ভারতকী প্রধানমন্ত্রী শ্রী নরেন্দ্র মোদী, য়ুনাইতেদ অরব ইমিরেতকী রাস্ত্রপতি শ্রী হিজ হাইনেস সৈখ মোহম্মদা বিন জায়েদা অল নাহয়ান লিশিং অমা কুন তরুক্কী জনুৱারি তরামাপলদা ভারত্তা ওফিসিয়েল ওইবা খোঙচৎ অমদা লাকখি, মসি হৌখিবা চহি তরাগী খুজিং কয়াদা হিজ হাইনেস সৈখ মোহম্মদা বিন জায়েদা অল নাহয়ান্না ভারত্তা লাকখিবা মঙাশুবা খোঙচৎনি অমসুং য়ু.এ.ই.গী রাস্ত্রপতি ওইনা মহাক্কি অহুমশুবা ওফিসিয়েল খোঙচৎনি।
প্রধানমন্ত্রী শ্রী নরেন্দ্র মোদী অমসুং রাস্ত্রপতি হিজ হাইনেস সৈখ মোহম্মদা বিন জায়েদা অল নাহয়ান্না লৈবাক অনিগী মরক্তা নাকল অনিগী ওইবা তেংবাং পিনবগী মপুং ফাবা স্কোপ অদু য়েংশিনখি। মখোয়না য়ানখি মদুদি হৌখিবা চহি তরাগী খুজিং কয়াদগী ইন্দিয়া-য়ু.এ.ই.গী কমপ্রিহেন্সিব স্ত্রেতিজিক পার্ত্নরসিপ অসি মখা তানা মপাঙ্গল কনখৎলক্লি।
হৌখিবা চহি অনিদা অবু ধাবিগী ক্রাওন প্রীন্স হিজ হাইনেস সৈখ খালেদা বিন মোহম্মদা বিন জায়েদা অল নাহয়ান অমসুং দুবাইগী ক্রাওন প্রীন্স, য়ু.এ.ই.গী উপ্-প্রধানমন্ত্রী অমসুং দিফেন্স মন্ত্রী হিজ হাইনেস সৈখ হামদান বিন মোহম্মদা বিন রশিদা অল মকতুমনা হৌখিবা চহি অনিদা ভারত্তা চৎখিবা খোঙচৎশিং অদু তরাম্না ওকখি অমসুং খোঙচৎশিং অসিনা নাকল অনিগী মরিগী মীরোল অসি মখা চত্থবগী মশক তাকখি হায়না পনখি।
লুচিংবা অনিনা লিশিং অনিগা কুন মঙাগী সেপ্তেম্বরদা পাংথোকখিবা তরাহুমদোইরকশুবা হাই-লেবেল তাস্ক ফোরস ওন ইনভেস্তমেন্তকি ফলশিং, অমসুং লিশিং অনিগা কুন মঙাগী দিসেম্বরদা পাংথোকখিবা তরাতরুকশুবা ইন্দিয়া-য়ু.এ.ই.গী জোইন্ত কম্মিসনগী মিফম অমসুং মঙাশুবা স্ত্রেতিজিক দাইলোগকি ফলশিং অদু অয়াবা পীখি।
লুচিংবা অনিনা লিশিং অনি কুন নিথোইদা কমপ্রিহেন্সিব ইকোনোমিক পার্ত্নরসিপ্ এগ্রিমেন্ত (সি.ই.পি.এ.) খুৎয়েক পিনরবা মতুংদা ললোন-ইতীক অমসুং শেল-থুমগীমতেং পিনবগী গ্রোথ অদু তরাম্না ওকখি অমসুং শেনবা চহী লিশিং অনি কুনমরি-কুনমঙাদা য়ু.এস. বিলিয়ন চামা য়ৌখিবা। নাকল অনিমক্কী বিজিনেস কম্ম্যুনিতীশিংগী থৌনানা থৌনা হাপ্লদুনা মখোয়না লিশিং অনিগা কুন্থ্রা নিথোই ফাওবদা য়ু.এস.দোলর বিলিয়ন চনিগী পান্দম থম্নবা লৈবাক অনিগী ললোন-ইতীক অসি শরুক অনি হেনগৎহন্নবা ৱারেপ লৌখি।
মখোয়না মখোয়গী তীমশিংদা মায়কৈ অনিমক্তা মায়ক্রো, স্মোল অমসুং মেদিয়ম সেক্তর ইন্তরপ্রাইজশিং (এম.এস.এম.ই.শিং) শম্নহন্নবগী মায়কৈদা থবক তৌনবা য়াথং পীখি। মসিগী ফিভম্ অসিদা মখোয়না মিদল ইস্ত, ৱেস্ত এসিয়া, অফ্রিকা অমসুং য়ুরেসিয়া লমদম শিনবা থুংনা এম.এস.এম.ই.গী পোত্থোকশিং য়োকখৎনবা ‘ভারত মার্ত’, ‘ভর্চুএল ত্রেদ কোরিদোর’ অমসুং ‘ভারত-অফ্রিকা সেতু’গুম্বা মরুওইবা থৌরাংশিং য়াম্না থুনা পায়খৎনবা হায়খি।
লিশিং অনিগা কুনমরিদা খুৎয়েক পিনখিবা বাইলেতরেল ইনভেস্তমেন্ত ট্রিতীনা লৈবাক অনিমককি সেক্তর কয়াদা ইনভেস্তমেন্ত ফ্লোশিং মখা তানা মপাঙ্গল কনখৎহনবদা লুচিংবশিংনাা ণুংঙাইবা ফোংদোকখি। গুজরাতকি ধোলেরাদা ছ্পেসিএল ইনভেস্তমেন্ত রিজনগী চাওখৎ-থৌরাংগীদমক য়ু.এ.ই.গী ওইথোকপা য়াবা পার্ত্নরসিপ্ অমগী মতাংদা খন্ন-নৈনবাদা মখোয়না তরাম্না ওকখি। য়েংশিললিবা পার্ত্নরসিপ্ অসিদাা ইন্তরনেস্নেল এয়রপোরৎ অমা, পাইলোৎ ট্রেণিং স্কুল অমা, মেন্তেনেন্স, রিপেয়র অমসুং ওভরহোল (এম.আর.ও.) ফেসিলিতী অমা, গ্রীনফিল্দা পোর্ত অমা, স্মার্ত অরবান তাওনসিপ অমা, রেলৱে কনেক্তিবিতী, অমসুং ইনর্জী ইনফ্রাস্ত্রকচর অমা য়াওনা মরুওইবা স্ত্রেতিজিক ইনফ্রাস্ত্রকচরশিং শেমগৎপা য়াওগনি। অহানবা এন.আই.আই.এফ.কি ইনফ্রাস্ত্রকচর ফন্দগী মায়পাকপা অদু ফোংদোক্লদুনা ভারতকী প্রধানমন্ত্রীনা য়ু.এ.ই.গী সোভরেন ৱেলথ ফন্দশিংবু লিশিং অনি কুনতরুক্তা হৌদোক্কদৌরিবা অনিশুবা ইনফ্রাস্ত্রকচর ফন্দদা শরুক য়ানবা খন্ননবা কৌখি, লুচিংবা অনিনা জি.আই.এফ.তী. এফ.এ.বি.গী জি.আই.এফ.তী.সিতী ব্রাঞ্চ অসিনা মরুওইবা থোং অমা ওইনা থবক তৌগনি, মসিনা ভারতকী কোরপোরেৎশিং অমসুং ইনভেস্তরশিংবু জি.সি.সি. অমসুং এম.ই.এন.এ. মার্কেতশিংদা এক্সপরতাইজ তৌগনি।
নাকল অনিমকনা ফুদা সেক্যুরিতীদা য়ু.এ.ই.–ইন্দিয়া কোওপরেসন হেঙ্গৎহন্নবা মখোয়গী অচেৎপা ৱাশক অদু অমুক হন্না চেৎশিলহল্লে, মসিগী স্ত্রেতিজিক ওইবা মরুওইবা অদু সস্তেনেবল সপ্লাই চেনশিং অমসুং লোং তর্ম রেসিলিয়েন্স শোয়দনা ফংহনবদা শকখঙখ্রে। মখোয়না লৈবাক অনিমক্কী নেস্নেল প্রাইওরিতীশিংগা চুনবা মওংদা সস্তেনেবল এগ্রিকলচর মাংলোমদা পুখৎনবা অমসুং নেস্নেল ফুদ রেসিলিয়েন্স হেঙ্গৎহনবদা পব্লিক-প্রাইবেৎ পার্ত্নরসিপ্, ইনোবেসন অমসুং নোলেজ একচেঞ্জগী থৌদাং অদু ফোংদোকখি।
স্পেস সেক্তরদা তেংবাং পিনবা হেন্না চেৎশিলহন্নবা লুচিংবা অনিনা য়ানখি। মসিগী মতাংদা মখোয়না স্পেস সাইন্স অমসুং তেক্নোলোজিশিং চাওখৎহনবগী খুত্থাংদা সেক্তর অসিগী কম্মরসিএলাইজেসন থৌগৎনবা পান্দম থম্লিবা অপুনবা থৌরাং অমদা পুন্না থবক তৌমিন্ননবা য়ৌরকপা লৌশিং অদু তরাম্না ওকখি। মসিগী থৌরাং অসিনা এন্দ-তু-এন্দা ইনফ্রাস্ত্রকচর অমসুং অচেৎপা ইন্দছ্ৎরিয়েল বেজ অমগা লোয়ননা ইন্টিগ্রেতেদা স্পেস ইকোসিছ্টেম্ অমা পুথোক্ণবা পান্দম থম্লি। মসিনা ভারত–য়ু.এ.ই.গী জোইন্ত মিসনশিং ইনেবল তৌবা, গ্লোবেল কম্মর্সিএল সর্ভিসশিং পাকথোক-চাওথোকহনবা, হাই-স্কীল ইমপ্লোইমেন্ত অমসুং স্তার্ত-অপশিং শেমগৎপা অমসুং সস্তেনেবল বিজিনেস মোদেলশিংগী খুত্থাংদা নাকল অনিগী ইনভেস্তমেন্ত মপাঙ্গল কনখৎহন্নবা পান্দম থম্লি।
লুচিংবা অনিনা সাইন্স অমসুং তেক্নোলোজি অমসুং ইনোবেসনগী লমদা মরুওইনা আরতীফিসিএল ইন্টিলিজেন্স (এ.আই.) অমসুং ইমরজিং তেক্নোলোজিগী লমদা পুন্না থবক তৌমিন্নবদা মপাঙ্গল কনখৎহন্নবা ৱারেপ্ লৌখি। ভারত্তা সুপর কম্প্যুতিং ক্লস্তর অমা লিংখৎপদা পুন্না থবক তৌমিন্নবগী ৱারেপ অদু তরাম্না ওক্লদুনা মখোয়না ভারত্তা দেতা সেন্তরশিং লিংখৎপদা তেংবাং পিনবা থিজিনবসু য়ানখি। লুচিংবা অনিনা মখোয়গী তীমশিংদা য়ু.এ.ই. অমসুং ভারতকী মরক্তা, নাকল অনিমক্না শকখঙলবা সোভরেন্তী এরেঞ্জমেন্তশিংগী মখাদা ‘দিজিতেল এম্বেসি’ লিংখৎপগী ওইথোকপা য়াবশিং অদু থিজিন্নবা য়াথং পীখি। রাস্ত্রপতি হিজ হাইনেস সৈখ মোহম্মদা বিন জায়েদা অল নাহয়ান্না লিশিং অনি কুনতরুক্কী ফেব্রুৱারিদা ভারত্তা পাংথোক্কদৌরিবা এ.আই. ইম্পেক্ত সম্মিত অসি শৌগৎকনি হায়না ফোংদোকখি।
লুচিংবা অনিনা নাকল অনিগী ইনর্জী পার্ত্নরসিপকি পাঙ্গলদা অপেনবা ফোংদোকখি অমসুং ভারতকী ইনর্জী সেক্যুরিতীদা য়ু.এ.ই. গী থৌদাং অদু মরুওইনা লৌখি। মখোয়না চহী লিশিং অনিগা কুননিপান্দগী হৌরগা চহি অমদা লিক্বিফাই নেচরেল গ্যাস তন মিলিয়ন দসমিক শুপ্না মঙা দেলিভরী তৌনবগীদমক্তা পিনবা হিন্দুস্তান পেত্রোলিয়ম কোরপোরেসন লিমিতেদা (ঐচ.পি.সি.এল.) অমসুং এ.দি.এন.ও.সি.গী গ্যাসকি মরক্তা চহি তরা এল.এন.জি. সপ্লাই তৌনবা খুৎয়েক পীবা অসিবু তরাম্না ওকখি। লুচিংবশিংনা সস্তেনেবল হারনেসিং অমছুং এদভান্সমেন্ত ওফ ন্যুক্লিয়র ইনর্জী ফোর ত্রান্সফোরমিং ইন্দিয়া (শান্তী)গী আইন চৎনহনবদসু তরাম্না ওকখি, মসিনা সিভিল ন্যুক্লিয়র কোওপরেসন হেঙ্গৎহন্নবগী অনৌবা খুদোংচাবশিং শেমগৎলি হায়না পনখি। সিভিল ন্যুক্লিয়র কোওপরেসন হেনগৎহন্নবগী অনৌবা খুদোংচাবশিং শেমগৎপা অসিবু পল্লদুনা অচৌবা ন্যুক্লিয়র রিএক্তরশিং অমসুং স্মোল মোদ্যুলর রিএক্তরশিং (এস.এম.আর.শিং) শেমগৎপা অমসুং শীজিন্নবা য়াওনা অহোঙবা রিএক্তর সিসিস্তেমশিং, ন্যুক্লিয়র পাৱর প্লান্ত ওপরেসন অমসুং মেন্তেনেন্স অমসুং ন্যুক্লিয়র সেফতীদা তেংবাং পিনবা য়াওনা অহোঙবা ন্যুক্লিয়র তেক্নোলোজিশিংদা পার্ত্নরসিপ্ থিবা নাকল অনিনা য়ানখি।
লৈবাক অনিগী মরক্তা ফাইনান্সিয়েল সেক্তরগী তেংবাং পিনবা হেন্না চেৎশিলহল্লিবা অসি লুচিংবা অনিনা থাগৎপা ফোংদোকখি। মখোয়না মখোয়গী তীমশিংদা ঙমখৈ লান্দুনা ইফিসিয়েন্ত, য়াম্না থুনা অমসুং মমল হোঙবা পেমেন্তশিং পাংথোকপা ঙম্নবা নেস্নেল পেমেন্ত প্লেৎফোরমশিং ইন্তরলিঙ্ক তৌবগী মায়কৈদা থবক তৌনবা য়াথং পীখি।
লৈবাক অনিগী মরক্তা সেয়র তৌরবা কলচরেল অমসুং পুৱারিগী হেরিতেজ অসিবু শকখঙলদুনা প্রধানমন্ত্রী শ্রী নরেন্দ্র মোদীনা লোথালদা লৈবা নেস্নেল মেরিতাইম হেরিতেজ কমপ্লেক্সকীদমক আরতিফেক্তাশিং ফংহন্নবা য়ু.এ.ই.না লৌখিবা ৱারেপ অদু তরাম্না ওকখি। লুচিংবা অনিনা ভারত-য়ু.এ.ই.গী মরুপ-মপাং ওইবগী লেংদবা মশক অমা ওইনা অবু ধাবিদা ‘হাওস ওফ ইন্দিয়া’ অমা লিংখৎনবা ৱারেপ লৌখি। কলচরেলগী ওইবা ৱাখল্লোন হেন্না চেৎশিলহন্নবা পান্দম থম্লিবা নহাশিংগী একচেন্জশিংগী খুত্থাংদা মিওই অমগা মিওই অমগা মখা তানা পুক্নিং থৌগৎনিংঙাই ওইবা মরিশিং য়োকখৎপদসু মখোয়না য়ানখি।
লুচিংবশিংনা এজুকেসন অসি ভারত-য়ু.এ.ই.গী পার্ত্নরসিপকি মরুওইবা য়ুম্বি অমা ওইনা মশক খঙদোকখি। য়ু.এ.ই.দা লৈবা ইন্দিয়ন ইন্সতিত্যুৎ ওফ তেক্নোলোজি দিল্লী অমসুং ইন্দিয়ন ইন্সতিত্যুৎ ওফ মেনেজমেন্ত–অহমদবাদকি ওফশোর কেম্পসশিং হাংদোকপদা য়ুম্ফম ওইরগা মখোয়না লৈবাক অনিমক্কী য়ুনিভর্সিতিশিং অমসুং এজুকেসনেল ইন্সতিত্যুসনশিংগী মরক্তা লিঙ্ক তৌবা হেনগৎহন্নবা অমসুং মহৈরোইশিংগী একচেঞ্জশিং পাকথোক চাওথোকহন্নবা হেন্না হোৎনবদা পুক্নিং থৌগৎখি, মসিনা লৈবাক অনিগী মরক্তা লৌশিংগী থোং অমা ওইনা থবক তৌগন। মসিদা স্কুলশিং অমসুং কোলেজশিংদা ইনোবেসন অমসুং তীঙ্করিং লেবশিং পাকথোক চাওথোকহনবদা তেংবাং পিনবা য়াওগনি। লুচিংবশিংনা ভারতকী একাদেমিক দিগ্রীশিং/ দোকুমেন্তশিংগী অশোয়বা লৈতনা ওথেন্তিকেসনগীদমক য়ু.এ.ই.গী প্লেৎফোরমশিংগা পুনশিন্ননবা ভারতকী দিজিলোকর অসি পুনশিন্ননবা হোৎনবদা য়ান্নখিবা অদু তরাম্না ওকখি, মসিনা শেল-থুমগী অমসুং মহৈ-মশিংগী হেন্না খুদোংচাবশিং অমসুং হিংবদা লাইবা হেনগৎহনগনি।
লুচিংবশিংনা অমনা অমগী সোভরেন্তী অমসুং তেরিতোরি ইন্তিগ্রীতীবু নিংথিনা ইকায় খুম্নবা অমসুং স্ত্রেতিজিক ওতোনোমিগী মরুওইবা অদু ফোংদোকখি। মখোয়না কমপ্রেহেন্সিব স্ত্রেতিজিক পার্ত্নরসিপকি মরুওইবা য়ুম্বি অমা ওইনা নাকল অনিগী ঙাকশেল অমসুং সেক্যুরিতীগী তেংবাং পিনবা অসি তংদু লৈতাবা অমসুং অচেৎপা মওংদা শকখঙখি। মখোয়না হন্দক্তা লৈবাক অনিমক্কী আর্মী, নেভি অমসুং এয়র ফোর্সকি মরি লৈনবা সর্ভিস চিফশিং অমসুং কমান্দরশিংনা ভিজিৎশিং তৌনবদগী, অমসুং নাকল অনিগী মিলিত্রী এক্সর্সাইজশিং মায় পাক্না পাংথোকপদগী থোরকপা খোঙজেল অদু তরাম্না ওকখি। স্ত্রেতিজিক দিফেন্স পার্ত্নরসিপ অমা লোইসিনবগী মায়কৈদা লেতর ওফ ইন্তেন্ত খুৎয়েক পীনখিবা অদু মখোয়না তরাম্না ওকখি।
লুচিংবা অনিনা ঙমখৈ লান্দুনা তেরোরিজম্ য়াওনা মওং অমসুং মশক খুদিংদা তেরোরিজমবু অমুক হন্না য়াণিংদবা ফোংদোকখি অমসুং লৈবাক অমৎতনা তেরোরিস্তকী থবকশিং শেল থাদরিবা, থৌরাং তৌরিবা, মতেং পাংলিবা নত্রগা তৌরিবা মীওইশিংদা শাফবা মফম অমা পীরোইদবনি হায়না অকনবা ৱাফম থমখি। তেরোরিজম ফাইনান্সিং থেংননবা অমসুং এন্তি-মনি লোনদরিংগী হোৎনরিবশিং মপাঙ্গল কনখৎহন্নবা ফাইনান্ছিএল এক্ছন তাস্ক ফোরস (এফ.এ.তী.এফ.)গী ফ্রেমৱার্ক্কী নুংদা মখা তানা তেংবাং পীনবা মখোয়না য়ানখি।
লুচিংবা অনিনা লিশিং অনিগা কুনহুমদোইদগী সেপ্তেম্বরদা দিল্লীদা পাংথোক্কদৌরিবা জি-ত্বেন্তী সমিৎকি মায়কৈদা ইন্দিয়া-মিদল ইস্ত-য়ুরোপ ইকোনোমিক কোরিদোর (আই.এম.ই.সি.) হৌদোকখিবা অদু ণিংশিংখি।
লুচিংবা অনিনা নাকল অনিগী ই্তরেস্তকী রিজনেল অমসুং গ্লোবেল ইসুশিংদা ৱাখল্লোনশিং ফোংদোক্নখি। মখোয়না রিজনেল পিস, সেক্যুরিতী অমসুং স্তেবিলিতীদা মখোয়গী সেয়র তৌরবা ইন্তরেস্ত অদু ফোংদোকখি। মখোয়না মল্তিলেতরেল অমসুং প্লুরিলেতরেল ফোরমশিংদা অফবা তেংবাং পিনবা অমসুং অমগা অমগা মতেং পাংনবা নোৎ তৌখি। য়ু.এ.ই.গী মায়কৈদগী ব্রিক্স চেয়রমেনসিপ মায়পাকপগীদমক মখোয়গী মপুং ফাবা শৌগৎপা ফোংদোকখি। লিশিং অনি কুনতরুক্কী অরোইবদা পাংথোক্কদবা য়ু.এ.ই.গা পুন্না পাংথোকমিন্নগদবা মায়কৈনা লিশিং অনি কুন তরুক্কী ৱাতর কনফরেন্স অসিগীদমক্তা ভারতকী মায়কৈদগী শৌগৎনবা হায়খি।
নাকল অনিমক্না পোলার সাইন্সতা মখোয়গী পুন্না থবক তৌমিন্নবগী মতাংদা ফোংদোকখি অমসুং জোইন্ত এক্ছপিদিসনশিং অমসুং ইন্সতিত্যুস্নেল কোওপরেসনগী অফবা ফলশিং অদু নোৎ তৌখি। নাকল অনিমক্না পান্দম থম্লিবা সাইন্তিফিক ইনিসিএতিব, কোওরদিনেৎ তৌরবা রিসর্চ প্লানিং অমসুং নেস্নেল পোলার রিসর্চ ইন্সতিত্যুসনশিংগী মরক্তা পুন্না থবক তৌমিন্নবগী মপাঙ্গল কনখৎহনবগী খুত্থাংদা পার্ত্নরসিপ অসি মখা তানা মাংলোমদা পুখৎনবা য়ানখি। মখোয়না অকনবা ৱাফম থমখি মদুদি পোলার রিজনশিংদা মখা তানা তেংবাং পিনবনা ইবিদেন্সতা য়ুম্ফম ওইবা ক্লাইমেৎ এক্সন্দা মতেং পাংগনি অমসুং মালেমগী সাইন্তিফিক ওইবা হোৎনরিবশিংদা মতেং পাংগনি।
রাস্ত্রপতি হিজ হাইনেস সৈখ মোহম্মদা বিন জায়েদা অল নাহয়ান্না প্রধানমন্ত্রী শ্রী নরেন্দ্র মোদীবু থম্মোয় শেংনা তরাম্না ওকচবা অমসুং থৌজাল হৈবা মতৌ অদুগীদমক থাগৎপা ফোংদোকখি।
