ভারতকী জি.২০ লোগো অমসুং প্রসিদেন্সীগী ৱেবসাইত লোঞ্চ তৌবগী খুদোংচাবা ফংজখি। লোগো অসি মীয়ামগী কন্তেস্ত অমদগী খনখিবনি। হরিপ্রসাদজীনা থাবীরকপা খুদোলপোত অসি ফংবা মতমদা, ঐহাক্কী পুক্নিংদা অতোপ্পা ৱাখলোন অমসু লাকখি। তেলঙ্গানাদা ফমদুনা লৈরিবা মীওই অমনা ফাওবা জি.২০গুম্বা সম্মিতকা কয়া য়াম্না নক্নবা মরী লৈবগে খঙবদা ঐহাক্না নুংঙাইবা ফাওখি। ঙসিদি, হরিপ্রসাদ গারুগুম্বা অতোপ্পা মীওই কয়ানা লৈবাক অসিনা অসিগুম্বা অচৌবা সম্মিতকী য়ুম্বু ওইবসিদা চাউথোকচবা ফাওই হায়দুনা চিথী কয়া ইরক্লি। পুনেদগী সুব্বা রাও চিল্লারা অমসুং কোলকতাদগী তুশার জগমোহন্না ইরকপা ৱারোলশিং মীয়ামদা পঞ্জগে। মখোয়না ভারতনা জি.২০গা মরী লৈননা থৱাই য়াওনা হোৎনবগী থৌওংশিংবু থাগৎলকখি।

মরুপশিং, জি.২০ পার্তনরশিপ অসিদা মালেমগী অপুনবা মীশিংগী শরুক অহুম থোকপগী অমা, মালেমগী ত্রেদকী শরুক অহুম থোকপগী অমা, মালেমগী জি.দি.পি.গী ৮৫%না শরুক য়ারি। মসিগুম্বা মপাঙ্গল লৈরবা কাঙলুপ অমবু ভারতনা ঙসিদগী হুম্নিশুবা নুমিৎকী মতুংদা, হায়বদি দিসেম্বর ১দগী লুচিংগদৌরিবনি। ভারত অমসুং ভারত মচাশিংগী মফমদা কয়াদা চাওরবা খুদোংচাবা অমা লাক্লিবনো! নিংতম্বগী অমৃত কালগী মতমসিদা থৌদাং অসি শিন্নরকপা অসিনা হেন্না অখন্নবা ওইহল্লবনি।

মরুপশিং, জি.২০ প্রসিদেন্সীনা ঐখোয়দা অচৌবা খুদোংচাবা অমা পীরবনি। ঐখোয়না মসিগী মপুং ফাবা কান্নবা লৌগদবনি অমসুং মালেমগী য়াইফদবা মিৎয়েং চঙগদবনি। শান্তি পুরকপা নত্ত্রগা অমত্তা ওইদুনা লৈবা ওইরো, ইনভাইরনমেন্তকীদমক্তা খনবা ওইরো, নত্ত্রগা সস্তেনেবল দিভেলপমেন্ত ওইরো, ভারতনা হায়রিবা হীরমশিং অসিগা মরী লৈনবা ৱারোইশিন পুম্নমক লৈ। ঐখোয়না থীম ওইরিবা “পৃথিবী অমা, ইমুং অমা, তুংগী অমা”গী ৱারোলনা ঐখোয়না বাসুদৈবা কুতুম্বাকমগীদমক্তা খোঙফম চেৎলিবসিগী মতৌ উৎলি। ঐখোয়না মতম পুম্বদা হায়দুনা লাক্লিঃ

ওম সর্বেশম স্বস্তিরভবতু।

সর্বেশম শান্তি ভবতু।

সর্বেশম পুর্নমভবতু।

সর্বেশম মঙ্গলমভবতু।

ওম শান্তিঃ শান্তিঃ শান্তি ।।

মসিনা হায়বদি, মীপুম খুদিং য়াইফ নুংঙাইগদবনি, শান্তি লৈগদবনি, অনিংবা অপাম্বা পুম্নমক ফংগদবনি হায়বনি। লাক্কদৌরিবা মতমশিংদা, লৈবাক্কী তোঙানবা মফমশিংদা জি.২০গা মরী লৈনবা থৌরম কয়া পাংথোক্কনি। মালেমগী তোঙানবা মফমদগী লাকপা মীওইশিংনা মতমসিগী মনুংদা অদোমগী রাজ্য উবগী খুদোংচাবা ফংগনি। অদোম্না মালেমগী মফমদা অদোমগী চৎনবীগী তোঙানবা অমসুং তোপ-তোপ্পা মতৌ উৎকনি হায়না ঐহাক্না থাজৈ। মখোয়না হৌজিক দেলিগেত ওইনা লাক্লবসু, মখোয়না মথংদদি তুরিস্ত ওইনা লাক্কনি। ঐহাক্না অদোম পুম্নমক্কী মফমদা, অখন্ননা, নহাশিংগী মফমদা করিগুম্বা ৱাফম অমা থমজনীংই। ভারতকী জি.২০ লোগো অসি ফিরোলদা য়াম্না নিংথিজনা নম্বা য়াবনি, শাবা য়াবনি, প্রিন্ত তৌবা য়াবনি। ঐহাক্না স্কুল, কোলেজ অমসুং য়ুনিভর্সিতীশিংনা মখোয় মশাগী মফমশিংদা জি.২০গা মরী লৈনবা দিবেত, খন্ন-নৈনবা অমসুং কম্পিতিসন পাংথোকপগী খুদোংচাবা শীনবীয়ু হায়জনীংই। অদোম্না জি.২০ ৱেবসাইত্তা চঙবা মতমদা, অদোমগী অপাম্বগী মতুং ইনবা নুংঙাইবা পোৎলম কয়া থেংনগনি।

ঐহাক্কী নুংশিরবা লৈবাক মীয়াম, নবেম্বর ১৮দা স্পেস সেক্তরদা অনৌবা পুৱারী শেমখিববু লৈবাক পুম্বনা উখ্রে। নুমিৎ অসিদা ভারতনা লৈবাক অসিগী প্রাইভেত সেক্তরনা শেম-শাবা খ্বাইদগী অহানবা রোক্কেত থাগৎখি। রোক্কেত অসিগী মমিংসু –‘বিক্রম-এস.’ থোনখি। ইন্দিজিনিয়স স্পেস স্তার্তঅপকী অহানবা রোক্কেত্না শ্রিহরিকোতাদগী পুৱারী ওইরবা ফ্লাইত পায়হনখিবগা ভারত মচা খুদিংগী থম্মোইনা পেঞ্জখি, চাউথোকচখি।

মরুপশিং, ‘বিক্রম-এস’তা তোঙানবা ফীচর কয়া হাপ্লি। মসিনা অতোপ্পা রোক্কেতশিংদগী য়াংই অমসুং হোঙবসু হেল্লি। স্পেস মিসন পাংথোকপা অতোপ্পা লৈবাকশিংনা চঙবা শেলদগী ঐখয়গীসিনা য়াম্না হেন্না তাই। স্পেস তেক্নোলোজীদা অহোঙবা মমলদা মালেমগী থাক্তা লৈবা স্তেন্দর্দ য়ৌবা হায়বসিনা ভারতকী হোলমার্ক ওইরবনি। রোক্কেত অসি শাবদা অতোপ্পা মোদর্ন তেক্নোলোজী অমসু শিজিন্নখি। রোক্কেত অসিগী মরু ওইবা পার্ত খরদি ৩দি প্রিন্তিং শিজিন্নদুনা শাখি তাবদা অদোম্না ঙকপা ফাওগনি। ‘বিক্রম-এস’ থাগৎপগী মিসন্দা ‘প্রারম্ভ’ হায়না মিংথোল্লিবা অসি তসেংনা য়াম্না চান্নৈ। মসিদি লৈবাক্না মশাদা থাজবগী য়ুগ অমা হৌরকপনি। চেনা প্লেন শাদুনা পায়হল্লম্বা অঙাংশিংনা হৌজিক ভারত্তা প্লেন শাবগী খুদোংচাবা ফংলগনি। অতিয়াদা উবা মওং-মতোউ কয়াবু য়েকপগী হৈনবী লৈরম্বা অঙাংশিংনা হৌজিক্তি ভারত মক্তদা রোক্কেত শাবা ঙম্লক্লবনি। স্পেসপু প্রাইভেত সেক্তরদা হাংদোকখিবা মতুংদা, ঐখোয়গী নহাশিংগী মঙলান মঙফাওনবা হৌরক্লে। অতিয়ানা পনখৈ নত্তে হায়না রোক্কেত শারিবা নহাশিংনা হৌজিক হায়বা হৌরবনি।

মরুপশিং, ভারতনা স্পেস সেক্তরদা মায় পাকপশিংবু য়ুম্লোন্নবা লৈবাকশিংগা শেয়র তৌনরি। ভারত অমসুং ভুতান্না পুন্না শামিন্নবা সেতিলাইত অমা ঙরাং থাগৎখ্রে। সেতিলাইত অসিনা রিজোল্যুসন ৱাংবা ফোতো কয়া থারক্কনি, মসিনা ভুতানগী মহৌশাগী পোত্থোকশিং শেন্নবদা ভুতান্দা য়াম্না কান্নবা পীগনি। সেতিলাইত থাগৎখিবসিনা ভারত-ভুতানগী মপাঙ্গল মরী লৈবগী শক্তম উৎলি।

মরুপশিং, ঐখোয়না মমাংগী ‘মন কী বাত’কী তাঙ্ককশিংদা স্পেস, তেক, ইন্নোভেসনগী মতাংদা অয়াম্বা ৱারী শাখিবগী মতৌ উরমগনি। মসিগী অখন্নবা মরম অনি লৈঃ অমনা, ঐখোয়গী নহাশিংনা হীরম অসিদা মশক থোকপা থবক কয়া পাংথোক্লি। মখোয়না চাউনা খন্দুনা চাউনা মায় পাকপসু ফংলি। হৌজিক্তি, মখোয়না অপীকপা মায় পাকপদা পেল্লরোই। অনিশুবা, মসিগী ইন্নোভেসন অমসুং ভেল্যু ক্রিএসন তৌবগী নুংঙাইরবা খোঙচৎ অসিদা, মখোয়না মখোয়গী কলিগ অমসুং স্তার্তঅপশিংবুসু পুক্নিং থৌগৎলি।

মরুপশিং, তেক্নোলোজীগা মরী লৈনবা ইন্নোভেসনগী মতাংদা ৱারী শারবনিনা, ঐখোয়না মসিদা দ্রোন করম্না কাওগনি? ভারতনা দ্রোনগী লমদসু খোঙজেল য়াঙনা চঙশিল্লি। হিমাচল প্রদেশকী কিন্নোউরদা দ্রোন শিজিন্নদুনা শেম পুথোক-পুশিন তৌবগী মতৌ নুমিৎ খরনিগী মমাংদা ঐখোয়না উখ্রে। কিন্নাউর অসি হিমাচলগী মনুং হঞ্জিনবা জিলা অমনি অমসুং হৌজিক্কী কুমজাসিদা মফমসিদা উন য়াম্না কন্না তাই। মদুনা রম ওইরগা, কিন্নাউরগা রাজ্যসিগী অতোপ্পা মফমগা শম্নবদা চয়োল কয়া অৱাবা ওই। মসিগুম্বা মতমসিদা, শেম পুথোক-পুশিন তৌবসু মান্ননা অৱাবা ওই। অদুবু, দ্রোন তেক্নোলোজীগী মতেংদগী মহাও লৈবা হিমাচলগী কিন্নাউরী শেম মীপুম খুদিংগী মফমদা য়াম্না থুনা য়ৌবা ঙমহল্লগনি। মসিনা ঐখোয়গী লৌমী ইচিল-ইনাওশিংগী চাদিংদা হন্থহনবগা লোয়ননা শেমশিংনা কৈথেলদা মতম চানা য়ৌবা ঙম্লগনি, শেম মাঙবগী য়াম্না হন্থরগনি।

মরুপশিং, ঐখোয়না মমাংদা ৱাখলনা লাম্বা ফংলমদবা কয়া অমা ঐখোয়গী লৈবাক মীয়াম্না মখোয়গী ইন্নোবেসনগী মতেংদগী পাংথোকপা ঙম্লে। মসিবু কনানা উবা পাম্লোইদগে? মমাংগী চহি খরদা ঐখোয়গী লৈবাক্না মায় পাকপগী শাংলবা খোঙচৎ অমা চৎখ্রে। ঐখোয় ভারত মচাশিং, মরু ওইনা, ঐখোয়গী নহা ওইরিবা চারোন শুরোনশিংনা হৌজিক লেপ্তুনা লৈররোই হায়না ঐহাক্না থাজবা থম্লি।

নুংশিরবা লৈবাক মীয়াম, ঐহাক্না অদোমগীদমক্তা ক্লিপ মচা অমা থাগে.....

 ##(ঈশৈ)##

অদোম পুম্নমক্না ঈশৈ অসি মফম অমদা নত্ত্রগা অমদা শোইদনা তারম্লগনি। মসিদি বাপুগী খ্বাইদগী পামজবা ঈশৈনি। অদুবু, ঈশৈসিবু শক্লিবা শৈশকপশিং অসি গ্রীস্তগীনি তাবদা অদোম ঙক্কনি। লোয়ননা, অদোম্বু চাউথোকহনগনি। ঈশৈ অসি গ্রীসকী শৈশকপা, ‘কোন্সতান্তিনোস কলাইতজিস’না শকপনি। মহাক্না বাপুগী ১৫০শুবা মপোক কুমওন মনুংদা ঈশৈসি শকখিবনি। অদুবু, ঐহাক্না মসিগী ৱারী ঙসি শারিবসিদি অতোপ্পা মরমগীনি। মহাক্না ভারত অমসুং ভারতকী ঈশৈ নোংমাইবু য়াম্না পামজৈ। মহাক্না ভারতপু কয়াম্না পামজবগে হায়বদা মহাক্না মমাংগী চহি ৪২দগী ভারত্তা চহিদা অনিরক লাকই। মহাক্না ভারতকী ঈশৈ-নোংমাইগী হৌরকফম, তোঙান-তোঙানবা ভারতকী ম্যুজিকেল সীস্তেম, রাগা, তাল অমসুং রাসা মখল কয়াগা লোয়ননা ঘরানা কয়াসু কুপ্না নৈনরবনি। মহাক্না ভারতকী ঈশৈ নোংমাইগী মশক নাইবা মীওই কয়াগী মতাংদা নৈনরে, মহাক্না ভারতকী জগোইশিংগী তোঙানবা ৱাফম কয়াসু খঙলবনি। মহাক্না খঙলিবা লৌশিং অমসুং এক্সপেরিএন্স পুম্নমকপু হৌজক্তি মহাক্না লাইরিক অমদা য়াম্না ফজনা ইথোক্লে। ইন্দিয়ন ম্যুজিক হায়না মিংথোনবা লাইরিক অসিদা ফোতো ৭৬০ য়াওই। ফোতো অয়াম্বসি মহাক মশানা নম্বা ঙাক্তনি। অতোপ্পা লৈবাক্না ঐখোয়গী ভারতকী চৎনবীবু অসুক য়াম্না পামজবগী মতৌসি উবদা য়াম্না নুংঙাইবা ফাওই।

ঐখোয়বু য়াম্না চাউথোকচহনবগদবা পাউ অমা ঐখোয়না চয়োল খরগী মমাংদা ফংখি, মরুপশিং। মমাংগী চহি ৮ অসিদা, ভারতকী ম্যুজিকেল ইন্সত্রুমেন্ত এক্সপোর্ত তৌবগী চাংনা হান্নদগী শরুক অহুম মখায়গী চাংদা হেনগৎলে তাবদা অদোম্না নুংঙাইবা ফাওগনি। ইলেক্ত্রিক ম্যুজিক ইক্বিপমেন্ত মতাংদা হায়রগদি, মখোয়না শরুক ৬০ হেনগৎলে। ভারতকী কলচর অমসুং ম্যুজিকপু মালেম পুম্বনা কয়া য়াম্না পাম্নরবগে হায়বা মসিনা তাক্লি। ভারতকী ম্যুজিকেল ইন্সত্রুমেন্তপু খ্বাইদগী য়াম্না লৈরিবা লৈবাকশিংদি য়ু.এস.এ., জর্মনী, ফ্রান্স, জাপান অমসুং য়ু.কে.গুম্বা চাউখৎপা লৈবাকশিংনি। ঐখোয়গী লৈবাক্না ম্যুজিক, দান্স অমসুং আর্তকী ইনাক খুল্লবা হেরিতেজ লৈবসি ঐখোয়গী লৈবাক্কী লাইবক ফবনি।

মরুপশিং, ঐখোয়না অথোইবা কবি মুনি ভারতীহরিবু মহাক্কী ‘নিতি শতক’কীদমক্তা নিংথিনা খঙনরি। মহাক্কী ভর্স অমদা মহাক্না মীওই অমনা আর্ত, ম্যুজিক অমসুং লিতরেচরদা থৱাই য়াওবগী মতৌনা মীওইবা খুন্নাইগী তসেংবা শক্তাক্নি হায়না ইরমখি। তসেংবদি, ঐখোয়গী চৎনবীনা মসিবু মীওইবা খুন্নাইদগী হেন্না ৱাংনা শিবা নাইদবা থাক্তা পুখৎলিবনি। সামবেদবু বেদশিংগী মরক্তা ঐখোয়গী তোঙানবা ঈশৈ নোংমাইগী হৌরকফম্নি হায়রিবনি। ইমা সরস্বতীগী বীনা, ভগ্বান কৃষ্ণগী বাশি, নত্ত্রগা ভোলেনাথকী দমরু ওইরো, ঐখোয়গী লাইনিংথৌ অমসুং লাইরেম্বীশিংগা ঈশৈ নোংমাইগা মরী লৈনদুনা লাক্লি। ঐখোয় ভারত মচাশিংনা হীরম খুদিংদা ঈশৈ নোংমাই উবা ফংই। তুরেল ইচেলগী ৱা ৱা চেনবা মখোল ওইরো, নোংলিক মখোল, উচেকশিংনা খোংবা নত্ত্রগা নুংশিৎ শিৎপগী মখোল ওইরো, ঐখোয়গী সিভিলাইজেসনগী হীরম খুদিংদা ঈশৈ নোংমাই য়াওই। ঈশৈ নোংমাইনা ঐখোয়গী হকচাংবু পোত্থাহনবতা নত্তনা, ঐখোয়গী পুক্নিংবুসু লৈতাহল্লি। ঈশৈ নোংমাইনা ঐখোয়গী খুন্নাইবু অমত্তা ওইহন্নবা শম্নরি। ভঙ্গরা নত্ত্রগা লাবনীনা হরাও-নুংঙাইবগী মতৌ চেল্লি, রবিন্দ্র সঙ্গিৎনা ঐখোয়গী পুক্নিং শুমহৎলি। লৈবাক শিনবা থুংবগী ত্রাইবেলশিংগীসু মশাগী ঈশৈ নোংমাইগী তোঙানবা চৎনবী অদুমক লৈজৈ। মখোয়না ঐখোয় মশেল অমসুং মহৌশা ইমাগা নুংশি চাননা লৈমিন্নবগী ইথিল পী।

ঐখোয়গী ঈশৈ নোংমাইগী শক্তমশিংনা ঐখোয়গী কলচরবু হেন্না ফজহনবতা নত্তনা, মালেমগী ঈশৈ নোংমাইগী হীরমদসু মুত্থৎপা য়াররোইদবা খুভম অমা থমখ্রবনি। ভারতকী ম্যুজিকপু মালেমগী মফম খুদিংদা শকখঙনরি, পাম্নরি। ঐহাক্না অদোমগী মফমদা ওদিও ক্লিপ অমগা থাজগে।

##(ঈশৈ)##

অদোমগী কৈরোই-লৈকায়গী লাইশঙ খরদা ভজন-কির্তন শকপা অদোম্না তারম্লগনি, উরম্লগনি। অদুবু, হায়রিবা নোতশিং অসি ভারত্তগী মাইল লিশিং কয়া লাপ্না লৈবা খা-অমেরিকাগী লৈবাক, গুয়ানাদগী লাকপনি। ১৯ অমসুং ২০শুবা চহি-চাদা ঐখোয়গী লমদমগী মীওই মশিং য়াম্বনা গুয়ানাদা চৎখি। মখোয়না ভারতকী তোঙানবা চৎনবী কয়াসু মফমদুদা মখোয়গা লোয়ননা পুখি। খুদম ওইনা হায়রবদা, ঐখোয়না ভারত্তা হোলি পাংথোকপগুম্না, গুয়ানাদসু হোলি কুহ্মৈগী মচুশিংনা নুংঙাই য়াইফবগী ইথিল শন্দোকই। হোলিগী মচু লৈবা খুদিংদা, ফাগুৱাগী ঈশৈ নোংমাইসু অদুম লোয়নৈ। গুয়ানাগী ফাগ্বাদা ভগ্বান রাম অমসুং কৃষ্ণগা মরী লৈনবা লুহোং-খোংদোংবগী ঈশৈ শকপগী অখন্নবা চৎনবী লৈ। হায়রিবা ঈশৈশিং অসি চাউতাল কৌই। ঐখোয়না মফমসিদা শকপগুম্না, মখোয়সু মান্নবা ত্যুন মখল অমসুং অৱাংবা পিৎচতা শকই। মসিদা নত্তনা, গুয়ানাদা চাউতালগী চাংয়েংনবসু পাংথোকই। মান্নবা মতৌ ওইনা, ভারত মচা অয়াম্বনা, উত্তর প্রদেশ অমসুং বিহারগী মীওইশিংনা মরু ওইনা, ফিজিদসু চৎনৈ। মখোয়সু রামচরিতমানস্তগী লৌথোকপা কপ্লেতশিংনা মরু ওইনা, নাৎকী ভজন-কির্তন শকই। মখোয়না ফিজিদা ভজন-কির্তনগা মরী লৈনবা মন্দালী কয়া অমসু শেম্লি। রমায়ানা মন্দালিগী মিং লৌদুনাশেম্বা ভজন-কির্তন মন্দালি লিশিং অনি হেনবসু ফিজিদা ঙসিগী মতমসিদসু লৈরি অমসুং খুঙ্গং অমসুং লৈকায় খুদিংদা উবসু ফংগনি।

ঐহাক্না পীরিবা খুদমসিদি খরা খক্তনি। অদোম্না মালেম শিনবা থুংবদা য়েংলবদি, ভারতকী ঈশৈ নোংমাইবু পামজবশিংগী পরিং অসি য়াম্না শাংই।

ঐহাক্কী নুংশিরবা লৈবাক মীয়াম, ঐখোয়গী লৈবাক অসিদা মালেমগী খ্বাইদগী অরীবা চৎনবী লৈ হায়না ঐখোয়না চাউথোকচরি। অদুনা, হায়রিবা নাৎকী চৎনবী অমসুং লৌশিং কয়াসিবু ঙাক শেনবা, খুমাং চাউশিলহনবা অমসুং য়ারিবমখৈ চাউখৎহনবা হায়বসি ঐখোয়গী থৌদাং ওইরে। ঐখোয়গী অৱাং নোংপোক রাজ্য, নাগালেন্দগী মরুপ খরনা মান্নবা থৌওংসিমক পাংথোক্লি। মখোয়গী হোৎনজমন্সু ঐহাক্না য়াম্না পামজৈ, অদুনা ঐহাক্না ‘মন কী বাত’ তারিবশিংদসু খঙহন্নীংই।

মরুপশিং, নাগালেন্দগী নাগা খুন্নাইগী পুন্সি মহিং, মখোয়গী আর্ত অমসুং কলচর অমসুং ঈশৈ নোংমাইনা মীপুম খুদিংগী পুক্নিং চিংশিল্লি। ঐখোয়গী লৈবাক্কী নিংথিরবা হেরিতেজকী শরুক অমা মসিসু ওইরিবনি। নাগালেন্দগী মীয়াম অমসুং মখোয়গী হৈ-শিংবগী মতৌসি সস্তেনেবল পুন্সি মহিংগীদমক্তা য়াম্না মরু ওইবা হীরম অমসু ওইরিবনি। মখোয়গী মসিগুম্বা চৎনবী কন্নবগীদমক্তা, অমসুং মহৈশিং অসিবু মখা তারকপা চারোন শুরোন্দা থংথনবগীদমক্তা লমদমসিগী মীয়াম্না লুপ অমা শেম্লে, লুপসিগী মমিংনা ‘লিদি-সিরো-উ’ কৌই। লুপ অসিনা নাগাগী মাঙখিগদৌরবা চৎনবগীগী ফজরবা শক্তাকশিংবু য়োকখৎনবা থৌদাং লৌরি। খুদম ওইনা হায়রবদা, নাগাগী খুনুং ঈশৈ অসিমক য়াম্না নিংথিরবা জোনর অমনি। লুপ অসিনা নাগা ম্যুজিক এল্বম লোঞ্চ তৌবগী থবক তৌবা হৌখ্রে। মখোয়না হৌজিক ফাওবদা মসিগুম্বা এল্বম অহুম পুথোকখ্রে। মখোয়না খুনুং ঈশৈ অমসুং জগোইগা মরী লৈনবা ৱর্কশোপ কয়াসু শীন-লাঙলি। হীরম অসিগী মতাংদা মখোয়না নহাশিংদসু ত্রেনিং পীরি। মসিদা নত্তনা, নাগাগী চৎনবী মতুং ইন্না ফিরোল শেম-শাবা, তুবগী ত্রেনিংসু পীরি। অৱাং নোংপোক লমদমদা তোঙানবা পোত্থোক কয়া ৱাদগী শাবগী চৎনবী লৈ। হৌজিক্কানগী নহাশিংদা ৱাগী পোত্থোক শাবগী ত্রেনিংসু পীরি। পুম্নমক অসিনা নহাশিংগা মখোয়গী চৎনবীগা নক্ননা লৈহনবদা তেংবাংবতা নত্তনা, মখোয়গীদমক্তা থবক্কী অনৌবা খুদোংচাবা কয়াসু শেম্বীরি। লিদি-সিরো-উদা লৈরিবা মীওইশিংনা মীওই মশিং য়াম্বদা নাগাগী খুনুংগী চৎনবীগী মতাংদা খঙহন্নবা কন্না হোৎনরি।

মরুপশিং, অদোমগী মফমশিংদসু মসিগুম্বা নাৎকী চৎন-লোনচৎ কয়া শোইদনা লৈরমগনি। অদোমসু ইশাগী মফমশিংদা মসিগুম্বা খোঙথাং পায়খৎপা য়াই। অতোপ্পা মফম অমা হেক্তদা মসিগুম্বা থৌওং পাংথোকপগী ৱাফম অদোম্না খঙবা লৈরবদি, অদোম্না ই-পাউ অসি শেয়র তৌগদবনি, মরী লৈনবা পাউজেল শন্দোক্কদবনি।

ঐহাক্কী নুংশিরবা লৈবাক মীয়াম, হায়নবী অমদি লৈ – বিদ্যাধনম সর্ব ধনম প্রধানম।

মসিনা হায়বদি, করিগুম্বা মীওই অমনা লৌশিং পীবা মতমদা, মহাক্না খুন্নাইগীদমক্তা কান্নবা থবক অমা তৌই হায়বনি। এজুকেসনগী হীরমদা থানবা অপীকপা থাউমৈ অমনসু খুন্নাই পুম্ববু ঙালহনবা ঙম্মি। মসিগুম্বা থবক কয়া লৈবাক শিনবা থুংবদা পাংথোকপা উবদা ঐহাক্না য়াম্না নুংঙাইবা ফাওই। বন্সা হায়বসি য়ু.পি.গী কোনুং, লখনৌদগী কিমি. ৭০-৮০ থাপ্না লৈবা হার্দোইগী খুঙ্গং অমনি। খুঙ্গং অসিদা লৈবা জতিন ললিতজীগী মতাংদা ঐহাক্না ৱাফম খরা খঙবা ঙমজরে, মহাক অসি এজুকেসনগী মঙাল অমুক হন্না ঙালহন্নবা হোৎনবগী থবক থৌরমদা খোঙদাবা মীওই অমনি। মহাক্না মফমসিদা চহি অনিগী মমাংদা ‘কম্ম্যুনেল লাইব্রেরী অমসুং রিসোর্স সেন্তর’ অমা হৌদোকখি। মহাক্কী সেন্তরদা হিন্দি অমসুং ইংলিশ লিতরেচর, কম্প্যুতর, লো অমসুং সরকারগী পরিক্ষা কয়াগী শেম-শাবগা মরী লৈনবা লাইরিক ৩০০০ হেন্না লৈ। মহাক্কী লাইব্রেরী অসিদা অঙাংশিংগী অপাম্বগী হীরমদসু থৱাই চঙলি। মফমসিদা লৈবা কোমিক লাইরিক নত্ত্রগা মহৈ-মশিং তম্বগা মরী লৈনবা শান্নপোৎশিং ওইরো, অঙাংশিংনা মখোয়বু য়াম্না পাম্মি। অপীকপা অঙাং কয়ানা শান্ন-শান্ননা অনৌবা লৌশিং তান্নবা মফমসিদা লাকই। ওফলাইন নত্ত্রগা ওনলাইন এজুকেসনগী মতাংদা ওইরো, চাউরাকপা বলন্তিয়র ৪০না সেন্তর অসিদা অঙাংশিংবু লমজিং লমতাকপগী থবক তৌরি। খুঙ্গং অসিগী মীওই ৮০মুক্না সেন্তর অসিদা নুমিৎ খুদিংগী লাকই।

মরুপশিং, ঝার্খন্দগী সঞ্জয় কশ্যপজীনা লাইরবা অঙাংশিংগী মনিং থুংহল্লি। সঞ্জয়জীনা মহৈরোই ওইরিঙৈ মতমদা, অফবা লাইরিক ফংদবগী খুদোংচাদবা মাইয়োক্নখি। লাইরিক ফংদবনা মরম ওইরগা মহাক্কী মফমগী অঙাংশিংগী তুংগী পুন্সিদা অমম্বা অমুক হন্না লৈহল্লোই হায়না মহাক্না তাঞ্জাদুদা ৱারেপ লৌখি। মহাক্কী থৌওং অসিনা মরম ওইদুনা, মহাক অসি ঙসিদি ঝার্খন্দগী জিলা কয়াগী অঙাংশিংগী ‘লাইব্রেরী মেন’ হায়না খঙনরে। সঞ্জয়জীনা মহাক্কী থবক হৌরকপা মতমদা, মহাক্কী পোক্নফম লমদমদা খ্বাইদগী অহানবা লাইব্রেরী শাখি। মহাক্কী থবক্কী মতুং ইন্না মহাক্না ত্রান্সফর চৎপা খুদিংদা, মহাক্না মফমদুগী লাইরবা অমসুং ত্রাইবেল অঙাংশিংগী লাইব্রেরী শাবগী থবক পাংথোক্তুনা লাকখি। অসুম্না মখা চত্থরকপনা, মহাক্না ঝার্খন্দগী তোঙানবা জিলাশিংদা ঙসিদি অঙাংগী লাইব্রেরী কয়া হাংলে। লাইব্রেরী হাংবগী মহাক্কী অসিগুম্বা থবক অসিনা ঙসিদি খুন্নাইগী ইহৌ অমা ওইরক্লে। সঞ্জয়জী নত্ত্রগা জতিন ললিতজী ওইরো, মখোয়গী মসিগুম্বা হোৎনবগী মতৌশিংবু ঐহাক্না থাগৎচরি।

ঐহাক্কী নুংশিরবা লৈবাক মীয়াম, রিসর্চ অমসুং ইন্নোভেসনগা লোয়ননা মতমগা চুননা চাউখৎলবা তেক্নোলোজী অমসুং খুৎলায় কয়ানা মরম ওইরগা, মেদিকেল সাইন্সনা ঙসিদি খুমাং য়াম্না চাউশিল্লে। অদু ওইরবা ফাওবদা, লাইনা খরদি ঐখোয়না ঙসি ফাওবদা অচৌবা শিংনবা ওইদুনা মাইয়োক্নরি। মসিগুম্বা লাইনা মখল অমদি মস্ক্যুলর দীস্ত্রোপীনি। মসিদি চহি মতাং অমদা হেক্তা নাবা য়াবা জেনেতিক লাইনা অমনি। মসিদা হকচাংগী মসলশিংগী মপাঙ্গল শোন্থরকই। মসিগী অনাবশিংনা পুন্সিগী অচম্বা থবক অমা পাংথোকপা ফাওবদা খুদোংচাদবা য়াম্না থেংনৈ। মখোয়গুম্বা অনাবশিংবু লাইয়েংবা অমসুং শেন্নবদা সেবাগী ৱাখল্লোন নিংথিনা খঙবগী মথৌ তাই। মস্ক্যুলর দীস্ত্রোপী নাবা মীওইশিংগী থাজবগী অনৌবা মঙাল ওইরিবা মরী লৈনবা লাইয়েংশঙ অমা হিমাচল প্রদেশকী সোলন্দা হৌজিক লৈরে। সেন্তর অসি ‘মানব মন্দির’ কৌই; মসিদি ইন্দিয়ন এসোসিএসন ওফ মস্ক্যুলর দীস্ত্রোপীনা চলায়বনি। মানবম মন্দির অসি মমিংমক্কা চান্নবা মীওইবা খুনাইগী তেংবাংবগী ফজরবা খুদম অমনি। মফমসিদা ও.পি.দি. অমসুং লাইয়েংবগী মিং চনবগী থবক অসি চহি অহুম মরিগী মমাংদগী হৌখ্রে। মানব মন্দিরদা অনাবশিং লাইয়েংনবা ফমুং ৫০গী খুদোংচাবা লৈ। ফিজিওথেরাপী, ইলেক্ত্রোথেরাপী অমসুং হাইদ্রোথেরাপীগা লোয়ননা, মফমসিদা অনাবশিংবু য়োগ-প্রনয়ামাগী মতেংদগীসু লাইয়েংলি।

মরুপশিং, মসিগুম্বা হাই-তেক ফেসিলিতীগী মখল কয়াগী মতেংদগী সেন্তর অসিনা অনাবশিংগী পুন্সিদা অফবা অহোংবা পুরক্নবা হোৎনরি। লাইনা অসিগা মরী লৈনবা অতোপ্পা অরুবা শিংনবা অমদি মসিগী মতাংদা মীয়াম্না খঙবা ৱাতপসিনি। সেন্তর অসিনা মরম অসিগীদমক্তা হিমাচল প্রদেশ খক্তা নত্তনা লৈবাক শিনবা থুংবদা মসিগী অনাবশিংগী এৱিয়র্নেস কেম্প শীন-লাঙলি। লুপ অসিবু শেন্নবগী থবকশিং অসি লাইনা অসিনা নাবা মীওইশিংনা মরু ওইনা পাংথোকপগী মতৌনা লুপ অসিগী খ্বাইদগী পুক্নিং থৌগৎনীংঙাই ওইবা মতৌনি। অসিগুম্বা মীওইশিংগী খুদম খরা হায়রবদি, সোসিএল ৱর্কর, উর্মিলা বালদীজী; ইন্দিয়ন এসোসিএসন ওফ মস্ক্যুলর দীস্ত্রোপীগী প্রসিদেন্ত, ইচল সঞ্জনা গোয়লজী; লুপ অসিগী অতোপ্পা মেম্বরশিংনি। সেন্তর অসিবু হৌদোকপদা মরু ওইবা থৌদাং লৌখিবা শ্রীমান বিপুল গোয়লজীনা ইন্সতিত্যুসন অসিগী মরু ওইবা থৌদাং কয়া হৌজিক লৌরি। মানব মন্দিরবু হোস্পিতাল অমসুং রিসর্চ সেন্তর অমা ওইনা শেমগৎনবা য়াম্না কন্না হোৎনরি। মসিনা করিগুম্বা ওইথোকপা মতমদা, অনাবশিংনা মফমসিদা হান্নদগী হেন্না নীংথিনা লাইয়েংবগী খুদোংচাবা ফংগনি। মাইকৈ অসিদা হোৎনরিবা মীপুম খুদিংগী হোৎনজমনশিংবু ঐহাক্না থম্মোই শেংনা থাগৎচরি অমসুং মস্ক্যুলর দীস্ত্রোপীনা নাবা মীওইশিংসু নীংথিনা নাবা ফবা ওইসনু হায়নবা য়াইফ পাউজেল পীজরি।

ঐহাক্কী নুংশিরবা লৈবাক মীয়াম, ঐখোয়না ঙসিগী ‘মন কী বাত’ অসিদা ৱারী শাখ্রিবা লৈবাক মীয়ামগী ক্রিএতিব ওইবা অমসুং খুন্নাইগীদমক্তা খন্দুনা থবক তৌবগী মতৌশিংনা লৈবাক্কী পাঙ্গল অমসুং থৱাই য়াওবগী খুদম্নি। ঙসিদি, লৈবাক মীয়াম খুদিংনা হীরম অমা নত্ত্রগা অমদা, থাক অমদা নত্ত্রগা অমদা, লৈবাক্কীদমক্তা করিগুম্বা অমা পাংথোক্নবা হোৎনরি। ঙসিগী ৱারী-ৱাতাই অসিমক্তদসু, জি.২০গুম্বা মালেমগী থৌরমগা মরী লৈননা মশাগী থৌদাং খঙদুনা মদুমক পাংথোক্নবা মাং থানা থোক্লকপা ফিশা-লোন্সা তৌবা ঐখোয়গী মরুপ অমগী খুদম উখ্রে। মান্নবা মতৌ ওইনা, মীওই খরনা ইনভাইরনমেন্তকা মরী লৈনবা, ঈশিংগা মরী লৈনবা থবক কয়া পাংথোক্লি। এজুকেসন, মেদিসিন, সাইন্স অমদি তেক্নোলোজীদগী নাৎকী চৎনবী ফাওবগী হীরমদা মীওই খরা অমনা মীয়ামগা মান্নদবা তোপ-তোপ্পা থবক কয়াসু পাংথোক্লি। পুম্নমক অসি ওইথোক্লিবগী মরমদি, ঙসিদি মীয়াম খুদিংনা মশাগী থৌদাং করিনো মশক খঙবগীনি। মসিগুম্বা ৱাখল্লোন অসি লৈবাক মীয়াম খুদিংদা লাকপা মতমদা, লৈবাক্কী সনাগী য়ুগী মতম অমা হায়বসিদি শোইদনা লাক্লগদবনি। লৈবাক্কী সনাগী য়ুগতা ঐখোয়গী সনাগী য়ুগসু অদুমক য়াওরবনি।

ঐহাক্না লৈবাক মীয়াম্বু মখোয়গী হোৎনজমনশিংগীদমক্তা অমুক্কা হন্না থাগৎচরি। ঐখোয়না মথংগী থাদা অমুক উন্নসি অমসুং পুক্নিং থৌগৎনীংঙাই ওইরবা মসিগুম্বা হীরম কয়াগী মতাংদা ৱারী অমুক শাসি। অদোমগী ৱাখল্লোন লেপ্তনা থাজিনবীরকউ। পুম্নমকপু থাগৎচরি!

ঐগী নুংশিজরবা ইরৈবাকচাশিং, খুরুমজরি। ঙসিদি লৈবাকসিগী শরুক অয়াম্বদা নুমিৎপু খুরুমজবগী অথোইবা কুম্মৈ ‘ছত’ পাংথোক্নরি। ‘ছত’ কুম্মৈ অসি শরুক য়ানবগীদমক মীওই লাখ কয়ামরুম, মাগী মাগী ইমুং মনুংদা, খুঙ্গংদা তিল্লরে। ‘ছত’ ইমানা পুম্নমকপু য়াইফবা-চাউখৎপা পীবীসনু হায়না ঐহাক্না খুরুমজরি।

মরুপশিং, নুমিৎপু খুরুমজবসিনা পীরিবা খুদমদি, ঐখোয়গী নাত, ঐখোয়গী থাজবসিগা মহৌশা লাইরেম্বীগা অচেৎপা মরি লৈনৈ হায়বসিনি। খুরুমজবসিনা ঐখোয়গী পুনশিদা নুমিৎকী মঙালগী শরুক ওইবদু তাকপীবগা লোইননা অকা-অকুম হায়বসি পুনশিগী মচলনি হায়বা পাউজেলসু পীরি। মরম অদুনা ঐখোয় ফিভম খুদিংমক্তা মান্নাবা ৱাখলল্লোন থমগদবনি। ছত ইমাবু খুদরুমজবদা মখল-মথেল কয়াগী উহৈ-ৱাহৈ অমদি থেকুৱা কৎনৈ। মসি অচেৎপা লাইনিং অমদগী তাদ্রবা প্রত মখল অমনি। ছত পুজাগী থোইদোকপা ৱাফম অমদি পুজা অসিদা শিজিন্নরিবা পোৎলমশিং অসি তোঙান-তোঙানবা কাংলুপকী মীওইশিংনা পুনশিল্লগা শেম শাই। ৱানা শাবা থুমোক নত্রগা সুপলি শিজিন্নৈ। কম্বিদা মৈ থানবগী তোপ-তোপ্পা মরু ওইবা লৈজৈ। কুম্মৈ অসিনা মরম ওইরগা চানা থারিবা লৌমী অমদি বাতাশা শারিবা অপিকপা ইন্স্ত্রীশিংসিগী মরু ওইবদু খুনাইসিদা লৈহল্লি। ছত কুম্মৈসিনা ঐখোয়গী পুনশিদা লু-নানবগী মরু ওইবদসু ইনোৎ পীরি। কুম্মৈসিনা লাকপদা কুম্মৈগী ওইবা থাক্তা, লম্বি, তুরেল তোর্বান, ঈশিং মখল–মথেলগী হৌরকপম পুম্বা শেংদোকই। ছত কুম্মৈ অসি এক ভারত শ্রেস্থ ভারতকী খুদম অমসু ওইরিবনি। বিহার অমদি অৱাং-নোংপোক মাইকৈগী মীওই পুম্বা য়াম্না হরাও-তয়াম্না ছত কুম্মৈ অসি পাংথোক্লি। দিল্লী, মুম্বাই য়াওনা মহারাস্ত্রাগী তোঙান-তোঙান জিলাশিং অমদি গুজরাতকী মফম কয়াদা ছত অসি য়াম্না চাউনা পাংথোক্লি। ঐহাক্না নিংশিংজবদা, মহৌশাদি ছত পুজাসি, গুজরাত্তা কয়া পাংথোক্নরমদে অদুবু মতমগী অহোংবগা ইরোইননা, ঙসিদি ছত পুজাসি গুজরাত্তা মপুং ফানা উবা ফংবা হৌরক্লে। মসি উবদা ঐহাক য়াম্না বুংঙাইবা ফাওজৈ। মীরৈবাক্তসু, পাংথোক্নরকপগী ফজ-ফজরবা ফোতো কয়া থানরক্লি। হায়বদি ভারতকী অসিগুম্বা হেরিতেজ অমদি থাজবশিংসি, মালেমগী কাচিন-কোয়া থুংনা শক তাক্লক্লি। অসিগুম্বা মহা পর্বসিদা শরুক য়ারিবা পুম্নমক্কী মফমদা, ঐ ইশাগী মাইকৈদগী য়াইফ-পাউজেল পীজরি।

ঐগী নুংশিজরবা ইরৈবাকচাশিং, ছত পুজাগী মরমদা নুমিৎপু খুরুমজবগী মতাংদা ৱারি শাজখিবদা ঙাইরি, মতাং অসিদা নুমিৎনা পীবীরিবা থৌজালগী মরমদা ঐখোয়না করিগী নৈনরোইদৌরিবনো! নুমিৎকী থৌজাল হায়বদি ‘সোলার এনর্জী’ অসিনি। মালেম পুম্বা সোলার এনর্জীসিদা তুংগী মিৎয়েং থম্লিবনি। ভারতকী ওইনদি নুমিৎসি চহি চা কয়াদগী খুরুমজদুনা লাকপদা নত্তনা পুনশি মহিংগীসু ময়োল ওইদুনা লাক্লি। ঙসিদি ভারতসি মহৌশাদগী হকথেংননা খঙলক্লবা কয়াগা অনৌবা বিগ্যানগা শম্নহল্লি। মসিদনি ঐখোয়না ঙসি সোলার এনর্জীদগী মৈ পুথোকপা ঙম্বা খ্বাইদগী চাউবা লৈবাকশিংগী মনুংদা চনবা ঙম্লিবা। সোলার এনর্জীদগী কমদৌনা লৈত-লাইরশিং অমদি ময়াই ওইবা কাংলুপশিংগী পুনশিংদা অহোংবা লাকখিবগে হায়বদসু নৈননিংঙাই ওইবা হিরমনি।

তামিল নাদুগী কাঞ্চিপুরমদা, থিরু কে. এজিলোন কৌবা লৌমী অমা লৈরম্মি। মহাক্না ‘পি.এম. কুসুম য়োজনা’গী খুদোংচাবা লৌদুনা, মহাক্কী লৌবুক্তা হোর্সপাৱর ১০গী সোলার পম্পসেত অমা পানখৎখি। হৌজিক্তি মহাক লৌবুক্কীদমক্তা মৈগী ওইবা চাদিং অমত্তা তৌদ্রে। মতৌ অসুম্না, রাজস্থানগী ভারতপুরদা ‘পি.এম. কুসুম য়োজনা’গী কান্নবা লৌবীরিবা কমল জি মীনানসু সোলার পম্প পানবীদুনা শেঞ্জং হন্থহল্লে অদুগা শেন্দোং লোমদদি হেনগৎহল্লে। কমল জিনা অতৈ ইন্দস্ত্রী মচা-মচাগসু সোলার এনর্জীগা শম্নহল্লে। অদুগা মীওই তরাদগী তরানিথোই ফাওবা থবক পীবা ঙম্লি।

মরুপশিং, থা চুপ্পসি মৈ শিজিন্নরবা অদুগা মৈগী বিল লাকপগী মহুত্তা মৈগী শেল ওইনা ফংবা হায়বসিগী ৱাখল খনবীখিবা লৈরবরা। সোলার এনর্জীনা, মসি ঐখোয়দা উৎপীরবনি। মতম খরগী মমাংদা লৈবাকসিগী অহানবা সু্র্জগ্রাম- গুজরাত্তা লৈবা মোধেরাগী মতাংদা ৱারি তাবীরম্লগনি। মোধেরা সুর্জগ্রামগী য়ুম অয়াম্বা সোলার পাৱরনা মৈ পুথোক্লি। মফমদুগী য়ুমশিংদা থা লোইরকপদা মৈগী বিল লাকখিদ্রে। মৈদগী ফংলকপা শেল ওইনা থুংলরে। মসি উবদা লৈবাকসিগী খুঙ্গং কয়াগী মীওই কয়ানা চিথি ইবীরক্তুনা মখোয়গী খুঙ্গংশিং অদুবু সুর্জগ্রামদা ওন্থোকপীয়ু হায়বিরক্লে। হায়বদি,  ভারত্তা সুর্জগ্রাম শেমগৎপসিদা মীয়ামগী অচৌবা খোংজং অমা ওইররগনি হায়বসি তাক্লে অদুগা মোধেরা খুঙ্গংগী মীওইশিংনদি মসি হৌদোকখ্রবনি।

‘মন কী বাত’ তাবীরিবশিংবু, মোধেরাগী খুঙ্গংগী মীওইশিংগা উনজহনগে। ফোনলাইনদা হৌজিক লৈবীরিবসি শ্রীমান বিপিনভাই পতেলনি।

পর্ধান মন্ত্রী :- খুরুমজরি, বিপিনভাই। হৌজিক্কী মোধেরাসি লৈবাক পুমবগী মোদেল ওইনা ময়াম্না হায়নরে। অদুবু অদোমগী মরি-মতা শকখঙ-মাইখঙনবশিংনা হংবীরকপা মতমদা করি করি হায়না পাউদম্বীবগে, করি করি কান্নরবগে?

বিপিনজি :- সার, ময়াম্না হংবীরকপদা, ঐনা খুমজবসি, মৈগী বিল মহৌশা লাক্লম্বদু হৌজিক্তি জিরো ওইনা লাক্লে অদুগা করিগুম্বদা লুপা ৭০দং লাকপসু য়াওই অদুগা ঐখোয়গী খুল পুম্বদা লৈরিবা শেনমিৎলোনগী ফিভমদি য়াম্না ফগৎলে।

প্রধান মন্ত্রী:- হায়বদি, অমরোমদা হায়বা তারগদি মৈগী বিলগীদমক ৱানিংঙাই লৈত্রে!

বিপিনজি:- অহোই সার, য়াম্না চুম্বা ৱাফম্নি সার। খুল পুম্বসিদা হৌজিক্তি তেন্সন অমত্তা লৈত্রে। সারনা পাংথোকপীরিবসি য়াম্নমক ফৈ হায়না ময়াম পুম্নমক্না হায়নরি। মীপুম খুদিংমক্না হরাওনরে।

প্রধান মন্ত্রী:- হৌজিক্তি ইশাগী য়ুমদা মৈগী মপু ওইবা ঙমজরে। মৈ পুথোকচরে।

বিপিনজি:- অহোই সার, অচুম্বনি।

প্রধান মন্ত্রী:- অদুদি লাক্লিবা অওনবা অসিদা, খুঙ্গংগী মীওইশিং অসিদা করি ফাওবগে তম্বীয়ু?

বিপিনজি:- সার, খুলগী মীওই পুম্বনা উরিবা লৌসিদা, মৈগী খুদোংচাদবা লৈরম্বদু কোকখ্রে। মৈগী বিল তিংলরোইদবনিনা অৱাদুসু লৈত্রে, সার।

প্রধান মন্ত্রী:- হায়বদি, মৈগী বিল য়াওদনা খুদোংচাবা হেনগৎলে হায়বীবনি।

বিপিনজি:- খুদোংচাদবা লৈত্রে সার অদুগা সারনা লেংবীরক্লম্বা মতমদা থ্রি. দি. শো হাংদোকপীরম্বা অদুনা মোধেরা খুঙ্গংগী ওইনদি, থোইদোক্না ফজবা হেনগৎলে অদুগা সেক্রেতরী অমা লেংবীরক্লম্বদো সার...

প্রধান মন্ত্রী:- হোই, হোই...

বিপিনজি:- অদুনা ঐখোয়গী খুঙ্গং অসি মমিং চৎলে সার।

প্রধান মন্ত্রী:- হোই, য়ু.এন.গী সেক্রেতরী জেনরেল মহাক মশামক্কী অপাম্বনি মদু। মহাক্না ঐঙোন্দা অদুক চাউবা থবক অমা পাংথোক্লিবদু, ঐহাকসু মফম অদুদা য়েংগে হায়না হায়বীরকপনি।

প্রধান মন্ত্রী:-বিপিনভাইবু অমদি অদোমগী খুঙ্গংগী মীওই পুম্নমকপু ঐহাক ইশাগী মাইকৈদগী য়াইফ-পাউজেল পীজরি অদুগা মালেম অসিনা অদোমদগী লৌবা ওইসনু লোইননা অসিগুম্বা সোলার এনর্জী মিসন অসি য়ুমথোং খুদিং য়াৌরসনু।

বিপিনজি:- অচুম্বনি সার। ঐহাক্না ময়ামদা সোলার পান্নবা ইশাগী শেনফম্না ওইরগসু শোইদনা পানবীয়ু, য়াম্না কান্নৈ হায়জগনি।

প্রধান মন্ত্রী:- ময়ামদা খঙহনবীয়ু। য়াইফ-পাউজেল পীজরি। থাগৎচরি!

বিপিনজি:- থেঙ্ক য়ু সার, অদোমগা ৱারি শাবা ফংজবা ঐগী পুনশিসি মহৈ য়ানবা ফংজরবনি।

প্রধান মন্ত্রী:- বিপিন ভাইবু হন্না হন্না থাগৎচরি।

হৌজিক অমুক মোধেরা খুঙ্গংদা লৈবা ইচল ৱর্শাগা ৱারি শানরসি।

ৱর্শাবেন:- হেলো! নমস্তে সার!

প্রধান মন্ত্রী:- নমস্তে-নমস্তে ৱর্শাবেন। অদোম কমদৌরি।

ৱর্শাবেন:- নুংঙাইজরি সার। অদোমদি কমদৌবীরি?

প্রধান মন্ত্রী:- ঐহাকসু য়াম্না নুংঙাইজরি।

ৱর্শাবেন:- অদোমগা ৱারি শানবা ফংবসি য়াম্নমক লাইবক ফবনি ঐআক্কী।

প্রধান মন্ত্রী:- অশেংবরনে ৱর্শাবেন!

ৱর্শাবেন:- অশেংবনে সার।

প্রধান মন্ত্রী:- অদোম মোধেরাগী লানমীগী ইমুং অমগী মীওইনি। নত্রা?

ৱর্শাবেন:- মানে সার। এক্স আর্মীমেনগী লোইনবীনি।

প্রধান মন্ত্রী:- অদুদি, হিন্দুস্তানগী করম করম্বা মফমদা চৎপগী খুদোংচাবা ফংখ্রে?

ৱর্শাবেন:- রাজস্থান, গান্ধিনাগর, কচরা কানঝোর জম্মু হায়রিবা মফমশিং অসিদা ঐহাক লৈজরুরে। মফমশিং অসিদা খুদোংচাবা কয়া অমসু ফংখি।

প্রধান মন্ত্রী:- ফোনদা ৱারি শানবা অসিদা অদোম হিন্দি ফজনা ঙাংই।

ৱর্শাবেন:- ঐহাক হিন্দি তমজরকই সার।

প্রধান মন্ত্রী:- মোধেরাদা অহোংবা ময়াম অমা লাকই। অদোম্না সোলার রুফতোপ প্লানসু থম্লে। হান্নদি অদোম মসিগী মতাংদা মীনা ঙাংনবদা করিনো হায়না খল্লগনি। মসিদগী মৈ করম্না ফংগদৌরিবনো? করিনো তৌরিবসে হায়না পুক্নিংদা ফাওরমগনি। হৌজিক করম তৌরে? মদুদগী করি কান্নবা ফংলে?

ৱর্শাবেন:- কান্নবগী কান্নবা ঙাক্তনি সার। ঐখোয়গী খুঙ্গং অসিদা অদোম্না মরম ওইরগা নুমিৎ খুদিংগী দিৱালি পাংথোকই। পুং ২৪ মৈ ফংলে। বিলদি শুংলাক লাক্ত্রে হায়বা য়াই! ঐখোয়গী য়ুমদা ইলেক্ত্রিক্না শিজিন্নবা পোৎশক কয়া অমসু লৈরি। বিল লাক্ত্রবনিনা চিংনবা লৈতনা শিজিন্নরে। পুম্নমক অসি অদোমগী থৌজালননি।

প্রধান মন্ত্রী:- অদুদি অদোম বারিবমখৈ ইলেক্ত্রিক্না মহুৎ শিল্লগে হায়না খল্লে।

ৱর্শাবেন:-অহোই সার! হৌজিক্তি খুদোংচদবা করিসু থেংনদ্রে, ৱাশিং মেছিন, এ.সি., ময়াম অসি চিংনবা লৈতনা শিজিন্নরে।

প্রধান মন্ত্রী:- মসিনা অদোমগী খুঙ্গংগী মীওইশিংসু হরাওনব্রা?

ৱর্শাবেন:- অহোই সার, য়াম্নমক হরাওজৈ।

প্রধান মন্ত্রী:- অদোমগী ইপুরোইবদি, মফম অদুগী সু্র্জা মন্দিরদা থবক তৌরি। মফমদুদা লাইৎ শো তৌদুনা অচৌবা ইভেন্ত অমা তৌবদুদা, মালেম শিনবগী মীথুং কয়া লাক্লমগনি।

ৱর্শাবেন:- ফোরেনর কয়া অমা লাকএ সার। অদোম্না ঐখোয়গী খুঙ্গং অসি মালেম শিনবা থুংনা মমিং চৎহল্লে।

প্রধান মন্ত্রী:- অদুদি, হৌজিক অদোমগী ইপুরোইবদি থবক য়াম্না চিল্লম্লগনি। মীথুং কয়া অমা মফম অদুদা য়েংবা লাক্লবনিনা।

ৱর্শাবেন:- থবক চিনবগীদি চিনজসনুদা সার। করিসু কাইবা লৈতে, অদোম্না ঐখোয়গী খুঙ্গং অসে চাউখৎহনবীয়ু।

প্রধান মন্ত্রী:- ঐখোয়  পুন্না খুঙ্গং চাউখৎনবা হোৎনমিন্নগদবনি।

ৱর্শাবেন:- হোই সার। ঐখোয় ময়াম অদোমগীদমক্তা লৈজরি।

প্রধান মন্ত্রী:- ঐনা মোধেরা খুঙ্গংগী মীওইশিংবু থাগৎচরি। মখোয়না থৌরাং অসি তরম্না ওকখি। লোইননা, য়ুম য়ুমদা মৈ শুংবা য়াই হায়বসি থাজরে।

ৱর্শাবেন:- পুং ২৪ মৈ লাকএ! ঐখোয় য়াম্না নুংঙাইজৈ সার।

প্রধান মন্ত্রী:- ঐহাক্না অদোম্বু য়াইফ-মঙ্গোল পীজরি। লেমহৌবা শেলনা অঙাংশিং শেম্বদা শিজিন্নবীয়ু। শেলশিং অফবদা শিজিন্নরবদি পুনশিদা কান্নবা য়াম্না ফংগনি। অমুক হন্না য়াইফ-মঙ্গোল পীজরি। মোধেরাগী মীওই খুদিংমকপু খুরুমজরি!

মরুপশিং ৱর্শাবেন অমসুং বিপিননা হায়খিবশিং অসি লৈবাক পুম্বগী খুঙ্গং অমসুং শহর পুম্নমক্কীদমক্তা ইনোৎ অমা ওইরগনি। মোধেরাদা ওইখ্রিবা অসি লৈবাক পুম্বদা ওইহনবা য়াই। নুমিৎকী মঙালনা পৈশা চৎহল্লোরোই লোইননা ইনকমসু হেনগৎহল্লগনি। জম্মু কাস্মিরগী শ্রিনাগরগী মরুপ মঞ্জুর অহমদ লার্হৱাল, কাস্মিরদা য়াম্না ইংবনা মরম ওইরগা ইলেক্ত্রিক্তা পৈশা য়াম্না চৎলি। মসিনা মরম ওইরগা, মঞ্জুরগী ইলেক্ত্রিক বিল লুপা লিশিং ৪ হেন্না তাখি। মহাক্না য়ুমদা সোলার রুফতোপ প্লান হাপ্পদগী মহাক্কী মৈগী তঙখাই হেন্না হন্থরে। মতৌ অসুম্না ওরিশাগী ইচানুপী কুন্নিদিওরি, সোলার এনর্জী অসিনা মশাগী অমসুং অতোপ্পা নুপী ময়ামগী শেন তানবগী পম্বৈ ওইহল্লি। কুন্নি ওরিশাগী কেন্দুঝার দিস্ত্রিক্তকী কার্দরপাল খুঙ্গংদা লে। মহাক্না অদিৱাসি নুপীশিংবু সোলারগী মতেংনা শিজিন্নবা রীলিং মেছিনদা সিল্ক ককপগী ত্রেনিং পী। সোলার মেছিন্না মরম ওইরগা, আদিৱাসি নুপীশিংদা ইলেক্ত্রিক বিলগী অৱাবা লৈহন্দ্রে। লোইননা মখোয়না শেল তানবসু ঙমজরে। মসি সুর্জদেবগী সোলার এনর্জীগী বোরনি। বোর অমসুং প্রসাদ চাউরিবমখৈ কান্নৈ। মরম অসিনা ঐহাক্না ময়াম পুম্নমক্তা হায়জরি, অদোম মসিদা পুক্নিং চংবীয়ু লোইননা অতোপ্পশিংগী পুক্নিংসু চিংশিনবীয়ু।

ল্লি।

ঐগী নুংশিজরবা ইরৈবাকচাশিং, ঐহাক্না নুমিৎকী মতাংদা ৱাফম থম্লম্লি। হৌজিক স্পেসকী মতাংদা অমুক হায়জগে। মরমদি হৌজিক ঐখোয়গী লৈবাক অসি সোলার সেক্তর খক্তা নত্তা স্পেস সেক্তরদসু খুআং য়াম্না চাউশিল্লে। মালেম পুম্বনা ভারতকী এচীবমেন্ত উবদা ঙক্নরি। মন কী বাত থৌরম অসিদা পাউ অসি তম্লগা ৱাখল নুংঙাইবা পোকহনগে হায়না খঞ্জবনি।

মরুপশিং, নুমিৎ খরগী মমাংদা, ভারতনা অমুক্তদা সেতলাইৎ ৩৬ শুন্দ্রংদা থাগৎখিবদু খঙবীরম্লগনি। দিৱালি নোংমা ৱাৎলিঙৈদা ফংখিবা মাইপাকপা অসি ঐখোয়গী নহাশিংনা লৈবাক অসিদা তম্বা স্পেসিয়ে দিৱালি গিফনি। লোঞ্চিং অসিনা কাশ্মিরদগী কন্যকুমারি, অমসুং কচতগী কোহিমা ফাওবা, লৈবাক শিনবা থুংনা দিজিতেল কনেক্তিবিতীবু হেন্না মপাঙ্গল কনখৎহল্লগনি। মসিনা মরম ওইরগা অথাপ্পা খুঙ্গং মফম কয়া, লৈবাক্কী অতোপ্পা মফমশিংগা শম্নহনবদা লাইরগনি। লৈবাক অমা মরোমদোম লেপচবা ঙম্লবদি, মাইপাকপগী পনখৈ মতোন লোম্মি হায়বসি, মসিনা খুদম অমা ওইরেখ ভারত্তা ক্রায়োজেনিক রোকেত তেক্নোলোজী পীয়ু য়াখিদবা মতম অদু ঙসি ৱারি শাবসিদা নৌহৌননা নিংশিংলকই। অদুবু ভারতকী সাইন্তিস্তশিং অসিনা ইশাগী ওইজবা তেক্নোলোজী চাউখৎহনবদা নত্তনা মসিগী মতেংনা সেতলাইৎ দর্জন দর্জন শুন্দ্রংদা থাগৎলি। লোঞ্চিং অসিনা  ভারত গলোবেল কমর্সিয়েল মার্কেত্তা অকনবা প্লেয়র অমা ওইদুনা খোংদারবনি। শুন্দ্রংগী লম অসিদা ভারতকীদমক্তা অনৌ-অনৌবা কান্নরবা থোং কয়া হাংলে।

মরুপশিং, চাউখৎপা ভারত অমগী মঙলান অমগা লোইননা মাংলোমদা চংশিল্লিবা ঐখোয়গী লৈবাক্না, মীয়ামগী হোৎনজমন্না  পান্দম অসি ফংবা ঙমগদৌরিবনি। স্পেস সেক্তর অসি ভারতকী ওইনদি, সরকারনা শিল লাংবগী মনুং চন্না লৈরম্মি। ভারতকী নহাশিং অমদি লনাই সেক্তরশিংগীদমক্তা স্পেস সেক্তরশিং অসি হাংদোকখিবগা লোইননা সেক্তর অসিদা অখন্নবা অচৌবা অহোংবা অমা লাকপা হৌরে। সেক্তর অসিদা ভারতকী ইনদ্সত্রীশিং অমসুং স্তার্তঅপশিংনা অনৌবা-অনৌবা ইন্নোবেশনগা ইরোইননা তেক্নোলোজী কয়া অমা পুশিল্লক্নবা লেপ্পা লৈতনা হোৎনরি। মরু ওইনা ইনস্পেসকী মতেংনা সেক্তর অসিদা থৌইদোক-হে্দোক্না অহোংবা পুরক্কদৌরি।

সরকারগী কমপনী নত্তবশিংগী পেলোদ অমদি সেতলাইৎ লোঞ্চকী খুদোংচাবসু ইনস্পেসনা ফংহল্লি। স্পেস সেক্তরদা ভারতনা হৌদোক্লিবা অচৌবা খুদোংচাবশিং অসিগী মপুং ফানা কান্নবা লৌহৌনবা স্তার্তঅপ অমদি ইন্নোভেতরশিংদা ঐহাক্না অখন্ননা পুক্নিং চিংশিঞ্জরি।

ঐগী নুংশিজরবা ইরৈবাকচাশিং, মহৈরোইগী মতাংদা ৱাফম খরা পুখৎলকপা মতমদা, নহাশিংগী পাঙ্গল শক্তি, লুচিংবগী শক্তি, ৱাফম অসি হেক খন্নবা মতমদা, ঐখোয়গী পুক্নিং ৱাখলদা মমাংঙৈদগী চৎনরকপা অমকপা ৱাখলগা ইরোইনবা থাজনবি কয়া অমা নিংশিংলকই। স্তুদেন্ত পাৱর হায়রবদি, স্তুদেন্ত ওর্গনাইজেশনশিংগী মীখলগা হেক্তমক শমজিন্নদুনা অখুবা মিৎয়েং অমগী মনুংদা য়েংলম্মি। অদুবু স্তুদেন্ত পাৱর হায়বসি, ভারতপু হেন্না মপাঙ্গল কলহল্লিবনি। মিৎয়েং শাল্লি, য়াম্নমক চাউই। ঙসিগী নহাশিংনা, ঙসিগী ভারতপু ২০৪৭ ফাওবা পুদুনা চৎকদৌরিবনি। ভারতনা চহি চামা শুবগী হরাওবা ফোংদোকপা মতমদা, নহাশিংগী পাঙ্গল শক্তি, মখোয়গী হোৎনজমন, মখোয়গী হুমাংনা, মখোয়গী হৈজ-শিংজবা ময়াম অসিনা ভারতনা ঙসি শাগৎচরিবা মঙলান অদুবু পন্ধোম লোম্না, মনিং তমহনগদৌরিবনি। মঙফাওনহনগদৌরিবনি। ঐখোয়গী নহাশিংনা অমত্তা ওইনা হোৎনদুনা নেসন বিল্দিংগীদমক্তা চুংশিন্নবসি উবদা, ঐঙোন্দা অচেৎপা থাজবা অমা পীররে। হেকাথোনশিংদা, ঐখোয়গী নহাশিংনা প্রোব্লেম সোল্ব তৌরিবা মতৌ, অহিং কয়া তুমদনা, পুংজা কয়া কয়া থবক সুবা, মসি ময়ামসিনা থৌনা পীনবা মরম অমা ওইরি। মমাংগী চহি কয়াদা পাংথোকখিবা, হেকাথোনশিংদা নহা লাখ কয়ানা পুন্না শিংনবা কয়া, মাইপাক্না মায়োক্নখি। লোইননা, অনৌ অনৌবা সোল্যুশন কয়া অমা লৈবাক অসিদা পীখি।

মরুপশিং, অদোম নিংশিংবীরমগনি, লাল কিলাদগী ঐহাক্না ‘জয় অনুসান্ধান’ খোল্লাও অসি হৌদোকচখিবনি। হন্দক্কী দিকেদ অসি অসি ভারতকী তেকেদ শেম্বগী ৱাফমসু পঞ্জখিবনি। মসিগী মরু ওইবা থৌদাং পুরিবসি, আই.আই.তি.গী মহৈরোইশিংনা পুরি হায়না খঙজবদা, ঐহাক য়াম্না হরাওবা ফাওজৈ। আই.আই.তি. ২৩ মুক্না মখোয়গী ইন্নোভেশন অমসুং রিসর্চ প্রোজেক্তশিং মীয়ামদা উৎনবা অহানবা ওইনা প্লেতফোর্ম অমদা থাসিগী ১৪-১৫দা পুন্না থোরকখি। মেলা অসিদা, লৈবাক শিনবা থুংবদগী খনগৎলবা মহৈরোই অমদি রিসর্চরশিংনা প্রোজেক্ত ৭৫ এনবা নিংথিজনা উৎখি। হেল্থকিয়র, এগ্রিকলচর, রোবোতিক্স, সেমিকন্দক্তর, ৫জি. কম্যুনিকেশনশিং অসিগুম্লবা হিরম কয়া অসিদা য়ুমফম ওইবা প্রোজেক্ত কয়া শেমখি। প্রোজেক্তশিং অদু লোইনমক শিংথানিংঙাই ওইখি। তৌইগুম্বশুং প্রোজেক্ত খরদা ঐহাক্না মীয়ামগী পুক্নিং চিংশিনবা পাম্মি। মদুদি আই.্ই.তি ভুবনেশ্বরগী তীম্না পোকপদা ঙাইরিবা অঙাংশিংগীদমক্তা পোর্তেবল ভেন্তিলেতর শাগৎখি। মসি বাতরীগী মতেংনা শিজিন্নবা য়াই। অথাপ্পা লমশিং, মনুং হুঞ্জিন্না লৈবাক মফমশিংদসু অরাইবা ম্ংদা শিজিন্নবা য়াই। অঙাং কয়া মতম ৱাৎলিঙৈদা তাইবংপাল ফাওরকপা অঙাংশিংগী পুনশি কনবদা অচৌবা মতেং ওইগদৌরি। ইলেক্ত্রিক মোবিলিতীবু ওইরো, দ্রোন তেক্নোলোজীবু ওইরো, লোইননা ৫জি. ওইসু ঐখোয়গী সেক্তর কয়া অমনা হিরমশিং অসিগা মরি লেনবা তেক্নোলোজীশিং শেমগৎনবা কন্না হোৎনরি। আই.আই.তি খরনা পুল্লগা, লম লমগী লোনশিং অদুবু অরাইবা মওংদা তম্নবা, মল্তিলিংগুৱাল প্রোজেক্ত শেম্নবা হোৎনরি।

প্রোজেক্ত অসিনা ন্যু এজুকেশন পোলিসীগী পান্দমশিং অদু ফংনবা মতেংশু ওইগনি। আই.আই.তি. মদ্রাস অমদি আই.আই.তি. কানপুরনা ভারতকী মশাগী ৫জি. তেস্ত বেদ অসি শেমগৎনবা হোৎনবদা মাংজিল থানা অখন্নবা থৌদাং লৌরি। অসিগুম্লবা শিংথানিংঙাই ওইরবা থৌওং কয়া অমসু উরকখিগনি হায়গী থাজবা থমজরি। আই.আই.তি.গী থৌদাংশিং অসিদগী অতোপ্পা লোইশঙশিংদসু ইথিল ফংদুনা চাউখৎ-খোংথাংগী লম্বিদা হেন্না খুমাং য়াংনা চংশিনগনি হায়না আশা তৌরি।

নুংশিজরবা ঐগী ইরৈবাকচাশিং, অকোইবগী ফিভমগী, ঐখোয়গী খুনাইদা মরু ওইবা ৱাফম অমা লৈরি। মসিগী অকোইবদা অদুমক উবা ফংই। লৈবাক অসিদা এনভাইরনমেন্ত কন্নবা পুনশি কত্থোকপা মীওইশিংগী অৱাৎপা লৈতে।

কর্নাতকাগী বেঙ্গলুরুদা লৈবা সুরেশ কুমারদগীসু ঐখোয়না য়াম্না তমজবা য়াই। মহৌশা ইমা অমদি অকোইবগী ফিভমবু কন্ননবা মহাক্কী মফদা অঙকপা ফংনা থৌনা য়াওই। চহি ২০ মমাংদা শহরগী সহাকারনাগরগী জঙ্গল অমবু অমুক্কা হন্না অশং-অমান্না থল্লবা মফম অমা ওইন্নবা অচৌবা থৌদাং অদু লৌখৎখি। থৌদাং অসি অরাইবা অমদি নৎখিদে। চহি ২০ মমাংদা থাখিবা পাম্বিশিং অদু ঙসিদি, ফিত ৪০-৪০ হেন্না ৱাংবা অচৌবা উজাও ওইরে। মফম অদুগী মীয়াম্নসু চাউথোকচনিংঙাই ওইরি। সুরেশ কুমারনা অঙকপা থবক অমসু পাংথোকখি, কনারা অমদি সংস্কৃত চাউখৎনবা সহাকারনাগরদা বস শেল্তর অমা শাখ্রে। মীয়াম কয়া অমদা কনারা ইবা শেঞ্জেংগী প্লেতশিং মহাক্না খুদোল তমখ্রেল ইকোলোজীগা লোইননা কলচরসু পুন্না চাউখৎমিন্নবা কয়াদা ৱাংলবা ৱাখল্লোন্না অদোমসু অমুক্তা খন্দুনা য়েংবীয়ু।

মরুপশিং, ঙসি ইকো ফ্রেনলী লিবিং অমদি ইকো ফ্রেনলী প্রোদক্তশিংগী মরমদা মীয়ামদা মমাংদগী হেন্না খঙনরকপা থেংনজরে। অসিগুম্লবা নুংঙাইরবা হোৎনজমন অমা তামিল নাদুদগী তাবা ফংলে। শিংথানিংঙাই ওইরবা হোৎনজমন অসি কোইম্বতোরগী এনাইকত্তিদা লৈবা অদিৱাসি নুপীশিংগী তীম্না উৎলকখি। নুপীশিং অসিনা মপান্দা থাদোকখিনবা ইকো ফ্রেনলী ওইবা তেরাকোতা কপ লিশিং ১০ শাখি। থোইনা হেন্না নুংঙাইরিবদি তেরাকোতা কপশিং অসি শানবগী থৌদাং অসি নুপীশিং অসিনা মশানা লৌজখিবনি। ক্লে তোৎপদগী হৌরগা অরোইবগী পেকেজিং পুম্বা মখোয় মশানা তৌজখি। মসিগীদমক্তা মখোয়না ত্রেনিং লৌখিবসু লৈতে। অঙকপা থৌদোক অসিগীদমক্তা থাগৎ ৱাহৈ ফোংদোকপা লোইবা নাইররোই।

মরুপশিং, ত্রিপুরাগী খুঙ্গং খরনসু অফবা পরা কয়া অমা তম্বীরি। বায়ো-ভিলেজকী মতাংদা অদোম শোইদনা তাবীরম্লগনি অদুবু ত্রিপুরাদি বায়ো-ভিলেজ অদুগী কৈরাক কাখ্রবনি। বায়ো-ভিলেজ অদুদা নেচরেল দিজাস্তর হায়বদি মহৌশানা থোকহনবা অমাং-অতাসি বারিবমখৈ করম্না হন্থহনবা য়াই হায়বগী মতাংদা হেন্না লৌশিং লৈনবা অখন্নবা মিৎয়েং চংলি। মসিদা তোঙান-তোঙানবা মওংদা মীয়ামগী পুনশি মহিংবু হেন্না ফগৎহন্নবা হোৎনরি। সোলার এনর্জী, বায়োগ্যাস, বী কীপিং অমসুং বায়ো ফর্তিলাইজরশিংদা অখন্নবা ফোকস থম্লি। মপুং ওইনা য়েংলবদা ঈশিং-নুংশিৎকী হোংলক্লিবা ফিভম অসি ময়োক্তা চংশিনবা খোংজং অসি বায়ো-ভিলেজ অদুদা য়াম্না লুম্না লৌগদৌরি। এনভাইরনমেন্তবু কন্নবা মফম খুদিংমক্তগী উৎলক্লিবা থাৱাই য়াওবা অসি উজবদা ঐহাক্না য়াম্না নুংঙাইবা ফাওই। নুমিৎ খরনিগী মমাংদা অকোইবগী ফিভম ঙাক-শেন্দুনা থম্নবা পান্দমদা কত্থোক্লবা মিসন লাইফ হৌদোকখ্রে। মিসন লাইফকী অমত্তা ওইরবা চপ য়ুংলবা পান্দমদি, অকোইবগী ফিভমবু শোকহল্লোইদবা পুনশি মহিংবু পুক্নিং থৌগৎপা অসিনি। মীয়ামদা ঐহাক্না থমজনিংবা ৱাফমদি, অদোমসু মিসন লাইফপু খঙবীয়ু, মসিবু শাগোন্ননা হিংনবা হোৎনবীয়ু।

মরুপশিং, হয়েং ওক্তোবরগী তাং ৩১ অসি রাস্ত্র এক্তা দিৱসনি, সরদার বাল্ববভাই পতেলগী মপোক নুমিৎনি। নুমিৎ অসিদা লৈবাক অসিগী রন ফোর য়ুনিতী হায়না লৈবাক শিনবা থুংনা থৌরম পাংথোক্লি। লমজেলসিনা ভারতকী অমত্তা ওইবগী লিপুনসিবু হেন্না চেৎশিলহল্লি। ঐখোয়গী নহাশিংদা থৌউনশিন পীবীরি। নুমিৎ খরনিগী মমাংদা অসিগুম্বা মখলগী ৱাখল্লোন অসি ঐখোয়গী নেস্নেল গেম্সকী মতমদা উবা ফংখি। ‘জুরেগা  ইন্দিয়া তো জিতেগা ইন্দিয়া’ হায়বা থীমসিগা লোইননা নস্নেল গেম্স অসিনা অমত্তা ওইবগী পাউজেল পীবগুম ভারতকী শান্নবগী মনাৎপুসু ইনোৎ পীরি। ভারত্তা পাংথোকপা নেস্নেল গেম্সশিংগী মনুংদা হন্দক্কীসিনা খ্বাইদগী চাউনা শিনবানে হায়বদা য়াম্না নুংঙাইগনি হায়না খঞ্জৈ। মসিদা মশান্না ৩৬ য়াওরি। হায়রিবশিংসিগী মনুংদা ৭ অমনা অনৌবনি অদুগা ২ অমনা ইরমদমগী কমপিতিশন ওইরিবা য়োগাশন অমসুং মল্লখম্বশু য়াওরি। গোল্দ মেদল ফংলকখিবশিং অদুগী মনুংদা মাংজিল থারিবা তীম অহুম অদুদি, সার্বিসেসকী তীম, মহারাস্ত্র অমসুং হরিয়ানাগী তীম্নি। মশান্নশিং অসিদা নেস্নেল রেকোর্দ ৬ অদুগা চাউরাক্না নেস্নেল গেম রেকোর্দ ৬০ অমসু থমখি। ঐহাক্না মেদল ফংলকপশিং, অনৌবা রেকোর্দ থম্লকপশিং, কমপিতিশন অসিদা শরুক য়ারুবা শান্নরোইশিংবু হন্না হন্না য়াইফ-পাউজেল পীজরি। ঐহাক্না হায়রিবা শান্নরোইশিং অসিগী তুংগী পুনশিদা হেন্না মাইপাকপা ওইননবা নিজরি।

মরুপশিং, গুজরাতকী নেস্নেল গেম্স মপুং ফানা পাংথোক্নবা হোৎনবদা শরুক য়ারিবশিংবু ঐহাক্না থমোই শেংনা থাগৎপা ফোংদোকচরি। গুজরাত্তদি, নেস্নেল গেম্সসি নৱরাত্রি মনুংদা তাখি। শান্নবা অসি শিল-লাংদ্রিঙৈগী মমাংদা ঐগী পুক্নিংদা ফাওজখিবদি, মতমসিদি গুজরাত পুম্বসি কুম্মৈদা লুপ্পা মতম্নি। ময়াম্না শান্নবগী নুংঙাইবসি করম্না শরুক য়াবা ঙমগদগে হায়বসিনি। অমরোমদা অসুক চাউখ্রবা থৌরাং, অদুগা অমরোমদনা নৱরাত্রিগী গর্বানচিংবগী থৌরাং, অসুক য়ামখ্রবা থবকশিং অসি গুজরাতনা অমুক্তদা করম্না পাংথোক্কদগে। অদুবু গুজরাতকী মীওইশিংনা মীথুং পুম্ববু পেলহনখি। অহমেদাবাত্তা নেস্নেল গেম্স চত্থরিঙৈ, কালা শান্নবা অমদি নাতকী চুংশিন্নবা অদুনা নুংঙাইবগী ঈথক হৌহনখি। শান্নরোইশিংনা নুংথিলগী মতমদা শান্নবদা শরুক য়ারুরবসু, নুমিদাংৱাইরম গর্বা অমদি দান্দিয়াগী নুংঙাইবদা লুপখি। মখোয়না গুজরাতকী চিঞ্জাকশিং অমদি নৱরাত্রিগী ফোতোশিং সোসিয়েল মেদিয়াদা শেয়র তৌখি। মসি উবদা ঐখোয় পুম্নমক্তা নুঙঙাইবা ফাওহল্লি। মশান্নশিংসিনা ভারতকী ফজখ্রবা নাতকী মরমদা খঙহল্লি। মসিনা ‘এক ভারত-শ্রেস্থ ভারত’কী ৱাখল্লোনবু হেন্না চেৎশিনহল্লি।

ঐগী নুংশিজরবা ইরৈবাকচাশিং, নবেম্বরগী তাং ১৫ অসি ঐখোয়গী লৈবাক্তা জনজাতিয়া গৌরৱ দিৱস পাংথোক্লগনি। হৌখিবা চহিদা ভগৱান বির্সা মুন্দাগী মপোক নুমিত্তা অদিৱাসিশিংগী এরিতেজ অমসুং চাউথোকচনিংঙাই ওইবশিং সেলেব্রেত তৌননবা পাংথোকপা হৌখি। ভগৱান বির্সা মুন্দা তেল্লবা পুনশিদা, অংগ্রেজ য়াথংগী মায়োক্তা মীওই লাখ কয়াবু অমত্তা ওইনা পুনশিনখি। মহাক্না ভারতকী নিংতম্বা অমদি আদিৱাসি হেরিতেজপু কন্নবগীদমক মশাগী পুনশিবু কত্থোকখি। অসুম্না  ধর্তি অবা মুন্দাদগী তম্বা য়াবা ময়াম অমা লৈরি। ধর্তি অবানা হায়বীরম্মি, ‘লৈবাক অসি ঐখোয়গীনি, ঐখোয়না মসিবু ঙক্লিবনি’। ঐখোয়গী আদিৱাসি নাতসি শুংকাও-কাওরোইদবনি। আদিৱাসিশিংগী কনাইদগী মহৌশা অমদি অকোইবগী ফিভমদা তম্বা ময়াম অমা লৈরি হায়বসিগী অচেৎপা ৱাখল্লোন থম্বীরম্মি।

মরুপশিং, হৌখিবা চহিদা ভগৱান বির্সা মুন্দাগী জয়েন্তিগী থৌরমদা, ঐহাক রাঞ্চিদা ভগৱান বির্সা মুন্দা ম্যুজিয়ম হাংদোকপগী লাইবক ফবা অদু ফংজখি। ঐহাক্না নহাশিংদা হায়জনিংবদি, মতম ফংলবদি, ম্যুজিয়ম অসিবু বেংবা শোইদনা চৎপীয়ু। ঐনা মরুপশিংদা খঙহঞ্জনিংই, নবেম্বরগী তাং ১দা গুজরাত রাজস্থানগী বোর্দর মানগরদা লৈগনি। ভারতকী নিংতম লান অমদি ঐখোয়গী আদিৱাসি হেরিতেজতা মানগরনা থৌইদোকপা মফম অমা কনখিবনি। মফম অসিদা ১৯১৩গী নবেম্বরদা অকিবগী মশক ওইরবা লানফম অমা ওইখি। লানফম অদুদা অংগ্রেজশিংনা আদিৱাসিশিংবু মীহাৎ থিনা হাৎতোকপীখি। লানফমদুদা, আদিৱাসি লিশিংদগী হেনবনা থৱায় কৎখি হায়নৈ। অসিগুম্বা ঈহৌ অসিবু লুচিংখিবনা, গোবিন্দ গুরু জিনি, মহাক্কী মীওই পুম্ববু থৌউনশিন পীবনি। ঙসি ঐহাক্না অথৌবা আদিৱাসিশিং অমদি গোবিন্দ গুরু জিগী মফমদা কোক নোনজরি।

ঐগী নুংশিজরবা ইরৈবাকচাশিং, লাক্কদৌরিবা নবেম্বরগী ৮ অসি গুরুপুরবনি। গুরু নানক জিগী প্রকাশ পর্বা য়াম্না মরু ওইবদা নত্তনা, তমজনিংঙাই ওই। গুরু নানক দেব জিনা মপুন্সি চুপ্পা মীওইবা খুনাইগীদমক মঙাল পীবীখি। হৌখিবা চহি খরসিদা, লৈবাকসিনা গুরুশিংসিগী মঙালবু মীপুম খুদিং য়ৌহন্ননবা হোৎনরকখি। ঐখোয়না গুরু নানক জিগী ৫৫০শুবা প্রকাশ পর্বগী ইরৈবাক অমদি মীরৈবাক্তা পাকশন্না পাংথোক্ননবগী লাইবক ফবদু ফংজখি। দিকেদ কয়া ঙাইরবা মতুংদা, কর্তার্পুর সাহিব কোরিদোর শেম্বা হায়বসি ঐখোয়গী য়াম্না লাইবক ফবনি। মমাংদা ঐনা হেমকুন্দ সাহিবকী রোপৱেগী উরেপ-উয়ুং তম্বদুসু লাইবক ফদুনা ফংজখি। ঐখোয়না ঐখোয়গী গুরুশিংদগী ৱাখল্লোনশিং তমজগদবনি, ইকাই খুম্নগদবনি, মখোয়গীদমক মতম পুম্মক্তা কত্থোক্কদবনি। হিয়াঙ্গৈগী পুর্নিমা নুমিৎ অসিদা ঐখোয়না লাইফমশিং, তুরেলশিংদা ইরুজদুনা সেবা অমসুং দান তৌগদবনি। নুমিৎ অসিগীদমক ঐআক্না থমোই শেংনা য়াইফ-পাউজেল পীজরি। লাক্কদৌরিবা নুমিৎশিংসিদা রাজ্য অয়াম্বদা স্তেতহুদ দে পাংথোক্কদৌরি। অন্ধ্র প্রদেশনা মখোয়গী হৌদোকখিবা নুমিৎ পাংথোক্কদৌরি; করেলদনা পিরাৱি পাংথোক্কদৌরি। কর্নতকাদনা স্তেতহুদ দে পাংথোক্কদৌরি। মতৌ অসুম্না, মধ্য প্রদেশ, ছত্তিসগর অমসুং হরিয়ানাদসু মশাগী স্তেতহুদ নুমিৎ পাংথোক্কনি। ঐহাক্না পঞ্জরিবা রাজ্যশিং অসিবুসু য়াইফ-পাউজেল পীজরি। ঐখোয়গী রাজ্য খুদিংমক্তা অমনা অমগী মতেং পাংনদুনা পুন্না থবক শুমিন্নবগী স্পিরিত্তু কল্লিবমখৈ লৈবাক অসি হেন্না চাউখৎকনি। অসিগুম্বা ৱাখল্লোনশিং অসিনা মাংজিল থাগনি হায়না ঐহাক্না থাজৈ। ময়াম পুম্নমক্না ইশা-ইশাবু চেকশিনবীয়ু, হকচাং ফনা লৈবীয়ু। মথংগী ‘মন কী বাত’ ফাওবগীদমক কাইননবা য়াথং নিজরি। খুরমজরি, হন্না হন্না থাগৎচরি।

ঐহাক্কী নুংশিরবা লৈবাক মীয়াম, নমস্কার!

হৌখিবা নুমিৎ খরনিসিদা ঐখোয়গী পুক্নিং চিংশিনখিবা হীরমদি চীতাহনি। চীতাহগী মতাংদা থম্বা য়াবা ৱাফম কয়া লৈ। উত্তর প্রদেশকী অরুন কুমার গুপ্তা ওইরো, নত্ত্রগা তেলঙ্গানাগী এন. রামাচন্দ্রন রঘুরামজী ওইরো, গুজরাতকী রাজনজী ওইরো, নত্ত্রগা দিল্লীগী সুব্রতাজী ওইরো, লৈবাক শিনবা থুংবগী মীয়াম্না ভারত্তা চীতাহ অমুক হন্না হল্লকপদা নুংঙাইবা ফোংদোক্নরকখি। ভারত মচা করোর ১৩০না নুংঙাইবা ফাওনরি, চাউথোচরি; মসিনি ভারতকী মহৌশাবু নুংশিবগী মতৌ। হীরম অসিগী মতাংদা মীয়াম্না অমত্তা ওইনা হংনবা ৱাহং অমদি “মোদীজী, ঐখোয়না চীতাহ উবগী খুদোংচাবা করম্বা মতমদা ফংগনি?” হায়বসিনি।

মরূপশিং, তাস্ক ফোর্স অমা শেমখ্রে। তাস্ক ফোর্স অসিনা চীতাহশিংবু য়েংশিনগনি অমসুং ঐখোয়গী অকোয়বগী ফিভম অসিগা মখোয়না কয়া য়াম্না চুনবা ঙম্বগে হায়বসু য়েংশিনগনি। হীরম অসিদা য়ুম্ফম ওইরগা, থা খরগী মতুংদা ৱারেপ অমা লৌগনি অমসুং মদুদগী অদোম্না চীতাহ য়েংবা ফংগনি। মসিগীদমক্তা, মাইগোব প্লেতফোর্মদা কম্পিতিসন অমা শীনগনি, অমসুং ঐহাক্না মীয়াম্না অখন্নবা ৱাফম খরা শেয়র তৌবীনবা হায়গনি। ঐখোয়না চীতাহগী মতাংদা চত্থরিবা কেম্পেন অসিগী মমিং করি থোনসিগে? ঐখোয়না চীতাহশিং অসিগী মমিং লোইনমক থোন্সিরা...মখোয় অমমম্বু ঐখোয়না করি হায়না কৌসিগে? ফরে, মমিং থোনবগী মতৌ অসিনা ঐখোয়গী চৎনবী ওইরবদি, ঐখোয়গী খুন্নাই, চৎনবী, নাৎ অমসুং হেরিতেজকা ঐখোয়গা য়াম্না নক্নবনিনা, হায়রিবা থৌওং অসি য়াম্না অফবা থৌওং অমা ওইগনি। মসিদা নত্তনা, মীওইবনা শাশিংগা মতৌ করম্না লোয়নগদগে হায়বগী ৱাফমসু অদোম্না শেয়র তৌগদবনি। ঐখোয়গী ফন্দামেন্তেল দ্যুতীদা শাশিংবু ইকায় খুম্নবদা অহেনবা মিৎয়েং চঙলিবনি। ঐহাক্না মীয়াম খুদিংনা কম্পিতিসন অসিদা শরুক য়াবীয়ু হায়জরি। কনানা খঙগনি, মসিগী মনা ওইনা, অদোম্না চীতাহ উবা অহানবা মীওই ওইবসু য়াই। 

ঐহাক্কী নুংশিরবা লৈবাক মীয়াম, ঙসি, সেপ্তেম্বর ২৫ অসিবু শীংথানীংঙাই ওইরবা হ্যুমেনিস্ত, থিঙ্কর অমসুং লৈবাক্কী অসিগী অথোইবা মচা ওইরিবা দীন্দয়াল উপাধ্যায়জীগী মপোক নুমিৎ ওইনা পালন তৌনরি। লৈবাক অমগী নহাশিংনা মশাগী শক্তাক অমসুং ইকায় খুম্নবগী মতৌদা হেন্না চাউথোকচরিবমখৈ, মখোয়গী অশেংবা ৱাখল্লোন্না অমসুং ফিলোসোফীনা মখোয়গী পুক্নিং হেন্না চিংশিনগনি। দীন্দয়ালজীগী পুন্সিদা মহাক্না মালেমগী অকা অকুম কয়া উবা ফংখিবা অসিনা মহাক্কী ৱাখল্লোনগী খ্বাইদগী মশক থোকপা মতৌ ওইরিবনি। মহাক্না আইদিওলীজীগী ইহৌগী শাখি ওইখি। মসিনা মরম ওইরগা, মপুং ফানা ইন্দিয়ন ওইবা ‘একআত্মা মানবদর্শন’ অমসুং ‘অন্ত্যোদয়া’গী ৱাখল্লোনবু লৈবাক মীয়াম মাঙদা থমখ্রিবনি। দীন্দয়ালজীগী ‘একআত্মা মানবদর্শন’ হায়রিবা ৱাখল্লোন অসিদি আইদিওলোজীগী হীরমদা চয়েৎনবা অমসুং অচান মীরায় খায়বগী মতৌদগী নীংতম্বা ফংহনবা ৱাখল্লোন অমনি। মীওইবা খুদিংবু মান্নৈ হায়না খনবা ভারতকী ফিলোসোফীবু মহাক্না মালেম মাঙদা অমুক্কা হন্না থমখি। ঐখোয়গী স্কৃপচরশিংদা “আত্মাবত সর্বভুতেসু’ হায়না ইরম্মি। মসিনা হায়বদি, ঐখোয়না থৱাই পানবা খুদিংবু ঐখোয়গা মান্নৈ হায়না লৌগদবনি অমসুং মান্ননা লোয়নগদবনি হায়বনি। দীন্দয়ালজীনা ভারতকী ফিলোসোফীনা মালেম্বু মোদর্ন, সোসিএল অমসুং পোলিতিকেলগী মিৎয়েংদা মতৌ করম্না লমজিং লমতাকপা ঙম্মি হায়বা তাকপীরমখি। নীংতম্বা ফংলবা মতুংদা লৈবাক অসিদা লৈখিবা ইশানা ইশাবু হন্থনা খনবগী মতৌদগী নীংতম্বা ফংহন্দুনা মহাক্না ঐখোয়গী ইন্তেলেকচুএল কন্সিয়সনেস য়াকাইহনখি। মহাক্না অসুম্নসু তাকপীরম্মি, “ঐখোয়গী নীংতম্বনা ঐখোয়গী চৎনবী অমসুং শক্তাক করিনো ফোংদোক্লবা মতমদা ঐখোয়গী নীংতম্বগী তসেংবা ৱাহন্থোক লৈগনি”। ৱাখল্লোন অসিদা য়ুম্ফম ওইদুনা, মহাক্না লৈবাক চাউখৎপগী মিৎয়েং অমা শেম্লমখি। দীন্দয়াল উপাধ্যায়জীনা লৈবাক অমগী চাউখৎপগী চাং অসিদি খ্বাইদগী নেম্বা থাক্তা লৈবা মীওই অদুদগী ওনবা হৌগনি হায়রমখি।  নীংতম্বগী অমৃত মহোৎসব অসিদা, ঐখোয়না দীন্দয়ালজীবু হেন্না কুপ্না খঙলিবমখৈ, ঐখোয়না মহাক্কী মফমদগী তম্বা ফংখি, লৈবাক অসিবু হেন্না চাউখৎহন্নবা ঐখোয়না মহাক্কী মফমদগী ইথিল ফংখি।

ঐহাক্কী নুংশিরবা লৈবাক মীয়াম, নুমিৎ হুম্নিগী মতুংদা, হায়বদি, সেপ্তেম্বর ২৮ অসি অমৃত মহোৎসবকী অখন্নবা নুমিৎ ওইগনি। নুমিৎ অসিদা, ঐখোয়না ভারত ইমাগী অথৌবা মচা, ভগত সিংহজীগী মপোক কুমওন পাংথোক্কনি। ভগত সিংহগী মপোক কুমওনগী মমাংদা, মহাক্কী মফমদা ইকায় খুম্নবা উৎনবা য়াম্না মরু ওইবা ৱারেপ অমা লৌখ্রে। চন্দিগর এয়রপোর্তপু মহাক্কী মমিং লৌদুনা থোনবা হায়বা ৱারেপ অমা লৌখ্রে। মসিদি মতম কুইনদগী ঙাইদুনা লৈরক্লবা থৌওংনি। ঐহাক্না ৱারেপ অসিগীদমক্তা চন্দিগর, পঞ্জাব অমসুং হরিয়ানা অমসুং লৈবাক পুম্বগী মীয়াম্বু থাগৎলি। মরূপশিং, ঐখোয়না ঐখোয়গী লান্মীশিংগী মফমদগী ইথিল লৌরসি অমসুং মখোয়গী ৱাখল্লোনগী তুং ইন্দুনা মখোয়গী মঙলানগী ভারত শেম্লসি। মসিনা ঐখোয়না মখোয়বু ইকায় খুম্নবা ওইগনি। অথৌবশিংগী নীংশিং খুভম, মখোয়গী মমিং লৌদুনা মফম কয়া অমসুং ইন্সতিত্যুসনশিংগী মমিং থোনবনা ঐখোয়গী ইফমদা ইশাগী থৌদাং পাংথোক্নবা ইথিল পীরিবনি। নুমিৎ খরনিগী মমাংদা, লৈবাক অসিনা কর্তব্যা পাথতা নেতাজী সুভাস চন্দ্র বোসকী মীতম অমা খিন্দুনা মান্নবা থৌওং পাংথোকখি অমসুং চন্দিগর এয়রপোর্তপু শহীদ ভগত সিংহগী মমিং লৌদুনা থোনবসিনা মাইকৈ অসিদা থাংজিনবা অতোপ্পা খোঙথাং অমা ওইরগনি। অমৃত মহোৎসবকী মনুংদা, নীংতম লান্মীশিংগা মরী লৈনবা অখন্নবা থৌরম কয়া পাংথোক্লিবা অসিগা মান্ননা নহা খুদিংনা সেপ্তেম্বর ২৮দসু অনৌবা থৌওং অমা পাংথোক্নবা হোৎনহন্নীংই। মসিদা নত্তনা, ঐহাক্কী নুংশিরবা লৈবাক মীয়াম, সেপ্তেম্বর ২৮গী নুংঙাইবা ফোংদোকপগী অতোপ্পা মরম অমসু লৈ। মদু করিনো খঙবরা? ঐহাক্না ৱাহৈ অনিখক হায়গে, অদোম্না হেন্না থৱাই য়াওগনি হায়না ঐহাক্না খল্লি। ৱাহৈ অনিদুদি – সর্জিকেল স্ত্রাইক।

জোশ লাক্ত্রিবরা? ঐখোয়গী লৈবাক অসিদা হৌজিক চত্থরিবা অমৃত মহোৎসবকী কেম্পেন অসিবু থৱাই য়াওনা পাংথোকসি, ঐখোয়গী নুংঙাইবগী মতৌবু মীপুম খুদিংগা লান্নসি।

ঐহাক্কী নুংশিরবা লৈবাক মীয়াম, পুন্সিগী অৱাবা কয়া মাইয়োক্নবগী মতৌনা শেম শাবা মীওই অমগী মাঙদা অপনবা অয়েৎপা অমত্তা লেপ্পা ঙম্লোই হায়নবা লৈ। ঐখোয়গী নুংতিগী পুন্সিদা, ফিজিকেল ওইবা শিংনবা অমা নত্ত্রগা অমগা মাইয়োক্নবা মরুপ খরা ঐখোয়না অদুম থেংনৈ। তাবা ঙমদবা নত্ত্রগা ৱা ঙাঙদুনা মশাগী ৱাখল ফোংদোকপা ঙমদবা মীওই কয়া অমসু লৈরি। মখোয়গুম্বা মরুপশিংগী মফমদা খ্বাইদগী চাউনা তেংবাংলিবা অসিদি সাইন লেংগ্বেজনি। অদুবু, ভারতনা চহি কয়াদগী থেংনদুনা লাকপা শিংনবা অমদি, লৈবাক অসিদা সাইন লেংগ্বেজকী তসেংবা মওং-মতৌ নত্ত্রগা স্তেন্দর্দ অমত্তা লৈতবসিনি। শিংনবা অসিবু মাইয়োক্নবা ঙম্নবগীদমক্তা, ইং ২০১৫দা ইন্দিয়ন সাইন লেংগ্বেজ রিসর্চ অমসুং ত্রেনিং সেন্তর লিংখৎখি। ইন্সতিত্যুসন অসিনা ৱাহৈ অমসুং এক্সপ্রেসন লিশিং ১০ য়াওবা দিক্সনরী অমা হৌজিক ফাওবদা শেম্বা ঙমখিবসিদা ঐহাক্না য়াম্না নুংঙাইবা ফাওই। নুমিৎ নিনিগী মমাংদা, হায়বদি, সেপ্তেম্বর ২৩দা তাখিবা সাইন লেংগ্বেজ নুমিত্তা, স্কুল কোর্স কয়াবু সাইন লেংগ্বেজতা লোঞ্চ তৌখি। সাইন লেংগ্বেজকী লেংদবা স্তেন্দর্দ অমা লৈহন্নবগীদমক্তা নেস্নেল এজুকেসন পোলিসীদা অহেনবা মিৎয়েং কয়া চঙলি। সাইন লেংগ্বেজকী দিক্সনরীগী ভিদিও শেমদুনা থৌওং অসিবু হেন্না পাকথোক চাউথোকহল্লি। মীওই, ইন্সতিত্যুসন কয়ানা ভারতকী সাইন লেংগ্বেজতা মশাগী চেন্নেল কয়া য়ুত্যুবতা হৌদোক্নরে। অমসুং, সাইন লেংগ্বেজকী মতাংদা লৈবাক অসিদা চহি ৭-৮গী মমাংদা হৌখিবা কেম্পেন অসিনা স্পিসিএল্লী এবল ওইবা ইচিল ইনাও মিলিয়ন কয়াদা হৌজিক কান্নবা ফংহল্লে। হরিয়ানাদগী পুজাজীনা ভারতকী সাইন লেংগ্বেজকী মতাংদা য়াম্না হরাওবা ফাওরি। মমাংগী মতমদা, মহাক্না মহাকমক্কী মচানুপাগা পাউ ফাওনবা ঙম্লমদবনি, অদুবু ইং ২০১৮দা সাইন লেংগ্বেজ ত্রেনিং য়াওরবা মতুংদা, মমা মচা অনিগী পুন্সি হৌজিক য়াম্না নুংঙাইরে। পুজাজীগী মচানুপানা হৌজিক সাইন লেংগ্বেজ তম্লে অমসুং মহাক্কী স্কুলদা ৱারী লীবগী প্রাইজসু ফংবা ঙম্লে। মান্নবা থৌওং অমা ওইনা, তিঙ্কাজীগী মনা তাদবা চহি ৬কী মচানুপী অমা লৈ। তিঙ্কাজীনা মচানুপীবু সাইন লেংগ্বেজকী কোর্স তমহনখি, অদুবু মহাক মশামক্তি সাইন লেংগ্বেজ খঙদে, মরম অদুনা মহাক্না মচানুপীগা পাউ ফাওনবা ঙমদে। হৌজিক্তি, তিঙ্কাজীসু সাইন লেংগ্বেজ ত্রেনিং য়াওরে অমসুং মমা মচানা হৌজিক্তি মখোয় মশেল মরক্তা ৱারী ৱাতাই য়াম্না শারে। পোকপদগী না তারক্তবা মঞ্জুজীসু থৌওং অসিদগী কান্নবা য়াম্না ফংলে। মসিদা নত্তনা, মহাক্কী মমা মপাশিংনসু মান্নবা ফিভমসি থেংনদুনা লাকখিবনি। মসিগুম্বা ফিভম অসিদা, সাইন লেংগ্বেজনা ইমুং পুম্বগী মনুংদা পাউ ফাওনবগী চাউরবা পাম্বৈ অমা ওইরে। হৌজিক্তি, মঞ্জুজীনা মহাক মশামক সাইন লেংগ্বেজকী ওজা ওইরগে হায়না ৱারেপ লৌরে।

মরূপশিং, ভারতকী সাইন লেংগ্বেজকী মতাংদা মীয়াম্না খঙবা হেন্নবগীদমক্তা ঐহাক্না ‘মন কী বাত’ অসিদা ৱাফম অসিগী মতাংদা হায়রিবনি। ঐখোয়না মসিগা লোয়ননা, ঐখোয়গী স্পিসিএল্লী এবল ওইবা মরুপশিংবু হেন্না তেংবাংবা ঙমগনি। মরূপশিং, ঐহাক্না নুমিৎ খরনিগী মমাংদা ব্রেলদা ইবা হেমকোশকী কোপী অমসু ফংজখি। হেমকোশ হায়বসি অসামীজ লোলগী অরীবা দিক্সনরীশিংগী মরক্তা অমনি। মসি ১৯শুবা চহি-চাদা শেমখিবনি। শক্নাইরবা লিংগ্বিস্ত, হেমচন্দ্র বরুৱানা মসিবু ইদিত তৌবনি। হেমকোশকী ব্রেল ইদিসন অসিদা লমায় ১০,০০০ য়াওই অমসুং ভোল্যুম ১৫ হেন্দুনা মসিবু ফোঙগদৌরি। মসিদা ৱাহৈ লাখ ১ হেনবগী ৱাহন্থোক হল্লি। ঐহাক্না মসিগুম্বা হোৎনবগী মতৌবু য়াম্না থাগৎনীংই। হোৎনজমন খুদিংনা ঐখোয়গী স্পিসিএল্লী এবল মরুপশিংগী মতেং পাংদুনা মখোয়গী স্কিল অমসুং মতিক হেনগৎহনগনি। ঙসিদি, ভারতনা পেরা স্পোর্ত্তসু মায় পাকপগী ফিরাল পাইহল্লি। স্পিসিএল্লী এবল ওইবা মীওইশিংবু গ্রাসরুত লেবেলদা ফিতনেস্তা খুমাং চাউশিলহন্নবা হোৎনবা মীওই কয়া হৌজিক লৈরে। মসিনা স্পিসিএল্লী এবল ওইবা মীওইশিংগী মপাঙ্গল কয়া হাপ্লি অমসুং মশাদা থাজবগী মতৌবুসু হেনগৎহল্লি।

ঐহাক্কী নুংশিরবা লৈবাক মীয়াম, নুমিৎ খরনিগী মমাংদা, ঐহাক্না অনবী কৌবী সুরতকী নুপীমচা অমগা থেংনখি। অনবী অমসুং মহাক্কী য়োগগী মরী লৈননা মহাক্না উন্নখিবগী থৌওং অসি য়াম্না নীংশিংনীংঙাই ওই অমসুং ঐহাক্না ‘মন কী বাত’ তারিবা মীওইশিংদা পাউদমজনীংই। মরুপশিং, অনবী অসি হেক পোকপদগী দাউন সীন্দ্রোম নারক্লে অমসুং মহাক্না অঙাং ওইরিঙৈদগী হৌনা য়াম্না শাথীবা হার্তকী লাইনা অমসু মাইয়োক্নদুনা লাক্লিবনি। মহাক্না শুপ্নগী থা অহুম ফারকপদা ওপন হার্ত সর্জরী তৌবা তাখ্রবনি। খুদোংচাদবা কয়া অসি থেংনজরবসু, অনবী অমসুং মহাক্কী মমা মপাশিংনা লেম্না খক তোকখিদে। অনবীগী মমা-মপানা দাউন সীন্দ্রোমগী মতাংদা ই-পাউ পুম্নমক খোমখি অমসুং অনবীনা অতোপ্পগী মীখা পোনবগী মতৌ হন্থহন্নবা ৱারেপ লৌখি। মখোয়না অনবীবু ঈশিং গ্লাস থাংগৎপা, খোঙউপ মরি কীনা, ফুরিত কুদাম পানবা অমসুং অতোপ্পা অপীকপা থবক কয়া তম্বীবা হৌখি। চুনবা পোৎলম করিনো, অফবা হৈনবী করিনো হায়বনচিংবা কান্নবা মতৌ কয়া মখোয়না অনবীদা খাঙবা কনবা মতৌগা লোয়ননা তম্বীবা হৌখি। ইচানুপী অনবীনা হৈনিংবগী মওং উৎলকপা, মশাগী তেলেন্ত উৎলকপনা মহাক্কী মমা-মপাশিংগী মফমদসু পুক্নিং য়াম্না থৌগৎখি। মখোয়না অনবীদা য়োগ তম্নবা ইথিল পীখি। অনবীগী ফিভম অদুক্কী মতিক ফত্তে, মহাক মশা মথন্তনা লেপ্পা ফাওবা ঙম্বা নত্তে। অদুবু, অসিগুম্বা ফিভম কয়াগী মরক্তা, মহাক্কী মমা-মপানা অনবীবু য়োগ তম্নবা ইথিল পীখি। মহাক্না য়োগ কোচকী মফমদা অহানবা ওইনা চৎপা মতমদা, কোচতুসু য়াম্না খঞ্জান্নখি, অঙাং অসিবু য়োগ তৌবা ঙমগদরা নত্ত্রগা ঙম্লোইদরা হায়বগী ৱাখল চয়েৎনবা লৈখি। অদুবু, অনবী হায়বসি করম্বা অখন্নবা মতৌনা শাবা অঙাংনো হায়বা কোচনা মতমদুদা খঙখিদে। অনবীনা মমাগা লোয়ননা য়োগ তম্বা হৌখি, অমসুং হৌজিক্তি মহাক্না য়োগগী এক্সপর্ত ওইরে। ঙসিদি, অনবীনা লৈবাক শিনবা থুংবদা য়োগগী কম্পিতিসন্দা শরুক য়ারি অমসুং প্রাইজ কয়াসু ফংলে। য়োগনা অনবীদা অনৌবা পুন্সি অমা পীবিরে। অনবীনা য়োগগী খুত্থাংদা মহাক্কী পুন্সি নৌনা হিংলি। য়োগনা অনবীগী পুন্সিদা অফবা অহোংবা কয়া পুরক্লে হায়না অনবীগী মমা-মপানা ঐহাক্কী ইফমদা তম্লকখি। হৌজিক্তি, মহাক্না মশাদা থাজবগী মতৌসি অসি য়াম্না শিংথানীংঙাই ওইরে। অনবীগী হকচাংগী ফিভমসু য়োগনা য়াম্না অফবা ওইহল্লে অমসুং হিদাক চাবগী তঙাই ফদবা লৈরম্বশিংসু য়াম্না হন্থরে। লৈবাক মনুং অমসুং মীরমদা লৈরিবা ‘মন কী বাত’ তারিবশিংনা য়োগনা অনবীদা কান্নবা পীরিবা অসিগী মতাংদা সাইন্তিফিক ওইবা স্তদী পাংথোকপীয়ু হায়জনীংই। য়োগগী পাঙ্গল করিনো হায়না চাংয়েং তৌবশিংগী ওইনা অনবীনা অফবা কেস স্তদী অমা ওইগনি হায়না ঐহাক্না খল্লি। মসিগুম্বা সাইন্তিস্তশিংনা অনবীগী মায় পাক্লিবা অসিদা য়ুম্ফম ওইবা স্তদী কয়াগা লোয়ননা থোক্লকফম থোকই অমসুং য়োগগী পাঙ্গলবু মালেমদা শক্তাকফম থোকই। মসিগুম্বা মরী লৈনবা রিসর্চশিংনা দাউন সীন্দ্রোম্না নারবা মালেম শিনবা থুংবগী অঙাংশিংদা চাউনা মতেং পাংবা ঙমগনি। হৌজিক্তি, মালেম্না য়োগবু হকচাং অমসুং ৱাখল লাইনাগী লাইয়েংদা য়াম্না কান্নৈ হায়বা খঙলে। য়োগনা অখন্নবা ওইনা, দাইবিতিস অমসুং ব্লদ প্রেসরগা মরী লৈনবা লাইনা লাইয়েংবদা য়াম্না তেংবাংই। য়োগগী মসিগুম্বা শক্তি য়েংলুরবা তুংদা, য়ুনাইতেদ নেসন্সনা জুন ২১বু মালেমগী য়োগ নুমিৎ হায়না পাংথোক্লনি হায়না ৱারেপ লৌখ্রবনি। হৌজিক্তি, য়ুনাইতেদ নেসন্সনা ভারতকী অতোপ্পা থৌওং অমবু শকখঙলে। হায়রিবা থৌওং অসি ইং ২০১৭তগী হৌখিবনি অমসুং মসিদি ‘ইন্দিয়া হাইপর্তেন্সন কন্ত্রোল ইনিসিএতিব’নি। থৌওং অসিগী মখাদা, ব্লদ প্রেসরগী শিংনবগা মাইয়োক্নরিবা মীওই লাখ কয়াবু সরকারগী ৱেলনেস সেন্তরশিংদা লাইয়েংলি। খোঙথাং অসিনা মালেমগী লুপশিংগী পুক্নিং চিংশিনবগী মতৌ অসি মমাংদা অমুক্তা থোকখিদ্রি। লাইয়েংলিবা অপুনবা মীওইশিংগী মরক্তগী তংখাইগী চাংনা মখোয়গী ব্লদ প্রেসর লাকশিনবা ঙম্লিবা অসি পুক্নিং থৌগৎনীংঙাই ওইবা মতৌনি। থৌওং অসিগীদমক্তা হোৎনদুনা মায় পাকহল্লিবা মীওইশিংবু ঐহাক্না থাগৎচরি।

মরুপশিং, মীওইবগী পুন্সি হৌরকপগী খোঙচৎকা মতম পুম্বদা ঈশিংগা মরী লৈনদুনা লাকই – সমুদ্র ওইরো, তুরেল ওইরো, নত্ত্রগা পুখ্রি ওইরো, ঈশিং পুম্নমক্কা মরী লৈনৈ। কিলোমীতর ৭৫০০ শাংবা শাংলবা সমুদ্র তোর্বান লৈবসি ভারতকী লাইবক ফবনি অমসুং সমুদ্রগা ঐখোয়গা লৈনরিবা মরী অসি তৎপা নাইদনা লাক্লি। মসিগী সমুদ্রগী ঙমখৈ অসিনা রাজ্য অমসুং ইথৎ কয়া ফাওদুনা চৎলি। তোঙানবা খুন্নাই অমসুং দাইবর্সিতী লৈবা ভারতকী চৎনবীনা লমদমসিদা চাউখৎপগী মতৌ উবা ফংই। মসিদা নত্তনা, সমুদ্র তোর্বান লমদমশিং অসিগী অচা-অথকশিংনা মীওই কয়াগী পুক্নিংসু চিংশিল্লি। মসিগুম্বা নুংঙাইবা মতৌশিংগা লোয়ননা, মসিগী নুংঙাইতবা নাকল অমসু লৈ। ঐখোয়গী হায়রিবা সমুদ্র তোর্বানগী মফমশিংনা ইনভাইরনমেন্তকী শিংনবা কয়াসু থেংনরি। ক্লাইমেত চেঞ্জনা মেরিন ইকো সীস্তেমদা অচৌবা শিংনবা অমা ওইরি। ঐখোয়গী সমুদ্র তোর্বানশিংদা চাইখাইরিবা অমোৎ অকাইশিং অসিসু য়াম্না পাখৎনীংঙাইনি। শিংনবশিং অসিগীদমক্তা থম্মোই শেংনা অমসুং খোঙফম চেৎনা ঐখোয়না হোৎনবা হায়বসি ঐখোয়গী থৌদাংনি। ঐহাক্না মতাংসিদা, লৈবাক্কী সমুদ্র তোর্বান শেংবগী খোঙথাং, ‘স্বচ্ছ সাগর-সুরক্ষিত সাগর’গী মতাংদা ৱাফম খরা থমজনীংই। জুলাই ৫দা হৌদোকখিবা কেম্পেন অসি বিশ্বকর্মা জয়ন্তী নুমিৎ, সেপ্তেম্বর ১৭তা লোইশিনখি। হায়রিবা নুমিৎ অসি সমুদ্র তোর্বান শেংবগী নুমিৎসু ওই। নীংতম্বগী অমৃত মহোৎসবতা হৌখিবা কেম্পেন অসি নুমিৎ ৭৫ চঙনা পাংথোকখি। থৌরম অসিদা মীয়াম্না শরুক য়াখিবগী মতৌ অসি য়েংবদা য়াম্না ফজখি। অপুনবা থৌরম অসিগী মনুংদা লু-নালহন্নবা শেংদোক-শেংজিন তৌবগী থৌওং মখল কয়া থা অনি মখায় পুন্না চত্থখি। গোৱাদা শাংলবা হ্যুমেন চেন শেমখি। কাকিনাদাদা পাংথোকপা গনপতি থাদবগী থৌরম মনুংদা, প্লাস্তিক্না শোকহনবগী মরী লৈনবা ৱাফম কয়া মীয়ামদা তাকখি। এন.এস.এস.কী মাইকৈদগী মরুপ ৫০০০না প্লাস্তিক তোন ৩০ হেন্না খোমগৎখি। স্কুলগী মহৈরোই লিশিং ২০ হেনবনা ওরিশাদা নুমিৎ হুম্নিগী মনুংদা স্বচ্ছ সাগরগা মরী লৈননা মখোয়গী ইমুং মনুং অমসুং অতোপ্পা মীয়ামদা ইথিল পীগনি হায়বগী ৱাশক লৌখি। কেম্পেন অসিদা শরুক য়াখিবা মীপুম খুদিংবু ঐহাক্না থাগৎচনীংই।

ঐহাক্না মীয়াম্না খল্লবা ওফিসিএলশিংগা, মরু ওইনা, শহরগী মেয়র অমসুং খুঙ্গংশিংগী সর্পঞ্চশিংগা ৱারী শাবা মতমদা, লু-নান্না থম্বা অমসুং অনৌবা থৌওং পাংথোকপা মতমদা ঐহাক্না মখোয়না লোকেল খুন্নাই অমসুং লোকেলগী লুপশিংবু খোঙথাং অসিদা শরুক য়াহন্নবা হায়খি।

বেঙ্গালোরদা তীম অমা লৈ – পরিবর্তনগীদমক্তা নহাশিং শিজিন্নবা। মমাংগী চহি ৮দা তীম অসিনা লু-নানবা অমসুং খুন্নাইগী অতোপ্পা থবক থৌরমগীদমক্তা থবক পাংথোক্তুনা লাক্লি। মখোয়গী মোত্তো অসি য়াম্না ময়েক শেংই – “ৱাকৎপা তোক্লো, থবক পাংথোকপা হৌরসি”। তীম অসিনা শহর শিনবা থুংবগী মফম ৩৭০ হেন্না ফজথোকহনখ্রে। পরিবর্তনগীদমক্তা নহাশিং শিজিন্নবগী কেম্পেন অসিনা মফম খুদিংদা মীয়াম ১০০দগী ১৫০ ফাওবা অমত্তা ওইনা মরী লৈনহনখি। প্রোগ্রাম অসিনা নোংমাইজিং খুদিংগী অয়ুক্তা থবক তৌবা হৌই অমসুং নুমিৎ য়ুংবা ফাওবা মখা চত্থৈ। থবক মনুং অসিদা মখোয়না ফত্ত-হৌদী খোমগৎপদা নত্তনা, ফক্লাংশিং মচু শংবা অমসুং আর্তিস্তিক ওইবা স্কেৎচ য়েকপগী থবকসু পাংথোকই। তোঙানবা মফম কয়াদা, শক্নাইবা মীওইশিংগী অয়েকপা লাই অমসুং ইথিল পীনীংঙাই ওইবা ৱারোল কয়াসু উবা ফংগনি। বেঙ্গালোরগী হায়রিবা পরিবর্তনগীদমক্তা নহাশিং শিজিন্নবগী থৌওং অসিগী তুং ইনবা ওইনা, ঐহাক্না মীরতকী ‘কবার সে জুগার’ কেম্পেনগী মতাংদা ৱাফম খরা হায়বা পাম্মি। কেম্পেন অসি ইনভাইরনমেন্তকা লোয়ননা শহর অসিবু মশক ফজথোকহনবগা মরী লৈনৈ। কেম্পেন অসিগী অখন্নবা মতৌ অমদি, য়োৎথী, প্লাস্তিক্কী ফত্ত-হৌদী, তাইয়র অমনবা অমসুং দ্রমগুম্বা ৱেস্তশিং শিজিন্নবনি। মীয়ামগী মফমশিংবু শেল চঙদনা মতৌ করম্না মশক ফজথোকহনবা য়াবগে হায়বগী কেম্পেন অসিনা খুদম অমা ওইরি। কেম্পেন অসিগা মরী লৈনরিবা মীওই খুদিংবু ঐহাক্না থম্মোইনুংদগী থাগৎপা ফোংদোকচনীংই।

ঐহাক্কী নুংশিরবা লৈবাক মীয়াম, হৌজিক্কী মতমসিদি লৈবাক শিনবা থুংবদা কুহ্মৈগী ৱাখল্লোন লৈবা মতম্নি। হয়েং অসি নবরাত্রীগী অহানবা নুমিৎনি। ঐখোয়না মসিদা লাইরেম্বী ‘ইমা শাইলপুরী’গী অহানবা শাইওন লাৎকনি। মসিদগী ইশাবু লিচৎ-শাজৎ নাইহনবা, ইশাবু লাকশিনবা অমসুং চরা হেনবগী নুমিৎ ৯নিনা মখা তাগনি, অমসুং মসিগী মতুংদা বিজয়াদশমীগী কুহ্মৈ অমুক লৈগনি। মসিনা হায়বদি, ঐখোয়না তোঙানবা মিৎয়েং অমদা য়েংবা মতমদা, থাজবা অমসুং লাইনীংগা লোয়ননা, ঐখোয়গী কুহ্মৈশিং অসিদা কাওবা য়াদবা ৱারোল কয়া লোত্তুনা লৈরি হায়বা খঙবা ঙমগনি। লিচৎ শাজৎ নাইবা অমসুং ইশাবু লাকশিনবগী খুত্থাংদা ‘সিধী’ ফংবা, অমসুং মসিগী মতুংদা লাকপা মায় পাকপা ফংবগী কুহ্মৈ কয়া অসি পুন্সিদা পান্দম ফংবগী পাম্বৈ অমনি। দসেরাগী মতুংদা, ধন্তেরাস অমসুং দিৱালী অমুক লাক্কনি।

মমাংগী চহিশিং অসিদা, লৈবাক অসিদা অনৌবা ৱারেপ কয়াগা ঐখোয়গী কুহ্মৈশিংগা মরী লৈনরক্লি। অদোম্না ৱারেপ অসি করিনো হায়বা খঙলে, মদুদি ‘ভোকেল ফোর লোকেল’গী ৱারেপ অসিনি। ঐখোয়না হৌজিক্তি, লোকেল আর্তিসান, ক্রাফমেন অমসুং ত্রেদরশিংবু কুহ্মৈগী হরাও নুংঙাইবগী শরুক ওইহল্লে। ওক্তোবর ২দা তারিবা বাপুগী মপোক কুমওন অসিদা ঐখোয়না কেম্পেন অসিবু হেন্না মপাঙ্গল লৈহন্দুনা খুমাং চাউশিলহন্নবা ৱারেপ লৌবা তাবনি। খাদি, হেন্দলুম, হেন্দিক্রাফ...হায়রিবা পোত্থোকশিং অসিগা লোয়ননা, অদোম্না লোকেলগী পোত্থোক লৈগদবনি। মীপুম খুদিংনা শরুক য়াবা মতমদা কুহ্মৈ অমগী তসেংবা নুংঙাইবা খঙবা ঙমগনি। মরম অদুনা, লোকেলগী পোত্থোক্কা মরী লৈনবা মীয়াম্বুসু ঐখোয়না শৌগৎপা তাবনি। মসিগী ওইবা খ্বাইদগী চুনবা পাম্বৈদি, ঐখোয়না কুহ্মৈ মনুংদা খুদোলপোত পীবা মতমদা মখোয়না শাবা মসিগুম্বা মখলগী পোত্থোক মনুং চলহনবনি।

মতম অসিদা, মসিগী কেম্পেন অসি য়াম্না অখন্নবা ওই। মসিগী মরমদি, নীংতম্বগী অমৃত মহোৎসব মনুংদা, ঐখোয়না মরোমদোম লেপচবা ঙম্বা ভারত অমা ওইহনবগী পান্দমগা লোয়ননা তুংলমচৎকী মাইকৈদা চঙশিল্লিবনি। মসিনা, ঐখোয়গী নীংতম লান্মীশিংগী মফমদা তসেংনা ইকায় খুম্নবা উৎপগী মতৌ ওইগনি। মরম অদুনা, মসিগুম্বা খাদি, হেন্দলুম অমসুং হেন্দিক্রাফকী পোত্থোকশিং লৈদুনা হান্নগী রেকোর্দ অমুক্কা হন্না থুগাইসি হায়না মীয়ামদা হায়জরি। কুহ্মৈ মনুংদা খুদোলপোৎ য়োম্বদা পোলীথিন বেগ য়াম্না তোয়না শিজিন্নবগী মতৌ ঐখোয়না উবা ফংই। লু-নান্না লৈবা হায়দুনা লৈরিবা মরক্তা প্লাস্তিক অমুক চাইখাইবনা কুহ্মৈগী নুংঙাইবগী ইথিলগী মাইয়োক্তা অমুক লৈরগনি। মরম অদুনা, ঐখোয়না লোকেলদা শাবা প্লাস্তিক নত্তবা বেগ খক্তমক শিজিন্নগদবনি। জুত, লশিং, লফুগী ফাইবর, অমদি মসিগুম্বা নাৎকী ওইবা খাও কয়া শিজিন্নবগী চৎনবী অমুক লাক্লবনি। কুহ্মৈ মনুংদা মসি শিজিন্নবগী থৌওং খুমাং চাউশিলহনবা হায়বসি ঐখোয়গী থৌদাংনি অমসুং ইশাগী হকশেল অমদি ইনভাইরনমেন্তকীদমক্তা খনবা হায়বসিসু ঐখোয়গী থৌদাংনি।

ঐহাক্কী নুংশিরবা লৈবাক মীয়াম, ঐখোয়গী স্কৃপচরশিংদা অসুম্না ইরম্মি – “পরহিত সারিস ধরম নহি ভাই’।

মসিনা হায়বদি, অতোপ্পগীদমক্তা অফবা তৌবা, অতোপ্পগী মতেং পাংবা, অঙম্বা তেংবাংবদগী হেন্না ফবা অতোপ্পা ধর্মা অমত্তা লৈতে হায়বনি। ঐখোয়গী লৈবাক অসিদা মসিগুম্বা ইথিলগী শক্তম অমা ইকুই কুইদবা মমাংদা উবা ফংখ্রে। মীওই কয়া থোক্নরক্তুনা তি.বি.গী অনাবা অমমম তেংবাংবা অমসুং মচি লৈবা চিঞ্জাক ফংহনবগী মতাংদা মশাগী লুচিংবগী থৌদাং লৌনখি। তসেংবদি, থৌওং অসি তি.বি. লৈতবা ভারত কেম্পেনগী শরুক অমনি। মসিনা মশাগী থৌদাং খঙদুনা, মীয়াম পুন্না শরুক য়ামিন্নবগী থৌওংদা য়ুম্ফম ওইবনি। অফবা ন্যুত্রিসন, মতম চানা চুনবা হিদাক থাবনা তি.বি. লাইয়েংবা ঙম্মি। মীয়াম্না শরুক য়াবগী মসিগুম্বা পাঙ্গল অসিগা লোয়ননা ভারতনা ইং ২০২৫ ফাওবগী মনুংদা তি.বি.বু মরু ফংনা মুত্থৎপা ঙমগনি হায়বসি ঐহাক্কী অচেৎপা থাজবনি।

মরূপশিং, ঐহাক্না মসিগুম্বা খুদম অমসু দদ্রা-নগর হবেলী অমসুং দামন অমদি দ্যুদগী উবা ফংখি অমসুং মসিনা ঐহাক্কী থম্মোইনুংদা য়ৌখি। হৌজিক থবক ওইনা পাংথোক্লিবা ভিলেজ এদোপ্সন প্রোগ্রামগী মখাদা মেদিকেল কোলেজকী মহৈরোইশিংনা খুঙ্গং ৫০ এদোপ্ত তৌখ্রে হায়না ত্রাইবেল মফমদা লৈবা, জিনু রাৱাতিয়াজীনা ইরকখি। খুঙ্গংশিং অসিগী মনুংদা জিনুজীগী খুঙ্গংসু য়াওরি। মেদিকেলগী মহৈরোইশিং অসিনা খুঙ্গংগী মীওইশিংদা লাইনাদগী ঙাকথোকপা, লাইনাদগী ফগৎলকপগী মতাংদা খঙহনখি অমসুং মখোয়না সরকারগী স্কিমশিংগী মতাংদসু মরী লৈনবা ই-পাউ কয়াসু পীখি। অতোপ্পগী পুন্সি নুংঙাইহন্নবা তেংবাংবগী ৱাখল্লোন্না মরম ওইরগা খুঙ্গংশিং অসিদা লৈরিবা মীওইশিংগী পুন্সিদা নুংঙাই য়াইফবগী অনৌবা মতৌ অমা পুরক্লে। মসিগুম্বা থৌওং অসিগীদমক্তা ঐহাক্না মেদিকেল কোলেজকী মহৈরোইশিং অসিবু থাগৎচরি।

মরূপশিং, ‘মন কী বাত’ অসিদা অনৌবা হীরম কয়া অমগী মতাংদা খন্ন-নৈনরি। প্রোগ্রাম অসিগী খুত্থাংদা, হান্নদগী লৈরক্লবা শিংনবা কয়াগী মতাংদা হেন্না কুপথনা য়েংশিনবগী খুদোংচাবা কয়াসু ঐখোয়না ফংই। মমাং থাগী ‘মন কী বাত’তা ঐহাক্না অপৌবা সিরিএল অমসুং ইং ২০২৩বু ‘মালেমগী মিল্লেতকী চহি’ হায়না পাংথোকপগী মতাংদা ঐহাক্না ৱাফম কয়া থমখি। মীয়াম্না হীরম অসিগী মতাংদা য়াম্না খঙনীংবগী মতৌ উৎখি। মীয়াম্না মিল্লেতপু মখোয়গী নোংমগী চিঞ্জাক্কী শরুক মতম করম্না ওইহল্লে হায়বগী মতাংদা চিথী কয়া ইরকখি। মীওই খরনা মিল্লেত শিজিন্নরগা থোংবা নাৎকী অচা-অথক্কী মতাংদসু ঐহাক্কী ইফমদা পাউদম্লকখি। মসিদি অচৌবা অহোংবা অমা লাকপগী খুদম্নি। মীয়ামগী মসিগুম্বা থৱাই য়াওবগী মতৌ উরুরবা তুংদা, ঐখোয়না পুন্দুনা ই-বুক অমা শেমফম থোকই হায়না ঐহাক্না খল্লি, মসিদা মীয়াম্না মিল্লেত শিজিন্নদুনা তোঙান-তোঙানবা মথেল করম্না শেমগনি অমসুং মরী লৈনবা এক্সপেরিএন্সকী মতাংদা লৌশিং লান্নবা য়াগনি। মদু ওইরবদি, মালেমগী মিল্লেতকী চহি হৌদ্রিঙৈগী মমাংদা, মাইগোব পোর্তেলদা ফোঙবা য়াবা মিল্লেতকী মীয়ামগী ইন্সাইক্লোপেদিয়া অমা লৈরগনি।

মরূপশিং, হন্দক্কী ‘মন কী বাত’কী ওইনদি, মসিদা লোইশিল্লে। অদুবু, ঐহাক্না মীয়ামগী মফমদগী কায়ন য়াথং লৌদ্রিঙৈ মমাংদা, নেস্নেল গেম্সকী মতাংদা ৱাফম খরা থম্বা পাম্মি। নেস্নেল গেম্স অসি সেপ্তেম্বর ২৯দগী হৌদুনা গুজরাত্তা পাংথোক্কনি। মসিদি য়াম্না অখন্নবা থৌরম অমা ওইগনি, মরমদি, চহি কয়াগী মতুংদা নেস্নেল গেম্স অমুক পাংথোকপা হৌগদৌরিবনি। কোবিদ লাইচৎনা মরম ওইরগা মমাংগী গেম্স পাংথোকখিদে। শান্ন-খোৎনবগী থৌরম অসিদা শরুক য়াগদৌরিবা শান্নরোইশিংগী মফমদা ঐহাক্না য়াইফ পাউজেল পীজরি। নুমিৎ অসিদা শান্নরোইশিংগী পুক্নিং থৌগৎনবগীদমক্তা, ঐহাক্না অদোম পুম্নমক্কী মরক্তা লৈগনি। অদোম খুদিংনসু নেস্নেল গেম্স অসিবু ফোলো তৌগদবনি অমসুং ঐখোয়গী শান্নরোইশিংগী পুক্নিং থৌগৎকদবনি। হৌজিক, ঐহাক্না অদোমগী মফমদগী কায়নবগী য়াথং নিজরি। অনৌবা হীরম কয়াগা লোয়ননা, মথং থাগী ‘মন কী বাত’তা ঐখোয়না অমুক থেংনরসি।

থাগৎচরি, নমস্কার!

ঐগী নুংশিজরবা ইরৈবাকচাশিং, খুমরুমজরি! ওগস্ত থাদা ময়াম্না ইবীরকপা চীথিশিং, মেসেসশিং অমসুং কার্দশিংনা ঐহাক্কী ওফিসপু মচু অহুমগী ফিরালগী মচুগুম্না মচু শংখি। মচু অহুমগী ফিরাল য়াওদনা নত্ত্রগা মচু অহুমগী ফিরাল অমসুং নীংতম্বগী মতাংদা য়াওদনা চীথি অমত্তা থেংনখিদে। অঙাংশিং অমসুং নহা ওইরিবা মরুপশিংনা অমৃত মহোৎসবকী ফজরবা লাই অমসুং আর্তৱার্ক থাবীরকখি। নীংতম্বগী থা অসিদা ঐখোয়গী লৈবাক পুম্বদা, সহর খুদিংদা, খুঙ্গং খুদিংদা অমৃত মহোৎসবকী অমৃতনা চেল্লি। অমৃত মহোৎসব অমসুং নীংতম্বগী নুমিৎকী অখন্নবা থৌরমদা ঐখোয়না লৈবাক অসিগী অপুনবা শক্তি অদু উবা ফংখি। মীকপ থৌরকপগী ইথিল অমা উবা ফংখি। অসিগুম্বা অচৌবা, খেন্নবা কয়ানা থল্লবা লৈবাক অসিদা মচু অহুমগী ফিরাল চীংখৎপা মতমদা মীপুম খুদিংমক চপ মান্নবা ৱাখল্লোনগী ইচেলদা চেন্থমিন্নখি। মচু অহুমগী ফিরালগী ইকাই খুম্নববু ঙাক্লিবা মীওইশিং ওইনা মীয়াম্না মশানা থোকচরখি। ঐখোয়না লৈবাক অসিগী থৌনা অসিবু স্বচ্ছ অভিয়ান অমসুং ভেক্সিনেসন কেম্পেন্দা উবা ফংখি। ঐখোয়না অমৃত মহোৎসব অসিদা অমুক হন্না চপ মান্নবা লৈবাকনীংবগী ৱাখল্লোন অসি উবা ফংখি। ঐখোয়গী নীংতম লান্মীশিংনা অৱাংবা চীংদোলশিংদা, লৈবাক্কী ঙমখৈশিংদা অমসুং সমুদ্র ময়াইদা মচু অহুমগী ফিরাল চীংখৎখি। মীয়াম্না তিরঙ্গা কেম্পেনগীদমক তোঙান-তোঙানবা অনৌবা ৱাখল্লোনশিং পুথোরখি। নহা ওইরিবা মরুপ কৃষ্ণিল অনিলজীসু অমনি। অনিলজী অসি পজল আর্তিস্ত অমনি অমসুং মহাক্না অতেনবা মতমদা ফজরবা মচু অহুমগী মোজেক আর্ত শেমখি। কর্নাতকাগী কোলারদা মীয়াম্না ফুত ৬৩০ শাংবা অমসুং ফুত ২০৫ পাকপা মচু অহুমগী ফিরাল পাইহন্দুনা তোপ-তোপ্পা শক্তম অমা উৎখি।

অসাম সরকারগী কর্মচারীশিংনা দিঘালিপুখুরি ৱার মেমোরিএলদা চীংখৎনবা মখোয় মশাগী খুৎনা ফুত ২০গী মচু অহুমগী ফিরাল শাখি। মতৌ অসুম তৌদুনা ইন্দোরগী মীয়াম্না হ্যুমেন চেন শেমদুনা ভারতকী শক্তম শেমখি। চান্দিগরদা নহারোলশিংনা অচৌবা মীওইগী মচু অহুমগী ফিরাল শেমখি।  থৌদোক অনি অসি গীনিস রিকোর্দস্তা চনবসু ঙমখি। পুম্নমক অসিগী মরক্তা হিমাচল প্রদেশকী গনগোৎ পঞ্চায়ত্তা তমজনীংঙাই ওইবা খুদম অমসু উবা ফংখি। মফম অদুগী পঞ্চায়ত্তা নীংতম নুমিৎকী থৌরম পাঙথোকপদা অথোইবা মীথুংলেনশিংদা মাইগ্রেন্ত লেবরশিংগী অঙাংশিং য়াওখি।

মরুপশিং, অমৃত মহোৎসবলী মচুশিং অসি ভারত খক্তদা নত্তনা মালেমগী অতোপ্পা লৈবাকশিংদসু উবা ফংখি। বোৎস্বানাদা মফম অদুগী শৈশকপশিংনা ভারতকী নীংতম্বগী চহি ৭৫ শুরকপপু পালন তৌবা ওইনা লৈবাকনীংবা ঈশৈ ৭৫শকখি। হেন্না অখন্নবা ওইহল্লিবা ৱাফম অদুদি ঈশৈ ৭৫ অসি হিন্দী, পঞ্জাবী, গুজরাতী, বাংলা, অসামিজ, তামিল, তেলুগু, কনরা অমসুং সংস্ক্রিতগুম্বা লোলশিংদা শকখি। মতৌ অসুম্না নম্বিয়াদা ইন্দো-নম্বিবিয়ন কলচরেল-ত্রেদিস্নেলগী মরীশিং অসিগী মতাংদা উৎলিবা অখন্নবা স্তাম্প অমা পুথোকখি।

মরুপশিং, ঐহাক্না ময়ামদা য়াম্না নুংঙাইবা ৱাফম অমগা তমজগে। হন্দক নুমিৎ খরনিগী মমাংদা ঐহাক্না ভারত সরকারগী ইনফোর্মেসন এন্দ ব্রোদকাস্তিং মন্ত্রালয়গী থৌরম অমদা শরুক য়াবগী খুদোংচাবা ফংজখি। মফম অদুদা মখোয়না দুরদর্শন সিরিএল, ‘স্বরাজ’কী স্ক্রীনিং তৌবগী থৌরম অমসু শিল্লমি। ঐহাক্না মাগী প্রিমিয়রদা য়াওবগী খুদোংচাবা ফংজখি। মসি লৈবাক অসিগী হৌরক্লিবা মীরোলদা নীংতম ইহৌদা শরুক য়াখিবা মশক খঙবীদ্রবা অথৌবা অমসুং অথৌবীশিংনা হোৎনরমখিবশিং অদু খঙহন্নবগী অফবা থৌরাং অমনি। মসি দুরদর্শনদা নোংমাইজিং খুদিংগী নুমিদাং পুং ৯দা শন্দোক্লি। অমসুং মসি চহো ৭৫ চুপ্না চত্থগনি হায়না ঐঙোন্দা তাকপীরকখি। ঐহাক্না ময়ামদা মতম কাইথোক্তুনা মসি য়েংবীয়ু অমসুং য়ুমদা লৈরিবা অঙাংশিংদসু য়েংহনবীয়ু। অমসুং স্কুল-কোলেজশিংগী মীওইশিংনা মসিবু রেকোর্দ তৌদুনা থম্লগা মথংগী নীংথৌকাবদা স্কুল-কোলেজ হাংলবা মতমদা অখন্নবা প্রোগ্রাম ওইনা শেমদুনা য়েংহনবা য়াই, মসিনা নীংতম্বা ফংহল্লমখিবা অথোইবা মীওই পোকশিংগী মরমদা ঐখোয়গী লৈবাক্তা অনৌবা ৱাখল্লোন অমা পোকহনগনি। আজাদী কা অমৃত মহোৎসব অসি মথং চহি হায়বদি ওগস্ত ২০২৩ ফাওবা চত্থগনি। লৈবাক অসিগীদমক, নীংতম লান্মীশিংগীদমক পাঙথোকখিবা ৱারেং ইবা অমসুং থৌরম কয়াবু ঐখোয়না মাংদা পুদুনা চৎপা তাই।

ঐগী নুংশিরবা ইরৈবাকচাশিং, ঐখোয়গী ইপা-ইপুগী লৌশিং, ঐখোয়গী অহল লমনশিংগী মীৎয়েং শান্না উবা ঙম্বা মথৌ অমসুং একাতমচিন্তন, তৌগে খনবা পাঙথোকপগী ৱাখল্লোন অসি ঙসিসু য়াম্না মরু ওইরি; ৱাখল্লোন অসিবু ঐখোয়না মুন্না থীজিল্লুরবদি ঐখোয় ঙকপনা খম থেংগনি। ঐখোয়গী চহি লিশিং কয়া শরুবা অরিবা রিগবেদ! রিগবেদনা হায়রি:-

আমান-মাপো মানুসী: অমৃতকম ধাত তোকায় তনয়ায় শম য়ো: |

য়ুয়ম হিস্থা ভিসজো মাতৃতমা বিশ্বস্য স্থাতু: জগতো জনিত্রী: ||

হায়বদি – হে ঈশিং নহাক্তি মীওইবা জাতিগী অথোইবা মরুপনি। নহাক্তি পুন্সিবু পীবিরিবনি, মহৈ-মরোংসু নহাক্কী মতেংনা পালহল্লি, অমসুং নহাক্না ঐখোয়গী ইচা-ইশুবু ফনা থম্বীরি। নহাক্না ঐখোয়বু ঙাকশেল্লিবনি অমসুং ফত্তবা পুম্নমক্তগী নহাক্না ঐখোয়বু ঙাকথোকপীরি। নহাক্তি শীদ হীদাক্নি অমসুং নহাক্তি তাইবংপাল অসিবু য়োকপী-থাকপীরিবনি।

খন্থদুনা য়েংবীয়ু…ঐখোয়গী চহি লিশিং কয়াগী মমাংগী নাৎ অসিদা ঈশিংগী মরু ওইবা অমসুং ঈশিং য়োকশিনবগী মতাংদা শন্দোক্না হায়বীরমখি। ঐখোয়না লৌশিং অসি হৌজিক্কী ওইরিবা ফীভম অসিদগী য়েংলুবদা ঐখোয়না তুচুংবা ফাওই, অদুবু লৌশিং অসিবু জাতিনা মাগী পাঙ্গল ওইনা লৌবা তারবদি মখোয়গী শক্তি অদু শরুক কয়া হেনগৎলক্কনি। ময়াম্না নীংশিংবীরমগনি, ‘মন কী বাত্তা’ হায়না থা মরিগী মমাংদা অমৃত সরোভরগী মতাংদা ঙাংখি। মসিগী মতুংদা তোঙান-তোঙানবা জিলাশিংদা লৈরিবা মফম অদুগী এদমিনিস্ত্রেসন্না থৱায় য়াওশিনখি, ভোল্যুন্তরী ওর্গনাইজেসনশিংনা পুনশিনখি অমসুং মফম অদুগী মীয়াম য়াওশিনখি – মসিদগীদি অমৃত সরোভর শাবা অসি মীয়ামগী ইহৌ ওইখ্রে। লৈবাক্কীদমক করিগুম্বা খরা পাঙথোক্নীংবগী ৱাখল্লোন ফাওরবদি, মশাগী থৌদাংশিং খঙলবা, তুংগী মীরোলশিংগীদমক খল্লবা অদু ওইরবদি থবক ওইনা পাঙথোক্নবগী শক্তি অদুসু হেনগৎলকই অমসুং ফিরেপ অদু অফবা ফিরেপ ওইরকই।

তেলঙ্গানাগী ৱারঙ্গলদগী অফবা খোঙথাং অমগী মরমদা ঐহাক্না খঙলকখি। মফম অদুদা ‘মঙ্গত্যা-ৱাল্যা থান্দা’ কৌবা অনৌবা গ্রাম পঞ্চায়ত অমা শেমখি। খুঙ্গং অসি ফোরেস্ত এরিয়াগী মনাক নক্না লৈ। খুঙ্গং অসিগী মনাক্তা নোংজু মতমদা ইশিং য়াম্না তুংবা মফম অমা লৈ। খুঞ্জাশিংগী থৌরাং ওইনা মফম অসি হৌজিক অমৃত সারোভব কেম্পেনগী মখাদা শেমগৎলি। হন্দক্তা নোংজুগী নোংনা মরম ওইদুনা পাৎ অসি ঈশিং ইমাই চোনখি।

ঐহাক্না মধ্য প্রজাকী মন্দলাদা লৈবা মোচা গ্রাম পঞ্চায়তদা শাখিবা অমৃত সরোভরগী মতাংদা পাউদমজনীংই। অমৃত সরোভর অসি কানহা নেস্নেল পার্ক মনাক্তা শাখি অমসুং মসিনা মফম অসিগী ফজবদা হেন্না মগুন হাপখি। উত্তর প্রদেশকী ললিতপুরদা নৌনা শাখিবা শাহীদ ভাগত সিংহ অমৃত সরোভর অসি মীয়ামগী পুক্নীং চীংশিন্নীংঙাই ওইরি। নিৱারী গ্রাম পঞ্চায়ত্তা সারিবা পুখ্রি অসি একর ৫ হেন্না পাকচাউই। পুখ্রি অসিগী অকোইবদা উ-পাম্বী কয়া থারিবা অসিনা মসিগী ফজবা হেনগৎহল্লি। মীয়াম্না পুখ্রি অসিগী মাক্তা য়ুংলিবা ফুত ৩৫ ৱাংবা মচু অহুমগী ফিরাল অসি য়েংনবা অরাপ্পা মফমদগী লাক্নরি। অমৃত সরোভর অসি কর্নাতকাদা মপুং ফানা চত্থরি।  মফম অসিদা লৈবা বাগলকোত জিলাগী ‘বিলকেরুর’ খুঙ্গংদা মীয়াম্না য়াম্না ফজরবা অমৃত সরোভর অমা শাখি। তশেংবদি মফম অসিদা মীয়াম্না চীংদগী চেনথরকপা ঈশিংনা মরম ওইদুনা সমস্যঅ কয়া অমা মায়োক্নরমখি; লৌমীশিং অমসুং মখোয়গী মহৈ-মরোংশিং অসিদা চাউনা অমাং অতা থোকহনখি। অমৃত সরোভর শেম্নবা খুঙ্গংগী মীয়াম্না ঈশিং পুম্নমক চেনেলাইজ তৌখি অমসুং মাইকৈ অমরোমদা থৈদোকখি। মসিনা মফম অসিদা থোক্লিবা ঈচাওগী সমস্যাশিং কোকহনখি। অমৃত সরোভর অভিয়ান অসিনা ঙসিগী ঐখোয়গী সমস্যা কয়া কোকহনবা খক্তা নত্তনা মসি ঐখোয়গী হৌরক্লিবা মীরোলশিংগীদমক চপ মান্ননা তঙাই ফদে।  কেম্পেন অসিগী মখাদা মফম কয়াদা লৈরিবা অমনবা পুখ্রিশিং নৌনা শেমগৎলি। অমৃত সরোভর অসি শা-ঙাগী অরাম খৌরাংবা কোকহনবগা লোয়ননা লৌউ-শিংউগীদমকসু শীজিন্নরি। পুখ্রিশিং অসিনা মরম ওইদুনা মনাক নকপা মফমসিংগী গ্রাউন্ত ৱাতর তেবল হেনগৎহনখি। মসিগা ইরোইননা মখোয়গী অকোইবদা লৈরিবা মফম অদুবু পুমশঙ-শঙহনখি। মসি খক্তা নত্তনা মফম কয়াদা লৈরিবা মীওইশিংনা অমৃত সরোভরদা ঙা ফার্ম তৌনবা শেম-শাবগী থবকসু চত্থরি। ঐহাক্না মীয়ামদা মরু ওইনা ঐহাক্কী নহা ওইরিবা মরুপশিংদা হায়জনীংবা ৱাফম অদুদি অমৃত সরোভর কেম্পেন অসিদা থৱায় য়াওনা শরুক য়াবীয়ু অমসুং ঈশিং য়োকশিনবা অমসুং ঈশিং তুংশিনবগী খোঙথাংশিং অসিদা মপুং ফানা মতেং পাংবীদুনা মসিবু খুমাং চাউশিনহল্লসি।

ইগী নুংশিরবা ইরৈবাকচাশিং, অসামগী বোঙ্গাই খুঙ্গংদা য়াম্না পুক্নিং চীংশিন্নীংঙাই ওইবা প্রোজেক্ত – প্রোজেক্ত সম্পুর্না চত্থরি। প্রোজেক্ত অসিগী পান্দমদি মালন্যুত্রিসন থেংনবনি অমসুং মসিদা শীজিন্নরিবা পাম্বৈ অসি য়াম্না তোপ-তোপ্পি। মসিগী মখাদা অঙ্গনৱাদী সেন্তর অমদগী মশা মউ ফবা অঙাং অমগী মমাগা মশা মউ ফত্তবা অঙাংগী মমাগী চয়োল খুদিংগী উন্নহল্লি অমসুং মখোয়দা ন্যুত্রিসনগা মরী লৈনবা ই-পাউগী মরমদা খন্ন-নৈনহল্লি। হায়বদি মমা অমনা অতোপ্পা মমা অমগী মরুপ ওই, মতেং পাংনৈ অমসুং তাকপী তম্বী। প্রোজেক্ত অসিগী মতেংগা লোয়ননা লমদম অসিদা চহি অমদা অঙাং চাদা ৯০ হেন্না মালনোরিশ ওইহনদবা ঙমখি।

মালন্যুত্রিসন মুত্থৎপদা ঈশিং-নোংমাই অমসুং ভজনশিং অসি শীজিন্নবা য়াগনি হায়বা অদোম্না খল্লুবা তৌবরা? মসি “মেরা বচ্চা কেম্পেন”দা মাইপাক্না শীজিন্নখি; ‘মেরা বচ্চা অভিয়ান” অসি মধ্য প্রদেশকী দতিয়া জিলাদা পাইখৎখি। মসিগী মখাদা জিলা অসিদা ভজন-কির্তনশিং পাঙথোকখি, মসিগী ওজাশিং ওইনা ন্যুত্রিসন গুরুশিং কৌখি। মসিদা মতকা প্রোগ্রাম অমসু পাঙথোকই, মসিদা নুপীশিংনা অঙ্গনৱাদী সেন্তরশিংগা মহৈ-মরোং খুজোক অমা পুরকই অমসুং মহৈ-মরোং অসিগা লোয়ননা থাংজা নুমিৎতা ‘বালভোজ’ অমা পাঙথোকই। মসিনা অঙ্গনৱাদী সেন্তরশিংদা লাকপা অঙাংগী চাং হেনগৎহনবা খক্তা নত্তনা মালন্যুত্রিসন হন্থহনবা উবা ফংখি। মালন্যুত্রিসনগী মরমদা এৱের্নেস হেনগৎহন্নবা ঝারখন্দদা অখন্নবা কেম্পেন অমসু চত্থরি। ঝারখন্দগী গিরীদিহদা স্নেক-লেদর গেম অমা শেমখি। মশান্না অসিগী খুত্থাংদা অঙাংশিংদা অফবা অমসুং ফত্তবা হৈনবীশিংগী মরমদা তাকপী-তম্বীরি।

মরুপশিং, ঐহাক্না নখোয়দা মালন্যুত্রিসনগা মরী লৈনবা অনৌবা ইনোভেতিব ওইবা এক্সপরিমেন্ত কয়াগী মরমদা হায়রিবা অসিগী মরমদি লাক্কদৌরিবা থাশিংদা ঐখোয়না কেম্পেন অসিদা য়াওশিনবা তাই। সেপ্তেম্বর থা অসি মচী ওইবা চিঞ্জাক্কা মরী লৈনবা কুহ্মৈ লোয়ননা অচৌবা কেম্পেন অমা পাঙথোক্কনি। ঐখোয়না চহি খুদিংগী সেপ্তেম্বর ১দগী ৩০ ফাওবা পোশন মাহ পাঙথোক্লি। মালন্যুত্রিসন ঙাকথোক্নবা লৈবাক শিনবা থুংবদা ক্রিএতিব ওইবা অমসুং মখল কয়াগী খোঙথাংশিং পাইখৎলি। ন্যুত্রিসন কেম্পেন অসিদা তেক্নোলোজী নীংথিনা শীজিন্নবা অমসুং মীয়াম্না শরুক য়াবা হায়বা অসি য়াম্না মরু ওইবা শরুকনি। লৈবাক্কী অঙ্গনৱাদী ৱার্কর মিলিয়ন কয়াদা মোবাইল দিভাইসশিং পীবদগী হৌদুনা অঙ্গনৱাদী সর্ভিসশিংগী এক্সেসিবিলিতী য়েংশিন্নবা পোশন ত্রেকর অমসু লোঞ্চ তৌখি। এস্পিরেস্নেল দিস্ত্রিক্ত অমসুং অৱাং নোংপোক্কী রাজ্য পুম্নমক্তা চহি ১৪দগী ১৮গী মনুংদা লৈবা নুপীমচাশিংবু পোশন অভিয়ানগী মখাদা কোনশিল্লি। মালন্যুত্রিসনগী অৱাবা কোকহন্নবা পাম্বৈ অসি শুপ্নগী খোঙথাং অহুম খক্তনা য়াদে – লান্থেং অসুদা অতোপ্পা থৌরাং কয়াগীসু মরু ওইবা থৌদাং লৈ। খুদম ওইনা জল জীবন মিসন অসি য়েংশি, মসিনা ভারতপু মালন্যুত্রিসন ফ্রী ওইনবা হোৎনবদা অচৌবা থৌদাং য়ারি। মালন্যুত্রিসনগী শীংনবশিং মায়োক্নবদা সোসিএল এৱের্নেসন্না মরু ওইবা থৌদাং অমা লৌরি। ঐহাক্না লাক্কদৌরিবা মচী ওইবা চিঞ্জাক চাবগী থা অসিদা মালন্যুত্রিসন মুথৎনবা খোঙথাংশিং অসিদা শরুক য়ানবা ময়ামদা হায়জরি।

ঐগী নুংশিরবা ইরৈবাকচাশিং, চেন্নাইদগী শ্রীদেবী বর্দরাজনজীনা ঐঙোন্দা রিমাইন্দর অমা থাবীরকই। মহাক্না মসিগা মান্নবা মাইগোবতসু করিগুম্ব খরা ইরকখি – অনৌবা চহি হৌগদবা থা ৫ ফাজিলক্ত্রে, অমসুং ঐখোয় পুম্নমক্না খঙই মদুদি লাক্কদৌরিবা চহি অসি ইন্তর্নেস্নেল ইয়র ওফ মিল্লেৎ হায়না পাঙথোক্কদৌরি হায়বা খঙই। মহাক্না লৈবাক অসিগী মিল্লেৎ মেও অমসু ঐঙোন্দা থাবীরকখি। মহাক্না ৱাফম অসি করিগুম্বা লাক্কদৌরিবা ‘মন কী বাত’কী তাঙ্কক্তা খন্নবা য়াগদ্রা হায়না হংলকখি। ঐগী ইরৈবাকচাশিংদা অসিগুম্বা মখলগী ৱাখল্লোন অসিদা ঐহাক্না য়াম্না নুংঙাইবা ফাওজৈ। ইং কুমজা ২০২৩ অসিবু ইন্তর্নেস্নেল ইয়র ওফ মিল্লেৎ হায়না লাউথোক্নবা য়ুনাইতেদ নেসন্সনা রিজোল্যুসন অমা পাস তৌখি হায়বা ময়াম্না নীংশিংলমগনি। ভারতকী প্রপোজেল অসি লৈবাক ৭০ হেনবনা অয়াবা পীরকখি ৱাফম অসি তাবদা ময়াম্না হেন্না নুংঙাইবা ফাওরমগনি হায়না খঞ্জৈ।

ঙসি মালেম শিনবা থুংবদা অসিগুম্বা য়াম্না পৌবা মহৈ-মরোং, মিল্লেৎগুম্বা অসি পাম্নবা হেনগৎলক্লি। মরুপশিং, ঐহাক্না অপৌবা মহৈ-মরোংগী মতাংদা ঙাংবা অসিদা ঐহাক্না ঙসি নখোয়না ঐহাক্না হোৎনখিবা অমগী মতাংদা পাউদমজগে। হৌখিবা মতম খরা অসিদা ভারত্তা মীরৈবাক্তগী মীথুংলেনশিং লাকপা, লৈবাকশিংগী মকোকশিং লাকপা মতমদা ঐহাক্না ভারতকী মিল্লেৎশিংগী হায়বদি বেংক্যুতশিংদা ঐখোয়গী অপৌবা মহৈ-মরোংগী মথেলশিং শিললাংখি। অমসুং দিগনিতরীশিংনা মসি য়াম্না হাওনা চাখি অমসুং মখোয়না ঐখোয়গী অপৌবা মহৈ-মরোং, মিল্লেৎশিংগী মরমদা ই-পাউ কয়া লৌনবা হোৎনখি। মিল্লেৎ, অপৌবা মহৈ-মরোং অসি অরিবা মতমদগী হৌদুনা ঐখোয়গী লৌউ-শিংউ, নাৎ অমসুং সভ্যতাগী শরুক অমা ওইদুনা লাকখি। বেদদা মিল্লেৎকী মরমদা ইরমখি অমসুং মতৌ অসুম্না মখোয় অসি পুরাননুরু অমসুং তোলকাপ্পিয়মদসু য়াওরি। করিগুম্বা অদোম্না লৈবাক অসিগী মফম অমা হেক্তদা চৎপা মতমদা অদোম্না মফম অদুগী মীয়ামগী চিঞ্জাক্তা মিল্লেৎ মখল কয়া থেংগনি। মিল্লেৎ অসিদসু ঐখোয়গী নাৎগুম্না মখল কয়া লৈ। জ্বার, বাজরা, রাগী, সাৱান, কঙ্গনী, ঈনা, কোদো, কুতকী, কুত্তু পুম্নমক অসি মিল্লেৎশিং ঙাক্তনি। ভারতনা মালেমগী ওইনা মিল্লেৎ খ্বাইদগী য়াম্না পুথোকই; মরম অসিনা থৌরাং অসিবু মাইপাকহন্নবগী থৌদাং অদু ভারত মচা ঐখোয়গীনি। ঐখোয়না অমত্তা ওইনা মসিবু মীয়ামগী ইহৌ ওইহনসি অমসুং লৈবাক্কী মীয়ামদা মিল্লেৎশিংগী মরমদা এৱের্নেস পীবা হেনগৎলসি। অমসুং মরুপশিং নখোয়নসু মুন্না খঙলমগনি মদুদি মিল্লেৎ অসি লৌমীশিং মরু ওইনা অপীকপা লৌমীশিংগীদমক য়াম্না কান্নৈ। তশেংবদি মহৈর-মরোং অসি য়াম্না তেনবা মতমগী মনুংদা মহৈ য়ানবা ঙম্মি অমসুং মসিদা ঈশিং কা হেন্না চংদে।

ঐখোয়গী অপীকপা লৌমীশিংগীদমক মিল্লেৎশিং অসি য়াম্না কান্নৈ। মিল্লেৎকী চরু অদু শা-শনগী খ্বাইদগী ফবা মচিঞ্জাক ওইনা লৌনৈ। হৌজিক মতম অসিদা হৌরক্লিবা মীরোলশিংনা হকচাং ফনা হিংবা অমসুং অফবা চাবা হায়বা অসিদা মীৎয়েং চংবা তাই। করিগুম্বা হীরম অসিগী মীৎয়েংদগী য়েংবা তারবদি মিল্লেৎ অসিদা প্রোতিন, ফাইবর অমসুং মিনরেল অসিনচিংবা য়াওরি। মীওই কয়ানা মসিবু সুপরফুদ হায়না খঙনৈ। মিল্লেৎকী কান্নবা অসি অমা খক্তা নত্তে কয়া অমা লৈ। নোইবা হন্থহনবা খক্তা নত্তনা মসিনা দাইবেতিস, হাইপরতেন্সন অমসুং থমোয়গা মরী লৈনবা লাইনাশিং নারকপগী চাং হন্থহল্লি। মসিগা লোয়ননা মখোয়না চখাও অমসুং লিবরগা মরী লৈনবা অনাবা ঙাকথোকপদসু মতেং পাংই। ঐখোয়না মমাংদা মালন্যুত্রিসনগী মতমদা ঙাইহাক্কী মমাংদা খন্নখি। মিল্লেৎতা ইনর্জী লোয়ননা প্রোতিন য়াম্না য়াওবনা মসিনা মালন্যুত্রিসন মায়োক্নবদা য়াম্না কান্নবা পীরি। ঙসি লৈবাক অসিদা মিল্লেৎ চাউখৎহন্নবা থৌরাং কয়া পাইখৎলি। মসিগা মরী লৈনবা রিসর্চ অমসুং ইনোভেসনশিংদা মীৎয়েং চংবগা লোয়ননা এফ.পি.ও.শিংদা মসি পুথোকপা হেনগৎহন্নবা পুক্নিং থৌগৎলি। ঐগী লৌমী ইচিল-ইনাওশিংদা মিল্লেৎ হায়বদি অপৌবা মহৈ-মরোংশিং য়াম্না পুথোকপীয়ু অমসুং মসিদগী কান্নবা ফংবীয়ু হায়না হায়জরি। ঙসি মিল্লেৎশিংগীদমক থাবক পাইখৎলিবা অসিগুম্বা স্তার্ত-অপ কয়া থোরকপা উবা ফংবা অসিদা নুংঙাইবা ফাওই। মখোয়না মিল্লেৎ কুকিশিং শারি খরা অমনা মিল্লেৎ পেনকে অমসুং দোসা সারি। মখোয় খরনা মিল্লেৎ ইনর্জী বারশিং অমসুং মিল্লেৎ ব্রেকফাস্তশিং শারি। ঐহাক্না লম অসিদা থবক তৌরিবা মীওই পুম্নমক্তা য়াইফ-মঙ্গোল পীজরি। হরাও-কুহ্মৈগী পন্থা অসিদা ঐহাক্না মথেল কয়াদা মিল্লেৎশিং শীজিন্নবীয়ু হায়না হায়জরি। নখোয়গী য়ুমদা শেম্বা মথেলশিং অদুগী ফোতোশিং সোসিএল মেদিয়াদা শিয়র তৌবীরকউ মসিনা মিল্লেৎশিংগী মরমদা মীয়ামদা এৱের্নেস পীবদা মতেং পাংগনি।

ঐগী নুংশিরবা ইরৈবাকচাশিং নুমিৎ খরগী মমাংদা ঐহাক্না অরুনাচল প্রদেশকী সিয়াং জিলাদা লৈবা জোরসিং খুঙ্গংদগী পাউ অমা উখি। পাউ অসি খুঙ্গংগী মীয়াম্না চহি কয়াগী মমাংদগী ঙাইদুনা লাকপা অওনবা অমগী মতাংদনি। তশেংবদি থা অসিদা জোরসিং খুঙ্গংদা নীংতম্বা নুমিৎতা ৪জি ইন্তর্নেৎ সর্ভিসশিং ফংবা হৌখি। মমাংদা খুঙ্গং অসিদা ইলেক্ত্রিসিতী য়ৌরকপা মতমদা মীয়াম্না হরাওনখিবা অদুগুম্না হৌজিক অনৌবা ভারত অসিদা মদম অদুদা ৪জি ফংবা মতমদা চপ মান্ননা নুংঙাইবা পোকখি। অরুনাচল অমসুং অৱাং নোংপোক্কী মনুং হঞ্জিনবা মফমশিংদা ৪জিগী মওংদা অনৌবা মঙাল অমা ফংখি; ইন্তর্নেৎ কন্নেক্তিবিতীনা অনৌবা অয়ুক অমা পুদুনা লাকখি। অচৌবা সহরদা খক্তা ফংলম্বা খুংদোংচাবশিং অদু দিজিতেল ইন্দিয়াগী খুত্থাংদা খুঙ্গং খুদিংমক্তা য়ৌহনবা ঙমখি। মরম অসিনা অনৌবা দিজিতেল ওন্তপ্রিনোরশিং লৈবাক অসিদা থোরক্লি। রাজস্থানগী অজমের জিলাগী সেথা সিংহ  রাৱতজীনা ‘দর্জী ওনলাইন’, ‘ই-স্তোর’ অমা হাংখি। অদোম্না দর্জী ওনলাইন হায়বা অসি করিনো হায়না খল্লগনি। তশেংবদি সেথা রাৱতজীনা কোবিদ লাক্ত্রিঙৈ মমাংদা ফী তুবগী থবক তৌরম্মি। কোবিদ লাক্লবা মতুংদা মহাক্না থেংনবা শীংনবা অসি খুদোংচাদবা অমা ওইনা লৌখিদে মহাক্না মসিবু খুদোংচাবা অমা ওইনা লৌখি। মহাক্না ‘কম্মন সর্ভিস সেন্তর’ হায়বদি সি.এস.সি. ই-স্তোর য়াওশিনখি অমসুং ওনলাইন ওইনা থবক তৌবা হৌখি। মহাক্না কস্তমরশিংনা মাস্কশিংগীমদক মশিং য়াম্না ওর্দর তৌবা উখি। মহাক্না নুপী খরা নেক্তুনা মাস্ক তুবা হৌখি। মসিগী মতুংদা মহাক্না ‘দর্জী ওনলাইন’ কৌবা ওনলাইন স্তোর অমা হাংখি, মহাক্না মখল পুম্নমক্কী অতুবা ফিরোলশিং য়োনবা হৌখি।  ঙসি দিজিতেল ইন্দিয়াগী শক্তিগা লোয়ননা সেথা সিংহগী থবক অসি অদুক্কী মতিক হেনগৎখি হৌজিক মঙোন্দা লৈবাক শিনবা থুংবদগী ওর্দর লাক্লি। মহাক্না মফম অসিদা নুপী কয়াদা থবক পীরি। দিজিতেল ইন্দিয়ানা য়ু.পি.গী উন্নাওগী ওম প্রকাশজীবু দিজিতেল ওন্তপ্রিনোর অমা ওইহনখি। মহাক্না মহাক্কী খুঙ্গংদা ব্রোদবেন্দ কন্নেক্সন লিশিং অমা হেন্না ফংহনখি। ওম প্রকাশজীনা মহাক্কী কম্ম সর্ভিস সেন্তফূ অকোইবদা ফ্রী ৱাইফাই জোন অমা শেমখি, মসিনা লায়রবা মীওইশিংদা মতেং চাউনা পাংবা ঙমখি। ওম প্রকাশজীগী থবক অসি য়াম্না হেনগৎলকপনা মহাক্না অহেনবা মীওই ২০ অমগা নেকখি। মীওইশিং অসিনা স্কুলশিং, হোস্পিতালশিং, তেহসিল ওফিসশিং অমসুং খুঙ্গংগী অঙ্গনৱাদী সেন্তরশিংদা ব্রোদবেন্দ কন্নেক্সন পীরি অমসুং মসিদগী থবকসু ফংলি। কম্মন সর্ভিস সেন্তরগুম্না গভর্নমেন্ত ই-মার্কেৎ প্লেস হায়বদি জি.ই.এম. পোর্তেলদা মাইপাকপগী ৱারী কয়া য়াওরি।

মরুপশিং ঐহাক্না খুঙ্গংশিংদগী মেসেস কয়া ফংই মসিদা মখোয়না ঐঙোন্দা ইন্তর্নেৎনা পুরকপা অহোংবসিংগী মরমদা পাউদমখি। ইন্তর্নেৎনা ঐখোয়গী নহা ওইরিবা মরুপশিং মহৈ তম্বগী মওংদা অহোংবা পুরকখি। খুদম ওইনা য়ু.পি.দগী গুরিয়া সিংহনা উন্নাওদা লৈবা অমোইয়া খুঙ্গংদা মহাক্কী মকু-মনেমগী য়ুমদা লাকপা মতমদা মহাক্কী মহৈ-মশিংগী মরমদা ৱাখল ৱারমখি। অদুবু ভারতনেৎনা মহাক্কী অৱাবা কোকহনখি। গুরিয়ানা ইন্তর্নেৎকী খুত্থাংদা মহাক্কী স্তদীজ মখা চত্থখি অমসুং মহাক্কী গ্রেজুএসন লৌশিনবা ঙমহনখি। দিজিতেল ইন্দিয়া কেম্পেনদগী খুঙ্গংশিংদা লৈবা অসিগুম্বা পুন্সি কয়ানা অনৌবা শক্তি হাপলি। খুঙ্গংশিংগী দিজিতেল ওন্তপ্রিনোরশিংগী মরমদা অদোম্না খঙবা ঙম্বা অদু ইবীরক্তুনা থারকউ অমসুং সোসিএল মেদিয়াদা মখোয়গী মাইপাকপগী ৱারী অদু শিয়র তৌরকউ।

ঐগী নুংশিরবা ইরৈবাকচাশিং মতম খরগী মমাংদা হিমাচল প্রদেশতগী ‘মন কী বাত’ তাবীরিবা মীশক অমা, রামেশজীদগী চীথি অমা ফংখি। রামেশজীনা মহাক্কী চীথিদা চীং অসিগী অখন্নবা মতৌশিং অদুগী মতাংদা পাউদমলকখি। মহাক্না চীংগী মফমশিংদা মী থাপ্না-থাপ্না তারবদি মীয়ামগী থমোয় অদুদি নকনা তিন্নৈ হায়না ফোঙদোকখি। তশেংবমক্নি ঐখোয়না চীংশাংশিং অসিদা হিংলিবা মীয়ামগী পুন্সিদগী তমশিনবা য়াবা কয়া অমা লৈ। অহানবা পরা অসি ঐখোয়না চীংশাং অসিদা লৈরিবা পুন্সি মহিং অমসুং নাৎ অসিগী ফংজখি মদুদি মতাং মতমগী মতুং ইন্না থেংনবা খুদোংচাদবদা নীংহন্নবা তৌদনা মাংদা চংশিল্লবদি মদু লায়না মাইপাকপা ঙমগনি অমসুং অনিশুবদা মফম অদুগী রিসোর্সশিংগা লোয়ননা ঐখোয়না করম্না মরোমদোম লেপচবা ঙমগনি হায়বা অসিনি।  ঐহাক্না পনখিবা অহানবা পরা অদুদা ঙসি-ঙসিমক স্পীতীগী লমদা মসিগী ফজরবা শক্তম উবা ফংলি। স্পীতী অসি ত্রাইবেলনা খুন্দাবা মফম অমনি। মফম অসিদা হৌজিক হৱাইথরাক হেকপা মতম ওইরি। মসি চীংগী লৌবুকশিংদা অচৌবা অমসুং অৱাবা থবক অমনি। অদুবু মফম আসিদা খুঙ্গংগী নুপীশিংনা পুনশিন্নদুনা পুন্না অমনা অমগী লৌবুকশিংদগী হৱাইথরাক হেকমিন্নরি। মসিগী থবক অসিগা লোয়ননা নুপীশিংনা মফম অসিগী ঈশৈ ‘ছপরা মাঝী ছপরা’ শকমিন্নরি।  হায়বদি মফম অসিদা ম্যুচুএল কোর্পোরেসন অসি অরিবা চৎনবীগী শরুক অমসু ওইরি হায়বনি। মফম অসিগী রিসোর্সশিং শীজিন্নবগী খ্বাইদগী ফজবা খুদম অসি স্পীতীদা ফংই। স্পীতীদা শন লোইবা লৌমীশিংনা শনথী অদু কংহল্লি অমসুং ভোরা খাও অমদা হাপচিল্লি। নীংথম থা লাকপা মতমদা মফম অসিদা খুর হায়না খঙনবা শন্না লৈরিবা শনগোনশিংদা ভোরাশিং অসি থাদুনা থম্মি। উন তাবা মতমদা ভোরা অসিনা শনশিংবু অইংবদগী ঙাকথোকপী। নীংথম থাগী মতুংদা শনথী অসি লৌবুক্তা হার ওইনা শীজিন্নৈ। হায়বদি শা-শনগী ফত্তা হাওদী অদুনা মখোয়বু অইংবদগী ঙাকথোকপীবা অমসুং মদু লৌবুকশিংদা হার ওইনা শীজিন্নৈ হায়বনি। লৌ-উবদা চংবা শেল হন্থহল্লি, চাথোক পুথোকপদসু হেনগৎলি। হায়বদি মফম অসি হৌজিক মতম অসিদা মহৌশাগী লৌউ-পথাপ শীজিন্নবগী তমজনীংঙাই ওইরক্লি।

মরুপশিং অসিগুম্বা থাগৎনীংঙাই ওইবা খোঙথাং কয়া ঐখোয়গী অতোপ্পা চীংগী রাজ্য উত্তরাখন্দদসু উবা ফংলি। উত্তরাখান্দদা হীদাক লাংথক অমসুং পাম্বী মখল কয়ামরুম ফংই মসি ঐখোয়গী হকশেলদা য়াম্না কান্নৈ। মখোয়শিং অদুগী মরক্তা বেদু হায়বা উহৈ অসি অমনি। মসি হিমালয়ন ফিগ হায়নসু খঙনৈ। উহৈ অসিদা মিনরেল অমসুং বিতামিন মরাং কাইনা য়াওই। মীয়াম্না মসি মসি উহৈ ওইনা খক্তা চাবতা নত্তনা মসিনা লাইনা কয়া লায়েংবদা মতেংসু পাংই। উহৈ অসিগী কান্নবশিং অসি য়েংলগা হৌজিক বেদুগী হৈমহী, জাম, চতনী, আচার অমসুং কংহন্দুনা দ্রাই ফ্রুৎশং শেম্লি মসি মার্কেৎতা লোঞ্চ তৌখি। পিথোরাগর এদমিনিস্ত্রেসনগী থৌরাং অমসুং লমদম অসিগী মীয়ামগী মতেংগা লোয়ননা বেদুবু মার্কেৎতা তোঙান-তোঙানবা মওংদা পুথোকপদা মাইপাকপা ঙমখি। বেদু অসি পহারি ফিগ হায়না ব্রান্দিং তৌদুনা ওনলাইন মার্কেৎতা মসি লোঞ্চ তৌখি। মসিনা মরম ওইদুনা লৌমীশিংনা শেন্থোক লৈনবা অনৌবা পাম্বৈ অমা পীবতা নত্তনা বেদুগী হিদাক্তা কান্নরবা মগুনশিং অসিগী কান্নবশিং অসিগী মতাংদা মীয়ামদা খঙহনবসু ঙমখি।

ঐগী নুংশিরবা ইরৈবাকচাশিং, ‘মন কী বাত’ অসিদা অহৌবা ওইনা ঙসি ঐহাক্না আজাদী কা অমৃত মহোৎসবকী মতাংদা পনখি। নীংতম নুমিৎকী অচৌবা কুহ্মৈগা লোয়ননা লাক্কদৌরিবা নুমিৎ খরা অসিদা পাঙথোক্কদবা হরাও-কুহ্মৈ কয়ানা পরেং লেংদুনা লৈরি। ঙসিদগী নুমিৎ খরগী মতুংদা গনেশ চতুর্থী, ভগৱান গনেশ থৌনিজবগী কুহ্মৈ লাক্লগনি। গনেশ চতুর্থী হায়বদি গনপতী বাপ্পা থৌনিবগী কুহ্মৈ অদুবুনি। গনেশ চতুর্থীগী মতুংদা ওনমগী কুহ্মৈ হৌরগনি। ওনম অসি কেরাগী কুহ্মৈনি অমসুং মসি শান্তি অমসুং চাউখৎপগী ৱাখল্লোনগা লোয়ননা পাঙথোক্কনি। হরতালিকা তীজ অসি ওগস্ত ৩০দা পাঙথোক্কনি। সেপ্তেম্বর ১দা ওরিশাদা নুৱাখাই কুহ্মৈসু পাঙথোক্কনি। নুৱাখাই হায়বা ৱাহৈ অসি অনৌবা চিঞ্জাক হায়বনি, মরম অসিনা কুহ্মৈ অসিবু ঐখোয়গী অতোপ্পা কুহ্মৈ কয়াগী মতৌগুম্না লৌউ-শিংউগী চৎনবীগা মরী লৈনবা কুহ্মৈ অমনি। মরম অসিদা জেন ফুরুপকী সমবতসরী কুহ্মৈসু লাক্লগনি। কুহ্মৈ পুম্নমক অসি ঐখোয়গী নাৎকী চাউখৎপা অমসুং মরেক মহাও থোক্না হিংনবগী ৱাখল্লোন অদুগা মান্নরি। ঐহাক্না কুহ্মৈশিং অমসুং অখন্নবা থৌরমশিং অসিগীদমক মীয়ামদা য়াইফ পাউজেল পীজরি। কুহ্মৈশিং অসিগা লোয়ননা মেজর ধ্যানচন্দজীগী মপোক কুমওন, হয়েং ওগস্ত ২৯দগী নেস্নেল স্পোর্তস দে অসি পাঙথোক্কনি। ঐখোয়গী নহা ওইরিবা শান্নরোয়শিংনা মখা তানা মালেমগী ফম্পাকশিংদা ঐখোয়গী মচু অহুমগী ফিরাল অসি হেন্না ৱাংনা পাইহন্দুনা চাউথোকচাবা পোকহল্লি, মসিনা ধ্যানচন্দজীদা ইকাই খুম্নবা উৎপা ওইরসনু। ঐখোয়না মতৌ অসুম্না লৈবাক্কীদমক পুন্না হোৎনখিসি; লৈবাক্কী মীংচৎ হেন্না পুরকপা ওইরসনু… য়াইফ-মঙ্গোল অসিগা লোয়ননা ঐহাক্কী ৱারোল মতাংদা অসিদা লোইশিনজরি। মথংগী থাদা অমুক হন্না ‘মন কী বাত’ লাকখিগনি।

হন্না-হন্না থাগৎচরি!

ঐগী নুংশিরবা ইরৈবাকচাশিং, খুরুমজরি!

মসি ‘মন কী বাত’কী ৯১শুবা তাঙ্কক্নি। মমাংদা ঐখোয়না তোঙান-তোঙানবা ৱাফম কয়াগী ৱারী শাখ্রে, মশিং লাকঙমদ্রবা হীরমশিংদা ঐখোয়গী ৱাখল্লোনশিং ফোঙদোকখ্রে, অদুবু হন্দক্কী ‘মন কী বাত’ অসিদি য়াম্না অখন্নবা ওই। মসিগী মরমদি হন্দক্কী তানফম অসি নীংতম নুমিৎ ওইরি, ভারতনা নীংতম্বা ফংলকপগী চহি ৭৫ শুগদৌরি। ঐখোয়না ফজরবা অমসুং পুৱারী ওইরবা মীকুপ অসি উজবা ফংগদৌরি। তাইবং মপুনা ঐখোয়বু অচৌবা খুদোংচাবা অসি ফংহনবীরি। খন্দুনা য়েংবীয়ু… ঐখোয়না মীখা পোল্লিঙৈ মতমদা পোক্লম্বা তারবদি, ঐখোয়না নুমিৎ অসি করম্না উবা ফংলমগনি? মীখা পোনবদগী নীংতম্বা পাম্বগী ইখৌ লাংবা, মীনাই নাইথাংগী য়োৎলিংদগী নীংতম্বা ফংনবা হোৎনবা – মসিগী মতিক ময়াই কল্লমগনি! মতম অদুদা,  নুমিৎ খুদিংগী ইরৈবাকচা করোর কয়ানা লান্থেংনবা, লান শোক্নবা অমসুং নীংতম্বগীদমক থৱায়না পোন্থা পীবা উরমগনি। মতম অদুদা ঐখোয়না করম্বা মতমদা ঐহাক্কী ভারতনা নীংতম্বা ফংগদগে হায়না মঙলানগা লোয়ননা নুমিৎ খুদিংগী অয়ুক্তা হৌগৎলমগনি… অমসুং ভন্দে মাতরম অমসুং ভারত ইমানা য়াইফরে হায়না খোলাউ লাউদুনা তুংগী মীরোলগীদমক্তা ঐখোয়গী নহা ওইরিঙৈগী পুন্সি কত্থোক্তুনা ঐখোয়না থৱায়না পোন্থা পীরম্বসু য়াই। 

মরুপশিং, জুলাই ৩১, হায়বদি ঙসি অসি ইরৈবাকচা পুম্নমক্না সহীদ উধম সিংহজীনা কত্থোকখিবা অদুবু ইকাই খুম্নবা উৎলি। ঐহাক্না লৈবাক্কীদমক কত্থোকখ্রবা অসিগুম্বা অতোপ্পা অথৌবা য়াওল্লোই পুম্নমক্তা ইকাই খুম্নবা উৎচরি।

মরুপশিং, আজাদী কা অমৃত মহোৎসবপু মীয়ামগী ইহৌ অমগী মওংদা পাঙথোক্লিবা অসি উবদা ঐহাক্না য়াম্না নুংঙাইবা ফাওই। লম খুদিংমক্তগী অমসুং খুন্নাইগী শরুক খুদিংমক্তগী মীয়াম্না থোরক্তুনা মসিগা মরী লৈনবা তোঙান-তোঙানবা থৌরমশিংদা শরুক য়ারি। অসিগুম্বা থৌরম অমা থা অসিগী হৌরকপদা মেঘালয়দা পাঙথোকখি। মীয়াম্না মেঘালয়গী অথৌবা লান্মী য়ু. তিরোত সিংহবু মহাক্কী লৈখিদবগী কুমওন্না লাকপদা নীংশিংখি। তিরোত সিংহজীনা খাসী হিলসবু ব্রিতিশনা খুদম চন্নবা হোৎনখিবা অমসুং মফম অদুগী চৎন-লোনচৎ মাংহন্নবা হোৎনরকখিবগী মায়োক্তা অকনবা মওংদা মায়োক্নখি। থৌরম অসিদা কলাকার কয়ানা ফজরবা খুদোলশিং তমখি। মখোয়না পুৱারীবু অমুক হিংগৎহনখি। থৌরম অসিগী শরুক ওইনা কার্নিবেল অমা পাঙথোকখি, মসিদা মেঘালয়গী ফজরবা চৎন-লোনচৎ অসি নীংথিজরবা মওংদা উৎখি। চয়োল খরগী মমাংদা কর্নাতকাদা, অমৃতা ভারতী কন্নদার্থী কৌবা অখন্নবা কেম্পেন অমা হৌদোকখি। হায়রিবা অসিদা রাজ্য অসিগী মফম ৭৫দা আজাদী কা অমৃত মহোৎসবকা মরী লৈনবা অচৌবা থৌরমশিং পাঙথোকখি। মসিগা লোয়ননা কর্নাতকাগী অথৌবা নীংতম লান্মীশিংবুসু নীংশিংখি, মফম অসিগী খোরিলোলগী ফজরবা মশকশিং মাংদা পুথোক্নবা খোঙথাংশিংসু লৌখৎখি।

মরুপশিং, জুলাই থা অসিমক্তদা পুক্নিং চীংশিন্নীংঙাই ওইরবা খোঙথাংশিং লৌখৎখি মসিগী মমিং আজাদী কা রেলগারী ওর রেলৱে স্তেসন কৌখি। মখোয়গী পান্দমদি মীয়ামদা নীংতম ইহৌদা ইন্দিয়ন রেলৱেজনা লৌখিবা থৌদাং অদু খঙহনবনি। লৈবাক অসিদা নীংতম ইহৌগী পুৱারীগা মরী লৈনবা অসিগুম্বা রেলৱে স্তেসন কয়ামরুম লৈ। ময়ামসু রেলৱে স্তেসনশিং অসিগী মরমদা তাবদা শোইদনা অঙকপা পোক্কনি। ঝারখন্দদা লৈবা গোমো জঙ্কসন অসি হৌজিক্তি ওফিসিএল ওইনা নেতাজী সুভাস চন্দ্র বোস জঙ্কসন গোমো হায়না খঙনরে। অদোম খঙবীরব্রা? তশেংবদি স্তেসন অসিমক্তগী নেতাজী সুভাশনা কালকা মেল তোংদুনা ব্রিতিশ ওফিসরশিংবু নমথাক তৌরম্লগা মাইপাক্না নান্থোকখি। পুম্নমক্না লখনৌগী মনাক্তা লৈবা কাকোরী রেলৱে স্তেসনগী মমিং তারম্লগনি। রাম প্রসাদ বিস্মিল অমসুং অশফাক উল্লাহ খানগুম্বা অথৌবা মীওইশিংগা স্তেসন অসিগা মরী লৈনৈ। অথৌবা য়াওল্লোইশিং অসিনা ত্রেন্দা পুরকপা ব্রিতিশকী সনা-লুপা কয়া লুত তৌদুনা মখোয়গী মথৌনা-মরিংজেল খঙহনখি। ময়াম্না তামিল নাদুগী মীয়ামগা ৱারী শাবা মতমদা থুথুকুদী জিলাদা লৈবা বাঞ্চী মনিয়াচ্চী জঙ্কসনগী মরমদা খঙবা ঙমগনি। স্তেসন অসিগী মমিং অসি তামিল নীংতম লান্মী বাঞ্চিনাথনকীদগী লৌদুনা থোনবনি। মফম অসিদা মতম অদুদা চহি ২৫ খক্তা ঙাইরিবা বাঞ্চীনা ব্রিতিশ কল্লেক্তর অমবু মহাক্কী লংজরুবা মরালগীদমক চৈরাক পীখি।

মরুপশিং, লিস্ত অসি য়াম্না শাংখ্রে। লৈবাক শিনবদগী রাজ্য ২৪দা লৈবা অসিগুম্বা রেলৱে স্তেসন ৭৫ মশক খঙদোকখি। স্তেসন ৭৪ অসি য়াম্না নীংথিনা লৈতেংখি। মফমশিং অসিদা থৌরম মখল কয়া পাঙথোক্লি। অদোমগী মনাক নকপদা লৈবা অসিগুম্বা পুৱারীগা শাগোন্নরিবা স্তেসনদা চৎনবগী মতম কাইথোকপীয়ু। অদোম্না খঙলমদবা নীংতম ইহৌগী পুৱারীগী লমায় কয়াগী মরমদা অদোম্না হেন্না কুপ্না খঙবা ঙমগনি। ঐহাক্না মনাক নকপদা লৈবা স্কুলগী মহৈরোয়শিং অমসুং ওজাশিংদা মখোয়গী স্কুলগী অপীকপা অঙাংশিংবু স্তেসন অসিদা পুদুনা অঙাংশিংদা মফম অদুদা থোকখিবা থৌদোক কয়াগী মতাংদা মখোয়দা শন্দোক্না তাকপীনবা ঐহাক্না হায়জরি।

ঐহাক্কী নুংশিরবা ইরৈবাকচাশিং, আজাদী কা অমৃত মহোৎসবকী মখাদা ওগস্ত ১৩দগী ১৫ ফাওবা অখন্নবা খোঙজং – ‘হর ঘর তিরঙ্গা-হর ঘর তিরঙ্গা’ চত্থগনি। খোঙজং অসিগী শরুক ওইনা ওগস্ত ১৩দগী ১৫ ফাওবা অদোমগী য়ুমদা অদোম্না মচু অহুমগী ফিরাল চিংখৎপীয়ু, নত্ত্রগা য়ুমদা মসিবু থেৎপীয়ু। মচু অহুমগী ফিরালনা ঐখোয়বু পুনশিল্লি, ঐখোয়দা লৈবাক অসিগীদমক করিগুম্বা খরা তৌনবা ইথিল পীরিবনি। ঐহাক্না ৱাফম অমা পুখৎখি মদুদি ওগস্ত ২দগী ওগস্ত ১৫ ফাওবা ময়াম্না ঐখোয়গী সোসিএল মীদিয়া প্রোফাইল পিকচরশিংদা মচু অহুমগী ফিরাল হাপ্পিয়ু। অদোম খঙলব্রা, ওগস্ত ২ অসি ঐখোয়গী মচু অহুমগী ফিরালগা অখন্নবা মরী অমা লৈনৈ। নুমিৎ অসি ঐখোয়গী জাতিগী ফিরাল দিজাইন তৌখিবা পিঙ্গলী বেঙ্কাইয়াজীগী মপোক নুমিৎ তারি। ঐহাক্না মহাক্কী মফমদা ইকাই খুম্নবা উৎচরি। ঐখোয়গী জাতিগী ফিরালগী মতাংদা ৱারী শাবা অসিদা ঐহাক্না অথোইবা য়াওল্লোই মেদাম কামাবুসু নীংশিংলি। মহাক্না মচু অহুমগী ফিরাল অসি শেম্বদা য়াম্না মরু ওইবা থৌদাং অমা লৌখি।

মরুপশিং, আজাদী কা অমৃত মহোৎসবকী শরুক ওইনা পাঙথোক্লিবা থৌরম পুম্নমক অসিদগী পীজনীংবা অচৌবা পাউজেল অদুদি ঐখোয়গী ইরৈবাকচাশিংনা ঐখোয়গী থৌদাংবু মপুং ফানা কত্থোকপগা লোয়ননা ঙাক্না চৎকদবনি। মদু খক্তদা ঐখোয়না মশিং লাকঙমদ্রবা নীংতম লান্মীশিংগী মঙলান থুংহনবা ঙমগনি… অমসুং মখোয়না মঙজরম্বা ভারতকী মঙলানশিং থুংহনবা ঙমগনি। মরম অসিনা ঐখোয়গী মথংগী চহি ২৫গী অমৃত কাল অসি কর্তব্যকাল, ইরৈবাকচা খুদিংমক্কী থৌদাং য়াবগী মতম অদুনি।

লৈবাক অসিবু নীংতম্বা ফংহন্নবা ঐখোয়গী থৌনা ফরবা লান্মীশিংনা ঐখোয়দা থৌদাং অসি শীন্নরমখি অমসুং ঐখোয়না মসি মপুং ফানা থুংহন্নবা হোৎনবা তাই।

ঐগী নুংশিরবা ইরৈবাকচাশিং, কোরোনাগী মায়োক্তা ঐখোয়গী ইরৈবাকচাশিংনা শোক্নরিবা লান অসি হৌজিকসু চত্থরি। মালেম পুম্বনা ঙসিসু মসিবু লান্থেংনরি। হোলিস্তিক হেল্থকিয়রদা মীয়াম্না মীৎয়েং চংবা হেনগৎলকপা অসিনা মীপুম খুদিংমক্তা চাউনা মতেং পাংখি। মসিদা ভারতকী অরিবা মতমগী পাম্বৈশিং অসি কয়াম কান্নখিবগে হায়বা ঐখোয় পুম্নমক্না খঙলি। কোরোনাগী মায়োক্তা লান্থেংনবদা আয়ুশনা মালেমগী থাক্তা মরু ওইবা থৌদাং অমা লৌখি। মালেম পুম্বনা আয়ুর্বেদ অমসুং ভারতকী হীদাক-লাংথকশিং অসিদা পাম্নরক্লি। আয়ুশকী এক্সপোর্তশিংদা রেকোর্দ গ্রোথ উবা ফংলিবা অসিগী মরু ওইবা মরমশিংদা মসি অমনি অমসুং সেক্তর অসিদা অনৌবা স্তার্ত-অপ কয়া থোরক্লিবা অসি উবা ফংবা অসি নুংঙাইবা ৱাফম অমসু ওইরি। হন্দক্তা গ্লোবেল আয়ুশ ইনভেস্তমেন্ত এন্দ ইনোভেসন সম্মিৎ পাঙথোকখি। মসিদা লুপা করোর লিশিং তরারোমগী ইনভেস্তমেন্ত প্রপোজেলশিং লাকখি খঙবদা অদোম শোইনা অঙকপা পোক্কনি। কোরোনাগী মতমগী মনুংদা থোকখিবা অতোপ্পা মরু ওইবা ৱাফম অদুদি হীদাক-লাংথক্কী পাম্বৈশিংদা রিসর্চ তৌবা চাউনা হেনগৎলকখি। হীরম অসিদা রিসর্চ স্তদী কয়া ফোঙখ্রে। মসি অফবা অহৌবা অমনি।

মরুপশিং, মখল কয়াগী হীদাক-লাংথক্কী পাম্বীশিংগী লমদা লৈবাক অসিদা অতোপ্পা অচৌবা খোঙথাং অমা পাইখৎলি। জুলাই থাদা ইন্দিয়ন ভর্চুএল হরবেরিয়ম হৌদোকখিবদা ঙাইরি। মসি ঐখোয়গী হৌরকফম শমজিন্নহনবদা করম্না দিজিতেল ৱর্ল্দ শীজিন্নবগে হায়বগী খুদম অমসু ওইরি। ইন্দিয়ন ভর্চুএল হরবেরিয়ম অসি ৱেবতা শেল তিংদনা ফংলিবা ঙাকশেন্দুনা থম্লিবা পাম্বীশিং নত্ত্রগা পাম্বীগী শরুকশিংগী দিজিতেল ইমেজশিংগী পুক্নীং চিংশিংন্নীংঙাই ওইবা কল্লেক্সন অমনি। ভর্চুএল হরবেরিয়ম অসিদা স্পেসিমেন লাখ অমা হেনবা অমসুং মখোয়গা মরী লৈনবা সাইন্তিফিক্কী ওইবা ই-পাউ ফংলি। ভর্চুএল হরবেরিয়ম অসিদা ভারতকী বোতানিকেল দাইভর্সিতীগী ফজরবা শক্তম অমসু উবা ফংলি। ইন্দিয়ন ভর্চুএল হরবেতিয়ম অসিনা ভারতকী ফ্লোরাগী মতাংদা রিসর্চ তৌনবগী অচৌবা রিসোর্স অমা শোইনা ওইরগনি হায়না ঐহাক্না থাজবা থম্মি।

ঐগী নুংশিরবা ইরৈবাকচাশিং, ‘মন কী বাত’ খুদিংমক্তা ঐখোয়গী মাইথোংদা মমোন মীনোক তমহনখিবা ইরৈবাকশিংগী মাইপাকপগী ৱারীশিংগী মতাংদা নৈনৈ। করিগুম্বা মাইপাকপগী ৱারীনা মাইথোংদা মমোন মীনোক তমহল্লবা অমসুং তাবদা খোইথুম্নরবদি অদোম্না মদুবু হেন্না নুংঙাইবা ৱাফমনি হায়না শোইদনা হায়গনি। হৌজিক মতম অসিদা ঐখোয়গী লৌমীশিংনা খোইহীগী পোত্থোকশিংদা থৱায় চংনা হোৎনরি। খোইহীগী খোইথুম্নবা অসিনা ঐখোয়গী লৌমীশিংগী পুন্সিদসু অহোংবা পুরক্লি, মখোয়গী শেন্থোক হেনগৎহল্লি। হরিয়ানাগী য়মুনানগরদা লৈবা খোই য়োকপা – সুভাশ কম্বোজজী কৌবা অমা লৈ। সুভাশজীনা খোই য়োকবগী মতাংদা সাইন্তিফিক ওইবা মওংদা ত্রেনিং চত্থখি। মসিগী মতুংদা মহাক্না শুপ্নগী উপু তরুক্কা লোয়ননা মহাক্কী থবক হৌখি। ঙসিদি মহাক্না উপু লিশিং অনিরোম শীজিন্নদুনা খোই য়োক্লি। মহাক্কী খোইহী অসি রাজ্য কয়াদা সপ্লাই তৌখি। বিনোদ কুমারজী অসিসু জম্মুগী পল্লী খুঙ্গংদসু খোইগী কোলোনী লিশিং অমা মখাই হেন্না থমদুনা খোই য়োক্লি। মহাক্না মমাং চহিদা ক্যুন বী লোইবগী ত্রেনিং য়াওখি। মসিদগী মহাক্না  চহি অমদা লুপা লাখ ১৫দগী ২০ ফাওবা তানবা ঙম্লে। কর্নতকাদসু অতোপ্পা লৌমী – মধুকেশ্বর হেগরেজী লৈরি। মধুকেশ্বরজীনা হায়খি মদুদি মহাক্না ভারত সরকারদগী বী কোলোনী ৫০গী সবসিদী ফংখি। ঙসি মহাক্না কোলোনী ৮০০ হেন্না থম্বা ঙম্লে, অমসুং খোইহী তন কয়া য়োনবা ঙম্লে। মহাক্না থবক অসিদা ইনোভেসন অমসু তৌরি অমসুং মহাক্না জাম খোইহী, তুলসী খোইহী অমসুং হৈক্রু খোইহীগুম্বা বোতানিকেল হনী পুথোক্লি। মধুকেশ্বরজীনা খোইহী পুথোকপদা অদোমগী ইনোভেসন শীজিন্নবা অমসুং মাইপাকপা অসিনা, মধু, অদোমগী মিংগী ৱাহন্থোকসু লৈহল্লি।

মরুপশিং, ঐখোয়গী অরিবা মতমগী হকশেলগী বিজ্ঞান্দা খোইহীবু কয়াম শীংথানরম্বগে হায়বা ময়াম্না খঙবীরবা ৱাফমনি। আয়ুর্বেদকী লাইরিকশিংদা খোইহীবু অমৃতনি হায়না ফোঙদোক্লমখি। খোইহীণা মহাও লৈহনবা খক নত্তনা মসিনা ঐখোয়দা হকচাং ফহল্লি। খোইহীগী পোত্থোক পুথোকপদা ওইথোকপা য়াবা কয়া লৈবনা প্রোফেস্নেল স্তীজ তৌরিবা নহাশিংনা মসিবু মশানা মশা থবক পীজবগী পাম্বৈ অমা ওইহল্লি। অয়ু.পি.গী গোরখপুরগী নিমিত সিংহ – অসিগুম্বা নহা অমনি। নিমিতজী বি.তেক লোইরে। মহাক্কী মপাবুং অসি দোক্তর অমসুনি অদুবু মহাক্কী মহৈ তম্বা লোইরবা মতুংদা থবক থীবগী মহুৎ নিমিতজীনা মশাবু থবক পীজনবা ৱারেপ লৌখি। মহাক্না খোইহী পুথোকপা হৌখি। মহাক্না ক্বালিতী চেক তৌনবা লখনৌদা মহাক্কী মশাগী লেব অমা হাংদোকচবসু ঙম্লে। নিমিতজীনা খোইহী অমসুং খোইরুদগী হৌজিক শেল নীংথিনা তানবা ঙম্লি অমসুং তোঙান-তোঙানবা রাজ্যশিংদা চৎতুনা লৌমিশিংদা ত্রেনিংসু পীরি। অসিগুম্বা নহারোলশিংনা হোৎনবা কনবা অসিনা মরম ওইদুনা ঙসি লৈবাক অসিনা খোইহী চাউনা পুথোকপা ঙম্লে। লৈবাক অসিদগী মপালদা খোইহী থাদোকপসু হেনগৎলক্লে মসি খঙবদা অদোম্না নুংঙাইবা পোক্কনি। লৈবাক অসিনা নেস্নেল বীকীপিং এন্দ হনী মিসনগুম্বা কেম্পেনশিং হৌদোকখি, লৌমীশিংনা কন্না হোৎনখি অমসুং ঐখোয়গী খোইহীগী খোইথুম্নবা মহাও মালেম শিনবা থুংবদা য়ৌবা হৌরে। লম অসিদা অচৌবা ওইথোকপা য়াবা লৈরি। ঐখোয়গী নহারোলশিংনা মসিগী খুদোংচাবশিং অসি লৌদুনা মখোয়গী কান্নবা লৌহৌনবা অমসুং অনৌবা ওইথোকপা য়াবগী মঙফাওনবা ঙম্নবা হোৎরসি হায়জনীংই।

ঐগী নুংশিরবা ইরৈবাকচাশিং, ঐহাক্না ‘মন কী বাত’ তাবীরিবা, হিমাচল প্রদেশতগী শ্রীমান আশিশ বহলজীদগী চিথী অমা ফংখি। মহাক্কী চিথী অদুদা চম্বাগী ‘মিঞ্জর মেলা’গী মরমদা ইবীরকখি। তশেংবদা চুজাক পাম্বীগী মপালবু মিঞ্জর হায়না খঙনৈ। চুজাক মপাল শারকপা মতমদা মিঞ্জর মেলা পাঙথোকি অমসুং মেলা অসিদা লৈবাক শিনবা থুংবদগী লাকপা লমকোইবশিংনা শরুক য়াই। মতাং চান্নরুবনা হৌজিক মিঞ্জর মেলা পাঙথোক্লি। করিগুম্বা অদোম্না হিমাচলদা চৎলবদি অদোম্না মেলা অসি য়েংনবা চম্বাদা চৎপীয়ু।

“চম্বা এক দিন ওনা কনে মহীনা রৈনা”

হায়বদি মীওইশিংনা চম্বাদা নোংমগী ওইনা লাক্লম্মি অদুবু মাগী ফজবা অসি য়েংনবগীদমক মখোয়না থা অমা মফম অসিদা লৈথৈ হায়নি।

মরুপশিং, ঐখোয়গী লৈবাক্তা মেলাশিংগী ওইনা নাৎকী ওইবা অচৌবা মগুন লৈজৈ। মেলানা মীয়াম অমসুং থমোয়শিংবু পুনশিন্নৈ। নোং চুখ্রবা মতুং নোংজুগী মহৈ-মরোং মুল্লকপা মতম, সেপ্তেম্বর থাদা হিমাচলগী শিমলা, মন্দী, কুল্লু অমসুং সোলনদা, সৈরী নত্ত্রগা সৈর পাঙথোকই। সেপ্তেম্বর থাদা জাগরাসু পাঙথোকি। জাগরা মেলাশিংদা মহাসু লৈরম্ববু খুরুমজরবা মতুংদা বীসুগী ঈশৈশিং শকই।  মহাসু লৈরম্বা য়কাইহননবা অসি হিমালগী শিমলা, কিন্নোর অমসুং সিরমোরদা পাঙথোকই, লোয়ননা উত্তরাখন্দদসু পাঙথোকই।

মরুপশিং, ঐখোয়গী লৈবাক অসিদা লৈরিবা তোঙান-তোঙানবা রাজ্যশিংগী ত্রাইবেল ফুরুপশিংগী অরিবা মতমদগী পাঙথোক্তুনা লাকপা মেলা কয়া লৈ। মেলাশিং অসি খরদি ত্রাইবেলগী নাৎকা মরী লৈনৈ অদুগা খরা অমনা ত্রাইবেলগী পুৱারী অমসুং হেরিতেজকা মরী লৈনৈ। খুদম ওইনা করিগুম্বা অদোম্না খুদোংচাবা ফংলবদি তেলঙ্গানাগী মেদরমদা পাঙথোকপা নুমিৎ মরিনিগী সমক্কা-সরলম্মা জাতরা মেলা অসি চৎপীয়ু। মেলা অসি তেলঙ্গানাগী মহাকুম্ভ হায়না খঙনৈ। সরলম্মা জাতরা মেলা অসি ত্রাইবেলগী অথৌবী নুপী অনি – সমক্কা অমসুং সরলম্মাবু ইকাই খুম্নবা ওইনা পাঙথোকপনি। মসি তেলঙ্গানা খক নত্তনা ছত্তিসগর, মহারাস্ত্র অমসুং আন্ধ্র প্রদেশতা কোয়া ত্রাইবেল ফুরপকী ওইনা য়াম্না থাজবা থম্লিবা কুহ্মৈ অমনি। আন্ধ্র প্রদেশকী মারীদম্মা মেলা অসিসু ত্রাইবেল খুন্নাইনা থাজবা থম্লিবা অদুগা মরী লৈনবা অচৌবা মেলা অমনি। মারিদম্মা মেলা অসি কালেনগী থাসীদগী ইঙাগী থাসি ফাওবা পাঙথোকই অমসুং ত্রাইবেল খুন্নাইনা মসিবু শক্তি উপাসনা থৌনিজবগা মরী লৈনহল্লি। মফম অসিদা নোংপোক থংবা গোদাবরীদা লৈবা পেদ্ধাপুরমদা মারীদম্মা মন্দির অমসু লৈ। মসিগা চপ মান্ননা রাজস্থানগী গরসিয়া ফুরুপকী মীয়াম্না শজিবুগী পনখৎলকপগী মরিনি পানবদা ‘সিয়াৱা কা মেলা’ নত্ত্রগা ‘মনখান রো মেলা’ পাঙথোকই।

ছত্তিসগরগী বস্তরগী নারায়নপুরগী ‘মাৱলী মেলা’ অসি য়াম্না অখন্নবা ওই। থংবদা লৈবা মধ্য প্রদেশকী ভগোরিয়া মেলা অসিসু য়াম্না মমিং চৎলি। ভগোরিয়া মেলা অসি রাজা ভোজকী মতমদগী হৌরকখি। মতম অদুদা ভীল নীংথৌশিং, কাসুমরা অমসুং বালুন্না মখোয় মশা-মশাগী কোনুংশিংদা অহানবা ওইনা পাঙথোকপা হৌখি। মসিদগী হৌনা মেলাশিং অসি য়াম্না থৱায় য়াওনা পাঙথোক্তুনা লাকখি। মসিগা মান্নবা মওংদা গুজরাতকী তরনেতর অমসুং মাধোপুরগুম্বা মেলা কয়া মমিং চৎলি। মেলাশিং অসিদা ঐখোয়গী খুন্নাই, অমসুং ঐখোয়গী পুন্সিগী ইনোৎ হাপ্নবগী অচৌবা হৌরকফম অমা ওইরি। অদোমগী অকোইবদসু অসিগুম্বা মেলা কবা লৈরমগনি। হৌজিক্কী মতমদা খুন্নাইগী অরিবা মরীশিং অসি ‘এক ভারত-শ্রেস্থ ভারত’কী ৱাখল্লোন মপাঙ্গল কনখৎহন্নবা য়াম্না মরু ওই। মসিদা ঐখোয়গী নহারোলশিংনা য়াওশিনগদবনি অমসুং মখোয়না অসিগুম্বা মেলাশিংদা চৎপা খুদিংদা সোসিএল মীদিয়াদসু মসিগী পিকচরশিং শিয়র তৌগদবনি। করিগুম্বা অদোম্না পাম্লবদি অখন্নবা হেসতেগ অমা শীজিন্নবসু য়াই। মসিগী খুত্থাংদা অতোপ্পা মীওইশিংনা মেলাশিংগী মরমদসু খঙবা ঙমগনি। অদোম্না কলচর মন্ত্রালয়গী ৱেবসাইৎতা চংদুনা ফোতোশিং অপলোদ তৌবা য়াগনি। নুমিৎ খরা অসিদা কলচর মন্ত্রালয়ানা কম্পিতিসন অমা হৌরগনি, মসিদা মেলাশিং অসিগী খ্বাইদগী ফজবা পিকচরশিং থারকপা মীওইদা মনা পীগনি। অদুনা থিন্থবা তৌদনা মখোয়গী পিকচরশিং শিবর তৌবীয়ু অমসুং অদোম্না মনা অদু ফংবসু য়াই।

ঐগী নুংশিরবা ইরৈবাকচাশিং, অদোম্না নীংশিংবীরমগনি, ‘মন কী বাত’কী তাঙ্কক অমদা ঐহাক্না ভারত অসি শান্নপোৎশিং মপালদা থাদোক্নবগী পাৱরহাউস অমা ওইনবা মতিক ময়াই মপুং ফানা লৈ হায়না ফোঙদোকচখি। ঐহাক্না স্পোর্তস অমসুং গেমসশিংগী ভারতকী মমল য়াম্লবা হেরিতেজকী মতমদা অখন্ননা পনখি। ভারতকী লমশিংদা পুথোকপা শান্নপোৎশিং অসি চৎনবী অমসুং মহৌশা অনিমক উৎলপগা লোয়ননা অকোইবগী ফীভমদা শোকহন্দে। ঙসি ঐহাক্না অদোমদা ভারতকী শান্নপোৎশিগী মাইপাকপগী ৱারী শিয়র তৌজগে। ঐখোয়গী নহারোলশিং, স্তার্ত-অপশিং অমসৱুং ওন্তপ্রিনোরশিংনা মরম ওইদুনা ঐখোয়গী তোয়িন্দস্ত্রী অসিনা মাইপাকপা ঙম্লিবা অসি, ঐখোয়না মাইপাকপা ঙম্লিবসি অসি কনাগুম্বা অমত্তনা মঙদা ফাওবা মংখিদে। ঙসি ভারতকী শান্নপোৎশিং অসিগী মতাংদা খন্ন-নৈনরকপদা ভোকেল ফোর লোকেলগী খোন্থাং মীপুম খুদিংমক্না তাবা ফংলি। মপালদগী ভারত্তগী পুশিল্লকপা শান্নপোৎশিংগী মশিং অসি হৌজিক লেপ্পা লৈতনা হন্থরক্লিবা অসিগী মতাংদা অদোম্না খঙবা পাম্লমগনি। মমাংদা মপালদগী লুপা করোর লিশিং ৩ হেনবগী শান্নপোৎশিং পুশিল্লম্মি, হৌজিক্তি মখোয়গী পুশিল্লকপগী চাং অসি চাদা ৭০ হন্থবা ঙম্লে অমসুং মসি হায়রিবা মতম অসিগী মনুংদা ভারতনা লুপা করোর লিশিং অনিগা চাতরুক্কী শান্নপোৎশিং মীরৈবাকশিংদা থাদোকপা ঙমখিবা অসি য়াম্না নুংঙাইবা ৱাফম অমনি। মমাংদদি ভারত্তগী লুপা করোর ৩০০-৪০০গী শান্নপোৎশিং খক্তা থাদোক্লমখি। অদোম্না হেন্না খঙবীরবা ৱাফমনি মদুদি পুম্নমক অসি কোরোনাগী চৈথেং ফংলিঙৈ মনুংদা থোকখিবনি। ভারতকী তোয় সেক্তর অসিনা মশাবু অওনবা পুরক্তুনা মাগী মতিক-ময়াই উৎপা ঙমখ্রে। ভারতকী মেন্যুফেকচর্রশিংনা ঙসিদি ভারতকী য়েলহৌঙৈগী থাজনবী, পুৱারী অমসুং নাৎতা য়ুম্ফম ওইবা শান্নপোৎশিং শারি। লৈবাক্কী মফম খুদিংমক্তা তোয় ক্লস্তরশিং লৈরি, শান্নপোৎশিং শারিবা অপীকপা ওন্তপ্রিনোরশিংনা মসিদগী চাউনা কান্নবা ফংলি। অপীকপা ওন্তপ্রিনোরশিং অসিনা শাবা শান্নপোৎশিং অসি ঙসিদি মালেম কোইনা য়ৌবা ঙম্লে। ভারত্তগী শান্নপোৎ শারিবশিংনা মালেমগী মাংজিল থারিবা গ্লোবেল তোই ব্রান্দশিংগা খুৎশম্নদুনা থবক পাইখৎলি। ঐখোয়গী স্তার্ত-অপ সেক্তরনা শান্নপোৎকী লম অসিদা অখন্নবা মীৎয়েং চংলিবা অসিদা ঐহাক্না অপেনবা পোকচৈ। মখোয়না লম অসিদা নুংঙাই-নুংঙাইরবা থবক কয়া অমসু পাইখৎলি। বেঙ্গলোরদা শুমী তোয়স কৌবা স্তার্তঅপ অমনা অকোইবদা শোকহন্দবা শান্নপোৎশিংদা মীৎয়েং থম্লি। গুজরাত্তা আর্কীদজু কম্পনীনা এ.আর.-বেজ ফ্লাশ কার্দশিং অমসুং এ.আর.-বেজ স্তোরীবুকশিং পুথোক্লি। পুনেদা বেজ তৌবা কম্পনী, ফনভেন্সননা লর্নিং, শান্নপোৎশিং অমসুং এক্তিবিতী পজলশিং শীজিন্নদুনা অঙাংশিংদা সাইন্স, তেক্নোলোজী অমসুং মেথস্তা পুক্নীং চীংশিন্নবা হোৎনরি। শান্নপোৎকী লমশিংদা অচৌবা থবক তৌরিবা অসিগুম্বা মেন্যুফেকচর্রশিং, স্তার্ত-অপশিংবু ঐহাক্না থাগৎপা ফোঙদোকচরি। ঐখোয়না অমত্তা ওইনা ভারতকী শান্নপোৎশিং অসি মালেম শিনবা থুংবদা মীয়াম্না পাম্নবা পোৎশকশিং ওইহল্লসি। মসিগা লোয়ননা ঐহাক্না মমা-মপা ওইরিবশিংদা ভারতকী শান্নপোৎশিং, পজলশিং অমসুং গেমশিং হেন্না হেন্না লৈবীনবা হায়জরি।

মরুপশিং, ক্লাসরুম নত্ত্রগা শান্নবুং ওইরবসু ঙসিদি ঐখোয়গী নহারোলশিংনা লম খুদিংমক্তা লৈবাক অসিবু চাউথোকচবা পোকহল্লি। থা অসিদা পি.ভি. শিন্ধুনা মহাক্কী অহানবা সিঙ্গাপুর ওপনগী তাইতল লৌখি। নীরজ চোপ্রানা ৱর্ল্দ এথলেতিক্স চেম্পিয়নশিপতা মহাক্কী ফজরবা পর্ফোরমেন্স মখা তানা উৎখি অমসুং সিলভর মেন্দল লৌরকখি। আইরলেন্দ পেরা বেদমিন্তন ইন্তর্নেস্নেলদসু ঐখোয়গী শান্নরোয়শিংনা মেদল ১১ লৌদুনা লৈবাক অসিগী মীংচৎ পুরকখি। রোমদা পাঙথোকখিবা ৱর্ল্দ কেদেত রেস্তলিং চেম্পিয়নশিপতা ভারতকী শান্নরোয়শিংনসু পর্ফোর্ম তৌখি। গ্রেকো-রোম ইভেন্ততা ঐখোয়গী এথলিত সুরজনা অঙকপা ফংনা ফজনা শান্নখি। হাক্না চহি ৩২গী শাংবা মতমগী মতুংদা ইভেন্ত অসিদা ৱেস্তলিংদা গোল্দ মেদল লৌরকপা ঙমখি। শান্নরোয়শিংগী ওইনদি চৎলিবা থা অসি এক্সন্না থল্লবা থা অমা ওইখি। চেন্নাইদা ৪৪শুবা চেস ওলিম্পিয়াদকী য়ুম্বু ওইবা ফংজবা অসি ভারতকী ওইনদি য়াম্না চাউথোকচনীংঙাইনি। তুর্নামেন্ত অসি জুলাই ২৮দগী হৌখি অমসুং ঐহাক্না হৌদোকপগী থৌরমদা য়াওবগী খুদোংচাবা ফংজখি। কম্মনৱেল্থ গেমসসু নুমিৎ অসিমক্তদা য়ু.কে.দা হৌদোকখি। নহাশিংনা মপুং ওইনা শেম্বা ইন্দিয়ন তীম অমনা মফম অদুদা লৈবাক অসিগী মহুৎশিল্লি। ঐহাক্না ইরৈবাকচাশিংগী মহুৎশিন্দুনা শান্নরোয়শিং অমসুং এথলিতশিংদা য়াইফ-মঙ্গোল পীজরি। ফিফা অন্দর ১৭ ৱুমেন্স ৱর্ল্দ কপসু ভারত্তা পাঙথোক্কদৌরিবা অসিদা নুংঙাইবা ফাওই। তুর্নামেন্ত অসি ওক্তোবরদা পাঙথোক্লগনি, মসিনা লৈবাক অসিগী মমোমশিংনা স্পোর্তস্তা থৱায় য়াওরিবা অসি হেনগৎহল্লগনি।

মরুপশিং নুমিৎ খরনিগী মমাংদা লৈবাক শিনবা থুংবদা ক্লাস ১০ অমসুং ১২কী ফলশিং হায়দোকখি। হোৎনবা কনবা অমসুং কত্থোকপা য়াওনা হোৎন্দুনা মাইপাকপা ঙমখ্রবা মহৈরোয় পুম্নমক্তা ঐহাক্না থাগৎপা ফোঙদোকচরি। লাইচৎ অসিনা মরম ওইদুনা হৌখিবা চহি অনি অসি য়াম্না অৱাবা ওইখি। ফীভমশিং অসিদা ঐখোয়গী নহারোলশিংনা উৎখিবা থৌনা অমসুং অখাং কনবা অসি য়াম্না শীংথানীংঙাই ওই। ঐহাক্না পুম্নমক্তা য়াইফ-মঙ্গোল পীজরি।

ঐগী নুংশিরবা ইরৈবাকচাশিং, লৈবাক শিনবা থুংনা চৎতুনা নীংতম্বগী চহি ৭৫শুরকপগী মতাংদগী ঙসিগী ঐখোয়গী খন্ন-নৈনবা অসি হৌখি। মথংদা ঐখোয়না অমুক উনবদা ঐখোয়গী মথংগী চহি ২৫গী খোঙচৎ অদু হৌরম্লগনি। ঐখোয়গী য়ুমশিংদা অমসুং ঐখোয়গী নক্নবা মীওইশিংগী য়ুমশিংদা ঐখোয়গী নুংশিরবা মচু অহুমগী ফিরাল চিংখৎপদা য়াওবীনবা ঐহাক্না পুম্নমক্তা হায়জরি। করিগুম্বা অদোম্না অখন্নবা অমা তৌবা তারবদি অদোম্না নীংতম নুমিৎ করম্না পালন তৌখিবগে হায়বগী মতাংদা ঐঙোন্দা শিয়র তৌবীয়ু। মথংদা ঐখোয়না অমৃত পর্বগী তোঙান-তোঙানবা মচুশিংগী মতাংদা অমুক হন্না ৱারী শারসি। মতম অদু ফাওবদংদি ঐঙোন্দা কাইনবগী য়াথং পীবীয়ু। হন্না-হন্না থাগৎচরি।

ঐগী নুংশিজরবা ইরৈবাকচাশিং, খুরমজরি! মন কী বাতকীদমক্তা চিথি কয়া অমা ফংখি; সোসিয়েল মীদিয়া অমদি নামো এপতসু মেসেজ য়াম্না ফংখি। মসিগীদমক্তা ঐহাক্না ময়াম্বু থাগৎচরি। থৌরম অসিগী মতেংনা ঐখোয়না অমগা অমগা মতেং পাংনদুনা লৌশিনবা য়াবা ৱাফম কয়া নৈনদুনা মীয়ামগী ঈহৌগা মরী লৈনবা ৱাফমশিংবু লৈবাক মীয়ামদা খঙহনখি। হন্দক্কী ইপিসোদ অসিদা লৈবাক অসিগী মীয়াম্না য়াম্না লুম্না লৌখিবা, ঈহৌ অমগী মরমদা নৈনবা পাম্মি। অদুবু মসিগী মমাংদা ঐহাক্না হৌজিক্কী মীরোলগী চহি ২৪-২৫শুরবা নহাশিংদা ৱাহং অমা হংনিংঙি, ৱাহংসি খরদি লুই... লোইননা মসিদা খরা খন্থবীয়ু। অদোমগী ইমা-ইপানা নখোয়গী চহিসি য়ৌরকপা মতমদা, মখোয়দগী পুনশিগী ফংফম থোকপা হক মুনবীখি, মসি নখোয় খঙব্রা? মসিবু ওইথোকপা য়াব্রানে ? হায়না নখোয়না খল্লমগনি, মসি ওইথোক্তবনি ! অদুবু ঐগী নহা ওইরিবা মরুপশিং, লৈবাক অসিদা মসি অমুক থোকখ্রে, মসি চহি কয়াগী মমাংদা ১৯৭৫গী মতমদা থোকখিবা থৌদোক্নি। মতমদু জুন থানি, ইমর্জেন্সী লাউথোকখিবদু, মদুদা লৈবাক অসিগী মীয়াম অসিগী ফংফম থোকপা হক পুম্বা মুনবীখি। মদুদা সংবিধানগী আর্তিকল ২১গী মনুংদা, ভারতকী মীয়াম্না ফংলিবা রাইত তু লাইফ এন্দ পার্সোনেল লিবর্তীসু য়াওনা মুনবীখি। মতমদুদা ভারত্তা মীয়ামগী লৈঙাকপু নমথনবগীদমক হোৎনখি। লৈবাক অসিগী ৱায়েলশঙশিং, সংবিধানগা মরী লৈনবা সংস্থানশিং, প্রেসনচিংবা পুম্নমক কন্ত্রোল তৌখি। সেনসরশিপ অসি অসুক্কী মতিক শাথিখ্রে, অয়াবা য়াওদনা করিগুম্বা অমত্তা নম্বা ফোংবা য়ারমদে। ঐনা শুম নিংশিংবদা, মমিং চৎলবা শৈশকপা, কিশোর কুমার, লৈবাকপু থাগত্তুনা মতুং ইল্লু য়াদবগীদমক্তা, মঙোন্দা অথিংবা থমখি। রেদিয়োদা মহাক চংবা থিংখি, ইশৈ খোংহনখিদে। অদুবু ফনয়াম্না হোৎনদুনসু, মীওই লিশিং কয়া ফাজিল্লবসু, অমদি মীওই লাখ কয়ানা মীওৎ মীনৈ নংলবসু, ভারতকী মীয়ামগী মীয়াম লৈঙাক্তা থাজবদুদি লেংবা লৈখিদে! খোংফম অমফাওবা লেংখিদে। ভারতকী মীয়ামদা, চহি চা কয়াদগী মীয়াম লৈঙাক্কী চৎনবী অমা লাক্লি;  মসি ঐখোয়গী লু-তোংদা চুশিনখ্রবনি, মসিনা মমৈদা মাইপাকপা হায়বদু ওইখি। ভারতকী মীয়াম্না, মীয়াম লৈঙাক্কী থৌরাং তুং ইন্না, ইমর্জেন্সী লৌথোক্তুনা, মীয়াম লৈঙাকপু অমুক হঞ্জিনহনখি। নমফু শাসনগী ৱাখল্লোনবু, নমফু শাসনগী চৎনলোনচৎপু, মীয়াম লৈঙাক্কী থৌরাং তুং ইন্না, মাইথিবা পীবা হায়সি, মালেমসিদা থিবা খরা ৱাগদৌবা মওংনি। ইমর্জেন্সী মতমদা, লৈবাক ময়ামগী শিংনবা, লান্থেংনবগী মতৌদু ইমীৎ মক্না উজহৌই; মসি ঐগী লাইবক ফবনি। ঐহাক্না মীয়াম লৈঙাক্কী লান্মী অমা ওইনা লান থেংনজখি। ঙসি ঐখোয়না, লৈবাক অসিগী নিংতম্বগী ৭৫শুবা চহি পাংথোক্লি, অমৃত মাহোতসব পাংথোক্লি, অদুবু ঐখোয়না ইমর্জেন্সী মতমগী অকিবগী মশক ওইরবা তাঙ্কক অদুবুসু কাওথোক্লোইদবনি। তুংদা লাক্কদবা মীরোলনসু মসি কাওরোইদবনি। অমৃত মাহোতসব অসি শুপ্নগী চহি চা কয়াগী মীনাই য়োৎহিংদগী কোকপগী লানঙম ৱারী ঙাক্তা নত্তে, তৌইগুম্বশুং নিংতম্লবা মতুংগী চহি ৭৫গী খোংচৎসু য়াওরিবনি। পুৱারীগী মরুওইবা খোংথাং কয়াদগী তম্ল-তম্লদুনা ঐখোয় লাক্লি।

ঐগী নুংশিজরবা ইরৈবাকচাশিং, ঐখোয় ময়ামগী মরক্তা, ইশাসি অতিয়াগা মর লৈনবগী ৱাখল খন্দবা মী য়াওরম্লোই। অঙাং ওইরিঙৈদা অতিয়াদা থোক্লিবা থা-থৱানগী ৱারীদা পুক্নিং লুপনৈ। নহাশিংগীদমক্তদি, অতিয়াবু খুৎনা থেংবা হায়বসি মঙজবা মঙলান মঙফাওনবগা চাংদম্নিরিবনি। ঙসি ঐখোয়গী ভারতনা হীরম খুদিংদা মাইপাকপগী খোঞ্জেলনা অতিয়াসে নিল্লে, মসিদা অতিয়া অমদি মালং তরং অসি করম্না লৈহৌনি। হৌখিবা মতম খরসিদা, এখোয়গী লৈবাক্তা সপএস সেক্তরগা মরী লৈনবা অচৌবা থবক কয়া পাংথোক্লি। লৈবাক অসিগী থোইদোকপা থবক কয়াগী মরক্তা, ইন-স্পেস কৌবা এজেন্সী অমা শেম্বগীসু থোইদোকপা অমনি। মসিগী এজেন্সী অসিনা স্পেস সেক্তরদা, ভরতকী প্রাইভেত  সেক্তরগীদমক্তা অনৌবা খুদোংচাবা কয়া প্রোমোত তৌরি। মসি হৌরকপা অসিনা ঐখোয়গী লৈবাক্কী নহাশিংবু থোইদোক-হেন্দোক্না পুক্নিং চিংশিল্লি। ঐহাক্না নহা কয়াদগী, মসিগা মরী লৈবা পাউজেল কয়া ফংলি।

নুমীৎ খরনিগী মমাংদা, ঐহাক্না ইন-স্পেসকী হেদক্বার্তর মীয়ামদা শিন্নবগী থৌরমদা চৎলুই, মদুদা নহা কয়াগী স্তার্ত-অপকী ৱাখল্লোন অমদি থৌনবু উবা ফংখি। ঐহাক্না মখোয়গা খুইনা ৱারী শানখি। ময়ামসু মখোয়গী স্পেস স্তার্ত-অপকী মশিং অমদি স্পীদতু উবদা য়াম্না ঙকপা ফাওগনি। ঙসিদগী চহি খরগী মমাংদদি, ঐখোয়গী লৈবাক্তা, স্পেস সেক্তরদা স্তার্ত-অপকী ৱাফমসি কনানসু খন্নরমদে। ঙসিদি মসিগী মশিংসি চামা হেন্না লৈরে। মকোয়শিং অসিনা স্তার্ত-অপকী তোঙান-তোঙানবা  ৱাখল্লোনদা থবক তৌরি। মসিগী মরমদা হান্নদি কনমত্তনা খন্নরমদে অদুগা প্রাইভেত সেক্তরগীদমক্তদি, মসি শুকওই ওইথোক্তবনি। খুদম ওইনা হায়রবদা, চেন্নাই অমসুং হাইদ্রবাদতা স্তার্ত-অপ অনি লৈ- অগ্নিকুল অমদি স্কাইরুত! মসিগী স্তার্ত-অপশিং অসিনা, স্পেসতা অপিক-অপিকপা পেলোদস পুনবগীদমক্তা লোঞ্চ ভেহিকল শেমগৎলি। মসিগী মতেংনা, স্পেস লোঞ্চিংগী মমলসি য়াম্না হন্থহনগনি হায়না থাজনরি। অসুম্না হায়দ্রবাদকী অতোপ্পা স্তার্ত-অপ, ধ্রুব স্পেস সেতলাইত দিপ্লোয়র অমদি সেতলাইকীদমক হাই তেক্নোলোজী সোলর পপেনেলশিংদা থবক তৌরি। ঐহাক্না স্পেসকী লেমখাক অমোৎপশিংবু থিবগী থবক তৌরিবা, স্পেস স্তার্ত-অপ দিগন্তরাগী তনবী অহমদকসু উনরকই। ঐনা মঙোন্দা স্পেসকী লেমখাক অমোৎপশিং অসিবু শেংদোক্নবা তেক্নোলোজী অমা পুথোক্নবা থবক তৌনবগীদমক চেলেঞ্জ তৌখি। দিগন্তরা অমদি ধ্রুব স্পেস অনিমক অসি জুনগী ৩০দা ইসরোগী লোঞ্চ ভেহিকলদগী অহানবা ওইনা লোঞ্চ তৌগদৌরি। মতৌ অসুম্না বেঙ্গলোরগী স্পেস স্তার্ত-অপ এসত্রোমগী ফাউন্দর নেহাসু অঙকপা-অনৌবা আইদিয়া অমদা থবক তৌরি। মসিগী স্তার্ত-অপ অসিনা ফ্লেত এন্তেনা শঅরি, মসি পিকপদা নত্তনা পৈশাসু য়াম্না চংলোইদৌরি। তেক্নোলোজী অসি মালেম পুম্বদা য়াম্না পাম্নরক্কনি।

মরুপশিং ইন-স্পেসকী থৌরমদা, ঐহাক মেহসানাগী স্কুল মহৈরোই ওইরিবী, ইচানুপী তনৱি পতেলগসু উনরকখি। মহাক য়াম্না পিকপা সেতলাই অমগী থবক তৌরি, থা খরগী মতুংদা লোঞ্চ তৌগদৌরিবনি। তনৱিনা ঐঙোন্দা গুজরাতিদা লোলদা ইরাই লাইনা মহাক্কী থবক অদুগী মরমদা পাউদমলকখি। তনৱি মতৌগুম, লৈবাকসিগী চাউরাক্না মহৈরোই ৭৫০ মুক্না অমৃত মাহোতসবসিদা, অসিগুম্বা মখলগী সেতলাই ৭৫দা থবক চত্থরি। হেন্না নুংঙাইরিবা ৱাফমদি হায়রিবসিদা অয়াম্বা মহৈরোইদি অপিকপা শহরদগীনি।

মরুপশিং, হায়রিবা নহাশিংসিগী পুক্নিংদা, চহি খরগী মমাংদা, স্পেস সেক্তরগী ৱাফমসি সেক্রেত মিসন অমগী মতৌগুম্না ফাওরকখ্রবশিংদুনি। অদুবু লৈবাকসিনা স্[এস রিফোর্মস তৌরে, অদুদগী হায়রিবা নহাশিংসিনা মশাগী সেতলাইত লোঞ্চ তৌররে ঙসিদি। হৌজিক্তি লৈবাকসিগী নহাশিংসি, অতিয়াবু শোক্লগে হায়বগী থৌরাং লৈরবনি। মসিদা ঐখোয়গী লৈবাকসি খরম্না হন্থবা হায়বদু ওইগদৌরিবনো?

ঐগী নুশিজরবা ইরৈবাকচাশিং, মন কী বাতসিদা, ঐহাক্না হৌজিক পনজগদৌরিবা ৱাফমসি তাবদা ময়াম শোইদনা হরাও-নুংঙাইবা ফাওগনি অমদি থৌউনশিন ফংবীগনি। হৌখিবা নুমিৎ খরনিসিদা ঐখোয়গী ওলেমপিক গোল্দ মেদল লৌরকখিবা নীরজ চোপ্রা অমুক হন্না ময়ামগী মীৎয়েং চিংশিন্নিংঙাই ওইরক্লি। ওলেমপিক্কী মতুংদসু, মহাক অমগী মথংদা অমা মথং-মথং মাইপাক্তুনা , অনৌ-অনৌবা মীংচৎ কয়া থম্লক্লি। ফিনলেন্দদা নীরজনা পাৱো নুর্মি গেম্সতা সিলভর লৌরক্লি। মসিদসু নত্রী, মহাক মশামক্না, মশাগী জেবেলিন থ্রোগী রেকোর্দ থুগাইরি। ক্বার্তেন গেম্সতা নীরজনা অমুক্কসু হন্না গোল্দ লৌরক্তুনা, লৈবাকসিনা চাউথোকচনিংঙাই ওইহল্লে। হায়রিবা গোল্দ লৌরকপা মতাংসি, মফমদুগী ঈশিং-নুংশিৎকী ফিভম য়াম্না খুদোংচাদ্রিঙৈ মতমদা থোকখি। অসিগুম্বা থৌনা অসি, ঙসিগী নহারোলগী শক্তাক ওইরি। স্তার্ত-অপতগীনা স্পোর্তস ৱার্ল্দ ফাওবসিদা, ভারতকী নহারোলশিংনা অনৌ-অনৌবা রেকোর্দ কয়া থম্লি। হন্দক্তা পাংথোকখিবা খেলো ইন্দিয়া য়ুথ গেম্সতসু ঐখোয়গী শান্নরোই কয়ানা অনৌবা রেকোর্দ কয়া থমখি। ময়াম্না তাবদা নুংঙাইগদবা ৱাফমদি, হায়রিবা মশান্নাশিংসিদা চাউরাক্না, রেকোর্দ ১২ থুগাইখি। মসিদসু নত্তনা রেকোর্দ ১১দি, নুপী শান্নরোইশিংগী মীংদা চনশিনখ্রবনি। মনিপুরগী এম. মার্তিনা দেবিনা ৱেতলিফতিংদা রেকোর্দ ৮ থমখি।

মতৌ অসুম্না, সঞ্জনা, সোনাক্সি অমদি ভাবনানসু তোঙান-তোঙানবা রেকোর্দ থমখি। মশাগী হোৎনজমন্না, শানরোইশিংনা, মালেমগী মশানগী মতমদা ভারত অসি কয়াম মতিং লৈবগে হায়বদু উৎপা ঙম্লনি হায়বদু তাকচরে। ঐহাক্না অসিগুম্বা শান্নরোইশিং অসিগী মফমদা থাগৎপা ফোংদোকচবগা লোইননা তুংদা লাক্কদোরিবশিংগীদমক্তসু  য়াইফ-পা্জেল পীজরি।

মরুপশিং খেলো ইন্দিয়া য়ুথ গেমসকী থোইদোকপা ৱাফম অমদি হন্দকসু ইচম-চমবা ইমুংশিংদগী মতিং লৈবা নহা ময়াম অমা থরক্লি। শান্নরোইশিংসিনা অঙকপা ফংনা হোৎনজরকপনা, ঙসি মাইপাকপগী অসিগুম্বা মফমসি য়ৌরক্লিবনি। মখোয়না মাইপাক্লকপা হায়বসি, ইমুং-মনুংগী অমদি ইমা-ইপাগী অচৌবা থৌদাং অমসু য়াওরিবনি।

কিলোমিতর ৭০গী সাইক্লিংদা গোল্দ লৌরকখিবা শ্রিনগরগী আদিল অলতাবকী পাবুংসি তেলরিংগী থবক তৌই অদুবু মহাক্না মহাক্কী মচানুপাগী মঙলানসি মপুং ফাহন্নবগীদমক্তা অৱাৎপা অমত্তা থমখিদে। অদিলনা মহাক্কী মপাবুং অমদি জম্মু কাশ্মির তমপাক অপুনববু চাউথোকচাবা ফাওহল্লে। ৱেতলিফতিংদা গোল্দ লৌরকখিবা এল. ধনুশকী পাবুংসু অচম্বা কার্পেন্তর অমনি, শাঙলিগী মচানুপী কাজোল সরকারগী পাবুংসু চা য়োনবগী থবক তৌবনি। মহাক মপাবুংগী থবক্তসু মতেং পাংলকখি অদুগা ৱেতলিফতিংগী প্রক্তিসু তৌরকখি। মতৌ অসুম্না রোহতক্কী তনুনসু পাংথোকখি। তনুগী মপাবুং রাজবীরশিং রোহতক্কী স্কুল অমগী দ্রাইভরনি। তনুনা রেসলিংদা গোল্দ মেদল লৌরক্তুনা, মহাক্কী ইমুং-মনুং অমদি মপাগী মঙলান মঙফাওনহনখি।

মরুপশিং,শান্নবগী তাইবংদা, ভারতকী শান্নরোইশিংসি হেন্না-হেন্না মপাঙ্গল কনখৎলক্লি; লোইন-লোইননা ভারতকী মশানা কয়া অমসু শক তাক্লক্লি। খুদম ওইনা খেলো ইন্দিয়া য়ুথ গেমসতা ওলেমপিক্সতা য়াওগদবা কমপিতিশনসিদা নত্তনা কমদমসিগী মশানা মঙাসু হাপচিনখি। হায়রিবা মশানাশিং অদুদি গতকা, থাং তা, য়োগাসন, কালারিপায়ত্তু অমসুং মল্লখম্বনি।

মরুপশিং, ভারত্তা মালেমগী ওইবা তুর্নোমেন্ত অমা পাংথোক্কদৌরি, হায়রিবা মশানসি চহি চা কয়াগী মমাংদগী, ঐখোয়গী লৈবাকসিদগী হোরকখিবা, পোক্লকখিবা মশান্ননি। জুলাইগী তাং ২৮দগী চেস ওলেমপিয়াদ হৌগদৌরি, হন্দক্তি হায়রিবা ওলেমপিয়াদ অসিদা লৈবাক ১৮০ হেনবনা শরুক য়াগদৌরি। শান্নবা অমদি ফিতনেসকী নৈনবা অসিদা , মীং অসিদা পনদ্রগদি মপুং ফারোইদৌরি, হায়রিবা মীং অদুদি তেলঙ্গনা মাউন্তেনীয়র পুর্না মালাভত্তনি। পুর্নানা ৭ সমিত চেলেঞ্জবু মপুং ফাহনদুনা, মাইপাকপগী ফিরাল পাইহনখ্রে। ৭ সমিত হায়বদি, মালেমগী খ্বাইদগী ৱাংবা অমদি খ্বাইদগী খুদোংথিনিংঙাই ওইরবা চিং কাবগী শিংনবদুনি। পুর্নানা মহাক্কী অচেৎপা থৌনাগা লোইননা, নোর্থ অমেরিকাগী খ্বাইদগী ৱাংবা চিংদোল, মাউন্ত দেনালি কাদুনা লৈবাকসিবু চা্থোকচনিংঙাই হায়বদু ওইহল্লে। পুর্না হায়রিবা ইচানুপীসি চহি ১৩দা ঙাইরিবা, মাউন্ত এভরেস্ত কাদুনা অঙকপা থৌদাং উৎখিবা ভরতকী নুপীমচাদুনি।

মরুপশিং, শান্না-খোৎনবগী লমসিদা ৱারী শারিবনা, ঐহাক্না ভারতকী মশক নাইরবা, শিংথানিংঙাই ওইরবা ক্রিকেতরশিংগী মরক্তগী অমা ওইরিবা, মিতালি রাজকী মতাংদা খন্নবা পাম্মি।

মহাক্না থাসিদা, ক্রিকেতকী মশান্না অসিদগী পোত্থারগে হায়না লাউথোকখি, মসিনা মালেমগী শান্না-খোৎনবদা থৱাই য়াওজবা  অমসুং নুংশিজবা মীপুম খুদিংমকপু পুক্নিং নৌহল্লি। মিতালি শুপ্নতগী হৈ-শিংলবা শান্নরোই অমা ওইবদা নত্তনা শান্নরোই কয়াগী তমজনফম অমসু ওইরি। ঐহাক্না মিতালিদআ তুংগী পুনশিদা নুংঙাই-য়াইফবা ওইরসনু হায়দুনা ইশ্বরগী মফমদা থৌনিজরী।

ঐগী নুংশিজরবা ইরৈবাকচাশিং, ঐহাক্না মন কী বাত থৌরমদা ‘ৱেস্ত তু ৱেল্থ’কা মরী লৈনবা খোংথাং কয়াগী মতাংদা হায়দুনতা লাকই। মিজোরামগী আইজোলদা মসিগী খুদম অমা উবা ফংঙী। আইজোলদা ‘চিতে লুই” কৌবা তুরেল অমা লৈ। তুং কোয়নদগী থৌশাবীদবনা মরম ওইরগা অমোৎ অকায়না পিক থলম্মি। মমাংগী চহিদা তুরেল অসিবু কন্ননবা থবক লৌখৎপা হৌখি। মসিগী দমক্তা লোকেল এজেন্সি, সেল্ফ হেল্প গ্রুপশিং অমসুং মফম অদুগী মিয়াম্না অমত্তা ওইনা পুন্দুনা সেফ চিতে লুই এক্সন প্লান হৌখি। তুরেল শেংদোকপগী খোংথাং অসিনা ৱেস্ততগী ৱেল্থ ক্রিএশনগী খুদোংচাবদু ফংবা ঙমখি। তশেংনা তুরেল অসিদা অমসুং মসিগী অকোইবদা প্লাস্তিক অমসুং পোলিথিননাচিংবা অমোৎ-অকায় কয়ানা পিক থনখি। তুরেল শেংদোক্লিবা সংস্থান অসিনা পোলিথিন অসিনা লম্বি সেম্নবা ফিরেপ লৌখি। তুরেলদগী লৌখৎলকপা অমোৎ-অকায় ও‌ইরবা প্লাস্তিকশিং অদুনা মিজোরামগী খুঙ্গং অমদা স্তেত অদুগী অহানবা প্লাস্তিক রোদ সেমখি। মসিনা হায়বদি লু নানবগা লোয়ননা চাওখৎপসিনি।

মরুপশিং, মতৌ অসুম্না পুসুচেরীগী নহাশিংনা সেল্ফ হেল্প সংস্থানশিংগা খুৎশম্নরগা খোথাং অমা লৌখৎখি। পুদুচেরীগী সমুদ্র মপানদা তাবা লমনি। বিচশিং অমসুং সমুদ্রগী ফজবা য়েংবা লাকপা মী মশিং লাক ঙমদে । অদুবু পুদুচেরীগী সমুদ্রগী খোংনুংদা প্লাস্তিক্না মরম ওয়রগা অমোৎ অকায়শি হেনগৎহল্লমী। মরম অসিনা বিচশিং, সমুদ্র অমসুং ইকোলোজী অসিবু কন্ননবা ‘রিসাইক্লিং ফোর লাইফ’ কেম্পৈন অসি হৌখি। ঙসিসু, পুদুচেরীগী কারাইকলদা অমোৎ-অকায় কে.জি. লিশিং লিশিং খুনগৎলি, মসি সেগ্রিগেত অমুক তৌথোকই। মসিদা ফংলকপা ওর্গেনিক ৱেস্ত অসিনা হার ওইনা শিজন্নৈ অতোপ্পাশিংনা রিসাইকল অমুক তৌথোকই। অসিগুম্বা খোংথাংশিং অসি ইনোৎ হাপ্পদা অচৌবা থৌদাং লৌই, লোইননা সিঙ্গল য়ুস প্লাস্তিক্কী  মায়োক্তা অচৌবা সাফু পীরি।

মরুপশিং, হিমাচল প্রদেশতা হৌজিক অঙকপা সাইক্লিং রেলি অমা পাংথোক্লি। মসিগী মতাংদা ৱাফম খরা থম্বা পাম্মি। লু নানবগী মপাউ পুদুনা সাইকল থৌবা কয়ানা শিমলাদগী মন্দি ফা‌ওবা সাইকল থৌখ্রে। কিলোমিতর চামগা হুমফুতরামঙা হেন্বগী চিং লম্বি অসি গ্রুপ অসিনা সাইকল থৌদুনা চৎকনি।  গ্রুপ অসিদা অঙাংদগী হৌরগা অহলসু শরুক য়ারি। অকোয়বগী ফিবম ফরবা তুরেল, চিংগী ফিভম ফরবা, সমুদ্রগী ফিভম ফরবা মতমদতা ঐখোয়গী হকচাংশু হেন্না ফগনি। অসিগুম্বা খোংথাং কয়াগী মতাংদা অদোম্না ঐঙোন্দা হায়বিরাকউ।

ঐগী নুংশিজতবা ইরৈবাকচাশিং, ঐখোয়গী লৈবাক অসিদা মোনসুন অসি পাক চাউথোরক্লি। স্তেত কয়াদা নোং চুবা হেনগৎলক্লি। মতম অসি ঈশিং অমসুং ঈশিং য়োকশিনবা হায়বা মায়কৈ অনিসিদা হেন্না পুক্নিং চংশিনবা মতমনি। ঐখোয়গী লৈবাক অসিদা থায়নদী হৌনা অসিগুম্বা থৌদাং অসি খুনাইগী মীওইশিংনা অমত্তা ওইনা লৌরগা লাকই। স্তেপ ৱেল্স হায়বদি বাওলিশিংগী মতাংদা ‘মন কী বাত’তা ঐহাক্না হায়খিবাশিং নিংশিংবিরমগনি। বাওলিশিং অসি থাক থাক য়াউবা অচৌবা গুহাশিং অদুবুনি। রাজস্থানগী উদয়পুরদা চহি চাম শুরবা, লিরবা বাওলি অমা লৈ মমীংনা ‘সুল্তান কী বাওলি’ কৌই। মসি রাও সুল্তান সিংনা শেমখিবনি। অদুবু থৌওইবীদবনা মরম ওইরগা গুহা অসি অমোৎ-অকায়না পিক থনখি। নোংমা নহাশিংনা কোয়না চৎলুবদা গুহা অসি থেংনখি। মসিগী  ফিভম উবদা মখোয় থৱায় য়াম্না নুঙায়খিদে। নহারোলশিং অসিনা খুদক্তা ‘সুল্তান কী বাওলি’ অসিবু অমুক হন্না লু নালহন্নবা, মসিগী মশক অমসুং মরাইবক হোংহন্নবা ফিরেপ লৌখি। মখোয়না মিসন অসিবু ‘সুল্তান সে সুর-তান, হায়না মীং থোনখি।সুর-তান হায়বসি করিনো হায়না অদোম্না খল্লমগনি! তশেংনা নহাশিংনা বাওলি অসিবু মশক হোংহনবদা নত্তনা, শৈহেক্কী সুর অমসুং তানগা মরি লৈন্নগনি। সুল্তান কী বাওলি অসি শেংদোক্লবা মতুংদা, মসিবু মশক ফজহল্লবা মতুংদা, ইশে-নোংমাই অমা পাংথোকখি। অহোংবা অসি অসুক্কী মতিক শক্না-শোন্নবনা মরম ওইরগা, মপান লৈবাক্তগীসু বাওলি অসিবু য়েংবা লাক্নখি।  খোংথাং অসিনা মাইপাকপগী খ্বাইদগী হেন্না নুংঙাইরিবদি, নহাশিং অদু চার্তর একাউন্তেন্ত ঙক্তনি। চানরুবা হায়বদুনি, নুমিৎ খরনিগী মতুংদা, চার্তর একাউন্তেন্তস দে তারি। ঐহাক্না লৈবাক অসিগী চার্তর একাউন্তেন্তশিংদা মাংজৌননা য়াইফ-পাউজেল পীজরি। ঐখোয়না ঈশিংঘি হৌরকফমশিংবু ইশৈ অমসুং অতোপ্পা থৌরম কয়াগা মরি লৈনহন্দুনা, অসিগুম্বা ৱাখল্লোন অসি পোকহনবা ঙমগনি। ঈশিং য়োকশিনবা হায়বসি পুনশি কনবনি। হৌজিক তুরেলগা মরী লৈনবা কুম্হৈ কয়া পাংথোক্নরিবসি অদোমসু উবীরমগনি। অদোমগী শহরশিংদা ঈশিংগী হৌরকফম কয়াদা, অসিগুম্বা থৌরমশিং শোইদনা পাংথোকপীয়ু।

নুংশিজরবা ঐগী মরুপশিং, ঐখোয়গী উপনিশদশিংগী লাইনিং অমা লৈ, ‘চারৈভেথি-চারৈভেথি-চারৈভেথি’, অদোমসু লাইৱাসি শোইদনা তারম্লগনি খঞ্জৈ, মসিগী ৱাহন্থোক্তি, লেপ্তনা চৎলু অদুমক লেপ্তনা চৎলু হাবসিনি। লেপ্পা লৈতনা চত্তুনা অহোনবা কয়া পুরকপা অসিনা, ঐখোয়গী চৎনবীগী শরুক অমা ওইবা মরম্না, লাইৱাসি ঐখোয়গী লৈবাক্তা মীয়াম্না য়াম্মক পাম্নবা অমা ওইরি। লৈবাক অমগী ঙসি ওইরক্লিবা শক্তম অসিদা লাকপদা, লিশাং শিৎনা চহি লিশিং কয়া চত্থরক্লিবা চাউখৎ-থোরাংগী খোংচৎ অসি লোইনদুনা লাক্লি। খুনাই অমা ওইনা অনৌবা ৱাখল্লোন, অনৌবা অহোংবা কয়াবু ঐখোয়না মতম চুপ্পদা কোনশিন্দুনা মাংজিল থাদুনা চৎলি। মসিদা নাত অমদি চৎনবীদা লাকপা অহোংবা ময়ামগা লোইননা য়াত্রাশিংনা অচৌবা মরম অমা ওইরি। মসিনা মরম অমা ওইদুনা, মুনি রিশিশিংনা তির্থ য়াত্রাগুম্বা ধর্মগী ওইবা থৌদাং কয়া অসিবু ঐখোয়দা শিন্নরম্লিবনি। তোঙান-তোঙানবা তির্থ য়াত্রা কয়া অমদা ঐখোয় চৎলি। হন্দক্কী চারধাম খোংচত্তা, লাই খুরুম্বা লাকপা মীওই কয়া অসুক্কী মতিক য়াম্না লাক্তুনা মফম অদুদা পুনখি হায়বা অদোমসু উবীরে। ঐখোয়গী লৈবাক্তা, তোঙান-তোঙানবা দেব য়াত্রাশিং মতম-মতমগী ওইনা চৎনরি। দেব য়াত্রা হায়বদি, লাইনিংবা লাকপা মীওই খক্তং নত্তনা ঐখোয়গী ইশ্বরসু খোংচৎ অসিদা শরুক য়াই হায়না লৌনৈ। নুমিৎ খরনি লৈরগা জুলাইগী তাং অমদগী জগন্নাথকী মালেম পাকশন্না খঙনরবা য়াত্রা হৌগদৌরে। ওরিশাদা পাংথোকপা পুরিগী য়াত্রাসিদি লৈবাক্কী মীপুম খুদিংমক খঙলিবনি। মীয়াম্না অখন্ননা, য়াত্রা অসিগী মনুংদা পুরিদা চৎনবা হোৎনৈ। অতোপ্পা রাজ্যশিংদসু জগন্নাথ য়াত্রা হরাও-তয়াম্না চাউনা পাংথোক্নরি। ইঙেনগী নিনি পানবা নুমিত্তগী ভগবান জগন্নাথ য়াত্রা হৌদোকই। ঐখোয়গী গ্রান্থশিংদা ‘আশাদস্যা দ্বিতিয়া দিবসসে ... রথ য়াত্রা’ অসুম্না সন্সৃত স্লোক য়াওরি। গুজরাতকী অহমদবাদতসু ইঙেনগী নিনি পানবদগী রথ য়াত্রা খোংচৎ অসি হৌই। ঐহাক্না গুজরাত্তা লৈরিঙৈ মতমদসু রথ য়াত্রা য়াওবগী খুদোংচাবা ফংজরকখি। আশাধা দ্বিতিয়া, আশাধি বিজ হায়নসু খঙনরিবা নুমিৎ অসিদগী কচকী অনৌবা চহি ওইনা পাংথোক্নৈ। ঐহাক্না কচকী ইচিল-ইনাও পুম্নমক্তা অনৌবা চহি লাকপগী হরাও-তয়াম্বা ফোংদোকচরি। নুমিৎ অসি ঐহাক্কীসু য়াম্নমক মরু ওইবা নুমিৎ অআ ওইরি। ঐনা নিংশিংলি, আশধা দ্বিতিয়া হায়বদি ইঙেগী নিনি পানবা নুমিৎকী নোংমা ৱাৎলিঙৈ, হায়বদি আশধাগী অহানবা তিথি, ইঙেনগী নোংমা পানবদা, গুজরাত্তা সন্সকৃত কুম্হৈ অমা পাংথোকখি। কুম্হৈ অসিদা সন্সকৃত লোনদা ইশৈ-নোংমাই অমদি নাতকী ওইবা থৌরম কয়া উৎলি। থৌরম অসিগী মমীং ‘আশধাস্য প্রথম দিৱাসি’ কৌই। কুম্হৈ অসিবু অখন্নবা মীংথোল পীবগী মরমসু লৈ। সন্সকৃত শক্নাইরবা অশৈবা কালিদাসনা, নোংমা, ইঙাগী থাসিবু নোংজু থা হৌবগী মতম অসিদা য়ুমফম ওইরগা মঘদুত্তম ইখি। মঘদুত্তমদা স্লোক অমা য়াওরি – আশধস্যা প্রথম দিৱাসে, মেঘম আশলিস্তা সানুম, হায়বদি আশধগী নোংমা ৱাৎলিঙৈদা লৈচিল-নোংফাইনা কুপ্লবা চিং-মান, স্লোক অসিদা য়ুমফম ওইরগা কুম্হৈ অসি হৌদোকখি।

মরুপশিং, অহমদবাদ নত্রগা পুরি ওইরসু, ভগবান জগন্নাথনা য়াত্রা অসিগী খুত্থাংদা মরু ওইবা পাউজেল অমা পীরি। ভগবান জগন্নাথ মীয়ামগী মপুসু ওইরি লোইননা মহাক্কী য়াত্রা অসিদা লৈত-লাইরবশীং , কনা লৈজদ্রবশিংসু মরু ওইনা য়াওরি। খুনাইগী তোঙান-তোঙানবা জাতি লুপ কয়াগা ইরোইননা ভগবান মহাকসু খোংশানমিন্নরি। অসুম তৌনা, ঐখোয়গী লৈবাক্তা পাংথোক্লিবা য়াত্রাশিংসিদা, লাইর-ইনাকখুনবা, অনেম-অৱাং খাইবা উদে। খেৎনবা ময়ামশিং অসিদা য়াত্রাবু খ্বাইদগী মরু ওইবা ওইনা লৌনরি। মহারাস্ত্রগী পনধরপুরগী য়াত্রাবুসু অদোম্না শোইদনা তারম্লগনি হায়না খঞ্জৈ। পনধরপুরগী য়াত্রাদা মীওই কনা অমত্তনা অচৌবা শক্নদে। কনা অমবু মচানি হায়না থওইদবা তৌনদে, মীপুম খুদিংমক ৱর্কারিনিনি, ভগবান ভিথলগী মনাইনি। নুমিৎ ৪নি মতুংদা, জুনগী তাং ৩০দগী অমরনাথ য়াত্রা হৌগদৌরি। অমরনাথ য়াত্রাগীদমক, লৈবাক পুম্বগী লাইনিংবা ময়াম্না জম্মু কাশ্মির চৎনরি। জম্মু কাশ্মিরগী মীয়াম্না য়াত্রা অসিগীদমক থৱাই য়াওনা থৌদাং লৌই, লোইননা লাইফম অসিদা লাই খুরুম্বা লাকপা মী খুদিংমক্কী মতেং পাংলি।

মরুপশিং, খা ভারত্তা সাব্রিমালা য়াত্রাবু অসুম্না মরু ওইনা লৌনরি। য়াত্রাসিদা সাব্রিমালাগী চিংদোলদা লৈবা, ভগবান অথপ্পাবু করুম্বা ফংজনবা, জঙ্গল নাক-য়েত্তা লৈরম্বা লম্বিশিং লান্দুনা চৎলম্বা মতমদগী হৌরকখিবা য়াত্রাসি অদুমক চত্থদুনা লাক্লি। ঙসিসু য়াত্রাসিগীদমক, মফ অসিদা চৎপদা ধর্মগী লাইনিং-লাইশোলদগী হৌরগা লৈফম–চাফমগী খুদোংচাবা ফংনবা হোৎনবদা, লৈত-লাইরশিংগীদমক খুদোংচাবা কয়া অমা পীরি। হায়বদি, য়াত্রাশিং অসিগী খুত্থাংদা, লৈত-লাইরশিংগী সেবা তৌবা ফংজবগী খুদোচাবা পীরি। মখোয়গীদমক কান্নবা কয়া অমসুং পীনবীরি। মরম অসিনা, লৈবাক অসিনা, লৈবাক অসিনা লাইফম অসি তম্না চৎপা খোংচৎশিং অসিদা, লাইনিংবা লাকপা মীওইশিংগীদমক খুদোংচাবা হেন্না ফংহন্নবা লেপ্পা লৈতনা হোংৎনরি। অদোমসু করিগুম্বদা য়াত্রাশিং অসিদা চৎপদা স্পিরিচুৱেলিতীগী ৱাখল ফাওবা ঙম্বতা নত্তনা, এক ভারত শ্রস্থ  ভারতকী শক্লোনসু উবা ফংগনি।

ঐগী নুংশিজরবা ইরৈবাকচাশিং, মহৌশাগুম হন্দকসু, মন কি বাতকী পাম্বৈনা,  ময়ামগা  শমজিন্নজবা ফংজবসি য়াম্না নুংঙাইবা ফাওজৈ। ইরৈবাকচাশিংনা মাইপাক্লকপা অমদি মহৈ য়াল্লকপশিংগী মরমদা নৈনরি। হায়রিবা ময়ামসিগী মরক্তা ঐখোয় কোরোনাগী মায়োক্তা চেকশিন-থৌরাং লৌখৎপসিদসু ৱাখল থম্বীগদবনি। তৌবগীদি ঙসি লৈবাকসিদা ভেক্সিনগী ওইবা ঙাকথোক্নবা পাম্বৈ লৈবা অসিমদি. নুংঙাইবা ৱাফম অমনি। ভেক্সিনগী দোজ করোর ২০০ য়োগদোরে, প্রিকোশন দোজসু খোংজেল য়াংনা পীরি। করিগুম্বা সেকেন্দ দোজকী মতুংদা , প্রিকোশন দোজকী মতম ওইরক্লগদি, অহুমশুবা দোজসি শোইদনা কাপথোকপীয়ু। ইমু-মনুংগী মীওইশিং, মরু ওইনা অহল-লমশিংবুসু প্রিকোশন দোজ কাপথোকহনবীয়ু। ঐখোয় খুৎ-শা হাম্বা অদুগা মাস্কনাচিংবা চেকশিন-থৌরাংশিংসু অদুমক চত্থবীগদবনি। নোংজু পান্থাদা অকোইবগী অমোৎ-অকাইদগী থোরক্কদবা লাইনশিংদগীশু চেকশিনবীগদবনি। ময়াম পুম্নমক মীৎ শিংনা লৈবীয়ু, হকচাং ফনা লৈবীয়ু অদুগা অসিগুম্বা এনর্জী অসিগা লোইননা মাং লোমদা চংশিনবীয়ু। মথংগী থাদা ঐখোয় অমুক্কা হন্না উন্নসি, মতদুফাওবগী ওইনা পুম্নমকপু হন্না হন্না থাগৎচরি। খুরুমজরি!

ঐগী নুংশিজরবা ইরৈবাকচাশিং, খুরুমজরি!

ঙসি অমুক হন্না মন কী বাতকী খুত্থাংদা নখোয় পুম্নমক্কা; ঐগী ইমংগী মীওই করোর কয়াগা উনবগী খুদোংচাবা অমা ফংজরে। ‘মন কী বাত’তা ঐহাক্না ময়ামবু তরাম্না ওকচরি। নুমিৎ খরনিগী মমাংদা লৈবাক অসিনা অচৌবা মীচৎ অমা ফংজখি, মসিনা ঐখোয় পুম্নমক্তা ইথিল পীখি… ভারতকী তৌবা ঙম্বগী শক্তি অসিদা নৌহৌনা থাজবা পোকহল্লি। ময়াম্না ক্রিকেৎকী ফিল্দদা তীম ইন্দিয়াগী বেৎসমেন অমনা সেনচুরি য়ৈবগী পাউ তাবদা হরাওবা ফাওরমগনি। অদুবু, ভারতনা অতোপ্পা ফিল্দ অমদা সেনচুরি অমগসু য়ৈবা ঙমখ্রে অমসুং মসি য়াম্না অখন্নবনি। থা অসিগী ৫দা লৈবাক অসিদা লৈরিবা য়ুনিকোর্নশিংগী মশিং ১০০ য়ৌবা ঙমখি অমসুং ময়াম্না খঙবীরিবা মদুনি য়ুনিকোর্ন অমা হায়বা অসি য়ামদ্রবদা লুপা করোর লিশিং তরেৎ মখাইরোম ওইবা স্তার্ত-অপ অমনি। য়ুনিকোর্নশিং অসিগী অপুনবা ভেল্যু অসি দোলর বিলিয়ন ৩৩০ হেল্লি, হায়বদি লুপা করোর লাখ ২৫ হায়বনি। তশেংনমক মসি ভারতমচা ওইবা খুদিংমক্কী চাউথোকচনীংঙাই ওইবা ৱাফম অমনি। ঐখোয়গী অপুনবা য়ুনিকোর্নশিং অসিগী মনুংদা মমাংগী চহিদা নিফু মরি শেমখি হায়বা অসি তাবদা ময়াম্না শোইদনা অঙকপা পোক্কনি। মসিতা নত্তনা চহি অসিগী থা ৩-৪ অসিদা নৌনা য়ুনিকোর্ন ১৪ হেন্না শেমখি। মসিনা তাকপদি মালেমগী লাইচৎকী চৈথেং মায়োক্নরিবা তাঙ্কক অসিদসু ঐখোয়গী স্তার্ত-অপশিংনা ৱেল্থ অমসুং ভেল্যু শেমখি হায়বনি। ভারতকী য়ুনিকোর্নশিংগী চহিগী গ্রোথ রেৎকী চাংচৎ অসি য়ু.এস.এ., য়ু.কে. অমসুং অতোপ্পা লৈবাক কয়াদগী হেনখি। নৈনরোয়শিংনা হায়বদা লাক্কদৌরিবা চহিশিং অসিদা মশিং অসিদা চাউনা হেনগৎলকপা উবা ফংলগনি। য়াম্না নুংঙাইবা ৱাফম অমনা ঐখোয়গী য়ুনিকোর্নশিং অসি তোঙান-তোঙানবা মশক মওংদা উবা ফংলি। মখোয়না ই-কম্মর্স, ফিন-তেক, এদ-তেক, বাইও-তেল অসিগুম্বা লম কয়াদা থবক তৌরি। ঐহাক্না মরু ওই হায়না খঞ্জবা অতোপ্পা ৱাফম অমনা মসিনা স্তার্ত-অপশিংগী লমদা অনৌবা ভারতকী ৱাখল্লোন অসি উবা ফংহল্লি। ঙসিদি ভারতকী স্তার্ত-অপ ইকোসিস্তেম অসি শুপ্নগী অচৌবা সহরশিংদা খক্তা য়ুম্ফম ওইদ্রে; অপীক-অপীকপা সহরশিং অমসুং তাউনশিংদগীসু ওন্তপ্রিনোর কয়া থোরক্লে। মসিনা তাক্লি মদুদি ভারত্তা ইনোবেতিব আইদিয়া লৈবা মীওই অদুনা লন শেমগৎপা ঙম্মি।

মরুপশিং, লৈবাক্কী মাইপাকপগী মরুমদা লমদম অসিগী নহারোলশিংগী মপাঙ্গল, তেলেন্ত অমসুং সরকার পুম্নমক্না পুন্না হোৎনরি---মীপুম খুদিংমক্না শরুক তম্লি। অদুবু, স্তার্ত-অপশিংগী লম অসিদা অতোপ্পা মরু ওইবা ৱাফম অমনা চুম্না লমজিংবা হায়বদি অচুম্বা লম্বীদা লমজিং লমতাকপীবা অসিনি। অফবা লমজিংবা অমনা স্তার্ত-অপ অমবু অনৌবা পনখৈ তম্না পুখৎপা ঙম্মি… ফাউন্দরশিংবু অচুম্বা ৱারেপ লৌনবা অচুম্বা লম্বীদা লমজিংবা ঙম্মি। স্তার্ত-অপশিং চাউখৎহন্নবা মখোয় মশাবু কত্থোক্লিবা অসিগুম্বা লমজিং কয়া ভারত্তা লৈবা অসিদা ঐহাক্না চাউথোকচবা পোকই।

শ্রীধর ভেম্বুজীনা হন্দক্তা পদ্ম এৱার্দ ফংখি। মহাক মশামক মাইপাক্লবা ওন্তপ্রিনোর অমনি, অদুবু হৌজিক মহাক্না অতোপ্পা ওন্তপ্রিনোরশিংবু শেম্বী-শাবীনবা মায়োং য়াখি। শ্রীধরজীনা মহাক্কী থবক অসি খুঙ্গংগী মফম অমদগী তৌবা হৌদোকখি। মহাক্না খুঙ্গংগী নহাশিংবু খুঙ্গংদা অদুমক লৈরগা মফম অসিগীদমক করিগুম্বা খরা তৌনবা পুক্নিং থৌগৎখি। খুঙ্গংগী ওন্তপ্রিনোরশিং চাউখৎহন্নবা ২০১৪দা ৱান-ব্রিদজ কবা প্লেৎফোর্ম অমা শেমখিবা মদন পদাকীগুম্বা মীওইশিংসু ঐখোয়গী ইরক্তা লৈরি। ঙসিদি ৱান-ব্রিদজ অসি খা অমদি নোংপোক থংবা ভারতকী জিলা ৭৫ হেনবদা লৈরে। মসিগা মরী লৈণবা খুঙ্গংগী ওন্তপ্রিনোর ৯০০০ হেনবনা খুঙ্গংগী কঞ্জুমরশিংগীদা মখোয়গী সর্ভিসশিং ফংহল্লি। মীরা সেনোজী অসিসু অসিগুম্বগী খুদম অমনি। মহাক্না খুঙ্গংগী মীওইশিং, ত্রাইবেল অমসুং হকচাংগী ফীভম শোইনাইরবা নহারোলশিংদা মার্কেৎ লিঙ্কদ স্কিল্স ত্রেনিং পীদুনা লম অসিদা শীংথানীংঙাই ওইবা থবক তৌরি। ঐহাক্না মফম অসিদা পঞ্জরিবা অসিদি খরা খক্তনি, ঙসিদি অসিগুম্বা লমজিংবা কয়া ঐখোয়গী ইরক্তা মশিং লাকঙমদনা লৈরি। স্তার্ত-অপশিংগীদমক লৈবাক অসিদা মপুং ফাবা সপ্পোর্ত সিস্তেম অমা শেম শাখিবা অসি ঐখোয়গী ওইনা য়াম্না নুংঙাইবা ৱাফম অমনি। লাক্কদৌরিবা মতম খরা অসিদা ঐখোয়না ভারতকী স্তার্ত-অপকী লম অসিদা চাউখৎপগী অনৌবা খোঙথাং অমা উবা ফংলগনি।

মরুপশিং নুমিৎ খরনিগী মমাংদা পুক্নীং অমদি ৱাখল চীংশিন্নীংঙাই ওইবা পোৎশক অমা ফংজৈ মসিদা ইরৈবাকচাশিংগী ক্রিতিবিতীগী মপুং ফাবা মশক অমদি মখোয়গী আর্তিস্তিক তেলেন্ত অদু উবা ফংখি। তামিল নাদুগী তঞ্জাবুর হায়বা মফম অদুদগী সেল্ফ-হেল্প গ্রুপনা ঐঙোন্দা খুদোল অমা থাবীরকখি। খুদোল পোৎ অসিদা ভারতকী ওইবা লৈনম চেল্লি অমসুং মমা ওইবীগী পাঙ্গলগী থৌজালশিং য়াওরি – ঐহাকপু নুংশিংবগী মমি অদু তারি। মসি জি.আই. তেগসু ফংলবা অখন্নবা তঞ্জাবুরগী লাইফদীবি অমনি। মফম অদুগী নাৎকী মশক তাক্লিবা খুদোলপোৎ অসি ঐঙোন্দা থাবীরকপগীদমক ঐহাক্না তঞ্জাবুরগী সেল্ফ-হেল্প গ্রুপবু অখন্ননা থাগৎপা ফোঙদোকচরি। অমরোমদা, মরুপশিং, তঞ্জাবুরগী লাইফদীবি অসি ফজবগী মতিক নুপী ওইবীশিংগী তৌবা ঙম্বগী মতিক মঙালগী অনৌবা ৱারী অমসু মসিনা লীররি। তঞ্জাবুরদা নুপীশিংগী সেল্ফ-হেল্প গ্রুপশিংগী দুকান অমদি কিওক্সসু হাংলি। মসিনা মরম ওইরগা লায়রবা ইমুং কয়াগী পুন্সিদা অহোংবা লাক্লে। অসিগুম্বা কিওক্স অমদি দুকানশিং অসিগী মতেংনা নুপীশিংনা হৌজিক্তি মখোয়গী পোত্থোকশিং অদু কস্তমরশিংদা হকথেংননা য়োনবা ঙমজরে। থৌশিল অসিবু মখোয়না ‘থরাগাইগল কৈবিনৈ পোরুৎকল বিরপনৈ অঙ্গারি’ হায়না কৌরি। থোইদোকপা ৱাফম অমদি থৌশিল অসিগা সেল্ফ-হেল্প গ্রুপ ২২গা মরী লৈনরি। নুপী সেল্ফ হেল্প গ্রুপশিংগী দুকানশিং অসি তঞ্জাবুরগী য়াম্না ময়োল ওইবা মফমশিংদা হাংলি হায়বা অসি তাবদা ময়াম্না শোইদনা নুংঙাইবা ফাওগনি। মসিবু য়েংশিনবগী থবকসু নুপীশিং খক্তা তৌরি। তঞ্জাবুর লাইফদীবি অমসুং শেঞ্জেংগী থাওমৈ অসিগুম্বা জি.আই. প্রদক্তশিং অসিগী মথক্তা নুপী সেল্ফ হেল্প গ্রুপশিং অসিনা শান্নপোৎ, ফক অমসুং আর্তিফিসিএল জ্বেলরীশিংসু শাই। অসিগুম্বা দুকানশিং অসিনা মরম ওইদুনা জি.আই. প্রদক্তশিংগা লোয়ননা লোয়ননা হেন্দিক্রাফকী প্রদক্তশিংসু য়োনবদা শীংথানীংঙাই ওইনা হেনগৎলকপা উবা ফংলি। কেম্পেন অসিগী খুত্থাংদা খুৎহৈবশিংদা ইনোৎ অমা হাপ্পা খক্তা নত্তনা নুপীশিংনা মখোয়গী শেনদান লম্বী অমা ফংজদুনা মখোয়গী মপাঙ্গল কনখৎহনবদা মতেং অমসু ওইরি। ‘মন কী বাত’ তাবীরিবশিংগী মফমদা ঐহাক্না থমজনীংবা ৱাফম অমদি… ইশা-ইশাগী ইরৈকাইশিংদা করম্বা নুপী সেল্ফ হেল্প গ্রুপশিংনা থবক তৌরিবগে হায়বা অসি খঙদোকপীয়ু। মখোয়গী প্রদক্তশিং অসিগী মরমদা ইপাউ খোমজিনবিয়ু অমসুং য়ারিবা মখৈ প্রদক্তশিং অসি শীজিন্নবিয়ু। অসুম্না তৌবিরম্বদি অদোম্না সেল্ফ হেল্প গ্রুপশিংগী ইনকম হেনগৎনবদা মতেং পাংবা খক্তা নত্তনা ‘আত্মনির্ভর ভারত অভিয়ান’ অসিসু খোঙজেল য়াংখৎহল্লগনি।

মরুপশিং, ঐখোয়গী লৈবাক অসি লোল, ময়েক অমদি দাইলেক্ত কয়াগী পুকৈ অমনি। তোঙান-তোঙানবা লমশিংদা তোঙান-তোঙানবা ফিজেৎ-চাকচা অমদি নাৎনা শক তাক্লি। লৈবাক অমা ওইনা মসিগী খেন্নবা কয়া অসিনা ঐখোয়বু মপাঙ্গল কনখৎহল্লি অমসুং ঐখোয়বু অমত্তা ওইবগী লিপুন্না পুনশিন্দুনা থম্লি। মসিগা মরী লৈনবা য়াম্না পুক্নিং থৌগৎনীংঙাই ওইবা খুদম অমা ঐহাক্না ময়ামদা পাউদমজগে, মসি ইচানুপী কলপানাগী মতাংদনি। মহাক্কী মমিং কলপানা কৌই, মহাক্না হোৎনরিবা অসি ‘এক ভারত শ্রেস্থ ভারত’কী তশেংবা ৱাখল্লোন অদুনা মপুং ওই। তশেংবদি কলপানা অসি হন্দক্তা কর্নাতক্তগী ক্লাস ১০গী পরিক্ষা পাস তৌখি, অদুবু মহাক্না মাইপাকপা অসিগী থোইদোক হেন্দোকপা ৱাফম অদুদি কলপানা অসি মতম খরগী মমাংদা কন্নাদা লোল অসি হৈরমদে। মহাক্না শুপ্নগী থা অহুমদা কন্নাদা লোল তম্বা খক্তা নত্তনা মসিদা মার্ক ৯২ ফংবা ঙমখি। ময়াম্না মসি তাবদা শোইদনা অঙকপা পোক্কনি অদুবু মসি অচুম্বনি। মহাক্কী মরম ৱাফম কয়া লৈ মসিদা ময়ামদা অঙকপা পোকহনগনি অমসুং ইথিল পীগনি। কলপানা অসি তশেংবদা উত্তরাখন্দগী জোশিমথতগীনি। মহাক অসি মমাংদা তি.বি. নারমখি অমসুং মহাক্না ক্লাস থ্রি কাবা মতমদা মমিৎ উবা ঙমখিদ্রে অদুবু হায়নবা লৈ, ‘অখাং কল্লবদি, লম্বি অমা শোইদনা লাক্কনি’। মতুংদা কলপানানা মাইসুরুদা লৈবা প্রোফেসর তরামুর্তীগা থেংনখি, মহাক্না কলপানাবু পুক্নিং থৌগৎপীবা খক্তা নত্তনা হীরম খুদিংমক্তা মহাক্কী মতেং পাংবীখি। ঙসিদি মহাক্কী হোৎনবা কনবা অসিনা ঐখোয় পুম্নমক্কী ফীফম্নফম ওইবা খুদম অমা মহাক্না থমখি। ঐহাক্না কলপানাবু মহাক্কী মথৌনা অদুগীদমক থাগৎপা ফোঙদোকচরি। মসিগা মান্ননা, লৈবাক অসিগী তোঙান-তোঙানবা লোলশিংগী মপাঙ্গল কনখৎহন্নবা মাইকৈদা থবক তোরিবা মীওই কয়া লৈ। অসিগুম্বা মরুপ অমসু লৈরি, ৱেস্ত বেঙ্গোলগী পুরুলিয়াদগী শ্রীপাতি তুদুজীনি। তুদুজী অসি পুরুলিয়াগী সিধো-কানো-বিরসা য়ুনিভর্সিতীদা সন্থালি লোলগী প্রোফেসর অমনি। মহাক্না সন্থালি খুন্নাইগীদমক মহাক্কী পোক্নফম লমদমগী ‘ওল চিকি’ ময়েক অসিদা লৈবাক অসিগী সম্বিধান ভর্জন অমা শেম-শারি। ঐখোয়গী সম্বিধান্না ঐখোয়গী লৈবাক অসিগী প্রজা খুদিংমকপু মশাগী হক অমদি থৌদাংশিং খঙহল্লি হায়না শ্রীপতি তুদুজীনা ফোঙদোকখি। মরম অসিনা প্রজা খুদিংমক্না মসি খঙবগী তঙাই ফদবা লৈ। মরম অদুনা সন্থালি খুন্নাইগীদমক মহাক্কী মশাগী ময়েক্তা সম্বিধান অসিগী কোপী অমা মহাক্না শেম-শাখি অমসুং খুদোল তমখি। ঐহাক্না শ্রীপতিজী অসিগুম্বা ৱাখল্লোন অমসুং মহাক্কী খোঙথাংশিং অসিগীদমক্তা থাগৎপা ফোঙদোকচরি। মসি ‘এক ভারত শ্রেস্থ ভারত’কী অহিংবা খুদম অমনি। অসিগুম্বা ৱাখল্লোন অসিবু হেন্না মথৌ হাপ্নবা খোঙথাং কয়াগী মরমদা ই-পাউ অসি ‘এক ভারত শ্রেস্থ ভারত’কী ৱেবসাইৎতা অদোম্না ফংবীগনি। মসিদা অদোম্না চীঞ্জাক, কলা, নাৎ, তুরুজম য়াওনা অসিগুম্বা হীরম কয়াগী মতাংদা পাঙথোক্লিবা থবক-থৌরমশিংগী মরমদা ময়াম্না খঙবা য়াগনি। হায়রিবা থবক-থৌরমশিং অসিদা ময়াম্নসু শরুক য়াবীবা য়াই, মসিনা অদোমগী লৈবাক্কী মরমদা ই-পাউ অমসুং লৈবাক অসিগী দাইভর্সিতী অসি এক্সপরিয়েন্সসু ফংগনি।

ঐগী নুংশিজরবা ইরৈবাকচাশিং, ঐখোয়গী লৈবাক্তা হীজিক উত্তরাখন্দগী ‘চার-ধাম’ হায়বা মফম অসি য়ৌনবা শেংলবা তীর্থয়াত্রা চত্থরি। নুমিৎ খুদিংগী ‘চার-ধাম’ অমসুং মরু ওইনা কেদর্নাথতা ভক্তা লিশিং কয়ানা থুংলরি। মীয়াম্না মখোয়গী ‘চার-ধাম য়াত্রা’গী অৱা-নুংঙাইগী মতাংদা পাউদম্লি। অদুবু, ঐহাক্না উজবদা ভক্তা খরনা য়াম্না নুংঙাইতবা ফাওনরি মরমদি কেদর্নাথতা লাকপা ভক্তা খরানা অমোৎ অকাই কয়া লংথোক্লমখি। মীওই কয়া অমনা সোসিএল মীদিয়াগী খুত্থাংদা মখোয়গী ৱাখল্লোনশিং ফোঙদোক্নরি। শেংলবা লাইফমলেন অমদা চৎপা মতমদা অমোৎ অকাই পৈশিন্দুনা লৈবা উবা ফংবা অসি অফবা খুদম নত্তে। অদুবু মরুপশিং, ৱাকৎশিং অসিগী মরক্তা, নুংঙাইবা ৱাফম খরসু উবা ফংলি। থাজবা লৈবা মফমদা, হৌরকফম অমসুং অফবা ওইথোকপা য়াবগী লম্বীসু লৈ। বাবা কেদরগী ধামদা থৌনিজরিবা ভক্তা কয়া লৈ লোয়ননা লুনান্ননা থম্বগী ৱাখল্লোনগা লোয়ননা ঈশ্বরবু নীংজরি। খরা অমনা মখোয়না লৈরিবা মফম অদুগী অকোইবা অদুবু শেংদোক্লি, অমরোমদা খরনা য়াত্রাগী লম্বী অদুদগী অমোৎ অকাই খোমদোক্লি। স্বচ্ছ ভারত কেম্পেন তীমগা লোয়ননা ওর্গনাইজেসন অমসুং ভোল্যুন্তরী ওর্গনাইজেসন কয়াগা মফম অসিদা থবক চত্থরি। মরুপশিং, মফম অসিদা তীর্থয়াত্রা মরু ওইবা অদুগুম্না; ‘তীর্থ সেৱা’ ফংজবা অসিসু চপ মান্ননা মরু ওই হায়না হায়নৈ অমসুং ঐখোয়না ‘তীর্থ সেৱা’ য়াওদনা তীর্থয়াত্রা অসি মপুং ফাদে হায়না ঐহাক্না হায়জনীংই। দেবভুমি উত্তরাখন্দ হায়রিবা অসিদা লুনানবগী অমসুং সেৱাগীদমক ‘সাধনা’ তৌরিবা মীওই কয়া লৈ। রুদ্র প্রয়াগতগী শ্রীমান মনোজ বেনজ্বলনা অদোমবু চাউনা ইথিল পীগনি। হৌখিবা চহি ২৫ অসিদা মনোজজীনা অকোইববু য়েংশিন্নবগী থবক তৌদুনা লাকখি। লুনানবগী খোঙজং চত্থবগী মথক্তা মহাক্না শেংলবা লাইফমশিং অসিবু প্লাস্তিক ফ্রী ওইহন্নবা থবকসু তৌখি। অমরোমদা গুপ্তাকাশিদা লৈবা সুরেন্দ্র বগৱারিজীনা লুনানবা হায়বা অসি মহাক্কী পুন্সিগী লাইনিং ওইনা লৌখি। গুপ্তাকাশিদা মহাক্না লুনানবগী থৌরমশিং চাং নাইনা পাঙথোক্লি, অমসুং অসিগুম্বা খোঙজং অসিবা ‘মন কী বাত’ হায়না মীংথোল্লি হায়না ঐহাক্না তাজৈ। মতৌ অসুম্না দেবর খুঙ্গংদগী চম্পা দেবি হায়বরিবা অসিনা খুঙ্গং অসিগী নুপীশিংদা ৱেস্ত মেনেজমেন্তগী মতাংদা তাকপী-তম্বীরি। চম্পাজীনা উ-পাম্বি কয়া থাখি অমসুং মহাক্কী হোৎনবা কনবা মতৌ অসুনা উমংগী শরুক অমা পুমশং শংহনবা ঙমখি। মরুপশিং, অসিগুম্বা মীওইশিং অসিগী হোৎঞ্জমল অসিগী খুত্থাংদা দেব ভুমি অমসুং শেংলবা মফমশিং অসিদা অফবা অশেংবা ৱাখল ফংবা ঙমহল্লি। ঐখোয়না মফম অসিদা চৎতুনা এক্সপরিয়েন্স তৌরি, অদুনা ঐখোয়না মসিগী অফবা ৱাখল্লোন অমসুং স্পিরিচুএলিতী অসি ঙাক্না থম্বা হায়বা অসি ঐখোয়গী থৌদাংনি। ঐখোয়গী লৈবাক্কী ‘চারধাম য়াত্রা’গা লোয়ননা লাক্কদৌরিবা মতমশিংদা ‘অমরনাথ য়াত্রা’, পন্ধরপুর য়াত্রা’ অমসুং ‘জগন্নাথ য়াত্রা’ অসিগুম্বা য়াত্রা কয়া লৈরগনি। নোংজু থাদদি খুঙ্গং খুদিংমক্তা মেলা অমা নত্ত্রগা অমদি অদুমক পাঙথোক্নরমগনি।

মরুপশিং, ঐখোয়না মফম অমা হেক্তদা চৎলবদু ঐখোয়না লাইফমশিংগী চাউথোকচনীংঙাই ওইবা মগুন অদুদি মাংহনগুমসি। পুকচেল শেংবা, লুনানবা অমসুং অকোইবগী ফীভমবু ফনা থম্বা হায়বা অসি ঐখোয়না কাউফদে অমসুং মসিগীদমক লুনান্নবগী পান্দম অসি ঐখোয়না ঙাক্তুনা থম্বা মরু ওই। নুমিৎ খরনিগী মতুংদা মালেম অসিনা জুন ৫দা ‘অকোইবগী ফীভম ঙাকশেনবা নুমিৎ’ পাঙথোক্কনি। ঐখোয়না অকোইবগী ফীভম কন্নবা অফবা খোঙজংশিং চত্থগদবনি অমসুং লেপ্তনা চত্থগদবনি। হন্দক্তি অদোমসু মীয়ামগা লোয়ননা লুনান্না লৈনবা অমসুং উ-পাম্বী থানবা খোঙথাং খরা পাইখৎপদা শোইদনা শরুক য়াগদবনি। অদোমসু উ-পাম্বী থাবীয়ু অমসুং অতোপ্পদসু ইথিল পীবীয়ু।

ঐগী নুংশিজরবা ইরৈবাকচাশিং, মথংগী থাগী জুন ২১ অসি ঐখোয়না ৮শুবা ‘ইন্তর্নেস্নেল য়োগ দে’ পালন তৌগদৌরি। য়োগ নুমিৎকী থিম অসি হন্দক্তি য়োগ ফোর হ্যুমেনিতী হায়বা অসিনা ওইরি। ময়ামদা ঐহাক্না হায়জনীংবদি ‘য়োগ নুমিৎ’ অসি থৱায় য়াওনা পাঙথোকপীয়ু হায়বা অসিনি। লোয়ননা কোরোনাগী মরী লৈনবা চেকশিল-থৌরাংশিংসু লৌখৎপীয়ি। তৌবগীদি হৌজিক অসি মমাংগা য়েংনরুবদা মালেম পুম্বগী ওইনা ফীভম য়াম্না ফগৎলে। ভেক্সিনেসন কবরেজ হেন্না হেনগৎলকপা লোয়ননা, মীয়াম্না হৌজিক মশিং য়াম্না থোক্নরক্লি মরম অসিনা মালেম শিনবা থুংবদা ‘য়োগ নুমিৎ’কীদমক শেম-শাবা কয়া চত্থরি। কোরোনা লাইচৎ অসিনা ঐখোয় পুম্নমক্তা ঐখোয়গী পুন্সিশিংদা হকশেল অসি কয়াম মরু ওইবগে খঙহনখি অমসুং য়োগ অসিনা মসিগী অচৌবা পাম্বৈ অমা ওইরক্লি। মীয়াম্না ফিজিকেল, স্পিরিচুএল অমসুং ইন্তেলেকচুএল ৱেল বিং কয়া মরু ওই হায়বা অসি য়োগগী খুত্থাংদা অচৌবা শাহৌ অমা ফংলি। মালেমগী মকোক থোংবা বিজিনেস পর্সনশিংদগী হৌরগা ফিল্ম অমসুং স্পোর্তসকী মীওইশিংনা, মহৈরোবশিংদগী মীচম প্রজা ফাওবা, মীপুম খুদিংমক্না য়োগ অসি মখোয়গী পুন্সিগী মরু ওইবা শরুক অমা ওইরি। মালেম শিনবা থুংনা য়োগ অসি পাম্নবা হেনগৎলকপা উবা ফংলিবা অসিনা অদোমবু শোইদনা নুংঙাইবা পোকহনগনি হায়না ঐহাক্না থাজৈ। মরুপশিং, হন্দক্তি লৈবাক অসিদা অমসুং মপালদা ‘য়োগ নুমিৎ’ পাঙথোক্কদবা ইনোবেতিব ওইবা খুদম খরগী মতাংদা খঙবা ঙমখি। মখোয়শিং অদুগী মনুংদা গর্জিয়ন রিং অসি অমনি – মসি য়াম্না অখন্নবা প্রোগ্রাম অমা ওইগনি। মসিদা নুমিৎকী খোঙচৎ অসি পালন তৌগনি, হায়বদি নুমিৎ অসিনা পৃথিবীগী তোঙান-তোঙানবা শরুকশিংদা চৎপা খোঙচৎ অসি য়োগগী খুত্থাংদা তরাম্না ওক্কনি। তোঙান-তোঙানবা লৈবাকশিংদা ইন্দিয়ন মিসনশিংনা মফম অদুগী লোকেল তাইমগী মতুং ইন্না নুমিৎ থোরকপদা য়োগগী প্রোগ্রামশিং পাঙথোক্কনি। লৈবাক অমগী মথংদা লৈবাক অমনা থৌরম অসি মথং-মথং পাঙথোকপা হৌগনি। নোংপোক লোমদগী নোংচুপলোমদা মসি মখা চত্থগনি… অমসুং পরিং অসিদা মথং-মথং চত্থখিগনি। অমগা মতুংদা অমা পাঙথোক্লিবা থৌরমশিং অসিগী স্ত্রীমিংসু তৌগনি হায়বদি মসি য়োগ স্ত্রীমিং ইভেন্তগী রিলে মখল অমা ওইগনি। শোইদনা মীৎয়েং তাবীয়ু।

মরুপশিং, ঐখোয়গী লৈবাক্তা পাঙথোক্লিবা ‘অমৃত মহোৎসব’ অসিগা মরি লৈননা হন্দক্তি লৈবাক অসিগী মরু ওইবা মফম ৭৫দা ‘ইন্তর্নেস্নেল য়োগ দে’ পাঙথোক্কনি। থৌরম অসিদা ওর্গনাইজেসন অমসুং ইরৈবাকচা কয়াগা লোয়ননা মখোয়গী মশাগী লমশিংদা মশাগী ওইবা থাক্তা ইনোবেতিব ওইবা করিগুম্বা তৌনবা শেম-শারি। য়োগ নুমিৎ পাঙথোক্নবা অদোমগী সহর, তাউন নত্ত্রগা খুঙ্গংদা খ্বাইদগী অখন্নবা মফম অমা হেক্তা খন্দুনা হন্দক্তি মসি পাঙথোক্নবা ঐহাক্না হায়জরি। মফমশিং অসি অরিবা লাইশঙ অমসুং লমকোইবগী মফম অমা ওইবা য়াই, নত্ত্রগা মমিং লৈবা তুরেল, পাৎ নত্ত্রগা পুখ্রিগী তোর্বান্দা ওইবা য়াই। মসিনা য়োগগা লোয়ননা লোয়ননা অদোমগী মফম অদুবুসু শকখঙবা হেনগৎহনগনি অমসুং মফম অদুগী তুরিজমদা শাহৌ অমা পীগনি।  হৌজিক্কী ওইনা ‘য়োগ নুমিৎ’কী নুমিৎ ১০০নিগী কাউন্তদাউনসু চত্থরি; থা অহুমগী মমাংদা মশাগী অমদি খুন্নাইগী ওইবা থবকশিংদা য়ুম্ফম ওইবা প্রোগ্রামশিং পাঙথোকপা হৌখ্রে। মসিগী মখাদা ১০০শুবা নুমিৎ অঞসুং ৭৫শুবা নুমিৎকী কাউন্তদাউন প্রোগ্রাম দিল্লীদা পাঙথোকখি।মসিগা মান্ননা ৫০শুবা থৌরম অসামগী সিবসাগরদা পাঙথোকখি অমসুং ২৫শুবা হায়দরাবাদতা পাঙথোকখি। হৌজিক্তিগী হৌদুনা অদোমসু ‘য়োগ নুমিৎ’কীদমক শেম শাবা হৌবীরো হায়না ঐহাক্না হায়জরি। মীওই কয়াগা উনবীদুনা, মীপুম খুদিংদা ‘য়োগ নুমিৎতা শরুক য়ানবা হায়বীয়ু; মখোয়দা ইথিল পীবীয়ু। ময়াম্না ‘য়োগ নুমিৎ’ অসিদা থৱায় য়াওনা শরুক য়াগনি লোয়ননা অদোগী নোংমগী পুন্সি মহিংদা য়োগ অসি শরুক অমা ওইহনগনি হায়না ঐহাক্না থাজবা থম্মি।

মরুপশিং, নুমিৎ খরনিগী মমাংদা ঐহাক জপান্দা চৎলুই। ঐহাক্কী প্রোগ্রাম কয়াগী মরক্তা ঐহাক্না ফীদম্নফম ওইরবা মীওই খরগা উনবগী খুদংচাবা অমা ফংজখি। ময়ামদা ঐহাক্না ‘মন কী বাত’ অসিদা মখোয়গী মতাংদা হায়বা পাম্মি। মখোয়না জপানগী মচা ওইজরবসু মখোয়না ভারতকা লৈনরিবা মরী অমসুং ভারতপু নুংশিজবা অদু শীংথানীংঙাই ওই। মখোয়গী মরক্তা হিরোশি কোইকেসু অমনি, মহাক মমিং লৈরবা আর্ত দিরেক্তর অমনি। মহাক্না মহাভারত প্রোজেক্ত দিরেক্ত তৌখি তাবদা নখোয়না য়াম্না নুংঙাইবা পোক্কনি। মসিগী প্রোজেক্ত অসি কম্বোদিয়াদা পাইখৎখি অমসুং হৌখিবা চহি ৯ অসিদা চত্থদুনা লাকখি। হিরোশি কোইকেনা থবক খুদিংমক য়াম্না অখন্নবা মওং অমদা পাঙথোকই। চহি খুদিংগী মহাক্না এসিয়াগী লৈবাক অমদা চৎলি অমসুং মফম অদুগী লোকেল আর্তিস্ত অমদি ম্যুজিসিয়নশিংগা লোয়ননা মহাভারতকী শরুকশিং পুথোকই। প্রোজেক্ত অসিগী খুত্থাংদা মহাক্না ভারত, কম্বোদিয়া অমসুং ইন্দোনেসিয়া য়াওনা লৈয়াক মপালদা প্রদক্সনশিং তৌখি অমসুং স্তেজ পর্ফোরমেন্স উৎখি। হিরোশি কোইকেনা ক্লাসিকেল অমসুং ত্রেদিস্নেল এসিয়ন পর্ফোর্মিং আর্ত্তা মখল কয়াগী বেকগ্রাউন্দ লৈরবা আর্তিস্তশিংবু অমত্তা ওইনা মরম অসিনা মহাক্কী ৱার্ক্তা তোঙান-তোঙানবা মশকশিং উবা ফংখি। ইন্দোনেসিয়া, থাইলেন্দ, মলেসিয়া অমসুং জপানদগী পর্ফোরমরশিংনা জাবা দান্স, বালি দান্স, থাই দান্সকী খুত্থাংদা মসিবু হেন্না নীংথিজহনখি। অখন্নবা ৱাফম অদুদি পর্ফোরমর খুদিংমক্না মখোয় মশাগী মমা লোলদা ঙাংই অমসুং কোরিওগ্রাফী য়াম্না নীংথিজনা তৌদুনা মসিগী দাইভর্সিতী অসি উৎখি অমসুং দাইভর্সিতীগী ম্যুজিক অসিনা প্রদক্সন অসি হেন্না মগুন হাপখি। মখোয়গী পান্দদি ঐখোয়গী খুন্নাইদা দাইবর্সিতী অমসুং কো-এক্সিজতেন্সকী মরু ওইবা অমসুং শান্তিগী অশেংবা মশক অসি করম্না ওইগনি হায়বা অসি মাংদা পুথোকপনি। মহাক নত্তবা জপান্দা ঐহাক্না উনখিবা অতোপ্পা মীওই অনি অদুদি অৎসুশি মৎসুও অমসুং কেঞ্জি য়োশিনি। মখোয় অনিমক তি.এম.এম. প্রদক্সন কম্পনীগ খুৎশম্নৈ। কম্পনী অসি রামায়নদা য়ুম্ফম ওইদুনা ১৯৯৩দা পুথোকখিবা জপানিজ এনিমেসন ফিল্ম অদুগা মরী লৈনৈ। প্রোজেক্ত অসি জপানগী য়াম্না মমিং লৈরবা ফিল্ম দিরেক্তর য়োগো সাকোগা মরী লৈনৈ। চহি ৪০রোমগী মমাংদা, ইং কুমজা ১৯৮৩দা মহাক্না অহানবা ওইনা রামায়নগী মতাংদা খঙবা ঙমখি। ‘রামায়ন’না মহাক্কী পুক্নিং হুখি, মসিগী মতুংদা মহাক্না মসিগী মতাংদা রিসর্চ তৌবা হৌখি। মসিতা নত্তনা মহাক্না জপানিক লোলদা রামায়নগী ভর্জন ১০ পাখি অমসুং মসিদা মহাক লেপখিদে, মহাক্না মসিবু এনিমেসনগী খুত্থাংদা মসি উৎথোকপা পামখি। মসিদা ভারতকী এনিমেতরশিংনা মহাক্কী মতেং চাউনা পাংখি, ফিল্ম অসিদা উৎখিবা ভারতকী চৎনবীশিংগী মতাংদা মহাকপু লমজিংবীখি। ভারত্তা মীয়াম্না ফৈজোম করম্না শেৎলি, মখোয়না সারি করম্না শেৎলি, মখোয়না মশম করম্না পুল্লি হায়বা অসিগী মতাংদা মঙোন্দা তাকখি। ইমুং অমদা অঙাংশিংনা মথক থোংবশিংদা ইকাই খুম্নবা করম্না উৎলি, বোর নিবগী চৎনবী অদু করিনো হায়বা মঙোন্দা খঙহনখি! অয়ুক্তা হোৎলগা ইমুংগী অহলদা খুরুম্বা, বোর নীজবা – পুম্নমক অসি তম্বীখি! হৌজিক চহি ৩০গী মতুংদা এনিমেসন ফিল্ম অসি ৪কেদা রি-মাস্তর তৌরি। প্রোজেক্ত অসি য়াম্না অথুবদা লোইশিল্লগনি। ঐখোয়দগী কিলোমিতর লিশিং কয়া লাপ্না লৈরিবা, ঐখোয়গী লোল খঙদবা, ঐখোয়গী চৎনবীগী মরক্তা করিসু খঙদবা মীওইশিং অসিনা ঐখোয়গী নাৎ অসিদা মখোয়না লুপচবা, মসিগী ইকাই খুম্নবা অসি য়াম্না থাগৎনীংঙাই ওই – ভারত মচা কনানা মসিদা চাউথোকচবা পোক্লোইদবগে!

ঐগী নুংশিজরবা ইরৈবাকচাশিং, ইশাগী হায়বা থাদোক্তুনা খুন্নাইগী শেবা তৌবগী মন্ত্র অসি ঐখোয়গী চৎনবী, ঐখোয়গী নাৎকী শরুক অমনি। ঐখোয়গী লৈবাক অসিদা মশিং লাকঙমদ্রবা মীওই কয়ানা মন্ত্র অসি মখোয়গী পুন্সিগী পান্দম ওইহল্লি। ঐহাক্না অন্ধ্র প্রদেশতগী মরকাপুরমদা লৈবা মরুপ, রাম ভুপল রেদ্দীজীগী মতাংদা ঐহাক্না পাউ খরা তাজৈ। রাম ভুপল রেদ্দীজীনা মহাক্না থবক্তগী পোত্থরবা মতুংদা মহাক্না তানখিবা শেল পুম্নমক নুপীমচাশিংগী মহৈ তম্নবা দান তৌখি হায়বা তাবদা ময়াম্না অঙকপা পোক্কনি। মহাক্না ‘সুকন্য সমৃধি য়োজনা’গী মখাদা মহাক্না নুপীমচা ১০০গী একাউন্তশিং হাংবীখি অমসুং মসিদা লাখ ২৫ হেন্না দিপোজিৎ তৌখি। অসিগুম্বা শেবা অসিগী অতোপ্পা খুদম অমনি য়ু,পি.গী আগ্রাদা লৈবা কচোরা খুঙ্গং অসিনি। খুঙ্গং অসিদা চহি কয়াদগী থক্নবা অফবা ঈশিংগী অৱাৎপা লৈদুনা লাকখি। মরক অসিদা খুঙগং অসিদা লৈবা লৌমী কনৱার সিংহনা খুঙ্গং অসিদগী কিমি ৬-৭ চৎলগা লৈবা মহাক্কী লৌবুক্তা ঈশিং থেংনখি। মসি মহাক্কী ওইনদি নুংঙাইবা ৱাফম অমা ওইখি। ঈশিং অসি অতোপ্পা খুঞ্জাশিংদা ফংহনবা ঙম্বদি হায়না মহাক্না খনখি….! অদুবু লৌবুক অদুদগী খুঙ্গংদা ঈশিং অসি পুরকপদা লুপা লাখ ৩০-৩২ ফাওবা মথৌ তাখি। মতম খরগী মতুংদা কুনৱার সিংহগী মনাওনুপা শ্যাম সিংহনা আর্মীদগী থবক্তগী পোত্থদুনা খুঙ্গং অসিদা হল্কলকখি, অমসুং মহাক্না মসিগী মরমদা খঙলকখি। মহাক্না থবক তৌরুবগী রিতায়রমেন্ত মতমদা ফংখিবা মহাক্কী শেনফম পুম্নমক থবক অসিদা থাদখি অমসুং লৌবুক্তগী খুঙ্গং অসিদা পাইপলাইন অমা তিংদুনা মহাক্না খুঞ্জাশিংদা অফবা ঈশিং সপ্লাই তৌবা ঙমখি। কনাগুম্বা অমনা মাগী থৌদাংশিংদা করিগুম্বা কত্থোকপা য়াওনা, পুক্নিং চংনা হোৎনরবদি খুন্নাই পুম্বগী তুংলমচৎ অসি মীওই অমা খক্তা অহোংবা পুরকপা করম্না ঙম্বগে হায়বা অদু খোঙথাং অসিনা অচৌবা ফীদম্নফম অমা ওইরি। ইথৌ মশক খঙনা থবক তৌরবা মতমদা খক্তা ঐখোয়না খুন্নাইগী পাঙ্গল হাপ্পা ঙমগনি; লৈবাক অসি মপাঙ্গল হাপ্পা ঙমগনি। ‘আজাদী কা অমৃত মহোৎসব’ অসিদা মসিনা ঐখোবগী পান্দম অমসুং মসিনা ঐখোয়গী লাইনিং ওইহনগদবনি…. মসিগী অমত্তা ঙাইরবা লম্বীনা – থৌদাং, থৌদাং অমসুং থৌদাং।

ঐগী নুংশিরবা ইরৈবাকচাশিং ঙসি ‘মন কী বাত’ অসিদা ঐখোয়না খুন্নাইগা মরী ।ঐনবা মরু ওইবা হীরম কয়াদা ৱারী শাখ্রে। ময়াম্না হীরম কয়াগী মতাংদা মরু ওইবা ৱাফম কয়া ঐঙোন্দা থারকই, অমসুং মখোয়গা মরী লৈনবা ৱাফমশিংদা ঐখোয়গী খন্ন-নৈনবা অসি মখা চত্থৈ। ‘মন কী বাত’কী মথংগী তাঙ্কক্কীদমক্তসু অদোমগী ৱাফমশিং অদু থারকপা কাওবীগনু। হৌজিক চত্থরিবা আজাদী কা অমৃত মহোৎসবকা মরী লৈনবা প্রোগ্রামশিং; নখোয়না শরুক য়ারিবা থৌরমশিং… মখোয়গী মরমদা ঐঙোন্দা খঙহনবীয়ু। নমো এপ অমসুং মাইগোবতা ঐহাক্না অদোমগী ৱাফমশিং শোইদনা ঙাইরমগনি। মথংদসু ঐখোয় অমুক হন্না থেংনসি… ঐখোয়গী ইরৈবাকচাশিংগা মরী লৈণবা মান্নবা হীরমশিংদা অমুক হন্না ৱারী শাখিসি। অদোমগী তেক্তা কাইদনা লৈবীয়ু অমসুং অদোমগী অকোইবদা লৈরিবা মীওইশিংবুসু য়েংশিনবীয়ু। কালেন থা অসিদা অদোম্না শা অমদি উচেকশিংগীদমক চান্নবা অমদি ঈশিং পীবীদুনা মীওইবা অমা ওইবগী থৌদাংসু পাঙথোকপীয়ু… মসি কাউবীগনু। হন্না-হন্না থাগৎচরি!

ঐহাক্কী নুংশিরবা লৈবাক মীয়াম, নমস্কার!

অনৌবা হীরম, ইথিল পীনিংঙাই ওইরবা ক্লু, ৱারোল কয়া খোমজিন্দুনা ঐহাক্কী ‘মন কী বাত’ ফোংদোক্নবা ঐহাক্না মেয়ামগী মফমদা অমুক্কা হন্না লাকচরি। হন্দক্কী মতাং অসিদা ঐহাক্না করম্বা হীরমগী মতাংদা খ্বাইদগী হেনবা চিথী ফংই হায়বা অদোম খঙবীবরা? হৌখ্রবা, হৌজিক অমসুং তুংদা লাক্কদবা, পুম্নমক অহুম অসিবু পুন্সিনবা হীরমগী মতাংদা। ঐহাক্না ঙাংলিবা অসি লৈবাক্কী অনৌবা প্রধানমন্ত্রী ম্যুজিয়মগী মতাংদনি। হন্দক্কী এপ্রিলগী ১৪, বাবাসাহেব অম্বেদকরগী মপোক কুমওন নুমিত্তা, প্রধানমন্ত্রী ম্যুজিয়ম্বু লৈবাক মীয়ামদা খুৎশিন্নখি। লৈবাক্কী মীয়ামগীদমক্তা মসিবু হাংদোকখি। ঙসিগী তাবীরিবা মীওই অমদি শ্রীমান সার্থকজীনি; সার্থকজী অসি গুরুগ্রামদা লৈবনি অমসুং অহানবা খুদোংচাবা হেক ফংবগা মহাক্না প্রধানমন্ত্রী ম্যুজিয়মদা চৎলুরে। সার্থকজীনা নামো এপ্তা ঐহাক্কী মফমদা ইরকপা ৱারোল অসি য়াম্না নুংঙাইবনি। মহাক্না চহি কয়াদগী ই-পাউগী চেনেল য়েংলক্লি, পাউ-চে পাদুনা লাক্লি, লোয়ন-লোয়ননা মহাক্না সোসিএল মিদিয়াসু শিজিন্নরি, মরম অদুনা, মহাক্না মহাক্কী জেনেরেল নোলেজ অসি য়াম্না লিংই হায়না লৌই। অদুবু, মহাক্না পি.এম. ক্যুজিয়মদা চৎলুবা মতমদা, মহাক্না মহাক্কী লৈবাক অমসুং লৈবাক অসিবু লুচিংলম্বা মীওইশিংগী মতাংদা য়াম্না খঙলমদবা অসিদা মশাদা ঙকচবা ফাওখি। লাল বহাদুর শাস্ত্রীদা মহাক্কী লোয়নবীগী মরী-মতাশিংনা পীরকখিবা তরেংগুম্বা পোৎলম উবা ফংখিবদা মহাকপু য়াম্না নুংঙাইহনখি অমসুং মহাক্কী মফমদা লাংতক্নবা ফাওহনখিবা পি.এম. ম্যুজিয়মগী অখন্নবা ৱাফমগী মতাংদা মহাক্না ইরকখি। মহাক্না শাস্ত্রীজীগী পাসবুকসু উবা ফংজখি অমসুং মদুদা শেল খরতমক তুংশিনবগী ৱারোলবুসু মহাক্না উজবা ফংখি। মোরার্জী দেসাইনা নীংতম ইহৌদা শরুক য়াদ্রিঙৈগী মমাংদা গুজরাতকী দেপ্যুতী কল্লেক্তর ওইরম্মি হায়বা মহাক্না হান্না খঙলমদে হায়না সার্থকজীনা ইরকখি।

এদমিনিস্ত্রেতিব সর্ভিস্তা মহাক্কী শাংলবা কেরিয়র লৈরক্লবনি। চৌধরী চরন সিংহনা জমিন্দারী মুত্থৎপগী ইহৌদা অচৌবা থৌদাং য়ারম্মি হায়বা খঙলমদে হায়না সার্থকজীনা চৌধরী চরন সিংহজীগী মতাংদা ইরকখি। মসিদা নত্তনা, শ্রী পি.ভি. নরসিমহা রাওনা লেন্দ রিফোর্মগী মরী লৈনবা থবকশিংদা থৱাই য়াম্না য়াওই হায়বসু মহাক্না উবা ফংখি হায়না মহাক্না মখা তানা ইরকখি। চন্দ্রসেখরজীনা কিলোমীতর ৪ হেন্না মখোঙনা চত্তুনা ভারত য়াত্রা তৌখি হায়বসি মহাক্না ম্যুজিয়ম অসিদা লাক্লবা মতুংদখক্তা খঙবা ঙমখি হায়না সার্থকজীনা পাউদমলকখি। ম্যুজিয়ম অসিদা মহাক্না অতলজীনা শিজিন্নরম্বা পোৎলম উখি, মহাক্কী ৱারোল তাখি অমসুং মহাকপু মসিনা য়াম্না চাউথোকচহনখি। ম্যুজিয়ম অসিনা মহাত্মা গান্ধী, সর্দার পতেল, দাঃ অম্বেদকর, জয় প্রকাশ নরায়ন অমসুং ঐখোয়গী প্রধান মন্ত্রী, পন্দিৎ জৱাহরলাল নেহরুজীগী মতাংদা নুংঙাইরবা ৱাফম কয়া অমসু তাক্লি হায়না মহাক্না ইরকখি।

মরুপশিং, নীংতম্বগী অমৃত মহোৎসবকী মতম নত্তনা ঐখোয়গী লৈবাক্কী প্রধান মন্ত্রীশিংগী তেংবাংশিংবু নীংশিংবগী হেন্না ফবা করম্বা মতম লৈরিবগে? নীংতম্বগী অমৃত মহোৎসবনা মীয়ামগী ইহৌগী মওং লৌরকপা অসিদি লৈবাক্কী চাউথোকচনীংঙাই ওইবা ৱাফম্নি। মীয়াম্না পুৱারীদা পুক্নিং চঙবগী মতৌ হেনগৎলক্লি অমসুং অসিগুম্বা মিৎকুপ অসিদা, পি.এম. ম্যুজিয়ম্না নহারোলশিংগী পুক্নিং চিংশিনফমগী ময়োল অমা ওইরকপগা লোয়ননা মখোয়বু লৈবাক্কী মমল নাইদ্রবা হেরিতেজকা শম্নহল্লি।

অদুগা মরুপশিং, ম্যুজিয়ম অসিগী মতাংদা অদোমগা অসুক য়াম্না খন্ন-নৈনরিবনিনা, ঐহাক্না অদোমগী মফমদা ৱাহং খরা হঙফম থোকই হায়না ঐহাক্না খল্লি। অদোমগী জেনেরেল নোলেজকী লৌশিংনা করি হায়বগে য়েংলসি...অদোম্না ই-পাউ কইয়া য়াম্না খঙলবগে? অদোম শেম-শাবা লোইরেকো, ঐহাক্কী নহা ওইরিবা মরুপশিং, অদোমগী খুত্তা চে-কলম পায়রবা নত্ত্রো? ঐহাক্না হৌজিক অদোমগী মফমদা হংগদৌরিবা ৱাহংশিং অসিগী পাউখুম অদোম্না নামো এপ নত্ত্রগা সোসিএল মিদিয়াদা #MuseumQuizতা পীবিরকপা য়াগনি....পীবিরকউকো। অদোম্না ৱাহং খুদিংগী পাউখুম পীরক্নবা ঐহাক্না হায়জরি। মসিনা লৈবাক মীয়ামগী মফমদা ম্যুজিয়ম অসিদা থৱাই য়াওবগী চাং হেনগৎহনগনি। ইন্দিয়ন রেলৱেজকী মমাংগী চহি ৪৫গী পুৱারী উবগী খুদোংচাবা ফংহল্লিবা মমিং চৎলবা রেল ম্যুজিয়ম অসি লৈবাক্কী করম্বা শহরদা লৈ হায়বা অদোম খঙবরা? খঙনবা ক্লু অমা পীগে। ফাইয়রলেস স্তীম লোকোমোতিবতা ৱেল্সকী প্রিন্সকী সেলুন, ফেরী ক্বীন অসি মফমসিদা অদোম্না উবা ফংগনি। ঐখোয়না করেন্সী হৌরকপগী খোঙজেলবু য়াম্না নুংঙাইবা মওংদা তাকপগী মতৌ উবা ফংবা করম্বা ম্যুজিয়ম অসি মুম্বাইদা লৈবগে হায়বা অদোম খঙবরা? মফমসিদা তরুকশুবা চহি-চা বি.সি.গী শেলয়েক লৈ; অতোপ্পা নাকল অমদনা, ই-মনীসু লৈ। অহুমশুবা ৱাহং- ‘বিরাসত-ই-খালসা’গা ম্যুজিয়ম অসিগা মরী লৈনৈ। পঞ্জাবকী করম্বা শহরদা ম্যুজিয়ম অসি লৈ হায়বা অদোম খঙবরা? অদোম্না তেলঙ্গা পাইবসি য়াম্না নুংঙাইরমগনি, ঐহাক্কী মথংগী ৱাহংদি মসিগা মরী লৈনৈ। লৈবাক্কী অমত্তা ঙাইরবা তেলঙ্গাগী ম্যুজিয়ম অসি কদাইদা লৈবগে? ক্লু অমা পীগেকো, মফমসিদা উৎলিবা খ্বাইদগী চাউবা তেলঙ্গা অসি ফুত ২২x১৬ পাক চাউই। ৱাখলদা করিগুম্বা খরা লাকপরা - লাক্তে? মসিগী মরমদা ৱারোল অমগা হায়গে – মসি লৈরিবা শহরগা বাপুগা অখন্নবা মরী লৈনৈ। অঙাং ওইরিঙৈদা স্তাম্প খোমজিনবগী হৈনবী কনানবু লৈতগে? ঐহাক্না ৱাহং অমগা হংগে। গুলশন মহল হায়না মিংথোনবা বিলদিং অমদা করম্বা ম্যুজিয়ম লৈবগে? ম্যুজিয়ম অসিগী ক্লু অসিদি, অদোম্না মসিদা ফিল্মগী দাইরেক্তর ওইবা য়াগনি, অদোম্না কেমেরা, ইদিতিং তৌবগী মওং-মতৌ য়েংবসু য়াগনি। ফরে, অদোম্না ভারতকী তেক্সতাইল হেরিতেজ নীংথিজনা তাকপা ম্যুজিয়ম অমা হেক্তবু খঙবরা? মসিগী ম্যুজিয়ম অসিদা অপীকপা লাই, জাইনা মেনুস্ক্রিপ, অহকপা মুর্তী অমসুং অতোপ্পা কয়া অমা লৈ। মসিগী তোপ-তোপ্পা মওংদা পোৎলমশিং উৎপগীদমক্তা মসি মমিং চৎলি।

মরুপশিং, তেক্নোলোজীগী হৌজিক্কী মতমসিদা ৱাহং অমগী পাউখুম থিবসি অদোমগী য়াম্না লাইরে। ঐখোয়গী অনৌবা চারোন-শুরোনগী খঙনীংবগী চাং হেনগৎহন্নবগীদমক্তা ঐহাক্না ৱাহং অসি হংলিবনি। মখোয়না মসিগী মরমদা হেন্না পাদুনা অমসুং মফমশিং অসিদা চৎলুনবা হায়না হংবনি। ম্যুজিয়মগী মরু ওইবা খঙবদগী মীওই কয়ানা মাং থানা থোক্লক্তুনা পোৎলম কয়া অমা পীনরক্লি। মীওই কয়া অমনা মখোয়গী অরীবা কল্লেক্সনগা লোয়ননা পুৱারী ওইরবা পোৎলম কয়া ম্যুজিয়মদা পীনরক্লি। অদোম্না অসুম্না পাংথোকপা মতমদা, অদোম্না খুন্নাই অপুনবদা নাৎকী ওইবা লন পীরিবনি। ভারত্তসু মীওই কয়ানা মরী লৈনবা থবক্কীদমক্তা থোক্নরক্লি। অসিগুম্বা মীয়াম্বু ঐহাক্না থাগৎলি। ঙসিগী হোংলক্লিবা মতম অমসুং কোরোনাগী লাইচৎ অসিনা মরম ওইরগা, ম্যুজিয়মদা অনৌবা থৌওং শিজিন্নবগী থৌওংদা মীয়াম্না মিৎয়েং চঙনরি। ম্যুজিয়ম্বু দিজিতাইজ তৌবগী থৌওংশিংসু হেনগৎলক্লি। মে ১৮দা মালেম শিনবা থুংবদা মালেমগী ম্যুজিয়ম নুমিৎ পাংথোকই হায়বসি অদোম্নসু খঙলম্লগনি। ঐহাক্কী নহা ওইরিবা মরুপশিংগীদমক্তা ঐহাক্কী ৱাখল্লোন অমা লৈ। অদোমগী মরুপশিংগা লোয়ননা লাক্কদৌরিবা ছুতিশিংদা অদোমগী মফমদা লৈবা ম্যুজিয়মদা অমুক্তা চৎলু। অদোম্না থেংনরকপশিংবু #MuseumMemoriesতা তম্লকউ। অসুম্না তৌবা মতমদা, অদোম্না অতোপ্পগী ৱাখল্লোন্দসু ম্যুজিয়মগী ইথিল পীগনি।

ঐহাক্কী নুংশিরবা লৈবাক মচাশিং, অদোম্না ইশাগী পুন্সিদা ৱারেপ কয়া লেপ্লমগনি অমসুং মখোয়বু মঙফাওনহন্নবা হোৎনবসু তৌরমগনি। মরুপশিং, ঐহাক্না অসিগুম্বা ৱারেপ অমগী মতাংদা ইকুই কুইদনা খঙখি অমসুং মদু য়াম্না তোঙানবা অমসুং তোপ-তোপ্পি। মরম অদুনা, ঐহাক্না ‘মন কী বাত’ তারিবশিংদা তম্বা পাম্মি।

মরুপশিং, মীওই অমনা মশাগী ময়ুমদগী থোক্লক্তুনা, নুমিৎ চুপ্পা অমা শেলগী ত্রাঞ্জেক্সন তৌদনা শহরদুবু মপুং ফানা কোয়গে হায়না ৱারেপ লৌবসিবো অদোম্না খল্লুবা ঙম্বরো, মসি য়াম্না নুংঙাইবা থৌওং অমা নত্ত্রো। দিল্লীগী ইচানুপী অনি, সাগারিকা অমসুং প্রেকশানা অসিগুম্বা মওংদা কেশ্লেস দে আউত অমা চাংয়েং তৌখি। সাগারিকা অমসুং প্রেকশানা দিল্লীগী মফম খুদিংদা চৎলুবা মতমদা মখোয়না দিজিতেল পেমেন্ত তৌবগী খুদোংচাবা ফংখি। য়ু.পি.আই. ক্যু.আর. কোদনা মরম ওইরগা, মখোয়না শেল লৌথোকপগী মথৌ তাখিদে। লম্বীদা চান-থক্নবা য়োনবা অমসুং অতোপ্পা দুকানশিংদা মখোয়না ওনলাইন ত্রাঞ্জেক্সন তৌবগী খুদোংচাবা ফংখি।  

মরুপশিং, মসিদি দিল্লীনি, মেত্রো শহরনি, মরম অদুনা অসিগুম্বা খুদোংচাবা অসি ফংবসি অরায়বনি হায়না কনা অমনা খল্লমগনি। অদুবু, য়ু.পি.আই. অসি দিল্লীগুম্বা অচৌবা শহর খক্তদা অখন্ননা লৈগনি হায়বা লৈত্রে। ঐহাক্না ঘাজিয়াবাদকী অনন্দিতা ত্রিপাথীদগী ৱারোল অমা ফংই। অনন্দিতানা মহাক্কী মপুরোইবগা মমাংগী চয়োলদা অৱাং নোংপোক্তা চৎলুই। মহাক্না অসমদগী মেঘালয় অমসুং আরুনাচল প্রদেশকী তৱাং ফাওবগী মহাক্কী খোঙচৎকী মরমদা ঐঙোন্দা তমখি। অসুক য়াম্না শাংলবা খোঙচৎ অসিদা মখোয়না মনুং হঞ্জিনবা লমদম ফাওবদা শেল লৌথোকপগী মথৌ তাখিদবসি তাবদা অদোমসু অঙকপা ফাওগনি। চহি খরগী মমাংদা ইন্তর্নেতকী অফবা খুদোংচাবা লৈরমদবা মফমদা ফাওবা, হৌজিক য়ু.পি.আই. শিজিন্নদুনা পেমেন্ত তৌবগী খুদোংচাবা লৈরে। সাগারিকা, প্রেকশা অমসুং অনন্দিতানা থেংনখিবশিং য়েংলুবা মতমদা, অদোমসু কেশলেস দে আউতকী এক্সপেরিমেন্ত অসি শোইদনা পাংথোক্কদবনি হায়না ঐহাক্না খল্লি। 

মরুপশিং, হৌখিবা চহি খরদা, ভিম য়ু.পি.আই. অসি ঐখোয়গী শেন্মিৎলোন অমসুং হৈনবীগী শরুক অমা য়াম্না থুনা ওইরক্লি। অপীকপা শহর মচা অমসুং খুঙ্গং অয়াম্বদা, মীয়াম্না য়ু.পি.আই. ত্রাঞ্জেক্সন পাংথোক্লি। লৈবাক অসিদা দিজিতেল ইকোনোমীগী চৎনবী অমা হৌরক্লি। লম্বীদা লৈবা অপীকপা দুকানশিংদা দিজিতেল পেমেন্তনা কস্তমর মশিং হেন্না তেংবাংবা ঙমহল্লি। মখোয়না হৌজিক অচোইবা কায়বগী মথৌ তাদ্রে। অদোম্না য়ু.পি.আই.গী নুংঙাইবসি ইশাগী নোংমগী পুন্সিদসু থেংনরম্লগনি। অদোম্না মফম অমদা চৎপা খুদিংগী, শেল পুদুনা চৎপা, বেঙ্কতা চৎপা, এ.তি.এম. থিবগী খুদোংচাদবা অদু হৌজিক লৈত্রে। পেমেন্ত খুদিংমক মোবাইলদগী পাংথোক্লে, অসিগুম্বা পীক্লবা ওনলাইন পেমেন্তকী থৌওংশিং অসিনা মরম ওইরগা লৈবাক অসিদা কয়া য়াম্না চাউবা দিজিতেল ইকোনোমী অমা মতৌ করম্না শেম্লি হায়বা অদোম্না খঙবরা? হৌজিক্কী মতমসিদা, লৈবাক অসিদা নোংমদা লুপা করোর লিশিং ২০ হেনবগী ত্রাঞ্জেক্সন পাংথোক্লি। হৌখিবা মার্চতা, য়ু.পি.আই. ত্রাঞ্জেক্সন্না লুপা করোর লাখ ১০ হেনখি। মসিনা মরম ওইরগা, লৈবাক অসিদা খুদোংচাবা য়াম্না হেনগৎলক্লি অমসুং পুকচেল শেংবগী অকোইবগী ফিভম অমসু শেম্লে। ফিন-তেক্কা মরী লৈনবা অনৌবা স্তার্ত-অপ কয়া অমা হৌজিক লৈবাকসিদা থোক্লকলি। অসিগুম্বা দিজিতেল পেমেন্ত অমসুং স্তার্ত-অপ ইকোসীস্তেমগা মরী লৈনবা অদোম্না থেংনখিবশিংগী মতাংদা অদোম্না ৱারী লিহন্নীংই। অদোম্না থেংনখিবশিংনা লৈবাক মীয়াম কয়া অমগী ইথিল ওইগনি।

ঐহাক্কী নুংশিরবা লৈবাক মীয়াম, তেক্নোলোজীগী পাঙ্গলনা মীচম মীয়ামগী পুন্সিদা করম্না অহোংবা পুরক্লিবা, মসি ঐখোয়না অকোয়বদা লেপ্তনা উবা ফংলি। তেক্নোলোজীনা অতোপ্পা অফবা থবক অমসু পাংথোক্লে। মসিনা ঐখোয়গী দিব্যাং মরুপশিংগী তোপ-তোপ্পা হৈ-শিংববু লৈবাক অমসুং মালেমগী মাঙদা পুথোকপদা অমসুং কান্নবা পীবদা তেংবাংলি। ঐখোয়গী দিব্যাং ইচিল ইনাওশিংনা তোকিয়ো পেরালিম্পিক্সতা মায় পাকপা ফংখিবশিং ঐখোয়না উরে, মখোয়গী মতিক খঙলে। শান্ন-খোৎনবদা তৌবগুম্না, ঐখোয়গী দিব্যাং মরুপ কয়া অমনা আর্ত অমসুং একাদমিক্সতা মশক থোকপা থৌওং কয়া পাংথোক্লি। মখোয়না তেক্নোলোজীগী পাঙ্গল ফংবা মতমদা, মখোয়না হেন্না মায় পাকপা ঙম্লি। মরম অদুনা, নাম্মা শোইবা মীওইশিংদা রিসোর্স অমসুং ইনফ্রাস্ত্রকচর কয়া ফংহন্নবা লৈবাক অসিনা লেপ্পা লৈতনা হোৎনরি। মাইকৈ অসিদা ইথিল পীবা থবক কয়া পাংথোকপা স্তার্ত-অপ অমসুং লুপ কয়া অমা লৈবাকসিদা লৈরি। অসিগুম্বা লুপ অমা লৈ – ভোইস ফোর স্পিসিএল্লী এবল্দ পীপল, লুপ অসিনা এসিস্তিব তেক্নোলোজীগী হীরমদা অনৌবা খুদোংচাবা কয়া পীরি অমসুং খুমাং চাউশিনহল্লি। দিব্যাং আর্তিস্তশিংগী থবকশিংবু মালেমদা য়ৌহন্নবা অনৌবা থৌওং অমসু হৌদোকখ্রে। ভোইস ওফ স্পিসিএল্লী এবল্দ পীপলনা হায়রিবা আর্তিস্তশিং অসিগী পেন্তিংশিংগী দিজিতেল আর্ত গেল্লরী অমা শেম্লে। দিব্যাং মরুপশিং অসিনা মীয়ামগা মান্নদবা মহৈ-মশিং অমসুং মখোয়গী তোবা ঙম্বশিংনা কয়াদা তোঙানবগে হায়বসি আর্ত গেল্লরী অসিনা খুদম ওইরি। দিব্যাং মরুপশিংগী পুন্সিদা থেংনরিবা খুদোংচাদবশিং অসি করিনো? মসিবু খুদুম চনবা ঙম্লবা তুংদা, মখোয়না কদাই ফাওবা য়ৌবা ঙম্বগে? অদোম্না পেন্তিং ময়াম অসি উরবা মতুংদা খঙবা ঙমগনি। করিগুম্বা অদোম্না দিব্যাং মরুপ অমবু শকখঙলবা অমসুং মখোয়গী মহৈবু খঙলবা, অদু ওইরবদি, অদোম্না দিজিতেল তেক্নোলোজীগী মতেংদগী মখোয়বু মালেমগী মাঙদা পুথোকপা ঙমগনি। দিব্যাং মরুপশিংনা মসিগী থৌওং অসিদা য়াওশিনগদবনি।

ঐহাক্কী নুংশিরব লৈবাক মীয়াম, লৈবাক্কী মফম অয়াম্বদা কালেনগী মৈশা য়াম্না কন্না হেনগৎলক্লি। শাবা হেনগৎলকপনা ঐখোয়গী ঈশিং কনবগী থৌদাংসু মান্ননা হেনগৎলক্লি। অদোম্না লৈরিবা মফমদা ঈশিং মরাং কায়না লৈরম্বা য়াই। অদুবু, ঈশিং তাঙবা মফমদা লৈবা মীওই করোর কয়াগীদি ঈশিং মরিক অমনা অমৃতগা মান্নৈ হায়বা অদোম্না খঙগদবনি।

মরুপশিং, নীংতম্বগী অমৃত মহোৎসব, নীংতম্বগী চহি ৭৫ শুবা অসিদা, লৈবাক অসিনা ৱারেপ কয়া লৌদুনা তুংলমচত্তা চঙশিল্লিবা অসিদা ঈশিং য়োকখৎপগী ৱারেপসু অমনি। অমৃত মহোৎসবকী মনুংসিদা, লৈবাক্কী জিলা খুদিংদা অমৃত সরোবর ৭৫ শারগনি। কেম্পেন অসি কয়া য়াম্না চাউবগে হায়বা অদোম্না খঙবা ঙমগনি। অদোমগী শহরদা অমৃত সরোবর ৭৫ লৈরগদবা নুমিৎ অসি কুইদ্রবনি। ঐহাক্না অদোম খুদিংমক্না, মরু ওইনা, নহা ওইরিবা মরুপশিং কেম্পেন অসিগী মতাংদা খঙহন্নীংই অমসুং মসিগী থৌদাং লৌহন্নীংই। অদোমগী মফমদা করিগুম্বা নীংতম্বগী ইহৌগা মরী লৈনবা পুৱারী লৈরবা, নীংতম লানমী অমগী নীংশিংনবা লৈরবদি, অদোম্না মদুগা অমৃত সরোবরগা মরী লৈনহনবা য়াগনি। অমৃত সরোবরগী ৱারেপ লৌখ্রবা মতুংদা, অয়াঙবা খোঙজেলগা লোয়ননা মফম কয়াদা মরী লৈনবা থবক পায়খৎপা হৌরে হায়না ঐহাক্না খঙবসু ঙম্লে। ঐহাক্না য়ু.পি.গী রামপুরগী প্রাম পঞ্চায়ত পাত্বাইগী মতাংদা খঙবা ঙম্লে। গ্রাম সভাগী লমদা পুখ্রি অমা লৈরম্মি, অদুবু মদুদি অমোৎপনা থল্লম্মি। লোকেলগী মীয়াম, স্কুলগী মতেংদগী কন্না হোৎনরবা তুংদা মমাংগী চয়োল খরদা পুখ্রি অসিগী শক্তম ওনখ্রে। পুখ্রি অসিগী মপান্দা রিতেনিং ৱাল, বাউব্দরী ৱাল, ফুদ কোর্ত, ঈশিং কাপ্পী অমসুং মৈ থান্নবা থৌওং কয়া হৌজিক হোৎনরি। ঐহাক্না রামপুরগী পাত্বাই গ্রাম পঞ্চায়ত, খুঙ্গংগী মীয়াম অমসুং অঙাংশিংবু মসিগী থবক অসিগীদমক্তা থাগৎপা ফোংদোকচরি।

মরুপশিং, ঈশিং ফংবা অমসুং ঈশিং তাঙবা অসিনা লৈবাক অমগী চাউখৎপগী খোঙজেল লেপ্পি। ‘মন কী বাত’ অসিদা লু-নানবগী হীরমগা লোয়ননা ঐহাক্না ঈশিং কনবগী মতাংদা হঞ্জিন-হঞ্জিন্না হায়বা অসি খঙলমগনি। মসিদি ঐখোয়গী থাইনদগী ইরম্লিবা লাইরিকশিংদা য়াওরবনি -

পানিয়ম পরমামম লোকে, জীবানাম জীবানম সামৃতম ।।

মসিনা হায়বদি, মালেম অসিদা ঈশিং হায়বসিনা অহিংবা জিব খুদিংগী য়ুম্ফম্নি অমসুং ঈশিংনা খ্বাইদগী চাউবা রিসোর্সনি হায়বনি। মরম অদুনা, ঐখোয়গী ইপা-ইপুশিংনা ঈশিং য়োকশিনবদা অহেনবা মিৎয়েং চঙলম্লিবনি। ভেদগী পুরান ফাওবদা, মফম খুদিংদা ঈশিং য়োকখৎপা, পুখ্রি, পাৎ কয়া শেম্বা হায়বসি মীওই অমগী খুন্নাই অমসুং স্পিরিচুএল ওইবা থৌদাংনি হায়রম্লিবনি। বাল্মিকীগী রমায়ন্দা ঈশিং য়োকশিনবা, ঈশিং থোকফম কয়া শম্নহনবদা অহেনবা মিৎয়েং চঙলম্মি। মান্নবা ওইনা, মদুদি ইন্দস-সরস্বতী অমসুং হরাপ্পন সিভিলাইজেসনগী মতমদা ফাওবা, ভারত্তা ঈশিংগা মরী লৈনবা ইঞ্জিনিয়রিং অসি কয়া য়ানা চাউখৎলম্মি হায়বা হিস্তরীগী মহৈরোইশিংনা খঙগনি। অরীবা মতমদা, শহর কয়াগী মরক্তা ঈশিং ফংফমশিংগী শম্নবা পথাপ অমা লৈরম্মি অমসুং মসিগা মতমসিদা মীশিং য়াম্লমদে, মহৌশাগী পোত্থোক্কী অৱাৎপা লৈরমদে, পুম্নমক মরাং কায়রম্মি, অদুবু, ঈশিং য়োকখৎপগী মতাংদা মীয়াম্না নীংথিজনা খঙনরম্মি। অদুবু, ফিভম অসি তাইয়োন্নরে। অদোম্না ইশাগী মফমদা লৈবা অসিগুম্বা পুখ্রি, গুহা অমসুং পাৎকী মতাংদা ঐহাক্না খঙহন্নীংই। অমৃত সরোবর অভিয়ান্না মরম ওইরগা, ঈশিং য়োকখৎপগা লোয়ননা অদোমগী লমদমগী মশক থোকপা শক্তাক অমা লৈরগনি। মসিগা লোয়ননা, শহরশিংদা লোকেলগী তুরিস্ত মফম শেমগনি অমসুং মীয়াম্না মসিদা কোইবা চৎপসু য়াগনি।

মরুপশিং, ঈশিংগা মরী লৈনবা থৌওং খুদিংমক ঐখোয়গী হয়েংগা মরী লৈনৈ। মসিদি, অপুনবা খুন্নাইগী থৌদাংনি। মসিগীদমক্তা, তোঙানবা খুন্নাইনা চহি-চা কয়াদগী থৌওং কয়া লেপ্তনা হোৎনদুনা লাক্লি। খুদম ওইনা হায়রবদা, ‘কৎচকী রন’গী ত্রাইব ওইরিবা মালধারীনা ‘ব্রিদাস’ কৌবা থৌওং অমা ঈশিং য়োকখৎনবা শিজিন্নরম্মি। মসিগী মখাদা, গুহা মচা কয়া শাই অমসুং মসিবু ঙাক শেন্নবগীদমক্তা অকোয়বদা উ অমসুং পাম্বী কয়া থাই। মান্নবা ওইনা, মধ্য প্রদেশকী ভিল ত্রাইবনা মখোয়গী পুৱারী ওইরবা চৎনবী ‘হলমা’বু ঈশিং য়োকখৎনবা শিজিন্নরম্মি। থৌওং অসিগী মখাদা, ত্রাইব অসিগী মীয়াম্না মফম অমদা পুন্দুনা ঈশিংগা মরী লৈনবা শিংনবশিংগী ৱারোইশিন পুথোক্নবা পুল্লি। হলমা চৎনবীদগী ফংলকপা পাউতাক্কী মখা পোন্না, লমদম অসিগী ঈশিংগী অৱাবা হন্থরকখি অমসুং গ্রাউন্দ ৱাতর লেবেলসু হেনগৎলক্লি।

মরুপশিং, অসিগুম্বা ইশাগী থৌদাংগী ৱাখল্লোন অসি মীওই খুদিংদা চেল্লবদি, ঈশিংগা মরী লৈনবা খ্বাইদগী চাউরবা শিংনবগী ৱারোইশিন পুরকপা ঙমগনি। লাকও, ঈশিং য়োকখৎনবা ঐখোয়না ৱাশক লৌরসি অমসুং নীংতম্বগী অমৃত মহোৎসবকী মতমসিদা পুন্সি কল্লসি। ঐখোয়না ঈশিং মরিক মরিক্তগী হৌদুনা কনগনি অমসুং পুন্সি খুদিংমক কনগনি।

ঐহাক্কী নুংশিরবা লৈবাক মীয়াম, ঐহাক্না ঐহাক্কী নহা ওইরিবা মরুপ অমসুং মহৈরোইশিংগা হন্দক্তা ‘পরিক্ষা পে চর্চা’ পাংথোকখিবা অদোম্না উরম্লগনি। মসিগী ৱারী শাবা অসিদা, মহৈরোইশিংনা পরিক্ষাদা অঙ্ক য়াম্না কিজৈ হায়না ফোংদোকখি। মান্নবা ৱাখল্লোন অসি ঐহাক্কী ইফমদা মহৈরোই কয়ানা মখোয়গী ৱারোলদা তম্লকখি। মিৎকুপ অদুমক্তদা, ঐহাক্না হন্দক্কী ‘মন কী বাত’ অসিদা অঙ্কগী মতাংদা শোইদনা খন্নগনি হায়না ৱারেপ লৌখি। মরুপশিং, অঙ্ক হায়বসিদি ঐখোয় ভারত মচা খুদিংনা চাউথোকচগদবা সবজেক্ত অমনি। অঙ্কগী মতাংদা ভারতনা খ্বাইদগী হেনবা রিসর্চ অমসুং শরুক তম্লিবনি। অদোম্না জিরো, মসি করম্না পুথোকখিবা অমসুং মসিগী মরু ওইবগী মতাংদা লোইনা তানরম্লগনি। অদুগা করিগুম্বা জিরো অসি পুথোক্লমদবা তারগদি, মালেম অসিদা অঙ্কনা অসুক য়াম্না হৌজিক চাউখৎলিবা অসি ঐখোয়না উরমদবা য়াই। কালকুলস্তগী কম্প্যুতর ফাওবা – মসিগী সাইন্তিফিক ওইবা ইনভেন্সনশিং অসি জিরোদা য়ুম্ফম ওইবনি। ভারতকী মেথমেতিসিয়ন অমসুং স্কোলরশিংনা অসুম্না ইরম্মি -

য়ত কিঞ্চিত বস্তু তত সর্ব, গনিতেন বিনা নহি !

মসিনা হায়বদি, য়ুনিভর্স শিনবা থুংবদা লৈরিবা খুদিংমক অঙ্কদা লোয়না য়ুম্ফম ওইবনি। অদোম্না সাইন্স তম্বদা য়েংবা মতমদা, মসিগী ৱাহন্থোক খঙগনি। সাইন্সকী ৱাখল্লোন খুদিংমক অঙ্কগী ফোর্মুলাগী খুত্থাংদা ফোংদোকই। ন্যুতনগী লো, আইন্সতাইনগী মমিং চৎলবা ইক্বেসন ওইরো, য়ুনিভর্সকা মরী লৈনবা সাইন্স খুদিংমক অঙ্কনি। য়ুনিভর্স্তা লৈবা পোৎলম খুদিংবু শন্দোক্না তাকপা ঙম্বা থিওরী ওফ এভরীথিং কৌবা ফোর্মুলা অমখক্কী থিওরীশিংবু সাইন্তিস্তশিংনা খন্ন-নৈনরি। ঐখোয়গী মুনিশিংনা অঙ্কগী মতেংদগী সাইন্সকী লৌশিংবু অসুক য়াম্না পাকথোক চাউথোকহনবা ঙম্বগী মতাংদা মতম পুম্বদা খন্দুনা লাকখি। ঐখোয়না জিরো পুথোকখিবা ওইরবদি, ঐখোয়না ইনফিনিতীবুসু তাক্লিবনি। মীচম মীয়ামগী ৱাহৈদা হায়রগদি, ঐখোয়না মশিংগী মতাংদা ৱারী শাবা মতমদা, ঐখোয়না মিলিয়ন, বিলিয়ন অমসুং ত্রিলিয়ন ফাওবা পল্লি। অদুবু, বেদ অমসুং ভারতকী অঙ্কদদি, মসিগী হোৎপগী থৌওং অসিনা মখা তানা অমুক চত্থরি। ঐখোয়গী অসিদা য়াম্না অরীবা ৱারোল অমা লৈ -

এঙ্ক দন্স শন্ত চেব, শহশ্রম অয়ুন্ত তথা।

লক্ষ চ নিয়ুন্ত চেব, কোতিঃ অর্বুদম এব চ।।

বৃন্দ খর্বো নিখর্চঃ চ, শংখঃ পদ্ম চ সাগরঃ ।

অন্ত্য মধ্যং পরার্ধঃ চ, দশ ভৃধ্য তথা ক্রমম।।

মশিংগী পরিংগী মথং-মনাও অসি ৱারোল অসিদা তাক্লি, মখাগী অসুম্না তাক্লি – অমা, তরা, চাম্মা, লিশিং অমসুং অয়ুত!

লাখ, নিয়ুত অমসুং কোতি, হায়বদি করোর

মান্নবা ওইনা, মসিগী মশিংনা শংখ, পদ্মা অমসুং সাগর ফাওবা মখা চত্থরি। সাগর অমা হায়বদি ৫৭তা ১০গী পৱার হায়বনি। মসিদা নত্তনা, ওঘ অমসুং মহোঘকুম্বা মশিং কয়া মসিগী মখাদা লৈরি। মহোঘা – ১০দা ৬২গী পৱার, হায়বদি, অমগী মতুংদা জিরো ৬২ হায়বসু লৈরি। অসিগুম্বা মশিং অসিবু ঐখোয়না ৱাখলদা খনবা মতমদা, মসি য়াম্না লুনা থোকই, অদুবু ভারতকী অঙ্কগী চৎনবীদা মসিদি চহি লিশিং কয়াদগী শিজিন্নদুনা লাক্লি। নুমিৎ খরনিগী মমাংদা ঐহাক্না ইন্তেলগী সি.ই.ও.গা উন্নখি। মহাক্না পেন্তিং অমা পীরকখি অমসুং মদুদা ভারতকী অঙ্ক হোৎপা নত্ত্রগা চাং ওনবগী অসিগুম্বা মওং অসি বমানা অবতারগী খুত্থাংদা উৎপগী মতৌ য়াওরি। ইন্তেল হায়বা মতমদা অদোমগী ৱাখলদা কম্প্যুতর অসি মশা মথন্তনা নীংশিংলমগনি। অদোম্না কম্প্যুতরগী বাইনেরী লেংগ্বেজকী মতাংদা তারম্লগনি, অদুবু, ঐখোয়গী লৈবাক অসিদা আচার্য়া পিঙ্গালাগুম্বা বাইনেরী লৈ হায়না তাক্লম্বা মুনি লৈরম্মি হায়বা অদোম্না খঙবরা? মান্নবা ওইনা, অর্য়াভত্তাদগী হৌদুনা রামানুজনগুম্বা মেথমেতিসিয়নশিংনা অঙ্কগী ৱাখল্লোন কয়া অমা মফমসিদা থবক তৌরমখি।

মরুপশিং, অঙ্ক হায়বসি ঐখোয় ভারত মাচশিংগী ওইনা অরুবা সবজেক্ত অমা ওইদে, মসিগী চাউরবা মরমদি, ঐখোয়গী ভেদগী অঙ্ক অসিনি। হৌজিক্কী মতমদা বেদগী অঙ্কগী ক্রেদিৎ অসি শ্রী ভারতী কৃষ্ণ তির্থজী মহারাজতা পীনৈ। মহাক্না ঐখোয়গী অঙ্ক হোৎপা অমসুং চাং ওনবগী খ্বাইদগী লিরবা থৌওং হিংগৎহনখি অমসুং মদুবু বেদিক মেথমেতিক্স মিংথোনখি। মসিগী খ্বাইদগী মরু ওইবা মতৌ অসিদি অদোম্না মিৎকুপ অমদা খ্বাইদগী লুবা অঙ্ক হোতপা ঙম্লিবা অসি মসিগী খুত্থাংদগী পাংথোকপা য়াবা অসিননি। অসিগুম্বা থৌওং পাংথোকপা ঙম্বা নহা কয়া অমনা ভেদিক অঙ্ক তম্বা অমসুং তাকপগী ভিদিও কয়া অমা হৌজিক্কান সোসিএল মিদিয়াদা অদোনা শোইদনা উরম্লগনি।

মরুপশিং, ঙসিগী ‘মন কী বাত’ অসিদা বেদিক মেথমেতিক্স তাকপা অসিগুম্বা মরুপ অমা ঐখোয়গী নাক্তা লৈরে। মহাক অসিদি কোলকতাগী গৌরব তেক্রিৱালজীনি। মহাক্না দিকেদ অনি মখায়দগী হৌনা বেদিক অঙ্কগী ইহৌবু খোঙফম চেৎনা মীয়ামদা পুরক্তুনা মখা তানা চত্থহল্লি। লাকও, মহাক্কা ৱারী শাসিঃ

মোদীজী – গৌরব, নমস্তে!

গৌরব – নমস্তে সর!

মোদীজী – অদোম্না বেদিক অঙ্কদা থৱাই য়াম্না তাজৈ হায়না ঐহাক্না তারে; অদোম্না ময়াম অমা পাংথোক্লি। ঐহাক্না অহানবদা অদোমগী মতাংদা খঙজনীংই অমসুং মতুং তারকপদা, অদোম্না সবজেক্ত অসিদা করম্না পুক্নিং চঙলকখিবনো অমুক্তা হায়বীয়ু।

গৌরব – সর, ঐহাক্না চহি ২০গী মমাংদা ব্যুজিনেস স্কুম অমদা মিং চন্নবা হোৎনখিবা মতমদা, সি.এ.তি. কৌবা কম্পিতিতিব একজাম অমা লৈরম্মি। মদুদা অতেনবা মতমদা পাউখুম পীগদবা অঙ্কগী ৱাহং কয়া য়াওই। অদুনা, ঐহাক্কী ইমানা বেদিক মেথমেতিক্স কৌবা লাইরিক অমা লৈরকখি। স্বামী শ্রী ভারতীকৃষ্ণ তির্থজী মহারাজনা লাইরিক অদু ইবনি। মদুদা, মহাক্না সুত্রা ১৬ পী। মদুদা অঙ্ক অসি য়াম্না লাইহল্লি অমসুং য়াম্না থুনা হোৎপা য়াহল্লি। ঐহাক্না মদু পাবা মতমদা, ঐঙোন্দা ইথিল য়াম্না পীখি অমসুং ঐহাক্কী অঙ্কদা লৈবা অপাম্বা অসি য়াম্না হেনগৎখি। ভারতকী খুদোল অমসুং হেরিতেজ অমা ওইরিবা মসিগী সবজেক্ত অসি মালেমগী কাচিন কোয়াদা পুবা য়াগনি হায়না ঐহাক্না খঙজখি। মসুদগী হৌদুনা, ঐহাক্না বেদিক মেথমেতিক্সপু মালেমগী মফম খুদিংদা য়ৌহনবা হায়বসি ঐহাক্কী থবক অমসুং থৌদাং ওইহনখি। অঙ্কগী অকীবনা মীপুম খুদিংদা য়াম্না নুংঙাইহন্দে। অদুবু, বেদিক মেথমেতিক্সতগী হেন্না লাইবা অমত্তা লৈতে।

মোদীজী – অদোম্না মসিদা চহি কয়া চঙনা থবক তৌরকপগে?

গৌরব – সর, মসি চাউরাক্না চহি ২০ শুরক্লে। ঐহাক্না হৌজিকসু মসিদা থবক তৌরি।

মোদীজী – অদোম্না এৱিয়র্নেসকীদমক্তা করি তৌবগে, করম্বা এক্সপেরিমেন্ত শিজিন্নবগে, মীয়ামদা করম্না য়ৌবগে?

গৌরব – ঐখোয়না স্কুলশিংদা চৎলি, ওনলাইন এজুকেসন পী। ঐখোয়গী লুপকী মিং অসি বেদিক মেথ ফোরম ইন্দিয়া কৌই। লুপ অসিগী মখাদা, ঐখোয়না ইন্তর্নেতকী খুত্থাংদা নোংমদা পুং ২৪ বেদিক মেথ তাকই, সর!

মোদীজী – গৌরবজী, অদোম্না অঙাংশিংগা লেপ্তনা ৱারী শাবা পাম্মি হায়বা ঐহাক্না খঙই অমসুং মসিগী খুদোংচাবা ঙাইদুনা লৈ হায়বসু খঙই। ঐহাক্না একজাম ৱারিয়রগী মতেংনা মসিবু ঐহাক্না ইন্সতিত্যুস্নেলাইজ তৌরে অমসুং অঙাংশিংনা অঙ্কগী মিং তাবদা ফুক হৌগত্তুনা চেল্লি হায়বসু ঐহাক্না থেংনরে, খঙলে। অসিগুম্বা মরম লৈতনা অকীবা ফাওবা অসি লৈহল্লোইদবনি অমসুং ভারতকীদি অনৌবা ওইদবা, ঐখোয়গী নাৎকী চৎনবীদগী লাকপা থৌওং শিজিন্নদুনা মসিগী অকীবা অসি মাঙহনগদবনি হায়না ঐহাক্না খল্লি। মালেমগী অরীবা চৎনবী কয়াগী মনুংদা ভারতকী অঙ্কগী চৎনবী অমসু শোইদনা লৈরিবনি। মরম অদুনা, করিগুম্বা একজাম ৱারিয়রগী অকীবা অসি মাঙহন্নবগীদমক্তা অদোম্না মখোয়দা করি পাউতাক পীগনি?

গৌরব – সর, মসিদি অঙাংশিংগী খ্বাইদগী মরু ওইবা ৱাফম অমনি, মরমদি, পরিক্ষা কিবা হায়বসি য়ুম্থোং খুদিংদা হৌজিক থোক্নরে। অঙাংশিংনা পরিক্ষাগীদমক্তা তুইসন লৌনৈ, মমা-মপাশিংনা পাখৎচৈ। ওজাশিংনা নুংঙাইতবা ফাওই। হায়রিবা পুম্নমক অসি বেদিক মেথকী মতেংনা মাঙহল্লি। বেদিক মেথনা অচম্বা অঙ্কদগী ১৫০০% হেন্না য়াঙই অমসুং মসিনা অঙাংশিংদা মশাদা থাজহনবগা লোয়ননা মখোয়গী পুক্নিংসু হেন্না য়াঙনা মথৌ তৌই। থৌওং অমা ওইনা, ঐখোয়না য়োগবু বেদিক মেথকা মরী লৈনহল্লগা হৌদোক্লি। মরম অদুনা, করিগুম্বা অঙাংশিংনা তসেংনা পাম্লবদি, মখোয়না বেদিক মেথকী থৌওং শিজিন্নরগা মমিৎ উইশিল্লগা অঙ্ক হোৎপা ঙমগনি।

মোদীজী – ধ্যান তৌবগী চৎনবীদা ফাওবা, অসিগুম্বা মওংদা অঙ্ক হোৎপা অসি মেদিতেসন তৌবগী মরু ওইবা কাঙলোন অমসু ওইরি।

গৌরব – চুম্মি, সর!

মোদীজী – ফরে, গৌরবজী, অদোম অমসুং ঐহাক্না থবক অসিবু মিসন মোদতা পায়খৎলিবা অসি য়াম্না ফবা থৌওংনি অমসুং অদোমগী ইমানা অদোম্বু অফবা গুরু অমগুম্না অচুম্বা লম্বীদা পুবীখি। অদুগা, অদোম্না অঙাং মিলিয়ন কয়াবু ঙসিদি হায়রিবা লম্বীদুদা অমুক পুবীরি। ঐহাক্না য়াইফ পাউজেল অদোমগীদমক্তা লৈরি।

গৌরব – সরবু থাগৎচরি! অদোম্না বেদিক মেথপু মরু ওই হায়না খনবীবা অমসুং ঐহাকপু খনবীবগী অদোম্বু থাগৎচরি! ঐখোয়সু য়াম্না নুংঙাইজরে।

মোদীজী – অদোম্বুসু য়াম্না থাগৎচরি। নমস্কার!

গৌরব – নমস্তে সর!

মরুপশিং, অঙ্কবু য়াম্না লুরম্বদগী নুংঙাইবা করম্না ওইহনগনি হায়বসি ঐখোয়গী মফমদা গৌরবজীনা মমুৎ তানা তাকপীরে। মসিদা নত্তনা, অদোম্না বেদিক মেথমেতিক্স শিজিন্নদুনা অচৌবা অমসুং অরুবা সাইন্সকী প্রোব্লেম কয়াগী ৱারোইশিন পুরকপা ঙম্লগনি। ঐহাক্না মমা-মপা খুদিংনা মখোয়গী মচাশিংদা ভেদিক অঙ্ক তাকহন্নীংই। মসিগা লোয়ননা, মখোয়গী মশাদা থাজবগী মতৌনা হেনগৎপদা নত্তনা মখোয়না অঙ্ক কিরম্বা অদুবুসু মাঙখ্রগনি।

ঐহাক্কী নুংশিরবা লৈবাক মীয়াম, ঙসিগী ‘মন কী বাত’ অসিদা ম্যুজিয়মদগী হৌরগা অঙ্কগী তোঙানবা ৱারোল কয়া খন্ন-নৈনখ্রে। হীরম অসিনা ‘মন কী বাত’কী শরুক ওইরিবসি অদোম্না পাউতাক পীরকপদগীনি। অদুনা, তুংগী মতমদসু নামো এপ নত্ত্রগা মাইগোবকী খুত্থাংদা অদোমগী পাউতাক পীরকপা লেপকনু। লাক্কদৌরিবা মতমশিংদা, ঐখোয়গী লৈবাক্তা ইদকী কুহ্মৈ পাংথোক্কনি। অকশয় ত্রিত্য অমসুং ভগবান পরশুরামগী মপোক কুমওনসু মে ৩দা পাংথোক্কনি। নুমিৎ খরগী মতুংদা, বৈশাখ বুধ পুর্নিমাসু লাক্লগনি। হায়রিবা কুহ্মৈশিং অসিদি ইশাবু ফাজিঞ্জবা, অশেংবা, পীথোকপা অমসুং নুংশি চান্ননা লৈবগী কুহ্মৈনি। কুহ্মৈশিং অসিগীদমক্তা ঐহাক্না মাংজৌননা য়াইফ পাউজেল পীজরি। কুহ্মৈসিং অসিবু নুংশি চান্ননা অমসুং হরাও তয়াম্না পাংথোকপীয়ু। পুম্নমক অসিগী মরক্তা, অদোম্না কোরোনাদগী চেকশিন্না লৈগদবনি। মাস্ক উপ্পা, খুৎ-শা চাং নাইনা হাম্বা, মসিদগী ঙাকথোক্নবা তঙাই ফদবা খুদিং পাংথোকপা অমসুং মরী লৈনবা কাঙলোনশিং ইন্দুনা চৎপীয়ু। মথংগী ‘মন কী বাত’তা ঐখোয়না অমুক উন্নগনি অমসুং অদোম্না থারকপা ৱারোল কয়াগী মতাংদা খন্ন-নৈনগনি। অদু ফাওবগী ওইনা ঐহাক্না অদোমগা কায়নবগী য়াথং নিজরি।

অদোম্বু য়াম্না থাগৎচরি!

ঐগী নুংশিজরবা ইরৈবাকচাশিং, খুরমজরি! মমাংগী চয়োলদা ঐখোয় পুম্নমক্না চাউথোকচনিংঙাই ওইবা য়াম্না চাউরবা থবক অমা মাইপাক্না ফংবা ঙম্লে। নখোয় ময়াম্না তারম্লগনি মদুদি মমাংগী চয়োলদা, ভারতনা মপাল লমদা  বিলিয়ন $ ৪০০ হায়বদি লুপা করোর লাখ ৩০গী পোৎচৈ থাদোকপগী তার্গেত অদু ফংবা ঙমখ্রে। অহানবা য়েংলুবদদি মসি ভারতকী শেনমিৎলোনগা মরী লৈননা উরম্বা য়াই অদুবু মসিদি ভারতকী শেনমিৎলোনদগী হেন্না ভারতকী তৌবা ঙম্বগী শক্তি অদু উৎথোকপনি। মতম অমদদি ভারতকী মপাল লমদা থাদোকপগী স্তেতিস্তিক্স অসি করিগুম্বদা বিলিয়ন ১০০, ১৫০ অমদি ২০০ ফাওবা য়ৌরম্মি অদুবু ঙসিদি বিলিয়ন ৪০০ ফাওবা য়ৌবা ঙম্লে। মসিনা তাকপদি মালেমগী কৈথেল ভারত্তা শাবা পোত্থোকশিং অসি পাম্নবা হেন্নরক্লি লোইননা ভারতকী সপ্লাই চেন অসি নোংম-নোংমগী মপাঙ্গল কনবা হেনগৎলক্লি হায়বনি। লৈবাক অসিনা অচৌবা খোংথাং থাংলকপা অসি খল্লম্বদগী হেন্না চাউনা তৌথোরকপনি, লেপখিবা ফিরেপকীদমক্তা অহিং-নুংথিল নাইদনা পুকচেল শেংনা হোৎনরবদি মাইপাকপা ওই, মসি মীওইবগী পুনশীগশু চাংদম্নদুনা য়েংশি।

মরুপশিং, লৈবাক অসিগী মফম কয়াগী পোত্থোকনা মীরৈবাক্তা চৎলি, অসামগী হাইলাকান্দিগী শাউনগী পোত্থোক নত্রগা উস্মানাবাদকী হেন্দলুমগী পোত্থোক, বিজাপুরগী উহৈ অমদি  মনা মশিং অমদি চন্দোলিগী চেং অমুবাপুম্নমক্কী এক্সপোর্তকী চাং হেনগৎলক্লি। হৌজিক্তি অদোম্না মালেমদা ফাওরবা চুম্ব্রৈদু দুবাইদসু ফংবা ঙম্লগনি লোইননা সাউদি অরাবিয়াদা তামিল নাদুদগী থাখিবা লফোই ফংলগনি। খ্বাইদগী চাউবা ৱাফম অমনা হৌজিক্তি অনৌ-অনৌবা পোত্থোক কয়া অনৌ-অনৌবা লৈবাক্তা থারি। হিমাচল উত্তরাখন্দদা হৌবা মিল্লেতস অনৌবা মহৈ-মরোংগী অহানবা তর্ন অমা দেনমার্ক্তা থাবা হৌখ্রে। অন্ধ্র প্রদেশকী কৃষ্ণা অমসুং চিত্তুর জিলাদা হৌবা বঙ্গনপল্লি অমসুং সুবর্নারেকা খোয়া মখলগী হৈনৌদু সাউথ কোরিয়াদা থাখ্রে। ত্রিপুরাদগী থৈবোং অশংবদু লন্দনদা এরোপলেন্না পুখ্রে লোইননা নাগালেন্দগী কিং চিল্লিসু লন্দনদা এক্সপোর্ত তৌখ্রে। মতৌ অসুম্না ভলিয়া গেহুগী অহানবা তর্ন গুজরাত্তগী কেন্যা অমসুং স্রি লঙ্কাদা থাদোকখ্রে, হায়বদি অদোম্না অতোপ্পা লৈবাকশিংদা চৎপা মতমদা মেদ ইন ইন্দিয়াগী পোত্থোকশিং অসি হান্নদগী হেন্না য়াম্না উবা ফংলগনি।

মরুপশিং, লিস্ত অসি অসুক্কী মতিক শাংখ্রে, লিস্ত অসিনা শাংলিবমখৈ মেক ইন ইন্দিয়াগী মপাঙ্গল ওইরিবনি। পাক চা্রবা ভারতকী মতিক মগুন অসি ঐখোয়গী লৌমীশিং, শিনমীশিং, খুৎহৈবশিং, ফিশাবশিং, এঞ্জীনীয়রশিং, অপিকপা ইন্দস্ত্রী তৌবশিং, এম.এস.এম.ই. সেক্তরশিং, তোঙান-তোঙানবা শিনফমগী মীয়ামশিং অসিগী অপুনবগী শক্তিনি। মখোয়না হোৎনবগী মপান্না, বিলিয়ন দোলার ৪০০গী  এক্সপোর্তকী তার্গেত য়ৌবা ঙম্লিবনি। ভারতকী মীয়ামগী তৌবা ঙম্বা অসি মালেমগী মফম শিনবা থুংনা য়ৌবসিদা ঐহাক য়াম্না নুংঙাইবা ফাওজৈ। ভারতকী মীয়ম্না লোকেলগীদমক্তা ভোকেল পীরকপা মতমদা, লোকেলদগী গ্লোবেল য়ৌবসি মতম কুইনা চংদে। লিকেলদগী গ্লোবেল ওইহন্দুনা ঐখোয়গী মিংচৎপু অমুক্কা হেন্না হেনগৎহল্লসি।

মরুপশিং, মন কী বাত তাবীরিবশিংনা মসি তাবদা য়াম্না হরাওগনি, হোম সেক্তরদসু অপিকপা ইন্দস্ত্রী তৌবশিংগী মাইপাকপা অসিনা ঐখোয়বু চাউথোকচহল্লিবনি। ঙসিদি অপিকপা এন্তর্প্রেনরশিংনসু গোবর্মেন্ত ই-মার্কেত প্লেস হায়বদি, জেমগী খুত্থাংদা অচোবা থৌদাং য়ারি। তেক্নোলোজীগী মতেংনা য়াম্না ত্রান্সপরেন্ত ওইবা ফিভম অমা শেমগৎলে। হৌখিবা চহিদা, জেম পোর্তেলগী খুত্থাংদা, সরকারনা লুপা কোতি লাখ অমগী চাংদা পোৎ লৈখি। লৈবাক্কী মফম কয়াদা লৈবা এন্ত্রপ্রেনর লাখ আমগা লিশিং ২৫ মুক্না অপিকপা দুকান্দারশিংনা মখোয়গী পোত্থোকশিং অদু সরকারদা হকথেংননা য়োনখি। মতম অমদদি অচৌ-অচৌবা কমপনী খক্তংনা সরকারদা পোৎ য়োনবা ঙম্লম্মি, অদুবু হৌজিক্তি লৈবাক অসি অহোংবা কয়া লাক্লে, অরিবা চৎনবী কয়া হোংদোরক্লি। হৌজিক্তি পিকপদগী পিকখ্রবা দুকান্দার অমনা জেম পোর্তেলদা সরকারদা মহাক্কী পোৎ য়োল্লি, মসিনা অচৌবা মঙলান মঙবদা নত্তনা হান্না য়ৌরমদবা মফম য়ৌনবা হোৎনবগী থৌনা অদু উৎথোক্লি। মসিগী থৌনা অসিগী মপান্দগী ভরতকী মীয়াম পুম্বনা ইরোদোম লেপচবা ভারতকী মঙলান অদু মপুং ফাহনগদৌরি।

ঐগী নুংশিজরবা ইরৈবাকচাশিং, হন্দক্তা পাংথোকখিবা পত্মা সম্মান থৌরমদা ময়াম্না বাবা সিবানন্নদবু উবীরমগনি। চহি ১২৬ শুরবা অহল অদুগী এনর্জী অদু উবদা পুম্নমক ঙক্নখি, লোইননা মিৎনা কুপ্পদা খুরুখুদা কুন্দুনা খুরুমখি। ঐহাক্নসু বাবা সিবানন্দবুসু নোন্থদুনা খুরমজখি। চহি ১২৬ অমদি মহাক্কী ফিৎনেসকীদমক ঙসি লৈবাক পুম্বনা মহাকপু শোন্নরি। ঐহাক্না সোসিয়েল মীদিয়াদা মী কয়াগী কমেন্তশিং উখি, মখোয়না বাবা সিবানন্দ অসি মহাক্কী চহিগী শরুক মরি থোকপগী চাংদা ফিৎ ওইরি হায়না ইখি। মহাক্কী পুনশিং অসিনা ঐখোয়দা ইন্সপিরেশন অমা পীরি। মহাক্কী পুনশিং শাংনবগীদমক ইশ্বরদা নিজরি, মহাক্না য়োগবু য়াম্না পামজৈ লোইননা য়াম্না হেলদি ওইবা লাইফস্তাইল অমদা হিংলি।

জীবেম শরদ: শতম।

ঐখোয়গী চৎন-লোনচত্তা, ঐহাক্না পুম্নকপু চহি চামা হকচাং ফনা লৈনবগীদমক য়াই-পাউজেল পীজরি। ঐখোয়ন এপ্রিল ৭তা মালেমগী হকশেলগী নুমিৎ পাংথোক্কনি। ঙসিদি, মালেম পুম্বদা হকশেলগী মতাংদা পুক্নিং চিংশিনবা হৌনরক্লি, য়োগননি খঙদে, অয়ুর্বেদননি খঙদে, পাম্নবা হেনগৎলক্লি। হৌখিবা চয়োলদা কাতারদা য়োগগী প্রোগ্রাম অমা পাংথোকখি, মসিদা লৈবাক ১১৪গী মীশিংনা শরুক য়াদুনা অনৌবা ৱার্লদ রেকোর্দ অমা থমখি। আয়ুশ ইন্দস্ত্রীগী কৈথেলশু লেপ্তনা হেনগৎলক্লি। চহি ৬কী মমাংদদি অয়ুর্বেদগা মরী লৈনবা হিদাকশিংগী কৈথেলসি শুপ্নতংগী লুপা কোতি লিশিং ২২মুক্তা ওইরম্মি। অদুবু ঙসিদি আয়ুশ মেন্যুফেকচরিং ইন্দস্ত্রী অসি চাউরাক্না লুপা কোতি লাখ অমগা লিশিং নিফুগী চাংদা হেনগৎলক্লি। লেপ্তনা হেনগৎলক্কনি হায়বগী থাজবসু লৈরি। স্তার্ত-অপ ৱার্ল্দদসু আয়ুশ অসি ময়াম্না পাম্নবা হীরম অমা ওইরক্লি।

 
মরুপশিং, হেল্থ সেক্তরগী অতৈ স্তার্ত-অপসগী মতাংদা হান্নসু ৱাফম কয়া থমখ্রে, হান্দক্তি আয়ুশ স্তার্ত-অপসকী মতাংদা থোইদোকপা ৱাফম খরদং থমজগে। স্তার্ত-অপ অমা লৈ, কাপিৱা! মমিং অসিগী মনুংগী ৱাহন্থোক্তি, কা হায়বদি কাফ, পি হায়বদি পিত অমসুং ৱা হায়বদি ৱাত। মসিগী স্তার্ত-অপ অসি, এখোয়গী মৈহৌরোলগী মতুং ইন্না হেলদী ইতিং হেবিতসতা য়ুমফম ওই। স্তার্ত-অপ অমনা নিরোগ-স্ত্রীতনি, অয়ুর্বেদ হেল্থকেয়র ইকোসীস্তেমদা থোইদোক হেন্দোকপা কন্সেপ অমনি। মসিগী তেক্নোলোজী দ্রিবন প্লেতফোর্ম অসিনা মালেম পুম্বদা লৈরিবা অয়ুর্বেদগী দদোক্তরশিংগা মীয়ামগা দাইরেক্ত শম্নহল্লি। দোক্তর লিশিং ৫০ এনবনা প্রকে্তিস তোরি, মতৌ অসুম্না অত্রেয়া ইন্নোভেশন্স, হেল্থকেয়র তেক্নোলোজী স্তার্ত-অপ অমনি, হোলিস্তিক ৱেলনেসকী লমদা থবক তৌরি। এক্সোরিয়েলনা অস্বগন্ধা খক্তং শিজিন্নবগী এৱেয়র ওইহনবদা নত্তনা তোপ খ্বালিতী প্রদক্সন প্রোসেসতসু য়াম্না চাউনা ইনভেস্ত তৌখি। ক্যোরবেদনা মরু-মরাং, মনা-মশিংশিংগী অনৌবা রিসর্চ অমসুং মৈহৌরোলদগী চৎনরকপা লৌশিংগা পুল্লগা হোলিস্তিক লাইফকীদমক দাইতরি সপ্লিমেন্তসকী থবক তৌখি।

মরুপশিং, ঐনা হায়জরিবদুদি খরখক্তংনি, লিস্ত অসি ওন্থোক্না শাংকখ্রে। মসি ভরতকী নহা ওইরিবা এন্তরপ্রেনরশিং অসদি ভারত্তা লৈবা অনৌবা ওইথোকপশিং অসিগী কুদম্নি। হেল্থ সেক্তর অমদি স্তার্ত-অপশিংদা থোইদোক্না আয়ুশ স্তার্ত-অপশিংদা ঐনা হায়জনিংবদই, অদোম্না ওনলাইন পোর্তেল শেম্বা মতমদা য়ুনাইতেদ নেসন্সনা অয়াবা পীরবা লোলশিংদা শেম্নবা হোৎনসি। মালেমসিদা ইংলিশ লোল খঙদবা অমদি ঙাংদবা লৈবাক কয়াসু লৈরি। ভারতকী আয়ুশ স্তার্ত-অপসনা অফবা ক্বালিতীগী পোত্থোক পুথোক্তুনা য়াম্না থুনা মালেমদা ঙল্লরগনি হায়বসি ঐহাক্কী থাজবনি।

 
মরুপশিং, হকচাং ফবগা লু-নানবগা মরী য়াম্না লৈনৈ। মন কি বাত্তা লু-নানবগী ৱাফম লু-নানববু পামজবা কয়াগী ৱাফম কয়া ফোংদোকখ্রে। ময়ামসিগী মরক্তগী লু-নানবা পামজবা চন্দ্রকিশোর পাতিলসু অমনি। মহাক মহারাস্তরগী নাসিক্তা লৈ। চন্দ্রকিশোরনা লু-নানবসি অদুক মতিক্কী পামজৈ। মহাক্না গোদাবরি তুরেলগী মপান্দা লেপ্তুনা মফম অদুদা অমোৎ-অকাই হুন্দোক্তনবা মীয়ামদা পাউজেল পী। মহাক্নবু হেক উরবা, মীয়ামদা অদু তৌদনবা হায়জৈ। নুমিদাংৱাইরম য়ৌরকপদা তুরেল মপান্দা হুন্দোকপা লাকপা অমোৎ-অকাইদু পৈদুনা লৈরে। মহাক্না হোৎনজবা অসিনা মীয়ামদা এৱ্যরসু ওইহল্লি লোইননা ইন্সপায়রসু তৌই। মহাকগুম্বা অমসু লৈ, ওরিশাগী পুরিদগী রাহুল মহারানা। রাহুলনা নোংমাইজিং খুদিংগী অয়ুক অঙনবদগী হৌনা, পুরিগী লাইফমশিংদা চৎলি অদুগা মফমদুদগী প্লাস্তিক্কী অমোৎপশিং অদু খোমজিল্লি। হৌজিক মহাক্না প্লাস্তিক্কী অমোৎপা কিলো চা কয়া শেংদোক্লে। পুরিগী রাহুল অমদি নাসিক্কী চন্দ্রকিশোরনা পাউতাক কয়া তম্বীরি। নগরিক অমা ওইনা ঐখোয়না ীশাগী ইথৌ পাংথোক্কদবনি, লু-নানববু ওইরো, অফবা চিঞ্জাকপু ওইরো, অদুদগী তিকা থাববু ওইরো , মসিনা ঐখোয়বু হকচাং ফনা লৈবদা মতেং পাংঙি।

ঐগী নুংশিজরবা ইরৈবাকচাশিং, ঐখোয় কেরলাগী মুপাত্তম স্রি নরায়ননগী মরমদা ৱারী শাসি। মহাক্না পোতস ফোর ৱাতর ফোর লাইফ হায়বা প্রোজেক্ত অমা হৌদোকখি।

মরুপশিং, মুপাত্তম স্রি নরায়নন জীনা কালেনগী অশাবা মতমদা শা-উচেকশিংনা ঈশিং খৌরাংবগী অৱাবা লৈতনবগীদমক্তা লৈবাক্কী চফু য়েন্থোকপগী খোংজং অমা চংশিল্লি। অশাবা মতমদা শা-উচেকশিংগী অৱাবসি উবদা, মা মশাসু ৱাবনা খম থেংঙি। মদুদগী মহাক্না লৈবাক্কী চফু য়েল্লগে, অতোপ্পশিংনা ঈশিং হাপ্পগী থবক্তং তৌনবা হায়না মহাক্না খনখি। নরায়ন্না য়েনখিবা চফুশিংগী মশিং অসি লাখ হেনগদৌরে। মসি তাবদা ময়াম ঙক্লমগনি। মহাক্কী খোংজংসিদা মশিং লাখ শুবা চফু অদু গান্ধি জীনা লিংখৎলম্বা সাবর্মতি আস্রমদা দান তৌগনি। হৌজিক কালেন চংলক্লবনিনা নরায়ননগী থবক অসিনা ঐখোয় পুম্ববু ইন্সপায়র তৌগনি লোইননা ঐখোয়নসু ঐখোয়গী শা-উচেক মরুপশিংগীদমক ঈশিংগী থৌরাং তৌগনি।

মরুপশিং, ‘মন কি বাত’ তাবীরিবশিংবু ঐখোয়না লৌখিবা ৱারেপশিংদু অমুক হন্না নিংশিংনবা হায়জরি। ঈশিংগী ঈরিক অমমমতংবু কন্ননবগীদমক ঐখোয়না তৌবা য়াবা উপায় তৌসি। মসিদসু নত্তনা ঈশিংগী রিসাসিক্লিংসু তৌবা য়াবা তৌসি। ইমুংদা শিজিন্নবা ঈশিংশিংদু, গার্দেনিংদা শিজিন্নবা য়ারবদি, মদু শিজিন্নসি। রহিমদাসনা চহি চা কয়াগী মমাংদা হায়বীরম্মি, ‘ঈশিং য়োকসি, ঈশিং য়াওদনদি পুম্নমক অরেম্বনি’। ঈশিং য়োশিনবগী থবক্তা অঙাংশিগী থৌদাং য়াম্না চাউই। লু-নানববু অঙাংশিংনা ঈহৌ অমা ওইহনখি। মতৌ অদুগুম্না ‘ৱাতর ৱারিয়র’ ওইদুনা ঈশিং য়োকশিংবদা মতেং পাংবা য়াই।

 
মরুপশিং. ঐখোয়গী লৈবাক্তা ঈশিং য়োকশিনবা, ঈশিং ফংফমশিংবু ঙাক-শেনবা , মসি চহি চা কয়াদগী ঐখোয়গী চৎনবী অমা ওইরক্লি। মীয়াম্না ৱাতর কঞ্জারভেশনবু লাইফ মিসন ওইনা তোবসি উবদা ঐহাক্না নুংঙাইবা ফাওই। চেন্নাইগী অরুন কৃষ্ণমুর্তিনা মহাক্কী এরিয়াদা লৈবা পুখ্রিশিং, পাতশিংবু শেংদোকপগী খোংজং অমা চংশিল্লি। মহাক্না পুখ্রি, পাত ১৫০ রোম্বু শেংদোকপগী থৌদাং লৌখি অমসুং মাইপাক্না পাংথোকখি। মতৌ অসুম তৌনা, মহারাস্ত্রগী ঐচ.আর. প্রোফেস্নেল ওইবা রোহান কালেনা মহারাস্ত্রগী স্তেপৱেল চা কয়াবু ঙাক-শেনবগী থৌদাং লৌরি। গুহা কয়াদি চহি চা কয়া শুরবনি অমসুং ঐখোয়গী পাথাং-পুথাংগী শরুক ওইরবনি। সিকন্দ্রবাদকী বন্সিলাল-পেত গুহাসিং চহি কয়া থৌওইবীদবনা লৈখোম্না পিক থন্দুনা লৈরম্বদগী মীয়াম্না অমুক নৌহৌননা হিংগৎনবা হোৎনরি।

মরুপশিং, ঐহাক্তি ঈশিং য়াম্না তাংবা রাজ্যদগী লাকপনি। গুজরাত্তা, স্তেপৱেলশিংসিবু বো হায়না খঙনৈ লোইননা মসিগী মগুনশু য়াম্না চাউই। গুহাশিং অসিবু ঙাক-শেন্নবগীদমক, ‘জল মন্দির য়োজনা’গী থৌদাং য়াম্না চাউই। গুজরাত অপুম্বদা ঈশিং ফংফমশিং অসিবু নৌহৌননা শেমগত্তুনা ৱাতর লেভেল হেনগৎহন্নবা হোৎনরি। ময়ামসু মসি পাংথোকপা য়াই। চেক দাম শাবা, রেন ৱাতর আরভেস্তিং তৌবসিদা ইন্দিভিজুৱেল হোৎবগা লোইননা অপুনবগী থৌদাংসু চাউই। অজাদি কা অমৃত মাহোতসবকী মতমসিদা লৈবাক অসিগী জিলা খুদিংদা য়ামদ্রবদা অমৃত সারোবর ৭৫দি শেম্বা য়াই। হান্নগী পুখ্রিশিং শেমজিনবা, অনৌবা খরা শেম্বা য়াই। ময়াম্না মসিদা থবক খরা তৌরক্কনি হায়বসি ঐহাক্কী থাজবনি।

 
ঐগী নুংশিজরবা ইরৈবাকচাশিং, ‘মন কি বাত’কী ফজবা অমনা ঐহাক্না মবামগী মেসেজেসশিং অসি তোঙান-তোঙানবা লোল অমদি দাইলেক্তা ফংই। মী কয়ানা মাইগোবতা ওদিয়ো মেসেজ কয়া থাবীরকই। ভারতকী চৎন-লোনচৎ ঐখোয়গী লোলশিং, ঐখোয়গী দাইলেকশিং, ঐখোয়গি চাকচা-য়ুথক, ফিজেৎ-শাজেৎ খেৎনবা ময়ামসিনা ঐখোয়গী থৌনা ওইরিবনি। নোংপোক্তগীনা নোংচুপ ফাওবা, অৱাংদগী খা ফাওবদা, ভারতকী খেৎনবা অসিনা অমত্তা ওইনা পুল্লি। অপুনবা ভারত, অথোইবা ভারত ওইরি, মসিদা ঐখোয়গী পুৱারিগী মফমশিং, ৱুরানগি ৱারীশিংগ মফম য়াম্না চাউই। ঐনা মসি হায়রিবসিগী মরম করিনো হায়বসিদা ময়াম ঙক্লমগনি। মসিগী মরমদি মাধবপুর মেলা, মাধবপুর মেলা অসি করিনো, কদাইদা তোই হায়বসিদা করম্না ভারতকী খেৎনবশিংগা করম্না মর লৈনবগে হায়বসি তাবীরিবশিংনা য়াম্না নুংঙাইনা থোক্কনি।

মরুপশিং, “মাধবপুরগী মেলা” অসি গুজরাতকী পোর্বন্দরদা, সমুদ্র মপান্দা লৈবা মধবপুর খুঙ্গংদা পাংথোকই। অদুবু মসি হিন্দুস্তানগী নোংপোক থংবা মতাাইগসু মরী লৈনৈ। মতৌ কমদৌনা হায়বদা পুরানগী ৱারীনি, চহি লিশিং কয়াগী মমাংদা ভগবান শ্রী কৃষ্ণনা নোর্থ ইস্তকী রাজকুমারি, রুকমনিগা লুহোংখি। লুহোংবদু পোর্বন্দরগী মাধবপুরদা পাংথোকখি। ইস্ত অমসুং ৱেস্তকা লৈনবা ৱারীনি। মতমগী মতুং ইন্না মেলা অসিদা অহোংবা কয়া লাক্লে। নোর্থ ইস্তগী নুপী ময়ুমদগী মীওই কয়াসু মেলা য়াওবা লাক্নরে। চয়োল অমা চুপ্না চৎথবা মেলা অসিদা নোর্থ ইস্ত রাজ্যশিংদগী আর্তিস্ত কয়া লাকই, হেন্দিক্রাফকা মরী লৈনবা আর্তিস্ত কয়াসু লাকই, মসিনা মেলা অসিগী হেন্না হেনগৎহল্লি। চয়োল অমগী মেলা অসিদা, অপুনবা ভারত, অথোইবা ভারতকী ফজরবা শক্তম উবা ফংই। মেলা অসি অমুক্তংদি য়েংবীনবা হায়জরি।

ঐগী নুংশিজরবা ইরৈবাকচাশিং, হৌজিক লৈবাক অসিদা, অজাদি কা অমৃত, মীয়াম পুন্না শরুক য়ামিন্নবগী শক্তম অমা উবা ফংলি। নুমিৎ খরনিগী মমাংদা, মার্চ ২২৩দা শাহিদ রিৱসতা লৈবাক অসিগী মফম কয়াদা থৌরম কয়া পাংথোকখি। লৈবাক অসিনা নিংতম্বগী নায়ক-নায়কা কয়াবু নিংশিংনখি। নুমিৎ অসিদা ঐহাকসু কোলকাতাগী ভিক্তোরিয়া মেমোরিয়েলদা, বিপ্লোবি ভারত গেলরী হাংদোকপগী খুদোংচাবদু ফংজখি। ভারতকী থৌনা ফবা লালহৌবশিংগী মফমদা স্রধাঞ্জলি কৎচবগী থোইদোক্না মতিক চারবা গেলরী অমনি। মরুপশিং, এপ্রিল থাদা ঐখোয়না অথোইবা মীওইপোক অনিগী মপোক কুমওন পাংথোক্কনি। মখোয় অনি অদুদি মহাত্মা ফুলে অমসুং বাবাসাহেব অম্বেদকর। মআত্মা ফুলেগীনা এপ্রিল ১১ অদুগা বাবাসাহেব অম্বেদকরগীনা এপ্রিল ১৪দা পাংথোক্কনি। মহাত্মা অনি অসিনা অমাং-অশেং কাইবগী মায়োক্তা কন্না লান্থেংনখি। মহাত্মা ফুলেনা নুপীমচাশিংগী স্কুল হাংদোককি। অঙাং নুপীমচা হাৎপগী মায়োক্তা খোল্লাও লাওখি। মহাক্না ঈশিংগী অৱাবা মায়োক্নবগী মতাংদসু খোংজং চংশিনখি।

মরুপশিং, মহাত্মা ফুলেগী মরমদা নৈনদ্রিঙৈগী মতমসিদা সবিত্রি বাই ফুলেগী মরমদা পনবসু তঙাইফদে। সাবিত্রি বাই ফুলেনা সমাইজগী ওর্গনাইজেশন কয়া লিংখৎপদা অচোবা থৌদাং কয়া লৌখি। মহৈ তম্বীবা অমদি সোসিবেল রিফোর্মর অমা ওইবতা নত্তনা সমাজপু এৱ্যর ওইহল্লম্মি অমসুং পাঙ্গল হাপ্লম্মি। মখোয় অনিনা পুন্দুনা অচুম্বা পুথোকপা সমাজ লিংখৎখি, মীয়াম্বু এমপাৱর তৌনবা হোৎনখি। বাবাসাহেবকী থবক-থৌওংশিংদা মআত্মা ফুলেগী ইন্সপিরেশন উবা ফংঙি। মহাক্না হায়খি, সমাজ অমা চাউখৎপা হায়বসি লমদম অদুগী নুপীশিংগী ফিভম উরগা লেপ্পা ঙম্মি। মহাত্মা ফুলে, সাবিত্রি ফুলে, বাবসাহেব অম্বেদকরগী পুনশিদগী ঈথিল লৌরগা ঐহাক্না মমা-মপা অমদি অহল-লমনশিংদা হায়জরি, ঈচানুপীশিংবু শোইদনা লাইরিক তমহনবীয়ু। ইচানুপীশিংবু স্কুলদা মিং চনবা হেনগৎহন্নবগীদমকনুমিৎ খরনিগী মমাংদা কন্য সিক্সা প্রবেশ উৎসবসু হৌখ্রে। মসিনা করিগুম্বা মরম অমদগী স্কুল কাবা লেপ্লুরবা নুপীমচাশিংবু স্কুলদা অমুক লাকহন্নবা ফোকস তৌবনি।

মরুপশিং, ঐহাক্না লাইবক ফবদগী বাবাসাহেবকা মরী লৈনবা মফম মঙাদা থবক তৌবা ফংজখি। মহাক্কী পোক্নফম মহু, মুম্বাইগী চৈত্যভুমি, লন্দনগী মহাক্কী ময়ুম, নাগপুরগী তিখা লৌখিবা মফম, দিল্লীদা বাবাসাহেবনা থুপখিবা মফম, মফমশিং অসিদা চৎপগী লাইবক ফবদু ফংজখি। ঐহাক্না ‘মন কি বাত’পু তাবীরিবশিংদা হায়জরি, মহাত্মা ফুলে, সাবিত্রি বাই ফুলে অমদি বাবাসাহেব অম্বেদকরগা মরী লৈনবা মফমশিংদা শোইদনা চৎপীনবা হায়জরি।  

ঐগী নুংশিজরবা ইরৈবাকচাশিং, হন্দক্কী ‘মন কি বাত’ অসিদা, ঐহাক্না হীরম কয়াদা হায়জখ্রে। মথংগী থাদসু কুম্হৈ-ফিয়োং কবা লাক্লি। নুমিৎ খরনিগী মতুংদা, নবরাত্রি লাক্কদৌরি। নবরাত্রিদা ঐখোয়না চরা হেন্দুনা শক্তিবু খুরমজৈ হায়বদি, ঐখোয়গী চৎন-লোনচৎনা হরাও-তায়াম্বসু তম্বী অদুগা খাংবা কনবসু তম্বী। খাংবা কনবা, নিংবা কনবা হায়বসি ঐখোয়গীদি কুম্হৈনি, মরম অসিনা নবরাত্রিসি ঐখোয়গীদমক্তদি য়াম্না মরু ওইরিবনি। নবরাত্রিগী অহৌবা নুমিত্তা গুরি পদ্বাগী কুম্হৈসু লৈ। এপ্রিলদা ইস্তরসু লাকই, লোইননা রামজানগী শেংলবা নুমিৎসু লাকই। ঐখোয় পুন্না ঐখোয়গী কুম্হৈশিং অসি পাংথোকসি। কেন্নবা কয়া লৈরবা ভারতকী মপাঙ্গল কলহনসি। হন্দক্কী ‘মন কি বাত’তা অসিখক্তং হায়জরগে। মথং থাদা অনৌবা হীরমশিংগা লোইননা অমুক উনরসি।

 
হন্না হন্না থাগৎচরি!

ঐহাক্কী নুংশিরবা লৈবাক মীয়ামশিংবু খুরুমজরি!

 ‘মন কী বাত’তা অদোম্বু অমুক্কা হন্না তরাম্না ওকচরি। ঙসি, ঐখোয়না ‘মন কী বাত’ অসিবু ভারতকী মায় পাকপগী মতাংদা পন্দুনা হৌদোক্কনি। ভারতনা হন্দক্কী থা হৌরকপদা মশাগী মমল নাইদ্রবা হেরিতেজ অমবু ইতালীদগী মশামক্কী ময়ুমদা মায় পাক্না পুরকখি। মসিগী হেরিতেজ অসিদি চহি লিশিং অমা হেন্না লিরবা অভালোকিতেশ্বরা পদ্মাপানীগী মুর্তি অমনি। মুর্তি অসি চহি খরগী মমাংদা বিহারগী গয়াজীগী কুন্দলপুর লাইশঙগী দেবী স্থলদগী হুরানখিবনি। ভারতনা হোৎনবা য়াবা কয়া হোৎনবগী মতুংদা, হৌজিক্তি মুর্তি অসি অমুক্কা হন্না ফংবা ঙম্লে। মসিগা মান্নবা ওইনা, তমিল নাদুগী ভেল্লোরদগী ভগবান অঞ্জানেয়র, হনুমানজীগী মুর্তিসু হুরানখ্রবনি। মসিগী হনুমানজীগী মুর্তি অসিসু চহি ৬০০-৭০০মুক লিরবা মুর্তি অমনি। হন্দক্কী থাগী অঙনবদা, ঐখোয়না মসিবুসু ওস্ত্রেলিয়াদগী অমুক হন্না ফংবা ঙমখি, ঐখোয়গী মিসন্না মসিবু অমুক্কা হন্না ফংখি।

মরুপশিং, ঐখোয়গী চহি লিশিং হেন্না লিরবা পুৱারীদা, লৈবাক্কী তোঙান-তোঙানবা মফমশিংদা অমদগী অমনা হেন্না ফজবা মুর্তি কয়া মতম পুম্বদা শাদুনা লাকখি। থৌওং অসিদা থম্মোই শেংনা নীঙজবা, মতিক লৈবা, স্কিল অমসুং তোঙানবা মওং-মতৌ কয়া চেনবা ঙাক্তনি। অদুগা ঐখোয়গী মুর্তি খুদিংগী পুৱারীনা মখোয়-মখোয়গী মতমগী ইথিল তাক্লিবনি। মখোয়না ভারতকী মুর্তি হকপদা খুৎ-শা হৈবগী মগুনগী মশক থোক্লবা খুদম অমা ওইবতা নত্তনা, ঐখোয়গী থাজবগী মতৌসু মখোয়শিংগা মরী লৈনবা ঙাক্তনি। অদুবু, মমাংগী মতমশিংদা, অসিগুম্বা মুর্তি কয়া ভারত্তগী হুরানখিদুনা লৈবাক মপান্দা পুখিবনি। অদুগা, ঐখোয়গী লৈবাক মনুংদা করিগুম্বা মতমদসু, অসিগুম্বা মুর্তিশিং অসি য়োন্থোক-য়োনশিন তৌনবসু য়াওরিবনি, মখোয়গী মফমদদি মুর্তিশিং অসি আর্তকী পোৎলম অমখক ওইনা লৌই। মখোয়না ঐখোয়গী পুৱারীগী মতাংদা করিসু খনবা নত্তে, নীঙজবা অমসুং থাজবগী ৱাখল্লোন্সু অমত্তা চেনবা নত্তে। হায়রিবা মুর্তিশিং অসিবু অমুক হন্না পুরকপা হায়বসি ইমা ভারতকী মফমদা লৈবা ঐখোয়গী থৌদাংনি। মুর্তিশিং অসিদা ভারতকী থৱাই অমসুং থাজবগী শরুক অমা য়াওরিবনি। মখোয়দা নাৎ অমসুং পুৱারীগী ওইবা মরু ওইবা কয়া অমসু য়াওরিবনি। থৌদাং অসিবু ভারতনা খঙলদুনা, মসিগীদমক্তা হোৎনবা হেনগৎখি। মসিগী মহৈ অমা ওইনা, মসিবু হুরানগে খল্লিবা মীওইশিংগী মফমদসু অকীবগী ৱাখল্লোন ফাওহল্লিবনি। মুর্তিশিং অসিবু হুরান্দুনা অমসুং পুখ্রিবা লৈবাকশিংনা মসিনা ভারতকা লৈনবা মরীদা শাফু পীবা ঙম্বগী মতিক লৈ হায়বসি খঙবা হৌরক্লবনি। ভারতকী ৱাখল্লোন অসি মসিগা মরী লৈনৈ; মসিদা ভারতকী থাজবগী ইথিল শাগোন্নরি অমসুং মীওই অমগা অমগগী মরক্তা লৈনরিবা মরীদসু মসিনা পাঙ্গল হাপ্লিবনি। কাশিদগী হুরানখিবা ইমা অন্নপুর্না দেবীগী মুর্তিসু নুমিৎ খরনিগী মমাংদা অমুক্কা হন্না পুরকখিববু অদোম্না নীংশিংলমগনি। মালেম্না ভারত্তা করম্বা মিৎয়েংদা য়েংই হায়বগী মসিনা খুদম অমা ওইরিবনি। ইং ২০১৩ ফাওবগী মনুংদা, চাউরাকপা মুর্তি ১৩দি ভারত্তা অমুক হন্না পুরকখ্রবনি। অদুবু, মমাংগী চহি ৭কী মনুংদা, ভারতনা মমল নাইদ্রবা মুর্তি ২০০ হেন্না পুরকখ্রবনি। অমেরিকা, ব্রিতেন, হোল্লেন্দ, ফ্রান্স, কেনাদা, জর্মনী, সিঙ্গাপোরনা ভারতকী অসিগুম্বা ৱাখল্লোনবু নীংথিনা খঙলে অমসুং মুর্তিশিং অসিবু অমুক্কা হন্না ফংনবা হোৎনবদা ঐখোয়দা তেংবাংখি। ঐহাক্না মমাংগী চহিগী সেপ্তেম্বরদা অমেরিকাদা চৎলুবা মতমদা, ঐহাক্না লিরবা মুর্তি কয়া অমসুং ঐখোয়গী নাৎকা মরী লৈনবা থাইনগী পোৎলম কয়া থেংনখি। মমল নাইদ্রবা হেরিতেজ অমনা লৈবাক অসিদা অমুক্কা হন্না হল্লকপা মতম খুদিংদা, ভারত মচা অমা ওইনা অমসুং পুৱারী অমসুং আর্কিওলোজীদা থাজবা অমসুং নীঙজবগা নাৎকা অচেৎপা মরী লৈবা ঐখোয় খুদিংনা নুংঙাইবা ফাওবা হায়বসি মহৌশানি।

মরুপশিং, ঐখোয়না ঙসি ভারতকী চৎনবী অমসুং হেরিতেজকী মতাংদা ৱারী শারিবা অসিদা, ঐহাক্না ‘মন কী বাত’ অসিদা লৈবাক মীয়ামদা মীওই অনিবু শক্তাকচগে। হৌজিক্কান্সিদা, তাঞ্জানিয়াগী মচিল-মনাও অনি, কিলি পাউল অমসুং মহাক্কী মচল নিমা অসি ফেসবুক, ত্বীত্তর অমসুং ইন্সতাগ্রামদা ই-পাউ অমা ওইরি অমসুং অদোম্না মখোয়গী মরমদা শোইদনা তারম্লগনি হায়না ঐহাক্না খল্লি। মখোয়না ভারতকী ঈশৈ-নোংমাইবু য়াম্না পামজৈ অমসুং মসিনা মরম ওইরগা মখোয় অসি মমিং য়াম্না চৎলি। মখোয়না ঈশৈ নোংমাইদা মচিন লেঙবগী মওং-মতৌনা মখোয়না হীরমসিদা কয়া য়াম্না কন্না হোৎনবগে হায়বা তাক্লি। হন্দক্তসু, কিলি পাউলনা গনতন্ত্রা দিবস নুমিত্তা ঐখোয়গী নেস্নেল এন্থেম ওইরিবা ‘জন গন মন’ শকপগী ভিদিওসু য়াম্না কন্না ভাইরেল ওইখি। মহাক্না নুমিৎ খরনিগী মমাংদসু লতা দিদিজীগী ঈশৈ অমা লান্থোক্তুনা ইকায় খুম্নবসু উৎখি। মখোয়গী অসিগুম্বা অনৌবা থৌওং পাংথোকপা অসিগীদমক্তা ঐহাক্না কিলি অমসুং নিমা মচিল-মনাওবু য়াম্না থাগৎচরি। নুমিৎ খরনিগী মমাংদসু, তাঞ্জানিয়াদা লৈবা ভারতকী এম্বেসীদা মহাকপু ইকায় খুম্নখি। ভারতকী ঈশৈ-নোংমাইগী জাদু অসিদি অসুক্কী মতিক মগুন লৈখ্রে, মসিনা মীওই খুদিংবু নুংঙাইহল্লি, থৱাই তানা পামজহল্লি। চহি খরগী মমাংদা, লৈবাক চাম্মা য়াংখৈ হেনবগী ঈশৈ-নোংমাই তৌবা মীওইশিংনা মশাগী লৈবাকশিংদা অমসুং মশাগী নাৎকী ফিজোল শেত্তুনা মহাত্মা গান্ধীনা পাম্নবা লেংজবা অমসুং বাপুগী খ্বাইদগী পামজরবা ভজন, ‘বৈশ্নব জন’বু মায় পাক্না লান্থোকখিববু ঐহাক্না ঙসিসু নীংশিংলি।

ভারতনা ঙসি নীংতম্বগী চহি ৭৫ শুরকপগী মরু ওইরবা কুমহৈ অমা পাংথোক্লিবা অসিদা মীরম লৈবাক্কী মীওই অমসুং শক্নাইরবা শৈশকপশিংবু কৌদুনা ভারতকী লৈবাক নীঙবগী ঈশৈ শকহন্দুনা লৈবাক নীংবগী ঈশৈগা মরী লৈননা অসিগুম্বা মান্নবা থৌরম কয়া পাংথোকপা য়াই। মসিদা নত্তনা, করিগুম্বা কিলি অমসুং নিমানা তাঞ্জানিয়াদা ভারতকী ঈশৈদা মতৌ অসিগুম্না মচিন লেঙবা ঙম্লবদি, ঐখোয়গী লৈবাক অসিদা ঈশৈ মখল কয়া অমা লৈত্রো...ঐখোয়গী লৈবাক্কী তোঙানবা লোল কয়াদা...গুজরাতকী অঙাং অমনা তমিল ঈশৈদা....কেরলাগী অঙাং অমনা অসামিজতা.... কন্নরগী অঙাংনা জম্মু অমসুং কশ্মিরগী লোলদা অসিগুম্না তৌবা য়ারোইদ্রো? ঐখোয়না ‘এক ভারত-শ্রেস্থ ভারত’কী ইথিল থেংনবা য়াবা ফিভম অমা ঐখোয়না শেম্বা য়াইনা। মসিদসু নত্তনা, ঐখোয়না নীংতম্বগী অমৃত মহোৎসবপু অনৌবা মওংদা পাংথোকপা য়াইনা। ভারতকী লোলশিংগী মমিং চৎপা ঈশৈশিংবু মশাগী ওইবা মওংদা শকপগী ভিদিও শেমসি হায়না ঐহাক্না লৈবাক্কী নহারোলশিংগী মফমদা হায়জরি, অদোমসু য়াম্না থুনা মমিং চৎকনি! লৈবাক্কী তোঙানবা মগুন চেনবগী মতৌবু অনৌবা চারোন শুরোন্দা শক্তাক্কনি।

ঐহাক্কী নুংশিরবা লৈবাক মীয়াম, ঐখোয়না নুমিৎ খরনিগী মমাংদা ইন্তর্নেস্নেল মদর লেংগ্বেজ দে পাংথোকখি। ইমালোল হায়রিবা ৱাহৈ অসি কদাইদগী লাকপনো, মতৌ করম্না ওইরকপগে হায়বগী মতাংদা লৌশিং লৈবা মীওইশিংনা একাদমিক ওইবা ই-পাউ কয়া পীবা য়াই। ঐহাক্না ইমা লোল হায়বসি ঐখোয়গী ইমানা ঐখোয়গী পুন্সি শেম্বীবগী থৌওংগুম্বনি হায়না মিৎয়েং চঙজগে, হায়রিবা থৌওং অসিগা চপ মান্ননা, ইমা লোলনা ঐখোয়গী পুন্সিবুসু শেম্মি। ঐখোয়না ইশাগী ইমাবু ইন্থোকপা য়াদবগুম্না, ইমা লোলসু ইন্থোকপা য়াদে। ঐহাক্না চহি কয়াগী মমাংদা অমেরিকাদা চৎলুবগী থৌওং অমা নীংশিংলি। ঐহাক্না তোঙানবা ইমুং কয়া থেংনরুগনি হায়না খনখি। ঐহাক্না তেলেগুগী ইমুং অমদা চৎখি অমসুং মফমদুদা য়াম্না নুংঙাইবা থৌদোক অমা উখি। মখোয়না লৈরিবা লমদুগী মপান্দা চত্তবা ওইরগদি, থবক য়াম্না চিনবা ওইরবসু, ইমুং-মনুংগী মীওই খুদিংনা শোইদনা চাক্লেন পুন্না চামিন্নগনি অমসুং মতমদুদা তেলেগু লোল খক্তমক লোনগনি হায়বা কাঙলোন অমা শেম্মি হায়না পাউদমলকখি। কাঙলোন অসি মফমদুদা পোকপা অঙাংশিংগীসু চৎনগনি। মমা লোলবু অসিগুম্না নুংশিবগী মতৌ উবদা, ইমুং অসিনা ঐহাকপু মপুং ফানা শুমহৎখি।

মরুপশিং, নীংতম্বা ফংলবা চহি ৭৫গী মতুংদা ফাওবা, মীওই খরগী ওইনদি, মশাগী লোল, ফিজেৎ-চাজেৎ, চাকচা-য়ুথক্কী মতাংদা অকক্নবা লৈদুনা ৱাখলদা চমম্নবা পোকপগী থৌওং থেংনরি। অদুবু মালেমগী অতোপ্পা মফমশিংদদি, অসিগুম্বা থৌওং লৈতে। ইশাগী ইমা লোল হায়বসিদি ঐখোয়না চাউথোকচবগা লোয়ননা ঙাংগদবনি। অদুগা ঐখোয়গী ভারত্তি লোলগী মতাংদা অসুক য়াম্না ইনাক খুনখ্রে, ঐখোয়গা চাংদম্নবা য়াবা লৈবাক অমত্তা লৈতে। কশ্মিরদগী কন্যাকুমারী ফাওবা, কৎচতগী কোহিমা ফাওবগী মরক্তা লোইরিবা লোল চাম্মা চাম্মা, দাইলেক্ত লিশিং কয়া অসি অমনা অমদগী তোঙাল্লবসু, অমগা অমগা পুনবগী মতৌ লৈরি, লোল ময়াম অমসুং ফোংদোক্লিবদি অমখক হায়বগী মগুন চেল্লিবা অসিনা ঐখোয়গী লোলগী খ্বাইদগী ফজরবা মগুন্নি। ঐখোয়না ঐখোয় মশেলদগী লেপ্তনা তম্নদুনা ঐখোয়গী লোলশিং অসিনা চহি চা কয়া চঙনা চাউখৎলক্লি অমসুং ঐখোয় ইশানা মসিবু হেন্না ফজহল্লি, অমনা অমগী লোলবু চাউখৎহল্লি। মালেমগী খ্বাইদগী লিবা লোল, তমিল লোল অসি ভারত্তা লৈ অমসুং মালেমগী ওইবা অসিগুম্বা মশক থোকপা হেরিতেজ অমা ঐখোয়গী নাক্তা লৈবগীদমক্তা ভারত মচা খুদিংনা চাউথোকচফম থোকই। মসিগা মান্ননা, অরিবা মতমগী স্ক্রিপচর কয়াসু লৈরি, মখোয়না ফোংদোকপশিং অসিসু ঐখোয়গী সংস্কৃত লোলদা য়াওরি। ভারতকী মীয়াম্না মখোয়না ইমা লোল মখল ১২১গা মরী লৈনবগীদমক্তা চাউথোকচদগবনি অমসুং মসিগী মরক্তগী লোল ১৪দি মীওই করোর ১ হেনবনা মশাগী নোংমগী পুন্সিদা ঙাংনরিবনি। মসিনা হায়বদি, ঐখোয়গী লৈবাক্তা তোঙানবা লোল ১৪গা মরী লৈনদুনা লৈরিবা অপুনবা মীশিং য়ৌনা মীশিং লৈবা য়ুরোপকী লৈবাক অমত্তা লৈবা নত্তে হায়বনি। ইং ২০১৯দা, হিন্দি অসি মালেমগী মনুংদা খ্বাইদগী য়াম্না ঙাংনবা অহুমশুবা লোলগী থাক্তা থমখ্রবনি। ভারত মচা খুদিংনা মসিগীদমক্তা চাউথোকচদগবনি। লোল হায়বসি করিগুম্বা অমা ফোংদোকপগী পাম্বৈখক ওইবা নত্তে, মসিনা খুন্নাই অমগী চৎনবী অমসুং হেরিতেজ য়োকখৎপদসু তেংবাংলিবনি। সুর্জন পারোহিজীনসু মশাগী লোলগী হেরিতেজপু কন্নবা মান্নবা থবক কয়া সুরিনামদা পাংথোক্লি। মহাক্না থা অসিগী ২দা চহি ৮৪ মপুং ফাখ্রে। মহাক্কী মপা-মপুশিংনা চহি কয়াগী মমাংদা শিন্মী লিশিং কয়া অমগা লোয়ননা পুন্সি মহিং তান্নবগীদমক্তা সুরিনামদা চৎখিবনি। সুরিনাম পারোহিজীনা হিন্দিদা ফজরবা শৈরেং কয়া ই; মহাক্কী মমিং অসি মফমদুগী লৈবাক্কী কবিশিংগী মরক্তা খঙনবদা য়াওরিবনি। মসিনা হায়বদি, ঙসিগী মতমসিদসু মহাক্কী থম্মোইদা হিন্দুস্তানগী মীহুল হুল্লি হায়বনি; মহাক্কী থবক খুদিংদা ভারতকী লৈহাওগী মনম চেল্লি। সুরিনামগী মীয়াম্না সুর্জন পারোহিজীগী মমিংদা ম্যুজিয়ম অমসু শারে। ঐহাক্না মহাকপু ইং ২০১৫দা ইকায় খুম্নবা উৎপগী খুদোংচাবা ফংখিবসিদা য়াম্না নুংঙাইবা ফাওই।

মরুপশিং, ঙসি, হায়বদি, ফেব্রুৱারী ২৭ অসি মরাথী ভাষা গৌরব দিবসসু ওই।

“সর্ব মরাথী বন্ধু ভগিনিনা মরাথী ভাষা দিনাচ্য হার্দিক শুভেচ্ছা”।

ঙসিগী নুমিৎ অসিদি মরাথী কবিরাজ, বিষ্ণু বামন শির্বাদকরজী, শ্রীমান কুসুমাগ্রাজজীগী মফমদা কত্থোক্লবনি। ঙসি অসি কুসুমাগ্রাজজীগী মপোক কুমওনসু ওই। কুসুমাগ্রাজজীনা মরাথীদা শৈরেং, নাতক কয়া অমা ইরমখি অমসুং মরাথী খোরিলোলবু অনৌবা থাক্তা পুখৎলমখি।

মরুপশিং, ঐখোয়গী লোলশিংদা মশাগী ওইবা অখন্নবা ময়েক লৈ; ইমালোলশিংগী মশাগী সাইন্স লৈজৈ। অসিগুম্বা সাইন্স অসিবু নীংথিনা খঙনবগীদমক্তা, লোকেলগী লোলশিংবু নৈনবগী হীরমদা নেস্নেল এজুকেসন পোলিসীদা অহেনবা মিৎয়েং চঙখ্রবনি। প্রোফেস্নেল কোর্সশিংসু হায়রিবা লম-লমগী লোলশিংদা তাকপীনবা হোৎনবগী থৌওং কয়াসু লৈরে। নীংতম্বগী অমৃতকী মতমসিদা, অসিগুম্না হোৎনরিবা অসিদা ঐখোয় খুদিংনা তেংবাংগদবনি, থবক অসিদি ইশাবু ইকায় খুম্নবগী মওং তাকপা থৌওংনি। অদোম্না ঙাংলিবা ইমালোলগী মগুনগী মতাংদা অদোম খুদিংনা খঙনবা অমসুং মসিগী মরমদা লোল অসিদা করিগুম্বা খরা ইনবা ঐহাক্না হায়জনীংই।

মরুপশিং, ঐহাক্না ঐহাক্কী মরুপ অমসুং কেনয়াগী প্রধান মন্ত্রী, রাইলা ওদিঙ্গাগা নুমিৎ খরনিগী মমাংদা উন্নখি। থৌদোক অসি য়াম্না নুংঙাইবা থৌদোক অমা ওইখি, অদুগা থৱাই নুংঙাইতবা থৌদোক অমসু ওইখি। ঐখোয়না য়াম্না নক্নবা মরী লৈবনা, য়াম্না ফোংনা খন্ন-নৈনখি। ঐখোয়না ৱারী শারিঙৈগী মরক্তা, ওদিঙ্গাজীনা মহাক্কী মচানুপীগী মতাংদা ৱারী শারকখি। মহাক্কী মচানুপী, রোসমেরীদা ব্রেন ত্যুমর অমা লৈরে অমসুং মসিনা মরম ওইরগা সর্জরী তৌবা তাখি। মসিগী সাইদ ইফেক্ত অমা ওইনা, রোসমেরী অসি মমিৎ তাঙলমগে খজিক্তং ঙায়রমখি, মহাক্না উবগী শক্তি মাঙখি। মহাক্কী মচানুপীগী মফমদা করি থোক্লমগনি হায়বা অদোম্নসু খঙলমগনি, অমসুং মহাক্কী পাবুংগী করম্বা ফিভম ওইরমগনি হায়বসু ঐখোয়না খঙবা ঙমগনি। মালেমগী হোস্পিতাল খুদিংদা মহাক্না য়েংলে, মহাক্না মচানুপী লাইয়েংবগীদমক্তা য়েংদবা মরু ওইবা হোস্পিতাল অমত্তা লৈত্রে। মহাক্না মালেমগী চাউর-চাউরবা লৈবাক কয়া থিখি, অদুবু মায় পাকপা অমত্তা ফংখিদে, থাজবা পুম্নমক মাঙখি অমসুগ মহাক্কী ইমুং মনুংদা অৱাবগী মতৌনা থল্লমখি। তাল্লক অসিদা, কনাগুম্বা মীওই অমনা মহাক্কী মফমদা ভারত্তা চত্তুনা অয়ুরবেদগী লাইয়েং অমুক্তং য়েংনবা তাকপীখি। মহাক্না হোৎনবা য়াবা কয়া হোৎনরুরবা অমসুং মসিদগী য়াম্না ৱারবসু, অমুক্তং ওইরবসু চত্তুনা করি থোক্কে য়েংগে হায়না খনখি। মহাক্না ভারত্তা লাকখি, কেরলাদা লৈবা অয়ুর্বেদগী হোস্পিতাল অমদা মচানুপীগী লাইয়েংবা হৌখি। মহাক্কী মচানুপীনা মফমদুদা মতম শাংনা লৈখি। অয়ুর্বেদগী লাইয়েংনা অসুক্কী মতিক ফবগী চাং অসি কমাইনা তৌই হায়বদা, রোসমেরীনা নীংথিজনা উবা ফংলকখি। রোসমেরীগী মফমদা অনৌবা পুন্সি অমা লাকপগুমখি অমসুং মহাক্না মপুং ফানা উবা ঙম্লকখিবসিদা করি ফাওরমগনি অমুক্তা খনবীয়ু। ইমুং অপুনবদা অনৌবা থাজবা লাকপসিদা ওদিঙ্গাজীনা ঐহাক্কী ইফমদা পাউদম্বদা মপুক্নিং য়াম্না নুংশিরকখি অমসুং অয়ুর্বেদগী লৌশিং অমসুং সাইন্স অসি কেনয়াদা পুবা পাম্মি হায়না ফোংদোকখি। লাইয়েং অসিদা শিজিন্নরিবা পাম্বীশিং অসিবু মখোয়না থাজগনি অমসুং মসিদগী মহাক্কী মীয়াম্না কান্নবা য়াম্না লৌবা ঙম্নবা মহাক্না অঙম্বা থাক্তা হোৎনগনি।

ঐখোয়গী লমদম অমসুং চৎনবীদগী থোকখিবা করিগুম্বা অমনা কনাগুম্বা মীওই অমগী অৱাবা কোকহনবদা অসুক য়াম্না তেংবাংবা অসি ঐহাক্কী ওইনা য়াম্না নুংঙাইবা ৱাফম অমনি। অদোমসু মসি তাবদা নুংঙাইবা ফাওগনি। করম্বা ভারত মচানবু মসিদা চাউথোক্লোইদগে? ওদিঙ্গাজীখক্তা নত্তনা, মালেম শিনবা থুংবগী মীওই লাখ কয়ানা অয়ুর্বেদদগী অসিগুম্বা মান্নবা কান্নবা কয়া ফংখ্রে হায়বসি ঐখোয় খুদিংনা খঙলবনি।

ব্রিতেনগী প্রিন্স চার্ল্স অসিসু অয়ুর্বেদবু য়াম্না শীংথাজবা মীওই অমনি। ঐহাক্না মহাক্কা উন্নবা খুদিংগী, মহাক্না অয়ুর্বেদবু শোইদনা পনগনি। মহাক্না ভারত্তা লৈবা অয়ুর্বেদগী ইন্সতিত্যুসন কয়াগী মতাংদসু লোইনা খঙই।

মরুপশিং, মমাংগী চহি ৭ অসিদা লৈবাক অসিদা অয়ুর্বেদবু হেন্না খুমাং চাউশিলহন্নবা অহেনবা মিৎয়েং কয়া চঙখ্রে। অয়ুশ মন্ত্রালয় শেমখিবা অসিসু ঐখোয়গী নাৎকী হিদাক লাংথক অমসুং হকশেলগী পথাপ্পু মমিং হেন্না চৎহনবগী ৱারেপ্পু মপাঙ্গল হাপ্নবগীদমক্তনি। অয়ুর্বেদগী হীরমগা মরী লৈনবা স্তার্ত-অপ কয়া অমা মমাংগী চহি খরদা থোক্লকখিবা অসিদসু ঐহাক্না নুংঙাইবা ফাওই। অয়ূশ স্তার্ত-অপ চেলেঞ্জসু থা অসিগী অঙনবদা হৌখ্রে। চেলেঞ্জ অসিগী পান্দমদি, লম অসিদা মথৌ তৌরিবা স্তার্ত-অপশিংবু মশক খঙদোক্তুনা তেংবাংবনি। লম অসিদা থবক তৌরিবা নহাশিংদা মখোয়না চেলেঞ্জ অসিদা শরুক য়াবীয়ু হায়না ঐহাক্না হায়জরি।

মরুপশিং, মীয়াম্না করিগুম্বা অমা পুন্না পাংথোক্কে হায়না খনখ্রবদি, মখোয়না মশক থোকপা থবক পাংথোকপা ঙম্মি। মীয়াম্না শরুক য়াদুনা, পুন্না হোৎনমিন্নদুনা মশক থোকপা থৌদাং য়াখিদুনা খুন্নাইদা অচৌবা অহোংবা পুরকপগী থৌওং কয়া অমা থোকখ্রে। ‘মিসন জল থল’ হায়না কৌবা অসিগুম্বা মীয়ামগী ইহৌ অমদি হৌজিক হৌজিক কশ্মিরগী শ্রীনগরদা চত্থরি। থৌওং অসিদি শ্রীনগরগী পুখ্রি অমসুং পাৎশিংবু শেংদোক্তুনা হান্নগী ফজবা ফিভমদা হঞ্জিল্লকহন্নবা হোৎনবগী তোপ-তোপ্পা মওংগী থৌওং অমনি। ‘মিসন জল থল’ অসিনা “কুশাল সার” অমসুং “গিল সার”দা অহেনবা মিৎয়েং চঙলি। মীয়াম্না শরুক য়াবগা লোয়ননা, ইহৌ অসিদা তেক্নোলোজীগী তেংবাং কয়াসু লৌরি। লম খোপচিনবা অমসুং আইনগী ৱাংমদা শেমগৎ-শাগৎপগী থৌওং পাংথোকপা থিদোক্নবগীদমক্তা, মফম অসিগী ফোর্মেল সর্ভে অমসু পাংথোকখ্রে। মসিগা লোয়ননা, প্লাস্তিক্কী ফত্ত-হৌদি লৌথোক্নবা অমসুং ফত্ত-হৌদি শেংদোকপগী কেম্পেন অমসু হৌদোকখ্রে। মিসন অসিগী অনিশুবা তাঙ্কক্কী মনুং চনবা ওইনা, পাৎ অসিবু থনহল্লিবা অরিবা ৱাতর চেনেল অমসুং ইফুৎ ১৯শিংবু হান্নগী ফিভমদা হঞ্জিনহল্লক্নবা হোৎনরি। মসিগী রেস্তোরেসন প্রোজেক্ত অসিগী মতাংদা মীয়ামদা খঙবা হেলহন্নবগীদমক্তা নহাশিংবুসু ৱাতর এম্বেসেদর ওইহনখি। হৌজিক্তি, লমদমসিগী মীয়াম্না “গিল সার পাৎ”তা তাবা মাইগ্রেতরী উচেক অমসুং ঙাগী মশিং হেনগৎহন্নবা কন্না হোৎনরি অমসুং উচেক অমসুং ঙাশিং অসিবু উবদা নুংঙাইজবসু ফাওনরি। অসিগুম্বা মশক থোকপা থৌওং অসিগীদমক্তা ঐহাক্না শ্রীনগরগী মীয়াম্বু থাগৎচরি।

মরুপশিং, লৈবাক অসিনা চহি ৮গী মমাংদা হৌদোকখিবা ‘ক্লিন ইন্দিয়া মিসন’ অসিনা মতমগী মতুং ইন্না শরুক য়াম্না পাকথোক চাউথোক্লে, অনৌবা থৌওং কয়া অমসু হাপচিল্লে। অদোম্না ভারতকী মফমশিংদা চৎপা খুদিংদা, লম-তু নান্না থম্বগী করিগুম্বা হোৎনবগী থৌওং অমদি মফম খুদিংদা উবা ফংগনি। অসমগী কোক্রাঝারদা পাংথোকপা অসিগুম্বা থৌওং অমগী মতাংদা ঐহাক্না খঙবা ঙম্লে। মফমসিদা, অয়ুক্কী ৱাকিং চৎপা মীওই কাঙবু অমনা ‘ক্লিন অমসুং গ্রীন কোক্রাঝার’ মিসনগী মখাদা য়াম্না শিংথানীংঙাই ওইবা থবক পায়খৎলি। অনৌবা ফ্লাইওভর লৈবা মফমগী কিলোমীতর অহুম শাংবা শোরোক অসিবু শেংদোক্তুনা লু-নানবগী পাউজেল অমা মখোয় খুদিংনা পীরি। মসিগা মান্নবা ওইনা, ভিশাখাপত্নমগী ‘ক্লিন ইন্দিয়া কেম্পেন’গী মখাদা, পোলীথিনগী মহুত্তা ফিগী খাও ওইনা শিজিন্নহল্লি। মফম অসিগী মীয়াম্না অকোয়বগী ফিভম্বু লু-নান্না থম্নবগীদমক্তা সিঙ্গল য়ুজ প্লাস্তিক্কী পোত্থোকশিংগী মাইয়োক্তা মখোয়না থবক পায়খৎপগী মতৌসু উবা ফংলি।মসিগা লোয়ননা, হায়রিবা মীয়ামশিং অসিনা য়ুম-য়ুমদা লৈবা ফত্ত-হৌদিশিংবু তোখায়না থম্বগী মতাংদা ৱারোল খঙহন্নবা পাউজেলসু শন্দোক্লি। মুম্বাইগী সোমাইয়া কোলেজকী মহৈরোইশিংনসু লু-নান্না থম্বগী কেম্পেন অসিগী মনুংদা ফজহনবগী থৌওংসু মনুং চলহনখ্রে। মখোয়না নীংথিরবা পেন্তিংশিংনা কলয়ান রেলৱে স্তেসনগী ফক্লাংশিংবু লৈতেংলি। রাজস্থানগী সৱাই মাধোপুরগী ইথিল পীবা খুদম অমসু ঐহাক্না খঙবা ঙম্লে। মফমসিগী নহাশিংনা রন্থাম্বোরদা ‘মিসন বেস্ত প্লাস্তিক’ কৌবা কেম্পেন অমা হৌদোক্লে অমসুং মসিগী মনুং চন্না, রনথাম্বোরগী উমংদগী প্লাস্তিক অমসুং পোলীথিন লৌথোক্লি। সবকা প্রয়াস, মীপুম খুদিংনা হোৎনমিন্নবগী ইথিলনা লৈবাক অসিদা মীয়াম্না শরুক য়াবগী থৌওংদা মপাঙ্গল হাপ্লি অমসুং মীয়াম পুন্না শরুক য়ারবদি, খ্বাইদগী চাউবা পান্দমসু শোইদনা ফংবা ঙম্লে।

ঐহাক্কী নুংশিরবা লৈবাক মীয়াম, ঙসিদগী নুমিৎ খরনিগী মতুংদা, মার্চ ৮দা মালেম শিনবা থুংবদা মালেমগী নুপীশিংগী নুমিৎ পাংথোক্লগনি। ঐখোয়না ‘মন কী বাত’ অসিদা নুপীগী থৌনা, স্কিল অমসুং হৈ-শিংবগা মরী লৈনবা খুদম কয়া অমা তাক্লি। ঙসিসু, স্কিল ইন্দিয়া, সেল্ফ হেল্প গ্রুপ, অপীকপা নত্ত্রগা অচৌবা ইন্দস্ত্রী ওইরো, নুপীশিংনা হীরম খুদিংদা লুচিংবগী চুক্লি পায়রি। য়েংলু-য়েংলু খুদিংদা নুপীশিংনা অরিবা মতমগী চৎনবীবু অরানবা ওইহল্লি। ঐখোয়গী লৈবাক অসিদা ঙসিসি নুপীশিংনা পার্লিয়ামেন্ততগী হৌরগা পঞ্চায়ত ফাওবগী হীরম কয়াদা অনৌবা থাক্তা কাখৎলি। নুপীশিংনা আর্মীদসু অনৌবা অমসুং অচৌবা ফমশিংদা মশাগী থৌদাং য়াদুনা লৈবাক ঙাক শেল্লি। মমাং থাদা পাংথোকখিবা গনতন্ত্রা দিবস নুমিত্তসু, নুপীশিংনা হৌজিক্কান মতমগী ফাইতর প্লেন পাইবগী শক্তম উবা ফংখি। নুপীমচাশিংবু সাইনিক স্কুলদা মিং চনবদা অথিংবা লৈরম্বদুসু লৈবাক অসিনা লৌথোকখ্রে অমসুং লৈবাক শিনবা থুংবগী সাইনিক স্কুলশিংদা নুপীমচাশিংনা মিন চন্নরি। মান্নবা ওইনা, স্তার্ত-অপকী মালেমদা অমুক য়েংসি। ইকুই কুইদ্রিবা চহিশিংগী মনুংদা লৈবাক অসিদা অনৌবা স্তার্ত-অপ লিশিং কয়া হৌদোকখ্রে। স্তার্ত-অপশিং অসিগী তংখায়গী চাংদা নুপীশিংনা দাইরেক্তর ওইরি। লৈবাক অসিনা নুপা অমসুং নুপীশিংগী লুহোংবগী অমত্তা ওইবা মান্নবা চহি লেপ্তুনা মখোয়দা মান্নবা হক ফংহল্লি। মসিনা মরম ওইরগা, হীরম খুদিংদা নুপীশিংনা শরুক য়াবগী চাং হেনগৎলক্লি। লৈবাক অসিদা লাক্লিবা মরু ওইবা অতোপ্পা অহোংবা অমসু অদোম্না উরম্লগনি। মসিগী অহোংবা অসিদি ঐখোয়গী সোসিএল কেম্পেনশিংগী মায় পাকপা অসিনি। ‘বেতি বচাও, বেতি পরহাও’গী মায় পাকপগী খুদম লৌরসি, ঙসিদি লৈবাক্কী সেক্স রেসিও য়াম্না ফগৎলে। স্কুল কাবা নুপীমচাশিংগী মশিংসু য়াম্না হেনগৎলে। হীরম অসিগা মরী লৈননা, ঐখোয়গী নুপীমচাশিংনা স্কুলদগী দ্রোপ আউত তৌদনবা হোৎনবা অসি ঐখোয়গী থৌদাং ওইগদবনি। মান্নবা অমা ওইনা, লৈবাক অসিগী নুপীশিংনা ‘স্বচ্ছ ভারত অভিয়ান’গী মখাদা ফোংনা অমাংশঙ তৌবগী চৎনবীদগী মনীং তম্লে। ত্রিপল তলাক্কুম্বা খুন্নাইগী ফত্তবা অমসু লোইশিল্লে। ত্রিপল তলাক্কী মাইয়োক্তা আইন হেক লৈরকখিবদগী, লৈবাক অসিদা থোকপা ত্রিপল তলাক্কী কেসকী চাংনা ৮০% হন্থরে। অসিগুম্বা ময়াম অসিবু অসুক য়াম্না তেল্লবা মতমগী মনুংদা করম্না ওইথোক্লিবনো? মসিগী অহোংবা লাকপগী মরমদি নুপী মশামক্না অহোংবা অসিবু লুচিংবা অমসুং লৈবাক অসিদা পায়খৎলিবা চাউখৎ-থৌরাংগী খোঙথাংশিংনি।

ঐহাক্কী নুংশিরবা লৈবাক মীয়াম, হয়েংগী ফেব্রুৱারী ২৮গী নুমিৎ অসিদি ‘লৈবাক্কী সাইন্সকী নুমিৎ’নি। নুমিৎ অসি রমন ইফেক্ত পুথোকখিবগী নুমিৎকীদমক্তসু খঙনৈ। ঐহাক্না সি.ভি. রমনজীগা লোয়ননা ঐখোয়গী সাইন্সকী খোঙচত্তা মশক থোক্না শরুক তমখিবা সাইন্তিস্ত খুদিংমকপু ইকায় খুম্নরি। মরুপশিং, তেক্নোলোজীনা ঐখোয়গী পুন্সিদা লাইহনবা অমসুং চমথোকহনবগী মতাংদা মরু ওইবা ফম অমা কনখ্রে। করম্বা তেক্নোলোজী অসি ফবগে অমসুং তেক্নোলোজী অদুবু করম্না হেন্না কান্ননবা শিজিন্নগদগে হায়বগী মতাংদা ঐখোয়না নীংথিজনা খঙলে। অদুবু, তেক্নোলোজী অদুনা য়ুম্ফম ওইবা মরী লৈনবা সাইন্সকী মতাংদা ঐখোয়গী ইমুংগী অঙাংশিংদা খঙহনবগী মতাংদদি ঐখোয়না লায়থোক্লি। মসিগী সাইন্সকী নুমিৎ অসিদা, ঐখোয়গী অঙাংশিংদা সাইন্সকী ৱাখল্লোন চেলহন্নবা হোৎনবা হৌরসি হায়না ঐহাক্না ইমুং খুদিংগী মফমদা হায়জরি।

হৌজিক, উবদা ৱানা থোকপগী খুদম অমা লৌরসি, অনোক উপ্লবা মতুংদা ময়েক শেংনা উবা হেনগৎলি, মসিনা করম্বা সাইন্সতা য়ুম্ফম ওইবগে হায়বসি অঙাংশিংদা লায়না তাকপা য়াই। অনোক্তা য়েংদুনা মদুগী নুংঙাইবা অদুখক লৌগদবা নত্তে। অদোম্না, চে মচেৎ অমদা মসিগী মতাংদা অঙাংদা লায়না তাকপা য়াই। হৌজিক, অঙাংশিংনা মোবাইল ফোন শিজিন্নৈকো...কালকুলেতরনা করম্না মথৌ তৌবগে, রিমোৎ কন্ত্রোলনা মথৌ করম্না তৌবগে, সেন্সর হায়বসিনা করিনো তাকপীবা য়াই। মসিগা লোয়ননা, য়ুমদা খন্ন-নৈনবা য়াবা সাইন্তিফিক ওইবা পোৎলম কয়া অমা লৈ। থৌওং অমা থোক্লিবসি করিনা থোকহনবনো হায়বনচিংবা ইমুং অমদা শিজিন্নরিবা পোৎলমশিংগী মতাংদা লৈবা সাইন্সকী মতাংদাব তাকপা য়াই। অদুগা, ঐখোয়না অঙাংশিংগা লোয়ননা থৱানমিচাক য়েংমিন্নবা য়াওরবরা? নুমিদাংগী মতমদা থৱানমিচাক্কী মতাংদা ৱারী শাবা য়াই। কন্সতেল্লেসন তোঙান-তোঙানবা কয়া থোক্লি, মসিগী মরমদা মখোয়দা তাকপা য়াই। ঐখোয়না অসিগুম্বা কয়া পাংথোকপা মতমদা, অঙাংশিংগী মফমদা ফিজিক্স অমসুং এস্ত্রোনোমীগী মতাংদা পুক্নিং চিংশিন্দুনা পামহনবা য়াই। হৌজিক্কান্দি থৱানমিচাক অমসুং গ্রহশিংগী মফম খঙবা য়াবা এপ কয়া অমা লৈরে। অতিয়াদা উবা থৱানমিচাক অদোম্না মশক তাকপীবা য়াই অমসুং মখোয়গী মরমদা খঙদোকপা য়াই। স্তার্ত-অপশিংনা মখোয়গী স্কিল অমসুং সাইন্তিফিক ওইবা মওং-মতৌবু লৈবাক শেম্বগী থৌওংদা শিজিন্নবা য়াই ঐহাক্না মখোয়গী মফমদা হায়গনি। মসিদি ঐখোয় পুম্নমক্না লৈবাক্কী মফমদা লৈবা কলেক্তিব সাইন্তিফিক রেস্পোন্সিবিলিতী অমসু ওইরিবনি। খুদম ওইনা, ঐখোয়গী স্তার্ত-অপশিংনা ভর্চুএল রিএলিতীগী মালেমগী মতাংদা মশক থোকপা থবক তৌবগী ফিভম উবা ফংলি। ভর্চুএল ক্লাসকী হৌজিক্কী মতমসিদা, অসিগুম্বা ভর্চুএল লেব অমবুসু অঙাংশিংগীদমক্তা খল্লগা শেম্বা য়াই। ঐখোয়না অঙাংশিংবু য়ুমদা ফম্না ফম্না ভর্চুএল রিএলিতীগী খুত্থাংদা কেমিস্ত্রীগী লেব অমদা চৎহনবা য়াই। ঐহাক্না ওজা অমসুং মমা-মপা ওইবশিংদা অঙাংশিংদা ৱাহং হংনীংনবা পুক্নিং থৌগৎপীয়ু অমসুং মখোয়গা পুন্দুনা মদুগী পাউখুমসু থীদোকমিন্নৌ হায়না হায়জনীংই। ঙসি, ঐহাক্না ভারতকী সাইন্তিস্তশিংনা কোরোনাগা লান্থেংনবদা লৌরিবা থৌদাংবু থাগৎপা ফোংদোকচগে। মখোয়না কন্না হোৎনবদগী, মালেমদা মশক থোক্না তেংবাংখিবা ভারত্তা শাবা ভেক্সিন পুথোকপা ঙম্লিবনি। মসিদি সাইন্তিস্তশিংনা মীওইবা খুন্নাইদা তম্বা খুদোলনি।

ঐহাক্কী নুংশিরবা লৈবাক মীয়াম, ঐখোয়না হন্দকসু হীরম কয়াগী মতাংদা নৈনরে। লাক্কদৌরিবা মার্চ থাদা কুমহৈ কয়া অমা পরিং নাইনা লৈরে। শিবরাত্রী লৈরে, নুমিৎ খরনিগী মতুংদা ঐখোয়না হলিগীদমক্তা অমুক্কা শেম শাবা হৌরগনি। হোলি হায়বসি ঐখোয় পুম্নমকপু অমত্তা ওইহনবা কুমহৈ অমনি। কুমহৈ অসিদা অনকপা-অরাপ্পা, মীতোপ, অপীকপা অচৌবা, কল্লক-মীহৌবা খুদিংমক মাঙখি। মরম অসিনা, নুংশি চান্নবগী মচুনা হোলিগী মচুশিংদগী হেন্না কল্লি হায়নরিবনি। হোলিগী গুজিয়াগা লোয়ননা, মরীগী মরক্তা তোপ-তোপ্পা ফজবা অমসু লৈরিবনি। ঐখোয়না মরী অসিবু অমুক্কা হেন্না চেৎশিলহনবা তাবনি। মরী অমা হায়বসি ইশাগী ইমুংগী মীওইগী মরক্তা লৈবখক নত্তে, ঐখোয়গী হেন্না চাউরবা ইমুংগী মীওইগী মরক্তা লৈরিবা মরী অসিসু অমনি। মসিবু ঐখোয়না ইন্দুনা চৎনবা খ্বাইদগী মরু ওইবা পাম্বৈ নীংশিংবা তাই। মসিদি, কুমহৈ অসিবু ‘ভোকেল ফোর লোকেল’গী খুত্থাংদা পাংথোকপা অসিবুনি। অদোম্না কুমহৈগী মনুংদা লোকেলগী পোত্থোক লৈগদবনি, অদু ওইরবদি, অদোমগী অকোয়বদা লৈরিবা মীওইশিংগী পুন্সিসু মচুনা থনগনি। ঐখোয়গী লৈবাক অসিনা কোরোনাগা লান্থেংনবদা থেংনরিবা মায় পাকপশিং অসিনা কুমহৈগী হরাও নুংঙাইবসু শরুক য়াম্না হেনগৎহল্লে। অসিগুম্বা ৱাখল্লোনগা লোয়ননা, ঐখোয়না কুমহৈ অসি পাংথোক্কদবনি, অদুগা মান্নবা মতমদা, ঐখোয়না চেকশিনবগী তঙাই ফদবসু লৈ। ঐহাক্না মীয়াম খুদিংবু নুংঙাইরবা হোলিগী কুমহৈগী কুম অমগী য়াইফ পাউজেল পীজরি। ঐহাক্না অদোমগী ৱারোল, চিথি অমসুং পাউতাক মতম পুম্বদা ঙাইদুনা লৈগনি।

পুম্নমকপু থাগৎচরি!

ঐহাক্কী নুংশিরবা লৈবাক মীয়ামদা নমস্কার। ঐখোয়না ঙসিসু ‘মন কী বাত’কী ইপিসোদ অমদা অমুক থেংনরে। মসিনা ইং ২০২২গী অহানবা ‘মন কী বাত’নি। ঐখোয়না অফবা ইথিল অমসুং লৈবাক অমদি লৈবাক মীয়াম্না পুন্না হোৎনমিন্নবা থৌওং কয়াগী মতাংদা ৱারী শাগনি। ঙসি অসি ঐখোয়গী ইকায় খুম্ননীংঙাই ওইরবা বাপু মহাত্মা গান্ধীজীনা লৈখিদবা নুমিৎকী কুমওনসু ওইরি। জনুৱারী ৩০না ঐখোয়দা বাপুজীগী পাউতাকশিংবু নীংশিংহল্লি। ঐখোয়না নুমিৎ খরনিগী মমাংদসু গনতন্ত্রা দিবস নুমিৎ পাংথোকখি। দিল্লীগী রাজপথতা উৎখিবা লৈবাক্কী মথৌনা অমসুং পাঙ্গলগী শক্তমশিংনা মীয়াম খুদিংবু নুংঙাইহনবগা লোয়ননা চাউথোকচহনখি। গনতন্ত্রা দিবস নুমিৎকী থৌরম্না হৌজিক্তি জনুৱারী ২৩, নেতাজী সুভাস চন্দ্র বোসকী মপোক নুমিত্তগী হৌদুনা গান্ধীজীগী লৈখিদবগী কুমওন, জনুৱারী ৩০দা লোইবগী অহোংবা অমা লৈরিবসি অদোম্না উরমগনি। নেতাজীগী দিজিতেলগী মীতম অমসু হৌজিক ইন্দিয়া গেত্তা থম্লে। থৌওং অসিবু লৈবাক মীয়াম্না তরাম্না ওকখিবগী মতৌ, লৈবাক্কী কাচিন কোয়া খুদিংদগী নুংঙাইবগী পাউজেল লাকখিবা, লৈবাক মীয়াম্না হরাও নুংঙাইনখিববু ঐখোয়না কৈদৌনুংদা কাওবা ঙম্লোই।

মরুপশিং, নীংতম্বগী অমৃত মহোৎসবকী মতমসিদা, লৈবাক অসিনা লৈবাক্কী খুদমশিংবু মসিগুম্বা থৌওংগী খুত্থাংদা অমুক্কা হন্না শেমগৎলি। ইন্দিয়া গেতকী মনাক্তা লৈবা ‘অমর জৱান জ্যোতী’ অমসুং ‘নেস্নেল ৱার মেমোরিএল’দা থাল্লিবা জ্যোতীসু হৌজিক পুন্সিনবা ঐখোয়না উরে। অসিগুম্লবা পুক্নিং নুংশিরবা থৌরম অসিদা অথৌবশিংগী ইমুং-মনুংগী মীয়ামগী মিৎলুদগী পীরাং শিনথখি। লৈবাক্না হেক নীংতম্বদগী হৌদুনা লৈবাক্কীদমক্তা থৱাই থাখিবা মীওইশিংগী মমিংবু ‘নেস্নেল ৱার মেমোরিএল’দা হক্তুনা থম্লি। আর্মীদা হান্না লান্মী ওইরম্বা মীওই খরনা ঐহাক্কী ইফমদা অসুম্না হায়দুনা ইরকখি – “মেমোরিএল অসিদা চাক্লিবা ‘অমর জৱান জ্যোতী’ অসি অথৌবশিংগী শিব নাইরোইদবা মতৌগী খুদম্নি”। ‘অমর জৱান জ্যোতী’গা মান্ননা, ঐখোয়গী অথৌবশিং, মখোয়না পীরিবা ইথিল অমসুং মখোয়না শরুক তম্লম্বশিং অসি তসেংনমক শিবা নাইরোই। অদোম্না খুদোংচাবা হেক ফংবগা, ‘নেস্নেল ৱার মেমোরিএল’দা শোইদনা চৎপীয়ু হায়না ঐহাক্না মীয়াম পুম্বগী মফমদা হায়জরি। ইশাগী ইমুং-মনুং অমসুং ইচাশিংবুসু পুদুনা চৎপীয়ু। অদোম্না মফমসিদা তোঙানবা পাঙ্গল অমসুং ইথীল ফংগনি।

মরুপশিং, অমৃত মহোৎসবকী থৌরম পরেংশিংগী মরক্তা, লৈবাক অসিদা মরু ওইবা লৈবাক্কী মনা কয়া অমসু পীরি। মসিগী মনুংদগী অমা ওইরিবদি, প্রধান মন্ত্রী রাস্ত্রিয় বাল পুরস্কারনি। মসিগী মনাশিং অসিদি অঙাংশিংদা মশাগী নৌরিবা চহিদা মথৌনা লৈবা অমসুং ইথিল পীনীংঙাই ওইবা থবক পাংথোকপগীদমক্তা পীবনি। ঐখোয়না ইশাগী য়ুমদসু অসিগুম্বা অঙাংশিংগী মরমদা খঙহনগদবনি। ঐখোয়গী অঙাংশিংনা মসিদগী ইথিল ফংগনি অমসুং লৈবাক্কী মিংচৎ পুরক্নিংনবা ইথিলসু মখোয়গী মনুংদগী থোক্লক্কনি। পদ্মা এৱার্দসু লৈবাক অসিদা হন্দক্তা লাউথোকখ্রে। মীয়াম্না নীংথিনা মশক খঙদবা মীওই কয়া অমা এৱার্দ ফংলে লাউথোকপগী মনুংদা য়াওরি। নোংমগী পুন্সিদা মীয়ামগা মান্নদবা থৌওং পাংথোকপা মীয়াম্না মশক-মতৌ খঙদবা মীওই কয়া অমা লৈবাক অসিদা লৈরি। খুদম ওইনা হায়রবদা, পদ্মা এৱার্দ পীদুনা ইকায় খুম্নরিবী উত্তরাখন্দগী বসন্তী দেবীনা খুদোংচাদবশিংগী মরক্তা মশাগী পুন্সি হিংখি। মশাগী চহি নৌরিঙৈদা মশাগী মপুরোইবা লৈখিদে অমসুং মহাক্না আশ্রমদা লৈবা হৌখি। মফমদুদা লৈদুনা, মহাক্না তুরেল কন্নবা লান্থেংনখি অমসুং ইনভাইরনমেন্তকীদমক্তা মশক থোক্না তেংবাংখি। মহাক্না নুপীশিংবু মপাঙ্গল হাপ্পগী থবক কয়া অমসু পাংথোকখি। মসিগা মান্ননা, মনিপুরগী চহি ৭৭ শুরবী লৌরেম্বম বিনো দেবীসু অমনি। মহাক্না দিকেদ কয়াদগী মনিপুরগী লিবা তেক্সতাইল আর্তপু য়োকখত্তুনা লাকখি। মহাকপুসু পদ্মা এৱার্দ পীদুনা ইকায় খুম্নরি। বাইগা ত্রাইবেল জগোয়বু মীয়ামদা শক খঙহনবগীদমক্তা মধ্য প্রদেশকী অর্জুন সিংহনসু পদ্মা এৱার্দ ফংলি। পদ্মা এৱার্দ ফংলবা অতোপ্পা মীওই অমদি শ্রীমান অমাই মহালিঙ্গা নাইকনি। মহাক অসি করনাতকাগী লৌমী অমনি। মীওই খরনা মহাকপউ তন্নেল মেন হায়না কৌই। মহাক্না লৌউ-শিংউবদা অনৌবা থৌওং পুথোক্লিবশিং উবদা মীওই অমা হেক্তনা অঙকপা ফাওগনি। মহাক্কী হোৎনজমন্দগী অপীকপা লৌমীশিংনা য়াম্না কান্নবা ফংলি। মশাগী শরুক তম্বগীদমক্তা লৈবাক অসিনা ইকায় খুম্নবা মীয়াম্না খঙনদবা মীওই কয়া অমা লৈরি। অদোম্না মখোয়গী মরমদা খঙনবা হোৎনগদবনি। ঐখোয়না ইশাগী পুন্সিদা মখোয়দগী কান্নবা কয়া অমা তম্বা ফংগনি।

ঐহাক্কী নুংশিরবা লৈবাক মীয়াম, অদোম্না খুদিংমক্না অমৃত মহোৎসবকা মরী লৈনবা পাউতাক কয়া য়াওনা ঐহাক্কী ইফমদা চিথি অমসুং ৱারোল কয়া অমা থাবীরক্লি। থৌওংশিং অসিগী মনুংদা ঐহাক্না কাওবা ঙম্লোইদবা থৌদোক অমা থোক্লে। অঙাং করোর অমা হেনবনা ঐঙোন্দা মখোয়গী ‘মন কী বাত’ পোস্তকার্দকী খুত্থাংদা ইরকখি। মসিগী করোর অমা হেনবা পোস্তকার্দশিং অসি লৈবাক্কী তোঙান-তোঙানবা মফমদগী লাকপনি। মখোয়না মীরমদগীসু লাক্লি। ঐহাক্না মসিগুম্বা পোস্তকার্দ কয়া পানবা মতম কায়থোক্নবা হোৎনখি। মসিগী পোস্তকার্দশিং অসিনা ঐখোয়গী লৈবাক্কী অঙাংসিংগী ৱাখল্লোন অমসুং মিৎয়েং অসি কয়া য়াম্না পাক চাউই হায়বা তাক্লি। ঐহাক্না ‘মন কী বাত’ তারিবশিংগীদমক্তা চিথি খরা খন্দোক্লে অমসুং মীয়ামদা পাউদমজগে। মসিগী মনুংদগী অমা ওইরিবসিদি, অসম, গুৱাহাতীদগী রিধিমা স্বরগিয়ারীদগীনি। রিধিমা অসি ক্লাস ৭ কারিবী মহৈরোইনি অমসুং মহাক্না ভারতকী নীংতম্বগী চহি ১০০ ফারকপা মতমদা ভারতপু মালেমগী খ্বাইদগী লু-নানবা, তেরোরিজমগী থৌওংদগী মপুং ফানা নীংতম্বা, ১০০% লিতরেত লৈবাকশিংগী মনুং চনবা, জিরো এক্সিদেন্ত লৈবা অমসুং সস্তেনেবল তেক্নোলোজীগা লোয়নবা ফুদ সেক্যুরিতীগী কেপেবল ওইবা লৈবাক অমা ওইনা উবা পাম্মি হায়রক্লি। রিধিমা, ঐখোয়গী ইচানুপীশিংনা খনবা, মখোয়না লৈবাক্কীদমক্তা মঙজবা মঙলানশিং অসি তসেংনা মঙফাওনবনি। মীয়াম খুদিংনা অমত্তা ওইনা হোৎনমিন্নরবা, অদোমগী চারোন-শুরোন্না পান্দম অসিগীদমক্তা পুন্না হোৎনমিন্নরবা, অদোম্না অপাম্বা ভারত অদু শোইদনা ফংবা ঙমগনি। ঐহাক্না উত্তর প্রদেশকী প্রয়াগ্রাজতগী নব্যা বর্মাদগী পোস্তকার্দ অমা ফংই। ইং ২০৪৭তা মীপুম খুদিংনা নুংঙাই য়াইফবা পুন্সি মহিং হিংবা, লৌমীশিংনা নুংঙাই য়াইফবা অমসুং শেঞ্জা থুমজা অমত্তা লৈতবা ভারত অমগীদমক্তা মহাক্না মঙলান অমা মঙলি হায়না মহাক্না ইরক্লি।

নব্যা, অদোম্না লৈবাক্কীদমক্তা মঙলিবা মঙলান অসি য়াম্না থাগৎনীংঙাইনি। লৈবাক্না মাইকৈ অসিদা য়াম্না কন্না চঙশিল্লি। অদোম্না শেঞ্জা থুমজা লৈতবা ভারতকী ৱারী শারি। শেঞ্জা থুমজানা লৈবাক অমবু শুম্না চাবদৌনা চাথোক্তুনা মনুংদা পুমহাঙ হাঙহল্লি। মসিদগী নীংতম্নবগীদমক্তা করিগীদমক্তা ঐখোয়না ২০৪৭ ফাওবা ঙাইগদৌরিবনো? মসিদি, ঐখোয় লৈবাক মীয়াম্না পুন্দুনা য়ারিবমখৈ থুনা পাংথোক্নবা হোৎনগদবনি অমসুং ঐখোয়না মসিবু ইশাগী থৌদাংনি খন্দুনা খ্বাইদগী লুনা লৌবগী তঙাই ফদবা লৈ। ইথৌদাং খঙলবা, মসিদা খ্বাইদগী মরু ওইবা পীরবদি, শেঞ্জা থুমজানা চঙগে হায়না খনবফাওবা ঙম্লোই।

মরুপশিং, ঐহাক্কী মাঙদা চেন্নাইদগী মোহম্মদ ইব্রাহিম্না থারকপা পোস্তকার্দ লৈরে। ইব্রাহিম্না ভারতপু ইং ২০৪৭তা দিফেন্সকী মতাংদা খ্বাইদগী মপাঙ্গল লৈবা শক্তি অমা ওইনা উবা পাম্মি। ভারতনা থাদা মশাগী রিসর্চ বেজ অমা লৈগদবনি অমসুং মার্স্তা মী তাহন্নবা থবক পায়খৎপসু হৌগদবনি হায়না মহাক্না খল্লি। মালেমবু পোল্ল্যুসন লৈতবা মফম অমা ওইহনবদা ভারতনা মরু ওইবা থৌদাং লৌগদবনি হায়নসু মহাক্না খল্লি। ইব্রাহিম, অদোমগুম্বা নহারোল লৈবা লৈবাক অমগী ওইনদি ওইথোক্তবা অমত্তা লৈরোই।

মরুপশিং, ঐহাক্কী মাঙদা মধ্য প্রদেশকী রাইসেনগী সরস্বতী বাল বিদ্যা মন্দিরদা ক্লাস ১০ তম্লিবী ভাবনানা থারকপা চিথি অমা লৈরে। অহানবমক্তদা, ঐহাক্না ভাবনাদা হায়নীংবদি, অদোম্না মচু অহুম্না পোস্তকার্দ অসিবু লৈতেংলিবা অসি ঐহাক্না য়াম্না পামজৈ। ভাবনা শিরিশ কুমার কৌবা য়াওল্লোইগী মতাংদা ইরক্লি।

মরুপশিং, ঐহাক্না গোৱাগী লোরেন্সিও পেরৈরাদগীসু পোস্তকার্দ অমা ফংলি। মহাক অসি ক্লাস ১২ তম্লবী মহৈরোইনি। মহাক্কী চিথিগী হীরমদি –মশক খঙবীদ্রবা নীংতম্বগী অথৌবশিংনি। ঐহাক্না মসিগী মগুনশিংবু হিন্দিদা পাউদম্লি। মহাক্না ভিকাজী কামা অসি ভারতকী নীংতম ইহৌদা শরুক য়াখিবী খ্বাইদগী মথৌনা লৈবী নুপীনি হায়না ইরক্লি। মহাক্না লৈবাক্কী মনুং অমসুং মপান্দা নুপীমচাশিংবু মপাঙ্গল হাপ্নবা কেম্পেন কয়া পাংথোকখি অমসুং একজিবিসন কয়া শীন লাঙখি। ভিকাজী কামা অসি তসেংনমক নীংতম ইহৌগী খ্বাইদগী থৌনা লৈবী নুপীনি। মহাক্না ইং ১৯০৭তা জর্মনীদা ভারতকী মচু অহুমগী ফিরাল পায়হনখি। মসিগী মচু অহুমগী ফিরাল অসিবু দিজাইন তৌবদা মহাক্কী মতেং পাংখিবসি শ্রী শ্যামজী কৃষ্ণ ভর্মানি। শ্রী শ্যামজী কৃষ্ণ ভর্মানা ইং ১৯৩০দা জেনেভাদা নোঙ্গাখি। ভারতনা নীংতম্বা ফংলবা মতুংদা মহাক্কী উৎপু ভারত্তা পুবীবা হায়বসিনা মহাক্কী পুন্সিগী খ্বাইদগী অরোইবা পামজবা ওইখি। ইং ১৯৪৭তা ভারতনা নীংতম্বা ফংবগী মথংগী নুমিত্তা মহাক্কী উৎ অসি ভারত্তা পুরকফম থোক্লবসু, থৌওং অসি পাংথোকখিদে। মপু ইবুংঙোনা ঐহাকপু মসিগী থবক অসি পাংথোকউ হায়না তম্লম্বরা খল্লি। ইং ২০০৩দা ঐহাক্না গুজরাতকী মুখ্য মন্ত্রী ওইবা মতমদা মহাক্কী উৎপু ভারত্তা পুরকখি। শ্যামজী কৃষ্ণ ভর্মাবু নীংশিংবা ওইনা মহাক্কী পোক্নফম লমদম, কৎচকী মান্দভীদা মেমোরিএল অমসু শারে।

মরুপশিং, নীংতম্বগী অমৃত মহোৎসবকী হরাও নুংঙাইবা অসি ভারত খক্তদা নত্তে। ঐহাক্না ভারতকী নক্নবা মরী লৈনবা লৈবাক, ক্রোএসিয়াদগীসু পোস্তকার্দ ৭৫ ফংখি। ক্রোএসিয়াগী জাগ্রেবতা লৈবা স্কুল ওফ এপ্লাইদ আর্ৎস অমসুং দিজাইনগী মহৈরোইশিংনা ভারতকী মীয়ামদা পোস্তকার্দ ৭৫ থারকখি অমসুং অমৃত মহোৎসবকীদমক্তসু থাগৎপা ফোংদোরকখি। ঐহাক্না লৈবাক মীয়ামগী মাইকৈদগী ক্রোএসিয়া অমসুং মসিগী মীয়াম্বু থাগৎচরি।

ঐহাক্কী নুংশিরবা লৈবাক মীয়াম, ভারত অসি মহৈ-মশিং অমসুং লৌশিংগী শেংলবা মফম অমা ওইদুনা লাক্লি। ঐখোয়না লাইরিক্কী লৌশিংখক্তদা তুংশিন্দুনা লৈখিদে, মসিবু ঐখোয়না থৌওং পুম্নমক মনুং চনবা পুন্সিগী এক্সপেরিএন্স অমনি হায়না লৌই। ঐখোয়গী লৈবাক্কী শক্নাইরবা মীওই কয়ানা মহৈ-মশিংগা নক্নবা মরী লৈনদুনা লাকখি। পন্দিৎ মদন মোহন মাল্বিয়ানা বনারস হিন্দু য়ুনিভর্সিতী লিংখৎখি, মহাত্মা গান্ধীনা গুজরাত বিদ্যাপীথ লিংখৎপদা মরু ওইবা থৌদাং য়াখি। গুজরাতকী আনন্দ কৌবা মফমদা বল্লভ বিদ্যানগর কৌবা নীংথিরবা মফম অমা লৈ। সর্দার পতেলনা হায়বগী মতুং ইন্না, মহাক্কী তেংবাংবা মীওই অনি, ভাই কেকা অমসুং ভিখা ভাইনা মফমসিদা নহারোলগী মহৈ তমফম অমা লিংখৎখি। গুরুদেব রবিদ্রনাথ তেগোরনা নোংচুপ বেঙ্গোলদা শান্তিনিকেতন লিংখৎখি। মহারাজা গাইক্বাদ অসিসু এজুকেসনবু শৌগৎপা মীওই অমনি। মহাক্না মহৈ-মশিংগী ইন্সতিত্যুসন কয়া শাখি অমসুং দাঃ অম্বেদকর অমসুং শ্রী ঔরোবিন্দো য়াওনা হাইয়র এজুকেসনগী মতাংদা শক্নাইরবা মীওই কয়াদা ইথিল পীখি। অসিগুম্বা শক্নাইরবা মীওইশিংগী মরক্তা, রাজা মহেন্দ্র প্রতাপ সিংহজীসু অমনি। রাজা মহেন্দ্র প্রতাপ সিংহজীনা মহাক্কী ময়ুম্বু তেক্নিকেল স্কুম অমা লিংখৎনবগীদমক্তা পীথোকখি। মহাক্না অলিগর অমসুং মথুরাদা এজুকেসন সেন্তরশিং শানবা শেলগী মতেং য়াম্না পীখি। ঐহাক্না মতম খরগী মমাংদা, অলিগরদা মহাক্কী মমিংদা লৈবা য়ুনিভর্সিতী অমগী উরেপ উয়ুং তম্বগী খুদোংচাবা ফংজখি। এজুকেসনগী মঙালবু মীয়ামদা য়ৌহন্নবগী মান্নবা ইথিল অসি ঙসিসু ভারত্তা লৈরি খঙবদা ঐহাক্না য়াম্না নুংঙাইবা ফাওই। মসিগী ৱাখল্লোন অসিগী খ্বাইদগী নুংঙাইবা অসি করিনো খঙবরা? মদুদি, এজুকেসনগী মতাংদা খঙনবা হোৎনবগী থৌওংশিং অসি খুন্নাইগী থাক খুদিংদা উবা ফংবসিনি। তমিল নাদুগী ত্রিপ্পুর জিলাগী উরুমালপেত ব্লোক্তা লৈবা তাইমলজীগী খুদম অসি য়াম্না নুংঙাইবনি। তাইমলজীগী মশাগী লম অমত্তা লৈতে। মহাক্কী ইমুংনা চহি কয়াদগী হৌনা য়ুবী মহী য়োন্দুনা লাকখি। মহাক্কী ইমুং-মনুংগী ফিভম ফৎলমদবা য়াই, অদুবু মহাক্না মচানুপা অমসুং মচানুপীবু মহৈ তম্বা ফংহন্নবা হোৎনবা য়াবা খুদিংমক হোৎনখি। মহাক্কী মচাশিংনা চিন্নাবীরমপত্তী পঞ্চায়ত য়ুনিয়ন মিদ্দল স্কুলদা তম্লি। স্কুলদা নোংমা পাংথোকপা মহৈরোইশিংগী মমা-মপাশিংগী মীফম অমদা ক্লাসরুম অমসুং স্কুলগী ফিভম অসি ফগৎহনবগী মথৌ তাই, স্কুলগী ইনফ্রাস্ত্রকচর শেমজিনবগী মথৌ তাই হায়বা ৱারেপ লৌখি। তাইমলজীসু মীফমদুদা শরুক য়াখি। মহাক্না পুম্নমক তাখি। মান্নবা মীফম অসিদা শেলগী মতাং লাকপদগী হীরম অসিগী মতাংদা খন্ন-নৈনবশিং ঙৈহাক লেপখি। মসিগী মতুংদা তাইমলজীনা পাংথোকখিবসি কনা অমত্তনা থাজরোই। য়ুবী মহী য়োন্দুনা শেল খরা তাশিনবা ঙম্লবা তাইমলজীনা স্কুল অসিগীদমক্তা লুপা লাখ ১ তেংবাংখি।

মসিগুম্বা থবক পাংথোক্নবা চাউরবা থম্মোই অমসুং ইশাগী থৌদাং খঙবগী মথৌ তাই। তাইমলজীনা হায়বদা স্কুল অসিদা ক্লাস ৮ ফাওবতং লৈ। অদুবু, স্কুলগী ইনফ্রাস্ত্রকচর ফগৎলক্লবদি, হাইয়র এজুকেসনসু লৈরক্কনি। ঐহাক্না লৈবাক্কী এজুকেসনগী মতাংদা শারিবা ৱারী অসি মসিগী মান্নবা ৱাখল্লোন অসিগী মতাংদনি। আই.আই.তি. বি.ঐচ.য়ু.গী এলম্নসনা মান্নবা তেংবাং পাংথোকপগী মতাংদসু ঐহাক্না খঙবা ঙম্লে। বি.ঐচ.য়ু.গী এলম্নস, জয় চৌধুরীনা আই.আই.তি. বি.ঐচ.য়ু. ফাউন্দেসনগীদমক্তা দোল্লর মিলিয়ন অমা, হায়বদি লুপা করোর তরেত মখায়, তেংবাংখি।

মরুপশিং, ঐখোয়গী লৈবাক অসিদা তোঙান-তোঙানবা হীরমদা লৈবা অমসুং অতোপ্পগী তেংবাংদুনা খুন্নাইগীদমক্তা লৈরিবা মশাগী মথৌদাং পাংথোকপা পাম্বা মীওই কয়া অয়া লৈ। হাইয়র এজুকেসনগী লমদা, মরু ওইনা তোঙানবা আই.আই.তি.শিংদা অসিগুম্বা থৌওং কয়া লেপ্তনা চত্থবা অসিদা ঐহাক্না য়াম্না নুংঙাইবা ফাওই। অসিগুম্বা ইথিল পীবা থৌওংশিং অসি সেন্ত্রেল য়ুনিভর্সিতীশিংদসু অৱাৎপা লৈতে। অসিগুম্বা থৌওংশিংবু হেন্না খুমাং চাউশিলহন্নবগীদমক্তা মমাংগী সেপ্তেম্বরদগী হৌদুনা লৈবাক অসিদা বিদ্যাঞ্জলী অভিয়ান হৌদোকখ্রে। মসিগী পান্দমদি তোঙানবা লুপ, সি.এস.আর. অমসুং প্রাইভেত সেক্তরনা শরুক য়াদুনা লৈবাক শিনবা থুংবগী এজুকেসনগী মগুন ফগৎহনবনি। বিদ্যাঞ্জলী অসিনা খুন্নাইনা শরুক য়াবা অমসুং থৌদাং লৌবগী ইথিল হেনগৎহল্লি। অদোমগী স্কুল, কোলেজকা নক্ননা লৈদুনা ইশাগী অঙম্বা খরা তেংবাংবদা ফাওবদা নুংঙাইবা অসিদি থৌওং অসি পাংথোক্লবা মতুংদতা খঙবা ঙমগনি।

ঐহাক্কী নুংশিরবা লৈবাক মীয়াম, মহৌশাবু নুংশিবা অমসুং থৱাই পানবা খুদিংগী নুংশিবা ফাওবা অসি ঐখোয়গী চৎনবী অমসুং নুংদা য়াওজরবা গুন অমনি। মধ্য প্রদেশকী পেঞ্চ তাইগর রিজর্বতা কৈ অমোম অমা লৈখিদবা মতমদা মসিগুম্বা ৱাখল্লোন অসি হন্দক্তা উবা ফংখি। মীয়াম্না মসিগী কৈ অমোম অসিবু কোল্লার্দ তাইগ্রেস হায়না কৌই। ফোরেস্ত দিপার্তমেন্তনসু মসিবু তি-১৫ হায়না মিংথোল্লি। কৈ অমোম অসি লৈখিদবদা মীওই কয়া অমগী মথৱাই নূংঙাইহনখিদে, মশাগী কনা গুম্বা অমা লৈখিদবগুম্না ফাওনখি। মীয়াম্না মহাক্কী অরোইবা মথৌ-মঙম্বু ইকায় খুম্নবগা লোয়ননা পাংথোকখি। অদোম্না মসিগী ফোতোশিংবু সোসিএল মীদিয়াদা উরম্বসু য়ারে। ভারতনা মহৌশা অমসুং থৱাই পানবশিংবু নুংশিবগী মতৌবু মালেম শিনবা থুংবনা থাগৎনখি। কোল্লার্দ তাইগ্রেস অসিনা হিংলিঙৈদা মচা ২৯ পোক্লমখি অমসুং ২৫বু মপুং মরৈ ফানা চাউহল্লমখি। তি-১৫না মালেমসিবু থাদোক্তুনা চৎখিবা মতমদা ঐখোয়সু মহাক্কী মপুন্সিগী নুংঙাইবা ফোংদোকখি। ঐখোয়নসু থম্মোই শেংনা বিদাই পীখি। মসি ভারতকী মীয়ামগী তোপ তোপ্পা মগুন্নি। ঐখোয়না থৱাই পানবা জিব খুদিংগী নুংশিনবগী মরী অমা শাগৎলি। ঐখোয়না মান্নবা মতৌ অমা গনতন্ত্রা দিবস নুমিৎকী পেরেদতা উবা ফংখি। পেরেদ অসিদা রাস্ত্রপতিগী বোদীগার্দকী চার্জর মাউন্ত, বিরাতনা মহাক্কী খ্বাইদগী অরোইবা পেরেদ ওইনা শরুক য়াখি। বিরাত হায়রিবা শগোল অসি ইং ২০০৩দা রাস্ত্রপতি ভবন্দা লাকখিবনি অমসুং গনতন্ত্রা দিবস নুমিৎ খুদিংদা মহাক্না কম্মান্দেন্ত ইন চার্জ ওইনা লুচিংদুনা লাকখিবনি। মীরম লৈবাক্কী মকোক থোংবা মীওই অমবু রাস্ত্রপতি ভবন্দা তরাম্না ওকপা মতমদা বিরাতনা মসিগী থৌদাং অসি পাংথোকপনি। হন্দক্কী চহিগী আর্মী নুমিত্তসু বিরাতকী মফমদা আর্মী চীফনা সি.ও.এ.এস. কম্মেন্দেসন কার্দ পীখিবনি। বিরাতকী মশক থোক্লবা সেবাগীদমক্তা মহাক্কী ফেয়রৱেলগী মতুংদা মহাক্কী মফমদা মান্নবা ইকায় খুম্নবগা লোয়ননা বিদাই পীখিবনি।

ঐহাক্কী নুংশিরবা লৈবাক মীয়াম, থম্মোই শেংনা হোৎনবগা লোয়ননা ৱাখল চুম্না থবক অমা পাংথোকপা মতমদা মদুগী মহৈসু নীংথিবা ওই। মসিগী চুনরবা খুদম অমা অসমদগী লাক্লি। অসমগী মিং হেক পনবগা চা মনা থাবা অমসুং নেস্নেল পার্ক কয়া অমা ৱাখলদা লাকই। মসিদা নত্তনা, মচি অমা পানবা রাইনোসেরোসকী শক্তমসু ৱাখলদা লাকই। মচি অমা পানবা রাইনো অসিনা মতম পুম্বদা অসমগী চৎনবীগী শরুক ওইদুনা লাক্লিবসি অদোম্নসু খঙনরে। ভারত রত্না ভুপেন্দ্র হজারিকাগী ঈশৈ অসি মীপুম খুদিংগী নাকোঙদা নিল্লগনি।

#Song byte

মরুপশিং, ঈশৈ অসিগী ৱাহন্থোক অসি য়াম্না মতাং চাবনি। কাজিরঙ্গগী অশঙ-অমান্না থল্লবা অকোয়বা, শমু অমসুং কৈগী লৈফম, পৃথিবীনা মচি অমা পানবা রাইনোবু য়েংলি অমসুং উচেক্কী খোঞ্জেলবু তারি হায়না ঈশৈ অসিনা হায়রি। রাইনোগী শক্তম অসি মালেমদা মমিং লৈবা অসমগী হেন্দলুমগী পোত্থোক ওইরিবা মুঙ্গা অমসুং ইরি ফিজোলশিংদা উবা ফংই। অসমগী চৎনবীদা শক্নাইরবা থৌদাং য়ারিবা রাইনোশিংনা খুদোংচাদবসু নংলি। ইং ২০১৩দা রাইনো ৩৭ অমসুং ইং ২০১৪দা ৩২বু পোচরশিংনা হাৎপীখি। মসিগী শিংনবা অসিবু মাইয়োক্ননবগীদমক্তা, অসম সরকারনা অখন্ননা হোৎনবগা লোয়ননা মমাংগী চহি ৭তা রাইনোসেরোসশিংবু হাত্তোক্তুনা শেল তানবগী মাইয়োক্তা চাউরবা কেম্পেন অমা চত্থখি। স্মগ্লরশিংদগী ফাগৎখিবা রাইনো মচি ২৪০০ হেনববু মমাং চহিগী সেপ্তেম্বর ২২, মালেমগী রাইনো নুমিত্তা মৈ থাদোকখি। মসিনা পোচরশিংদা অহকপা চেকশিনৱা অমা তাকখি। অসিগুম্বা থৌওংশিং অসিগী মহোই ওইনা হৌজিক্তি অসমদা রাইনো হাৎপগী চাংনা তপ্না হন্থরক্লি। ইং ২০১৩দা রাইনো ৩৭ হাৎখিবগা চাংদমনবদা ইং ২০২০দা ২ অমসুং ইং ২০২১দা ১খক হাৎখিবগী ফিভম উবা ফংখি। অসমগী মীয়াম্না রাইনো কনবগী অসিগুম্বা ৱারেপ অসিবু ঐহাক্না থাগৎলি।

মরুপশিং, ভারতকী তোঙান-তোঙানবা মচু অমসুং ভারতকী চৎনবীগী স্পিরিচুএলগী পাঙ্গলনা মালেমগী মফম শিনবা থুংবগী মীওইশিংগী মতম পুম্বদা পুক্নিং চিংশিন্দুনা লাক্লি। করিগুম্বা ঐহাক্না ভারতকী চৎনবী অসি অমেরিকা, কেনাদা, দুবাই, সিঙ্গাপোর, নোংচুপ য়ুরোপ অমসুং জাপান্দা য়াম্না পাম্নৈ হায়বা মতমদা অদোম্না করিসু ঙক্লোই। অদুবু, করিগুম্বা ঐহাক্না ভারতকী চৎনবী অসি লেতিন অমেরিকা অমসুং খা অমেরিকাদা য়াম্না পাম্নৈ হায়রবদি অদোম্না শোইদনা অঙকপা ফাওগনি অমসুং চুম্বরা হায়না খনগনি। মেক্সিকোদা খাদি খুমাং চাউশিলহনবা নত্ত্রগা ব্রাজিলদা ভারতকী চৎনবীবু মমিং চৎহন্নবা হোৎনবা ওইরো, ঐখোয়না হীরম অসিগী মতাংদা মমাংগী ‘মন কী বাত’তা নৈনখ্রে। ঙসিদি, ভারতকী চৎনবীনা অর্জেন্তিনাদা মমিং চৎলকপগী মতাংদা ঐহাক্না ৱাফম খরা থমজগে। ঐখোয়গী চৎনবী অসি অর্জেন্তিনাদা য়াম্না পাম্নৈ। ইং ২০১৮গী ঐহাক্কী অর্জেন্তিনাগী খোঙচত্তা ঐহাক্না য়োগগী থৌরম অমদা (য়োগ ফোর পীস) শরুক য়াখি। অর্জেন্তিনাদা হস্তিনাপুর ফাউন্দেসন কৌবা সংস্থান অমা লৈ। মসিগী সংস্থান অসিনা ভারতকী বেদগী চৎনবীবু অর্জেন্তিনাদা খুমাং চাউশিলহন্নবা থবক পায়খৎলি তাবদা অদোম্না ঙক্না থোক্কনি। সংস্থান অসি চহি ৪০গী মমাংদা প্রোফেসর ঐদা অল্ব্রেক কৌবী নুপী অমনা হৌদোকখিবনি। প্রোফেসর অল্ব্রেক অসি ঙসি চহি ৯০ শুরগনি। মহাক্কা ভারতকা মতৌ করম্না মরী লৈনরকখিবগে হায়বসিসু য়াম্না নুংঙাইবা ৱারীনি। মহাক্না চহি ১৮ শুবা মতমদা মহাক্কী মফমদা ভারতকী নাৎকী মপাঙ্গলগী মশক তাকখি। মহাক্না ভারত্তা মতম য়াম্না কুইনা লৈরমখি। মহাক্না ভগদবদ গীতা অমসুং উপানিশদপু য়াম্না কুপ্না নৈনখি। ঙসিদি, অর্জেন্তিনা অমসুং লেতিন অমেরিকাগী অতোপ্পা লৈবাকশিংদা হস্তিনাপুর ফাউন্দেসনগী মেম্বর মশিং ৪০,০০০ হেন্না  অমসুং ব্রাঞ্চ চাউরাক্না ৩০ লৈরে। হস্তিনাপুর ফাউন্দেসন্না বেদ অমসুং ফিলোসোফীগী লাইরিক ১০০ হেন্না স্পেনিশ লোলদা ফোঙখ্রে। মহাক্কী আশ্রম অসিসু য়াম্না পুক্নিং হুবা মফম্নি। আশ্রম অসিদা লাইশঙ ১২ শারি অমসুং মসিদা লাই অমসুং লাইরেম্বী কয়াগী মীতম লৈ। মফমসিগী ময়াইমক্তদসু অদবেতৱাদি ধ্যানগীদমক্তা শাবা লাইশঙ অমসু লৈরি।

মরুপশিং, অসিগুম্বা খুদম চা কয়ানা ঐখোয়গী চৎনবী অসি ঐখোয়গীখক নত্তনা মালেম শিনবা থুংবগী মমল নাইদ্রবা হেরিতেজনি হায়না তাক্লি। মালেম শিনবা থুংবগী মীয়াম্না মসিগী মরমদা খঙবা অমসুং মসিগী মতৌদা হিংবা পাম্মি। ঐখোয়না ইশাগী থৌদাং নীংথিনা মশক খঙদুনা ঐখোয়গী চৎনবীগী হেরিতেজ অসিবু ইশাগী পুন্সিগী শরুক অমা ওইহন্নবা হোৎনগদবনি অমসুং অতোপ্পা মীওইদসু মসিগী মতাংদা খঙহনগদবনি।

ঐহাক্কী নুংশিরবা লৈবাক মীয়ামশিং, ঐহাক্না অদোমগী মফমদা, মরু ওইনা নহারোলশিংগী মফমদা ৱাহং অমা হংবা পাম্মি। অদোম্না অমুক্তদা বুক্তন কয়া ইনবা ঙম্মি হায়বা অমুক্তা খঞ্জৌ। ঐহাক্না হায়গদৌরিবা অসিনা অদোম্বু শোইদনা অঙকপা ফাওহনগনি। থৌনাওজম নিরঞ্জোই সিংহ, মনিপুরগী চহি ২৪ শুরবা নহা অসিনা মিনিৎ অমদা বুক্তন ১০৯লক ইন্দুনা রেকোর্দ অমা থমখ্রে। মহাক্না মমাংদসু, খুৎ অমা শিজিন্নদুনা খ্বাইদগী য়াম্বা নক্কল পুশ-অপ তৌবগী রেকোর্দ অমা থমখ্রবনি অমসুং রেকোর্দ অমবু থুগাইবা অসি মহাক্কী ওইনা য়াম্না অরুবা নত্তে। নিরঞ্জোয় সিংহনা অদোম্বু ইথিল শোইদনা পীগনি অমসুং হকচাং ফনা লৈববু অদোমগী পুন্সিগী শরুক অমা ওইহনগনি হায়বগী ঐহাক্না থাজবা থম্মি।

মরুপশিং, অদোম্না খঙবদা চাউথোকচগদবা ৱাফম অমা ঐহাক্না লদাখকী মতাংদা তমগে। লদাখতা অথুবা মতমদা অফবা ওপন সিন্থেতিক ত্রেক অমসুং এফ্রো তর্ফ ফুতবোল স্তেদিয়ম অমা লৈরগনি। স্তেদিয়ম অসি ফীত ১০,০০০ হেন্না ৱাংবা মফমদা শাগনি অমসুং য়াম্না থুনা শাবা লোইশিল্লগনি। মসিনা মীওই ৩০,০০০ চনবা লদাখকী খ্বাইদগী চাউবা ওপন স্তেদিয়ম ওইরগনি। মসিগী মতমগা চুনবা লদাখকী স্তেদিয়ম অসিদা লেন ৮গী সিন্থেতিক ত্রেক অমসু লৈগনি। মসিদা নত্তনা, মসিদা ফমুং ১০০০ লৈবা হোস্তেলগী খুদোংচাবসু লৈগনি। মসিগী স্তেদিয়ম অসি মালেমগী ফুতবোলগী খ্বাইদগী চাউবা ওর্গনাইজেসন, ফিফানসু সর্তিফাই তৌরে হায়বসি তানীংলমগনি। অসিগুম্বা শান্ন-খোৎনবগী ইনফ্রাস্ত্রকচর লৈরকপা মতমদা, লৈবাক্কী নহাশিংদা শান্ন-খোৎনবগী খুদোংচাবা কয়া অমসু পুদুনা লাকই। মসিগী খুদোংচাবা অসিগী মথক্তা, লৈবাক খুদিংগী মীয়াম্না মসিদা শরুক য়াশিল্লি অমসুং মসিনা তুরিজম্বুসু খুমাং চাউশিনহল্লি অমসুং থবক কয়া অমসু অমুক্কা লৈহল্লি। স্তেদিয়ম অসিনা লদাখকী মীওই কয়াদা কান্নবা পীগনি।

ঐহাক্কী নুংশিরবা লৈবাক মীয়াম, হন্দক্কী মতাংসিদসু ঐখোয়না ‘মন কী বাত’ অসিদা হীরম কয়াগী মতাংদা নৈনরি। মীপুম খুদিংগী ৱাখলদা হৌজিক লৈরিবা হীরম অমগসু লৈরি অমসুং মদুদি কোরোনানি। ভারতনা কোরোনাগী অনৌবা ৱেব অসিগা মায় পাক্না লান্থেংনরি অমসুং হৌজিক ফাওবদা, অঙাং করোর মরি মখায়দা কোরোনাগী ভেক্সিনগী দোজ কাপখ্রে হায়বসি য়াম্না চাউথোকচনীংঙাইনি। মসিনা হায়বদি, চহি ১৫দগী ১৮ ফাওবগী মীশিং কাঙলুপকী নহা ৬০%না চয়োল অহুমদগী মরিগী মনুংদা ভেক্সিন কাপখ্রে হায়বনি। মসিনা ঐখোয়গী নহাশিংবু কোরোনাদগী ঙাকথোকপদা নত্তনা মশাগী মহৈ-মশিং তম্বসু মখা তানা চত্থহনবা য়ারগনি। অতোপ্পা নুংঙাইবা পাও অমনা, নুমিৎ ২০নিগী মনুংদা মীওই করোর অমনা প্রীকোসন দোজসু কাপখিবা অসিনি। ইশাগী লমদমসিদা পুথোকচবা ভেক্সিন্দা লৈবাক মীয়াম্না অসুক য়াম্না থাজবা থম্বা অসিনা ঐখোয়গী অনৌবা পাঙ্গলনি। হৌজিক্তি, কোরোনা শন্দোকপগী চাংসু হন্থরক্লে, মসি য়াম্না ফবা খুদম অমনি। মীয়াম খুদিংনা তেক্ত-কায়দবা, শেন্মিৎলোনগী থবক্কী খোঙজেল শোক্তবা হায়বসি লৈবাক মীয়াম খুদিংনা পাম্নবা ৱাফম্নি। ঐহাক্না ‘মন কী বাত’তা পন্দনা তোক্তবা ৱাফম খরা লৈ হায়বসি অদোম্নসু খঙনরিবনি। খুদম ওইনা হায়রবদা, ঐখোয়না ‘স্বচ্ছতা অভিয়ান’বু কৈদৌনুংদা কাওরোইসি; সিঙ্গল য়ুজ প্লাস্তিক্কী মাইকৈদা চত্থরিবা কেম্পেন হেন্না খুমাং চাউশিলহনসি; ভোকেল ফোর লোকেল হায়বসি ঐখোয়গী থৌদাংনি; ঐখোয়না আত্মানির্ভর ভারতকীদমক্তা থৱাই য়াওনা হোৎনগদবনি হায়বশিং। ঐখোয়না মতৌ অসুম্না হোৎনমিন্নবগা লোয়ননা, লৈবাক অসিনা চাউখৎপগী অনৌবা থাক্তা য়ৌগদৌরিবনি। ৱাফম অসিগা লোয়ননা ঐহাক্না মীয়ামদগী কায়নবগী য়াথং লৌজরি। মীয়াম খুদিংবু থাগৎচরি।

ঐহাক্কী নুংশিরবা লৈবাক মীয়ামশিংবু খুরুমজরি। অদোম্না হৌজিক ২০২১বু বিদায় পীদুনা ২০২২বু তরাম্না ওক্নবা শেম শাদুনা লৈনরমগনি। অনৌবা চহি লাকপদা, মীওই খুদিং, লুপ খুদিংনা লাক্কদৌরিবা চহিসিদা হান্নদগী হেন্না ফবা ওইগে অমসুং পাংথোক্কে হায়বা ৱারেপ লৌনৈ। মমাংগী চহি ৭তগী ‘মন কী বাত’নসু লৈবাক, খুন্নাই অমসুং মীওই অমমমগী অফবা থৌওংশিং পুথোক্তুনা ঐখোয় খুদিংদা হেন্না অফবা তৌনবা অমসুং ফগৎহন্নবা হোৎনবগী ইথিল পীদুনা লাক্লি। মসিগী চহি ৭ অসিদা ঐহাক্না ‘মন কী বাত’ পাংথোক্লিঙৈদা সরকারগী মাই পাকপশিংগী মতাংদা ৱারী শারম্বা য়াই, অদোম্নসু মসিবু পাম্লমগনি;  য়াম্না থাগৎলমগনি! মিদিয়াগী মিৎয়েং, পাউচেগী হেদলাইন্দগী লাপ্না লৈদুনা শিংথানীংঙাই ওইবা থবক পাংথোকপা মীওই মিলিয়ন কয়া অমা লৈ হায়বসি ঐহাক্না দিকেদ কয়াদগী থেংনরক্লিবা থবকশিংদগী খঙখ্রে। মখোয়না হয়েংগী য়াইফনবগীদমক্তা মখোয়গী ঙসিবু কত্থোক্লি। লৈবাক অসিগী হৌরক্কদৌরিবা চারোন-শুরোনশিংগীদমক্তা, মখোয়না ঙসি মথৌ চিনহল্লি। অসিগুম্বা মীওইগী ৱারী শাবসি য়াম্না নুংঙাই, অরুবা ইথিল অমা পী। ঐহাক্কী ওইনদি, ‘মন কী বাত’ অসি অসিগুম্বা মীওইশিংগী হোৎনবা কনবনা থল্লবা নীংথিরবা লৈকোল অমা মতম পুম্বদা ওইরি অমসুং ঐহাক্না মন কী বাত’ অসিদা থা খুদিংগী হোৎনরিবা অসিদি লৈকোল অসিদগী করম্বা লৈনাবু অদোমগীদমক্তা খনসিগে হায়বসিনি। ঐখোয়গী লৈবাক্কী মমল নাইদ্রবা গুনগী লনশিং অসিদগী অফবা থৌওংশিংনা লেপ্তনা চেন্থবা অসিদা ঐহাক্না য়াম্না নুংঙাইজৈ। অদুগা ঙসি লৈবাক অসিনা নিংতম্বগী অমৃত মহোৎসব পাংথোক্লিবা অসিদা ঐহাক্না পনখ্রিবা জনশক্তি, মীওই খুদিংগী পাঙ্গল, মখোয়না হোৎনজরিবা, শুবা-নোম্বা কল্লীবা অসিনা ভারত অমসুং মীওইবা খুন্নাইগীদমক্তা য়াইফরবা হয়েং অমা শোইদনা লৈহল্লগনি।

মরুপশিং, মসিদি মীয়ামগী পাঙ্গলনি, মীয়াম্না পুন্না হোৎনমিন্নবদগী ভারতনা চহি ১০০গী মনুংদা লাকপা খ্বাইদগী চাউবা লাইচৎ অসিগা লান্থেংনবা ঙম্লিবনি। ঐখোয়না লুরবা তাঞ্জা খুদিংদা ইমুং-মনুং অমগুম্না অমত্তা ওইনা লেপমিন্নখি। লৈকায় অমদা নত্ত্রগা শহর অমদা লৈবা অতোপ্পা মীওই অমগী তেংবাংগীদমক্তা মীওই খুদিংনা মখোয়না পাংথোকপা ঙম্বগী চাংদগী হেন্না পাংথোক্নখি। ঐখোয়না ভারতকী ভেক্সিন কাপ্পগী মশিংগা মালেমগী মশিংগা চাংদম্নবা মতমদা, লৈবাক অসিনা মমাংদা অমুক্তা পাংথোকখিদ্রিবা থৌওং অমা পাংথোকপগুম ফাওই। কয়াদা চাউবা পান্দম অমা ফংখ্রিবনো! ভেক্সিন দোজ মিলিয়ন ১৪০ হেনবা অসি ভারত মচা খুদিংগী মাই পাকপনি। মসিনা ভারত মচা খুদিংনা পথাপসিদা, সাইন্স অমসুং সাইন্তিস্তশিংদা থাজবা থম্ববু উৎপদা নত্তনা খুন্নাইগীদমক্তা পাংথোকফম থোকপা থৌদাং য়ারিবা ঐখোয় ভারত মচাশিংগী ৱাখল চেতপগী খুদম অমসু ওইরি। অদুবু মরুপশিং, কোরোনাগী অনৌবা ভেরিএন্ত অমনা থোংজিন্দা থিল্লক্লবনি হায়বসু ঐখোয়না কাওরোইদবনি। মালেমগী লাইচৎ অসিবু মাইথীবা পীনবা ঐখোয়না নাগ্রিক অমা ওইনা পাংথোকপা ইথৌ অসি য়াম্না মরু ওই হায়বসি ঐখোয়না মমাংগী চহি ২দা থেংনদুনা খঙলবনি। ঐখোয়গী সাইন্তিস্তশিংনা মসিগী ওমিক্রোন হায়রিবা অনৌবা ভেরিএন্ত অসিবু লেপ্তনা থিজিল্লি। মখোয়না নুমিৎ খুদিংগী অনৌবা দেতা ফংলি, মখোয়গী পাউতাকশিংদা থবক পাংথোক্লি। অসিগুম্বা ফিভম অসিদা, ইশানা খঙনা চৎপা, ইশাগী লিচৎ লাকশিনবনা লৈবাক্না কোরোনাগী অনৌবা ভেরিএন্ত অসিগা মাইয়োক্নবা ঙম্বগী পাঙ্গল ওইগনি। অসিগুম্বা ঐখোয় পুনবগী পাঙ্গল অসিনা কোরোনাবু মাইথীবা পীগদৌরিবনি, মসিগী ইথৌদাংগী ৱাখল্লোন অসিগা লোয়ননা ঐখোয়না ২০২২দা খোঙ থাংজিনগদবনি।

ঐহাক্কী নুংশিরবা লৈবাকমচাশিং, ভগবান শ্রী কৃষ্ণনা মহাভারতকী লনফমদা অর্জুন্দা অসুম্না হায়খি – ‘নভহ স্প্রিশম দীপ্তম’। মসিনা হায়বদি, চাউথোকচবগা লোয়ননা অতিয়াবু শোকউ হায়বনি। ৱাফম অসি ইন্দিয়ন এয়র ফোর্সকী মোতোসু ওইরি। মা ভারতগী সেবা তৌরিবা পুন্সি কয়ানা চাউথোকচবগা লোয়ননা নুমিৎ খুদিংগী ৱাংলবা অতিয়াদা পাইরি; মখোয়না ঐখোয়দা পরা কয়া অমা তম্বীরি। গ্রুপ কেপ্তেন বরুন সিংহগী পুন্সিসু অসিগুম্বা পুন্সি মখল অমনি। থা অসিদা তমিল নাদুদা খুদোংথীবা থোকখিবা হেলিকোপ্তর অদু বরুন সিংহনা পাইখিবনি। খুদোংথীবা থৌদোক অদুদা ভারতনা লৈবাক্কী অহানবা সি.দি.এস., জেনেরেল বিপিন সিংহ রাৱৎ অমদি মহাক্কী লোয়নবীগা লোয়ননা অতোপ্পা অথৌবা খরগী পুন্সি মাঙখি। বরুন সিংহনা অশিবগা নুমিৎ কয়ানি লান্থেংনখি, অদুবু মহাকসু ঐখোয়বু থাদোক্তুনা চৎখি। বরুন্না হোস্পিতালদা লৈরম্বা মতমদা, ঐহাক্কী থম্মোই শোকহনখিবা করিগুম্বা অমা ঐহাক্না সোসিএল মীদিয়াদা উখি। হন্দক্কী চহিগী ওগস্ত অসিদা মহাক্কী মফমদা শোর্য়া চক্র পীখিবতা ঙাইরিবনি। মহাক্না অসিগুম্বা ইকায় খুম্নবগী থৌওং অসিগী মতুংদা মহাক্কী স্কুলগী প্রিন্সিপালদা চিথি অমা ইরমখি। চিথি অসি পারুরবা মতুংদা, মহাক্না মাই পাকপগী অসিগুম্বা থাক অসি য়ৌরবা ফাওবদা মহাকপু শেম্বীরকখিবা মহাক্কী স্কুলবু খক কাওখিদে হায়বসি ঐহাক্কী ৱাখলদা লাকপা অহানবা ৱাফম্নি। অনিশুবদা, মহাক্না নুংঙাইবা ফোংদোকপগী মতম ফংবা মতমদা, মহাক্না লাক্কদৌরিবা চারোন শুরোনগীদমক্তা খনখি। মহাক্কী স্কুলদা তম্লিবা মহৈরোইশিংগী পুন্সিশিংসু নুংঙাইবা ফোংদোকফম থোকই হায়না মহাক্না খনখি। মহাক্না মথৌনাদা নাপল কাখিদে, মদুগী মহুত্তা মহাক্কী মাইথীখিবশিংগী মতাংদা ওইনা পনখি। মহাক্কী অশোনবশিংবু মহাক্না খুদোংচাবদা করম্না ওন্থোকখিবগে হায়না মহাক্না ইখি। মহাক্কী চিথিগী শরুক অমদা মহাক্না অসুম্না ইখি, “ময়াইগী থাক্তা লৈবসি করিসু কায়দে। মীওই খুদিংনা স্কুলদা মীথোই মীহেল্লোই অমসুং মীওই খুদিংনা ৯০গী চাংদা মার্ক ফংবা ঙম্লোই। করিগুম্বা ঙম্লবদি, মদু য়াম্না শিংথানীংঙাই ওইবা মাই পাকপনি অমসুং থাগৎফম থোকই। অদুবু করিগুম্বা ঙমদবা থোক্লবদি, নহাক অসি ময়াইগী থাক্তা লৈগদবনি হায়না কৈদৌনুংদা খনগনু। নহাক্না স্কুলদা ময়াইগী থাক্তা লৈবা য়াই, অদুবু মদুনা নহাক্কী তুংগী পুন্সিগী চাং ওনগদবা নত্তে। অদোমগী অপাম্বা খঙদোকউ – মদুনা আর্ত, ম্যুজিক, গ্রাফিক দিজাইন নত্ত্রগা লিতরেচরনচিংবা ওইবা য়াই। নহাক্না তৌবা খুদিংদা পুকচেল শেংউ, খ্বাইদগী ফনা তৌ। ঐনা খরা হেন্না হোৎনরমগদবনি খল্লগা ফমুংদা তুম্বা কৈদৌনুংদা চঙগনু”।

মরুপশিং, চাংচৎকী চাংদা লৈবদগী থোইদোক হেন্দোকপগী চাংদা য়ৌনবা মহাক্না পীরিবা মন্ত্র অসিসু চপ মান্ননা মরু ওই। মহাক্কী চিথিদা মহাক্না অসুম্নসু ইরম্মি –

“কৈদৌনুংদা নিংহন্নবা তৌগনু। অদোমগী অপাম্বা অদুদা ফজনা তৌবা ঙমদ্রে হায়না কৌদৌনুংদা খনগনু। মদু লায়না লাক্লোই, মতম অমসুং কত্থোকপা কয়া চঙগনি। ঐহাক অসি ময়াইগী চাংদা লৈরম্মি, অদুবু ঙসিদি, ঐহাক্কী কেরিয়রদা অরুবা মাইলস্তোন কয়া ইয়ৌরে। ক্লাস ১২ বোর্দকী মার্ক্না অদোম্না পুন্সিদা ফংবা ঙম্বা ফিদম লেপকনি হায়না কৈদৌনুংদা খনগনু। ইশাদা থাজবা থম্মু অমসুং মদুগীদমক্তা হোৎনৌ”।

মহাক্না মহৈরোই অমখক ওইরবসু ইথিল পীবা ঙম্লবদি, মদু য়াম্না চাউবা মাই পাকপা অমনি হায়না মহাক্না ইরমখি। অদুবু, ঐহাক্না ঙসি হায়নীংবদি মহাক্না লৈবাক পুম্বদা ইথিল পীরে হায়বসিনি। মহাক্কী চিথিনা মহৈরোইশিংগী মতাংদা খক্তা পনবা ওইরবসু, মহাক্না ঐখোয়গী খুন্নাই পুম্বদা ৱারোল অমা পীরম্লবনি।

ঐহাক্না চহি খুদিংগী মহৈরোইশিংগী পরিখা লাকপা মতমদা মখোয়দা অসিগুম্বা হীরমগী মতাংদা ৱারী শাই। ঐহাক্না হন্দক্কী চহিদসু পরিখাগী মমাংদা মখোয়গা ৱারী শাগে খল্লি। মসিগী থৌরমসিগী রেজিস্ত্রেসন অসি নুমিৎ নিনিগী মতুংদগী, দিসেম্বর ২৮দগী mygov.inদা  হৌগনি। রেজিস্ত্রেসন অসি দিসেম্বর ২৮দগী জনুৱারী ২০ ফাওবা চত্থগনি। মসিগীদমক্তা, ক্লাস ৯দগী ১২ ফাওবগী মহৈরোই, ওজা অমসুং মমা-মপাশিংগী ওইনা ওনলাইন্দা কম্পিতিসন অমা শীনগনি। ঐহাক্না অদোম খুদিংনা মসিদা শরুক য়াহন্নীংই। অদোমগা উন্নবগী খুদোংচাবা ফংজনীংই। ঐখোয়না পুন্দুনা পরিখা, কেরিয়র, মাই পাকপা অমসুং মহৈরোইশিংগী পুন্সিগী মতাংগা মরী লৈনবা হীরম কয়াদা ৱারী শান্নমিন্ননীংই।

ঐহাক্কী নুংশিরবা লৈবাক মচাশিং, মন কী বাত অসিদা হৌজিক ঐহাক্না অরাপ্পা ঙমখৈ ৱাংমদগী লাকপা করিগুম্বা অমা অদোমদা তাহনগনি। মসিনা অদোম্বু য়াম্না নুংঙাইহনবগা লোয়ননা অঙকপসু ফাওহনগনি।

(ঈশৈ নোংমাইগী খুৎলায়+খোঞ্জেল (বন্দে মাতরম))

বন্দে মাতরম, বন্দে মাতরম

সুজলানসুফলানমলয়জাশিতলম

সশ্যশ্যামলনমাতরম, বন্দে মাতরম

সুব্রাজ্যোৎসনাপুলকিতায়ামিনি

ফুল্লাকুসুমিৎদ্রমদলশোবিনিন

সুহাসিনি স্বীত তোকর

সুখদনবুর্দনমাতরম

বন্দেমাতরম, বন্দেমাতরম

মসি তাবদা অদোম্না চাউথোকচবা পোকপগা লোয়ননা শোইদনা নুংঙাইবা ফাওরমগনি হায়না ঐহাক্না থাজৈ। বন্দে মাতরমদা চেল্লিবা ইথিল অসিনা ঐখোয় খুদিংদা চাউথোকচবা অমসুং নুংঙাইবনা থনহল্লি।

মরুপশিং, মসিগী ফজরবা বিদিও অসি কদাইদগী লাক্লিবনো হায়না অদোম্না শোইদনা খল্লমগনি, করম্বা লৈবাক্তগী লাক্লিবনো খল্লমগনি। মসিগী পাউখুম্না অদোম্বু ঙকহনগনি। বন্দে মাতরনবু লান্থোক্লিবা মহৈরোইশিং অসি গ্রীতগীনি। মখোয়না মফমদুগী ইলিয়াদা লৈবা স্কুল অমদা তম্লি। মখোয়না বন্দে মাতরম্বু ফজনা অমসুং থম্মোইদগী শক্লিবা মওং অসি তসেংনা নীংথিজৈ অমসুং থাগৎনীংঙাইনি। অসিগুম্বা থৌওং অসিনা লৈবাক অনিবু নকশিন্নহল্লি। ঐহাক্না গ্রীস্কী মহৈরোই অমসুং ওজাশিংবু থাগৎচরি অমসুং য়াইফ পাউজেল পীজরি। ঐহাক্না নিংতম্বগী অমৃত মহোৎসব অসিগী মনুংদা মখোয়গী হোৎনজমনবু থাগৎচরি।

মরুপশিং, ঐহাক্না লখনৌদা লৈবা নিলেশজীগী পোস্তকী মতাংদা ৱারী শানীংই। নিলেশজীনা লখনৌদা পাংথোকপা তোপ-তোপ্পা দ্রোন শো অমবু থাগৎলক্লি। শো অসি লখনৌগী রেসিদেন্সী এরিয়াদা পাংথোকখিবনি। ১৮৫৭কী অহানবা নিংতম ইহৌগী খুদমশিং অসি রেসিদেন্সী ফক্লাংদা ঙসিসি মমি তারি। রেসিদেন্সীদা পাংথোকখিবা দ্রোন শো অসিদা ভারতকী নিংতম ইহৌগী তোঙানবা থৌদোক কয়াগী শক্তম পুথোকখি। চৌরি চৌরা আন্দোলন ওইরো, কাকোরি ত্রেন থৌদোক ওইরো নত্ত্রগা নেতাজীগী য়েৎনবা লৈত্রবা মথৌনা ওইরো, মসিগী দ্রোন শো অসিনা মীয়াম খুদিংগী পুক্কনিং শুমহৎখি। মসিগা মান্ননা, অদোমসু অদোমগী শহর, খুঙ্গংগা মরী লৈনবা নিংতম ইহৌগা মরী লৈনবা থৌদোক কয়া মীয়াম মাংদা পুথোকপা য়াগনি। অদোম্না মসিগীদমক্তা তেক্নোলোজীগী মতেং লৌবসু য়াই। নিংতম্বগী অমৃত মহোৎসবনা নিংতম ইহৌগী থৌদোক কয়া নৌহৌননা হিংহনবা য়াবগী খুদোংচাবা কয়া ঐখোয়দা পীরি। মসিদি করিগুম্বা অমা তৌনিংই হায়বা উৎপগী অমসুং লৈবাক্কীদমক্তা অনৌবা ৱারেপ লৌবগী ইথিল য়াম্না পীবা কুমহৈনি, পুক্নিং থৌগৎপা মিৎকুপ্নি। নিংতম ইহৌগী অসিগুম্বা শক্নাইরবা মীওইশিংদগী ইথিল লৌবা লেপ্লোইসি, লৈবাক্কীদমক্তা পাংথোকপা থবক কয়াগী মপাঙ্গল লৈহন্নবা হোৎনবা লেপ্লোইসি।

ঐহাক্কী নুংশিরবা লৈবাক মচাশিং, ঐখোয়গী ভারত অসি অতোপ্পবু করিগুম্বা অমা পাংথোকহন্নীংবগী ইথিল পীবা ময়ামগা মান্নদবা তোঙানবা হৈ-শিংবা কয়ানা থনবনি।তেলঙ্গনাদগী দাঃ কুরেল বিথলাচার্য়জীসু অসিগুম্বা মীওই অমনি। মহাক্কী চহি ৮৪ শুরে। মঙলান মঙফাওনবগী মতাংদা চহিনা অহোংবা অমত্তা লৈহন্দে হায়বসি বিথলাচার্য়জীনা খুদম ওইনা তাক্লি। মরুপশিং, মহাক্না অঙাং ওইরিঙৈদগী হৌনা অচৌবা লাইব্রেরী অমা হাংবগী অপাম্বা লৈদুনা লাকখি। মতমদুদা, লৈবাক অসি মীখা পোল্লম্মি, খুদোংচাদবা ফিভম কয়া অমা লৈবদগী মহাক্কী অপাম্বা অসি মঙলান ওইনা অদুমক লৈরকখি। মতমগী মতুং ইন্না, বিথলাচার্য়জীনা লেকচরর ওইরকখি, তেলেগু লোনবু কুপ্না নৈনখি অমসুং মরী লৈনবা থবক কয়া অমা পাংথোকখ্রে। মহাক্না চহি ৬-৭কী মমাংদগী মহাক্কী মঙলান মঙফাওনহনবা হৌরকখি। মহাক্কী মশাগী লাইরিকশিং থমদুনা লাইব্রেরী অপিকপা অমা হৌদোকখি। মহাক্কী পুন্সিগী তাঞ্জবা শেল খুদিংমক মসিদা থাদখি। মীয়াম্না তপ্না-তপ্না চঙলকপা অমসুং তেংবাংবা হৌরকখি। য়দাদ্রি-ভুবনাগিরি জিলাগী রমন্নাপেৎ দিবিজন্দা লোইরিবা লাইব্রেরী অসিদা চাউরাক্না লাইরিক লাখ ২মুক লৈ। লাইরিক তম্বগী মতাংদা মহাক্না থেংরকখিবা খুদোংচাদবশিংগুম্না অতোপ্পা কনা অমত্তনা থেংনরক্লম্লোই হায়না বিথলাচার্য়জীনা হাই। ঙসিদি, মহৈরোই মশিং য়াম্বনা লাইব্রেরী অসিগী কান্নবা লৌবা উবদা মহাক্না য়াম্না হরাওবা পোকচৈ। মহাক্কী থৌওং অসিনা ইথিল পীদুনা, অতোপ্পা খুঙ্গং কয়া অমসু লাইব্রেরী হাংবা হৌনরক্লে।

মরুপশিং, লাইরিকশিংনা লৌশিং পীবতা নত্তনা, মীওই অমগী শক্তাক অমসুং মপুন্সিসু শেম্মি। লাইরিক পাবগী হৈনবীনা থম্মোইদা অপেনবা কয়া লৈহল্লি। চহি অমদা ঐহাক্না লাইরিক অদুক পাখ্রে, ঐদি মদুগী লাইরিক্তু পানিংই হায়না মীয়াম্না হায়নবা ঐহাক্না হৌজিক্কান য়াম্না থেংনরে। মসি য়াম্না ফবা চৎনবী অমনি অমসুং মখা তানা চত্থহনগদবনি। ঐহাক্না ঙসিগী ‘মন কী বাত’ তাবীরিবশিংনা মখোয়না চহিসিদা পাখিবা য়াম্না পামজখিবা লাইরিক মঙাগী মতাংদা হায়হন্নীংই। অসিগুম্বা থৌওং অসিগী মতেংনা অদোম্না মন কী বাত তারীবা অতোপ্পা মীওইশিংদা মখোয়না ইং ২০২২দা করি লাইরিক পাবা য়াবগে হায়বা খনবদা মতেংসু পাংগনি। স্ক্রীনগী মমাংদা অয়াম্বা মতমদা লৈবগী মত্ম অসিদা লাইরিক পাবগী হৈনবী লৈবা অসিসু য়াম্না পাম্নবা থৌওং অমা ওইহনফম থোকই। ঐখোয়না মসিগীদমক্তসু পুন্না হোৎনমিন্নসি।

নুংশিরবা লৈবাক মীয়ামশিং, ঐহাক্না হন্দক্তা য়াম্না নুংঙাইবা থৌওং অমদা পুক্নিং চঙখি। মসিগী থৌওং অসিদি ঐখোয়গী অরিবা মতমগী লাইরিক অমসুং নাৎকী ওইবা ভেল্যুশিংবু ভারতা মনুংদা মমিং চৎহনবতা নত্তনা মালেম শিনবা থুংবদসু মমিং চৎহনবা অসিনি। ভন্দার্কর ওরিএন্তেল রিসর্চ ইন্সতিত্যুৎ কৌবা সেন্তর অমা পুনেদা লৈ। ইন্সতিত্যুৎ অসিনা অতোপ্পা লৈবাক্কী মীওইশিংদা মহাভারতকী কান্নবগী মতাংদা খঙহন্নবা ওনলাইন কোর্স অমা হৌদোকখ্রে। কোর্স অসি হৌজিক খক্তা হৌদোকপা ওইরবসু, মসিদা তাক্লিবা মহৈশিং অসিদি চহি ১০০গী মমাংদগী শেম শাখ্রবনি খঙবদা অদোম্না য়াম্না ঙকপা ফাওগনি। হীরম অসিগা মরী লৈননা, ইন্সতিত্যুৎ অসিনা কোর্স হৌদোরকপা মতমদা মীয়াম্না য়াম্না পাম্নখি, থৱাই য়াওনা শরুক য়ানখি। ঐখোয়গী চৎনবীগী হীরম কয়াবু মতমগা চুনবা মওংদা করম্না লান্থোকপগে হায়বগী মতাংদা মীয়ামদা খঙহন্নীংবগীদমক্তা ঐহাক্না ৱাফম অসি হৌদোক্লিবনি। মসিগী কান্নবশিংনা সমুদ্র তরেৎ ৱাংমা লান্না য়ৌহন্নবগীদমক্তা অনৌবা থৌওং কয়াসু শিজিন্নরি।

মরুপশিং, ঙসিদি, মালেম্না ভারতকী নাৎকী মতাংদা খঙনীংবগী চৎনবী অমা নোংমা নোংমগী হেনগৎলক্লি। তোঙানবা লৈবাক্কী মীয়াম্না ঐখোয়গী নাৎকী মতাংদা য়াম্না খঙনীংবতা নত্তনা মসিগী লৌশিং শন্দোকপদসু তেংবাংলি। অসিগুম্বা মীওই অমদি সর্বিয়াগী স্কোলর, দাঃ মোমির নিকিচনি। মহাক্না বাইলিঙ্গুএল সন্সকৃত-সর্বিয়ন দিক্সনরী অমা শেম-শাখ্রে। দিক্সনরী অসিদা য়াওবা সংস্কৃত ৱাহৈ লিশিং ৭০ হেনববু সর্বিয়ন লোলদা হন্দোকখ্রে। দাঃ নিকিচনা মশাগী চহি ৭০ শুরকপদা সংস্কৃত তম্বা হৌখি তাবদা অদোম্না ঙকপা ফাওগনি। মহাত্মা গান্ধীগী আর্তিকল পাবদগী মহাক্না ইথিল ফংখিবনি হায়না মহাক্না ফোংদোক্লি। মসিগা মান্নবা খুদম অমদি, চহি ৯০ শুরবা মোঙ্গোলিয়াগী প্রোফেসর জে. গেন্দেধরম্নি। মমাংগী দিকেস মরিদগী মহাক্না ভারতকী অরিবা লাইরিক (তেক্স), ইপিক অমসুং কম্পোজিসন চাউরাক্না ৪০মুকপু মোঙ্গোলিয়াদা হন্দোকখ্রে। ঐখোয়গী লৈবাক্তসু, অসিগুম্বা থৱাই য়াওবগী মওংগা লোয়ননা থবক কয়া পাংথোক্লি। ঐহাক্না চহি চা কয়া লিরবা ‘কাবি’ লাইয়েকপু মুৎখিগদৌরবদগী কন্নবা হোৎনরিবা গোৱাগী সাগর মুলেজীগী মতাংদা খঙবা ঙম্লে। ‘কাবি’ লাইয়েক অসিদা ভারতকী অরিবা পুৱারী মনুং চল্লি। তসেংবদি, ‘কাবা’ হায়বদি অঙাংবা লৈহাও হায়বনি। থাইনগী মতমদা, অঙাংবা লৈখোম অসি মসিগী আর্ত মখল অসিদা শিজিন্নরম্মি। গোৱাদা পোর্তুগিজশিংনা লৈঙাক্লিঙৈ মতমদা, মফমদুদগী লাকপা মীওইশিংনা মসিগী নিংথিরবা লাইয়েকপগী মওং অসিবু ঐখোয়গী লমদমদা শক্তাক্লম্বনি। মতম হৌখিবগা লোয়ননা, মসিগী লাইয়েক অসি মুৎখিগদৌরে। অদুবু, সাগর মুলেজীনা আর্ত অসিদা অনৌবা পুন্সি হাপ্পীরি। মহাক্না হোৎনরিবা অসিনা মীওই কয়াগী অমগী পুক্নিং চিংশিনবা ঙম্লে। মরুপশিং, অপিকপা খোঙথাং অমনা ঐখোয়গী ইনাক খুল্লবা আর্তপু য়োকখৎপদা অচৌবা মতেং পাংবা য়াই। করিগুম্বা ঐখোয়গী লৈবাক মীয়াম্না পুক্নিং চেৎলবা, ঐখোয়গী অরিবা আর্তপু লৈবাক শিনবা থুংবদা খঙহন্দুনা কন্নবা হোৎনবা অসি মীয়ামগী ইহৌ ওইহনবা য়াই। ঐহাক্না মসিগী মতাংদা ৱাফম খরা থমখ্রে। অসিগুম্বা থৌওং কয়া অমা লৈবাক শিনবা থুংবদা পাংথোক্লি। নমো এপকী খুত্থাংদা হায়রিবশিং অসিগী ই-পাউ ঐহাক্কী ইফমদা খঙহনবীরকউ।

নুংশিরবা লৈবাক মীয়াম, অরুনাচল প্রদেশকী মীয়াম্না তোপ-তোপ্পা কেম্পেন অমা চহি ১দগী চত্থরক্লি অমসুং মখোয়না মসিবু ‘অরুনাচল প্রদেশ এয়রগন সরেন্দর কেম্পেন’ কৌই। মীয়াম্না কেম্পেন অসিগী মতুং ইন্না মখোয়গী এয়রগনশিং পীথোক্নরক্লি। করিগীনো খঙবীবরা? অরুনাচল প্রদেশতা উচেকপু মীনুংশি য়াওদনা হাৎপা লেপ্নবা। অরুনাচল প্রদেশতা উচেক মখল ৫০০ হেন্না লৈ। মসিগী মনুংদা মালেমগী অতোপ্পা মফম অমত্তদা ফংদবা লমদমসিগী উচেক কয়া য়াওরি। অদুবু, হৌজিক্তি উচেকশিং অসিগী মশিংদা য়াম্না হন্থরক্লে। মসিগী ফিভম অসিবু শেমদোক্নবগীদমক্তা এয়রগনগী কেম্পেন অসি হৌদোকখিবনি। মমাংগী থা খরদা, চিংদগী হৌদুনা তম্পাক ফাওবদা, খুন্নাই অমদগী অতোপ্পা খুন্নাই অয়া ফাওবা, মফম খুদিংগী মীয়াম্না কেম্পেন অসিবু তরাম্না ওক্নরক্লি। অরুনাচলগী মীয়াম্না মশানা য়াজদুনা এয়রগন ১৬০০ হেন্না পীথোক্নরক্লে। ঐহাক্না অরুনাচল প্রদেশকী মীয়াম্বু কেম্পেন অসিগীদমক্তা থাগৎপা ফোংদোক্লি।

নুংশিরবা লৈবাক মচাশিং, অদোম পুম্নমক্তগী ইং ২০২২গা মরী লৈনবা ৱারোল কয়া লাকখি। মীওই অয়াম্বগী ৱারোল খুদিংদা মান্ননা য়াওবা হীরম অমা য়াওরি। মসিদি লু-নানবা অমসুং স্বছ ভারতকী মতাংদনি। অসিগুম্বা লু-নানবগী ৱারেপ অসিদি থকসি-খাসি, নীংথিনা খঙবা অমসুং খোঙফম চেৎপা মতমদা খক্তা মাই পাকপা ঙমগনি। অসিগুম্বা মমি অমা ঐখোয়না কেদেৎশিংনা পাংথোকখিবা পুনীত সাগর কেম্পেন্দা উবা ফংখি। কেম্পেন অসিদা এন.সি.সি. কেদেত লিশিং ৩০ হেনবনা শরুক য়াখি। কেদেতশিং অসিনা সমুদ্র তোর্বান শেংখি, মফমদুদগী প্লাস্তিক বোতল খুন্দোক্তুনা রিসাইকল তৌনবগীদমক্তা খোমজিনখি। ঐখোয়গী সমুদ্র তোর্বান, চিঙজাও অসি লু-নান্না লৈরবা মতমদা খক্তা চৎপদা নুংঙাইবা মফম ওইরে। মীওই খরনা অখন্নবা মফম অমদা চৎচগে হায়না মপুন্সি চুপ্পা খঞ্জৈ, অদুবু চৎলুরবা মতুংদদি, মখোয়না খঙনা-খঙননি খঙদে, খঙদবদগীনি খঙদে, অমোৎ অকায় মফমদুদা থনম্মি। ঐখোয়না অসুক য়াম্না পামজনা চৎলিবা মফমশিংবু ঐখোয় ইশামক্না মোৎহনলোইদবনি, মসি ঐখোয়গী থৌদাং ওইগদবনি।

মরুপশিং, নহা খরনা হৌদোকপা সাফৱাতর কৌবা স্তার্ত-অপ অমগী মতাংদা ঐহাক্না খঙবা ঙম্লে। আর্তিফিসিএল ইন্তেল্লিজেন্স অমসুং ইন্তর্নেত ওফ থিংস শিজিন্নদুনা, মসিনা মীয়ামদা মখোয়গী মফমগী ঈশিংগী শেংবা অমসুং মগুনগা মরী লৈনবা ই-পাউ কয়া পীগনি। মসিদি লু-নানবগী মাইকৈদা পায়খৎপা মথংগী খোঙথাং অমখক্নি। মীয়ামগী লু-নানবা অমসুং হকশেল ফবা তুংগী মতমগীদমক্তা খনবদা স্তার্ত-অপ অসিগী মরু ওইবা খঙলবা তুংদা, মসিনা মালেমগী মনা অমসু ফংখ্রে।

মরুপশিং, ‘লু নানবগী মাইকৈদা খোঙথাং অমগা থাংসি’ হায়বা খোঙথাং অসিদা, সরকার নত্ত্রগা ইন্সতিত্যুসন ওইরো, মীওই খুদিংগী মরু ওইবা থৌদাং য়াওরি। হান্নগী মতমদা, সরকারগী ওফিসশিংদা অরিবা ফাইল অমসুং চে কয়া লৈনরম্মি। অসিগুম্বা অরিবা থৌওংবু শেমদোকপগী সরকারনা থবক হেক পায়খৎপা হৌখিবদগী, হায়রিবা ফাইল অমসুং চেশিং অসি দিজিতাইজ তৌদুনা কম্প্যুতরগী ফোলদরদা ওইনা হাপ্লে। অরিবা অমসুং পন্দুনা লৈবা অসিগুম্বা পোৎলম কয়া লৌথোক্নবা অখন্নবা প্রোগ্রাম কয়া মন্ত্রালয় অমসুং বিভাগশিংদা পায়খৎনরি। কেম্পেন অসিগী খুত্থাংদা য়াম্না নুংঙাইবা থৌদোক খরা থোকখ্রে। দিপার্তমেন্ত ওফ পোস্ততা হায়রিবা অমোৎপা শেংদোকপগী খোঙজং হৌদোকখিবা মতমদা মফমদুগী পোৎথি-পোৎকুপ পৈফম (জঙ্কয়ার্দ) পুমহাং হাঙখি। হৌজিক্তি, মফম অসি কোর্তয়ার্দ অমসুং কেফেতেরিয়া ওইনা শিজিন্নরে। অতোপ্পা জঙ্কয়ার্দ অমনা গারী মচাশিংগী পার্কিং ওন্থোকখ্রে। মান্নবা থৌওং ওইনা, ইনভাইরনমেন্ত মন্ত্রালয়না জঙ্কয়ার্দ অসিবু ৱেলনেস সেন্তর ওইনা শিজিন্নরি। অর্বান এফিয়র্স মন্ত্রালয়না স্বছ এ.তি.এম. অমা খিনখ্রে। মসিগী মথৌদি অমোৎ-অকায় হাপচিনবদা শেল ওইনা শত্তোকপা য়াহনবনি। সিভিল এভিএসন মন্ত্রালয়গী মখাদা লৈবা বিভাগশিংনা উদগী কেল্লকপা উনা অমসুং ওর্গানিক ৱেস্তশিংদগী ওর্গানিক কম্পোস্ত শাবা হৌখ্রে। বিভাগ অসিনা অরেম্বা অমসুং ফত্তবা চেশিংদগী স্তেস্নরী শানবসু হোৎনরি।ঐখোয়গী সরকারগী বিভাগশিংনা লু-নান্না লৈবগী মতাংদা অনৌবা থৌওং পাংথোকপসু য়াই। চহি খরগী মমাং ফাওবদদি, মসিদা কনা অমত্তনা থাজনরমদে, অদুবু ঙসিদি মসিনা পথাপকী মনুং চনবা শরুক অমা ওইরক্লি। মসিদি লৈবাক মীয়াম্না পুন্না লুচিংদুনা ওইহল্লকপা লৈবাক অসিগী অনৌবা ৱাখল্লোন্নি।

ঐহাক্কী নুংশিরবা লৈবাক মীয়ামশিং, ঐখোয়না হন্দক্কী মতাং অসিদসু ‘মন কী বাত’ তা হীরম কয়া অমগী মতাংদা নৈনরি। চৎনদুনা লাক্লবগুম্না, ঐখোয়না অমুক্কা হন্না উন্নগনি, অদুবু হন্দক্তি ইং ২০২২দা ওইনা উন্নরগনি। অনৌবা হৌদোকপা খুদিংনা ইশাগী ইতিক খঙজনবা খুদোংচাবা পুদুনা লাকই। ঐখোয়না হান্না খনলমদবা পান্দম থম্লকই। ঙসিদি, লৈবাক অসিনা অদুগুম্বশিংগীদমক্তা হোৎনরি। মদুগী মতাংদা অসুম্না হায়রি-

খানাশাহ কানাশাশচাইবা, বিদ্যম অর্থম চা সাধয়েৎ।

খানে নাশতে কুতো বিদ্যা, কানে নাশতে কুতো ধনম।।

মসিনা হায়বদি, ঐখোয়না লৌশিং পাম্বা, অনৌবা অমা তম্বা মতম নত্ত্রগা অনৌবা তৌবা মতমদা, ঐখোয়না মিৎকুপ খুদিং শিজিন্নগদবনি হায়বনি। ঐখোয়না শেল তানগদবা ওইরবদি, হায়বদি চাউখৎপা পাম্লবদি, পোৎলম, রিসোর্স খুদিংমক হৈ-শিংনা শিজিন্নগদবনি। মিৎকুপ অদু মাঙখিবা মতমদা, তমখিবা অমসুং লৌশিং খুদিংমকসু মাঙখিগনি। পোৎলম অদুনা কায়খিবগা লোয়ননা রিসোর্স, লন-থুম তানবগী পাম্বৈ অমসুং চাউখৎলম্বা খুদিংমকসু থিংখিনি। মসি ঐখোয় লৈবাক মীয়াম খুদিংগী ইথিল ওইগদবনি। ঐখোয়না য়াম্না তমশিনগদবনি, অমুক্কা হন্না অনৌবা পুথোক্কদবনি, অনৌবা পান্দম ফংগদবনি, মরম অদুনা ঐখোয়না মিৎকুপ অমা ফাওবা মাঙহন্দনা হীরম খুদিংমক মাইয়োক্নদুনা লেপ্তনা হোৎনগদবনি। ঐখোয়না লৈবাক অসিবু চাউখৎ-খোঙথাংগী অনৌবা থাক্তা পুখৎকদবনি, ঐখোয়গী ইশাগী রিসোর্স খুদিংমক্কী মপুং ফাবা কান্নবা লৌগদবনি। মসিনা অতোপ্পা ৱাখল্লোন অমদা, আত্মানির্ভর ভারতকী অতোপ্পা মন্ত্র অমসু ওইরি। মসিগী মরমদি, ঐখোয়না ইশাগী রিসোর্স নীংথিনা শিজিন্নবা মতমদা করিগুম্বা অমত্তা লেম্না মাংহল্লোই, ঐখোয়না মতম অসিদা খক্তদা ঐখোয়গী লোকেলগী শক্তি মশক খঙলক্কনি অমসুং অসিগুম্বা মতমদা ঐখোয় ইশানা মরোমদোম লেপচবা ঙম্লক্কনি। অদুনা, চাউনা খনবা, চাউনা মঙবা অমসুং মখোয়বু মঙফাওনহন্নবা কন্না হোৎনবগী লৌখিবা ৱারেপশিং অমুক্কা হন্না নীংশিংলসি। অদুগা, ঐখোয়গী মঙলানশিং অসি ঐখোয় খক্তদা অকক্নবা লৈরোইদবনি। ঐখোয়গী মঙলান অসিদা ঐখোয়গী খুন্নাই অমসুং লৈবাক চাউখৎপগী থৌওংশিং য়াওগদবনি, ঐখোয় ইশাগী চাউখৎপা পুরকপা লৈবাক্কী চাউখৎপা পুরক্কদৌরিবনি। ঐখোয়না মসিগীদমক্তা ঙসিদগী হোৎনবা হৌবা তাবনি, মতম অমত্তা মাঙহন্দবা তাবনি। পোৎলম অমসুং রিসোর্স অমত্তা মাঙহল্লোইদবনি। মসিগী ৱারেপশিং অসিগা লোয়ননা ঐখোয়না লাক্কদৌরিবা চহি, ইং ২০২২গী মাইকৈদা চঙশিনগনি অমসুং ইং ২০২২না অনৌবা ভারত অমা শেম্বগী গোলদন পেজ ওইগনি হায়বগী থাজবা লৈ। অসিগুম্বা থাজবা অসিগা লোয়ননা, ঐহাক্না মীয়াম খুদিংগী মফমদা নুংঙাইরবা ২০২২গী য়াইফ পাউজেল পীজরি। থাগৎচরি।

ঐগী নুংশিজরবা ইরৈবাকচাশিং, খুরুমজরি। ঙসি ঐখোয় মন কী বাত্তা অমুক পুল্লরে। নুমিৎ নিনি লৈরগদি দিসেম্বর থাসু হৌগদৌরে... দিসেম্বর লাকপদা ঐখোয়গী পুক্নিংদা “ও...চহি অসি লোইগদৌরে!” হায়না ফাওই। মসি চহি অসিগী অরোইবা থানি অমসুং কনাগুম্বনা মথংগী চহিগী থৌরাংশিং তৌবা হৌই। থা অসিমক্তদা লৈবাক অসিনা নেভীগী নুমিৎ অমসুং আর্মদ ফোর্সেস ফ্লেগ দে পাঙথোকই। দিসেম্বর ১৬তা লৈবাক অসিনা ১৯৭১ লানগী সানা খুদোংবা চহিসু পাঙথোক্লি। থৌরমশিং অসিদা লৈবাক অসিগী আর্মদ ফোর্সশিংবু নীংশিংই... ঐখোয়গী থৌনা ফবশিংবু নীংশিংই। থৌদোক-হেন্দোক্না অথৌবশিং অসিবু পোকপীরম্বা অথৌবা মমাশিংবু নীংশিংই। হান্নগুম্না হন্দকসু নমো এপ অমসুং মাইগোবতা অদোমগী সজেসন কয়া ফংই। ময়াম্না ঐহাকপু ইমুংগী মীওই অমাগুম্না খনবীদুনা, অদোমগী অৱা-নুংঙাইদা শরুক য়াহনবীরি। মসিদা নহা কয়া, মহৈরোয় কয়াসু য়াওরি! মসিগী মন কী বাতকী ইমুং অসি নোংমা নোংমগী চাউথোরক্লি...থমোয় মশেলসু মরী লৈনহল্লি অমসুং পান্দমসু পুল্লি। ঐখোয়গী চেৎশিল্লক্লিবা মরী অসিনা ঐখোয়গী মরক্তা অফবা মরী অমসু লেপ্তনা চেন্থহল্লক্লি।

ঐগী নুংশিরবা ইরৈবাকচাশিং, অমৃত মহোৎসবকী মরী লৈনবা খন্নবশিং অসি য়াম্না নুংঙাই হায়না সিতাপুরদগী ওজাস্বিনা ইবীরকই। মহাক্না মহাক্কী মরুপশিংগা লোয়ননা মন কী বাত ঙাই অমসুং নীংতম্বগী লান্থেংনবগী মরমদা খঙনবা তম্নবগীদমক তৎতনা হোৎনরি। মরুপশিং অমৃত মহোৎসবনা তাকপী-তম্বীবগা লোয়ননা ঐখোয়দা লৈবাক অসিগী করিগুম্বা খরা তৌনবা ইথিলসু পীরি। অমসুং হৌজিক্তি লৈবাক পুম্বদা মীচম মীয়ামদগী হৌরগা সরকারশিং; পঞ্চায়ৎতগী হৌরগা পার্লিয়ামেন্ত ফাওবা অমৃত মহোৎসবকী মরমদা নৈনবা ঙাক্তনি... অমৃত মহোৎসব অসিগী মরী লৈনবা থৌরম কয়া লেপ্তনা পাঙথোক্লি। য়াম্না নুংঙাইবা থৌদোক অমা হৌখিবা নুমিৎ খরনি অসিদা দিল্লীদা পাঙথোকখি। ‘নীংতম্বগী ৱারী – অঙাংশিংগী চিনবালদগী” হায়বা থৌরম অসিদা অঙাংশিংনা মখোয়গী থমোয়দগী নীংতম্বগা মরী লৈনবা ৱারীশিং লিখি। থৌদোকপা অমনা মসিদা ভারত্তা নত্তনা নেপাল. মোরিসিয়স, তাঞ্জেনিয়া, ন্যু জিলেন্দ অমসুং ফিজিগী মহৈরোয়শিংসু শরুক য়াখি। ঐখোয়গী লৈবাক্কী খ্বাইদগী মমল য়াম্লবা ও.এন.জি.সি.সু তোঙানবা মওংদা অমৃত মহোৎসব পাঙথোক্লি। ও.এন.জি.সি.না ঐখোয়গী মহৈরোয়শিংবু থাওগী লৌবুক্তা পুই। তুর অসিনা মহৈরোয়শিংদা ওন.এন.জি.সি.না থাওগী লৌবুকশিংদা করম্না থবক তৌবগে হায়বগী লৌশিং পী। মসিগী পান্দমদি ঐখোয়গী হৌগৎলক্লিবা ইঞ্জিনীয়রশিংবু লৈবাক অসি শেমগৎপদা থৱায় য়াওনা শরুক তমহল্লি।

মরুপশিং, নীংতম্বা পুরকপদা জনজাতি কাংলুপগী থৌদাং অদু মশক খঙলদুনা, লৈবাক অসিনা ‘জনজাতিয়া গৌরব চয়োল’সু পাঙথোক্লি। লৈবাক্কী মফম কয়াদা মসিগা মরী লৈনবা থৌরম কয়াসু পাঙথোকখি। অন্দমান-নিকোনরগী ঈথৎশিংদা জর্বা অমসুং ওঙ্গে হায়বা জনজাতি কাংলুপ অসিগী মীয়াম্না মখোয়গী চৎনবী শঙ-শঙনা উহনখি। হিমাচল প্রদেশকী উনাদগী মিনিয়েচরগী অইবা রাম কুমার জোশিজীনা শীংথানীংঙাই ওইবা থবক খরা তৌখি... অপীকপা পোস্তেজ স্তাম্পশিংদা নেতাজী সুভাস চন্দ্র বোস অমসুং হান্নগী প্রধান মন্ত্রী লাল বাহাদুর শাস্ত্রিগী অঙকপা স্কেৎচশিং য়েকখি। ‘রাম’ হায়বা ৱাহৈবু হিন্দীদা ইদুনা, মসিদা অথোইবা মীওই অনি অদুগী পুন্সি ৱারীসু ইখি। মধ্য প্রদেশতগী কাতনিদগী মরুপ খরনা নীংশিংনীংঙাই ওইরবা দাস্তঙ্গোই, ৱারী লৈবগী থৌরম অমগী মতাংদা ই-পাও পীখি। মসিনা রানি দুর্গাবাতিগী থৌনা অমসুং কত্থোকপবু নৌহৌননা নীংশিংহল্লি। অসিগুম্বা থৌরম অমসু কাশীদা পাঙথোকখি। গোস্বামি তুলসিদাস, সন্ত কবির, সন্ত রবিদাস, ভারতেন্দু হরিশচন্দ্র, মুন্সী প্রেমচান্দ অমসুং জয়শঙ্কর প্রসাদ অসিগুম্বা অথোইবা মীওইশিংবু ইকাই খুম্নবা উৎতুনা নুমিৎ হুমনি চুপ্না কুহ্মৈ অমা পাঙথোকখি। তোঙান-তোঙানবা মতমশিংদা মখোয়না লৈবাক অসিগী মীয়ামবু পুক্নিং থৌগৎপদা অচৌবা থৌদাং লৌখি। মন কী বাতকী মমাংগী তাঙ্কক্তা কম্পিতিসন অহুমগী মতাংদা হায়খি ময়াম নীংশিংবীরমখিনি খল্লি – লৈবাক নীংবগী ঈশৈ অমা ইবা, লৈবাক নীংবগা মরী লৈনবা থৌদোকশিংগী মরমদা রঙ্গোলি য়েকপা অমসুং অঙাংশিংদা অচৌবা ভারতকী মঙলানশিংবু মঙফাওননবা নাওশুম ঈশৈ ইবা। কম্পিতিসনশিং অসিগীদমক অদোম্না এন্ত্রী থাজিনবীরম্লগনি... প্লানিং কয়া তৌরম্লগনি, মরুপ-মপাংশিংগী ৱারী কয়া শান্নবীরম্লগনি হায়না খঞ্জৈ! ময়াম্না শরুক য়াম্না য়াবীদুনা লৈবাক অসিগী কাচিন-কোয়া শিনবা থুংনা পাঙথোকপীরমগনি হায়না ঐহাক্না থাজৈ।

ঐগী নুংশিরবা ইরৈবাকচাশিং, অসুম ৱারী শারম্বদগী ঐহাক্না ময়ামবু বৃন্দাবনদা চুমদ্রিং পুরগে। বৃন্দাবান অসি ঈশ্বরবু নুংশিংজবগী মীৎনা শঙ-শঙ উরবা শক্তমনি। ঐখোয়গী লাইনীংবশিংনা হায়বীরম্মি:

“আশা ধরি চিত্তা মে, য়ে আশা ধরি চিত্তা মে

কহত জথা মতি মোর

বৃন্দাবান সুখ রং কো, ব্রিন্দাবান সুখ রং কো

কাহু না পায়া ওর।”

অর্থদি বৃন্দাবানগী মগুন অসি ঐখোয়না ঙমজা ঙমজবা মওংদা শীংথানৈ। অদু বৃন্দাবানদা ফংলিবা নুংঙাইবা অসি মপান নাইদে... কনা অমত্তনা অতোপ্পা মফমদা ফংবা ঙম্বা নত্তে। মরম অসিননি বৃন্দাবান্না মালেমগী মীয়ামবু চীংশিল্লিবা অসি। মসিগী খুদম ঐখোয়না মালেমগী মফ কয়াদা উবা ফংই।

পর্থ নোংচুপ ওস্ত্রেলিয়াগী সহর অমনি। মফম অসিদা ক্রিকেৎ মেৎচশিং তোয়না শান্নবনিনা ক্রিকেত পাম্বা মীওইশিংনদি নীংথিনা খঙলমগনি। পর্থতা সেক্রেদ ইন্দিয়া গেলেরী কৌবা আর্ত গেলেরী অমসু লৈ। গেলেরী অসি স্বান ভেলীগী ফজরবা মফম অদুদা শাই অমসুং মসি ওস্ত্রেলিয়াদা লৈবা জগত তারিনি দাসিজীগী হোৎঞ্জমলনি। জগত তারিনি অসি ওস্ত্রেলিয়াদা পোকপনি অমসুং মফম অসিদা চাউরাকখি অদুবু মহাক্না বৃন্দাবানদা চহি ১ হেন্না লৈরকখি। মহাক্না মরমদমদা হল্লক্লবসু বৃন্দাবানবু কাওবা শুকঙম ঙমখিদে। মহাক্না বৃন্দাবান অমসুং স্পিরিচ্যুএল ওইবা মরী অদু তৎনা থানা য়াদনবা ওস্ত্রেলিয়াদা বৃন্দাবান শেমগৎপনি। মহাক্কী কালাগী হৈশিংবা অদুনা মীদিয়ম ওইরগা মহাক্না অঙকপা বৃন্দাবান অমা শেমগৎখি। মফম অসিদা লাকপা মীওইশিংনা মখল কয়াগী কালাগী থবক উবা ফংই। মখোয়না ভারতকী খ্বাইদগী মমিং লৈরবা লাইফমলেনশিং – বৃন্দাবান, নবাদ্ধীপ অমসুং জগন্নাথপুরিগী চৎনবী অদু উবা ফংখি। মফম অসিদা গবৱান শ্রী কৃষ্ণগা মরী লৈনবা লাই কয়া উৎলি। লাই অমদা ভগৱান শ্রী কষ্ণনা গোভর্ধন চীংদোলবু মহাক্কী খুৎনাওবীনা থাংগৎতুনা থম্লি, মদুগী মখাদা বৃন্দাবানগী মীয়াম্না চংজফম লৌরি। জগত তারিনিজীগী অঙাকপা ফংলবা মগুন অসিনা কৃষ্ণ-ভক্তিদা লৈরিবা শক্তি অদু উবা ফংহল্লি। মহাক্কী অসিগুম্বা হোৎনবা অসিগীদমক হন্না-হন্না থাগৎচরি।

ঐগী নুংশিজরবা ইরৈবাকচাশিং, ঐহাক্না হৌজিক ওস্ত্রেলিয়াগী পর্থতা শেম্বা বৃন্দাবানগী মতাংদা থমজখ্রে। য়াম্না নুংঙাইবা ৱাফম অমনা ওস্ত্রেলিয়াগা ঐখোয়গী বুন্দলখন্দগী ঝান্সীগাসু মরী লৈনৈ।  ঝান্সীগী রানী লক্ষ্মী ভাইনা ইস্ত ইন্দিয়া কম্পনীগী মায়োক্তা আইনগী মতেং লৌদুনা লান্থেংনরম্মি, মহাক্কী উকিল জোন লাংনা ওইখি। মহাক অসি ওস্ত্রেলিয়া মচানি। ভারত্তা লৈরগা মহাক্না রানী লক্ষ্মী ভাইগীদমক কেস লেপখি। ঐখোয়গী নীংতম ইহৌদা ঝান্সী অমসুং বুন্দেলখন্দগী থৌদাং কয়াম চাউবগে হায়বা ঐখোয় পুম্নমক্না খংই। মফম অসিদা আনী লক্ষ্মী ভাই অমসুং ঝলকরিভাই অসিগুম্বা থৌনা ফাবী কয়াসু পোকখি... লমদম অসিনা মেজর ধ্যানচান্দগুম্বা লৈবাক অসিগী অথোইবা শান্নরোয়সু পীখি।

মরুপশিং থৌনা ফাবা অসি শুপ্নগী লানফমদা উৎকদবনি হায়বা লৈতে। থৌনা ফাবা হায়বা অসি অনীংবা অমা ওইবনা হীরম খুদিংদা পাঙথোক্লবদি থবক খুদিংমক মাইপাকই। শ্রীমতি জ্যোতস্নানা অসিগুম্বা থৌনা ফাবগী মরমদা চিথি ইদুনা খংহল্লকই। জালোন্দা নুন কৌবা তুরেল অমা চেল্লি। লৌমীশিংগীদমক নুন অসিনা ঈশিং পীরম্মি অদুউ মসি তপ্না-তপ্না মাংখিগদৌরে। ইচেল খরা লৈহৌরিবা অদু খোঙলম মচা ওইনা লৈরি। মসিনা মরম ওইরগা লৌমীশিংনা ইশিং শীজিন্নবদা য়াম্না খুদোংচাদবা অমা ওইরে। জালোনগী মীয়াম্না চহি অসিগী মার্চ থাদা কম্মিতি অম শেম্লে। খুঙ্গা অসিগী মীয়াম্না মশানা চোংথোরক্তুনা খোঙজং অসিদা য়াওররে। মফম অসিগী পঞ্চায়ৎসু খুঙ্গং অসিগী মীয়ামগা পুল্লগা থবক তৌবা হৌরে। ঙসিদি তেনখ্রবা মতম অসিদা শেল য়াম্না চংদনা তুরেল অসি অমুক হিংগৎহল্লে। মসিগী কান্নবা লৌমী কয়ানা ফংলে। মসি লানফম নত্তবদা থৌনা ফাবগী মতিক চারবা খুদমনি। নীংবু নীংলবদি ওইথোক্তবা লৈতে মরম অসিনা ঐহাক্না অমুক্কসু হায়জরি – ‘সবকা প্রয়াস’ অপুনবগী হোৎনবা।

ঐগী নুংশিজরবা ইরৈবাকচাশিং, ঐখোয়না মহৌশাবা ঙাক শেল্লবদি ঐখোয়বুসু মহৌশানা ঙাক শেনবীগনি, চংজফম পীবীগনি। মসি ঐখোয়না লনাই ওইনা পুন্সিদসু থেংনরে অমদি মসিগী খুদম অমা তামিল নাদুগী মীয়াম্না উৎখ্রে। তামিল নাদুগী তুতকুরি জিলানা খুদম অমা উৎখ্রে। সমুদ্রগী মপালদা লৈবা মফমশিং অসি ঈশিংদা লুপখিগনি হায়বগী খুদোংথিবা লৈ। তুতকুরিদা অপিক-অপিকপা ঈথৎশিং লৈ, মদু সমুদ্রদা লুপখিগনি হায়বগী অকিবা লৈ। মফম অসিগী মীয়াম্না অমসুং অখঙ-অহৈশিংনা মহৌশাগী ওইবা পাম্বৈ শীজিন্নদুনা মহৌশাগী ওইবা খুদোংথিবা অসি ঙাকথোক্নবা হোৎনরি। মীওইশিং অসিদা ঈথৎশিং অসিদা পলমেরা পাম্বী থারি। উ-পাম্বী মখল অসি নোংলৈ নুংশিৎতা তুদে অমসুং লৈবাকসু ফাজিল্লি। মসিনা মফম অসি কনবা ঙম্লগনি হায়বগী থাজবা ফাওহল্লে।

মরুপশিং ঐখোয়না মহৌশাগী খলবু কাইহল্লবা অমদি মহৌশাদা অকাইবা পীরবদি মহৌশানা ঐখোয়দা খুদোংথিবা নংহল্লি। মহৌশানা ঐখোয়পু ইমাগুম্না ঙাকপী-শেনবী।

সোসিএল মীদিয়াদা মেঘালয়দা অপাইবা হী অমগী ফোতো ভাইরেল ওইবা ঐহাক্না উবা ফংই। হেক উবদা ফোতো অদুনা ঐখোয়বু পুক্নিং চীংশিল্লি। নুংশিৎতা পাইরিবা হী অদু মুন্না য়েংলুবদা তুরেলগী ঈশিংদা তাওবা ওইরম্মি। তুরেলগী ঈশিং অদু অদুক্কী মতিক শেংখ্রে, ঈশিং অদুগী খোংনুং অদু উবা ফংই, মসিনা হী অদু নুংশিৎতা পাইবা মান্না উবনি। লৈবাক অসিদা রাজ্য কয়ানা, মফম কয়া লৈ মখোয়গী মীয়াম্না মখোয়গী অরিবা লন অদু ঙাকশেন্দুনা থম্মি। মখোয়না মহৌশাগা শাগোন্ননা লৈবা পুন্সি মহিং অদুদা লৈরি। ঐখোয়গী অকোইবদা লৈরিবা মহৌশাগী পোত্থোকশিং অসি ঙাক শেনসি মসিনা পুম্নমক্কী য়াইফবনি, মালেমগী য়াইফবনি।

ঐগী নুংশিজরবা ইরৈবাকচাশিং, সরকারনা প্লানশিং পাইখৎতুনা, চাদিং তৌদুনা, প্রোজেক্তশিং মতম চানা লোইশিল্লক্লবা মতমদা মীয়াম্না মখোয়না থবক তৌই হায়না খল্লি। অদুবু সরকারগী স্কীমশিং অসিগী মরক্তা মীওইবগী মীনুংশিগী ওইবা ৱাফমশিংনা ঐখোয়না তোঙানবা নুংঙাইবা অমা পীরি। সরকারনা হোৎনবা, সরকারনা কনাগুম্বগী পুন্সিদা অহোংবা পুরকপদা, হোংলক্লিবা অদু করিনো হায়বদা থমোয় অসিদা মীনুংশিনা পিক থল্লি। থমোয়দা অপেনবা পোকই মরম অসিনা ঙসি মন কী বাত্তা মখোয়গী থৌনানা অনৌবা পুন্সি অমা পুরকপা মীওই অনিগী মরমদা ৱারী শারসি। মখোয়না আয়ুশ্মান ভারত স্কীমগী মতেংনা মশা লায়েংবা অমসুং অনৌবা পুন্সি অমা হৌরকখি। ঐখোয়গী অহানবা মরুপ রাজেশ কুমার প্রজাপাতি মহাক অসি থমোয়গী লাইনা নাবা মীশক অমনি।

হৌজিক রাজেশজীগা ৱারী শারসি -

প্রধান মন্ত্রী – রাজেশজী খুরুমজরি।

রাজেশ প্রজাপাতি – খুরুমজরি সর খুরুমজরি।

প্রধান মন্ত্রী - হকচাং ঙম্বীখিদবা অদু করি ওইননো? অদোম্না দোক্তর কয়াগী মনাক্তা চৎপীরমগনি, ঐখোয়দা মনাক্তা লৈবা দোক্তরদা য়েংলুবদা মখোয়না করি হায়রকপগে অদু তম্বীয়ু..., অদুদগী অতোপ্পা দোক্তর অমদা অমুক চৎপীরমগনি খল্লি?অদোম্না ৱারেপ লৌবা ঙমখিদবা নত্ত্রগা করি লৌখিবা? করি করম হোৎনবীখিগে হায়বদি তম্বীয়ু?

রাজেশ প্রজাপাতি –হোয় ঐহাক্কী অসি থমোয়গী অনাবনি সর। অহানবদা থবাক অসি শাগৎলপনি, সর, দোক্তরদা য়েংহনখি। দোক্তরনা অহানবদা “ইচানুপা নহাক্কী অসি এসিদকী ওইরম্বা য়াই”... হায়না হায়বীরক্তুনা ঐহাক্না মতম খরা এসিদকী হীদাক চাজখি, মদুদা কান্নবা ইফং ফংদবা অদুদা ঐহাক্না দোক্তর কাপুরদা অমুক য়েংহনজখি, মহাক্না হায়খি, ইচানুপা নহাক্কী লাইওং অসি এনজিওগ্রাফীনা ময়েক শেংনা খগনি হায়দুনা শ্রী রাম মুর্তীদা রিফর তৌবীরকখি। মতুংদা ঐহাক্না অমরেশ অগর্ৱালজী থেংনজখি, মহাক্না ঐহাক্কী এনজিওগ্রাফী লৌখি। মহাক্না হায়খি, “ইচানুপা নহাক্কী অসি শীংলিদা ফুলে”, মদুদা ঐহাক্না শেল কয়াম চংগদগে হংখি?  মহাক্না পি.এম.জীনা শাবা আয়ুশ্মান কার্দ কৌবা ঙমা লৈবনি তাকপীরকখি। মদুদা ঐহাক মদু পাই হায়খি। অদুদগী কার্দ অদু লৌরগা লায়েং পুম্বা কার্দ অদুগী মতেংনা চত্থখি। সরনা শেম্বীবা অসিগুম্বা কার্দ অসি লায়রবা মীওই ঐখোয়গীদমক্তদি মতেং য়াম্না ওইরি। অমসুং করম্বা ৱাহৈনা অদোমবু থাগৎকদগে হায়বা খঙজদ্রে!

প্রধান মন্ত্রী – অদোমবু করি শিনফম পাইবীরিবগে রাজেশজী?

রাজেশ প্রজাপাতি – সর, হৌজিক্কী ওইনদি ঐহাক লনাইগী ওইবা থবক অমা তৌজরি সর।

প্রধান মন্ত্রী – অমসুং ইশাগী চহি কয়া শুবীরবগে?

রাজেশ প্রজাপাতি – ঐহাক চহি নিফু মপান শুজরে সর।

প্রধান মন্ত্রী – চহি অসুক নৌনা থমোয়গী অনাবা লৈরবা?

রাজেশ প্রজাপাতি – হোয় সর করিবু হায়রুখিগদগে!

প্রধান মন্ত্রী – অদোমগী ইমুং মনুংদা মমাংদা অদোমগী পাবুং নত্ত্রগা ইমাদা অসিগুম্বা থোকখিবা লৈবরা?

রাজেশ প্রজাপাতি – লৈখিদে সর কনা অমত্তদা য়াওখিদে, ঐহাক্না অহানবনি।

প্রধান মন্ত্রী - হায়রিবা আয়ুশ্মান কার্দ অসি ভারত সরকারনা পীবনি। মসি লায়রবশিংগী অচৌবা স্কীম অমনি, অদোম্না মসি মতৌ করম্না খঙবীরকপগে?

রাজেশ প্রজাপাতি - সর, মসি য়াম্না অচৌবা থৌরাং অমনি, মসিনা লৈতা লাইরাশিংদা চাউনা কান্নবা পীরি অমসুং য়াম্না নুংঙাইবা পোকচৈ সর। কার্দ অসিগী মতেংনা মীওই কয়া খুদোংচাবা কয়া অমা ফংলি হায়বা ঐহাক্না হোস্পিতালদা উজরকখি, দোক্তরদা ঐহাক্না কার্দ অদু পাইজৈ হায়রুবদা কার্দ অদু পুবীরকউ মদুদগী অদুম লায়েংজগে হায়রকখি।

প্রধান মন্ত্রী –ফরে, করিগুম্বা কার্দ অদু য়াওদবা তারবদি কয়াম য়াম্না চংগনি হায়না দোক্তরনা হায়বীরকপগে?

রাজেশ প্রজাপাতি - দোক্তরনা শেল য়াম্না চংগনি করিগুম্বা কার্দ পাইদবা তারবদি হায়না হায়বীরকই। মদুদা ঐহাক্কীদি কার্দ পাইজৈ হায়না হায়বদি মহাক্না খুদক্তা মদু পুথোরক্নবা হায়রকখি, ঐহাক্না খুদক্তা উৎখি। হায়রিবা কার্দ অদুদগী ঐহাক্কী লায়েং পুম্বা চত্থজবনি, ঐহাক্কী শেল অমত্তা তিংখিদে, চপ মান্নবা কার্দ অসিগী খুত্থাংদা হীদাক-লাংথকসু পীবিখি।

প্রধান মন্ত্রী – অদো রাজেশজী অদোম হৌজিক অপেনবা পোকপীরব্রা, অদোমগী হকচাং কৈসু থোইদোকপা তৌদ্রবরা?

রাজেশ প্রজাপাতি - হোয় সর, নুংঙাইজরে অদোমবু হন্না-হন্না থাগৎচরি, সর অদোম পুন্সি নুংশাংদুনা লৈঙাক ফম্পাল অসিদা অদুমক ঙানথোইবীখো অমসুং অদোমগী থৌরাং অসিদা ঐখোয়গী ইমুং-মনুংগী মীওই পুম্বনা অসুক্কী মতিক নুংঙাইজৈ, করিবু হায়রুগনি!

প্রধান মন্ত্রী: রাজেশজী ঐহাকপু লৈপাক ফম্পালগীদমক য়াইফ মঙ্গোল পীবীগনু, ঙসিসু ঐহাক ফম্পাল পাইজদে অমসুং তুংদসু পাইবা পামজদে। ঐহাক্না পামজবদি শুপ্নগী শেবা তৌজবা অদুনি; ঐহাক্কীদমক্তদি অসিগুম্বা ফম, প্রধান মন্ত্রী অসি লৈবাক ফম্পালগীদমক্তা নত্তে, ইনাও, মসিদি শেবগীদমক্তনি।

রাজেশ প্রজাপাতি: শেবা অদুমক্নি ঐখোয়না পামজরিবা অদুসু...অতৈ করিবু পামলুগদগে!

প্রধান মন্ত্রী: আয়ুশ্মান ভারত স্কীম মশামক অসি লৈতা লাইরবশিংগীদমক্তনি...

রাজেশ প্রজাপাতি: হোয় সর য়াম্না ফখ্রবা থৌরাং অমনি

প্রধান মন্ত্রী: অদুবু রাজেশজীনা ঐখোয়গীদমক থবক অমদি পাঙথোকপীবা তাই, অদোম তৌবীগদ্রা?

রাজেশ প্রজাপাতি: হোয় শোইদনা পাঙথোকচগে সর!

প্রধান মন্ত্রী: তশেংবদি হায়রিবা থৌরাং অসি মীওই অয়াম্বনা খঙনদ্রি, অদোম্না থৌদাং অমা লৌবীবা তারে, অকোইবদা লৈরিবা লৈতা লাইরবশিংদা অদোম্না মতৌ করম্না কান্নবা ফংখি, মতেং কমদৌনা লৌই হায়বা অসিনচিংবশিং অসি পাউদমপীয়ু!

রাজেশ প্রজাপাতি: হোয় শোইদনা তমজগে সর।

প্রধান মন্ত্রী: অদুগা মখোয়শিং অদুদসু কার্দ শানবা হায়বীয়ু, ইমুং মনুংদা খুদোংথিবা নংলকপা হায়বা অসি তম্বা ঙম্বা নত্তে অমসুং হৌজিক্কী মতম অসিদা লৈতা লাইরবশিংনা হীদাক ফংবা ঙমদবা হায়বা অসি অৱাবগী মশক্নি, অমসুং লৈতা লাইরবশিংদা করি থোক্লি য়েংঙু অদোমদা থমোয়গী লাইনা লৈবা অসিনা অদোম্না থা কয়া থবক তৌবা য়াদনা লৈরমগনি।

রাজেশ প্রজাপাতি: ঐহাক্না খোঙকাপ তরা থাংবা ঙমদে, ঐহাক্না স্তিয়র কাবা ঙমদে সর।

প্রধান মন্ত্রী: মরম অসিনা রাজেশজীনা ঐহাক্কী মরুপ অমা ওইবীদুনা হেক ঙমলিবা মখৈ আয়ুশ্মান ভারত স্কীমগী মতাংদা লৈতা লাইরবা কয়াদা খঙহনবীদুনা অনাবা মীওই কয়াগী মতেং পাংবা ঙম্বা ওইগনি মসিনা ইশাদসু অপেনবা অমা ফাওবীগনি অমসুং রাজেশজীগী হকচাং ফারে অদুগা রাজেশজীনা মীওই কয়াবু হকচাং ফনা থমহনবা ঙম্লে খঙবদা ঐহাকসু য়াম্না নুংঙাইজগনি। আয়ুশ্মান ভারত স্কীম অসি লৈতা লাইরবশিং, ময়াই ওইবা কাংলুপকী ইমুংশিং, মীচম ওইরিবা ইমুংশিংগীনি হায়বা অসি য়ুমথোং থুংনবা ৱাফম অসি য়ৌহনগদৌরিবনি!

রাজেশ প্রজাপাতি: শোইদনা য়ৌহনজগে সর। ঐহাক হোস্পিতালদা নুমিৎ হুমনি পন্থদুনা লৈজখি, হোস্পিতালদা লৈতা লাইরবা কয়া লাকখি অমসুং মখোয়দা ফেসিলিতীশিং অসিগী মরমদা হায়জখি; করিগুম্বা কার্দ অমা লরবদি লেম্না লায়েংগনি হায়জখি।

প্রধান মন্ত্রী: ফরে রাজেশজী ইশা হকচাং ফনা লৈবীয়ু, ইশাগী হকচাংগীদমক খনবীয়ু, অঙাংশিংগীদমক খনবীয়ু অমসুং হেন্না-হেন্না চাউখৎপসু ওইবীয়ু। অদোমগীদমক য়াইফ পাউজেল পীজরি।

মরুপশিং, ঐখোয়না রাজেশজীগী মরমদা তাখ্রে, হৌজিক সুখদেবীজীনা অমুক ৱারী শান্নরসি। খুউ নাবনা মরম ওইদুনা অৱাবা মাইয়োক্নরিবীনি, মহাক্কী অৱাবদু হান্না তামিন্নরসি অদুগা কমদৌনা নুঙাইরকপগে হায়বা খংমিন্নরসি। 

মোদীজী- সুকদেবীজী নমস্তে! কদাইদগী ওইবীরবনো?

সুকদেবীজী- দানাদপরাদগীনি।

মোদীজী- মফম অসি কদাইদা লৈবগে?

সুকদেবীজী- মথুরাদা।

মোদীজী- মথুরাদা, অদু ওইরবদি নমস্তে হায়বগা লোয়ননা রাধে-রাধেসু হায়বা তাবনি!

সুকদেবীজী- হোয়, রাধে-রাধে!

মোদীজী- ফরে অদোম অনাবা মায়োক্নরুরে হায়না তাজৈ। ওপরেসনগা তৌখিবরা? করি মরমগী ওইরবনো হায়বদু পাউদমবীয়ু।

সুকদেবীজী- হোয় ঐহাক্কী খুউ অসি য়াম্না থীনা শোকখি, মরম অদুনা প্রয়াগ হোস্পিতালদা ওপরেসন তৌখি।

মোদীজী- সুখদেবীজী অদোম চহি কয়া শুবীরবগে?

সুকদেবীজী– ঐহাক চহি ৪০ শুরে।

মোদীজী- চহি ৪০ ! মিংনা সুখদেবী! অদুগা সুখদেবীনা অনাবা ওইরুরবা?

সুকদেবীজী– লায়না অসি ঐহাক্না চহি ১৫-১৬ শুরকপা মতমদা নারকপনি।

মোদীজী- ইমাই পেম্মা! অদুক নৌরিঙৈদগী খুউ নারবা?

সুকদেবীজী– তাং চিংকপগী লৈনাদুনা খুউ অসি য়াখিদবনি।

মোদীজী- মরম অদুনা চহি ১৬তগী চহি ৪০ ফাওবা লায়েংদনা লৈরকখিবরা?

সুকদেবীজী- নত্তে, লায়েংখি। দোক্তর খরদগী চিকপা শাবাবগী হীদাক খরা চাখি। মদুদগী ঐহাক চৎপা খরা খরা য়াখি অদুবু খুউ অসি হেন্না শোকচিনখি, ঐহাক্না কিলোমীতর ১-২ চৎপগা ঐহাক্কী খুউ অসি নাবা হেনজিল্লকখি।  

মোদীজী- অদুদি সুকদেবীজীনা ওপরেসন তৌরগে হায়বগী ৱাখল্লোন অসি কমদৌনা পোকপীরকখিবনো? শেল থুম কমদৌনা থৌরাং তৌবীখিবগে? পুম্নমক করম্না পাংথোকখিবগে?

সুকদেবীজী- ঐহাক অয়ুশমান কার্দকী মতেংনা লায়েংজখি।

মোদীজী- অদুদি অদোম্না অয়ুশমান কার্দ ফংবীখ্রবা নত্ত্রা?

সুকদেবীজী- হোয়।

মোদীজী- অদুগা অয়ুশমান কার্দ অসিদগী লৈতা লায়রবশিংনা লেম্না লায়েংবা য়াই হায়বসি অদোম্না খংবীরবরা?

সুকদেবীজী– স্কুলদা মীফম অমা পাংথোকখি। মফমদুদগী ইপুরোইবনা ৱাফম অসি খংলকপনি অদুগা মহাক্না ঐহাক্কী মিংদা কার্দ অসি শাখিবনি। 

মোদীজী- হোয়।

সুকদেবীজী- অদুদগী কার্দ অদুনা লায়েংজখি, শেল অমত্তা তিংখিদে। কার্দ অদুমক্না লায়েংখি। য়াম্না ফজনা লায়েংবীরকখি।

মোদীজী– য়াম্না ফৈ। কার্দ অদু পাইরমদ্রগদি দোক্তরনা শেনফম কবা চংগনি হায়না তাকপীখিবগে?

সুকদেবীজী- লাখ ২.৫, লাখ অহুম চংগনি হায়না তাকপীরকই। চহি ৬-৭ শুরে ফমুংদা তাদুনা লৈরক্লিবসি। ইশ্বরদা ঐহাক হিংনীংদ্রে লৌশিনবীরো হায়না হায়জরম্মী!

মোদীজী: চহি ৬-৭ ফমুংদা তাদুনা লৈরবা! হে ঈশ্বর।

সুকদেবীজী- হোয়।

মোদীজী- ওহো!

সুকদেবীজী– হৌগৎপা শুকঙম ঙমদবনি!

মোদীজী- হৌজিক্তি অদোমগী খুউ নাবা হান্নদগী ফরবরা?

সুকদেবীজী- ঐহাক্না অকোয়বদা কোইবা চৎলি। ঐহাক্না চাকখুমগী থবকশু তৌই! য়ুমগী থবকসু তৌই! ঐহাক্না অঙাংশিংগী চান-থক্নবা শেম শাই।

মোদীজী- মসিনা তাকপদি অয়ুশমান ভারতকী কার্দনা অদোমবু নাদ-য়েক্তনা লৈহল্লে হায়বনি।

সুকদেবীজী– অদোমবু থাগৎচরি! অদোমগী থৌরাংগী মতেংনা ঐহাক্কী অনাবা ফহল্লে, ঐহাক্কী খোঙ অসি লেপ্পা ঙমহল্লে।

মোদীজী- অদুদি অঙাংশিংসু য়াম্না হরাউরম্লগনি? 

সুকদেবীজী- অচুম্বনি হান্নদি অঙাংশিংসু য়াম্না নুঙাইরমদে। মমানা ৱারবদি মচাশিংসু ৱাবা মহৌশানি।

মোদীজী- য়েংউ, পুন্সিদা খ্বাইদগী নুঙাইবসি নাদ-য়েক্তনা লৈবনি, নুঙাইবা পুন্সি ফংহনবা হায়বসি অয়ুশমান ভারতকী নুংগী ওইবা ৱাহন্থোক্নি। সুখদেবীজী অদোম্বু নুঙাই য়াইফবা পীনবীবা ওইরসনু অমুক্কসু হন্না রাধে রাধে।

সুকদেবীজী- রাধে – রাধে, নমস্তে!

ঐগী নুংশিজরবা ইরৈবাকচাশিং, নহাশিংনা মশিং য়াম্না লৈবা লৈবাকশিংদা পোৎশক অহুমখক য়াম্না মরুওই। করিগুম্বা মতমদা মদুনা নহাশিংগী মশক তাক্নবগী মচাক অমা ওইরক্লে। অআনবা অদুদি ৱাখল্লোন অমসুং ইনোবেসন। অনিশুবা অদুদি খুদোংথীবা মায়োক্নবগী থৌনা অদুগা অহুমশুবদা কে দু স্পিরিত হায়বদি থবক অমা মপুংফানা পাংথোক্নবগী থৌনা অদুনি। তোঙান তোঙানবা অরুবা ফীভমদা হায়রিবা অহুম অসি পুল্লবদি অঙকপা ফল অমা ফংগনি। ঙসি ঐখোয়না স্তার্ত-অপ হায়না মাইখৈ মরি মক্তা তারি। অশেংবনি হৌজিক স্তাত-অপকী মতমনি, স্তার্ত-অপকী তাইবংদা ভারত মালেমদা লুচিংলিবা লৈবাক অমনি হায়বসিসু অচুম্বনি।  চহি খুদিংগী স্তার্ত-অপনা ইনবেস্তমেন্তদা রেকোর্দ থম্লি। সেক্তর অসিনা য়াম্না য়াংনা খুমাং চাউশিল্লি। হৌজিক লৈবাক অসিগী অপীক অপীকপা মফম কবাদা স্তার্ত অপকী মশিং হেনগৎলক্লি। হৌজিক মতম অসিদা য়ুনিকোর্ন হায়রিবা ৱাহৈ অসি য়াম্না ফাওগৎলক্লি। ময়াম পুম্নমকসু তান্নরম্লগনি। য়ুনিকোর্ন হায়রিবা অসি য়ামদ্রবদা বিলিয়ন দোল্লর ১, হায়বদি লুপা করোর তরেৎকী হেনবগী ভেল্যুসেন লৈরবা স্তার্ত-অপ অমনি।

মরুপশিং, ২০১৫ ফাওবদা লৈবাক অসিদা য়াম্না ৱানা য়ুনিকোর্ন মাপন তরাখক লৈরম্মি। য়ুনিকোর্নগী তাইবঙদা ভারত য়াম্না য়াংনা চংশিল্লি হায়বসি খংবদা অদোম য়াম্না নুঙাইবা ফাওগনি। রিপোর্ত অমগী মতুং হন্দক্কী চহি অসিদা অচৌবা অহোংবা অমা লাক্লে। থা ১০ খক্তদা ভারতনা নুমিৎ ১০ খুদিংগী য়ুনিকোর্ন অমমম শেম্বা ঙম্লে। কোরোনা লাইচৎ অসিগী চৈরক্তা ঐখোয়গী নহাশিংনা মসিগী মাই পাকপা অসি পুক্লিবনি হায়বদা অমুক্কা হেন্না চাউথোকচনীংঙাইনি। ঙসিদি ভারত্তা য়ুনিকোর্ন ৭০দগী হেন্না লৈরে। হায়বদি স্তার্ত-অপ ৭০ হেনবনা বিলিয়ন ১ হেনবগী ভেল্যুএসন হেনখ্রে। মরুপশিং স্তার্ত-অপকী মাই পাকপা অসিনা মীয়ম্না মসিদা পুক্নিং চংনরক্লি, লৈবাক অসিগী অমসুং মীরৈবাক্কী ইনবেস্তরশিংগী মতেং স্তার্ত-অপশিং অসিনা ফংবা ঙম্লে। অদুবু চহি খরগী মমাংদদি অসুম্না ওইরক্কনি হায়বা ফাওবা খল্লমদে।

মরুপশিং, স্তার্ত-অপশিংগী মতেংনা ভারতকী নহাশিংনা মালেমগী অৱাবশিংগী সোলুসন পুথোকপদা মতেং পাংলি। ঙসি ঐখোয়না য়াম্না নহা ওইরিবা ময়ুর পতিলগা ৱারী শান্নগনি, মহাক্না মরুপশিংগা লোয়না পোলুসনগী অৱাবশিংগী সোলুসন পুথোক্নবা হোৎনখি।

মোদীজী- ময়ুরজী নমস্তে।

ময়ুর পতিল- খুরুমজরী সর।

মোদীজী- ময়ুরজী অদোম কমদৌবীরি।

ময়ুর পতিল- য়াম্না নুঙাইজরি। সর অদোম নুঙাইবীরিবরা?

মোদীজী- ঐহাক য়াম্না নুঙাইজরি। অদোম হৌজিক স্তার্ত অপকী লম অসিদা লৈরিবরা? 

ময়ুর পতিল- লৈজরি।

মোদীজী- অদুগা ৱেস্ততগী বেস্তসু পাংথোক্লি।

ময়ুর পতিল- তৌজরি।

মোদীজী- অকোয়গী ফীভমগী মতাংদসু অদোমগী ওইবা ৱাফম খরা ফোঙদোকপীয়ু। অদোমগী থবক্কী মতাংদা অমসুং থবক অদুগী ৱাখল্লোন মতৌ করম্না লাকখিবনো হায়বগী মাংদসু হায়ু?

ময়ুর পতিল- সর, কোলেজ তম্লিঙৈ মতমদা ঐহাক্কী মোতোরসাইকল অমা লৈরম্মি। মদু থাও য়াম্না চারম্মি। মদু তু স্ত্রোক মোতোর সাইকলনি। ইমিসন হণ্থনবা অমসুং মাইলেজ হেনগৎনবা ঐহাক্না কন্না হোৎনখি। ২০১১-১২ অদুৱাইদা ঐহাক্না লিতর অমদা কিলোমীতর ৬২গী মাইলেজ হেনগৎহল্লম্মি। মসিদগী ঐহাক্না মাস প্রদক্সন পীবা ঙম্বা পোৎশক শেম্বা ঙম্নবা ইহুল ফংখি, মসিনা মীয়ামদা কান্নবা য়াম্না পীগনি। ২০১৭-১৮দা ঐখোয় খরনা মসিগী তেক্নোলোজী অসি পুথোক্তুনা রিজনেল ত্রান্সপোর্ত কোর্পোরেসনগী বস ১০দা শিজিন্নখি। মদুগী ফল ওইনা বসশিং অদুগী ইমিসন চাদা নিফু হন্থহনখি। 

মোদীজী- হম! অদোম্না দিবেলপ তৌরিবা তেক্নোলোজী অসিগী পেতেন্তকী রেজিস্তর তৌরবরা?

ময়ুর পতিল- হোয় সর! হন্দক পেতেন্তকী গ্রান্তকী অয়াবা পীরক্লে।

মোদীজী- হৌজিক মসি হেন্না চাউথোক্নবগী অদোমগী প্লান করিনো? বসকী ফল ফংখিবা অসিগা লোয়ননা ই-পাউ কয়ামরুম অমসু থোরক্লগনি। মথং করি তৌগে হায়না খল্লি? 

ময়ুর পতিল- সর, স্তার্ত-অপ ইন্দিয়াগী মখাদা নিতি আয়োগনা অতল ন্যু ইন্দিয়া চেলেঞ্জ হৌদোকখ্রে। মসিগী মতেংদগী ঐখোয়দা গ্রান্ত পীরক্লে, মসিগী মতেংনা ঐখোয়না ফেক্তরী অমা লিংখৎলে, মসিদা এয়র ফিল্তরশিং শারগনি। 

মোদীজী- ভারত সরকারদগী গ্রান্ত কয়া ফংলবগে?

ময়ুর পতিল– লাখ ৯০

মোদীজী– লাখ ৯০

ময়ুর পতিল- হোয়।

মোদীজী- মসিনা অদোমগী থবক অদু পাংথোকপদা মপুং ফাহনখিবরা?

ময়ুর পতিল- হোয় হৌজিক হৌরে। প্রোসেসতা লৈরি।

মোদীজী- অদোম্না থবক অসি মরুপ কয়াগা লোয়ননা পাংথোক্লিবগে?

ময়ুর পতিল- ঐখোয় মী মরিনি সর।

মোদীজী- নখোয় মরিমক পুন্না লাইরিক তম্মিন্নরকপরা অদুগা মাংদা চংশিন্নবা ৱাখল্লোন অসি ফাওরক্লিবরা?

ময়ুর পতিল- হোয়! ঐখোয় কোলেজ পুন্না তম্মিন্নরকই। ঐখোয়না কোলেজতা মসি ময়াম অসি খন্নখি, মোতোরসাইকলদগী পোলুসন হন্থনবা অমসুং মাইলেজ হেনগৎনবা ৱাখল্লোন অসি ঐহাক্কীনি।

মোদীজী- পোলুসন হন্থহল্লবা মাইলেজ হেনগৎহল্লবদি চাংচৎতা শেল কয়া তুংশিনবা ঙম্লগনি?

ময়ুর পতিল– সর, মোতোরসাইকলদা ঐখোয়না চাংয়েং তৌবদা হান্না লিতর অমনা কিলোমীতর ২৫ ওইরম্বদু লিতর অমনা কিলোমীতর ৩৯ ওইহনখি, মসিনা কিলোমীতর ১৪ কান্নহল্লে অমসুং চাদা ৪০ কার্বন ইম্মিসন হন্থহল্লি। ঐখোয়না রিজনেল ত্রান্সপোর্ত কোর্পোরেসনগী বসতা চাংয়েং তৌবদা চাদা ১০গী ফ্যুল ইফিসেন্সি হেনগৎহনখি অমসুং চাদা ৩৫দগী ৪০ ফাওবগী ইম্মিসন হন্থহনখি।

মোদীজী- ময়ুর অদোমগা ৱারী শান্নরগা য়াম্না নুঙাইবা পোকই, ঐহাক্কী মাইকৈদগী অদোম অমসুং অদোমগী মরুপশিংবু থাগৎপা ফোঙদোকচরি। কোলেজ তম্লিঙৈদা থেংনরকপা অৱাবা খুদোংচাদবা কয়া কোকহনবগী পাম্বৈ নখোয়না পুথোকখিবা, হৌজিক্তি পাম্বৈ অদুনা অকোয়গী ফীভম কনবগী ইহৌ অমা শাগৎনবা অদোমনা মায়োং য়ারি। ঐহাক্কী মাইকৈদগী অদোম্বু য়াইফ মঙ্গোল পীজরি থাগৎচরি।

ময়ুর পতিল- থাগৎচরি সর! থাগৎচরি।

মরুপশিং, চহি কয়াগী মমাংদা অসিগুম্বা কনাগুম্বা অমনা করবার তৌগে হায়রবদি য়ুমগী অহল লমন্না করিগী কর্বার তৌনীংলিবা চান্নবা থবক অমা তৌহৌ হায়না হায়নরম্মি। থবক তৌরবদি সিক্যুরিতী লৈ তোলোপ ফংই, অৱাবা লৈতে অসিনি। অদুবু ঙসিদি মীওই অমনা কর্বার তৌগে কম্পনী অমা হাংগে হায়রবদি মহাকপু পুক্নিং থৌগৎনবা হোৎনরি। মরুপশিং মীয়াম থবক থীবা ওইদনা থবক পীবা ঙম্নবা মংলান অসি ভারতকী গ্রোথ স্তোরীদা তর্নিং পোইন্ত অমনি। মসিনা মালেমগী থাক্তা ভারতপু মপাঙ্গল কলহল্লি।

ঐগী নুংশিজরবা ইরৈবাকচাশিং, ঙসি মন কী বাত থৌরমদা ঐখোয়না অমৃত মহোতসবকী ৱাফম থমখি। অমৃত কাল অসিদা করম্না লৈবাকচাশিংনা অনৌ অনৌবা ৱারেপ লৌনখিবা মসিগী মতাংদা খন্নখি লোয়ননা দিসেম্বর থাদা লাক্কদৌরিবা আর্মীশিংগী লেমজনীংঙাই ওইরবা থৌরমশিংগী মতাংদসু পনখি। দিসেম্বর থাদা য়াম্না মরুওইবা নুমিৎ অমগসু লৈ। দিসেম্বর ৬ অসি বাবাসাহেব অম্বেদকরগী লৈখিদবা নুমিৎনি। বাবা সাহেবনা লৈবাক্কীদমক্তা মহাক্কী তৌবা ঙম্বা মথৌ তৌদুনা মপুন্সি কত্থোকখি। লৈবাক মীয়াম্না মহাক্কী সংবিধানগী মরুওইবা মশক ওইরিবা ইশাগী মথৌ মশক খংবা হায়বসি কাওরোইদবনি। ঐখোয়গী সংবিধান্না ঐখোয় পুম্বনা মশা মশাগী মথৌ পাংথোকপা হায়বসি অশা তৌই। মরম অসিনা অমৃত মহোতসব অসিদা ঐখোয় পুম্বা কত্থোকপগা লোয়ননা ইশাগী থৌদাং পাংথোক্লসি হায়না ৱাশক্লসি। মসিনা বাবা সাহেবতা কচ্চবা অশেংবা শ্রধাঞ্জলী ওইগনি। 

মরুপশিং, ঐখোয় দিসেম্বর থা চংবা হৌরে, মথংগী মন কী বাত ২০২১গী অরোইবা ওইরগনি। ২০২২দা খোঙচৎ অমুক হৌরগনি, অদোমগীসু ৱাফম কয়া ঐহাক্না তরাম্না ঙাইদুনা লৈ, মখাতানা লৈখিগনি। অদোম্না হন্দক্কী চহি অসি করম্না লেনখিবা অনৌবা চহি অসিদা করি তৌগদৌরি ঐঙোন্দা খংহনবীরকউ লোয়ননা কোরোনা লোইদ্রি হায়বসি কাউবীগনু। চেকশিনবা হায়বসিনা ঐখোয় পুম্নমক্কী ইথৌদাংনি।

পুম্নমকপু হন্না থাগৎচরি!

ঐহাক্কী নুংশিরবা লৈবাকমচাশিং, খুরুমজরি...অদোমগী মফমদা বিলিয়ন অমা থোক্না হন্না খুরুমজরি! লৈবাক অসিনা ভেক্সিন দোজ করোর ১০০ হেন্না কাপখিবদগী অনৌবা শক্তি অমসুং থৱাই য়াওবগা লোয়ননা তুংলমচৎকীদমক্তা চঙশিল্লিবা অসিগীসু ‘কোতি কোতি নমস্কার’ হায়না ঐহাক্না অমুক্কসু হায়জরি। ঐখোয়গী তীকা থাবগী খোঙজংনা মাই-পাকপসিনা ভারতকী তৌবা ঙম্বগী মতিক উৎলি অমসুং ঐখোয়গী অপুনবা থৌওংগী পাঙ্গলবু মীয়াম মাঙদা থম্লরি।

মরুপশিং, ভেক্সিন দোজ করোর ১০০গী মশিং অসি য়াম্নদি য়াম্মি, অদুবু মসিগা মরী লৈনবা ইথীল পীনীংঙাই ওইবা অমসুং চাউথোকচনীংঙাই ওইবা অপিকপা খুদম লাখ কয়া অমা লৈ। ভেক্সিন কাপ্পগী কেম্পেন হেক হৌবদগী ঐহাক্না খোঙথাং অসি শোইদনা মাই-পাক্কনি হায়বগী থাজবসি মতৌ করম্না লৈখিবগে হায়না মীওই কয়াগী চিথীদা হংলকই। ঐহাক্না লৈবাক অমসুং মীয়ামগী তৌবা ঙম্বগী মতিক খঙজবনীনা ঐহাক্না য়াম্না থাজবা লৈখি। লৈবাক মীয়ামদা তীকা থানবগীদমক্তা ঐখোয়গী হকশেলগী থৌমীশিংনা করিমত্তা অৱাৎপা লৈহল্লোই হায়বা ঐহাক্না খঙখি।ঐখোয়গী হকশেলগী থৌমীশিংনা অৱাবা খঙদবা অমসুং ৱারেপ চেৎপা থৌওংগী খুত্থাংদা অনৌবা থৌওং পাংথোক্তুনা অমসুং খোঙফম চেৎনা মীওইবা খুন্নাইদা তেংবাংবগী মশক থোকপা অনৌবা ফিদম থম্বা ঙমখি। শিংনবা কয়া লান্থোক্তুনা অমসুং য়াম্লবা মীয়ামদা তেক্ত-কায়দবগী কুয়োম পীবদা মখোয়না মশিং থিঙমদ্রবদা থৌদোক কয়া থেংনখিবগী ৱাফম কয়া অমা লৈ। মাই পাকপা অসি ফংনবা মখোয়না কয়া ৱানা হোৎনখিবগী মতাংদা ঐখোয়না পাউ-চেদা খক্তা নত্তনা অতোপ্পা কয়াদগী তত্তনা তারী, নোংম-নোংমগী ফবা হেনগৎপা খুদম কয়া অমা ঐখোয়গী মাঙদা লৈরি। ঙসিগী মন কী বাত তাবীরিবা মীয়ামদা অসিগুম্বা হকশেলগী থৌমী অমা শক্তাকচগে। মহাক্তি, উত্তরাখন্দগী বাগেশ্বরদগী পুনম নাউতিয়ালনি। মরুপশিং, মহাক অসি ১০০%কী চাংদা ভেক্সিন কাপখিবা অদুগুম্লবা উত্তরাখন্দগী বাগসেশ্বরদগীনি। য়ৌবদা ৱাবা মফম অমা ওইবনা, লমদমসিদা অসিগুম্বা মাই-পাকপা ফংবগীদমক্তা ঐখোয়না উত্তরাখন্দ সরকারবু তসেংনা থাগৎফম থোকই। মান্নবা ওইনা, অসিগুম্লবা অৱাবা কয়াগী মরক্তা হিমাচল প্রদেশনসু ১০০%গী চাংদা ভেক্সিন কাপখি। পুনমজীনা মহাক্কী লমদমগী মীয়ামদা ভেক্সিন কাপ্নবগীদমক্তা অহিং-নুংথিল নাইদনা হোৎনরমগনি হায়না ঐহাক্না লৌই।

পি.এম.- পুনমজী, নমস্তে

পুনম –প্রনাম সর

পি.এম. – পুনমজী, তাবীরিবা লৈবাক মীয়ামদা ইশাগী মরমদা খরা হায়বীয়ু।

পুনম –সর, ঐহাক পুনম নাউতিয়ালনি। ঐহাক উত্তরাখন্দগী বাগেশ্বর জিলাগী চানী কোরালী সেন্তরদা এ.এন.এম. ওইনা থবক তৌজৈ।

পি.এম. – পুনমজী, ঐহাক্না লাইনীংফম অমা ওইরিবা বাগেশ্বরদা লাকপা ফংবসি ঐহাক্কী লাইবক ফবনি। মসিদা অরিবা মতমগী লাইশঙ কয়া লৈ। মফম অসিগী মীওইশিংনা চহি কয়া মমাংসিদা থবকশিং অসিবু মতৌ করম্না পাংথোক্লমগদগে হায়না ঐহাকপু ঙকহল্লি।

পুনম – হোই, সর।

পি.এম. –পুনমজী, অদোম্না অদোমগী লমদমগী মীওই খুদিংদা ভেক্সিন কাপখিবরা?

পুনম – হোই সর, মীওই লোইনমক কাপখ্রে।

পি.এম. – অদোম্না খুদোংচাদবা মখল কয়া থেংনখিবরা?

পুনম –থেংনখি, সর। নোং তাবা মতমদা, লম্বী লোইনা থিংই। ঐখোয়না তুরেল লানখি। এন.ঐচ.সি.ভি.সি. পাংথোকখিবগুম্না সেন্তরদা লাকপা ঙমদবা মীওই, অহল লমন, দিব্যাং মীওই, মীরোনবী, শঙ্গোম পীথক্লিবীগুম্বা মীওই কয়াগীদমক্তা ঐখোয়না য়ুম্থোং খুদিংদা চত্তুনা কাপখি।

পি.এম. –অদুবু মখোয়শিংদু চিংদা লৈরমগনি, য়ুমশিংসু য়াম্না লাপ্না লৈরমগনি!

পুনম – হোই

পি.এম. –অদুদু, অদোম্না নোংমদা কয়াম্না চৎপা ঙমখি?

পুনম –সর, চাউরাক্না কিলোমীতর ১০, করিগুম্বা কান্দা ৮!

পি.এম. –মানি, তেরাই ফম্বাক্তা লৈবা মীওইশিংনা কিলোমীতর ৮-১০ হায়বসি করম তৌরমগনি হায়বদি খঙলরোই! চিংদা কিলোমীতর ৮-১০ চৎপসি নোংমা পুরা চঙবনি হায়বা ঐহাক্না খঙই।

পুনম – হোই

পি.এম. –ভেক্সিনগী পোৎ-চৈ ময়াম অমসুং অতোপ্পা কয়া পুদুনা নোংমা চঙনা চৎপদি, য়াম্না অৱাবা খোঙচৎ ওইরমগনি। অদোম্বু তেংবাংবা মীওই অমত্তনা অদোমগা চৎমিনদবরা?

পুনম –চৎলি, তীম মেম্বরগা ঐখোয় মীওই মঙানি, সর।

পি.এম. – ফরে।

পুনম –মদুদা দাক্তর অমা, এ.এন.এম., ফার্মাসিস্ত, আশাগী থৌমী অমসুং দেতা এন্ত্রী ওপরেতরগনি।

পি.এম. –ওহ!....মফমদুদা কন্নেক্তিবিতী ফংবরা নত্ত্রগা অদোম্না হল্লক্লগা দেতা এন্ত্রী তৌবরা?

পুনম –হোই সর, মফম খরদা ফংবা য়াওই, করিগুম্বা কান্দনা ঐখোয়না বাগেশ্বরদা হল্লক্লগাতৌবসু য়াওই।

পি.এম. –ফরে, পুনমজী অদোম্না থৌনা ফনা থোক্তুনা মীয়ামদা ভেক্সিন কাপখি হায়বা ঐঙোন্দা তম্লে। মসিগী ৱাখল্লোন অসি করিনো... ৱাখল্লোন অসি অদোমদা করম্না লাকপগে উমসুং অদোম্না করম্না শিন-লাঙখিবগে?

পুনম –মীওই অমত্তা থাদোক্তবা হায়দুনা ঐখোয়না ৱারেপ লৌখি, কোরোনাগী লাইচৎ অসি লৈবাক অসিদগী মরু ফংনা মাঙহনখিগদবনি। আশাগা ঐহাক্না খুঙ্গংশিংগী ৱাৎহৌবা মীওইগী পরিং শেম্মি, মদুগী মতুং ইন্না সেন্তরদা লাকপা মীওইশিংদি সেন্তরদা অদুমক কাপখি। অদুদগী, ৱাৎহৌরিবা অমসুং সেন্তরদা লাকপা ঙমদবশিংগীদমক্তা ঐখোয়না য়ুম্থোং খুদিং চৎপা হৌখি।

পি.এম. –ফরে, অদোম্না মীওইশিংদুদা নীংথিনা তাকপগী মথৌ তাবদি য়াওখিবরা?

পুনম –হোই, য়াম্না য়াওখি, য়াম্না তাকপা তাখি...

পি.এম. –মীওইশিংদুনা ভেক্সিন কাপ্নিংবরা?

পুনম –হোই সর, হৌজিক্তি মখোয় লোয়না খঙলে। অহানবদা ঐখোয়না শিংনবা কয়া থেংনরম্মি, ভেক্সিন অসি ফৈ, তেক্ত-কায়দবনি হায়না তাকপগী মথৌ য়াম্না তারম্মি। ঐখোয়সু ভেক্সিন কাপ্লে অমসুং লোইনা শাফরি হায়বা তারম্মি।

পি.এম. –মীওই অমত্তদগী ৱাকৎপা লাকপা মফমদি য়াওদবরা? কোন্নসু?

পুনম –য়াওখিদে, সর।

পি.এম. –করিমত্তা থোকখিদে?

পুনম – হোই

পি.এম. –মীপুম খুদিংমক লোইনা পেনখি?

পুনম – হোই

পি.এম. – অদুদি য়াম্না ফবনি

পুনম – হোই

পি.এম.– অদোম্না চাউরবা থবক অমা পাংথোক্লে। অদোম্না চিংদা চৎপগুম্বসি য়াম্না খুদোংচাদবনি হায়বা ঐহাক্না খঙই। চিং অমুক কাগনি, অমুক কুমগনি, অতোপ্পা চিং অমা অমুক কাগনি, য়ুমশিংসু লাপ্ননা লৈ। অদু ওইরবসু, অদোম্না নীংথিজনা অমসুং মাই-পাক্না পাংথোকখি।

পুনম –থাগৎচরি সর। অদোমগা ৱারী শাবসি ঐহাক্কী লাইবক ফবনি।

পি.এম. - অদোমগুম্বা হকশেলগী থৌমী লাখ কয়ানা কন্ন হোৎনখিবগী থৌওংনা ঐখোয়না ভেক্সিন দোজ করোর ১০০ লানবা ঙম্লিবনি। ঙসিদি, ঐহাক্না অদোমখক নত্তনা ‘সবকো ভেক্সিন-মুফ ভেক্সিন’বু মাই পাকহনখিবা ভারতমচা খুদিংবু ঐহাক্না থাগৎলি। ঐহাক্কী মাইকৈদগী অদোম অমসুং ইমুং মনুংগীদমক্তা য়াইফ পাউজেল পীজরি।

ঐহাক্কী নুংশিরবা লৈবাক মীয়াম, মথংগী নোংমাইজিং, ওক্তোবর ৩১ অসি সর্দার পতেলগী মপোক কুমওন্নি হায়বা খঙলম্লগনি। ‘মন কী বাত’ তারীবা মীওই খুদিং অমসুং ঐহাক্কী মাইকৈদগী আইরন মেন অসিগী মফমদা ইকায় খুম্নবা উৎচরি।  মরুপশিং, ঐখোয়না ওক্তোবর ৩১বু নেস্নেল য়ুনিতী দে হায়না পালন তৌই।

লৈবাক অমত্তা ওইসি হায়বগী পন্দম লৈবা থৌওং অমগা ঐখোয়গা মরী লৈনবসি ঐখোয় খুদিংগী থৌদাংনি। গুজরাত পুলিসনা কুৎচকী লাখপৎ কিলাদগী স্তেচ্যু ওফ য়ুনিতী ফাওবা বাইক্কী রেলী অমা হন্দক চৎখিবদু অদোম্নসু খঙলগনি। য়ুনিতী দে পালন তৌনবগীদমক্তা, ত্রিপুরা পুলিসকী মীওইশিংনা ত্রিপুরাদগী স্তেচ্যু ওফ য়ুনিতী ফাওবগী বাইক রেলী অমস শিন-লাঙলি। মসিগী পান্দমদি, লৈবাক্কী নোংপোক্কা লৈবাক্কী নোংচুপকা শম্নহনবনি। জম্মু অমসুং কশমির পুলিসকী মীওইশিংনসু মসিগা মান্নবা ওইনা উরিদগী পথানকোৎ ফাওবগী বাইক রেলী অমস শিন-লাঙলি। ঐহাক্না জৱানশিং অসিগী মফমদা নোলুকচরি। ঐহাক্না জমু কশ্মিরগী কুপ্বারা জিলাগী ইচলশিংগী মতাংদসু পাউ তারে। ইচলশিং অসিনা জম্মু কশ্মিরদা আরমী অমসুং সরকারগী ওফিসশিংগী মচু অহুমগী ফিরাল শাগদৌরি। থৌওং অসিদা লৈবাক নীংবগী মমি নীংথিজনা তারি। ঐহাক্না ইচলশিং অসিগী ৱাখল্লোনবু থাগৎনীংই। অদোমসু, ভারতকী অপুনবা অমসুং মতিক লৈনবগীদমক্তা করিগুম্বা খরা তৌগদবনি। মসিদা কয়াম্না নুংঙাইবগে হায়বা অদোম্না খঙবা ঙমগনি।

মরুপশিং, সরদার সাহেবনা অসুম্না হায়বীরম্মি – “ঐখোয়না পুন্না হোৎনমিন্নবা মতমদা লৈবাকপু অৱাংবা থাক্তা পুখৎপা ঙমগনি। ঐখোয়গী মরক্তা অমত্তা ওইবগী মতৌ লৈত্রবদি, ঐখোয়না অৱাবা কয়া মাইয়োক্নগনি”। মসিনা হায়বদি, লৈবাক্না পুল্লবা মতমদা, লৈবাক্কী চাউখৎপা অমসুং মিংচৎ লাক্কদৌরিবনি। ঐখোয়না সর্দার পতেলগী পুন্সি অমসুং ৱাখল্লোন্দগী পরা ময়াম অমা তম্বা য়াই। লৈবাক্কী ইনফোর্মেসন অমসুং ব্রোদকাস্তিং মন্ত্রালয়না সরদার সাহেবকী ফোতোগী ওইবা পুন্সি ৱারী অমা হন্দক্তা ফোঙখি। মসিগী খুত্থাংদগী অদোম্না সর্দার সাহেবকী মতাংদা য়াম্না নুংঙাইবা মওংদা ৱাফম কয়া খঙবা য়াগনি।

নুংশিরবা লৈবাক মীয়ামশিং, পুন্সিনা লেপ্তনা মখা চত্থবা, চাউখৎপা, অৱাংবা থাক কয়া লানবা পাম্মি। সাইন্সনা য়াম্না চাউখৎলবসু, চাউখৎপগী চাং ৱাংলবসু, বিলদিং অমনা কয়া য়াম্না নীংথিরবসু, পুন্সিদা অৱাৎপা অদুম লৈগনি। মসিদা ঈশৈ-নোংমাই, লিলা-দ্রমা হাপচিনবা মতমদা, পুন্সিগী মশেক-মঙাল অমসুং হৈনিংবা য়াম্না হেনগৎকনি। মরম অদুনা, পুন্সি নুংঙাইবদা হায়রিবশিং অসিগী মথৌ তাই অমসুং হীরমশিং অসিনা ঐখোয়গী নুংগী শক্তি হেনগৎহন্নবগীদমক্তা ঐখোয়গী পুন্সিদা ইথিল পীবগী থৌওং পাংথোকই হায়নরীবনি। মীওইবগী নুংগী ওইবা হিংবগী ইথিল, ইশাগী নুংগী ওইবা খঙচৎকী লম্বী শেম্বদা ঈশৈ-নোংমাইগী থৌদাং য়াম্না মরু ওই। মসিগী অতোপ্পা মপাঙ্গল অমনা, মতম অমসুং পনখৈনা মসিদা অকক্নবা থম্বা য়ারোই, থাজবা অমসুং মোৎ-তিন্নদবনসু মসিদা অকক্নবা থম্বা ঙম্লোই। কনাগুম্বগী কলা, নাৎ, ঈশৈ-নোংমাইগী ফজবনা অমৃত মহোৎসবপুসু পুম্থন থলহনগদবনি। ঐহাক্না ঈশৈ-নোংমাইগী পাঙ্গল অমসুং অমৃত মহোৎসবকা মরী লৈনবা পাউতাক কয়া নহাশিংদগী ফংই। মসিগী পাউতাকশিং অসি ঐহাক্কী ওইনা য়াম্না মরু ওই, মগুন লৈ। ঐহাক্না মখোয়শিংবু কলচর মন্ত্রালয়দা য়েংশিন্নবা থাখ্রে। মন্ত্রালয়না তেল্লবা মতমদা পাউতাকশিং অসি লুনা লৌদুনা থবক তৌবা হৌবসিদা ঐহাক্না নুংঙাইবা ফাওই। পাউতাকশিং অসিগী মনুংদগী অমদি, লৈবাক নীংবগী ঈশৈ চাংদম্নবনি। তোঙানবা লোলগী লৈবাক নীংবা অমসুং লাইগী ঈশৈশিংনা  নীংতম ইহৌগী মনুংদা লৈবাকপু অমত্তা ওইনা পুন্সিনখি। হৌজিক্কী অমৃতগী মতম অসিদা ঐখোয়গী নহাশিংনা লৈবাক নীংবগী ঈশৈ ইদুনা থৌরম অসিদা থৱাই হাপ্পা য়াই। ঈশৈশিং অসি মমালোন্দা, লৈবাক্কী লোন্দা অমসুং ইংলিশ্তা ইবা য়াই। অদুবু, লৈবাক্কী হৌজিক্কী মাই-পাকপসিনা ইথিল পীদুনা মসিনা অনৌবা ভারতকী ৱাখল্লোনগী মমি তাহনগদবনি। মসিনা লৈবাক্কী তুংগী মতমগী ৱারেপ লৌহন্নবা শাফু পীগদবনি। কলচর মন্ত্রালয়না তেহসিলদগী লৈবাক্কী থাক ফাওবদা হায়রিবা চাংদম্নবা অসি পাংথোক্নবা শেম-শাবা লোইরে।

মরুপশিং, মসিগা মান্নবা ওইনা, ‘মন কী বাত’ তাবা মীওই অমনা অমৃত মহোৎসব অসি রঙ্গোলীগা মরী লৈনহনগদবনি হায়বা ৱাফম অমসু থম্লক্লি। ঐখোয়না রঙ্গোলীগী খুত্থাংদা কুমহৈদা থৱাই হাপ্পগী চৎনবী অমা চহি-চা কয়াদগী চৎনদুনা লাক্লি। ঐখোয়গী লৈবাক্কী তোঙানবা মওং চেনবসি রঙ্গোলীদা উবা ফংবনি। রঙ্গোলী অসি তোঙান-তোঙানবা রাজ্যশিংদা খেন্নবা মচু অমসুং ৱাখল্লোণ ফোংদোক্তুনা য়েক্নৈ। মরম অদুনা, কলচর মন্ত্রালয়না মসিগা মরী লৈননা লৈবাক্কী ওইবা কম্পিতিসন অমা পাংথোক্কনি। নীংতম্বগী ইহৌগা মরী লৈনবা রঙ্গোলী শেম্বা, মীয়ামগী থোঙ অমসুং ফক্লাংদা নীংতম ইহৌগী অথৌবগী ফোতো অমসুং থৌদোক কয়াবু তোঙান-তোঙানবা মচু শিজিন্নদুনা য়েকপা মতমদা অমৃত কুমহৈগী নীংথিবসু য়াম্না হেনগৎকনি হায়বগী মতাংদা অমুক্তা খন্থবীয়ু।

মরুপশিং, লোরি কৌবা ঐখোয়গী কলাগী মখল অমসু লৈরি। মসিদা, নাউশুম ঈশৈগী খুত্থাংদা অঙাংশিংদা চৎন-লোনচৎকী মরমদা খঙহল্লি অমসুং চৎনবীশিংবু শক্তাক্নৈ। নাউশুম ঈশৈগীসু তোঙানবা মওং য়াম্না লৈ। ঐখোয়না অমৃতকী মতমসিদসু য়ুম্থোং খুদিংগী মমাশিংনা অঙাংশিংদা লায়না খঙহনবা য়াবা লৈবাক নীংবগী ইথিল পীগদবা নাউশুম ঈশৈ, শৈরেং নত্ত্রগা চুনবা অমা ইবা হৌদুনা চৎনবী অসিবু অমুক্কা হন্না হিংগৎহনবা য়াইনা। নাউশুম ঈশৈশিং অসিদা হৌজিক্কী মতমগী ভারত, ২১শুবা চহি-চাগী ভারতকী মিৎয়েং অমসুং মঙলানগী মতাংদা শৈরেংগদবনি। মন্ত্রালয়না মন কী মাত তারীবা মীওইশিংগী পাউতাক কয়া তারবা মতুংদা মসিগা মরী লৈনবা কম্পিতিসন অমা শিন্নবা ৱারেপ লৌখ্রবনি।

মরুপশিং, মসিগী কম্পিতিসন অহুম অসি সর্দার সাহেবকী মপোক কুমওন, ওক্তোবর ৩১দগী হৌরগনি। কলচর মন্ত্রালয়না লাক্কদৌরিবা নুমিৎশিংদা থৌরমসিগা মরী লৈনবা ই-পাউ থাদোক্লগনি। ই-পাউশিং অসি মন্ত্রালয়গী ৱেবসাইৎতা ফংগনি অমসুং সোসিএল মীদিয়াদসু থাদোক্লক্কনি। ঐহাক্না অদোম খুদিংনা মসিদা শরুক য়াহন্নীংই। ঐখোয়গী নহা ওইরিবা মরুপশিংনা, থৌরমসিগী খুত্থাংদা মখোয়গী হৈ-শিংবা উৎকদবনি। মসিগী খুত্থাংদগী, অদোমগী মফমগী কলা অমসুং চৎনবীনা লৈবাক্কী কাচিন-কোয়া শিনবা থুংনা য়ৌগদৌরিবনি অমসুং অদোমগী ৱারীবু লৈবাক পুম্বনা পাদৌরিবনি।

নুংশিরবা লৈবাক মীয়াম, অমৃত মহোৎসবকী মতমসিদা ঐখোয়না লৈবাক্কী শক্নাইরবা অমসুং থৌনা ফরবা মচানুপা অমসুং মচানুপীশিংবু নীংশিংলি। মথংগী থাদসু, অসিগুম্বা শক্নাইবা অমসুং থৌনা ফবা লান্মী, ভগ্বান বির্সা মুন্দাজী মপোক কুমওনসু নবেম্বর ১৫দা তাই। ভগ্বান বির্সা মুন্দাবু ধর্তি আবা’ হায়নসু কৌনৈ। মসিনা করি হায়রিবনো হায়বা অদোম খঙবরা? মসিনা হায়বদি, পৃথীবিগী মপা হায়বনি। ভগ্বান বির্সা মুন্দানা মহাক্কী নাৎ, উমং, লমগীদমক্তা লান্থেংনখিবা অসিদি ‘ধর্তি আবা’ খক্তনা তৌবা ঙমগনি। ঐখোয়না ইশাগী নাৎ অমসুং হৌরকফমগীদমক্তা চাউথোকচগদবনি হায়না মহাক্না হায়রমখি। মীরম লৈঙাক্না মহাক্কী মফমদা মশিং থিঙমদনা কিহনখি অমসুং অৱাবা চৈথেং কয়া নংহনখি, অদুবু মহাক্না মহাক্কী ত্রাইবেলগী চৎনবীবু মীরায়খিদে।

ঐখোয়না মহৌশা অমসুং অকোয়ববু নুংশিবা তমগদবা ওইরবদি, ধর্তি আবা ভগ্বান বির্সা মুন্দানা মসিদসু ঐখোয়দা ইথিল পীগনি। মহাক্না অকোয়বগী ফিভমদা অকায়বা পীবা মীরম লৈঙাক্কী থৌশিল থৌরাং অমত্তবু হকচিন্না য়ানীংখিদে। লাইরবা অমসুং লৈত-লাইরগী তেংবাংবদা মহাক্না মতম পুম্বদা মাংজিল থাখি। মহাক্না খুন্নাইদা খুন্নাইগী ফত্তবা চৎনবী কয়া মুত্থৎপগী মতাংদা লৌশিং পীখি। উলগুলান ইহৌদা মহাক্না লুচিংখিববু কনানা কাওবা ঙমগনি? ইহৌ অসিনা ব্রিতিশপু নিকহনখি অমসুং মসিগী মখা তারকপদা ব্রিতিশনা মহাক্কী মথক্তা চাউরবা রিৱার্দ থমখি। ব্রিতিশ সরকারনা মহাকপু জেলদা থমখি, মহাকপু অদুক্কী মতিক ওৎপীখিবনা মহাক্না মশাগী চহি ২৫ য়ৌদ্রিঙৈদা নোঙ্গাখি। মহাক্না ঐখোয়বু থাদোক্তুনা চৎখ্রে; অদুবু মসিদি হকচাং খকতনি। মীয়ামগী ৱাখলদা লোর্দ বির্সা মুন্দানা মতম পুম্বদা হিংদুনা লৈগনি। মহাক্কী পুন্সি মীওই কয়াদা ইথিল পীদুনা লাক্লি। ঙসিসু, মহাক্কী থৌনাগী ৱারীনা থল্লবা খুনুং ঈশৈ, ৱারী কয়া ময়ায় থংবা ভারত্তা মমিং চৎলি। ঐহাক্না ‘ধর্তি আবা’গী মফমদা কোক নোঞ্জরি অমসুং নহাশিংনা মহাক্কী মরমদা পাবীয়ু হায়জনীংই। ঐখোয়গী ত্রাইবেল মীওইশিংনা ভারতকী নীংতম ইহৌদা তোপ-তোপ্না তেংবাংখিবগী মতাংদা অদোম্না খঙলিবমখৈ, অদোম্না হেন্না চাউথোকচগনি।

ঐহাক্কী নুংশিরবা লৈবাক মীয়াম, ঙসি, ওক্তোবর ২৪ অসিদা য়ু.এন. নুমিৎ - ‘য়ুনাইতেদ নেসন্স  নুমিৎ’ হায়না পালন তৌরি। ঙসিগী নুমিৎসিদা য়ুনাইতেদ নেসন্স শেমখিবনি। মসিনা হেক শেমখিবদগী ভারতনা মেম্বর ওইদুনা লাক্লি। ভারতনা নীংতমদ্রিঙৈ মমাংদগী ইং ১৯৪৫দা য়ুনাইতেদ নেসন্সকী চার্তরদা খুৎয়েক পীখি হায়বা অদোম খঙবরা? য়ুনাইতেদ নেসন্সকা মরী লৈনবা খ্বাইদগী নীংথিরবা ৱাফম অমদি ভারতকী নুপীগী শক্তিনা য়ুনাইতেদ নেসন্সকী ইথিল অমসুং মপাঙ্গল হেনগৎহনবদা অচৌবা থৌদাং য়াখিবসিনি।

ইং ১৯৪৭-৪৮দা য়ু.এন. দিক্লারেসন ওফ হ্যুমেন রাইৎস দ্রাফ তৌবা মতমদা, দিক্লারেসন অসিদা অসুম্না ইখি, “নুপা খুদিংমক মান্ননা শেম্লকপনি”। অদুবু ভারতকী মীহুৎ খরনা মসিদা য়ানিংদবা ফোংদোক্লবা তুংদা অসুম্না ইখি, “মীওইবা খুদিংমক মান্ননা শেম্লকপনি”। মসিদি ভারতকী লিশাং শিৎনা চৎনরক্লবা জেন্দর ইক্বেলিতীগী মতুং ইন্ননি। থৌওং অসি ওইথোকখ্রিবসি অসি ভারতকী দেলিগেৎ, শ্রীমতি হন্সা মেহতাগী মরম্ননি হায়বা অদোম্না খঙব্রা? মান্নবা মতমসিদা, ভারতকী দেলিগেৎ অতোপ্পা, শ্রীমতি লক্ষমী মেনোন্নসু জেন্দর ইক্বেলিতীগী মতাংদা মহাক্কী ৱারোল য়াম্না কন্না থমখি। মসিদা নত্তনা, ইং ১৯৫৩দা শ্রীমতি বিজয়া লক্ষমী পন্দিৎনা য়ু.এন. জেনেরেল এসেমব্লীগী অহানবা নুপী প্রসিদেন্ত ওইখি।

ওম দ্যাউ শান্তি-রন্তারিক্সা-গ্বম শান্তিথ, পৃথবী শান্তি-রাপাহ শান্তি-রোশাধয়া শান্তি। বনস-পতায়াহ শান্তি-ভিশ্বদেৱা শান্তি-ব্রহ্ম শান্তিথ, সর্ভগ-ৱামশান্তিহ শান্তি-রেবা শান্তি সা মা শান্তি-রেধি।। ওম শান্তি শান্তি শান্তি।।

মরুপশিং, ঐখোয়দি অসুম্না লাই নীংজবা লৈবাক অমগী মীয়াম্নি।

ভারতনা মালেমদা শান্তি লৈনবগীদমক্তা মতম পুম্বদা হোৎনখি। ঐখোয়না ইং ১৯৫০দগী হৌদুনা হৌজিক ফাওবা লেপ্তনা য়ু.এন. পিসকীপিং মিসনগী শরুক ওইদুনা লাকপসিদা য়াম্না চাউথোকচৈ। ভারতনা লাইরবা মুত্থৎপা, অইং-অশা হোংবা অমসুং শিন্মীগা মরী লৈনবা হীরম খুদিংদা মাংজিল থাবা থৌদাংসু লৌরি। মসিদা নত্তনা, ভারতনা দবল্যু.ঐচ.ও. নত্ত্রগা ৱর্ল্দ হেল্থ ওর্গনাইজেসনগা নক্ন্না থবক তৌমিন্নদুনা য়োগ অমসুং আয়ুশপু মমিং চৎহন্নবা কন্না হোৎনরি। ইং ২০২১গী মার্চতা, দবল্যু.ঐচ.ও.না নাৎকী ওইবা হিদাক্কী মালেমগী সেন্তর অমা ভারত্তা লিংলগনি হায়না লাউথোকখি।

মরুপশিং, ঐহাক্না ঙসি য়ুনাইতেদ নেসন্সকী মতাংদা ৱা ঙাংবসিদা ঐহাক্না অতলজীনা হায়রম্বা খরা নিংশিংলক্লে। ইং ১৯৭৭দা মহাক্না য়ুনাইতেদ নেসন্সতা হিন্দিদা ৱা ঙাংদুনা পুৱারী শেমখি। ঙসিদি, মহাক্কনা থমখিবা ৱারোল মতেক অমা ঐহাক্না ‘মন কী বাত’ তাবীরিবশিংগী মফমদা তাহন্নীংই। অতলজীগী নীংথিরবা খোঞ্জেল তাবীয়ুঃ

 “ঐহাক্না মফমসিদা লৈবাক অমগী মপাঙ্গল নত্ত্রগা মতিক মগুনগী মতাংদা খন্দে। অচম্বা মীওই অমনা চাউখৎপনা ঐঙোন্দা হেন্না মরু ওই। অরোইবদদি, ঐখোয়গী মাই-পাকপা নত্ত্রগা মাইথীবা ওনবগী অমত্তা ঙাইরবা থৌওংদি ঐখোয়না নুপা, নুপী অমসুং অঙাং খুদিং মনুং চনবা মীওইবা জাতী অপুনবদা অচুম্বা ৱায়েল তৌনবা অমসুং ইকায় খুম্নজনবা হোৎনবরা হায়বসিনি”।

মরুপশিং, অতলজীনা থম্বীরম্বা ৱাফম অসিনা ঐখোয়দা ঙসি ফাওবদা লম্বী তাক্লি। ভারতনা পৃথীবি অসি হেন্না ফবা অমসুং তেক্ত কায়দবা মফম অমা ওইহন্নবা তেংবাং অসিনা মালেম পুম্বদা অচৌবা ইথিল পীরি।

ঐহাক্কী নুংশিরবা লৈবাক মীয়াম, নুমিৎ খরনিগী মমাংদা, ওক্তোবর ২১দা ঐখোয়না পুলিস কম্মেমোরেসন নুমিৎ পাংথোকখি। লৈবাক্কীদমক্তা থৱাই কৎখিবা ঐখোয়গী থৌনা লৈরবা পুলিসকী মীওইশিংবু ঐখোয়না মরু ওইনা নীংশিংখি। ঙসিদি, ঐহাক্না পুলিসকী মীওইশিং অসিবু মখোয়গী ইমুং মনুংগা লোয়ননা নীংশিংনীংই। পুলিস্কুম্বা য়াম্না লুবা সেবা অসিদি মখোয়গী ইমুং-মনুংগী শৌগৎপা অমসুং কত্থোকপা য়াওদনা ওইথোকপা য়ারোই।

ঐহাক্না ‘মন কী বাত’ তাবীরিবশিংদা তম্নিংবা পুলিস্কা মরী লৈনবা ৱাফম অমসু লৈ। মমাংদদি, পুলিস অমসুং আর্মীগুম্বা সর্ভিস অসি নুপা খক্তগীনি হায়না খন্নরম্মি। অদুবু, ঙসিদি মসি ওইদ্রে। ব্যুরো ওফ পুলিস রিসর্চ এন্দ দিভেলপমেন্তকী স্তেতিস্তিক্সনা হৌখিবা চহি খরদা, পুলিস্তা য়াওরকপা নুপীগী মশিংনা শরুক অনি হেনগৎলে হায়বা উৎলি। ইং ২০১৪দা, মখোয়গী মশিংনা চাউরাক্না লাখ ১গা লিশিং ৫ ওইরম্মি, অদুগা ইং ২০২০দা মসিনা শরুক অনি হেনগত্তুনা ঙসিদি মশিং অসি লাক্ষ ২গা লিশিং ১৫ য়ৌরে।

সেন্ত্রেল আর্ম্দ পুলিস ফোর্সতসু নুপীগী মশিংনা হৌখিবা চহি ৭তা শরুক অনি হেনেগৎলে। ঐহাক্না মশিং খকতগী ৱারী শাবা নত্তে। মখোয়না খ্বাইদগী লুবা মথৌসু থৌনা লৈনা অমসুং থৱাই চঙনা পাংথোক্লি। খুদম ওইনা হায়রবদা, ইচানুপী কয়ানা খ্বাইদগী লুবা ত্রেনিং তৌরি, মরু ওইনা স্পেসিএলাইজ জঙ্গল ৱার্ফেয়র কম্মান্দোগী। মখোয়না ঐখোয়গী কোব্রা বত্তালিয়নগী শরুক ওইগদৌরবনি। মরুপশিং, ঐখোয়না এয়রপোর্ত, মেত্রো স্তেসন নত্ত্রগা সরকারগী ওফিসশিংদা চৎপা মতমদা, সি.আই.এস.এফ.কী থৌনা লৈবী নুপীশিংনা মরু ওইবা মফম কয়া ঙাক-শেনবগী মতৌ উবা ফংগনি।

মসিনা পীবা খ্বাইদগী অফবা ইথিলদি ঐখোয়গী পুলিস ফোর্সকী ৱাখল্লোন অমসুং খুন্নাইদনি। নুপী সেক্যুরিতী পর্সোন্নেল লৈবনা মীয়ামগী মরক্তা, মরু ওইনা নুপীশিংদা, থাজবগী ৱাখল্লোন অমা পোকহল্লি। নুপীনা পুক্নিং তপ্পা হেনবনা, মীয়ামদা মখোয়দা থাজবা হেন্না থম্মি। মখোয়গুম্লবা ঐখোয়গী পুলিসশিংনা লৈবাক্কী ইচানুপী লাখ কয়াগী মতৌ তমজনীংঙাই ওইরি। স্কুলশিং হাংনরকপা মতমদা ঐহাক্না নুপী পুলিসশিংনা স্কুলশিংদা চত্তুনা মদুদা তম্লিবী নুপীমচাশিংগা ৱারী শাহন্নীংই।

মদুদা শাবা ৱারীনা ঐখোয়গী অনৌবা চারোন শুরোন্দা অনৌবা মাইকৈ অমা তাক্কনি হায়না ঐহাক্না থাজবা থম্মি। মসিদা নত্তনা, মসিনা মীয়াম্না পুলিস্তা থাজবা থম্বসু হেনগৎহনগনি। তুংগী মতমদা, নুপীশিংনা পুলিস্তা চঙবগী মশিং হেনগৎকনি, লৈবাক্কী ন্যু এজ পুলিসিংবু লুচিংগনি হায়বগী ঐহাক্না থাজবা থমি।

ঐহাক্কী নুংশিরবা লৈবাক মীয়াম, মমাংগী চহি খরদা ঐখোয়গী লৈবাকসিদা মতমগা চুনবা তেক্নোলোজী শিজিন্নবগী খোঙজেল য়াম্না হেনগৎলক্লে। ‘মন কী বাত’ তাবীরিবশিংনা মসিগী মতাংদা ঐঙোন্দা তত্তনা ইবীরকই। ঐহাক্না অদোমগী মফমদা লৈবাক মীয়ামগী, নহা অমসুং অঙাংশিংগী মরু ওইনা, পুক্নিং চিংশিনবা হীরম অমগী মতাংদা ৱারী শানিংই। হীরম অসদি দ্রোনগীনি, দ্রোন তেক্নোলোজী শিজিন্নবগীনি। চহি খরগী মমাংগী ৱারীনি, দ্রোনগী মতাংদা ৱারী শানরকপা মতমদা, মীয়ামগী ৱাখলদা লাকপা অহানবা ৱাফম অসি করি ওইরম্মি? আর্মী, খুৎলায়, লান। ঙসিদি, লুহোনবা ওইরো নত্ত্রগা থৌরম অমা হেক্তা ওইরো, ঐখোয়না দ্রোন্না ফোতো অমসুং ভিদিও কাপ্পা উরে। দ্রোন শিজিন্নবা অমসুং মসিনা তৌবা ঙম্বগী হীরমশিং অসি মসিদা খক্তা তাশিন্দুনা লৈত্রে। ভারত অসি দ্রোন শিজিন্নদুনা খুঙ্গংগী লমগী দিজিতেল রেকোর্দ শেম্বদা শিজিন্নবা মালেমগী খ্বাইদগী অহানবা লৈবাক্নি। ভারতনা ত্রান্সপোর্তেসন্দা দ্রোন শিজিন্নবগী মতাংদা য়াম্না কন্না খন্নরি। খুঙ্গংদা লৌউবদা ওইরো, য়ুমদা পোৎ-চৈ থিনবা ওইরো, ইমর্জেন্সী নত্ত্রগা লো এন্দ ওর্দরদা তেংবাংবা ওইরো, ঐখোয়গী তঙাই ফদবা থবকশিংদা দ্রোন শিজিন্নবা উরকপসি মতম খরগী ৱা  ওইরগনি। থবকশিং অসি অয়াম্বনা হৌনরে। খুদম ওইনা হায়রবদা, নুমিৎ খরনিগী মমাংদা, গুজরাতকী ভাবনাগর জিলাদা দ্রোন শিজিন্নদুনা লবুক্তা নেনো-য়ুরিয়া চায়খি/কাপখি। কোবিদকী ভেক্সিন কাপ্পগী থবকশিংদা দ্রোনশিংনা মখোয়গী থৌদাংসু লৌরি। দ্রোন শিজিন্নদুনা ইথৎ অমদা ভেক্সিন য়ৌহন্দুনা অসিগুম্বা থৌওং অসি ঐখোয়না মনিপুরদা উবা ফংখি। তেলঙ্গানানসু দ্রোন শিজিন্নদুনা ভেক্সিন পুবগী থৌওং চাংয়েং তৌরি। মসিদা নত্তনা, অচৌবা ইনফ্রাস্ত্রকচর প্রোজেক্তশিংদা দ্রোন শিজিন্নদুনা হৌজিক ওইরিবা থবক্কী ফিভন য়েংবদসু শিজিন্নরি। মহৈরোই অমনা দ্রোন শিজিন্নদুনা ঙামীশিংগী পুন্সি কন্নবা হোৎনখিবগী মতাংদা ঐহাক্না পাখ্রে। মরুপশিং, সেক্তর অসিদা মতম খরগী মমাংদা লৈরম্বা অথিংবা, অকক্নবা অমসুং কাংলোন কয়ানা মরম ওইদুনা ঐখোয়না দ্রোন অমগী তসেংনা তৌবা ঙমবশিং শিজিন্নবা ঙমদনা লাকখি। ঐখোয়গী খুদোংচাবা ওইনা উগদবা তেক্নোলোজী অসিবু ঐখোয়না খুদোংথীবা অমনি হায়না উদুনা লাকখি। অদোম্না করিগুম্বা থবক অমদা দ্রোন শিজিন্নবগী মথৌ তারবদি, মসিগীদমক্তা তঙাই ফদনা লৌগদবা অয়াবা কয়াগী খল্লুবদা দ্রোনগী মমিং তাবা ফাওবা পাম্নরমদে। অসিগুম্বা ৱাখল্লোন অসি হোংদোকপগী মতম য়ৌরে অমসুং অনৌবা চৎনবী অমা শেম্বগী মতম য়ৌরে হায়না ঐখোয়না ৱারেপ লৌখি। মরম অদুনা, চহিসিগী ওগস্ত ২৫দা, লৈবাক অসিনা দ্রোনগী অনৌবা থৌশিল-থৌরাং অমা পুথোকখি। থৌশিল-থৌরাং অসি হৌজিক অমসুং তুংদা লাক্কদৌরিবা দ্রোনগা মরী লৈনবা কান্নবশিং খন্দুনা শেমখিবনি। মসিদগীদি, ফোর্ম য়াম্না মেনবা অমসুং হান্নগুম্বা য়াম্লবা ফী পীরম্বগী চৎনবী লৈররোই। দ্রোনগী অনৌবা থৌশিল-থৌরাং পুথো, মীরম অমসুং লৈবাক্কী ইনভেস্তর কয়ানা দ্রোন স্তার্ত-অপশিংদা শেল থাদবা হৌরকপা অসিদসু ঐহাক্না য়াম্না নুংঙাইবা ফাওই। কম্পেনী কয়া অমনা মেন্যুফেকচরিং য়ুনিৎ শেম্বা হৌনরে। আর্মী, নেভী অমসুং এয়র-ফোর্সনসু ভারতকী দ্রোন কম্পেনীশিংদা লুপা করোর ৫০০ হেনবগী ওর্দর পীখ্রে। মসিদি হৌরকপদা ঙাইরিবনি। ঐখোয়না মতাং অসিদা লেপকদবা নত্তে। ঐখোয়না দ্রোন তেক্নোলোজীগী মকোক ওইগদবনি।  সরকারনা মসিগীদমক্তা পায়খৎপা য়াবা খোঙথাং খুদিংমক লৌখৎলি। দ্রোন পোলিসী শেম্লবা মতুংদা লাক্লিবা খুদোংচাবা কয়া অসিবু নহাশিংনা লৌনবগীদমক্তা মাং থানা থোক্লক্লো হায়না ঐহাক্না হায়জনীংই।

ঐহাক্কী নুংশিরবা লৈবাকমচাশিং, ‘মন কী বাত’ তাবা, য়ু.পি.গী মীরত্তগী শ্রীমতি প্রভা শুক্লানা লু-নানবগা মরী লৈনবা চিথি অমা থাবীরকই। মহাক্না অসুম্না ইরকই –“ঐখোয়না কুমহৈ মনুংদা লু-নানবগী থবক পাংথোকই। ঐখোয়না মতৌ অসুম্না, মসিবু নোংমগী হৈনবী ওইহল্লবদি, লৈবাক পুম্বসি লু-নানগনি”। ঐহাক্না প্রভাজীগী ৱাফম্বু থাগৎচরি। তসেংবনি, লু-নাল্লবদি, হকশেল ফৈ, তৌবা ঙম্বগী মতিক লৈ অমসুং অসিগুম্বা মতিক লৈবা মতমদা নুংঙাই য়াইফবসু ওই। মরম অসিননি, লৈবাক অসিনা স্বচ্ছ ভারত অভিয়ান্দা অহেনবা মিৎয়েং চঙলিবসি।

মরুপশিং, ঐহাক্না রাঞ্চিগী মনাক্তা লৈবা সাপারোম নয়া সরাই কৌবা খুঙ্গংগী মতাংদা তাবা ফংবদা য়াম্না নুংঙাইবা ফাওই। খুঙ্গং অসিদা পুখ্রি অমা লৈরম্মি, অদুবু মফমসিগী মীয়াম্না পুখ্রিসিবু অমাংবা তৌনবা শিজিন্নবা হৌরকখি। য়ুম্থোং খুদিংগী অমাংশঙ শাবা স্বচ্ছ ভারত অভিয়ানগী মখাদা খুঙ্গংগী মীয়াম্না মখোয়বু খুঙ্গংবু লু-নালহনবগা লোয়ননা ফজহনবগী ৱাখল্লোন লাক্নখি। অদুদগীদি, মীয়াম অসিনা পুখ্রি অসিগী অকোয়বদা পার্ক অমা শেমখি। ঙসিদি, পার্ক অসি খুন্নাই অমসুং অঙাংশিংগী খ্বাইদগী পাম্নবা মফম অমা ওইরে। মসিনা খুঙ্গং অসিগী পুন্সি মহিংদা য়াম্না চাউবা অহোংবা অমা পুরক্লে। ঐহাক্না ছতিসগরগী দেউর খুঙ্গংগী নুপীশিংগী মতাংদা খরা হায়নীংই। নুপীশিং অসিনা সেল্ফ হেল্প গ্রুপ অমা চলায়রি অমসুং খুঙ্গংগী মী পুনফম, শোরোক অমসুং লাইশঙশিং নালহন্নবা থবক পায়খৎলি।

মরুপশিং, য়ু.পি.গী ঘাজিয়াবাদকী মীয়াম্না রাম্ভীর তানৱরবু “পোন্দ মেন” (পুখ্রিগী মী) হায়না খঙনৈ। রাম্ভীরজীনা মহাক্কী মেকানিকেল ইঞ্জিনিয়রিং লোইরবা তুংদা থবক অমা তৌরম্মি। অদুবু, লু-নানবদা থৱাই তাজবা ৱাখল্লোন্না মহাক্কী নুংদা শাফু পীরকপদগী মহাক্কী থবক তোকথোক্লগা পুখ্রি শেংবা হৌরকখি। হৌজিক ফাওবদা মহাক্না পুখ্রি কয়া শেংখিবদগী পুখ্রি কয়া অমা ফংজরে।

মরুপশিং, লু-নান্নবা হোৎনরিবশিং অসি ঐখোয়না থৌওংসিবু মহাক্কী থৌদাংমক্নি খন্না পাংথোক্লবা মতুংদা খক্তা মাই পাকপা ঙমগনি। হৌজিকসু ঙাইরে, দিৱালীগী মতমসিদা মীওই খুদিংনা মশা-মশাগী য়ুম্বু লু-নান্নবা কন্না হোৎনরি। মতম অসিদা ঐখোয়না ইশাগী য়ুমগা লোয়ননা অকোয়বসু লু-নান্না থম্না হোৎনগদবনি। ঐখোয়গী য়ুম শেংদোকপদা মসিগী অমোৎপশিংনা মপানগী লম্বী শোরোক্তা য়ৌই হায়বগী ৱাফম নত্তে। অদুগা ঐহাক্না লু-নানবগী ৱারী শাবসিদা, অদোম্না অমুক্তং শিজিন্নরগা হুদোক্নবা প্লাস্তিক শিজিন্নবা লেপ্লসি হায়বগী মন্ত্রা অসিবুসু নীংশিংহন্নীংই। অদুনা স্বচ্ছ ভারতকী ইথিলবু কৈদৌনুংদা হন্থহল্লোইসি হায়না ঐখোয় পুন্না ৱারেপমিন্নরসি। ঐখোয় পুন্দুনা লৈবাক অসিবু লুনা-নান্না থম্লসি।

ঐহাক্কী নুংশিরবা লৈবাক মীয়াম, ওক্তোবর থা অসি কুমহৈগী নুংঙাইবনা পিক থনবনি অমসুং নুমিৎ খরনিগী মতুংদা দিৱালী অমুক য়ৌরক্লগনি। দিৱালী, মথংদা গোবর্ধন পুজা, মথংদা ভাই দুজ। কুমহৈ অহুম অসিসু লৈরে অমসুং মসিগী মখা তারকপদা ছথ পুজা অমা লাক্কনি। নবেম্বরদা গুরু নানকজীগী মপোক কুমওনসু অমুক তারিবনি। কুমহৈ ময়াম অমা অমুক্তদা লাকপনিনা, মসিগীদমক্তা শেম-শাবসু মতম কয়াগী মমাংদগী হৌনৈ। অদোম খুদিংনা হৌজিক্তগী হৌনা পোৎ-চৈ লৈশিনবা হৌরম্লগনি, অদুবু পোৎ লৈবা হায়বদি ‘ভোকেল ফোর লোকেল’ হায়বনি হায়বসিদি নীংশিংলিকো? অদোম্না লোকেলগী পোৎ লৈবা মতমদা অদোমগী কুমহৈসু নুংঙাই অদুগা লাইরবা ইচে-ইচল, ইয়াম্বা-ইনাও নত্ত্রগা শিন্মী অমগী ময়ুমদসু নুংঙাইবা পুরক্লিবনি। ঐখোয় পুন্না হৌদোকমিন্নরিবা কেম্পেন অসিসু কুমহৈগী মনুংদা মপাঙ্গল লৈবা হেনগনি হায়না ঐহাক্না থাজবা থম্মি। অদোম্না লৈখিবা লোকেলগী পোত্থোক খুদিংগী মতাংদা সোসিএল মীদিয়াদা পাউ তম্বীয়ূ। অদোমগী অনকপদা লৈবা মীওইশিংদসু খঙহনবীয়ু। ঐখোয়না মথং থাদা অমুক উন্নসি অমসুং হীরম কয়াগী মতাংদা অমুক্কা খন্ন-নৈনসি।

অদোম খুদিংবু থাগৎচরি, নমস্কার!!!

ঐগী নুংশিজরবা প্রজাশিং, খুরুমজরি৷ ঐহাক য়াম্না মরু ওইবা প্রোগ্রাম অমগীদমক, ঐ অমেরিকাগীদমক ভারত থাগোক্লগনি হায়বসি নখোয়না খঙলিবনি…মরম অদুনা ঐনা অমেরিকা চৎত্রিঙৈগী মমাংদা মন কি বাত রেকোর্দ তৌহৌবনা ফগনি হায়না ঐনা খনখি৷ মসিগী সেপ্তেম্বরগী মন কি বাতকী নুমিৎ অসি অমরোমদা য়াম্না মরু ওই৷ রুতিন নাইনা, ঐখোয়না নুমিৎ কয়া অমা নিংশিল্লি; ঐখোয়না নুমিৎ কয়া অমা হরাউ-কুহ্মৈ পাংথোক্লি… অমদি করিগুম্বা নখোয়না য়ুমদা লৈরিবা ইচানুপাশিং-ইচানুপীশিংদা হংলুবা মতমদা, মখোয়না চহি অসিগী হরাউ-কুহ্মৈগী নুমিৎশিং মথং-মনাউ নাইনা লিস্ত শেমদুনা পীরকপা য়াই! অদুবু, ঐখোয় পুম্নমক্না শোইদনা নিংশিংগদবা নুমিৎ অমা লৈ; নুমিৎ অসিনা চহি-চা কয়া অমা ঐখোয়না ইন্দুনা লাক্লিবা ঐখোয়গী চৎনবিশিং অসিগা ঐখোয়গা মরী লৈনহল্লি৷ নুমিৎ অদু – ৱর্ল্দ রিবর্স দেনি৷

মতাং অসিদা পিবন্তি নাদধা, স্বায়মেভ নামভ হায়না শেংনা হায়দোকখ্রে …মসিনা ফোংদোক্নিংলিবা আর্থ অদুদি তুরেলশিংনা মশাগী ইশিং থকচদে হায়বনি…মখোয়না মশাগী ওইজবা থাদোক্তুনা পীথোরকই৷ ঐখোয়গী ওইনিদ, তুরেলশিং অসি অচম্বা ফিজিকেল এন্তাইতীশিং খক্তা নত্তে; ঐখোয়গী ওইনদি তুরেল অমা হায়বসি লিবিং য়ুনিত অমনি…অমদি মসিমক্কী মরম্না ঐখোয়না তুরেলশিংবু ইমা হায়না হায়নরিবনি! হায়রিবা ইমাশিংগী তম্পাক্তা হরাউ-কুহ্মৈ কয়া অমা, ফেস্তিব ওকেজনশিং, ঐখোয়গী ফঙ্কসনশিং, থৌরমশিং হরাউ-তরাম্না পাংথোক্লি৷

ঐখোয়গী লৈবাক অসিদা মাঘকী থা য়ৌরকপদা, মীওই কয়া অমনা থা চু্প্পা অমা গঙ্গা ইমাগী নত্রগা অতোপ্পা তুরেলশিংগী তোর্বানশিংদা কল্পবাস পাংথোক্লি হায়বসি নখোয় পুম্নমক্না খঙলবা ঙাক্তনি৷ মসিগী চৎনবি অসি হৌজিক্তি থিংজিনখ্রে…অদুবু ঙল্লিঙৈ মতমশিংদা, ঐখোয়না য়ুমদা ইরু লুজবা মতমদা তুরেলশিংবু নিংশিংবা হায়বসি চৎনবি অমা ওইরম্মী৷ অসিগুম্লবা তুরেলশিংবু নিংশিংবগী চৎনবি অসি মাংখিবা নত্রগা শিজিন্নদনা লৈখিবা য়াই…অদুবু ঐখোয়না ভারত পুম্বদা খোংচৎ অমা চৎপা মতমদা অয়ুক অঙনবগী ইরু লুজবা মতমদা ৱাখলদা লাই নিংবগী ফজরবা চৎনবি অমা লৈরম্মী!  মসিনা লৈবাক অসিগী মফম পুম্নমক শম্ননবগী থৌনা পীনবা সোর্স অমা ওইরম্মী৷ অমদি, ভারত্তা, মীওই অমনা ইরু লুজবা মতমদা স্লোক অমা থীবা হায়বসি চৎনবি অমা ওইখ্রে:

গঙ্গে চা য়মুনা চাইবা গোদাবরী সরস্বতী

নর্মদি সিন্ধু কবেরি জালে অস্মিন সন্নিধিম কুরু

ঙল্লৈঙৈ মতমদা, ঐখোয়গী য়ুমশিংদা, ইমুংদা লৈরিবা অহল অদুনা অঙাংশিং অদুদা স্লোক অসি নিংশিংহল্লি…মসিনসু অস্থ ময়োল চোংহনখি, ঐখোয়গী লৈবাক্তা লৈরিবা তুরেলশিংদা থাজবা থমহল্লম্মী৷ মসিনা ভারত লমগী ইলুস্ত্রেতেদ মেপ অমা ৱাখলদা হক্তুনা থম্লগনি৷ মদুনা তুরেলশিংগা থমোইগী ওইবা মরী অমা শেমগৎনবা হোৎনরম্মী৷

মরুপশিং, হৌজিক্তি ঐখোয়গী লৈবাক অসিদা লৈরিবা মরু ওইরিবা তুরেলশিং মতাংদা ঐখোয়না খন্ন-নৈনরি, অদুবু ৱাহং অমা হংলকপা হায়বা অসিদি মীপুম খুদিংমক্কী মহৌশানি…তশেংনা হায়রবদা মীওই অমনা অদুগুম্না ৱাহং হংবগী হক লৈ…অমসুং ৱাহং অদুগী পাউখুম পীবা অসিসু ঐখোয়গী থৌদাংনি! মীপুম খুদিংমক্না ৱাহং হংবা য়াই – “নহাক্না তুরেলবু ইমা হায়না কৌদুনা তুরেলশিংদা শৈথাবা ইশৈ কয়া অমা শক্লি…অদু ওইরবদি করিগীদমক তুরেলশিং অসি মোৎশিনহল্লিবনো? ঐখোয়গী স্ক্রিপচরশিংনা তুরেলশিং অসি খজিক্ত ফাওবা মোৎশিনহনবা য়ারমদে! অমদি ৱাখল্লোন অসিদা ঐখোয়গী চৎনবিশিং অসি ইন্দুনা চৎলম্লে৷ ঐখোয়গী ভারতকী নোংচুপ থংবা লমদম মরু ওইনা গুজরাত অমদি রাজস্থাননা ইশিংগী অৱাবা মাইয়োক্নৈ হায়বসি নখোয়না খঙলিবনি৷ মখোয়না কয়ারক হন্না য়াম্না শাথিবা মওংদা চাক তাংবগী থৌদোকশিং থেংনৈ৷ মসিনা মরম ওইদুনা হৌজিক্তি, মফম অদুগী সোসিএল লাইবতা অনৌবা চৎনবী অমা শেমগৎখ্রে৷ খুদম ওইনা হায়রবদা, গুজরাত্তা নোং তাবা হৌরকপা মতমদা, মফম অদুদা জল-জীলানি ইকাদশি পাংথোকই৷ মসিনা হায়নিংলিবা অদুদি, ঙসিগী মতমদা ঐখোয়না ‘নোংগী ইশিং য়োকশিল্লু’ হায়নরিবা অসিগা আর্থ মান্নৈ…ইশিং মরিক খুদিংমক য়োকশিনবা…জল জীলানি৷ অসিগুম্না বিহার অমদি নোংপোক্কী অতোপ্পা মফমশিংদা নোং চুরক্লবা মতুংদা, ছথ কুহ্মৈ পাংথোকই৷ ছথ পুজা অসি ৱাখল্লোনদা থমদুনা, তুরেল মপানশিং অমদি ঘাতশিং শেংদোকপা অমদি শেমজিনবা অসি হৌদোক্কদবনি হায়না ঐনা খল্লি৷ ঐখোয়না পুন্না হোৎনমিন্নদুনা অমদি মতেং পাংনদুনা তুরেলশিং অসি শেংদোকপা অমদি পোলুসন থোকহন্দবা য়াই৷ ঙসিদি নমামি গঙ্গে মিসন অসিসু য়াম্না খুমাং চাওশিল্লক্লি…মসিদা ময়াম পুন্না হোৎনমিন্নবা, পাক-শন্না এৱার্নেস পাংথোকপা; অচৌবা ইহৌ অমা হৌবগী অচৌবা রোল অমা লৈ৷

মরুপশিং,মীওই অমনা তুরেল পল্লকপা মতমদা; ইমা গঙ্গাগী মরমদা ৱারি শানবা মতমদা, মীওই অদুনা নখোয়গী ৱাখল অসি অতোপ্পা এস্পেক্ত অমদা পুক্নিং চিংশিন্নবা হোৎনৈ৷ নমামি গঙ্গে হায়না পল্লকপা মতমদা, নখোয়গী মরু ওইনা নহাশিংগী ৱাখল চিংশিন্নবা হোৎনৈ হায়বসি তশেং তশেংল্লবনি৷ হৌজিক্কী মতমশিংদা, অখন্নবা ই-ওক্সন অমা পাংথোক্লি৷ মতম মতমগী মতুং ইন্না প্রজা মীয়াম্না ঐঙোন্দা পীরকখিবা খুদোলশিং অসি মসিগী ইলেক্ত্রোনিক ওক্সন অসিগা মরী লৈনৈ৷ মসিগী ই-ওক্সন অসিগী খুৎথাংদা ফংলিবা শেল অদু নমামি গঙ্গে কেম্পেন্দদা কৎথোকই৷

মরুপশিং, লৈবাক অসি শিনবা থুংনা তুরেলশিং অসি রেজুবিনেত তৌননবগীদমক; ইশিং শেংদোক্ননবগীদমক, সরকার অমদি সোসিএল সর্ভিস ওর্গনাইজেসনশিংনা করিগুম্বা অমা নত্রগা অমা তৌননবা লেপ্প-লৈতনা হোৎনরি৷ অদুগা মসি হৌজিক ওইরিবা মতম অসিগী নত্তে; মসি চহি খুজিং কয়া চত্থদুনা লৈরক্লি৷ হায়রিবশিং অসিদা মশাবু কৎথোকপা মীওই খরা লৈ৷ অদুগা মসিগী চৎনবি, মসিগী পান্দম অমদি মসিদা থাজবা অসিনা ঐখোয়গী তুরেলশিং অসি কনবা ঙম্লিবনি৷ অসিগুম্বা পাউশিং অসি ভারতকী মফম অমা হেক্তদগী ঐনা খঙলকপা মতমদা, অসিগুম্বা থবকশিং অসি পাংথোক্লিবা মীওইশিংগীদমক ঐগী থমোইদা ইকাই খুম্নবা ফাওজরকই…অদুগা মদু নখোয়দা তম্বা মতমদসু ঐঙোন্দা ফাওখিবা ইহুল অদুগুম্না অমুক হন্না ফাওরকই৷ ঐনা খুদম ওইনা পনবা পাম্লিবা তামিল নাদুগী তিরুবনন্থপুরম অমসুং বেল্লোরগী জিলাশিংদা অমুক্তা য়েংবিয়ু৷ মফম অদুদা নাগনদি কৌবা তুরেল অমা  চেল্লি৷ মমাংগী চহিশিংদা, নাগনদিগী ইশিং পুম্নমক কংখি৷ মসিনা মরম ওইদুনা, মফম অদুদা চেল্লিবা ইশিংগী লেবেল অসি অদুক্কী মতিক ফিভম শোক্না শোকহলখি৷ অদুবু, মফম অদুদা লৈরিবা নুপীশিংনা তুরেল অদু হিংগৎহন্নবা হোৎনখি৷ মখোয় অমগা অমগা পুনশিনখি, মীয়াম শরুক য়াদুনা কেনেলশিং তৌখি, দামশিং চেক তৌনবা শাখি অমদি গুহাশিং ইশিং রিচার্জ তৌখি৷ মরুপশিং, ঙসিদি তুরেল অদু ইশিং পাথোক্তুনা চেল্লি হায়না খঙলকপা মতমদা নখোয় ঙকপা ফাওরমগনি৷ তশেং-তশেংনা হায়রবদা, তুরেল অমনা ইশিং পিক থন্না লৈরবা মতমদা, মসিনা অসিগুম্লবা ত্রানক্বুইলিতী ৱাখলদা লাকহল্লি…মসিগী এক্সপরিয়েন্স অসি ঐহাক্কী ইশাদা তশেংনা থেংনখি…

সবার্মতি তুরেলগী মপানশিংদা মহাত্ম গান্ধীনা সবর্মতি আশ্রম লিংখৎখি…হৌখিবা চহি খুদিং খরগী মতমদা, তুরেল অসি চহি অমদা থা ৬তগী ৮ ফাওবা কংলম্মী, মফম অদুদা ইশিং অমতা উবা ফংলমদে হায়বসি নখোয় পুম্নমক্না খঙনরবা ঙাক্তনি৷ অদুবু নর্মদা তুরেল অমদি সবর্মতি তুরেল লিঙ্ক তৌনরে…ঙসিদি, করিগুম্বা নখোয়না অহমেদবাদতা চৎলবদি, সবর্মতি তুরেলগী ইশিং অসিনা মীওই অমগী থমোইবু নুংঙাইবনা পিক থলহল্লি! মতৌ অসিগুম্না, তামিল নাদুদা লৈরিবা ঐখোয়গী ইচল-ইচেশিংনা অসিগুম্লবা থবক কয়া অমা পাংথেক্লি…অসিগুম্লবা থবক কয়া অমা লৈবাক অসিগী তোঙান তোঙানবা মফমশিংদা পাংথোক্লি৷ ঐখোয়গী ঋশিশিং অমদি ঐখোয়গী রিলিজিয়র্স ত্রেদিসনশিংগা শাগোন্নরিবা ঐখোয়গী গুরু কয়া অমনা মখোয়গী স্পিরিচুএল পর্স্যুইতশিং অসিগা লোইননা ইশিং অমদি তুরেলশিং অসিগীদমক থবক অমা তৌরি হায়বসি ঐনা খঙই…মখোয়গী মনুংদা মীওই কয়ানা তুরেল মপানশিংদা উশিং থানবা কেম্পেন্দশিং চত্থরি…মফমশিং অদুদা, ফৎত্রবা ইশিং তুরেলশিংদা চেন্থখিদনবদগী ঙাকথোক্লি৷

মরুপশিং, ঙসি ঐখোয়না ‘মালেমগী তুরেল নুমিৎ’ পাংথোক্লিবা মতম অসিদা, মসিগী থবক অসিদা থৱাই হকচাং য়াওনা হোৎনখিবা পুম্নমক্তা ঐনা থাগৎপা ফোংদোকচরি অমদি য়াইফ-মঙ্গোল পীজরি৷ অদুবু তুরেল মপান খুদিংমক্কা নক্না লৈরিবা মীয়াম পুম্নমক্তা; লৈবাক প্রজা পুম্নমক্তা চহি অমদা ভারতকী মফম পুম্নমক্তা য়ামদ্রবদা অমুক্তং ওইরবসু তুরেলগী কুহ্মৈ অমা পাংথোক্নবা ঐনা তকশিনগনি৷

ঐগী নুংশিরবা প্রজাশিং, অপিকপা ইসুশিং, অপিকপা পোৎশিংবু পিকই হায়না লৌবগী অরানবা অদু অমুক হন্না তৌবিগনু৷ অপিককপা ইফর্তশিংনা করিগুম্বা মতমশিংদা য়াম্না মরু ওইবা অহোংবশিং পুরকই, অমদি করিগুম্বা মহাত্ম গান্ধী জিগী পুন্সি অসিদা ঐখোয়না য়েংলুবা মতমদা, অপিকপা পোৎলমশিং ফাওবা কয়ামুক য়াম্না মরু ওইবগে অমদি অপিকপা ইসুশিং শিজিন্নদুনা মতৌ করম্না মহাক্না অচৌবা রিজোলুসনশিং পুরকপা ঙমখিবনো হায়বগী মীকুপ খুদিংমক ঐখোয়না পুথোকপা ঙমগনি৷ ঐখোয়গী নহাশিংনা ঙসিদি মতৌ করম্না ক্লিনলিনেসকী কেম্পেন্দ অসিনা ঐখোয়গী নিংতম-ইহৌদা লেপ্প-লৈতনা ইনর্জী পীখিবনো হায়বদু শোইদনা খঙগদবনি৷ ক্লিনলিনেসপু অচৌবা ইহৌ অমদা ওন্থোকখিবা অসি মহাত্ম গান্ধীননি৷

মহাত্ম গান্ধীনা লৈবাক অসিনা মনিং-মখা তম্বগী মংলানদা ক্লিনলিনেস কন্নেক তৌখি৷ ঙসি চহি খুজিং কয়াগী মতুংদা, ক্লিনলিনেসকী ইহৌ অসিনা অমুক্কা হন্না লৈবাক অসি অনৌবা ভারতকী মংলানদা কন্নেক তৌখি৷ অদুগা, মসিনা ঐখোয়গী হৈনবীশিং হোংদোক্নবগী কেম্পেন্দ অমসু ওইরক্লি অমদি মসিগী ক্লিনলিনেস অসি প্রোগ্রাম অমনি হায়বসি ঐখোয়না কাওথোক্লোইদবনি৷ অদুগা ঐনা মমাংগী মতমদসু হায়খ্রে মদুদি মসিগী ক্লিনলিনেস অসি লৈবাক অসিনা বাপুবু ইকাই খুম্নবা উৎনবা অচৌবা ত্রিব্যুত অমনি অমদি মসিগী ইকাই খুম্নবা অসি লেপ্প-লৈতনা মতম খুদিংমক্তা ঐখোয়না পীগদবনি৷

মরুপশিং, ক্লিনলিনে,কা মরী লৈননা ৱা ঙাংনবগী খুদোংচাবা অমা ঐনা ঙসি ফাওবদা থাদোকখিদে হায়বসি প্রজা মীয়ামনা খঙই অমদি মসিনসু ওইরম্বা য়াই ‘মন কি বাত’ তাবা মীওই অমা, শ্রী মন রামেশ পতেল জিনা ঐঙোন্দা অসুম্না চিথী ইরকখি মদুদি মসিগী মনিং তম্বগী ‘অমিৃত মহোতসব’তা বাপুদগী তমদুনা, ঐখোয়না ইকোনোমিক ক্লিনলিনেসকীসু ৱারোইশিন পুরক্কদবনি৷ লেত্রিনশিং শেমগৎলকপা অসিনা লাইরবশিংগী ইজৎ হেনগৎহনখি, মতৌ অসিগুম্না ইকোনোমিক ক্লিনলিনেসনা লাইরবশিংগী হকশিং নিংথিংনা ফংহল্লি; মখোয়গী পুন্সি লাইথোকহল্লি৷ জনধান একাউন্তশিংগী মতাংদা লৈবাক অসিনা হৌদোকখিবা কেম্পেন্দ অদু নখোয়না খঙলম্লগনি ঙসিদি, মসিনা মরম ওইদুনা, লাইরবশিংগী অশেংবা শেল অদু মখোয় মখোয়গী একাউন্তশিংদা দাইরেক্লি হাপলক্লি অমসুং মসিনা মরম ওইদুনা শেঞ্জা-থুমজাগুম্বা খুদোংথিবশিং অসি অদুক্কী মতিক য়াম্না হন্থখ্রে৷ ইকোনোমিক ক্লিনলিনেসতা তেক্নোলোজীনা য়াম্না মতেং পাংবা ঙমগনি হায়বসি অচুম্বনি৷ খুঙ্গংশিং ফাওবদা, কম্মন মীওই অমনা ফিন-তেক য়ু.পি.আই.গী খুৎথাংদা দিজিতেল ত্রান্সেক্সনশিংগী মাইকৈদা পুরক্লিবা অসি ঐখোয়গী ওইনদি য়াম্না নুংঙাইবা অমনি… মহাক্কী প্রিবিলেন্স হেনগৎলকপা হৌখ্রে৷ নখোয়বু য়াম্না চাওথোকচবা ফাওহল্লিবা ফিগর অমা ঐনা নখোয়দা হায়গনি; হৌখিবা ওগস্তকী মতমদা, থা অমদা য়ু.পি.আইয় ত্রান্সেক্সন ৩৫৫ পাংথোকখি, মসি ত্রান্সেক্সন কোতি ৩৫০রোমগী চাং হেল্লিবনি, ওগস্ত থাগী মতমদা দিজিতেল ত্রান্সেক্সনগীদমক য়ু.পি.আই. অসি কোতি ৩৫০রক হেন্না শিজিন্নখি৷ ঙসিদি, চাংচৎতা, য়ু.পি.আই.গী খুৎথাংদা লুপা কোতি লাখ ২ হেন্না দিজিতেল পেমেন্তশিং তৌরি৷ মসিগী খুৎথাংদা, লৈবাক অসিগী ইকোনোমী অসি ক্লিনলিনেস অমদি ত্রান্সপরেন্সী ফংলক্লি, অমসুং হৌজিক্তি ফিন-তেকগী মরু ওইবা অসি অদুক্কী মতিক হেনগৎলক্লি হায়বসি ঐখোয় পুম্নমক্না খঙই৷

মরুপশিং, বাপুনা খাদিবু নিং-তম্বগী আইদেন্তিতী ওইহনখিবা অদুগুম্না; লৈবাক অসিনা মনিং-মখা তম্বগা ক্লিনলিনেসকা মহাক্না কন্নেক তৌরমখ্রে৷ ঙসি লৈবাক অসিনা মনিং-মখা তম্বা চহি ৭৫ মপুং ফারক্তুনা ঐখোয়না নিং-তম্বগী অমিৃত মহোতসব পাংথোক্লিঙৈ চৈরক অসিদা, ঐখোয়না ঙসিদি অপেনবা অমগা লোইননা হায়বা য়াই মদুদি ঙসি লৈরিবা ঐখোয়গী নৌরিবা জেনেরেসন অসিনা নিংতম ইহৌগী মতমদা খাদিনা ফংখিবা লেমজফম ওইরবা মফম অদুগুম্না ঙসিসু মদুগী লেমজফম ওইরবা মফম অদু খাদিদা পীরি৷ ঙসিদি, খাদি অমসুং হেন্দলুম পুথোকপা অসি অদুক্কী মতিক কা হেন্না ৱাংখৎলে অমদি মহাক্কী দিমান্দসু হেনগৎলে৷ লুপা কোতি অমা হেনবগী বিজিনেস দিল্লিদা লৈরিবা খাদি শোরুমদা থাদখিবগী অসিগুম্বা থৌদোক কয়া অমা থোকখি হায়বসি নখোয়সু খঙলিবনি৷ ওক্তোবরগী তাং ২ অসি বাপুগী মপোক-নুমিৎনি হায়না ঐনা নৌহৌননা ময়ামদা নিংশিংজরি, অনৌবা রেকোর্দ থম্বা ঙম্নবা ঐখোয় অমতা ওইনা খুৎশম্নদুনা চিংশিনমিন্নরসি৷ নখোয়গী শহরশিংদা খাদিবু য়োল্লবসু, হেন্দলুম্বু য়োল্লবসু, হেন্দিক্রাফতপু য়োল্লবসু হৌজিক্তি দিৱালি কুহ্মৈ অসি নকশিল্লকপনা ফেস্তিব সিজন অসিগীদমক নখোয়না লৈরুরিবা খাদি, হেন্দলুম, কোতেজ ইন্দস্ত্রী খুদিংমক্না ‘বোইস ফোর লোকেল’ কেম্পেন্দ অসি হেন্না মপাঙ্গল লৈহনগদবনি, মসিনা অরিবা রেকোর্দ পুম্নমক থুগাইগদবনি৷

মরুপশিং, অমিৃত মহোতসবকী মতম অসিদা, নিংতম্বগী লৈরিবা পুৱারিগী ময়াম্না ময়াম্না খঙহৌদ্রবা ৱারিশিং অসি ময়ামদা শন্দোক্নবগী কেম্পেন্দ অমা চত্থরি… মসিগীদমক, থোক্লক্লিবা অইবশিং, লৈবাক অসিগী অমসুং মালেম অসিগী নহাশিংদা হায়খ্রে৷ মসিগীদমক হৌজিক ফাওবদা মীওই লিশিং ১৩ হেনবনা রেজিস্তর তৌরকখ্রে অমদি মদুসু তোঙান তোঙানবা লোন ১৪দনি৷ অদুগা ঐগী ওইনা য়াম্না নুংঙাইবা অমনা, লৈবাক ২০ হেনবদগী ভারত মচা নত্তবা মীওইশিংনা কেম্পেন্দ অসিদা শরুক য়ানিংবগী অপাম্বা ফোংদোরকখ্রে৷ অতোপ্পা য়াম্না নুংঙাইবা পাউ অমসু লৈরি- থোক্লক্লিবা অইবা ৫০০০ হেনবনা ঐখোয়গী নিংতম ইহৌগী ৱারিশিং অসি থিজিল্লি৷ নিংতম ইহৌদা শরুক য়াখিবা ময়াম্নদি মশক নিংথিনা খঙহৌদ্রবা অথৌবশিং, মমিং নিংথিনা খঙহৌদ্রবা, ইতিহাসকী লৈমাইদা তাখিদ্রবা মমিংশিং অসিগী মরমদা করিগুম্বা খরা, থোকখিবা থৌদোকশিং অমদি মখোয়গী পুন্সিগী মরমদা ইননবা মখোয়না লমজিংখ্রে, হৌখিবা চহি ৭৫গী মতমদা খন্ন-নৈনবা ফাওবা য়াওখিদ্রবা অদুগুম্বা নিংতম লান্মীশিংগী পুৱারি অসি পুথোরক্নবা লৈবাক অসিগী নহাশিংনা ৱারেপখ্রে৷ ঐনা তাবিরিবা ময়াম পুম্নমক্তা হায়জরি; এজুকেসনগী ফিল্দদা মরী লৈনরিবা মীওই পুম্নমক্তা ঐনা হায়জরি৷ নখোয়নসু নহাশিং অসিবু থৌনা হাপ্লি৷ নখোয়সু চংশিল্লক্লি অদুগা নিংতম্বগী অমিৃত মহোতসবকী মতমদা পুৱারি ইননবা মীয়াম্না হোৎনরিবা অসিনা পুৱারি অমা শেম্লগনি হায়বসি ঐগী থাজবনি৷

ঐগী নুংশিরবা প্রজাশিং, ঐখোয় পুম্নমক্না সিয়চিন গ্লেসিয়রগী মরমদা খঙই৷ মফম অদুদা ইংবগী মওং অসি অদুক্কী মতিক খুদোংথিনিংঙাই ওই, মফম অদুদা হিংবা হায়বসি মীওই অমগী ৱাংমদনি৷ ঊননা পাক-শন্না অমদি চাওনা শন্দোক্তুনা লৈদুনা, মফম অদুদা উ-ৱা অমতা হৌবগী মমিং তাদে৷ মফম অদুগী তেম্পরেচর অদু মাইনস দিগ্রী ৬০ ফাওবা হন্থৈ৷ নুমিৎ খরনিগী মমাংদা, অসিগুম্লবা খুদোং চাদ্রবা সিয়চিনগী লমদম অসিদা দিব্যাঙ্গ মীওই ৮গী তীম অমনা ফংখিবা এচিবমেন্ত অদু লৈবাক অসিদা লৈরিবা মীওই পুম্নমক্কী চাওথোকচনিংঙাইনি৷ সিয়চিন গ্লেসিয়রদা ফীত লিশিং ১৫ হেন্না ৱাংবা মফমদা লৈরিবা কুমার পোস্ততা মসিগী তীম অসিনা ফ্লেগ য়ুংদুনা ৱর্ল্দ রেকোর্দ অমা শেমখ্রে৷

ফিজিকেল এবিলিতীগী চেলেঞ্জশিং লৈনা-লৈনা, হায়রিবা দিব্যাঙ্গশিং অসিনা ফংখিবা এচিবমেন্তশিং অসি লৈবাক পুম্বগী ওইনা ইন্সপিরেসন অমা ওই অমদি মসিগী তীম অসিগী মেম্বরশিংগী মরমদা নখোয়না খঙলকপা মতমদা, নখোয়সু ঐঙোন্দা ফাওখিবা অদুগুম্না, পুক্নিং চংবা অমদি থৌনানা পিক থনগনি৷ থৌনা লৈরবা দিব্যাঙ্গশিং অদুগী মমিংশিং অদুদি – উত্তরখন্দগী মহেশ নেহরা, অকশত রৱত, মহারাস্ত্রগী পুশপক গৱন্দে, হরিয়ানাগী অজে কুমার, লদাখকী লোবসঙ্গ চোস্পেল, তামিল নাদুগী মেজর দ্বর্কেশ, জুম্মু অমসুং কাশ্মীরগী ইর্ফান অহমেদ মির অমদি হিমাচল প্রদেশকী চোঙ্গজিন ইংমোনি৷ সিয়চিন গ্লেসিয়র খুদুম চন্নবা পাংথোকখিবা ওপরেসন অসি ইন্দিয়ন আর্মীগী অখন্নবা ফোর্সশিংগী বেতরানশিং য়াওখিবনা মাই পাকপুা ঙমখিবনি৷ ইতিহাসিক ওইরবা খোঙচৎ অমদি মমাংগী মতমদা অমুক্ত ফাওবা ফংখিদ্রিবা এচিবমেন্ত অসি ফংবগীদমক ঐনা তীম অসিবু থাগৎপা ফোংদোক্লি৷

মরুপশিং, ঙসিদি লৈবাক অসিদা দিব্যাঙ্গগী য়াইফনবগীদমক থৌরাং কয়া পাইখৎলি৷ উত্তর প্রদেশতা পাইখৎলিবা-“ৱান তিচর, ৱান কোল”গুম্বা থৌরাং অমগী মরমদা খঙনবগী খুদোংচাবা অমা ঐনা ফংখি৷ বেরৈলিদা পাংথোক্লিবা অসিগুম্লবা অখন্নবা থৌরাং অসিনা দিব্যাঙ্গ অঙাংশিংদা অনৌবা লম্বী অমা উহল্লি৷ মসিগী কেম্পেন্দ অসি দবৌরাদা লৈরিবা স্কুল অমগী প্রিন্সিপাল, দীপমলা পান্দে জিনা লমজিংলি৷ কোরোনাগী মতমদা, কেম্পেন্দ অসিনা মরম ওইদুনা, মশিং য়াম্লবা অঙাংশিংগী এদমিসন তৌবা ওইথোকহনবতা নত্তনা , ওজা ৩৫০ হেনবনা থৌনা অমগা লোইননা কেম্পেন্দ অসিদা শরুক য়াখি৷ হায়রিবা ওজাশিংনা খুঙ্গং অমদগী খুঙ্গং অমদা চৎতুনা দিব্যাঙ্গ অহাংশিং উনরি, মখোয়বু থিরি অমদি অঙাংশিং অদুবু স্কুল অমদা নত্রগা অতোপ্পা স্কুল অমদা এদমিসন তৌবিরি৷ দিব্যাঙ্গশিংগীদমক দীপমলা জি অমদি মহাক্কা চৎমিন্নরিবা ওজাশিংগী অসিগুম্বা থৌওং অসিদা ঐনা কা হেন্না থাগৎপা ফোংদোকচরি৷ এজুকেসনগী ফিল্দদা হোৎনরিবা থবক খুদিংমক অসিনা ঐখোয়গী লৈবাক অসিগী তুংগী ফিভম লেপকদৌরিবনি৷

ঐগী নুংশিজরবা প্রজাশিং, নোংমগী মতমদা কোরোনা হায়বা ৱাহৈ অসি হন্না-হন্না ঐখোয়গী নাকোংদা অদুমক তাদুনা ঙসি ঐখোয়গী পুন্সি অসি হিংলি… চহি চাম্মদা খ্বাইদগী চাওবা মালেম শিনবা থুংনা শন্দোক্লিবা লাইনা-লাইচৎনি, কোবিদ-১৯না লৈবাক অসিদা লৈরিবা প্রজা খুদিংমক্তা পরা কয়া অমা তমবিখ্রে৷ ঙসিদি, হেল্খকেয়র অমদি ৱেল্নেসকী মরমদা এৱার্নেস পাংথোকপা অমদি খঙনিংবা হেনগৎলকখ্রে৷ মহৌশানা ৱেল্নেস অমদি হকচাংদা কান্নবা নেচরেল প্রদক্তশিং ঐখোয়গী লৈবাক অসিদা মরাং কাইনা ফংলি৷ মসিগী হিরম অসিদা ওরিশাগী নন্দোল, কলাহন্দিদা লৈরিবা পতয়ত সাহু জিনা চহি কয়া অমা অখন্নবা থবক তৌদুনা লাক্লি৷ মহাক্না লম একর অমগা তংখায়দা মেদিসিনেল পাম্বীশিং থারি৷ মসি খক্ত নত্তনা, হায়রিবা মেদিসিনেল পাম্বীশিং অসিগী দোকুমেন্তেসনসু সাহু জিনা চত্থরি৷ রাঞ্চিগী সতিশ জিনা ঐঙোন্দা চিথী অমগী খুৎথাংদা অসিগুম্বা অতোপ্পা পাউ অমা সেয়র তৌরকখ্রে৷ ঝর্খন্দদা লৈরিবা এলোই বেরা খুঙ্গং অমদা সতিশ জিনা ঐগী পুক্নিং চিংশিনখ্রে৷ মঞ্জু কচপ জিগী লুচিং মখাদা রাঞ্চিগা নক্ননা লৈরিবা দিওরি খুঙ্গংগী নুপীশিংনা বির্সা এগ্রীকল্চরেল স্কুলদা এলোইবেরা কল্তিবেসনগী ত্রেনিং পাংথোকখি৷ মসিগী মতুংদা, মখোয়না এলোইবেরা থাবা হৌখি৷ মসিগী ফার্মিং অসিনা হকশেলদা কান্নবা পীবা অসি খক্তা নত্তনা; হায়রিবা নুপীশিংগী ইনকমসু হেনগৎহনখি৷ মখোয়না কোরোনা লাইনা-লাইচৎকী মতম ফাওবদা শেল য়াম্না তানখ্রে৷ শেল য়াম্না চাওনা তানবা ঙমখিবগী মরম অদুদি মখোয়দগী সেনিতাইজরশিং শারিবা কম্পেনীশিংনা হকথেংননা এলোইবেরা লৈখিবা অসিননি৷ ঙসিদি, মসিগী থবক অসিদা নুপী নিফুগী তীম অমা লৈরে৷ অদুগা লম একর কয়া অমদা এলোই বেরা থারি৷ ওরিশাগী পতয়ত সাহু জি নত্রগা দিওরিদা লৈরিবা নুপীগী তীম অসিবু ওইরবসু, হকশেলগী ফিল্দদা মখোয়না এগ্রীকল্চর লিঙ্ক তৌখিবগী লম্বী অসিসু মশামক্তা খুদম অমা অদুমক ওইজরি৷

মরুপশিং, ওক্তোবর ২ অসি লাল বহাদুর শাস্ত্রী জিগী মপোক নুমিৎসু ওইরি৷ মহাকপু নিংশিংদুনা, নুমিৎ অসিনা ঐখোয়দা লৌউ-শিংউবগী মরমদা অনৌবা এক্সপরিমেন্তশিং চত্থরিবা মীওইশিংগী মরমদসু ঐখোয়দা খঙহল্লি৷ মেদিসিনেল পাম্বীশিংগী ফিল্দদা স্তার্ত-অপশিং য়োকখৎনবা,  মেদি-হব তি.বি.আই.গী মমিংদা ইনকুবেতর অমা গুজরাতকী অনন্দদা শিজিন্নরি৷ অতেনবা মতমদা, মেদিসিনেল অমদি এরোমেতিক পাম্বীশিং শিজিন্নরিবা মসিগী ইনকুবেতর অসিনা ওল্তরপ্রিনর ১৫গী বিজিনেস আইদিয়া সপোর্ত তৌখ্রে৷ মসিগী ইনকুবেতর অসিগী মতেং ফংলবা মতম খক্তদা সুধা চেব্রোলু জিনা মহাক্কী স্তার্ত-অপ অসি লোঞ্চ তৌখ্রে৷ কম্পেনী অসিদা নুপীশিংদনা হেন্না খুদোংচাবা পীরি অমদি মখোয়না ইন্নোবেতিব হর্বেল ফোর্মুলেসনশিংগীদমক থৌদাং লৌরি৷ অসিগুম্বা অতোপ্পা ওল্তরপ্রিনর অদুদি সুবাশ্রী জিনি, মহাক্না মসিগী মেদিসিনেল অমসুং এরোমেতিক প্লান্ত ইনকুবেতর অসিদগী মতেং ফংখি৷ সুবাশ্রী জিগী কম্পেনী অসি হর্বেল রুম অমদি কার ফ্রেশনরশিংগী ফিল্দদা থবক তৌরি৷ মহাক্না মেদিসিনেল পাম্বী ৪০০ হেন্না থারিবা হর্বেল তেরেস গার্দেন অমসু শেমগৎখ্রে৷

মরুপশিং, অঙাংশিংগী মরক্তা মেদিসিনেল অমদি হর্বেল প্লান্তশিং অসিগী মরমদা হেন্না এৱার্নেস পীনবা অয়ুশ মন্ত্রালয়না য়াম্না নুংঙাইবা ইনিসিয়েতিব অমা লৌখৎখ্রে, মসিদা প্রোফেসর অয়ুশমান জিনা লমজিংখ্রে৷ প্রোফেসর অয়ুশমান অসি কনানা হায়বা নখোয়না খঙলকপা মতমদা নখোয় ঙকপা ফাওবা য়াই! তশেংবদি প্রোফেসর অয়ুশমান অসি কোমিক লাইরিক অমগী মমিংনি৷ মসিদা, তোঙান তোঙানবা কার্তুন কেরেক্তরশিং শিজিন্নদুনা অতেনবা ৱারিশিং শেমখ্রে৷ মসিগা লোইননা, এলোই বেরা, তুল্সি, হৈক্রু, জিলোই, নীম, অস্বাগন্ধ অমদি ব্রহ্মীগুম্বা হেল্দী ওইবা মেদিসিনেল পাম্বীগী কান্নবশিংগী মরমদা পনখ্রে৷ মরুপশিং, হৌজিক লৈরিবা ফিভম অসিদা, ভারতকী মেদিসিনেল পাম্বীশিং অমদি হর্বেল প্রদক্তশিং অসি মালেম অসিগী মীয়াম্না পাম্বা হেনগৎলক্লি৷ হৌখিবা মতমদা, অয়ুর্বেদিক অমদি হর্বেল প্রদক্তশিং এক্সপোর্ত তৌবগী চাং কা হেন্না হেনগৎলকখ্রে৷

অসিগুম্বা প্রদক্তশিং অসিদা মীৎয়েং চংনবা স্তার্ত-অপ ৱর্ল্দগা মরী লৈনরিবা সাইন্তিস্তশিং, রিসর্চরশিং অমদি মীয়ামদা ঐনা তকশিল্লি, মসিনা মীয়ামগী ৱেল্নেস অমদি ইম্ম্যুনিতী ফগৎহনবা খক্তা নত্তনা, ঐখোয়গী লৌমীশিং অমদি নহাশিংগী ইনকম হেনগৎহনবদসু মতেং পাংলগনি৷

মরুপশিং, ত্রেদিস্নেল ফার্মিং তৌবদগী হেন্দোক্তুনা, নোবেল ইনিসিয়েতিবশিং অমদি ওপ্সনশিং লৌউ-শিংউবদা পাংথোক্লি অমদি লেপ্প-লৈতনা সেল্ফ এমপ্লোইমেন্তগী অনৌবা উপাইশিং পীরি৷ পুলৱমাগী মচিন-মনাউ অমনিগী ৱারি অসিসু মসিদা খুদম অমনি৷ জম্মু অমসুং কাশ্মীরগী পুলৱমাদা বিলাল অহমদ শৈখ অমদি মুনির অহমদ শৈখনা মখোয় মশাগীদমক অনৌবা এবেন্যুশিং ফংখি, মখোয় অসি অনৌবা ভারতকী খুদম অমনি৷ চবি ৩৯ শুরবা বিলাল অহমদ জি অসি য়াম্না ক্বালিফাইদ ওইরবা মীওই অমনি, মহাক্না দিগ্রী কয়া অমা ফংবা ঙমখি৷ হৌজিক্তি মহাক্না এগ্রীকল্চরদা মহাক মশাগী স্তার্ত-অপ লোঞ্চ তৌজদুনা মহাক্কী হাইয়র এজুকেসনগী এক্সপরিয়েন্স অসি শিজিন্নরি৷ বিলাল জিনা মহাক্কী ময়ুমদা বর্মি কম্পোস্তিংগী য়ুনিৎ অমা ইন্সতোল্দ তৌখ্রে৷ য়ুনিৎ অসিদগী শেমখিবা বাই-ফর্তিলাইজর অসিনা এগ্রীকল্তর খক্তদা কান্নবা পীবা খক্ত নত্তনা ; মসিনা মীয়াম্বুসু থবক্কী খুদোংচাবা ফংহনখ্রে৷ চহি খুদিংগী, হায়রিবা ইচল-ইনাউশিং অসিনা শেম্লিবা য়ুনিৎশিং অসিদগী বর্মিকম্পোস্ত ক্বিন্তল লিশিং অহুমরোম লৌমীশিংনা ফংলি৷ ঙসিদি, মসিগী বর্মিকম্পোস্তিং য়ুনিৎ অসিদা মীওই ১৫ থবক শুরি৷ মসিগী য়ুনিৎ অসি য়েংননবা মীওই কয়া অমা লাক্নরি, অমদি মখোয় অয়াম্বনা এগ্রীকল্তরেল সেক্তরদা করিগুম্বা থবক খরা তৌবা পামজবা মীওই ঙাক্তনি৷ পুলৱমাগী শৈখ মচিন-মনাউনা থবক তান্নবা মীওই অমা ওইবগী মহুৎতা থবক পীবা মীওই অমা ওইগনি হায়না ৱাশকখি অদুগা ঙসিদি মখোয়না জম্মু অমসুং কাশ্মীরদা খক্তা নত্তনা লৈবাক অসিগী মীয়ামদসু অনৌবা লম্বী অমা উৎলি৷

ঐগী নুংশিজরবা প্রজাশিং, সেপ্তেম্বর ২৫ অসি লৈবাক অসিগী থোইদোক হেন্দোক্না মমিং লৈরবা পন্দিৎ দীন দয়াল উপধ্য জিগী মপোক নুমিৎনি৷ দিন দয়াল অসি হৌখিবা চহি চাগী খ্বাইদগী মমিং লৈরবা খিঙ্করশিংগী মনুংদা অমনি৷ মহাক্কী ইকোনোমিক ফিলোসোফী, সমাজ অসি শক্তি লৈহন্নবা মহাক্কী পোলিসীশিং, মহাক্না উৎলমখিবা অন্ত্যোদয়াগী লম্বী অসি হৌজিক হৌজিক্কী কন্তেক্স অসিদা অদুমক মরী লৈনদুনা অমদি থৌনা হাপতুনসু লৈরি৷ চহি অহুমগী মমাংদা, মহাক্কী মপোক কুমওন, সেপ্তেম্বর ২৫দা, মালেম অসিগী খ্বাইদগী চাওবা হেল্থ এসুরেন্স স্কিম-অয়ুশমান ভারত স্কিম চৎনখি৷ ঙসিদি, লৈবাক অসিগী মীওই কোতি অনিগা তংখায় হেনবনা অয়ুশমান ভারত স্কিমগী মখাদা হোস্পিতালদা লুপা লাখ ৫গী ফ্রী ত্রিতমেন্ত ফংখ্রে৷ লাইরবশিংগী লৈরিবা অসিগুম্বা অচৌবা স্কিম অসি দীন দয়ালগী অন্ত্যোদয়া ফিলোসোফীদা দেদিকেদ তৌই৷ করিগুম্বা ঙসিগী নহানা মখোয়গী পুন্সিশিংদা ভেল্যুশিং অমদি আইদিলশিং অসি লৈরবদি, মসিনা মখোয়দা য়াম্না চাওনা কান্নবা পীগনি৷ লখনৌদা মতম অমদা, দীন দয়ালনা হায়খ্রে – “অফবা থবকশিং, অফবা ক্বালিতী কয়াম য়াম্না লৈবগে – হায়রিবা পুম্নমক অসি সমাজ মশামক্তগী ঐখোয়না ফংই৷ সমাজকী লমন অসি ঐখোয়না শিংগদবনি, হায়রিবা ৱাহৈশিং অসিদা ঐখোয়না খন্থগদবনি৷” অমবু ওইরবসু অমবু ওইরবসু লৈবাক অসিদগী অমদি সমাজ অসিদগী ঐখোয়না অদু্ক্কী মতিক কান্নবা লৌরে হায়বসি দীল দয়ালনা ঐখোয়দা তাপকপিরমখি; অসুম্না মতৌ করম্না লৈবাক অসিগী লমন অসি শিংশিগে হায়বদু ঐখোয়না খনগদবনি৷ মসি ঙসিগী নহাশিংগী ওইনদি য়াম্না মরু ওইবা মেসেজ অমনি৷

মরুপশিং, দীন দয়াল জিগী পুন্সিদগী, ঐখোয়না হোৎনবা লেপ্তনবগী পরা অদুসু তমখি৷ খুদোংচাদবা পোলিতিকেল অমদি আইদিওলোজিকেল  সর্কমস্তেন্সেস কয়া অমা লৈরবসু, মহাক্না কৈদৌনুংদা স্বাদেশিগী মংলান অসিদগী লাপ্না চৎখিবা লৈতে৷ ঙসিদি, নহা ওইরিবা মীওই কয়ানা ওফত-ত্রেদেদ পাথশিং অসিদগী থোক্লকপা পাম্মী৷ মখোয়না মখোয় মশাগী ওইবা লম্বীদা থবক তৌবা পাম্মী৷ দীন দয়াল জিগী পুন্সিনা মখোয়দা অদুক্কী মতিক তাকপি- তম্বিবা ঙমগনি৷ মসিনা মরম ওইদুনা ঐখোয়গী নহাশিংনা মহাক্কী মরমদা শোইদনা খঙজিন্নবা ঐনা তকশিল্লিবনি৷

ঐগী নুংশিরবা প্রজাশিং, ঙসি ঐখোয়না তোপিক কয়া অমা নৈনখি৷ ঐখোয়না খন্ন-নৈনখিবশিং অদুগুম্না, লাক্কদৈৌরিবা মতম অসি হরাউ-কুহ্মৈগী মতমনি৷ লৈবাক পুম্বনা হরাউ-কুহ্মৈ অসি পাংথোক্লগনি৷ অদুবু কুহ্মৈ অসিগী মনুংদা, ঐখোয়না কোরোনা লাইনা-লাইচৎ লান্থেংনগদবা লৈরি হায়বসি নিংশিংগদবনি৷ লাইচৎ অসি লান্থেংনবদা তীম ইন্দিয়ানা নুংতি-নুমিৎ খুদিংগী অনৌবা রেকোর্দশিং থম্লি৷ ভেক্সিন কাপ্পগা মরী লৈননা, মালেম শিনবা থুংনা ৱারি শানরিবা অসিগুম্বা রেকোর্দশিং অসি লৈবাক অসিনা থংখিবনি৷ লাইচৎ অসি লান্থেংনবদা ভারত মচা খুদিংমক্কী য়াম্না মরু ওইবা থৌদাং অমা লৈ৷ ঐখোয়গী মতমশিং য়ৌরকপা মতমদা ঐখোয়না ভেক্সিন অসি কাপথোক্কদবনি অমদি সেফতীগী সর্কল অসিদগী মীওই অমতা চিথদনা লৈহৌদনবসু ঐখোয়না হোৎনগদবনি৷ নখোয়গী অকোইবদা ভেক্সিন কাপ্তনা লৈরিবা মীওইশিং অদু ভেক্সিন সেন্তরদা পুবিগদবনি৷ ভেক্সিন কাপ্লবা মতুং ফাওবদা, তঙাই ফদবা চৎন-কাংলোনশিং অদুদি ইনগদবনি৷ লাইচৎ অসি লান্থেংনবদা তীম ইন্দিয়ানা অমুক্কা হন্না ফ্লেগ অসি হেন্না ৱাংনা পাইহল্লগনি হায়না ঐনা অশা তৌরি৷ মথংগী, ‘মন কি বাত’তা ঐখোয়না হেন্না মরু ওইবা তোপিক খরা খন্ন-নৈনরগনি৷ নখোয় পুম্নমক্তা য়াইফ-থৌজাল পীরি, লৈবাক অসিগী মীয়াম খুদিংমক লাক্কদৌরিবা হরাউ-কুহ্মৈশিং অসিদা নুংঙাই য়াইফবা ওইরসনু৷

ময়াম্বু থাগৎচরি!

ঐগী নুংশিরবা ইরৈচাশিং, খুরুমজরি‍। ঙসি অসি মেজর ধ্যান চান্দ জীগী মপোক নুমিৎনি হায়বা ঐখোয় পুম্নমক্না খঙই‍। অদুগা লৈবাকসিনা নুমিৎ অসিবু নেসনেল স্পোর্তস দে হায়না পাঙথোকই‍। ঐঙোন্দা ৱাখল অমা ফাওরকই, মদুদি মেজর ধ্যান চান্দ জীগী থৱায়না হৌজিক লৈরিবা মফমদুদা শোয়দনা হরাউ নুংঙাইবা ফাওরমগনি… মরমদি মালেম পুম্বদা ভারতকী হোকীগী মিংচৎ পুরকখিবসি ধ্যানচান্দ জীগী হোকীননি‍। অদুগা চহি তরাগী খুজিং মরিগী মতুংদা, চহি ৪১রোমগী মতুংদা ভারতকী নহাশিং, মহাক্কী মচানুপা অমদি মচানুপীশিংনা ঐখোয়গী হোকীদা অমুক্কা হন্না ইনোৎ হাপ্লরি‍। মেদল ফংবগী মশিংগী ৱা নত্তনা ভারত মচা অমত্তনা হোকীদা মেদল অমা ফংদ্রিফাওবা মায় পাকপগী নুংঙাইবা লৌদে‍। অদুগা হন্দক ওলিম্পিক্তা ঐখোয়না ফংলক্লিবা হোকীগী মেদল অসি চহিতরা মরিগী মতুংদনি‍। অদোমসু খন্থবিয়ু… হৌজিক মেজর ধ্যানচান্দ জীনা লৈরিবা মফমদুনা, মহাক্কী থম্মোয়, মহাক্কী থৱায় নুংঙাইবনা লাকহৎলমগনি‍। ধ্যানচান্দ জীগী মপুন্সি চুপ্পা শান্ন-খোৎনবদা কত্থোক্লমবনি… মরম অসিননি ঙসি লৈবাকসিগী নহাশিংগী, ঐখোয়গী ইচানুপা ইচানুপীশিংনা শান্ন-খোৎনবগী লমদা পুক্নিং লুপ্পা উরিবা, অমদি অঙাঙশৎংনা শান্ন-খোৎনবদা পুক্নিং চঙলকপদা মমা মপাশিংনসু নুংঙাইবা ফাওরিবা; অসুম্না মফম পুম্বদা ফাওরিবা হৈনিংবগী ইথিল অসি… মসিমক মেজর ধ্যানচান্দ জীগী মফমদা অচৌবা শ্রদ্ধাঞ্জলি অমনি হায়না ঐনা লৌই‍।

মরূপশিং, শান্ন-খোৎনবগী ৱাফম হেক পল্লকপদা নহারোল পুম্নমক মীৎমাঙদা মহৌশানা চোংথোরকই‍। ঐখোয়না নহা মীরোলসিদা নীংথিনা য়েংলুবা মতমদা ঐখোয়না অহোংবা অমা উবা ফংই‍। নহাশিংগী পুক্নিংদা অহোংবা অমা লাক্লে‍। অমদি ঙসিগী নহা ওইরিবা মীওইশিংনা অরিবা চৎনদ্রবা থৌওং অমদি মওং মতৌশিং থাদোক্তুনা পুম্নৌ নৌবা, খেন্নবা খরা তৌবা পাম্লি‍। ঙসিগী নহাশিংনা হান্না শেম শাদুনা থম্লম্লবা লম্মীদা চৎপা পাম্নদ্রে; মখোয়না অনৌবা লম্বী শেম্নিংলে‍। মখোয়না হান্না খঙনদ্রিবা লমখৈদুদা, অনৌবা পন্থুংদা, অনৌবা পান্দম অমদি অনৌবা লম্বী, অনৌবা মঙলান্দা খোঙ থাংজিন্নিংলি‍। নহা অমনা মপুক্নিংদা লেপখ্রবদি মদু ফংনবা হোৎনবদা করিগুম্বা অমত্তা লেম্না থাদে… অহিং নুংথিল নাইদনা হোৎনৈ‍। মতম খরগী মমাঙদা ভারতনা মাগী স্পেস সেক্তর হাংদোরকপাম তমদা… অতেনবা মতমগী মনুংদা নহা মীরোলসিনা তাঞ্জা অদু লাকখিবা ঐখোয়না উখ্রে‍। মদুগী কান্নবা ফংননবগীদমক, কলেজকী মহৈরোয়শিং অমসুং য়ুনিভর্সিতীদা অমদি প্রাইভেত সেক্তরদা থবক তৌরিবা নহাশিংনা ইখৌ লাংনা চোংথোরকখি‍। লাক্কদৌরিবা নুমিৎশিংদা মশিং য়াম্লবা সেতলাইত কয়াদি ঐখোয়গী নহা, মহৈরোয়, কলেজ, য়ুনিভর্সিতী অমসুং লেবতা থবক তৌরিবা মহৈরোয়শিংনা শেমবা ওইগনি হায়না ঐনা চেৎনা থাজৈ‍।

মতৌ অসুম্না, অদোম্না হেক উবা মফমদা… ইমুং অমা হেক্তদা চৎলু… ফনা নুংঙাই য়াইফবা ইমুংগী ওইসনু, ফনা লাইরিক হৈবা ইমুং ওইসনু… করিগুম্বা অদোম্না ইমুংদুগী নহা অমগা ৱারী শানবা মতমদা মহাক্না ইমুংগী চৎনবীদগী লাপ্না থোরক্তুনা স্তার্ত অপ অমা পায়খত্তুনা নৎত্রগা স্তার্ত অপ অমদা য়াওদুনা রিস্ক লৌনিংবগী ইখৌ লাংবদু লৈরমগনি‍। ঙসিদি স্তার্ত অপ কল্চর অসি অপীকপা ময়োল্লমশিংদসু শন্দোরক্লি অমদি মসিবু ঐনা অরংবা তুংগী পুন্সি অমা ওইনা উই‍। নুমিৎ খরনিগী মমাঙদা ঐখোয়গী লৈবাকসিগী শান্নপোৎশিংগী মরমদা খন্নখি‍। তেল্লবা মতমগী মনুংদা ৱাফমসি ঐখোয়গী নহাশিংগী পুক্নিংদা চঙখিদুনা মখোয়না খোঙফম চেৎনা ভারতকী শান্নপোৎশিংবু মালেমদা তোপ তোপ্পা মশক অমগা লোয়ননা পুখৎনবা ফিরেপ লৌখি‍। মখোয়না অনৌবা চাংয়েং কয়া তৌরি‍। মালেম অসি শান্নপোৎকী অচৌবা কৈথেল অমনি… করোর লাখ ৬তগী ৭ ফাওবগী কৈথেলনি‍। ঙসি মসিদা ভারতকী শরুক য়াম্না পীক্লি‍। অদুবু কমদৌনা শান্নপোৎ শাগনি, করম্বা খেন্নবা মশকশিং শান্নপোত্তা য়াওহনগনি, করি তেক্নোলোজী শীজিন্নগনি, শান্নপোৎশিংবু কমদৌনা অঙাঙগী সাইকোলোজীগা চুনহনগনি… হায়রিবশিং অসি ঐখোয়গী লৈবাকসিগী নহশিংনা পুক্নিং থাদরিবনি.. করিগুম্বা থৌদাং খরা লৌনিংবগী ইথিলগা লোয়ননা‍।

মরূপশিং, থম্মোয়দা মথুম মরাং হৌহনবা অমদি থাজবা অসিবু হেন্না মপাঙ্গল কনখৎহনবা ৱাফম অমগসু লৈরি‍। মদুদি করিনো হায়বা অদোম খন্থবিখ্রবরা? মহৌশানা ঐখোয়গী ইরক্তা অদুম ইয়াদা য়াবগী ৱাখল্লোন অমা চঙদুনা লৈখিবসিনি… “অদুম তৌনবনিদা”, “কৈসু কাইদেদা – মসিগুম্বদি অদুম থোকপনি”! হায়বসিনি‍। অদুবু হৌজিক্তি লৈবাকসিগী নহাশিংগী পুক্নিংদা অথোই অহেন তান্নবা পুক্নিং লুপ্পা ঐনা উবা ফংই‍। মখোয়না খ্বাইদগী ফবা থৌওং শীজিন্নদুনা খ্বাইদগী ফবদু তৌবা পাম্মি‍। মসিনা লৈবাকসিগী অচৌবা শাফু অমা ওইনা থোক্লক্কনি‍।

মরূপশিং, হন্দক্তি ওলিম্পিক্সনা অচৌবা ইনোৎ অমা পীরি‍। ওলিম্পিক্সকী মশান্নশিংদি লোইখ্রে; পেরালিম্পিক্স হৌজিক শান্নরি‍। শান্ন-খোৎনবগী তাইবংদা লৈবাকসিনা তাল্লক্লিবা মিংচৎ অসি মালেমগী ওইনা চাংদম্নবদা য়াম্না পীক্লম্বদি য়াই অদুবু ঐখোয়গী থাজবা চেৎশিলহন্নবা ফংবা য়াবা মীংচত্তি ফংলে‍। ঙসিদি নহাশিংনা শান্ন-খোৎনবা য়েংবখক নত্তনা… নহাশিংনা শান্ন-খোৎনবগা মরী লৈনবা খুদোংচাবশিংদসু মীৎয়েং থম্লি… ইকো সিস্তেম পুম্ববু চেকশিন্না শেন্নরি… মসিগী মতিং য়েংলি, মসিগা মওং অমদা নৎত্রগা অমদা মরী শমজিন্ননবা ৱাখল খন্নরি‍। মখোয়না হান্না চৎনরম্বা মওং মতৌদগী লান্থোক্তুনা অনৌবা মশান্নশিংদা হৈননবা হোৎনরি‍। ঐগী নুংশিরবা ইরৈজাশিং, হৌজিক্তি অসিগুম্বা খোঙজেল অমা শেমগৎলবনিনা… শান্ন-খোৎনবগী মরমদা ইমুং খুদিংদা ৱা তানবা হৌনরক্লে… ঐঙোন্দা হায়বিয়ু… হায়রিবা খোঙহৌ অসি শিথহনখ্রসিরা, হৌজেক লেপহল্লসিরা? য়ারোই… কৈদৌনুংদা য়ারোই‍। অদোমসু মসিগা মান্ননা খনবিরমগনি‍। লৈবাকসিদা শান্ন-খোৎনবা অমদি শান্নবগী ইথিল লেপহনবা য়াদে‍। ইমুংগী পুন্সিদা, খুন্নাইগী পুন্সিদা, লৈবাক্কী পুন্সিদা হায়রিবা খোঙহৌ অসিগী লেঙদ্রবা মফম অমা কন্দুনা থম্লগা… পাঙ্গল থৌনা হাপ্তুনা… হনবা লৈত্রবা থৌনানা মথৌ হাপ্তুনা থমগদবনি‍। য়ুমদা নৎত্রগা মফম অমদা হেক্তা ওইরবসু, খুঙ্গঙদা নৎত্রগা ময়োল্লমদা, ঐখোয়গী শান্নবুংশিং থলহনগদবনি‍। পুম্নমক শান্নহনসি – পুম্নমক শাৎকায়হন্সি! ঐনা অঙাঙবা লানবনদগী “সবকা প্রয়াস”… হোয়… পুন্না হোৎনমিন্নবা হায়না লাউখিবা অদোম শোয়দনা নীংশিংবিরমগনি‍। পুম্নমক্না হোৎনমিন্নরবখক্তদা ভারতনা শান্ন-খোৎনবগী লমদা ফংফম থোকপা পন্দোল অদু লোমবা ঙমগদৌরিবনি‍। মেজর ধ্যানচান্দ জীগুম্বা মীওইশিংনা য়াৎলম্বা লম্বীদা ঐখোয় চৎপা… হায়বসিনা ঐখোয়গী থৌদাং ওইগদৌরিবনি‍। চহি কয়াগী মতুংদা লৈবাকসিদা ইমুংদা, খুন্নাইদা, স্তেতশিংদা, লৈবাক পুম্বদা মীপুম খুদিংমক্না অমত্তা ওইনা শান্ন-খোৎনবনা পুনশিন্দুনা চৎমিন্নবগী তাঞ্জা অমা উবা ফংলি‍।

ঐগী নুংশিরবা নহা ওইরিবা মরূপশিং, তাঞ্জা অসিগী খুদোংচাবা লৌরগা ঐখোয়না শান্ন-খোৎনবা মখল কয়াদা হৈ-শিংবা তানশিনগদবনি‍। খুঙ্গঙদসু শান্ন-খোৎনবগী হিদান্নবগী থৌরম লেপ্পা লৈতনা শিগদবনি‍। হিদান্নবা লৈরবখক্তদা শান্ন-খোৎনবগী মচৎ মওং হোংলক্কদবনি… খুমাঙ চাউশিল্লক্কদবনি… মদুগী মহৈ ওইনা শান্নরোয় কয়া লিৎখৎলক্কদৌরিবনি‍। লাক্লো লৈবাক মীয়াম পুম্বা খোঙহৌ অসিবু হেন্না খোঙজেল হাপ্লসি… ঐখোয়না অঙম্বা থৌদাং পাঙলসি… ‘সবকা প্রয়াস’কী লাইৱা অসিবু অশেংবা ওন্থোক্লসি‍।

ঐগী নুংশিরবা ইরৈচাশিং, হয়েং অসি জন্মস্থমিগী চাউরবা কুম্হৈ নুমিৎসু তারি‍। জন্মস্থমিগী কুম্হৈ, হায়বসি ভগবান শ্রী কৃষ্ণ পোকপগী কুম্হৈনি‍। ঙাউশিন্নবা কন্হাইয়াদগী হৌরগা অচৌবা কৃষ্ণগী শকওং ফাওবা, পুরানগী লাতম নীংথিনা খঙহৈবদগী হৌরগা খুৎশু খুৎলায়গী লমদা নীংথিনা হৈ শিংলবা ভগবানগী শায়ওন লাংওন পুম্নমক ঐখোয়না খঙনরবা ঙাক্তনি‍। কলা, ফজবা অমদি মতিক ময়ায় ওইরবসু কৃষ্ণনা য়ৌদবা মফমবু করি লৈবগে‍! ঐনা মসি হায়রিবগী মরমদি জন্মস্থমিগী নুমিৎ খরনিগী মমাঙদা ঐনা নুংঙাইরবা থৌদোক অমা থেংনখি‍। মরম অসিনা মসিগী মতাঙদা অদোমগী মফমদা পাউদমগে হায়না ঐনা খনবনি‍। ভগবান সোম্নাথ লাইশঙকা মরী লৈননা শেমগৎ শাগৎলিবশিং মীয়ামগী মফমদা থাসিগী তাং ২০দা কত্থোকখিবা অদোমসু খঙবিরমগনি‍। সোমনাথ লাইশঙ অসিদগী কিলোমিতর ৩-৪ চৎলগা ভল্কা তীর্থ লৈ, হায়রিবা ভল্কা তীর্থ অসি ভগবান শ্রী কৃষ্ণনা মালেমদা মহাক্কী পুন্সিগী অরোইবা মীৎকুপ লেনখিবা মফমদুনি‍। ৱাহৈ অমদা হায়রগনা মহাক্না মালেমদা মহাক্কী তাইবঙ কুম্হৈ মফমসিদা লোইশিনখি‍। মফমদুগী শেমগৎ শাগৎপগী থবক থৌরম কয়া সোমনাথ ত্রস্তনা পায়খৎলি‍। ঐনা ফজরবা আর্ত-বুক অমা উরুবদগী ভল্কা তীর্থ অমসুং মফমদুদা পায়খৎলিবা থবকশিংগী মরমদা খল্লমবনি‍। কনাগুম্বা অমনা লাইরিক অসি ঐগী য়ুমগী মপান্দা ঐগীদমক্তা থম্বিরমবনি‍। মসিদা ভগবান শ্রী কৃষ্ণগী পুক্নিং হুরবা শাইওন লাংওন কয়াগী লাই য়াওরি‍। লাইশিং অদু য়েংবদা য়াম্না ফজৈ, ৱাহন্থোক য়াম্না লৈ‍। লাইরিক্তুগী লামায়শিংদু মথং মথং ফাক্লুবদগী খঙনিংবা অসুম অসুম হেনগৎলকখি‍। ঐনা লাইরিক অদুদা য়াওরিবা লাইশিং অমসুং ঐগীদমক্তা ইরম্লিবা পাউজেল অদু উরুবদা লাইরিক অদু থম্লম্লিবা মীশক্তু উনগে হায়না ঐনা খল্লকখি‍। ঐগী য়ুম মপান্দা লাইরিক অদু থম্লম্লিবা মীশক অদু উনগে হায়না ঐনা খনখি‍। ঐগী ওফিসনা মীশক অদুগা পাউ ফাওনখি‍। আর্ত-বুক অদু উরুবদা, মদুদা য়াওরিবা ভগবান শ্রী কৃষ্ণগী তোঙান তোঙানবা মশকশিং উরুবদা মীশক অদু থংনবা নুমিৎমক্তদা উননবা ঐনা কৌখি‍। খঙনিংবগী ইহুল অসিগা লোয়ননা ঐনা জাদুরানি দাসি জীগা উনখি‍। মহাক অমেরিকা মচানি, অমেরিকাদা পোকপনি, অমেরিকাদা চাউরকপনি, জাদুরানি দাসি জী ইস্কোনগা মরী লৈনবা, হরে কৃষ্ণ মুভমেন্তকা মরী লৈনবা মীওইনি অমদি মহাক্কী তোপ তোপ্পা হৈশিংবা হায়রগদি মহাক ভক্তি আর্ততা নীংথিনা খঙ-হৈরবা মীওইনি‍। নুমিৎ নিনিগী মতুংদা সেপ্তেম্বর ১দা, ইস্কোনগী ফাউন্দর শ্রী প্রভুপাদ স্বামি জীগী ১২৫শুবা মপোক কুমওন থৌরম পাঙথোকখি‍। মসিগা মরী লৈননা জাদুরানি দাসি জী ভারত্তা লাকখিবনি‍। ঐগী পুক্নিংদা ফাওখিবদি অমেরিকাদা পোকপা মীওই অমনা, ভারতকী নাৎ চৎনবীদগী লাপ্না লৈরবা মীওই অমনা কমদৌনা ভগবান শ্রী কৃষ্ণগী পুক্নিং হুরবা লাইশিং য়েক্লিবনো হায়বসিনি‍। ঐনা মহাক্কা ৱারী শাংনা শানখি, অদুবু ঐনা ৱারীদুগী মতেক অমা অদোমদা তাহন্নিংই‍।

পি.এম. সর: জাদুরানি জী, হরে কৃষ্ণ!

ঐনা ভক্তি আর্তকী মরমদা খরা পারে অদুবু তারিবশিংগীদমক খরা হেন্না হায়বিয়ু‍। মসিগী লমদা অদোম্না পামজরিবা, পুক্নিং লুপ্লিবা অসি অথোইবনি‍।

জাদুরানি জী: ভক্তি আর্ত হায়রিবা অসি ঐখোয়গী পুক্নিং ৱাখল শাগৎপা নত্তে ভ্রম সনহিতাগুম্বা ঐখোয়গী লিরবা ভেদিক পুরানশিংদগী লাকপনি হায়না তাকপা ভক্তি আর্তকী মরমদা ইবা অর্তিকল অমা লৈ‍। বেন ওমকরায়া পতিতম স্কিলতম সিকন্দ (वें ओंकाराय पतितं स्क्लितं सिकंद), ব্রিন্দাবনগী গোস্বামিদগী, মপু ইবুংঙো ব্রহ্মা মশামক্তগী‍। ঈস্বরহ পরমাহ কৃষ্ণহ সচ্চিদানন্দ ভিগ্রহাহ ( ईश्वर: परम: कृष्ण: सच्चिदानन्द विग्रह: ) কমদৌনা মহাক্না বাসি পায়বগে, কমদৌনা মহাক্কী সেন্সশিংনা সেন্স পুম্নমক্কীদমক্তা থবক তৌবা ঙমবগে অমদি শ্রীমদ ভগ্বতম (TCR 9.09) (বর্হাপীন্দ নত্বরবপুহ কর্নায়োহ কর্নকরম) बर्हापींड नटवरवपुः कर्णयो: कर्णिकारं পুম্নমক, মহাক্না নাকোংদা কর্নিকা লৈ অমা চিল্লি, মহাক্কী খুয়া থম্বালগী খোঙগুল বৃন্দাবন পুম্বদা তাহল্লি, শন শঙ্গুনা মহাক্কী মতিক শক্লি, মহাক্কী বাসিনা লাইবক ফবা থৱায় পানবা পুম্বগী থম্মোয় পুম্নিংবু শুমহৎলি‍। মরম অসিনা পুম্নমক অসি অরিবা ভেদ পুরানদগীনি অমদি লাইনিংগী ওইবা মশক মওংদগী লাক্লিবা পুরানগী মতিক অমসুং কলা অসবু পুথোরক্লিবা পুকচেল শেংনা লুপচবা তুংইনবশিংদা মদুগী মতিক লৈ, অমদি মরম অসিননি মসিনা অহোংবা নাইরিবসি, মসি ঐগী ইতিক নত্তে‍।

পি.এম. সর: জাদুরানি জী, অদোমগী মফমদা হংনিংবা ৱাহং মখল কয়া লৈ‍। ১৯৬৬তগী মওং অমদা অদুগা ১৯৭৬দগী হকথেংননা অদোম্না ভারতকা মতম শাংনা লোয়নদুনা লাক্লি, অদোমগী মফমদা ভারতসি করি ওইবগে হায়বদু হায়বিয়ু‍।

জাদুরানি জী: প্রধান মন্ত্রী জী, ভারত হায়বসি ঐগীদমক্তদি পুম্নমক্নি‍। নুমিৎ খরনিগী মমাঙদা ইকায়খুম্নরবা রাস্ত্রপতিনা ভারত অসি তেক্নিকেলগী লমদা য়াম্না খুমাঙ চাউশিল্লে অমদি ত্বীতর অমসুং ইন্সতাগ্রাম অমদি আইফোন অমসুং অচৌবা বিল্দিং অমদি য়াম্লবা ফেসিলিতী কয়া লৈদুনা নোংচুপকী মতুং ইল্লি হায়না ফোঙদোকখি‍। অদুবু মদু ভারতকী তশেংবা মীংচৎ নত্তে হায়বা ঐ খঙই‍। ভারতপু মমীং চৎহল্লিবদি কৃষ্ণ মশামক্না মফমসিদা লাংওনখিবসিনি অমদি লাংওন পুম্নমক মফমসিদা থোরকখি, সিবসু মফমসিদা লাংওনখি, রামসু মফমসিদা লাংওনখি, অশেংবা তুরেল পুম্নমক মফমসিদা লৈ, বৈষ্ণব নাৎকী অশেংবা লাইফমশিং মফমসিদা লৈ, মরম অসিনা ভারত, মরুওইনা বৃন্দাবন অসি তাইবং মালংপানসিদা খ্বাইদগী মরুওইবা মফমনি, বৃন্দাবন অসি বৈকুন্থ গ্রহ পুম্নমক্কী হৌরকফম্নি, দ্বারিকাগী হৌরকফম্নি, তাইবং খুৎশেম পুম্নমক্কী হৌরকফম্নি, মরম অসিনা ঐনা ভারতপু নুংশি‍।

পি.এম. সর: থাগৎচরি জাদুরানি জী‍। হরে কৃষ্ণ!

মরূপশিং, মালেমগী মীওইশিংনা ঙসি ভারতকী স্পিরিচুএল সিস্তেম অমসুং ৱাংউলোন্দা পুক্নিং চঙলকপা মতমসিদা অসিগুম্বা অথোইবা চৎনবী অসিবু মাঙদা পুখৎনবগী থৌদাং অমসু ঐখোয়দা লৈরি‍। মুৎখ্রবশিং হুন্দোক্লম্লবসি মফম মতম নাইদবশিংদি মাঙদা পুদুনা চৎপা তাই‍। ঐখোয়গী কুমহৈশিং পাঙথোকসি, মখোয়গী কাঙলোনগী ৱাহন্থোক অমদি মদুনা তাক্লিবশিং খঙজিন্সি‍। মসিদা নত্তনা কুমহৈ খুদিংদা নুংগী ওইবা পাউজেল অমমম য়াওরি; মসিদা থৌগল্লোনসু য়াওরি‍। ঐখোয়না মসি খঙজিনবতা নত্তনা পুন্সিগী শরুক অমা ওইহনগদবনি অমদি লাক্কদৌরিবা মীরোলশিংদসু থংথরমগদবনি‍। ইরৈচা পুম্নমক্তা ঐনা অমুক্কা হন্না জন্মস্থমিগী নুংঙাইরবা য়াইফ পাউজেল পীজরি‍।

ঐগী নুংশিরবা ইরৈচাশিং, কোরোনাগী মতমসিদা, ঐনা পল্লমগদবা লু নানবগী তোঙান তোঙানবা মশক মওংশিংদি; ঐনা শুম খনবদা হীরম অসিদা হন্থরকপা মতৌ অমা উবা ফংলি‍। লু-নানবগী কেম্পেন অসি খজিক্তং ওইরবসু হন্থহল্লোই হায়না ঐঙোন্দা ফাওই‍। লৈবাক শেমগৎনবগী মীপুম খুদিংমক্কী থৌরাংনা ঐখোয় পুম্নমক্কী চাউখৎ খোঙজেল হেনগৎহল্লি অমদি করিগুম্বা খরা তৌনবগী অনৌবা পাঙ্গল হাপ্তুনা পুক্নিং থৌগৎলি, থাজবা পীরি, ঐখোয়গী ফিরেপকী অনৌবা ৱাহন্থোক পীরি‍। স্বচ্চ ভারত অভিয়ান হায়রিবা ৱাফম অসি হেক পুথোরকপদা ইন্দোর হায়রিবা মমিংসিসু য়াওরকই মরমদি ইন্দোরনা লু-নানবগী মরমদা মশাগী ওইবা তোপ তোপ্পা মশক অমা শেমগৎচখ্রে অমদি ইন্দোরগী মীয়ামবুসু তরাম্না ওকপিফম থোকই‍। ঐখোয়গী ইন্দোরনা চহি কয়া ‘স্বচ্চ ভারত রেঙ্কিং’দা অহানবা তাদুনা লাক্লি‍। হৌজিক্তি ইন্দোরগী মীয়াম্না স্বচ্চ ভারতকী রেঙ্কিং অসিদা পেন্থোক্তুনা লৈবা পামদ্রে, মখোয়না মাঙদা চঙশিনবা পাম্লি, অনৌবা খরা তৌবা পাম্লি‍। অদুগা হৌজিক মখোয়না ‘ৱাতর প্লস সিতী’ অমা ওইনবা ফিরেপ লৌদুনা মখোয়গী মতিং ফুদোক্তুনা মসিগীদমক হোৎনরি‍‍।

‘ৱাতর প্লস সিতী’ হায়বদি সিৱেজ অমত্তা ত্রীতমেন্ত তৌদনা মীয়ামগী ঈশিংগী হৌরকফমশিংদা থাদদবা ময়োল্লমদুবুনি‍। মফমসিদা মীয়াম্না মশানা থোরক্তুনা মখোয়গী খোঙলমশিং সিৱর পরিংদা শমজিন্নরক্লি‍। লু-নানবগী কেম্পেন অমসু হৌখ্রে অমদি মসিনা মরম ওইরগা সরসৱতি অমসুং কান্হ তুরেলদা তাশিল্লম্বা অমোৎপা ঈশিংগী চাং মশক থোক্না হন্থরে অমদি মদুগী মতুং ইন্না ফীভম ফগৎলকপা উরে‍। ঙসিদি, লৈবাকসিনা নীংতম্বগী অমৃত মহোতসব পাঙথোক্লিবসিদা স্বচ্চ ভারত অভিয়ানগী খোঙফমশিং কৈদৌঙৈদসু হন্থহল্লোইদবনি হায়বা ৱাফম ঐখোয় পুম্নমক নীংশিংমিন্নগদবনি‍। লৈবাকসিদা ‘ৱাতর প্লস সিতী’ মশিং য়াম্লিবমখৈ লু-নানবা হেনগৎলক্কনি, ঐখোয়গী তুরেলশিংসু লু-নাল্লক্কনি অমদি ঈশিং য়োক্নবগী মীওইবগী থৌদাংবুসু ঐখোয়না পাঙথোকপা ঙমগনি‍।

মরূপশিং, ঐগী মাঙদা বিহারগী মধুবানিদগী লাকপা খুদম অমা লৈ‍। মধুবানিগী দোক্তর রাজেন্দ্র প্রসাদ এগ্রিকলচরেল য়ুনিভর্সিতীগা লমদমদুগী কৃসি বিজ্ঞান কেন্দ্রগা খুৎশম্নদুনা শিংথানিংঙাই ওইবা থৌরাং অমা পায়খৎলি‍। স্কিম অসিদগী লৌমীখক্তনা কান্নবা লৌবদা নত্তনা মসিনা স্বচ্চ ভারত অভিয়ানদা অনৌবা খোঙজেল হাপ্লি‍। য়ুনিভর্সিতী অসিগী থৌরাং অসিগী মমীং – “সুখেত মোদেল” হায়না কৌই‍। সুখেত মোদেলগী পান্দমদি খুঙ্গঙশিংদা পোলুসন হন্থহনবনি‍। মোদেল অসিগী মখাদা অমাং অশোয় অমসুং য়ুমগী ফত্ত-হৌদিশিং খুঙ্গঙগী লৌমীশিংদগী খোমগৎলগা খুঞ্জাশিংদা চাকথোং গ্যাস সিলিন্দরগী শেল পীবনি‍। খুঙ্গঙদগী খোমজিল্লকপা ফত্ত-হৌদিশিংদগী ভর্মিকম্পোস্ত শেমবগী থবকসু চঙশিল্লি‍। মরম অসিনা সুখেত মোদেলগী লায়না উবা ঙম্বা কান্নবা মরি লৈ‍। অমনা খুঙ্গং অদু পোলুসন লৈহন্দ্রে; অনিসুবদা খুঙ্গং অদুদা ফত্ত-হৌদি লৈত্রে, অহুমসুবদা এল.পি.জি. সিলিন্দরগী শেন্ফম খুঞ্জাশিংদা ফংলে অমদি মরিসুবদা খুঙ্গংদুগী লৌমীশিংদা বাইও-ফর্তিলাইজর ফংহল্লে‍। অসিগুম্বা থৌরাংসিনা ঐখোয়গী খুঙ্গংশিংগী মপাঙ্গল কমদৌনা হেনগৎহনবগে হায়বসিদা অদোম ৱাখল খনবিয়ু‍। মসি ইরোমদোম লেপচনবগী পাম্বৈনি‍। লৈবাকসিগী পঞ্চায়ত খুদিংমক্না মখোয়গী খুঙ্গংশিংদা অসিগুম্বা মখলগী করিগুম্বা থৌওংশিং পায়খৎনবা খনবিয়ু হায়না ঐনা হায়জরি‍। অদুগা মরূপশিং, ঐখোয়না পান্দম অমগা লোয়ননা খোঙ থাংলকপদা মহৈ ফংবা হায়বসি শোয়দ্রবনি‍। তামিল নাদুগী সিবঙ্গনা দিস্ত্রিক্তকী কাঞ্জিরঙ্গল পঞ্চায়ততা য়েংবিয়ু‍। পীক্লবা পঞ্চায়ত অসিনা করি তৌরিবগে হায়বা য়েংবিয়ু, মফমসিদা ফত্ত-হৌদিদগী লন শেমবগী অতোপ্পা মোদেল অমা উবা ফংগনি‍। গ্রাম পঞ্চায়ত অসিদা মফমদুগী মীওইশৎংনা মখোয়গী খুঙ্গংগী ফত্ত-হৌদিদগী মৈ পুথোকপগী মশাগী ওইবা প্রোজেক্ত অমা হৌখ্রে‍। খুঙ্গং পুম্বদগী খোমজিল্লকপা ফত্ত-হৌদিদগী মৈ পুথোক্লি অমদি মদুদগী লেমহৌবা পোৎলমশিংনা তিলহাৎ হিদাক ওইনা য়োল্লি‍। খুঙ্গংগী পৱার প্লান্ত অসিগী মঙমদি নোংমদা ফত্ত-হৌদি তন অনি দিসপোজ তৌবনি‍। পৱার প্লান্ত অসিদগী পুথোরকপা মৈনা খুঙ্গং অদুগী লম্বীগী মৈশিং থান্নবা অমদি অতৈ মথৌ তাবশিংদা শীজিন্নরি‍। স্কিম অসিদগী তুংশিল্লকপা শেন্ফম্না পঞ্চায়ত অসিনা অতৈ চাউখৎ থৌরাংশিংদা শীজিন্নরি‍। হৌজিক্তি হায়বিয়ু, তামিল নাদুগী সিভঙ্গনা দিস্ত্রিক্তকী অপীকপা পঞ্চায়ত অসিনা লৈবাক মীয়ামদা করিগুম্বা খরা তৌনবগীদমক পুক্নিং থৌগৎপরা থৌগত্তবরা হায়বিয়ু‍। মখোয়না অঙকপা কয়া ফংখ্রে, ফংদবরানে?

ঐগী নুংশিরবা ইরৈচাশিং, ‘মন কি বাত’ অসি ভারতকী ঙমখৈ মনুংখক্তদা পুন্দুনা লৈত্রে‍। মালেমগী কাচিন কোয়া কয়াদা ‘কন কি বাত’কী মরমদা খন্নবা কয়া লৈরে‍। অদুগা ঐঙোন্দা অনৌবা ঈ-পাউ কয়া পীরকপা মপান লৈবাকশিংদা লৈবা ভারতকী ফুরুপচা কয়াসু লৈরি‍। অদুগা মপান লৈবাকশিংদা পায়খৎলিবা তোপ তোপ্পা থৌরমশিংগী মতাঙদসু ‘মন কি বাত’ অসিদা ময়ামগী মফমদা পাউদম্বা পাম্মি‍। ঙসিমকসু, ঐনা অসিগুম্বা মীওই খরা শক্তাকপা পাম্মি, অদুবু মদুগী মমাঙদা ঐনা ওদিও অমা থাবা পাম্মি‍। মুন্না তাবিয়ু‍।

##

[रेडियो युनिटी नाईन्टी एफ्.एम्.-2]

नमोनमः सर्वेभ्यः | मम नाम गङ्गा | भवन्तः शृण्वन्तु रेडियो-युनिटी-नवति-

एफ्.एम् –‘एकभारतं श्रेष्ठ-भारतम्’ | अहम् एकतामूर्तेः मार्गदर्शिका एवं रेडियो-

युनिटी-माध्यमे आर्.जे. अस्मि | अद्य संस्कृतदिनम् अस्ति | सर्वेभ्यः बहव्यः

शुभकामनाः सन्ति| सरदार-वल्लभभाई-पटेलमहोदयः ‘लौहपुरुषः’ इत्युच्यते | २०१३-

तमे वर्षे लौहसंग्रहस्य अभियानम् प्रारब्धम् | १३४-टन-परिमितस्य लौहस्य गलनं

कृतम् | झारखण्डस्य एकः कृषकः मुद्गरस्य दानं कृतवान् | भवन्तः

शृण्वन्तु रेडियो-युनिटी-नवति-एफ्.एम् –‘एकभारतं श्रेष्ठ-भारतम्’ |

[रेडियो युनिटी नाईन्टी एफ्.एम्.-2]

##

মরূপশিং, লোল অসি অদোম খঙবিরমগনি‍। মসি রেদিওদা সংস্কৃত লোল ঙাঙবনি অমদি ঙাঙলিবা অসি আর.জে. গঙ্গানি‍। আর.জে গঙ্গা গুজরাত্তা লৈবা রেদিও জোকী কাঙলুপ অমগী মেম্বর অমনি‍। মহাক্কী অতৈ খোঙলোয়শিংদি আর.জে. নীলম, আর.জে. গুরু অমসুং আর.জে. হেতলনি‍। মখোয় পুম্নমক গুজরাত্তা, কেবরিয়াদা সংস্কৃ লোল চাউখৎহন্নবগীদমক থবক পায়খৎমিন্নরি‍। অদুগা অদোমসু খঙবিরমগনি হায়রিবা কেবরিয়া অসি মালেমগী খ্বাইদগী ৱাংবা মীতম, লৈবাকসিগী চাউথোকচনিংঙাই ওইরবা স্তেচু ওফ য়ুনিতী লৈরিবা ভেবরিয়াদুনি ঐনা হায়রিবসি‍। হায়রিবা রেদিও জোকীশিং অসি মতম অমত্তদা তোঙান তোঙানবা তুপিশিং উপ্পি‍। মখোয়না লমতাকপা ওইনসু থবক তৌই অমদি কম্ম্যুনিতী রেদিও ইনিসিএতিব, অমা ওইরিবা রেদিও য়ুনিতী ৯০ এফ.এম.সু চলাইরি‍। হায়রিবা আর.জে.শিং অসিনা মখোয়বু তারিবশিংদা সংস্কৃত লোলদা ৱা ঙাঙদুনা সংস্কৃত্তা ঈ-পাউশিং তম্লি‍।

মরূপশিং, মতেক অসিদা সংস্কৃতকী মরমদা হায়রি

अमृतम् संस्कृतम् मित्र, सरसम् सरलम् वचः |

एकता मूलकम् राष्ट्रे, ज्ञान विज्ञान पोषकम् |
 

মসিদা হায়রিবদি, ঐখোয়গী সংস্কৃত লোল অসি য়াম্না নুংশি অমদি য়াম্নসু চম্মি‍।

লোইনসিল্লোনগী ৱাহৈশিংগী ৱাখল্লোন অমদি মিদিয়মগী খুত্থাঙদা সংস্কৃতনা ৱাখল লৌশিং য়োকখৎলি অমদি অপুনবগী শক্তম শাগৎলি, মপাঙ্গল কনহল্লি‍। সংস্কৃত লোইনসিল্লোন্দা কনাগুম্বা অমগী পুক্নিং চিংশিনবা ঙম্বা মীওইবা খুন্নাইগী ৱাংউলোন অমদি লৌশিং পুক্কৈ য়াওরি‍। হন্দক্তা মপান লৈবাকশিংদা সংস্কৃত তম্বিবগী পুক্নিং থৌগৎনিংঙাই ওইরবা থবক পায়খৎলিবা মীওই কয়াগী মরমদা খঙবা ঙমখি‍। অসিগুম্বা মীওই অমা হায়রগদি মিস্তর রুতজর কোর্তেনহোর্স্তনি, নীংথিনা শকখঙনরবা সংস্কৃত স্কোলার অমদি আইয়রলেন্দা অঙাঙশিংদা সংস্কৃত তাকপিরিবা ওজা অমনি‍। সংস্কৃত লোলনা ভারত অমসুং আইয়রলেন্দ অমদি নোংপোক্লোমদনা ভারত অমসুং থাইলেন্দগী মরক্তা নাৎকী ওইবা মরী মপাঙ্গল কনখৎহনবদা মরুওইবা থৌদাং লৌরি‍। দোক্তর চিরাপাত প্রপন্দবিদ্যা অমসুং দোক্তর কুসুমা রক্সামনি অনিমক থাইলেন্দা সংস্কৃত লোল য়োকখৎপদা য়াম্না মরুওইবা থৌদাং লৌরিবনি‍। মখোয়না থাই লিতরেচর অমসুং সংস্কৃত লোল অনিগী মরক্তা চাংদম্নবগী থবকশিংসু পায়খৎলি‍। অসিগুম্বা প্রোফেসর অমনা রসিয়াগী মোস্কো স্তেত য়ুনিভর্সিতীদা সংস্কৃত তম্বিরিবা শ্রীমান বোরিস জখারিননি‍। মহাক্না থিজিন ৱারেং অমদি লাইরিক কয়া ফোঙখ্রে‍। মহাক্না সংস্কৃত্তগী রসিয়ান লোলদা লাইরিক কয়াসু হন্দোকখ্রে‍। মতৌ অসুম্না সিদ্নী সংস্কৃত স্কুল অসি মহৈরোয়শিংদা সংস্কৃত লোল তম্বিরিবা ওস্ত্রেলিয়াগী মমিং লৈরবা ইন্সতিত্যুসনশিংগী মরক্তা অমনি‍। অঙাঙশিংগীদমক্তা হায়রিবা স্কুলশিং অসিনা সংস্কৃত গ্রমার কেম্প, সংস্কৃত প্লে অমদি সংস্কৃত দেনচিংবা থৌরমশিং পাঙথোকই‍।

মরূপশিং, ইকুই কুইদ্রিবা মতমদা পায়খৎখিবা থৌরাংশিংনা সংস্কৃতকী মরমদা অনৌবা কয়া খঙহল্লে‍। হৌজিক্তি মায়কৈ অসিদা ঐখোয়গী থৌরাং হেনগৎহনবা মতম ওইরে‍। ঐখোয়গী পারি পুরিগী লন লুনা খনবা, মাঙহন্দনা থমবা অমদি তুংগী মীরোলদা থংথরম্বা হায়বসি ঐখোয়গী অপুনবা থৌদাংনি… অমদি মসি ফংবা হায়বসি তুংগী মীরোলগী মঙম্নি‍। হীরমসিদা মীপুম খুদিংমক্না মখোয়গী থৌরাং হেনগৎহনবা মতম ওইরে‍। মরূপশিং, অসিগুম্বা থৌরাং পায়খৎলিবা মীওই খঙবা লৈরগদি, অদোমগী মফমদা ঈ-পাউ লৈরগদি, মখোয়গা মরী লৈনবা ঈ-পাউ সোসিএল মিদিয়াদা হেসতেগ সেলেব্রেতিং সংস্কৃত হায়বসিগা লোয়ননা থাগৎপিরকউ‍।

ঐগী নুংশিরবা ইরৈচাশিং, নুমিৎ খরগী মতুংদা ‘বিস্বকর্ম জয়ন্তি’সু পাঙথোক্লগনি‍। মতাঙসিদা ভগবান বিস্বকর্ম অসি মালেম লৈশেম্লকপদা শেম শাবগী মতিক্কী খুদম চাংদম অমা ওইনা লৌনৈ‍। ফি তুবা ওইরবসু, সোফ্তৱ্যার নৎত্রগা সেতলাইত ওইরবসু, পুম্নমকসি ভগবান বিস্বকর্মগী মশিন্নি‍। ঙসি মালেমসিদা স্কিলশিং অসি অনৌবা মওংদা শকখঙনরবসু, ঐখোয়গী লাইনীংবশিংনা চহি লিশিং কয়া স্কিল অমসুং মসিগী থাক্তা মীৎয়েঙ থমদুনা লাক্লি‍। মখোয়না স্কিল, তেলেন্ত, এবিলিতীগা লাইনিংগা মরী শমজিন্নদুনা ঐখোয়গী পুন্সিগী শরুক অমা ওইহল্লম্মি‍। ঐখোয়গী ভেদশিংনা সুক্তা কয়াসু ভগবান বিস্বকর্মদা কত্থোক্কলম্মি‍। অচৌবা শেম শাবা অমা লৈবদা, অনৌবা অমদি অচৌবা থবক অমা হেক্তা পায়খৎপদা ঐখোয়গী পুরানশিংনা মখোয়বু ভগবান বিস্বকর্মদা কত্থোক্নরম্মি‍। মসি মওং অমদা মালেমসিদা শেমগৎ শাগৎলিবা পুম্নমক স্কিলগী খুত্থাঙদা ওইরকপা ঙাক্তনি হায়না তাকপনি‍। মসিমক্নি ভগবান বিস্বকর্মগী মপোক নুমিৎ পাঙথোকপগী অমদি মহাকপু খুরুমবগী নুংগী ওইবা ৱাহন্থোক‍। অদুগা মসি ঐখোয়গী পুরানশিংদসু ইরম্মি:

‘विश्वम कृत्-सन्म कर्म व्यापारो यस्य सः विश्वकर्मा’

মসিগী ৱাহন্থোক্তি, শেম শাবগী থৌরম পরিংদা থবক পুম্নমক তৌরিবদি বিস্বকর্মনি হায়বনি‍। ঐখোয়গী পুরানশিংগী মীৎয়েঙ থম্লগদি, শেমগৎ শাগৎলিবা ময়ামসিদা ঐখোয়গী অকোয়বদা লৈরিবা খুৎ-শা হৈরবা মীওই ময়ামসি ভগবান বিস্বকর্মগী চাদা নাউদাশিংনি‍। অসিগুম্বা মীওইশিং অসি য়াওদবা ঐখোয়গী পুন্সি তম্বা ঙমদে‍। খনবিয়ু, অদোমগী য়ুমদা ইলেক্ত্রিসিতীগী প্রোব্লেম লৈরবদি অমদি অদোম্না ইলেক্তিক্সিয়ন অমা থিবা ফংদ্রবদি কমদৌগনি? অদোম চাউনা খুদোংচাদবা মায়োক্নগনি‍! অসিগুম্বা মীওইশিং লৈরম্বনা ঐখোয়গী পুন্সি পরিং চুম্না চৎলিবনি‍। অদোমগী অকোয়বদা য়েংবিয়ু; য়োৎ শুবা ওইরবসু, চফু শাবা, উ শুবা, মৈ শেম্বা, য়ুম মচু শঙবা, ৱাইশিৎ লমশেংবা শিন্মী নৎত্রগা মোবাইল-লেপতোপ শেম্বা মীওই ওইরবসু মখোয় পুম্নমক মখোয়গী হৈশিংবদুগী মতুং ইন্না খঙনরিবনি‍। হৌজিক মতমগী মওংদা হায়রগদি মখোয় পুম্নমক বিস্বকর্ম ঙাক্তনি‍। অদুম ওইনমক মরুপশিং, মসিদা অতোপ্পা শক্লোন অমা লৈরি অমদি মসিনা করিগুম্বা মতমদা নুংনাংনিংঙাই ওইহল্লি‍। নাৎ, চৎনবী, ৱাখল্লোন, হৈশিংবা, মেনপৱারগা ভগবান বিস্বকর্মগা মরী শমজিন্নরিবা ঐখোয়গী লৈবাকসিগী ফীভম অমদি মসি কমদৌনা হোংলক্লিবা… মতম অমদা ঐখোয়গী কৌসাল্য, ঐখোয়গী লোত্তুনা লৈবা হৈশিংবসিনা ঐখোয়গী ইমুং মনুংগী পুন্সিদা, খুন্নাইদা, লৈবাক্কী পুন্সিদা ইথিল পীরম্মি‍। মীনাই নাইথাংগী মতমদা অসিগুম্বা হৈশিংবশিংগী মফমদা পীরম্বা ইকায়খুম্নবা অদু তপ্না তপ্না মাঙখিরম্মি‍। হৈশিংবগা মরী লৈনবা থবক থৌরমশিং হন্থবা থাক্কীনি হায়না খন্নবা হৌরকখি‍। অদুগা হৌজিক্তি য়েংবিয়ু, ঙসিদি মালেম পুম্বনা স্কিলদা মীৎয়েঙ থম্লক্লি‍। ভগবান বিস্বকর্ম ইরাৎপগী থৌরমসি চুম্নগী লাইগী শোয়দনবা তৌবনা মপুং ফারোই‍। ঐখোয়না হৈশিংবা কয়াবু ইকায় খুম্নবা তাই, ঐখোয়না স্কিল ফংনবা কন্না হোৎনবা তাই‍। ঐখোয়না স্কিল ফংবদা চাউথোকচবা ফাওগদবনি‍। ঐখোয়না করিগুম্বা অনৌবা অমা তৌবা মতমদা, করিগুম্বা অনৌবা ৱাখল্লোন পুথোকপদা, খুন্নাইদা কান্নগদবা খরা শেমগৎপদা, মীয়ামগী পুন্সি লায়থোকহল্লবা মতমদা ঐখোয়গী বিস্বকর্ম ইরাৎপগী ৱাহন্থোক লৈগদৌরিবনি‍। ঙসিগী মালেমসিদা স্কিল লৈবা মীয়ামগী খুদোংচাবা অৱাৎপা লৈতে‍। স্কিলনা চাউখৎপগী লম্বী কয়া শেম্লি‍। লাক্লো, হন্দক্তি ভগবান বিস্বকর্ম ইরাৎপগা লোয়ননা মহাক্কী পাউজেলসু ইন্নবা ৱাশক্লসি‍। ঐখোয়না ইরাৎপগী ৱাখল্লোন অসি স্কিলগী মরুওইবা খঙবা, অমদি স্কিল লৈবা মীওইশিংবু মখোয়না তৌরিবা থবক্কী মওং মথৌ খায়দনা ইকায় খুম্নবা উৎপনা ওইহনবগদবনি‍। হৌজিক ঐখোয়গী নীং তম্বগী ৭৫শুবা চহিনি‍। চহি অসিদি ঐখোয়না নুমিৎ খুদিং অনৌবা ফিরেপ লৌগদবনি, অনৌবা খনগদবনি, অমদি করিগুম্বা অনৌবা খরা তৌনবগী ইথিল চেৎশিনহনগদবনি‍। ভারতনা নীংতম্বগী চহি চাম্ম মপুং ফারকপা মতমদা হায়রিবা ফিরেপশিং অসিনা মায় পাকপগী য়ুম্ফম ওইগদৌরিবনি‍। হায়রিবা তাঞ্জা অসি ঐখোয়না নান্থোকহনফদে‍। মসিদা ঐখোয়গী লৈজবী থাদুনা হোৎনগদবনি‍। অদুগা হায়রিবা থৌরাং কয়াসিগী মরক্তা ঐখোয়না কাউরোইদবা ৱাফম অমদি, হিদাকসু, চেকশিনবসি, ভেক্সিন কাপথোকপিয়ু অমদি চেকশিনবিয়ু‍। লৈবাকসিদা ভেক্সিন দোজ করোর ৬২ হেন্না কাপখ্রে, অদুবু ঐখোয় হৌজিকসু চেকশিনগদবনি, মীৎ শিংগদবনি‍। অদুগা মতম পুম্নমক্তা অদোম্না করিগুম্বা অনৌবা অমা তৌবদা, অনৌবা অমা খনবদা, ঐবুসু মদুদা য়াওহনবিয়ু‍। ঐনা অদোমগী ফাওনচে অমদি পাউজেলশিংগীদমক ঙাইদুনা লৈগদৌরিবনি‍। হায়রিবা পাউজেলসিগা লোয়ননা লাক্কদৌরিবা কুমহৈশিংগীদমক্তা ময়াম পুম্নমক্কী মফমদা য়াম্লবা য়াইফ পাউজেল পীজরি‍।

য়াম্না থাগৎচরি‍।

খরুমজরি!

ঐগী নুংশিরবা লৈবাক মীয়াম, খুরুমজরি‍। নুমিৎ খরনিগী মমাঙদা লৌখিবা পিকচর খরা, নীংশিংনিংঙাই ওইরবা তাঙ্কক খরা হৌজিকসু মীৎমাঙসিদা লৈরি‍। মরম অসিনা হন্দক্কী মন কি বাত অসিদি হায়রিবা তাঙ্ককশিংদুদগী হৌরসি‍। তোকিও ওলিম্পিক্সতা ভারতকী শান্নরোয়শিং মচু অহুমগী ফিরাল পায়রদুনা চৎপা উবদা ঐখক্তা নত্তনা লৈবাক পুম্ববু মথুম মরাং হৌহনখি… লৈবাক পুম্বনা লানগী খোল্লাউ “বিজয় ভব – মায় পাক্লকউ” হায়বা খোল্লাউ অমত্তা ওইনা লাউবগুম্না ফাওখি‍। শান্নরোয়শিং অদুনা ভারত থাদোকখিবদা মতমদা, ঐনা মখোয়গা ৱারী ৱাতায় শানবগী তাঞ্জা ফংখি অমদি মখোয়গী মরমদা খঙলগা লৈবাক মীয়ামদা পাউদমবা ফংখি‍। শান্নরোয়শিং অসিনা ঙসি মখোয়না লৈরিবা ফম্পাক অসি মশিং থিঙমদ্রবা পুন্সিগী পল কয়া লান্থোক্লগা য়ৌরক্লিবনি‍। ঙসি মখোয়দা অদোম্না নুংশিবা অমদি শৌগৎপিবগী থৌনা য়াওরি, মরম অসিননি ঐখোয় পুন্না মখোয়দা য়াইফ-পাউজেল পীমিন্নসি, মখোয়বু পুক্নিং থৌগৎসি হায়রিবসি‍। সোসিও মিদিয়াদা ওলিম্পিক্সকী শান্নরোয়শিংবু শৌগৎনবগীদমক ঐখোয়গী ভিক্তরী পঞ্চ কেম্পেন হৌখ্রে‍। অদোমগী ভিক্তরী পঞ্চ অদোমগী কাঙবুগা য়ৌহনবিয়ু – ভারতকীদমক পুক্নিং থৌগৎসি‍।

মরূপশিং, লৈবাকসিগী মা ঙাক্তুনা মচু অহুমগী ফিরাল পায়রিবা ময়ামদুবু ইকায় খুম্নবদা পুক্নিং নুংশিবা হায়বসি মহৌশানি‍। লৈবাক নীংবগী ইথিলনা ঐখোয়বু অমত্তা ওইনা পুনশিল্লি‍। হয়েংদি, হায়বদি জুলাই ২৬ অসি কার্গিল বিজয় দিবসসু তারি‍। কার্গিল লান্ফম অসি মালেম পুম্বনা উখ্রবা ভারতকী খুৎলায় পায়বা লান্মীগী মথৌনা অমসুং খাঙবা কনবগী খুদম অমনি‍। হন্দক্কী ওইনদি চাউথোকচবনা থল্লবা নুমিৎ অসি অম্রিত মহোতসব মরক্তা পাঙথোক্কদৌরি‍। মরম অসিননি নুমিৎ অসি হেন্না অখন্নবা ওইরক্লিবসি‍। অদোমসু কার্গিলগী ইনোৎ হাপ্নিংঙাই ওইরবা ৱারীশিং পাহন্নিংই… ঐখোয় পুম্বা কার্গিলগী থৌনা ফরবশিংগী মফমদা ইকোক নোনসি‍।

মরূপশিং, হন্দক্কী ওগস্ত ১৫ অসিদা লৈবাক অসিনা নীংতম্বগী ৭৫শুবা চহিদা খোঙ থাংজিনগদৌরিবনি‍। ঐখোয়না লৈবাকসিনা চহি চা কয়া ঙাইজরকখিবা নীংতম্বগী ৭৫শুবা চহিগী থৌরম উবা ‍ফংগদৌরিবা অসি য়াম্নমক লাইবক ফবনি‍। নীংতম্বগী ৭৫শুবা চহি অসি পাঙথোক্নবগীদমক বাপুগী সাবরমতি আশ্রমদগী মার্চ ১২দা অম্রিত মহোতসব হৌদোকখিবা অদোম নীংশিংবিরমগনি‍। নুমিৎ অসিমক্তদা বাপুগী দান্দি খোঙচৎপুসু নৌনা হিংগৎহনখি… অদুদগী হৌরগা হৌজিক ফাওবদা, জম্মু-কাস্মিরদগী পুদুচেরী ফাওবা; গুজরাত্তগী অৱাং-নোংপোক ফাওবা, অম্রিত মহোতসবকা মরী লৈনবা থৌরম কয়া লৈবাক শিনবা থুংনা পাঙথোক্লি‍। অচৌবা থৌদাং কয়া লৌরম্বা অদুবু মখোয়গী মরমদা নীংথিনা নৈনবিখিদবা নীংতম লান্মী কয়া অমদি মখোয়গী ওইবা থৌদোক কয়া লৈরি… ঙসিদি, মীয়াম্না মখোয়বু শকখঙবা ঙম্লে‍। খুদম ওইনা মোইরাং নুমিৎ লৌরসি… মনিপুরগী পীক্লবা ময়োল্লম মোইরাং অসি মতম অমদা নেতাজী সুভাস চন্দ্র বোসকী ইন্দিয়ন নেসনেল আর্মী, আই.এন.এ.গী অচৌবা বেজ অমা ওইরম্মি‍। মফমসিদা নীংতমদ্রিঙৈগী মমাঙদা আই.এন.এ.গী কর্নেল সৌকত মালিক জীনা ভারতকী ফিরাল চিংখৎখি‍। অম্রিত মহোতসবকী মনুং চন্না এপ্রিল ১৪দা মোইরাংদা অমুক্কা হন্না মচু অহুমগী ফিরাল চিংখৎখি‍। অসিগুম্বা মশিং থিঙমদ্রবা নীংতম লান্মী অমদি অথোইবা মীওই কয়া লৈবাকসিনা অম্রিত মহোতসব মনুংদা নীংশিংলি‍। মসিগা মরী লৈনবা থৌরম কয়া লৈঙাক অমসুং খুন্নাইগী লূপ কয়ানা মথং মথং পাঙথোক্নরি‍। অদুগুম্বা থৌরম অমসু হন্দক্কী ওগস্ত ১৫সিদা পাঙথোক্কদৌরি… মসি লৈবাক্কী ঈশৈগা মরী লৈনবা থৌরাং অমনি‍। হায়রিবা অসি অমত্তা ওইনা হেক য়ারিবমখৈ মশিং য়াম্না ভারত মচাশিংনা লৈবাক্কী ঈশৈ শক্ননবগী কলচর মন্ত্রালয়গী থৌরাংনি‍। মসিগীদমক্তা – Rashtragan.in হায়বা ৱেবসাইত অমসু শেম্লে‍। ৱেবসাইত অসিগী মতেংনা অদোম্না নেসনেল এন্থেম অসি রেন্দর তৌরগা রেকোর্দ তৌদুনা অমদি কেম্পেন অসিদা শরুক য়াবা য়াগনি‍। অসিগুম্বা থৌরাং অসিদা অদোমসু শোয়দনা শরুক য়ারক্কনি হায়না ঐনা থাজৈ‍। লাক্কদৌরিবা নুমিৎশিংদা অসিগুম্বা কেম্পেন অমদি থৌরাং কয়া অদোম্না উবা ফংলগনি‍। অম্রিত মহোতসব অসি লৈঙাক্কী থৌরম অমা নত্তে; রানজিতিগী পার্তী অমত্তগী থৌরমসু নত্তে… মসি ভারত মচা করোর করোরগী থৌরম্নি… মনীং তম্লবা তৌবিমল খঙবা ভারত মচা খুদিংমক্না নীংতম লান্মীশিংগী মফমদা কোক নোঞ্জবগী থৌরম্নি‍। হায়রিবা কুম্হৈ অসিগী নুংগী ওইবা ইথিল য়াম্না কল্লি… মসিগী ফিদমদি নীংতম লান্মীশিংনা চৎলম্বা পরিংদা ইন্দুনা চৎবা… মখোয়না পামজরমবা লৈবাক অমা শেমগৎপা হায়বসিনি‍। নীংতম ইহৌগী মকোক থোংবশিংনা ইহৌ অদুগীদমক পুনশিন্নখিবগুম ঐখোয়সু লৈবাকসিদা চাউখৎপা পুরক্নবগীদমক পুনশিন্নবা তাই‍। ঐখোয় লৈবাকসিগীদমক হিংবা তাই, থবক শুবা তাই… অমদি মসিদা খ্বাইদগী পীকপা থৌরাংদুনসু অচৌবা মহৈ পুরক্কদৌরিবনি‍। ঐখোয়না… ‘ভোকেল ফোর লোকেল’গুম্বা নুংতিগী থবক থৌরমশিং তৌরগসু লৈবাক শেমবদা থৌদাং লৌবা য়াই‍। লমদমসিগী ওন্ত্রপ্রিন্যুরশিংবু, আর্তিস্তশিং, খুৎহৈবশিং অমসুং ফিশাবীশিংবু শৌগৎপগী ৱাখল্লোন মহৌশানা ঐখোয়দা লৈজগদবনি‍। ওগস্ত ৭তা নেসনেল হেন্দলুম দে তারিবা অসি হায়রিবা অসি তৌননবগী তাঞ্জা অমনি‍। নেসনেল হেন্দলুম দে অসিগী মশক থোকপা নুংগী ৱাফম লৈজৈ‍। ১৯০৫তা নুমিৎ অসিমক্তদা স্বাদেসি অন্দোলন হৌখিবনি‍।

মরূপশিং, লৈবাকসিগী খুঙ্গঙ অমসুং ত্রাইবেল মফমশিংদা ইয়োং অসি শেন্থোক লম্বীগী মরুওইবা হৌরকফম অমনি‍। মসি নুপী লাখ কয়া, ফিশাবী অমসুং খুৎহৈবা কয়া য়াওবা সেক্তর অমনি‍। অদোমগী পীক্লবা থৌওং অমনসু ফিশাবীশিংদা অনৌবা মঙলান পীগদৌরি‍বনি‍। করিগুম্বা খরা লৈবিয়ু অমদি অতোপ্পদা অদোমগী ৱাখল্লোন ফোঙদোকপিয়ু… হৌজিক লৈবাকসিনা নীং তম্বগী ৭৫শুবা চহিগী থৌরম পাঙথোক্কদৌরিবসিদা মসিমক ঐখোয়গী থৌদাং ওইরবনি‍। অদোমসু খঙবিরমগনি, ২০১৪গী মতুংদগী ঐখোয়না মন কি বাত্তা খাদিগী মরমদা তোয়না পন্দুনা লাক্লি‍। ঙসিদি অদোম্না হোৎনখিবা কয়াদুনা খাদি য়োনবগী চাং শরুক কয়া হেনগৎলে‍। খাদিগী দুকান অমদা লুপা করোর ১ হেন্না পোৎ য়োল্লমগনি হায়বসি অদোম খল্লুবরা… অদুবু মদু অদোম্না ওইথোকহল্লে‍। করিগুম্বা মতমদা মফম অমদগী অদোম্না খাদিগী পোৎলম অমা লৈবদা মদুনা ঐখোয়গী লায়রবা ফিশাবী ইচিন ইনাউশিংদা কান্নহল্লিবনি‍। মসিননি খাদি লৈবা অসিমক মীয়ামগী, লৈবাক্কী থৌগল অমনি হায়রিবসি‍। অদোম্না খুঙ্গঙগী লমদমশিংদা শাবা ইয়োংগী পোৎলমশিং লৈননবা তশেংনা হোৎনবিয়ু অমদি #MyHandloomMyPride তা থাগৎপিরকউ হায়না ঐগী নুংশিরবা ইচিন ইনাউশিংদা হায়জরি‍।

মরূপশিং, কনাগুম্বনা নীংতম ইহৌ অমদি খাদিগী মতাঙদা ৱাফম ফোঙদোরকপদা বাপুবু নীংশিংবা হায়বসি মহৌশানি‍। বাপুগী লুচিং মখাদা কুইত ইন্দিয়া মুভমেন্ত, ভারত সোরো অন্দোলন চত্থখিবগুম লৈবাক মীপুম খুদিংমক্না ভারত জোরো অন্দোলন অমগীদমক মাঙজিল থাবা মথৌ তাই‍। ঐখোয়গী থবক থৌওংশিংনা খেন্নবা কয়ানা থল্লবা ভারতপু হেন্না চেৎশিন্নবা পুনশিনহনবা হায়বসি ঐখোয়গী থৌদাংনি‍। অম্রিত মহোতসব অসিদা লৈবাক্না ঐখোয়গী খ্বাইদগী ৱাংবা ধর্ম্ম ওইহন্নবা; ঐখোয়গী খ্বাইদগী মরুওইবা ৱাফম ওইহন্নবা ৱাশক অমা শক্লসি লাক্লো‍। ঐখোয়না ‘লৈবাক্না হান্না, মতম পুম্নমক্তা হান্না’ হায়বা লাইৱাসিগা লোয়ননা মাঙদা চঙশিনগদবনি‍।

ঐগী নুংশিরবা লৈবাক মীয়াম, ঙসি ঐনা মন কি বাত তাবা য়াওরিবা ঐগী নহা ওইরিবা মরূপশিংবু অখন্ননা থাগৎচরি‍। নুমিৎ খরনিগী মমাঙদা, মাইগোভকী শরুক অমা ওইনা, মন কি বাত তারিবশিংগী মরমদা স্তদী অমা পাঙথোকখি‍। স্তদী অসিনা মরুওইনা পাউজেল অমদি সজেসন থারকপা মীওইশিংদা মীৎয়েং থমখি‍। স্তদী অসিদা ফংখিবদি পাউজেল অমদি সজেসন থারকখিবা ময়ামদুগী মরক্তা চাদা ৭৫গী ময়াদি চহি ৩৫গী মখাদা লৈ… হায়বদি ভারতকী নহারোলশিংদগী লাকপা ৱাফমশিংনা মন কি বাত অসি থৌদুনা চৎলি হা্য়বনি‍। মসি অফবা খুদম অমনি হায়না ঐনা লৌই‍। মন কি বাত অসি অফবা ৱাখল্লোন, ইথিল য়াওবা মেদিয়ম অমনি‍। মন কি বাত্তা ঐখোয়না অফবা ৱাফমশিং ফোঙদোকই; মসিগী অপুনবগী মশক য়াওই‍।

অসিগুম্বা নহাশিংদগী লাকপা অফবা ৱাখল্লোন অমসুং সজেসনশিং অসিনা ঐবু নুংঙাইহল্লি‍। ‘মন কি বাত’কী খুত্থাঙদা নহাশিংগী পুক্নিংদা লৈরিবা ৱাফমশিং খঙননবগী তাঞ্জা ফংবগীসু ঐনা হরাওই‍।

মরূপশিং, অদোমদগী ফংবা ৱাফমশিং অসি ‘মন কি বাত’কী পাঙ্গল ওইরিবনি‍। ‘মন কি বাত’কী খুত্থাঙদো অদোম্না ফোঙদোরকপা ৱাফমশিংনা ভারতকী খেন্নবা মশকপু তাক্লিবনি, মায়কৈ মরিমক্তা ভারত মচাশিংগী থৌগল অমদি কত্থোকপগী লৈনম য়েল্লিবনি, ঐখোয়গী হোৎনবা কনবা নহাশিংগী অনৌবা ৱাখল্লোনশিংগী খুত্থাঙদা পুম্নমকপু পুক্নিং থৌগৎলিবনি‍। অদোম্না মখল কয়াগী ৱাখল্লোনশিং ‘মন কি বাত’তা থারকই‍। ঐখোয়না পুম্নমক্তু খুন্নবা ঙমদে, অদুবু ঐনা ময়াম অমদি মরী লৈনবা লোয়শঙশিংদা মথৌ তাবা থবক পায়খৎলক্নবা থারি‍।

মরূপশিং, ঐনা অদোমগী মফমদা সায়ী প্রনীথ জীনা হোৎনখিবশিংগী মরমদা পাউদম্বা পাম্মি‍। সায়ী প্রানীথ জী অন্ধ্র প্রদেশতগী সোফ্তৱ্যার ইঞ্জিনিয়র অমনি‍। মমাঙ চহিদা মহাক্না মহাক্কী মফমদুগী লৌমীশিংনা নোং-নুংশিৎকী তম্বা ঙমদবা মওংদুদগী তারিবা অৱাবশিং উখি‍। চহি কয়া মহাক মেতিওরোলোজীদা পুক্নিং লূপখি‍। মরম অসিনা মহাক্না পামজবা হীরম অমসুং মহাক্কী হৈ শিংববু শীজিন্নদুনা লৌমীশিংগী য়াইফনবা থবক তৌনবা ফিরেপ লৌখি‍। হৌজিক মহাক্না তোঙান তোঙানবা দেতা সোর্সশিংদগী নোং-নুংশিৎকী দেতা লৈরগা মদুবু নৈনরগা লমদমদুগী লোলদা লৌমীশিংদা তোঙান তোঙানবা মিদিয়াগী খুত্থাঙদা মথৌ তাবা ঈ-পাউ ফংহল্লি‍। নোং-নুংশিৎকী পাউগী মথক্তা, প্রানীথ জীনা তোঙান তোঙানবা ঈশিং-নুংশিৎকী ফিভমদা মখোয়না মরি তৌগদগে হায়বা লমজিংসু পীরি… মরুওইনা ইচাও থোক্লকপদা কমদৌনা শাফনা লৈগনি হায়বা নৎত্রগা নোংলৈ-নুংশিৎ নৎত্রগা নোংথাং তারকপদগী কমদৌনা নাথৈদুনা লৈগদগে হায়বনচিংবশিংগী লমদসু মহাক্না ৱাফম কয়া ফোঙদোক্লি‍।

মরূপশিং, নহা ওইরিবা সোফ্তৱ্যার ইঞ্জিনিয়র অসিগী থৌওংশিংনা ঐখোয়গী পুক্নিংদা য়ৌরক্লি; অদুগা নাকল অমরোমদনা ঐখোয়গী মরূপ অমনা তেক্নোলোজী শীজিন্নরিবা অসিনা ঐখোয়বু ঙকহনগন‍ি‍। হায়রিবা মরূপ শ্রীমান আইজাক মুন্দা জী অসি ওরিসাগী সমবলপুর দিস্ত্রিক্তকী খুঙ্গঙ অমদগীনি‍। আইজাক জী মতম অমদা নোংমগী খুৎশুমল তানবা শিন্মী অমা ওইরম্মি অদুবু মহাক হৌজিক ইন্তরনেত সেন্সেসন অমা ওইরে‍। মহাক্না মাগী য়ুত্যুব চেনেলদগী শেন তাল্লি‍। মহাক্কী ভিদিওশিংদা মহাক্না লমদমদুগী মথেলশিং, মখোয়গী ওইবা থোং থাকপগী মওং মতৌ, মহাক্কী খুঙ্গঙ, মহাক্কী পুন্সি মহিং, ইমুং মনুং অমসুং চারিবা চীঞ্জাকশিংগী মরমদা মরুওইনা উৎলি‍। মহাক্কী য়ুত্যুবর অমা ওইবগী খোঙচৎ অসি মার্চ ২০২০দা ওরিসাগী মমিং লৈরবা মথেল পাখলগা মরী লৈনবা ভিদিও অমা থাগত্তুনা হৌরকখি‍। মদুগী মতুংদা মহাক্না ভিদিও চা কয়া থাগৎখ্রে‍। মহাক্কী থৌওং অসি মরম কয়াদগী তোপ তোপ্পা অমা ওইরি‍। মরমদি মসিগী খুত্থাঙদা ময়োল্লম অসিদা লৈরিবা মীওইশিংনা মখোয়না মমুৎ তানা খঙদ্রিবা পুন্সি মরেল অমগী মরমদা য়েংননবগী খুদোংচাবা ফংহল্লি‍। আইজাক মুন্দা জীনা নাৎ অমসুং চান-থক্নবা মথেলশিংবু পুনশিন্দুনা ঐখোয়বু পুক্নিং থৌগৎলি‍।

মরূপশিং, ঐখোয়না তেক্নোলোজীগী মতাঙদা খন্নরিঙৈসিদা ঐনা নুংঙাইবা ৱাফম অমসু খন্নবা পাম্মি‍। কুইদ্রিঙৈদা অদোমসু পাবিরম্লগনি, উবিরম্লগনি আই.আই.তি. মদ্রাসকী এলুম্নাই অমনা ৩দি প্রিন্ত তৌবা য়ুম অমা শাখিবদু‍। ৩দি প্রিন্তিংগী লমদা য়ুম শারিবা মদুবু কমদৌনা ওইথোক্লিবনো? তশেংবদি স্তার্ত-অপ অসিনা অহানবদা ৩দি প্রিন্তর অমদা ৩ দাইমেন্সনেল দিজাইন অমা হাপচিল্লগা অখন্নবা মখলগী কনক্রিত অমা শীজিন্নদুনা মরোল মরোল নাইনা ৩ দি স্ত্রকচর শেম্মি‍। অসিগুম্বা চাংয়েং কয়া লৈবাক শিনবা থুংনা তৌরি হায়বসি খঙবদা অদোম নুংঙাইবা ফাওগনি‍। অপীকপা কন্সত্রক্সন অমা তৌবদা চহি কয়া চঙবা মতম অমা লৈরম্মি‍। অদুবু ঙসিদি তেক্নোলোজীনা মরম ওইরগা ভারত্তা ফীভম অসি হোংলক্লি‍। মতম খরগী মমাঙদা মালেমগী মফম পুম্বদগী অসিগুমবা অনৌবা মওংগী কম্পোনীশিংদা পাউকৎ য়ৌহন্নবা গ্লোবেল হাউজিং চেলেঞ্জ হৌদোকখি‍। মসি লৈবাকসিগী ওইনা তোপ তোপ্পা মওংগী থৌরাং অমনি; মরম অসিনা মসিবু ঐখোয়না লাইত হাউস প্রোজেক্ত হায়না মিংথোল্লি‍। হৌজিক্কী ওইনা লাইত হাউস প্রোজেক্তকী থবক থৌরম লৈবাকসিগী তোঙান তোঙানবা মফম ৬তা খোঙজেল য়াঙনা চঙশিল্লি‍। হায়রিবা লাইত হাউস প্রোজেক্তশিং অসিদা অনৌবা তেক্নোলোজী অমসুং অনৌবা থৌওংশিং শীজিন্নরি‍। মসিনা শেমগৎ-শাগৎপদা চঙবা মতম হন্থহল্লি‍। মসিগা লোয়ননা মসিদা শারিবা য়ুমশিং অসি হেন্না কুইনা চৎলি, শেন চঙদে অমদি লৈবদা নুংঙাই‍। ইকুই কুইদ্রিঙৈদা, দ্রোনগী খুত্থাঙদা ঐনা প্রোজেক্তশিং অসি য়েংশিনখি অমদি থবক্কী খোঙজেল য়েংখি‍।

ইন্দোরদা পায়খৎপা প্রোজেক্ত অসিদা চেক অমসুং নুংগী ফক্লাঙগী মহুত্তা প্রি-ফেব্রিকেতেদ সেন্দৱিচ পেনেল সিস্তেম শীজিন্নরি‍। রাজকোত্তা লাইত হাউস অমা লৈনুংহুৎকী মোনোলিথিক কনক্রিত কন্সত্রক্সন তেক্নোলোজীগী খুত্থাঙদা ফ্রেঞ্চ তেক্নোলোজী শীজিন্নদুনা শাগৎলি‍। হায়রিবা তেক্নোলোজী অসি শীজিন্নদুনা শাবা য়ুমশিং অমাঙ অতা থোক্লকপা মতমদা খাংবা ঙম্বগী চাং য়াম্না ৱাংগনি‍। চেন্নাইদা অমেরিকা অমসুং ফিনলেন্দদগী প্রি-কাস্ত কনক্রিত তেক্নোলোজী শীজিন্নরি‍। মসিনা মরম ওইরগা হায়রিবা য়ুমশিং অসি থুনা শাবা লোইগনি অমদি শেনসু ইচঙ চঙলোই‍। রাঞ্চিদা জর্মনীগী ৩দি কন্সত্রক্সন সিস্তেম শীজিন্নদুনা য়ুমশিং শাগনি‍। মসিদা, কা খুদিংমক তোঙান তোঙান্না শারগা স্ত্রকচর পুম্বদু ব্লোক শান্নপোৎ শমজিন্নবগুম শমজিন্নগনি‍। অগর্তলাদনা নিউ জীলেন্দকী তেক্নোলোজী শীজিন্নদুনা অচৌবা য়ুহা হাবা থেংনবা ঙমগদবা য়ুমশিং স্তীল ফ্রেম শীজিন্নদুনা শারি‍। মরমসিদা লখনৌদনা কনাদাগী তেক্নোলোজী শীজিন্নরি‍। মসিদা প্লাস্তর অমসুং রং মথৌ তাররোই অমদি হান্না শেম শারবা ফক্লাংশিং য়ুম থুনা শানবগীদমক্তা শীজিন্নগনি‍।

মরূপশিং, হায়রিবা প্রোজেক্তশিং অসি ইনক্যুবেসন সেন্তর অমা ওইনা থবক তৌহন্নবগীদমক্তা থৌরাং অমা লৈবাকসিদা য়াৎলি‍। মসিগী খুত্থাঙদা ঐখোয়গী প্লান্নরশিং, আর্কিতেক, ইঞ্জিনিয়র অমসুং মহৈরোয়শিংনা অনৌবা তেক্নোলোজীশিংগী মরমদা খঙলগনি অমদি মখোয়বু হকথেংননা শীজিন্নবা ফংলগনি‍। ঐনা ৱাফমসি ঐখোয়গী নহাশিংদা ৱাফমসি তম্লিবসি মখোয়না লৈবাক্কীদমক্তা অনৌবা হীরমশিংদা তেক্নোলোজীগী লমদা পুক্নিং থৌগৎনবনি‍।

ঐগী নুংশিরবা লৈবাক মীয়াম, অদোম্না ইংলিসকী পাউরৌ অমা তারম্লগনি – “তমশিনবা হায়বসি চাউখৎলকপনি” হায়বদি তমশিনবা হায়বসি খোঙজেলগী শরুক্নি‍। ঐখোয়না করিগুম্বা অনৌবা অমা খঙজিনবদা অনৌবা লম কয়াদা থোঙ কয়া ঐখোয়গীদমক মশা মথন্তা হাংদোরকই‍। হান্না চৎনরমবা মওংদগী অনৌবা অমা তৌননবা থৌওং অমা পায়খৎলকপা খুদিং মীওইবা খুন্নাইগী ওইনা অনৌবা মতমগী ওইবা থোঙ অমা হেক হেক হাংদোরকই‍। করিগুম্বা মফম অমদা অনৌবা অমা হেক থোকপা মতমদা মদুগী মহৈদুনা মীপুম খুদিংমকপু ঙকহল্লি‍। খুদম ওইনা, করম্বা স্তেতশিংগা সেমগা মরী লৈনহনগদগে হায়না ঐনা হংবা মতমদা অদোমগী পুক্নিংদা ইহান হান্না লাক্কদবা মমিংশিংদি হিমাচল প্রদেশ, জম্মু-কাস্মির অমসুং উত্তরাখন্দ ওইগনি‍। অদুবু ঐনা অদোমদা হায়রিবা লিস্ততুদা মনিপুরসি হাপচিল্লু হায়রকপা মতমদা অদোম শোয়দনা অঙকপা ফাওগনি‍। করিগুম্বা অনৌবা অমা তৌনিংবগী ইথিলনা য়োম্লবা নহাশিংনা হায়রিবা ৱাফমসি মনিপুরদা অশেংবা ওন্থোকখ্রে‍। ঙসিদি মনিপুরগী উখ্রুল দিস্ত্রিক্তা সেম থাবগী থবক য়াম্না খুমাঙ চাওশিন্না পায়খৎনরক্লি‍। লৌমীশিংনা মখোয়গী হৈকোলদা সেম থারি‍। সেম থাবা তম্নবগীদমক মীওইশিং অসিনা হিমাচলদা চৎলগা ত্রেনিং তৌখি‍। মখোয়গী মরক্তা অমদি তি.এস. রিংফামি য়ংনি‍। মহাক্কী শিন্ফম্না এরোনোতিকেল ইঞ্জিনিয়রনি‍। মহাক্কা মাগী লোয়নবী শ্রীমতি তি.এস. এনজেলগনা সেম থারি‍। মতৌ অসুম্না অৱুংসি সিমরে অগস্তিনাসু মহাক্কী হৈকোলদা সেম থারি‍। অৱুংসি দিল্লীদা থবক তৌরম্মি‍। মহাক্না থবক তোকথোক্লগা মহাক্কী খুঙ্গঙদা হন্দুনা সেম থাবা হৌখি‍। মখোয়গুম্না তোঙানবা অমদি অনৌবা খরা তৌবা পাম্বা সেম থাবা লৌমী কয়া মনিপুরদা লৈরি‍।

মরূপশিং, ঐখোয়গী ত্রাইবেও ফুরুপলক্তা বের উহৈসি মতম পুম্নমক্তা পাম্নবা অমা ওইদুনা লাক্লি‍। ত্রাইবেল ফুরুপকী মীওইশৎংনা মতম পুম্নমক্তা বের থাদুনা লাক্লি‍। অদুগা মসি থাবগী চাং কোবিদ-১৯ লাইচৎ মতুংদা হেনগৎলক্লি‍। চহি ৩২ শুরবা বিক্রমজিৎ চকমা ত্রিপুরাগী উনকোতিদগী ঐগী নহা ওইরিবা মরূপ অমনি‍। মহাক্না বের থাদুনা শেন্দোং য়াম্না ফংবতা নত্তনা মীয়ামবুসু বের থানবা পুক্নিং থৌগৎলি‍। স্তেত লৈঙাক্নসু অসিগুম্বা মীওইশিংবু মতেং পাংননবা হোৎনরি‍। বের থাবা মীওইশিংগী দিমান্দ পীবা ঙম্ননবগীদমক স্তেত লৈঙাক্না অখন্নবা নর্সরী কয়া অমা লিংখৎলে‍। লৌউ-শিংউদা অনৌবা ইনোভেসন থোরক্লি অদুগা লৌউ-শিংউগী মশা পোত্থোকশিংদসু ক্রিএতিভিতী উবা ফংলি‍।

মরূপশিং, উত্তর প্রদেশকী লখিম্পুর খেরিদা পায়খৎলিবা থৌরাং অমগী মরমদসু পাউ ফংলে‍। কোবিদ মরকসিদা লখিম্পুর খেরিদা তোপ তোপ্পা থৌরাং অমা পায়খৎলি‍। মফমসিদা লফু পাম্বীদগী ফাইবর পুথোকপগী ত্রেনিং নুপীশিংদা পীরি‍। ফত্ত-হৌদি ওইরগদবশিংদগী পোত্থোক পুথোকপগী থৌওংনি‍। ফাইবর অসি লফু পাম্বী মেছিন অমনা ককথৎলগা শেম্বনি, ফাইবর অসি জুত নৎত্রগা ফ্লেক্সকা মান্নদে‍। হেন্দবেগ, ফক, রগ অমদি অতৈ পোৎলম কয়া ফাইবর অসিদগী শারি‍। মসিগী খুত্থাঙদা মহৈ মরোং ফত্ত-হৌদি শীজিন্নবগী থবক হৌরে, অমরোমদা খুঙ্গঙসিদা লৈরিবা ঐখোয়গী ইচল, ইচে অমদি ইচানুপীশিংনা শেন্থোক লম্বী অমা ফংলে‍। লফুগী ফাইবর শুংবসিদগী মফমদুগী নুপী অমনা নোংমদা লুপা ৪০০দগী ৬০০ ফাওবগী চাংদা তানবা ঙম্লি‍। লখিমপুর খেরিদা লম একর চা কয়াদা লফু থারি‍।‍ লফু হেক্লবা মতুংদা লৌমীশিংনা পাম্বীশিং হুন্দোকখিনবগীদমক অহেনবা শেন্ফম চাদিং তৌই‍। হৌজিক্তি মখোয়গী শেল চত্তবতা নত্তনা ‘অমগী মমলদা পোৎলম অনি ফংবা’ হায়বা ৱাফমদু ময়েক শেংহল্লে‍।

মরূপশিং, লফু ফাইবরদগী পোৎলম কয়া পুথোক্লি; অদুগা অমরোমদনা লফোইগী য়ামদগী দোসা অমসুং গুলাবামুনগুম্বা হাউরবা মথেল কয়া অমসু শেম্লি‍। কর্নাতকাগী অৱাং কন্নরা অমসুং খা কন্নরাগী নুপীশিংনা অসিগুম্বা তোত তোপ্পা থবকসি পায়খৎলি‍। থৌরাং অসি কোরোনাগী মতমদা হৌরকপনি‍। নুপীশিং অসিনা লফোইগী য়ামদগী দোসা, গুলাবজামুন্নচিংবা শাবতা নত্তনা; মখোয়না শেম শাবগী পিকচরশিংসু সোসিএল মিদিয়াদা থাগৎলক্লি‍। মী কয়া অমনা লফোইগী য়ামগী মরমদা খঙবা হেল্লকপদগী মসিগী দিমান্দসু হেনগৎলক্লে অমদি নুপীশিং অসিগী শেন্থোকসু হেনগৎলক্লে‍। লখিমপুর খেরিগুম্না মফমসিদসু নুপীশিংনা অসিগুম্বা অনৌবা ৱাখল্লোনশিং অসি লমজিংলি‍।

মরূপশিং, অসিগুম্বা খুদমশিংনা পুন্সিদা করিগুম্বা অনৌবা খরা তৌনিংবগী ইথিল হাপ্লি‍। অদোমগী অকোয়বদসু অসিগুম্বা মীওই কয়া লৈরমগনি‍। অদোমগী ইমুং মনুং ৱারী ৱাতায় শানবা মতমদা অদোম্না ৱাফমসি অদোমগী ৱারীগী শরুক অমা ওইহনগদবনি‍। তাঞ্জা ফংলবদি মতম খরা কাইথোক্লগা অঙাঙশিং পুদুনা অসিগুম্বা থবকশিং অসি চত্তুনা য়েংবিয়ু, অদুগুম্বা খরা অদোমসু তৌবিয়ু‍। অদুগা অসিগুম্বশিং অসি অদোম্না নামো এপ নৎত্রগা মাইগোবতা থাগৎপিরকপা পাম্মি‍।

ঐগী নুংশিরবা লৈবাক মীয়াম, ঐখোয়গী সংস্কৃৎগী লাইরিকশিংদা ৱাফম অমা লৈ –

আত্মার্থম্ জীব লোকে অস্মিন্, কো ন জীবতী মানবঃ‍।

পরম্ পরোপকারার্থম্, য়ো জীবতী স জীবতী ‍।‍‍।

মসিনা হায়রিবদি, মালেমসিদা মীপুম খুদিংমক মশাগীদমক হিংই‍। অদুগা তশেংবদি অতোপ্পগীদমক হিংলিবা মীওইদুখক্তনি তশেংনা হিংলিবসি‍। ইমা ভারতকী পুকচেল চাউরবা মচাশিংগী মরমদা ৱাফম কয়া ফোঙদোকপসিবুনি ‘মন কি বাত’তা তৌরিবসি‍। ঙসিসু, অসিগুম্বা মরূপ খরগী মরমদা ৱাফম খরা ফোঙদোক্কে‍। ঐখোয়গী মরূপশিংগী মরক্তা চান্দিগরদগী অমা য়াওরি‍। ঐসু চান্দিগরদা চহি খরা লৈরম্লে‍। মসি য়াম্না নুংঙাইবা অমদি ফজবা ময়োল্লম অমনি‍। চান্দিগরগী মীয়ামসি মথম্মোয় চাউই অমদি করিগুম্বা অদোম চাবা পামজবা মীওই অমা ওইরগদি মফমসিদা য়াম্না নুংঙাইগনি‍। চান্দিগরগী সেক্তর ২৯দা সঞ্জয় রানা জীনা মহাক্কী সাইকলদা চাঞ্জাক্কী পোৎফম অমা চলাইদুনা চোলে-ভাতুরে য়োল্লি‍। নোংমা মহাক্কী মচানুপী রিধৎমা অমসুং মমৌনুপী রিয়ানা মহাক্কী মনাক্তা ৱাখল্লোন অমা পুদুনা লাক্লম্মি‍। মখোয় অনিনা কোবিদ ভেক্সিন কাপথোক্লুবা মীওইশিংদা চোলে ভাতুরে লেম্না পীজনবা হায়জরম্মি‍। মহাক্না মখোয়গী ৱাফমদু হরাওনা য়ারম্মি অমদি খুদক্তা মহাক্না অফবা থবক্তু পায়খৎলম্মি‍। সঞ্জয় রানা জীগী চোলে-ভাতুরে চানবগীদমক অদোম্না নুমিত্তুমক্তদা ভেক্সিন কাপ্লুরে হায়বা উৎকদবনি‍। অদোম্না ভেক্সিন কাপ্পগী মেসেজ অদু হেক উৎপগা মহাক্না অদোমদা হাউরবা চোলে-ভাতুরে পীরক্কনি‍। খুন্নাইগী য়াইফনবগীদমক শেলদগী থৌগল অমসুং থৌদাংগী ৱাখল্লোন্না হেন্না মরু ওই হায়নৈ‍। হায়রিবা ৱাফমসিমক ঐখোয়গী সঞ্জয় ভাইনা উৎলি‍।

মরূপশিং, ঙসি অসিগুম্বা থবক অমগী মতাঙদসু ঐনা ৱারী শাবা পাম্মি‍। থৌরাং অসি তামিল নাদুগী নিলগিরিদা চাংয়েং তৌবনি‍। মফমসিদা রাধিকা সাস্ত্রিজীনা এম্বুরক্স (এম্বুরেক্স) প্রোজেক্ত হৌদোকখি‍। প্রোজেক্ত অসিগী পান্দমদি চীংগী মফমশিংদা অনাবা মীওইশিং পুথোক পুশিন তৌবগী পাম্বৈ লায়না ফংহনবনি‍। রাধিকানা কুনুরদা কেফে অমা চলাই‍রি‍। মহাক্না মহাক্কী কেফেগী মরূপ মপাংশিংদগী এম্বুরক্সকীদমক ফন্দ খোমগৎলি‍। ঙসিদি নিলগিরি চীংশিংদা এম্বুরক্স তরুক মথৌ তৌরি অমদি অথু অকায়গী মতমদা মনুং হঞ্জিনবা মফমসিগী অনাবা মীওইশিংদা খুদোংচাবা পীরি‍। এম্বুরক্স খুদিংদা স্ত্রেতচর, ওক্সিজেন সিলিন্দর, ফর্স্ত এদ বোক্স অমমম অমসুং অতৈ পোৎলমশিং হাপ্লি‍।

মরূপশিং, সঞ্জয় জী ওইরবসু রাধিকা জী ওইরবসু, মখোয়গী থৌওংনা ঐখোয়গী নুংতিগী থবক, লল্লোন ইতিক তৌনা তৌনা মীয়ামগী থৌগল তৌবা য়াই হায়বা উৎলি‍।

মরূপশিং, নুমিৎ খরনিগী মমাঙদা ভারত-জর্জিয়াগী মরূপ মপাং ওইবগী মরী হেন্না কনখৎহনবা য়াম্না নুংঙাইবা অমদি পুক্নিং নুংশিবা থৌদোক অমা থোকখি‍। থৌরমদুদা ভারতনা জর্জিয়া লৈঙাক অমসুং মফমদুগী মীয়ামদা হোলী রেলিক নৎত্রগা সেন্ত ক্বীন কেতেবানগী আইকন খুদোম তমখি, মিসন অসিগীদমক ঐখোয়গী ফোরেন মন্ত্রী মশামক মফমদুদা চৎখি‍। য়াম্না পুক্নিং নুংশিনিংঙাই ওইবা মওংদা পাঙথোকখিবা থৌরমদুদা জর্জিয়াগী রাস্ত্রপতি, প্রধান মন্ত্রী, লাইনীংগী লুচিংবা কয়া অমদি য়াম্লবা জর্জিয়ন মচা কয়ানা শরুক য়াখি‍। থৌরমদুদা ভারতপু থাগৎলদুনা ফোঙদোকখিবা ৱাহৈশি তশেংনমক নীংশিংদুনা লৈহৌগদবা ৱাফমশিংনি‍। থৌরম অমখক্তুনা লৈবাক অনিগী মরী মপাঙ্গল কলহনবতা নত্তনা গোৱা অমসুং জর্জিয়াগী মরীসু ফগৎহল্লে‍। মসিগী মরমদি সেন্ত ক্বীন কেতেবানগী হোলী রেলিক অসি গোৱাগী সেন্ত অগস্তাইন চর্চতা ২০০৫তা থেংনখিবনি‍।

মরূপশিং, অদোমগী পুক্নিংদা লাক্লমগদবা ৱাফমদি ৱাফমসি করি মতাঙগীনা করম্বা মতমদা কমদৌনা থোকখিবনা হায়না খঙনিংলমগনি‍। তশেংবদি, মসি চহি চামরি চামঙা মমাঙগী থৌদোক্নি‍। লৈবরেল কেতবান জর্জিয়াগী নীংথৌ শাগৈগী মচানুপীনি‍। ইং ১৬২৪দা চহি তরা ফাদোক তারুরবা মতুংদা মহাক মথৱাই কৎখি‍। অরিবা পোর্তুগীজ চে-চাংগী মতুং ইন্না, সেন্ত ক্বীন কেতেবানগী লেমহৌবা মচাকশিং ওল্দ গোৱাগী সেন্ত অগস্তাইন কনভেন্তা থমখি‍। অদুবু শাংলবা মতম অমদ মহাক্কী লেমহৌবা মচাকশিং অদু ১৯৩০দা থোকখিবা য়ুহা হাবগী থৌদোক অমদা মাঙখ্রে হায়না থাজনখি‍।

চহী কয়া চঙনা ভারত লৈঙাক অমসুং জর্জিয়াগী পুৱারী নৈনবা, থিজিল্লোয়, অর্কিওলোজিস্ত অমসুং জর্জিয়াগী চর্চশিংনা চোকথবা নাইদনা হোৎনবদগী রেলিকশিং অসি ২০০৫তা ফংখিবনি‍। মসি জর্জিয়াগী মীয়ামগী ওইনা য়াম্না পুক্নিং নুংশিনিংঙাই ওইবা ৱাফম্নি‍। মরম অসিননি মখোয়গী পুৱারীগী, লাইনীংগী অমদি পুক্নিংগী ইথিলগী য়েংলগা ভারত লৈঙাক্না জর্জিয়া মীয়ামদা হায়রিবা রেলিক অসিগী শরুক খরা খুদোল ওইনা পীননবা ফিরেপ লৌখিবসি‍। ঙসি ঐনা গোৱাগী মীয়ামবু ভারত অমসুং জর্জিয়াগী অপুনবা পুৱারীগী তোপ তোপ্পা মশক অসিবু ঙাক শেন্দুনা থম্লমবগীদমক্তা থাগৎপা ফোঙদোকচরি‍। গোৱা অসি মশক নাইবা স্পিরিচুএল হেরিতেজকী লম অমনি‍। সেন্ত অগস্তাইন চর্চ অসি য়ুনেস্কোগী ৱর্ল্দ হেরিতেজ সাইত অমনি – চর্চ এন্দ কনভেন্ত ওফ গোৱাগী শরুক অমনি‍।

ঐগী নুংশিরবা লৈবাক মীয়াম, মথংদা জর্জিয়াদগী থাসিগী অঙনবা শরুক্তা মশক নাইরবা তাঞ্জা অমা থোকখিবা সিঙ্গাপোরদা অমুক লাক্লসি‍। সিঙ্গাপোরগী প্রধান মন্ত্রী অমদি ঐগী মরূপ লী সিএন লুংনা ইকুই কুইদ্রিঙৈদা নৌনা শেমদোকখিবা সিলাত রোদ গুরুদ্বারা শঙ্গাখি‍। মহাক্না নাৎকী ওইবা সিখ কোকয়েৎসু য়েৎখি‍। গুরুদ্বারা অসি চহি চাম্মরোমগী মমাঙদা শাখিবনি অমদি মফমসিদা ভাই মহারাজ সিংহদা কত্থোক্লবা নীংশিং খুভম অমা লৈরি‍। ভাই মহারাজ সিংহনা ভারতকী নীংতম্নবগীদমক লান্থেংনখি অমদি তাঞ্জা অসি ঐখোয়না নীং তম্বগী ৭৫শুবা চহিগী থৌরম পাঙথোক্নবা শেম শারিবা অসিনা হেন্না পুক্নিং থৌগৎহল্লি‍। লৈবাক অনিগী মরক্তা লৈরিবা মীগা মীগগী ওইবা মরীগি পাঙ্গল অসিগুম্বা থৌওংশিংনা হেন্না চেৎশিনহল্লি‍। মসিনা অমত্তা ওইবা ফীভম অমদা পুন্না হিংমিন্নদুনা অমনা অমগী নাৎ-চৎনবীবু খঙমিন্নবগী মরুওইবসু উৎলি‍।

ঐগী নুংশিরবা লৈবাক মীয়াম, ঙসি ‘মন কি বাত’তা হীরম কয়া খন্নরে‍। অদুগা ঐগী থম্মোয়দা চেৎনা থমজবা হীরম অমসু লৈরি‍। মদুদি ঈশিং য়োকশিনবনি‍। ঐনা অঙাঙ ওইরিঙৈদা পুন্সি লেল্লকপা মফমদুদা মতম পুম্নমক্তা ঈশিং ৱাত্তুনা লৈরম্মি‍। ঐখোয়না নোংতবু খৌরাংনা ঙাইনরম্মি অমদি ঈশিং মরিক খুদিংমক মাঙহন্দনা য়োকশিনবনা ঐখোয়গী চৎনবীগী শরুক অমা ওইরম্মি‍। হৌজিক্তি “মীয়াম পুন্না ঈশিং য়োকশিনমিন্নসি” হায়বা লাইৱা অসিনা মফমদুগী মওং মতৌ পুম্নমক হোংদোক্লে‍। ঈশিং মরিক খুদিংমক য়োকশিনবা অমদি ঈশিং মাঙহনবা খুদিংমক থিংবা… হায়রিবা অসি ঐখোয়গী পুন্সি মহিংগী মহৌশাগী ওইবা শরুক অমা ওইহনগদবনি‍। অসিগুম্বা চৎনবী অমা ঐখোয়গী ইমুংগী মীপুম খুদিংমক্না চাউথোকচগদবা চৎনবী অমা ওইহনগদবনি‍।

মরূপশিং, মহৌশাগী অমদি অকোয়বগী ফীভম ঙাক্তুনা থম্বা হায়বসি ভারতকী নাৎ অমসুং চৎনবীদা, ঐখোয়গী নুংতিগী পুন্সিদা লোয়নদুনা লাক্লবা ৱাফম্নি‍। অদুগা নোং অমসুং নোংজুথা মতমসিনা ঐখোয়গী ৱাখল, ঐখোয়গী ৱাঙুলোন অমদি ঐখোয়গী মীহৌরোলগী মওং শেমদুনা লাক্লবনি‍। ‘রিতুসনহর’ অমসুং ‘মেঘদুত’তা মমিং লৈরবা ৱাকম কালিদাসনা নোংবু নীংথিনা শৈথারম্মি‍। হায়রিবা শৈরেং অসি ঙসিসু লোইনসিল্লোন পামজবশিংগী মরক্তা য়াম্না পাম্নরি‍। নোংগী ফজবা মশক মওং রিগভেদগী পরজন্য সুক্তমদসু নীংথিনা পল্লি‍। মতৌ অসুম্না মালেম, নুমিৎ অমসুং নোংগী মরীবু স্রিমদ ভগবততসু শৈরেংগী মওংদা পল্লি‍।

अष्टौ मासान् निपीतं यद्, भूम्याः च, ओद-मयम् वसु |

स्वगोभिः मोक्तुम् आरेभे, पर्जन्यः काल आगते ||

অস্তৌ মাসান্ নিপীন্ত য়দ্,ভুম্যাঃ চ, ওদ-ময়ম্ বসু ‍।

স্বগোভিঃ মোক্তুম্ আরেভে, পর্জন্যঃ কাল আগতে ‍।‍।

মসিনা হায়রিবদি নুমিৎনা মালেমগী লনথুমবু থা নিপান ঈশিংগী মওংদা লৌথোকই‍, অদুগা নোংজুথা মতমদা, হায়রিবা লন অসিবু মালেমদা অমুক পীথোরকই‍। তশেংনমকসু নোংজুথা মতমসি ফজবা অমদি নুংঙাইবতা নত্তনা শেম্বি শাবিবা, থৱায় হাপ্পিবা মতম্নি‍। ঐখোয়না ফংলিবা নোংঈ ঈশিং অসি ঐখোয়গী তুংগী মীরোলশিংগীদমক্তনি হায়বসি ঐখোয়না কৈদৌঙৈদসু কাউরোইদবনি‍।

ঙসিদি ঐগী ৱারোলসি অসিগুম্বা ৱাফমশিং অসি পল্লগা লোইশিনগে হায়না ঐগী ৱাখলদা লাকখিবনি‍। লাক্কদৌরিবা কুমহৈশিংগীদমক্তা ময়ামগী মফমদা য়াইফ-পাউজেল পীজরি‍। অদুগা কুম্হৈ হরাউ পাঙথোকপা মতমদা ঐখোয়গী ইরক্তগী কোরোনা চৎখিদ্রি হায়বসিবসু অদোম্না নীংশিংবিগদবনি‍। অদোম্না কোরোনাগী মরী লৈনবা চৎন-কাঙলোনশিং কাউথোকপা তৌরোইদবনি‍। ময়াম পুম্নমক হকচাঙ ফনা নুংঙাইনা পানবা ওইবিয়ু‍।

হন্না হন্না থাগৎচরি‍!

ঐহাক্কী নুংশিরবা ইরৈবাকচাশিং খুরুমজরি,

মন কী বাত্তা মতম লৈবা খিবক্তা মীয়াম্না ৱাহং কয়া হংবিরকই। হন্দক্তি ঐহাক্না তোঙানবা মওং অমা হোংদোক্লগে খল্লে, ঐহাক্না ৱাহং খরা হংজগে ময়াম্না মুন্না তাবিয়ু।

ওলিম্পিক্সতা ইহান হান্না ইন্দিবিজ্যুএল গোল্দ ফংখিবা ভারত মচা অদু কনানো?

ওলিম্পিক্কী করম্বা মশানদা ভারতনা খ্বাইদগী য়াম্না মেদল ফংখি?

ওলিম্পিক্তা করম্বা শান্নরোইনা খ্বাইদগী য়াম্না মেদল ফংখি?

মরূপশিং ময়াম্না পাউখুমশিং শোইদনা পীবিরকউ অদুগা মাইগোবতা ওলিম্পিক্কী মরমদা ক্বিজ তৌরিবা অদুদা পাউখুম পীবিরবদি মনাসু ফংগনি। অসিগুম্বা ৱাহং কয়া মাইগোবকী রোদ তু তোকিয়ো ক্যুজতা য়াওরি। অদোমসু মসিদা শরুক য়াবিয়ু, ভারত্তা হান্নদি করম্না শান্নরম্মি, ঐখোয়গী তোকিয়ো ওলিম্পিক্সকী থৌরাং কমদৌরি, মসি ইশাসু খংবিয়ু ময়ামদসু খংহনবিয়ু। ঐহাক্না ময়ামদা অমুক্কা হন্না হায়জনীংবদি ক্বিজ কম্পিতিসন অসিদা শোইদনা শরুক য়াবিয়ু।

মরূপশিং. তোকিয়ো ওলিম্পিক্কী মতাংদা ৱারী শান্নরকপদা, মিলখা সিংহগুম্বা মশক নাইরবা লমজেল্লোইবু কনানা কাওবা ঙমগদগে। নুমিৎ খরনিগী মমাংদা মহাক্না কোরোনানা ঐখোয়দগী শেৎতুনা পুবিখ্রে। মহাক্না হোস্পিতালদা লৈরিঙৈ মতমদা ঐহাক্না মহাক্কা ৱারী শান্নবগী খুদোংচাবা অমা ফংখি। মহাক্কা ৱারী শাবা মতমদা ঐহাক্না মঙোন্দা হায়জখি। ঐহাক্না মঙোন্দা অদোমনা ১৯৬৪ তোকিয়ো ওলিম্পিক্তা ভারতকী মহুৎ শিন্দুনা শান্নবিখিবনি, হৌজিক ঐখোয়গী শান্নরোইশিংনা ওলিম্পিক্সতা শরুক য়ান্নবগীদমক্তা তোকিয়োদা চৎকদৌরি, ঐখোয়গী লমজেল্লোইশিংগী পুক্নিং থৌগৎপীয়ু, অদোমগী পাউজেলনা মখোয়দা ইথিল পীবিয়ু হায়না হায়জখি। মহাক্না শান্নবা হায়বা অসি লুম্না লৌজবা অমসুং নুংশিজবনা খুদক্তা মহাক মশা ঙমদ্রবসু মহাক্কী অয়াবা পীবিরকখি। অদুবু লাইবক থিবদি নোংদমবগী নোংদমখোলনা অমা তম্বিরম্লে। মহাক্না ২০১৪দা সুরৎতা লাকখিবা অদু হৌজিকসু নীংশিংলি। ঐখোয়না নাইৎ মরাথোন অমা পাঙথোকখি। মতম অদুদা শান্নবগী মতাংদা ৱারী কয়া শাখিবা অদুনা ঐঙোন্দসু য়াম্না কান্নহৌখি। মিলখা সিংহগী ইমুং মনুং পুম্বনা শান্নবদা কত্থোকই....ভারতকী মীংচৎ হেনগৎহনখিবনি হায়বা ঐখোয় পুম্নমক্না খংঙি।

মরূপশিং, তেলেন্ত, কত্থোকপা, অখাং কনবা অমসুং শান্নরোইগী থৌনা-লিংজেলনা পুল্লবা মতমদা চেম্পিয়ন অমা ওইরকই। ঐখোয়গী লৈবাক্কী অয়াম্বা শান্নরোইশিংদি অপিক-অপিকপা সহর অমসুং খুঙ্গংশিংদগী থোরকপা ঙাক্তনি। হন্দক ঐখোয়গী তোকিয়ো চৎলিবা তিম অসিদা অসিগুম্বা শান্নরোই কয়ানি, মখোয়গী পুন্সি ৱারীসু য়াম্না তমজনীংঙাই ওই। ঐখোয়গী প্রভীন জধবজীগী মতাংদা অদোমনা ৱারী তাবা মতমদা প্রভীন্না মফম অসি য়ৌরক্নবা অৱাবা কয়াম মায়োক্নরকপগে হায়বা নখোয়নসু ফাওগনি। মহাক মহারাস্ত্রগী সতরা জিলাগী খুঙ্গং অমদগীনি। মহাক আর্চরীগী অফবা শান্নরোই অমনি। মহাক্কী অপোকপা-অপোকপীনা শিন্মী ওইনা থবক শুরগা ইমুং পুরি অমসুং হৌজিক মখোয়গী মচানুপা অসিদা তোকিয়োদা চৎতুনা মহাক্কী অহানবা ওলিম্পিক্সতা শরুক য়াগদৌরি। মসি মহাক্কী অপোকপা-অপোকপি খক্তগী নত্তনা ঐখোয় পুম্নমক্কী চাউথোকচনীংঙাইনি। মসিগা মান্নবা অতোপ্পা শান্নরোই অমনা ঐখোয়গী নেহা গোয়লজীনি। মহাক তোকিয়ো চৎলিবা নুপীগী হোক্কী তীমগী শান্নরোই অমনি। মহাক্কী অপোকপি অমসুং মচেনা সাইকলগী ফেক্তরীদা থবক শুদুনা ইমুং পুরি। নেহাগুম্না দীপিকা কুমারীজীগী পুন্সিসু অৱাবা কয়ানা থল্লি। দীপিকাগী মপা ওতোরিক্সো থৌবা অমনি অমসুং মহাক্কী মমানা নর্স অমনি, অমসুং দীপিকানা তোকিয়ো ওলিম্পিক্স চৎতিবা ভারতকী অমত্তা ঙাইরবা নুপী তেন কাপ্পিনি। মতম অমদা মালেমগী তেন কাপ্পি নম্বর ৱন ওইরম্বা দীপিকাগী মফমদা য়াইফ-মঙ্গোল পীজরি।

মরূপশিং ঐখোয়না পুন্সিদা ঐখোয়না মফম অমা হেক্তদা য়ৌরবসু, অৱাংবা মফম অমা হেক্তা য়ৌরবসু ঐখোয়গী খোঙফমদি মালেম লৈমাগা শুকথা থান্নদে। কন্না হোৎনরুরবা মতুংদা মাই পাকপা ফংলবা অদুগী নুংঙাইবা অদু মখল অমনি! তোকিয়ো চৎলিবা ঐখোয়গী শান্নরোইশিং অসি অঙাং ওইরিঙৈদা অরাৎপতনা থল্লকপা ঙাক্তনি, অদুবু মখোয়গী অখাং কনখি, খোঙফম চেৎনা লেপখি। উত্তর প্রদেশকী মুজাফ্ফরনগরদগী প্রিয়ঙ্কা গোস্বামিজীগী পুন্সিদগীসু পরা কয়া তম্বা ফংলি। প্রিয়ঙ্কাগী মপা বস কন্দক্তর অমনি। অঙাং ওইরিঙৈদা প্রিয়ঙ্কানা মেদল ফংবা মীদা পীবা বেগ অদু য়াম্না পামজখি। মসিগী অপাম্বা অসিনা মহাক্না রেস-ৱক্কিং কম্পিতিসনদা অহানবা ওইনা শরুক য়াখি। হৌজিক্তি মসিদা মহাক অচৌবা চেম্পিয়ন অমা ওইরে।

ত্থোক্লবা ঙাক্তনি। মহাক্কী মপা, মখুরা অমসুং ময়াম্বা তা লংবদা হৈথৌ-শিংথৌইরবা ঙাক্তনি। ইমুংগী চৎনবী অসিনা মহাকপু তোকিয়ো ওলিম্পিক য়ৌহল্লিবনি। তোকিয়ো ওলিম্পিক্সতা শরুক য়াবা চৎলিবা চিরাগ শেত্তী অমসুং মহাক্কী খোঙলোই সৎৱিক সাইরাজকী থৌনা অসিসু তমজনীংঙাই ওই। হন্দক্তা চিরাগকী মমা পোকপা মপুসু কোরোনানা মরম ওইদুনা লৈখিদ্রে। অদুগা সৎৱিক মশামকসু হৌখিবা চহিদা কোরোনা পোজিতিব ওইরুরে। অদুবু খুদোংচাবা কয়া লৈরবসু, মখোয় অনিমক্না মেনসকী দবল শফল কম্পিতিসনদা ঙমজবি থাদুনা মাই পাক্নবা শেম শারি।

ঐহাক্না ময়ামদা খঙহনজনীংবা অতোপ্পা শান্নরোই অমনি, হরিয়ানাগী ভিৱানিদগী মনিশ কৌশিকজীনি। মহাক লৌউ-শিংউবগী শিনফমদা লৈবা ইমুং অমদগী হৌরকপনি। মহাক্না অঙাং ওইরিঙৈদা লৌবুক্তা থবক শুনা-শুনা মনিশনা বোক্সিং মশানা অসি পাম্বা হৌরকখি। মহাক্কী অপাম্বা অদুনা ঙসি মহাকপু তোকিয়োদা পুরি। অতোপ্পা শান্নরোই অমনা সি.এ. ভাবনি দেবিনি। মহাক্কী মমিং ভাবনি কৌই অমি মহাক থাং হাইবদা লম্বা লৈতনা হৈ। চেন্নাইদগী হৌরকখিবা ভাবনি ওলিম্পিক্সতা ক্বালিফাই ওইবা ভারতকী অহানবা ফেন্সরনি। ভাবনিগী ত্রেনিং লেপ্তনবগীদমক মহাক্কী অপোকপিনা মহাক্কী সনাগী লিক-কোলশিং বন্ধোপ থমখি হায়না ঐহাক্না থেংনখি।

মরূপশিং অসুম্না মশিং থিঙমদ্রবা মমিং কয়ানি অদুবু ঙসি মন কী বাত্তা মমিং খরতক পঞ্জরে। তোকিয়ো চৎলিবা শান্নরোই খুদিংমক খুদোংথিবা কয়া থেংনরকপা ঙাক্তনি, চহি কয়াগী হোৎনরকপা অদুনা মখোয়না চৎলিবনি। মখোয়না চৎলিবা অসি মখোয় মশা খক্তগী নত্তনা লৈবাক্কীদমক্তসুনি। শান্নরোইশিং অসিনা ভারতকী মীংচৎ পুরক্কদবনি অমসুং মীয়ামগী থম্মোইশিং পেলহনগদবনি, মরম অসিদা ঐহাক্না ঐহাক্কী ইরৈবাকচাশিংদা হায়জনীংবদি ঐখোয়না খঙনা নত্ত্রগা খঙদনা শান্নরোইশিং অসিদা প্রেসর অমত্তা পীরোইদবনি, থম্মোই শেংনা মখোয়গী মতেং পাংসি অমসুং শান্নরোই খুদিংমক্কী থৌনা হেনগৎহনসি।

সোসিএল মীদিয়াদা #Cheer4Indiaগা লোইননা শান্নরোইশিং অসিদা অদোমনা য়াইফ-পাউজেল পীবিয়ু। করিগুম্বা অদোমনা থোইদোকপা অনৌবা অমা তৌবিনীংলবসু তৌবিয়ু। শান্নরোইশিং অসিগীদমক লৈবাক অসিনা পুন্না তৌবা য়াবা আইদিয়া অদোমনা থেংনবিরবদি মদু ঐঙোন্দা থাবিরকউ। ঐখোয় পুন্না তোকিয়ো চৎলিবা ঐখোয়গী শান্নরোইশিংবু শৌগৎলসি – চীয়র৪ইন্দিয়া!!! চীয়র৪ইন্দিয়া!!! চীয়র৪ইন্দিয়া!!

ঐহাক্কী নুংশিরবা ইরৈবাকচাশিং, কোরোনাগী মায়োক্তা ঐখোয়গী ইরৈবাকচাশিংনা লান্থেংনবা লেপ্তরি...অদুবু লাঞ্জং অসিদা ঐখোয় পুম্বা অমত্তা ওইদুনা ওইথোক্তবা কয়া অমা ওইথোকপা ঙমহল্লি! হন্দক্তা নুমিৎ খরনিগী মমাংদা ঐখোয়গী লৈবাক অসিনা অঙকপা থবক অমা পাঙথোকখি। জুন ২১ অসি তীকা থাদোকপগী খোঙজংগী মথংগী তাঙ্কক ওইখিবা নুমিৎনি... অমসুং নুমিৎ অসিমক্তদা লৈবাক অসিনা মীওই লাখ ৮৬ হেন্না লেম্না তীকা থাবগী রেকোর্দ থম্বা ঙমখি। নোংমা তংদা লেম্না তীকা থাখি! নোংমা তংদা ভারত সরকারনা মশিং য়াম্না লেম্না তীকা থাদবা হায়বা অসিগী মরমদা মীয়াম্না পাকশন্না ঙাংনবা হায়বা অসি মহৌশানি।

মরূপশিং, বেক্সিন করম্বা মতমদা লাক্কদগে – হায়বা অসি চহি অমগী মমাংদা ময়াম পুম্নমক্না অমত্তা ওইনা হংবা ৱাহংনি! ঙসিদি ঐখোয়না নোংমা খক্তংদা মেদ ইন ইন্দিয়া বেক্সিন মীওই লাখ কয়াদা লেম্না ফংহল্লে...মসি অনৌবা ভারতকী থৌনানি।

মরূপশিং, তীকা থাদুনা লাইনা অসিদগী ঙাকথোকপা অসি ভারতকী প্রজা পুম্নমক্না ফংনবা হোৎনগদবনি। মফম কয়াদা তীকা থাবদা চীংনবা ফাওরিবা অসি কোকহন্ননবা ওর্গনাইজেসন কয়া অমসুং সিবিল সোসাইতীগী মেম্বরশিংনা মাইজিল থাদুনা হোৎনরি, মসি অফবা থবকনি। ঙসিদি ঐখোয় খুঙ্গংদা চৎলসু বেক্সিনগী মতাংদা মীয়ামগা ৱারী শারসি.. মধ্য প্রদেশকী বেতুল জিলাদগী দুলারিয়া খুঙ্গংদা চৎলসি।

পি.এম. – হেলো…

রাজেশ – খুরুমজরি

পি.এম. – খুরুমজরি

রাজেশ –ঐগী মিং রাজেশ হিরাৱ কৌই, গ্রাম পঞ্চায়ৎ দুলারিয়া, ভিমপুর ব্লোক্তগীনি।

পি.এম. – রাজেশজী, ঐনা ফোন তৌজরকপগী মরমদি হৌজিক অদোমগী খুঙ্গংদা কোরোনাগী ফীভম কমদৌরিগে হায়বা খঙনীংবদগী তৌজরকপনি।  

রাজেশ –সর...ঐখোয়গী অসিদদি কোরোনা অসি লৈরবগুম্বনি!

পি.এম. – মী অমত্তা নাদ্রবরা…?

রাজেশ – হোয়

পি.এম. –খুঙ্গং অদুগী মীশিং কয়ানো? খুঙ্গং অদুদা মী কয়া তাবগে?

রাজেশ –সর, খুঙ্গং অসিদা নুপা ৪৬২ অমসুং নুপী ৩৩২ লৈ।

পি.এম. – য়াম্না নুংঙাইরে রাজেশজী, অদোম তীকা থারব্রা?  

রাজেশ – থাদ্রি সর.।

পি.এম. – ইহে....করিগী থাদ্রিবা?

রাজেশ –সর, মীওই খরনা ৱাতসএপতা অকিবা পোকহনবদগী মীওই অয়াম্বা লোইনা লান্না লমজিংলে।

পি.এম. –অদুদি.. নহাকসু অকিপা পোকপ্রা?

রাজেশ –হোয় সর, খুঙ্গং পুম্বদা অসুম্না লান্না লমজিংলে।

পি.এম. – ইহে…করিনো অদোমনা হায়বিরিবা অদু? য়েংঙু রাজেশজী…

রাজেশ – হোয়

পি.এম. –অদোম অমদি অদোমগী খুঙ্গংগী ইচিল ইনাও পুম্নমক্তা অকিপা পোকপিগনি হায়না ঐহাক্না হায়জরি...

রাজেশ – হোয়

পি.এম. – ঐখোয়গী লৈবাক্তা মীওই করোর ৩১ হেনবনা তীকা থাদোকখ্রে।

রাজেশ – হোয়

পি.এম. – অদোমনা খংবিরিবা অদুনি..ঐহাক ইশা দোজ অনিমক কাপ্লবনি।

রাজেশ – হোয় সর।

পি.এম. –ঐগী ইমাসু চহি চমা শুগদৌরে মহাকসু দোজ অনিমক কাপ্লে! করিগুম্বা মতমদা মীওই খরনা লাইহৌ হৌবা য়াওই...মদু অরুবা নত্তে; পুং খরা খক্তংগীনি....য়েংবিয়ু তীকা থাদোক্তবা হায়বা অসি য়াম্না খুদোংথিনীংঙাইনি।

রাজেশ – হোয়

পি.এম. –মসিনা ইশা ইথন্তা খুদোংথিহনবা খক্তা নত্তনা ইমুং মনুং অমদি খুঙ্গং পুম্বা খুদোংথিবা নংহনবা য়াই।

রাজেশ – হোব

পি.এম. - রাজেশজী মরম অসিনা অথুবা মতমদা তীকা থাদোকপীয়ু অমসুং খুঙ্গংগী মীপুম খুদিংদসু হায়বিয়ু ভারত সরকারনা লেম্না তীকা ফংহল্লি...চহি ১৮ অমদি মসিগী মথক্কী মীওই পুম্নমক্তা লেম্না তীকা থাদোক্লি।

রাজেশ – হোয়

পি.এম. –অদোমনা খুঙ্গংগী মীওইশিংদসু মসি অকিবা পোক্নীংঙাই ওইদে হায়বিয়ু, মসিনা খুঙ্গংদা করিসু অকাইবা থোকহল্লোই।

রাজেশ –মরম হায়ববু মীওই খরনা অরানবা তোকঙা হন্দোক্লে..মসিনা মীয়াম্না চাউনা অকিবা পোকহল্লি। খুদম ওইনা তীকা থারুরবদি লাইহৌ লাক্কনি...মসিনা অতৈ অনাবা লাকহনগনি....মসিনা মী শীহনবা ফাওবা য়াই হায়না তোকঙা শন্দোকই!

পি.এম. – রেদিওদা তি.ভি.দা পাউ অসুক য়াম্না পীরিবা অসিদি...মসিনা মীশিংবু ভাব তাহনবদা য়াম্না লাইনা থোক্কনি। অমসুং অদোমদা ঐহাক হায়জগে মদুদি ভারতকী খুঙ্গং কয়াদা মীওই কয়ানা তীকা কাপ্লি হায়বদি চাদা চমা তীকা কাপ্লে। মসিগী খুদম অমা ঐহাক পীজগে...

রাজেশ – হোয় সর

পি.এম. - কাশ্মিরদা বন্দিপোরা জিলাদা ৱেয়ন খুঙ্গংগী মীওইশিংনা চাদা ১০০ তীকা থাগনি হায়না পান্দম থমখি...অমসুং মখোয়না অদু ফংবা ঙমখি। ঙসি কাশ্মিরগী খুঙ্গং অসিদ চহি ১৮গী মথক্কী মীওই পুম্নমক্না তীকা থাদোকখ্রে। নাগালেন্দদা খুঙ্গং অহুমগী মীওইশিংনা চাদা ১০০ তীকা থাদোকখ্রে।

রাজেশ – হোয়

পি.এম. – রাজেশজী অদোমনা অদোমগী খুঙ্গংদা অমসুং থংনবা খুঙ্গংশিংদা ৱাফম অসি পাউদম্বিয়ু...

রাজেশ – হোয়

পি.এম. –লান্না খল্লিবা অসি কোকহন্নবা মীয়ামদা থাজবা পীনবা অদোম ইশাবু তীকা থাদোক্তুনা মীয়ামদা থাজবা ফাওহনবা হায়বা অসি অমত্তা ঙাইরবা লম্বীনি। মসি অদোমনা তৌবিগনিকো?

রাজেশ – হোয় সর।

পি.এম. – শোইদনা তৌবিগনিকো?

রাজেশ –হোয় সর, অদুগা আদোমগা ৱারী শান্নরুবদগী ঐহাকসু তীকা থাদোক্নীংলে অমসুং অতৈ মীয়ামদসু মসিগী মরমদা খঙহনীংলে।

পি.এম. –ফরে। খুঙ্গং অদুদা ঐগা ৱারী শাবা য়াবা অতৈ মীওই লৈবরা?

রাজেশ – হোয় সর...লৈগনি।

পি.এম. – কনাগা ৱারী শাগনি?

কিশোরিলাল – হেলো সর, খুরুমজরি।

পি.এম. – খুরুমজরি, কনানো ৱা ঙাংবিরক্লিবসে?

কিশোরিলাল – সর, ঐগী মিং কিশোরিলাল দুর্বে কৌই।

পি.এম. –কিশোরিলালজী ঐহাক হৌজিক্তি রাজেশজীগা ৱারী শান্নরম্লিবনি।

কিশোরিলাল – হোয় সর

পি.এম. –বেক্সিনগী মতাংদা মবাম্না লান্না শন্দোক্নরে হায়না মহাক্না য়াম্না নুংঙাইতনা পাউদমলকই।

কিশোরিলাল – হোয়

পি.এম. –অদোমনসু অসুম্না তাবরা?

কিশোরিলাল –হোয়... অসুম্না ঐহাক্নসু তাজৈ।

পি.এম. – করি তাবগে?

কিশোরিলাল –মদুদি সর, থংনবদা মহারাস্ত্র লৈ, মফম অদুদা লৈবা মরী মতা খরনা তীকা থাবদগী মী য়াম্না শীনরে...খরা অমনা নারে...মীয়ামসু চম্মনবনা থালে মরম অসিনা মখোয়না তীকা থানদ্রিবনি।

পি.এম. – নত্তে...করিবু হায়বগে? “হৌজিক কোরোনা লৈত্রে” – অসুম্না হায়নবরা?

কিশোরিলাল - হোয়

পি.এম. – কোরোনানা করিসু তৌবা ঙম্লোই হায়না হায়নবরা?

কিশোরিলাল –নত্তে সর...মখোয়না কোরোনা লৈত্রে হায়নদি হায়দে। মখোয়না কোরোনা লৈরি অদুবু তীকা কাপ্লুবা মীওইশিংনা নারিনি...শীরিনি হায়না হায়নৈ। অসুম্না মখোয়না হায়রি।

পি.এম. –ফরে...মদুনা তাকপদি বেক্সিন্না মরম ওইদুনা মীশিং শীরি হায়বনিনে?

কিশোরিলাল –ঐখোয়না লৈরিবা অসি ত্রাইবেলগী মফম অমনি সর মরম অসিনা মীশিংনা য়াম্না থুনা কীনৈ..অরানবা ৱাফমশিং অদুনসু মীয়াম্না তীকা থানদ্রিবনি সর।

পি.এম. – য়েংঙু কিশোরিলালজী…

কিশোরিলাল – তাকপীয়ু সর

পি.এম. –তোকঙা শন্দোকপা মীশিংনা তোকঙা অদুম শন্দোক্তুনা লৈবনি।

কিশোরিলাল – হোয়

পি.এম. –ঐখোয়না পুন্সিশিং কনগদবনি...ঐখোয়গী খুঙ্গংশিং অমসুং ঐখোয়গী ইরৈবাকচাশিং কনগদবনি। কনাগুম্বনা কোরোনা লৈতে হায়রবসু মদুগী অরানবা ৱাফম অদু থাজবিরুনু।

কিশোরিলাল – হোয়

পি.এম. – লায়না অসিদি শক্লোন য়াম্বনি।

কিশোরিলাল – হোয় সর

পি.এম. –মাগী শক্লোনদি লেপ্তনা হোংঙি...অনৌবা মওং-মতৌশিং অমসুং মচুশিংগী শক্লোন লৌদুনা থোরকই।

কিশোরিলাল – হোয়

পি.এম. –মসিদগী ঐখোয় ইশাবু ঙাকথোকচনবা ঐখোয়দা লম্বী অনি লৈ। অমনা কোরোনাগী পীরিবা প্রোতোকল – মাস্ক উপ্পা, সাপোন্না খুৎশা তোইনা হাম্বা, অরাপ্পা থম্বা অসি ঙাক্না চৎপা তাই.... অমসুং অতোপ্পা লম্বী অমনা পুম্নমক অসিগা লোইননা তীকা থাদোকপা হায়বা অসিনা শাফনা লৈনবগী লম্বী অমনি...মসিগী মতাংদা খন্থবিয়ু।

কিশোরিলাল – হোয়

প্রধান মন্ত্রী- কিশোরিলালজী ৱাফম অমতা হংজগে।  

কিশোরিলাল – হায়বিয়ু সর।

প্রধান মন্ত্রী - অদোমগা কনাগুম্বগা ৱারী শাবা মতমদা অদোমনা মখোয়দা খঙহন্নবা করম্না হোৎনবগে? অদোমনা মীয়ামদুদা থাজহন্নবা হোৎনবরা নত্ত্রগা তোকঙাশিং অদু শন্দোকপদা য়াওশিনবরা?

কিশোরিলাল- করি হায়না থাজহনগনি… মীয়াম অদুগী মশিংনা য়ামখৎলক্লবদি ঐহাকসু অদুমক অকিবা পোকই সর।

প্রধান মন্ত্রী- য়েংঙু কিশোরিলালজী ঙসি ঐহাক্না অদোমগা ৱারী শাজরি, অদোম ঐগী মরূপনি।

কিশোরিলাল – হোয় সর।

প্রধান মন্ত্রী - অদোম অকিবা পোক্লোইদবনি অমসুং মীওইশিং অদুদগীসু অকিবা অদু মাংহনবিগদবনি। মাংহনবিগনিকো?

কিশোরিলাল- হোয় সর শোইদনা মাংহঞ্জগনি সর, মীয়ামদগী অকিপা শোইদনা মাংহনগনি। ঐহাক ইশাসু তীকা থাদোকচগনি।

প্রধান মন্ত্রী- তোকঙাদা পুক্নিং চংবিরুগনু।

কিশোরিলাল- হোব

প্রধান মন্ত্রী- অদোমনা খংবিরিবা অদুনি ঐখোয়গী বিজ্ঞানিকশিংনা য়াম্না ৱানা হোৎনদুনা বেক্সিন অসি পুথোক্লিবনি।

কিশোরিলাল – হোয় সর।

প্রধান মন্ত্রী- চই চুপ্পা অহিং নুংথিল খাইদনা মকোক থোংবা বিজ্ঞানিক কয়ানা থবক অসি পাঙথোকখি মরম অসিনা ঐখোয়না সাইন্সতা অমসুং বিজ্ঞানিকশিংদা থাজবা থমগদবনি।  অসুগা তোকঙা শন্দোক্লিবশিংদা য়েংঙসু অসুক য়াম্বা মীওইশিং অসি বেক্সিন কাপ্লবা ঙাক্তনি করিসু খুদোংথিবা থোকখিদে হায়না হায়বা তাই।

কিশোরিলাল- হোয়

প্রধান মন্ত্রী- অমসুং ঐখোয় ইশাবু তোকঙাশিংদগী য়াম্না লাপ্না লৈ, খুঙ্গংশিংবু কনসি।

কিশোরিলাল- হোয়

প্রধান মন্ত্রী- অমসুং রাজেশ, কিশোরিলাল, নখোয়গুম্বা মরূপশিংদা হায়জনীংবদি অদোমনা ইশাগী খুঙ্গংদা নত্তনা অতোপ্পা খুঙ্গংশিংদসু হায়রিবা তোকঙাশিং অসি থিংবিয়ু অদুগা ময়ামদা ঐহাক্কা ৱারী শান্নরে হায়না পাউদমবিয়ু।

কিশোরিলাল- হোয় সর।

প্রধান মন্ত্রী- মখোয়দা হায়বিয়ু… ঐহাক্কী মিং পনবিয়ু।

কিশোরিলাল- হোয় সর হায়জগে অমসুং মীয়ামদা ময়েক শেংনা তমজগে অমদি ঐহাক ইশাবু তীকা কাপথোকচগে।

প্রধান মন্ত্রী- অদোমগী খুঙ্গং পুম্বগী মীয়ামদা ঐহাক্কী মাইকৈদগী য়াওফ-পাউজেল পীজরি।

কিশোরিলাল- হোয় সর।

প্রধান মন্ত্রী- অমসুং ময়ামদা মখোয় মশাগী মতম য়াওরকপদা…..

কিশোরিলাল – হোয়…

প্রধান মন্ত্রী- শোইদনা বেক্সিন কাপথোকপিয়ু হায়না হায়বিয়ু।

কিশোরিলাল- শোইদনা হায়জগে সর।

প্রধান মন্ত্রী- ঐহাক্না পামজবদি খুঙ্গংগী ইচে-ইচল অমসুং ইমাশিংনা য়ারিবা মখৈ মসিদা য়াওশিনবা অসিনি।

কিশোরিলাল- হোয় সর

প্রধান মন্ত্রী- থবক অসিদা মখোয়বু হেন্না হেন্না য়াওশিনহনবা অমসুং মখোয়গা মীৎনা শিংনা থবক পাঙথোকমিন্নবা অসিনি।

কিশোরিলাল- হোয়

প্রধান মন্ত্রী- করিগুম্বা মতমদা ইচে-ইচল, ইমা-ইবেনশিংনা হায়বদা হেন্না য়ারকপা য়াওরিবনি।

কিশোরিলাল- হোয়

প্রধান মন্ত্রী- অদোমগী খুঙ্গংনা তীকা থাদোকপা মপুং ফারকপদা ঐঙোন্দা পাউ খংহনবিরক্কদ্রা?

কিশোরিলাল- হোয়, খংহঞ্জগনি সর।

প্রধান মন্ত্রী- শোইদনা খংহনবিরক্কদ্রা?

কিশোরিলাল- হোয় খংহঞ্জগে।

প্রধান মন্ত্রী- য়েংঙু ঐহাক্না অদোমগী চিথি ঙাইজরমগদৌরিবনি।

কিশোরিলাল- হোয় সর।

প্রধান মন্ত্রী- য়াম্না ফরে, রাজেশজী, কিশোরজী হন্না হন্না থাগৎচরি। অদোমগা ৱারী শান্নবগী তাঞ্জা অমা ফংজরে।

কিশোরিলাল- অদোমনা ঐখোয়গা ৱারী শাবা ফংহনবিবগীদমক্তা থাগৎচরি সর। অদোমবুসু হন্না-হন্না থাগৎচরি।  

মরূপশিং, করিগুম্বা কোরোনাগী মতম অসিদা ঐখোয়গী ভারতকী খুঙ্গংগী মীওইশিংনা, ঐখোয়গী উমং-ৱামংদা খুন্দারিবা ত্রাইবেল ইচিল-ইনাওশিংনা মতৌ করম্না মাগী মাগী অঙম্বা থাক্তা খঙহৈবশিংদু উৎথোকপগে হায়বা অদু মতম অমদা মালেম অসিগী ওইনা কেস স্তদীগী হীরম অমা ওইররগনি। খুঙ্গংগী মীওইশিংনা ক্বারেন্তিন সেন্তরশিং শারি, মফম মফম অদুগী তঙাই ফদবশিংগী মতুং ইন্না কোবিদ প্রোতোকল শেম্মি। খুঙ্গংগী মীওইশিংনা কনাবুসু চরা হেলহনদ্রি, লৌগী থবকসু লেপ্পা লৈত্রি। অনকপা সহরশিংদা শঙ্গোম অমসুং মনা-মশিং অদুমক য়ৌহল্লি অসুম্না মখোয় মশাতা নত্তনা অতৈবুসু মতেং পাংলি। মতৌ অসুম্না বেক্সিনেসনগী মাইকৈদসু চংশিনগদবনি। ঐখোয় ভাব তাবা তাই অমসুং মখোয়সু ভাব তাহনবা তাই। খুঙ্গংগী মীওই খুদিংমক তীকা থাদোক্কদবনি – মসি খুঙ্গং পুম্নমক্কী পান্দম ওইবিগদবনি। নীংশিংঙু, ঐহাক্না নখোয়দা অখন্ননা হায়নীংবদি…. নখোয় নশাদা ৱাহং অমা হংজৌ– মীপুম খুদিংমক মাই পাকপা পাম্মি অদুবু মাই পাক্নবা মন্ত্র অসি করিনো? মাইপাক্নবগী মন্ত্র অদুদি লেপ্পা লৈতবা হায়বা অসিনি, অদুনা ঐখোয়না পোত্থরোইসু, অরানবদা থাজরোইসি। ঐখোয়না লেপ্তনা হোৎনবা তাই…কোরোনাবু মাইথিবা পীগদবনি।

ঐগী নুংশিরবা ইরৈবাকচাশিং ঐখোয়গী লৈবাক্তা নোংজু পন্থা য়ৌশিল্লক্লে। নোং চুরকপা হায়বা অসি ঐখোয়গীতা নত্তে মসি তুংগী মীরোনশিংগীসুনি। নোংগী ঈশিং অসি লৈনুংদসু য়োকশিল্লি মসিনা লৈনুংগী ৱাতর লেবেল হেনগৎহল্লি। মরম অসিনা নোংগী ঈশিং য়োকশিনবা হায়বা অসি লৈবাক্কী শেবা তৌবা মখল অমনি হায়না লৌজৈ। ময়াম্নসু হেন্না খঙবিরম্লগনি হায়না খঞ্জৈ মদুদি ঐখোয়গী ইক্তা অসিগুম্বা পুন্যগী মশক ওইরবা থবক অসিবু মাগী মথৌদাং অমা ওইনা লৌদুনা পাঙথোকপা কয়া লৈরি। উত্তরাখন্দগী পৌরি গরৱালদগী সৎচিদানন্দ ভারতজী অসি অসিগুম্বা মীওই অমনি। ভারত্তিজী অসি ওজা অমনি। মহাক্না মহাক্কী থবকশিংগী খুত্থাংদা মীওই কয়াদা অফবা এজুকেসন পীরি। ঙসিদি মহাক্না কন্না হোৎনবনা মরম ওইরগা পৌরি গরৱালগী উফ্রৈনখালগী মফমদা ঈশিংগী অৱাবা চাউনা মায়োক্নরম্বা অদু কোকহনবা ঙমখ্রে। মীয়াম্না ঈশিংগী অৱাবা থেংনরম্বা অদু ঙসিদি চহি চুপ্পা ঈশিংগী সপ্লাই লেপ্তনা লাক্লে।

মরূপশিং চীংগী লমশিংদা ঈশিং য়োকশিনবগী চৎনবী অমা মহৌশাদগী লৈরক্লি, মসি চালখাল হায়না কৌই। হায়বদি ঈশিং তুংশিন্নবা অচৌবা কোম অমা তৌবনি। হায়রিবা মওং অসিদা ভারত্তিজীনা অনৌবা মওং অমা শেমজিনবনি। মহাক্না পুখ্রি অপিকপা অমসুং অচৌবা কয়া তৌখি। মসিনা মরম ওইরগা উফ্রৈনখানগী চীংশিং অদু ইশং শংহনবতা নত্তনা মীয়ামনা থক্নবা ঈশিংগী খুদোংচাদবা থেংনরম্বা অদুসু কোকহল্লে। ভারত্তিজীনা অসিগুম্বা ঈশিংগী পুখ্রি লিশিং ৩০ হেন্না তৌখ্রবনি মসি তাবদা নখোয় শোইদনা অঙকপা পোক্লমগনি। ঙসিসু মহাক্না থবক অসি লেপ্তনা চত্থরি অমসুং মীওই কয়াদা ইথিল পীরি।

মরূপশিং মতৌ অসুম্না য়ু.পি.গী বন্দা জিলাগী অন্ধব খুঙ্গংগী মীয়াম্না অনৌবা মওং অমা পুথোক্লি অমদি মদুগী নীংথিরবা মমিং অমা থোল্লি – ‘লৌবুক্কী ঈশিংনা লৌবুক্তা, খুঙ্গংগী ঈশিংনা খুঙ্গংদা’ হায়না কেম্পেন অমা হৌদোকখি। কেম্পেন  অসিগী মখাদা খুঙ্গংগী লৌফম কয়াদা ৱাংলা ৱাংলবা লৌরি কয়া খাগৎলি। মসিনা নোংগী ঈশিংশিংবু লৌবুক্তা তুংশিনহল্লি, অমসুং লৈনুংদা চংহল্লি। মখোয়না হৌজিক লৌবুক্কী লৌরিশিং অসিদা উপাল থানবগী থৌরাংসু তৌরি। হায়বদি লৌমীশিং অসিনা হৌজিক – ঈশিং, উপাল অমসুং শেল অহুম অসি ফংজগদৌরে। অফবা থবক অসিনা খুঙ্গং অসি মীয়াম্না পাক শন্না মশক খঙনরে।

মরূপশিং, হায়রিবশিং অসিদগী ঐখোয়না ইথিল লৌদুনা ঐখোয়সু ঐখোয়গী অকোইবদা অঙম্বা থাক্তা হোৎনদুনা ঈশিং তুংশিন্নবা হোৎনরসি। নোংজু পন্থাগী অসিগুম্বা মরুওইবা মতম অসিগী খুদোংচাবা ঐখোয়না মাংহল্লোইদবনি

ঐগী নুংশিজরবা ইরৈবাকচাশিং, শাস্ত্রদা অসুম্না হায়–

“নাস্তী মুলম অনৌশাধম”

হায়বদি লমদম অসিদা হীদাক্কী মতীক য়াওদবা পাম্বী অমত্তা লৈতে! ঐখোয়গী অকোইবদা অসিগুম্বা পাম্বী কয়ামরুম হৌরি অদুবু মখোয়গী মরমদা খংদবনা অয়াম্বনি! নৈনিতালদগী পরিতোশ কৌবা মরূপ অমনা হীরম অসিমক্তদা চিথী অমা ঐঙোন্দা ইবীরকই। মহাক্না নিংথৌ খোংলি অমদি অতৈ মনা মশিং কয়ামরুমদা হীদাক্কী ওইবা অঙকপা মতীক কয়া য়াওই হায়বসি কোরোনা লাক্লবা মতুংদা খংলকই হায়না তাকপীরকই। পরিতোশনা ঐঙোন্দা হায়বীরকপা অসি ঐগী মন কী বাত্তা হায়রিবা ৱাফম অসি পনবীদুনা ইশাগী অকোইবদা লৈরিবা মনা মশিংগী মরমদা খংজিনবীয়ু অদুগা অতোপ্পাশিংদা মদুগী মরমদসু হায়বীয়ু হায়বনি। তশেংবদি মসি ঐখোয়গী মহৌশাদগী লৈরক্লবা মচাক মরল ঙাক্তনি, মসি ঐখোয়না য়োকখৎপীগদবনি। হীরম অসিদা মধ্য প্রদেশকী সতনা হায়বা মফম অদুদগী শ্রীমান রামলোতন কুশৱাহাজীনসু য়াম্না থাগৎনিংঙাই ওইবা থৌদাং অমা য়াবীরি।   রামলোতনজীনা মহাক্কী লৌবুক্তা লমদমদুগী ওইবা ম্যুজিয়ম অমা শেম্মী। হায়রিবা ম্যুজিয়ম অসিদা মহাক্না হীদাক লাংথক্কী পাম্বী অমদি মরু চা কয়া খোমজিন্দুনা থম্মী। মসি মহাক্না অনকপা অমদি অরাপ্পা মফম কয়াদগী লৌরুরগা থম্বনি। মসিগী মথক্তা মহাক্না চহি খুদিংগী মখল মথেল কয়ামরুমগী ইঞ্ছাং নাপী থাই। রামলোতনজীগী অসিগুম্বা ইংখোল লমদমদুগী ওইবা  ম্যুজিয়মদুবু য়েংবা মীওই কয়া লাকই, অদুগা মদুদগী মখোয়না তমজবা য়াবা কয়াসু তমখি। তশেংনমক মসি য়াম্না ফবা চাংয়েং অমনি। মসি লৈবাক্কী তোঙান তোঙানবা মফমশিংদা পাকথোকপা য়াই। মসিনা অদোমগী শেন্দান লম্বীগী অনৌবা পাম্বৈ অমা পীবা য়াই। অতোপ্পা কান্নবা অমনা লমদমদুগী হীদাক কান্নবা মনা মশিংগী খুত্থাদং অদোমগী মফম অদু মীপুম খুদিংমক্না মশক খংনরকপা য়াই।

ঐগী নুংশিজরবা ইরৈবাকচাশিং, ঙসিদগী নুমিৎ খরনিগী মতুংদা হায়বদি জুলাই ১দা ঐখোয় নেসনেল দোক্তর দে পাংথোক্লগনি। হায়রিবা নুমিৎ অসি লৈবাক অসিগী অথোইবা দোক্তর অমদি স্তেস্তমেন দা. বি.সি. রোয়গী মপোক কুমওন্দা কত্থোকচবনি। কোরোনাগী মতমসিদা ঐখোয় পুম্বা দোক্তরশিংনা য়াবীরিবা থৌদাংশিংগীদমক লমন তোল্লবনি। ঐখোয়গী দোক্তরশিংনা থৱাই খুবাক্তা হাপতুনা ঐখোয়গী সেবা তৌবীরিবনি। মরম অদুনা হন্দক্কী নেসনেল দোক্তর দে অসি অমুক্কসু হেন্না মরু ওইরিবনি।

মরূপশিং মেদিসিনগী তাইবংদা খ্বাইদগী হেন্না ইকাই খুম্ননিংঙাই ওইরিবশিংগী মনুংদা হিপোক্রেতস অমনা হায়:   

“হ্বেয়রিবর দি আর্ত ওফ মেদিসিন ইজ লব, দ্যর ইজ ওলসো এ লব ওফ হ্যুমেনিতী।”

হায়বদি আর্ত ওফ মেদিসিনদা নুংশিজরবিদি মীওই সমাজবুসু নুংশিজবা ঙমগনি”

দোক্তরশিংনসু অসিগুম্বা নুংশিবগী ৱাখলদুনা ঐখোয়গী শেবা তৌবা ঙম্লিবনি। মরম অদুনা ঐখোয়নসু অদুক্কী মতিক নুংশিনা মখোয়বু থাগৎপা অমসুং পুক্নিং থৌগৎপীবা হায়বসি ঐখোয়গী থৌদাংনি। তৌববুদি ঐখোয় লৈবাক অসিদা দোক্তরশিংগী মতেং পাংনবগীদমক মাংজিল থাদুনা চোংথোকপীরকপা মীওই কয়াবুসু লৈ। অসুম্না চোংথোকপীরকপশিংগী মনুংদা শ্রীনগরদগী তারিক অহমদ পতলু হায়বা মীওই অমনা দাল পাত্তা হীগী এম্বুলেন্স সর্ভিস হৌদোকখি। মহাক হাউসবোতকী মপুনি। মশামক কোবিদ-১৯গা লান্থেংনরবা মীওইনি। মসিনা মরম ওইরগা এম্বুলেন্স সর্ভিস হৌদোকখিবগী ইথিল অসি ফংখিবনি। মীয়াম্না এম্বুলেন্স অসিগী মতাংদা খংনবা কেম্পেন অমসু পাংথোক্নবা শেম শারে অদুগা এম্বেলেন্স অসিদগী লেপ্পা লৈতনা মীয়াম্না মাস্ক উপিনবা অমসুং তঙাইফদবা চেকশিন থৌরাংশিং লৌখৎপীনবা লাওথোক্লি।

মরূপশিং দোক্তর দেগা লোইননা জুলাই ১ অসি চার্তর একাউন্তেন্তস দে হায়নসু পাংথোক্নৈ। ঐহাক্না চহি খরগী মমাংদা ঐহাক্না গ্লোবেল লেভেল ইন্দিয়ন ওদিৎ ফর্মশিং খুদোল ওইনা লৈবাক অসিগী চার্তর একাউন্তেন্তসতগী নীজখিবনি। ঙসি মদি ঐহাক্না নৌহৌননা নিংশিংজরি। শেন্মীৎলোন্দা অমোৎপা লৈতনবা চার্তর একাউন্তেন্তসনা অফবা অমদি পোজিতিব ওইবা থৌদাং অমা লৌবা য়াই। ঐহাক্না চার্তর একাউন্তেন্ত পুক্নমক্কা লোইননা মখোয় মখোয় ইমুং মনুং পুম্বসু য়াইফ-পাউজেল পীজরি।

ঐগী নুংশিজরবা ইরৈবাকচাশিং, কোরোনাগী মায়োক্তা ভারতনা লান্থেংনরিবা অসিগী তোপ তোপ্পা মশক অমা লৈজৈ। লান্থেং অসিদা ভারতকী মীওই খুদিংমক্না মাগী মাগী ওইবা থৌদাং য়ারি। ঐহাক্না মন কী বাত্তা মসি তত্তনা পল্লিবনি। অদুবু মীওই খরনা মখোয়গী মরমদা কা-হেন্না খন্নদনবা হায়রকপা ফাওবা য়াওখ্রে। বেঙ্ক স্তাফ, ওজাশিং, পীক্না করবার তৌজবা নত্ত্রগা দুকান ফম্ব মীওইশিং, দুকান্দা থবক তৌবা মীওইশিং, পোৎফম ফম্বা, সিক্যুরিতী ৱাচমেন, পোস্তমেন অমসুং পোস্ত ওফিস্তা থবক তৌবা মীওই ওইগেরা তশেংবদি লিস্ত অসি য়াম্না শাংখ্রে…মীওই খুদিংমক্না মাগী মাগী থৌদাং লৌরি। তোঙান তোঙান লেভেলদা মশিং থীঙমদ্রবা মীওই কয়ানা সরকারগী অমসুং এদমিনিস্ত্রেসন্দা থৌদাং য়ারি।

মরূপশিং ভারত সরকারগী সেক্রেতরী ওইরম্বা গুরুপ্রশাদ মোহাপাত্রজীবু ময়াম্না খংনরমগনি।  ঙসিদি ঐহাক্না মন কী বাত অসিদা মহাক্কী মরমদা খজিক্তং পনজগে। গুরুপ্রসাদজী কোরোনানা নারুরে, হোস্পিতালদা এমিৎ তৌখি অদুগা মহাক্না মফম অদুমক্তদা মহাক্কী মথৌসু পাংথোকখি। মহাক্না লৈবাক অসিগী ওক্সিজেন পুথোকপা হেগৎনবা অমসুং অরাপ অরাপ্পা মফমশিংদা য়ৌহন্নবা অহিং নুংথিল খাক্তনা হোৎনখি। মাইকৈ অমরোমদা কোর্তকী থবক, মিদিয়াগী প্রেসর অমুক্তদা লান্থেং কয়া মায়োক্নবা তাখি অদুবু মহাক্না নারিঙৈ মনুংদা থবক লেপখিদে। মহাক্না ওক্সিজেন শিজিন্নদুনা লৈরিঙৈদা ভিদিও কনফরেন্স য়াওদনবা হায়রবসু নমদুনা য়াওখি। মসিনা মহাক্না লৈবাক অসিগীদমক কয়াম খনজবগে হায়বদি তাক্লি। মহাক্না হোস্পিতালগী ফমুংদা লৈজরবসু লৈবাক অসিগী মীয়ামদা ওক্সিজেন য়ৌহন্নবা শিল লাংবা লেপখিদে। মহাক্কুম্বা কর্মায়োগী অমা মাংজবা হায়বসি ঐখোয়গী লাইবক থীবনি; কোরোনানা মহাকপু ঐখোয়গী ইরক্তগী নমদুনা লৌশিনখিবনি। ঐখোয়না মখোয়গী মরমদা অমুক্তা খন্নদ্রিবা মীওই লিশিং কয়া লৈরি। মখোয় পুম্বগী মফমদা ইকাই খুম্নবা উৎচবা হায়বসি কোবিদকী প্রোতোকোল মপুংফানা ঙাকপা অমদি ভেক্সি শোইদনা কাপ্পা হায়বসিনা ওইগদৌরিবনি।

ঐগী নুংশিজরবা ইরৈবাকচাশিং, মন কী বাতকী খ্বাইদগী নুংঙাইবদি নখোয়না ঐঙোন্দগী হেন্না শরুক য়াবা অসিনি। মাইগোবতা চেন্নাইদগী আর.গুরুপ্রসাদজীনা ইবীরকপা পোস্ত অমা ঐহাক্না উজৈ। মহাক করি ইবগে হায়বদি খংবদা নখোয়সু অপেনবা পোক্কনি। মহাক্না মহাক অসি “মন কী বাতকী প্রোগ্রাম” চাং নাইনা তাবা মীশক অমনি হায়না ফোঙদোকপীরকই। গুরুপ্রসাদজীগী পোস্ত অদুদগী লাইন খরা ঐহাক্না লৌখৎচগে। মহাক্না ইবীরকই মদুদি - 

“অদোম্না তমিল নাদুগী মরমদা পনবা খুদিংগী ঐহাক্না পুক্নিং চংবা অশুম হেনগৎলকই। অদোম্না তমিল নাদুগী তমিল লোন অমসুং তমিল কলচরগী থোইদোক হেন্দোকপা, তমিল হরাও কুহ্মৈশিং অমসুং মরুওইবা মফমশিংগী মতাংদা খন্নবীখ্রে”।

গুরুপ্রসাদজীনা মখাতানা ইরম্মি মদুদি – “মন কী বাত্তা” অদোম্না তমিল নাদুগী মীয়ামগী মাই পাকখিবশিংগী মতাংদসু পনবীখ্রে। অদোম্না থিরুক্কুরলবু নুংশিজবা অমদি থিরুভল্লুভরজীবূ ইকাই খুম্নজবা অসিদা করিবু হায়গনি! মরম অদুনা অদোম্না “মন কী বাত্তা” তমিল নাদুগী মরমদা হায়বীরকপা পুম্নমক অদু খোমজিনজরগা ঐহাক্না ই-বুক অমা শেমজরে। মসিগী মতাংদা অদোম্না অদোম্না ৱাফম খরা থম্বীগদ্রা অদুগা নমো এপতা রিলিজ তৌবীগদ্রা? থাগৎচরি।    

‘গুরুপ্রসাদজীগী চিথীনি ঐহাক্না পাজরিবসি’।

গুরুপ্রসাদজী অদোমগী পোস্ত অসি পাবদা য়াম্না নুংঙাইবা ফাওজৈ। অদোমগী ই-বুক্তা অতোপ্পা পেজ অমগা হাপচিনবীরো-

নান তমিলকলা চারাকিন পেরিয়ে অভিমানি।

নান উলগতলয়ে পলমায়ান তমিল মিলিয়ন পেরিয়ে অভিমানি।

খোন্থোক্কী অশোইবদি লৈরম্বা য়াই অদুবু ঐহাক্না হোৎনবা অমদি নুংশিবদি কৈদৌনুংদা ময়েং তারোই। গুরুপ্রসাদজীদা ঐহাক্না হায়খিবগুম তমিল ঙাংদবা মীওইশিংদা ঐহাক্না করিগুম্বা খরা থমজগে -

‘ঐহাক তমিলগী নাৎপু য়াম্না খোইদাজবা মীশক্নি।

ঐহাক মালেমসিগী খ্বাইদগী লিরবা লোন ওইরিবা তমিলবু পামজবা মীশক্নি”।

মরূপশিং মালেমগী খ্বাইদগী লিরবা লোন অসি ঐখোয়গী লৈবাক্তগী ওইবনা ভারতমচা খুদিংমক্না চাওথোকচগদবনি। গুরুপ্রসাদজী অদোমগী হোৎনজমন অসিনা ঐঙোন্দা অনৌবা অশা অমা পীরে। ঐহাক্না ‘মন কী বাত’ পাংথোকপা খুদিংগী ঐহাক্কী পোইন্ত খুদিংমক য়াম্না চম্বা মওংদা ফোঙদোকই। মসি মদুগী শরুক অমনি হায়বা ফাওবা ঐহাক্না খংখিদে। অদোম্না ঐখোয়গী অরিবা ৱারী ৱাতাই খুদিংমক খোমজিনবীরিবা অদু ঐহাক্না অমুক্তা নত্তনা অনিরক পারে। গুরুপ্রসাদজী ঐহাক্না অদোমগী লাইরিক অসি শোইদনা নমো এপতা অপলোদ তৌজগনি। তুংগী খোংচৎকীদমক য়াইফ-মঙ্গল পীজরি।

ঐগী নুংশিজরবা ইরৈবাকচাশিং, ঙসিদি ঐখোয় কোরোনাগী অৱাবা অমদি মসিদগী চেকশিন্নবগী মতাংদা ৱাফম কয়া থমখ্রে অমদি লৈবাক অসিগী অমদি লৈবাক অসিগী মীয়ামগী মাই পাকপাশিংগী মতাংদসু পনজখ্রে। হৌজিক অমুক অচৌবা তাঞ্জা অমা অমুক য়ৌশিল্লক্লে। ওগস্ত ১৫ য়ৌশিল্লক্কদৌরে। নিংখাতম্বগী চহি ৭৫ শুবগী অম্রিত মহোতসব অসি ঐখোয়গীদমক্তদি য়াম্না মরুওইবা ঈথিল অমনি। নিংতম লান হায়বসি লৈবাক্কীদমক্তা থৱাইনা পোন্থা পীখিবা মীওইশিংগী ৱারীনি, নিংতম্লবা মতুংগী অসিগুম্লবা মতম অসি ঐখোয়না লৈবাক্কীদমক্তা হিংলিবা কাংবুগী ৱারী শেমগদবনি। ঐখোয়গী মন্ত্রদি – ইন্দিয়া ফর্স্তনি। ঐখোয়গী ৱারেপ খুদিংমক ঐখোয়গী য়ুম্ফম পুম্নমক – ইন্দিয়া ফর্স্ত ওইগদবনি!

মরূপশিং, অম্রিত মহোসব হায়বা অসিদা লৈবাক অসিগী অপুনবা পান্দম কয়া য়াওরি। খুদম ওইনা হায়রবদা ঐখোয়না ঐখোয়গী নিংতম লান্মীশিংবু নিংশিংদুনা মখোয়গা মরী লৈনবা পুৱারীশিংবু নৌহৌননা হিংগৎহনবনি। নিংশিংবীরম্বা য়াই মন কী বাত অমদা ঐহাক্না নহা ওইরিবশিংদা নিংতম লান্দা পুৱারী ইদুনা রিসর্চ তৌনবা আপীল তৌজখি। মসিগী পান্দমদি হৈথোই শিংথোইরবা নহাশিং নহাশিং থোকপিরক্তুনা নহাশিংগী অনৌবা ৱাখল্লোন পুথোকপীরকপা অনৌবা পাঙ্গলগা লোইননা ইবীরকপা হায়বসিনি। ঐহাক্না নুংঙাইজরিবদি থবক অসিগীদমক্তা তেল্লবা মতম অসিদা নহারোল লিশিং অনি চামঙা হেনবনা থোকপীরকই। পুক্নিং চিংশিন্নীঙাই ওইরবা ৱাফমদি ১৯ – ২০শুবা চহিচাগী লানগী ৱাফমদা ময়াম্না লান ওইনা চম্না খন্নরম্বা ৱাফমনি। অদুবু নুংঙাইরিবদি ২১শুবা চহিচা অসিগী মরূপশিংনা ১৯ অমদি ২০শুবা চহিচাগী নিংতম লানবু মীয়াম মাংদা থম্নবা থৌদাং লৌরি। মখোয় পুম্বনা হায়রিবশিং অসি মাইগোবতা থাবীরকই। হিন্দী, ইংলিশ, তমিল, কনারা, বেঙ্গলি, তেলুগু, মরাথী- মলায়ালম, গুজরাতীনচিংবা লৈবাক অসিগী তোঙান তোঙানবা লোন্দা নিংতম লানগী মরমদা ইগদৌরি। খরা অমনা নিংতম লানগী মতাংদা, খরা অমনা নিংতম লান থোকখিবা মফমশিংগী মতাংদা অদুগা কনাগুম্বা অমনা ত্রাইবেল নিংতম লান্মীশিংগী মতাংদা ইরি। ঐহাক্না ময়ামদা হায়জনিংবদি অম্রিত মহোসব অসিদা য়াওবা য়াবা মওং অমদা হেক্তা য়াওবীয়ু। ঐখোয়গী লাইবক ফবদি নিংতম্বগী ৭৫শুবা চহিগী কুহ্মৈ অসি হকথেংননা য়াওবা মীশক হায়বদু ওইগদৌরে। মরম অদুনা মথংগী মন কী বাতকী উনবদদি ঐখোয় অম্রিত মহোসবকী মতাং অমদি মদুগী থৌরাংগী মতাংদা ৱারী শান্নরগনি। ময়াম পুম্নমক হকচাংফনা লৈবীয়ু, কোরোনাগা মরী লৈনবা পথাপশিং ঙাক্না মাংলোমদা চৎপীয়ু লোইননা অনৌ অনৌবা থৌওং কয়াগা লোইননা লৈবাক অসিগী থৌনা হাপকৎপীয়ু। য়াইফ-পাউজেল অসিগা লোইননা পুম্নমকপু হন্না হন্না থাগৎচরি!

ঐহাক্কী নুংশিরবা লৈবাক মচাশিংবু খুরুমজরি। লৈবাক অসিনা মশাগী লৈজবী মপাঙ্গলগা লোয়ননা কোবিদ-১৯গা লান্থেংনরিবা অসি ঐখোয়না উরে। মসিনা হৌখিবা চহি ১০০গী মনুংদা খ্বাইদগী চাউবা লাইচৎ অমা ওইরি অমসুং মসিগী লাইচৎ মনুং অসিদা, ভারতনা মহৌশাগী ওইবা অমাঙ-অতা থোকপগী থৌদোক কয়াগা থৌনা ফনা থেংনরি। তাল্লক অসিদা, সাইক্লোন অমফা অমসুং নিসার্গ লাকখি, রাজ্য কয়াদা ঈশিং থুমখি, অকনবা অমসুং অতপ্পা য়ুহা কয়া হাখি অমসুং লৈবাক নীংখায়বগী থৌদোক কয়াসু থোকখি। লৈবাক অসিনা হন্দক্কী হৌখিবা নুমিৎ ১০নিদসু নোংচুপ থংবা সমুদ্র তোর্বান্দা সাইক্লোন তোক্তে অমসুং নোংপোক থংবা সমুদ্র তোর্বান্দা সাইক্লোন য়াস থেংনখি। সাইক্লোন অনি অসিনা রাজ্য কয়াদা অশোক-অপন কয়া নংহনখি। লৈবাক অমসুং লৈবাক মীয়াম্না হায়রিবশিং অসিগী মাইয়োক্তা মশাগী লৈজবী মপাঙ্গলগা লোয়ননা থেংনখি অমসুং পুন্সি য়াম্না মাঙহনবা থিংবা ঙমখি। হৌখিবা মতমগা চাংদম্নবদা, হৌজিক্তি মীওই মশিং য়াম্বগী পুন্সি কনবা ঙম্লে হায়বসি ঐখোয়না থেংনদুনা উবা ফংলে। অসিগুম্বা লুরবা অমসুং থোইদোক হেন্দোকপা ইরাং অসিগী মরক্তা, অশোক-অপন নংলবা রাজ্যশিংগী মীওই খুদিংমক্না মখোয়গী লৈজবী মথৌনা উৎখি অমসুং শিংনবা অসিগা খাঙবা কনবা অমসুং লিচৎ চুম্না থেংনখি। ঐহাক্না মীওই খুদিংমকপু থম্মোই শেংনা ইকায় খুম্নবগা লোয়ননা থাগৎপা ফোংদোক্নিংই। মীয়ামগী তেংবাংবা অমসুং কনবগী থবকশিংদা লুচিংলিবা মীওইশিংদা থাগৎপগী ঙমখৈ লৈরোই। ঐহাক্না মখোয়বু ইকায় খুম্নজরি। কেন্দ্র, রাজ্য সরকার অমসুং লোকেলগী লৈঙাক্লোইশিংনা খুদোংচাদবা অসিবু থেংননবা অমত্তা ওইনা থোক্লকখি। নুংশি-চানবা মীওইগী পুন্সি মাঙখ্রবা মীওইশিংগী অৱাবদা ঐহাক্না শরুক য়ারি। ঐখোয় পুম্নমক্না নুংঙাইত্রবা থৌদোক অসিনা অৱাবা নংহল্লবা মীওইশিংগীদমক্তা অমত্তা ওইনা লেপমিন্নসি।

ঐগী নুংশিরবা লৈবাক মচাশিং, শিংনবা অসিনা ওইরিবা চাউবগী চাং অসিগা ভারতনা মায়-পাক্কনি হায়না খনলিবা অমসুং মহাক্কী বিজয়-শঙ্কল্প অসিগা চপ মান্নৈ। মহাক্কী অপুনবা পাঙ্গল অমসুং সেবা তৌনিংবগী ইথিল অসিনা লৈবাক অসিবু খুদোংথীবা কয়াগী মরক্তগী মতম পুম্বদা কন্দুনা লাক্লি। হৌখিবা নুমিৎ কয়া অসিদা ঐখোয়গী দাক্তর, নর্স অমসুং ফ্রন্তলাইন ৱর্করশিংনা মশাগী খন্দনা অহিং-নুংথিল নাইদনা হোৎনরিবশিং অসি উরে অমসুং হৌজিকসু মদুমক হোৎনরি। হায়রিবশিং অসিগী মরক্তা, কোরোনাগী অনিশুবা ৱেভ অসিগী মাইয়োক্তা লান্থেংনরিবা অসিদা অচৌবা থৌদাং লৌবা মীওই কয়াসু য়াওরিবনি। মন কী বাত তাবা মীওই কয়া অমনা নমো এপ অমসুং চিথিগী খুত্থাংদা হায়রিবা লান্মীশিং অসিগী মতাংদা পনবীয়ু হায়না ঐহাক্কী ইফমদা হায়বীরকখি।

অহানবমক্তদা, অনিশুবা ৱেভনা লাকপা মতমদা, ওক্সীজেনগী অপাম্বা অসি খঙহেন হেনগৎলকখি অমসুং মসিনা য়াম্না চাউবা শিংনবা অমা ওইখি, লৈবাক্কী মনুং-হঞ্জীনবা মফমশিংদা ওক্সীজেন য়ৌহনবা অসি, তসেংনা, য়াম্না চাউবা থবক অমা ওইখি। করিগুম্বা ওক্সীজেন তেঙ্কর অমনা য়াম্না য়াঙনা চৎপা মতমদা, অশোইবা মচা অমা থোকপনা তেঙ্কর অসিবু য়াম্না চাউনা পোকখায়হনবগী ওইথোকপা লৈ। ইন্দস্ত্রীএল ওক্সীজেন পুথোকপা প্লান্ত কয়া অমদি লৈবাক অসিগী নোংচুপথংবা শরুক্তা লৈ, হায়রিবা মফমশিং অসিদগী ভারতকী অতোপ্পা মফমশিংদা ওক্সীজেন য়ৌহনবদা নুমিৎ য়াম্না চঙই। শিংনবা অসিবু থেংননবগীদমক্তা, ক্রাইওজেনিক তেঙ্কর থৌবা মীওই, ওক্সীজেন এক্সপ্রেস অমসুং এয়র ফোর্স পাইলোৎ কয়ানা লৈবাক্কী মতেং পাংখি, অসিগুম্বা মীওই কয়ানা থৌওং অসিদা খ্বাইদগী মরু ওইবা পীদুনা থবক তৌখি অমসুং মীওই লিশিং কয়া কয়াগী মপুন্সি কনখি। ঙসিগী মন কী বাত্তা য়াওরিবা মরুপ অমদি মখোয়গুম্বনি, য়ু.পি.গী জোনপুরদা লৈবা শ্রীমান দিনেশ উপাধ্যায়জী।

মোদীজী – দিনেশজীবু খুরুমজরি

দিনেশ উপাধ্যায়জী – সরজীবু খুরুমজরি

মোদীজী – অহানবমক্তদা, ঐহাক্না অদোম্না মীয়ামদা অদোমগী মরমদা খরা হায়হনজনীংই।

দিনেশজী – সর, ঐহাক্কী মিং দিনেশ বাবুলনাথ উপাধ্যায় কৌই। ঐহাক জোনপুর জিলাগী জামুৱা পোস্তকী হসনপুর খুঙ্গংদা লৈজৈ।

মোদীজী – অদোম অসি য়ু.পি.দগীনি !

দিনেশজী – হোয়, সর।

মোদীজী – য়াম্না ফরে।

দিনেশজী – অদুগা সর, ঐহাক্কী ইচানুপা অমা, ইচানুপী অনি অমসুং ঐহাক্কী লোয়নবী অমসুং ইমা-ইপাগা লৈমিন্নরি।

মোদীজী – অদোমদি করি হোৎনবীবগে?

দিনেশজী – সর, ঐহাক লিক্বিদ ওক্সীজেন পুবা তেঙ্কর থৌজৈ।

মোদীজী – অদোমগী অঙাংশিংদি মহৈ-মশিং নীংথিনা তম্লিবা নত্ত্রা?

দিনেশজী – হোয় সর, মখোয় মহৈ-মশিং তম্লি। ইচানুপী অনিমক অমসুং ইচানুপানা মহৈ-মশিং তম্লি।

মোদীজী – মখোয়গী ওনলাইনগী মহৈ-মশিং নীংথিনা চত্থরিবা নত্ত্রা?

দিনেশজী – হোয় সর, মখোয়না নীংথিনা চত্থরি। হৌজিক-হৌজিকসু, ঐহাক্কী ইচানুপীনা ওনলাইন্দা মহৈ তম্লি। সর, ঐহাক্না চহি ১৫-১৭তগী ওক্সীজেন তেঙ্কর থৌরক্লি।

মোদীজী – ফরে, অদুদি অদোম্না চহি ১৫-১৭তগী ওক্সীজেন পুথোক-পুশিন তৌদুনা লাক্লি। অদুদি, অদোম অসি শুপ্নগী ত্রক থৌবা মীওই নত্তে। অদোম্না, তোঙানবা মওং অমদা, মীওই লাখ কয়াগী পুন্সি কনবগী শরুক অমা ওইরি।

দিনেশজী – সর, ঐখোয়গী থবক অসি মদুমক্নি। সর, ঐখোয়গী ওক্সীজেন তেঙ্করগী কম্পেনী, আইনোক্স কম্পেনীনা ঐখোয়বু নীংথিজনা য়েংশিনবী। অদুগা, ঐখোয়না ওক্সীজেন পীবা ঙম্বা খুদিংগী, ইশাদা য়াম্না নুংঙাইবা ফাওজৈ।

মোদীজী – অদুবু, হৌজিক্কী কোরোনাগী মতম অসিদা, অদোমগী থৌদাং য়াম্না হেনগৎলে।

দিনেশজী – হোয় সর, য়াম্না হেনগৎলে।

মোদীজী – অদোমগী ত্রক্কী ফমফমদা ফম্বা মতমদা, অদোমগী ৱাখলদা করি ফাওবগে? হান্নগী মতমগা চাংদম্নবদা করি অনৌবা ফাওবগে? ৱাখল ৱাবা অমসুং পাখৎপদি য়াম্না ফাওরমগনি। ইমুং মনুংগী খনবা, কোরোনাগী ফীভম, মীয়ামদগী লাকপা প্রেসর, ওক্সীজেনগী অপাম্বা লৈবা! করি থোক্লি হায়বা ময়াম অমা!

দিনেশজী – সর, মদুনা ঐখোয়দা থোইদোক্না ৱাহন্দে। ঐখোয়গী ওইনদি, ঐখোয়না ইশাগী থৌদাং পাংথোকপনি। করিগুম্বা, ঐখোয়না মতম চানা পীবা ঙম্বনা, মীওই অমগী পুন্সি কনবা ঙম্লবদি, মদুদা ঐখোয়না য়াম্না নুংঙাইবা পোকচৈ।

মোদীজী – অদোম্না ইশাগী ৱাখল্লোন নীংথিজনা ফোংদোক্লি। ফরে, ঙসিগী লাইচৎকী মতম অসিদা, মীয়াম্না অদোমগী থবক্কী মরু-ওইবা খঙলে, হান্নদি খঙলম্বা নত্তে, মসিদা মখোয়না অদোম অমসুং অদোমগী থবক্তা য়েংবা মিৎয়েংদা অহোঙবা লাকপরা হায়বসি ঐখোয়দা অমুক্তা হায়বীয়ু।

দিনেশজী – হোয় সর। হান্নদি, ঐখোয়গুম্বা ওক্সীজেন পুদুনা গারি থৌবশিং অসি মফম অমদা নত্ত্রগা অমদা, ত্রাফিক জামদা য়াম্না পনলম্মি। অদুবু, হৌজিক্কী মতম অসিদদি, লৈঙাক্লোইশিংনা য়াম্না তেংবাংলে। ঐখোয়না চৎপা মতম খুদিংদা, ঐখোয়না পন্থুংফমদা কয়াম থুনা য়ৌবা ঙমগদৌরিবনো অমসুং মীওই অমগী পুন্সি কনবা ঙমগদৌরিবনো হায়বগী ইশা মনুংদা লাংতক্নবা ফাওজৈ। ঐখোয়না চাবা চাদবা, খুদোংচাদবা থেংনবা থেংনদবা, তেঙ্করগা লোয়ননা হোস্পিতালদা য়ৌবা মতমদা, হোস্পিতালদা মশাগী ইমুং-মনুংগী মীওইশিং লৈবশিংনা ঐখোয়দা “ভি.”গী খুদম উত্তুনা য়েংলকপা য়াম্না থেংনৈ।

মোদীজী – ফরে, মখোয়গী “ভি.”গী খুদম অসি মায়-পাকপগী খুদম্নি।

দিনেশজী – হোয় সর। মীওই খরনা “ভি.” উৎলি, খরনা খুবী উৎলি। মসিদা ঐখোয়না পুন্সিদা অফবা থবক অমা তৌরুবদগী অসিগুম্বা সেবা পীবা ঙম্বগী খুদোংচাবা ফংজরিবনি হায়না ঐখোয়দা য়াম্না পেঞ্জবা ফাওজৈ।

মোদীজী – অদোমগী অৱাবা খুদিংমক মাঙলমগনি!

দিনেশজী – হোয়...হোয় সর।

মোদীজী – অদুদি, অদোম্না য়ুমদা হনবা মতমদা ইচাশিংদা মসিগী মতাংদা তম্বরা?

দিনেশজী – তমদে সর। ঐহাক্কী ইচাশিংদি খুঙ্গংদা লৈবনি। ঐহাক্না আইনোক্স এয়র প্রদক্সতা গারি থৌবা ওইনা লৈবনি। ঐহাক্তি থা ৮-৯গী মতুংদা য়ুম হনগনি।

মোদীজী – অদুদি, অদোম্না ইচাশিংগা করিগুম্বা মতমদা ফোন্দা ৱারী শারে!

দিনেশজী – হোয় সর। তত্তনা শাজৈ।

মোদীজী – অদুদি, মখোয়না মখোয়গী মপাবুংসু অসিগুম্বা মতম অসিদা মশাবু চেকশিনগদবনি হায়না খল্লমগনি!

দিনেশজী – সর, মখোয়না অসুম্না হায়, “পাপা, থবক তৌ...অদুবু ইশা চেকশিল্লগা তৌ”। অমসুং, ঐখোয়সু চেকশিন্না থবক তৌই। মানগাওদসু ঐখোয়গী প্লান্ত অমা লৈ। আইনোক্সনা ঐখোয়গী য়াম্না তেংবাংবী।

মোদীজী –ফরে। দিনেশজী, অদোমগী ৱারী তাবদা য়াম্না নুংঙাই। অমসুং, কোরোনাগা লান্থেংননবা মীয়াম্না মতৌ করম্না থবক তৌবগে হায়বা লৈবাক মীয়াম্না খঙনরগনি। অতোপ্পা মীওইগী পুন্সি কন্নবগীদমক্তা, অদোম্না ইশাগী ইমুং-মনুংগা থা ৯ উন্নবা ফংদ্রি। লৈবাক্না মসি তাবা মতমদা, মহাক্না লান অসি মায় পাকপা ঙম্লগনি হায়বগী চাউথোকচবা পোক্লগনি, মরমদি দিনেশ উপাধ্যায়জীগুম্বা মীওই লাখ কয়া অমনা থবক অমত্তা চিত্থদনা খাঙবা কনবগা লোয়ননা হোৎনরি!

দিনেশজী –সর, নোংমা নত্ত্রগা নোংমদি, ঐখোয়না কোরোনাবু শোইদনা মাইথীবা পীগনি!

মোদীজী – ফরে দিনেশজী, অদোমগী ৱাখল্লোন অসিনা লৈবাক্কী মপাঙ্গলনি। দিনেশজীবু য়াম্না থাগৎচরি। অদোমগী ইচাশিংদা ঐহাক্কী পাউজেল অসি তম্বীয়ু।

দিনেশজী –তমজগনি সর। খুরুমজরি।

মোদীজী –অদোম্বু থাগৎচরি।

দিনেশজী –প্রনাম, প্রনাম।

মোদীজী –অদোম্বু থাগৎচরি।

মরুপশিং, দিনেশজীনা হায়বগুম্না, তেঙ্কর থৌবা মীওই অমনা ওক্সীজেনগা লোয়ননা হোস্পিতালদা য়ৌবা মতমদা, মহাকপু লাইনা থাবীরকপা পাউজেল পুবা মীওই অমগুম্না খল্লি হায়বসি তসেংবনি। অসিগুম্বা থবক অসিগা লোইনরিবা থৌদাংগী পাক-চাউবা অমসুং মসিনা মীওই অদুদা লৈহনবা লাংতক্নবগী চাং অসি ঐখোয়না খঙবা ঙম্লে।

মরুপশিং, হৌজিক্কী ইরাং অসিগী মরক্তা, ওক্সীজেন পুথোক-পুশিনা তৌবদা তেংবাংবা ওইনা, রেলৱেসু মাং থানা চোংথোরক্লি। ওক্সীজেন তেঙ্করশিংনা শোরোক্তা ওক্সীজেন পুবগী চাংদগী হেন্না থুনা-য়াঙনা ওক্সীজেন এক্সপ্রেস, ওক্সীজেন রেলনা লৈবাক শিনবা থুংবগী মফমশিংদা ওক্সীজেন মশিং য়াম্না য়ৌহল্লি। ওক্সীজেন এক্সপ্রেস অসি নুপী খক্তনা চলায়বনি হায়বা তাবদা ইমা অমসুং ইচে-ইচলশিংনা চাউথোকচবা ফাওগনি। লৈবাক্কী নুপী খুদিংনা মসিগীদমক্তা চাউথোকচবা ফাওনরি। মসিদা নত্তনা, ভারত মচা খুদিংনসু চাউথোকচগনি। ঐহাক্না ওক্সীজেন এক্সপ্রেসকী লোকো পাইলোৎ, শিরিশা গজনীবু মন কী বাত্তা কৌজরি।

মোদীজী- শিরিশাজী নমস্তে!

শিরিশা- নমস্তে সর! অদোম কমদৌবীরিবগে?

মোদীজী- শিরিশাজী, ঐহাক য়াম্না নুংঙাইজরি। অদোম্না রেলৱে পাইলোৎ ওইনা থৌ পুবীরি অমসুং অদোমগী নুপী ঙাক্তগী কাঙবুনা মসিগী ওক্সীজেন এক্সপ্রেস অসি চলায়রি হায়বা ঐহাক্না তারে। শিরিশাজী, অদোম্না য়াম্না অফবা থবক অমা তৌরি। কোরোনাগী মতম অসিদা, অদোমগুম্বা নুপীশিংনা লৈবাক অসিদা কোরোনাগা লান্থেংনবদা পাঙ্গল হাপ্নবা থোক্লক্লি। অদোম ইশামকসু, নুপীগী পাঙ্গলগী চাউরবা খুদম অমনি। অসিগুম্বা ইথিল অসি অদোম্না কদায়দগী ফংবগে হায়বসি লৈবাক খুদিংনা খঙনীংই।

শিরিশা- সর, ঐহাক্কী ইথিলদি ঐহাক্কী ইপা অমসুং ইমানি। ঐহাক্কী ইপাদি সরকারগী থবক তৌই। সর, ঐহাক্কী ইচে অনি লৈ। ঐখোয় নুপী অহুম্নি, অদুবু ঐখোয়গী ইপানা ঐখোয়বু থবক তৌ হায়না পুক্নিং থৌগৎলি। ঐহাক্কী ইচে অহলনা বেঙ্কতা সরকারগী থবক তৌরি অদুগা ঐহাক্না রেলৱেদা লৈরে। ঐহাক্কী ইমা-ইপানা পুক্নিং য়াম্না থৌগৎপী।

মোদীজী- ফরে শিরিশাজী, অদোম্না হান্নগী মতমদসু রেলৱেদা থবক তৌই। অদোম্না ত্রেন কয়া চাং নাইনা থৌদুনা লাক্লি অদুবু, ওক্সীজেনগী অপাম্বা য়াম্না লৈরকপা মতমদা অদোম্না ওক্সীজেন পুথোক-পুশিন তৌরি, মসিগী থবক অসিদি থৌদাং য়াম্না চাউবা থবক ওইরমগনি, হান্নদগী হেন্না চেকশিন্দবা য়ারম্লোই। অতোপ্পা মহৌশাগী পোত্থোক পুবা অসি তোঙানবনি, ওক্সীজেন হায়বসিদি য়াম্না চেকশিন্দবা য়াদবনি। মসিদা অদোম্না করি থেংনবগে?

শিরিশা- থবক অসি তৌবদা ঐহাক্না য়াম্না নুংঙাইজৈ। ওক্সীজেনগী অখন্নবা মতমদা ঐহাক্না তেক্ত-কায়দবা, ফোর্মেসন অমসুং য়ুবা-য়ুদবগী মতাংদা হীরম খুদিংমক য়েংশিল্লি। মথংদা, ইন্দিয়ন রেলৱেজসু য়াম্না তেংবাংই। মসিগী ওক্সীজেন অসি পুদুনা থৌনবা ঐঙোন্দা গ্রীন পাথ পীরে, ঐহাক্না ত্রেন অসি থৌবদা পুং অমগা মখায়গগী মনুংদা কিলোমীতর ১২৫ য়ৌবা ঙমখি। রেলৱেনা মসিগী থৌদাং অসি লৌখি অমসুং ঐহাক্না ইশাগী থৌদাংসু য়াখি।

মোদীজী- য়াম্না ফরে, শিরিশাজীবু ঐহাক্না থাগৎচরি অমসুং মশাগী মচানুপী অহুম্বু পুক্নিং থৌগত্তুনা অফবা ইথিল পীরিবা অদোমগী ইমা-ইপাগী মফমদা ঐহাক্কী য়াইফ পাউজেল অসি তম্বীয়ু। ঐহাক্না অসিগুম্বা মমা-মপাগী মফমদা ইকায় খুম্নবা উৎচরি অমসুং অসিগুম্বা ইথিল উৎপগা লোয়ননা লৈবাকপু সেবা তৌরিবা অদোমগী ইচেশিংদসু পাউজেল অসি তম্বীয়ু। শিরিশাজীবু য়াম্না থাগৎচরি।

শিরিশা – সরবু থাগৎচরি। ঐহাক্না সরগী য়াইফ-থৌজাল পামজৈ।

মোদীজী- খ্বাইদগী অঙম্বা মপুনা অদোম্বু মতম পুম্বদা থৌজানবা ওইরসনু, ইমা-ইপানসু থৌজানবীবা ওইরসনু। অদোম্বু থাগৎচরি।

শিরিশা- সরবু থাগৎচরি।

মরুপশিং, ঐখোয়না হৌজিক শিরিশাজীগী ৱারোল তাখ্রে। মহাক্কী থৌওংশিংনা ঐখোয়দা ইথিল পীরি, ঐখোয়গী ৱাখল নুংঙাইহল্লি। তসেংবদি, লান অসি য়াম্না চাউরি অমসুং রেলৱেজনা হোৎনরিবা অসিগুম্না লৈবাক অসিনা ঈশিং, কংফাল অমসুং নোংথক্তা থবক তৌরি। এয়র ফোর্সকী প্লেনশিংনা নাকল অমদা অহাঙবা তেঙ্করশিংবু ওক্সীজেন প্লান্তশিংদা নোংথক্তা পুরি অমসুং অনৌবা ওক্সীজেন প্লান্ত শাবগী থবকশিংসু নাকল অমদা লোইশিল্লি। মসিগা লোয়ননা, মীরমদগী পুরকপা ওক্সীজেন, ওক্সীজেন কন্সেন্ত্রেতর অমসুং ক্রাইওজেনিক তেঙ্কর কয়া অমসু লৈবাক শিনবা থুংবদা য়ৌহল্লি। মরম অদুনা, মসিগী থবক অসিদা নেভী, এয়র ফোর্স, আর্মী অমসুং দি.আর.দি.ও.গুম্বা ইন্সতিত্যুসন কয়া অমসু থবক অসিদা য়াওরি। ঐখোয়গী সাইন্তিস্ত, ইন্দস্ত্রীগী অখঙ-অহৈ অমসুং তেক্নিসিয়ন কয়া অমসু ৱার ফুতিংদা থবক তৌরি। লৈবাক মীয়াম খুদিংমক্না মখোয়গী থবক্কী মতাংদা নীংথিজনা খঙনীংই। মরম অদুনা, এয়র ফোর্সকী গ্রুপ কেপ্তেন, পত্নাইকজীসু ঐখোয়গী নাক্তা লাকপীরি।

মোদীজী- পত্নাইকজী, জয় হিন্দ!

গ্রুপ কেপ্তেন - জয় হিন্দ, সর। ঐহাক এয়র ফোর্স স্তেসন হিন্দোন্দগী ৱা ঙাংলিবা গ্রুপ কেপ্তেন, এ.কে. পত্নাইকনি।

মোদীজী- পত্নাইকজী, কোরোনাগী লাইয়োক্তা থেংনরিবা লান অসিদা অদোম্না অচৌবা থৌদাং য়ারি। মালেম শিনবা থুংনা চত্তুনা তেঙ্কর পুরক্তুনা মফম অসিদা তেঙ্কর অমুক পীবিরি। অদোম্না লান্মী অমা ওইনা তোঙানবা মখলগী থবক তৌবগী মতাংদা ঐহাক্না খঙজনীংই। লান থেংনবা মতমদা মীওই অমনা কোইচৎ চৎলি, অদোম্না মীওইবগী পুন্সি কন্নবা কোইচৎ চৎলি। মসিদা অদোম্না করি ফাওবীবগে?

গ্রুপ কেপ্তেন – সর, অসিগুম্বা তাঞ্জা অসিদা লৈবাক্কী সেবা তৌবা ফংবা অসি য়াম্না লাইবক ফবনি। অদুগা ঐখোয়দা শিন্নরক্লিবা মিসনশিং অসিসু ঐখোয়না মায়-পাক্না পাংথোকপা ঙম্লি। ঐখোয়না ফংখিবা ত্রেনিং অমসুং তেংবাংবগী সেবাশিংনা ঐখোয়দা মপুং ফানা তেংবাংদুনা ঐখোয়না খ্বাইদগী ফবা থবক তৌবা ঙমজরি। সর, ঐখোয়না তৌজরিবা থবক অসিদগী ফংজরিবা নুংঙাইবগী চাং অসি অৱাংবা থাক্কীনি। মসিনা মরম ওইরগা, ঐখোয়না ওপরেসন কয়া লেপ্তনা চত্থবা ঙম্লিবনি।

মোদীজী- কেপ্তেন, অদোম্না তৌরিবা থবক ময়াম অসি অতেনবা মতমদা পাংথোকপা ঙাক্তনি, মসিনা হৌখিবা নুমিৎ খরনি অসিদা অদোম্বু কদায়দা পুবগে?

গ্রুপ কেপ্তেন – সর, মমাংগী থা অমদগী, ঐখোয়না ওক্সীজেন তেঙ্কর অমসুং লিক্বিদ ওক্সীজেন কন্তেনর কয়া লৈবাক মনুং অমসুং মীরমগী মফম কয়াদগী লেপ্তনা নোংথক্তা পুরি। সর, এয়র ফোর্সনা অতেনবা খোঙচৎ ১৬০০ অমসুং ঐখোয়না পুং ৩০০০ হেন্না পাইখ্রে। ঐখোয়না মালেমগী ওইবা মিসন চাউরাক্না ১৬০ লোইশিনবা ঙমখ্রে অমসুং মসিনা মরম ওইদুনা, লৈবাক্কী মফম অমদগী অতোপ্পা মফম খুদিংদা ওক্সীজেন তেঙ্কর পুবদা হান্না নুমিৎ ২-৩ চঙলম্বা অদু, হৌজিক্তি ঐখোয়না মফমশিং অসিদা পুং ২-৩দা য়ৌহনবা ঙম্লে অমসুং মালেমগী মিসনগী ওইনদি, পুংফম খুদিংদা থবক তৌদুনা, পুং ২৪গী মনুংদা মায়-পাক্না থবক লোইশিনবা ঙম্লে। তেঙ্কর মশিং খ্বাইদগী য়াম্না লৈবাক অসিদা খ্বাইদগী থুনা পুরকপা ঙম্নবগীদমক্তা অপুনবা এয়র ফোর্সনা থবক অসিদা মাই ওনশিল্লি।

মোদীজী- কেপ্তেন, মালেমগী করম্বা মফম খুদিংদা অদোম্না চৎপা তাখিবগে?

গ্রুপ কেপ্তেন – সর, ঐখোয়দা খুদক্তা খঙহল্লকখিবদা সিঙ্গাপোর, দুবাই, বেলজিয়ম, জর্মনী অমসুং য়ু.কে.। সর, মফমশিং অসিদা আই.এল.-৭৬, সি.-১৭ অমসুং অতোপ্পা প্লেনশিংগী ইন্দিয়ন এয়র ফোর্সকী তোঙান-তোঙানবা ফ্লীৎশিংনা চৎখি অমসুং সি.-১৩০না অতেনবা মতমদা থৌরাং য়াত্তুনা চৎখি। সর, ঐখোয়না ফংখিবা ত্রেনিং অমসুং থৌনাগী মরম্না, ঐখোয়না মসিগী মিসনশিং অসি মতম চানা লোইশিনবা ঙমখি।

মোদীজী- হন্দক্কী মতাং অসিদা লৈবাক অসিনা য়াম্না চাউথোকচরি অমসুং ঈশিং, কংফাল নত্ত্রগা নোংথক্তা ওইরো, ঐখোয়গী লান্মীশিংনা কোরোনাগা মাইয়োক্নদুনা লান্থেংনবদা শরুক য়ারি অমসুং কেপ্তেন, অদোম্না চাউরবা থৌদাং অমা পাংথোক্লে অমসুং অদোম্বু য়াম্না থাগৎলি।

গ্রুপ কেপ্তেন – সরবুসু য়াম্না থাগৎচরি। ঐখোয়না ঐখোয়গী খ্বাইদগী অঙম্বা অমসুং অফবা থবক পাংথোক্নবা হোৎনরি। সর, ঐহাক্কী ইচানুপী অদিতীসু ঐহাক্কী নাক্তা লৈরি, সর।

মোদীজী- মদুদি য়াম্না ফবনি !

অদিতী – নমস্তে, মোদীজী।

মোদীজী- নমস্তে, ইচানুপী। অদোমগী চহি কয়া শুরগে?

অদিতী – সর, ঐহাক চহি ১২ শুরে অমসুং ক্লাস ৮দা তম্লি।

মোদীজী- অদোমগী ইপাবুংসু য়ুনিফোর্ম শেৎপা মীওইনিকো!

অদিতী – হোয়, ঐহাক্না মহাক্কীদমক্তা য়াম্না চাউথোকচৈ। মহাক্না অসিগুম্বা মরু ওইবা থবক কয়া পাংথোকপা, কোরোনানা নারবা মীওই কয়াবু তেংবাংবা অমসুং লৈবাক ময়াম অমদগী ওক্সীজেন তেঙ্কর অমসুং কন্তেনর পুরকপগীদমক্তা ঐহাক্না য়াম্না চাউথোকচৈ।

মোদীজী- অদুবু, মচানুপীনা মপাবুদি য়াম্না উনীংলমগনি, উনীংদবরনে?

অদিতী – হোয়, য়াম্না উনীংই। হৌজিক্কান অসিদি, মহাক্তি ইন্তর্নেস্নেল ফ্লাইৎ কয়া অমদা চত্থোক্তুনা কন্তেনর অমসুং তেঙ্কর কয়া অমা প্রদক্সন প্লান্তশিংদা পীদুনা কোরোনা নাবা মীওইশিংনা মতম চানা ওক্সীজেন ফংদুনা মীওই কয়াগী পুন্সি কনবা ঙম্নবগীদমক্তা চত্থোকপনিনা য়ুমদা লৈবা ফংদ্রে।

মোদীজী- অদুদি ইচানুপী, ওক্সীজেনগী খুত্থাংদা মীওই কয়া অমগী পুন্সি কন্নবা মহাক্না পাংথোক্লিবা থবক অসি লৈবাক অসিগী ইমুং খুদিংগী মীওইনদি খঙনরে।

অদিতী – হোয়।

মোদীজী - অদোমগী মরুপ, মহৈ তম্মিন্নবা মহৈরোইশিংনা অদোমগী ইপানা ওক্সীজেনগী তেংবাংগী থবক তৌই খঙবা মতমদা অদোম্বুসু য়াম্না ইকায় খুম্নরমগনি?

অদিতী – হোয়, ঐহাক্কী মরুপশিংনা ঐহাক্কী ইপাদি য়াম্না মরু ওইবা থবক অমা তৌরি অমসুং ঐহাক্না মসিদা য়াম্না চাউথোকচরমগনি হায়রকপা মতমদা ঐহাক, ঐহাক্কী ইমুং-মনুং, ইমারোমগী ইপু-ইবোক, ইপারোমগী ইপু-ইবোক খুদিংমক য়াম্না চাউথোকচৈ। অহিং-নুংথিল থবক তৌরিবা ঐহাক্কী ইমা, মহাক্কী দাক্তর মরুপশিং, আর্ম্দ ফোর্স খুদিংমক, ঐহাক্কী ইপাগী স্ক্বাদ্রোন্দা লৈবা ইখুরা অমসুং মহাক্কী ফোর্স, মীয়াম খুদিং অমসুং আর্মী কয়ানা থবক য়াম্না তৌরি অমসুং মীয়াম্না হোৎনরিবা কয়া অসিনা মরম ওইরগা কোরোনাগী মাইয়োক্তা থেংনরিবা লানফম অসিদা ঐখোয়না শোইদনা মায়-পাক্কনি হায়বগী ঐহাক্না অচেৎপা থাজবা লৈ।

মোদীজী – ঐখোয়গী লম অসিদা মচানুপী অমনা ৱা ঙাংলকপদা, সরস্বতী লাইরেম্বীনা মহাক্কী ৱারোলদা তোংই হায়নৈ অমসুং অদিতীনা ঐখোয়না শোইদনা মায়-পাক্কনি হায়রিবা অসি মওং অমদা ইশ্বরগী খোঞ্জেল ওইরবনি। ফরে অদিতী, হৌজিক্তি অদোম্না ওনলাইন্দা মহৈ তম্লমগনি?

অদিতী – হোয়, হৌজিক্তি ঐখোয়গী ক্লাস খুদিংমক ওনলাইন্দা তৌরে অমসুং হৌজিক্কান্দি, ঐখোয়না য়ুমদসু য়াম্না অকনবা চেকশিন থৌরাং লৌরি। কনাগুম্বা অমনা মপান থোক্লবদি, মহাক অসি ফেস মাস্ক মরোল অনি উপকদবনি অমসুং অতোপ্পা মরী লৈনবা খুদিংমক ইন্দুনা চৎলি। ঐখোয়না চেকশিন থৌরাং অমসুং ইশাগী হাইজীন খুদিংমক পাংথোক্লি। ঐখোয়না হীরম খুদিংগী মরী লৈনবা চেকশিন থৌরাং লৌখৎলি।

মোদীজী – য়াম্না ফৈ, ইচানুপীগী হোবীশিংদি করিনো? অদোম্না করি করি পাম্বগে?

অদিতী – ঐহাক্কী হোবীদি ইরোইবা অমসুং বাস্কেৎবোলনি, অদুবু হৌজিক্কান্দি লেপ্লে। হন্দক্কী লোকদাউন অমসুং কোরোনাগী মনুং অসিদা ঐহাক্না চাক থোংবা অমসুং বেকিং তৌবা য়াম্না পাম্লক্লি। ঐহাক্কী ইপাগী চাক থোংই অমসুং মহাক্না থবক্তগী ৱানা হল্লকপা মতমদা ঐহাক্না মহাক্কীদমক্তা কেক অমসুং কুকী শাবী।

মোদীজী – ৱাহ! মদুদি য়াম্না ফবনি। ফরে অদুদি, শাংলবা মতমগী মতুংদা, অদোম্না ইপাগা মতম লেনমিন্নবা ফংলে অমসুং তাবদা য়াম্না নুংঙাই অমসুং ঐহাক্না কেপ্তেনবু থাগৎচরি। ঐহাক্না কেপ্তেন্দা থাগৎপা অসিদা অদোমগী ইপা খক্তা নত্তে, ঐহাক্না হায়রিবা অসি ঐখোয়গী ফোর্স খুদিংমক – নেভী, এয়র ফোর্স অমসুং আর্মী খুদিংদনি। অমসুং মখোয়না অমত্তা ওইনা তেংবাংনদুনা থবক তৌরিবা অসিবু ইকায় খুম্নবা উৎচরি! ইচিল ইনাওশিংবু ঐহাক্না থাগৎচরি।

গ্রুপ কেপ্তেন – সরবু থাগৎচরি।

পি.এম. মোদী – মরুপশিং, লৈবাক্না ঐখোয়গী অসিগুম্লবা লান্মীশিংদা মখোয়না পাংথোক্লিবা থবকশিংগীদমক্তা ইকায় খুম্নবা উৎলি। মান্নবা অমা ওইনা, মীওই মিলিয়ন কয়া অমসু অহিং-নুংথিল নাইদনা থবক তৌরি। মখোয়না পাংথোক্লিবশিং অসি মখোয়গী মহৌশাগী পুন্সিগী থবক্কী শরুক নত্তে। অসিগুম্লবা খুদোংথীবা অসিনা মালেম অসিদা চহি ১০০গী মনুংদা চৈথেং পীরি। ঐখোয়না অসিগুম্বা চৈথেং অসি চহি ১০০গী মতুংদা থেংনরিবনি, মরম অদুনা, মীওই কনা মত্তনা অসিগুম্বা থবক অসিগা থেংনবগী লৌশিং লৈতে। পুম্নমক অসিগী মরুমদা, সেবা তৌনীংবগী ইথিল অমসুং ৱারোইশিন পুরকপা ঙম্বগী পাঙ্গলদি লৈরি। মরম অদুনা লৈবাক অসিনা হান্না পাংথোকখিদ্রিবা থবক পাংথোকপা ঙম্লিবনি। অদোম্না হেন্না খঙলবনি, মদুদি ঐখোয়না মহৌশাগী মতমদা, নোংমদা লিক্বিদ মেদিকেল ওক্সীজেন মেত্রিক তোন ৯০০ পুথোক্লম্মি। হৌজিক্তি, ঐখোয়না মদুগী শরুক ১০ হেন্না পুথোকপা ঙমদুনা নোংমদা চাউরাকপা মেত্রিক তোন ৯৫০০ পুথোকপা ঙম্লে। ঐখোয়গী লান্মীশিংনা হায়রিবা ওক্সীজেন অসি লৈবাক্কী কাচিন-কোয়া খুদিংদা য়ৌহল্লি।

ঐহাক্কী নুংশিরবা লৈবাকমচাশিং, ওক্সীজেন য়েন্থোকপা অমসুং মীয়ামদা পীনবগীদমক্তা লৈবাক অসিদা থৌরাং কয়া অমা হোৎনখি অমসুং মীওই কয়া অমনা নাগ্রিক অমা ওইনা অমত্তা ওইখিবা থৌওংশিং অসিনা অদোমগী ইথিল পীরি। মীওই খুদিংনা কাঙবু অমা ওইনা মশাগী থৌদাং য়াখি। বেঙ্গালুরুদগী উর্মিলাজীনা মহাক্কী লেব তেক্নিসিয়ন ওইবা মপুরোইবনা শিংনবা কয়া থেংনদুনা তেস্ত তৌবগী থবক চত্থদুনা লাক্লি হায়না ঐহাক্কী ইফমদা পাউদম্লকখি।

মরুপশিং, কোরোনা হৌরকপা মতমদা, লৈবাক অসিদা তেস্ত তৌনবা লেব অমখক লৈরম্মি, অদুবু ঙসিদি, লেব লিশিং অনি মখায় হেন্না লৈদুনা মথৌ তৌরি। অহানবা মতমদা, নোংমদা তেস্ত ১০০গা খরা খক্তা তৌবা ঙম্লম্মি অদুবু ঙসিদি নোংমদা লাখ ২০ হেন্না তেস্ত তৌবা ঙম্লে। হৌজিক ফাওবগী ওইনা, লৈবাক অসিদা সেম্পল করোর ৩৩ হেন্না তেস্ত তৌখ্রে। মসিগী চাউরবা মায়-পাকপা অসি ঐহাক্না পনখ্রিবা মীওইশিং অসিগী মরমদগী ওইথোকপা ঙম্লিবনি। সেম্পল খোম্বগী থবক পাংথোকপা মশিং থিঙমদ্রবা ফ্রন্তলাইন ৱর্কর কয়া লৈরি, অনাবা মরক্তা চঙদুনা মখোয়দগী সেম্পল লৌবা অসিবু য়াম্না মথৌ তাবা সেবা অমনি। মখোয়গী মশা ঙাকথোকচনবগীদমক্তা, মখোয়না শারবা মতম অসিদা পি.পি.ই. লেপ্তনা লিৎপগী মথৌ তাই। মদুগী মতুংদা, সেম্পল অসিনা লেবতা য়ৌরক্কনি। মরম অদুনা, ঐহাক্না অদোমগী পাউতাক অমসুং ৱাহংশিং পাবা মতমদা, অসিগুম্বা সেবা অসিগা মরী লৈনরিবা মরুপশিংগী মতাংদসু ৱারী শাফম থোকই হায়বা ৱারেপ লৌখি। মখোয়না থেংনরকপা কয়া অমদগী ঐখোয়না লৌশিং কয়া অমা ফংলগনি। অদুনা, দিল্লীদা লেব তেক্নিসিয়ন ওইনা থৌ পুবা মরুপ, প্রকাশ কান্দপালজীগা অমুক ৱারী শারসি।

মোদীজী - প্রকাশজী নমস্কার!

প্রকাশজী - ইকায় খুম্নরবা প্রধান মন্ত্রীজীবু খুরমজরি।

মোদীজী - প্রকাশজী, “মন কী বাত” তাবীরিবশিংদা অহানবমক্তদা ইশাগী শক তাকপীয়ু। লেবতা থবক তৌদুনা হিংলিবা অসিসু মুনীগা মান্নবা ওইরবসু, লৈবাক মীয়াম্না অদোম্বু তেলিভিজন্দা উবা ফংদে অমসুং খবরদা পাবা ফংদে, মরম অদুনা অদোম্না থবক অসিবু মতম কয়াম কুইনা তৌবীরকপগে অমসুং কোরোনাগী মনুংদা করি থেংনরকপগে হায়বা অমুক্তা হায়বীয়ু। অদোমগী পাউদমগী খুত্থাংদগী লৈবাক অসিদা অদোমগী থবক অসি মতৌ করম্না পাংথোকপগে হায়বসি ঐহাক্না লৈবাক মীয়ামদা খঙহঞ্জনীংই।

প্রকাশজী - ঐহাক্না দিল্লী সরকারগী মখাদা লৈবা ওতোনোমস ইন্সতিত্যুসন অমা ওইরিবা ইন্সতিত্যুৎ ওফ লিভর অমসুং বিলিয়রী সাইন্স কৌবা হোস্পিতাল অমদা লেব তেক্নিসিয়ন ওইনা চহি ১০ থবক তৌরক্লি। ঐহাক্না হেল্থ সেক্তরদা লৈরকপা অসি চহি ২২ ফারে। আই.এল.বি.এস.কী মমাংদসু, ঐহাক্না এপোল্লো হোস্পিতাল, রজিব গান্ধী কেন্সর হোস্পিতাল, রোতারী ব্লদ বেঙ্ক দিল্লীনচিংবা শক্নাইরবা ইন্সতিত্যুৎ কয়াদা থবক তৌরম্মি। সর, হায়রিবা মেদিকেল ইন্সতিত্যুসনশিং অসিগী ব্লদ বেঙ্ক দিপার্তমেন্ততা থবক তৌরক্লবসু, ঐহাক্না আই.এল.বি.এস.কী ভাইরোলোজী দিপার্তমেন্তকী মখাদা মমাং চহিগী এপ্রিল ১, ২০২০দগী কোবিদ তেস্তিং লেবতা থবক তৌরকপনি।

কোবিদ লাইচৎ মনুং অসিদা হেল্থকা মরী লৈনবা রিসোর্স অমসুং পাম্বৈশিংদা খুদোংচাদবা অমসুং অৱাবা কয়া লৈরিবা অসিদি য়েৎনীংঙাই লৈতবনি, অদুবু ঐখোয়দা চেল্লিবা থৌদাং খঙবা, তেংবাংনবা, পাঙ্গল অমসুং মতিকপু লৈবাক, মীওইবা জাতী অমসুং খুন্নাইনা মীয়ামদা উত্থোকহন্নীংবগী অনিংবা অপাম্বা লৈরিবা অসিবু পাংথোকপগী খ্বাইদগী চাউরবা খুদোংচাবা অমনি হায়না ঐহাক্না লৌই। অদুগা সর, লৈবাক, মীওইবা জাতী অমসুং খুন্নাইগী অপাম্বগা মরী লৈননা ঐখোয়গী খ্বাইদগী নীংথিনা তৌবা ঙম্বগী চাংদা ঐখোয়না হোৎনজৈ, লৈরিবা থাক্কা মান্ননা থবক তৌনবা হোৎনজৈ, মতাং অসিদা ঐখোয়দা য়াম্না চাউথোকচবা ফাওজৈ। করিগুম্বা মতাংদা, ঐখোয়গী ইমুং-মনুংনা য়ানীংদবা উৎপা য়াওই নত্ত্রগা অকিবা ফাওবা য়াওই। অসিগুম্বা মতাংদা, খুদোংথীবা অমসুং মহৌশাগা মান্নদবা ফীভমদা ঐখোয়বু ঙাকথোক্নবনি হায়দুনা মশাগী ইমুং-মনুংদগী লাপ্না অমসুং লৈবাক্কী ঙমখৈদা লৈরিবা ঐখোয়গী লান্মীশিংগী মতাংদা খঞ্জৈ। মখোয়গা চাংদম্নবদদি, ঐখোয়না থেংনরিবা খুদোংচাদবশিং অসিদি করিসু নত্তে। মখোয়সু, ফীভম অসি খঙলিবনি অমসুং হৌজিক ওইরিবা ফীভম অসিদা মখোয়না ঙম্বা মওংদা তেংবাংলিবনি।

মোদীজী - প্রকাশজী, সরকারনা নাকল অমদা, কোরোনাগী মতম অসিদা মীওই অমদগী লাপ্না লৈননবা পাউতাক কয়া পীরি। অদুগা অদোম্না, খ্বাইদগী মমাংদা লৈদুনা কোরোনা ভাইরসকী মরক্তা লৈবা তারি। অদোম্না মসিবু খ্বাইদগী নক্ননা থেংনরিবনি। অমরোমদা মসিনা পুন্সিদা খুদোংথীবা নঙহনগদৌরিবনি, মরম অদুনা ইমুং-মনুংনা পাখৎপা অসিদি মহৌশানি। অদু ওইরবসু, মসিগী লেব তেক্নিসিয়নগী থবক অসিসু মী খ্বাইনা তৌনবা থবক্কী মনুং চল্লি। অদুগা, হৌজিক্কী লাইচৎ অসিদা, অদোম্না তৌরিবা থবক অসিদা অনৌবা ৱাফম অমসু হাপচিনলক্লিবনি। মরম অদুনা, থবক তৌবগী মতমসু হেনগৎলম্লগনি। অদোম্না লেবতা অহিঙ কয়া অমা লেক্লমগনি। মীওই করোর-করোরদা তেস্ত তৌরকপনিনা, থবকসু য়াম্না হেনগৎলমগনি। অদুনা, ইশা ঙাকথোকচনবা, অদোমসু চেকশিন থৌরাং লৌখৎপরা নত্ত্রগা লৌখত্তবরা?

প্রকাশজী - হোয় সর, লৌখৎলি। ঐখোয়গী আই.এল.বি.এস. লেব অসি দবল্যু.ঐচ.ও.না শকখঙলবনি, মরম অদুনা মালেমগী চৎন-কাংলোন খুদিংমক লোইনা ইল্লি। ঐখোয়গী ফিজেৎকী মতাংদা থাক অহুমগী তেক্ত-কায়দবগী কাংলোন ইল্লি। ঐখোয়না মদু শেৎলগা লেবতা চঙই, মদু শেত্তুনা থবক তৌই। ফিজেৎ লৌথোকপা, মমিং থাবা অমসুং তেস্ত তৌবগী তোঙান-তোঙানবা কাংলোন লোইনা লৈ। ঐখোয়না কাংলোনশিং অসি ইন্দুনা থবক তৌই। অদুনা সর, ইশ্বরগী থৌজালদগী ঐহাক্কী ইমুং-মনুং অমসুং ঐহাক্কী নক্নবা মীওই অমত্তা ঙসি ফাওবদি লাইনা অসিনা নাদ্রি। অদুগা ৱাফম অমদি লৈবনি, মদুদি, ঐখোয়না নীংথিজনা চেকশিনলবদি, মদুদগী থাক খরদি ঙাকথোকপা ঙম্বনি।

মোদীজী - প্রকাশজী, অদোমগুম্বা মীওই লিশিং কয়া অমদি লেবশিংদা চহি অমদগী লৈরক্লি অমসুং অসিগুম্বা অৱাবা থবক অসি তৌদুনা লাক্লি, মীওই মশিং খঙদবগী পুন্সি কল্লি অমসুং ঙসিদি লৈবাক মীয়াম্না মসিগী মতাংদা খঙলগনি। প্রকাশজী, ঐহাক্না অদোমগী খুত্থাংদা, অদোমগী থবক্কী মীওই খুদিংবু থাগৎচরি। ঐহাক্না লৈবাক মীয়ামগী মহুৎ শিন্দুনা অদোম্বু থম্মোই শেংনা থাগৎলি। অদোমসু হকচাং ফনা লৈবীয়ু। অদোম অমসুং অদোমগী ইমুং-মনুংসু তেক্ত-কায়দনা লৈবা ওইসনু। ঐহাক্না অদোম্বু মায়-পাকপগী থৌজাল পীজরি।

প্রকাশজী - প্রধান মন্ত্রীজীবু থাগৎচরি। ঐহাক্না খুদোংচাবা অসিবু পীবীবগীদমক্তা অদোম্বু থাগৎচরি।

শ্রী মোদী – ইনাওবুসু থাগৎচরি।

পি.এম. মোদী: মরুপশিং, ঐহাক্না ভাই প্রকাশজীগা ৱারী শারম্বদি য়াই, অদুবু মহাক্কী ৱারোলগী খুত্থাংদা লেব তেক্নিসিয়ন লিশিং কয়া অমনা ঐখোয়গীদমক্তা তৌবীরিবা থবকশিংগী ৱাফম কয়া ঐখোয়গী নাক্তা য়ৌরক্লি। মহাক্কী ৱারোলদগী ঐখোয়না মীওই লিশিং কয়াগী থবক্কী মতাংদা খঙবা ঙম্বতা নত্তনা মখোয়গী থৌদাংসু খঙবা ঙম্লে। ঐখোয়গী ভাই প্রকাশজীগুম্বা মরুপশিংনা মখোয়গী থবক্তা খোঙফম চেৎলিবা অমসুং মখোয়গী থবকশিংনা অমত্তা ওইনা তেংবাংনদুনা কোরোনাবু মাইথীবা পীবদা য়াম্না চাউনা তেংবাংগনি।

ঐহাক্কী নুংশিরবা লৈবাক মচাশিং, হৌজিক ঐখোয়না “কোরোনাগী লান্মীশিংগী” মতাংদা ৱারী শারিবা অসিদা হৌখিবা চহি অমগা মখায় অসিদা মখোয়না কয়া য়াম্না থবক কন্না শুবগে অমসুং খোঙফম চেৎপগে হায়বা খঙবা ঙম্লে। অদুবু, লৈবাক শিনবা থুংবদা লৈরিবা মখোয়গুম্বা লান্মী কয়া অমনসু থেংনরিবা লান অসিদা অচৌবা থৌদাং য়ারি। অদোমসু ইশা ইথন্তা অমুক্তা খন্থৌ, লৈবাক্কী পথাপ খুদিংমকপু শোকহল্লিবা ইরাং অমা ঐখোয়গী লৈবাক অসিনা থেংনরি। এগ্রিকলচর সেক্তরনা মখোয় মশাবু মসিগী ইরাং অসিদগী থাক কয়া অমদা মশাবু কঞ্জদুনা লাক্লি। মখোয়না মশাবু তেক্ত-কায়দনা থম্বতা নত্তনা, মখোয়না চাউখৎপা পুরকচদুনা মাং থানা চঙশিল্লি। ঐখোয়গী লৌমীশিংনা লাইচৎ অসিগী মনুংদা হান্না তৌখিদ্রিবা মওংদা পোত্থোক পুথোক্লি হায়বসি অদোম খঙবরা! লৌমীশিংনা অমুক্তা তৌখিদ্রিবা মওংদা পোত্থোক পুথোক্লি অমসুং হন্দক্কী মতাং অসিদা লৈবাক অসিনা হান্নদগী খ্বাইদগী হেন্না পোত্থোক লৈশিনবগী থবকসু পাংথোকখি। হন্দক্কী মতাং অসিদা, মফম কয়া অমদা, লৌমীশিংনা হঙ্গাম থাউগী মতাংদা মিনিমম সপ্পোর্ত প্রাইস (এম.এস.পি.)দগী হেন্না ফংনখি। লৈবাক অসিনা হান্নদগী হেনবা মওংদা হৱাই-চেংৱাই পুথোকপা ঙমখিবদগী লৈবাক মীয়াম খুদিংদা তেংবাংবা ঙম্লিবনি। ঙসিদি, হৌজিক্কী অৱাবা মতম অসিদা, শোত্থরবা মীওই কয়াদা লেম্না রাসন পীরি। অদুগা, লায়রবা অমত্তগী ইমুংদা চাকখুম মৈ মুৎপা নুমিৎ অমা ফাওবা য়াওখিদ্রি।

মরুপশিং,, ঙসিদি লৈবাক অসিগী লৌমীশিংনা অনৌবা থৌরাংশিংগী খুদোংচাবা লৌরগা লম কয়াদা অঙকপা কয়ামুক তৌরি। খুদম ওইনা, অগরতলাগী লৌমিশিংবু লৌখৎসি। লৌমীশিং অসিনা থৈবোংবু মরাং কাইনা লোক্লে। লৈবাকসিদা অমসুং মপানগী লৈবাকশিংদা মখোয়বু পাম্নবদু ফংহনবা ঙম্লদুনা, তাঞ্জাসিদা অগরতলাগী লৌমীশিংগী থৈবোংবু গুৱাহাতীদা ত্রেন্না পুরকখ্রে। অসিগুম্বা থৈবোংসি হৌজিক্তি গুৱাহাতীদগী লন্দন্দা থারীবনি। মতৌ অসুম্না, অদোম্না বিহারগী শাহী লিচিগী মতাংদসু তারম্লগনি। কুমজা ২০১৮দা, মসিবু মশক খঙবা হেনগৎননবা অমসুং লৌমীশিংনা হেন্না খুদোংচাবশিং ফংনবগীদমক লৈঙাকনা শাহী লিচিবু জি.আই. তেগসু তৌখ্রবনি। হৌজিক্তি বিহারগী শাহী লিচিবু লন্দন্দসু এরোপ্লেনগী মতেংনা য়ৌহনখ্রবনি। ঐখোয়গী লৈবাকসিদা নোংপোক্লোমদগী নোংচুপ্লোমদা, অৱাংলোমদগী মখারোমদা অসিগুম্বা তোপ-তোপ্লবা মহাও চেল্লিবা অমসুং পোত্থোকশিংনা পিক থন্না লৈরবনি। খা থংবা ভারতকী ভিজিয়নাগ্রমগী হৈনৌশিংগী মতাংদা অদোম্না শোইদনমক তারম্লগনি। হৌজিক হৈনৌসিবু কনানা চানিংলম্লোইদবগেনে? মরম অসিনা, হৌজিক কিসান রেলনা ভিজিয়নাগ্রমগী হৈনৌগী তোন চা কয়ামুক দিল্লীদা পুরিবনি। দিল্লী অমসুং অৱাংথংবা ভারতকী মীশিংনা ভিজিয়নাগ্রমগী হৈনৌবু চারগনি অদুগা ভিজিয়নাগ্রমগী লৌমীশিংনা লন-থুম নীংথিজনা তানশিল্লগনি। কিসান রেল অমনা হৌজিক ফাওবদা পোত্থোক তোন লাখ ২মুক হোনখ্রে। হৌজিক লৌমীশিংনা উহৈ-ৱাহৈ, মনা-মশিং, মহৈ-মরোংশিংবু খ্বাইদগী নেম্বা ভারাদা লৈবাকসিগী অতোপ্পা লোইজি-লোইয়াশিংদা থাবা ঙম্লে।

ঐগী নুংশিজরবা ঈরৈচাশিং, ঙসি মেগী ৩০দা ঐখোয়না ‘পুক্নীংগী ৱারোল’ তারী অমসুং তাঞ্জা চারুবদুনা মসিনসু লৈঙাকসিগী চহি ৭ মপুং ফারকপদুবুসু তাক্লি। অসিগুম্বা চহিশিংসিদা, লৈবাক অসিনা ‘সবকা-সাথ, সবকা ভিকাস, সবকা ভিশ্বাস’কী মন্ত্রসিবু ঙাক্লি। ঐখোয় খুদিংমক্না লৈবাকসিগী য়াইফনবগীদমক কৎথোকপগা লোয়ননা মীৎকুপ খুদিং শিন্থা পাংলি। মরুপ-মপাং কয়ানা ঐঙোন্দা চিথি ইরকখ্রে অদুগা ‘পুক্নীংগী ৱারোল’দা ফোঙদোকখ্রে, ঐনসু চহি ৭কী ঐখোয় অমগা অমগা খুৎশম্ননা চৎলক্লিবা খোঙচৎসিগী মরমদা খন্ন-নৈনগনি। মরুপ-মপাংশিং, অসিগুম্বা চহি ৭সিদা ঐখোয়না পাঙথোকপা ঙমখ্রিবা খুদিংমকসি, ঈরৈবাকসিগীদমক্তনি, ঈরৈচাশিংগীদমক্তনি। খুৎশম্নরগা, ঐখোয়না চহিশিংসিদা ঈরৈবাক্কী চাওথোকচখিবা মীৎকুপ কয়ামুক থেংনখ্রে। ঐখোয়না হৌজিক ভারতনা অতোপ্পা লৈবাকশিংগী ৱাখল অমসুং থৌইনশিন্দগী নৎতবীদা, অদুবু মশামক্কী অচেৎপা থাকজবীগা লোয়ননা মাংলোমদা চংশিল্লি হায়বসি খঙলকপা মতমদা, ঐখোয় পুম্নমক্না চাউথোকচবা পোকই। হৌজিক ভারতনা ঐখোয়গী মায়োক্তা লৌতুনরকপা মখোয়শিংদুদা চপচাবা পাউখুম পী হায়বসি থেংনবা মতমদা, ঐখোয়গী থাজবগী ঈথকসি অসুম কাখৎলি। নেস্নেল সেক্যুরিতীগী থৌদোক-ৱাথোক্তা ভারতনা তাইশিন্নবা তৌদবা মতমদা, ঐখোয়গী খুৎলাই পাইবা লান্মীশিংগী মপাঙ্গল কনখৎলকপা মতমদা, ঐখোয়না ফাউরিবদি, অশেংবমক্কী, ঐখোয়সি অচুম্বা লম্বীদা চৎলিবনি হায়বা অসিনি।

মরুপশিং, ঐহাক্না লৈবাক অসিগী কাচিন-কোয়া শিনবা থুংবদা খুন্দারিবা মশীঙ থিঙমদ্রবা ঈরৈচাশিংদগী পাউজেলশিং অমসুং চিথিশিং ফংই। মীওই কয়া অমনা চহি ৭০সিগী মনুংদা অহানবগী ওইনা মখোয়গী খুঙ্গংদা ইলেক্ত্রিসিতি য়ৌরকপগী মতাংদা লৈবাকসিবু থাগৎলকই মদুদি মখোয়গী মচাশিংনা ফেন মখাদা, মঙাল মরক্তা লাইরিক ঔরাইবা ঙম্লে। মীওই কয়া অমনা হায়রক্লিবদি মখোয়গী খুঙ্গংসু সহরগা নুংনা থাবা লম্বীনা শম্নরে। লম্বীশিংদু শেম্লবা মতুংদা, অহানবগী ওইনা মখোয়না মালেমগী অতোপ্পা মফমশিংগা শম্নবা ঙম্লে হায়বদু পুক্নীংদা ফাউই হায়না ঐঙোন্দা পাউজেল থারকপা ঐনা ত্রাইবেল লম অমদগী মরুপ খরবু নীংশিংলি। মতৌ অসুম্না, কনাগুম্বা অমনা বেঙ্ক একাউন্ত হাংদোকপগী মতাংদা নুংঙাইবা ফোঙদোরকই, কনাগুম্বা অমনা তোঙান-তোঙানবা স্কিমশিংগী মতেংদগী অনৌবা থবক ফংবা হৌরে, অদুনা অদুগুম্বা নুংঙাইবদু শরুক য়ামিন্ননবা ঐঙোন্দা পাউজেল পীরকই। ‘প্রধান মন্ত্রী অৱস য়োজনা’গী মখাদা মখোয়গী ময়ুম শারবা মতুংদা, ঈরৈচা কয়াদগী ‘গ্রিহপ্রবেশ’ - য়ুম শঙ্গাবগী থৌরমদা শরুক য়ারনবগী চেবাউ অদুম ফংদুনা লৈ। চহি ৭সিদা, মখোয়গী নুংঙাইবগী মীৎকুপ মিলিয়ন কয়াগা মরী লৈনরক্লে। নুমিৎ খরনিগী হেক মমাংদা, খুঙ্গং অমগী ইমুং অমনা ‘জল জীবন মিসন’গী মখাদা মখোয়গী য়ুমদা তোতি ঈশিং ফংবগী ফোতো অমা থারকই। ফোতোদুগী মখাদা মখোয়না ইরকখি ‘মেরি গাৱকী জিভন ধারা’ – ঐগী খুঙ্গংগী হিংনবগী পাম্বৈ, অসিগুম্বা ইমুং কয়ামুক লৈরিবনি! নিংখা তম্লবা মতুংগী চহি ৭০সিদা, ঈরৈবাকসিগী খুঙ্গংগী ইমুং ক্রোর অহুমগা মখাইখক্তদা ঈশিং ফংলম্মী। অদুম ওইনমক, হৌখিবা থা ২১ সিখক্তদা ইমুং ক্রোর মরিগা তংখাইদা অফবা ঈশিং ফংহনখি। মখোয়সিগী মনুংদগী, থা ১৫ দি কোরোনাগী মতমনি! ‘অয়ুসমান য়োজনা’গী মতেংনা লৈবাকসিদা অসিগুম্বা থাজবা অমা লৈরে। লাইরবা মীনা শেল তিংদনা লায়েংলুরগা হকচাং ফনা হল্লকপা মতমদা, মখোয়গী অনৌবা পুন্সি অমা ফংলে হায়না মখোয়না ফাওই। মখোয়না লৈবাকসিগা লোয়ননা লেপমিন্নগনি হায়না থাজবা পোকই। অসিগুম্বা ইমুংশিংগী য়াইফ-পাকুজেলশিংগা লোয়ননা, মমা ক্রোর কয়াগী য়াইফ পাউজেলশিংগা লোয়ননা, ঐখোয়গী লৈবাকসি থৌনাগা লোয়ননা চাউখৎপরোমদা চৎলিবনি।

মরুপশিং, চহি ৭ অসিদা, ভারতনা দিজিতেল ত্রাঞ্জেকসনশিংদা অনৌবা মায়কৈ অমগী মতাংদা মালেমদা উৎনবা থবক তৌরক্লি। ঙসিদি, অদোম্না মফম অমদা হেক্তদা লৈরগা নিংতম্না দিজিতেল পেমেন্তশিং তৌবা ঙম্লে; মসি কোরোনাগী মতমসিদফাওবা য়াম্না কান্নৈ হায়বদু উৎলি। ঙসিদি, লুব-নানবগী মতাংদা ঈরৈচাশিংবু চেকশিনবা থৌদাং লৌবা অমসুং খঙলকপদু হেনগৎলক্লি। ঐখোয়না মমিং লৈরবা সেতলাইতশিং থাগৎলি অমসুং মমিং লৈরবা লম্বীশিং শেম্লি। চহি ৭সিদা, ঈরৈবাকসিগী লিরবা মরৈ য়েৎপা কয়াবু মপুং ফাবা শান্তি অমসুং ঈং-তপ্পগা লোয়ননা কোকহনবসু ঙম্লে। শান্তি অমসুং চাওখৎপগী অনৌবা থাজবা অমা অৱাং-নোংপোক্তগী কশ্মির ফাওবদা লাকহল্লে। মরুপশিং, চহি তরাগী খুজিংশিংদা পাঙথোকপা ঙম্লমদবা, করম্না মখোয়না চহি ৭সিদা পাঙথোক্লিবা অসিগুম্বা থবকশিংগী মরমদা অদোম খনবা ঙম্ব্রা? পুম্নমকসি ওইথোক্লিবগী মরমদি চহি ৭ অসিদা, লৈঙাক অমা ওইবদগী হেন্না নৎত্রগা মীয়াম ওইবদগী হেন্না, ঈরৈবাক অমা ওইনা পুন্না থবক পাঙথোকখি। ঐখোয়না তিম অমা ওইনা থবক তৌখি। ঐখোয়না তিম ইন্দিয়া ওইনা থবক তৌখি। নাগরিক খুদিংমক্না লৈবাকসিবু চাউখৎনবগীদমক মাঙলোমদা খোঙথাং থাংখি। তশেংবমকনি! মায় পাকপশিং লৈরিবদুদা, হোৎনখিবশিংসু লৈরিবনি। চহি ৭ অপুনবসিদা, ঐখোয়না অরুবা চাংয়েংশিং মায় পাকখি, অদুগা মতম খুদিংমক্তা ঐখোয় পুম্নমক হেন্না শক্তি লৈরকখি। কোরোনা লাইচৎকী মওংদা, ঐখোয়বু হন্না হন্না চাং য়েংহনখি। মসি মালেম পুম্ববু ৱাহল্লিবা থৌদোক অমনি, মী কয়ানা মখোয়গী নুংশিজরবা কয়াবু মাংজখি। মসিগী অমাং-অতাসিদগী অচৌবা লৈবাকশিং ফাওবা নান্থোকপা ঙমখিদে। লাইচৎসিগী চৈরক অসিদা, ভারতনা ‘সেভা আউর সহয়োগ’ – ‘থবক তৌবা অমসুং মতেং পাংনবা’ তৌদুনা মাংলোমদা চংশিনখি। অহানবা ৱেভতা, ঐখোয়না থৌনা লৈনা থেংনখি; মসিগী পুংফমসিদফাওবা ভাইরসকী মায়োক্তা লান থেংনবা অসিদসু ভারতনা মায় পাক্কনি। মসি ‘দো গজকী দুরি’ সোসিএল দিস্তেন্সিং ওইগেরা, মাস্ক নৎত্রগা ভেক্সিনগা মরী লৈনবা নিয়মশিং ওইগেরা, ঐখোয়গী হোৎনবদা হনবা অমত্তা লৈহল্লরোইদবনি। মসিমকনি ঐখোয়গী মায় পাকপগী লম্বীদু। মথং পুক্নীংগী ৱারোলদা উনবা মতমদা, ঈরৈচাশিংগী হেন্না পুক্নীং থৌগৎপগী হুদমশিংগী মতাংদা ৱারি শান্নগনি অমসুং অনৌবা হীরমশিংদা খন্নগনি। নহাক্না তৌহন্নীংলিবশিংদু ঐঙোন্দা অদুম থারক্কদবনি। অদোম্না হকচাং ফনা লৈবা ওইসনু, মতৌ অসুম্না ঈরৈবাকসিবু মাংলোমদা চঙশিনগদবনি। হন্না হন্না থাগৎচরি!

ঐহাক্কী নুংশিজরবা ইরৈবাকচাশিং, খুরুমজরি। ঙসিদি পুক্নিংগী ৱারোল (মন কী বাত) অসি কোরোনানা মরম ওইদুনা ঐখোয় পুম্নমক্কী খাং কনবগী পাঙ্গল অদু চাংয়েং তৌবা মতম ওইরিবা; মসিনা ঐখোয়না অৱাবা খাংলিঙৈ মনুং অসিদা ঐখোয় পুম্নমক্কী খাংবা ঙমবগী পনখৈশিং চাংয়েং তৌরি। ঐখোয়গা নক্নবা অমসুং নুংশিজবা কয়া অমনা মনুং মতম চাদনা ঐখোয়বু থাদোক্তুনা চৎখ্রে। কোরোনাগী অহানবা ৱেভ মাই পাক্না লাকশিনখ্রবা মতুংদা ঐখোয়গী লৈবাক্কী পাঙ্গল, থৌনা অসি কনখৎলুরবনি, ইশানা ইশাবু মপুং ফানা থাজরুরবনি অদুবু লাক্লিবা নোংলৈ নুমিৎ অসিনা লৈবাক অসিদা অৱাবা পীরি।

মরুপশিং হৌখিবা নুমিৎশিংদা খুদোংথিবা অসি ঙাকথোক্নবগীদমক ঐহাক্না তোঙান তোঙানবা সেক্তরদগী এক্সপর্তশিংগা লোইননা কুপ্না খন্নখি। ঐখোয়গী ফার্মা ইন্দস্ত্রীগী মীওইশিং, বেক্সিন মেন্যুফেকচর্রশিং, ওক্সিজেন প্রদক্সনগা মরী লৈনবা মীওইশিং, মেদিকেল ফিল্দদগী এক্সপর্তশিংনা সরকারদা মখোয়গী মমল য়াম্লবা পাউতাক কয়া পীরক্লে। মতম অসিদা লান অসিবু মাই পাকহন্নবগীদমক এক্সপর্তশিং অমসুং বিজ্ঞানিকশিংগী পাউতাকপু হেন্না লুম্না লৌগদবনি। রাজ্য সরকারশিংনা হোৎনরিবশিং অদু হেন্না মপুং ফাহন্নবা ভারত সরকারনা অঙম্বা থাক্তা হোৎনরি। রাজ্য সরকারশিংনসু মখোয়গী মথৌদাংশিং মপুং ফানা পাঙথোক্নবা হোৎনরি।

মরুপশিং ঙসিমক লৈবাক অসিগী দোক্তরশিং অমসুং হেল্থ ৱর্করশিংনা কোরোনাগী মায়োক্তা অকনবা লান শোক্নরি। হৌখিবা চহি অমরোম অসিদগী মখোয়না লাইনা অসিগী মরমদা মুন্না খঙলক্লি। হৌজিক ইখোয়গী লাক্তা য়াওগদৌরিবা অসি মুম্বাইগী মমিং লৈরবা দোক্তর শাশঙ্ক জোশিজীনি।

দা, শাশঙ্ক কোরোনা লায়েং অমসুং মসিগা মরী লৈনবা রিসর্চকী লমদা গ্রাসরুৎ কী থাক্তগী য়াম্না মমুৎ তানা খঙবা মীওই অমনি। মহাক্না ইন্দিয়ন কোলেজ ওফ ফিজিসিয়ন্সকী দীনসু ওইরম্মি। ঐখোয় দা. শাশঙ্ককা ৱারী শারবসি।

পি.এম. – খুরুমজরি দা. শাশঙ্ক জী

দা. শাশঙ্ক – খুরুমজরি সর।

পি.এম. –নুমিৎ খরনিগী মমাংদা অদোমগা ৱারী শাবগী খুদোংচাবা অমা ফংজখি। অদোমগী ময়েক শেংলবা ৱাখল্লোনশিং অদু তাজবদা ঐহাক নুংঙাইবা পোকই। নহাক্কী ৱাখল্লোন অসি লৈবাক অসিগী প্রজা পুম্নমক্না খঙবা মথৌ তাই হায়না ঐহাক্না থাজৈ। ঐহাক্না হেক-হেক তাজবা ৱাফম অসিদগী ঐহাক্না ৱাহং অমা ওইনা অদোমদা হংজগে। দা. শাশঙ্ক হোজিক্কী মতম অসিদা নখোয়না অহিং-নুংথিল খাইদনা মীয়ামগী পুন্সি কন্নবা হোৎনখি... অহানবদা সেকেন্দ ৱেভকী মতমদা খরা হায়বীয়ু; অনা-লায়েংগী মরমদা খরি খেৎনবা লৈবগে, করি-করি চেকশিন-থৌরাং মথৌ তাই হায়বদু হায়বীয়ু।

দা. শাশঙ্ক – থাগৎচরি সর। হন্দক লাক্লিবা অনিশুবা ৱেভ অসি হান্নদগী হেন্না য়াংনা লাক্লি। ভাইরস অসি অহানবা ৱেভতগী হেন্না খোঙজেল য়াংনা শন্দোক্লি। অদুবু অফবা ৱাফম অমনা রিকভরী রেৎনা হেন্না ৱাংঙি অমসুং মোর্তেলিতী রেৎ য়াম্না নেম্মি। মসিদা খেৎনবা ২- ৩ লৈ। অহানবদা – মসি নহাশিং অমসুং অঙাংশিংদা নাবসু থেংনৈ। মদুগী লাইওদি অহানবদা শ্বর হোনবা ৱাবা, লোক কংখু খুবা, লাইহৌ হৌবা মসিগা লোইননা মনম ফাওদবা অমসুং মহাও খঙদবা অসিসুনি। অমসুং মসি মীয়াম্না অকীপা পোক্নৈ, মসিদা অকীবা পোকপগী মথৌ তাদে, মীওই চাদা ৮০ দগী ৯০ ফাওবদদি মসি লাইওংশিং অমত্তা উৎথোক্তে। ম্যুতেসন হায়না খঙনরিবা অসিদা অকীপা পোকপীগনু। ম্যুতেসনশিং অদুমক থোক্কনি...ঐখোয়না ফীজোল হোংবগুম্না ভাইরসসু মহক হোংবা নাই...মরম অসিনা অকীপা পোকপীগনু অমসুং হন্দক্কী ৱেভ অসিসু ঐখোয়না ঙমগনি। ৱেভশিং লাক্কনি অমসুং চৎখিগনি, ভাইরসসু লাক্কনি অমসুং চৎখিগনি...হায়রিবশিং অসি তোঙান তোঙানবা লাইওংশিংনি অমসুং ঐখোয়না নাদনবা চেকশিনবা তাই। কোবিদকী তাইমতেবলগী মতুং ইন্না নুমিৎ ১৪দগী ২১ ফাওবগী মনুংসিদি দোক্তরদগী পাউতাক লৌবীবা তাই।

পি.এম. – দা. শাশঙ্ক অদোমনা শন্দোক্না তাকপীবা অসি য়াম্না নুংঙাইজৈ। লায়েংগী মতাংদা চম্মনবা কয়া লৈবগী মতাংদা ঐঙোন্দা চীথি কয়া লাকখি....হীদাক কয়াগী মতাংদসু য়াম্না হঙনরক্লি...মরম অসিনা কোবিদ লায়েংগী মতাংদসু মীয়ামদা খরা তাকপীয়ু।

দা. শাশঙ্ক – অচুম্বনি সর মীয়াম্না ক্লিনিকেল ত্রীৎমেন্ত লৌবা য়াম্না থেংনা হৌই...অনাবা অসি মশা মথন্তা ফজখিনি হায়না থাজৈ...মখোয়না মোবাইলদা লাকপা পাউশিং য়েংদুনা মদুবু থাজৈ। সরকারনা পীরিবা পাউতাক অসি মতম চানা পাঙথোক্লবদি মখোয়না খুদোংথিবশিং মায়োক্নরোই। কোবিদতা ক্লিনিকেল ত্রীৎমেন্ত প্রোতোকলগী মেগনিচ্যুদ মখল অহুম লৈ – লাইৎ নত্ত্রগা মাইল্দ কোবিদ, মীদিয়ম নত্ত্রগা মোদরেৎ কোবিদ অমসুং ইনতেন্স, সিবিয়র কোবিদ হায়না খঙনবা অসিনি। মাইল্দ কোবিদকী ওইনদি ঐখোয়না ওক্সিজেন মোনিতর তৌই, পল্স মোনিতর তৌই অমসুং লাইহৌ মোনিতর তৌই। করিগুম্বা লাইহৌ হেনগৎলকপা মতমদি ঐখোয়না পেরাসিতামোলগুম্বা হীদাকশিং শিজিন্নৈ...অমসুং দোক্তরগা তান্নবা তাই। মোদরেৎ নত্ত্রগা সিবিয়র কোবিদ কী ওইনদি দোক্তরগা পাও ফাওনবা য়াম্না মরু ওই। চুন্নবা অমসুং অহোংবা হীদাকশিং ফংলি। মসিদা স্তেরোইদ য়াওরি মসিনা থৱায় কনবা ঙমগনি...ইনহেলরশিং অমসুং তেব্লেৎশিং পীবা য়াই। লোইননা শ্বর হোনবা নুংঙাইনবা ওক্সিজেন পীবা য়াই...য়াম্না চম্বা লায়েং কয়া লৈ। অদুবু হোজিক তোইনা থোক্লিবা অসি – অনৌবা এক্সপেরিমেন্তেল হীদাক অমা ওইনা পুথোরক্লিবা অসি রেমদেসিভির কৌই। অদুবু ৱাফম অমনা মসিগী হীদাক অসিনা হোস্পিতালদা লৈবগী নুমিৎ অসি ২-৩ হন্থহল্লি অমসুং ক্লিনিকেল রিকভরীদা মতেং পাংঙি। অমসুং হীদাক অসি হান্নদি নুমিৎ ৯-১০নি থারবা মতুংদা মথৌ তৌরম্মি....অমসুং নুমিৎ মঙানি খক্তা থারে। মীয়ামনা রেমদেসিভিরদা তান্নরিবা অসি তোকপীয়ু। হীদাক্কী মতেংদি খরতনি...হোস্পিতালদা এদমিৎ তৌরবা মতুংদা ওক্সিজেন পীরবা মতুংদা দোক্তরগী পাউতাক মতুং ইন্না পীগদবনি। ৱাফম অসি ময়াম্না খঙজিনবা মরু ওই। করিগুম্বা ঐখোয়না প্রনায়ম তৌরবদি মসিনা ঐখোয়গী থবোম্বী খরা খজিক চাউথোকহল্লি। ঐখোয়গী ঈবু মহি লাংথোকহন্নবা হেপারিন কৌবা ইঞ্জেক্সন অমসু লৈ। করিগুম্বা অসিগুম্বা অচম্বা হীদাকশিং অসি থারবসি মীওই চাদা ৯৮তি ফগৎলকপা ঙম্মি। অদুনা পোজিতিব ওইবা ৱাখল খনবা য়াম্না মরু ওই। দোক্তরগী পাউতাক্কী মতুং ইন্না ত্রীৎমেন্ত প্রোতোকোল ঙাকনা চৎপা মরু ওই। অতাংবা হীদাক-লাংথকশিং তান্নরুবগী করিসু মথৌ তাদে। সর ঐখোয়গী অশুক ফবা লায়েংশিং লৈরিসিদি, ঐখোয়গী ওক্সিজেন লৈ, ঐখোয়গী ভেন্তিলেতর ফেসিলিতীশিং লৈ...ঐখোয়দা পুম্নমক ফংলি। হীদাক অসি ফংলকপা মতমদা ফংফম থোকপা মীওইশিংদা পীবিবা য়াই। হীরম অসিদা লান্না থাজনবী কয়া অমা লৈ। সর, ঐহাক্না শেংদোকচনিংবদি ঐখোয়দা মালেমগী খ্বাইদগী ফবা লায়েং ফংলি...ময়ামনসু খঙবিরি মদুদি ভারতকী রিকভরী রেৎনা খ্বাইদগী ৱাংঙি। করিগুম্বা অদোমনা য়ুরোপ অমদি অমেরিকাগা চাংদম্নরবদি, ঐখোয়গী ত্রীৎমেন্ত প্রোতোকোলশিং অসিগী খুত্থাংদা ঐখোয়গী অনাবশিং ফগৎলক্লি।

পি.এম. – Dr Shashank, many thanks to you. দা. শাশঙ্ক অদোমবু হন্না হন্না থাগৎচরি। দা. শাশঙ্কনা পীরিবা ই-পাউশিং অসি য়াম্না মরু ওই অমসুং ঐখোয় পুম্নমক্তা কান্নবা পীরি।

মরুপশিং, ঐহাক্না ময়ামদা হায়জরি...কারিগুম্বা অদোমনা খঙনিবা লৈরবদি, করিগুম্বা অদোমনা চীংনবা লৈরবা, পাউ অদু অচুম্বা মফমদগী খক্তা লৌবীয়ু। অদোমনা অদোমগী ইমুংগী দোক্তর নত্ত্রগা লৈকাইগী দোক্তরদা ফোন্দা তান্নবীয়ু। ঐখোয়গী দোক্তরশিংনা মখোয়গী থৌদাংশিং মশানা পাঙথোকচবা উবা ফংলি। দোক্তর কয়ানা সোসিএল মীদিয়াগী খুত্থাংদা মীয়ামদা ই-পাউ কয়া পীরি। মখোয়না ফোন্দা অমসুং ৱাতসএপতা কাউন্সেলিং তৌরি। হোস্পিতাল কয়াগী ৱেবসাইৎশিংদসু ই-পাউ অসি য়াওরি...মসিদা অদোমনা দোক্তরশিংদগী পাউতাক লৌবসু য়াই। মসি য়াম্না থাগৎনিংঙাই ওইবা খোঙথাংনি।

শ্রীনাগরদগী দা. নভীদ নজিরনা ঐহাক্কা কন্নেক্ত তৌরি। দা. নভীদ শ্রীনাগরদা লৈবা গভর্নমেন্ত মেদিকেল কোলেজকী প্রোফেসর অমনি। মহাক্কী লায়েং মখাদা কোরোনা নারাবা মীওই কয়া ফগৎখ্রে। রামজানগী শেংলবা থা অসিদা দা. নভীদনা মহাক্কী মথৌ পাঙথোক্লি অমসুং মহাক্না ঐহাক্কা ৱারী শান্নবা মতমসু কাইথোকপীরি। মহাক্কা ৱারী শারসি।

পি.এম –নভীদজী খুরুমজরি।

দা. নভীদ – খুরুমজরি সর।

পি.এম – দা. নভীদ মসিগী অৱাবা মতম অসিগী মনুংদা ঐখোয়গী মন কী বাত তাবীরিবশিংদা মতৌ করম্না পেনিক মেনেজমেন্ত তৌগদগে হায়বগী মতাংদা ৱাহং অসি হঙবীরক্লি। অদোমনা থেংনরকপশিং অদুগী মতুং ইন্না মখোয়দা করি পাউখুম পীবিগনি?

দা. নভীদ – য়েংঙু, কোরোনা হৌরকপা মতমদা কাশ্মিরদা খ্বাইদগী ইহানহান্না দেসিগনেৎ তৌবা হোস্পিতাল হায়বদি কোবিদ হোস্পিতাল অসি ঐখোয়গী সিতী হোস্পিতাল অসিনি, মরমদি মসি মেদিকেল কোলেজকী মনুং চল্লি। মতম অদুদা ওইখিবা ফীভম অসি অকীবগী মশক্নি। মতম অদুদা মীশিংনা খন্নরম্বা অসি , করিগুম্বা মীওই অমনা কোবিদ নারবদি মদু শীবগী দন্দি পীবগা পাংখক ওইখি। চৈরক অদুদা ঐখোয়গী হোস্পিতালদা মথৌ তৌরিবা দোক্তরশিং অমসুং পেরামেদিকেল স্তাফতসু অনাবশিং অসি কমদৌনা মায়োক্নগদগে...ঐখোয়দা লাইনা অসি নারকপগী খুদোংথিবা লৈতবা হায়বা অকীবা অসি পোকখি! অদুবু মতমনা অসুম-অসুম হৌখিবগা লোইননা, করিগুম্বা ঐখোয়না প্রোতেক্তিব গীয়র মপুং ফানা শেৎলবা, চেকশিল থৌরাংশিং ঙাক্না চৎপা তারবদি ঐখোয়সু, ঐখোয়গী স্তাফশিং য়াওনা শাফনা লৈবা য়াগনি হায়বা উবা ফংখি। মতমগা ইরোইননা ঐখোয়না অনাবা খরদি লাইওং উৎথোক্তে হায়বা উবা ফংখি। অনাবা মীওই চাউরাক্না চাদা ৯০-৯৫ ফাওবদি হীদাক থাদনা অদুমক ফখি.. অসুম্না মতমনা হৌখিবগা মীয়ামগী ৱাখলদগী কোরোনাগী অকীবা অসি চাউনা হন্থরকখি। ঙসি ঐখোয়না সেকেন্দ ৱেভ হাবনা খঙনরিবা অসিদসু অকীবা পখৎপা তৌবীগনু। চৈরক অসিদসু করিগুম্বা ঐখোয়না চেকশিল থৌরাংশিং, এস.ও.পি.শিং হায়বদি মাস্কশিং উপ্পা, হেন্দ সেনিতাইজরশিং শিজিন্নবা... মসিগী মথক্তা করিগুম্বা ঐখোয়না ফিজিকেল দিস্তেন্স থম্লবা অমসুং মীয়াম পুনবা চংদ্রবদি ঐখোয়গী নুংতিগী থবক মখা চত্থবা য়াগনি অমসুং ইশাবু মসিগী লাইনা অসিদগী ঙাকথোকপা ঙমগনি।

মোদীজী- দা. নভীদ মীয়াম্না বেক্সিনশিং অসিনা ঐখোয়বু কয়াম য়াম্না ঙাকথোক্কনি, বেক্সিন অসি কাপ্লবা মতুংদা নাররোই হায়বগী থাজবা লৈব্রা অসিগুম্বা কয়াগী মতাংদসু ৱাহং কয়া অমা হংনরক্লি। মসিগী মতাংদা খরা হায়বীয়ু; তাবীরিবশিংনা মসিদগী চাউনা কান্নবা ফংগনি।

দা. নভীদ - ঐখোয়গী মাংদা কোরোনা লাইনা অসি থোরকপা মতম অদুদগী ঙসি ফাওবদা ইফেক্তিব ওইবা লায়েং ফংবা ঙমদ্রি..ঐখোয়না লায়না অসি পাম্বৈ অনিগা লান্থেংনবা ঙম্মি – অহানবদা চেকশিল থোরাংশিং...অমসুং হান্নসু হায়খ্রে অনিশুবা অসিদি করিগুম্বা ঐখোয়না ইফেক্তিব ওইবা বেক্সিন খরা কাপথোকপা তারবদি লাইনা অসি ঙাকথোকপা ঙমগনি। ঐখোয়গী লৈবাক অসিদা হৌজিক বেক্সিন অনি লৈরে, কোভাক্সিন অমসুং কোভিশিল্দ, মসি লৈবাক অসিদা শাজবনি। অতোপ্পা কম্পনীশিংনা মখোয়গী ত্রাইএলশিং তৌবা মতমদা মসিগী ইফিকেসী অসি চাদা ৬০ হেল্লি। অমসুং জম্মু কাশ্মিরগী মতাংদা ওইরবসু হৌজিক ফাওবদা মীওই লাখ ১৫দগী ১৬ ফাওবা বেক্সিন কাপখ্রে। হোয়, সোসিএল মীদিয়াদা মসিগী সাইদ ইফেক্তশিংগী মতাংদা লান্না থাজবশিং অমসুং অরানবশিং খরা থোরক্লি..ঙসি ফাওবদা ঐখোয়গী অসিদা বেক্সিন কাপখিবশিংদা সাইদ ইফেক্তশিং অমত্তা থেংনদে। শুম্নতগী অতোপ্পা হীদাক কাপ্পা মতমদা থোকপা – লাইহৌ খা হৌবা, হকচাং থিন্দোকপা, হীদাক কাপ্পা মফমদা খরা নাবা ফাওবা – মসি নত্তবা অতোপ্পা এদভর্স ইফেক্ত অমত্তা থেংনদে। হোয় অদুগা অতোপ্পা ৱাফম অমনি, তীকা কাপ্লবা মতুংদা পোজিতিব ওইরকপসু য়াওই হায়বা অসি কম্পনীশিংগী গাইদলাইনশিংদসু য়াওরি, মদুদি বেক্সিন কাপ্লবসু লাইনা অসি নারকপা য়াওই। অদুবু লাইনা অসিনা শোকহনবগী চাং হায়বদি অসিগুম্বা মীওইশিংদা লাইনা অসিগী কনবগী চাং অসি য়াম্না নেম্মি, মখোয় পোজিতিব ওইরকপা য়াই অদুবু লাইনা অসিনা মরম ওইরগা মখোয়দা অশী-অনা থোকহল্লোই। মরম অসিনা বেক্সিনগী মরমদা লান্না খন্নরিবা ৱাখল অসি থদোকসি। মাগী মাগী মতম লাক্তুনা মে ১দগী লৈবাক অসিদা লৈরিবা চহি ১৮গী মথক্কী মীওই পুম্নমক্কী বেক্সিন কাপ্নবগী প্রোগ্রাম হৌরগনি মরম অসিনা মীয়ামদা হায়জনিংবদি তীকা থাদোকসি অমসুং মসিনা ইশাবু ঙাকথোকপদা নত্তনা ঐখোয়গী সমাজ অমদি কম্ম্যুনিতী কোবিদ-১৯দগী মপুং ফানা ঙাকথোকপা ঙমগনি।

মোদীজী- দা. নভীদ অদোমবু হন্না-হন্না থাগৎচরি অমসুং রামজানগী শেংলবা থানুং অসিদা অদোমদা য়াইফ ফাওজেল পীজরি।

দা. নভীদ – হন্না-হন্না থাগৎচরি।

মোদীজী: মরুপশিং, কোরোনাগী অৱাবা মতম অসিদা তীকা থাবগী তঙাই ফদবা অদু ময়াম্না খঙবীরে... মরম অসিনা ঐহাক্না হায়জনীংবদি বেক্সিনগী মতাংদা তোকঙা শন্দোকপীগনু। ভারত সরকারনা রাজ্য সরকারশিংদা তীকাশিং লেম্না পীরি, মসিনা চহি ৪৫ অমদি মথক্কী মীওইশিং তীকা থারি। হৌজিক্তি মে ১ দগী চহি ১৮গী মথক্কী মীওই খুদিংমক্না তীকা থাবগী খুদোংচাবা ফংলগনি। হৌজিক কোর্পোরেৎ সেক্তর, কম্পনীশিংনসু মখোয়গী কর্মচারীশিং তীকা থনবগী থৌরম অসিদা শরুক য়াবা ফংলগনি। ঐহাক্না হায়জনীংবদি ভারত সরকারন লেম্না তীকা থাবগী থৌরম অসি মখা তানা চত্থখিগনি। ঐহাক্না রাজ্যশিংদসু হায়জরি ভারত সরকারগী তীকা থাবগী থৌরম অসিদা অদোম অদোমগী রাজ্যশিংগী মী মশিং য়াম্না শরুক য়াহনবীয়ু।

মরুপশিং লাইনা অসিনা নারবা মতমদা ঐখোয়গী ইমুং-মনুংগী মীওইশিংবু য়েংশিনবা, শেবা তৌবা মতমদা ৱাখল য়াম্না নুংঙাইদে। অদুবু ঐখোয়গী হোস্পিতালশিংদা থবক তৌরিবা নর্সিং স্তাফশিংনা লেপ্পা লৈতনা অনাবা মীওইশিংগী শেবা তৌরি, অমুক্তদা অনাবা কয়ানা অমুক্তা খন্দুনা লৈয়ু। শেবগী ৱাখল্লোন অসিনা সমাজতা অচৌবা পাঙ্গল হাপ্লি। নর্সিং স্তাফশিংনা তৌরিবা শেবা , হোৎনবা অসিগী মতাংদা নর্সতনা খ্বাইদগী নীংথিনা তাকপা ঙমগনি। মরম অসিনা মন কী বাত অসিদা রাইপুরগী বি আর অম্বেদকর মেদিকেল কোলেজতা থবক তৌরিবী সিস্তর ভাবনা ধ্রুবজী শরুক য়ান্নবা কৌজরি। মহাক হৌজিক কোরোনানা নারবা মীওই কয়াবু শেবা তৌরিবীনি। মহাক্কা ৱারী শান্নসি।

মোদীজী – খুরুমজরি ভাবনাজী!

ভাবনা - ইকাই খুম্নরবা প্রধান মন্ত্রীজী, খুরুমজরি!

মোদীজী - ভাবনাজী…

Bhavan- হোয় সর

মোদীজী - অদোমনা য়াম্লবা ইমুংগী থৌগাইসু পুরি অমসুং কোরোনানা নারবশিংসু শেবা তৌবীরি মসিগী মতাংদা মন কী বাত তাবীরিবশিংদা অমুক্তা হায়বীয়ু। কোরোনানা নারবশিংগী থেংনবগী ৱারীশিং অদু লীবিয়ু মরমদি সিস্তর নর্সনা অনাবাগা খ্বাইদগী অনকপা মরী লৈনৈ, মখোয়গী মরমদা কুপ্না খংঙি....

Bhavana- হোয় সর… কোবিদতা ঐহাক্কী এক্সপরিয়েন্স পুরা থা ২নি। ঐখোয়বু নুমিৎ ১৪নি দ্যুতী তৌহল্লি অদুগা নুমিৎ ১৪নি অমনা পোত্থহল্লি। অদুদগী থা ২গী মতুংদা দ্যুতী অসি রিপীৎ তৌহল্লি। ঐনা ইহানহান্না কোবিদ দ্যুতী তৌবা মতমদুদি ঐগী ইমুংগী মীওইশিংদা কোবিদ দ্যুতীগী ৱাফম অসি সিয়র তৌখি। মতমদু মে থানি, ঐগী ৱাফম অদু তাবদা পুম্নমক কীনরে, পাখৎনরে.... হায়রকই ইবেম্মা চেকশিন্না তৌকো... য়াম্না পুক্নিং নুংশিবা মতাং অমা ওইখি সর। ইচানুপীনা ঐঙোন্দা “মামা নঙ কোবিদ দ্যুতী চৎকদোইরা?” হায়না হঙলকপা মতম অদু ঐগী খ্বাইদগী পুক্নিং নুংশিবা মীকুপ অমা ওইখি। অদুনু ঐহাক্না কোবিদ নাবা মীওইগী মনাক্তা চংবা মতমদা ঐহাক্না য়ুমদা অচৌবা থৌদাং অমা থনম্লগা থোরক্লবনি। অদুবু কোবিদনা নাবা অনাবা অদু থেংনরুবদদি, মহাক্না হেন্না পাখৎলম্মি। কোবিদ হায়বা মমিং অসিদা অনাবা পুম্নমক কীনখি, মখোয় কৈদৌগদগে, করি থোক্লগা হায়বা অসিনি মখোয়না খল্লিবা। ঐখোয়না মখোয়গী অকীবা অদু কোকহন্নবা য়াম্না নুংঙাইবা এনভাইরনমেন্ত অমা শাগৎলি। কোবিদ দ্যুতী তৌ হায়রবনিনা ঐখোয়দা অহানবদা পি.পি.ই. কিৎ শেৎনবা খঙহল্লি, সর পি.পি.ই. কিৎ শেৎলগা দ্যুতী তৌবা হায়বা অসি য়াম্না অৱাবা অমা ওইখি। সর মসি ঐখোয়দা য়াম্না অৱাবা ওইখি...থা ২গী দ্যুতীদা ঐহাক্না মফম খুদিংদা থবক তৌখি... নুমিৎ ১৪-১৪নি ৱার্দশিংদা, আই.সি.য়ু.শিংদা, আইসোলেসনদা দ্যুতী তৌখি।

মোদীজী - মদুনা হায়বদি লোইনা পাশিল্লগা নখোয়না য়াম্না কন্না থবক তৌরি অসি চহি অমা ফারক্লে।

ভাবনা – হোয় সর; মফম অদুদা চৎত্রিঙৈ মমাংদদি ঐনা থবক তৌমিন্নগদৌরিবা অসি কনা-কনানো খঙদে। ঐখোয়না তীম অমগুম্না থবক তৌমিন্নৈ। ইশা-ইশানা লৈনবা প্রোব্লেমশিং অদু সিয়র তৌনৈ। ঐখোয়না অনাবগী মরমদসু খঙদোক্লগা মখোয়গী স্তিগমা কোকহন্নবা হোৎনখি, অয়াম্বনা কোবিদ হায়বা মমিং অসিদা অয়াম্বনা কীনৈ। ঐখোয়না মখোয়গী হীস্তরী লৌবা মতমদা লাইওং পুম্নমক উৎখি.... অদুবু মখোয়না কীবদগী তেস্ত তৌদবা ওইরম্মি। অদুগা সর য়াম্না সিবিয়র ওইরক্লবা মতমদদি মখোয়গী থবোম্বীদু শোকচিল্লমলে। মতম অদুদদি আই.সি.য়ু,দা থম্বা মথৌ তাখি অমসুং মতম অদুদদি ইমুং পুম্বা হোস্পিতালাইজ তৌবা মথৌ তাখি। অসিগুম্বা কেস অসি ১-২ থেংনখি, ঐহাক্না চহি কাংলুপকী মীওই পুম্নমক থেংনখি। মসিদা অপীকপা অঙাংশিং, নু্পীশিং, নুপাশিং, সিনিয়র সিতিজেনশিং, মখল খুদিংমক্কী অনাবশিং থেংনখি সর। মখোয়গা ৱারী শাবা মতমদা মখোয়না কীদুনা লাক্তবনি হায়বা চপ মান্নবা পাউখুম ফংখি। মতম অদুদা ঐখোয়না মখোয়দা কীদনবা, ঐখোয়না হায়বা লৌনবা হায়জখি, লোইননা মখোয়না সরকারনা পীবা প্রোতোকোলশিং ঙাক্না চৎনবা হায়জখি। ঐখোয়না তৌবা ঙম্বা অসি মসি মঙাই।

মোদীজী - ভাবনাজী অদোমগা ৱারী শান্নবা অসি য়াম্না নুংঙাই, অদোমগী মফমদগী খঙলমদবা কয়া অমসু খঙবা ঙম্লে। অদোমনা ইশানা হকথেংননা থেংনবশিং অদু হায়বীরকপনিনা মসিনা ইরৈবাকচাশিংদা মসিনা শোইদনা পোজিতিব ওইবা পাউজেল অমা য়ৌহনবা ঙম্লগনি। ভাবনাজী অদোমবু হন্না-হন্না থাগৎচরি।

ভাবনা - অদোমবু হন্না-হন্না থাগৎচরি সর...জয় হিন্দ সর!

মোদীজী - জয় হিন্দ!

ভাবনাজীগুম্বা ইচিল-ইনাও লিশিং কয়া অমসুং মশিং থিঙমদ্রবা নর্সিং স্তাফশিংনা ইশাগী ইথৌ নীংথিজনা পাঙথোক্লি। মসিনা ঐখোয় খুদংদা থৌনা পীরি। অদোমনা ইশাগী হকচাং ফনা থম্নবা অখন্নবা চেকশিল থৌরাং লৌবীয়ু। অদুগা ইমুং-মনুংশিংবু ফজনা য়েংশিনবীয়ু।

মরুপশিং ঐখোয়গী ইরক্তা বেঙ্গলুরুদগী সিস্তর সুরিখাসু য়াওরি। সুরেখাজী কে.সি. জেনরেল হোস্পিতালদা সিনিয়র নর্সিং ওফিসর ওইরি। ঐখোয় মহাক্না থেংনরকপশিং অদু অমুক্তা খঙমিন্নসি -

মোদীজী : খুরুমজরি সুরেখাজী!

সুরেখা: - ঐহাক্না ঐখোয়গী লৈবাক্কী প্রধান মন্ত্রীগা ৱারী শাবা ফংজবদা য়াম্না চাউথোকপা অমসুং নুংঙাইবা পোকই।

মোদীজী:- সুরেখা জী....অদোমনা নর্স অমসুং হোসইতাল স্তাফ পুম্নমক্কা লোইননা অফবা থবক তৌরি। ভারতনা নখোয় পুম্নমকপু থাগৎচরি। কোবিদ-১৯গী লান্থেং অসিদা অদোমনা প্রজাশিংদা অদোমগী করি পাউজেল পীনিংবগে।

সুরেখা:- হোয় সর...থৌদাং লৈবা প্রজা অমা ওইনা ঐহাক্না করিগুম্বা খরা হায়বা পাম্মি, অদোমগী য়ুমলোন্নরিবশিং ফজনা লৌনাবীয়ু অমসুং ঙন্না তেস্ত তৌবা অমসুং নীংথিজনা ত্রেক তৌবনা ঐখোয়না মোর্তেলিতী রেৎ হন্থহনবদা মতেং পাংলি অমসুং মসিগী মথক্তা করিগুম্বা অদোমদা লাইওং অমা হেক্ত থেংনবা থোক্লবদি নশানা আইসোলেৎ তৌজৌ অমসুং অনকপদা লৈবা দোক্তরশিংগা তান্নৌ অমসুং য়ারিবা মখৈ ঙন্না লায়েংহৌ. মরম অসিনা কম্ম্যুনিতীনা লাইনা অসিগী মতাংদা এৱের্নেস খঙবা মথৌ তাই অমসুং পোজিতিব ওইনা লৈগদবনি, পাখৎপা তৌবীগনু অমসুং ৱাখল ৱাগনু। মসিনা অনাবা মীওইগী ফীভম শোকহল্লি। ঐখোয়না বেক্সিন অমা ফংবা অসিদা চাউথোকপা পোকই অমসুং সরকার অসিবু থাগৎলি অমসুং ঐহাক তীকা থাদোকচরে অমদি ঐহাক্না থেংনরকপা অসিগী মতুং ইন্না ভারতকী প্রজাশিংদা ঐহাক্না হায়জনীংবদি বেক্সিন অমতনা খুদক্তা চাদা ১০০ ঙাকথোকপা ঙমদে। ইম্ম্যুনিতী শেমগৎপদা মতম চংঙি। তীকা থাদোকপদা অকীবা পোকপীগনু। নশাবু তীকা থাদোকসি; মসিগী সাইদ এফেক্ত অসি য়াম্না লৈরে অমসুং ঐহাক্না য়ুমদা লৈবা, হকচাং ফনা থম্বা, অনাবা মীওইগা শোক্না শম্নগনু অমসুং নাতোন, মিৎ অমসুং চিন মরম লৈতনা শোক্কনু হায়বা পাউজেলশিং অসি পীজনিংঙি। ফিজিকেল দিস্তেন্সিং থম্বীয়ু, মাস্ক নিয়ম চুম্না উপ্পীয়ু, খুৎশা চাং নাইনা হাম্বীয়ু অমসুং য়ুমদা তৌজবা য়াবা হোম রেমেদীশিং লৌখৎপীয়ু। অয়ুর্বেদিক কারা থকপীয়ু, স্তীম ইনহেলেসন তৌবীয়ু, নুংতিগী খানাও তেংবীয়ু অমসুং শ্বর হোনবগী শাজেল তৌজবা য়াই। অমসুং অরোইবা ওইনা ৱাফ, অমত্তা হায়জগে মদুদি ফ্রন্তলাইন ৱর্করশিং অমসুং প্রেফেস্নেলশিংদা মীনুংশি উৎপীয়ু। ঐখোয়না নখোয়গী তেংবাং মথৌ তাই। ঐখোয় পুন্না লান্থেংমিন্নগনি। লাইচৎ অসি ঐখোয়না লাকশিনগনি। মসিনা মীয়ামদা ঐহাক্না পীনিংবা পাউজেল অসি সর।

মোদীজী- থাগৎচরি সুরেখা জী।

সুরেখা:- থাগৎচরি সর।

সুরেখাজী অদোম্না তশেংনমক লুরবা তাঙ্কক অসিদা ইহৌ অসিবু শেন্নবীরি। অদোম য়াম্না চেকশিনবীয়ু! ইমুংগী মীওইশিংদসু হন্না হন্না য়াইফ-পাওজেল পীজরী। ঐহাক্না ইরৈপাকচাশিংদা হায়জনিংবদি ভাবনাজী, সুরেখাজীনা হায়বগুম্না কোরোনাগা লান্থেংননবগীদমক পোজিতিব স্পিরিত য়াম্না মরুওই অদুগা মসি ইরৈপাকচাশিংদা লেংদনা লৈগদবনি।

ঐগী নুংশিজরবা মরুপশিং দোক্তর অমসুং নর্সশিং স্তাফশিংগা লোইননা হৌজিক লেব তেক্নিসিয়ন অমসুং এম্বুলেন্স দ্রাইবরশিংনা চিংবা ফ্রন্তলাইন ৱার্করশিং অসি লাইগা চপ মান্ননা মথৌ তৌরি! খুদম ওইনা এম্বুলেন্স অমা অনাবা অমগী ময়ুমদা য়ৌরকপা মতমদা এম্বুলেন্স দ্রাইবর ইশ্বরনা থারকপা ধুত অমা ওইনা লৌগনি। মখোয় খুদিংমক্কী থৌদাং অমসুং মখোয়না থেংনরকপশিং অদু লৈবাক অসিনা শুকশোই শোইদনা খংগদবনি। ঐগী ইনাক্তা হৌজিক অদুগুম্বা মীওই অমা লৈরে - শ্রীমান প্রেম ভর্মাজী মহাক এম্বুলেন্স দ্রাইভর অমনি। মহাক্কী মিং অসিনা তাক্লি, প্রেম ভর্মাজীনা মশাগী মথৌবু য়াম্না নুংশিনা অমসুং পুক্নিং চংনা পাংথোকই। হৌজিক মহাক্কা ৱারী শাসি -

মোদীজী- নমস্তে প্রেমজী |

প্রেমজী – নমস্তে সরজী |

মোদীজী – ভাই! প্রেম |

প্রেমজী – হাইবিয়ু সর।

মোদীজী– অদোম্না অদোমগী থবক্কী মতাংদা

প্রেমজী - হায়বিয়ু

মোদীজী– খরা শন্দোক্না অমুক্তা হায়বিয়ু। অদুগা থেংনরকপশিংসু হায়বিয়ু।

প্রেমজী - ঐহাক CATS এম্বুলেন্সকী দ্রাইবরনি কন্ত্রোলনা ঐখোয়দা তেব অমদা কোল তৌরকপগা ১০২দগী লাকপা কোল অদু ঐখোয়না পাওখুম পীরগা অনাবগী মনাক্তা চৎলি। ঐহাক মসিগী থবক অসি তৌরকপা চহি অনি শুরে। ইশা পু্ম্বা কিত শেৎচিল্লগা, গ্লব অমসুং মাস্ক উপশিল্লগা অনাবা অদু থিনবীয়ু হায়না হোস্পিতাল অদুদা য়াম্না থূনা থিল্লি।

মোদীজী- অদোমদী ভেক্সিনগী দোজ অনিমক কাপলম্লগনি?

প্রেমজী – হোয় কাপচরে সর।

মোদীজী- অদু ওইরবদি অতোপ্পশিংদা ভেক্সিন কাপগী মতাংদা করি পাওজেল পীনিংই?

প্রেমজী – দোজ অসি মীপুম খুদিংমক্না শুংশোই শোইদনা কাপথোকউ হায়জনিং সর াদুগা মসিনা ইমুং মনুংগীসু অফবা ওইগনি। হৌজিক ঐগী ইমানা ঐগী থবক অসি তোক্লো হায়না হায়রি। ঐহাক্না খুমখি ইমা ঐনা থবক অসি তোক্লবদি অনাবা ময়াম অসি কনানা থিনবীগনি কোরোনাগী মতম অসিদা ময়াম লোইনা চেন্নখ্রে ময়াম পুম্নমক থবক তোক্লগা চৎখ্রে। অদুননি ইমানা ঐবুসু তোক্লো হায়রিবসে। অদুবু ঐদি তোকখিরোই হায়না ইমাদা হায়রি!

মোদীজী– প্রেমজী ইমাদু নুংঙাইতবদি তৌহনগনু। ভাব তানবা ফজনা তাকপীয়ু।

প্রেমজী – হোয় সর।

মোদীজী- অদোম্না ইমাগী মতাংদা হায়বীরিবদো?

প্রেমজী – হোয় সর।

মোদীজী- মদু য়াম্না পুক্নিং নুংশিবা ৱাফমনি।

প্রেমজী – হোয় সর।

মোদীজী- অদোমগী ইমাদসু।

প্রেমজী – হোয় সর।

মোদীজী- ঐহাক্না খুরুমজরকই হায়বিয়ু।

প্রেমজী – শোইদনা হায়জগে।

Mr. Modi – হোয়।

প্রেমজী – হোয় সর।

মোদীজী- অদুগা প্রেমজী অদোমগী খুত্থাংদা

প্রেমজী – হোয় সর।

মোদীজী– এম্বুলেন্স থৌরিবা দ্রাইবরশিং অসিসু

প্রেমজী – হায়বিয়ু।

মোদীজী- কয়াদা খুদোংথিবা মায়োক্নরগা থবক তৌরিবনো!

প্রেমজী – অহোয়।

মোদীজী- অদুগা মখোয় খুদিংমক্কী মমাশিংনা খল্লি?

প্রেমজী – মান্নি সর।

মোদীজী- মসিগী ৱাফম অসি ঐখোয়গী মীয়াম্না তাবা মতমদা

প্রেমজী – অহোয়।

মোদীজী- শোয়দনা পুক্নিং নুংশিরমগনি!

প্রেমজী – হোয় সর।

মোদীজী- প্রেমজী হন্না হন্না থাগৎচরি। অদোম্না মখল অমগী নুংশিবগী গঙ্গা অমা চেন্থবীরে!

প্রেমজী – থাগৎচরি সর।

মরুপশিং, প্রেম ভর্মাজী অমসুং মখোয়গুম্বা মীওই লিশিং কয়া অমা মশাগী পুন্সিনা পোন্থা ওইরগা মীয়ামগী সেবা তৌরি। কোরোনাগী মায়োক্তা থেংনরিবা লান অসিদা হিংহৌরিবা থৱাইশিং অসি কনবদা এম্বুলেন্স দ্রাইবরশিংগী অচৌবা থৌদাং য়াওরি। প্রেমজী অদোম অমসুং লৈবাক অসিদা লৈরিবা অদোমগী মরুপ খুদিংমকপু খুরুমজরি! অদোম মতম চানা য়ৌবীদুনা মীয়ামগী পুন্সি কনবিখো!

নুংশিরবা ইরৈপাকচাশিং কোরোনানা মী য়াম্না নারে হয়বসি অচুম্বা ৱাফমনি। অদুম ওইনমক কোরো নারম্বদগী ফগৎলকপা মীশিংসু য়াম্না য়াম্মে। গুরুগ্রামদগী প্রীতী চতুর্বেদীজী হন্দক্তা কোরোনাবু মাইথীবা পীরম্লবীনি। প্রীতীজী মন কী বাত্তা ঐখোয়গী ইরক্তা য়াওরি। মহাক্না থেংনরকপশিং অদু ঐখোয়দা হায়বীরক্লবদি য়াম্না কান্নগনি।

মোদীজী: প্রীতীজী, নমস্তে

প্রীতীজী : নমস্তে সর। অদোম কমদৌবীরিবগে?

মোদীজী: ঐহাক নুংঙাইজরী। অহানবমক্তদা অদোম্না কোবিদ-১৯দগী মাইপাক্না লান্থেংনবগীদমক থাগৎচরি।

প্রীতীজী : সরবুসু হন্না হন্না থাগৎচরি।

মোদীজী: অদোমগী হকচাং য়াম্না থুনা হেন্না হেন্না ফগৎপা ওইরসু হায়না ইশ্বরদা থৌনিজরি।

প্রীতীজী : থাগৎচরি সর।

মোদীজী: প্রীতীজী

প্রীতীজী : হায়বীয়ু সর।

মোদীজী: হৌজিক্কী ৱেব অসিদা অদোমখক্তা শোকখিবরা নত্রগা অদোমগী ইমুং মনুংগী অতোপ্পা মীওইশিং শোকখিবা য়াওখিবরা?

প্রীতীজী : শোকখিদে সর ঐ ইথন্তনি।

মোদীজী: হোয় পুম্নমক অসি ইশ্বরগী থৌজালনি।

প্রীতীজী : হোয় সর।

মোদীজী: ঐহাক্না অমুক হায়জনিংবদি নারিঙৈ মতমদা অদোম্না মায়োক্নখিবা থেংনখিবা অদু হায়বিরগদি তাবীরিবশিংনা অসিগুম্বা মতাং লাকপদা মতৌ করম্না লান্থেংনগদগে হায়বদু খংজগনি।

প্রীতীজী : শোইদনা হয়জগে সর। ঐহাক অহানবদা ইশাসি য়াম্না হৈনিংদবা ইতন তনবা ফাওখি অদুগী মতংউদা খৌনাওদা নাবা ফাওরকখি। অদিগী মতুংদা ঐহাক্না মসি লাইওং ওইরম্বা য়াই খল্লকপদগী ঐহাক্না তেস্ত তৌথোকখি। নিনিশুবা নুমিৎতা পোজিতিব ওইরে হায়না রিপোর্ত লাকখি মদুদগী ইশা ইথন্তা ক্বারিন্তিন তৌরে। কা অমদা আইসোলেত তৌরগা দোক্তরশিংগা তানরে। মখোয়না হায়বা হীদাক চাবা হৌরে।

মোদীজী: অদোমগী অথুবা এক্সন্না অদোমগী ইমুংবু কলহৌরে।

প্রীতীজী : হোয় সর। মখোয় লোইনা তেস্ত তৌরে মখোয়দদি লোইনা নেগেতিব ওইরে। পোজিতিব ওইবদি ঐহাক ইথন্তা ওইরে। মসিগী মাংওইননা ঐহাক কা অমদা আইসোলেৎ তৌরগা লৈরে। ঐহাক্কী মথৌ তাবা পোৎলম খুদিংমক থম্লগা ঐহাক কা অমদা লৈরে। মসিগা লোয়ননা দোক্তরনা পীবা হীদক লাংথক অমুক চাবা হৌরে। হীদাক লাংথক্কা লোইননা জোগা অমসুং অয়ুর্ভেদিক শিজিন্নবা হৌরে। মসিগা লোইননা মনা মশিং ফুৎলগা শেম্বা কারাসু থকপা হৌরে। ইম্ম্যুনিতী হেনগৎহন্নবা চাক চাবা মতমদা মচি ওইবা চীঞ্জাক হয়বদি প্রোতিন ৱাংনা য়াওবা চিঞ্জাকশিং চারে। মহী য়াম্না থকই অদুগী মথক্তা স্তীম গর্গল তৌরে অদুগা ঈশিং অশাবসু থকই। হায়রিবশিং অসি ঐহাক্না নুমিৎ খুদিংগী পাংথোক্লে। অদুগা সর ঐহাক্না হায়জনিংবদি অসিগুম্বা তঙ্কক অসিদা কিবা ৱাখল শোত্থবা য়াদে মেন্তেল্লী য়াম্না কনবা ওইগদবনি। মসিগীদমক ঐহাক য়োগদা নিংশা শ্বর হোনবগী শাজেল তৌরে। মসি তৌবদা ঐহাক য়াম্না নুংঙাই।

মোদীজী: হোয় প্রীতীজী, হৌজিক্তি প্রোসেস লোইরবা নত্ত্রা? অদোম খুদোংথিনিংঙাই ওইদ্রবা নত্ত্রা?

প্রীতীজী : হোয় সর।

মোদীজী: হৌজিক্তি নেগেতিব ওইরবা নৎত্রা?

প্রীতীজী : হোয় সর।

মোদীজী: হৌজিক অদোম ইশাগী হকশেলগীদমক করি তৌবীরিবগে?

প্রীতীজী : সর, ঐহাক হৌজিক য়োগ লেপচদ্রি।

মোদীজী: য়াম্না ফৈ।

প্রীতীজী : অদুগা অমুক মনা মশিং ফুৎলগা শেম্বা হীদক কারা অদুসু থকপা লেপত্রি। অদুগা ইম্ম্যুনিতী হেনগৎনবা চীঞ্জাক চাবা লেপত্রি।

মোদীজী: য়াম্না ফৈ।

প্রীতীজী : হান্নদি ঐহাক ইশাগীদমক য়াম্না খল্লমদে, অদুবু হৌজিক্তি য়াম্না চেকশিল্লে।

মোদীজী: প্রীতীজী থাগৎচরি।

প্রীতীজী : হন্না হন্না থাগৎচরি সর।

মোদীজী: অদোম্না ঙসি হায়বিরিবা অসিনা মীওই কয়া অমদা কান্নবা কয়ামরুম পীরগনি হায়না ঐহাক্না থাজৈ। অদোম হকচাং নাদ-য়েক্তনা লৈবীয়ু, ইমুংগী মীওইশিংসু নাদ-য়েক্তনা লৈনবা ইশ্বরগী মফমদা থৌনিজরি।

ঐগী নুংশিরবা ইরৈবাকচাশিং, ঙসি মেদিকেল ফিল্দদগী ঐখোয়গী পর্সনেল, ফ্রন্তলাইন ৱর্করশিংনা মখোয়গী মথৌদা ২৪x৭ হোৎনরি। মসিগা চপ মান্ননা খুন্নাই অসিগী অতোপ্পা মীওইশিংনা তানফম অসিদা শরক য়াবা লেপত্রি। লৈবাক অসি অমুক হন্না পুনশিনদুনা কোরোনাগী মায়োক্তা লান্থেংনরি। হৌজিক মতম অসিদা ক্বারেন্তোন তৌদুনা লৈরিবা ইমুংশিংদা কনাগুম্বনা হীদাকশিং দেলিভর তৌরি, মনা-মশিং, শঙ্গোম, উহৈশিং অসিনচিংবা কনাগুম্বনা থারি। কনাগুম্বনা অনাবশিংদা লেম্না এম্ব্যুলেন্স সর্ভিসশিং পীরি। অসিগুম্বা অৱাবা তানফম অসিদা লৈবাক অসিগী তোঙান তোঙানবা কাচিন কোয়াশিংদা ওর্গনাইজেসনশিং থোরক্লি অমসুং মখোয়না অতোপ্পশিংদা মতেং পীনবা হোৎনরি। হন্দক্তো খুঙ্গংশিংদা অনৌবা এৱের্নেস পীবা উরি। কোবিদকী কাংলোনশিং চেকশিন্না ঙাক্না চৎলবদি মীয়াম্না মখোয়গী খুঙ্গং অসি কোরোনাদগী ঙাকথোক্কনি, মপানদগী লাকপা মীওইশিংগীদমক নীংথিজনা শেম-শারি। সহরশিংদা নহা ওইবা মীওই কয়া থোরক্লি, মখোয়গী লৈকাইদা কোরোনা কেসশিং ৱাংখৎলক্লিবা অসি ঙাকথোকপা ঙম্নবা লৈকাইগী মীয়ামশিংগা পুন্না থবক তৌমিন্নরি। হায়বদি অমরোমদা লৈবাক অসিনা হোস্পিতালশিং, ভেন্তিলেতরশিং অমসুং হীদাকশিংগীদমক অয়ুক-নুংথিল নুমিদাং হোৎনরি অমসুং নাকল অমরোমদা ইরৈবাকচাশিংনা থৌনা ফনা কোরোরনাগী শীংনবশিং লান্থেংনরি। ফীরেপশিং অসিনা ঐখোয়াদা পাঙ্গল অমসুং থৌনা হাপ্পী। মখোয়না হোৎনরিবশিং অসিনা খুন্নাইদা চাউনা কান্নবা পীরি। মখোয়না খুন্নাইগী শক্তি হাপ্পী।

ঐগী নুংশিজরবা ইরৈবাকচাশিং, ঙসি ঐখোয়না ‘মন কী বাত’কী ৱারী শাবা অসি কোরোনা লাইচৎতা মীৎয়েং থমখি মরমদি ঙসি ঐখোয়গী মরু ওইবা থৌদাং অসি লাইনা অসি মাইথিবা পীবনি। ঙসি অসি ভগৱান মহাভির জয়েন্তিসু তাই। নুমিৎ অসিদা ইরৈবাকচা পুম্নমক্তা ঐহাক্না য়াইফ-পাউজেল পীজরি। ভগৱান মহাভিরগী পাউজেলশিং অসিনা ঐখোয়দা কত্থোকপা অমসুং পুক্নিংবু খুদুম চনবা ঙম্নবা থৌনা পীরি। হোজিক রামজানগী শেংলবা থাসু চত্থরি। বুদ্ধা পুর্নিমাসু লাক্লগনি। মসি গুরু তেঘ বাহাদুরজীগী ৪০০শুবা প্রকাশ প্রবসু ওইরি। য়াম্না মরু ওইবা নুমিৎ পোচিশে বোইশক –তেগোর জয়েন্তি লাক্কদৌরে। পুম্নমক অসিনা ঐখোয়না থৌদাং মপুং ফানা পাঙথোক্নবা থৌনা পীরি। প্রজা অমা ওইনা ঐখোয়না ঐখোয়গী পুন্সিদা নীংথিজনা থৌদাংশিং অসি হেন্না পাঙথোক্লবদি ঐখোয়না হেন্না খোঙজেল য়াংনা খুদোংথিবা য়াওদনা মাংদা চংশিনবা ঙমগনি। য়াইফ পাউজেল অসিগা লোইননা ঐহাক্না নখোয় পুম্নমকপু তীকা থাদোক্নবা অমসুং মপুং ফানা চেকশিল থৌরাং লৌনবা অমুক হন্না হায়জরি। ‘হীদাকসু, চেকশিনবসু” – তীকা থাদোকপীয়ু অমসুং চেকশিল থৌরাং পুম্নমক লৌখৎপীয়ু। মন্ত্র অসি কাওবীগনু। ঐখোয় য়াম্না থুনা ঐখোয় ময়াম পুল্লগা খুদোংথিবা অসিদগী থোরক্লগনি। থাজবা অসিগা লোইননা ঐহাক্না পুম্নমকপু থাগৎচরি। খুরুমজরি!

ঐহাক্কী নুংশিজরবা ইরৈচাশিং, খুরুমজরি। হন্দক্কী ঐহাক্না চিথী, কমেন্তশিং ফংবদা মীওই কয়া অমদগী মরুওইবা ৱাফম কয়া অমা মন কী বাত্তা পীরক্লি। মাইগোবতা, বেঙ্গালুরুদগী অর্য়ান শ্রী – অনুপ রাও, নোইদাদগী দেবেশ, থানেদগী সুজীত – মখোয় পুম্বনা হায় মদুদি – মোদী জি হন্দক্কী অসি মন কী বাতকী ৭৫শুবা ইপিসোদনি, মসিগীদমক থাগৎপা ফোংদোকচরি। ঐহাক্না অদোমগী মন কী বাত নিংথিনা পাংথোকপা অসিগীদমক থাগৎপা ফোংদোকচরি; ঐহাক্কী ওইনদি মসি য়াম্না চাওথোকচনিঙাইনি; হরাওনিঙাইগী মরম অমনি। ঐহাক্কী ওইনা অদোম্বু হন্না থাগৎচরি; ঐহাক্না মন কী বাত অসিবু তাবিরিবা পুম্বসু থাগৎপা ফোংদোকচরি, অদোম য়াওদনা খোঙচৎ অসি ওইথোক্লোইদরিবনি। ৱাখল্লোল অসিদা খোঙথাং থাংখিবা অসি ঙরাংতা ওইরবোই নিংলি। ২০১৪গী ওক্তোবর ৩গী মতম অদুদা ধর্ম্মগী ওইবা থৌরম বিজয়াদাশ্মী অসিদনি – ঙসিদি হোলিকা দহান ওইরি। ‘থাওমৈ অসিনা অমদা অমুক চুদুনা, জাতি অসিবু ঙালহল্লসি’ –  মিয়েং অসিগী লম্বী অসিদা লাক্তুনা ঐখোয়না মাইকৈ অসিদা চৎলি। ঐখোয়না লৈবাক অসিগী কাচিন-কোয়া শিনবা থুংনা মীপুম খুদিংদা ৱারী শারি অমদি মখোয়গী থোইদোক হেন্দোকপা থবকশিংগী মরমদা খঙলি। অদোম্না থেংনবিরমগনি মদুদি লৈবাক অসিগী খ্বায়দগী চংশিনবা মফমশিং ফাওবদা লম্বা লৈতনা হোৎনবা কয়া অমা লৈরি – ভারত ইমা লৈবাক্কী তম্পাক্তা মশীং য়াম্লবা মীয়াম অমা য়োক্লি। ৭৫শুবা ইপিসোদ অসিগী মনুংদা, মীয়ামগী ওইবা হিরম অমদা চৎলি। করিগুম্বা মতম অমদা তুরেলদা; অতোপ্পা মতম অমদনা হিমালায়া চিংদোলদা য়ৌখি …মতম অমদনা মরুভুমীদা; অতোপ্পা অমদনা মহৌশাগী ওইবা অৱা-অনা কয়া অমা.. মতম অমদনা মীওইবগী সেবাদা .. খরদনা তেক্নোলোজী পুথোকপা অমদনা মফম কয়া অমদা! অদোম্না উরে মদুদি লু-নানবগী ওইগেরা নত্ত্রগা ঐখোয়গী থায়নগী চৎনবীগী খন্নবা ওইগেরা; মদুদা নত্তনা শান্নপোৎ শাবগী লমদা ওইগেরা করিদবু ৱাৎলিবগে? মশীং থিঙমদবা কয়া অমা লৈরি! পুম্নমক অসিগী মরক্তা মতম মতমগী ওইনা  ঐখোয়না শক্নাঈরবা কয়া অমদা ঐখোয়না পীরিবা ইকাই খু্ম্নবা অসি মপা লৈত্রী; ঐখোয়না মখোয়গী মরমদা তম্লি। ঐখোয়না মালেমগী ওইবা হিরম কয়া অমদসু ৱা ঙাংলি; ঐখোয়না মখোয়দগী পুক্নিং থৌগৎপা অসি লৌনবা হোৎনরি। অদোম্না ঐঙোন্দা মরুওইবা কয়া অমা হায়বিরি; অদোম্না ৱাখল্লোল কয়া অমা ঐঙোন্দা পীরি। অমরোমদা, ‘বিচার য়াত্রা’ অসিদা, ৱাখল্লোলগী খোঙচৎ অমা, অদোমগা লোয়ননা চৎলি, শম্নদুনা লৈরি, অনৌবা ৱাখল কয়া অমা হাপচিল্লক্লি। ৭৫শুবা ইপিসোদ অসিগী হৌদোরকপা মনুংদা, ঐহাক্না মন কী বাত অসিবু তাবিরিবা পুম্বা অমসুং মসিবু মায় পাকহল্লিবা অসিদা থম্মোয় শেংনা থাগৎপা ফোংদোক্লি।              

ঐহাক্কী নুংশিজরবা ইরৈচাশিং, অদোম্না উবা ফংবিরি মদুদি ঐহাক্না ৭৫শুবা মন কী বাত অসিদা ফোংদোকচবগী খুদোংচাবা অমা ফংবা অসি কয়াদা চাওরবা থৌদোক অম ওইরিবনো হায়বা অদু! মসিগী থা খুদিং অসি ৭৫শুবা নিং-তম্বগী ‘অম্রিত মহোৎসব’কী নিংশিংবা অমনি। ‘অম্রিত মহোৎসব’ অসি দন্দি য়াত্রা নুমিৎতগী হৌখ্রে অমসুং ২০২৩গী ওগস্তকী ১৫ ফাওবা চৎথগনি। অম্রিত মহোৎসবকা মরী লৈনবা থৌরমশিং অসি লৈবাক শিনবা থুংনা লেপ্পা লৈতনা চৎথরি; মীয়াম্না মফম কয়া অমদগী ই-পাও অমসুং অয়েকপা লাই কয়া অমা পীনরক্লি। ঝরখন্দদগী নবিন্না নামোএপ্তা মেসেজ অমা  অসিগুম্বা অয়েকপশিংগা লোয়ন্না থারক্লি। মহাক্না ইরক্লি মদুদি মহাক্না অম্রিত মহোৎসবকী থৌরমশিং য়েংলে অমসুং য়ামদ্রবদা নিংতম লানগা মরী লৈনবা মফম ১০ কোইরুনবা ৱারেপ লৌরে হায়রি। মহাক্কী অহানবা পান্দমদা ভাগৱান বির্সা মুন্দাগী পোক্নফম লমদম্না অহানবা ওইনা লৈরি। নবীন্না ইরকখি মদুদি মহাক্না  ঝরখন্দগী নিংতম লান্মী ত্রাইবেলগী ৱারীশিং লৈবাক অসিগী মফম কয়া অমদা য়ৌহনগনি হায়রি। ভাই নবীন, ঐহাক্না অদোমগী ৱাখল্লোল অদুবু থাগৎচরি।     

মরুপশিং, মসি নিংতম লান্মীগী ৱারী ওইসনু; মসি লৈবাক অসিগী মফম অমগী পুৱারী ওইসনু, অদোম্না অম্রিত মহোৎসবকী মনুংদা পুথোকপীবা য়াই; অদোম্না ইরৈচাশিং অসি উন্নবগী মরম অমা ওইবা য়াই। অদোম্না মথং-মথং উবা ফংবিগনি, অদোম্না অম্রিত মহোৎসবকী পুক্নিং থৌগৎপগী মরীক কয়া অমা.. অমসুং মিত্রং অসিনা ভারতকী নিংতম্বগী চহি চাম্মা ফাওবদা পুক্নিং থৌগৎতুনা লৈরগনি.. মসিনা লৈবাক অসিবু অনৌবা থাক অমদা পুখৎলগনি। নিংতম লানফম অসিদা ঐখোয়গী লান্মীশিং অসিনা লৈবাক অসিগীদমক থৱায় থাবা অসিনা ঐখোয়গী ইথৌনি হায়না লৌদুনা মশীং খঙদনা অৱাবা কয়া অমা থেংনখি। মখোয়গী কৎথোকপগী মুৎনাইদ্রবা ৱারীশিং ‘ত্যাগ’ অমসুং ‘বলিদান’ অসিনা লেপ্পা লৈতনা ইথৌদা পুক্নিং থৌগৎপা ওইরসনু। অমসুং ভগবান শ্রী কৃষ্ণনা হায়বিরম্মী মদুদি, “নিয়তম কুরু কর্মা ত্বাম কর্মা জ্যায়ো হ্যাকার্মানাহ” ফাওরক্লিবা অসিগা মান্ননা, ঐখোয় পুন্বনা ঐখোয়দা পিরক্লিবা ইথৌশিং অসি মপুং ফানা পাংথোক্কদবনি। অমসুং ঐখোয়গী নিং-তম্বগী অম্রিত মহোৎসব অসিনা অনৌবা ৱারেপ অমগা মান্নরি.. অমসুং ৱারেপ অসিবু ফংনবা, অমসুং হায়রিবা ৱারেপ অসিনা সমাজগী ওইবা য়াইফবা অমা ওইনবা, লৈবাক অসিগী অফবা অমা ওইনবা, ভারতকী তুংগী য়াইফবা..ৱারেপ অসিনা মশাগী ওইবা থৌদাং অমা লৌজবা নত্ত্রগা মশাগী মথৌদাং লৌশিনবা।         

ঐহাক্কী নুংশিজরবা ইরৈচাশিং, মমাংগী চহিদা মসিগী থা মার্চ অসিনি মীয়াম্না লৈবাক অসিদা অহানবা ওইনা ‘জনতা কর্ফ্যু’ হায়না তাখিবা অসি। মতিক লৈরবা লৈবাক অসিগী মতিক লৈরবা প্রজা, মীয়াম অসিগী অঙম্বা অসিদা অমুক্তা য়েংবিয়ু.. জনতা কর্ফ্যু অসিনা মালেম শিনবা থুংনা চমম্নবা অমা ফাওহনখি। মসিনা হৌন-লোনচৎকী অমুক্তা থোকখিদ্রিবা অমগী খুদম ওইরি; লাক্কদৌরিবা মীরোলনা মসিগীদমক চাওথোকচবা অমা ফাওরগনি। মসিগা চপ মান্ননা, ইকাই খুম্নবা উৎপা, কোরোনাগী লান্মীদা ইকাই খুম্নবা উৎপা, পুখম য়ৈবা, খুবাক খুবা, থাউমৈ থানবা! অসিনা কোরোনা লান্মীশিংগী থম্মোয়দা কয়াগী মতিক হরাওবগে হায়বা অদোম্না উবা ফংলোই.. অমসুং মসিনা মরম ওইদুনা মখোয়না চহি চুপ্পা চোকথবা নাইদনা অমদি লেপ্পা লৈতনা থবক্তা চৎথরিবা অসি। হনবা লৈতনা মখোয়না লৈবাক অসিগী মীপুম খুদিংগী পুন্সিবু কন্নবা হোৎনখি। মমাং চহিদা, চাওরাক্না মসিগী মতম অসিদা হংনখিবা ৱাহংদি ভেক্সিন অসি করম্বা মতমদা পুথোরক্কদগে হায়বা অসিনি! মরুপশিং, ঙসিদি মীয়ামগী মতেংনা ভারত অসি মালেমগী ওইনা খ্বায়দগী চাওবা ভেক্সিনেসনগী থৌরম চৎথরি। ভুবনেশ্বরদগী পুশপা শুক্লা জিনা ভেক্সিনেসনগী থৌরম অসিগী ফোতোগ্রাফকী মতাংদা ঐঙোন্দা চিথী ইরকখি। মহাক্না ভেক্সিনেসন অসিগা মরী লৈননা ইমুংগী অহলশিংদা উরিবা অসিগী মতাংদা মন কী বাত্তা খন্ননবা তকশিল্লি। মরুপশিং, মসি অচুম্বনি, ঐখোয়না লৈবাক্কী মফম কয়া অমদগী অসিগুম্বা পাউ অসি তারি; ঐখোয়না থম্মেোয়দা ফাওহনবা পিকচরশিং অসি উবা ফংলি। জৌনপুর য়ু.পি.দগী চহি ১০৯ শুরবা অহল ওইরবা ইমা, রাম দুলাইয়া জিনা ভেক্সিনেসন ফংখি; মসিগা মান্ননা দিল্লীদা চহি ১০৭ শুরবা কেৱাল কৃষ্ণ জিনা ভেক্সিন অসিগী দোজ লৌখি। হায়দ্রবাদতগী চহি ১০০ শুরবা  জয় চৌধুরীনা ভেক্সিন অসি কাপখি অমসুং মীপুম খুদিংনা ভেক্সিন অসি কাপ্নবা কন্না হায়জরি। ঐহাক্না ত্বীতর-ফেসবুক্তা উবা ফংলি মদুদি য়ুমগী অহলশিংনা ভেক্সিন কাপ্লবা মতুংদা মখোয়না পিকচরশিং অপলোদ তৌরক্লি।  কেরলাদগী নহা ওইরিবা অমা অনন্দান নায়রনা অনৌবা অমা ওইনা –‘ভেক্সিন সর্বিস’ পীরি। মসিগা মান্নবা মেসেজ অসি দিল্লীদগী শিবানি, হিমাচলদগী হিমানশু অমসুং অতৈ নহা কয়া অমনা থারক্লি। মসি ময়াম অসিগী মরক্তা, কোরোনা থেংননবা মন্ত্র অসি নিংশিংবিয়ু মদুদি – দৱাইয়িভিকাদাইভি। মসি ঐহাক্না হায়বা খক নত্তে; ঐখোয়না দৱাইয়িভিকাদাইভি  অসিদা হিংবা তাই, ৱারী শাবা তাই, মীয়ামদা হায়বা অমসুং শোইদনা তৌহনবা অমা মথৌ তাই।    

ঐহাক্কী নুংশিজরবা ইরৈচাশিং, ঐহাক্না ঙসি ইন্দোরদা লৈবা সৌম্যা জিবু থাগৎচরি। মহাক্না ঐহাক্কী অনিংবা অসি হিরম অমদা চিংশিল্লি অমসুং মসিবু ‘মন কী বাত’ অসিদা পন্নবা তকশিল্লি। হিরম অসি – ইন্দিয়াগী ক্রীকেত্তর মিতালিরাজকী অনৌবা রেকোর্দ অসিনি। হন্দক্তা মিতালিরাজ অসি রন লিশিং ১০ য়ৌখিবা অহানবা ইন্দিয়ন নুপী ক্রীকেত্তরনি। মীওই কয়া অমনা মহাক্কী মায় পাকপা অসিদা থাগৎপা ফোংদোক্নখি। মহাক অসি মালেমগী ওইনসু অহানবা রন লিশিং তরেৎ য়ৌবা অহানবা নুপী শান্নরোইনি। নুপীগী ক্রীকেতকী লমদা মহাক্কী থৌদাং অসি শিংথানিঙাইনি। মিতালি রাজ জিনা মহাক্কী দিকেৎ অনিগী শিনফমদা মিল্লিয়ন কয়া অমা পুক্নিং থৌগৎখি। মহাক্কী অখাং কনবা অমসুং মায় পাকপা অসিনা নুপী ক্রীকেত্তর খক্তা নত্তনা নুপা ক্রীকেত্তরসু পুক্নিং থৌগৎলি।      

মরুপশিং, মসি য়াম্না নুঙাইবা অমা ওইরি মদুদি… মার্চ থা অসিমক্তদা ঐখোয়না নুপীগী নুমিৎ অসি পাংথোক্লিঙৈ মতম অসিদা নুপী শান্নরোয় কয়া অমনা রেকোর্দ কয়া অমা তাল্লি অমসুং মেদল কয়া অমা মখোয়গী মিংদা ফংলি। ইন্দিয়ানা দিল্লীদা পাংথোকপা আই.এস.এস.এফ. ৱার্দ কপ শুতিংদা মকোক্তা লৈবা ঙমখি। ইন্দিয়ানা গোল্দ মেদলসু মকোক্তা লৈখি। হায়রিবা অসি ইন্দিয়াগী নুপী অমসুং নুপা শুতরশিংনা অহেনবা কয়া অমা উৎপদগীনি। মরক অসিদা পি.ভি. সিন্ধুনা বি.দবল্যু. স্বীস ওপন সুপর ৩০০ তুর্নামেন্তদা সিলবর মেদল ফংবা ঙমখি। ঙসিদি মহৈ তম্বদগী ইন্ত্রেপ্রেন্যুরশিপ ফাওবা, আর্ম ফোর্সেসতগী সাইন্স অমসুং তেক্নোলোজী ফাওবা, লৈবাক অসিগী নুপীমচাশিংনা মফম খুদিংদা মকোকথোংবা কয়া অমা পুরকপা ঙম্লি। ঐহাক্না মরুওইনা নুপীমচাশিং অসিনা শান্ন-খোৎনবা অসিদা নৌনা মফম অমা কল্লকপা অসিদা হরাওবা ফাওই। শান্ন-খোৎনবা অসি শিনফম অমা ওইনা খন্নরক্লি।   

ঐহাক্কী নুংশিজরবা ইরৈচাশিং, অদোম্না মতম খরগী মমাংদা পাংথোকখিবা মেরিতাইম ইন্দিয়া সম্মিত অসি নিংশিংবিব্রা? ঐহাক্না মসিগী সম্মিত অসিদা হায়খিবশিং অদু নিংশিংবিব্রা? মহৌশানা, থৌরম কয়া  অমা পাংথোকখ্রে, কয়া অমা হায়খ্রে, মী অমনা মতৌ করম্না পুম্নমক নিংশিংবগে অমসুং মতৌ করম্না মীওই অমনা পুক্নিং চংবগে.. মহৌশাগুম! অদুবু ঐহাক্না হরাওজৈ মদুদি গুরু প্রসাদ জিনা ঐহাক্না হায়জবা অমা থৱায় য়াওনা পুখৎলকপা অসিদা। মসিগী সম্মিত অসিদা  ঐহাক্না লৈবাক অসিগী লাইত হাউস কম্প্লেক্সকী অকোইবদা লমকোইবগী খুদোংচাবা শেমগৎনবা ৱারী শাখি। গুরু প্রসাদনা মহাক্কী ২০১৯দা লাইত হাউস অনি – চেন্নাই লাইত হাউস অমসুং মহাবলিপুরম লাইত হাউস অসিদা থেংনরকপা তমখি। খুদম ওইনা চেন্নাইগী লাইত হাউস অসি মালেমগী ওইনা ইলিবেতর লৈবা লাইত হাউস ওইনা খনগৎপদা অমনি। মসিদা নত্তে, মসি ইন্দিয়াগী ওইনা সহরদা লৈবা লাইত হাউস অমনি। মসিদা ইলেক্ত্রিসিতীগী ওইনা সোলার পেনেলসু লৈরি। গুরু প্রসাদ জিনা লাইত হাউসকী হেরিতেজ ম্যুজিয়মগী মতাংদা ৱা ঙাংখি। থায়নদগী শিজিন্নরম্লবা অচৌবা দুশিনা শেম্বা থাউমৈ, কিরোসিনগী মৈ, পেত্রোলিয়মগী মনিল অমসুং ইলেক্ত্রীক্কী মৈ অসি ম্যুজিয়ম অসিদা লৈরি। মহাক্না হায় মদুদি লাইত হাউস অসিগী মথক্তা মফম অসিদা পল্লবা নিংথৌ মহেন্দ্র বর্মন অহানবানা শারম্বা চহি চাম্মা শুরবা ‘উল্কানেশ্বর’ মন্দির লৈরি।  

মরুপশিং, ঐহাক্না তুরিজমগী মতাংদা ‘মন কী বাত’ মনুংদা কয়ারক হন্না হায়খ্রে, অদুবু মসিগী লাইত হাউস অসি তুরিজমগী মতাংদা অখন্নবা অমনি। লাইত হাফস অসিগী চাওরবা মওং মতৌ লৈবা মরম্না মীয়াম্না পুক্নিং চিংশিন্নবা মচাক অমা ওইরি। তুরিজম অসিবু পুখৎনবা লাইত হাউস ৭১ ইন্দিয়াদা থিদোক্লে। হায়রিবা লাইত হাউস পুম্বা মশাগী ওইনা মপম, ম্যুজিয়ম, এমফী-থিএতর, ওপন এয়র-থিএতর, কেফেতরী, অঙাংগী শান্নফম, মহৌশাগা চুনবা শঙশিং অসি শাগনি। অমরোমদা লাইত হাউস হায়রকপা মতমদা ঐহাক্না অখন্নবা লাইত হাউস অমা থম্বা পাম্লি। মসিগী লাইত হাউস অসি গুজরাতকী সুরেন্দ্র নগর দিস্ত্রীক্তা লৈবা জিনঝুৱাদা লৈরি। অদোম্না মসিগী লাইত হাউস অসি ইতোপ তোপ্পা অমা লৈরিবা অসি খঙবিবরা? মসি অখন্নবা অমনি, মরমদি শমুদ্র মপাল অসি ঙসিদি লাইত হাউস অসিনা লৈরিবা অসিদগী কিলোমিতর ১০০ হেন্না লাপ্না লৈরি। অদোম্না খুঙ্গং অসিদা মতম অমদা থবক য়াম্না চিনবগী মওং তাক্লিবা নুঙশিং উবা ফংগনি। মসিনা তাকপদি কোচলাইন অসি হান্ননা জিনঝুৱাদাদা লৈরম্মী। হন্দক্কী থা অসি জাপান্দা সুনামীনা অকিবা ফংনা অমাং অতা থোকহনখিবা চহি ১০ ফারক্লে। মসিগী সুনামী অসিদা মীওই লিশিং কয়াগী মপুন্সি মাংখি। মসিগা মান্নবা সুনামী অমা ইন্দিয়াদা  ২০০৪দা থোকখি। সুনামী অসিদা লাইত হাউস অসিগী শিন্মী ১৪গী মপুন্সি মাংখি, মখোয় অসি অন্দমান নিকোবর অমসুং তামিল নাদুগী লাইত হাউস্তা মথৌ তৌদুনা লৈবনি। ঐহাক্না ঐখোয়গী মথৌদা থৱায় য়াওবা লাইত কীপ্পরশিং অসিবু ইকাই খুম্নবা উৎলি।   

ঐহাক্কী নুংশিজরবা ইরৈচাশিং, অনৌবা অমা পুথোকপা, মতমগা চুনবা অমা পুরকপা হায়বা অসি পুন্সিগী লম কয়া অমদা তঙাইফদনা চংই, মদু নত্ত্রবদি মতম্না লাকপদা খোঙয়েৎ ওই। ইন্দিয়াগী লৌউ-শিংউবদা মতমগা চুনবা অমা পুরকপা হায়বা অসি হৌজিক্কী মতমদা চংলি। হায়রিবা অসি থেংলবনি। ঐখোয়না মতম কয়া অমা মাংখ্রবনি। হান্ননা লৈরিবা লৌউ-শিংউব অসিদা অনৌবা উপায় অমা শিজিন্নবা, অনৌবা ৱাখল অমা পুথোকপা অসি লৌউ-শিংউবগী সেক্তরদা অনৌবা থবক্কী খুদোংচাবা অমা অমসুং লৌমীগী ইনকম হেনগৎনবা য়াম্না মরু ওই। লৈবাক অসিনা মসি হ্বাইত রিবোলুসনগী মতমদা  থেংনখ্রবনি। হৌজিক খোই য়োকপা অসিনা উপায় অমা ওইরি। খোই য়োকপা অসিনা খোইহিগী রিবোলুসন অমসুং স্বীত রিবোলুসন্দা মফম অমা কল্লি। মশীং য়াম্লবা লৌমীশিংনা মসিদা য়াওরি; অনৌবা কয়া অমা পুথোক্লি। ৱেস্ত বেঙ্গালগী দার্জীলিংদা লৈরিবা গুরদুম খুঙ্গং অমনি। মফম অসিদা চিংমাই লৈ, জিওগ্রাফিকেলগী ওইবা অৱাবা কয়া অমা থেংনৈ অমসুং অদুবু, মফম অসিদা লৌমীশিংনা খোইহিগী খোই লোইরি অমসুং ঙসিদি মফম অসিদা খোইহি মরাং কাইনা দিমান্দ লাক্লি। মসিনা লৌমীশিংদা ইনকম হেনগৎলক্লি। ৱেস্ত বেঙ্গালগী সুন্দরবনগী মফমদা লৈরিবা মহৌশাগী ওইবা ওর্গানিক ওইবা খোইহি অসি লৈবাক অসিদা অমসুং মালেমগী ওইনা পাম্নরি। ঐহাকসু অসিগুম্বা মখল অমা গুজরাত্তা থেংনখ্রে। ২০১৬দা গুজরাতকী বানাস্কান্থাদা থৌরম অমা পাংথোকখি। হায়রিবা থৌরম অসিদা ঐহাক্না মফম অসিদা থবক কয়া অমা পায়খৎপা য়াই হায়না হায়খি.. করিগী বানাস্কান্থা অমসুং লৌমীশিং অসিনা অনৌবা স্বীত রিবোলুসনগী পন্দুপ অমা ইবা ঙম্মোইদবগে? অদোম্না মসি খঙবদা হরাওগনি মদুদি বানাস্কান্থানা অতেনবা মতমদা খোইহি পুথোকপগী মফম অমা ওইরক্লি। ঙসিদি, বানাস্কান্থাগী লৌমীশিংনা খোইহিদা লুপা লাখ কয়া অমা তাল্লি।    

মসিগা মান্নবা খুদম হারিয়ানাগী জমুনা নাগরদসু লৈরি। জমুনা নাগরদা লৌমীশিংনা চহি খুদিংগী খোইহি তোন কয়া অমা পুথোক্তুনা লৌমীশিংগী ইনকম হেনগৎলি। লৌমীশিং অসিনা কন্না হোৎনবা অসিনা লৈবাক অসিদা খোইহি পুথোকপগী চাং অসি হেনগৎলক্লি অমসুং চহি খুদিংগী তোন লাখ ১.২৫ পুথোক্লি হায়রিবা অসি মীরমদা মশীং য়াম্না থাদোক্লি।

মরুপশিং, খোইহিগী খোই য়োকপা অসিনা খোইহি খক্তগী ইনকম নত্তনা খোইহি ৱেক্সতগীসু চাওরবা ইনকম অমা লাক্লি। খোইহি ৱেক্স অসি .. ফার্মাসিয়ুতিকেল, চিঞ্জাক, তেক্সতাইল অমসুং কোস্মেতিক্না দিমান্দ কয়া অমা লাক্লি। ঐখোয়গী লৈবাক অসিনা খোইগী ৱেক্স অসি মীরমদা থাদোক্লি অদুবু, ঐখোয়গী লৌমীশিংনা ফিবম অসিবু অওনবা অমা পুরক্লি.. মসিনা ‘আত্মানির্ভর ভারত’ কেম্পেইন্দা শরুক য়ারি।  ঙসিদি মালেম পুম্বা আয়ুর্বেদা অমসুং মহৌশাগী হকশেলগী পোত্থোক্তা মায় ওনশিল্লক্লি। অসিগুম্বা মতম অসিদা খোইহি অসি য়াম্না পাম্বা হেনগৎনরক্লি। ঐহাক্না লৌমীশিংদা খোই লোইবা অসি হেন্না য়াওশিন্নবা হায়জরি। মসিনা লৌমীশিংদা ইনকম হেনগৎহনগনি অমসুং মখোয়গী পুন্সিদা হেন্না মহাও থোক্লহনি।

ঐহাক্কী নুংশিজরবা ইরৈচাশিং, ৱার্দ স্পেরো দে অসি হন্দক্তা নুমিৎ খরনিগী মমাংদা পাংথোকখ্রে।  স্পেরো হায়বদি গোরাইয়া মসি মফম খরদা অচাকালি হায়না খঙনৈ, নত্ত্রগা চিম্নি, ওরঘানচিরিকা হায়নসু খঙনৈ। মমাংঙৈদা গোরাইয়া অসি ঐখোয়গী য়ুমগী অকোইবদা অমসুং মনাক নকপা উ-পাম্বীশিংদা লৈরম্মী। অদুবু হৌজিক্তি গোরাইয়া অসি মমাংঙৈদা লৈরম্মী হায়না নিংশিংব খক্তা ঙাইরে! ঙসিদি ঐখোয়না মসি কন্ননবা হোৎনবা মথৌ তারে। ঐহাক্কী মরুপ বরানাসতগী ইন্দ্রপাল সিংহ বাত্রানা লম অসিদা কন্না হোৎনরি অমদি মসি ঐহাক্না মন কী বাত্তা শোইদনা হায়গনি। বাত্র জিনা মহাক্কী য়ুম অসি গোরাইয়াগী চংজফম পীরি। মহাক্না উনা শাবা মহুম শেমদুনা গোরাইয়া লৈবা নুঙাইনবা শেম্লি। ঙসিদি বরানসকী য়ুমথোং কয়াদা কেম্পেইন অসিদা শরুক য়ারি। মসিনা য়ুমশিং অসিদা অঙকপা ফংনা মহৌশাগী ওইবা অকোইবা অমা শেমগৎলি। ঐহাক্না মসি মহৌশাগীদমক, অকোইবগীদমক, শা-ঙাগীদমক, উচেক্কীদমক থম্বা পামই।

মরুপ অমা বিজয় কুমারজি গুম্না। বিজয়জি ওরিশাগী কেন্দ্রপাদাগী থাগৎপা ফোংদোরক্লি। কেন্দ্রপাদা অসি শমুদ্র মপালদা লৈবনি। মরম অদুনা মফম অসিদা লৈরিবা খুঙ্গংগী দিস্ত্রীক্ত অয়াম্বা নোংলৈ-নুংশিৎকী খুদোংথিবা মায়োক্নরি। মসিনা করিগুম্বা মতমদা অমাং অতা য়াম্না থোকহল্লি। বিজয়জিনা মহাক্কী ৱাখল্লনা ফাওরি মদুদি অৱা অনা অসিদগী ঙাকথোকপা ঙম্বা অসি মহৌশা অসি খক্তনি হায়না খল্লি।  মরম অসিদগী বিজয়জিনা মহাক্কী পান্দম অসি বারাকোৎ খুঙ্গং অসিদা চহি ১২দগী হৌরকখি… মরুপশা চহি ১২ খাঙদুনা লাকপনা মহাক্না মানগ্রুব উমং একর ২৫ খুঙ্গং অসিদা লৌশিনবা ঙম্লে। ঙসিদি উমং অসিনা খুঙ্গং অসিবু ঙাকথোক্লি।  মসিগা মান্ননা ওরিশাগী পারেদিপ দিস্ত্রীক্ততা ইঞ্জিনিয়র অমা ওইরিবা অম্রেশ সমন্তজিনা পাংথোক্লি। অম্রেশজিনা মাইক্রো ফোরেস্ত শেমগৎলি, হায়রিবা অসিনা ঙসিদি খুঙ্গং অসিবু শেংগৎলি। মরুপশা, মসিগী মখল অসিনা ঐখোয়গী সমাজ অসিদা লৈরবা, য়াম্না চাওনা কান্নবা ফংগনি। খুদম ওইনা, তামিল নাদুগী, কোম্বাতোরদা বস কন্দক্তর ওইনা থবক তৌরিবা মারিমুথু য়োগানাথান অসিসু অমনি। য়োগানাথানজিনা বস পেসেঞ্জরশিংদা তিকেৎ পীবা মতমদা উ-চার মচা লেম্না পীরি। অসুম্না য়োগানাথান্না উ কয়া অমা থারি! য়োগানাথান জিনা মহাক্কী তোলোপ্তগী চাদিং কয়া অমা থবক অসিদা থাদরি। হৌজিক্তি মহাক্কা ৱারী অসি তাবদা নাগরিক কনানা মারিমুথু য়োগানাথানবু থাগৎলোইদবগে?  ঐহাক্না থম্মোয় শেংনা মহাক্কী হোৎনমল অমসুং  পুক্নিং থৌগৎপা থবকশিং অসিদা থাগৎপা ফোংদোক্লি।

ঐহাক্কী নুংশিজরবা ইরৈচাশিং, ঐখোয় পুম্বনা উরে, তারে মদুদি ৱেস্ততগী ৱেলথদা ওনবা অসি! মসিগা মান্ননা ৱেস্ততগী ভেল্যুদা ওন্থোকপা অসিসু হোৎনরি। মসিগী খুদম অমদি কেরলাদা লৈবা কোচিগী সেন্ত তেরেসা কোলেজ অসিনি। ঐহাক্না নিংশিংলি মদুদি ২০১৭দা ঐহাক্না কোলেজ অসিগী কেম্পস্তা পাংথোকপা লাইরিক পাবগী থৌরম অমা শরুক য়াখি। কোলেজ অসিগী মহৈরোয়শিংনা অমুক হন্না শিজিন্নবা য়াবা শান্নপোৎ য়াম্না ৱাখল লৈনা পুথোক্লি। মহৈরোয় খরনা পজল শেম্মী খরনা কারদগী ত্রেন ওন্থোকপা শেম্লি। মসিদা অখন্নবা পুক্নিং চংলিবা অসি শান্নপোৎশিং অসি শোক-পন্দনবা লোয়ননা অঙাংশিংনা শান্নবা য়ানবা শেম্লি। অমসুং মসিদা খ্বায়দগী ফবা অমদি শান্নপোৎশিং অসি আঙ্গনৱাদীগী অঙাংশিংদা শান্নবা পীরি। ঙসিদি, ইন্দিয়ানা শান্নপোৎ শাবগী লমদা মাংলোম চংশিল্লিবা অসিদা মসিগী ৱেস্ততগী ভেল্যু অসিনা কান্নবা য়াম্না পীরগনি।  

আন্ধ্র প্রদেশকী বিজয়াৱাদাদা প্রোফেসর শ্রীনিবাসা পারকান্দলাজি লৈরি। মহাক্না য়াম্না নুঙাইবা থবক কয়া অমা তৌরি। মহাক্না ওতোমোবাইল মেতেল স্ক্রেপ্তগী স্কলপচর শেম্লি। মসিগী স্কলপচরশিং অসি মীয়ামগী ওইবা পার্কতা খিন্দুনা থম্লি অমদি মীয়াম্না পাম্না য়েংনরি। মসি ইলেক্ত্রোনিক্স অমসুং ওতোমোবাইলগী লেমখাক্না শেম্বা অনৌবা পুথোকপা অমনি। ঐহাক্না অমুক হন্না কোচি অমসুং বিজয়াৱাদাগী হোৎনমল অসিবু থাগৎপা ফোংদোক্লি অমসুং মীওই কয়া অমনা অসিদগুম্বা থবক অসি তৌরকখিনি হায়না আসা তৌই।

ঐহাক্কী নুংশিজরবা ইরৈচাশিং, ইন্দিয়াগী মীওই অমনা মালেমগী মফম অমা কোইবা মতমদা, চাওথোক্না ইন্দিয়ন্নি হায়রি। ঐখোয়না চাওথোকচনিঙাই ময়াম অমা লৈরি… ঐখোয়গী য়োগা, আয়ুর্বেদা, ফিলোজোফী অমসুং করি লৈতবগে! মদুদি ঐখোয়না চাওথোক্না হায়বা য়াই। ঐখোয়না ঐখোয়গী লোল, দাইলেক, মশক তাকপা, ফিজোল, চিঞ্জাক অমসুং থক্নবা অসিদা চাওথোকচৈ।

ঙসিদি, আসমদা লৈরিবা সিকারি তিশাও, মশাগী মথৌদা পুক্নিং চংনা থবক তৌরি। কার্বি আলোংগী সিকারি তিশাও জি হৌখিবা চহি ২০ চুপ্না কার্বি লোল দোক্যুমেন্ত তৌদুনা লাক্লি। মতম অমদা, ‘কার্বি’, ‘কার্বি ত্রাইবেল’ ইচল ইনাওগী লোল অসি হৌজিক উবা ফংখিদ্রে। শ্রীমান সিকারি তিশাওনা মখোয়গী শক্তাক অসিবু ঙাক্তুনা থমগনি হায়না ৱারেপ লৌদুনা লৈরি। মহাক্না মহাক্কী হোৎনমল অসিদা মনা কয়া অমসু ফংখি অমসুং এৱার্দ কয়া অমসু ফংখি। ঐহাক্না শ্রীমান সিকারি তিশাওবু ‘মন কী বাত’তা থাগৎপা ফোংদোক্লি।  

ঐহাক্কী নুংশিজরবা ইরৈচাশিং, অনৌবা অমা পুথোরকপা অসি য়াম্না মরু ওই। অনৌবা পুথোকপা হায়বা অসি অনৌবা ওইথোকপা য়াবা অমনি – অনৌবা হোৎনমলনি। অমসুং, অনৌবা হোৎনবা হায়বদি অনৌবা ইনর্জী অমদি অনৌবা থৌনানি। মরম অসিনা স্তেত কয়া অমদা অমসুং মফম কয়া অমদা অনৌবা হৌরকপা অসি য়েংলিবা অসিনি। হন্দক্তি মতম অসি অনৌবা অহৌবা অমসুং ফেস্তিবেল য়ৌরকপা মতম্নি। হোলি অসি বসন্ত, স্প্রিংগী ফেস্তিবেল ওইনা পাংথোকপা মতম্নি। ঐখোয়না হোলি অসি মচু কয়া অমগা লোইননা পাংথোক্লিঙৈ মতম অসিদা স্প্রিংনা অকোইবদা মচু কয়া অমা অহোংবা পুরক্লি। মতম অসিদা লৈশিং শাৎপা হৌরক্লি, মহৌশা অনৌবা ময়োল চোংলি। অনৌবা চহিগী থৌরম কয়া অমা মফম কয়াদা অথুবা মতমদা হৌরক্লগনি। উগাদি নত্ত্রগা পুথান্দু, গুদি পার্ৱা নত্ত্রগা বিহু, নাব্রেহ নত্ত্রগা পোইলা, বোইশাখ নত্ত্রগা বাইসাখি – লৈবাক পুম্বা মচু কয়াগা লোয়ননা অনৌবা আসা অমা পুরক্লগনি। মতম অসিমক্তদা কেরলাদা বিশু পাংথোক্লি। মসিগী মতুংদা ইকুই কুইদনা চাইত্রা নাবরাত্রীগী শেংলবা থৌরম লাক্লগনি। মসিদা লোর্দ রামাগী মপোক কুমোনগী থৌরমশু পাংথোকই। মসিগী থৌরম অসিদা মফম খুদিংদা লাই খুরুম্বা, মীয়াম পুনবা, মখোয়না ইমুং মনুং মরী মতাগা উন্নবা, মরী ফগৎহনবা অসি পাংথোকই। ফেস্তিবেলগী মতম অসিদা ঐহাক্না ইরৈচাশিংবু থাগৎপা ফোংদোক্লি।

মরুপশিং, এপ্রিল ৪গী মতম অসিদা, লৈবাক অসিনা  ইস্তর থৌরম পাংথোক্কনি। ফেস্তিবেল ইস্তর অসি জিসু খ্রিস্টানবু পাং তিংবগী নিংশিং থৌরম্নি। শেংনা হায়রবদা ইস্তর অসি অনৌবা পুন্সি অমা হৌবগী মওং উৎলি। মসিগী শেংলবা অমসুং নুঙাইরবা থৌরম অসিগা ঐহাক্না ইন্দিয়াদা লৈবা খ্রিস্টান খক্তা নত্তনা মালেমগী ওইবা খ্রিস্টানশিংবু হরাও তয়াম্বা ফোংদোক্লি।   

ঐহাক্কী নুংশিজরবা ইরৈচাশিং, ঙসি ‘মন কী বাত’তা ঐখোয়না ‘অম্রীত মহোৎসব’ অমসুং লৈবাক অসিদা ঐকোয়গী থৌদাংশিংগী মরমদা ৱারী শান্নরি। ঐখোয়না অতোপ্পা ফেস্তিবেল অমসুং ফেস্তিবেলগী ওইবা মরমদা খন্নখ্রে। মরক অসিদা অতোপ্পা ফেস্তিবেল অমা লাক্তুনা মসিনা ঐখোয়গী কন্সতিত্যুসনেল ওইবা হক অমসুং ইথৌদাং কয়া অমা নিংশিংহল্লি। মদুদি এপ্রিল ১৪ অসিনি – হায়রিবা অসি দাঃ বাবা সাহেব অম্বেদকর জিগী মপোক কুমোন্নি। হন্দক্কী অসিদা ‘অম্রীত মহোৎসব’ মসিগী থৌরম অসি হেন্না মরুওইবা অমা ওইরি। ঐহাক্না থাজৈ মদুদি ঐখোয়না বাবা সাহেবকী নিংশিং থৌরম অসি ঐখোয়গী ইথৌদাংদা ৱারেপ লৌবা অমসুং মহাকপু ইকাই খুম্নবা উৎতুনা পাংথোক্কনি। থাজবা অসিগা লোয়ননা অমুক হন্না অদোম পুম্নমকপু ফেস্তিবেল অসিগী য়াইফ পাউজেল পীজরি। অদোম পুম্বা হরাও-নুঙাইনা লৈবিয়ু, হকচাং পনা লৈবিয়ু অমদি মসিগী লোয়ননা ঐহাক্না অদোম পুম্নমকপু অমুক হন্না নিংশিংজরি মদুদি ‘দৱাই ভী, কদাই ভী’!

থাগৎচরি!

ঐহাক্কী নুংশিজরবা ইরৈচাশিং, খুরুমজরী। ঙরাং অসি ফাইরেনগী পুর্ণিমাগী নুমীৎ ওইখি। ফাইরেন থা অসিদা মরুওইনা তুরেলশিং, পাৎশিং অমদি ঈশিং হৌরকফমগা মরি লৈনৈ হায়না লৌনৈ। ঐখোয়গী শাস্ত্রশিংদা হায়রিঃ-

“মাঘে নিমগ্নাঃ সলিলে সুশীতে, বিমু্ক্তপাপাঃ ত্রিদিবম, প্রয়ান্তি।।”

হায়বদি ফাইরেন থা অসিদা করিগুম্বা শেংলবা ঈশিংগী তুংনফম ওইবা মফমদা ঈরুজথোকপা অসি পবিত্র ওই হায়না লৌনৈ। মালেম অসিগী খুন্নাই খুদিংমক্তা তুরেলগা মরি লৈনবা মমাংঙৈগী ওইবা চৎনবী অমা নত্রগা অমা ওই। তুরেলগী তোর্ব্বান্দা সভ্যতা কয়া অমসু শেমগৎখি। ঐখোয়গী ইনাৎ অসি চহি লিশিং কয়া লিরে, মরম অসিনা মসিগী শন্দোকপা মওং অসি ঐখোয়গীসিদনা হেন্না ফংই। লৈবাক অসিগী মচি অমদা নত্রগা অমদা ঈশিংগা মরি লৈনবা অসিগুম্বা কুহ্মৈ লৈরমদবা তারবদি ভারত্তা অসিগুম্বা নুমীৎ অমা লৈরম্লোই। ফাইরেন থাগী নুমীৎশিংদা মীশিংনা মাগী-মাগী ইমুং-মনুং, হরাও-নুংঙাইবা কয়া থাদোক্তুনা থাবুম চুপ্পা তুরেলগী তোর্ব্বান্দা কল্পৱাস তৌবা চৎলি। হন্দক্তি হরিদ্বারদা কুম্ভ পাংথোক্কদৌরি। ঈশিংগী ঐখোয়গী থৱায়সুনি, পু্ক্নিংগী থাজসুনি অদুগা চাউখৎপগী ঈচেলসুনি। ঈশিং অসি মাযকৈ অমরোমদা পারসতগীসু হেন্না মরুওই। পারসনা শোকপদগী য়োৎ অসি সনা ওল্লি হায়না হায়নৈ। মতৌ অসিগুম্না ঈশিংনা শোকপা অসি পুন্সিগীদমক্তা মরুওই, চাউৎনবগীদমক্তা মরুওই।

মরূপশা, ফাইরেন থা অসি ঈশিংগা মরি লৈননবগী মরম অমসু ওইরম্বা য়াই, মসিগী মতুংদগীদি কুমগী অরোইবা ওই, অদুদগী কালেন চংশিল্লকই, মরম অসিনা ঈশিং য়োকশিন্দুনা থম্নবগীদমক্তা হৌজিক্তগী হৌনা হোৎগদবনি। নুমীৎ খরনিগী মতুংদা মার্চ থা অসিমক্তগী তাং ২২দা ‘ৱর্ল্দ ৱাতর দে’সুনি।

ঐঙোন্দা য়ু.পি.গী আরাধ্যাজীনা ইবিরকখি মদুদি মালেম অসি মালেম অসিগী মীওই কয়াগী পুন্সিগী অয়াম্বা শরুক অসি ঈশিংগী অৱাৎপা অসি লৈহন্দনবা হোৎনবদা অদুম লোইশিনখি। ‘ঈশিং য়াওদ্রবদি পুম্নমক অৱাৎপনি’ হায়নদি হায়নদে। ঈশিংগী অৱাবা অসি কোকহন্নবগীদমক্তা য়াম্না অফবা পাউজেল অমা নোংচুপ বঙ্গালগী ‘অৱাং দিনাজপুর’দগী সুজীতজীনা ঐঙোন্দা থারকখি। সুজীতজীনা ইরকখি মদুদি মহৌশানা ঐখোয়দা ঈশিংগী মওংদা পুল্লপকী ওইনা খুদোল তম্বিরক্লিবনি মরম অসিনা মসি কন্নবা হোৎনমিন্নবা হায়বসি ঐখোয় পুল্লপকী ওইবা ইথৌদাংনি। পুল্লপকী ওইবা খুদোল ওইরিবা অসিগুম্না থৌদাংসু পুল্লপকী ওইগদবনি হায়বা ৱাফমসিসু অচুম্বনি। সুজীতজীগী ৱাফম অসি য়াম্না চুম্মি। তুরেল, পুখ্রী, পাৎ, নোং নত্রগা লৈমায়গী ঈশিং অসি মীওই খুদিংমক্কীনি।

মরূপশা, মতম অমদদি খুঙ্গংদা লৈরিবা গুহাশিং, পুখ্রী অসি ময়াম পুন্না শেন্নমিন্নরম্মি, হৌজিক অসিগুম্বা মওং অমা ওইনা তমিলনাদুগী তিরুবন্নামলাঈদা তৌরি। মফমসিগী মীশিংনা মখোয়গী গুহাশিং অসি ঙাক-শেন্নবগীদমক্তা কেম্পেন চত্থরি। মখোয় পুম্বনা মখোয়-মখোয়গী লমদা ময়ামগী ওইবা গুহাশিং অদু অমুক হন্না হিঙ্গৎহল্লি।

 মধ্য প্রদেশকী অগরোথা খুঙ্গংগী ববীতা রাজপুৎজীনা তৌরিবা অসিদগীসু অদোমদা ইনোৎ হাপকৎকনি। ববিতাজীগী খুঙ্গংগী মনাক নকপদা কংখ্রবা য়াম্না অচৌবা পাৎ অমা লৈরম্মি। মহাক্না অতোপ্পা খুঙ্গংগী নুপীশিংবু খোমজিনখি অদুগা পাৎ ফাওবা ঈশিং য়ৌরকহন্নবা ঈশিং খোং অমা শেমখি। মসিগী খোং অসিদগী নোংগী ঈশিং অদু চুমদ্রিংনা পাৎ অদুদা চেন্থরে। হৌজিক্তি মসিগী পাৎ অসি ঈশিংনা ঈমায় পীক থন্দুনা লৈ।

মরূপশা, উত্তরখন্দগী বাগেশ্বরদা লৈবা জগদীশ কুনিয়ালজীগী থবক অসিনসু য়াম্না তম্বিরি। জগদীশজীগী খুঙ্গং অমসুং মনাক নকপদা লৈবা মফমদা ঈশিংগী মথৌ তাবশিংগীদমক্তা মহৌশাগী ওইবা ঈশিং ফংফশিংগী মপাল তাংলমখি। অদুবু চহি কয়াগী মমাংদা মসিগী ঈশিং ফংফম অসি কংখ্রে। মসিনা মফম পুম্বা ঈশিংগী অৱাবা অসি হেন্না হেঞ্জিল্লকখি। জগদীশজীনা মসিগী অৱাবা অসি উ থাদুনা কোকহনগনি হায়না লেপখি। মহাক্না লম অদুগী মফম পুম্বদা খুঙ্গংগী মীওইশিংগা লোয়ননা উ লিশিং কয়া থাখি অমদি ঙসি মখোয়গী লম অদুগী কংলুরবা ঈশিং ফংফমশিং অদু অমুক হন্না ঈশিংনা পীক থনখ্রে।

মরূপশা, ঈশিংগী মতাংদা ঐখোয়না মতৌ অসিগুম্না অপুনবা থৌদাং লৌবশিং অসি খংগদনি। ভারতকী অয়াম্বা শরুক্তা মে-জুন্দা নোংজুথা হৌই। ঐখোয়না হৌজিক্তগী হৌনা ঐখোয়গী অনকপদা লৈবা ঈশিং ফংফমশিং অসি লু-নান্না থম্নবগীদমক্তা, নোংগী ঈশিং য়োকশিন্নবগীদমক্তা নুমীৎ ১০০গী ওইবা করিগুম্বা কেম্পেন অমা হৌদোকপা য়ারোইদবরা?  মসিগী ৱাখল্লোন অসিগা লোয়ননা হৌজিক্তগী হৌনা নুমীৎ খরনিগী মতুংদা জল শক্তি মন্ত্রালয়গী থোংদগীসু জল শক্তি অভিয়ান-‘Catch the rain’সু হৌরগনি। মসিগী অভিয়ান অসিগী মরুওইবা লাইশোন্দি-‘Catch the rain where it falls, when it falls.’ নি। ঐখোয়না হৌজিক্তগী হৌনা হোৎনদুনা rain water harvesting system অসি হেন্না ফগৎহনসি, খুঙ্গংশিংদা, পুখ্রীশিং, পাৎশিং শেংদোকহনগনি, ঈশিং ফংফমশিংফাওবা চেন্থরিবা ঈশিংগী লম্বিশিংদা লৈরিবা অপনবশিং অসি লৈহন্দ্রবদি নোং ঈশিং ময়াম অমা তুংশিনবা য়াগনি।

ঐহাক্কী নুংশিজরবা ইরৈচাশিংনা ফাইরেন থানা লাকপা মতমদা অমদি মসিগী স্পিরিচুএল সোসিএল ইম্পোর্তেন্সকী মতাংদা ৱা খন্নবা মতমদা কনাগুম্বা অমগী মমিং য়াওদনা মপুং ফারোই। মিং অসিদি ঋষি রবিদাসজীগীনি। ফাইরেন থাগী পুর্ণিমা অসিমক অসিদা ঋষি রবিদাসজীগী মপোক কুমওননি. ঙসিসু ঋষি রবিদাসজীগী ৱাহৈ, মহাক্কী গ্যান অদুনা ঐখোয়দা ইহান হান্না দর্শন তৌবা ফংহল্লিবা।

মহাক্না হায়বিরম্মি-

একৈ মাতী কে সভ ভান্দে,

সভ কা একৌ সিরজনহার।

রবিদাস ব্যাপৈ একৈ ঘত ভীতর,

সভ কৌ একৈ ঘড়ৈ কুমহার।।

ঐখোয় পুম্বা লৈবাক অমখক্তনা শাবা কোলনি, ঐখোয় পুম্বা অমখক্তনা তাশিন্দুনা শাবনি। ঋষি রবিদাসজীনা খুন্নাই অসিদা বুদ্ধী-লৌশিং মাংথরকপগী মতাংদা ইফোং-ফোংনা ৱা ঙাংখি, মদু শেমদোক্নবগী লম্বি তাকপীখি অদুনা মীরাজীনা হায়বিম্মি-

‘গুরু মিলিয়া রৈদাস, দীনহীং গ্যান কী গুতকী’।

ঋষি রবিদাসজীগী পোক্নফম লমদম বনারসকা শম্নজবা ফংজবা অসি ঐহাক্কী লাইবক ফবনি। ঋষি কবিদাসজীগী পুন্সিগী স্পিরিচুএল হাইৎ অসিবু অমদি মহাক্কী ইনর্জী অসি ঐহাক্না তীর্থগী মফমদা খঙবা ঙমখি। মরূপশিং, রবিদাসজীনা হায়বিরম্মি-

করম বন্ধন মে বন্ধ রহিয়ো, ফল ক না তজ্জিয়ো আস।

কর্ম মনুষ কা ধর্ম হৈ, সত্ ভাখৈ রবিদাস।।

হায়বদি ঐখোয়না ঐখোয়গী কর্ম অদু লেপ্তনা তৌগদবনি, মসিগী মহৈদি অদুম্মক ফংজরক্কদৌবা লৈরবনি, হায়বদি কর্মনা অদুম্মক মহৈ ফংহল্লক্কদৌবা লৈরবনি। ঐখোয়গী নহাশিংনা ঋষি রবিদাসজীদগী ৱাফম অমগা শোইদনা তমহঞ্জনিংই। নহাশিংনা করিগুম্বা থবক অমা তৌনবগীদমক্তা মশানা অরিবা লমচৎ-শাজৎনা পুনশিল্লোইদবনি। অদোম্না অদোমগী পুন্সি অদু ইশানা লেপ্পীয়ু। অদোমগী লমচৎ-শাজৎ অদুবুসু ইশানা শেম্বীয়ু অদুগা পান্দম অদুসু ইশানা লেপ্পীয়ু।  করিগুম্বা অদোমগী তাঞ্জা-মেঞ্জা খঙবা মতৌ, অদোমগী ইশানা থাজজবা অদু কল্লবদি অদোম্না মালেম অসিদা করিগুম্বা অমত্তদা কিরুবগী মথৌ তাদে। ঐহাক্না অসিগুম্না হায়রিবগী মরমদি কয়ারক হন্না ঐখোয়গী নহাশিংনা ৱাখলগী প্রেসর অমা লাকশিল্লকপনা মশানা তশেংনা তৌবা পামজবা থবক অদু পাংথোকপা ঙমদে। মরম অসিনা কৈদৌনুংদা অনৌবা ৱাখল খনবদা, অনৌবা অমা খনবদা চিংনবা লৈরোইদবনি। মতৌ অসিগুম্না ঋষি রবিদাসজীনা মরুওইবা পাওজেল অমা পীরম্মি। মসিগী পাওজেল অসিদি “ইশানা মতিক চাজবা”নি। ঐখোয়না ঐখোয়গী মংলান অদুগীদমক্তা কনাগুম্বা অতোপ্পা অমগী মপাল তাংবা হায়বসি তশেংনা চুমদবা ৱাফম্নি। হান্না লৈরম্লিবা মওং অদুদা অদুম্মক লৈবা হায়বসি রবিদাসজীনা য়ানিংলমখিদে অদুগা লৈবাক অসিগী নহাশিংসু মসি শুংয়া য়ানিংদে হায়বসি ঙসি ঐখোয়না উরি। ঙসি ঐহাক্না লৈবাক অসিগী নহাশিংদা ইনোবেতিব স্পিরিৎ অসি উবা মতমদা ঐখোয়গী নহাশিংদা ঋষি রবিদাসজীনা শোইদনা চাউথোকচরমগনি হায়না ঐহাক্না খল্লি।

ঐহাক্কী নুংশিজরবা ইরৈচাশিং, ঙসি অসি ‘নেস্নেল সাইন্স দে’সুনি। ঙসিগী নুমীৎ অসি ভারতকী অথোইবা সাইন্তিস্ত দোক্তর সি.ভ. রমনজীনা থিজিনখিবা ‘রমন ইফেক্ত’তা কত্থোকচরি। কেরলাগী য়োগেশ্বরনজীনা নমো এপতা রমন ইফেক্তনা বিগ্যান পুম্বগী মায়োন অদু হোংদোকহনখি হায়না ইবিরকখি। মসিগা মরি লৈনবা য়াম্না অফবা পাউজেল অমা ঐঙোন্দা নাসিক্কী স্নেহিলজীনসু থাবিরকখি মদুদি ঐখোয়গী লৈবাক অসিদা মখোয়গী মতেং য়াওদনা সাইন্স অসি অসুক্কী মতিক নিংথিনা চাউখৎপা ঙম্লোইদবা মশিং থিঙমদবা সাইন্তিস্ত কয়া অমা লৈরি হায়না। ঐখোয়না মালেম অসিগী সাইন্তিস্তশিংগী মতাংদা খংলিবা অসিগুম্না ঐখোয়গী ভারতকী সাইন্তিস্তশিংগী মতাংদসু খংগদবনি। ঐহাকসু ‘মন কী বাত’কী অসিগুম্বা তাবিরিবশিংগী ৱাফমশিং অসি য়াজনিংঙই। ঐখোয়গী নহা, ভারতকী সাইন্তিস্ত-পুৱারীবু, ঐখোয়গী সাইন্তিস্সশিংবু খংবীয়ু, অন্দর্সতেন্দ তৌবীয়ু অমদি নিংথিনা পাবীয়ু।

মরূপশা, ঐখোয়না সাইন্সকী মতাংদা হায়রগদি কয়ারক হন্না মসি মীয়াম্না ফিজিক্স,-কেমিস্ত্রী নত্রগা লেবশিংদা লোইশিল্লি, অদুবু সাইন্স শন্দোকপা তারগদি মসিদগী য়াম্না হেন্না চাউই অমসুং ‘আত্মনির্ভর ভারত’তা সাইন্সকী শক্তিগী থৌদাংসু য়াম্না লৈ। ঐখোয়না সাইন্স অসিবু লেব তু লেন্দগী লাইশোনগা লোয়ননা মাংলোমদা চংশিনগদবনি।

খুদম ওইনা হায়রবদা হাইদরাবাদকী চিন্তলা ভেঙ্কৎ রেদ্দীজীগী মরূপ দোক্তর অমনা মঙোন্দা ‘ভিতামিন-দি’ ৱাৎপনা থোকহল্লকপা লায়না অমদি মসিগী খুদোংথিবশিংগী মতাংদা হায়রমখি। রেদ্দীজী লৌমীনি, মসি ফনবা করি তৌবা য়াবগে হায়না মহাক্না খনখি। মসিগী মতুংদা মহাক্না কন্না হোৎনখি অমদি মরুওইনা ‘ভিতামিন-দি’ য়াওবা চেং-গেহুগী মখলশিং পুথোকখি। হন্দক্কী থা অসিদা মহাকপু ৱর্ল্দ ইন্তলেকচুএল প্রোপর্তী ওর্গনাইজেসন, জিনেভাদগী পেতেন্তসু ফংলে। হৌখিবা চহিদা ভেঙ্কৎজীবু পদ্মশ্রী পীদুনা ইকাই খুম্নজখিবা অসি ঐখোয়গী সরকারগী লাইবক ফবনি।

অসিগুম্বা ইনোবেতিব ওইবা মওংদা লদ্দাখতী উরগেন ফুৎসৌগনসু থবক তৌরি। উরগেনজীনা য়াম্না মায় পাক্না লৌদুনা চাউরাক্না ফৌ-চেং মখল ২০মুক সাইক্লিক ওইনা লোক্লি, হায়বদি  ফৌ লোকপগী লেমহৌবা মখাক অদু অতোপ্পা ফৌ থাবদা হার ওইনা শিজিন্নৈ। মসি য়াম্না নিংথিবা ৱাফম্নি।

মতৌ অসুম্না গুজরাতকী পাতন জিলাগী ইনাও কামরাজ চৌধরীনা য়ুমদা অদুম্মক সজনাগী অফবা মরু পুথোক্লে। সজনা অসি মীওই খরনা সর্গৱা হায়নসু কৌনৈ, মসিগী মোরিঙ্গা নত্রগা দ্রম স্তিক হায়নসু কৌনৈ। অফবা মরুগী মতেংদগী লোকপা সজনা অসি ক্বালিতীসু য়াম্না ফৈ। মশাগী লোকচবা পোত্থোক অদু হৌজিক তমিল নাদু অমসুং নোংচুপ বঙ্গালদা থাদুনা মশাগী ইনকমসু হেনগৎহল্লি।

মরূপশা, হৌজিক্কাল চিয়া মরুশিংগী মমিং অদোম্না তাবিরম্লগনি। হেল্থ এৱেয়রনেসকা মরি লৈনবা মীওইশিংনা মসি য়াম্না লুনা লৌই অমদি মালেমদা মসিগী দিমান্দসু য়াম্না তৌনরক্লি। ভারত্তা মসি মপান্দগী অয়াম্বা পুশিল্লকই অদুবু হৌজিক চিয়া মরুশিং অসিদা আত্মনির্ভরতা ওইহন্নবসু মীশিংনা কন্না হোৎনরি। মতৌ অসিগুম্না য়ু.পি.গী বরাবঙ্কীদা হরিশতন্দ্রজীনা চিয়া মরুশিং থাবা হৌরে। চিয়া মরুশিং অসি থাবনা মহাক্কী ইনকম হেনগৎহল্লগনি অমদি আত্মনির্ভরতা ভারত অভিয়ান্দসু মতেং পাংগনি।

মরূপশিং, লৌউ-শিংউগী ফত্ত-হৌদীশিং অসিদগী লন ওলহন্নবগীদমক্তসু লৈবাকপুম্বদা মায় পাক্না থবক চত্থরি। খুদম ওইনা মদুরায়গী মুরুগেসনজীনা লফোইগী ফত্ত-হৌদীশিংদগী থৌরী শেম্নবা মেছিন অমা শারে। মুরুগেসনজীগী মসিগী ইনোবেসন অসি অকোইবগী ফীভম অমদি অমোৎপশিংগী ওইনসু ফনবা পাম্বৈ অমা ওইগনি অমসুং লৌমীশিংগী ওইনসু অহেনবা ইনকম তান্নবগী পাম্বৈসু ওইগনি।

মরূপশা. ‘মন কী বাত’পু তাবিরিবশিংদা অসুক য়াম্লবা মীওইশিংগী মতাংদা হায়জরিবশিং অসিগী মরমদি ঐখোয় খুদিংনা মখোয়দগী পুক্নিং থৌগৎনবনি। লৈবাক অসিগী নাগরিক খুদিংমক্না মখোয়গী পুন্সিদা সাইন্স অসি শন্দোক্লবদি, হীরম খুদিংমক্তা শন্দোক্লবদি চাউখৎনবগী লম্বিসু ফংলক্কনি অমদি লৈবাক অসি মীপাল তাংদনা মরোমদোম লেপচবা ঙম্বসু ওইগনি। ঐহাক্না থাজৈ মদুদি লৈবাক অসিগী নাগরিক খুদিংমক্না মসি তৌবা ঙমগনি হায়না ঐহাক্না থাজৈ।

   ঐহাক্কী নুংশিজরবা মরূপ কোলকতাগী রঞ্জনজীনা মহাক্কী চিঠীদা য়াম্না নুংঙাইবা অমদি য়ুম্ফম য়াওবা ৱাফম অমা হংলক্লি অদুগা মসিগা লোয়ননা নিংথিজবা মওংদা পাউখুম পীনবসু হোৎনরি। মহাক্না ইরি মদুদি ঐখোয়না আত্মনির্ভর ওইবা হায়না হায়বা অসিদা ঐখোয়গী ওইনা মসিগী ৱাহন্থোক অসি করিনো? মসিগী ৱাহং অসিগী পাউখুম ওইনা মহাক মশানা মখা তানা ইরি মদুদি-“আত্মনির্ভর ভারত অভিয়ান” অসি শুপ্নতগী সরকারগী পোলিসী নত্তে, মসি নেস্নেল স্পিরিৎসুনি। আত্মনির্ভর ওইবা হায়বগী ৱাহন্থোক্তি ইশানা ইশাগী ইরাইবক লেপচবা হায়বদি ইশানা ইশাগী ইরাইবক য়াৎচবনি। কঞ্জন বাবুগী ৱাফম অসি চামদা চামা চুম্মি। মহাক্কী ৱাফম অসি খুমাং চাউশিলহন্দুনা ঐহাক্না মসিমসু হায়জগনি মদুদি আত্মনির্ভরতাগী অহানবা ৱাফমদি-ইরৈবাক অসিগী পোৎশিংগীদমক্তা চাউথোকচবা, ইরৈবাক্কী মীশিংনা শাবা পোৎশিংগীদমক্তা চাউথোকচবনি।  ইরৈচা খুদিংমক্না চাউথোকচবা মতমদা ইরৈচা খুদিংগা মরি লৈনৈ, অদু ওইরবদি আত্মনির্ভর ভারত অসি শুপ্নতগী শেল-থুমগী ওইবা অভিয়ানখক্তমক ওইবা নত্তনা নেস্নেল স্পিরিৎ অমা ওই। অতিয়াদা ঐখোয়না শাবা ফাইতর প্লেন তেজসনা করোংচাক যুংবা উবা মতমদা, ভারত্তা শাবা তেঙ্ক, ভারত্তা শাবা মিসাইলশিং অসিনা ঐখোয়গী চাউথোকচবা অসি হেনগৎহল্লি, ইনাক খুনবা লৈবাকশিংদা ঐখোনা মেত্রো ত্রেন্দা মেদ ইন্দিয়াগী কোচশিং উবা মতমদা, লৈবাক দর্জন-দর্জনফাওবদা মেদ ইন ইন্দিয়া কোরোনা ভেক্সিন অসি য়ৌবা উবদা ঐখোয়গী  মতমদা ঐখোয়গী লাইবক অসি অমুক্কা হেন্না ৱাংখৎলি। অদুগা অচৌ-অচৌবা পোৎশিংখক্তনা ভারত অসি আত্মনির্ভর ওইহনগনি হায়বা নত্তে। ভারত্তা শাজবা ফীশিং, ভারতকী হৈথোই-শিংথোইবা হক্তুনা পোৎ শাবা মীওইশিংনা শাবা হেন্দিক্রাফকী পোৎশিং, ভারতকী ইলেক্ত্রোনিক্সকী ইক্বিপমেন্ত, ভারতকী মোবাইল, হীরম খুদিংমক্তা ঐখোয়না মসিগী চাউথোকচবা অসি হেনগৎহনগদবনি। মসিগী ৱাখল্লোন অসিগা লোয়ননা মাংলোমদা চংশিল্লবদি তশেংনা আত্মনির্ভর ওইবা ঙমগনি অদুগা মরূপশিং আত্মনির্ভর ভারতকী লাইশোন অসি লৈবাক অসি খুঙ্গং-খুঙ্গংফাওবা য়ৌরক্লে হায়বসিদা ঐহাক নুংঙাই। বিহারগী বেতিয়াদা অসিগুম্বা মওং অসি ওইরে হায়বসি ঐহাক্না মেদিয়াদা পাবদা থেংনখি।

বেতিয়াদা লৈবা প্রমোদজীনা দিল্লীদা তেক্নিসিয়ন অমা ওইনা এল.ই.দি.গী লব্ব শাবা ফেক্তরী অমদা থমক তৌরমখি, মহাক্না মসিগী ফেক্তরী অসিদা থবক তৌরিঙৈগী মতমদা চত্থরিবা থবক্কী মওং অদু য়াম্না কুপ্না খংখি। অদুবু কোরোনাগী মতমদা প্রমোদজীনা মহাক্কী ময়ুমদা হল্লকপা তাখি। প্রমোদজীনা ময়ুমদা হল্লক্লবা মতুংদা করি তৌখিবগে হায়বা অদোম খংবিবরা? মহাক মশানা এল.ই.দি. বল্ব শাবগী অপিকপা য়ুনিৎ অমা হৌদোকখি। মহাক্না মশাগী লম অদুগী নহা খরা খোমজিনখি অদুগা থা খরগী মনুংদা ফেক্তরী ৱর্করদগী ফেক্তরীগী মপু ওইনবগী খোংচৎ অদু মপুং ফাখি। অদুসু ময়ুমদা অদুম্মক লৈরগা।

অতোপ্পা খুদম অমনা-য়ু.পি.গী গঢ়মমুক্তেশ্বরদগী শ্রী সন্তোশজীনা কোরোনাগী মতম অসিবু মতৌ করম্না খুদোংচাবদা ওন্থোকখিবগে হায়না ইরি। সন্তোশজীগী মপা-মপুশিং অদু য়াম্না নিংথিনা হকপা-খোৎপা হৈরম্মি, ফক শাবগী থবক তৌরম্মি। কোরোনাগী মতমদা অতৈ তৌনিংঙাই থবকশিং লেপখ্রবদা মখোয়শিংনা অথোইবা থৌনাগা লোয়ননা থৱায় য়াওনা ফক শাবা হৌখি। য়াম্না থুনা উত্তর প্রদেশতদা নত্তনা অতোপ্পা রাজ্যশিংদগীসু ফক্কী ওর্দর তৌরকপা হৌখি। সন্তোশজীনা মসিমসু হায়খি মদুদি মসিনা মফম অসিগী চহি কয়া লিরবা ফজরবা আর্ত অসিদসু অনৌবা থৌনা হাপকৎলে। মরূপশা, লৈবাক অসিদা ‘আত্মনির্ভর ভারত অভিয়ান’ অসিদা মতৌ অসিগুম্না থৌদাং লৌরিবা অসিগুম্বা খুদম কয়া অমা লৈরি। ঙসিদি মীচম-মীয়ামগী থম্মোয়দা ঈথীল পীরি।

  ঐহাক্কী নুংশিরবা ইরৈচাশিং, ঐহাক্না নমোএপতা গুড়গাৱদা লৈবা ময়ুরগী য়াম্না পুক্নিং নিংথিবা পোস্ত অমা থেংনখি। মহাক পেসনেৎ বর্দ ৱাতচর অমদি মহৌশাবু নুংশিজবা অমনি। ঐহাকপুদি হরিয়ানাদা লৈ অদুবু অদোম্না অসমগী মীশিং মরুওইনা কাজিরঙ্গাগী মীশিংগা ৱা খন্নবীয়ু হায়না ইরকখি। ময়ুরজীনা হায়রিবসি মফম অদুগী চাউথোকচনিংঙাই ওইরিবা শামুগন্দাশিংগী মতাংদনি হায়না ঐহাক্না খনখি। অদুবু ময়ুরজীনা কাজিগঙ্গাদা ৱাতরফোল্সকী মশিং হেনগৎলকপগী মতাংদা অসমগী মীশিংবু শিংথানবা হায়খি। ঐখোয়না ৱাতরফোল্দশিং অসি অচম্বা ৱাহৈদা করি হায়রমগদগে হায়না ঐহাক্না থিখি, মদুদা ঐহাক্না-ঈশিংগী উচেক হায়বা অসি থেংনখি। মকোল অসি উদা নত্তবদা ঈশিংদা লৈবা উচেক, খুদম ওইনা ঙানুগুম্বা।  কাজিরঙ্গা নেস্নেল পার্ক অমসুং তাইগর রিজর্ব ওথোরিতীনা মতম খরগী মমাংদগী চহিগী ওইনা ৱাতরফোল্দগী সেন্সস থিদুনা লাক্লি। মসিগী সেন্সস অসিদা ঈশিংদা লৈবা উচেকশিংগী মশিং অসি খঙবা ঙম্মি অমদি মখোয়না খোইদাজবা চাক্তাফমগী মতাংদা খঙবা ঙম্মি। হন্দক চয়োল অনি-অহুমগী মমাংদখক্তা সর্ভে অমুক তৌখি। অদোমসু মসিগী পাও অসি খংলবদি হরাওগনি মদুদি হন্দক্তি ঈশিংগী উচেকশিংগী মশিং অসি হৌখিবা চহিগা য়েংনবদা চাদা চামগা হুম্ফুতরা মঙা (১৭৫) হেনগৎলে। মসিগী সেন্সস অসি তৌরিঙৈগী মতমদা কাজিরঙ্গা নেস্নেল পার্কতা পুন্না উচেক্কী স্পেসিস ১১২ থেংনখি। মসিগী মনুংদগী স্পেসিস ৫৮দি য়ুরোপ, সেন্ত্রেল এসিয়া, অমসুং ইস্ত এসিয়া য়াওনা মালেম অসিগী তোঙান-তোঙানবা মফমশিংদগী লাকখিলা ৱিন্তর মাইগ্রেন্তশিংনি। মসিগী খ্বাইদগী মরুওইবা মরমদি মফমসিদা হেন্না ফবা ৱাতর কঞ্জর্বেসন ওইবগা লোয়ন-লোয়ননা হ্যুমেন ইন্তরফরেন্স অসি য়াম্না হন্থৈ। কেস খরদদি পোজিতিব হ্যুমেন ইন্তরফরেন্স অসিসু য়াম্না মরুওই।

 অসমগী শ্রী জাদব পায়েংগী মতাংদা য়েংবীয়ু। অদোম ময়ামগী মরক্তগী কনাগুম্বা খরনা শোইদনা মহাক্কী মতাংদা খংবিরমগনি। মহাক্কী থবকশিংগীদমক্তা মহাক্না পদ্ম পীদুনা ইকাই খুম্নখি। শ্রী জাদবজী পায়েং অসি অসমদা মজুলী ইথৎতা চাউরাক্না হেক্তর ৩০০মুক উ থাদুনা থোইদোকপা থৌদাং লৌরিবা মীওই অমনি। মহাক্না উমং ঙাক-শেন্নবগীদমক্তা থবক তৌখি অমসুং মীশিংদা উ থানবা অমদি ৱাইওদাইবর্সিতীগী কঞ্জর্বেসনগী মতাংদা পুক্নিং থৌগৎনবা হোৎনরি।

মরূপশা, অসমদা ঐখোয়গী লাইশঙনসু মহৌশাবু ঙাক-শেনবদা তোপ-তোপ্পা থৌদাং লৌরি, করিগুম্বা অদোম্না ঐখোয়গী লাইশঙশিং অসি য়েংবিরগদি লাইশঙ খুদিংগী মনাক্তা পুখ্রী লৈবা থেংনবিগনি। হজোদা লৈবা হয়াগ্রীৱ মধেবকী লাইশঙ, সোনিৎপুরগী নাগশঙ্কর লাইশহ অমসু গুৱাহতীদা লৈবা উগ্রতারা লাইশঙগী মনাক্তা অসিগুম্বা মওংগী পুখ্রী কয়া লৈবা থেংনবীগনি। মসি মাংশিল্লক্কদৌরবা থেঙ্গুগী স্পেসিসশিং কন্ননবা শিজিন্নরি। অসমগী থেঙ্গুশিং অসি স্পেসিস মশিং খ্বাইদগী য়াম্না লৈ। লাইশঙশিংগী পুখ্রীশিং অসি থেঙ্গুশিং ঙাক-শেন্নবা, মশিং হেনগৎহন্নবা অমদি মখোয়গী মরমদা ত্রেনিং তৌনবগীদমক্তা অফবা মফম ওইবা য়াই। 

  ঐহাক্কী নুংশিজরবা ইরৈচাশিং, মীওই খরনা ইনোবেসন তৌনবগীদমক্তা সাইন্তিস্ত ওইবগী মথৌ তাই হায়না খল্লি, মীওই খরনা অতোপ্পা মীবু তম্বিনবগীদমক্তা ওজা ওইবগী মথৌ তাই হায়না  খল্লি। মসিগী ৱাফম অসিবু শিংনবা মীওই অদু শিংথানিংঙাইনি। খুদম ওইনা কনাগুম্বা মীওইনা সোলজর ওইনবগীদমক্তা ত্রেনিং তৌবা মতমদা মহাক লান্মী ওইবগী মথৌ তাবরা? অদোম্না ‘হোই, মথৌ তাই’ হায়না খনবিরমগনি। অদুবু মসি খরা ত্বিস্ত ওই।

MyGovতা কমলকান্তজীনা খরা তোঙানবা ৱা ঙাংবা মেদিয়াগী রিপোর্ত অমা শেয়র তৌরকখি। ওরিশাদা অরাখুড়াদা নুপা অমা-নায়ক সরনা হায়। তশেংবদি মহাক্কী মমিং অসি সিলূ নায়ক কৌই অদুবু ময়াম পুম্বনা মহাক অসি নায়ক সর হায়না কৌই। মহাক অসি মেন ওন এ মিশননি। মহাক অসি আর্মী ওইনিংবা মীওইশিংবু লেম্না ত্রেনিং পীবা মীশক অমনি। নায়ক সরগী ওর্গানাইজেসনগী মমিং অসি মহাগুরু বতালিয়ন কৌই। মসিদা ফিজিকেল ফিৎনেসতগী হৌরগা ইন্তরভ্যুশিং ফাওবা অমদি ইবদগী হৌরগা ত্রেনিংফাওবগী মতাংদা তাকই। অদোম্না মসি খংলবদি ঙক্কনি মদুদি মহাক্না কংফালগী আর্মী, ঈশিংগী লান্মী, সি.আর.পি.এফ., বি.এস.এফ.কুম্বা য়ুনিফোর্ম ফোর্সেসশিংদা মফম অমা কনবা ঙমখ্রে। অসুম্না অদোম্না মসি খংলগা ঙক্কনি মদুদি সিলু নায়কজী মশামক অসি ওরিশা পুলিশতা খন্নবগীদমক্তা হোৎনখি অদুবু মায় পাকপা ঙমখিদে, অদুম ওইদুনসু মহাক্না মহাক্কী ত্রেনিং অদুগী মপালনা নহা কয়া অমদা লৈবাক অসিদা থৌগল তৌবদা মতিক চাবা ওইহল্লি। লাকপীয়ু, ঐখোয় পুম্বনা নায়ক সরগী মফমদা ঐখোয়গী লৈবাক অসিগীদমক্তা নায়ক কয়া অমা শেমগৎনবা য়াইফ-পাওজেল পীমিন্নসি।

  মরূপশা, করিগুম্বা মতমদা য়াম্না অপিকপা অমদি অচম্বা ৱাহংনা থম্মোই নিকহল্লি। মসিগী ৱাহং অসি শাংদে, য়াম্না চম্মি অদুবু ঐখোয়দা নমদুনা ৱাখল য়াম্না খলহল্লি। নুমীৎ খরনিগী মমাংদা হাইদরাবাদকী অপর্ণা রেদ্দীনা অসিগুম্বা ৱাহং অমা হংলকখি মদুদি অদোম চহি কয়াদগী পি.এম. ওইদরক্লে, চহি কয়া অমা সি.এম. ওইরক্লে, অদোমদা করি অৱাৎপা লৈরিবরা হায়না খনবিরিবরা। অপর্ণাজীগী ৱাহং অসি য়াম্না লাই অদুগা য়াম্নসু লুই। ঐহাক্না মসিগী ৱাহং অসিগী মতাংদা খনখি অদুগা ইশা ইতোমতা হায়জৈ মদুদি ঐহাক মালেম অসিদা খ্বাইদগী অরিবা লোল-তমিল তম্নবগীদমক্তা য়াম্না কন্না হোৎনবা ঙমখিদ্রে, তমিল তম্বা ঙমখিদ্রে। মসি মালেম পুম্বনা পাম্নবা য়াম্না ফজবা লোল অমনি। মীওই কয়ানা ঐঙোন্দা তমিল লিতরেচরগী মতিক-ময়াই অমদি মসিদা ইরিবা শৈরেংশিং অসিগী হকচিনবশিং অসিগী মতাংদা য়াম্না হায়বিখি। ভারত অসি ঐখোয়গী নাৎ অমসুং চাউথোকচনিংঙাইগী খুদম তাকপা লোল কয়া লৈফম্নি। লোলগী মতাংদা ৱা হায়বা নুংঙাইবা ক্লিপ মচা অমা অদোম ময়ামদা য়েংহঞ্জগে।

তশেংবদি হৌজিক অদোম্না তাবিখিবা অদু স্তেচু ওফ য়ুনিতীদা তৌবা গাইদ অমা সংস্কৃত্তা মীশিংদা সরদার পতেলগী খ্বাইদগী ৱাংবা মীতম অসিগী মতাংদা হায়রি। কেবরিয়াদা গাইদ ১৫দগী হেন্না অরৎপা লৈতনা সংস্কৃত্তা মীশিংবু গাইদ তৌই। হৌজিক ঐহাক্না অতোপ্পা খোঞ্জেল অমগা অমুক তাহঞ্জগে-

 অদোম ঙকপীরমগনি। মসি সংস্কৃত্তা ক্রিকেৎকী কমেন্তরী পীরিবনি। বনারসতা, সংস্কৃত কোলেজশিং-শাস্ত্রার্থ মহাবিদ্যালয়, স্বামী বেদান্তী বেদ বিদ্যাপীথ, শ্রী ব্রহ্ম বেদ বিদ্যালয় অমসুং ইন্তর্নেস্নেল চন্দ্রমৌলী চেরিতেবল ত্রস্তকী মরক্তা ক্রিকেৎ তুর্নামেন্ত অমা তৌখি। মসিগী তুর্নামেন্ত অসিদা মেচশিং চত্থরিঙৈদা কমেন্তরী অসি সংস্কৃত্তসু পীখি। হৌজিক ঐহাক্না কমেন্তরী অদুগী শরুক মচেৎ অমা অদোমদা তাহঞ্জখিবনি। মসিদা নত্তনা মসিগী তুর্নামেন্ত অসিদা শান্নরোইশিং অমসুং কমেন্তেতর অদু ত্রেদিস্নেল দ্রেশ ওইনা শেৎপসু উবা ফংখি। করিগুম্বা অদোম্না ইনর্জী, এক্সাইতমেন্ত, সসপেন্স, অসি লোইনমক পুল্লপ পুন্না পাম্লবদি শান্নবগী কমেন্তরী অসি তাগদবনি। তি.ভি. থোরক্ত্রিঙৈগী য়াম্না মমাংদা শান্ন-খোৎনবগী কমেন্তরী অসি ক্রিকেৎ অমসুং হোক্কীগুম্বা মশান্নশিং অসি য়াম্না নুংঙাইনা লৈবাক পুম্বদা ফাওহনবা ঙম্বা ওইরম্মি। তেনিস অমসুং ফুৎবোল মেচশিংগী কমেন্তরী অসিসু য়াম্না নিংথিনা লান্থোকই। কমেন্তরী য়াম্না নিংথিনা তৌবা মশান্ন অদু য়াম্না থুনা-য়াংনা শন্দোকই। ঐখোয়গীসিদা ভারতকী ওইবা মশান্না কয়া অমা লৈ অদুবু মখোয়শিংদুদা কমেন্তরী তৌবগী কলচরদি লৈরক্তে অমসুং মরম অসিনা মখোয় অদু মাংখিবা য়াবগী ফীভমদা লৈরে। ঐহাক্কী পুক্নিংদা ৱাখল অমা খল্লি-করিগীদমক্তা তোঙান-তোঙানবা মশান্নশিং মরুওইনা ভারতকী মশান্নশিং অসিগী ফজবা কমেন্তরীশিং অসি লোল ময়াম অমদা করিগী তৌরোইদোরিবনো, ঐখোয়না মসিগী পুক্নিং থৌগৎনবগীদমক্তা শোইদনা খনগদবনি। ঐহাক্না শান্ন-খোৎনবগী মন্ত্রালয় অমসুং প্রাইভেৎ ওর্গনাইজেসনশিংগী কোলাবোরেসনশিংদা মসিগী মতাংদা খন্ননবা হায়জগনি।

  ঐহাক্কী নুংশিজরবা নহা ওইরিবা মরূপশিং, লাক্কদৌরিবা থা খরসি অদোম পুম্নমক্কী পুন্সিদা য়াম্না মরুওইগদৌরিবনি। অয়াম্বা নহা ওইরিবা মরূপশিংগী একজামশিং, পরিক্ষাশিং তৌরগনি। অদোম পুম্নমক্না নিংশিংবিরমখিগনি- Warrior ওইগদবনি worrier নত্তে হায়বসে, নোক-নোক্তুনা একজাম থাবা চৎকদবনি অমসুং নোক্তুনা হল্লক্কদবনি। কনা অমত্তগা নত্তে নশা নতোমতগা হিদান্নগদবনি। মতিক চানসু তুমগদবনি অদুগা মতম নিংথিনসু শিনগদবনি। শান্নবসু তোক্লোইদবনি শান্নবা মী অদুনা নিংথিনা হরাও-হরাও লৈবনি। রিবিজন অমসুং নিংশিংদুনা লৈনবগীদমক্তা স্মার্ত ওইবা মওং শিজিন্নগদবনি হায়বদি পুল্লপ পুনশিন্নরগা একজামশিং অসিদা খ্বাইদগী অফবা অদু পুথোরক্কদবনি। পুম্নমক অসি কমাইনা তৌগনি হায়না অদোম্না খনবিরমগনি। মসি ঐখোয় পুল্লপ পুন্না তৌমিন্নগদৌরিবনি। চহি খুদিংগুম্না হন্দক্কী চহি অসিদসু ঐখোয়না ‘পরিক্ষাগী মতাংদা ৱা খন্নবা’ অসি পাংথোক্কনি। অদুবু মার্চতা পাংথোক্কদৌরিবা ‘পরিক্ষাগী মতাংদা ৱা খন্নবা’ অসিগী মমাংদা অদোম exam warrior খুদিংমক্তা, parentশিংদা teacherশিংদা অদোমগী এক্পরিএন্সশিং অদু শোইদনা অদোমগী তিপশিং অদু শেয়র তৌবীরকউ হায়না হায়জগনি। অদোম্না MyGovতা শেয়র তৌবিবা য়াগনি। NarenbdraModi Appতা শেয়র তৌবা য়াগনি। হন্দক্কী ‘পরিক্ষাগী মতাংদা ৱা খন্নবা’ অসিদা নহাশিংগা লোয়ন-লোয়ননা পেরেন্তশিং অমসুং ওজাশিংসু য়াওবীনবা হায়জরি। করম্না শরুক য়াগনি, করম্না মনা ফংগনি,করম্না ঐহাক্কা ৱা খন্নবগী খুদোংচাবা ফংগনি হায়বগী ৱারোলপুম্বা MyGovতা ফংবীগনি। হৌজিক ফাওবদা মহৈরোই লাখ অমদগী হেন্না, পেরেন্তস লিশিং ৪০মুক, অমসুং চাউরাক্না ওজা লিশিং ১৯মুক্না শরুক য়াখ্রে। অদোমসু ঙসিমক শরুক য়াবীয়ু। কোরোনাগী মতম অসিদা মতম খরা কাইথোক্তুনা Exam Warriorগী লাইরিক্তা অনৌবা লাইসোন কয়া অমসু হাপচিনখ্রে, হৌজিক মসিদা পেরেন্তশিংগী ওইনা লাইশোন খরসু হাপচিনখ্রে। মসিগী লাইশোনশিং অসিগী মরি লৈনবা নুংঙাইবা এক্তিবিতী কয়া অমা Barendra Modi Appতা পীরি, মসিনা অদোমগী নুংদা লৈরিবা Exam Warrior অদু ইগ্নাইত তৌবদা মতেং ওইগনি। মসি অদোম্না শোইদনা ত্রাই তৌদুনা য়েংবীয়ু। নহা ওইরিবা মরূপশিং পুম্নমকপু লাক্কদৌরিবা পরিক্ষাশিং অসিগীদমক্তা য়াইফ-পাউজেল পীজরি।

ঐহাক্কী নুংশিজরবা ইরৈচাশা, মার্চ থা অসি ঐখোয়গী ফাইনান্সিএল ইয়রগী অরোইবা থাসুনি, মরম অসিনা অদোম ময়ামগী মরক্তগী মীওই কয়া অমা য়াম্নসু চিল্লমগনি। হৌজিক লৈবাক অসিগী শেল-থুমগী থবকশিং অসি য়াংশিল্লকপা অসিগুম্না ঐখোয়গী লল্লোন-ইতিক অমসুং ওন্তর্প্রিন্যুর মরূপশিংগী থবক চিনবসু য়াম্না হেনগৎলক্লি। থবকশিং অসিগী মরক্তা ঐখোয়না কোরোনাদগী চেকশিনবা অসি হন্থরোইদবনি। অদোম খুদিংমক নুংঙাইনা লৈবীয়ু, হরাওনা লৈবীয়ু, ইথৌদাং পাংথোকপগী লম্বীদা খোংফম চেৎনা লৈরবদি লৈবাক অসি থুনা-য়াংনা খুমাং চাওশিনগনি।

অদোম পুম্নমকপু হরাও-কুহ্মৈশিং অসিগীদমক্তদা হান্ননা য়াইফ-পাওজেল পীজরি, লোয়ন-লোয়ননা কোরোনাগা মরি লৈনবা চৎন-পথাপশিং অদু ঙাক্না চৎপীয়ু, মদুদা করিসু কোমথোকপীগনু।

হন্না-হন্না থাগৎচরি।

ঐগী নুংশিজরবা ইরৈবাকচাশিং খুরুমজরি। ঐহাক্না মন কী বাত্তা ৱা ঙাংবা অসিদা অদোমগী ইমুংগী মীওই অমা ওইনা নখোয়গী নরক্তা য়াওরিবোই নীংজৈ। ঐখোয়গী ৱাফম মচা-মচা তম্নবগী পুন্সিগী অৱা নুংঙাই থৌদোক কয়া অমদি পুন্সিবু মহাও লৈনা হিংবা ঙম্বা মসিনি মন কী বাত হায়বা অসি! ঙসি অসি ২০২১গী জনুৱারী অরোইবা নুমিৎনি, জনুৱারী অসি করম্না হৌখিগে হায়বা খঙহৌদে! মসিনা মতমগী খোঙজেল হায়না হায়নরিবা অদু। ঐখোয়না অমগা অমগী মরক্তা য়াইফ পাউজেল পীনবা অদু ঙরাং নহান খক্তা ঙাইরিবা খল্লি! মতুংদা ঐখোয়না লোহরি, মকর সংক্রান্তি, পোঙ্গল অমসুং বিহু পাঙথোকখ্রে। লৈবাক অসিগী তোঙান তোঙানবা শরুকশিংদা কুমহৈগী মতম ওইখি। ঐখোয়না জনুৱারী ২৩ অসি নেতাজি সুভাস চন্দ্র বোসকী মপোক কুমওন অসি পরাক্রম দিৱাস হায়না পাল্লন তৌরি অমসুং জনুৱারী ২৬তা অচৌবা রিপব্লিক দে পরেদ মীৎয়েং তাখি। রাস্ত্রপতিনা জোইন্ত সেসনদা ৱারোল পীদুনা বজেৎ মীফম হৌখ্রে। পুম্নমক্কী মরক অসিদা ঐখোয় পুম্নমক্না খৌরাংনা ঙাইনখিবা অমসু পাঙথোকখি – মদুদি পদ্মা এৱার্দশিং লাউথোকপা। জাতি অসিনা থোইদোক হেনদোকপা থবক তৌবা মীওইশিংদা মখোয়গী অথোইবা থবকশিং অমদি মীওইবা খুন্নাইদা মখোয়না লৌরিবা থৌদাংগীদমক্তা ইকাই খুম্নবনি। হন্দক্কী চহি অসিদসু মখোয়না তৌখিবা থবকশিংনা কনাগুম্বগী পুন্সিদা অহোংবা পুরকখিবা অমদি লৈবাক অসিবু মীয়ামদা শক তাকখিবা মীওই কয়া মনা ফংবা অসিদা য়াওরি। হায়বদি মীয়ামগী ইথিল খংনা থবক তৌবা অনসং হেরো কয়াসু পদ্মাগী ইকাই খুম্নবা পীবা অসিদা য়াওরি। মসিগী চৎনবী অসি লৈবাক অসিনা চহি খরদগী হৌখিবনি। ময়ামদা ঐনা হায়জরি মখোয়গী মরমদা মখোয়না লৌখিবা থৌদাংশিংগী মরমদা শোইদনা খংজিনশি…ইমুং মনুংদা মখোয়গী মরমদা ৱারী শাবিয়ু। মসিনা মীপুম খুদিংদা ইথিল করম্না পীবগে উবা ফংগনি!

হন্দক্কী থা অসিদা ক্রিকেৎ পিৎচতগী নুংঙাইবা পাউ অমা তাবা ফংলি। ঐখোয়গী ক্রিকেৎ তীমনা অহোবদা খুদোংথিবা খরা নংজরবসু অস্ত্রেলিয়া সিরিজ মাই পাক্তুনা হল্লক্লে। ঐখোয়গী শান্নরোইশিংগী হোৎনবা কনবা অমদি অপুনবগী শক্তি অসি তমজনীংঙাইনি। মরক অসিদা দিল্লীদা জনুৱারী ২৬তা মচু অহুমগী ফিরালবু খোঙ্গোইনখিবা অদু উরুবদা লৈবাক অসিনা য়াম্না নুংঙাইখিদে। ঐখোয়না মতুংদা লাক্কদবা মতমশিংদদি অনৌবা আশা অমদি অনৌবা থৌদোক থলহনসি। ঐখোয়না মমাংগী চহিদা অখাং কনবা অমসুং থৌনা লিংজেল উৎখি। হন্দক্কী চহি অসিদসু কন্না হোৎনদুনা অনীংবা অপাম্বা পুম্বা মপুং ফাহনসি। লৈবাক অসিবু খোঙজেল য়াংনা মাংলোমদা পুখৎলসি।

ঐগী নুংশিজরবা ইরৈবাকচাশিং, চহি অসিনা হোরকপদা ঐখোয়না কোরোনাগী মায়োক্তা চংশিনখিবা খোঙজং অদু চাউরাক্না চহি অমা ফাজিল্লক্লে। কোরোনাগী মায়োক্তা ভারতকী লাঞ্জং অসি ময়াম পুম্নমক্কী ফীদম ওইনখি। মতৌ অদুগুম্না ঐখোয়গী বেক্সিনেসন প্রোগ্রাম অসিসু মালেমদা তমজনীংঙাই ওইরি। ঙসি ভারত্তা মালেমগী খ্বাইদগী চাউবা কোবিদ বেক্সিন প্রোগ্রাম পাঙথোক্লি। হেন্না চাউথোকচনীংঙাই ওইবা ৱাফম অদু নখোয় খঙলবরা? খ্বাইদগী চাউবা বেক্সিনেসন প্রোগ্রামগা লোইননা ঐখোয়না মালেমগী অতোপ্পা মফমশিংদগী খোঙজেল য়াংনা বেক্সিন কাপ্পি।  শুপ্নতগী নুমিৎ ১৫নিগী মনুংদা ভারতনা কোরোনা ৱারিয়র লাখ ৩০ হেনববু বেক্সিন কাপখ্রে, অমরোমদা অমেরিকাগুম্বা চাউখৎলবা লৈবাক্তদি নুমিৎ ১৮নি চংঙি; অদুগা ব্রিতেন্দনা নুমিৎ ৩৬নি চংঙি!

মরুপশিং, ভারত্তা শাবা বেক্সিন অসি ভারতকী মরোমদোম লেপচনবা থৌরাংগী খুদম্নি; ভারতকী মশাগী মগুন হেনগৎহনবগী খুদম্নি। য়ু.পি.দগী মরুপ হিমানশু য়াদবনা নমোএপতা অসুম্না ইবিরকই, মেদ ইন ইন্দিয়া বেক্সিন অসিনা থম্মোয়দা ইশানা ইশাবু থাজবগী ইহুল ফাওহল্লে। মধুরাইদগী ক্রিতিনা অসুম্না ইবিরকই, মাগী মীরৈবাক্কী মরুপ কয়ানা মঙোন্দা মেসেস থারক্তুনা ভারত্তা নুংঙাইবা ফোঙদোরক্লি। ক্রিতিগী মরুপনা অসুম্না ইরকই, ভারতনা কোরোনাগী লাঞ্জংদা মালেমগী মতেং পাংবিখিবা অদুদা ভারতকী মরমদা ইকাই খুম্নবা অমুক্কা হেন্না হেনগৎখ্রে। ক্রিতিজী ইরৈবাক্কী অসিগুম্বা থাগৎ ৱাহৈশিং তাবদা মন কী বাতপু তাবিরিবশিংনা চাউথোকচবা ফাওরমগনি। হৌজিক্কী মতম অসিদা তোঙান তোঙানবা লৈবাক্কী রাস্ত্রপতি অমদি প্রধান মন্ত্রীশিংগী মাইকৈদগী ভারতপু থাগৎপগী পাউজেল কয়া ঐঙোন্দা থাবিরক্লি। ব্রাজিলগী রাস্ত্রপতিনা ত্বীৎ তৌদুবনা ভারত্তা পীরকপা থাগৎ ৱাহৈ অদু উরবদি ভারত মচাশিংনা কয়াদা হরাওগদবা নুংঙাইগদবা। কিলোমিতর লিশিং কয়া লাপ্না মালেমগী কাচিন কোয়াদা লৈবা মীওইশিংনা রামায়নগী মরমদা মমুৎ তানা খঙবা অদু উবদা থম্মোয়দা ইথিল অমা পী। মসিনা ঐখোয়গী চৎনা লোনচৎকী থোইদোক হেনবা মগুন অসি।

মরুপশিং, বেক্সিনেসন প্রোগ্রাম অসিদা ময়াম্না ৱাফম অমা উবিরম্লগনি! অৱাবা তারবা মতমদা ভারতনা মালেমগী মতেং পাংবা ঙম্লিবা অসি ভারতকী হিদাকশিং অমদি বেক্সিন অসি য়াম্না মতিক চাই। ঙসিদি ইরোমদোম লেপচবা ঙম্লে, ইরোমদোম লেপচবা ভারতকী খোঙজংগী ৱাখল্লোনসু মসিনি। ভারতনা তৌবা ঙম্লিবা মখৈ মীওইব জাতিগী মতেং পাংখিগনি; মালেমগী মীয়াম্না অদুক্কী মতিক কান্নবা ফংখিগনি!

ঐগী নুংশিংরবা ইরৈবাকচাশিং নমোএপতা অমদি মাইগোভতা ময়ামগী মেসেস অমদি ফোনগী মতেংনা ময়ামগী অপাম্বা খঙনবা খুদোংচাবা ফংলি। মেসেস ময়াম অদুগী মনুংদগী ইচল নুপী প্রিয়াঙ্কা পান্দেগী ৱাফম অদুনা পুক্নিং চিংশিনখি। চহি ২৩দা ঙাইরিবা ইচানুপী প্রিয়াঙ্কা হিন্দী সহিত্যাগী মহৈরোই অমনি অমদি বিহারগী সিবানদগীনি। মহাক্না ইবিরকই লৈবাক্কী লমকোইফম ১৫দা চৎপগী ৱাফম অদু য়াম্না পামজনা থোকখি মরম অসিনা ঐহাক্না জনুৱারী ১দা য়াম্না থোইদোক হেনদোকপা মফম অমদা কোইবা চৎলুই। মফম অদুদি মাগী য়ুমদগী কিলোমিতর ১৫ লৈবা লৈবাক্কী অহানবা রাস্ত্রপতি দা রাজেন্দ্র প্রসাদকী পোক্নফমনি।   প্রিয়াঙ্কনা হায়বিরকই মসি লৈবাক অসিগী অথোইবা মীওইপোকশিংবু মমুৎ তানা খঙবগী অহানবা খোঙথাংনি। মফম অদুদা রাজেন্দ্র প্রসাদনা ইবিরম্বা লাইরিক কয়া অমদি পুৱারিগী মরী লৈনবা ফোতো কয়া থেংনরে। তশেংনমক প্রিয়াঙ্কা মহাক্কী খোঙচৎ অসিনা অতোপ্পশিংসু ইথিল শোইদনা পীগনি।

মরুপশিং হন্দক্কী চহি অসিদা ভারতনা নীংতম্বগী চহি ৭৫শুবা চহিগী থৌরম অম্রিৎ মহোসব হৌগদৌরি। ঐখোয়গী নীংতম্বগী লাঞ্জংদা শরুক য়াখিবা থোইদোকপা মীওইশিংগা মরী লৈনবা মফমশিং খঙদোকপগী খ্বাইদগী মতাং চারবা মতমনি।

মরুপশিং নীংতম্বগী লাঞ্জং অমদি বিহারগী মরমদা ৱারী শারিঙৈ মরক অসিদা ৱাফম অমা হায়জহৌগে, মুঙ্গেরগী জয় রাম বিপ্লবনা তরাপুর সহিৎ দিৱাসকী মরমদা ইবিরকই। ১৯৩২গী ফেব্রুৱারী ১৫দা ব্রিতিশশিংনা মমা লৈবাক নীংজবা নহারোল কাংবু অমবু  নুংশি হৈতনা হাৎখি। মখোয়গী মরাল হায়ববু ‘ভন্দে মাতরম’ অমদি ‘ভারত মাতা কী জয়’ হায়না খোলাউ লাউরুবগীনি। ঐহাক্না মরৈবাক নীংবশিংগী মফমদা নোলুকচরি অমদি মখোয়গী মথৌনা অদুবু নোলুক্না নীংশিংজরি। ঐহাক্না জয় রাম বিপ্লবপু থাগৎপা ফোঙদোকচরি। নীংশিংফম থোকপা ময়াম্না কাউনখ্রা থৌদোক অমবু নীংশিংবিরকপগীদমক থাগৎচরি।

ঐগী নুংশিজরবা ইরৈবাকচাশিং, ভারতকী মফম মমদা, সহর, খুঙ্গং খুদিংদা অমদি লৈরক কোনশাংশিংদা নীংতম্বগী লাঞ্জং অসি থৱায় য়াওনা লান্থেংনখি। লৈবাক অসিগী কাচিন-কোয়া শিনবা থুংনা অথোইবা মচানুপশিং অমদি থৌনা ফবী মচানুপীশিং পোকখি মখোয়না জাতি অসিগীদমক মখোয়গী পুন্সি কত্থোকখি। মখোয়গী নীংশিংবা অদু চরোল-শুরোল কয়াগীদমক তেক্তা কাইদনা থম্বীনবা অমদি মখোয়না থেংনখিবা খুদোংথিবা কয়া অদু খঙহন্নবা হোৎনবা হায়বা অসি য়াম্না মরু ওই। ঐহাক্না ইরৈবাকচাশিংবু মরু ওইনা নহা ওইরিবা মরুপশিংদা নীংখা-তম্বগী ইহৌদা থায় কৎখ্রবশিংগী য়ুম্ফম ওইবা থৌদোকশিংদা ৱারীশিং ইবিরক্নবা হায়জরি। নখোয়না লৈরিবা লম লমদগী নীংতম ইহৌগী খোঙচৎ অমদি থৌনা ফবাশিংগী মরমদা লাইরিকশিং ইবিয়ু। হৌজিক ভারতনা নীংতম্বগী চহি ৭৫শুবগী কুমওন পাঙথোক্কদবা অসিদা ময়াম্না ইবিরকপা অদুনা নীংতম্বগী লান্মীশিংগী মফমদা থোইদোকপা ইকাই খুম্নবা উৎপা ওইরগনি। নহা ওইরিবা অইবশিংগীদমক্তা ইন্দিয়া সবেন্তী-ফাইফকী মখাদা থবক তৌবা হৌরে। মসিগী মনুং চন্না রাজ্যশিং অমদি লোল পুম্নমক্কী নহা ওইরিবা অইবশিংবু থৌনা হাপকৎপিগদৌরি। ভারতকী পরিং নাইনা চত্থরক্লিবা অমদি চৎন-লোনচৎতা মমুৎ তানা নৈনবা অইবা কয়া লৈবাক অসিদা পোক্লগনি। ঐখোয়না অসিগুম্বা হৈশিংবা অসিবু উৎথোকপদা মতেং পাংগদবনি।

ঐগী নুংশিরবা ইরৈবাকচাশিং ‘মন কী বাত’ তাবিরিবশিংনা করি পাম্বগে হায়বা অদু অদোমতনা খঙগনি। অদুবু ঐহাক্তি ‘মন কী বাত’ অসিদগী অনৌবা খঙবা অমদি পাবগী খুদোংচাবসু ফংজৈ। অমরোমদা ময়াম পুম্বগা উন্নবগী খুদোংচাবসু ফংজৈ। কনাগুম্বগী হোৎনবা, কনাগুম্বগী অপাম্বা, লৈবাক্কীদমক করিগুম্বা খরা তৌনিংবগী ৱাখল্লোন পুম্নমক অসিনা ঐহাকপু থৌনা হাপ্পিরি।

হায়দ্রাবাদকী বোইনপল্লিদা মফম অদুগী মনা-মশিংগী কৈথেলদা মশাগী মথৌ করম্বা মওংদা পাঙথোক্লিবগে হায়বা অদু পারুবদা ঐহাক য়াম্না নুংঙাইজৈ। মনা-মশিংগী কৈথেলদা মরম কয়াদগী মনা-মশিং পৎতুনা-পুমদুনা মাংবা অসি ঐখোয়না উরি। পুমচাই চাইথোক্তুনা তাদুনা লৈরবা অমোৎ অকাই অসিনা মোৎশিনহল্লি অমসুং মনম চেলহল্লি, অদুবু বোইনপল্লিগী মনা-মশিংগী কৈথেলদা নুমিৎ খুদিংগী লেমহৌবা মনা-মশিংশিং অদু অদুম্না হুন্দোক্লরোই। কৈথেলগী মীশিংনা মদুদগী ইলেক্ত্রিসিতী লৌনবা লেপ্নরে। অপৎপা মনা-মশিংদগী মৈ শুংবা হায়বা অসি তাবদা অঙকপা পোক্লমগনি – মসিনা ইন্নোবেসনগী মপাঙ্গল। ঙসিদি বোইনপল্লিগী কৈথেলদা হান্না হুন্দোক খাক ওইরম্বা অদু হৌজিক্তি লনগী মপু ওইররে – মসিনা অমোৎপদগী লান ওনবগী খোঙচৎ অসি। মফম অদুদা নোংমদা চাউরাক্না অরেম খাক তোন ১০গী ময়াদা থোলকপা অদু প্লান্ত অমদা খোমজিনখ্রে। প্লান্ত অদুদা অরেমখাকশিং অদুদগী নুমিৎ খুদিংগী মৈ য়ুনিৎ ৫০০ পুথোক্লি অমদি চাউরাক্না বাইও ফ্যুএল কিলো ৩০ পুথোক্লি। মৈ অদুনা কৈথেল অদু পুমঙান ঙানহল্লে অমসুং বাইও ফ্যুএল অদুনা কৈথেলগী কেন্তীন অচা-অথক থোংবদা শিজিন্নরি – কয়াদা ফজনা হোৎনরিবা অঙকপা পোক্তরা!

অসিগুম্বা অঙকপা অসি হরিয়ানগী পঞ্চকুলা পঞ্চায়ৎকী বরাউৎ খুঙ্গংনসু উৎখ্রে। পঞ্চায়ৎ অসিনা কোনবা লমশিংদা ঈশিং শেংদোকপদা অৱাবা মায়োক্নরি। মরম অসিনা অমোৎপা ঈশিং অদু মফম মরাং খঙদনা অরেম্বদা মাংহল্লি, লাইনা কয়া শন্দোক্লি, অদুবু বরাউৎকী মীয়াম্না অমোৎপা ঈশিং অসি লনগী মপু ওলহল্লগে হায়না লেপ্নরে। খুঙ্গংগী পঞ্চায়ৎনা খুল পুম্বদা লাক্লিবা অমোৎপা ঈশিং অসি মফম অমদা তুংহল্লগা চুমথোকপা হৌরে, চুমথোক্লবা ঈশিং অদুনা হৌজিক্তি খুঙ্গংগী লৌমীশিংগী লৌবুক ঈশিং চাইবদা শিজিন্নরে, হায়বদি অকোইবগী ফীভম মোৎশিনহনবা অমোৎপা অমদি লাইনা কয়াদগী ঙাকথোকপা ঙম্লে অমসুং লৌবুক্তা ঈশিংসু ফংলে।

মরুপশিং, অকোইবগী ফীভম কন্নবা হোৎনবদা করম্না শেল তানবা য়াবগে হায়বা অদু য়েংশি, অরুনচল প্রদেশকী তৱাংদা মসিগী খুদম অমা য়েংশি। অরুনাচল প্রদেশকী চিংগী মফম অসিদা চহি কয়াদগী ‘মোন শুগু’ কৌবা চে মখল অমা শাই। চে অসি মফম অসিদা হৌবা শুগু শেং কৌবা পম্বীগী মকুদগী শা, মরম অসিনা চে অসি শাবদা উ অমত্তা কক্তে, কেমিকেল অমত্তা শিজিন্নদে, চে অসি অকোইবগী ফীভম কাইহনদে হকচাং শোকহনদে। মতম অমদা চে অসি মপান্দা থাদোক্লম্মি অদুবু অনৌবা তেক্নোলোজীনা চে মশিং কয়া শারকপনা মতম ওইরগা মসি শাবা লেপখ্রে। হৌজিক মফম অদুগী সোসিএল ৱাকর গোম্বুনা কলা অসিবু হিংগৎহন্নবা হোৎনরি, মসিনা মফম অদুগী য়েলহৌমীশিংদসু থবক পীবা ঙমলে।

ঐহাক্না কেরেলাগী পাউ অমসু তাই মসিনা ঐখোয়না ইশাগী ইথৌ পাঙথোকপা অদুবু নৌহৌননা নীংশিংহল্লি। কেরেলাগী কোত্তয়মদগী হকচাংগী ফীভম মীমান্নদ্রবা অহল অমনি এন.এস. রাজপ্পন সহাব। রাজপ্পন পেরেলাইসিসনা চৎপা ঙমদে অদুবু লুনানবগীদমক মহাক্না হোৎনবা লেপ্পা লৈতে। চহি খরগী মমাংদগী হি তোংলগা মহাক্না ৱেম্বনান্দ পাৎ চৎলগা মফম অদুদা হুনদোক্লম্বা প্লাস্তিক বোতলশিং খুল্লগা পুরকই। অমুক্তা খনবীয়ু রাজপ্পনগী ৱাখল্লোন অসি কয়াদা ৱাংখ্রবনো। ঐখোয়না মহাক্কী ৱাখল্লোন অসি খুদুং ইল্লগা লুনানবগীদমক ঐখোয়না লৌবা য়াবা থৌদাং লৌরসি।

নুংশিরবা ইরৈবাকচাশিং ময়াম্না উবীখ্রিবা অদুনি অমেরিকাগী সেন ফ্রান্সিসকোদগী বেঙ্গলুরু য়ৌবা নন-স্তোপ ফ্লাইৎ অমা ভারতকী নুপী পাইলোৎ মরিনা পাইখি। কিলোমিতর লিশিং তরাদগী শাংলবা খোঙচৎকী ফ্লাইৎ অসিদা মীওই ২২৫দগী হেন্না ভারত য়ৌনা পুরকখি। ২৬ জনুৱারীগী পরেদতসু ইন্দিয়ন এয়র ফোর্সকী নু্পী ওফিসর অনিনা অনৌবা পুৱারী অমা হৌদোকখি। হিরম খুদিংদা নুপীশিংনা শরুক য়াবগী চাং হেনগৎলক্লি অদুবু মসি খুঙ্গংগী মতাং য়ৌরকপদা মীয়াম্না খঙনবা হেক্তা ৱাৎলি, মরম অসিনা মধ্য প্রদেশকী জবলপুরগী ৱারী অমা ঐহাক্না তারকপদা ৱাফম অসি মন কী বাত্তা শোইদনা পনফম থোকই হায়না খনখি।

পাউ অসি য়াম্না পুক্নিং থৌগৎনীংঙাই ওই। জবলপুরগী চিচগাওগী য়েলহৌমী কাংলুপ খরগী নুপীশিংনা রাইস মিলদা নোংমগী খুশুমল ফংবা শিন্মী ওইনা থবক শুরম্মি। কোরোনাগী লাইচৎনা মালেমগী মীপুম খুদিংমক শোকহনখিবা অদুগুম্না নুপীশিং অসিসু শোকহনখি। মখোয়গী রাইস মিলগী থবক লেপখি। অসুম্না মখোয়গী শেন্থোক লৈখিদে অদুবু মখোয় নীংহন্নবা তৌখিদে; মখোয়না মখোয়গী রাইস মিল অমা হৌনবা ৱারেপ লৌখি। মখোয়গী মরক্তগী মীনা রহনগদালেনা নুপী ময়াম পুল্লগা সেল্ফ-হেল্প গ্রুপ অমা লিংখৎখি, অৱাৎপা শেনফমনা অজিবিকা মিসনগী খুত্থাংদা বেঙ্কতগী লোন লৌখি অদুগী মখোয়না থবক শুবা য়াওরম্বা রাইস মিল অদু লৈখি। ঙসি মখোয় মশাগী রাইস মিল চল্লাইরি, তেল্লবা মতম অসিদা মখোয়না চাউরাক্না লাখ অহুমগী শেন্দোং ফংবা ঙম্লে। শেন্দোং অসিনা অহানবদা মীনাজিনা বেঙ্ককী লোন শিংদোক্লে অদুগা বিজিনেস অদু চাউথোক্নবা হোৎনখি। কোরোনানা শিংনরকপশিং অদু মায়োক্ননবা হোৎনবা অসি লৈবাক্কী কাচিন-কোয়া খুদিংদা থেংনরি।

নুংশিরবা ইরৈবাকচাশিং ঐহাক্না করিগুম্বা বুন্দেলখান্দগী ৱারী শাবা তারবদি অদোমদা পুক্নিং চংগদবা অসি করম্বা মাইকৈদা ওইগদগে? পুৱারীদা পুক্নিং চংবা মীওইশিংনা মফম অসি ঝান্সিগী রানি লক্ষ্মিবাইআ মরী লৈননা উগনি। অমরোমদনা মীওই খরদা মফম অসিগী ফজরবা ইংচিক্লবা ওর্চাগী মরমদা নীংশিংহল্লি। কনাগুম্বা খরনা মফম অসিগী কা হেন্না শাবা অদু নীংশিংগনি, অদুবু হৌজিক মফম অদুদা তোপ-তোপ্পা য়াম্না পুক্নিং থৌগৎনীংঙাই ওইবা অমা পাঙথোক্লি, ঐখোয়না মসিগী মরমদা শুকশোই শোইদনা খঙজিনগদবনি। নুমিৎ খরগী মমাংদা থা অমা চুপ্না চত্থগদবা ‘স্ত্রোবেরী ফেস্তিবেল’ ঝান্সীদা হৌখ্রে। স্ত্রোবেরী অমসুং বুন্দেলখান্দ অনি অসি কমাইনা তৌরিবনো হায়না ময়াম্না শোইদনা অঙকপা পোক্লমগনি! অদুবু মসি অচুম্বমক্নি। হৌজিক বুন্দেলখান্দদা স্ত্রোবেরী অসি য়াম্না থৱায় য়াওনা থান্নরি, মসিগীদমক মরু ওইবা থৌদাং ঝান্সিগী ইচানুপী – গুরলীন চৌলানা অচৌবা থৌদাং লৌখি! লোগী মহৈরোই গুরলীন্না অহানবদা মখোয়গী ময়ুমদা মতুংদা মখোয়গী ফার্মদা মাই পাক্না স্ত্রোবেরী থাদুনা মীয়ামদা থবক অসি ঝান্সিদা পাঙথোকপা য়াগনি হায়বা উৎখি। ঝান্সিনা স্ত্রোবেরী ফেস্তিবেল অসি ‘স্তে এৎ হোম’গী ৱাখল্লোন্দা পাঙথোক্লি। ফেস্তিবেল অসিগী খুত্থাংদা লৌমীশিং অমদি নহারোলশিংদা মখোয়গী য়ুমগী মনিংদা অহাংবা লম নত্ত্রগা য়ুমথক্তা তেরেস গার্দেন শেমদুনা স্ত্রোবেরী থান্নবগীদমক পুক্নিং থৌগৎলি। অনৌবা তেক্নোলোজীগী মতেংনা লৈবাক্কী অতৈ মফমশিংদসু মসিগা চপ মান্নবা মওংদা স্ত্রোবেরী থান্নরি, মতম অমদা স্ত্রোবেরী অসি চিংগী লম খক্তদা থান্নরম্মী, অদুবু হৌজিক্তি কচ্ছকী মরুভুমিদসু পাম্বী অসি থানদুনা লৌমীশিংগী শেন্থোক য়াম্না হেনগৎলক্লি।

মরুপশিং স্ত্রোবেরীগী ফেস্তিবেল অসিনা ইন্নোবেসনগী ৱাখল্লোন উৎপগা লোইননা ঐখোয়গী লৈবাক অসিনা লৌউশিংউগী হিরমদা শিজিন্নবা অনৌবা তেক্নোলোজী অসিবুসু উৎলি। মরুপশিং লৌউ-শিংউবু অনৌবা মাইকৈদা পুনবা সরকারনা কন্না হোৎনরি, হোৎনবা অসি লেপখিরোই।

নুংশিজরবা ইরৈবাকচাশিং নুমিৎ খরনিগী মমাংদা ঐহাক্না ভিদিও অমা য়েংখি। ভিদিও অসি ৱেস্ত বেঙ্গলগী এস্ত মিদনাপুরদা লৈবা নয়া পিঙ্গলা খুঙ্গংদা লৈবা লাই য়েকপা সর্মুদিনগী মতাংদনি। মহাক্না রামায়নগী মতাংদা য়েকপা লাই অমা লুপা লাখ অনিদা য়োনখি হায়না য়াম্না হরাওনা পাউদমলকখি। মসিগীদমক মহাক্কী খুঙ্গংগী মীওইশিংসু য়াম্না হরাওখি। ভিদিও অদু য়েংলুরবা মতুংদা, ঐহাক্না মাগী মরমদা হেন্না খঙনিংবা ফাওরকখি। মহাক্কী মতাংদা খঙনবা হোৎনবদা ৱেস্ত বেঙ্গলগী মতাংদা য়াম্না ফজরবা ৱাফম খরা খঙলকখি। মদু ঐহাক্না ময়ামদা পাউদমকনীংঙি।

তুরিজম মন্ত্রালয়গী রিজনেল ওফিস্তা থা অসি হৌরকপদা বেঙ্গলগী খুঙ্গংশিংদা ‘ইনক্রেদিবল ইন্দিয়া ৱীকএন্দ গেৎৱে’ হৌদোকখ্রে। মসিদা ৱেস্ত মিদনাপুর, বঙ্কুরা, বিরভুম,পুরুলিয়া, ইস্ত বর্ধমান, মফম অদুগী খুৎহৈবা শিন্মীশিংনা মফম অদুদা কোইরকপশিংগীদমক্তা হেন্দিক্রাফ ৱার্কশোপ পাঙথোকই। ‘ইনক্রেদিবল ইন্দিয়া ৱীকএন্দ গেৎৱে’গী মনুংদা হেন্দিক্রাদকী পোৎলমশিং য়োনবদা খুৎহৈবা শিন্মীশিং অদু শেল মরাং কাইনা তানবা ঙমখি হায়না ঐঙোন্দা হায়বিরকই। লৈবাক পুম্বদা মীয়াম্না অনৌ-অনৌবা মওংদা ঐখোয়গী কলাশিং অদুবু মীয়াম্না পাম্নবা হোৎনরি।

ওরিশাগী রাওরকেলাগী ভগ্যাশ্রী সাহুগী মতাং অসি অমুক্তা য়েংশি। তশেংবদি মহাক ইঞ্জিনিয়রিংগী মহৈরোই অমনি, অদুবু মহাক্না হৌখিবা থা খরা অসিদা কেনবস্তা লাই য়েকপা তম্বা হৌখি অদুগা মপুং ফানা হৈবা ঙম্লে। মহাক্না লাইশিং অদু করিদা য়েকখি খঙবিরবরা – মহাক্না লাই অদু সোফ স্তোনশিংদা য়েকখি। কোলেজ চৎপগী লম্বীদা ভগ্যাশ্রীনা সোফ স্তোনশিং অদু থেংনখি, মহাক্না মদু খুঞ্জিনদুনা শেংনা চামথোকখি। নুমিৎ খুদিংগী মহাক্না পুং অনি নুংশিং অদুদা কেনবস পেন্তিংগী মওংদা লাই য়েকখি। মহাক্না নুংদা য়েকপা লাইশিং অদু মহাক্কী মরুপশিংদা খুদোল তম্বা হৌরকখি। লোকদাউন মনুংদা মহাক্না বোতলশিংদসু য়েকপা হৌখি। হৌজিক্তি মহাক্না কলা অসিগী মতাংদা ৱার্কশোপশিংসু পাঙথোক্লি। নুমিৎ খরনিগী মমাংদা সুভাস বাবুগী মপোক কুমওনদা ভগ্যাশ্রীনা নুংদা তোপ-তোপ্পা মওংদা মঙোন্দা ইকাই খুম্নবা উৎখি। ঐহাক্না মাগী তুংগী পুন্সিদা অফবা ওইনবা য়াইফ-পাউজেল পীজরি। কলা অমসুং মচুগী খুত্থাংদা অনৌ-অনৌবা কয়া তম্বা অমদি তৌবা য়াই।

ঝার্খন্দগী দুমকাদা অনৌবা হোৎনবা অমগী মতাংদা ঐঙোন্দা তমলকখি। মফম অসিদা মিদল স্কুলগী প্রিন্সিপল অমনা অঙাংশিংদা ইবা-পাবা তম্বীনবা খুঙ্গংগী ফকলাংশিংদা ইংলিশ অমসুং হিন্দীগী ময়েকশিংনা পেন্ত তৌহনখি; লোইননা লাই মখল কয়াসু য়েকহনখি, মসিনা খুঙ্গংগী অঙাংশিংদা থোইদোক্না কান্নবা পীখি। ঐহাক্না অসিগুম্বা মীওই খুদিংদা ইকাই খুম্নবা উৎচরি অদুগা মখা তানা অসিগুম্বা থবকশিং অসি পাঙথোকপিনবা হায়জরি।

নুংশিজরবা ইরৈবাকচাশিং ভারত্তগী কিলোমিতর লিশিং কয়া লাপ্না, মহাসাগর অমদি মহাদীপ কয়া লাল্লগা চিলি কৌবা লৈবাক অমা লৈ। ভারত্তগী চিলি য়ৌবদা মতম কয়া চংঙি। অদুবু মফম অদুদা ভারতকী কলচরগী লৈনম মতম কয়াগী মমাংদগী শন্দোকখ্রে। ৱাফম অমনা মফম অদুদা য়োগ অসি থোইদোক্না পাম্নৈ। চিলিগী কোনুং সান্তিয়াগোদা য়োগগী স্কুল ৩০দগী হেন্না লৈ হায়বা ৱাফম অসি তাবদা ময়াম থোইদোক্না নুংঙাইবা ফাওবিরমগনি। চিলিদা মালেমগী য়োগগী নুমিৎ অসি য়াম্না হরাও তয়াম্না পাঙথোকই। ঐঙোন্দা হায়রকপদা হাউস ওফ দিপুতীজতা য়োগগী নুমিৎ অসি য়াম্না থৱায় য়াওনা পাঙথোকই। কোরোনাগী মতম অসিদা ইম্ম্যুনিতী হেনগৎনবগীদমক য়োগবু হেন্না পাম্নরক্লি। চিলিগী কোংগ্রেস হায়বদি মখোয়গী পার্লিয়ামেন্ততা ৱারেপ অমা লৌখি। মফম অদুদা নবেম্বর ৪বু নেস্নেল য়োগ দে হায়না লাউথোকখি। নবেম্বর ৪দা করি লৈবগে হায়বা ময়াম খঙবিরমগনি, ১৯৬২গী নবেম্বর ৪দা চিলিদা অহানবা য়োগগী ইন্সতিত্যুসন হোজে রিফল এস্ত্রাদানা লিংখৎখি। নুমিৎ অসিদা নেস্নেল য়োগ দে পাঙথোক্তুনা এস্ত্রাদাদা ইকাই খুম্নবা উৎলি। চিলিগী পার্লিয়ামেন্তনা পীবা থোইদোকপা ইকাই খুম্নবনি, মসিদা ভারত মচা পুম্নমক্না চাউথোকচরি। চিলিগী পার্লিয়ামেন্তগা মরী লৈনবা নুংঙাইরবা ৱাফম অমসু লৈরি। চিলি সিনেৎকী ভাইস প্রসিদেন্তগী রবিন্দ্রনাথ ক্ব্যুনতেরোস কৌই। মহাক্কী মমিং অসি মালেমগী মমিং লৈরবা কবি গুরুদেব রবিন্দ্রনাথ তেগোরদগী লৌরগা থোনবনি।

নুংশিরবা ইরৈবাকচাশিং মাইগোভতা মহারাস্ত্রগী জালনাদগী দা, স্বাপনিল মন্ত্রী অমসুং কেরেলাগী পলাক্কাদতগী প্রহলাদ রাজগোপলন্না মন কী বাত্তা ‘রোদ সেফতী’গী মতাংদা খন্ননবা হায়বিরকই। থা অসি হায়বদি জনুৱারী ১৮দগী ফেব্রুৱারী ১৭ ফাওবা ঐখোয়গী লৈবাক অসিদা রোদ সেফতী মন্থ পাঙথোক্লি। লম্বীগী খুদোংথিবা হায়বা অসি ঐখোয়গী লৈবাক খক্তা নত্তনা মালেম পুম্বদা য়াম্না থৱায় ৱাবা হিরম অমা ওইরে। ঙসি ভারত্তা রোদ সেফতীগীদমক্তা সরকারগা লোইননা লনাই মীওইশিং অমসুং কাংলুপ ওইনা মীওই কয়ানা কন্না হোৎনরি। পুন্সি কন্নবা হোৎনরিবা অসিদা ঐখোয় পুম্নমক্না স্তেকহোল্দর ওইবা তাই।

মরুপশিং বোর্দর রোদ ওর্গনাইজেসন্না শেম্বা লম্বীশিংদা ইন্নোবেসন স্লোগান কয়া ইদুনা থম্বাশিং অদু করিগুম্বদা পাবিরুরবরা। “দিস ইস হাইৱে নোৎ রনৱে” নত্ত্রগা “বি মিস্তর লেৎ দেন লেৎ মিস্তর” হায়বা খোলাউশিং অসিনা লম্বীদা চেকশিন্নবা মীয়ামদা পাউজেল পীরি কান্নবসু পীরি। ময়ামসু অসিগুম্বা ইন্নোবেতিব ওইবা খোলাউশিং নত্ত্রগা কেৎ ফ্রেজেস মাইগোভতা থাবিরকউ। অদোমগী ফজরবা খোলাউনা কেম্পেন অসিদা অচৌবা মতেং পাংগদৌরিবনি।

মরুপশিং রোদ সেফতীগী ৱারী শারিঙেদা নমোএপতা কোলকতাদগী অপর্না দাসনা তৌরকপা পোস্ত অমগী মতাংদা খন্ননীংঙি। অপর্নানা ঐঙোন্দা ‘ফাস্তেগ প্রোগ্রাম’দা ৱা ঙাংনবা হায়বিরকই। মহাক্না হায়বিরকপদা ‘ফাস্তেগ’না খোঙচৎ অমদা থেংনরকপগী মওং অসি তোঙানগনি। মসিনা মতম চংহন্দে; তোল প্লাজাদা লেপ্পা, কেশ পেমেন্তগী নুংনাংবা অদু লৈহন্দে। অপর্নাগী ৱাফম অসি য়াম্না চুম্মি! মমাংদা তোল প্লাজাদা গারি অমনা চাউরাক্না মিনিৎ ৭-৮ চংদুনা লান্থোকই। অদুম ওইনমক ‘ফাস্তেগ’ লাকপদগী শুপ্নতগী মিনিৎ অমা মখাইদগী মিনিৎ ২ খক্তা চংলে। তোল প্লাজাদা ঙাইবগী মতম তেনশিল্লকপা অসিনা গারিগী থাওসু খরামখৈ কনবা ঙমলে। মসিনা লৈবাক অসিগী মীয়ামগী করোর লিশিং ২১ কনবা ঙমগনি হায়না পান্নরি। মসিনা শেল অমদি মতম অনিমক তুংশিনবা ঙম্লে। ঐহাক্না হায়জনিংবদি হিরম খুদিংদা নিয়ম ঙাকপীদুনা ইশা অমদি অতোপ্পা মীওইশিংগী পুন্সি কনসি।

নুংশিরবা ইরৈবাকচাশিং, হায়নবা অমা লৈ – “ঈশিং ইরিক ইরিক পুল্লগা চফু থল্লি” । ঐখোয় খুদিংগী হোৎনবা অমমমনা ঐখোয়গী ৱারেপ মপুং ফাবা ঙমগনি। মরম অসিনা ২০২১ হৌগৎলকপদা ঐখোয়না পান্দম কয়া ফংনবা থাংবা হৌখিবা খোঙথাং অসি ঐখোয় ময়াম পুল্লগা ফংনবা চৎমিন্নসি। ঐখোয় ময়াম পুল্লগা চহি অসি মাই পাকপা অমা ওইনবা ঐখোয় পুন্না চৎপা হৌরসি। ময়াম্না ইশাগী পাউজেল ৱাখল্লোন থাবিরকপা লেপকনু। মথংগী থাদা অমুক উন্নরসি।

ইতি-ৱিদা পুনর্মিলনায়!

ঐগী নুংশিজরবা ইরৈবাকচাশিং, খুরুমজরি। ঙসি দিসেম্বরগী ২৭নি। নুমিৎ মরিনিগী মতুংদদি ২০২১ লাক্লগনি। অমরোমদা ঙসিগী মন কী বাত অসি ২০২০গী মন কী বাতকী অরোইবা শরুক ওইরি। মথংগী মন কী বাত্তি ২০২১দা ওইরগনি। মরূপশিং ময়াম্না ইবীরকপা চিথী কয়া ঐগী মাংদা লৈরি। মায়গোভতা মীয়াম্না থাবীরকপা সজেসনশিংসু মসিদা য়াওরি। মীওই কয়া অমনা ফোন্দা মখোয়গী পুক্নীংগী ৱা অদু ফোঙদোকপীরক্লি। মেসেজ অয়াম্বশিং অদুদা মমাং চহিগী অৱা-নুংঙাই অমসুং ২০২১গী ফিরেপশিং য়াওরি। কোলহাপুরদগী অঞ্জলীনা ন্যু ইয়রদা ঐখোয়না অমগা অমগা য়াইফ-পাউজেল পীনৈ…অদুবু হন্দক্তি ঐখোয়না অনৌবা থৌওং অমা হৌরসি! ঐখোয়গী লৈবাক্তদা য়াইফ-পাউজেল পীবা য়াদবরা; ঐখোয়গী ইরৈবাকপুসু য়াইফ-পাউজেল পীসি! ঐখোয়গী লৈবাক্না ২০২১দা চাউখৎপগী পান্দোম লোম্বা ওইরসনু… মালেমদা ভারতকী মপাঙ্গল কনবা হেল্লসনু…মসিদগী অহেনবা করিবু লৈরুগনি! হায়না ইবীরকখি।

মরূপশিং, নমো এপ্তা মুম্বাইদগী অভিশেক্না মেসেজ অমা থারকখি। মহাক্না ২০২০না ঐখোয়না উৎখিবা, তাম্বীখিবা অদু অঙকপনি হায়না ইরকখি। মহাক্না কোরোনাগী হিরম কয়া ইরকখি। চিথীশিং অসিদা, মেসেজশিং অসিদা চপ মান্নবা অমা উবা ফংখিবা ঐহাক্না মীয়ামদা পাউদমজনীংবা অদুদি মীয়াম্না লৈবাক্কী তৌবা ঙম্বগী শক্তি অমসুং প্রজা মীয়ামগী অপুনবগী পাঙ্গল অসিবু থাগৎনরকখি। জন্তা কর্ফিয়ুনচিংবা অচৌবা চাংয়েং অসিনা মালেম পুম্বদা ইথিল অমা পীখি, খুপাক খুদুনা পুখম থিন্দুনা লৈবাক অসিনা ঐখোয়গী কোরোনা ৱারিয়রশিংবু ওকখিবদা খুপাক অমদি পুখমগী মখোলনা নীনখিবা অদু মীয়াম্না নীংশিংনরকখি।

লৈবাক অসিগী মীচম মীয়াম্নসু অওনবা অসি য়ানখি। ঐহাক্না লৈবাক পুম্বদা আশাগী অঙকপা ইচেল অমা উবা ফংখি। শিংনবা কয়া লাকখি… খুদোংথিবা কয়া থেংনখি। কোরোনানা মরম ওইদুনা মালেমগী সপ্লাই চেনশিংদা অপনবা কয়া থোকহনখি… অদুবু ঐখোয়না খুদোংথিবা খুদিংদগী অনৌবা পরা অমমম তমহৌখি। লৈবাক অসিদা অনৌবা তৌবা ঙম্বগী শক্তিশিংসু থোরকই। ৱাহৈ ওইনা ফোঙদোক্লবদা… তৌবা ঙম্বা অদু “আত্মনির্ভর” – ইরোমদোম লেপচবা হায়না কৌই।

মরূপশিং দিল্লীদগী অভিনব বেনর্জীনা মহাক্না থেংনখিবা অৱা-নুংঙাইশিং ইদুনা ঐঙোন্দা থারকখি মদু য়াম্না নুংঙাই। অভিনবনা মহাক্কী ইমুং-মনুংগী অঙাংশিংগী শান্নপোৎশিং অমদি খুদোল পোৎশিং লৈনবা পামখি… মরম অসিনা মহাক্না দিল্লীগী জান্দেৱালন মার্কেৎতা চৎখি।

ময়াম্নসু হেন্না খঙবীরম্লগনি মদুদি দিল্লীদা কৈথেল অসি সাইকল অমসুং শান্নপোৎকীদমক মমিং চৎলি। হান্নদি অতাংবা শান্নপোৎ হায়রগনি মপান্দগী পুশিল্লকপশিং অসিনা ওইরমখি; অহোংবা শান্নপোৎসু মপালদগী লাকই। অদুবু অভিনবনা মহাক্কী চিথী অদুদা ইবীরক্লিবা অসি অয়াম্বা দুকান মপুশিংনা মখোয়না য়োল্লিবা শান্নপোৎশিং অদু ভারত্তা শাবা শান্নপোৎনি মসিনা হেন্না ফাবনি হায়না কস্তমরশিংদা ক্বালিতী অদু তাকখি। কস্তমরশিংনসু ভারত্তা শাবা শান্নপোৎনা হেন্না পাম্নৈ। তশেংনা মসি ৱাখল্লোনদা চাউনা অহোংবা লাকপা অমনি… মসি মিৎনা শং-শং উরবা প্রমান অমনি। চহি অমগী মনুংদা… ঐখোয়গী ইরৈবাকচাশিংগী ৱাখল্লোনশিংদা অচৌবা অহোংবা লাকপা হৌখি। অহোংবা অসিগী চাং লেপ্পা অসি অরায়বা নত্তে। শেন্মিৎলোন নৈনবশিংনসু মসিগী চাং লেপ্পা ঙমদে।

মরূপশিং বিশাখাপতনমদগী বেঙ্কৎ মুর্লী প্রসাদনা চিথী ইবীরকখি মসিদা পুম্নমক্তগী পুমতোপ-তোপ্পা ৱাখল্লোন অমা য়াওখি। বেঙ্কৎনা হায় ২০২১গীদমক্তা মহাক্কী এ.বি.সি. থারক্লি। ঐহাক্না এ.বি.সি. হায়রিবা অসি করিনো হায়বা খঙলদে। মদুগী মতুং ঐহাক্না বেঙ্কৎনা মহাক্কী চিথীগা লোইননা চার্ত অমা হাপলকখি। চার্ত অদু য়েংলুবদা ঐহাক্না এ.বি.সি.গী চার্তকী আর্থ খঙখি… আত্মনির্ভর ভারত চার্ত হায়বনি। মসি তাবা য়াম্না নুংঙাইত্রা। বেঙ্কৎনা নুমিৎ খুদিংগী শিজিন্নরিবা পোৎলম পুম্নমক্কী লিস্ত অমা শেমখি। মসিদা ইলেক্ত্রোনিক্স, স্তেস্নরী, অকে-অমৌগী পোৎলমশিং অসিদা নত্তনা অতোপ্পা পোৎ কয়া য়াওরি। ঐখোয়না খঙনা নত্ত্রগা খঙদনা মপাল লৈবাক্কী পোৎলম কয়া শিজিন্নরি, মসি ভারত্তা য়াম্না লায়না ফংই। হৌজিক্তি মহাক্না ইরৈবাকচাশিংনা ৱানা হোৎনজবা অমদি হুমাং মমলনা পুথোকপা পোৎলম খক্তমক শিজিন্নগনি হায়না ৱারেপ লৌখি।

মরূপশিং, মসিগা লোইননা মহাক্না হায়খিবা ৱাফম খরসু পুক্নীং চিংশিন্নীংঙাই ওই। মহাক্না ইবীরকখি ঐখোয়না ইরোমদোম লেপচবা ভারতপু শৌগৎলি, অদুবু ঐখোয়গী মেন্যুফেকচররশিংদা পোৎ অদগী ক্বালিতী কমপ্রোমায়জ তৌরোইদবনি হায়না ময়েক শেংবা পাউজেল অমা পীবা তাই। মহাক্না হায়রিবা অসি অচুম্বা ৱাফম অমনি। ‘জিরো ইফেক্ত,জীরো দিফেক্ত’কী ৱাখল্লোন্দা থবক তৌনবগী চপ চারবা তানফম ওইরে। ঐহাক্না লৈবাক অসিগী মেন্যুফেকচররশিং অমসুং ইন্দস্ত্রীগী লুচিংবশিংদা হায়জরি মদুদি …লৈবাক মীয়াম্না অচেৎপা ফিরেপ অসি লৌখি… থৌনা লৈনা মাংদা খোঙ থাংজিল্লি… ভোকেল ফোর লোকেল অসি য়ুমথোং খুদিংদা নীল্লি… অসিগুম্বা ফিভম অসিদা, ঐখোয়গী পোত্থোকশিংনা মালেমগী থাকশিং য়াওহনবা ঙম্নবা হোৎনবা মতম ওইরে। মালেমদা খ্বাইদগী ফবা পোত্থোক অদু ভারত্তা শাদুনা মালেমদা উৎলসি। মসিগীদমক্তা ঐখোয়গী ওন্ত্রপ্রিনর মরূপশিং মাংদা থোকপীরকউ। স্তার্তঅপশিংসু মাংদা চংশিনখি। বেঙ্কৎকী মহাক্কী থোইদোকপা হোৎনবা অসিগীদমক্তা মহাকপু অমুক হন্না থাগৎচরি।

মরূপশিং ৱাখল্লোন অসিবু খনসি… মসিগা লোইননা য়োকখৎসি। মমাংদা ঐহাক্না মসি হায়খ্রবনি… অমুকসু ইরৈবাকচাশিংদা হায়জরি… ময়াম্নসু লিস্ত অমা শেম্বীয়ু। ঐখোয়না নোংমদা শিজিন্নরিবা পোৎলম খুদিংমক… মখোয়বু এনলাইস তৌবীয়ু… ঐখোয়নদি খঙদবা মীরৈবাক্তা শাবা ঐখোয়গী পুন্সিদা চংলকখিবা পোৎলমশিংগী মরমদা খন্থৌ, মখোয়না ঐখোয়দগী শেল লৌরি। মখোয়শিং অদু ঐখোয়না ভারত্তা শাবা করম্বা পোৎলমশিংনা মহুৎ শিনবা য়াবগে খঙদোকউ অমসুং মদু য়েংলগা ভারতকী মীয়াম্না কন্না হোৎনজবা অমসুং হুমাং মমলনা শাজবা প্রদক্তশিং শিজিন্নবা হৌরসি।  নখোয়না চহি খুদিংগী অনৌবা চহিগী ফিরেপশিং লৌই… হন্দক্তি ইরৈবাক্কীদমক্তা ফিরেপ অমা শোইদনা লৌরসি।

ঐগী নুংশিজরবা ইরৈবাকচাশিং ঐখোয়গী লৈবাক ঐখোয়গী অরিবা নাৎ, সিবিলাইজেসন অমসুং চৎনবী অসিবু য়েৎখাই থিনগাইবশিং অমসুং ওৎপী নৈবীবশিংদগী কন্নবা কয়া অমা চাউনা কত্থোকখিবা…অদুবু নীংশিংবা নুমিৎ অমনি। নুমিৎ অসিদা গুরু গোবিন্দ সিংহগী মচা নুপাশিং, সহিবজাদে জোরাৱর সিংহ অমসুং ফতেহ সিংহবু হিংনা চেক চনশিনখিবনি। মীওৎ মীনৈ তৌরিবশিং অসিনা সহিবজাদেনা থম্লিবা থাজবা অদু থাদোক্নবা, গুরুনা তাকপীরম্বা চৎনবীশিং অদু থাদোক্নবা হায়রকখি। ঐখোয়গী সহিবজাদেনা চহি য়াম্না নৌজরবসু অঙকপা থৌনা অমসুং অখাঙ কনবা উৎখি। চেক চনশিনবা অদুদা নুং হাপচিল্লিবা মখৈ ফকলাং অদু ৱাখৎলকখি… অশিবগী খয়াৎতা তাগদৌরে হায়বা অসি শোইদনা খঙলবনি… অদুবু মখোয়না খজিক্তং ফাওবা মচি লেংখিদে। ঙসিগী নুমিৎ অসিমক্তদা গুরু গোবিন্দ সিংহগী মমা ইবেম্মা – মাতা গুজারীসু থৱাই থাখিবা নুমিৎনি। চয়োল খরগী মমাংদা শ্রী গুরু তেগ বহাদুরগী থৱাই থাখিবগী নুমিৎ ওইখি। ঐহাক্না দিল্লীদা গুরুদ্বারা রকাবগঞ্জ চৎতুনা গুরু তেগ বহাদুরজীদা ইকাই খুম্নবা উৎতুনা হৈকৎ-লৈকৎ তমজনবগী থৌজাল ফংজখি। মসিগী থানুং অসিদা শ্রী গুরু গোবিন্দ সিংহ য়াজবা মীওইশিংনা লৈপাক মখাদা তুম্মি। মীয়াম্না শ্রী গুরু গোবিন্দ সিংহগী ইমুংগী মীওইশিংনা চাউনা কত্থোকখিবা অদু নীংশিংদুনা চাউনা ইকাই খুম্নরি। থৱাই থাখিবা অসিনা মীওইবা জাতিগী; লৈবাক অসিগী অনৌবা পরা অমা ওইখি; থৱাই থাখিবা অসিনা ঐখোয়গী সিবিলাইজেসন অসি ঙাক্তুনা থম্নবা অচৌবা থৌদাং য়ারি। ঐখোয় পুম্নমক্না মখোয়গী লমন তোনশিল্লবনি। ঐহাক্না গুরু তেগ বহাদুর, মাতা গুজারী, গুরু গোবিন্দ সিংহ অমসুং মখোয়গী মচানুপা মরি শহিবজাদেনা কত্থোকখিবা অদুগীদমক্তা অমুক হন্না ইকোক নোন্না খুরুমজরি। অসিগুম্বা কত্থোকখিবা কয়ানা ভারতকী শক্তম অসি কনবা ঙমখ্রিবনি।

ঐগী নুংশিজরবা ইরৈবাকচাশিং ঐনা হায়জগদবা ৱাফম অসি তারগা ময়াম য়াম্না হরাওগনি অমসুং চাউথোকচবসু ফাওগনি। ভারত্তা কবোকৈগী মশিং অসি ২০১৪দগী ২০১৮ ফাওবদা চাদা ৬০গী চাংদা হেনগৎখি। লৈবাক অসিদা ২০১৪দা কবোকৈগী মশিং অসি ৭,৯০০ ওইখিবা অদু ২০১৯দা ১২,৮৫২দা হেনগৎখি।জীম কোর্বেৎনা কবোকৈশিং অসিগী মরমদা অসুম্না হায়খি: “কবোকৈশিংনা মহৌশাগী তম্পাক্তা মনীং-মখা তম্না কোইচৎ চৎপা উদ্রবদি, মখোয়গী ফজবা অদু শেংনা খঙবা ঙম্লোই… মাগী মচুগী ফজবা অমদি মাগী খোঙথাংগী ফজবা অদু খঙবা ঙম্লোই।” লৈবাক অসিগী অয়াম্বা শরুক্তা মরু ওইনা সেন্ত্রেল ভারত্তা কবোকৈগী মশিং অসি হেনগৎখ্রে। কবোকৈগী মশিং খ্বাইদগী য়াম্না লৈবা রাজ্যশিংগী মরক্তা মধ্য প্রদেশ, কর্নাতকা অমসুং মহারাস্ত্রনা মকোক থংলি। মসি চহি অসিগী অচৌবা মায় পাকপা অমনি। মালেমদা কবোকৈশিংনা খুদোংথিবা কয়া মায়োক্নৈ; মখোয়গী লৈফম মাংশিল্লক্লি। অসিগুম্বা ফিভম অসিদা ভারত্তা কবোকৈগী মশিং অসি লেপ্তনা হেনগৎলকপনা মালেম পুম্বদা লম্বী অমা তাকখ্রে। অদোমনা হৌখিবা চহী খরা অসিদা অদোমনা খঙলমগনি মদুদি ভারত্তা নোংশাগী মশিং অসি হেনগৎলক্লি হায়বা; কৈশিংগী মশিংসু হেনগৎলক্লি: লোইননা ভারতকী উমংগী শরুক অসিসু হেনগৎলক্লি, মসিগী মরমদি সরকার খক্তা নত্তনা মীয়াম, সিবিল সোসাইতী, ইন্সতিত্যুসনশিংনা উমংশিং লমলক্কী শা-উচেকশিং য়োকখৎনবা হোৎনবা অসিননি। ময়াম পুম্নমক্কী থৌদাং অসি থাগৎনীংঙাইনি।

মরূপশিং ঐহাক্না তমিল নাদুগী কোইম্বতুরগী থম্মোই শোক্নীংঙাই ওইবা অমা পঞ্জগে। ময়াম্না সোসিএল মীদিয়াদা মসিগী ভিজুএলশিং উবীরম্লগনি। ঐখোয়না মীগী হ্বীলচিয়রদি উরে অদুগা কোইম্বতুরগী ইচানুপী গাইত্রীনা মহাক্কী মপা ইবুঙোগা লোইননা হুই অমগী হ্বীলচিয়র শাখি। মসি য়াম্না পুক্নীং নুংশিনীংঙাই ওইবা থৌদোক অমনি অমসুং মসি মীওইবনা মীনুংশিং অমসুং থৌজাল হৈরবা মতমদা ওইথোকই। দিল্লী এন.সি.আর অমসুং লৈবাক অসিগী অতোপ্পা শহরশিংদা চিংশিনবা মখৈ ইংবা অসিদা ময়ুম লৈজদবা শা-শনশিংগীদমক্তা মীওই কয়ানা মতেং পাংলি। মখোয়না শা-শনশিং অদুগী মচীঞ্জাক, ঈশিং, অরুম্বা ফীরোল অমসুং ফমুং ফাওবা শিনবীরি। মীওই খরনা নুমিৎ খুদিংগী শা কয়াগী চাননবা মচীঞ্জাক থৌরং তৌবীরি। অসিগুম্বা খোঙথাংশিং অসি থাগৎনীংঙাই ওই। উত্তর প্রদেশকী কৌশম্বীদা অফবা খোঙথাং কয়া লৌখৎলি। মফম অদুগী কৈশুমশঙগী ফাদোকশিংনা অইংবদগী ঙাকথোক্নবগীদমক্তা অমনবা অমদি শেগাইরবা কান্থাশিংনা শন কুপ্নবা ফী তুবীরি। কৌশম্বী অমদি মখোয়গী থংনবাজীলাশিংদা লৈবা কৈশুমশঙদগী কান্থশিং অদু খোমগৎলগা মদু তুরগা শন লোইফমশিংদা থাই। কৌশম্বীগী ফাদোকশিংনা চয়োল খুদিংগী কান্থা কয়া শেম্মি। মতেং পাংনীংবগী ৱাখল্লোন লৈবা মীওইশিং অসি থাগৎফম থোকই। তশেংবদি মসি খুন্নাইদা মতেং পাংনীংবগী মপাঙ্গল হাপকৎলিবা অফবা থবক অমনি।

ঐগী নুংশিরবা ইরৈবাকচাশিং ঐঙোন্দা ইরকপা চিথী অদুদা অচৌবা ফোতো অনি য়াওরকই। ফোতো অদুনা লাইশঙ অমগী ‘বিফোর অমদি আফতর’ উৎলি। মদুদা লোইনরক্লিব চিথী অদুদা নহারোল কাংলুপ অমগী মরমদা ইরি, মদু য়ুথ ব্রিগেদ কৌই। তশেংনমক য়ুথ ব্রিগেদ অসিনা কর্নাতকাগী শ্রীরঙ্গপতনাদা বীরভদ্রা কৌবা অরিবা শিবগী লাইশঙ অসিদা অওনবা পুরকখি। লাইশঙ অসিগী অকোইবদা মনা-মশিংনা কুপশিনদুনা লৈবনা লমকোইবনা মফম অদুদা লাইশঙ অমা লৈ হায়বা ফাওবা খঙখিদে। নোংমদি সোসিএল মীদিয়াদা কাওনরুরবা লাইশঙ অদুগী ভিদিও থাগৎলকখি। য়ুথ ব্রিগেদনা ভিদিও অসি সোসিএল মীদিয়াদা উবা মতমদা মখোয় লৈবা ঙমখিদে তীম অদুনা লাইশঙ অদুবু শেমজিন-শাজিনগে হায়না লেপখি। মখোয়না লাইশঙ অদুগী অকোইবদা হৌজিল্লিবা তিংখঙ পাম্বীশিং, নাপী-শিংনাশিং অদু লৌথোকখি। মথৌ তাবা শেমজিনবগী থবক থৌরম অদু মখোয়না পাঙথোকখি। মখোয়না তৌরিবা অফবা থবক অদু উবদা লৈকাইগী মীয়াম্না মতেং পাংনবা থোরকখি। মীওই খরনা সিমেন্ত খরনা রং… অসুম্না অঙম-অঙম্বা, অরৈ অরৈবা মতেং পাংনরকখি। নহাশিং অসি তোঙান তোঙানবা শিনফম পায়বা মীওই ঙাক্তনি। মরম অসিনা মখোয়না চয়োলগী অরোইবা নুমিৎশিংদা নুমিৎ খাইদোক্তুনা লাইশঙ অসিগী থবক তৌখি। লাইশঙ অদুগী থোং হাপ্পগী মথক্তা ইলেক্ত্রিসিতী কন্নেক্সনসু তৌহল্লি। মতৌ অসিগুম্বা লাইশঙ অদু হান্নগী ফিভমদা লাক্নবা তৌখি। হনবা লৈতবা অমসুং অচেৎপা থাজবা থম্বা পাম্বৈ অনি অসিগী খুত্থাংদা মীয়াম্না পান্দম খুদিংমক ফংবা ঙম্মি। ভারতকী নহাশিং অসি উবা মতমদা ঐহাক্না নুংঙাইবা অমদি থাজবগী ৱাখল্লোন লাকই। নুংঙাইবা অমদি থাজবা পোকপগী মরমদি ভারতকী নহাশিং অসিদা ‘তৌবা ঙমগনি’ হায়বা পাম্বৈ অমসুং ‘তৌগনি’ হায়বগী থৌনা-লিংজেল মখোয়দা চেল্লি। শিংনরকপা খুদিংমক মখোয়না অরুবনি হায়না লৌদে। মখোয়না য়ৌবা ঙমদবা অমত্তা লৈতে। ঐহাক্না তমিল নাদুগী ওজা অমগী মতাংদা পাখি। মহাক্কী মমিং হেমলতা এন.কে. কোই, মহাক্না বিদ্দুপুরমগী স্কুল অমদা মালেমগী খ্বাইদগী অরিবা লোল তমিল তাকই। কোবিদ-১৯ লাইচৎ অসিনা মহাক্কী তাকপী তম্বীবগী থবক্তা অপনবা পীবা ঙমখিদে। হোয়! মহাক্কী মমাংদা শিংনবা কয়া লাকখি অদুবু মহাক্না ইন্নোবেতিব ওইবা লম্বেল অমা থিখি। মহাক্না কোর্সতা য়াওবা পরা ৫৩ রেকোর্দ তৌখি, এনিমেতেদ ভিদিওশিং শেমখি অদুগা পেনদ্রাইব অমদা হাপচিল্লগা মহাক্কী মহৈরোইশিংদা য়েন্থোকখি। মসিদগী মহাক্কী মহৈরোইশিংনা কান্নবা কয়া ফংখি; মখোয়না পরা অদু উবা ফংদুনা হেন্না গ্যান তাখি। মসিগা লোইননা মহাক্না মহৈরোইশিংগা লোইননা তেলিফোন্দা ৱারী শাখি। মসিনা মহৈরোইশিংগীদমক লাইরিক পাবদা য়াম্না নুংঙাইহল্লি। কোরোনাগী মতম অসিদা লৈবাক শিনবা থুংনা ওজাশিংনা ইন্নোবেতিব ওইবা মেথদ শিজিন্নদুনা কোর্সকী মেতরিএলশিং শেম্লিবা অসি ওনলাইনগী খুত্থাংদা তাকপী তম্বীবদা য়াম্না মতেং ওই। ঐহাক্না ওজা খুদিংমক্তা হায়জনীংবদি মখোয়গী কোর্সকী মেতরিএলশিং অদু এজুকেসন মন্ত্রালয়গী দিক্ষা পোর্তেলদা শোইদনা অপলোদ তৌসি। মসিনা লৈবাক অসিগী অরাপ্পা মফমশিংদা লৈবা মহৈরোইশিংগীদা মতেং ওইরগনি।

মরূপশিং, হৌজিক ঝার্খন্দগী কোর্ৱা চিংমী কাংবুগী হিরামনজীগী মতাংদা ৱারী শাসি। হিরামনজী অসি গর্হৱাজীলাগী সিঞ্জো খুঙ্গংদগীনি। শহরশিংদগী লাপনা চিংনুং অমসুং উমংশিংদা লৈরিবা কোর্বা চিংমীশিং অসিগী মী মশিং ৬,০০০ খক্তা লৈ খঙবদা অদোম অঙকপা পোক্কনি। মহাক্না মখোয়গী কাংলুপগী চৎন-লোনচৎ অমসুং শক্তাক অসি য়োকখৎনবা থবক পাইখৎখি। মহাক্না চহি ১২ চুপ্না হনবা লৈতনা হোৎনদুনা মুৎলুরবা কোর্ৱা লোলগী দিক্সনারী অমা শেমখি। মহাক্না দিক্সনারী অসিদা নুংতিগী শিজিন্নবা ৱাহৈশিংগী ৱান্থোক্কা লোইননা ইখি। কোর্ৱা কাংলুপকী ওইনা হিরামনজীনা তৌরিবা অসি লৈবাক অসিগীদি খুদম অমা ওইখি।

ঐগী নুংশিজরবা ইরৈবাকচাশিং অকবারগী দর্বাদদা অবুল ফজল কৌবা মশক নাইবা মীওই অমা লৈমখি। মহাক্না কশ্মীর কোইবা চৎলুরবা মতুংদা মহাক্না অসুম্না হায়রম্মি মফম অসিগী ফজরবা দৃশ অসি য়েলুবদা য়াম্না শাওগনবা মীওই ফাওবগী ৱাখল নুংঙাইহনবা, নোকহনবা ঙমগনি। তশেংবদি মহাক্না হায়রিবা অসি কশ্মীরগী কেসরগী লৌবুক অদুবুনি। চহিচা কয়াদগী কশ্মীরগা কেসরগা তৎন-থানবা য়াদ্রবা মরী লৈনদুনা লাকখি। কশ্মীরি কেসর অসি মপুং ওইনা পুলৱানা, বুদগম অমসুং কিশ্তৱারগুম্বা মফমশিংদা হৌই। চহি অসিগী মেদা, কশ্মীরি কেসর অসি জীওগ্রাফিকেল ইন্দিকেসন তেগ নত্ত্রগা জী.আই. তেগ পীখি। মসিগী খুত্থাংদা ঐখোয়গী কশ্মীরি কেসর অসি মালেম পুম্বনা খঙনরবা ব্রান্দ অমা ওইহনবা পাম্মি। কশ্মীরি কেসর অসি মালেম পুম্বদা মরু মরাং অমা ওইনা শিজিন্নৈ, মঙোন্দা হিদাক ওইনা শিজিন্নবা য়াবা মগুন কয়া অমসু য়াওই। মসি মনমসু য়াম্না নুংশি মসিগী মচু অসি য়াম্না চেৎলি অমসুং মসিগী লং অসি য়াম্না শাংই অমদি মপোপ চাউই মসিনা মহাক্কী মেদিসিনেল ভেল্যু অদু হেনগৎহল্লি।

মসিনা জম্মু অমসুং কশ্মীরগী পাক চাউরবা সংস্কৃতিবু মশক তাক্লি। মগুন্দা য়েংলগনি কশ্মীরগী কেসর অসি তোপ-তোপ্পি অমসুং অতোপ্পা লৈবাকশিংগী কেসরগা য়াম্না খেন্নৈ। কশ্মীরগী কেসর অসি জী.আই. তেগ ফংবদগী তোপ-তোপ্পা মশক অমা ফংলে। কশ্মীর কেসর অসি জী.আই. সর্তিফিকেৎ ফংলবা মতুংদা দুবাইগী সুপর মার্কেৎ অমদা মসি লোঞ্চ তৌরে হায়বা খঙবদা ময়াম্না নুংঙাইবা পোক্কনি। হৌজিক মসি মীরমদা থাদোকপা হেনগৎলক্লি। মসিনা আত্মনির্ভর ভারত অমা ওইহন্নবা হোৎনরিবা অসিগী মপাঙ্গল হাপলগনি। মসিনা কেসর থারিবা লৌমীশিংদা হেন্না কান্নবা ফংহল্লগনি। পুলৱানাগী ত্রালগী শার এরিয়াদা লৈবা অবদুল মজীদ ৱানীগী কেস অমা হৌজিক য়েংবীয়ু। মহাক্না মহাক্কী জী.আই. তেগ তৌরবা কেসর অসি নেস্নেল সেফ্রোন মিশনগী মতেংনা পম্পোরগী ই-ত্রেদিংগী খুত্থাংদা ত্রেদিং সেন্তরদা য়োল্লি। কশ্মীরদা লৈবা মহাক্কুম্বা মীওই কয়ানা থবক অসি পাঙথোক্লি। মথংদা মীয়াম্না কেসর লৈগে খল্লকপা মতমদা কশ্মীরগী কেসর লৈবা কাওবীগনু! কশ্মীরগী কেসেরগী মহাও অসি তোপ-তোপ্পি।

নুংশিজরবা ইরৈবাকচাশিং, নুমিৎ নিনিগী মমাংদা গীতা জয়েন্তী পাংথোকখ্রে। গীতানা ঐখোয়গী পুন্সিদা মায়কৈ খুদিংদা ইথিল পীরি। গীতা অসি য়াম্না অথোইবা মগুন লৈবা লাইরিক অমা ওইরিবসি করিগীনো হায়বা খঙবীবরা? মরমদি মসি ভগৱান শ্রী কৃষ্ণগী ৱারোলনি। অমরোমদা গীতাগী মগুন অসি করিনো হায়বদা মসি খঙনীংবগী ইথিলদগী হৌরকই… ৱাহংনা হৌরি। অর্জুন্না তাইবং মপুদা ৱাহং হংলি, খঙনীংবা উৎলি, মসিদগী গীতাগী জ্ঞান তাইবং পানবদা খঙহল্লি। গীতাগা চপ মান্ননা ঐখোয়গী সংস্কৃতি অসিদা লৈরিবা জ্ঞান খুদিংমক খঙনীংবনা হৌরি। বেদান্তগী অহানবা লাইশোল – আথাতো ব্রহ্মজীগ্যসা’, হায়বদি লাক্লো ঐখোয় ব্রহ্মগী মরমদা খঙমিন্নরসি। খঙনীংবগী পাঙ্গল অসি য়াম্না কনখ্রে। খঙনীংবনা মতম চুপ্পদা অনৌবা পুথোকহল্লি। খঙনীংবগী ৱাখল্লোন লৈরিবা মখৈ অনৌবা তম্বা ফংগনি। মসিগীদমক চহি, ফিভম, মতম করিসু মথৌ তাদে। খঙনীংবনা ওইরকপা কান্নবা অমগী খুদম অমখক ঐহাক্না থেংনজরকই। ৱাফম অসি তমিল নাদুগী অহল শ্রী তি. শ্রীনিভাস অচার্য়‍ শ্বামীজীগী মতাংদনি। শ্রী তি. শ্রীনিভাস অচার্য়‍ শ্বামীজী অসি চহি মরিফুতরানিথোই শুরে। চহি মতাং অসিদা মহাক্না মহাক্কী কম্প্যুতরদা লাইরিক ইরি, মদুসু মথন্তা তাইপ তৌজরিবনি। শ্রীনিভাস অচার্য়‍জীগী মতমদা তাইপ্পুদি ফরে… কম্প্যুতরদি লৈরমখিরোই হায়না ময়াম্না খঙবীরমগনি। অদুগা মহাক্না কম্প্যুতর করম্বা মতমদা তম্লিবা। মহাক্না কোলেজ তম্লিঙৈদা কম্প্যুতর তম্লক্তে হায়বদি চুম্মি অদুবু চহি মতাং অসিদা ফাওবা মাঙোন্দা তম্নীংবা অমদি খঙনীংবা অমদি লৈখি। তশেংনমক্তি শ্রী তি. শ্রীনিভাস অচার্য় শ্বামীজী অসি সংস্কৃত অমদি তমিল মমুৎ তানা খঙবা মীওইনি। মহাক্না হৌজিক ফাওবদা স্পিরিচ্যুলগা মরী লৈনবা লাইরিক ১৬ রোম ইখ্রে। কম্প্যুতর লাকপদগী লাইরিক ইবা অমসুং নম্বগী মওং মতৌ অসি হোংলে হায়না খঙলকপদগী চহি মরিফুতরুক শুরক্লবা মতমদা কম্প্যুর তমখি। মশাগী তঙাইফদবা সোফৱেয়র তমখি। মহাক্কী লাইরিক অদু হৌজিক লোইশিল্লক্লে।

মরূপশিং শ্রী তি. শ্রীনিভাস অচার্য় শ্বামীজী পুন্সি অসিনা তাক্লিবদি তম্নীংবা অমসুং খঙনীংবগী ৱাখল্লোন লৈরিবা মখৈ ঐখোয়গী হকচাংদা পাঙ্গল লৈগনি। মরম অদুনা মতম লৈবা খিবিক্তা ঐখোয় শোত্থহৌরে হায়না খক খল্লোইদবনি। ঐখোয় তমজরম্লবদি নত্ত্রগা হৈবা শুকঙম ঙম্লরোই হায়বা ৱাখল অসি খক খল্লোইদবনি।

নুংশিরবা ইরৈবাকচাশিং ঐখোয় হৌজিক খঙনীংবগী ৱাখল্লোন্দগী অনৌবা তম্লকপগী মতাংদা ৱারী শারি। অনৌবা চহিদা অনৌবা ফীরেপকী মতাংদসু ৱারী শাখ্রে। মীওই খরদি অনৌ অনৌবা থবকশিং পাংথোক্তুনা অনৌবা ৱাশকশিং ঙাক্লি। ময়াম্না ইশা ইথন্তা খঞ্জবা থেংনজবা ৱাফমদি ঐখোয়না সমাজগীদমক করিগুম্বা থবক অমা পাইখৎপা মতমদা সমাজনা ঐখোয়দা থবক অদু পাংথোক্নবগী থৌনা অদু হাপ্পীরকই। ইচম চম্বা মানবা ৱাখল্লোন, ইথিল অমনা ঐখোয়বু অচৌ অচৌবা থবক পাংথোকহনবা ঙমগনি। শ্রীমান প্রদীপ শঙ্গৱান কৌবা নহা অমগী মতাংদা য়েংসি। গুরুগ্রামদগী প্রদীপ শঙ্গৱান্না ২০১৬তগী হিলিং হিমালয় কৌবা খোংজং অমা চংশিনখি। মহাক্না মহাক্কী খোংলোইশিংগা লোইননা হিমালয়গী তোঙান তোঙানবা মফমশিংদা চৎলগা লম কোইবশিংনা হুন্দোক্লম্বা প্লাস্তিকশিং খুন্দোক্লগা লম-তু শেংদোকই। প্রদীপজীনা হৌজিক ফাওবদা হিমালয়গী তোঙান তোঙানবা তুরিস্ত লোকেসনশিংদগী প্লাস্তিক তন কয়া শেংদোকখ্রে। মসিগা চপ মান্নবা কর্নতকাগী নহা মতৈ মনাও অমা লৈ অনুদীপ অমসুং মিনুশা। অনুদীপ অমসুং মিনুশা মমাংগী থা নবেম্বরদা লুহোংবনি। লুহোংলবা মতুংদা নহা কয়া কোইবা চৎনৈ অদুবু মখোয় অনিনা ময়ামগা মান্নদবা খরা পাংথোক্লে। মখোয় অনিনা ময়াম্না ময়ুমদগী কোইবা থোরক্লগা মফম অদুদা অমোৎ অকাই থনম্বা অদু উখি। কর্নতকাগী সোমেশ্বর বিচসু ফিভম অদুমক্নি। অনুদীপ অমসুং মীনুশানা সোমেশ্বর বিচতা মীয়াম্না হুন্দোক্লম্বা অমোৎ অকাইশিং অদু শেংদোক্কে হায়না লেপখি। মতৈ মনাও অনিনা লুহোংলবা মতুংদা মসিনা অহানবা ৱাশক ওইনা লৌরে। মখোয় অনিনা পুল্লগা শমুদ্রা মপান্দা লৈরম্বা অমোৎ অকাই শেংদোক্লে। অনুদীপনা মখোয়গী ৱারেপ অসি সোসিএল মীদিয়াদা শিয়র তৌখি। মদুদগীদি মখোয়গী ৱাখল্লোন অসিগী মতুং ইন্না নহা কয়া অমা থোরকখি। মখোয়না সোমেশ্বর বিচকী অমোৎ অকাই কিলো ৮০০ লৌথোকখ্রে হায়বা তাবদা ময়াম য়াম্না ঙক্কনি।

মরূপশিং ময়াম অসি হোৎনবগা লোয়ননা ঐখোয়না খনগদবনি বিচশিং অমসুং চিংশাংশিং অসিদা মতৌ করম্বা অমোৎ অকাই ফত্ত-হৌদি অসি য়ৌরক্লিবনো। ঐখোয়গী মরক্তগী কনানো অমনা মফম অদুদা ফত্ত-হৌদি অসি য়ৌহল্লকলিবনি। ঐখোয়সু প্রদীপ অমসুং অনুদীপ, মীনুশাগুম্না খোংজং অসি চংশিনসি। মসিগী মথক্তা ঐখোয় ফত্তবা চাইথোক্লোই হায়বা ৱাশক অসি হান্না লৌসি। কোরোনানা মরম ওইরগা কুমসি চহি অসি ঐখোয়না কয়া খন্নদ্রবা ৱাফম অমত্তং অমুক নীংশিংজগে। ঐখোয়না লৈবাক অসিদা প্লাস্তিক অমা ফাওবা শিজিন্নদবা লৈবাক অমা ওইহনসি। মসিসু ২০২১গী ৱারেপশিংগী মনুংদা অমনি। অরোইবদা ঐহাক্না মীয়ামদা অনৌবা চহিগী য়াইফ-পাউজেল পীজরি। মীয়াম হকচাং ফনা নাদ-য়েক্তনা লৈবীয়ু। মথং চহিগী জনুৱারীগী মন কী বাত্তা অনৌবা সবজেক্তশিংগা লোয়ননা অমুক উনরসি।

পুম্নমকপু থাগৎচরি। 

ঐগী নুংশিজরবা ইরৈবাকচাশিং, খুরুমজরি! ঙসি মন কী বাতকী অহৌবা অসিদা নখোয় পুম্নমক্তা নুংঙাইবা পাউ অমা তমজগে। য়াম্না অরিবা দেবি অন্নাপুর্নগী মীতম অমা ভারত্তা কানাদাদগী পুরক্লগনি হায়বা খঙবদা ভারত মচা খুদিংমক্না চাউথোকচবা পোক্কনি। মীতম অসি বারানসীদা লৈবা লাইশঙ অমদগী হুরান্দুনা চহি ১০০গী মমাংদা ১৯৩১গী মতম অদুৱাইদা লৈবাক অসিগী মপালদা আইন্না য়াদবা মওংদা য়োন্থোকখি। কেনেদা সরকার অমদি অফবা খোঙথাং অসি ওইথোক্নবা চাউনা মতেং পাংখিবা মীপুম খুদিংমকপু ঐহাক্না তৌবীমল খঙবা উৎচরি। মাতা অন্নাপুর্না অসি কাশীগা য়াম্না অখন্নবা মরী অমা লৈনৈ। হৌজিক মহাক্কী মীতম অসিনা হল্লকপদা ঐখোয় পুম্নমক্না নুংঙাইবা পোকই। মাতা অন্নাপুর্নাগী মীতম অসিগুম্না ঐখোয়গী মমল য়াম্লবা হেরিতেজ কয়া ইন্তরনেস্নেলগী গেঙ্গশিংগী খুৎতা তাখি। গেঙ্গশিং অসিনা মখোয়বু মমল য়াম্না ৱাংনা ইন্তরনেস্নেলগী কৈথেলদা য়োন্থোকই। হৌজিক্তি মখোয়দা চাউনা অথিংবশিং থম্বা খক্তা নত্তনা ভারতনা পোৎলমশিং অদু অমুক হল্লক্নবা হোৎনবা হেনগৎলক্লি। অসিগুম্বা খোঙথাংশিং অসিনা মরম ওইরগা হৌখিবা চহি খরা অসিদা অসিগুম্বা মীতম অমসুং আর্তিফেক্তশিং ভারত্তা মাই পাক্না পুরকপা ঙমখ্রে। মাতা অন্নপুর্নাগী মীতম অসিনা হল্লকপা অসিগা লোইননা চান্ননা মালেমগী হেরিতেজ ৱীক নুমিৎ খরগী মমাংদা খক্তা পাঙথোকখিবদা ঙাইরি। মালেমগী হেরিতেজ ৱীক অসিনা কলচরবু পামজবা মীওইশিংদা হৌখিবা মতমদা চৎনবা অমসুং মরু ওইবা তাঙ্ককশিং অসিগী ইতিহাসকী মতাংদা খঙনবা অচৌবা খুদোংচাবা অমা পীরি। কোরোনাগী মতম ওইজরবসু হন্দক্তি মীয়াম্না হেরিতেজ ৱীক অনৌবা মওং অমদা পাল্লন তৌবা উখি। কলচরনা অৱাবা মতম অসিদা য়াম্না মতেং পাংদুনা মসি লাকশিনবদা অচৌবা থৌদাং অমা লৌরি। তেক্নোলোজীগী মতেংগা লোইননা কলচরনা ইমোস্নেল রিচার্জ অমা ওইনা থবক তৌরি। ঙসি লৈবাক অসিগী ম্যুজিয়মশিং অমসুং লাইবেরীশিংনা মখোয়গী কল্লেক্সন মপুং ফানা দিজিতেল ওইনবা হোৎনরি। দিল্লীগী ঐখোয়গী নেস্নেল ম্যুজিয়ম অসিনা হিরম অসিদা শীংথানিংঙাই ওইনা হোৎনরি। নেস্নেল ম্যুজিয়মনা চাউরাক্না ভর্চ্যুএল গেলরী তরা লৈহনগদৌরি – মসি অফবা নত্তরা! হৌজিক অদোমগী য়ুমদা লৈদুনা ফম্লগা দিল্লীগী নেস্নেল ম্যুজিয়ম গেলরীশিং য়েংবা য়ারগনি। অতোপ্পা নাকল অমদনা তেক্লোলোজীগী মীদিয়মগী খুত্থাংদা মীওই মশিং কয়াদা কলচরেল হেরিতেজকী মরু ওইবা অদু খঙহনবা মথৌ তাই, হেরিতেজ অসি য়োখৎনবা তেক্নোলোজী শীজিন্নবসু মরু ওই। হন্দক্তা ঐহাক্না য়াম্না অফবা প্রোজেক্ত অমগী মরমদা পাখি। নোর্ৱেগী অৱাং থংবদা সবালবর্দ কৌবা ইথৎ অমা লৈ। ইথৎ অসিদা আর্তিক ৱর্ল্দ আর্কাইব কৌবা প্রোজেক্ত অমা লিংখৎখি। য়াম্না মরু ওইবা হেরিতেজ দেতা আর্কাইব অসিদা মহৌশাগী নত্ত্রগা মীওইবনা থোকহনবা খুদোংথিবা মাংহনবা ঙম্লোইদবা মওংদা থম্লি। হন্দক কুইদ্রিবদা ঐখোয়না অজন্তা কেবসকী হেরিতেজ আসি প্রোজেক্ত অসিদা দিজিতাইজ ওইহন্দুনা প্রিজর্ব তৌদুনা থম্মি হায়বগী পাউ ফংখি। মসিদা অজন্তাগী শুরুংগী মপুং ফাবা শক্তম অদু দিসপ্লে তৌগনি। দিজিতাইজ তৌরবা অমসুং রিস্তোর তৌরবা অয়েকপা লাইশিংগা লোইননা অরুবা চে-চাংশিং অমসুং মসিগা মরী লৈনবা কোৎশিংসু লৈরি। মরুপশিং লাইচৎ অসিনা নাকল অমদা ঐখোয়না থবক তৌবগী মওংশিংদা অহোংবা পুরকখ্রে; অমরোমদনা মসিনা ঐখোয়দা মহৌশাবু অনৌবা মওং অমদা এক্সপিরিয়েন্স তৌনবা খুদোংচাবা অমা পীরি। ঐখোয়না মহৌশাদা য়েংল্লিবা মীৎয়েং অসিদসু অহোংবা অমা লাক্লে। ঐখোয় হৌজিক নীংথম থা য়ৌরক্লে। ঐখোয়না মহৌশাগী মখল কয়াগী মচু উবা ফংলগনি। হৌখিবা নুমিৎ খরা অসিদা চেরী ব্লোসমশিংগী ফোতো কয়া ইন্তর্নেৎতা ভাইরেল ওইখি। চেরী ব্লোসন হায়বা অসিদা মীয়াম্না জপানগীনি খল্লমগনি অদুবু জপানগী নত্তে ঐখোয়গী মেঘালয়গী শীল্লোংগী পিকচরশিংনি। চেরী ব্লোসমশিং অসিনা মেঘালয়গী মশক হেন্না ফজহল্লি।

মরুপশিং হন্দক নবেম্বরগী তাং তরানিথোইদগী দা. সলিম অলিগী ১২৫শুবা মপোক কুমওন পাঙথোকপা হৌখ্রে। দা. সলিমনা উচেকশিংগী তাইবংদা উচেক য়েংবগী লমদা শীংথানিংঙাই ওইবা থবক কয়া তৌরমখি। মসিনা মালেমগী উচেক য়েবা পাম্বশিংবু ভারত্তা পুক্নিং চিংশিনখি। ঐহাক উচেক য়েংবা পাম্বা মীওইশিংবু য়াম্না পুক্নিং থৌগৎচবা মীওই অমনি। মখোয়না পুক্নিং চংনা অয়ুক্তগী নুমিদাংৱাইরম ফাওবা পুং কয়া উচেক য়েংবা ঙম্মি, মহৌশাগী ফজরবা শক্তমবু য়েংদুনা নুংঙাইজবা ঙম্মি; মখোয়না মসিদগী ফংলকপা লৌশিং অদু ঐখোয়দা য়ৌহল্লি। ভারত্তা বর্দ ৱাচিং সোসাইতী কয়া এক্তিব ওইনা লৈ। অদোমসু মসিদা পুক্নিং চংবীয়ু। ঐহাক্কী চিল্লবা থৌগাই মরক অসিদা হন্দক্তা কেৱারিয়াদা উচেকশিংগা মতম খরা লেমবগী খুদোংচাবা ফংখি। উচেকশিংগা লেনখিবা মতম অদুনা অদোমবু মহৌশাগা নকশিন্নহনগনি. মসিনা অকোইবগী ফীভমবু শক খঙহনবদা অচৌবা থৌদাং লৌগনি।

ঐগী নুংশিজরবা ইরৈবাকচাশিং ভারতকী কলচর অমসুং চৎন-লোনচৎশিং, লৌশিং অসি হান্নদগী মালেম পুম্বগী পুক্নিং চিংশিন্নীংঙাই ওইদুনা লাক্লি। মীওই কয়াদি ভারত্তা মসিবু থিজিনবা লাকখি অমদি মতম পুম্বগী ওইনা মফম অসিদা লৈখ্রে অদুগা খরনা মশাগী লৈবাক্তা হন্দুনা কলচর অসিবু শন্দোকপা মী ওইখ্রে। ঐহাক্না বিশ্বানাথ হায়নসু খঙনরিবা জোনাস মাসেত্তিগী থবক্কী মরমদা খঙহন্নবা খুদোংচাবা অমা ফংখি। জোনাসনা ব্রাজিলদা মীয়ামবু বেদান্তা অমসুং গীতা তাকপীরম্মি। মহাক্না রিয়ো দি জেনরিয়োদগী পুং মুক লাপ্না লৈবা পেত্রোপোলিসকী চিংশিংদা লৈবা বিশ্বাবিদ্যা কৌবা ইন্সতিত্যুত অমা চল্লাইরি। জিনাসনা মেকানিকেল ইঞ্জিনীয়রিং তম্বা লোইরবা মতুংদা স্তোক মার্কেতিংগী মশাগী কম্পনীদা থবক তৌরম্মি। মতুং তারকপদা মহাক্না ভারতকী কলচর মরু ওইনা বেদান্তাদা পুক্নিং লুপখি। স্তোক্তগী স্পিরিচ্যুএলিতী অসি তশেংনা মহাক্কী ওইনদি শাংলবা খোঙচৎ অমা ওইখি। জোনাসনা কোইম্বতুরদা চহি মরি লৈদুনা আর্শা বিদ্যা গুরুকুলমদা লৈদুনা ভারত্তা বেদান্তাগী ফিলোসোফী তমখি। জোনাসকী থোইদোকপা মগুন অমনা – মহাক্না মহাক্কী পাউজেলবু মীয়ামদা য়ৌহন্নবগীদমক্তা তেক্নোলোজী শীজিন্নরি। মহাক্না চাং নাইনা ওনলাইন প্রোগ্রামশিং পাঙথোক্লি। মহাক্না নুমিৎ খুদিংগী পোদকাস্ত তৌই। হৌখিবা চহি তরেৎ অসিদা জোনাসনা মহাক্কী বেদান্তাগী ফ্রী ওপন কোর্সশিং তৌদুনা মহৈরোয় লাখ অমা মখাইদা তাকপী তম্বীখ্রে। জোনাসনা অচৌবা থবক অমা তৌবা খক্তা নত্তনা মীয়াম্না খঙবা লোলদা থবক অদু পাঙথোকই। মীয়াম্না কোরোনা অমদি ক্বারন্তাইনগী মতম অসিগী মনুংদা বেদান্তানা করি মতেং পাংলগদবা হায়না খৌরাংনা ঙাইনখি। ঐহাক্না মন কী বাতকী খুত্থাংদা জোনাসনা হোৎনরিবশিং অসিগীদমক্তা থাগৎপা ফোঙদোকচরি অমসুং মহাক্কী তুংগী পুন্সিদা নুংঙাই য়াইফবা ওইনবা য়াইফ পাউজেল পীজরি।

মরুপশিং মসিগা মান্ননা হন্দক পাউ অমনা অদোমগী পুক্নিং চিংশিল্লমগনি। ন্যু জীলেন্দদা নৌনা খনবা এম.পি. দা. গৌরন শর্মনা মালেমগী খ্বাইদগী অরিবা লোল সন্সকৃততা ৱাশক লৌখি। ভারত মচা অমা ওইনা মশাগী চৎনবী ঙাকপা অসিদা ঐখোয়না চাউথোকচৈ। মন কীবাতকী খুত্থাংদা ঐহাক্না গৌরব শর্মবু য়াইফ পাউজেল পীজরি। ন্যু জীলেন্দদা মীয়ামগী শেবদা অনৌবা মাই পাকপা ফংবা ওইরসনু।

ঐগী নুংশিজরবা ইরৈবাকচাশিং হয়েং নবেম্বর ৩০ অসিদা ঐখোয়না গুরু নানক দেবজীগী ৫৫১শুবা মঙাল ফংখিবা, মপোক কুমওন পাঙথোক্কনি। মালেম পুম্বদা গুরু নানক দেবজিনা পীরম্বা ইথিল অসি ময়েক লানা উবা ফংঙি।

বেঙ্কোবরদগী ৱেল্লিংতন ফাওবা, সিঙ্গাপুরদগী খা অফ্রিকা ফাওবা মহাক্কী পাউজেল অসি মফম খুদিংদা তাবা ফংলি। গুরু গ্রান্থ সহিবতা অসুম্না হায় – “শেবোক্কী থবক্তি শেবা তৌবনি”। হৌখিবা চহি কয়াদা অরুবা থেংখাং কয়া লাকখি মদুদা ঐখোয়না শেবোক অমা ওইনা শেবা তৌবগী খুদোংচাবা কয়া ফংখি। গুরু সহিবনা ঐখোয়দা শেবা তৌনবা খুদোংচাবা পীনবীখি। গুরু নানক দেব জীগী মঙাল ফংখিবা ৫৫০শুবা চহি, শ্রী গুরু গোবিন্দ সিংহ জীগী ৩৫০শুবা মঙাল ফংখিবা চহি, মথংগী চহিদা শ্রী গুরু তেগ বহাদুরগী ৪০০শুবা মঙাল ফংখিবা চহি ওইরগনি। ঐহাক গুরু সহিবকী থৌজান ফংবনা মহাক্কা মরী লৈনবা থবক থৌরমশিংদা ঐহাক য়াওবা ফংজরিবনি হায়না থাজৈ।

মরুপশিং, কচ্ছতা গুরুদ্বারা, লাখপৎ গুরুদ্বারা সহিব  লৈ হায়বা নখোয় খঙবরা। শ্রী গুরু নানক জীমা মহাক্কী মথৱায় নুংঙাইদবা, মহাক্কী স্পিরিচ্যুএলগী খোঙচৎকী মনুংদা লাখপৎ গুরুদ্বারা সহিবতা লৈখি। ২০০১গী য়ুহার হাবদা গুরুদ্বারা অসি অমাং অতা থোকখি। গুরু সহিবকী থৌজালদগী ঐহাক্না মসিবু শেমজিনবা ঙমখি। শেমজিনবা খক্তা নত্তনা মহাক্কী মতিক ময়াই অমদি ফজবা অদু অমুক হন্না হঞ্জিনহনবা ঙমখি। ঐখোয় পুম্নমক গুরু সহিবকী থৌজাল মপুং ফানা ফংখি। লাখপৎ গুরুদ্বারা শেমজিন্নবা হোৎনখিবশিংবু য়ুনেস্কো এসিয়া পেসিফিক হেরিতেজ এৱার্দনা ২০০৪দা এৱার্দ ওফ দিস্তিংসন পীখি। এৱার্দ পীগদবা জুরীনা শেমজিনবগী থবক চত্থবা মতমদা খুৎশা হৈবগী অকুপ্পা ময়েকশিং অদু য়াম্না চেকশিন্না পাঙথোকখি হায়বা খঙখি। জুরীনা গুরুদ্বারাবু অমুক হন্না শেমজিনবা অসিদা সিখ কাংলুপনা থৱায় য়াওনা শরুক য়াবতা নত্তনা মখোয়গী লুচিং মখাদা পাঙথোকখি। লাখপৎ চৎপগী লাইবক ফবা অদু ঐহাক্না মুখ্য মন্ত্রী ওইবা মতমদা ফংখি। মফম অদুদা চৎলুবদা মপাল নাইদ্রবা ইনর্জী ফংখি। গুরুদ্বারাদা চৎপা ফংজবা মীপুম খুদিংমক্না থৌজাল ফংলে হায়না খল্লি। গুরু সহিবপু চাং নাইনা শেবা তৌজবা ফংজনা খুদোংচাবা পীবিবা অসিদা ঐহাক্না য়াম্না নুংঙাইবা পোকই। মমাং চহিগী নবেম্বরদা কর্তারপুর সহিব কোরিদোর হাংদোকখিবা অসি ইতিহাসিক ওই। ৱাফম অসি ঐহাক্না পুন্সি চুপ্পা কাওজরোই। ঐখোয়না অমুক হন্না শ্রী দর্বার সহিবকী শেবা ফংজনবা খুদোংচাবা অমা ফংখিবা অসি ঐখোয় পুম্নমক্কী লাইবক ফবনি।

মরুপশিং, লঙ্গরগী চৎনবী অসি গুরু নানক দেবজীনা হোদোকপীরম্বনি অমসুং ঙসি কোরোনাগী মতম অসিদা মালেম পুম্বদা শিখ কাংলুপনা মীয়ামবু পীজ-পীথক তৌবগী থবক চত্থরি, মীওইবগী মতেং পাংলি – মসিগী চৎনবী অসিনা ঐখোয়বু ইথিল পীদুনা লাক্লি। ঐখোয় পুম্নমক্না শেবোক ওইনা থবক তৌদুনা লৈবা ওইসনু। গুরু সহিবনা ঐঙোন্দগী অমদি প্রজা মীয়ামদগী চপ মান্নবা মওং অসিদা মতেং ফংবা ওইসনু। অমুক হন্না গুরু নানক জয়েন্তি অসিদা মীয়ামবু য়াইজ পাউজেল পীজরি।

ঐগী নুংশিজরবা ইরৈবাকচাশিং নুমিৎ খরনিগী মমাংদা ঐহাক্না লৈবাক অসিগী য়ুনিভর্সিতী কয়াগী মহৈরোয়শিংগা লোইননা ৱারী শাদুনা মখোয়গী মহৈগী খোঙচৎকী মরু ওইবা থৌদোকশিংদা য়াওবগী খুদোংচাবা ফংজখি। তেক্নোলোজীগী খুত্থাংদা আই.আই.তি.-গুৱাহাতি, আই.আই.তি. দিল্লী, গান্ধীনগরগী দীন্দয়াল পেত্রোলিয়ম য়ুনিভর্সিতী, দিল্লীগী জে.এন.য়ু., মাইসুর য়ুনিভর্সিতী অমসুং লক্ষনৌ য়ুনিভর্সিতীগী মহৈরোয়শিংগা লোইননা উন্নবা ফংখি। লৈবাক অসিগী নহাশিংগী মরক্তা তিনবা অসি ৱাখল নুংঙাইহল্লি অমসুং ইনর্জীনা থাল্লি। য়ুনিভর্সিতীগী কেম্পসশিং অসি অমরোমদা অপীকপা ভারত অমনি। অমরোমদা কেম্পশিং অসিবা ভারতকী মখল কয়াগী চৎনলোনশিং অদু উবা ফংঙি; অমরোমদনা অনৌবা ভারত পুরক্নীংবগী অচৌবা ইনোৎ অদু উবা ফংঙি। কোরোনাগী মমাংদা ইন্সতিত্যুসন অমা হেক্তদা চৎপা মতমদা মনাক্তা লৈবা স্কুলশিংদগী লায়রবা মহৈরোয়শিং থৌরম অদুদা কৌবীয়ু হায়জখি। অঙাংশিং অদুনা থৌরম অদুদা ঐগী অখন্নবা মীথুংলেনশিং ওইনা লাকখি। অপীকপা অঙাংশিং অদুদা অচৌবা থৌরম অদুদা নহাশিংনা দোক্তর, ইঞ্জিনীয়র, সাইন্তিস্ত ওইনা মেদল লৌবদু উবদা অনৌবা মঙলান অমা মঙ্ঙি – “ঐসু তৌবা ঙমগনি”, মসিগী ইশানা ইশাবু থাজবা অসি পোকহল্লি। মসিদা ফীরেপ অমা লৌনবা ইনোৎ অদু ফংঙি।

মরুপশিং মসিদা নত্তনা ঐহাক্তি ইন্সতিত্যুসনগী এলুম্নাই কনা-কনানো, ইন্সতিত্যুসন্না মখোয়গী এলুম্নাইগা লোইননা তোইনা উন্ননবা করি শিল্লি, মখোয়গী এলুম্নাই নেৎৱার্ক করম্না মথৌ তৌবগে হায়বা মতম পুম্বদা খঙনীংবা পোকই। 

ঐগী নহা ওইরিবা মরুপশিং মখোয়না ইন্সতিত্যুসন অমগী মহৈরোয় ওইবা অসি নখোয়না মফম অদুদা মহৈ তম্লিঙৈ মতম অদু ফাওবদনি, অদুবু ইন্সতিত্যুসন অদুগী এলুম্নাইদি পুন্সি চুপ্পা ওইগনি।

স্কুল নত্ত্রগা কোলেজ লোইদুনা থোরক্লবসু পোৎশক অনি খক্তি লোইবা নাইদে – অহানবদা, অদোমগী মহৈগী ফল অমসুং অনিশুবদা অদোমগী স্কল নত্ত্রগা কোলেজকা অদোমগা লৈনরিবা মরী। এলুম্নাইনা মখোয়গী মরক্তা ৱারী শাবা মতমদা, লাইরিক লাইশুগী ৱারীদগী হেন্না মরুপশিংনা কেম্পস্তা লেনখিবগী ৱারীনা ওই পুম্নমক অসিনা মরম ওইরগা ইন্সতিত্যুসন অদুগীদমক্তা করিগুম্বা খরা তৌনীংবগী ৱাখল্লোন লাকই। 

নখোয়না পুন্সিদা মাই পাকপা অমা ওইরকপগী মফম ওইরিবা মফম অদুগীদমক তৌবা হায়বা অসিদগী হেন্না নুংঙাইবা করি লৈগদগে? হান্নগী মহৈরোয়শিংনা মখোয়গী হান্নগী ইন্সতিত্যুসনশিং অদু চাউখৎনবা থবক কয়া পাইখৎপগী মতাংদা ঐহাক্না পাখ্রে। হৌজিক মতম অসিদা এলুম্নাইশিং অসিনা হিরম অসিদা থৱায় য়াওরি। আই.আই.তি.য়নশিংনা মখোয়গী ইন্সতিত্যুসনশিংদা কনফরেন্স সেন্তরশিং, মেনেজমেন্ত সেন্তরশিং অমসুং ইনক্যুবেসন সেন্তরশিংগুম্বা ফেসিলিতীশিং মখোয়না হোৎন্দুনা লিংখৎলি। থবকশিং অসিনা হৌজিক লৈরিবা মহৈরোয়শিংদা লর্নিং এক্সপরিয়েন্স হেনগৎহল্লি। আই.আই.তি. দিল্লীনা এন্দোমেন্ত ফন্দ হোদোক্লে, মসি য়াম্না ফজবা ৱাখল্লোন অমনি। মালেমগী মমিং লৈরবা য়ুনিভর্সিতীশিংদা অসিগুম্বা এন্দোমেন্তশিং শেম্বগী চৎনবী লৈ মসিনা মহৈরোয়শিংবু মতেং পাংঙি। ভারতকী য়ুনিভর্সিতীশিংদসু মসিগী চৎনবী অসি চৎনবা হৌরে হায়না ঐহাক্না খল্লি।

মতেং পীবা মতমদা অচৌবা নত্ত্রগা অপীকপা হায়বা করিসু লৈতে। খ্বাইদগী অপীকপা মতেং অদুসু মমল য়াম্মি। হোৎনবা খুদিংমক মরু ওই। এলুম্নাইশিংনা মখোয়গী ইন্সতিত্যুসনগী তেক্নোলোজী অপগ্রেদ তৌবদা, বিল্দিংশিং শাবদা, এৱার্দশিং অমসুং স্কোলর্শিপশিং হৌদোকপদা অমসুং স্কিল দিবেলপমেন্তগী প্রোগ্রামশিং পাইখৎপদা য়াম্না অচৌবা থৌদাং তোইনা লৌই। স্কুল খরদা হান্নগী মহৈরোয়শিংগী এসোসিএসনশিংনা মেন্তরশিপ প্রোগ্রামশিং হৌদোক্লে, মসিদসা মখোয়না তোঙান তোঙানবা বেচকী মহৈরোয়শিংবু লমজিং লমতাকপীবগী থবক পাঙথোকই অমসুং এজুকেস্নেল প্রোস্পেক্তশিংগী মতাংদসু খন্নৈ। স্কুল কয়াগী মরু ওইনা বোর্দিং স্কুলশিংগী এলুম্নাই এসোসিএসনশিং চাউই, মখোয়না স্পোর্তস তোর্নামেন্ত অমসুং কম্ম্যুনিতী সর্ভিসশিং পাঙথোকই।

ঐহাক্না হান্নগী মহৈরোয়শিংদা হায়নীংবদি মখোয়না তম্লকপা ইন্সতিত্যুসনশিংগা লৈনরিবা মরী অদু হেন্না চৎনবা হোৎনবীয়ু! স্কুল, কোলেজ নত্ত্রগা য়ুনিভর্সিতীগী থাক ওইরবসু ইন্সতিত্যুতশিংদা ঐহাক্না হায়জনীংবদি এলুম্নাইগা থবক তৌমিন্নবা মতমদা অনৌবা নত্ত্রগা অনৌবা মওংদা তৌনবা অমসুং এলুম্নাইনা মপুং ফানা শরুক য়ানবা ক্রিএতিব প্লেৎফোর্মশিং দিবেলপ তৌগদবনি। অচৌবা কোলেজ অমসুং য়ুনিবর্সিতীশিংদা নত্তনা ঐখোয়গী খুঙ্গংশিংদা লৈরিবা স্কুলশিংদসু মপাঙ্গল কনবা বাইব্রেন্ত অমসুং এক্তিব ওইবা এলুম্নাই নেৎৱার্ক থম্বা মথৌ তাই।

ঐগী নুংশিজরবা ইরৈচাশিং, দিসেম্বরগী তাং ৫ অসি শ্রী ওর্বিন্দোগী লৈখিদবা নুমিৎনি। ঐখোয়না শ্রী ওর্বিন্দোগী মরমদা পারিব মখৈ ঐখোয়না হেন্না খংবা হেনগৎলকই। ঐখোয়গী নহা ওইরিবা মরূপশিংনা শ্রী ওর্বিন্দোগী মরমদা খংলিবমখৈ মশাবু খংজবা ঙমগনি মশাবু হেন্না হেন্না চাউখৎহনবা ঙমগনি। ঐখোয়না পুন্সি অসিদা পান্দম ফংনবা ৱাশক ঙাকপা মতমদা শ্রী ওর্বিন্দোগী পুন্সি ৱারীনা অনোয়া থৌনা পীবা থেংনগনি, অনৌবা লম্বী অমসু লমজিং লমতাকপীগনি। মহাক্না মহাক্কী বাংলা শৈরেং অমদা অসুম্না ইরমখি;

সুই ছুতোপয়-মন্তো আশে তুঙ্গা হোতে ’।

দিয়া-শালাইকাথি, তাউ আসপোতে ||

প্রো-দীপ্তিজালাইতেখেতে, শুতে, জেথে।

কিছুতেলোকনৈয়া শধীয়ান ||

ঐখোয়গী অসিদা য়েতুমদগী হৌরগা মৈখেৎনচিংবা অসি ব্রিতিশকী জহাজ তোংলগা লাকই! চাবা থকপা তুম্বা পুম্নক্তা ঐখোয় নিংতমদ্রি!

মহাক্না হায়বীরম্মি, স্বাদেশী হায়বগী ৱাহন্থোক্তি ঐখোয় ভারতকী শিন্মীশিংনা শাজবা পোৎলমশিংবু অহানবা মফমদা লৈহনসি হায়বনি। মহাক্না মীরমদগী তম্বা য়াবশিং তম্বগী মায়োক্তা খক লৈখিদে। অনৌবা অফবা লৈরবদি মদু মখোয়দগী তমসি অদুগা ঐখোয়গী লৈবাক্তা হেন্না অফবা লৈবা অদুনা চাউখৎনবা হেন্না মাই ওনশিনসি। মসিমকসিনি আত্মানির্ভর ভারতকী ভোকেল ফোর লোকেল কেম্পেনগী ৱাখল্লোনসু। মরুওইনা মহাক্না ঐখোয়গী লমগী পোৎ শিজিন্নবগী মতাংদা হায়বীরম্বশিংদু ইরৈবাকচা পুম্নমক্না পাবা কান্নগনি।

মরূপশিং মহৈ তম্বগী মতাংদসু শ্রী ওর্বিন্দোগী ৱাখল্লোন অসি য়াম্না মরিক চুম্মি। মহাক্না মহৈ তম্বা অসি নোলেজ, দিগ্রী, অমসুং থবক ফংনবা খক্কী লৌদে। শ্রী ওর্বিন্দোনা হায়বীরম্মি ঐখোয়না নেস্নেল এজুকেসন অসি নহাশিংগী পুক্নিং অমসুং ৱাখলবু ত্রেনিং পীবা ওইগদবনি হায়বদি ব্রেন্দা সাইন্তিফিক্কী ৱাখল্লোন চাউখৎপা অদুগা থমোইদনা ভারত মচা ওইবগী ৱাখল্লোন লাকপা      মদুতদা লৈবাক অসিগী নহা অমনা অফবা অচংবা নাগরিক অমা ওইবা ঙমগনি। শ্রী ওর্বিন্দোনা নেস্নেল এজুকেসনগী মতাংদা মতম অদুদা হায়বীরম্বা ৱাফম অদু ঙসি লৈবাক অসিনা নেস্নেল এজুকেসন পোলিসীগী খুত্থাংদা মপুং ফানবা হোৎনরি।

নুংশিজরবা ইরৈবাকচাশিং ভারত অসিদা লৌউ-শিংউ অমসুং মসিগা মরী লৈনবা লমশিংদা অনৌবা হিরম কয়া হাপচিল্লে। হৌখিবা মতম খরা অসিদা লৌউ-শিংউদা লাক্লিবা অহোংবা অসিনা লৌমীশিংদা অনৌবা অশাগা লোয়ননা মদু ওইথোকপগী লম্বী ফংলে। চহি কয়াগী মমাংদগী লৌমীশিংনা তমদুনা লাকপা কয়া পোলিতিকেল পার্তী কয়ানা পীগনি হায়সু ৱাশকখ্রবশিং অদু পীরে। কুপ্না খন্ন-নৈনরবা মতুংদা ভারতকী পার্লিয়ামেন্তনা লৌঊ-শিংউদা চাউখৎপা লৈনবা আইন শেম্লে। মসিনা লৌমীশিংদা লৈরম্বা অফা-অপুন অদু লৌথোকপদা নত্তনা অনৌবা হকসু ফংলে, অনৌবা খুদোংচাবা কয়া ফংলে। খুদোংচাবশিং অসিনা তেল্লবা মতম অসিদা লৌমীশিংগী অৱাবা কয়া কোকহনবা ঙম্লে। মহারাস্ত্রাগী ধুলে জিলাগী লৌমী জিতেন্দ্র বোইজীনা অনৌবা লৌউ-শিউগী আইন অদু মতৌ করম্না শীজিন্নবগে হায়বদু ময়ামসু অমুক্তা খংবীয়ু। জিতেন্দ্র ভোইজীনা চজাক থারম্মি অদুগা মতিক চাবা মমলদা ললোনবশিংদা য়োনগে হায়না মমল লেপ্লে। মহাক্কী পোত্থোক অদুগী অপুনবা মমল অদু চাউরাক্না লাখ অহুমগা লিশিং কুন্থ্রানিথোই হায়না লেপ্লে। জিতেন্দ্র ভোইনা লুপা লিশিং কুনমঙাগী এদভান্সসু ফংলে। অৱাৎপা শেল অদু নুমিৎ তরামঙানিদা পীগনি হায়না লেপ্নরে অদুবু কোন্নদি অৱাৎপা শেল অদু ফংদ্রে। লৌমীশিংদগী পোৎ লৈরগা থা কয়া শেল পীদবা অসি মতম কয়াদগী চৎনদুনা লাক্লি। মরুওইনা চুজাক লৈবশিংনা তৌবী। মতৌ অসুম তৌনা থা মরী শুরবা ফাওবা জিতেন্দ্র শেল ফংদে। ফীভম অসিদা সেপ্তেম্বরদা পাস তৌখিবা লৌউ-শিংউগা মরী লৈননা শেমখিবা আইন অদু কান্নরে। আইন অদুদা য়াওরিবা অসি লৌমী অমনা মাগী শেনফম অদু নুমিৎ হুমনিগী মনুংদা ফংগদবনি মদু ফংদ্রবদি মহাক্না ৱাকৎপা য়াই। আইন অদুদা য়াওরিবা অচৌবা ৱাফম অমনা লমদম অদুগী এস.দি.এম্না থা অমগী মনুংদা মহাক্কী ৱাকৎ অদু লৌখৎলগা লোইশিনগদবনি। অসিগুম্বা আইন অসি লৈরবনিনা ঐখোয়গী লৌমীশিংগী অৱাবা লাইনা কোক্লে, মহাক্না মসিগী মতুং ইন্না ৱাকৎলে অদুগা নুমিৎ খরনিগী মতুংদা মহাক্কী অৱাৎপা শেল ফংলে হায়বদি আইন অদু মপুংফানা খংলুবনা জিতেন্দ্রগী পাঙ্গল ওইখি। লম খুদিংমক্তা খুদোংচাদবা, অৱাবা কোক্নবা মীপুম খুদিংমক আইন কুপ্না খংবা মথৌ তাই। মোহমদ অসলমজী রাজস্থানগী বারন জিলাদা লৈবা অসিনা লৌমীশিংগী মীৎ মাই হেন্না পাংনবা থবক পাইখৎলি। মহাক ফার্মর প্রদক্সন ওর্গনাইজেসন অমগী সি.ই.ও.নি। কম্পনী অচৌ অচৌবা কয়াগী সি.ই.ও.শিংনা ফার্মর ওর্গনাইজেসনশিংগীসু সি.ই.ও. লৈরে হায়বা তাবদা নুংঙাইবা ফাওরমগনি। মোহমদ অসলমজীনা মখোয়গী লমদগী লৌমী ময়াম অমগী ৱাতচপ গ্রুপ অমা শেম্লে গ্রুপ অসিদা নুমিৎ খুদিংগী অকোইবগী মনা মশিংগী কৈথেলশিংদা লৈবা মমলশিং লৌমীশিংদা খংহল্লি। মখোয় মশাগী এফ.পি.ও.শিংসু লৌমীশিংদগী লৈহল্লি। মসিনা লৌমীশিংদা মখোয়গী মমল লেপ্পদা মতেং ওই।

মরুপশিং খংলবদি পুন্সি অসি মাই পাকই। মহাক্কী খংবনা মীওই লিশিং কয়াগী পুন্সিদা অহোংবা পীবা ঙম্বা লৌমী অমনি শ্রী বিরেন্দ্র য়াদব। বিরেন্দ্র য়াদবজী মতম অমদা অস্ত্রেলিয়াদা লৈরম্মি। চহি অনিগী মমাংদা মহাক ভারত্তা হল্লক্তুনা হরিয়ানাগী কৈথালদা লৈরে। অতৈগা চপ মান্ননা লৌঊ-শিংউদা চরু অসিনা মাগীসু খুদোংচাদবা অমা ওইরে। মসি মাইয়োক্ননবা থবক কন্না পাইখৎখি, অদুম ওইনমক ঙসি ঐনা মন কী বাত অসিদা বিরেন্দ্রজীবু মরুওইনা পনজবগী মরমদি মহাক্না হোৎনরিবা অসি খজিক্তং তোঙাল্লি। মসিনা ঐখোয়দা অনৌবা লম্বী অমা তাক্লি। চরুগী খুদোংচাদবা অসি কোক্ননবা বিরেন্দ্রজীনা স্ত্রো বেলর মেছিন অমা লৈরে। মসিগীদমক মহাক্না লৌঊ-শিংউ লোইশঙদগী শেলগী মতেংসু ফংলে। মেছিন অসিগী মতেংনা মহাক্না চরু মপুন মপুন শেম্লে। মপুন শেম্লবা তুংদা মহাক্না চরু অদু এগ্রো ইনর্জী প্লান্তশিং অমসুং পেপর মিলশিংদা য়োল্লে। ময়াম্না য়াম্না ঙক্কদবা ৱাফম অমনা চহি অনি অসিদা মহাক্না চরু য়োনবদা লুপা করোর অমগা মখাই তাল্লে। মসিদা মহাক্না লুপা লাখ য়াঙ্খৈ শেন্দোং ফংলে। বিরেন্দ্রজীনা চরু লৌবা লৌফমশিংগী লৌমীশিংসু কান্নবা অসি ফংলিবনি। ফত্ত-হৌদি অমোৎ অকাইদগী কান্নবা লৌবগী ৱাফমদি ঐখোয়না য়াম্না তারে অদুবু চরুদগী শেল তানবা অমসুং অতোপ্পা কয়াদসু কান্নবা পীবা হায়বসিদি মসিনা অহানবনি তারিবা অসি। ঐহাক্না এগ্রী তম্লিবা নহাশিংদা হায়নিংবদি মখোয়না মখোয়গী অখোইবদা লৈরিবা লৌমীশিংদা অনৌবা লৌউ-পথাপকী মতাংদা মখোয়দা খরা খংহনবীয়ু। মতৌ অসুম্না তৌরবদি মখোয়না লৈবাক অসিদা অহোংবা পুরকপদা শরুক য়াগদৌরিবনি।

নুংশিরবা ইরৈচাশিং, মন কী বাত অসিদা ঐখোয়না হীরম কয়াগী মরমদা নৈনরি। ঐখোয়না হরাউনা নিংশিংদবা ৱারী শান্নদবা হীরম অমখক চহি অমা ফাজিল্লক্লে। মালেম অসিদা কোরোনাগী অআনবা কেস ফংখিবা অসি চাউরাক্না চহি অমা ফাজিল্লক্লে। মদুদগী হৌরগা ঙসি ফাওবদা মালেম পুম্বদা অকা অকুম কয়া থেংনরে। লোকদাউনগী তাঙ্কক্তগী থোরক্লগা বেক্সিনগী খন্নবা হৌরে। অদুম ওইনমক কোরোনাগী মতাং অসিদা চেকশিনবা হেক ৱাৎপদা য়াম্না খুদোংথিনিংঙাই ওই। ঐখোয়না কোরোনাগী মাইয়োক্তা চংশিল্লিবা লালোং অসি কনশিনবা তাই।

মরুপশিং ঙসিদগী নুমিৎ খরনি লৈরগা বাবা সহেব অম্বেদকরগী লৈখিদবা নুমিৎনি। বাবা সহেবতা ইকাই খুম্নবা উৎপগী মথক্তা নুমিৎ অসিদা লৈবাক অসিগী ঐখোয়গী থৌদাং অমসুং প্রজা অমা ওইনা কন্সতিত্যুসন্না ঐখোয়দা পীরিবা থৌশিং অদু নৌহৌননা খঙনবা থৌরম অমনি। লৈবাক অসিগী শরুক অয়াম্বদা নীংথমথা চংলক্লে। মফম কয়াদা উন তারি। ৱেদর অসিদা ঐখোয়গী ইমুং মনুংদা লৈরিবা অঙাংশিং অমসুং অহলশিং মরু ওইনা নারিবশিং য়েংশিনবীবা অমসুং ঐখোয় ইশাগী চেকশিল থৌরাংশিং লৌখৎপা তঙাই ফদে। মীয়াম্না মখোয়গী অকোইবদা লৈরিবা লায়রবশিংগী মতেং পাংবা; অথাবা ফীরোম পীদুনা মখোয়বু মতেং পাংবা উবদা ঐহাক হরাওবা পোকই। উপাই লৈজদ্রবা শাশিংসু নীংথম থানা অৱাবা কয়া পীরি অমসুং মীওই কয়ানা মখোয়গী মতেং পাংনবা থোরক্লি। ঐখোয়গী নহা ওইরিবা মীওইশিংনা অসিগুম্বা থৌরাংশিংদাথৱায় য়াওনা শরুক য়ারি।

মরুপশিং মথংগী মন কী বাত্তা ঐখোয়না উন্নবদা ২০২০ অসি লোইরমদাই ওইরগনি। অনৌবা চহিগী অশা অমসুং থাজবগা লোইননা ঐখোয় মাংলোমদা চংশিনসি। হৌজিক অদোমদা লৈরিবা পাউতাকশিং নত্ত্রগা ৱাখল্লোনশিং অদু মখা তানা ঐঙোন্দা পাউদম্বীরকউ। ময়ামদা য়াইফ পাউজেল পীজরি। ময়াম হকচাং ফনা, লৈবাক অসিগীদমক এক্তিব ওইনা লৈবীয়ু।
হন্না হন্না থাগৎচরী!

দিসক্লেমর: মসি পি.এম.গী ৱারোলগী চাউরাকপা ৱাহন্থোক্নি। অশেংবা ৱারোলদি হিন্দীদা ঙাংখি।

ঐহাক্কী নুংশিজরবা ইরৈবাকচাশিং, ঙসি অসি বিজয়াদশ্মীগী কুম্হৈনি হায়বদি দশেরাগী নুমিৎনি। শেংলবা নুমিৎ অসিদা ঐহাক্না পুম্নমকপু য়াইফ-পাউজেল পীজরি। দশেরা অসি অচুম্বনা অরানববু মাইথিবা পীবা ঙম্বগী কুম্হৈনি। অদুবু অমরোমদা মসি অৱা অনা খুদোংথিববু অখাং কন্দুনা মাই পাকপা পুরকপা ঙম্বগী কুম্হৈসু ওইরি। ঙসি ঐখোয় পুম্নমক্না য়াম্না অখাং কনবগা লোয়ননা হিংলি, অথিংবা কয়াগা লোয়ননা কুম্হৈ অসি পাঙথোক্লি… অমসুং মরম অসিনা হৌজিক লন্থেংনরিবা অসি শোইদনা মাই পাকপা ঙমগনি হায়বা অসি লেংদ্রবা ৱাফম অমনি। হান্নদি দুর্গা পন্দালশিংদা ইমাগী থৌজেল ফংজনবা মীয়াম্না চিক্না চাইনা ঙমদনা মেলা তৌবা মতমদা মীয়াম তিনবা অদুগুম্না তিল্লম্মি । অদুবু হন্দক্তি মমাংদা তৌখিবা অদুগুম্না তৌবা ওইথোক্লরোই। হান্নদি দশেরাদসু মেলাগুম মীয়াম তিল্লম্মি… অদুবু হন্দক্কী ফীভম অসিদি মওং অমনি। রামলীলাগী শক্তমসু মশাগী তোঙানবা শক্তম অমা লৈজৈ..অদুবু হন্দক্তি অথিংবা খরা থম্লে। হান্নদি নবরাত্রীগী মতম অসিদা গুজরাতকী গর্বাগী খোঞ্জেলনা মায়কৈ মরিদা নীংলম্মি…হন্দক্তি চাউনা পাঙথোক্লম্বা অদুসু লোইনা থিংখ্রে। মথং-মথং কুম্হৈ কয়াসু লাক্কদৌরি। ইদ, শরদকী পুর্নিমা, বালমিকী জয়েন্তি মতুংদা ধন্তেরস, দিৱালী, নীংঙোল চাক্কৌবা, ছথ ইমাগী পুজা অমসুং গুরু ননক দেবকী মপোক কুমওন লাক্কদৌরি.. অদুবু কোরোনাগী অৱা-চৈথেং ফংলিঙৈ চৈরক অসিদা ঐখোয় চেকশিন্না অমদি অথিংবা অসি ঙাক্না চৎসি।

মরূপশিং, ঐখোয়না কুম্হৈ ফিয়োংগী মরমদা ৱারী শানরি অমসুং থৌরাং তৌনরি অদুবু পুক্নীংদা ৱাহং অমদি হংলক্লি, ঐখোয় কৈথেল করম্বা মতমদা চৎকনি, করি-করি লৈগনি। মরু ওইনা অঙাংশিংনা কুম্হৈ ফিয়োংগী মতমদা করি খুদোলপোৎ ফংগনি হায়না হরাওবা-লাংতক্নবা পোকই। কুম্হৈ ফিয়োংগী নুংঙাইবা অসি কৈথেলগী নিল-খোংবা অমদি মৈ কয়া থান্দুনা কেবা মৌবগা য়াম্না মরী লৈনৈ। অদুবু হন্দক মীয়াম্না পোৎ লৈবা চৎপা মতমদা ‘ভোকেল ফোর লোকেলগী’ ৱারেপ অদু শোইদনা নীংশিংবীগনি। কৈথেলদগী পোৎ লৈবা মতমদা ইরমদমগী পোৎ লৈবদনা হেন্না পুক্নীং চিংশিনবীয়ু।

মরূপশিং কুম্হৈ ফিয়োংগী মতম অসিদা লোকদাউনগী মতম অসিবুসু নীংশিংবীগদবনি। লোকদাউনগী মনুংদা খুন্নাই অসিগী শরুক ওইরিবা মখোয় য়াওদ্রবদি ঐখোয়না অৱাবা তারমগদবা মখোয়গী মরমদসু হেন্না খঙবা ঙম্লে। সেনিতেসনগী ৱার্করশিং, য়ুমগী থবক্তা মতেং পাংলিবা ইচিল ইনাওশিং, লৈকাইগী মনা-মশিং য়োনবশিং, শঙ্গোম য়োনবা, সেক্যুরিতী গার্দশিং.. ঐখোয়গী পুন্সিদা মখোয়না লৌরিবা থৌদাংশিং ময়েক শেংনা খঙবা ঙম্লে। অৱাবা মতম অসিদা মখোয়না ঐখোয়গীদমক লেপ্লি; ঐখোয় পুম্নমক্কীদমক লেপ্লি। নখোয়না কুম্হৈ ফিয়োং পাঙথোকপা মতমদা মখোয়বুসু নখোয়গা পুন্না শরুক য়াহন্নবা হায়জরি। ইমুং মনুংগী মীওইগুম লোইনবিদুনা মখোয়বু শরুক য়াহনবীয়ু…অদোম ইশানা হরাও নুংঙাইবা কয়াম্না পোকপগে হায়বদু খঙজবা ঙমগনি।

মরূপশিং, ঐখোয়না ঐখোয়গী ঙমখৈশিংদা লেংদনা লৈদুনা মথৌ তৌরিবা ঐখোয়গী থৌনা ফরাবা লান্মীশিংবুসু নীংশিংবীয়ু, কুম্হৈ-ফিয়োংগী মতম অসিদসু..ভারত ইমাবু ঙাক শেল্লি। ঐখোয়না মখোয়বু নীংশিংদুনা কম্মৈ ফিয়োং অসি পাঙথোকসি। ঐখোয়না ভারত ইমাগী থৌনা ফরবা মচাশিংবু ইকাই খুম্নবা উৎপা ওইনা য়ুম্দা মৈরা অমমম থান্সি। ‌ঐহাক্না ঐগী থৌনা ফাবা লান্মীশিংদা হায়জনীংবনি নখোয়না ঙমখৈদা লৈজরবসু লৈবাক পুম্বনা নখোয়গীদমক লেপ্লি, নখোয়গী য়াইফনবগীদমক থৌনিজরি। ঐহাক্না মখোয়গী ইমুং মনুংশিংনা মখোয়গী মচাশিংবু ঙমখৈদা থাদোকপা ঙমদুনা কত্থোক্লিবা অদুবু ঙসি ইকাই খুম্নবা উৎচরি। মরম অমা নত্ত্রগা অমনা মরম ওইদুনা লৈবাক অসিগী মথৌ তৌরিবা য়ুম অমসুং ইমুং মনুংশিংদগী লাপ্না লৈরিবা মীপুম খুদিংমক্কী মফমদা থম্মোয় শেংনা তৌবীমল খঙবা উৎচরি।

ঐগী নুংশিজরবা ইরৈবাকচাশিং ঙসি ঐখোয়না ভোকেল ফোর লোকেল তৌরিবা মতম অসিদা মালেম পুম্বনা ঐখোয়গী লোকেলগী ওইবা পোৎশিংবু পাম্নরক্লি। ঐখোয়গী লোকেলগী পোৎ কয়াদা গ্লোবেল ওইবা ঙম্বগী মগুন য়াওরি। খুদম ওইনা হায়রবদা খাদী। খাদী অসি মতম কয়াদগী অচম্বগী খুদম অমা ওইনা উদুনা লাক্লি অদুবু ঙসিদি খাদী অসি ইকো-ফ্রেন্দলী ওইবা ফেব্রিক অমা ওইনা খঙনরক্লি। হকশেলগী মীৎয়েংদা য়েংলবসু মসি বোদী ফ্রেন্দলী ফেব্রিক ওই, নোংজু নুংশা খায়দনা শীজিন্নবা য়াবা ফেব্রিক্নি অমসুং ঙসিদি খাদী অসি ফেসন স্তেৎমেন্ত অমসু ওইরক্লি।

খাদী পাম্নবা হেনগৎলকপা খক নত্তনা মালেমগী মফম কয়াদা খাদী শানরক্লি। মেক্সিকোগী ওহাকা কৌবা মফম অমা লৈ, মফম অসিদা খুঙ্গং কয়া লৈ হায়রিবা খুঞ্জাশিং অসিনা খাদী শাবগী থবক তৌরি। ঙসিদি খাদী অসি ওহাকা খাদী হায়না মমিং চৎলি। খাদীনা ওহাকা করম্না য়ৌখিবা হায়বা অসি য়াম্না নুংঙাইবা ৱারীনি।  ওহাকাগী নহা ওইরিবা মীওই, মার্ক ব্রাউন কৌবা নুপা অমনা মহাত্মা গান্ধীগী ফিল্ম অমা য়েংখি। বাপুগী ফিল্ম অসি য়েংলুবদগী ব্রাউন্দা ইথিল পীবনা ভারত্তা লৈবা বাপুগী আশ্রমদা লাক্তুনা বাপু অমসুং মহাক্কী মরমদা কুপ্না থিজিনবা হৌখি। মতম অদুদা ব্রাউন্না খাদী অসি অচম্বা ফী অমা খক্তা নত্তে; মসি পুন্সিগী মহিং অমনি হায়বা খঙলকখি। মসিনা মরম ওইরগা খুঙ্গংগী শেন্মীৎলোন হেনগৎহনবা অমসুং মরোমদোম লেপচবা ঙম্বা অদু উবা ফংখি। মসিদগী হৌদুনা ব্রাউন্না মেক্সিকোদা হন্দুনা খাদীগী থবক হৌরগে হায়না ফিরেপ লৌখি। মহাক্না মেক্সিকোগী ওহাকাগী খুঞ্জাশিংদা খাদী করিনো তাক্লবা মতুংদা মখোয়বু ত্রেন তৌখি। হৌজিক্তি ওহাকা খাদী অসি ব্রান্দ অমা ওইবা ঙম্লে। প্রোজেক্ত অসিগী ৱেবসাইৎতা অসুম্না ইরি ‘দি সিম্বল ওফ ধর্ম ইন মোসন’। ৱেবসাইৎ অসিদা মার্ক ব্রাউনগী য়াম্না নুংঙাইরবা ইন্তরভ্যু অমসু থেংনগনি। মহাক্না হায় অহানবদা মীয়াম্না খাদী হায়বা অসিদা চিংনবা খরা ফাওই অদুবু মতুং তারকপদদি মীয়াম্না পাম্নরকখি লোয়ননা মসিগী কৈথেলসু লৈরে। মহাক্না হায় মসি রাম রাইজাগী মরী লৈনবা ৱাফমনি, নহাক্না মীয়ামগী তঙাই ফদবশিং থুংহল্লবা মতমদা মীয়াম্নসু নহাক্কী ননাক্তা লাক্কনি।

মরূপশিং, দিল্লীগী কনোত পেলেসকী খাদী স্তোর অসিদগী গান্ধী জয়েন্তি নুমিৎতা নোংমা খক্তদা লুপা করোর অমা হেনবগী পোৎশিং লৈনখি। লোয়ননা কোরোনাগী মতম অসিদা খাদী মাস্ক অসি য়াম্না পাম্নরক্লি। লৈবাক অসিগী সেল্ফ হেল্প গ্রুপশিং অমসুং অতোপ্পা ইন্সতিত্যুসনশিংনা মফম কয়াদা খাদীগী মাস্ক তুনরি। য়ু.পি.গী বরাবঙ্কিদা সুমন দেবি কৌবী নুপী অমনা সেল্ফ হেল্প গ্রুপ অমগী মহাক্কী মমান্নবীশিংগা লোয়ননা খাদীগী মাস্কশিং তুবা হৌখি।

তপ্না-তপ্না অতোপ্পা নুপী কয়াসু পুল্লরে হৌজিক্তি মখোয় পুম্নমক্না পুন্দুনা খাদীগী মাস্ক লিশিং হেন্না তুরে। ঐখোয়গী লোকেল প্রদক্তশিং অসিগী থোইদোকপা মগুন অদুদি মখোয়দা তোঙানবা ৱাখল্লোন অমা য়াওজৈ।

ঐগী নুংশিজরবা ইরৈবাকচাশিং, ঐখোয়না ইশাগী পোত্থোক্কীদমক চাউথোকচবা মতমদা মালেম পুম্বনসু মদুগী মরমদা লাংতক্নবা পোকপা হেল্লকই- ঐখোয়গী স্পিরিচ্যুএলিতী, য়োগা, আয়ুর্বেদানা মালেম পুম্ববু পুক্নীং চিংশিনখি। ঐখোয়গী মশানা কয়ানা মালেম পুম্ববু পুক্নীং চিংশিল্লি। হৌজিক্কী মতম অসিদা ঐখোয়গী মল্লাখমভ অসি মালেমগী মফম কয়াদা চৎনরক্লি। অমেরিকাদা চিনমে পতঙ্কর অমসুং প্রগ্যা পতঙ্করনা অনিনা ময়ুমদা মল্লাখমভ তম্বীবা হৌবা মতমদা মসি য়ৌনা মাই পাকলক্কনি হায়বা থাজরুদে। ঙসিদি অমেরিকাদা মফম অয়াম্বদা মল্লখমভ ত্রেনীং সেন্তর কয়া লৈরে। অমেরিকাগী নহা কয়ানা মল্লাখমভা য়াওরি অমসুং ত্রেবিং তৌরি। জর্মনি, পোলেন্দ নত্ত্রগা মলেসিয়া অমদি লৈবাক ২০রোমদা মল্লাখমভা অসি পাম্নরক্লি।  হৌজিক্তি মসিগী ৱর্ল্দ চেম্পিয়ন ফাওবা হৌখ্রে, মসিদা লৈবাক কয়ানা শরুক য়ারি। ভারত্তা  য়েলহৌঙেদগী হোনা ঐখোয়গী নুংগী ৱাখল্লোনবু চাউখৎহনবা মশানা শানদুনা লাক্লি-মসিনা ঐখোয়গী পুক্নীং অমসুং হকচাংবু খল মান্ননা থমহল্লি। অদুবু ঐহাক্না অসুম খনবদা ঐখোয়গী অনৌবা মীরোলগী মরূপশিংনা মল্লাখমভবু অদুক য়াম্না খঙলমগনি হায়বা থাজদে। মসিবু ইন্তর্নেৎতা শোইদনা থিবীগনি খল্লি।

মরূপশিং ঐখোয়গী লৈবাক্তা মার্সিএল আর্ত মখল কয়া লৈ। ঐখোয়গী নহাশিংনা মসিগী মরমদা থিজিনবীদুনা মতমগা চান্ননবা শেমগৎপীগনি হায়না খল্লি। পুন্সিদা শিংনবা য়াওদ্রবদি মীওই অমগী মগুন অদু মপাল থোলকপা ঙমদে – মরম অসিনা ইশানা ইশাবু শিংনবীয়ু।

ঐগী নুংশিরবা ইরৈবাকচাশিং হায়নবা লৈ লর্নিং ইস গ্রোয়িং। ঙসি মন কী বাতকী থৌরম অসিদা অঙকপা ৱাখল চেনবা মীওই অমগী মরমদা হায়জগে। মহাক্কী অপাম্বদি অতোপ্পা মীওইশিংগা পামিন্নবা অমসুং ইমিন্নদুনা নুংঙাইমিন্নবা অসিনি। মহাক অদুদি পোন মরিয়াপ্পন মহাক তামিল নাদুগী তোতুকুরিদগীনি। তোতুকুরিবু পর্ল সিতী হায়না খঙনৈ। মফম অসি পন্দ্যিন এম্পাইয়রগী মরু ওইবা মফম অমা ওইরম্মি। ঐহাক্কী মরূপ পোন মরিয়াপ্পন অসি মহাক্কী শিনফমনা শম ককপনি মহাক্কী সেলুন অমসু লৈ। য়াম্না পিকপা সেলুন্নি। মহাক্না য়াম্না ঙকপা অমদি তমজনীংঙাই ওইবা থবক অমা তৌখি। মহাক্না মহাক্কী সেলুনগী শরুক মচা অমবু লাইব্রেরী ওন্থোকখি। কস্তমর অমনা করিগুম্বা মহাক্কী তর্ন ঙাইবা মতমদা লাইব্রেরী অদুদা করিগুম্বা খরা পাদুনা ঙাই অমসুং মহাক্না পারিবা অদুগী মরমদা করিগুম্বা খরা ইরম্মি, অদুগুম্বা কস্তমর অদুবু মহাক্না দিসকাউন্ত পী… তাবদা পুক্নীং চিংশিন্নিঙাই ওইদরা?

ঐখোয় তোতুরুরীদা চৎলসি… পোন মরিয়াপ্পনগা ৱারী শারসি।

পি.এম.: পোন মরিয়াপ্পন খুরুমজরি, অদোম কমদৌবীরিবগে?

পোন : ইকাই খম্নরবা প্রধান মন্ত্রী খুরুমজরি।

পি.এম.: খুরুমজরি খুরুমজরি, অদোমনা লাইব্রেরীগী ৱাখল্লোন অসি করম্না ফাওরকপগে?

পোন মরিয়াপ্পন: ঐহাক ক্লাস ৮ ফাওবদং তমজহৌই। ঐহাক্কী ইমুংগী ফীভম ফত্তবনা মখা তানা মহৈ তম্বা ফংজহৌদে। লাইরিক লাইশু হৈবা মীওইশিং উরুবদা ঐহাক্কী থম্মোয়দা অৱাৎপা অমা ফাওখি। মরম অসিনা ঐহাক্কী পুক্নীংদা লাইব্রেরী অমা লিংখৎকে, মসিনা মীওই কয়াদা কান্নবা ফংহনগনি হায়না খনখি, মসিনি ঐহাক্কী ৱাখল্লোন।

প্রধান মন্ত্রী: অদোম্না করি লাইরিক্না হেন্না পাম্বীবগে

পোন মরিয়াপ্পন: ঐহাক ‘তিরুক্কুরল’ য়াম্না পামজৈ।

প্রধান মন্ত্রী: অদোমগা ৱারী শাবা ফংজবা অসি য়াম্না নুংঙাইজৈ। অদোমবু য়াইফ-মঙ্গল পীজরি।

পোন মরিয়াপ্পন: ঐহাকসু ইকাই খুম্নরবা ভারতকী প্রধান মন্ত্রীগা ৱারী শাবা ফংজবা অসি য়াম্না নুংঙাইজৈ।

প্রধান মন্ত্রী: য়াইবা পাউজেল পীজরি।

পোন মরিয়াপ্পন: থাগৎচরি প্রধান মন্ত্রীবু।

 প্রধান মন্ত্রী: থাগৎচরি।

ঐহাক্না হৌজিক পোন মরিয়াপ্পনগা ৱারী শান্নখ্রে। অমুক্তা য়েংবীয়ু মহাক্না মী অতোপ্পগী মশম শেম্বীবা ককপীবগা লোয়ননা মখোয়গী পুন্সিবু শেমজনবা খুদোংচাবা অমসু ফংহল্লি। তিতুক্কুলবু মীয়াম্না পাম্নবগী ৱাখল্লোন তাবদা য়াম্না নুংঙাই। ময়াম্নসু মসিগী ৱাফম অসি তাবীরে। হৌজিক মসি ভারতকী লোল পুম্নমক্তা ফংলে। তাঞ্জা ফংলবদি মসি শোইদনা পাবীয়ু। মসি অমরোমদা পুন্সিবু লমজিং লমতাক্নবা পাম্বৈ অমনি।

মরূপশিং ভারত পুম্বদা লৌশিং শেন্দোকপদা য়াম্না নুংঙাইজবা মীওই কয়া লৈবা হায়বা খঙবদা অদোম য়াম্না নুংঙাইগনি। মখোয়না মতম পুম্বদা পামজবা অসি মীপুম তিংনা পানীংবা পোকহনবা অসিনি। মধ্য প্রদেশকী সিঙ্গরৌলিগী ওজা নুপী উশা দুবেনা মহাক্কী স্কুতী অদু মোবাইল লাইব্রেরীদা ওন্থোক্লে। মহাক্না নুমিৎ খুদিংগী মহাক্কী মোবাইল লাইব্রেরী অদুগা লোয়ননা খুঙ্গং অমা নত্ত্রগা অমদা চৎলি অমসুং অঙাংশিংবু লাইরিক তম্বী। অঙাংশিংনা মহাকপু লাইরিক পুবী ইচে হায়না নুংঙাইনা কৌবী। হন্দক চহিগী অগস্ত থাদা, অরুনাচল প্রদেশকী নির্জুলিগী রায়ো খুঙ্গংদা সেল্ফ হেল্প লাইব্রেরী অমা শাখি। খুঙ্গং অসিগী মীনা গুরুং অমসুং দেৱাং হোসয়িনা মফম অদুদা লাইব্রেরী অমত্তা লৈতে খঙলকপদা মখোয়না মসিগীদমক ফন্দিং তৌগে হায়না থোরকখি। লাইব্রেরী অসিগী মেন্বরশিপ অমত্তা লৈতে খঙবদা ময়াম্না য়াম্না ঙক্না থোক্কনি। মীওই অমা হেক্তনা চয়োল অনিগী লাইরিক ৱাইবা য়াই। পাবা লোইরগা মদু হন্দোক্কদবনি। লাইব্রেরী অসি নুমিৎ তরেৎমক হাংবগা লোয়ননা পুং ২৪ হাংঙি। মরু ওইনা স্কুলশিংনা ওনলাইনগী ক্লাস হৌরবা মতম অসিদা… মমা-মপাশিংনা মখোয়গী অঙাংশিংনা লাইরিক পদুনা মতম লেলি খঙবদা নুংঙাইবা পোকচৈ। চান্দিগরদা এন.জি.ও. তৌবা সন্দীপ কুমার কৌবা মীওই অমনা মিনি ভেন অমদা মোবাইল লাইব্রেরী অমা শেমখি, মসিগী খুত্থাংদা লাইরবা অঙাংশিংদা লেম্না পান্নবা লাইরিকশিং পীরি।  মসিগা লোয়ননা শীংথানীংঙাই ওইবা থবক তৌবা গুজরাতকী ভাব নগরগী ওর্গনাইজেসন অনিগী মরমদা ঐহাক্না তংজৈ। মখোয়গী মনুংদা অমনা বিকাস ৱর্তুল ত্রস্তনি। ওর্গনাইজেসন অসিনা কম্পিতিতিব একজামশিংগীদমক শেম শারিবা মহৈরোয়শিংদা য়াম্না মতেং পাংলি। ত্রস্ত অসিনা ১৯৭৫তগী হৌনা থবক তৌদুনা লাক্লি অমসুং লাইরিক ৫০০০গা লোয়ননা মেগাজিন ১৪০ ফংহল্লি। লিতেচরগী লাইরিকশিং লোয়ননা অতোপ্পা লাইরিকশিং লেম্না ফংহল্লিবা অসি অনৌবা মখলগী প্রোজেক্ত অমনি। লাইব্রেরী অসিদা স্পিরিচ্যুএলিতী, আয়ুর্বেদিক্কী লায়েংগী অমসুং অতোপ্পা লমশিংগা মরী লৈনবা লাইরিকশিংসু লৈরি। ময়াম্না করিগুম্বা মতৌ অসুম্না থৌরাংশিং লৌখৎপগী মরমদা খঙবিরবদি, মসিবু সোসিএল মীদিয়াদা শোইদনা থাগৎপিরকউ। খুদম অসিনা ফোঙদোক্লিবা অসি লাইরিক পাবা নত্ত্রগা লাইব্রেরী হাংবা খক নত্তে, মসিনা উৎলিবা অসি হিরম খুদিংমক্তা চাউখৎলক্লিবা অনৌবা ভারতকী অনৌবা ইন্নোবেতিব ওইবা মওং অদুনি। গীতাদা অসুম্না হায়রি –

নহি গ্যানেন সদ্রিশ্যম পবিত্রমি বিদ্যতে

হায়বদি লৌশিংগুম্বা মালেম অসিদা অশেংবা পোৎ অমত্তা লৈতে। ঐহাক্না লৌশিংবু শন্দোক্লিবা, অসিগুম্বা অফবা থবক কয়াগী হোৎনরিবশিংবু থম্মোয় শেংনা ইকাই খুম্নবা উৎচরি।

নুংশিরবা ইরৈবাকচাশিং, লাক্কদৌরিবা ওক্তোবর ৩১দা সদর বলভ ভাই পতেলগী মপোক কুমওন অসিদা ঐখোয়না ‘নেস্নেল য়ুনিতী দে’ হায়না পাল্লন তৌগনি। হান্নসু ঐহাক্না সদর পতেলগী মতাংদা মন কী বাত্তা শন্দোক্না হয়খ্রে। মহাক্কী গুন কয়াগী মরমদা ৱারী তৌখ্রে। লৌশিং লৈবা, থৌনা লৈবা, রাজনিতীগী মরমদা খঙবা, লৌউ-শিংউগী লমদা মমুৎ তানা খঙবা অমসুং জাতিগী অপুনবগীদমক কত্থোপগী থৌনা লিংজেল চেনবা -হিরম কুদিংমক্তা হৈশিংবা খঙবা মীওই অসি মশিং য়াম্না লৈতে। সদর পতেলগী ফাগী হৈবগী গুন উৎলিবা হিরম অমগী মতাংদা অদোম খঙলবরা? আইরন-মেনগী শক্তম অদু অমুক্তা নীংশিংদুনা য়েংবীয়ু, নীংথৌশিংগা ৱারী তৌবা, বাপুজিগী ইথৌ শিল লাংবা, অমসুং ব্রিতিশশিংগী মায়োক্তা লান্থেংনবা ময়াম মরক অসিদা অমুক্কা ফাগী হৈবগী গুন। বাপুনা সদর পতেলগী মরমদা অশুম্না হায়বিরম্মি, মহাক্কী ফাগী অসিদা ঐহাক নোকপা হেনমন্দনা পুক নাই। মসি অমুক খক্তা নত্তে নোংমদা কয়ারক্নি। মসিদা ঐখোয়না তমশিলহৌবা য়াবা পারা অমসু য়াওরি.. পুন্সিদা অৱাবা কয়া মায়োক্নরবসু ঐখোয়গী ফাগী হৈবগী গুন অসি মাংহল্লোইদবনি; মসিনা ঐখোয়গী খুদোংথিবা অদু মায়োক্ননবা পাঙ্গল পীবগা লোয়ননা মদু থেংননবা লম্বীসু য়াৎপীরি। মদুমক্না সদর সহেবনা তৌরম্লিবা অসিসু।

ঐগী নুংশিজরবা ইরৈবাকচাশিং সদর পতেলনা মহাক্কী পুন্সি অদু লৈবাক অসি পুনশিন্নবা হোৎনবদা কত্থোকখি। মহাক্না ভারতকী প্রজা মীয়ামবু নীংতম ইহৌদা য়াওহনখি। মহাক্না লৌমীশিংগী সমস্যাশিংগা নীংতম ইহৌগা পুনশিন্নবা হোৎনখি। মহাক্না নীংথৌ পানবা লৈবাক মচাশিংবু অমত্তা ওইনা পুনশিন্নবা হোৎনখি। মহাক্না ভারত মচা পুম্নমক্কী ৱাখলদা ‘য়ুনিতী ইন দাইবর্সিতী’গী ৱাখল্লোন অসি পোকহনখি।

মরূপশিং, ঐখোয়না ঐখোয়গী ৱাঙাং, থৌদাং অমসুং লমচৎকী খুত্থাংদা মীকুপ খুদিং ঐখোয়না ঐখোয়বু অমত্তা ওইনা পুনশিন্নবা ৱাখল্লোন অদু চেনগদবনি…লৈবাক অসিগী কাচিন অমদা লৈবা মীওই অমদা অতোপ্পা কাচিন অমদা লৈবা অদুবু অমত্তনি হায়বগী ৱাখল্লোন খলহন্নবা হোৎনরসি। ঐখোয়গী ইপা ইপুশিংনা চহিচা কয়াগী মমাংদগী হোৎনদুনা লাক্লি। হৌজিক খুদম ওইনা পীরবদা কেরেলাদা পোকখিবা আদি শঙ্করাচার্য়না ভারতকী মাইকৈ মরিদা মরু ওইবা মথাশিং লিংখৎখি… অৱাংদা বদ্রিক আশ্রম, নোংপোক্তা পুরি, খাদা স্রিঙ্গেরী অমসুং নোংচুপতা দ্বার্কা। মহাক স্রীনগরদসু চৎলুই মসিনা মরম ওইরগা মফম অদুদা ‘সঙ্করাচার্য় হিল’ লৈখি।

লাইফমশিংদা চৎপা অসিনা ভারতবু অমত্তা ওইনা পুনশিনম্নবা পাম্বৈ অমা ওইরি;জ্যোতিরলিঙ্গস অমসুং শক্তিপীথাস পরিংশিং অসিনা ভারতপু অমত্তা ওইনা পুনশিল্লি। ত্রিপুরাদগী গুজরাত ফাওবা, জম্মু অমসুং কাশ্মিরদগী তামিল নাদু ফাওবা ঐখোয়গী থাজবগী ৱাখল্লোন অসিনা পুম্নমকপু অমত্তা ওইনা পুনশিল্লি।   ভক্তিগী ইহৌ অসিনা ভারত পুম্বদা মীয়ামগী ইহৌ অমা ওইখি, মসিনা ঐখোয়বু ভক্তিগী খুত্থাংদা অমত্তা ওইনা পুনশিল্লি। ঐখোয়গী পুন্সিদা মসিনা অপুনবগী পাঙ্গল অমা ওইরক্লি। ঐখোয়গী থৌরম খুদিংমক তোঙান তোঙানবা তুরেলশিংদগী হৌই, মসিদা অৱাংদা লৈবা ইন্দস অসিদগী হৌরগা ভারতকী খাদা পুন্সি পীবীরিবা কাবেরি তুরেল ফাওবা য়াওরি। ঐখোয়না ইরু লুবা মতমদা শেংলবা ৱাখল্লোনগা লোয়ননা অপুনবগী লাইশোন অসি শোল্লসি:

গঙ্গে চে য়ম্মুনে চেফ গোদবরী সরস্বতি

নর্মদে সিন্ধু কাবেরি জলে অস্মিন সন্নিধিম কুরু

মতৌ অসুম্না সিখশিংগী শেংলবা “নন্দেদ সাহিব’ অমসুং ‘পতনা সাহিব’ গুরদ্বারশিংসু য়াওরি। ঐখোবগী সিখকী গুরুশিংসু মখোয়গী পুন্সি অমসুং অফবা ৱাখল্লোনশিংগী খুত্থাংদা অপুনবগী ৱাখল্লোন শন্দোকই। 

হৌখিবা চহিচাদা ঐখোয়গী লৈবাক অসিদা ঐখোয় পুম্নমকপু কন্সতিত্যুসনগী খুত্থাংদা অমত্তা ওইনা পুনশিনখিবা  দা. বাবাসাহেব অম্বেদকরগুম্বা অথোইবা মীওইশিং পোকখি। 

মরূপশিং,

য়ুনিতী ইস পাৱর, য়ুনিতী ইস স্ত্রেংথ,

য়ুনিতী ইস প্রগ্রেস, য়ুনিতী ইস এম্পাৱর্মেন্ত,

য়ুনাইতেদ ৱি ৱিল স্কেল ন্যু হাইতস

অমরোমদা ঐখোয়গী পুক্নীংদা চিংনবা পোকহনবা লৈবাক অসিবু খাইবুং তাহন্নবা হোৎনবা কয়া অমসু লৈরি। লৈবাক অসিনসু মতম পুম্বদা মখোয়গী মায়োক্তা লেপ্পি। ঐখোয়না মতম পুম্বদা ঐখোয়গী ক্রিএতিবিতীনা, নুংশিবগী ৱাখল্লোন্না মীকুপ খুদিং হোৎনদুনা ‘এক ভারত শ্রেস্থ ভারত’কী ফজরবা মচু অদু পুথোক্তুনা অপুনবগী অনৌবা মচু শংলসি অদুগা মচু অসি নাগরিক খুদিংমক্না শংগদবনি।  মতাং অসিদা ঐহাক্না মীয়ামদা ৱেবসাইৎ অমা ekbharat.gov.in য়েংবীয়ু হায়জনীংই। মসিদা নেস্নেল ইন্তিগ্রেসনগী কেম্পেনগীদমক ঐখোয়না হোৎনরিবা কয়া উবা ফংগনি। মসিদা য়াম্না পুক্নীং চিংশিন্নীংঙাই ওইবা কোর্নর দি সেন্তেন্স ফোর দি দে হায়বা অমা য়াওরি।  সেক্সন অসিদা ঐখোয়না নুমিৎ খুদিংগী তোঙান তোঙানবা লোনশিংগী ৱাহৈ পরেং অমমম তম্বা য়াই। অদোম্না ৱেবসাইৎ অসিগীদমক কন্ত্রিব্যুত তৌবসু য়াই খুদম ওইনা রাজ্য অমসুং সংস্কৃতি খুদিংমক্কী তোঙান তোঙানবা চাবা থকপগী মওং মতৌ লৈ। মদু মফম অদুদা হৌবা মরু মরাং অমসুং মহৈ মরোংনা শেম্মি। ঐখোয়না মদুগী মফম অদুগী চিঞ্জাকশিং অদুগী রিসিপি অদু মফম অদুগী মচাকশিং অদুগী মমিংগা ‘এক ভারত শ্রেস্থ ভারত্তা’ শিয়র তৌবা য়ারোইদ্রা?

য়ুনিতী অমসুং ইম্ম্যুনিতী হেনগৎহনবদগী হেনবা উপাইবু করি লৈবগে! মরূপশিং থা অসিগী ৩১দা পুৱারীগী মশক ওইরবা কেৱারীয়াদা লৈবা স্তেচ্যু ওফ য়ুনিতীদা পাংথোক্কদৌরিবা থৌরম কয়াদা য়াওরুনবগী খুদোংচাবা অদু ঐহাক ফংজগদৌরি। ময়ামসু শোইদনা য়াওবীয়ু।

ঐগী নুংশিজরবা ইরৈচাশিং, ওক্তোবর ৩১দা ঐখোয়না ‘বালমিকী জয়েন্তি’সু পাংথোক্কদৌরি। ঐহাক্না মহারৃষি বালমিকীবু খুরুমজরি অমসুং মীয়ামদা নুমিৎ অসিগী য়াইফ-পাউজেল পীজরি। মহারৃষি বালমিকীগী ৱাখল্লোন্না মীওই করোর কবাগী ৱাখল্লোন চিংশিল্লি অদুগা মসিগা লোয়ননা থৌনাসু হাপলি। মহাক অসি লৈত-লাইরা অশোন-অনা কয়াগী পাঙ্গল ওইরি, মহাক্না থাজবগী ৱাখল্লোন শন্দোকখি। মহাক্না হায়রম্মি মীওইবগী পুক্নীংদা থাজবগী থৌনা লৈরিবমখৈ থবক খুদিংমক লায়না পাংথোকপা ঙমগনি। পাঙ্গল অসিনা নহা খুদিমক্না তৌবা ঙম্লোইদবা থবক কয়া তৌবা ঙমহল্লি।

মহারৃষি বালমিকীগী ৱাখল্লোন অসিনা ন্যু ইন্দিয়াগী ঙসি ঙসিগী ঐখোয়গী ৱাশক অসিদা লমজিং লমতাকপীরি। ঐখোয়না মীরোলশিংবু লমজিংবীনবা রামায়ন ইবীরম্বগীদমক ঐখোয়না মহারৃষি বালমিকীগী মফমদা মতম লৈবা খিবিক্তা শিংবা ঙম্লরোইদবা লমন তোনশিনজরবনি। 

ওক্তোবর ৩১দা ঐখোয়না হান্নগী প্রধান মন্ত্রী শ্রীমতী ইন্দিরা গান্ধীবু মাংজখি। ঐখোয়না ইকাই খুম্নবগা লোয়ননা মাগোন্দা শ্রধাঞ্জলি কৎচরি।

ঐগী নুংশিজরবা ইরৈচাশিং, ঙসি কাস্মীরগী পুলৱামা অসিনা লৈবাক অসিগী মহৈমশিং তম্বগী থবক্তা অচৌবা থৌদাং য়ারি। লৈবাক অসিদা লৈরিবা অঙাংশিংনা হোমৱর্ক তৌরি, নোৎ শেম্লি মসিদা অমদা নত্ত্রগা অমদা পুলৱামাগী হোৎনজমল য়াওরি! কাস্মীর তম্পাক অসিনা লৈবাক অসিদা শিজিন্নরিবা পেন্সিল অমসুং স্লেৎকী ৯০% পুথোক্লি মসিআ অয়াম্বা শরুক্তি পুলৱামানা পুথোকই। মতম অমদা পেন্সিলগীদমক্তা মীরৈবাক্তগী উ চেল্লম্মি অদুবু হৌজিক্তি পুলৱামাদা ঐখোয়গী লৈবাক অসিদা শিজিন্নবা কোন্ননবা উ পুথোক্লে। তশেংনমক্তি পুলৱামাগী পেন্সিল স্লেৎ অসিনা ঐখোয়গী রাজ্যশিংগী মরক্তা লৈরিবা অহোবা অদুবু মেনশিল্লি। তম্পাক অসিগী চিনার পাম্বীগী উ অসি ঈশিং মনিল চাং ৱাংনা য়াওবা মরম্না থোৎ থোৎ লাওই। মসি পেন্সিল শানবা খ্বাইদগী অফবা মখলগী উনি। পুৱামাগী উখু হায়বা মফম অসি পেন্সিল ভিলেজ হায়রগা খঙনৈ। মফম অসিদা পেন্সিল স্লেৎ শাবা অসিনা মীয়াম্বু থবক পীবা ঙম্লি অদুগা মসিদা নুপী কয়াসু য়াওরি।

মরূপশিং পুলৱামানা ঙসি মীয়ামদা মশক তাকপা ঙম্লিবা অসি মখোয়না অনৌবা অমা তৌগে হায়না চপ য়ুংনা লেপ্পগা লোয়ননা অৱাবা কয়া মায়োক্নরগা ঙম্লিবনি, মসিগীদমক মশাবু কত্থোকপা ফাওবা ঙম্লিবনি। মসিগুম্বা মীওই অমদি মনজুর অহমদ অলাইনি। অহানবদা মনজুর ভাই অসি উ য়ানবা শিন্মী অমা ওইরম্মি। মনজুর ভাই লাক্কদৌরিবা মীরোলনা লাইরবগী মরুমদা লৈতনবা অনৌবা খরা তৌগে খল্লম্মি। মহাক্না মহাক্কী মপা মপুনা থম্বীরম্বা লম অদু য়োন্থোক্লগা শেম হাপ্নবা উগী বোক্স শান্নবা য়ুনিৎ হৌদোকখি। মহাক্না মহাক্কী পিক্লবা ব্যুজিনেস অদুদা লৈরিঙৈদা চিনারগী উ অসি পেন্সিল শাবদা শিজিন্নরে হায়না তারকখি। ৱাফম অসি খঙলকপদগী মহাক্না মমিং লৈরবা পেন্সিল পুথোকপা য়ুনিৎশিংদা চিনারগী উগী বোক্স সপ্লাই তৌখি। মসিদা মনজুরগী শেন্দোং য়াম্না তানখি। মসিগী তুংদা মহাক্না পেন্সিল স্লেৎ শানবা মেচিন অমা লৌরে অদুগা লৈবাক অসিগী পেন্সিল শারিবা অচৌ অচৌবা কম্পনিশিংদা পেন্সিল স্লেৎ সপ্লাই তৌবা হৌখি। অসিদি মনজুর ভাইগী তর্নওভর অসি করোরদা ওইরে অদুগা মহাক্না চাউরাক্না মীওই চনিরোমদা থবকসু পীবা ঙম্লে। ঙসি মন কী বাতকী খুত্থাংদা ভারতকী প্রজা পুম্নমক্কী মাইকৈদগী পুলৱামাগী হোৎনবা কনবা মীয়াম্বু থাগৎপা ফোঙদোকচরি অদোম্না লৈবাক অসিগী য়ং মাইন্দশিংবু লাইরিক তম্বদা অচৌবা থৌদাং লৌরি। 

ঐগী নুংশিজরবা ইরৈচাশিং, লোকদাউনগী মনুংদা ঐখোয়গী লৈবাক অসিদা তেক্নোলোজী বেজ সর্ভিস কয়া হৌখ্রে, মসি অচৌবা তেক্নোলোজী অমসুং লোজিস্তিক কম্পনিশিং খক্তনা তৌবা নত্তে। ঝারখন্দদা মসি নুপীশিংগী শেল্ফ হেল্প গ্রুপশিংনা তৌদুনা উৎখ্রে। নুপীশিং অসিনা লৌমীশিংগী লবুক্তগী মনা-মশিংশিং অমসুং উহৈ লৌরগা য়ুমথোং য়ুমথোংদা য়ৌহনবগী থবক তৌরি। নুপীশিং অসিনা ‘অজিবিকা ফার্ম ফ্রেশ’ কৌবা এপ অমা শেমখি, মদুগী খুত্থাংদা মীয়াম্না মনা-মশিং ওর্দর তৌবা য়াই। মসিনা লৌমীশিংনা মখোয়গী মনা মশিং অমসুং ঊহৈগী মতিক চাবা মমল ফংবা ঙমবগা লোয়ননা মীয়মসু তগৎ তগৎ তেকপা মনা মশিং অমসুং উহৈ ফংবা ঙমহনখি। মফমদুদা ‘অজিবিকা ফার্ম ফ্রেশ’কী ৱাখল্লোন অসি য়াম্না মমিং চৎলে- লোকদাউনগী মতমদা মখোয়না লুপা লাখ ৫০ হেনবগী মনা -মশিং অমদি ঊহৈ মীয়ামদা য়ৌহনখি। মরূপশিং এগ্রিকলচরেল সেক্তরদা লাক্লিবা অনৌবা ৱাখল্লোনশিং অসিনা অনৌবা মীরোল কয়াসু মসিনা কোনশিল্লক্লি। মধ্য প্রদেশকী বার্ৱানিদগী অতুল পতিদারনা মহাক্কী অকোয়বদা লৈবা লৌমী লিশিং মরিবু দিজেলগী খুত্থাংদা শম্নহল্লে। লৌমীশিং অসিনা অতুল পতিদারগী ই-প্লেৎফোর্ম ফার্ম কার্দকী খুত্থাংদা লৌবুক্কী পোৎলম হায়বদি হার, মরু, পেস্তিসাইৎ, ফঙ্গিসাইৎনচিংবা হোম দেলিবরীদা ফংহল্লে হায়বদি লৌমীশিংবু ময়ুম য়ৌনা চংগদবা পোৎলমশিং থীনবীরে। মসিগী দিজিতেল প্লেৎফোর্ম অসিদা অনৌবা লৌঊ-শিংউগী খুৎলাইশিং ৱাইবা ফংহল্লে। লোকদাউনগী মতমদা লৌমীশিংদা দিজিতেল প্লেৎফোর্মগী খুত্থাংদা লশিং অমদি এঞ্চাং নাপীগী মরু মরাং বোরা লিশিং কয়া ফংহনখ্রে। অতুলজী অমসুং মহাক্কী তীম্না লৌমীশিংবু তেক্নোলোজীগী লমদা মাই-মিৎ পাংবা হেনগৎহল্লে মখোয়বু ওনলাইন পেমেন্ত অমসুং পোৎ লৈবা তম্বীরে।

মরূপশিং মরকসিদা মহারাস্ত্রা থৌদোক অমা নীংশিংলক্লে। মফমদুদা ফার্মর প্রদ্যুসর কম্পনি অমনা চুজাক থাবা লৌমীশিংদগী চুজাক লৈরম্মি। কম্পনি অসিনা লৌমীশিংবু হন্দক্তি মমলদা নত্তনা বোনসসু পীরম্মি। মসিদা লৌমীশিংদু হরাওবতা নত্তনা ঙকপসু ফাওখি। মখোয়না কম্পনি অদুদা হংলুবা মতমদা মখোয়না খুমলকই ভারত সরকারনা লৌউ শিংউগী অনৌবা আইন অমা শেম্লে মদুগীমতুং ইন্না লৌমীনা ভারতকী মফম অমদা হেক্তা মখোয়গী পোত্থোক য়োনবা য়াই অমদি মদু য়োনবদা য়াম্না কান্নরে। মরম অসিনা অহেনবা শেন্দোংদু লৌমীশিংদসু শরুক থুংবীগদবনি। মসিদা মখোয়গী হক লৈ মরম অসিনা লৌমীশিংবু মখোয়গী বোনস পীরিবনি। মরূপশিং বোনস অসি য়াম্বদি নত্তে অদুবু মসি হৌদোরকপা অসি য়াম্নদি ফৈ।

অনৌবা লৌউ শিংউগী আইন অসিনা গ্রাউন লেবেলদা লৌউ শিংউগী মাইকৈদা অনৌবা অহোংবা পুরক্কনি হায়গী থাজবা লৈরে।

ঐগী নুংশিজরবা ইরৈচাশিং, ঙসিগী মন কী বাত অসিদা লৈবাক মীয়ামগী শিংথানীংঙাই ওইবা থৌদোকশিং ঐখোয়গী লৈবাক ঐখোয়গী চৎন-লোনচৎকী অনৌ অনৌবা মাইকৈদা ময়ামদা ৱারী শান্নবগী খুদোংচাবা ফংজরে। ঐখোয়গী লৈবাক অসি হৈথোই শিংথোইবা মীওই কয়ানা খুন্দারিবা লৈবাক্নি। করিগুম্বা অদোম্না অসিগুম্বা মীওইশিংগী মরমদা খোংবীরবদি মখোয়গী মরমদা ৱারী শাবীয়ু, ইবীয়ু, অমদি মখোয়গী মাই পাকপগী ৱারীদু শিয়র তৌবীয়ু। লাক্লিবা কুম্হৈ ফীয়োংগীদমক্তা অদোম অমদি অদোমগী ইমুং পুম্ববু য়াইফ-পাউজেল পীজরি অদুবু ৱাফম অমদি কাউবীগনু কুম্হৈ ফীয়োংগী মতমদা মাস্ক উপ্পীয়ু, খুৎ-শা সাপোন্না হাম্বীয়ু, অমদি গজ অনিগী অরাপ্পা থম্বীয়ু। মরূপশিং মথংগী থাদা ময়ামগী মফমদা পুক্নীংগী ৱা অমুক ফোঙদোকচগে।

হন্না হন্না থাগৎচরি।

ঐহাক্কী নুংশিজরবা ইরৈবাকচাশিং খুরুমজরি।

হৌজিক ওইরিবা কোরোনাগী মতম অসিগী মনুংদা মালেম অসি অওনবা তাঙ্কক কয়া লাকখ্রে। ঙসি, গজ অনিগী অরাপ্পা থম্বা অসি তঙাই ফদবা ওইরক্লি, লাইচৎ অসিগী মনুংদা ইমুংগী মীওইশিংগী মরক্তা মরী ফগৎহন্দুনা মখোয়বু নকশিন্নহল্লি। অদুবু অশুক শাংখ্রবা মতম অসিদা পুন্না লৈবা, কমদৌনা লৈবা, মতম করম্না লেনবা, মিৎকুপ খুদিং করম্না নুংঙাইনা লৈগনি? অদুবু অয়াম্বা ইমুংদদি মসিদা খুদোংচাদবা কয়া লাক্লি – মরমদি ঐখোয়গী চৎনবী অসিদা ইমুং মনুংদা চেল্লিবা চৎনবীগী ইচেল পুম্নমক লৈত্রে লোইখ্রে খল্লিবা ইমুং অদুনা পুন্না লৈমিন্নবা হায়বা অসি অৱাবা অমনি। মসিবু করম্না কোকহনগদগে? ৱাফম অদু করিনো? ইমুং অমদা অহল অমা নত্ত্রগা অমনা ইমুংগী মীয়ামদা ৱারী লিদুনা তাহল্লি, মসিনা ইমুং অদুদা অনৌবা থৌনা হাপ্পি। মতাং অসিদা ঐখোয়গী ইপা-ইপুশিংনা শেম্বীরম্বা কাংলোনশিং অসি ঙসি কয়াদা মমল য়ামখ্রবনো হায়বা অদু খঙবা ঙম্মি। ৱারী লিবগী হৈশিংবা, মরূপশিং ৱারী লিবগী পুৱারী অসি অদুক্কী মতিক লিরবনি, মীওইবনা হেক লৈবদগী লৈরক্লবনি। ‘হ্বের তিয়র ইজ এ সোল, তিয়র ইজ এ স্তোরী’।ৱারীনা মীওইবগী শেম শাবা হৈবা অমদি থমোইগী ওইবা ফিভম অদুবু উৎথোকই। ৱারীগী মপাঙ্গল অসি কয়াম কনবগে হায়ববু মমানা মচা অপীকপা তুম্বা থেম্বা নত্ত্রগা চাক পীজবা মতমদা ৱারী লিবা অদু তারগা খঙবা ঙমগনি। ঐহাক্কী পুন্সিগী মতম কয়া অমদি কোয়চৎ-চৎপা অমদি লাইনীংবা অমা ওইনা লেল্লক্লবনি। কোয়বনা ঐগী পুন্সি ওইরকখি। নুমিৎ খুদিংগী অনৌবা খুঙ্গং, অনৌবা মী, অনৌবা ইমুং থেংনরুবা মীওই অদুবু ঐনা চৎলুবা ইমুং খুদিংদা ঐনা অঙাংশিংদা হায়, নখোয় ঐঙোন্দা ৱারী অমত্তা লিয়ুদনা…..অদুবু অঙকপদি অঙাংশিং অদুনা হায়, ৱারী লিরোই কাকা ফাগী ওইনা হায়গে! মখোয়নসু ঐঙোন্দা কাকা ফাগী খরা হায়বীয়ু; মখোয় ৱারী করিনো খঙদে। মখোয়গী পুন্সি অদু ফাগীদা অদুম লোইশিনখ্রে। মরূপশিং ভারত্তা ৱারী লিবগী চৎনবী অসি য়াম্না চাউখৎলম্মি। হিতোপদেশ অমসুং পঞ্চ তন্ত্রগী চৎনবীদা ৱারীশিংদা শা উচেকশিংগী অমদি হেল্লোইশিংগী ৱাখলনা শাবা ৱারীশিং হৈশিংবা অমদি লৌশিংগী ৱারীবু লাইনা খঙহনবা ঙম্বা লম অসিদা পোকপা মীনি হায়বগী চাউথোকচৈ। ঐখোয়গী ৱারী লিবগী চৎনবী অমা লৈ। ধর্মদা য়ুম্ফম ওইবা ৱারীশিং লিবগী চৎনবী অসি য়ৈলহৌঙৈদগী লৈরক্লে। মসিদা ‘কথকলাকশেপম’ য়াওরি। ঐখোয়গী লম অসিদা ফুঙ্গা ৱারী মখল কয়া লৈ। তমিল নাদু অমসুং কেরলাদা, ৱারী লিবগী চৎনবী অসি য়াম্না পাম্নৈ। মসিবু ‘বিলু পাত’ হায়না খঙনৈ। মসিদা ৱারী অমদি ঈশৈগী পুক্নীং হুরবা লিপুন অদু উরি। ভারত্তা হঙগী লাইগী য়াম্না ফজরবা চৎনবী অমসু লৈরি। হৌজিক্তি সাইন্স অমদি সাইন্স-ফিক্সনগী ৱারী লিনবগী চৎনবী হেনগৎলক্লি। মী খরনা ৱারী লিবগী চৎনবী অসিবু হেন্না চাউখৎহন্নবা হোৎনরি। ‘Gathastory.in’ অসিনচিংবা ৱেবসাইৎকী মরমদা পাউ তারে, মসি অমর ব্যাসনা অতোপ্পা মীওইশিংগা পুল্লগা শেম্বনি। অমর ব্যসনা আই.আই.এম., আহমদাবাদতগী এম.বি.এ. লোইরবা মতুংদা মীরৈবাক্তা লৈরুরে অদুগা অমুক হল্লকখি। হৌজিক বেঙ্গলুরুদা লৈদুনা ৱারীগা মরী লৈনবা হীরম কয়াদা থবক তৌরি। ভারতকী খুঙ্গংশিংগী ৱারীবু হেন্না পামনবা হেন্নবা হোৎনরি। বাইশালী ব্যৱাহর দেশপান্দেগুম্বা মীওই কয়ানা মরাথী লোলগী ৱারীশিংবু মীয়াম্না পাম্ননবা হোৎনরি।

চেন্নৈগী শ্রীবিদ্য বীর রঘবনসু ঐখোয়গী চৎনবীগা মরী লৈনবা ৱারীশিং খঙহন্দুনা অমদি শন্দোকপদা পুক্নীং চংলি, মহাক্না কথালয়া অমদি ইন্দিয়ন স্তোরী তেলিং নেৎৱার্ক কৌবা ৱেবসাইৎ অনি হাংদুনা থবক কন্না চত্থরি। গীতা রামানুজন্না kathalaya.orgদা ৱারীশিংদা পুক্নীং চংনা থবক তৌরি লোইননা ইন্দিয়ন স্তোরী তেলিং নেৎৱার্ক্কী মতেংনা তোঙান তোঙানবা শহরশিংগী স্তোরী তেলরগী নেৎৱার্ক শেম্নবা হোৎনরি। বেঙ্গলুরুগী বিক্রম শ্রীধরনা বাপুগা মরী লৈনবা ৱারীশিংদা পুক্নীং চংলি। মখোয়দা নত্তনা হীরম অসিদা থবক তৌরিবা মীওই কয়া লৈ। মখোয়গী মরমদা সোসিএল মীদিয়াদা শোইদনা শিয়র তৌবীয়ু।

ঙসি, বেঙ্গলুরুগী স্তোরী তেলিং সোসাইতীগী ইচল অপর্না অথারে অমদি মহাক্কী কাংবু লৈরে। মখোয়গা ৱারী ঙাইহাক শানসি।

প্রধান মন্ত্রী: – হেলো

অপর্না: – খুরুমজরি, ইকাই খুম্নজরবা প্রধান মন্ত্রী! কমদৌবীরিগে?

প্রধান মন্ত্রী: – নুংঙাইজরি. অদোমদি কমদৌরি, অপর্নাজী?

অপর্না: – য়াম্না নুংঙাইজরি সর। অহানবদা ঐহাক্না অদোমবু বেঙ্গলোর স্তোরী তেলিং সোসাইতীগী মায়কৈদগী অদোমনা ঐখোয়বু কৌবীরকপা অমদি ঐখোয়গুম্বা কলাকারশিংবু প্লেৎফোর্ম অসিদা ৱারী শানবা তাঞ্জা অমা পীবীগীদমক থাগৎচরি।

প্রধান মন্ত্রী: – ঙসি অদোমগী অপুনবা তীম অদোমগা ফম্মিনরি হায়না ঐহাক্না তাজৈ।

অপর্না: – চুম্মি সর।

প্রধান মন্ত্রী: – অদু ওইরবদি অদোমগী তীমবু শক তাকপীয়ু। অদোমগী চত্থরিবা অচৌবা কেম্পেন অদু ‘মন কী বাত’ তারিবশিংনা খঙহৌনবা শক তাকপীয়ু।

অপর্না: – সর ঐহাক অপর্না অথারেনি। ঐহাক অঙাং অনিগী মমানি অমদি এয়র ফোর্স ওফিসর অমগী লোইনবীনি অমসুং ৱারী লিবা পামজবা মীওই অমনি। ঐহাক্না চহি ১৫গী মমাংদা সোফৱেয়র ইন্দস্ত্রীদা থবক তৌরিঙৈদগী হৌরকখি। মতম অদুদা ঐহাক্না সি.এস.আর.গী প্রোজেক্তশিংগী ভোলুন্তরীগী থবক তৌবা হৌখি, ৱারী লিবগী খুত্থাংদা অঙাং লিশিং কয়াদা মহৈ মশিং তম্বীনবা খুদোংচাবা অমা ফংখি। ঐহাক্না লিজখিবা ৱারীশিং অদু ঐহাক্কী ইবোক্তগী তাখিবা ঙাক্তনি। অদুবু ৱারী অসি তাবা মতমদা অঙাংশিং অদুগী মায়থোংদা তারিবা নুংঙাইবগী মমি অদু উবদা নুংঙাইবা পোকখি, মায়থোংশিং অদুগী মীনোক্তা হরাওবগী মমি তারি অমদি মীকুপ অসিদগী ঐহাক্কী পুন্সিগী পান্দম অসি ৱারী লিবা ওইরগে হায়না ৱারেপ লৌখি।

প্রধান মন্ত্রী: – অদোমগী তীমদা কনা-কনা লৈবগে?

অপর্না: – ঐহাক্কা লোইননা শৈলজা সম্পত লৈরি।

শৈলজা: – খুরুমজরি সর

প্রধান মন্ত্রী: – খুরুমজরি সর

শৈলজা: – ৱা ঙাংজরিবা অসি শৈলজা সম্পতনি। মমাংদা ঐহাক ওজা অমা ওইরম্মি। ঐহাক্কী ইচাশিংনা চাউরক্লবা মতুংদা থিএতরদা থবক তৌবা হৌরকখি অমসুং অরোইবদা ৱারী লিবা অসিদা য়াম্না অপেনবা পোকখি।

প্রধান মন্ত্রী: – থাগৎচরি!

শৈলজা: – ঐহাক্কা লৈমিন্নরিবা অসি সোমিয়ানি।

সোমিয়া: – খুরুমজরি সর!

প্রধান মন্ত্রী: – খুরুমজরি!

সোমিয়া: – ঐহাক সোমিয়া শ্রীনিবাসন্নি। ঐহাক সাইকোলোজিস্ত অমনি। ঐহাক্না থবক তৌরিঙৈ মতমদা অঙাংশিং অমসুং অহলশিংদা মীওবদা য়াওরিবা রস মাপল অদু উৎথোক্নবা হোৎনখি অমদি মখোয়গা মসিগী মতাংদসু নৈনখি। ঐহাক্কী পান্দমদি ‘হিলিং এন্দ ত্রান্সফোর্মেতিব স্তোরীতেলিং’ অসিনি।

অপর্না: – খুরুমজরি সর!

প্রধান মন্ত্রী: – খুরুমজরি!

অপর্না: ঐহাক্কী মিং অপর্না জয়শঙ্কর কৌই। ঐহাক্না ইমা-ইপা পোকপা ইপু-ইবেলশিংগা লৈবাক অসিগী মফম কয়াদা চাউরকখি মরম অসিনা রামায়ন, পুরানশিং অমদি গীতাশিংগী ৱারীশিং নুমিদাং খুদিংগী তাবা ফংজৈ। লোইননা বেঙ্গুলুরু স্তোরী তেলিং সোসাইতীগুম্বা ওর্গনাইজেসন লৈরবনিনা ঐহাক ৱারী লিবা অমা ওইবা তাবনি। ঐহাক্কী নাক্তা ঐহাক্কী মরূপ লবনিয়া প্রসাদসু লৈরি।

প্রধান মন্ত্রী:- লবনিয়া খুরুমজরি!

লবনিয়া: – খুরুমজরি সর! ঐহাক ইলেক্ত্রিকেল ইঞ্জিনীয়র অমনি অদুবু হৌজিক্তা প্রোফেস্নেল স্তোরী তেলর ওইরে। ঐহাক্কী ইপুনা লিবা ৱারীশিং তারগা ঐহাক চাউরকখি। ঐহাক্না সিনিয়র সিতিজেনশিংগা লোইননা থবক তৌরি। ঐহাক্কী প্রোজেক্তশিংগী মমিং ‘রুৎস’ কৌই। ঐহাক্না মখোয়গী ইমুং মনুংগীদমক মখোয়গী পুন্সিগী ৱারী দোক্যুমেন্তেসন তৌরি।

প্রধান মন্ত্রী: – লবনিয়া থাগৎচরি। নহাক্না হায়বা অদুগুম্না ঐহাক্না মমাংগী মন কী বাত্তা অদোমগী ইমা ইপা পোকপা ইপু ইবেনশিংদা মখোয়গী অঙাং ওইরিঙেগী ৱারীশিং হংঙু অমদি রিকোর্দ তৌশিল্লু য়াম্না কান্নরক্কনি হায়না হায়খি। অদুবু নখোয়না নশাগী মরমদা হায়রকপা অদু য়াম্না নুংঙাই। নহাক্কী ৱা ঙাংবগী হৈশিংবা অমদি ৱাহৈ খজিক্তংনা ফজনা নশাবু মশক তাকচবদু য়াম্না ফজৈ, হন্না হন্না থাগৎচরি।

লবনিয়া: -থাগৎচরি সর! থাগৎচরি!

প্রধান মন্ত্রী: – হৌজিক মন কী বাত তাবিরিবশিংনা ৱারী তানীংলমগদবা মাল্লি। ৱারী অমা অনিদং লিবীবা য়াগদ্রা?

কোরস: – শোইদনা, ঐখোয়গী লাইবক ফবনি।

অপর্না জয়শঙ্কর: – “তাবীসি, নিংথৌ অমগী ৱারীনি। নিংথৌ অসিগী মমিং কৃষ্ণ দেব রাই কৌই অমসুং মহাক্কী লৈবাক্কী মমিংনা বিজয়নগর কৌই। য়াম্না মতিক মগুন লৈবা নিংথৌ অমনি। মহাক্কী অশোইবা অমা হায়রবদা মহাক্না মহাক্কী মন্ত্রী তেনালী রামা অমদি চিঞ্জাক কা হেন্না পাম্বা অসিনি। নিংথৌনা অয়ুক্কী চাকলেনগীদমক অহাও অহাওবা কয়া চাগনি হায়না খনদুনা ঙাই অদুবু নুমিৎ খুদিংগী মহাক্কী চাক থোংবনা মহাও য়াওদবা য়েঞ্চাং ঙাক্তা পীজৈ, খোঙদ্রুম, মায়রেন, সেবোৎ। অসুম্না অশুম তৌবা অসিদা নিংথৌনা নোংমা চাক চারম্বদগী শাওনা পুখম অদু লংথোরকই। অমদি মহাক্কী চাক থোংবা অদুদা লাওথরকই, হয়েংদি অহাওবা মথেল থোংদ্রবদি ফাঁসীগী শগাই কাননবা শেম শারো। চাক থোংবা অদু কিবনা লোইরে হৌজিকপু অনৌবা মনা-মশিং কদায়দগী লৌরুগনি? চাক থোংবা অদু তেনালী রামাগী মনাক্তা চৎতুনা ৱারী পুম্বা লিরম্মী। মদু রাবদা তেনালী রামানা উপাই তাকপীরক্লে। মথংগী নুমিৎতা নিংথৌ অদু চাক চানবগীদমক চংলকই। চাক থোংবা অদু কৌরগা হায়রকই, ঙসি অহাওবা য়েঞ্চাং থোংবরা নত্ত্রগা ঐনা ফাঁসীগী শগাই শেম্লুরো হায়বরা? চাক থোংবা অদুনা কিন-কিনা পুখম তেঙ্কোৎ পুথোক্তুনা শেম শারে। নিংথৌবু ফোং-ফোং শাবা চাক য়েঞ্চাং পীদুনা পীজবা হৌরে। য়েঞ্চাং অদু অনৌবনি নিংথৌ অদু হরাওরে। মহাক্না খজিক লৌখৎতুনা মহাও তংই। ৱা..কয়াদা হাওখ্রবা য়েঞ্চাংনো! শেবোৎগুম্নসু চমদে মায়রেনগুম্নসু থুমদে। চাক থোংবা অদুনা মরু মরাং অদু ঙৌদুনা থাকপদুনা মহাও লৈরে। মখুৎ অদু লেক্লদুনা হরাওরবা নিংথৌনা চাক থোংবা অদু কৌশিন্দুনা হংলম্মি.. “মসি করি য়েঞ্চাংনো? মমিং করি কৌই?” নীংথিনা তম্বীরবা চাক থোংবা অদুনা পাউখুম পীরকই “ইনিংথৌ মসি লুহুপ উপ্পা খামেন কৌই। ইবুঙো নহাকগুম্না মহাকসু মনা-মশিংশিংগী নিংথৌনি মরম অসিনা অতোপ্পা মনা-মশিংনা খামেনবু লুহুপ উপ্পীরিবনি” নিংথৌ অদু য়াম্না হরাওরে, মহাক্না হায়রকই, ঙসিদগী ঐহাক লুহুপ উপ্পা খামেন অসি চারগনি। “ঐহাক্তা নত্তনা ঐহাক্কী লৈবাক অসিদা শুপ্নতগী খামেন খক্তা থোংগনি, অতোপ্পা মনা-মশিং অমত্তা থোংলোই।” নিংথৌ অমদি অতোপ্পা মীয়াম পুম্বা হরাওরে। অহানবদদি ময়াম পুম্বা অনৌবা য়েঞ্চাং চাবা অদুদা হরাওনরে অদুবু শুম কুইশল্লক্লবা অদুদদি অপাম্বা অদু খরা হন্থরক্লে। ইমুং অমদা মরু-মরাং হাপ্পা খামেন থোংবদা অতোপ্পা ইমুংদনা খামেন কাংহৌ ইমান মান্নরে। খামেন অমত্তনা শকলোন কয়া লৌবা ঙমগদৌরিবনো? তপ্না-তপ্না নিংথৌসু চাবা ঙম্লক্তরে। নুমিৎ খুদিংগী খামেন! নোংমদি নিংথৌনা চাক থোংবা অদু কৌরে অমদি য়াম্না থিনা চৈরম্মি। “নঙোন্দা কনানা খামেনগী মকোক্তা লুহুপ উপ্পি হায়। লৈবাক অসিদা কনা অমত্তনা খামেন চাবা য়াররোই। হয়েংদগী য়েঞ্চাং অমা হেক্তা থোংবা য়াগনি খামেনদি থোংবা য়াররোই।” “ইনিংথৌগী য়াথং ইকোক নোঞ্জরি,” অসি হায়রম্লদুনা চাক থোংবা অদু চুমদ্রিং তেনালী রামাগী মনাক্তা চৎখ্রে। তেনালী রামাগী মখোঙ কোন্দুনা হায়রকই, “মন্ত্রী ইবুংঙো থাগৎচরি! নহাক্না ঐহাক্কী থৱায় কনবীরে, নহাক্কী লৌশিংদগী হোজিক্তি ইনিংথৌদা য়েঞ্চাং অমা হেক্তা পীজবা য়ারগনি।” তেনালী রামানা নোক্লদুনা হায়রকই, “ইনিংথৌবু হরাওহনবা ঙমদ্রবদু মন্ত্রী লৈরুবগী করি কান্নরুগনি।” অসুম তৌদুনা কৃষ্ণ দেব রামা অমদি মন্ত্রী তেনালী রামাগী ৱারী কয়া লৈরি অমসুং মীওই কয়ানা তানরি। থাগৎচরি।

প্রধান মন্ত্রী: – অদোমনা অসুক্কী মতিক হৈশিংনা মমুৎ তানা লিবীরী, অঙাং, অহল তারিবশিংনা কাওবা ঙম্লরোই। অদোমনা য়াম্না নীংথিনা লিবীখ্রে, তাঞ্জা চানরুবা হায়বা অদুনি লৈবাক অসিদা পোশন মাহসু পাংথোক্লি মসি মচি ওইবা চীঞ্জাক্কী মরমদনি। অদোমগুম্বা স্তোরীতেলর কয়ানা হৌগৎলক্লিবা মীরোলশিং অসিদা লৈবাক্কী থোইদোক হেন্দোক্না খঙনরবা মীওইশিং, নুপীশিংগী মরমদা ৱারীশিংগী খুত্থাংদা খঙহনবা য়াই; ঐখোয়গী ৱারীগী মহৈ অসি মীয়ামদা খঙহন্নবা য়ুমথোং খুদিংদা অঙাংশিংবু ৱারী তাহনবা অসিনা মীয়ামগী পুন্সিদা অচৌবা খুদোল অমা পীগদৌরিবনি। মসিগী এৎমোস্ফিয়র অমা শেম্বা তাই। ময়ামগা ৱারী শাবা ফংবা অসি য়াম্না নুংঙাইজৈ। পুম্নমকপু অফবা মঙ্গল পীজরি। থাগৎচরি।

কোরস: থাগৎচরি সর।

ৱারীশিং লিবগী খুত্থাংদা লোইবা নাইদ্রবা নাৎকী ঈচেলবু মখা তানা পুথনবা হোৎনবগী মতাংদা ইচে-ইচলশিংদগী তাবীখ্রে। ফোন্দা ৱারী শাখিবা অদু ওন্থোক্না শাংখ্রে, মন কী বাতকী মতম অসিদদি অককনবা ওইবনিনা ৱাফম পুম্বা নরেন্দ্র মোদী এপতা অপলোদ তৌজরগে হায়না খঞ্জরে। মপুং ফানা ৱারী মদুদা শোইদনা তাবীয়ু। হৌজিক মন কী বাত অসিদদি মসিগী শরুক খরা খক্তনি ঐহাক্না থমজরিবা! ঐহাক্না হায়জনীংলিবদি চয়োল খুদিংগী য়ুম খুদিংদা ৱারী লিবীনবা মতম ঙাইহাক্তি কায়থোকপীয়ু, মীওই অমনা হীরম অমা লৌখৎপীয়ু, খুদম ওইনা কত্থোকপগী, থৌনা ফাবগী, মিংচৎ উরোন খিনবগী, হীরম অমদা ইমুংগী মীওই পুম্বনা অমমমতা ৱারী লিবীবা য়াই!

য়েংবীয়ু, মতম অদুদা অচুম্বা ইমুং অদুদা অচৌবা লনগৈ অমা পুরকপা ঙমগনি, রিসর্চকী অচৌবা থবক অমা পাংথোক্লগনি অমসুং পুন্না নুংঙাইমিন্নগনি! অনৌবা পুন্সি অনৌবা আশা অমা ইমুং অদুদা ফংবা ঙমজগনি – অসুম্না ঐখোয়না থবক অমগসু পাংথোকপা য়ারি। ৱারী লিরিবশিংদা ঐহাক্না হায়জনীংবদি ঐখোয় হৌজিক নীংতম্বগী চহি ৭৫শুরকপগী কুমওন পাংথোক্কদৌরে, মীনাই য়োৎহ্লিং থাংলিঙৈগী থৌনা লৈবা ৱারী কয়া ঐখোয়না শন্দোকপা য়ারোইদ্রা? মরু ওইনা ১৮৫৭তগী ১৯৪৭ ফাওবগী, থৌদোক মচা মচাশিং ঐখোয়গী অনৌবা মীরোলশিংদা ৱারী ওইনা খঙহনবা য়াই – থবক অসি শোইদনা পাংথোকপীরক্কনি হায়না ঐহাক্না থাজৈ। ৱারী লিবগী কলা অসি লৈবাক অসিদা হেন্না চেৎশিন্নবা অমদি হেন্না শন্দোকখিনবা মদুগা লোইননা ইরাই লাইহন্নবা – ঐখোয় পুন্না হোৎনমিন্নসি!

ঐগী নুংশিজরবা ইরৈবাকচাশিং, ৱারীগী তাইবংপাল অসিদগী লাপনা সমুদ্র ৱাংমা লান্না চৎলসি, খোঞ্জেল অসি তাবীয়ু!

“খুরুমজরি, ইচিন ইনাওশিং ঐগী মীং সেদু দেম্বেলে কৌই। ঐহাক নোংচুপ থংবা অফ্রিকাগী লৈবাক অমা ওইরিবা মালীদগীনি। ফেব্রুৱারীদা ভারতকী খ্বাইদগী চাউবা ধর্মগী ওইবা হরাউ-কুমহৈ কুম্ভ মেলাদা ঐহাক শরুক য়াবগী খুদোংচাবা ফংখ্রে। মসি ঐহাক্কী চাউথোকচনীংঙাইনি। ঐহাক্না কুম্ভ মেলা য়াওবা ফংজবদা নুংঙাইবা পোকই অমসুং ভারতকী নাৎকী মরমদা তম্বা য়াবা কয়া তমজরকখি। ভারতকী মরমদা হেন্না খঙনবা ঐখোয়বু ভারত্তা অমুক হন্না লাকপা য়ানবা খুদোংচাবা পীবীনবা হায়জরি। খুরুমজরি."

পি.এম. মসিনি মালীগী সেদু দেম্বেলেগী ৱাফম মসিবু নুংঙাইত্রনে? মালী ভারত্তগী য়াম্না লাপ্পা অদুগা য়াম্না চাউখ্রবা লেন্দ লোক ওইবা নোংচুপ অফ্রিকাদা লৈবা লৈবাক অমনি। সেদু দেম্বেলে অসি মালীগী কিতা কৌবা পব্লিক স্কুল অমদা ওজা ওই অমসুং মহাক্না ইংলিশ, ম্যুজিক, পেন্তিং অমসুং দ্রোৱিং তম্বী। অদুবু মহাকপু য়াম্না খঙনবা অমগা লৈরি- মীয়াম্না হিদুস্তানী বাবু হায়না খঙনৈ অদুগা মহাকপু অসুম্না হায়নবা অসিদা মহাক্না চাউথোকচৈ। নোংমায়জিং খুদিংগী নুংথিলদা ‘ইন্দিয়ন ফ্রিক্বেন্সী ইন বোলীৱুদ সোংস’ হায়বা পুং অমগী রেদিও প্রোগ্রাম অমা মালীদা শন্দোকই। মহাক্না মসি হৌখিবা চহি ২৩ অসিদা চত্থরক্লি। প্রোগ্রাম অসিগী মনুংদা মহাক্না ফ্রেঞ্চকা লোইননা মালীগী মীয়াম্না ঙাংনবা লোল বোম্বারাদা কমেন্তরী পী অদুগা মসি য়াম্না দ্রামাতিক ওইবা মওংদনি। ভারতপু মহাক্না য়াম্না নুংশিজৈ। ভারতপু মহাক্না য়াম্না নুংশিজরুবগী অতোপ্পা মরম অমসু লৈজৈ মদুদি মহাক ওগস্ত ১৫দা পোকই। সেদুজীনা হৌজিক নোংমায়জিং খুদিংগী নুমিদাং পুং ৯দা পুং অনিগী প্রোগ্রাম অমসু হৌদোকখ্রে, মসিদা মহাক্না বোলীৱুদকী ফিল্ম মপুম অমগী ৱারী ফ্রেঞ্চ অমসুং বোম্বালাদা লিরি।

পুক্নীং নুংশিবা সিন অমা য়াওরকপা মতাংদা ৱারী তারিবশিংগা পুন্না কপমিন্নৈ। সেদুজীবু ভারতকী নাৎকা শক খঙনহনখিবদি মহাক্কী মপা ইবুংঙোননি। মহাক্কী মপা অসি সিনেমা থিয়েতর অমদা থবক তৌরম্মি অদুগা ভারতকী ফিল্মসু উৎলম্মি। ওগস্ত ১৫গা হিন্দীদা শেম্বা ভিদিও অমগী খুত্থাংদা মহাক্না ভারতকী মীয়ামদা নীংতম্বা নুমিৎকী য়াইফ-পাউজেল পীরকখি। ঙসিদি মহাক্কী অঙাংশিংনা ভারতকী জাতিগী ঈশৈ লায়না শক্লি। অদোম্না মসিগী ভিদিও অনি অসি শোয়দনা য়েংবীয়ু অদুগা মহাক্না ভারতপু নুংশিজবা অদু খঙবীয়ু। সেদুজীনা দেলিগেসনগী মীহুৎ অমা ওইনা কুম্ভদা লাকপীরম্বা মতমদা ঐহাক্না উনজহৌই, মহাক্না ভারতপু নুংশিজবা, খোয়দাজবা অসি তশেংনমক ঐখোয়গী য়াম্না চাউথোকচনীংঙাইনি।

ঐগী নুংশিজরবা ইরৈবাকচাশিং, ঐখোয়গী লমদমশিংদা হায়নবা ৱাফম অমা লৈ মালেম লৈশাগা চেৎশিন্না লৈমিন্নরিমখৈ কল্লবা নোংলৈ নুংশিৎ কয়াদগীসু লেংদনা লৈবা ঙম্মি হায়নৈ। মসিগী কোরোনাগী অসিগুম্লবা ৱারবা মতম অসিদা ঐখোয়গী লৌউ শিংউগী লমদা ঐখোয়গী লৌমীশিং অসি মসিগী অচংবা খুদম্নি। খোদোংথিবগী অসিগুম্বা তাঞ্জা অসিদসু ইরৈবাক অসিগী লৌউ শিংউগী লমদা মশাগী তৌবা ঙম্বা মঙালদু উথোকপীরি। মরূপশিং লৈবাক অসিগী লৌউ শিংউগী লম, ঐখোয়গী লৌমী, ঐখোয়গী খুঙ্গং অসি মরোমদোম লেপচবা ভারত অমা আত্মনির্ভর ভারত্তা য়ুম্ফম ওইবনি। মখোয়শিং অসিনা য়ুম্ফম চেৎলবতদা আত্মনির্ভর ভারতকী য়ুম্ফমসু চেৎকদৌরিবনি। হৌখিবা মতম খরা অসিদা লম অসিদা লিপুন কয়াদগী মশাবু নীং তমহনজরে থাজবা কয়া অমসু থাদোকচবা ঙমজরে। লৌমী কয়াদগী ঐহাক্না চিথী ফংজৈ, লুপ কয়াগসু ৱারী শান্নজৈ মখোয়না তাকপীরকপগী মতুং ইন্না হৌজিক্তি লৌ উবা মতমদা অনৌ অনৌবা মওং কয়া অমা শিজিন্নরে, অওনবা অমা পুরক্লে। লৌমীশিং অসিগী ৱাফম খরা ঐহাক্না ঙসিগী মন কী বাত্তা থমজনীংই। হরিয়ানাগী সোনিপত দিস্ত্রিক্ততগী শ্রী কনৱর চৌহান কৌবা লৌমী ইচিন ইনাও অমনা অসু্ম্না তাকপীরকই।

মতম অমদা হৈ-রা মনা-মশিংশিং অসি কৈথেল নত্তবা অমদা য়োনবদা য়াম্না অৱাবা অমা ওইরম্মি। কৈথেলগী ৱাংমদা হেক য়োল্লুবদা হৈ-রা মনা-মশিংদা নত্তনা গারী ফাওবা ফাজিনবীখি। অদুবু ২০১৪দা হৈ-রা অমসুং মনা-মশিংদগী এ.পি.এম.সি. এক্ত লৌথোকপীখ্রে, মসিনা মহাক্না মহাক্কী মনাক নকপদা লৈরিবা লৌমী ইচিল ইনাওশিংদা কান্নবা য়াম্না ফংহল্লে। চহি মরিমুক্কি মমাংদা মহাক্না মাগী খুঙ্গংগী লৌমী মরূপ-মপাং খরগা লোইননা ফার্মর প্রদ্যুসর ওর্গনাইজেসন শেমখি। ঙসিদি খুঙ্গং অসিগী লৌমীশিংনা স্বীৎ কোর্ন অমসুং বেবী কোর্ন থাদুনা মখোয়গী পোত্থোকশিং অজাদপুর মন্দী, দিল্লী অচৌবা রিতেল চেনশিং অমসুং ফাইব স্তার হোতেলশিংদা হকথেংননা সপ্লাই তৌরে। ঙসিদি লৌমীশিংনা স্বীৎ কোর্ন অমসুং বেবী কোর্ন থাবদগী একর অমদা লুপা লাখ অনি মখাইদগী অহুম ফাওবা চহিগী ওইনা ফংলে। মসি খক্তা নত্তনা খুঙ্গং অসিগী লৌমী ৬০ হেনবা নেৎ হাউস, পোলী হাউস শাদুনা খামেন অশিনবা, থবী, অমসুং কেপসিকমগী তোঙান তোঙানবা মখলশিং পুথোক্তুনা চহিদা একর অমদা লুপা লাখ ১০দগী ১২ ফাওবা তাল্লে।

মখোয়দা তোপ তোপ্পা করম্বা ৱাফম অমা লৈবগে হায়বদু খঙবীবরা? মখোয়গী হৈ-রা মনা-মশিং অসি মফম অমা হেক্তদা কনাগুম্বা অমা হেক্তদা য়োন্নবগী পাঙ্গল অদু লৈজরে। অসিগুম্বা পাঙ্গল অসি মখোয়গী মায় পাকপগী য়ুম্ফমনি। হৌজিক্তি হায়রিবা পাঙ্গল অসি লৈবাক অসিগী অতৈ লৌমীশিংদসু ফংলে, হৈ-রা মনা-মশিংদা নত্তে, ফৌ, গেহু, হঙ্গাম, চুনচিংবা থারিবা খুদিংমক মশা মশাগী অপাম্বা মতুং ইন্না মমল কাবা মফম অমা হেক্তদা য়োনবগী মনীং তম্বা ফংলে।  

মরূপশিং, চহি অহুম- মরিগী মমাংদা হৈ-রা অমসুং মনা-মশিংদগী মহারাস্ত্রদা এ.পি.এম.সি. লৌথোকখ্রবনি। অসিগুম্বা অওনবা অসিনা মহারাস্ত্রদা হৈ-রা অমসুং মনা-মশিং থাবীরিবা লৌমীশিংগী ফিভমদা করম্বা অহোংবশিং লাকখিবগে হায়বগী খুদমনি শ্রী স্বামী সমর্থ ফার্ম প্রদ্যুসর কম্পনী লিমিতেদ মসি ফার্মর প্রদ্যুসর্স ওর্গনাইজেসন অমনি। পুনে অমসুং মুম্বাইদা চয়োলগী ওইবা কৈথেল অসি লৌমী মশানা শেমজৈ। হায়রিবা কৈথেল অসিদা চাউরাক্না খুঙ্গং ৭০ মুক্কী লৌমী লিশিং মরি চামঙা মুক্না লৌমীগী পোত্থোক মিদলমেন য়াওদনা হকথেংননা য়োল্লি। খুঙ্গংগী নহাশিংনা লৌউ শিংউ অমসুং কৈথেলদা পোৎ য়োনবদা হকথেংননা শরুক য়ারি। মসিনা লৌমীশিংদা হকথেংননা কান্নবা ফংহল্লি অমসুং নহারোলশিংদসু থবক ফংহল্লি।

অতোপ্পা খুদম অমনা তমিল নাদুগী থেলিজীলাগীনি তমিল নাদু লফোই ফার্মর প্রদ্যুসর কম্পনী; মসিগী কম্পনী অসি মমিংতগী ওইনা কম্পনী হায়জবনি; তশেংবদি মসি লৌমী খরনা পুনশিল্লগা শেম্বনি। চহি মঙা তরুক্কী মমাংদগী শেমলক্লবা থৌরাংনি। হায়রিবা লৌমীগী কাংলুপ অসিনা লোকদাউনগী মতম অসিদা মনাক নকপা খুঙ্গংশিংদগী মনা-মশিং ,হৈ-রা অমসুং লফোই মেত্রিক তন চাম্মরোম লৈশিন্দুনা চেন্নৈ শহরদা মনা-মশিংগী কোম্বো কিৎ ফংহনখি।

খন্দুনা য়েংবীয়ু নহারোল কয়ামরুম্নো মখোয়না থবক পীরিবা অদুগা অমুক নুংঙাইজরিবদি মরক্কী মী য়াওদনা লৌমীশিংনা মদুগী কান্নবদু মপুং ফানা ফংজরে অদুগা লৈরিবশিংদসু কান্নবা অসি ফংহল্লে। মতৌ অসু্না লখনৌদসু অসিগুম্বা লৌমীগী কাংলুপ অমা লৈ। ইরাদা ফার্মর প্রদ্যুসর হায়না মখোয়না মমিং থোল্লি, মখোয়নসু লোকদাউন মনুং অসিদা লৌমীশিংগী লবুক্তগী হৈ-রা অমসুং মনা-মশিং হকথেংননা লৌরগা লখনৌ কৈথেলদা অপাম্বা মমলদা য়োল্লি। মরূপশিং গুজরাত্তা বনাসকন্তগী রামপুরা খুঙ্গংদা ইস্মায়ল ভাই কৌবা লৌমী অমা লৈ। মহাক্কী ৱারী অসিসু য়াম্না নুংঙাই। ইস্মায়ল ভাইগী মপাবুংদুসু লৌ উরম্মি অদুবু মদু মঙোন্দা মাংজবতা শরুক ওইখি মরম অদুনা মপাবুংনা লৌ উবসি কয়া পামদে। ইমুং মনুংগী অথিংবা লৈরবসু ইস্মায়ল ভাইগী ৱাখলদা লৌ উবা হায়বসি মাংজবতা ওইরে হায়বা ৱাখল্লোন অসি হোংহল্লগে হায়না লেপখি। মহাক্না লৌ উবা হৌখি, অনৌবা ইনোবেতিবকী পাম্বৈশিং শিজিন্নদুনা মহাক্না দ্রীপ ইরিগেসন শিজিন্নদুনা আলু থাবা হৌখি ঙসিদি মহাক আলুগীদমক্তা মশক নাইবা হায়বদু ওইরে। মহাক্কী আলুদু ক্বালিতী য়াম্না ফৈ। অচৌ অচৌবা কম্পনীশিংদা হকথেংননা য়োল্লি অমদি শেন্দোং নীংথিনা ফংই। হৌজিক্তি মহাক্না মপাগী শেন্দোন পুম্বা শিংদোকখ্রে। য়াম্না মরু ওইরিবা ৱাফম অমদি ইস্মায়ল ভাইনা মহাক্কী পুন্সিদা অওনবা পুরকপদা নত্তনা মহাক্কী অকোয়বদা লৈরিবা লৌমী কয়ামুক্তসু মতেং পাংলি। 

মরূপশিং হৌজিক্কী মতমদা লৌউ শিংউদা ঐখোয়না অনৌ অনৌবা মওংশিং শিজিন্নরিবা মখৈ মাংলোমদা চংশিনবা হেল্লক্কনি অনৌবা ইনোবেসনশিং থোরক্কনি। মনিপুরদা লৈবা বিজয়শান্তিগী অনৌবা ইনোবেসনগী মরমদা পাক-শন্না ঙাংনরক্লি। মহাক্না থম্বাল মখোক্তগী লং শানবা স্তার্তঅপ অমা হৌদোকখ্রে। ঙসিদি মহাক্কী ইনোবেসন অসিনা মরম ওইরগা থম্বাল থাবা অমদি তেক্সতাইলগী লমদা অনৌবা লম্বী অমা য়াৎলে।

ঐগী নুংশিজরবা ইরৈবাকচাশিং ঐহাক ময়াম্বু হৌখ্রবা ৱারী অমদা ঙৈহাক পুদুনা চৎনীংই। চহি ১০১মুক শুরবা ৱাফমনি। ১৯১৯গীনি। ব্রিতিশকী লৈঙাক মতমদা জালিয়ানৱালা বাঘতা মরাল লৈজদ্রবা কয়া মীহাৎ থীনা হাৎখি। মীহাৎ অদুগী মতুংদা চহি ১২ শুরবা নুপামচা অমা থৌদোক থোকফম অদুদা চৎখি। মহাক্কী পুক্নীং মকা লাম্না ইঙাও ঙাওজবা নুপামচানি। অদুবু জালিয়ানৱালা বাঘতা মহাক্না উরুরিবা অদুদি মহাক্কী ৱাখলগী ৱাংমদনি। মহাক নুংবংনখি খল্লি অসুক মীনুংশি লৈতবসিবু হৌনব্রনে। তনৌরিবা মহাক্কী থমোইদা অশাওবনা মৈরি থোক্না চাক্লকখি। জালিয়ানৱালা বাঘতা মহাক ব্রিতিশ লৈঙাক্কী মায়োক্তা লান তৌগনি হায়না ৱাশকখি। ময়াম খঙবীরবরা কনাগী মরমদনো ঐহাক্না হায়জরিবসে মানি শহীদ ভগত সিংহগী মরমদনি ঐহাক্না হায়জরিবসি। হয়েং সেপ্তেম্বরগী ২৮ অসি ঐখোয় শহীদ বীর ভগৎ সিংহগী মপোক কুমওন পাংথোক্কনি। ঐহাক্না ইরৈচা পুম্বগা লোইননা থৌনা ফবগী শক্তম ওইরিবা শহীদ বীর ভগত সিংহগী মফমদা কোক নোনজরি। হায়নরিবনি মখোয়গী লৈঙাক্তি নুমিৎ তাবা লৈতে হায়না অদুবু অদুগুম্বা অদুক মপাঙ্গল লৈখ্রবা মখোয়না চহি ২৩ খক্কি নহা অদুবু কিখি। শহীদ ভগত সিংহদি থৌনা ফবগা লোইননা য়াম্না খঙ হৈবসু ওইখি। মহাক্কী পুন্সিগী লমদা হেন্না ঙাংনবা তৌদনা ভগত সিংহ অমদি মহাক্কী খোংলোইশিংনা থৌনা ফনা মায়োং য়াদুনা লৈবাক অসিগী নীংতম্বা পুরকপদা অচৌবা মতেং পাংখি। মহাক্না তীম ৱার্ক্তা থাজবা থমখি। ললা রাজপৎ রাই, চন্দ্রশেখর অজাদ, শুখদেব, রাজগুরুনচিংবগা লোইনখি। মহাক মিসন অমখক্তমক পুদুনা হিংখি, অদুগা মিসন অদুদি ভারতপু মীওৎ মীনৈ অসিদগী, ব্রিতিশ লৈঙাক অসিদগী নীংতমহনবা হায়বসিনি। ঐহাক্না নমো এপতা হায়দ্রাবাদতগী অজয় এস.জি.গী কমেন্ত পাজখি। মহাক্না ইবীরকপদা ঙসিগী মীরোলনা ভগত সিংহ কমদৌনা ওইবা ঙমগনি হায়বসিনি। হায়জনীংলিবদি ভগত সিংহ ওইবা ঙম্বা ঙমদবা ৱাফমশিং নাথৈবীরগা ভগত সিংহগুম্বা লৈবাক অসিবু নুংশিবা লৈবাক অসিগী করিগুম্বা খরা তৌগে হায়না ঐখোয় পুম্নমক্কী থমোইদা ফাওবা অসিনা ভগত সিংহগী মফমদা ঐখোয়না কৎচবা খ্বাইদগী ফজরবা হৈকৎ লৈকৎ ওইগনি। চহি মরিগী মমাংদা অসিগুম্বা পুংফম অসি ওইগনি সর্জিকেল স্ত্রাইক্কী মতমদা মালেম পুম্বনা ঐখোয়গী থৌনা ফরবা লান্মীশিং অসিগী হনবা লৈত্রবা থৌনা উবা ফংখ্রবনি। ঐখোয়গী থৌনা ফরবা লান্মীশিং অসিগী অমত্তা ঙাইরবা পান্দমদি – ভারত ইমাগী ইকাই খুম্নবা ঙাকপা, মথৌদা মাং থাদুনা চংশিনবা অসিনি।

ঐগী নুংশিজরবা ইরৈবাকচাশিং, লাক্কদৌরিবা মতমশিং অসিদা ভারত ইমাবু শেমগৎ শাগৎপদা মুৎনাইদ্রবা মিংচৎ উরোন খিল্লম্বা অথৌবা কয়াবু নীংশিংজগদৌরিবনি। ওক্তোবর ২ অসি ঐখোয় পুম্নমক্কী শেংলবা অমদি ইথিল পীরিবা নুমিৎ অমনি। নুমিৎ অসি ভারত মচা অনি – মহাত্মা গান্ধী অমদি লাল বহাদুর শাস্ত্রিবু নীংশিংবা নুমিৎনি।

কোক নোঞ্জনীংঙাইমক ওইরবা বাপুগী ৱাখল্লোন অমদি ফীরেপ-ফীদমশিং হৌজিক্না হেন্না মরু ওইবা হেল্লক্লি। মহাক্কী থৌনা লিংজেল অসি খঙলম্লবা, লম্বী অদুদা চৎলম্লবদি ঙসি আত্মনির্ভর ভারত অভিয়ানগী মথৌ তারম্লোই। বাপুগী পুন্সিনা ঐখোয়দা নীংশিংহল্লিবদি য়েলহৌঙৈদগী হৌনা লাইরবশিং য়াইফহনবা হায়বা অসিনি। মহাক্কী পুন্সিনা ঐখোয়না চম্না অমদি নোল্লুক্না হিংনবা পাউতাক পীরি। ওক্তোবর ১১ অসি ঐখোয়গীদমক্তদি থোইদোক হেন্দোক্না অখন্নবা নুমিৎ অমনি, নুমিৎ অসিদা ভারত রত্ন লোক নায়ক জয়প্রকাশ নরায়নবু মহাক্কী মপোক কুমওন নুমিৎ অসিদা নীংশিংগনি।  জে.পি.না ঐখোয়গী লোকতান্ত্রিকপু ঙাক্নবা হোৎনবদা মাংজিল থাবীখি। ঐখোয়না ভারত রত্ন নানাজী দেশমুখপুসু নীংশিংজরি, মহাক্কী মপোক কুমওনসু তারিক ১১দা অদুমক তারি, মখোয় অনি য়াম্না নক্নবা মরূপসু ওইখি। ওক্তোবর ১২ অসি রাজ মাতা বেজেবা রাজে সিন্দিয়াগী মপোক কুমওন্নি – মহাক্কী পুন্সি মীওইবা শেবগীদমক কত্থোকখি। মহাক নিংথৌকোলদগী চাউরকপনি, মহাক্কী মরল লৈ, মপাঙ্গল লৈ অমদি অতোপ্পা পোৎলম অমতগী অৱাৎপা লৈতে। অদুবু মহাক্না মমা অমনা মচা নুংশিবগীদমক মীয়ামগী শেবাগীদমক কত্থোকখি। মহাক্কী থমোই য়াম্না চাউই। ওক্তোবর ১২ অসি মহাক্কী চহি চামা শুবগী মপোক কুমওন পাল্লন তৌবা ওইগনি, ঙসি ঐহাক্না রাজমাতাগী ৱারী শাবা অসিদা য়াম্না থমোই শোকপা থৌদোক অমা নীংশিংলকই। ঐহাক্না মহাক্কা চহি কয়া থবক তৌমিন্নবগী খুদোংচাবা ফংখি, থৌদোক কয়া লৈখি। অদুবু ঙসিদি ঐহাক থৌদোক অমগী মরমদা হায়জগে। কন্যাকুমারীদগী কশ্মীর ফাওবা ‘এক্তা য়ত্রা’ অমা চৎখি। য়ত্রা অসিগী লুচিংবনা দা. মুরলী মনোহর জোশীনি। দিসেম্বর-জনুৱারীগী য়াম্না ঈংবা মতমনি। নোংয়াই মতুং পুং ১ অদুৱাইদা ঐখোয় মধ্য প্রদেশকী গ্বালিয়র মনাক্কী শিবপুরী য়ৌরে। ইরুজ-মায়থজরগা তুমলগা হয়েংগী থৌদাং তৌগদবনি। চাউরাক্না পুং ২ তারম্লগনি, ঐহাক ইরুজ-মায়থজবা লোইরগা তুম্নবা থৌরাং তৌরি, কনানো অমনা থোংদা থিল্লকখি। থোং অদু হাংদোক্লুবা মতমদা ঐহাক্কী মাংদা রাজমাতা লেপলমখি। ঈংখ্রবা অহিং অদুদা রাজমাতা উবদা ঐহাক ঙকখি। ঐহাক্না মহাকপু খুরুজখি অমদি হংখি – ‘ইমা, অহিং অসিদা?’ মহাক্না হায়রকখি ‘নত্তে ইবুঙো, মোদীজী, শঙ্গোম অশাবা অসি থক্লগা তুম্মু’। মহাক মশানা শঙ্গোম পুদুনা লাকখি। অদুবু মহাক্না শঙ্গোম পীথক্লিবা অদু ঐহাক খক্তা নত্তে! ঐখোয়গী খোঙচৎ অদুগী অপুনবা মীওই ৩০-৪০, অমদি দ্রাইবর য়াওনা অতোপ্পা ৱার্করশিংগী কা-কাদা চৎতুনা অহিংগী পুং ২ তাবা মরমদা শঙ্গোম পীথক্লি! মমানা মচা নুংশিবগী চাউরবা খুদম্নি কাওবা ঙম্লরোই। মখোয়গুম্বা অথোইবশিংনা লৈবাক অসিগীদমক কত্থোকপা অমদি লাইনীংনা লৈবাক অসিবু শেম্বীরম্বনি। মসি ঐখোয়গী লাইবক ফবনি। মখোয়না মঙজরম্বা মঙলান অদু মঙফাওনবা ঙম্নবা ঐখোয় পুন্না হোৎনরসি!

ঐগী নুংশিজরবা ইরৈবাকচাশিং, কোরোনাগী মতম অসিদা ঐহাক্না অমুক হন্না ময়ামদা নীংশিংজরি – মাস্ক উপ্পীয়ু, ফেস সীল্দ য়াওদনা মপান থোকপীগনু। ‘গজ অনিগী অরাপ্পা থম্বীয়ু’, সোসিএল দিস্তেন্সিং তৌবনা অদোম অমদি অদোমগী ইমুং-মনুংবু ঙাকথোকপা ঙমহনগনি। হায়রিবা কাঙলোনশিং অসিনা ঐখোয়না কোরোনাগী মায়োক্তা লান্থেংনবদা শিজিন্ননবা খুৎলাইনি। হীদাক লৈত্রিবা ফাওবদি ঐখোয়না কোমথোক্লোইদবনি। অদোম অমদি অদোমগী ইমুং মনুং হকচাং ফনা লৈবীয়ু, য়াইফ-পাউজেল অসিগা লোইননা ময়ামবু হন্না হন্না থাগৎচরি!

খুরুমজরি!

নুংশিরবা ঐগী ইরৈচাশিং, খুরুমজরি। ঙসি জুলাই ২৬নি, ঙসিগী নুমিৎ অসি য়াম্না থোইদোক হেন্দোক্না মরু ওইবা নুমিৎ অমনি..ঙসি অসি কার্গিল বিজয় দিৱসনি। চহি কুনমাথোইগী মমাংদা ঙসিগী নুমিৎ অসি মক্তদা কার্গিলগী লানফমদা ভারতকী লান্মীশিংনা লানঙম ফিরাল থেৎখিবনি। মরূপশিং কার্গিল লান শোক্নখিবা মতমদা ওইখিবা ফিভমশিং অদু ভারতনা কৈদৌঙৈদসু কাওবা ঙম্লোই। পাকিস্তান্না অচৌ অচৌবা থৌরাং কয়া পায়খৎতুনা ভারতকী লম লৌশিন্নবা অমদি লৈবাক মনুংদা চরাংনবা থোকহন্দুনা ৱাখল থোকহন্দনবা হোৎনখিবা অদু কাওবা ঙমদে। ভারতনা মতম লৈবা খিবিক্তা পাকিস্তানগা অফবা মরী থম্নবা হোৎনখি। অদুবু হায়নবা লৈ,

"বাইরু অকারন সব কহু শো।
জো কর হিদ অনহিদ তহু শো।।"

হায়বদি ফত্তবা মীগী লমচত্তা মরম লৈতনা হেক্তমক য়েংথিবা হায়বা অসি য়াওই। অসিগুম্বা মীশিংগী লমচত্তি মখোয়গী ফনবা তৌরিবা মীদু ফত্তনবগী ফত্তবা তৌবা ঙম্মি… মরম অসিমক্ননি ভারতকী মরূপ মপাং ওইবগী পাউখুম ওইনা পকিস্তান্না তুংদগী থাংনা থিন্নবা হোৎনরকখি। অদুবু মসিগী মতুংদা ভারতকী থৌনা ফরবা লান্মীশিংনা মখোয়গী থৌনা অমদি তৌবা ঙম্বা উৎখিবা অদু মালেম পুম্বনা উখি। খন্দুনা য়েংবীয়ু… অৱাংবা চিংদোলদা লৈরিবা য়েক্নবা অমদি মখাদা লান শোক্নরিবা ঐখোয়গী লান্মীশিং, ঐখোয়গী থৌনা ফরবা লান্মীশিং! অদুবু মসি অৱাংবা চিংদোলবু খুদুম চনবা ঙম্বা অদু নত্তে…

ঐখোয়গী ভারতকী লান্মীশিংগী থৌনা অমদি অশেংবা নুপা থোকপা অদুননি। মরূপশিং মতম অদুদা ঐহাকসু কার্গিল চৎপা অমদি ঐখোয়গী থৌনা ফরবা লান্মীশিংগী থৌনা ফবা অদু উবা ফংনবগী খুদোংচাবা অদু ফংখি। মদু ঐগী পুন্সিগী খ্বাইদগী মমল য়াম্বা নুমিৎশিংগী মরক্তা অমনি। ঙসিদি লৈবাক পুম্বনা মীয়াম পুম্বনা কার্গিলগী মায় পাকপা অদুবু নীংশিংনরি। সোসিএল মীদিয়াদা #করেজ ইন কার্গিলদা মীয়াম্না থৌনা ফবা লান্মীশিংগী মফমদা কোক নোন্নরি অমদি লানফমদা থৱায় কৎখ্রবশিংদনা ইকাই খুম্নবা উৎলি। ঐনা ঙসি লৈবাক মীয়ামগী মহুৎ শিন্দুনা থৌনা ফবা লান্মীশিংদুগা লোয়ননা মখোয়গী থৌনা ফবী মমাশিংনা ভারত ইমাগী অশেংবা মচা পোকপীবগীদমক ঐহাক্না খুরুমজরি। ঐহাক্না লৈবাক অসিগী হৌরক্লিবা নহাশিংদা হায়জরি মদুদি ঙসিগী নুমিৎ অসিমা কার্গিলগী মায় পাকপা পুরকখিবশিং অদুগী ৱারী , থৌনা ফবী মমাশিংগী কত্থোকপগী মরমদা মীঙান্দা লিথোকপীয়ু। মরূপশিং ঙসি মায়ামদা হায়জরি মদুদি www.gallantryawards.gov.in হায়রিবা ৱেবসাইৎ অসিদা চংদুনা য়েংবীয়ু। মসিদা অদোমনা ঐখোয়গী থৌনা ফবা লান্মীশিংগী মরমদা, মখোয়গী থবকশিংগী মরমদা মুন্না অমসুং নীংথিজনা খঙবা ঙমগনি। মায়াম অদু অদোমনা অদোমগী মরূপতা শিয়র তৌবীয়ু মদুনা মখোয়দা ইথিল কয়া পোকহনগনি। শোইদনা ৱেবসাইৎ অসি চংবীয়ু হায়না ঐহাক্না হন্না হন্না হায়জরি। মরূপশিং কার্গিল লানগী মতমদা অতলজীনা লাল কিলাদগী হায়খিবা ৱাফম অদু ঙসি ঐখোয়গীদমক্তদি য়াম্না চান্নরবা ৱাফমনি। মতম অদুদা অতলজীনা লৈবাক পুম্বদা গান্ধীজীগী লাইৱা অমা মীয়ামদা নীংশিংহল্লি। মহাত্মা গান্ধীনা কনাগুম্বনা অৱাবা তারবদি মানা করি তৌবা তৌদবা ভারতকী খ্বাইদগী লায়রবা অমদি পাম্বৈ লৈত্রবা মীওই অদুগী খনগদবনি, মহাক্না তৌদৌরিবা অদুনা মী অদুগী কান্নবা ওইগদ্রা ওইরোইদ্রা হায়বসু খনগদবনি। গান্ধীজীগী ৱাখল্লোন অসিবু মখা চত্থরদুনা অতলজীনা হায়বীরম্মি কার্গিল লান্না ঐখোয়দা অতোপ্পা লাইৱা অমা পীবীরম্মী মদুদি মরু ওইবা ৱারেপ অমা লৌদ্রিঙৈগী মমাংদা ঐখোয়না খঙগদবা অসি খোঙথাং অদুনা খুদোংচাদবা চিংগী মফমশিংদা থৱায় থাখ্রবা লান্মীশিং অদুগী মফমদা ইকাই খুম্নবা উৎপদা মতিক চাবরা। অতলজীগী খোঞ্জেল মক্তদা মহাক্কী ৱাখল্লোন অসিবু তাসি খঙজিন্সি….মতম অসিদা য়াম্না তঙাই ফদ্রবা অমনি

সাউন্দ বাইৎ

“গান্ধীজীনা ঐখোয়দা পীবীরম্বা লাইৱা অদু ঐখোয় পুম্নমক্না নীংশিংলি। মহাক্না হায়বীরম্মি করিগুম্বা খুদোংথিবা অমা লাক্লবদা নঙনা করি তৌগদগে হায়বা অদু নহাক্না ভারতকী খ্বাইদগী লায়রবা অমদি পাম্বৈ লৈত্রবা মীগী মহুৎ শিন্দুনা খল্লু অমদি নশাদা হংজৌ; নঙনা তৌগদৌরিবা থবক অদুনা মী অদুগী কান্নবা ওইগদ্রা। কার্গিলনা অতোপ্পা লাইৱা অমা পীবীরম্মি – লাইৱা অদুদি – মরু ওইনা ৱারেপ অমা লৌদ্রিঙৈদা ঐখোয়গী খোঙথাং অদুনা, খুদোংচাখিদ্রবা চিংগী লমদমদা থৱায়না পোন্থা ওইখ্রবা লান্মীশিং অদুগী মফমদা ইকাই খুম্নবা উৎপা ঙমগদ্রা ঙম্লোইদ্রা হায়বা অদু খনগদবনি ”

মরূপশিং লানগী মতমদা ঐখোয়না ঙাংলিবা ৱা, তৌরিবা থবক অদুনা ঙমখৈদা লৈরিবা লান্মীশিং অমদি মখোয়গী ইমুং মনুংগী মফমদা অচৌবা মমি অমা তাই। ৱাফম অসি ঐখোয়না শুক কাও কাওরোইদবনি… মরম অসিনা ঐখোয়গী লমচৎ শাজৎ ঐখোয়গী ৱাঙাং-শঙাং, ঐখোয়গী পান্দম পুম্নমক্তা ৱাফমশিং অসি শোইদনা ঙাক্কদবনি মদুদি ঐখোয়না ঙাংলিবা, তৌরিবা অসিনা লান্মীশিংগী পুক্নীং লৌশিং হেনগৎহনগনি। জাতিগী অথোইনা লাইৱা অসিগা অমত্তা ওইবগী লিপুন্না পুল্লিবা ইরৈচাশিং ঐখোয়গী লান্মীশিংগী থৌনদা লিশিং হেন্না হেনগৎহনগনি। ঐখোয়না হায়নবা লৈ

‘সঙ্গি শক্তি, কলৌ য়ুগে’; মসিগী অর্থদি হৌজিক লৈরিবা চহিচা অসিদা অপুনবনা পাঙ্গল ওই হায়বনি

করিগুম্বদা ঐখোয় মপুং ফানা খঙদবা ৱাফমশিং সোসিএল মীদিয়ানচিংবদা লৈবাক পুম্বদা খুদোংচাদবা থৌদোক কয়া থোকহল্লি। করিগুম্বা মতমদা ঐখোয়না খঙনীংবনা লাংতক্নবগা লোয়ননা ফোর্ৱার্দ তৌই। মসি লাল্লি খঙলবসু ঐখোয়না মখা তানা তৌই। হৌজিক মতম অসিদা লান অসি ঙমখৈদা খক শোক্নদ্রে, লৈবাক মনুং অসি মক্তদসু লান শোক্নরি, অমসুং লানবন কয়াদা শোক্নরি। মসিদা লৈবাকমচা খুদিংমক্না তৌফম থোকপা থৌদাং পাঙথোক্কদবনি। ঐখোয়না ইশাগী থৌদাংশিং অমদি খুদোংচাখিদ্রবা মফমশিংদা লান্থেংনরিবা লান্মীশিংবু নীংশিংদুনা পাঙথোকদবনি।

নুংশিজরবা ইরৈচাশিং, হৌখিবা থা খরা অসিদা, লৈবাক পুম্বনা অমত্তা ওইদুনা কোরোনাগা লান্থেংন্দুনা লাক্লি লোয়ননা ওইরকপা য়াই খনবা ফত্তবা কয়াবু চুমহনখিদ্রে। ঙসি ঐখোয়গী লৈবাক্তা নাবা ফগৎলকপগী চাং অসি অতোপ্পা লৈবাকশিংগা য়েংনবদা য়াম্না ৱাংলি; লৈবাক অসিদা কোরোনাদগী শিখিবগী চাং অসি অয়াম্বা লৈবাকশিংগা য়েংনবদা য়াম্না হন্থরি, তশেংনা মী অমা কায়নবা হায়বা অসি য়াম্না নুংঙাইতবা থৌওংনি অদুবু ভারত্তদি ইরৈচা লাখ কয়াগী থৱায় কনবা ঙম্লি। অদুবু মরূপশিং কোরোনাগী অকীবা অসিদি কোকপা লৈত্রি। মফম কয়াদা মসি য়াম্না য়াংনা শন্দোরক্লি। ঐখোয় য়াম্না হেন্না চেকশিনবা তঙাই ফদে। ঐখোয়না নীংশিংগদবদি কোরোনা অসি হৌরকোপদা শাথিবগুম হৌজিকসু শাথিরি – অদুনা ঐখোয় চেকশিনবা মথৌ তাই। মায়দা মাস্ক অমা উপ্পা, লেংয়ান নত্ত্রগা ফি মচা অমনা মায় খুমইনবা, খুদুপ অনিগী অরাপ্পা থম্বা, খুৎ তোয়না হাম্বা, মফম চাদনা লোক-তিন শিত্তবা, লুনান্না লৈবা – হায়রিবশিং অসিনা কোরোনাদগী ঙাকথোক্নবা ঐখোয়গী খুৎলাই ওইরি। ৱারী শাবা মতমদা মায়দা মাস্ক উপ্পা অসি নুংঙাইতে হায়দুনা লৌথোক্নীংবা ফাওবা য়াওই। মাস্ক খ্বাইদগী মথৌ তাবা মতমদা ঐখোয়না মাস্ক লৌথোকই। ঐনা হায়জনীংবদি অসিগুম্বা মতমদা মাস্কনা মরম ওইদুনা নুংঙাইতবা ফাওরকপা মতমদা ঙাকহাক্তংগী ওইনা দোক্তর, নর্স, কোরোনাগী লান্থেংনরিবা ৱারিয়রশিংবু নীংশিংবীয়ু। মখোয়না পুং কয়া মাস্ক উপ্তুনা ঐখোয়গী পুন্সি কন্নবা হোৎনরি – করিগুম্বদা মখোয়না পুং নিপালদগী তরা ফাওবা মাস্ক উপ্পি। মহোয়দা নুংঙাইতবা ফাওরম্লোইদ্রা? মখোয়গী খন্দুনা য়েংবীয়ু…মরম অসিনা হেন্না ফবা প্রজা অমা ওইনা অশোইবা অমত্তা তৌরোইদবনি; অতৈবুসু তৌহল্লোইদবনি। নাকল অমরোমদা, কোরোনাগী মায়োক্তা য়াম্না চেকশিন্না অমদি মিৎনা শিংনা লান্থেংনগদবনি অদুগা অমরোমদনা কন্না হোৎন্দুনা…করবার, থবক নত্ত্রগা মহৈ মশিং…ঐখোয়গী থৌদাংশিং অদুদা খোঙজেল য়াংশিন্দুনা অৱাংবা থাক্তা পুখৎকদবনি। মরূপশিং, কোরোনাগী মতম অসিদা ঐখোয়গী খুঙ্গংগী লমদম অসিনা লৈবাক পুম্বদা অতোপ্পা মায়োল অমা পীরি। খুঙ্গংগী মীয়ামশিংগী, গ্রাম পঞ্চায়ৎশিংগী অফবা থবক কয়া তৌবগী খুদমশিং উবা ফংলি। জম্মুদা গ্রাম ত্রেবা হায়না কৌবা গ্রাম পঞ্চায়ৎ অমা লৈ। মদুগী সর্পঞ্চ অসি বলবীর কোর কৌই। বলবীর কোরনা মহাক্কী পঞ্চায়ৎ অদুদা ফমুং ৩০ থাবা ক্বারেনম্তিন সেন্তর অমা শেম্মি। পঞ্চায়ৎ য়ৌরক্কদবা লম্বীশিংদা মহাক্না ঈশিং ফংনবা শিল লাংখি। মীশিংনা খুৎশা হাম্বদা খুদোংচাদবা থোক্তনবা মহাক্না থৌরাংশিং তৌখি। মসিদা নত্তনা বলবীর কোরনা মরেংবান্দা স্প্রে পম্প অমা য়ান্দুনা ভোলুন্তিয়রশিংগা খুৎশম্নদুনা পঞ্চায়ৎ অপুনবা অমসুং লোন্নবা মফম পুম্বদা সেনিতাইজেসন তৌখি। মসিগা মান্ননা অতোপ্পা সর্পঞ্চ ওইবী কশমীরি নু্পী অমসু লৈ।

গান্দর্বেল, চৌতলিৱারগী জাইতোনা বেগমনা মহাক্কী পঞ্চায়ৎনা কোরোনা লান্থেংনগনি অমসুং শেল লাক্নবা লম্বীসু শেমগনি হায়না ৱারেপ তৌখি। মহাক্না মহাক্কী পঞ্চায়ৎনা কোনবা মফমশিংদা মাস্কশিং অমসুং রসন লেম্না য়েন্থোকখি; লোয়ননা মরু মরাং অমদি শেমগী চারাশিং পীদুনা মীয়াম্না লৌউ-শিংউ অমসুং হৈরোল শেম্বদা খুদোংচাদবা থেংনবা অদু কোকহল্লগনি। মরূপশিং কাশমিরগী তমজনীংঙাই ওইবা ৱারী অমসু লৈরি। অনান্তনাগকী ম্যুনিসিপাল প্রসিদেন্ত ওইরিবা শ্রীমান মোহমদ ইকবালনা মহাক্কী জগাদা সেনিতাইজেসন তৌনবা স্প্রে মথৌ তারম্মি। মহাক্না হংবদা মেছিন অসি অতোপ্পা শহর অমদগী লৌগদবনি অমদি মমলসু লুপা লাখ তরুক ওই হায়রক্লম্মি। মসিনা শ্রীমান ইকবালনা মশানা হোৎন্দুনা মেছিন অসি শাজখি অমসুং স্প্রে কাপ্নবা মেছিন অসি শুপ্নতগী লুপা লিশিং য়াংখৈ খক্তমক চংখি। অসিগুম্বা খুদম কয়া অমা লৈরি। লৈবাক অসিগী কাচিন কোয়া খুদিংদা তমজনীংঙাই ওইবা থৌদোক কয়া নুমিৎ খুদিংগী থোক্লি। মখোয় পুম্নমক থাগৎনীংঙাই ঙাক্তনি। শিংনবা কয়া লাকই অদুবু মীয়ামনা মদু চপ মান্ননা মায়োকমিন্নখি।

ঐগী নুংশিজরবা ইরৈচাশিং, মতাং চানা খোঙথাং থাংবা আহাহায়বা অসিনা খুদোংথিবা মতম অসিদা অৱাববু চাউখৎপদা ওন্থোকপদা মতেং য়াম্না পীরি। হৌজিক কোরোনাগী মতম অসিদা ঐখোয়গী লৈবাক্কী নহাশিং অমসুং নুপীশিংনা মখোয়গী তেলেন্ত অমদি হৈ-শিংবনা অনৌবা চাংয়েং কয়া তৌবা হৌরে। বিহারদা ৱুমেন সেল্ফ হেল্প গ্রুপনা মধুবানী ময়েক্কী মাস্কশিং শাবা হৌখ্রে…উনা উনা মদু মমিং চৎখি, মীনা য়াম্না পাম্নখি। মধুবানী মাস্কশিং অসিনা হকশেল ফনা থম্নবতা নত্তনা লমদম অদুগী নাৎকী মমি তারি লোয়ননা হিংনবগী পাম্বৈসু ওইহল্লি। ময়াম্না খঙবীরিবা অদুনি অৱাং নোংপোক লমদমদা ৱা মরাং কায়না হৌই। হৌজিক মসিগী ৱা অসিনা ত্রিপুরা, মনিপুর অমসুং অসমগী খুৎহৈবশিংনা অফবা মখলগী ঈশিংগী বোতলশিং অমসুং তিফিন বোক্সশিং শাবা হৌখ্রে। ৱাগী ক্বালিতী অদুক্কী মতিক ফখ্রে, ৱাগী বোতলনবু অসুক ফজবা অদোম ঙক্কনি। অদুগা মসি ইকো-ফ্রেন্দলীসু ওই। মখোয়না মসি শাবা হৌদ্রিঙৈ মতমদা মখোয়না ৱা অসি নিম অমসুং অতোপ্পা হীদাক ওইনা শিজিন্নরিবা পাম্বীশিংগা লোয়ননা ফুৎলি। মসিনা ৱা অদুদা হীদাক্কী কান্নবা মগুন অদু ফংহল্লি। অপীক অপীকপা লোকেলগী পোত্থোকশিংনা করম্না মায় পাকপগে হায়বগী খুদম অমা ঝর্খন্দদসু লৈরে। হৌজিক ঝর্খন্দগী বিশুনপুরদা কাংলুপ কুনথ্রা হেনবনা পুন্না লেমনগ্রাস থারি। লেমনগ্রাস অসি থা মরিদা মপুং ফাই অমসুং মসিগী থাও অসি কৈথেলদা মমল য়াম্না কানা য়োনবা য়াই। হৌজিক্তি মসি মীয়াম্না য়াম্না পাম্নরে। ঐহাক্না লৈবাক মীয়ামদা লমদম অনিগী মরমদা হায়জগে – মখোয় অসি কিলোমিতর কয়া কয়া লাপনৈ; অদুবু মখোয়না মশা মশাগী ওইবা মওংদা ভারত অসি মরোমদোম লেপচনবা হোৎনবদা লেপ্তনা থবক তৌরি। অমনা লদাখ অদুগা অমনা কুৎচনি। লেহ অমদি লদাখকী মমিং তাবদা মফম অদুগী ফজরবা তম্পাকশিং, ৱাংলা-ৱাংলবা চিংজাউশিংগী ফজরবা দ্রিস উরকই অমসুং অয়িংবা নুংশিৎনা ইশাদা থেংলকপগুম খল্লি। অদুবু কুৎচকী মরমদা পল্লকপা মতমদা তাম্না শন্দোকখিবা মরুভুমী নাপী শিংবী অমত্তা হৌদবা লম ঐখোয়গী মিংমাংদা উরকই। লদাখতা চুলী কৌবা চুমব্রৈ হৈ মখল অমা হৌই মসি খুবনি হায়নসু খঙনৈ। উহৈ অসিনা লমদম অসিগী শেন্মীৎলোন ফগৎহন্নবগী মচাক ওইরি। অদুবু লাইবক থিবদা সপ্লাই চেনগী অমসুং অয়িং অশাগী খুদোংচাদবা অসিনা অৱাবা থোকহল্লি। মসিদগী ঙাকথোক্নবগীদমক অনৌবা ইন্নোবেসন অমা শিজিন্নবা হৌরে। মসি দৱেল সিস্তেম অমনি, সোলর এপ্রিকোৎ দ্রাইয়র অমুসং স্পেস হিতর হায়না কৌই। মসিনা য়াম্না লু নানবা মওংদা চুমব্রৈ, অতোপ্পা উহৈশিং অমসুং মনা মশিংবু মথৌ তারিবা চাংদা খঙহনবা ঙম্মি। হান্নদি চুমব্রৈ অসি লৌবুক ময়াদা কংহল্লম্মি মসিনা উহৈবু মাংহনবদা নত্তনা উফুল অমদি নোংগী ঈশিংনা উহৈগী ক্বালিতী মাংহল্লি। মায়কৈ অমরোমদা কুৎচকী লৌমীশিংনা দ্রেগন ফ্রুৎ থাদুনা শিংথানীংঙাই ওইবা মওংদা হোৎনরি। মীয়াম্না কুৎচ অমদি দ্রেগন ফ্রুৎকী মমিং তাবদা ঙকপা পোকই। অদুবু ঙসিদি লৌমী কয়ানা মসিগী থবক অসি পায়খৎখ্রে। উহৈ অসিগী ক্বালিতী লাইনা লম খজিক্তা পুথোক্নবা ইন্নোবেসন কয়া লৌখৎলি।

দ্রেগন ফ্রুৎ অসি মীয়াম্না য়াম্না পাম্নরক্লি, মরু ওইনা ব্রেকফাস্ততা য়াম্না শিজিন্নরি। কুৎচকী লৌমীশিংনা লৌরিবা ফিরেপ অসি লৈবাক অসিদা দ্রেগন ফ্রুৎ পুশিল্লকপা অসি লেপহন্দুনা লৈবাক অসি মরোমদোম লেপ্পা ঙম্নবা হোৎনবনি।

মরূপশিং, ঐখোয়না অনৌবা থবক তৌনবা খল্লকপা মতমদা মায়াম্না তৌনদবা খল্লুদবা কয়া তৌবা ঙম্লকই। খুদম ওইনা হায়রবদা, বিহারগী নহা খরগী মতাংদা হায়জগে। অহানবদা মখোয় অসি ইচম চম্বা শেল থোকপা থবক তৌরম্মি। নোংমদি মখোয়না মুক্তা হায়বদি পর্ল উনবা ৱারেপ লৌরম্মি। হীরম অসিদা মখোয় হান্না করিসু খঙবা নত্তে, অদুবু মখোয়না হান্না ই-পাউ কয়া অমা খোমজিল্লম্মি, জাইপুর অমসুং ভুবনেশ্বরদা চত্তুনা ত্রেনীং য়াওরুই অমসুং মখোয়গী খুঙ্গংদা মুক্তগী ফার্ম তৌবা হৌরম্মি। হৌজিক্তি মখোয় মশানা শেল য়াম্না তাল্লে, মখোয়না মুজাফরপুর, বেঙ্গুসরাই অমসুং পত্নাদা অতোপ্পা লমদগী হল্লকপা শীন্মীশিংবু ত্রেনীং পীবা হৌরে। মীওই কয়াগী মরোমদোম লেপচনবা লম্বেল শেম্লে।

মরূপশিং নুমিৎ খরনিগী মতুংদা, রক্সা বন্ধনগী শেংলবা কুম্মৈ লাক্লগনি। মীওই কয়া অমদি ইন্সতিত্যুৎশিংনা হন্দক্কী রক্স বন্ধন অসি তোপ তোপ্পা মওংদা পাঙথোক্নবা খঙহল্লি। মীওই কয়ানা মসিদা ভোকেল ফোর লোকেল ওইহন্নবা হোৎনরি। করিগুম্বা খুন্নাই অসিদা লৈরিবা ঐখোয়গী অনকপদা লৈবা মীওই অমগী করবার অসি ঐখোয়গী কম্মৈনা মরম ওইরগা চাউখৎহল্লবদি অদুগা নাকল অমদা কুম্মৈ অদু হেন্না নুংঙাইহল্লবদি কুম্মৈ অদু পাঙথোকপদা নুংঙাই অদু শরুক কয়া থোক্না হেনগৎহনগনি। ইরৈচাশিংদা ঐহাক্না রক্স বন্ধনগী য়াইফ পাউজেলসু পীজরি।

মরূপশিং, ওগস্ত ৭ অসি জেতিগী হেন্দলুমগী নুমিৎনি। ভারতকী হেন্দলুম হেন্দিক্রাফ অসি মশাগী চহিচা কয়াগী পুৱারী লৈজৈ। শুবন্তগী ভারতকী হেন্দলুম অমসুং হেন্দিক্রাফ অসি মীয়াম হুপনা শিজিন্ননবা মীয়ামদা পাউজেল পীগদবনি। ভারতকী এন্দলুম অমসুং এন্দিক্রাফ অসি কয়াম চাউখৎপা অমদি মশক মওং কয়াম লৈবগে হায়বা অদু মালেমনা খঙলিবা মখৈ ঐখোয়গী খুৎহৈবশিংগী ফি শাবীশিংগী কান্নবা হেনগনি।

মরূপশিং, মরুওইনা ঐগী নহা ওইরিবা মরূপশিং, ঐখোয়গী লৈবাক অসি অহোংবা লাক্লি। করম্না হোংলক্লিবনো? কয়াম য়াংনা হোংলক্লিবনো? করম করম্বা হীরমশিংদা হোংলক্লি? করিগুম্বা মসিদা ঐখোয় পোজিতিব ওইবা মীৎয়েং অমগা লোয়ননা য়েংলবদি ইশা অসি ঙকচগনি। মতম অমদদি শান্ন-খোৎনবদগী হৌরগা অতোপ্পা সেক্তরশিংদা অয়াম্বা মী অচৌ অচৌবা শহর নত্ত্রগা অচৌবা ইমুং মনুং নত্ত্রগা মমিং চৎপা স্কুল কোলেজশিংদগী ওইরম্মি। হৌজিক্তি লৈবাক অসিদা অহোংবা লাক্লে। খুঙ্গংদগী, অপীকপা শহরশিংদগী অমসুং ইচম চম্বা ইমুংশিংদগী নহাশিং মাংজিল থাররে। মায় পাকপগী মতোন লোমররে। মখোয়না অৱাবা খুদোংথীবা মরক্তা অনৌ অনৌবা মংলান কয়া মংলদুনা মাংদা চংশিল্লক্লি। হন্দক্কী বোর্দ চাংয়েংশিংগী ফলশিংদা মসি উবা ফংলে। ঙসি মন কী বাত আসিদা থোইদোক হেন্দোক্না ইন্তিলিজেন্ত ওইরবা ইচানুপা, ইচানুপীশিংগা ৱারী শান্নজগে। ক্রিতিকা নন্দল য়াম্না হৈ-শিংবী নুপী মচানি অমসুং মহাক হরিয়ানাগী পানিপত্তগীনি।

মোদীজী – হেলো, ক্রিতিকাজী খুরুমজরি ।

ক্রিতিকা- খুরুমজরি সর।

মোদীজী- নহাক্কী অফবা ফলগীদমক নহাকপু হন্না থাগৎচরি।

ক্রিতিকা- থাগৎচরি সর।

মোদীজী- নহাক ময়ামগী তেলিফোন ওকপদা ৱারম্লগনি ফোন য়াম্না লাক্লমগনি খল্লি।

ক্রিতিকা- হোয় সর।

মোদীজী- নহাকপু শক খঙদুনা নঙোন্দা থাগৎ ৱাহৈ পীরকপা মীওইশিংদু মশাদা চাউথোকচবা ফাওরমগনি। নঙোন্দদি করি ফাওই?

ক্রিতিকা- সর য়াম্না নুংঙাইবা ফাওই। ইমা ইপাবু চাউথোকহনবা অসিদা ইশাদসু চাউথোকচবা অমা ফাওই।

মোদীজী- নংগী খ্বাইদগী তমজনীংঙাই ওইরবা মীশক অদু কনানো?

ক্রিতিকা- সর, ঐগী ইমানা ঐগী খ্বাইদগী চাউবা তমজনীংঙাইনি।

মোদীজী– অদুদি ইমাদগী করি তম্লিবা?

ক্রিতিকা- সর মহাক্কী পুন্সিদা খুদোংথীবা য়াম্না মায়োক্নরকই, অদু ওইরবা ফাওবদা মহাক য়াম্না চাউথোকচবী অমসুং থৌনা লৈবীনি। মহাকপু উরগা ঐসু মাগুম্না তৌগে হায়বগী ৱাখল ফাওরকই।         

মোদীজী– ইমাদু লাইরিক কদায় ফাওবা তমহৌবগে?

ক্রিতিকা- সর, মহাক বি.এ. ফাওবা তমহৌই।

মোদীজী– বি.এ. ফাওবা তমহৌই হায়বা!

ক্রিতিকা- হোয় সর।

মোদীজী- অদুদি ইমানা লাইরিকসু তাকপীরমগনি।

ক্রিতিকা- হোয় সর। পুন্সিদা চংদবা য়াদবা মহৈ খুদিংমক তাকপী।

মোদীজী– মহাক্না চৈসু য়াম্না চৈরমগনি।

ক্রিতিকা– হোয় সর, চৈসু য়াম্না চৈ।

মোদীজী– ফরে অদু ইচাবু তুংদা করি ওইবা পাম্বগে?

ক্রিতিকা- সর ঐহাক দোক্তর অমা ওইনীংই।

মোদীজী– য়াম্না ফৈ!

ক্রিতিকা– এম.বি.বি.এস.

মোদীজী- য়েংঙু, দোক্তর ওইবা হায়বসি অরায়বা থবক নত্তে!

ক্রিতিকা- হোয় সর।

মোদীজী- নহাক য়াম্না লৌশিং লৈ অদুনা দিগ্রীবুদি শোয়দনা ফংগনি, অদুবু দোক্তর অমগী পুন্সিদি মীয়ামগীদমক কত্থোক্লবনি।

ক্রিতিকা- হোয় সর।

মোদীজী– মহাক্তি নুমিদাংদা ফজনা তুম্বা চংদে করিগুম্বা অনাবা নত্ত্রগা হোস্পিতালদগী ফোন লাক্লবদি খুদক্তা চেনবা তাই। হায়বদি ২৪X৭ নুমিৎ চহুমগা হুম্ফু মঙা অসি মীয়ামগী শেবাদা লৈ।

ক্রিতিকা- হোয় সর।

মোদীজী- অদুগা খুদোংথীবসু লৈ, হৌজিক্কী মতমসিদা লাক্লিবা লাইনাশিং অসিদি দোক্তরগী মাংদসু য়াম্না খুদোংচাদবা লাকই।

ক্রিতিকা –হোয় সর,

মোদীজী– চুম্মী ক্রিতিকা, হরিয়ানা অসিদি শান্ন-খোৎনবগী লমদা ভারত পুম্বনা তমজনীংঙাই ওইরবা রাজ্য অমা ওইরি।

ক্রিতিকা –হোয় সর।

মোদীজী- অদুদি নহাকসু শান্ন-খোৎনবদা শরুক য়াবরা? নহাক্না পামজবা মশান্না লৈবরা?

ক্রিতিকা- সর, ঐহাক স্কুলদা বাস্কেৎবোল শান্নরম্মি।

মোদীজী- অদুদি নহাকপু কয়া য়াম্না ৱাংবগে, নহাকপু ৱাংবরো?

ক্রিতিকা- ৱাংদে সর, ফুৎ মঙাগা ইঞ্চি অনি ৱাংই।

মোদীজী- অদুগা মসিগী মশান্না অসি পাম্লুরিবা?

ক্রিতিকা- সর, মসিদি শুপ্নতংগী অপাম্বনি, অপাম্বা অদু শুম শান্নজবনি।

মোদীজী– ফরে ফরে! অদুদি ক্রিতিকাজী নহাক্কী ইমাদা ঐহাক্না খুরুমজরি হায়না তম্বীয়ু, মহাক্না নহাক মতিক চাবা অমা ওইরক্নবা শেম্লক্লিবনি, নহাক্কী পুন্সিবু মপুংফাহল্লক্লিবনি। অমুকশু হন্না নহাক্কী ইমাবু খুরুমজরি অদুগা নহাক্কীনা য়াইফ-পাউজেল পীজরি।

ক্রিতিকা- থাগৎচরি সর।

মথংসিদি কেরেলা এর্নাকুলমদগী নহা অমগা অমুক ৱারী শাসি।

মোদীজী- হেলো

বিনায়ক – হেলো সর, খুরুমজরি।

মোদীজী- অদুদি বিনায়ক, কোংগ্রাচুলেসন্স!

বিনায়ক– হোয়, থাগৎচরি সর।

মোদীজী– য়াম্না ফরে বিনায়ক, য়াম্না ফরে!

বিনায়ক– হোয়, থাগৎচরি সর,

মোদীজী- হাও ইজ দি জোশ?

বিনায়ক – হাই সর

মোদীজী – নহাক্না শান্নবা মশান্নকা লৈবরো?

বিনায়ক – বেদমিন্তন শান্নৈ।

মোদীজী– বেদমিন্তন?

বিনায়ক – হোয়..হোয়

মোদীজী– স্কুল নত্ত্রগা অতোপ্পা মফম অতৈদা ত্রেনীং তৌবগী খুদোংচাবা ফংখ্রবরো?

বিনায়ক – ফংদে সর, স্কুলদবুদি ত্রেনীং খরা ফংখি।

মোদীজী– ফরে ফরে

বিনায়ক –  ঐখোয়গী ওজাশিংদগী।  

মোদীজী– ফৈ ফৈ।

বিনায়ক – মপান্দা শান্নবা চৎপগী খুদোংচাবসু ফংখি।

মোদীজী– য়াম্না ফৈ!

বিনায়ক – ঐখোয় স্কুলী খুত্থাংদগী চৎপনি।

মোদীজী– নহাক স্তেৎ কয়া চৎলুরগে?

বিনায়ক – ঐহাক কেরেলা অমসুং তমিল নাদু খক্তা চৎলুরে।

মোদীজী– কেরেলা অমসুং তমিল নাদু খক্তা?

বিনায়ক – হোয় সর

মোদীজী– অদুদি নহাক দিল্লীদা লাক্নীংবরো?

বিনায়ক – হোয় সর, হৌজিক ঐহাক হায়র স্তদিজগীদমক দিল্লী য়ুনিভর্সিতীদা এপ্লাই তৌরি।

মোদীজী– ও, অদুদি নহাক দিল্লীদা লাক্কদৌরেনে?

বিনায়ক – হোয় সর।

মোদীজী– ফরে তুংদা বোর্দ একজাম থাগদৌরিবা মহৈরোয়শিংদা নহাক্না করি পাউজেল পীনীংবা লৈবগে?

বিনায়ক – হোৎনবা কনবা অমসুং মতম ফজনা শিজিন্নবা

মোদীজী– হায়বদি মতম লিক্না শিজিন্নবা

বিনায়ক – হোয় সর

মোদীজী– বিনায়ক, নহাক্কী হোবী করিনো?

বিনায়ক – ……… বেদমিন্তন অমসুং রোৱিংনি।

মোদীজী– নহাক সোসিএল মীদিয়াদা এক্তিব ওইবরো?

বিনায়ক – ওইদে সর, ঐখোয়গী স্কুলদা ইলেক্ত্রোনিক আইতেম নত্ত্রগা গেজেৎ অমত্তা শিজিন্নবা য়াদে।

মোদীজী– অদুদি নহাক য়াম্না লাইবক ফরে।

বিনায়ক – হোয় সর,

মোদীজী– ফরে, বিনায়ক, অমুক হন্না থাগৎপা ফোংদোকচরি অমসুং নহাকপু য়াইফ পাউজেল পীজরি।

বিনায়ক – থাগৎচরি সর।

হৌজিক অমুক উত্তর প্রদেশকী অম্রোহাদগী শ্রীমান উসমান সৈফিগা ৱারী শাসি।

মোদীজী- হেলো উসমান, নহাক্কীদমক হন্না নুংঙাইবা ফোংদোকচরি।

উসমান- থাগৎচরি সর।

মোদীজী- ফরে উসমান, নহাক্না নীংজখিবা মার্ক অদুমক ফংখিবরা নত্ত্রগা হন্থরকপরা?

উসমান- নত্তে ঐহাক্না নীংজখিবদুমক ফংজখি। ঐহাক্কী অহল লমনসু য়াম্না নুংঙাইবা ফাওখি।

মোদীজী- নহাক্কী ইমুংদা ইচিন ইনাও লৌশিং লৈবা নত্ত্রগা লাইরিক ফবা লৈরিবরা নত্ত্রগা নহাক খক্তরো?

উসমান- ঐহাক ইথন্তনি, ঐগী ইনাওনুপাদি খরা ঙাওশিন্নৈ।

মোদীজী- ফরে, ফরে

উসমান- ময়াম্না ঐগীদমক য়াম্না হরাওই।

মোদীজী- ফৈ ফৈ। উসমান নহাক্না খ্বাইদগী হৈনবা সবজেক্ত করম্বনো?

উসমান – মেথমেতিক্স

মোদীজী- য়াম্না ফৈ মেথমেতিক্স হৈনৈ হায়বা? মতৌ করম্না হৈনখিবন? ওজা কনানা নঙোন্দা ইনোৎ পীখিবনো?

উসমান- ঐখোয়গী সবজেক্ত তিচর রাজত কৌবা অমা লৈ। মহাক্না ঐঙোন্দা ইনোৎ হাপখি, ফজনা তাকপীখি অদুনা মেথমেতিক্স অসি হৌবদগী হৈনরকই।

মোদীজী – য়াম্না ফৈ।

উসমান- হেন্না হৌৎবদুনা হেন্না ইন্তরেস্ত লৈ মরম অদুনা মসি ঐগী খ্বাইদগী পামজবা সবজেক্ত ওইরিবনি।

মোদীজী- চুম্মী চুম্মী। বেদিক মেথমেতিক্সকী ওনলাইন ক্লাস অমা লৈবদু নহাক খঙবরা?

উসমান- খঙজৈ সর

মোদীজী- মদি ত্রাই তৌখ্রবরা?

উসমান- হৌজিক ফাওবদি তৌজদ্রি সর?

মোদীজী- শোয়দনা য়েংঙু বেদিক মেথমেতিক্সকী মতেংনা নহাক কম্প্যুতরগী স্পীদতা অঙ্ক হোৎপা ঙমগনি মদু উবদা নহাক্কী মরূপশিংনা নহাক অসি মীত্রং জাদু হৈবা মীশকনি হায়না খনগনি। য়াম্না লাইবা তেক্নিকশিংনি হৌজিক্তি মদু ওনলাইনদসু ফংলবনি।

উসমান- হোয় সর।

মোদীজী- নহাক্তি মেথমেতিক্স হৈনবনিনা অনৌ অনৌবা ৱাখল্লোন কবা পুথোরকপা য়াই।

উসমান – হোয় সর।

মোদীজী- ফরে উসমান, নহাক্না অহাংবা মতমদা করি তৌবগে?

উসমান- ঐহাক্কী অহাংবা মতমদা ঐ করিগুম্বা খরা ইদুনা লৈ সর। ঐহাক ইবা য়াম্না পামজৈ।

মোদীজী- য়াম্না ফবা ৱাফমনি! নহাক মেথমেতিক্সকী মথক্তা লিরেচরসু পামজৈ হায়বসিদি।

উসমান- হোয় সর।

মোদীজী- করি ইবগে? শৈরেং ইবরা নত্ত্রগা সাইরি ইবরো?

উসমান- করেন্ত এফিয়র্সকা মরী লৈনবা হীরম অমা হেক্তদা ইজৈ।

মোদীজী- ফৈ য়াম্না ফৈ।

উসমান- ঐহাক্না অনৌবা ৱাফম কয়া খঙবা ঙম্মি, খুদম ওইনা হায়রবদা জি.এস.তি. অমসুং দিমোনিতাইজেসন চৎনরকপা খঙবা ঙম্মি।

মোদীজী- য়াম্না ফৈ! অদুদি নহাক মখা কোলেজ তম্নবা করি প্লান তৌরে?

উসমান- কোলেজ ইদুকেসন হায়বা? সর ঐহাকজী মেন্সকী অহানবা এতেম্প ক্লিয়র ওইরে,সেপতেম্বরদা অনিশুবা এতেম্পতা শরুক য়াগনি। ঐহাক্কী এমদি হান্না আই.আই.তি.দগী বেচেলর দিগ্রী লৌরগা সিভিল সর্ভিস থারগা আই.এ.এস. অমা ওইবনি।

মোদীজী- মদুদি য়াম্না ফৈ! নহাক তেক্নোলোজীসু পাম্বরা?

উসমান- হোয় সর। মরম অদুনা ঐহাক আই.তি. লৌই। খ্বাইদগী ফবা আই.আই.তি.ফংনবা।

মোদীজী- ফরে অদুদি উসমান, ঐহাক্কী মায়কৈদগী য়াইফ-পাউজেল পীজরি। নহাক্কী ননাও নুপা অদু খরা ঙাওশিন্নৈ হায়বনিনা মহাক্কা মতম লরনবা নুংঙাইরমগনি, নহাক্কীন ইমা পাবুংবু ঐহাক্না খুরুমজরি তম্বীয়ু। মখোয়না নহাকপু থৌনা হাপীদুনা ফিভম অসি য়ৌনবা শেম্বীরকপনি, নহাক লাইরিক্কা লোয়ননা করেন্ত ইসুদসু থৱাই য়াওই অমসুং ইবসু পাম্মি খঙবদা য়াম্না নুংঙাই। মসিগী কান্নবদি করিনো হায়বদা নহাক্কী ৱাখল্লোন হেনগৎলক্কনি। ইবগী কান্নবা কয়া মরুম লৈ। ঐহাক্কী মায়কৈদগী হন্না হন্না থাগৎপা ফোংদোকচরি।

উসমান- থাগৎচরি সর।

হৌজিক অমুক খারোমদা চৎলসি। তমিল নাদুগী নমক্কলদগী ইচানুপী কানিকা ৱারী অমুক শাসি। মহাক্কী ৱাফমশিং অসি য়াম্না ইথিল পীবা ওই।

মোদীজী- কানিকাজী ৱানক্কম!

কানিকা – ৱানক্কম সর

মোদীজী– করম তৌরিবগে?

কানিকা – নুংঙাইজরি সর

মোদীজী- অহানবা মক্তদা নহাক্কী চাউনা মায় পাকপদা থাগৎপা ফোংদোকচরি।

কানিকা – থাগৎচরি সর।

মোদীজী- ঐহাক্না নমক্কল হায়বা মফম অসি তাবদা অঞ্জনেয়র লাইশঙ নীংশিংলকই।

কানিকা – হোয় সর।

মোদীজী- হৌজিক্তি অমুক নহাক্কা ৱারী শাবা অসিসু নীংশিংদুনা লৈরগনি।

কানিকা – হোয় সর।

মোদীজী- অদুনা অমুক্কা হন্না থাগৎপা ফোংদোকচরি।

কানিকা – থাগৎচরি সর।

মোদীজী- চাংয়েংগীদমক্তা য়াম্না কন্না হোৎনরমগনি নহাক্না হোৎনবা অদুদা করি করি থেংনখি হায়বদু তাকপীয়ু।

কানিকা – সার, ঐহাক হৌবদগী কন্না হোৎনরকই ঐহাক্না ফংলিবা রিজল্ত অসি থাজরুদে অদুবু ঐহাক্না য়াম্না ফজনা ইরম্মি মরম অদুনা অফবা রিজল্ত অসি ফংলিবনি।

মোদীজী- নহাক্না কয়া ফংগনি হায়না খল্লুবগে?

কানিকা – ৪৮৫ নত্ত্রগা ৪৮৬ ফংগনি হায়না খনখি।

মোদীজী- অদুগা কয়া ফংলবা?

কানিকা – ৪৯০

মোদীজী- অদুদি নহাক্কী ইমুংগী মীওইশিং অমসুং ওজাশিংদি করি ফাওখি?

কানিকা – সর মখোয় য়াম্না হরাওখি অদুগা য়াম্না চাউথোকচখি।

মোদীজী- নহাক্না খ্বাইদগী হৈনবা সবজেক্তি করিনো?

কানিকা – মেথমেতিক্সনি।

মোদীজী- ও! অদুগা নহাক্কী তুংগী প্লানদি করিনো?

কানিকা – করিগুম্বা ফংলগদি এ.এফ.এম.সি.দা দোক্তর ওইনীংই।

মোদীজী- নখোয়গী ইমুংগী মীওইশিং মেদিকেল প্রোফেসন্দা লৈবরো নত্ত্রগা অতোপ্পা থবক তৌবরো?

কানিকা – তৌদে সর, ঐগী ইপানা দ্রাইভরনি অদুগা ঐগী ইচেনা এম.বি.বি.এস.তম্লি।

মোদীজী- অহানবা মক্তদা ঐহাক্না নহাক্কী পাবুংবু খুরুমজরি, মহাক্না অদোমগী ইচে অমসুং নহাক্কীদমক কন্না হোৎনরিবা অদু ফিদমনীংঙাইনি।

কানিকা – হোয় সর

মোদীজী- মহাক মীয়ামগী ফিদমনীংঙাইনি।

কানিকা – হোয় সর

মোদীজী- নহাক নহাক্কী ইচে, পাবুং অমসুং নখোয়গী ইমুং মনুংগীদমক থাগৎপা ফোংদোকচরি।

কানিকা – থাগৎচরি সর।

মরূপশিং মসিগুম্বা ৱারবা, লুরবা ফিভমদা থৌনা হন্দনা মায় পাকপা মরূপ কয়া অমাগী ৱারী লৈরি। মখোয় ময়াম অমগা ৱারী শান্ননীংবনি অদুবু মতমগী খুদোংচাদবা লৈখিবনা ঙমজদ্রে। অদুবু ঐহাক্না নহা ওইরিবা মরূপশিংদা হায়জনীংবদি মীয়ামদা ইনোৎ পীবা, থৌনা হাপ্পা মখোয়গী ৱারী লৈরবদি ময়ামদা শোয়দনা তম্বীয়ু।

নুংশিরবা ইরৈচাশিং সমুদ্র তরেৎকী ৱাংমদা ভারত্তগী মাইল লিশিং কয়া লাপ্না সুরনাম কৌবা অপীকপা লৈবাক অমা লৈ।  সুরিনাম অসি ভারতকা য়াম্না নক্নবা মরী অমা লৈনৈ। চহি চামা মথক্কী মমাংদা ভারতকী মীওই কয়া অমা মফম অদুদা চত্তুনা খুন্দা লৈতাদুনা লৈখ্রে। হৌজিক মফম অসিদা চারোল শুরোল মরি মঙা লৈরে। ঙসিদি সুরিনামগী অপুনবা মীশিংগী মরী থোকপগী অমা ভারত্তগী হৌখিবনি। অদোম খঙবরা? মফম অদুদা মীয়াম্না ঙাংনরিবা লোন অমা ‘সর্নামী’ অসি ভোজপুরীদাইলেক অমনি। মসিগী নাৎকী ওইবা মরী অসিগীদমক্তা ভারত মচাশিংনা চাউথোকচরি।

হন্দক্তা শ্রী চন্দ্রিকা প্রসাদ সন্তোখিনা সুরিনামগী অনৌবা প্রসিদেন্ত ওইরে। মহাক ভারতকী মরূপনি অমসুং মহাক ২০১৮দা পাংথোকখিবা পর্সন ওফ ইন্দিয়ন ওরিজিন (পি.আই.ও.) পার্লিয়ামেন্তরী কনফরেন্সতা শরুক য়াখি। শ্রী চন্দ্রিকা প্রসাদ সন্তোখিজীনা মহাক্কী ৱাশক লৌবদা ভেদকী লাইশোন্দা হৌখি; সংস্কৃত লোন্দা ঙাংখি। মহাক্না বেদকী মরমদা ফোংদোকখি অমসুং ওম শান্তি শান্তি শান্তি হায়বগা লোয়ননা মহাক্কী ৱাশক লৌবা অদু লোয়শিনখি। মহাক্কী মখুৎতা বেদ পাইরগা হায়খি ঐহাক চন্দ্রিকা প্রসাদ সন্তোখি হায়রগা মখা তাবদা মহাক্না করি হায়খি? মহাক্না বেদদগী লাইশোন অমা হায়রম্মি। মহাক্না হায় –

ওং অগ্নি বৃতাপতে বৃতম চর্শিয়াম তচ্ছ্কিয়ম তন্ময় রাধ্যাত্মম।

ইধমহমর্নতাত সত্যমপৈমি||

হায়বদি মৈ ৱাশক্কী তাইবঙ মপু ঐহাক্না ৱাশক্লি। মসিগীদমক ঐহাকপু থৌনা অমসুং পাঙ্গল হাপ্পীয়ু। ঐহাকপু অরানবদগী লাপ্না লৈনবা অমসুং অচুম্বগী মায়কৈদা লৈনবা থৌজাল পীবিয়ু। তশেংনা মসি ঐখোয় পুম্নমক্কী চাউথোকচনীংঙাই অমনি।

ঐহাক্না চন্দ্রিকা প্রসাদ সন্তোখিবু থাগৎপা ফোংদোকচরি অমসুং মহাক্কী লৈবাক্কী শেবা তৌবগীদমক ভারত মচা কোতি ১৩০গী মহুৎ শিল্লগা ঐহাক্না য়াইফ-পাউজেল পীজরি।

ঐগী নুংশিরবা ইরৈচাশিং হৌজিক অসি নোংজু পন্থানি। ঐহাক্না মমাংদসু হায়জখ্রে নোংজু পন্থাদা অমোৎপা মফমশিংদগী হৌরকপা লৈলায়নাশিংগী খুদোংথীবা হেনগৎলক্লি। মসিনা মরম ওইরগা অনা লায়েংশঙশিংদা মী চিনবা হেনগৎলকই। মরম অদুনা ময়াম্না অদোমগী অকোয়বগী লু নানবদা পুক্নীং হেন্না চংবীয়ু অমসুং ইম্যুনিতী হেনগৎহনবা অয়ুর্বেদকী হীদাক লাংথক শিজিন্নবীয়ু। কোরোনা লাইচৎকী মতম অসিদা অতোপ্পা লাইনাদগী ঙাকথোকচনবা হোৎনসি। লায়েংশঙশিং য়ৌদনবা ঐখোয়না কন্না হোৎনসি।

মরূপশিং, হন্দক্কী নোংজু পন্থা অসিদা, লৈবাক অসিগী শরুক অয়াম্বা ইচাউ মায়োকজনরি। বিহার অমসুং অসমনচিংবা লৈবাক অসিগী শরুক খরদি ইচাউনা য়াম্না শোকহল্লে। অমরোমদা কোরোনা অমরোমদা অমুক ইচাউ মায়োক্নরি। তানফম অসিদা সরকার পুম্নমক্না, এন.দি.আর.এফ কাংবু, দিজাস্তর রেস্পোন্স তিম, সেল্ফ হেল্প গ্রুপশিংনা পুল্লগা মীয়ামবু মতেং পাংনবা অমদি কন্নবা হোৎনরি। খুদোংথিবা অসি নংলিবা খুদিংমক্কীদমক লৈবাক অসিনা পুন্না লেপ্লি।

মরূপশিং মথংগী মন কী বাত য়ৌদ্রিঙৈদা ওগস্ত ১৫ য়ৌরক্লগনি। কোরোনা ভাইরসকী লায়চৎ অসিগী মনুং ওইবনা হন্দক্তি ওগস্ত ১৫ অসি তোঙানবা মওং অমদা পাঙথোক্লগনি।

ঐহাক্না নহাশিং, ইরৈচাশিংদা হায়জনীংবদি ঐখোয়না নীংতম্বা নুমিৎ অসিদা লায়চৎ অসিদগী ঙাকথোকপা, মরোমদোম লেপচবা ঙম্বা ভারত, অনৌবা খরা তম্বা অমদি ইশাগী থৌদাং পাঙথোকচনবগী ৱাশক লৌরসি।

ঙসি ঐখোয়গী ভারত অসিনা অৱাংবা থাক অমদা লৈরিবা অসি অথোইবা কয়ানা হোৎনজবা অমসুং মখোয়গী লাইনীংনা ওইরকপনি।

লৈবাক অসিগীদমক হোৎনখিবা অমসুং কত্থোকখিবশিংগী মরক্তা লোকমান্য তিলক অমনি। ওগস্ত ১দা লোকমান্য তিলক লৈখিদবা চহি চামা মপুং ফারগনি। লোকমান্য তিলক্কী পুন্সি অসিনা ঐখোয়দা থৌনা কয়া হাপ্লি। ঐখোয়বু মায়াম অমা তম্বীরি।  

মথংদা অমুক উন্নবদা ৱারী মায়াম অমা অমুক শারসি, ঐখোয় মায়াম পুল্লগা অনৌবা খরা তম্লসি অদুগা মায়ামদা পাউদমসি। ঐহাক্না মায়ামদা ইশাবু চেকশিনসি অমদি ইমুং মনুংশিংবুসু চেকশিনবীয়ু, নাদ-য়েক্তনা লৈসি। ইরৈচাশিংদা লাক্কদৌরিবা কুম্মৈশিংগী য়াইফ-পাউজেল পীজরি।

হন্না হন্না থাগৎচরি।

ঐগী নুংশিরবা ইরৈবাকচাশিং, খুরুমজরি! মন কী বাত অসি হৌজিক চহি ২০২০গী তঙ্খাই চনশিল্লকখ্রে। মরক অসিদা ঐখোয়না ৱাফম কয়া নৈনখ্রে। মালেমগী লাইচৎ লাকপদগী মীয়াম পুম্বা অৱা চৈথেং নংনরে; মরম অসিনা হিরম অসিদা খরা হেন্না নৈনবা হায়বসি মশানা তাবনি; অদুবু হন্দক মরক্তি মীয়ামনা ৱাফম অমা তত্তনা শোন্নরি, মদুদি “চহি অসি করম্বা মতমদা লোইখিগনি!” মরূপ মশেল ফোন্দা ৱারী শানবদসু হৌবদগী হৌনা হায়নরি “মসিগী চহি অসি থুনা লোইখ্রিদ্রিবা করিগীনো?” কনানা মরূপশিংদা ইরি চহি অসি ফত্তে। কনানা হায়রি ইং ২০২০ অসি অফবা চহি নত্তে। তশেংনা হায়রবদা মীপুম খুদিংমক্না চহি অসি থুনা লোয়খিবা পাম্নরি।

মরূপশিং, মরক মরক্তা ঐনসু খল্লি মসিবু করিগীনো! ঙাংনরিবশিং অসি মরম খরদি লৈ। থা ৬-৭কী মমাংদদি কোরোনাগী অৱাবা অসি লাক্কনি অদুগা মসিগা লান্থেংনরিবা অসি কুইনা চংগনি কনানা খঙগনি, অৱাবা অসিমদি লৈরে অদুগী মথক্তা লৈবাক অসিদা নুমিৎ খুদিংগী শিংনবা কয়া লাক্লি। নুমিৎ খরনিগী মমাংদা লৈবাক্কী নোংপোক থংবা সমুদ্র খোংবান্দা সাইক্লোন অম্ফান লাকখ্রে, নোংচুপ থংবা খোংবান্দনা সাইক্লোন নিসর্গ লাকখ্রে। স্তেৎ কয়া অমদা লৌমী ইচিল ইনাও, ইচে ইচলশিংবু কৌজেংনা লান্দারক্তুনা অৱাবা নংহনখি। অসিদসু নত্তনা লৈবাক্কী মফম কয়াদা য়ুহা মতেক মতেক হারি। ময়াম অসিগী মথক্তা য়ুমলোন্নবা লৈবাকশিংনা শিংনরক্লিবা কয়া অমনি, পুম্নমক লৈবাক অসিনা মায়োক্নরি। তশেংনমক মতম অমত্তদা অৱা অনা অশুক য়াম্না লাকপসিদি মমাংদা অমুক্তা তৌখ্রিদ্রি। অসিদসু নত্তনা অতৈ থৌদোক ৱাথোক মচা মচা কয়া অমসুনি, মীয়াম্না শিংনবা পুম্নমক অসি মায়োক্নরি। মরূপশিং, অৱাবা খুদোংথিবা কয়া লাক্লি অদুবু হংনীংলিবা ৱাফমদি ময়াম অসিনা মরম ওইরগা ইং ২০২০ অসিবু ফত্তবা চহিনি হায়রগদ্র? থা তরুক অমদি অসুম্না হৌখ্রে, চহি চুপ্পা অসুম্না অসুম লেল্লদ্র অসুম্বা খনবা অসি চুম্লিব্রা? নত্তে ঐগী নুংশিরবা ইরৈবাকচাশিং, অসুম্না খনগদবা নত্তে। চহি অমদা শিংনবা অমা লাক্লবসু, শিংনবা য়াঙ্খৈ লাক্লবসু য়াম্লবসু য়ামদ্রবস চহিদু ফত্তবা চহিনি হায়না লৌবদি য়ারোই। ভারতকী পুৱারীদা খুদোংথিবা শিংনবা কয়াবু ঙমদুনা হেন্না মঙাল ঙানখিবগী ৱারী লৈরিবনি। চহি চা কয়া ভারত অসিবু তোঙান তোঙানবা অকি তুজুং পোকহনবা কয়ানা লান্দারকখি: অৱাবা কয়া তাহনখি: মীয়াম্না ভারতকী শক্তম কাইরগনি: চৎনা লোনচৎ মুৎলগনি: হায়না পাখৎনখি। অদুবু অৱাবা খুদোংথিবা কয়া অসিনা ভারতকী শক্তম অমুক্কা হেন্না মঙাল নাইহল্লক্লি। 

মরূপশিং, ঐখোয়না হায়নৈ- ‘শেম্বা হায়বসি লেংদ্রবনি…. শেম্বা হায়বসি লেপ্পা নাইদে’। ঐনা ঈশৈ অমগী পরেং খরা নীংশিল্লক্লে।

ত্রোং ত্রোং, চ্রোক চ্রোক চেন্থরিবা গঙ্গাগী ইচেলনা করি হায়রি?

চহি চা কয়াদগী চেন্থরক্লিবা, পুন্সিগী মশক ওইরবা ইচেলনি।

মখা তানা অসুম্না শক্লি

মাবু কনানা থিংবা ঙমগনি,হোৎনরুবা পুম্নকসু লোয়না মুৎখ্রনি,

নুং লৈঙোইগুম্বনা মাগী লম্বী করম্না থিংবা ঙমগনি।

ভারত্তা অচৌবা অৱাবা খুদোংথিবা কয়া লাকখ্রে; চৎখ্রে, অৱাবা খুদোংথিবা কয়াবু নমহৎলদুনা অনৌবা কয়া শেমগৎখ্রে। অনৌবা সহিত্য কয়া ইখ্রে, অনৌবা কয়াসু থিজিনখ্রে, অনৌবা ৱাখল্লোন কয়াসু পুথোকখ্রে। মসিনা তাকপদি অৱাবগী মতম অসিদা হিরম খুদিংদা শেম্বগী থবক চত্থরি লোয়ননা ঐখোয়গী চৎন-লোনচৎ অসি অনৌবা ময়োল চোংদুনা মশা মরেং ফন্দোরক্লি। ভারতনা মতম লৈবা খিবিক্তা অৱাবা খুদোংথিববু মাই পাকপগী কৈরাক ওইনা ওন্থোক্লি। ৱাখল্লোন অসিগা লোয়ননা ঐখোয়না ঙসিসু অৱাবা খুদোংথিবশিং অসিগী মরক্তা মাংদা চংশিনগদৌরিবনি। অদোমসু ৱাখল্লোন অসিগা লোয়ননা মাংদা চংশিল্লবদি লৈবাক অসিগী মীয়াম কোতি ১৩০না মাংদা চংশিল্লদি চহি অসিদা লৈবাক অসিগী অনৌবা মিংচৎ পুরকপা চহি ওইরগনি। চহি অসিদা লৈআবক অসিনা অনৌবা পান্দম ফংবা ঙমগনি, অনৌবা মায়োন্দা পাইবা ঙমগনি, অনৌবা অওনবা মিংচৎ ফংবা ঙমগনি। ঐহাক্না ইরৈচা কোতি ১৩০গী তৌবা ঙম্বা মীয়াম পুম্নমক্তা অমদি লৈবাক অসিগী ময়ামদগী থোইদোক হেন্দোকপা চৎনবী অসিবু থাজৈ। 

ঐগী নুংশিরবা ইরৈবাকচাশিং, ঐখোয়না ফনা য়াম্না ৱারবসু খুদোং থিরবসু ভারতকী চৎন-লোনচৎ ওইজবা থিদবা ৱাখল্লোন অসিনা মীয়ামগী মতেং পাংবগী ইথিল পীরে। অৱাবা তারবা মতম অসিদসু ভারতনা মালেমগী মতেং পীরি মসিনা ঙসি মারা তপ্পা অমসুং চাউখৎপগী খোংজেলদা ভারতনা লৌরিবা থৌদাংবু অমুকম হন্না কনখৎহল্লে। মরক অসিদা ভারতনা মালেম পুম্বগী মরূপ ওইবগী ৱাখল্লোন অসিবু মালেম্না শকখঙলি মসিদা নত্তনা মনুং মপাল ফাওনা ৱাংনা খনবা ৱাখল্লোন অমদি মশাগী ঙমখৈ ঙাকপগী ভারতকী থৌনা অমসুং ভারতকী কত্থোকপগী শক্তম্বুসু উবা ফংলি। লদাখতা ভারতকী লমদা মীৎয়েং চংবশিংদা অকনবা পাউখুম পীখ্রে। ভারতনা মরূপকী থৌদাং পাংথোকপসু খঙই লোয়ননা য়েংলকপা মীৎয়েংদা মুন্না য়েংদুনা পাউখুম পীবসু হৈ। ঐখোয়গী থৌনা ফরবা লান্মীশিংনং ঊৎখ্রে মখোয়না অমুক হন্না ভারত ইমাগী মিংচৎ থিবা থবক তৌরক্লরোই।  

মরূপশিং, লাদাখতা থৱাই কৎখ্রবা অথৌবা লান্মীশিংগী মফমদা লৈবাক পুম্বনা ইকোক নোন্না খুরুমজরি তৌবীমল খঙবা উৎচরি। লৈবাক পুম্বনা মখোয়গী লমন তোনশিল্লবনি মীয়ামগী মফমদা ইকোক নোনজরি। মরূপশিংদুগী ইমুং মনুংদা মখোয়গা কায়নবদা ফাওবা চৈনাখোলদু ঐখোয়দসু ফাওরি। মখোয়গী থৌনা ফরবা মচাশিংনা কত্থোকপদা মখোয়গী মমা মপা ওইবশিংনা ফাওরিবা চাউথোকচবদু ভারতকীদি থৌনা হাপ্লিবনি। ময়াম্না খঙবীরিবদুনি মচা থৱাই কৎখ্রবা মমা মপা অদুনা মখোয়গী অপোকপা মচাশিং ইমুংগী অঙাংশিংবু লান্মীদা চংহন্নবগী ৱাফম ফোংদোক্লিবদুনি। বিহারগী থৱাই কৎখিবা কুন্দন কুমারগী মপাবুংনা ফোঙদোকখিবা ৱাফমশিংদু নাকোংদা ঙংদুনা লৈরি। মহাক্না মহাক্কী মশুশিং ফাওবা লান্মীদা থাজিনগনি হায়খি। থৌনা ফবগী ৱাখল্লোন অসি লৈবাক অসি থৱাই কৎখিবা ইমুংশিংগী ৱাখল্লোন্নি। তশেংনমক মখোয়গুম্বা অহল লমনশিংগী কত্থোকপা অসি ইকাই খুম্ননীংঙাইনি। ভারত ইমাবু ঙাক শেন্নবগীদমক অচেৎপা ৱাখল্লোন অমগা লোয়ননা থৱাই কৎখিবা পান্দম অদুবু লৈবাক মচা খুদিংমক্কী পুন্সিগী পান্দম ওইগদবনি। লৈবাক্কী ঙমখৈ ঙাক্নবগীদমক লৈবাক্কী থৌনা হেনগৎহনবা লৈবাক অসিবু হেন্না মতিক চাবা ওইহন্নবা ইরোমদোম লেপচবা ওইবা ঙম্বা অসিনা থৱাই কৎখ্রবশিং অদুগী মফমদা অশেংবা কৎচবা নোনজবা ওইগনি। ঐঙোন্দা অসামগী রজনিজীনা ইরকই। নোংপোক লাদাখতা থোকখিবা থৌদোক অদুদগী ঐনা ৱারেপ অমা লৌরে ৱারেপ অদুদি ইরমদমদা শাবা পোত্তমক লৈগনি অসিদসু নত্তনা ইরমদমগীদমক্তা খোলাওসু লাওগনি। অসিগুম্বা পাউজেল অসি লৈবাক্কী মফম কয়াদগী লাক্লি। মখোয় মাইকৈ অশোমদা খোং থাংজিল্লোই হায়বা মীওই কয়ানা ঐঙোন্দা চিথী ইদুনা হায়বীরকই। মতৌ অসুম্না তামিল নাদুগী মদুরাইদগী মোহন রমামুর্তিনা অসুম্না হায়রকই মহাক্না ভারতকী ঙাকশেলগী লমদা ইরোমদোম লেপচবা অদু য়েংবা পাম্মি। 

মরূপশিং, নীংখা তমদ্রিঙৈগী মমাংদা ঐখোয়গী লৈবাক অসি ঙাকশেলগী লমদা মালেমগী লৈবাক কয়া মরক্তা মকোক্তা লৈরম্মি। ঐখোয়গী ওর্দিনান্স ফেক্তরী কয়া লৈরম্মি। মতম অদুদা ঐখোয়গী তুংদা লৈরম্বা লৈবাক কয়া হৌজিক্তি ঐখোয়গী মাংদা লৈখ্রে। নীংতমলবা মতুংদা ঐখোয়গী দিফেন্স সেক্তর অসিদা হোৎনগদবা ঐখোয়গী অরিবা এক্সপরিএন্সশিং অদুগী কান্নবা লৌগদবশিং অদু অমত্তা লৌবা ঙমদ্রে। অদুবু হৌজিক্তি দেফেন্স সেক্তরদা, তেক্নোলোজীগী সেক্তরদা মাংজিল থানবগীদমক ভারতনা কন্না হোৎনরি। ভারতনা ইরোমদোম লেপচনবগী খোংথাং থাংজিনবা হৌরে।

মরূপশিং, করিগুম্বা খোংজং অমত্তা মীয়াম শরুক য়াদনা মাই পাকপা ঙমদে। মরম অসিনা ইরোমদোম লেপচবা ভারতকী মাইকৈদসু নাগরিক অমা ওইনা ঐখোয় পুম্নমক্কী কত্থোকপা অমদি থবক পাংথোকমিন্নবা য়াম্না তঙাই ফদে। অদোম্না লোকেল লৈরবদি মদু লোকেলগীদমক ভোকেলনি। লৈবাক অসিবু মরা চেৎপা লৈবাক অমা ওইননবা অদোমসু শরুক য়ারিবনি। মসিসু লৈবাক্কী সেবা তৌবা মখল অমনি। অদোমনা করিগুম্বা শীনফম অমদা লৈরবসু মফম খুদিংমক্তা লৈবাক্কী সেবা তৌবগী স্কোপ লৈ। লৈবাক্কী তঙাইফদবা অদু খঙনা তৌরিবা অদু লৈবাক্কী সেবানি। অদোমগী সেবা অসিনা লৈবাক অসিবু করিগুম্বা অমা নত্রগা অমদা লৈবাক অসিবু মপাঙ্গল পীরিবনি। মসি ঐখোয়না নীংশিংগদবনি ঐখোয় লৈবাক্না মরা চেৎলবদি মালেমদা মরা তপ্পগী থাজবসু হেন্না হেনগৎকনি। 

হায়নবা লৈ, বিদ্য বিবাদয় ধানম মদায়, শক্তি পরেশান পরিপীর্নায় খলস্য সাদো বিপরীতম এতৎ, ঞ্জানা দানয়চ রক্সনয়।   হায়বদি লমচৎনবু ফত্রবদি মহৈসু মী খৎনবদা মরলসু নাপলদা মথৌনাসু অতোপ্পবু অৱাবা পীবদা শিজিন্নৈ। অদুবু মদুগী ওন্ন-তৈনবদা অফবা মীনা মহৈ অদু লৌশিংগীদমক মরলসু মীগী মতেং পাংনবা অদুগা মথৌনানা মীবু ঙাকপগী থবক্তা শিজিন্নৈ। ভারতনা মাগী মথৌনা অসি ৱাখল্লোন অসিদা শিজিন্নৈ। ভারতকী ৱাশক্তি ভারতকী মশাগী ইকাইখুম্নবা অমদি অচৌবগী শক্তমগী ঙাক-শেনবা। ভারতকী পান্দমদি ইরমদোম লেপচবা ভারত। ভারতকী চৎন-লোনচৎতি থাজবা অমসুং মরূপ ওইবগী মতৌ।  ভারতকী ৱাখল মরূপ ওইবা নুংশিনবা। ঐখোয়না পান্দমশিং অসিগা লোয়ননা চংশিনখিগনি।

ঐগী নুংশিরবা ইরৈবাকচাশিং, কোরোনাগী অৱাবা মনুং অসিদা লৈবাক অসি লোকদাউন্দগী অনলোক ফেজতা মপান থোরক্লে। মসিগী অনলোক মতম অসিদা কনাগুম্বনা ৱাফম অনিদা ফোকস পীরি- কোরোনাবু মাইথিবা পীবা অমসুং শেন্মীৎলোন মপাঙ্গল কনখৎহনবা থৌনা পীবা। মরূপশিং, ঐখোয়না লোকদাউনদগী হেন্না অনলোক্কী মতম অসি চেকশিনগদবনি। অদোমগী চেকশিনবা খক্তনা অদোম্বু কোরোনাদগী ঙাকথোকপা ঙমগনি। মতম লৈবা খিবিক্তা নীংশিংগদবা ৱাফম অমনা অদোমনা মাস্ক উপত্রবা গজ অনিগী অরাপ্পা থমদ্রবা নত্রগা অতোপ্পা চেকশিন থৌরাং লৌখৎত্রবদি নহাক নশাদা নত্তনা অতোপ্পাশিংসু খুদোংথিবা নংহনগদৌরিবনি, মরুওইনা য়ুমগী অঙাংশিং, অহলশিং। মরম অদুনা ঐনা ঈরৈবাকচাশিংদা হন্না হন্না হায়জরি চেকশিন্দবা তৌবীগনু ইশাগী অমদি অতোপ্পশিংগীদমক খনবীয়ু।

মরূপশিং, অনলোক্কী মতম অসিদা ভারত্তা চহি কয়াদগী লেপলুরা থবক কয়া অনলোক তৌরি। চহি কয়াদগী ঐখোয়গী মাইলিংগী লম অসি লোকদাউনগী ফিভম,দা লৈম্মি। কম্মের্সিয়ল ওক্সনগী অয়াবা পীবনা ফিভম অসি পুরা অওনবা অমা পুরক্লে। নুমিৎ খরনিগী মমাংদা স্পেসকী লমদসু ইতিহাসিক ওইবা অহোংবা অমা অসিগুম্বা অহোংবা অসিনা চহি কয়া লোকদাউনগী ফিভমদা লৈরম্লবা অসি নীংতম্বা ফংহল্লে। মসিনা ইরোমদোম চেপচনবা ভারতকী খোংজং অসি য়াংহনবদা নত্তনা লৈবাক্কী তেক্নোলোজীদসু খুমাং চাউশিনবা হেনগৎহল্লগনি। ঐখোয়গী লৌউ-শিংউগী লমদা য়েংলুবদা, লম অসিদসু চহি কয়াদগী লোকদাউন তৌদুনা লাক্লি। লম অসিসু অনলোক তৌখ্রে। মসিদগী লৌমীশিংনা মখোয়গী পোত্থোক অদু য়োন্নিংবা মফমদা য়োন্নবগী নীংতমা অদুসু ফংলে লোয়ননা লোনসু ফংবা হেনগৎলে। অসুম্না ঐখোয়গী লৈবাক অসি অৱাবা খুদোংথিবা মরক্তা অনৌবা ৱারেপ কয়ানা চাউখৎপগী অনৌবা লম্বী য়াৎলরে।

ঐগী নুংশিজরবা ইরৈবাকচাশিং,থা খুদিংগী ঐখোয়না পাউ পারগা তারগা কপনীংবা ফাওহল্লি। মসিনা ঐখোয়বু ৱাফম অসি নীংশিংহল্লি মতৌ  করম্না ভারত মচা ঐখোয়না অমনা অমগীদমক মতেং পাংনবা শেম শারি, মহাক্না তৌবা ঙম্বা থবকপু তৌনবগীদমক হোৎনরি।

অরুনাচল প্রদেশকী খুঙ্গং অমগী ৱারী ঐহাক্না মীদিয়াদা থেংন্দুনা পাখি। মফম অসিগী সিবাং জিলাগী মিরেম খুঙ্গংনা অঙকপা থবক অমা পাঙথোকপদগী ভারত পুম্বনা মদু মতৌ তম্নরে। খুঙ্গং অসিগী মী কয়া মপানদা থবক ইংখাং তৌদুনা লৈ। কোরোনা লায়চৎ লাকপদগী, মীয়াম অদু খুঙ্গংদা হন্নরক্লে। মসিদা খুঙ্গংগী মীওইশিংনা হান্নদগী হৌনা খুঙ্গংগী ৱাংমদা ক্বারেন্তাইন তৌনবগী ৱারেপ লৌনখ্রবনি। মখোয়না খুঙ্গংদগী খরা লাপনা মতম খরাগী ওইবা খাংপোকশঙ ১৪ শারে, মখোয়না খুঙ্গংগী মীশিংনা হল্লক্লবদা নুমিৎ ১৪নি ক্বারেন্তাইন তৌদুনা মফম অদুদা থমগনি। খাংপোকশঙ অদুদা তোইলেৎ, মৈ, ঈশিং য়াওনা নোংমদা চংদ্রবা য়াদবা পোৎলমশিং ফংহল্লে। মীরেম খুঙ্গংগী মীওইশিংগী হোৎনবা অমদি অশানবা ৱাখল্লোননা মীয়ামগী পুক্নিং চিংশিল্লি।

মরূপশিং, ঐখোয়গীসিদা হায়নবা লৈ-

সমবাহওনা: নজাতিতেভা, সধু অপ্রদতোপি সন

করপোর: পাৱক সপ্রিশতা: সোরভম লনতেত্রামা ||

হায়বসি, করপুর অসিনা মৈদা ঙৌরবসু মাগী নুংশিবা মনম কোক্তবগুম অফবা মীগী মগুন অৱাবা তারবা মতমদসু মাংবা লৈতে। ঐখোয়গী লৈবাক অসিগী শিন্মী ইচিন-ইনাওশিং অসি মসিগী মীৎনা উবা খুদম অমা ওইরে। হন্দক ঐখোয়না মাইগ্রেন্ত ৱার্কর কয়াগী পুক্নিং থৌগৎনীংঙাই ওইবা ৱারী কয়া পারে। য়ু.পি.গী বারাবঙ্কিগী য়ুমদা হল্লক্লবা শিন্মীশিংনা কল্যানি তুরেলগী মহৌশাগী ওইবা মশক অদুবু অমুক হন্না হল্লহন্নবগীদম থবক তৌবা হৌখ্রে।  তুরেল অদু শেংদোকপগী থবক উবদা অকোয়বগী লৌমীশিং অমসুং মীয়াম থোইদোকনা হরাওনরে। খুঙ্গংদা হল্লক্লবা মতুংদা ক্বারেন্তাইন সেন্তর, আইসোলেসন সেন্তরদা লৈনা-লৈনা ঐখোয়গী শিন্মী ইচিন ইনাওশিং মখোয়গী হৈশিংবা অদু শিজিন্নদুনা অকোয়বগী ফিভমবু হোংদোক্নবা হোৎনরিবা অসি ওন্থোক্না মমল য়ামখ্রে! ঐখোয়গী লৈবাক অসিদা অসিগুম্বা ৱারী কয়া ঐখোয় য়ৌরক্তবা লৈরমখিগনি।

অসিগুম্বা থবক কয়া ময়ামগী অকোয়বদা শোইদনা পাঙথোক্লগনি হায়বা ঐহাক্না থাজৈ। করিগুম্বা ময়াম্না অসিগুম্বা থবক অসি থেংনবিরবদি ঐঙোন্দা শোইদনা ইবীরকউ। অৱাবা তারবা মতম অসিদা অসিগুম্বা থৌদোক, ৱারী, থবকশিং অসিনা কনাগুম্বদসু থৌনা হাপকনি।

নুংশিরবা ইরৈপাকচাশিং, কোরোনাভাইরস অসিনা ঐখোয়গী পুন্সি মহিংদা অহোংবা কয়া অমা থোরক্লে। লনদনদা ফোঙবা ফাইনান্সিএল তাইমসতা ঐনা য়াম্না নুঙাইবা আর্তিকল অমা পাখি। মদুদা ইরিবদি কোরোনাগী মতাংদা শীং,য়াইঙং অমসুং অতোপ্পা মরু মরাংশিং অসি এসিয়াদতা নত্তনা এমেরিকাদসু হেন্না পাম্নরক্লে। মালেম পুম্বনা হৌজিক পুক্নিং চংলিবা অসি ইম্ম্যুনিতী হেনগৎহনবা অসিদনি, ইম্ম্যুনিতী হেনগৎহনবা অসিগুম্বা পোৎশিং অসি ঐখোয়গী লৈবাক্কা অমুক মরী লৈনরি। ঐখোয়না অসিগুম্বা কান্নবা অসি অচম্বা অমসুং অরাইবা লোনদা মালেমগী মীয়ামদা লাইনা খঙহন্নবা হোৎনগদবনি, হেদিয়র প্লানেৎ অমা শেম্বদা ঐখোয়গী থৌদাং লৌরসি।

নুংশিরবা ইরৈপাকচাশিং, কোরোনাগী অৱাবা চৈথেং অসি লাক্লমদ্রবদি, ঐখোয়না পুন্সি হায়বা অসি করিনো? পুন্সি অসি করিগীদমক্নো? পুন্সি অসি করম্না তৌই হায়বা ৱাফমশিং অসি নীংশিংলমদবা য়াই! মীওই কয়া অমা মসিনা মরম ওইরগা থৱায় ৱানা লৈরি। অদুগা তোপ্পা খরানা লোকদাউনগী মনুং অসিদা মতৌ করম্না নুঙাইনা লৈনবা হোৎনগে হায়বা অদু ঐঙোন্দি শিয়র তৌরক্লি। মীওই কয়া অমনা ইমুং-মনুং পুন্না লৈমিন্দুনা ইন্দোর গেম শান্নমিন্নবগী নুঙাইরবা ৱারী পাউদমলকই।

মরূপশিং, ঐখোয়গী লৈবাক্কী অসিগী ওইবা নাৎকী ওইবা মশান্না কয়া অমা লৈ। খুদম ওইনা, ময়াম “পচিসী” হায়বা মশান্না অসি তারম্লগনি। মশান্না অসি তামিল নাদুনা “পল্লানগুদি”, কর্নাতকাদা “এলি গুলি মানে” অমসুং অন্ধ্র প্রদেশতনা “ৱামন গুন্তলু” হায়না খঙনৈ। মশান্না অসি মখল অমগী স্ত্রেতিজি গেমনি, মসিদা বোর্দ অমা শীজিন্নৈ মসিদা পোলাংগী মওং ওইনা তৌবা কয়া য়াওগনি মদুদা য়াওবা মরুশিং অদু শান্নরোইশিংনা লৌখৎকদবনি। হায়নবা লৈ মশান্না অসি খা ভারত্তগী খা-নোংপোক এসিয়া অদুগা অমুক মালেম পুম্বদা শন্দোক্কনি।

মরূপশিং হৌজিক্কী মতম অসিদা অঙাং পুম্নমক্না লিন অমসুং কৈরাক্কী মশান্নগী মরমদা খঙদ্রি। অদুবু মসি ঐখোয় ভারককী নাৎকী ওইবা মশান্ননি হায়বা অদোম খঙবিরবা, মসি “মোকশা পতম” নত্রগা “পরমপাদম” হায়না খঙনৈ। ঐখোয়গী অরিবা মশান্না “গুত্তা” হায়বা অমসু লৈ। মশান্না অসি অঙাং অহল পুম্নমক্না শানৈ, মসিগীদমক চাউবা মান্নবা নুং মঙাখক চংঙি অমসুং ঙাইখো! মসি লৈরবদি অদোম গুত্তা শানবা য়ারগনি! মসিগীদমক অদোমনা নুঙ অমা লংখৎকনি অমসুং মদুনা তারক্ত্রিঙৈদা লেমহৌরিবা নুঙশিং অদু লৈবাক্তগী লৌখৎকনি। ঐখোয়গী পুন্সিদা মরু ওইনা ইন্দোর গেমগীদমক পোৎলম কয়া চংদে। চোক নত্রগা নুঙনা লৈবাক্তা লৈয়ি খরা চিংলগসু শান্নবা হেক্তা য়াই! দাইসকী মথৌ তাবা মতমদসু উতোং লৈ অমসুং মংগে মরু শীজিন্নবা য়াই।

মরূপশিং, ঐগী ৱাফমশিং অসি তাবদা মীওই কয়া অমদি মখোয়না অঙাং ওইরিঙৈগী মতম অদু শুকশোই শোইদনা নীংশিংলমগনি! ঐনা হায়জনীংবদি ময়াম্না মতম অদুবু করিগীদমক কাওথোকপিরিবনো?  মতম অদুগী মশান্নশিং অদুবু করিগীদমক কাওথোকপিরিবনো? ঐহাক্না য়ুমদা লৈবা মপু-মবেলশিংদা হায়জনীংবদি, অদোমনা মশান্নশিং অসি অনৌবা মীরোলশিংদা তাকপিদ্রবদি কনানা তাকপিগনি? ওনলাইনগী মতেংনা লাইরিক তৌবগী মতাং লাক্লবনিনা, ইন্তর্নেৎ দেতা বেলেন্স লৈহন্ননবা ওনলাইনদা শান্না তোকহন্ননবা থাইনগী মশান্না অসি তম্বীবা তাই। ঐখোয়গী নহারোলশিংগীদমক ঐখোয়গী স্তার্ত-অপশিংগীদমক মসি অনৌবা খুদোংচাবা অমনি অমসুং মসি য়াম্না ফবা তাঞ্জা অমনি। 

ঐখোয়না ঐখোয়গী নাৎকী ওইনা মশান্নশিং অসিবু অনৌবা অমসুং হেন্না পুক্নিং চিংশিন্নিঙাই ওইবা মওংদা পুথোক্লসি। মসিদা চংবা মচাকশিং অসি খোমজিনবদা অমসুং সপ্লাই তৌবদা ঐখোয়গী স্তার্ত-অপশিং অসি মমিং চৎহনগনি, ঐখোয়না কাওরোইদবদি, ঐখোয়গী ভারতকী মশান্নশিং অসি লোকেলনি মদু ঐখোয়না লোকেলগীদমক ভোকেল ওইগনি হায়না হান্ননা ৱাশকখ্রে। ঐহাক্না অঙাং খুদিংমক্তা হায়জখ্রে, মতম খজিক্তং ফংবা মতমদা নাখোয়গী ইমা বাবাদগী মোবাইল লৌরগা ইপু-ইবেল নত্রগা য়ুমদা লৈবা অহল অমগী ইন্তর্ভ্যু রেকোর্দ তৌরো! নখোয়না তি.ভি.দা পাউমীশিংনা করম্না ইন্তর্ভ্যু লৌগে হায়বা অদু উরম্লগনি, অদুগা মান্নবা ইন্তর্ভ্যু তদুনা মোবাইলদা রেকোর্দ তৌ! অমসুং নহাক্না মখোয়দা করি করম্বা ৱাহংশিং হংগনি? মখোয়দা হংগদবা ৱাহংগী মতাংদা ঐহাক্না খজিক্তং হায়গে।

মখোয়না অঙাং ওইরিঙৈদা লৈরকপগী মতৌ হংলো, মখোয়না করি মশান্না শানৈ, মরক-মরক্তা লীলা য়েংবরা? শিনেমা য়েংবা চৎপরা? ছুতি থাবা মতমদা ইমাগী মপামদা চৎপরা? লৌবুক্তা কোইবরা? কুম্মৈ মতৌ করম্না পাঙথোকই?  হায়বনচিংবা ৱাহং কয়া হংবা য়াই। মখোয়না মখোয়গী পুন্সিগী চহি নিফু য়াংখৈগী খরানা হুমফু মমাংগী ৱারী অদু নীংশিংবদা য়াম্না নুংঙাইবা ফাওগনি! নখোয়সু চহি নিফু য়াংখৈগী মমাংদা ঐখোয়গী লৈবাক অসি করম হায়না তৌরম্মি? নখোয়গী লৈকাই করম তৌরম্মি হায়বা ৱাফম কয়া লাইনা খঙবা ঙমগনি। নখোয় য়াম্না নুংঙাইগনি অমসুং অদোমনা শেমগদৌরিবা ভিদিও অদু য়ুমগী মমল য়াম্লবা পুখৈ অমা ওইনা লৈহৌগদৌরিবনি!

মরূপশিং. ওতোবাইওগ্রাফী নত্রগা বাইওগ্রাফী অসি পুৱারী অচুম্বা খঙনবগী পাম্বৈ অমনি হায়বা অসি য়াম্না চুম্লবা ৱাফম অমনি। নখোয়না নখোয়গী অহল লমনগা ৱারী শান্নরবদি মখোয়গী মতমগী ৱারী কয়া, মখোয়না অঙাং ওইরিঙৈ অমসুং ইনখৎলকপা মতমগী ৱাফম কয়া লাইনা খঙবা ঙমগনি। অহলশিংসু মখোয়গী মতমগী ৱারী অঙাংশিংদা লীজনবগী য়াম্না ফবা তাঞ্জা অমা ফংজগনি।

মরূপশিং, লৈবাক্কী শরুক অয়াম্বদা কুমগী নোং লাক্লে, কুমশি অসি নোংগী মতাং অসিদা অখঙ-অহৈশিংনা থাজবা থম্লি। নোং ফজনা চুরবদি ঐখোয়গী লৌমীশিংগী মহৈ মরোংশিং ফরগনি, অকোয়বসু অশং-অমান্না থল্লগনি। নোংগী মতমদা মহৌশাসু মশা মথন্তা রেজুভনেৎ তৌহল্লি।  মীওইবনা মহৌশাগী পোৎ শীজিন্নখিবা অদু নোং চুবা মতমদা মহৌশানা মদুবু অমুক রিফিল তৌজৈ। অদুবু রিফিল তৌবা অসিদা ঐখোয়না ঐখোয়গী থৌদাং য়াদুনা মালেম ইমাগী মতেং পাংলবা মতমদা ওইথোকপা য়াগদৌরিবনি। ঐখোয়না খজিক্তং হোৎনবনা মহৌশা অমসুং অকোয়বদা চাউনা মতেং পাংগদৌরিবনি। ঐখোয়গী লৈবাক অসিগী মীওই কয়া লম অসিদা অচৌবা থৌদাং কয়া লোরি।  

কর্নাতকাগী মন্দবলীদা চহি ৮০-৮৫ মুক শুরবা কামেগোদা কৌবা  অহল অমা লৈ। কামেগোদাজি ইচম চম্বা লৌমী অমনি অদুবু মহাক্কী মওং মতৌদি ইচম চমদে। মহাক্না তৌবা থবক অমখক উবদা ঙকলোইদবা মী অমত্তা লৈরোই! চহি ৮০-৮৫শুরবা কামেগোদাজিনা মহাক্কী য়ুমদা য়োকপা শাশিংবু শজিক চাবা পুইথোকই মসিগা লোয়ননা মহাক্না মখোয়গী লম অদুদা অপিকপা পুখ্রি তৌবগী থবকসু পাইখৎলি। মহাক্না মখোয়গী লম অদুদা ঈশিংগি অৱাবা কোকহন্নিংদুনা ঈশিং য়োকশন্নবগীদমক পুখ্রি মচা-মচা তৌবগী থবক পাইখৎলি। চহি ৮০-৮৫শুরবা কামেগোদাজিনা হৌজিক ফাওবদা পুখ্রি ১৬ তৌখ্রে, মহাক্না তৌরিবা পুখ্রি অসি য়াম্না চাউরমদবা য়াই অদুবু মহাক্কী হোৎনজমন অসিদি য়াম্না চাউই। ঙসি মখোয়গী লম অসিদা পুখ্রিশিং অসিনা অনৌবা মপোক অমা পীবিরে।

মরূপশিং, গুজরাৎকী বদোদরাদসু য়াম্না ঙাকপা পুক্নিং থৌগৎনীংঙাই ওইবা খুদম অমা লৈরে। মফম অসিদা দিস্ত্রিক্ত এদমিনিস্ত্রেসন অমসুং মফম অদুগী মীয়ামগা পুল্লগা য়াম্না অফবা থবক অমা পাইখৎলে। থবক অসিনা মরম ওইরগা হৌজিক বদোদরাগী স্কুল লিশিং অমদা নোংগী ঈশিং য়োকশিল্লি। মসিনা মরম ওইরগা চহি খুদিং চাউরাক্না লেম্না মাংখিদৌরবা ঈশিং লিতর কোতি ১০ য়োকশিনবা ঙম্লে হায়না পান্নরি।

মরূপশিং, হন্দকী নোংজু থা অসিদা ঐখোয়সু ঐখোয়গী মহৌশা অমসুং অকোয়বগী ফিভমগীদমক করিগুম্বা খরা পাংথোক্লসি হায়না খল্লসি। মফম কয়াদা গনেশ চতুর্থি পাঙথোক্নবগী থৌরাং হৌরে। ঐখোয়না ইকো-ফ্রেন্দলি ওইবা গনরশকি মীতম শারগা লাৎনবা হোৎনরসি। ঐখোয়না ঈশিংদা থাদখ্রবা মতুংদা ঈশিং অমসুং অদুদা লৈবা থৱায় পানবা জিবশিংদা শোকহনগদবা মীতমশিংদগী ঙাকথোকপা ঙম্লোইদ্রা? ময়াম অসি শোইদনা ঙমগনি হায়না ঐহাক্না শোইদনা থাজৈ। ময়াম অসিগা লোয়ননা ঐখোয়না কাওরোইদবা ৱাফম অমনা নোংজু থা লাকপা মতমদা লায়না কয়া লাকই। কোরোনাগী মতম অসিদা ঐখোয়নসু মখোয়দগী ঙাকথোক্নবা হোৎনরসি। অয়ুর্ভেদাগী হীদাক, য়ুমদা শেম্বা হীদাক, ঈশিং অশাবনচিংবা শীজিন্নদুনা হকচাং ফনা লৈবীয়ু।

ঐগী নুংশিরবা ইরৈবাকচাশিং, ঙসি জুন ২৮ অসিদা, ঐহাক্না ঐখোয়গী হান্নগী প্রধান মন্ত্রী অমদা ইকাই খুম্নবা উ*ৎচরি, মহাক অদু লৈবাক অসিগী য়াম্না লুরবা তানফম অমদা লৈবাক অসিবু লুচিংবীরম্বা মীশক অমনি। লুচিংবা অদু কনাসু নত্তে হান্নগী প্রধান মন্ত্রী শ্রী পি.ভি. নরাসিমহা রাও জিনি। ঙসি অসিদগী মহাক্কী চহি চামা শুবগী মপোক্কী চহি হৌরগনি। ঐখোয়না পি.ভি. নরাসিমহা রাওবু প্রধান মন্ত্রী অমখক্তা ওইনা নীংশিংলি অদুবু মহাক লোন মশিং য়াম্না খঙবা মীশক অমসুনি! ভারত অমসুং মপালগী লোল কয়া ঙাংবা ঙম্মি অমরোমদা মহাক ভারতকী মরমদা মমুৎ তানা খঙবা মীওই অমনি; অদুগা অমরোমদনা অমুক নোংচুপরোমগী সহিত্যা অমসুং ঞ্জান ফজনা লৈবা মীওই অমনি।

মহাক ভারতকী য়াম্না হৈশিংবা ঞ্জান তাবা লুচিংবা অমনি। ঐখোয়না খঙফম থোকপা মহাক্কী মরমদা ৱাফম অমা লৈ। মরূপশিং নহা ওইরিঙৈ ইনখৎলকপা মতমদা নরাসিমহা রাওনা নীংতম ইহৌদা শরুক য়াখি অমসুং হাইদ্রবাদকী নিজামনা ভন্দে মাতরম শকপা অয়াবা পীদবগীদমক ইহৌ হৌবা মহাকসু শরুক য়াখি, মতম অদুদা মহাক চহি তরাতরেৎ খক্তমক ঙাইরি। চহি নৌরিঙৈদগী হৌনা শ্রীমান নরাসিমহা রাওনা অরানবগী মায়োক্তা লৈখি। নরাসিমহা রাও পুৱারীবুসু মমুৎ তানা খঙবা মীওই অমনি। য়াম্না চম্বা ফিভমদগী হৌরক্লগা চাউরকপা, মহৈ মশিং ইন্থিনা হৈবা, হৈনীংবা খঙনীংবা মতৌ পুম্নমক অসিগী মথক্তা লুচিংবা অমা ওইবদা মতিক চাবা ময়াম পুম্নমক অসি ঐখোয়না কাওবা লৈররোইদবা ৱাফম অমনি। ঐহাক্না হায়জনীংবদি নরাসিমহা রাওগী চহি চামা শুবগী নুমিৎ অসিদা ময়াম্না মহাক্কী পুন্সি অমসুং ৱাখল্লোন য়ারিবা মখৈ খঙবিনবা হোৎনবীয়ু। ঐহাক্না অমুক্কা হন্না মহাক্কী মফমদা ইকাই খুম্নবা  উৎচরি।

নুংশিরবা ইরৈবাকচাশিং, হন্দক্কী ‘মন কি বাত’অসিদা হিরম কয়াদা ৱারী শানরে। মথং অমুক উন্নবদা হিরম কয়াদা অমুক ৱারী শান্নরসি। ময়াম্না ময়ামগী পাউজেল অমসুং অনৌবা ৱাখল্লোল কয়া শোইদনা থাবিরকউ। ঐখোয় ময়াম পুল্লগা মাংলোমদা চংশিল্লসি, লাক্কদৌরিবা নুমিৎশিং অসি হেন্না মপুং ফাবা অফবা ওইহল্লসি। ঙসি ঐহাক্না হৌখৎলকপদসু হায়জখিবা অদুনি, হন্দক্কী চহি হায়বদি ২০২০ অসিগী মনুংদা হেন্না চাউখৎপা, অফবা ওইহন্দুনা মাংলোমদা চংশিন্দুনা লৈবাক অসি হেন্না অৱাংবা থক্তা পুরকপা ঙমগনি। ঐহাক্না থাজৈ চহি ২০২০ অসিনা ভারতপু চহি তরা অসিগী মনুংদা  অনৌবা মাইকৈ অমদা পুবগী চহি অমা ওইগদৌরিবনি। থাজবা অসিগা লোয়ননা ময়ামসু মাংলোমদা চংশিনবীয়ু, হকচাং ফনা নাদা য়েক্তনা লৈবীয়ু, য়াইফ-পাউজেল অসিগা লোয়ননা ময়ামবু হন্না-হন্না থাগৎচরি। খুরুমজরি!

ঐগী নুংশিজরবা ইরৈবাকচাশিং, মহৌশাদি মন কী বাত্তা হিরম কয়াগী মতাংদা ঙাংদুনা লাকই অদুবু ঙসিদি লৈবাক অমদি মালেম পুম্বদা মালেমগী লাইচৎ কোরোনাদগী নাথৈবা অৱাবা খুদোংথিশিং অসি নত্তবা অমত্তা খন্দরে। মতাংসিদা ঐহাক্না অতোপ্পা হিরমদা ৱা ঙাংবা হায়বসি মতাং চাদ্রে। অতোপ্পা মরুওইবা ৱাফম কয়াবুদি লৈখ্রে অদুবু ঐগী থম্মোইনদি লাইচৎ অসিগী মরমদা ৱাফম খরা থমজগে। অদুবু ইহান হান্না ঐনা ঐগী ইরৈবাকচাশিংদা ঙাকপীয়ু হায়জরি। ঐগী থম্মোইনদি খঞ্জৈ ময়াম্না ঐবু ঙাকপীগনি। অদুবু তৌদবা য়াদবা লৌখৎতবা য়াদবা খোংথাং খরনা ময়াম্বু খুদোং চাদবা থোকহল্লে। ময়াম্না খল্লমগনি কয়াদা ফৎখিদ্রবা প্রধান মন্ত্রীনো, য়াম্লবা মীয়াম ঐখোয়বু অৱাবা খুদোংথিবদা তাহল্লিবা অসিবু। থোইদোক্না মখোয়দুগী মফমদা ঙাকপীয়ু হায়জরি। মী ময়াম অমনসু মখোয়বু মপান্দা থোকহন্দবগীদমক্তা শাউরমগনি খল্লি। ঐ ময়ামগী অৱাবা খঙজৈ অদুবু ভারতকী মীয়াম কোতি ১৩০ অসিবু কোরোনাদগী ঙাকথোক্নবগীদমক্তদি খোংথাং অসি নত্ত্রবদি পাম্বৈ শুকলৈ লৈতে। কোরোনাগী মায়োক্তা শোক্নরিবা লান অসি শিবা নত্ত্রগা চংবনি। লান অসি ঐখোয়না ঙম্বা তাবনি অদুবু খোংথাং অসি লৌখৎত্রবদি ওইথোকপা ঙম্লোই। অদোম অমসুং অদোমগী ইমুংবু শোইদ ঙামদনা লৈহনবদুনি। ঐনা অমুক্কা হন্না খুদোং চাদবা অসিগীদমক ঙাকপীনবা হায়জরি। মরূপশিং, ঐখোয়না হায়নবা অমা লৈ অনাবা অমদি লাইচৎ অসি হৌরকপদা থিংহৌগদবনি। লাইনা অদুনা লুশিল্লক্লবা মতমদদি লাইয়েংবসি ৱাই। ভারত পুম্বদা হায়নরি ঙসিদি মালেম পুম্বসি কোরোনা ভাইরসনা কোন্সিনখ্রে। মসিনা লাইরিক হৈরবশিং, সাইন্তিস্ত, লাইরবা ইনাক খুনবা, অশোনবা ইনাক খুনবা পুম্নমকপু শিংনরক্লি। মসিনা ঙমখৈ লম অমদি রিতু য়ুগ অমত্তা খায়দ্রি। ভাইরস অসিনা মীওইবা জাতিবু লোইশিন্নবগীদমক হোৎনরক্লি। মরম অসিনা ঐখোয়নসু ভাইরস অসিদগী ঙাকথোক্নবা অমত্তা ওইনা পুন্সিন্দুনা হোৎনবা ফৈ। মীওই খরদি লোকদাউন অসি অতোপ্পগী মতেং পাংবীরিবনি হায়না থল্লি, মদুম্না খনবদি লানগনি। লোকদাউন অসি ইশা অমদি ইমুং মনুংবু কন্ননবগীদমক্তনি। অদোম্না লেমহৌরিবা নুমিৎশিং অসি পুক্নিং তপথনা ঙাইবীয়ু, চিংলিবা লক্ষমন রেখা অসি নান্থোকপীগনু। মরূপশিং, মীওই খরদি আইনবু ইকায় খুম্নৈ অদুগা মীওই খরনা ফিভম অসিবু লুনা লৌদে হায়বা ঐহাক খঙই। অসিগুম্বা মীওইশিংদা হায়জনীংবদি লোকদাউনগী নিয়ম ঙাক্ত্রবদি কোরোনা ভাইরসতগী ঙাকথোকপা লুগনি। মালেমদা নুংঙাইবা পাম্বা মীওই কয়া লৈ, মখোয়দু হৌজিক্তি লোয়না নীংঙমলক্ত্রে। মরূপশিং হায়নবা অমা লৈ, লাইনা চেন্দবা হায়বসি খ্বাইদগী লাইবক ফবা অমনি। মালেমদা খ্বাইদগী নুংঙাইবদি হকচাং ফবনি। নিয়ম থুগায়রিবশিং অসি মখোয় মশাগী পুন্সিবু শিংনরীবনি। মরূপশিং, লান অসিদা য়ুমগী মপান্দা লৈদুনা কোরোনা ভাইরসকা লান্থেংনরীবা লান্মী কয়াসু লৈরি। মখোয়গী ঐখোয়গী মাংজিল থারিবা লান্মীশিংনি। মরু ওইনা নর্স ইচল-ইচেশিং, নর্সকী থবক তৌরিবা ইচিল ইনাও, দোক্তর, পেরামেদিকেল স্তাফশিং অসিনা। কোরোনাবু মায়থিবা পীখ্রবা মরূপশিংগী মতৌ তমগদবনি। হৌখিবা নুমিৎশিংসিদা ঐনা মখোয়গা ফোন্দা ৱারী শানখি, মখোয়গী থৌনা হাপখি, মখোয়গা ৱারী শানবদগী ঐগীসু অনৌবা থৌনা লাকই। ঐনা মখোয়দগী ফংলকপদু মন কী বাত্তা শেয়ার তৌজগে। অহানবদা ঐখোয়দা জোইন্ত তৌগদৌরিবা অসি শ্রী রামাগম্পা তেজা জীনি। মহাক অসি আই.তি. প্রোফেস্নেলনি… মহাক্কী এক্সপরিয়েন্স অদু তারসি

হোয় রাম

রামাগম্পা তেজা: খুরুমজরি

প্রধান মন্ত্রী: খুরুমজরি

রামাগম্পা তেজা: খুরুমজরি খুরুমজরি

প্রধান মন্ত্রী: নহাক কোরোনা ভাইরসকী খুদোংথিবদগী নান্থোরক্লবা মীনি হায়।

রামাগম্পা তেজা: হোয় অচুম্বনি। 

প্রধান মন্ত্রী: ঐ নহাক্না মতৌ করম্না খুদোংথিবা অসিদগী নান্থোরকখিবনো হায়বদুগী মতাংদা খঙনীংই।

রামাগম্পা তেজা: ঐ আই.তি. সেক্তরগী এমপ্লোইনি। থবক্কা মরী লৈননা দুবাইদা মীতিং অমা য়াউবা চৎলুই। মফমদুদা খঙহৌদনা লৌরকপনি। হল্লক্লগা লাইহৌ হৌবা হৌরকখি। নুমিৎ মরিনি-মঙানি লৈরগা দোক্তরনা কোরোনা ভাইরস তেস্ত তৌবা মতমদা পোজিতিব ওইরম্লে। অদুদগী গান্ধী গবর্নমেন্ত হোস্পিতাল হাইদ্রবাদতা এদমিৎ তৌরে। নুমিৎ তরামরিনিগী মতুংদা ফরদুনা দিসচার্জ তৌরে। খরদি কিবা পোকখি।

প্রধান মন্ত্রী: হায়বদি নহাক ইনফেক্সন ওইরে হায়বদুরা।

রামাগম্পা তেজা: অহোয়।

প্রধান মন্ত্রী: ভায়রস অসি অকীবগী মশক্নি হায়বসি হান্ননা খঙলমগনি। মদুদা অমুক্কা হেন্না থৱাই ৱারমগনি।

রামাগম্পা তেজা: অহোয়।

প্রধান মন্ত্রী: মতমদুদা নহাক্না করি খনখি?

রামাগম্পা তেজা: অহানবদা য়াম্না কীখি। করম হায়না তৌরিবনো হায়না খনবদা খনফম থোকখিদে। মরমদি লাইনা অসি ভারত্তা মী অহুম মরিদি নারবা জাৎনি। মসিগী মরমদা করিসু খঙবা নত্তে। হোস্পিতালদা এদমিৎ তৌরবা মতুংদদি ঐবু ক্বারেনতিন্দা থমখি। নুমিৎ নিনি হুম্নিদি অসুম্না লৈখি।

প্রধান মন্ত্রী: অহোয়।

রামাগম্পা তেজা: মফমদুগী দোক্তর অমসুং নর্সশিং অদু য়াম্না ফৈ। নুমিৎ খুদিংগী ফোন তৌরকই। করিসু তৌরোই হায়না থৌনা হাপলকই। নোংমদা দোক্তর নর্সশিংগা অনিরক অহুমলক ৱারী শান্নৈ। হান্নদি কীরম্মি অদুবু মমৈথংদদি অসুক ফবা মীশিং অসিগা লৈমিন্নরবদবু ঐহাক ফরকখিগনি হায়না খনখি।

প্রধান মন্ত্রী: অদোমগী ইমুং-মনুংগী মীওইশিংগী ৱাখল্লোনদি?

রামাগম্পা তেজা: ঐনা হোস্পিতালদা এদমিৎ তৌবা মতমদুদা ময়াম পুম্নমক য়াম্না নুংঙাইনখিদে। মীদিয়াদগী প্রোব্লেম খরা লাকখি। মখোয়বু তেস্ত তৌবদা নেগতিব ওইরমখি। মসি খ্বাইদগী চাউবা থৌজালনি। মতুংদদি নোংম-নোংমগী ইমপ্রুব তৌবা হৌরকখি।

প্রধান মন্ত্রী: ইশানা অমদি ইমুং-মনুংনা করি-করি চেকশিন থৌরাং লৌখৎখি?

রামাগম্পা তেজা: ইমুং-মনুংগীদি হেক খঙলকপগা ক্বরেন্তিন তৌরে। দোক্তরশিংনা মপান থোক্তনা য়ুমদা লৈদুনা হাউস ক্বরেন্তাইন তৌনবা হায়রকই। মাস্ক লৈনবা হায়রকই, খুৎ হাম্বসি য়াম্না তঙাই ফদে।

প্রধান মন্ত্রী: য়াম্না নুংঙাইজরে রাম। অদোম ফদুনা লাক্লে। অদোম অমদি ইমুং-মনুংবু অমুক হন্না নাদ য়েক্তনবা য়াইফ-পাউজেল পীজরি।

রামাগম্পা তেজা: থাগৎচরি।

প্রধান মন্ত্রী: নহাক আই.তি. প্রোফেস্নেলনি, অদুনা নহাক্কী এক্সপরিয়েন্স অদু ওদিও লৌরগা সোসিয়েল মীদিয়াদা ভাইরেল ওইহল্লু। মীয়াম্না কীদনা মতম চানা লাইয়েংলবদি করম্না হিংবগে হায়বদু খঙননবা।

রামাগম্পা তেজা: হোয়। ঐনা মপান থোরকপদা ক্বরেন্তাইন অসি জেলদা থম্বগুম খন্নরম্মি, মদু নত্তে। মীয়াম্না গবর্নমেন্ত ক্বরেন্তাইন অসি ইশা, ইমুং অমদি লৈবাক্কী খনগদবনি। মতম চানা তেস্ত তৌবা, ক্বরেন্তাইন তৌবা তঙাই ফদে। মসিদা স্তিগমা লৈরোইদবনি। 

প্রধান মন্ত্রী: ফরে রাম। হন্না-হন্না য়াইফ মঙ্গল পীজরি।

রামাগম্পা তেজা: থাগৎচরি, থাগৎচরি।

প্রধান মন্ত্রী: থাগৎচরি ভাইয়া… হায়নিঙাই লৈতনা থাগৎচরি।

রামাগম্পা তেজা: থাগৎচরি।

মরূপশিং, রামনা মঙোন্দা দোক্তরশিংনা হায়রকপা পাউতাক পুম্নমক ঙাকপদগী কোরোনা নারম্বদগী হান্নগী পুন্সিদা হঞ্জিল্লক্লে। কোরোনাবু মায়থিবা পীখিবা মরূপ অমসু ৱারী শাসি। মখোয়গী ইমুং পুম্বা অমদি মচানুপা পাখঙসু ইনফেক্ত তৌরুরবনি। আগ্রাদগী শ্রীমান অশোক কাপুরগা ৱারী শান্নসি।    

প্রধান মন্ত্রী: খুরুমজরি অশোক জী।

অশোক কাপুর: খুরুমজরি অদোমগা ৱারী শাবা ফংবসি লাইবক ফবনি।

প্রধান মন্ত্রী: অদোমগী ইমুং পুম্বা খুদোং থীবা তারবা মতমসিদা ৱারী শানবা ফংজবা ঐহাক্কীসু লাইবক ফবনি।

অশোক কাপুর: জী জী।

প্রধান মন্ত্রী: অদোম্না খুদোংথীবা অসি করম্না থেংনখিবা, ইনফেক্সন ওইরে হায়বসি করম্না খঙলকখিবগে? হোস্পিতালদা কমদৌবা? হায়বদি অদোমগী ৱারীশিং তারগা লৈবাক মীয়ামদা করি হায়গদবা হায়বদু থমজগে।

অশোক কাপুর: শোয়দনা হায়জগে। ঐগী ইচানুপা অনি ইতালীদা চৎখি। মফমদুদা খোংউপকী মেলা তৌই। ঐখোয়গী মফমসিদা খোংউপকী মেনুফেকচরিং ফেক্তরী লৈ।

প্রধান মন্ত্রী: হোয়।

অশোক কাপুর: মখোয়না ইতালীদগী হল্লকপা মতমদুদা

প্রধান মন্ত্রী: হোয়।

অশোক কাপুর: ঐখোয়গী ইয়া নুপাসু চৎলুই। মহাক্তি দিল্লীদা লৈ। মহাক্না মশা খরা নুঙইরক্তবদা রাম মনোহর লোহিয়া হোস্পিতালদা চৎখি।

প্রধান মন্ত্রী: অদুদগীদি

অশোক কাপুর: মখোয়না মহাকপু পোজিতিব ওইরে হায়খি। অদুগা সফদর্জং হোস্পিতালদা শিফ তৌখি।

প্রধান মন্ত্রী: অহোয়।

অশোক কাপুর: ঐখোয়দা ফোন তৌরকই। নখোয়সু মহাক্কা চৎমিন্নরুরবনিনা তেস্ত তৌথোকউ হায়না। ইচানুপা অনি আগ্রা দিস্ত্রিক্ত হোস্পিতালদা তেস্ত তৌবা চৎলে। মখোয়না নখোয়গী ইমুং মনুংসু কৌরকউ হায়বদুদা ঐখোয় লোয়না চৎলে।

প্রধান মন্ত্রী: অহোয়।

অশোক কাপুর: মথংগী নুমিৎতা মখোয়না নখোয়গী ইমুংগী মী তরুক ইচানুপ অনি, ঐগী নুপী, ঐদি চহী ৬৩ শুরে, ইমৌনুপী অদুগা ইশুনুপা চহী ১৬পু পোজিতিব ওইরে হায়না দিল্লীদা চৎনবা হায়রে।

প্রধান মন্ত্রী: হে ইশ্বর।

অশোক কাপুর: অদুবু ঐখোয় কীখিদে। ঐখোয়না হায় খঙদোকপসি ফরে। ঐখোয় দিল্লীদা সফদর্জং হোস্পিতালদা চৎলসি। আগ্রাগী কাংবুনা ঐখোয়বু এম্বুলেন্স অনিদা থাবীরে। পৈশা অমত্তা লৌদে। দোক্তর অমদি এদমিনিস্ত্রেতরগী থৌদাং থাগৎনিঙাইনি। 

প্রধান মন্ত্রী: ময়াম এম্বুলেন্সতা লাক্লে।

অশোক কাপুর: অহোয়। ঐখোয় নোর্মেল ওইনা ফমখি। সফদর্জং হোস্পিতাল ফাওবা দোক্তরশিংসু য়াওই। মফমদুদা দোক্তিশিংনা ঙাইদুনা লৈরম্মি। মখোয়না ঐখোয়বু ৱার্ত্তা পুশিল্লে। ঐখোয় তরুকমকপু তোঙান তোঙানবা কাদা থম্মি। কাশিংদু য়াম্না ফৈ। নুমিৎ ১৪দি হোস্পিতালদা কাদা ইথন ইথন্তা লৈ। দোক্তর অমদি স্তাফশিংদু য়াম্না ফৈ। মখোয়না শেৎলক্লিবা ফীজোলশিংদু উবদা দোক্তররা ৱার্দ বোইরা নর্সলা খঙবা ঙমদে। মখোয়না হায়বদু ঐখোয়না ইনবা। প্রোব্লেম অমত্তা ফাওবা লাকখিদে।

প্রধান মন্ত্রী: অদোমগী সেল্ফ কনফিদেন্স য়াম্না ৱাংই। থাগৎচরি।

অশোক কাপুর: মদুগী মতুংদগীদি সর ঐখোয়বু করিগুম্বা মতমদা করিগুম্বা মফমদা এৱার্নেসকীদমক চৎলু হায়রবসু ঐখোয় মতম পুম্নমক্তা শেম শাজরি।

প্রধান মন্ত্রী: নত্তে, অদোম্না অপাম্বা মওংদা আগ্রাদা পাংথোকপীয়ু। অরাম্বা মী থেংনরবসু পীজবীয়ু, লাইরবশিংগীদমক খনবীয়ু। নিয়মশিং নীংথিনা ঙাকপীয়ু। ঐখোয়গী ইমুং অসি লাইনা অসিনা নারুরবনি অদুবু নিয়মশিং ঙাক্না চৎপদগী ইমুং পুম্বা হিংলকখিবনি। ময়ামসু নিয়ম ঙাক্না চৎলবদি লৈবাক অসি কনবা ঙমগনি হায়না মীয়ামদা ৱাখল তাহনবীয়ু।

অশোক কাপুর: মোদী সর, ঐখোয়না ভিদিও শেম্দুনা তি.ভি. চেনেলশিংদা পীখ্রে।

প্রধান মন্ত্রী: য়াম্না ফৈ।

অশোক কাপুর: চেনেলশিংদসু উৎখ্রে মসিনা মীয়ামদা মাংজৌননা চেকশিনহল্লি।    

প্রধান মন্ত্রী: অদুগা সোসিয়েল মীদিয়াদা য়াম্না পোপুলর ওইহনবা তাই।

অশোক কাপুর: ঐখোয়না লৈজরিবা কোলোনীদু য়াম্না লুবা নানবা কোলোনীনি। ঐনা ময়োমদা হায় ঐ লাক্লে অদুবু কীগনু চিংনবা লৈরগদি তেস্ত তৌথোকপীয়ু। ঐখোয়গা লোয়নবা মীশিংসু তেস্ত তৌথোকপীয়ু।

প্রধান মন্ত্রী: পুম্নমকপু য়াইফ মঙ্গোল পীজরি।

মরূপশিং, ঐহাক্না অশোকজী অমসুং মহাক্কী ইমুং মনুংবু পুন্সি নুংশাংনবা ইশ্বরগী মফমদা নীজরি। মহাক্না হায়খিবা অদুমাইনা হায়বদি ৱাকৎপা অকীবা য়াউদনা মতম চানা খোংথাং লৌখৎপা মতম চানা দোক্তরশিংগা তানবা অমদি মতিক চাবা চেকশিংন থৌরাং লৌখৎপনা লাইছৎ অসিবু মায়থিবা পীবা ঙমগনি। মরূপশিং ঐখোয়না লাইচৎ অসি মেদিকেল গ্রাউন্দা মায়োক্নরি, লান্থেংনরি। মসিগী মরমদা খঙনবগীদমক্তা ফ্রন্তলাইন্দা লৈদুনা লান্থেংনরিবা দোক্তরশিংদগীসু মখোয়না থেংনরকপদু খঙমিন্নসি। মখোয়গী নুমিৎ খুদিংগী থৌদাংদি অনাবশিং অসিগা লোইনবনি। মতাং অসিদা দিল্লীদগী দোক্তর নিতেশ গুপ্তাগা ৱারী মতেক অমতং…

প্রধান মন্ত্রী: নমস্তে নিতেশ জী।

দোক্তর নিতেশ গুপ্তা: নমস্তে সর।

প্রধান মন্ত্রী: নমস্তে নিতেশ জী। অদোমদি লান অসি মাংজিল থানা মায়োক্নরিবনি। হোস্পিতালগী অতৈ দোক্তরশিংগী মুদ করম তৌরিবগে হায়বদু অমুক্তা হায়বীয়ু।

দোক্তর নিতেশ গুপ্তা: ময়াম পুম্নমক্কী মুদ অপদেতনি। অদোমগী য়াইফ মঙ্গল ঐখোয় খুদিংমক্না ফংলি। ঐখোয়না চানবা পোৎলম খুদিং পীজদুনা অদোম্না ফজনা সপোর্ত তৌবীরি। বোর্দরদা লৈরিবা আর্মীগা চপ মান্ননা ঐখোয় হোৎনজরি। ঐখোয়গী পান্দম হায়ববু অনাবনা নাবা ফরগা ময়ুমদা হনখিবনি।

প্রধান মন্ত্রী: অচুম্বমক্নি, হৌজিক অসি লানগা চপ মান্নবা ফিভম্নি। অদুগা অদোম্না লানফম অসি মায়োক্নরীবনি।

দোক্তর নিতেশ গুপ্তা: হোয় সর।

প্রধান মন্ত্রী: লায়েংবগা লোয়ননা পেসেন্তশিং অদুবু কাউন্সেলিংসু তৌবা দরকার লৈরমগনি খল্লি।

দোক্তর নিতেশ গুপ্তা: হোয় মদুনি য়াম্না হেন্না দরকার লৈরিবসি। অনাবশিংসি ঐঙোন্দা তৌরিবসি করিনো হায়না পাখৎনৈ। করিসু তৌরোই নখোয় নুমিৎ ১৪নি লৈরগা ফরগা য়ুমদা হল্লগদবনি হায়না গ্যান তাননবা হোৎনৈ। ঐখোয়না হৌজিক ফাওবদা অনাবা ১৬ নাবা ফহল্লগা ময়ুমদা হলহনখ্রে।

প্রধান মন্ত্রী: ময়ামদুগা থেংনবদা অদোম্না করি-করি এক্সপরিয়েন্স তৌবিবগে? মখোয়না খ্বাইদগী নুংশা থিবসি করি ওইবীবগে?

দোক্তর নিতেশ গুপ্তা: মপানগী লৈবাকশিংদা মী ময়াম ময়াম শিবা অদুমহায়না মখোয়সু শোইদনা শিরগনি হায়না খল্লি। ঐখোয়না মখোয়দা করম্বা খুদোংচাদবনা করি নুমিৎতা ফগদগে হায়বদু গ্যান তাহন্নবা হোৎনৈ। নহাক্কী কেস অদু য়াম্না মায়নরনি। চুম্নগী লোক লাইহৌগুম্বনি অদুনা নুমিৎ মঙা তরুকনি অসিগী মনুংদা ফরনি হায়না ৱারী শাই। অদুগী তুংদা তেস্ত তৌবদা নেগতিব ওইরগদি য়ুমদা চৎপা য়ারে হায়বগা লোয়ননা মখোয়গী মনাক্তা পুং অহুম মরি কান্নরগা চংদুনা ৱারী শান্ননবা হোৎনৈ।

প্রধান মন্ত্রী: হৌগৎলকপদা খরা কীরবসু মদুনা মখোয়দা থৌনা শোইদনা হাপলমগনি।

দোক্তর নিতেশ গুপ্তা: হৌগৎলকপদা শোইদনা কীরবসু নুমিৎ খরা লৈরগা খরা ফগৎলকপা হৌবদা মখোয় মশাসু ঐখোয় ফগৎলক্কনি হায়বা থাজরকই।

প্রধান মন্ত্রী: দোক্তর খুদিংমক্না ঐখোয়গী পুন্সিগী খ্বাইদগী মরুওইবা থৌদাং অদু লৌবগা মতম অদু লাক্লে হায়না খনফম থোক্লে হায়না খল্লি।

দোক্তর নিতেশ গুপ্তা: অচুম্বমক্নি ঐখোয়গী তুংদা ঐখোয়না হায়রিবা অসি কিনিঙাই ওইবা করিসু লৈতে। ঐখোয়না ফজনা চেকশিনবগা লোয়ননা অনাবশিংদা মখোয়না করি-করি চেকশিন থৌরাং লৌগদগে হায়বদু ভাব তাহল্লবদি পুম্নমক অফবা ওইগনি।

প্রধান মন্ত্রী: অদোমগীদা অনাবা অসি মশিং য়াম্না লাক্লিবনি থৱাই হকচাং য়াওনা লেপ্পা লৈতনা হোৎনবীয়ু। অদোমগা ৱারী শানবা ফংজবা অসি ওন্থোক্না নুংঙাইজরে। অদোমগী লান্থেংদা ঐহাকসু য়াওজরি।

দোক্তর নিতেশ গুপ্তা: অদোমগী য়াইপ থৌজালবু ঐখোয়না লেপ্পা লৈতনা পামজৈ।

প্রধান মন্ত্রী: হন্না-হন্না য়াইফ-পাউজেল পীজরি।

দোক্তর নিতেশ গুপ্তা: থাগৎচরি সর।

প্রধান মন্ত্রী: অদোম্বু হন্না-হন্না থাগৎচরি। অদোমগুম্বা ময়ামগী হোৎনজমন্না ভারত অসিনা কোরোনাগী মায়োক্তা থেংনরিবা অসি শোইদনা মাই পাক্কনি। ঐহাক্না অদোমদা হায়জনীংবদি অদোম্না ইশাগী, ইমুং-মনুংগী অমদি মরূপ-মপাংশিংগীসু চেকশিনবীয়ু। মালেম পুম্বগী ওইনা ফীভম অসিনা তাক্লিবদি লাইনা অসিনা নাবা মীশিং অসি খঙহেন হেঙ্গৎলক্লি। খঙহেন হেঙ্গৎলকপা অসিনা মরম ওইরগা মীরৈবাক্কী ফর-ফরবা অনা লাইয়েংশং কয়া খুৎ থারি। অসিগুম্বা ফিভম অসি ভারত্তা লাক্তনবা ঐখোয় হনবা লৈতনা হোৎনবা তাই। হৌজিক অমুক পুনেদগী দোক্তর বোর্সে ঐখোয়গী ইরক্তা লৈরে।  

প্রধান মন্ত্রী: নমস্তে দোক্তর।

দোক্তর: নমস্তে নমস্তে।

প্রধান মন্ত্রী: অদোমদি মীওইবগী সেবানা ইশ্বরগী সেবানি হায়বা ৱাখল্লোনদা থবক তৌবীরি। ইরৈবাকচাশিংনা অদোমদা পীবা পাউজেল ওইনা ঐহাক অদোমগা ৱারী খজিক্তং শাজনীংই। মীয়ামগী পুক্নিংদা ফাওরিবসি মখোয়না করম্বা মতমদা দোক্তর উনরগা কোরোনা তেস্ত তৌহনগদগে হায়বসিনি। মসিগী মাংদা অমুক্তং শন্দোক্না তাকপীয়ু।

দোক্তর: সর ঐহাক বি.জে. মেদিকেল কোলেজদা প্রোফেসারনি। ঐখোয়গীসিদা নাইদু হোস্পিতাল অসি পুনে ম্যুনিসিপাল কোর্পোরেসন হোস্পিতালনি। মফম অদুদা জনুৱারী ২০২০দগী স্ক্রিনীং সেন্তর থবক তৌবা হৌরে। মদুদা কোবিদ-১৯ প্রোজেক্তকী ওইবা পেসেন্ত ১৬কী মনুংদা ক্বরেন্তাইন ত্রিৎমেন্ত অমসুং আইসোলেসন তৌরগা মীওই তরেৎ দিসচার্জ তৌখ্রে। লেমহৌরিবা কেস মাপল অসিসু স্তেবল ওইরে অমসুং য়াম্না ফগৎলে। মশাদা ভাইরস লৈরবসু মখোয় য়াম্না ফগৎলে। মখোয় কোরোনা ভাইরসতগী রিকোবর তৌরক্লি। কেস ১৬কী সেম্পল সাইজ অসিদি য়াম্না পিকই। য়ং পোপুলেসনসু শোকপা য়াওশিল্লক্লি অদুম ওইনমক সেরিয়সতি ওইদ্রি, মখোয় ফগৎলক্লি। ঐখোয়গীসিদা লাকপা সস্পেক্তশিং অসি ইন্তরনেস্নেল ত্রাবেলর অমসুং মখোয়গা থেংনরুবশিংনি। ওরোফেরিঞ্জেল অমসুং নেসেল স্বাবতা পোজিতিব ওইবশিং অদু পোজিতিব ৱার্দতা এদমিৎ তৌরে। অদুগা নেগতিব ওইবশিংনা হোম ক্বরেন্তাইন তৌনবা পাউতাক পীখ্রে। য়ুমদা য়ৌরগা হোম ক্বরেন্তাইন করম্না তৌগদগে হায়বদু তাক্লগা য়ুমদা চৎহনখ্রে।

প্রধান মন্ত্রী: য়ুমদা মতৌ করম্না লৈগদগে তাকখিবা অদু অমুক্তা হায়বীয়ু।

দোক্তর: হোম ক্বরেন্তাইন তৌবা মতমদা য়ুমদা লেংদনা লৈগনি। অহানবদা ইশাবু য়ামদ্রবদা মীয়ামদগী ফীৎ তরুক লাপ্না লৈবিগনি। অনিশুবদা মাস্ক শিজিন্নবগা লোয়ননা খুৎ তোয়না হামদোক্কনি। সেনিতাইজেসন লৈত্রগসু সাবুন অমসুং ঈশিংনা তোয়না খুৎ হামগনি। লোক খুবা অমসুং হাকথি খনবদা রুমালনা খুমজিনগনি। মতৌ অসুম্না তৌরবদি দ্রোপলেৎশিং অদু লাপ্না চোংথোক্লরোই লৈমাইদসু তাররোই, অদু ওইরবদি অতোপ্পা মীদা শন্দোকপা ঙম্লরোই। হৌজিকপুদি লোকদাউন লৈরে নত্ত্রগসু মখোয় য়ামদ্রবদা নুমিৎ ১৪নি য়ুমদা লেংদনা ক্বরেন্তাইন তৌগদবনি।

প্রধান মন্ত্রী: য়াম্না ফরে দোক্তর, অদোম্না কত্থোকপগা লোয়ননা ময়ামগী সেবা তৌবীরি। অদোমগী তিমগী মীওই খুদিংমক থবক অসি তৌবীরি। অদোমগুম্বা ময়াম অমগী মতেংনা ঐখোয়গী পেসেন্ত খুদিংমক নাবা ফরগা অমুক ময়ুমদা হনখিবগা লোয়ননা লৈবাক অসিনা লান্থেং অসিদা মায় পাক্কনি। হন্না-হন্না য়াইফ-পাউজেল পীজরী অদোম্বু থাগৎচরি।

মরূপশিং, ঐখোয়গী মরূপ কয়া অমা লৈবাক অসিদা তারিবা অৱাবা অসিদগী ঙাকথোক্নবা হোৎনরি। মখোয়না ঐখোয়দা হায়রিবশিং অসি ঐখোয়না তাবদা নত্তনা ঐখোয়না মসি ইন্নবা হোৎনসি। ঙসি দোক্তরশিংগী কত্থোকপা অসি উবদা আচর্যচরক্না হায়বীরম্বা ৱাফম অমা নীংশিংলকই। আচর্যচরক্না দোক্তরশিংগী মরমদা য়াম্না অচুম্বা ৱাফম অমা হায়বীরম্মি। শেল অমসুং অতোপ্পা কানবা অমগী য়েংদনা অনাবগী সেবাবু মীনুংশিগা লোয়ননা তৌবা অদু অথোইবা দোক্তরনি।

মরূপশিং, মীওইবগী মীনুংশিতনা থল্লবা নর্সশিংগী মফমদা ঙসি ঐনা ইকোক নোনজরি। নখোয়না সেবাগী ৱাখলদা পাংথোক্লিবা নথৌদাং অদু শিংথানিঙাইনি, চাংদম্নিঙাই লৈতে। তঞ্জা চানরুবা হায়বদুনি চৎলিবা চহি ২০২০ অসি মালেম পুম্বনা ইন্তরনেস্নেল নর্স এন্দ মিদৱাইফ হায়না পাংথোক্লি। মসি চহি ২০০গী মমাংদা ১৮২০দা পোকখিবী ফ্লোরেন্স নাইতিংগলগা মরী লৈনৈ। মহাক্না মীওইবগী সেবা তৌদুনা নর্সকী শিনফম অসিবু অনৌবা মশক অমা পীবিখিবনি। মালেমগী নর্সশিংগী মফমদা কত্থোক্লবা চহি অসি নর্সিং কম্ম্যুনিতীগী চেংয়েংগী অচৌবা মতম অমা ওইরক্লি। চাংয়েং অসিদা অদোম পুম্নমক মায় পাক্কনি হায়বসি ঐহাক্কী থাজবনি। মখোয়গুম্বা মরূপ কয়াগী থৌনানা ঐখোয়না চাউখ্রবা লান অসি থেংনবা ঙম্লিবনি। ঐখোয়গী মরূপ দোক্তর, নর্স, পেরামেদিকেল স্তাফ, অশা, এ.এন.এম. ৱার্কর্স, সফাই কর্মচারী ময়াম অসিগী হকশেলগীদমকসু লৈবাক অসিনা নুংনাংলি।

নুংশিরবা ইরৈবাকচাশিং, কোরোনা ভাইরসকী লান্থেং অসিদা ঐখোয়গী ইরক্তগী থৌনা ফবা কয়ানা কন্না মায়োং য়ারি। ঐঙোন্দা নরেন্দ্র মোদী এপ নমো এপতা বেঙ্গলোরদগী নিরঞ্জন সুধাকর হোব্লেনা মখোয় অসি দেল্লি লাইফ হেরোনি হায়না ইবীরকই। ৱাফম অসি অচুম্বমক্নি, মখোয় অসিনা মরম ওইরগা ঐখোয়গী পুন্সি অসি লাইথোকহল্লিবনি।

অমুক্তা খন্দুনা য়েংবীয়ু, অদোমগী য়ুমদা ঈশিং লাক্তবা অমসুং মৈ য়াদবা মতমদা দেল্লি লাইফ হেরোশিং অসিনা অদোমগী খুদোং চাদবা অদু কোকহল্লি। অদোমগী য়ুমলোন্নবদা লৈবা দুকান অদুনা ময়ামগী দরকার লৈবা পোৎ পীবা ঙম্লরোইদ্র হায়না ৱারি। মসিগা চপ মান্ননা ময়ামগী তঙাই ফদনা চংবা পোৎলম খুদিংমক ৱাৎতনবা হোৎনরিবা দ্রাইবর অমসুং ৱার্করশিংগী মরমদসু অমুক্তা খনবীয়ু। ময়াম উবীরমগনি সরকারনা বেঙ্ক হাংহল্লি, বেঙ্ককী ইচিল-ইনাওশিংনা ময়ামগী সেবা তৌরিবা অসি লান্থেং অসি লুচিংলিবনি। মসিগী মতম অসিদা সেবাসু অপিকপা নত্তে। মশিং য়াম্লবা মরূপ কয়া অমনা ই-কমর্স তৌদুনা কম্পেনীশিংগী দেলিবরী পর্সন ওইনা থবক তৌরি। মখোয় অসিনা খুদোং চাখিদ্রবা মতম অসিদা গ্রোসরী দেলিবরী তৌরি।

অমুক্তা খন্দুনা য়েংবীয়ু, লোকদাউনগী মতম অসিদা অদোম্না য়েংলিবা তি.ভি. শিজিন্নরিবা ফোন অমসুং ইন্তরনেৎ ময়াম অসি কনাগুম্বা মীওই অমা নত্ত্রগনা অমনা মহাক্কী খন্দনা থবক পাংথোক্লগা ফংলিবনি। তঞ্জা অসিদা ময়াম্না দিজিতেল পেমেন্ত অসিবু তৌবা ঙম্নবা মীওই কয়া অমনা হোৎনরি। লোকদাউনগী মতম অসিদা মখোয়না লৈবাক অসিগী থবক থৌরম কয়া য়েংশিল্লি। ঙসি ইরৈবাকচাশিংগী মায়কৈদগী ঐহাক্না মখোয় পুম্নমক্কী মফমদা তৌবীমল খঙবা উৎচরি লোয়ননা মখোয়দা হায়জনীংবদি ইশাগীসু খন্দুনা সেফতী প্রিকোসন পুম্নমক লৌখৎপীয়ু ইমুং-মনুংগীসু খনবীয়ু।

নুংশিরবা ইরৈবাকচাশিং, ঐহাক্না তাবদা কোরোনা ভাইরসনা নারে হায়না চিংনবা নত্ত্রগা হোম ক্বরেন্তাইন তৌদুনা লৈবা মীওইশিংদা তাথি তাওইনা তৌরে। ৱাফম অসি তাবদা ঐহাক য়াম্না নুংঙাইতে। মসি লাইবক য়াম্না থিবা ৱাফম্নি। ঐখোয়না খঙগদবদি ফিভম অসিদা ঐখোয় সোসিয়েল দিস্তেন্স থমগদবনি। ইমোস্নেল নত্ত্রগা হ্যুমেন দিস্তেন্স থমগদবা নত্তে। মখোয় অসি মার লৈবা মীওই নত্তে, ভাইরসনা শোকহল্লবরা হায়না চিংনবনি। ময়ামদা শন্দোক্তনবা মখোয় মশানা মশাবু ক্বরেন্তাইন তৌদুনা খাইদোকচবনি। মফম কয়াদা মীওই কয়ানা মশাগী থৌদাংচেকশিন্না য়ারি। ভাইরসকী লাইওং অমত্তা লৈত্রবসু মশাবু ক্বরেন্তাইন তৌরি। মখোয় মীরৈবাক্তগী হল্লকপনি অদুনা লাইয়েং লৈত্রবসু চেকশিনজবনি। মখোয়না করিগুম্বা ফিভম অমত্তদা ভাইরস অসি অতোপ্পা মীদা শন্দোকপা পামদে। মরম অদুনা মশানা অসুক চাউরবা থবক অসি পায়খৎলিবা মীওইশিংদা তাথি তাওইনা তৌবগী মহুত্তা মখোয়গী মতেং পাংসি।

কোরোনা ভাইরস থেংননবা অমত্তা ঙাইরবা উপায় সোসিয়েল দিস্তেন্সিংনি। ঐখোয়না খঙগদবদি সোসিয়েল দিস্তেন্সিং হায়বগী আর্থ সোসিয়েল ইন্তরেক্সন তৌগনু হায়য়বা নত্তে। তশেংবদি তঞ্জা অসি অসি ঐখোয়গী হন্নগী মরী অদু অমুক হিঙ্গৎহনবগী মতমনি। অমরোমদা তঞ্জা অসিনা ঐখোয়দা হায়রিবদি সোসিয়েল দিস্তেন্সিং হেঙ্গৎহল্লু অদুগা ইমোস্নেল দিস্তেন্সিং হন্থহল্লু। কোতাদগী য়সবর্ধন্না নরেন্দ্র মোদী এপতা অসুম্না ইবীরকই মদুদি লোকদাউন মরক অসিদা ঐখোয়না ফেমিলী বোন্দিং চেৎশিন্নবা হোৎনরি, অঙাংশিংগা লোয়ননা বোর্দ গেম্স অমসুং ক্রিকেৎ শান্নরি, চাকখুমদা অনৌ অনৌবা মথেল থোংলি। জবলপুরদগী নিরুপমা হর্সিনা নরেন্দ্র মোদী এপতা মহাক্কী মোম্পাক তুবগী অপাম্বা অদু হন্দক ফংলে হায়না ইবীরকই। মসিদসু নত্তনা ইংখোল কাইনীংবগী অপাম্বা অদুসু ফংলে হায়না ইবীরকই।

নমো এপতা রুরকীদগী শশিনা লোকদাউনগী মতমসিদা ঐহাক ফিৎনেসকীদমক করি তৌবগে হায়না হংবীরকই। মরকসিদা ঐহাক নবরাত্রিগী চরা করম্না হেল্লিবগে হায়নসু হংবীরকই। ঐহাক্না অমুক্কা হন্না হায়জনীংবদি ঐহাক্না ময়াম্বু মপাংথোংদা থিংজবনি অদুম ওইনমক ইশাবু সেংশিনজনবগী খুদোংচাবসু পীজখি। ইশানা ইশাবু খঙজনবা হোৎনবীয়ু। নবরাত্রীগী চরা হেনবগী ৱাফম অসিদি ঐহাক অমদি ঐগী পাঙ্গল অমসুং ভক্তিগী ৱাফম্নি। ফিৎনেসকী মতাংসিনা ৱাফম অসি য়াম্না শাংগদৌরে অদুনা সোসিয়েল মীদিয়াদা ভিদিও খরা ওইনা অপলোদ তৌরক্কে। নরেন্দ্র মোদী এপতা অদোম ভিদিওশিং অদু শোইদনা য়েংবীয়ু। ঐহাক্না তৌবশিং অদুনা অদোমদা খরা কানবসু য়াওরম্বা য়াই। অদু ওইনমক ঐহাক ফিৎনেস এক্সপার্ত নত্তে অমসুং যোগ তিচর্সসু নত্তে কাওবীগনু। যোগ আসন খরনা ঐঙোন্দা কানবা পী হায়বদি ঐহাক খঙজৈ। লোকদাউনগী তঞ্জা অসিদা অদোমদা ৱাফমশিং অসিদগী কানবা খরা য়াওবসু য়াই হায়না খঞ্জৈ।

মরূপশিং, কোরোনাগী মায়োক্তা লাঞ্জং অসি ঐখোয়দা য়াম্না শিংনবা অমনি। মরম অদুনা মতাং অসিদা লৌবা ৱারেপশিং অসি মালেমগী পুৱারীদা অমুক্তা উখিদ্রিবা তাখিদ্রিবা ঙাক্তা ওই। কোরোনা থিংনবগীদমক্তা ভারত মচাশিংনা হোৎনরিবা অসিনা কোরোনাগী লাইচৎ অসি ঙাকথোকপা ঙমগনি। ভারত মচা খুদিংমক্কী খাংবা কনবা অমসুং ৱাশক্না ঐখোয়বু অৱাবা ফিভম অসিদগী কনবা ঙমগনি। লোয়ন লোয়ননা লৈত লাইরবশিংদা ঐখোয়গী মীনুংশি হেঙ্গৎকদবনি। চরা হেনবা অমত্তং উবদা মখোয়গী মবুক থলহন্নবা অমসুং মখোয়গী খুদোংচাদবশিং খঙদোক্নবা হোৎনগনি। মসিনা ঐখোয়গী সংস্কৃতিনি।

ঐগী নুংশিরবা ইরৈবাকচাশিং, ঙসি ভারত মচা খুদিংমক্না মখোয়গী পুন্সি কন্নবগীদমক্তা য়ুমদা লেংদনা লৈরি। অদুম ওইনমক ভারত মচা খুদিংমক্না তুংদা লৈবাক অসি চাউখৎনবগীদমক্তা অথিবা খুদিংমক নমখায়রগা মাংদা থোরক্কদৌরিবনি। ময়াম ইমুংগী মীওইশিংগা লোয়ননা ইমুংদা লৈবীয়ু, চেকশিন্না তেক্ত-কায়দনা লৈবীয়ু। ঐখোয়না লান অসি ঙমদবা য়াদে শোইদনসু ঙমগনি। হন্না-হন্না থাগৎচরি। মন কী বাতকীদমক্তা অমুক হন্না মথংগী থাদা উনসি। মতম অদু ফাওবদা অৱাবা খুদোংচাদবা অসি লোইশিনবা ঙমগনি হায়বগী য়াইফ-পাউজেলগা লোয়ননা ময়াম্বু হন্না-হন্না থাগৎচরি।     

ঐগী নুংশিজরবা ইরৈবাকশিং, ‘মন কী বাত’তা তরাম্না ওকচরি। ঙসিগী তাঙ্ক অসি নহা ওইরিবা লৈবাক অসিগী নহারোলশিংগা লোইননা হৌরি, মখোয়গী থৌনা, লৈবাকনীংবা অমসুং ওইজবা থিদবা ৱাখল্লোন অসিনা মখোয়বু য়োমশিল্লি। অদোম্না খঙবীরি, চহি খুদিংগী নবেম্বরগী মরিশুবা নোংমাইজিং অসি এন.সি.সি.গী নুমিৎ ওইনা পাংথোক্লি। ইচম চম্না হায়রবদা, ঐখোয়গী নহা ওইরিবা মীরোলশিং অসিনা ‘ফ্রেন্দশিপ দে’বুদি কাওথোক্নবা লৈতনা হেন্না নীংশিংনবা পাম্নরি। অদুবু এন.সি.সি.গী নুমিৎ অসিবুসু মদুগা মান্ননা নীংশিংজবা মীওই কয়া অমসু লৈরি। অদুনা ঐখোয় ঙসি এন.সি.সি. নুমিৎকী মতাংদা ৱারী শাসি। ঐসু করিগুম্বা মিৎকুপ খরা নৌহৌননা নীংশিংজবগী খুদোংচাবা অদু লৌজগে। এন.সি.সি. নুমিৎকী থৌরম অসিদা, ঐনা এন.সি.সি.গী কেদেৎশিং, হান্নগী কেজদেৎশিং অমসুং মখোয়গী মমা–মপা ওইবশিংগী মফমদা য়াইফ–পাউজেল পীজরি। ঐসু কেদেৎ অমা ওইরকখি, ঙসিসু ঐহাক কেদেৎ অমগুম্না খঞ্জরি। ঐখোয় পুম্নমক্না ভারতকী নেস্নেল কেদেৎ কোর্পসকী মরমদা খঙই, এন.সি.সি. অসি মালেম অসিদা খ্বাইদগী চাউবা য়ুনিফোর্ম শেৎপা নহারোলশিংগী ওর্গনাইজেসনশিংগী মনুংদা অমনি। মসি সর্বিস অহুমগী ওর্গনাইজেসন অমনি মসিদা, খোঙ লান্মী, ঈশিং লানমী, নোংথক লান্মী অহুম্মক য়াওরি। এন.সি.সি. হায়বদি লুচীংবা, লৈবাক নীংবা, সেল্ফ সর্বিস, দিসিপ্লিন, হার্দ ৱর্ক অসি ঐখোয়গী লমচৎতা য়াওহনবা অমদি মসিবু হৈনবা অমা ওইহনবগী থৌদাং লৌরিবা অদুবুনি। খোংচৎ অসিগী মরমদা ময়ামদা হেন্না খঙহন্নবগীদমক ফোনগী খুৎথাংদা নহা খরগা ৱারী শানবগী খুদোংচাবা লৌজরি। মখোয়গা ৱারী শানরসি।

প্রধান মন্ত্রীঃ মরূপশা নখোয় ময়াম কমদৌরিবগে।

তরন্নুম খানঃ জয় হিন্দ প্রধান মন্ত্রীজী

প্রধান মন্ত্রীঃ জয় হিন্দ

তরন্নুম খানঃ সর ঐগী মিং জুনিয়র অন্দ ওফিসর তরন্নুম খান্নি

প্রধান মন্ত্রীঃ তরন্নুম অদোম কদাইদগীনো।

তরন্নুম খানঃ ঐ দিল্লীদগীনি সর  

প্রধান মন্ত্রীঃ য়াম্না ফৈ। এন.সি.সি.দা অদোম চহি কয়া করি করি থেংনরক্লবগে?

তরন্নুম খানঃ সর ঐ এন.সি.সি.দা ২০১৭তগী য়াওজরকই অমসুং চহি অহুম অসি ঐগী পুন্সিগী খ্বাইদগী ফবা চহিনি।

প্রধান মন্ত্রীঃ ৱাহ, তাবদা য়াম্না নুংঙাই।  

তরন্নুম খানঃ সর ঐনা খ্বাইদগী নুংঙাইজখিবদি, ‘এক ভারত শ্রেশ্থ ভারতকী’ কেম্প য়াওজরুবা অদুনি। কেম্প অদু ওগস্ত থাদা পাংথোকখিবনি। মসিদা ‘নোর্থ ইস্তর্ন রিজন’ দগী অঙাংশিংসু লাকখি। কেদেৎশিংদুগা লোইননা ঐখোয় নুমিৎ ১০নি লৈমিন্নখি। ঐখোয়না মখোয়দগী পুন্সি মহিং তমজখি। মখোয়গী লোন তমখি। মখোয়গী ত্রেদিসন, মখোয়গী কলচরনচিংবা অসিগুম্বা ময়াম অমা তমখি। ভিয়াজোমীগী ৱাহন্থোক … হেলো … হায়বনি, ঐখোয়গী কলচরেল নাইৎতা মখোয়গী জগোই তমখি। মখোয়গী জগোইদু তহেরা কৌই। অদুগা মখোয়না ঐঙোন্দা মখোয়গী ‘মেখলা’ শেৎপসু তম্বীখি। তশেংনা হায়রবদা মদুদা ঐখোয় পুম্নমক য়াম্না ফজখি লোইননা ঐখোয়গী নাগালেন্দগী মরূপশিংসু ফজখি। ঐখোয়না মখোয়বু দিল্লীদসু কোইহনখি, মফম অদুদা ঐখোয়না মখোয়বু নেস্নেল ৱার মেমোরিয়েল অমসুং ইন্দিয়া গেৎ য়েংহনখি। ঐখোয়না মখোয়বু দিল্লীগী চাৎ অমসুং ভেল–পুরী পীজখি অদুবু মদু মখোয়দা মদু মোরোক শানা থোকখি মরমদি মখোয়না হায়খি মখোয় অনম্বা মতমদা সুপ থকপা পাম্মি, মনা মশিংগী চমফুৎশিং চাই, অদুনা মখোয় ঐখোয়গী চিঞ্জাকশিং অদু কয়া পামদে, অদুবু মখোয়গা ফোতো কয়া নম্মিন্নখি, ঐখোয়না খঙবা হৈবা কয়া শেয়র তৌনখি।

প্রধান মন্ত্রীঃ অদোম মখোয়গা পাউ ফাওনরিবরা?  

তরন্নুম খানঃ হোয় সর, হৌজিক ফাওবা পাউ ফাওনরি।

প্রধান মন্ত্রীঃ অদোম্না তৌরিবা অদু য়াম্না ফৈ।  

তরন্নুম খানঃ হোয় সর।  

প্রধান মন্ত্রীঃ অদোমগা লোইননা কনা কনা লৈরিবগে?

শ্রী হরি জি.বি.: জয় হিন্দ সর।

প্রধান মন্ত্রীঃ জয় হিন্দ

শ্রী হরি জি.বি.: ঐ সেনিয়র অন্দর ওফিসর শ্রী হরি জি.বি.নি সর। ঐ বেঙ্গলুরু কর্নাতকাদগীনি।

প্রধান মন্ত্রীঃ অদোম কদাইদা তম্বগে?  

শ্রী হরি জি.বি.: সর বেঙ্গলুরুদা ক্রিস্তুজয়েন্তিদা তমজৈ।  

প্রধান মন্ত্রীঃ ও, বেঙ্গলুরুমক্তদা।

শ্রী হরি জি.বি.: হোয় সর।  

প্রধান মন্ত্রীঃ হায়বীয়ু।

শ্রী হরি জি.বি.: সর, ঐ য়ুথ এক্সচেঞ্জ প্রোগ্রাম সিঙ্গাপুরদগী ঙরাং হঞ্জরকপনি।  

প্রধান মন্ত্রীঃ এ, ৱাহ!

শ্রী হরি জি.বি.: হোয় সর।  

প্রধান মন্ত্রীঃ অদুদি অদোম মফমদুদা চৎপগী তাঞ্জা ফংলেদনা।

শ্রী হরি জি.বি.: হোয় সর  

প্রধান মন্ত্রীঃ সিঙ্গাপুরদা কমদৌরকপগে?  

শ্রী হরি জি.বি.: মফম অদুদা লৈবাক তরুক লাকখি, মদুগী মনুংদা য়ুনাইতেদ কিংদম, য়ুনাইতেদ স্তেত ওফ অমেরিকা, সিঙ্গাপুর, ব্রুনৈ, হোংকোং অমসুং নেপাল য়াওরি। মসিদা ঐখোয়না কোম্বেৎ লেসন অমসুং ইন্তর্নেস্নেল মিলিতরী এক্সর্সাইসশিংগী এক্সচেঞ্জ তম্মি। মদুদা ঐখোয়গী পর্ফোরমেন্স অদু করা তোঙানখি, সর। ঐখোয়দা ৱাতর স্পোর্ত অমসুং এদভেঞ্চর এক্তিবিতীশিং তম্বীখি অমসুং ৱাতর পোলো তুর্নামেন্তা ভারতকী তীম্না থোইখি সর। কলচরেলদদি ঐখোয় ওভরওল পর্ফোরমর ওইখি সর। ঐখোয়গী দ্রিল অমসুং ৱর্দ ওফ কমান্দ অদু মখোয়না য়াম্না পাম্নখি সর।

প্রধান মন্ত্রীঃ নখোয় মী কয়া ওইরবনো হরি?  

শ্রী হরি জি.বি.: মী ২০নি সর। ঐখোয় নুপামচা ১০, নুপীমচা ১০নি সর।

প্রধান মন্ত্রীঃ ও, অদুদি ভারতকী তোঙান তোঙানবা রাজ্যশিংদগীনিনে?

শ্রী হরি জি.বি.: মান্নি সর।

প্রধান মন্ত্রীঃ ফরে, নঙগী মরূপশিংনা নঙগী পাউদম তাননবগী হাইদুনা লৈরম্লগনি অদুবু ঐদি য়াম্না নুংঙাই। নঙগা কনা কনা লৈমিন্নরিবগে?

বিনোলে কিসোঃ জয় হিন্দ সর,

প্রধান মন্ত্রীঃ জয় হিন্দ

বিনোলে কিসোঃ ঐগী সেনিয়র অন্দর ওফিসর বিনোলে কিসো কৌই। ঐ নোর্থ ইস্তর্ন রিজনগী নাগালেন্দদগীনি সর।

প্রধান মন্ত্রীঃ হোই, বিনোলে, হায়বীয়ু করি করি থেংনবীরকপা?  

বিনোলেঃ সর ঐ সেন্ত জোসেফ কোলেজ, জখমা (ওতোনোমস)দা, বি.এ. হিস্ত্রী (ওনর্স)তা তমজরি। ঐ ২০১৭দা এন.সি.সি. য়াওজবনি অমসুং মসি ঐগী পুন্সিগী খ্বাইদগী চাউবা অমদি খ্বাইদগী ফবা ৱারেপ্নি।

প্রধান মন্ত্রীঃ  এন.সি.সি. য়াওবদগী হিন্দুস্তানগী করম করম্বা মফমদা চৎপগী খুদোংচাবা ফংলবগে?

বিনোলে কিসোঃ সর, ঐনা এন.সি.সি. জোইন তৌবদগী মখল মকা কয়া অমা তমজরে অমসুং খুদোংচাবা কয়া অমসুং ফংজরে লোইননা খঙজ–উজরুবা কয়া অদু অদোমগী মফমদা হায়জনীংই। ঐনা ২০১৯গী জুন থাদা কেম্প অমা য়াওখি কম্বাইন এনুএল ত্রেনিং কেম্প মদু সাজোলী কোলেজ, কোহিমাদা পাংথোকখি। কেম্প অদুদা কেদেৎ ৪০০রোম শরুক য়াখি।

প্রধান মন্ত্রীঃ অদুদি নাগালেন্দা লৈবা নঙগী নমান্নবশিংনা হিন্দুস্তান্দা কদাই কদাইদা চৎলুবা অমদি করি করি য়েংলকপা অদু খঙবা পাম্লমগনি? মদু নঙনা মখোয়দা তম্বরা?   

বিনোলে কিসোঃ হোয় সর।

প্রধান মন্ত্রীঃ নঙগী ননাক্তা কনা লৈরি?  

অখিলঃ জয় হিন্দ সর, ঐগী মিং জুনিয়র অন্দর ওফিসর অখিল কৌই।

প্রধান মন্ত্রীঃ হোয় অখিল, হায়বীয়ু।

অখিলঃ ঐ রোহতক, হরিয়ানাদা লৈজবনি সর।

প্রধান মন্ত্রীঃ হোয় …

অখিলঃ ঐ দিল্লী য়ুনিভর্সিতীগী দয়াল সিংহ কোলেজদা ফিজিক্স ওনর্স তমজরি।

প্রধান মন্ত্রীঃ হোয় … হোয় …

অখিলঃ সর, ঐনা এন.সি.সি. অসি খ্বাইদগী ফবা দিসিপ্লিন ওইনা লৌজৈ, সর।

প্রধান মন্ত্রীঃ ৱাহ …  

অখিলঃ মসিনা ঐবু হেন্না থৌদাং য়াবা সিতিজেন অমা ওইহনবীরে সর। এন.সি.সি. কেদেৎকী দ্রিল, য়ুনিফোর্ম ঐহাক য়াম্না পামজৈ সর।

প্রধান মন্ত্রীঃ কেম্প কয়া য়াওবগী তাঞ্জা ফংখ্রে, কদাই কদাইদা চৎপগী খুদোংচাবা ফংখ্রবগে?  

অখিলঃ সর, ঐ কেম্প ৩ য়াওজখ্রে। হন্দক্তা ইন্দিয়ন মিলিতরী একাদমী, দেহরাদুন্দা এত্তেচমেন্ত কেম্পতা য়াওজরুরে।

প্রধান মন্ত্রীঃ নুমিৎ কয়ানিগীনো?

অখিলঃ সর, নুমিৎ ১৩নিগী কেম্পনি।

প্রধান মন্ত্রীঃ ও…  

অখিলঃ সর, মদুদা ঐনা ভারতকী লান্মীদা ওফিসর করম্না ওইরকই হায়বদু য়াম্না কুপ্না উরকই অমসুং মদুগী মতুংদা ভারত লান্মীগী ওফিসর অমা ওইবগী ফিরেপ লৌজরে সর।

প্রধান মন্ত্রীঃ ৱাহ …  

অখিলঃ অদুগা ঐহাক রিপাব্লিক দেগী পেরেদতসু শরুক য়াজখ্রে সর অমসুং মদু ঐগীদমক্তা অমসুং ঐগী ইমুং মনুংগীদমক্তা খ্বাইদগী চাউথোকচনীংঙাইনি সর।

প্রধান মন্ত্রীঃ শাবাশ …  

অখিলঃ ঐঙোন্দগী হেন্না ঐগী ইমানা হেন্না হরাওজখি সর। ঐখোয় অয়ুক্কী পুং অনি তাবা মতমদা হৌগৎলগা রাজপথতা প্রেক্তিস তৌবা চৎলি মদুদা ঐখোয়দা কয়াদা মথোই কাজবা মদু য়েংনীংঙাই মখল অমনি সর। অতৈ অতোপ্পা ফোর্স কন্তিংজেন্তশিংনা ঐখোয়বু পুক্নীং থৌগৎপীখি রাজপথতা মার্চ  তৌবা মতমদদি তুজুংবা পোকখি সর।  

প্রধান মন্ত্রীঃ নখোয়গা লোইননা এন.সি.সি. নুমিৎকী মরমদা ৱারী শাবা ফংবা অসি য়াম্না নুংঙাই। মরমদি ঐগীদি লাইবক ফবনি মরমদি ঐসু অঙাং ওইরিঙৈদা খুঙ্গংগী স্কুলদা এন.সি.সি. কেদেৎ ওইরকই। অদুনা ঐ খঙই থক্সি–খাসি, য়ুনিফোর্ম অসিনা মরম ওইদুনা কনফিদেন্স লেভেল ৱাংখৎহল্লি, হায়রিবা পুম্নমক অসি ঐনা অঙাং ওইরিঙৈ এন.সি.সি. কেদেৎ অমা ওইনা মসিগী ৱাখল্লোন পুম্বা খঙখ্রবনি।

বিনোলেঃ প্রধান মন্ত্রীজী ঐ ৱাহং অমত্তা হংজগে।  

প্রধান মন্ত্রীঃ হোয়, হংবীয়ু …  

তরন্নুমঃ অদোমসু এন.সি.সি.গী শরুক অমা ওইবীরকই।

প্রধান মন্ত্রীঃ কনানো? বিনোলেরা ঙাংলিবসে?  

বিনোলেঃ হোয় সর, মান্নি সর। 

প্রধান মন্ত্রীঃ বিনোলে হায়বীয়ু …

বিনোলেঃ করিগুম্বদা অদোম শজাই ফংবা য়াওবীখিবরা?

প্রধান মন্ত্রীঃ (নোক্লগা) মসিনা তাকপদি অদোম ময়াম শজাই চাখ্রে, সি নত্ত্রো?  

বিনোলেঃ হোয় সর।    

প্রধান মন্ত্রীঃ ঐদি কৈদৌনুংদসু ফংখিদে। মরমদি ঐদি থক্সি–খাসি য়াম্না কন্না ঙাক্না চৎচবা মীশক অমনি অদুবু অমুকখক্তি মিসঅন্দর্স্তেন্দিং অমা থোকখি। ঐখোয়না কেম্পতা লৈরিঙৈ উ অমগী মথক্তা কাখি। অদুবু মদু অহানবদদি ঐনা অরানবা অমা তৌরবগুম খনখি অদুবু তুংদা পুম্নমক্না খঙলকখি মদুদি তেলঙ্গা অমগী লংদা উচেক অমা পন্দুনা লৈরে। মদু কন্ননবগীদমক ঐনা উ অদু কাখিবনি। মদুগীদমক ঐবু দিসিপ্লিনরী এক্সনকা লৌরক্কদ্রা খল্লুবনি অদুবু তুংদদি ঐবু য়াম্না থাগৎপীখি। মতৌ অসুম্না ঐঙোন্দা তোহানবা ৱাখল্লোন অমা ফংখি।  

তরন্নুম খানঃ হোয় সর, মসি খঙজবদা য়াম্না নুংঙাইজৈ।

প্রধান মন্ত্রীঃ থাগৎচরি।  

তরন্নুম খানঃ ঙাংজরিবা ঐ তরন্নুমনি সর।

প্রধান মন্ত্রীঃ হোয় তরন্নুম, হায়বীয়ু …

তরন্নুম খানঃ অদোম্না অয়াবা পীবীরবদি ঐ ৱাহং অমখক্তা হংজগে সর।

প্রধান মন্ত্রীঃ হোয় … হোয় … হংবীয়ু।  

তরন্নুম খানঃ সর, অদোম্না অদোমগী পাউজেলশিংদা ঐখোয়দা চহি অহুমগী মনুংদা মফম ১৫দা চৎনবা হায়বীখি। ঐখোয় কদাইদা চৎলুগে হায়বদু তাকপীরকপা য়াগদ্রা? অদুগা ঐখোয়না করম্বা মফমদা চৎলগা অদোম্না নুংঙাইবা ফাওবীগদগে?  

প্রধান মন্ত্রীঃ অশেংবগীদি ঐদি, হৌরকপদগী হিমালয় অসি য়াম্না পামজৈ।  

তরন্নুম খানঃ হোয় …  

প্রধান মন্ত্রীঃ অদুম ওইনমক ঐনা ভারতকী মীয়ামদা হায়জনীংবদি করিগুম্বা অদোম্না মহৌশাবু নুংশিবীরবদি  

তরন্নুম খানঃ হোয় …

প্রধান মন্ত্রীঃ অশুকপা উমং, ঈশিং চাইবীশিং, তোপ তোপ্পা মওং অমগী ফিভমশিং য়েংবীনীংলবদি অৱাং নোংপোক্তা শোইদনা চৎপীয়ু।

তরন্নুম খানঃ হোয় সর।

প্রধান মন্ত্রীঃ ঐনা মতম পুম্নমক্তা হায়দুনা লাক্লি অমসুং মদুনা মরম ওইদুনা অৱাং নোংপোক্তা তুরিজমসু চাউখৎলগনি, শেনমিৎলোনসু য়াম্না কান্নবা ফংলগনি ‘এক ভারত শ্রেশ্থ ভারত’কী মংলানসু মদুদা অচেৎপা ফংলগনি।

তরন্নুম খানঃ হোয় সর।  

প্রধান মন্ত্রীঃ অদুবু হিন্দুস্তানগী মফম খুদিংমক্তা য়েংবা য়াবা মফম য়াম্না লৈ, খঙজিনবা থিজিনবা য়াবা মপম য়াম্না লৈরি অমরোমদা পুক্নীং ৱাখলসু নুংঙাইবা ফাওগনি।

শ্রী হরি জি.বি.: প্রধান মন্ত্রীজী, ঙাংজরিবা ঐ শ্রী হরিনি।

প্রধান মন্ত্রীঃ হোয় হরি, হায়বীয়ু …

শ্রী হরি জি.বি.: ঐনা অদোমদগী খঙজনীংবদি অদোম পোলিতিসিয়ন অমা ওইরমদ্রবদি করি ওইরমগদগে?  

প্রধান মন্ত্রীঃ মসিদি য়াম্না লুবা ৱাহংনি মরমদি অঙাং খুদিংমক্কী পুন্সিদা তাঙ্কক কয়া লাকই। করিগুম্বা অমা ওইনীংই অদুগা অমক্না অতোপ্পা অমমুক ওইনীংলকই অদুবু ঐহাক রাজনীতিদা চংগে হায়না অমুক্তসু খল্লুদে হায়বসিমদি অশেংবনি, অদুবু হৌজিক চংলক্লবনিনা লৈবাক্কীদমক ঙম্লিমখৈ হোৎনরগে হায়না খল্লে, রাজনীতিদা চংলমদ্রগদি করি তৌরমগদগে হায়বা খল্লুবগী থোইদোকপা মথৌ তাদ্রে হায়না খল্লি। হৌজিক্তি ঐ অয়ুক নুংথিল খাইদনা, অনা–নুংঙাই থিদনা লৈবাক্কীদমক পান্দম অমা ফংগে হায়না ইশাবু কৎথোকচরে।

অখিলঃ প্রধান মন্ত্রীজী…

প্রধান মন্ত্রীঃ হোয় …

অখিলঃ অদোমদি মতম চুপ্পদা য়াম চিন্দুনা লৈ ঐহাক্না খঙজনীংলিবদি অদোম্না তি.ভি. য়েংবা ফিল্ম য়েংবা অমসুং লাইরিক পাবগী মতম ফংবীবরা?

প্রধান মন্ত্রীঃ তশেংবদি ঐ লাইরিক পাবগী হৈনবীদি লৈ। অদুবু ফিল্ম য়েংবগী হৈনবীদি লৈরক্তে, মদুদা মতমগী অকক্নবদি লৈরক্তে অদুগা মতৌ অসুম্না তি.ভি. য়েংবসু ফংদে। য়াম্না তাংনা য়েংই। করিগুম্বদা দিস্কোবরী চেনেল য়েংই, খঙনীংলকপদগী। লাইরিক্তি য়াম্না পারম্মি অদুবু পাবা ঙমদ্রে অদুগা অমরোমদা গুগল অসিনা ঐখোয়গী হৈনবীসু ফৎহনদ্রে মরমদি ঐখোয়না করিগুম্বা অমা খঙনীংলকপদা অশম্বী থিরকই। হৈনবী খরদি ময়ামগীসু ফংহনদ্রে, ঐগীসু ফৎহন্দ্রে। মরূপশিং ময়ামগা ৱারী শানবা ফংজবা অসিদা ঐহাক থোইদোক্না নুংঙাইজৈ লোইননা অদোমগী খুৎথাংদা এন.সি.সি.গী কেদেৎ খুদিংমকপু হন্না হন্না য়াইফ–পাউজেল পীজরি। মরূপশিং হন্না হন্না থাগৎচরি, থেঙ্ক য়ু!

এন.সি.সি. কেদেৎ পুম্নমক : হন্না হন্না থাগৎচরি সর, থেঙ্ক য়ু!

প্রধান মন্ত্রীঃ থেঙ্ক য়ু, থেঙ্ক য়ু!

এন.সি.সি. কেদেৎ পুম্নমক : জয় হিন্দ সর।

প্রধান মন্ত্রীঃ জয় হিন্দ।

এন.সি.সি. কেদেৎ পুম্নমক : জয় হিন্দ সর।

প্রধান মন্ত্রীঃ জয় হিন্দ, জয় হিন্দ।

নুংসিরবা ইরৈবাকচাশিং, ঐখোয় লৈবাক মচা পুম্নমক্না মতম লৈবা খিবিক্তা কাওরোইদবদি দিসেম্বরগী ৭ অসি আর্ম ফোর্সেস ফ্লেগ দে হায়না পাংথোকই। নুমিৎ অসিদা ঐখোয়না ঐখোয়গী থৌনা ফবা লান্মীশিং, মখোয়গী থৌনা. মখোয়গী কৎথোকপা লোইননা মখোয়না য়াবীরম্বা থৌদাংশিং অদু নীংশিংই। মশিমক্না মখোয়দা পীবা ইকাই খুম্নবা অদু মতিক চাদ্রি। নুমিৎ অসিদা ঐখোয় খুদিংমক্কী খুত্তা আর্ম ফোর্সেসকী ফ্লেগ অমা পায়বগা লোইননা ঐখোয়সু থৌদাং খরা য়াসি। ঐখোয়না নুমিৎ অসিদা থৌনা ফবা লানমীশিং অদুবু নীংশিংসি।

নুংশিরবা ইরৈবাকচাশিং, ভারত্তা ফিত ইন্দিয়া মুবমেন্তকী মরমদদি ময়াম লোইনা কঙবীরে। সি.বি.এস.ই.না হন্দক থোইদোকপা খোংথাং অমা ফিত ইন্দিয়া চয়োল হায়না হৌদোক্লে। স্কুলশিংনা ফিত ইন্দিয়া চয়োল অসি দিসেম্বর থা অসিগী মনমুংদা. পাংথোক্নীংবা মতম অমা হেক্তদা পাংথোকপীবা য়াই। মসিদা ফিতনেসকা মরী লৈনবা থৌরম কয়া পাংথোক্কনি। মসিদা ক্বিজ, এসে অমসুং আর্তিকলশিং ইবা, লাই য়েকপা, ত্রেদিস্নেল অমসুং লম লমগী মশান্না, য়োগ, জগোই অমসমুং শান্ন–খোৎনবদা চাংদম্নবা য়াওরি। ফিত ইন্দিয়া চয়োল অসিদা মহৈরোইগা লোইননা মমা–মপা অমদি ওজাশিংসু শরুক য়াবা য়াগনি। অদুবু কাওবীরোইদবা অমনা, ফিত ইন্দিয়া হায়বদি শুপ্নগী ৱাখলগী শাজেল, চেদা নত্ত্রগা লেপ্তোপ, কম্প্যুতর নত্ত্রগা মোবাইল ফোন্দা পিতনেসকী এপ য়েংবা অদুখক্তা নত্তে। হুমাং তানবীগদবনি। চাবগী হৈনবীদা অহোংবা পুবীরক্কদবনি। ঐনা লৈবাক অসিগী স্কুল বোর্দ খুদিংমক স্কুল ওথোরিতী খুদিংমক্তা, দিসেম্বর থা অসিদা ফিত ইন্দিয়া চয়োল পাংথোকপীয়ু। মসিনা ফিতনেসকী হৈনবী অসিদা ঐখোয়গী পুন্সি মহিংগী শরুক অমা ওইবা ঙম্লক্কনি। পিত ইন্দিয়া মুবমেন্তকী মনুংচন্না পিতনেস অসিদা স্কুলশিংগী রেঙ্কিং শেম্ননবসু হোৎনরি। রেঙ্কিং অসি ফংবা স্কুল খুদিংমক্না ফিত ইন্দিয়া লোগো অমদি ফ্লেগ শিজিন্নবা ফংগনি। ফিত ইন্দিয়া পোর্তেলদা চংলগা স্কুলশিংনা মশামক ফিত ওইরে হায়না লাওথোকচবা য়াই। ফিত ইন্দিয়া থ্রি স্তার অমসুং ফিত ইন্দিয়া ফাইব স্তার রেতিংসু পীগনি। স্কুল খুদিংমক ফিত ইন্দিয়া রেঙ্কিংদা য়াওবীয়ু হায়না ঐনা হায়জরি। মসি মীয়ামগী ইহৌ অমা ওইহল্লসি। মসিগীদমক ঐখোয় পুন্না হোৎনরসি।

ঐগী নুংশিংরবা ইরৈবাকচাশিং, ঐখোয়গী লৈবাক অসি য়াম্না পাক চাউই। লৈবাক অসিদা মখল–মখা কয়া অমা লৈ। মসিগী লিরবা ৱাফম কয়া অমা ঐখোয়না খনজিল্লুবা তৌদনা ঐখোয়গী মাংদা তাদুনা লৈরি। অদুগুম্বা অমা ঐহাক ময়ামদা পাউদমজগে। নুমিৎ খরগী মমাংদা মাই গোবতা কমেন্ত অমা থেংনখি। কমেন্ত অদু অসমগী নগাওঁদগী শ্রীমান রমেশ শর্মনা ইরকপনি। মহাক্না ইবীরকই ব্রহমপুত্ত্র তুরেলদা কুম্মৈ অমা পাংথোকই। মদুগী মমিং ব্রহমপুত্ত্র পুশ্কর কৌই। নবেম্বর ৪দগী ১৬ ফাওবা কুম্মৈ অদু পাংথোকখি। কুম্মৈ অসি য়াওননবা লৈবাক অসিগী মফম কয়াদগী তোঙান তোঙানবা মীওই কয়া লকখি। মসি তাবদা অদোম অঙকপগা ফাওবীগনি। কুম্মৈ অসি য়াম্নমক মরু ওই। ঐখোয়গী ইপা–ইপুশিং অসিনা মসিবু কয়াদা ফজনা শিল্লম্বগে হায়বদু তাবদা অমুক্কা হেন্না ঙক্কনি। অদুবু নুংঙাইতবা ৱাফম অমদি মীয়াম্না মসিবু থোইনা খঙবীদে। কুম্মৈ অসিনা পীরিবা য়াম্না মরু ওইবা পাউজেলদি ঐখোয় পুম্বা অমত্তনি হায়বসিনি। ৱাখল্লোন অসিবু কুম্মৈ অসিনা থোইদোক্না পাঙ্গল হাপ্পি।

অহানবা মক্তদা অদোম্বু হন্না হন্না থাগৎচরি, রামেশজী মদুদি অদোম্না ৱাফম অসিবু ‘মন কী বাত’কী থোংদা মীয়ামদা ফোংদোকপীনবগীদমক হায়বীরকপা অসি য়াম্না নুংঙাইজৈ। মরু ওইখ্রবা ৱাফম অসি মীয়াম্না থোইনা খঙবীদবগীদমক নুংঙাইতবসু অদোম্না ফোংদোকপীরে। অদোমগী নুংঙাইতবা অদু ঐহাক খঙজরে। লৈবাক অসিগী মী অয়াম্বনা হিরম অসি খঙবীদে। হোয় কনাগুম্বনা মসিবু ইন্তর্নেস্নেল রিভর ফেস্তিবেল হায়বীরম্লগদি নত্ত্রগা থোইদোক্না ফজরবা ৱাহৈ শিজিন্নদুনা মমিং থোনবীরম্বা তারবদি লৈবাক অসিগী মীওই খরদি শোইদনা করিগুম্বা খরা নৈনবীরমগনি অদুগা শন্দোকপসু ঙমলমগনি।

নুংসিরবা ঐগী ইরৈবাকচাশিং, পুশ্করম, পুশ্করালু, পুশ্করঃ অসি করিগুম্বদা অদোম তাবীখ্রবরা? মসি করিনো হায়বা ময়াম খঙবীবরা? ঐ হায়জগে মসি লৈবাক অসিদা লৈবা তোঙান তোঙানবা তুরেল ১২দা পাংথোকপা কুম্মৈশিংগী তোঙান তোঙানবা মমিংশিংনি। চহি খুদিংগী তুরেল অমদা হায়বদি তুরেল অদুগী মশিং, তুরেল অদুগী পালী অদু চহি ১২গী মতুংদা অমুক লাকই। মসিগী কুম্মৈ অসি লৈবাক অসিগী তোঙান তোঙানবা চিদাইদা লৈবা তুরেল ১২দা মথং মথং নুমিৎ ১২নি চুপ্না পাংথোকই। কুম্ভগুম্না কুম্মৈ অসিনা অপুনবগী শক্তম শাগৎপদা মতেং পাংই অমসুং ‘এক ভারত শ্রেশ্থ ভারত’বু মিৎয়েং তাহল্লি। পুশ্করম অসি তুরেলগী মগুন, তুরেলগী চাউথোকচনীংঙাই ওইবা, পুন্সিদা তুরেলগী কান্নবা অসিগী মতাংদা উৎপা কুম্মৈ অমনি।

ঐগী নুংশিরবা ইরৈবাকচাশিং, নমো এপ্তা মধ্য প্রদেশকী ইচানুপী শ্বেতানা ইরকই, সর, ঐ ক্লাস ৯দা তমজরি অমসুং ঐগী বোর্দগী এগজাম হৌজিক চহি অমা ৱাৎলি অদুবু ঐনা মহৈরোইশিং এগজাম ৱারিয়রগা লোইননা অদোমগী ৱারী–ৱাতাই অদু লেপ্তনা তাজৈ, ঐনা অদোমদা মসিগীদমক ইজরিবনি মদুদি ঐনা খঙজনীংবদি মথংগী পরিখাগী মরমদা করম্বা মতমদা নৈনবীগদগে? চানবীদুনা মসি য়াম্না থুনা শিনবীয়ু, য়ারগজি জনুৱারী থাদা শিনবীয়ু। মরূপশিং, ‘মন কী বাত’তা ঐনা য়াম্না নুংঙাইজবদি ঐগী নহা ওইরিবা মরূপশিংনা ঐঙোন্দা মখোয়গী হক অমসুং নুংশিবগা লোইননা ৱাকৎলকপা, থৌরকপা অমদি সজেসন পীরকপা অসিনি। শ্বেতাজী অদোম্না ৱাফম অসি মতম চানা হৌদোকপীরক্লে – পরিখাশিং লাক্কদৌরে, অদুনা চহি খুদিংগী চৎথরকপগুম ঐখোয় পরিখাগী মতাংদা নৈনগদবনি। অদোম্না হায়বীরিবা অসি য়াম্নমক চুম্মি থৌরম অসি খরা মাংজৌননা পাংথোকপা তঙাইফদে।

মমাংগী থরমগী মতুংদা মসিবু মীওই কয়ামরুম্না হেন্না ফজবা মওংদা পাংথোক্নবা পাউতাক কয়া অমসু থাবীরকখি। অদুবু হাকুমদি থেংনা তৌখি হায়দুনা ৱাকৎপীরকপসু য়াওই। পরিখা হৌরমদাইদা তৌই হায়দুনা ৱাকৎপীরকখি। শ্বেতানা হায়বীরকপা চুম্মি, জনুৱারী থাদা তৌবনা চুমগনি। ঐচ.আর.দি. মন্ত্রালয় অমদি মাইগোবগী তীম পুল্লগা মসিগীদমক হোৎনরি। লৈবাক অপুনবগী মহৈরোই মরূপশিংদা খুদোংচাবা অনি লৈরি অমনা ইশাগী স্কুলদগী শরুক য়াবা, অদুগা অনিশুবনা দিল্লীদা পাংথোকপা থৌরমদা শরুক য়াবা। দিল্লীদা পাংথোক্কদৌরিবা থৌরমগীদমক লৈবাক অপুনবদগী মহৈরোইশিং খনবগী থবক মাইগোবকী খুৎথাংদা পাংথোক্কনি। মরূপশিং, ঐখোয় ময়াম পুল্লগা পরিখাগী অকিবা অসি লৌথোক্নবা হোৎনরসি। ঐগী নহা ওইরিবা মরূপশিং অসি পরিখাগী মতমদা নোক খেবা উবা, মমা–মপাসিং তেন্সন ফ্রী ওইবা অমসুং ওজাশিং পুক্নীং লৈতানা লৈবা হায়বা পান্দমশিং অসি ফংননবগীদমক হৌকিবা চহি খরগী মমাংদগী ‘মন কী বাত’কী খুৎথাংদা পরিখাগী মতাংদা নৈনখি। তাউন হোলদসু নৈনখি অমসুং এগজাম ৱারিয়র হায়বা লাইরিক অসিগী মতেংনসু পান্দম অসি ফংনবা হোৎনখি। খোংথাং অসিবু মালেম অপুনবদগী মহৈরোইশিং, মমা–মপাশিং অমদি ওজাশিংনা শৌগৎপীখি। মসিগীদমক ময়াম্বু তৌবীমল খঙবা উৎচরি, লাক্কদৌরিবা পরিখাগী মতাংদা নৈনবগী থৌরম অসি ঐখোয় ময়াম পুন্না পাংথোকমিন্নরসি, ময়ামদা থৌরম অসি য়াওবীনবা হায়জরি।

মরূপশিং, হৌখিবা ‘মন কী বাত’তা ২০১০দা অয়োধ্যাগী মতাংদা ইলাহাবাদ হাই কোর্তনা তাখিবা ৱায়েলগী মরমদা নৈনখি, ঐহাক্না লৈবাক অসিদা মতৌ করম্না ইং তপ্না অমসুং নুংশি চান্ননা মীয়াম্না লৈবীখিবগে হায়বদো হায়জখি। কোর্তকী ৱায়েল লাক্ত্রিঙৈ অমসুং লাক্লবা মতম অনিমক্তা মীয়াম পুক্নীং লৈতানা লৈখি। হন্দকসু নবেম্বরগী ৯দা সুপ্রীম কোর্তকী ৱারেপ তাখি, মসিদসু অমুক্কা হন্না লৈবাক অসিগী মীওই করোর ১৩০না ইশাগী কান্নবদগীদি ইরৈবাক্কী কান্নবনা হেল্লি হায়বদু উৎখি। লৈবাক অসিদা ইং তপ্পা, অপুনবগী শক্তম অমসুং নুংশি চান্নবগী ৱাখল্লোন্না অথোইবনি। রাম মন্দিরগী মতাংদা ৱায়েল লাকপা মতমদা লৈবাক অপুনবনা থমোই শেংনা য়াখি। ঙসি ‘মন কী বাত’কী খুৎথাংদা ঐনা ইরৈবাকচাশিংবু থাগৎপা ফোংদোকচরি, মখোয়না উৎখিবা থৌনা, লৈতাবা অমদি অচেৎপা ৱাখল্লোন অদুগীদমক তৌবীমল খঙবা উৎচরি। অমরোমদা শাংলবা মতমগী মতুংদা আইনগী খৎনবা লোইরে, অমরোমদা ৱায়েলশঙসু মীয়াম্না ইকাই খুম্নবা হেনগৎলক্লে। তশেংনা হায়রবদা ৱায়েল অসিনা ঐখোয়গী ৱায়েলশঙগী মাইলস্তোন অমসুং ফংবা ঙম্লে। সুপ্রীম কোর্তকী ৱায়েল অসিগী তুংদা হৌজিক লৈবাক অসি অনৌবা আশা অমগা লোইননা অনৌবা লম্বীদা চৎপা হৌরে। অনৌবা ভারত অসিনা ৱাখল্লোন অসিগা লোইননা ইং তপ্পা অমদি অপুনবগী শক্তম পুরকপগা লোইননা চাউখৎ মাইকৈদা চংশিনবা ওইরসনু।

নুংশিরবা ইরৈবাকচাশিং, ঐখোয়গী সভ্যতা, চৎনলোনচৎ অমসুং লোন অসিনা মালেম পুম্বদা মান্নদবা ময়ামগী মরক্তা অপুনবগী পাউজেল পীরি। ঐখোয়গী ভারত্তা লোন কয়া মৈহৌরোন্দগী ঙাংনরক্লি। ঐখোয়দা নুংনাংবা ফাওহল্লিবা ৱাফম অমনা লোন অসি মুৎখিবা য়াওরবরা অসিনি। নুমিৎ খরনিগী মমাংদা ঐহাক্না উত্ত্রাখন্দগী ধারচুলাগী ৱারী পাখি। ঐহাক য়াম্নমক নুংঙাইবা ফাওই। ৱারী অসিদগী মীয়াম্না মতৌ করম্না মসাগী লোনশিং চাউখৎনবা হোৎনরিবগে হায়বদু খঙবা ঙম্মি। মতম অমদা চৎথোক–চৎশিন তৌবা মতমদা ধারচুলাদা লেকপা য়াওখি। অমরোমদা নেপাল অমসুং ৱাংমদনা কালীগঙ্গা – মরম অদুনা ধারচুলা হেক তাবদা ঐগী পুক্নীং চিংশিনখি। পিথৌরাগরগী ধারচুলাদা, রঙ্গ কাংলুপকী মী য়াম্না লৈ, মখোয়না ঙাংনবা লোন অসি রগলো কৌই। মখোয়না থোইদোক্না নুংনাংলিবা ৱাফমদি মখোয়গী লোন অসি ঙাংবা মশিং য়াম্লক্ত্রে, মরম অদুনা মখোয়না লোন অসি কন্নবা পুন্না ৱাশক অমা লৌরে। উনা উনা থবক অসিদা রঙ্গ কাংলুপকী মীওই কয়া মরুম অমা য়াওশিল্লক্লে। ময়াম্না থোইনা ঙক্কদবা ৱাফম অমদি মখোয়গী মী মশিং অসি অমুক্তদা মিৎমাংদা থিবা য়ানা য়ামদনা লৈরম্লবনি। খোংথাং অসিদা সোসিয়েল মীদিয়ানসু শরুক চাউনা য়াখি। ৱাৎসএপ গ্রুপ কয়া শেমদুনা মীওই কয়া য়াওশিনখি। লোন অসিগী স্কৃপ অমত্তা লৈতে, শুপ্নগী ৱা ঙাংবদা শিজিন্নবা খক্তনি

মরূপশিং, মরু ওইবাৱ ৱাফম অমনা য়ুনাইতেদ নসন্সনা ২০১৯ হায়বদি চৎলিবা চহি অসি ‘ইন্তর্নেস্নেল ইয়র ওফ ইন্দিজিনস লেঙ্গুএজ’ হায়না লাওথোকখ্রে। মুৎকদৌরবা লোনশিংবু য়োকখৎপা হায়বা পান্দম অমা চহি অসিদা ফংলি। চহি ১৫০গী মমাংদা অনৌবা হিন্দীবু পোকপীরম্বা ভারতেন্দু হরীসচন্দ্রজীনা হায়বীরম্মি –

“নিজ ভাশা উন্নতি অহৈ, সব উন্নতি কো মুল,

বিন নিজ ভাশা–জ্ঞান কে, মিতৎ ন হিয় কো সুল।”

হায়বদি, ইমালোন খঙদনা চাউখৎপা ওইথোক্লোই। মতাম অসিদা রঙ্গ কাংলুপকী খোংথাং অসিনা মালেম অপুনবদা লম্বী অমা উৎলি।

ঐগী নুংশিরবা ইরৈবাকচাশিং, নুমিৎ নিনিগী মনুংদা নবেম্বর ২৬ লাক্লগনি। নুমিৎ অসি লৈবাক অপুনবগী ওইনা য়াম্না মরু ওই। ঐখোয়গী গনতন্ত্রগীদমক্তা থোইদোক্না মরু ওই। মরমদি নুমিৎ অসিদা ‘সংবিধানগী নুমিৎ’ পাংথোকই। কুমসিনা হেন্না মরু ওইরিবগী মরমদি সংবিধান অসি চৎনখিবা চহি ৭০ মপুং ফারে। কুমসি পর্লিয়ামেন্তা অখন্নবা থৌরম পাংথোক্কনি অমসুং চহি চহি চুপ্পা লৈবাক অপুনবদা তোঙান তোঙানবা থৌরম কয়া পাংথোক্কনি। ঐখোয় পুন্না সংবিধান সভাগী মীহুৎ খুদিংমকপু ইকাই খুম্নজবগা লোইননা কুরুমজসি। ভারতকী সংবিধান অসিনা নাগরিক খুদিংমক্কী হক ফংহনবগা লোইননা ময়াম পুম্নমক্কী ইকাই খুম্নমববু ঙাক শেল্লি। সংবিধানগী নুমিৎ অসিনা লাকপদা লৈবাক অসিবু অমত্তা ওইনা পুনশিন্দুনা চাউখৎপা পুরকপদা সংবিধান্না অচৌবা থৌদাং য়াবা ওইরসনু হায়না নীজরি। ঐখোয়গী সংবিধান শেম্বীরম্বশিংনা মঙজরম্বা মঙলানসু মসিমক্নি।

ঐগী নুংশিরবা ইরৈবাকচাশিং, নিংথম থা চংলক্লে, ইংবা হৌরক্লে। হিমলয় চিংদোল্দা উন কুপ্পা হৌরে। অদুবু মতম অসি ‘ফিত ইন্দিয়া মুবমেন্ত’কীনি। ময়াম পুম্নমক তাঞ্জা অসি নান্থোকহনবীগনু। ‘ফিত ইন্দিয়া মুবমেন্ত’বু মাংলোমদা পুখৎনবা হোৎনবদা নিংথম থাগী খুদোংচাবা লৌবীয়ু।

হন্না হন্না য়াইফ–পাউজেল পীজরি। হন্না হন্না থাগৎচরি।

ঐগী নুংশিজরবা ইরৈবাকচাশিং খরুমজরি,

ঙসি দিপাবলীগী শেংলবা কুম্মৈগী নুমিৎনি, পুম্নমকপু য়াইফ–পাউজেল পীজরি। ঐখোয়না হায়নবা অমা লৈ, কয়াদা ফজখ্রবা পাউজেলনো! মঙাল হায়বসিনা পুন্সিদা নুংঙাইবা, হকচাং ফবা অমদি চাউখৎপা পুরকই। ফত্তবা ৱাখলবু মাংহল্লগা অফববু উহল্লি। অসিগুম্লবা লাইগী মশক ওইরবা মৈঙাল অসিবু খুরুমজরি। মৈগী কুম্মৈ অসিবু নীংশিংবগী, মসিদগী হেন্না ফবা ৱাখল করিবু লৈরিবগে! ঐখোয়না মঙালবু পাক–চাউহন্সি, অফবা ৱাখল শন্দোকসি লোইননা য়েক্নবগী ৱাখল্লোন মাংহন্নবা নীজসি। হৌজিক্তি মালেমগী মফম কয়াদা মৈগী কুম্মৈ অসি পাংথোক্লি থোইদোকপা ৱাফম অমনা, মসিদা ভারত মচা খক্তা নত্তনা মফম অদুগী মীওইশিং, খুন্নাইগী লুপশিং অমদি লৈঙাক্না মৈগী কুম্মৈ অসিবু হরাও–তয়াম্না পাংথোকই। মতৌ অসুম্না মফম অদুদা অতোপ্পা ভারত অমমুক শেমগৎলি।

মরূপশিং, মালেমদা ফেস্তিবেল তুরিজমগী থোইদোকপা পাম্নবা অমসু লৈ। ঐখোয়গী ভারত অসি কুম্মৈ ফিয়োংগী লৈবাক্নি, মরম অসিনা ফেস্তিবেল তুরিজমগী ওইথোকপা য়াবা কয়াসু লৈ। ঐখোয়গী মৈগী কুম্মৈ ওনাম, ওঙ্গাল, বিহুনচিংবশিং অসি শন্দোক্নবা হোৎনসি অমসুং মসিগী নুংঙাইবদা অতোপ্পা রাজ্য, অতোপ্পা লৈবাক্কী মীওইশিংসু শরুক য়াহন্সি। ঐখোয়গী রাজ্যশিং অমসুং মফম খুদিংদা লৈরিবা কুম্মৈ–ফিয়োং অসি অসুক্কী মতিক য়ামখ্রে। মসি অতোপ্পা মীওইশিংনা য়াম্না পাম্নৈ। মরম অসিনা ভারত্তা ফেস্তিবেল তুরিজম হেনগৎহনবদা মপান্দা লৈবা ভারত মচাশিংগী থৌদাং য়াম্না চাউই।

ঐগী নুংশিজরবা ইরৈবাকচাশিং, হৌখিবা মন কী বাত্তা ঐখোয়না হন্দক্কী দিপাবলী অসি তোঙানবা মওং অমদা পাংথোক্কী হায়নখি। ঐনা হায়খি, ঐখোয়না হন্দক্কী মৈগী কুম্মৈ অসিদা ভারতকী নুপীশিংগী তৌবা ঙম্বগী শক্তম অমদি মখোয়না ফংলকখিবা পান্দমশিং অদু পাংথোকসি। হায়বদি ভারতকী লক্ষ্মীবু ইকাই খুম্নজবা! খঙহৌদে, ঐখোয়গী মাং মক্তদা সোসিয়েল মীদিয়াদা থৌনা হাপ্পগী মশিং থিঙমদ্রবা ৱারীশিংতনা পিক থল্লরে। ৱারঙ্গলগী কোদিপকা রমেশনা নমো এপ্তা অসুম্না ইরকই – ‘ঐগী ইমা ঐগী পাঙ্গলনি। ১৯৯০দা পাবুং লৈখিদ্রে। মতম অদুদগী ঐগী ইমানা মচানুপা মঙাবু য়োক্লকই। ঙসিদি ঐখোয় ইচিল–ইনাও মঙা অসি অচৌবা থবক লোইনা তৌরে। ঐগী ইমাদি ঐগী শেম্বীবা মপুনি। ঐগীদি ইমানা পুম্নমক্নি। শেংনা হায়রবদি ভারতকী লক্ষ্মীনি।’ রমেশজী অদোমগী ইমাগী মফমদা কোক নোঞ্জরি। ত্বিতরদা থৱাই য়াম্না য়াওজবী গীতিকা স্বামীনা হায় মাগী মফমদদি মেজর খুশবু কনৱর অসি ভারতকী লক্ষ্মীনি। মহাক বস কন্দক্তর অমগী মচানুপীনি। মহাক্না অসম রাইফল্সকী ওল ৱুমেন তীম্বু লুচিংখি। কবিতা তিৱারীনা মচানুপীবু ভারতকী লক্ষ্মীনি হায় লোইননা মহাক্কী পাঙ্গলনি হায়। মহাক্না মহাক্কী লাই য়েকপদা হৈথোই–শিংথোইবী মচানুপীগীদমক্তা চাউথোকচৈ। মহাক্না সি.এল.এ.তি.গী পরিখাদসু রেঙ্ক ৱাংনা পাস তৌরকখি। মেঘা জৈন্নসু অসুম্না ইরকই, চহি ৯২শুরবী নুপী অমনা গ্বালিয়রগী রেলৱে স্তেসন্দা লম্বী চৎপশিং ঈশিং লেম্না পীথকই। মেঘাজী, মেঘাজীনা ভারতকী লক্ষ্মী অসিগী নোল্লুকপা অমদি মীনুংশিদা পুমঙাও ঙাওজখ্রে। অসিগুম্বা ৱারী কয়া মীওই কয়ানা শেয়র তৌবীরকই। ময়ামসু শোইদনা পাবীয়ু, ইশা ইশানসু শেয়র খরা তৌবীয়ু। ভারতকী লক্ষ্মীশিং অসিবু ইকাই খুম্নবগা লোইননা কোক নোঞ্জরি।

ঐগী নুংশিজরবা ইরৈবাকচাশিং, 

১৭শুবা চহি চাগী মমিং চৎলবী শৈরেং ইবী, শাঞ্চী হোন্নম্মানা শৈরেং অমা ইরম্মি। মহাক্কী ৱাহৈশিং অদুদা ভারতকী লক্ষ্মী হায়না ঐখোয়না হৌজিক শিজিন্নরিবা ৱাহৈশিং অসি পল্লম্মি। মরম অসিনা ভারতকী লক্ষ্মীগী য়ুম্ফম অসি মতমদুদগী থোনখ্রবনি হায়নীংই। কন্নর লোনগী শৈরেং অসিদা কয়াদা ফজখ্রবা ৱাহৈ, ৱাহন্থোক, ৱাখল্লোন য়াওরিবনো!

(পেন্নিন্দা পর্মেগোন্দনু হিমাবন্তনু,

পেন্নিন্দা ব্রুহু পর্চিদানু

পেন্নিন্দা জনকরায়নু জসুবলেন্দনু)

হায়বগী ৱাহন্থোক্তি, চিং নীংথৌনা মচা নুপী পার্বতীগী মরমদগী, ব্রিঘু মুনিনা মচানুপা লক্ষ্মীগী মরমদগী, অদুগা নিংথৌ জনক্না মচানুপী সিতাগী মরমদগী মীয়াম্না শকখঙনখি। ঐখোয়গী ইচানুপীশিং অসি ঐখোয়গী ইমায়নি। ইচানুপীশিং অসিগী মগুন্না ঐখোয়গী খুন্নাই অসিবু মীয়াম্না শক খঙবীরিবনি, তুংগী আশা ৱাংনা লৈরিবনি।

ঐগী নুংশিজরবা ইরৈবাকচাশিং,

২০১৯গী নবেম্বর ১২ অসিদা মালেম শিনবা থুংনা শ্রী গুরু নানক দেবজীগী মঙাল ফংখিবা চহি ৫৫০ শুবগী থৌরম পাংথোক্কদৌরি। গুরু নানক দেবগী মতিক ময়াই অসি ভারত্তা নত্তনা মালেম পুম্বদা শন্দোক্লি। মালেমগী লৈবাক কয়াদা সিখ ইচিল–ইনাও কয়া খুন্দারি। মখোয়দি গুরু নানক দেবগী মফমদা পুমকৎ কৎথোক্লবনি। ঐহাক্না ভেনকবর অমদি তেবরানগী গুরুদ্বারাশিংদা চৎখিবা খোংচৎশিং অদু ঙাওবা ঙম্লোই। গুরু নানক দেবগী মরমদা হায়নীংঙাই অসুক্কী মতিক য়ামখ্রে মদুদি মদুদা হায়বদা মন কী বাতকী তাঙ্কক অমা ওইগনি। মহাক্না মীয়ামগী য়াইফনবা তৌবা হায়বসিনা অথোইবনি হায়না খনখি। ইশাগী ওইজবা য়াওদনা কৎথোকপগা লোইননা তৌবা থবক্কী মমল লৈতে। মহাক্না অমাং–অশেং হায়বা খুন্নাইগী ফত্তবা ৱাখল্লোন অসিবু য়ানীংখিদে। মহাক্না মহাক্কী পাউজেলশিং অসি মালেমগী মফম কয়াদা শন্দোকখি। মহাক্তি মতম অদুদা খ্বাইদগী লমকোইবা মীওইশিংগী মনুংদা অমনি। মহাক্না চৎখিবা মফমশিংদা মহাক্কী চমজবা, নোল্লুকপা, ইচম চমজবা মওং মতৌনা পুম্নমক্কী থমোই শুমহৎখি। গুরু নানক দেবনা ধর্মগী ওইবা খোংচৎ কয়া চৎখি। মখোয় অদুবু ‘উদাশী’ হায়না খঙনৈ। অফবা ৱাখল অমদি অমত্তা ওইবগী পাউজেল পুরদুনা মহাক্না অৱাং, খা, নোংপোক, নোংচুপ, চৎলুবা মাইকৈশিংদা লাইনীংবশিং অমদি লম্বোইবশিংগা উনখি। অসমগী ফাওরবা লাইনীংবা শঙ্করদেবসু মাগী ৱাখল্লোন্দা ঙাওখি। মহাক্না হরিদ্বারগী শেংলবা মফমশিং চৎখি। কাশীগী শেংলবা মফম ‘গুরুবাগ গুরুদ্বারা’দা গুরুনানক দেবনা লেকখি। মহাক্না বৌদ্ধ ধর্মগা মরি লৈনবা মফম রাজগীর অমসুং গায়ানচিংবদসু চৎখি। খারোমদা শ্রী লঙ্কাসু চৎখি। কর্নাতকাগী বিদারদা চৎপা মতমদা গুরু নানক দেবনা মফম অদুগী ঈশিংগী ফিভম মওং চাদবা অদু শেম্বীরমখি। বিদারদা গুরু নানক ঝিরা সাহেব হায়বা মফম অদু মঙোন্দা কৎথোক্লবনি। মপম অদু হেক য়ৌবগা ঐখোয়না মহাকপু নীংশিংই। উদাশী অমগী খোংচৎতা মহাক্না অৱাংদা কশ্মীর অমদি মফম অদুগা থংনবা মফমশিংদা চৎখি। সিখ ধর্ম চৎপশিং অমদি কশ্মীরগী মরক্তা অফবা মরী থমখি। গুরু নানক্না তিবেৎসু য়ৌখি। মফম অদুগী মীয়াম্না মহাকপু গুরুনী হায়বা য়াজখি। মহাক উজবেকিস্তান্দসু চৎখি। মহাক্কী উদাশীগী খোংচৎতা ইস্লাম চৎপা লমদমশিং সৌদী আরব, ইরাক অমদি অফগানিস্তান্দসু চৎখি। মীওই লাখ কয়ানা মহাকপু য়াখি। মহাক্কী পাউতাক লৌনখি। ঙসিসু লৌনরি। নুমিৎ খরনিগী মমাদা লৈবাক ৮৫গী মীহুৎশিংনা দিল্লীদগী অমৃতশরদা চৎখি। অমৃতশরগী সনাগী লাইশঙদসু চৎখি। পুম্নমক অসি গুরু নানক দেবজীগী মঙাল ফংখিবা চহি ৫৫০শুবা কুমওনগী মনুং চল্লি। মীহুৎশিংনা সনাগী লাইশঙ য়েংবদা নত্তনা সিখশিংগী চৎনবী অমসুং চৎনলোনৎশিংগী মরমদা খঙবগী খুদোংচাবশিংসু ফংখি। মসিগী মতুংদা মীহুৎ কয়ানা সোসিয়েল মীদিয়াদা ফোতো কয়া শেয়র তৌরকখি মখোয়না ফংলকপা লৌশিং কয়াগী মরমদসু ইরকখি। গুরু নানক দেবগী মঙাল ফংখিবা চহি ৫৫০গী কুমওন অসিদা মহাক্কী ৱাখল্লোন অমদি ফিদম লৌহৌনবা ময়াম হোৎনসি। অমুক্কা হন্না মহাক্কী মফমদা কোক নোঞ্জরি।

ঐগী নুংশিজরবা ইচিল–ইনাওশিং,

ওক্তোবর ৩১ অসি ময়াম্না শোইদনা নীংশিংবীরমগনি। নুমিৎ অসি ভারতকী য়োৎকী মী সরদার বল্লভভাই পতেলগী পোকপগী কুমওন্নি। মহাক্না লৈবাক্কী অমত্তা ওইবা শক্তম্বু পুরক্নবা হোৎনবীখি। সরদার পতেলদা মীয়াম্বু অমত্তা পুন্সিনবা ঙম্বগী অঙকপা মগুন অমা য়াওই। মহাক্না ৱাখল মান্নদবা মীওইশিংগসু তিন্নবা ঙম্মি। মহাক্না পোৎ খুদিংমকপু কুপ্না নৈনখি। তশেংনা হায়রবদা মহাক অসি মেন ওফ দিতেলনি লোইননা মহাক পুন্সিনবদা হৈথোই শিংথোইবা মীওই অমসুনি। মহাক্কী থবক তৌবগী মওং–মতৌ পারুবদগী মাগী থৌরমশিং য়াৎপদা হৈথোই–শিংথোইবগী মগুন অদু খঙবা ঙম্মি। ১৯২১দা অহমদবাদতা কোংগ্রেসকী মীফম য়াওননবগীদমক লৈবাক্কী মীফম কয়াদা মীওই কয়া লাক্কদৌরম্মি। মীফম অদু শিল–লাংবগী থৌবুরেল সরদার পতেলনি। তাঞ্জা অসিগী খুদোংচাবা লৌরগা মহাক্না শহরদা ঈশিংগী সপ্লাইগী নেতৱর্ক অদু ফগৎনবা হোৎনখি। মসিনা কনা অমত্তদা ঈশিংগী অৱাবা লৈহল্লোই। মসিদা নত্তনা মহাক্না মীহুৎশিং অদুগী পোৎ–চৈ অমদি খোংউপনচিংবা অমত্তা মাংদনবা হোৎনখিবগী মওং অদু খঙলগা অঙকপা পোক্কনি। মহাক্না লৌমীশিংগা উনরগা মখোয়দা খাদীগী খাও শানবা হায়খি। লৌমীশিংনা খাও তুরে, অদুগা মীহুৎশিংনা য়োল্লে। খাওশিংদা খোংউপ হাপ্লে অদুগা মনাক্তা থম্লে। পোৎ মাংখিনি হায়বগী মীপাইবদু কোক্লে, অমরোমদা খাদীগী পোৎথোক য়োনবগী মশিং হেনগৎলে।

মরূপশিং,

ঐখোয় পুম্নমক্না খঙই, ভারতকী অহানবা গৃহ মন্ত্রী অমা ওইনা সরদার বল্লভভাই পতেলনা ভারতকী নিংথৌ পানবা লৈবাক মচা মচাশিংবু অমত্তা ওইনা পুন্সিন্ননবা য়াম্না কন্না হোৎনরম্মি। মহাক্কী অসিগুম্লবা থবক অসি পুৱারীদা কাওঙম্লরোইদবা থবক্নি। সরদার বল্লভভাই পতেলগী থোইদোকপা মগুন্দি করিনো হায়বদা মহাক্কী মিৎয়েং য়াম্না শাল্লি। অমরোমদা মহাক্কী মিৎয়েং অদু হাইদ্রবাদ, জুনাগর অমসুং অতোপ্পা রাজ্যশিংদা থমজরবসু তাম্লবা লমদম খা রোমগী লক্ষদীপ্তসু মিৎয়েং থমখি। ঐখোয়না সরদার বল্লভভাই পতেলনা লৈবাক অসিবু অমত্তা ওইনা পুন্সিন্নবা হোৎনরম্বশিংগী মতাংদা খন্নরকপদা মফম খরা খক্তগী ওইনা খন্নৈ। লক্ষদীপকুম্বা অপীকপা মফমশিংগীদমক্তসু মহাক্না মরু ওইবা থৌদাং কয়া য়ারম্মি। ৱাফম অসি মীয়াম্না নীংশিংবীরম্বসু য়াই, ময়াম পুম্নমক্না খঙবীরিবা অদুনি লক্ষদীপ অসি ইথৎ খরনা পুন্সিল্লগা শেম্বনি। মসি ভারতকী থোইদোক্না ফদবা মফমশিংগী মরক্তা অমনি। ১৯৪৭কী ভারত পার্তিসনগী মতুংদা য়ুমলোন্নবা লৈবাকশিংগী মিৎয়েং লক্ষদীপ্তা চংলকখি। মখোয়না মখোয়গী ফিরালগা লোইননা জহাজ থারকখি। সরদার পতেলনা ৱাফম অসি হেক খঙলকপগা মতম মাংহনবা তৌদনা য়াম্না থুনা অকনবা থবক হৌখি। মহাক্না অর্কোৎ রামস্বামী মুদেলিয়র অমসুং অর্কোৎ লক্ষ্মন স্বামী মুদেলিয়র মচিন মনাওদা ত্রৱানকোরগী মীয়ামগা লোইননা থুনমক মফম অদুদা চংশিল্লগা মচু অহুমগী ফিরাল হান্না পাইহন্নবা কন্না হায়খি। মহাক্কী পাউতাক মতুং ইন্না মফম অদুদা মচু অহুমগী ফিরালনা হান্না পাইহনখি। মসিগা লোইননা য়ুমলোন্নবনা লক্ষদীপ লৌশিনগে খল্লম্বা অদু ঙমখিদে। থৌদোক অসিগী মতুংদা সরদার পতেলনা মুদেলিয়র মচিন–মনাওদা লক্ষদীপ অসি চাউখৎহন্নবগীদমক মতৌ তাবা মতেং পুম্নমক পীগনি হায়না থাজবা পীখি। ঙসি লক্ষদীপ্না ভারতকী চাউখৎ–খোংজেলদা অচৌবা থৌদাং য়ারি। মসি য়াম্না ফজবা তুরিস্তশিংগী দেস্তিনেসন অমসু ওইরি। ঐহাক্না থাজৈ ময়ামসু মফম অদুগী ফজরবা ইথৎশিং অমসুং শমুদ্র খোংবানশিং অদু য়েংবা সোইদনা চৎপীগনি।

নুংশিরবা ইরৈবাকচাশিং,

ওক্তোবরগী তাং ৩১, ২০১৮ অসিদা সরদার সাহেবকী নীংশিং খুদম ওইনা শাখিবা স্তেচু ওফ য়ুনিতী অসি মালেমগী মীয়ামদা কৎথোকখি। মসি মালেম অসিগী খ্বাইদগী ৱাংবা মীতম্নি। অমেরিকাদা লৈরিবা স্তেচু ওফ লিবর্তীদগীসু শরুক অনি হেন্না ৱাংই। মালেমগী খ্বাইদগী ৱাংলবা স্তেচু ওফ য়ুনিতী অসিগীদমক হিন্দুস্তানী খুদিংমক্না চাউথোকচরি। ময়াম্না থোইদোক্না নুংঙাইবা ফাওবীগদবা ৱাফম অমদি, চহি অমা অসিদা লম কোইবা লাখ ২৬ হেনবনা স্তেচু ওফ য়ুনিতী অসি য়েংবা লাকখি। মসিনা তাক্লিবদি নোংমদা চাউরাক্না মীওই লিশিং ৮ মখাইমুক্না স্তেচু ওফ য়ুনিতী অসি য়েংবা লাকই। মখোয়গী থমোইদা ফাওরিবা সরদার বল্লভভাইবু নীংজবা, নুংশিজবা অদু ফোংদোক্লি হায়না লৌবা য়াই। হৌজিক্তি মফম অসিদা কেক্তসকী লৈকোল, কুরাক্কী লৈকোল, জঙ্গল সফারী, চিলদ্রেন ন্যুত্রিসন পার্ক, য়ুনিতী নর্সরীনচিংবা মফম কয়া লেপ্তনা হাপচিল্লি। মসিনা মফম অদুগী শেনমিৎলোন ফগৎহনবগা লোইননা মীয়ামদা থবক ফংহনবগী খুদোংচাবসু পীরি। লমকোইবশিংগীসু হেন্না খুদোং চানবগীদমক খুঙ্গংগী মীওই কয়ানা মখোয় মখোয়গী য়ুমদা হোমস্তেগী খুদোংচাবা থম্লি। হোমস্তেগী খুদোংচাবা পীরিবা মীওইশিংদসু প্রোফেস্নেল ত্রেনিং পীরি। হৌজিক মফম অদুগী মীওইশিংনা দ্রেগোন ফ্রুইৎ থাবা হৌরে। ঐহাক্না থাজৈ মসিনা য়াম্না থুনা মফম অদুগী মীওইশিংগী শেন্থোক লম্বী ওইরগনি।

মরূপশিং, লৈবাক অসিগী রাজ্যশিং অমসুং তুরিজম ইন্দস্ত্রীগীদমক স্তেচু ওফ য়ুনিতী অসি স্তদী তৌনবগী হিরম অমা ওইবা য়ারে। ঐখোয় পুম্নমক্না উরে মতৌ করম্না চহি অমগী মনুংদা মফম অমবু মালেম শিনবা থুংনা ফাওরবা তুরিজম দেস্তিনেসন ওইনা শেমগৎপা য়াবগে হায়বদু। মফম অদুদা লৈবাক অসিদগী অমসুং মপান লৈবাকশিংদগী মীওই কয়া লাকই। চৎথোক–চৎশিনগী, লৈফমগী, গাইদশিংগী, ইকো ফ্রেন্দলীগী ওইবা খুদোংচাবশিং অমগী মফমদা অমা লেপ্তনা থোরক্লি। শেনমিৎলোন য়াম্না ফগৎলক্লি। অমসুং লমকোইবা লাক্লিবা ময়ামগী মথৌ তাবা মতুং ইন্না খুদোংচাবা কয়া অমা নৌনা শেমগৎলক্লি। সরকারসু মশাগী মথৌ পাংথোক্লি। হৌখিবা নুমিৎ খরনিগী মমাংদা তাইম মেগজিন্দা মালেমগী মরু ওইবা তুরিস্ত দেস্তিনেসন ১০০গী মনুংদা স্তেচু ওফ য়ুনিতীসু য়াওরে হায়বা ৱাফম অসি পল্লকপদা চাউথোক্লোইদবা ইরৈবাক মচা কনা য়াওবগে। ঐহাক্না থাজজৈ, অদোমগী তাংলবা মতম কয়া কাইথোকপীরগা স্তেচু ওফ য়ুনিতী য়েংবা শোইদনা চৎপীগনি। মসিগা লোইননা ঐহাক্না হায়জনীংবদি ইশাগী মতম কাইথোকপীদুনা লম কোইবা চৎপীবশিংনা ইমুং মনুংগা লোইননা তুরিস্ত দেস্তিনেসন ১৫ চৎপীয়ু অদুগা মফম অদুদা অহিং শোইদনা লেকপীরকউ।

মরূপশা, ময়াম্নসু হেন্না খঙবীরিবা অদুনি ২০১৪দগী হৌরগা চহি খুদিংগী ওক্তোবর ৩১ অসি রাস্ত্রীয় এক্তা দিবস হায়দুনা পাংথোক্লি। নুমিৎ অসিদা ঐখোয়দা লৈবাক অসিগী অপুনবা শক্তম্বু ঙাক শেন্নবগী পাউজেল পীরি। ওক্তোবর ৩১, নুমিৎ অসিদা হান্না পাংথোকপগুম্না ‘রন ফোর য়ুনিতী’সু পাংথোক্কদৌরি। মসিদা মীপুম খুদিংমক্না শরুক য়াগনি। রন ফোর য়ুনিতী অসিনা লৈবাক অসি অমত্তনি, মাইকৈ অমত্তদা চৎলি অমসুং পান্দম অমা পুরকপা পাম্মি হায়বগী খুদম্নি। ঐখোয়গী অমত্তা ঙাইরবা পান্দমদি ‘অপুনবা ভারত, অথোইবা ভারত’নি। হৌখিবা চহি ৫ অসিদা উখ্রে দিল্লীদা নত্তনা লৈবাক অসিগী কাচিন–কোয়া শিনবা থুংনা মসা–মউ ফবা নহারোলশিংদগী হৌরগা নুপী–অঙাং অহল লমন অমসুং হকচাংগী ফিভমদা মীমান্নদ্রবনচিংবা মীওই কাংলুপ খুদিংমক্না শরুক য়ারি। অমরোমদা হৌজিক অসি মীয়াম্না লমশাং লমজেল অসি য়াম্না পাম্নরক্লি। রন ফোর য়ুনিতী অসিমকসু মসিগা মান্নবা খুদোংচাবা অমনি। চেনবা হায়বা অসি পুক্নীং–ৱাখল অমসুং হকচাং অনিমক্তা কান্নৈ। মসিদদি চেনবা অসিদা ‘ফিৎ ইন্দিয়া’গী ৱাখল্লোনসু য়াওরে। লোইননা অপুনবা ভারত অথোইবা ভারতকী ৱাখল্লোনসু পুন্না য়াওরে। ভারতপু অৱাংবা থাক্তা পুখৎনবা পুক্নীং অমসুং হকচাং অনিমক ফবা মথৌ তাই। অদোম্না লৈরিবা শহর অদুগী অকোইবগী রন ফোর য়ুনিতীগী মরমদা খঙদোকপীয়ু। runforunity.gov.in হায়বা পোর্তেল অমা হাংদোক্লে। পোর্তেল অসিদা লৈবাক পুম্বগী রন ফোর য়ুনিতী পাংথোক্কদা মফমশিংগী মরমদা খঙহল্লি। ময়াম পুম্নমক্না ওক্তোবর ৩১দা রন ফোর য়ুনিতীগী লৈবাক অসিগী অপুনবগী শক্তম উৎননবগীদমক অমসুং আশাগী ফিৎনেসকীদমক শরুক য়াবীয়ু।

নুংশিজরবা ইরৈবাকচাশিং,

সরদার বল্লভভাই পতেলনা লৈবাক অসিবু অমত্তা ওইনা পুন্সিল্লি। অপুনবগী লাইশোন অসি ঐখোয়গী পুন্সিগী শরুক অমগুম্বনি। অদুগা ভারতকুম্বা খেন্নবা ময়াম অমনা থল্লবা মফম অসিদা লাইশোন অসি য়াম্নমক মরু ওই। মরম অদুনা ঐখোয়না মসিবু মতম চুপ্পদা ঙাকপা তাই।

নুংশিজরবা ইরৈবাকচাশিং,

ঐখোয়না খঙই, ঐখোয়গী খুন্নাই অসিনা মতম চুপ্পদা অপুনবগী শক্তম ঙাকপদা থোইদোক্না পুক্নীং চংই। মসিগী খুদম কয়া ঐখোয়গী অকোইবদা উবা ফংগনি।

মরূপশিং,

সেপ্তেম্বর ২০১০দা ইল্লাহবাদ হাইকোর্তনা রাম জন্ম ভুমীগী ৱারেপ পীখিবা মতমদা করি ওইখিবগে হায়বদু অমুক্তা নীংশিংবীয়ু। মখল কয়াগী মী থোরকখি, মখোয়না মখোয় মখোয়গী ওইবা মওংদা খুদোংচাবা কয়া লৌখি। মীয়াম্বু ইরাং হৌহন্নবা ৱা কয়া ঙাংখি। মখোয় মশাগী মমিং চৎহৌনবা ওইদবা কয়া ঙাংখি। অদুবু মদু কুইনা চৎখিদে। নুমিৎ ৫–১০নিগী ৱানি। অদুম ওইনমক কোর্তকী ৱারেপ হেক লাকপগা অঙকপা অওনবা অমা লাকখি। অমরোমদা চয়োল অনিরোমদি ইরাং শাগৎনবা থবক কয়া তৌনখ্রে, অদুবু রাম জন্ম ভুমীগী ৱারেপ হেক লাকপগা সরকার, পোলিতিকেল পার্তীশিং, সিবিল সোসাইতীনচিংবশিংনা মীচং–মীখাই নাইদবা অমসুং চেকশিল্লবা ৱাফম কয়া ফোংদোক্নখি। অকোইবদা ইং তপ্পা পুরক্নবা কন্না হোৎনখি। মতম অদু নীংশিংলুবদা য়াম্না নুংঙাইবা পোকই। ৱায়েলশঙগী ৱারেপ্পু থোইদোক্না ইকাই খুম্নবা উৎপগা লোইননা মফম অমত্তদা ইরাং শাগৎহনখিদে। ৱাফম অসি মতম লৈবা খিবিক্তা নীংশিংগদবনি। মসিনা ঐখোয়দা থৌনা হাপখি। মতম অদুনা ঐখোয় খুদিংমক্কীদমক ইথৌ পাংথোকপগী ৱাখল্লোন নীংশিংহল্লি। অপুনবগী খোংল্লাওনা লৈবাক অসিগী থৌনা ওইবগী খুদম অমনি।

ঐগী নুংশিজরবা ইরৈবাকচাশিং,

ওক্তোবর ৩১গী নুমিৎ অসিদা ঐখোয়গী হান্নগী প্রধান মন্ত্রী শ্রীমতী ইন্দিরাজীবু হাৎখি। লৈবাক পুম্বা অৱাবগী চৈথেং ফংখি। ঐনা ঙসি মাগী মফমদসু শ্রদ্ধাঞ্জলি কৎচরি।

ঐগী নুংশিজরবা ইরৈবাকচাশিং,

ঙসি লৈবাক অসিগী য়ুমথোং খুদিংদা ঙাংনরিবা ৱাফম অমা হায়রগদি লু–নানবগী মতাং অসিনি। মীপুম খুদিংমক্না ফোংদোক্নীংলিবা ৱাফমদি মখোয়না থবক অসি পায়খৎপদা ফাওজবা নুংঙাইবা অদুনি। লু নানবগী থবক অসি লৈবাক অসিগী মীওই করোর ১২৫না পুন্না পাইখৎমিন্নখিবনি। মসিগী ওইরক্লিবা ফিভম অসিগী চাউথোকচবদি মীওই করোর ১২৫না পোকফম থোকই। থেংনরকপা য়াম্না ৱাফম অমা তমজগে। অমুক্তা খন্দুনা য়েংবীয়ু, মালেমগী খ্বাইদগী অৱাংবা লানবুং, মফম অদুগী অইং–অশাগী ফিভম মাইনস দিগ্রী ৫০–৬০ ফাওবা ওই। নুংশিৎতা ওক্সিজেনগী চাং অদু মমিংতগী ওইনা য়াওই। অদুক য়াম্না খুদোং চাদবা মফম অদুদা লৈবা হায়বসিমকসু শিংনবা অমনি। অসুক য়াম্না খুদোংচাদবা মরক অসিদা ঐখোয়গী লান্মীশিংনা লৈবাক্কী হাক শেনবতা নত্তনা সিয়াচেনবু তরু তনালহনবগী খোংজংসু চংশিল্লি।

ভারতকী লান্মীশিংগী অসিগুম্বা থবক অসিগীদমক ইরৈবাকচাশিংগী মাইকৈদগী ইকাই খুম্নবা উৎচরি। মফম অদু কয়াগী মতিক ইংবগে হায়বদা, মফম অদুদা করিগুম্বা অমত্তা দি–কম্পোজ তৌবা ঙমদে। অসিগুম্বা ফিভম অসিদা অমোৎ–অকাইশিং অদু খন্দোক–খঞ্জিন তৌবা অসিসু অচৌবা থবক অমনি। অসিগুম্বা গ্লেসিয়র অমসুং মসিগী অকোইবগী ফ্রেজাইল ওইবা ইকোসিস্তেমদগী তোন ১৩০দগী হেনবা অমোৎ–অকাই লৌথোকপা হায়বসিমক কয়াদা চাউরবা সেবানো। হায়রিবা মফম অসিদা পোলর বিয়রগুম্বা তাংলবা শা মখল অসি লৈ। মফম অসিদা আইবেক্স অমসুং ব্রাউন বিয়র হায়রিবা তাংলবা শা মখল অসিসু লৈ। সিয়াচেন অসি তুরেল অমসুং অরুবা ঈশিংগী হৌরকফম্নি। মরম অদুনা মফম অসিদা লু–নানবগী থবক পায়খৎপা হায়বসি চিংখোংদা লৈরিবা মীয়ামদা অরুবা, অশেংবা ঈশিং ফংহনবগী খুদোংচাবসু ওইরিবনি। মখোয়না নুব্রা অমসুং শিয়োক তুরেলগী ঈশিং শিজিন্নৈ।

ঐগী নুংশিজরবা ইরৈবাকচাশিং,

কুম্মৈশিং অসিনা ঐখোয়গী পুন্সিদা অনৌবা থৌনা অমা হাপ্পি। মরু ওইনা দিৱালী অমদা য়াম্বা য়ামদবা পোৎ খরদি ইমুং খুদিংনা কৈথেলদগী লৈ। ঐনা ইরমদমগী পোৎথোক লৈবীনবা হায়জখি। ঐখোয়গী মথৌ তাবা পুম্নমক ঐখোয়গী খুঙ্গংদা ফংলবদি করিগীদমক অরাপ্পা মফমদা চৎলুগদগে? ঐখোয়না ঐখোয়গী ইরমদমগী পোৎ লৈরবদি গন্ধী ১৫০ অসে মশা মথন্তা অথোইবা ওইজরগনি। অদুগা ঐহাক্না হায়জনীংবদি, য়ামদ্রবদা ঐখোয়গী ফি শাবীশিংনা শাবা ফি অমসুং খাদী ফি শাবশিংনা শাবা ফি শোইদনা লৈবীয়ু। হন্দক্কী দিৱালী অসিদসু ময়াম্না কুম্মৈ অসিগী মাংজৌননা ময়াম্না পোৎ খরদি শোইদনা লৈবীরম্লগনি অদুবু মীওই খরদি দিৱালী লোইরগা খরা হোংলক্কনি খন্দুনা কোন্না লৈগে হায়না ঙাইবসু য়াওরমগনি। লৈগদবা ৱাৎপা মীসু য়াওরমগনি। দিৱালীগী য়াইফ–পাউজেল পীজবগা লোইননা ময়ামদা ইরমদমগী পোৎথোক লৈবীয়ু হায়জরি। য়েংবীয়ু, মহাত্মা গান্ধীগী মঙলান মঙফাওনহনবদা ঐখোয়সু শরুক য়াগদৌরিবনি। ঐহাক্না অমুক্কা হন্না দিৱালীগী শেংলবা কুম্মৈ অসিগীদমক য়াইফ–পাউজেল পীজরি। ঐখোয়না দিৱালীদা মখল কয়াগী বম্বুলা থাই। করিগুম্বদা চেকশিনহৌদবদগী মৈ চাক্তুনা খুদোং থিবা নংবা য়াওই। ঐহাক্না ময়ামদা হায়জনীংবদি ইশাবু চেকশিনবগা লোইননা হরাও–তয়াম্না কুম্মৈ পাংথোকপীয়ু। ময়ামদা হন্না হন্না য়াইফ–পাউজেল পীজরি।

হন্না হন্না থাগৎচরি।