আর্তিফিসিএল ইন্তেলিজেন্স (এ.আই.) অসি ইকোনোমীশিং, খুন্নাইশিং, সাইন্স অমসুং তেক্নোলোজী, ইন্দস্ত্রী অমসুং বিজিনেস, গভর্নান্স অমসুং সেক্যুরিতীদা অহোংবা পুরক্লিবা চহিচাবু মশক তাক্লিবা জেনরেল-পর্পজ তেক্নোলোজী অমনি হায়না রিপব্লিক ওফ ইন্দিয়াগী প্রধান মন্ত্রী অমসুং জাপানগী প্রধান মন্ত্রীনা ফোংদোকখ্রে। এ.আই.গী দিজাইন, দিবেলপমেন্ত, দিপ্লোইমেন্ত অমসুং গভর্নান্সকী মতাংদা ঙসি লৌখৎলিবা ৱারেপশিং অসিনা ইন্নোবেসন, সোসিএল ৱেলফেয়র, ইকোনোমিক সেক্যুরিতী অমসুং ইন্তরনেস্নেল ওর্দরদা মতম শাংনা শাফু পীগনি হায়না মখোয়না খঙখি। মসিগী ৱাখল্লোন অসিদা য়ুম্ফম ওইদুনা, মখোয়না লৈবাক অনিমক্কী এ.আই.গী লমদা রেসিলেন্স অমসুং কম্পিতিতিবনেস নাকল অনিমক্কী ওইনা হেনগৎহন্নবা অমসুং লৈবাক অনিমক্তা ইন্নোবেসন অমসুং গ্রোথ পুরক্নবা, সেফ, সিক্যুর, থাজবা য়াবা, ইনক্লুসিব, হ্যুমেন-সেন্ত্রিক, সস্তেনেবল, একাউন্তেবল অমসুং ইন্নোবেসন-ওরিএন্তেদ ওইবা এ.আই. ইকোসিস্তেম অমা শেমগৎনবগীদমক্তা তেংবাং পীনবদা য়ানখি।
লুচিংবা অনিনা ইন্তর্নেস্নেল ওর্দরদা স্ত্রকচরেল ওইবা অহোংবশিং পুরকপবগী তঙাইফদবা অদু খঙখি। মখোয়না ভারতকী মহাসাগর অমসুং জাপানগী অপদেৎ তৌরবা 'ফ্রী এন্দ ওপন ইন্দো-পেসিফিক (এফ.ও.আই.পি.) 'গী মতুং ইন্না রেসিলিয়েন্ত অমসুং গ্রোথ-ওরিএন্তেদ ইকোনোমিক ইকোসিস্তেমশিং শেমগৎনবা পুন্না থবক তৌমিন্ননবা য়ানখি। মসিগীদমক, ইন্দো-পেসিফিক অমসুং গ্লোবেল সাউথতা রেসিলিয়েন্ত অমসুং ইনক্লুসিব এ.আই. দিবেলপমেন্তদা মতেং পাংনবা, মান্নবা ৱাখল্লোন লৈবা লৈবাকশিং অমসুং পার্তনরশিংগা লোয়ননা ভারত অমসুং জাপানগী মরক্তা এ.আই. কোওপরেসন মপাঙ্গল কনখৎহন্নবা মখোয়না ফিরেপ লৌখি।
লুচিংবা অনিনা এ.আই.গী সস্তেনেবল দিবেলপমেন্তগীদমক এ.আই. তেক্নোলোজীশিং শীজিন্নবা অমসুং এপ্লিকেসনগী থোংদা অনৌবা পুথোকপা থৌগৎহন্নবা, মসিগা মরী লৈনবা রিস্কশিং নীংথিনা হন্থহনবা অমসুং এ.আই. সপ্লাই চেনশিং অসি রেসিলিয়েন্ত, দাইভর্সিফাইদ অমসুং থাজবা য়াবা ওইহন্নবা মরুওই হায়না ফোংদোকখি। মসিগী মতাংদা মখোয়না ন্যু দিল্লী এ.আই. ইম্পেক্ত সম্মিৎকী খন্ন-নৈনখিবশিং অমসুং ফলশিং অদু তরাম্না ওকখি।
লুচিংবা অনিমক্না "জাপান-ইন্দিয়া এ.আই. কোওপরেসন ইনিসিএতিব (জে.এ.আই.)"গী মখাদা খুমাং চাউশিল্লক্লিবা অদু খঙখি অমসুং অখন্ননা এপ্রিল ২০২৬তা পাংথোকখিবা অহানবা ইন্দিয়া-জাপান এ.আই. স্ত্রেতেজিক দাইলোগতা খন্ন-নৈনখিবা অদু তরাম্না ওকখি। এ.আই.গী খুদোংচাবশিং অমসুং শীংনবশিংগী মতাংদা মান্নবা ৱাখল্লোন হেন্না চেৎশিলহন্নবা অমসুং মখোয়গী মান্নবা মীৎয়েং অসি মখাগী মরুওইবা লমশিংদা প্রেক্তিকেল আউৎলমশিংদা ওন্থোক্নবা, মরী লৈনবা স্তেকহোল্দরশিং য়াওহন্দুনা, ভারত অমসুং জাপানগী এ.আই. স্ত্রেতেজিক দাইলোগশিং চাং নাইনা মখা চত্থনবা মখোয়না য়ানখি:
I. ইন্তর্নেস্নেল এ.আই. গভর্নান্স, সেফতী অমসুং সাইবরসেক্যুরিতী
লুচিংবা অনিমক্না নেস্নেল লোশিং, প্রাইওরিতিশিং অমসুং কন্তেক্সশিংদা ইকায় খুম্নবা উৎতুনা, সেফ, সেক্যুর ওইবা, থাজবা য়াবা, মপাঙ্গল কনবা অমসুং ইনক্লুসিব ওইবা এ.আই.দা য়ুম্ফম ওইবা ইন্তর্নেস্নেল গভর্নান্স ফ্রেমৱার্ক অমা প্রমোৎ তৌবগী মরুওইবা অদু অমুক হন্না ফোংদোকখি। মখোয়না হায়খি মদুদি এ.আই. গভর্নান্স অসি রিস্ক অসি খল কাইদনা থম্বা, শরুক য়ামিন্নবা, নীংথিনা খঙবা, চাং মান্নবা, পাউ ফাওনবা ঙম্বা অমসুং চান্ননবা হোংবা ঙম্বা ওইগদবনি। মসিগী মতাংদা, মখোয়না হিরোশিমা এ.আই. প্রোসেস (ঐচ.এ.আই.পি.) গী মরুওইবা অদু অমুক হন্না ফোংদোকখি, মসিগী মনুংদা এদভান্স এ.আই. সিস্তেমশিংগী ইন্তর্নেস্নেল গাইদিং প্রিন্সিপলশিং অমসুং কোদ ওফ কন্দক্ত য়াওরি। মখোয়না জাপান্না কো-চিয়র তৌখিবা, সেফ এন্দ ত্রস্তেদ এ.আই. ৱার্কিং গ্রুপনা ইন্দিয়া এ.আই. ইম্পেক্ত সম্মিৎ মনুংদা শেমখিবা এ.আই. গভর্নান্সকী গাইদলাইন নোৎতা য়াওরিবা প্রিন্সিপলশিং অদুসু পনখি। মখোয়না জি-২০, ওর্গনাইজেসন ফোর ইকোনোমিক কোওপরেসন এন্দ দিবেলপমেন্ত (ও.ই.সি.দি.), গ্লোবেল পার্তনরশিপ ওন এ.আই. (জি.পি.এ.আই.) অমসুং য়ুনাইতেদ নেসন্স য়াওনা ইন্তর্নেস্নেল ফোরমশিংদা লৈবাক অনিগী মরক্তা তেংবাং পীনবা মপাঙ্গল কনখৎহন্নবা ৱারেপ লৌখি অমসুং হীরম অসিগী মতাংদা অহানবা য়ু.এন. গ্লোবেল দাইলোগ ওন এ.আই. গভর্নান্স অসিবু তরাম্না ওকখি। মখোয়না গ্লোবেল সাউথ অমসুং প্রাইবেৎ সেক্তরগী শরুক য়াবা য়াওনা হিরোশিমা এ.আই. প্রোসেস ফ্রেন্দস গ্রুপ অমসুং পার্তনর্স কম্ম্যুনিতীগী মনুংদা তেংবাং পীনবা হেন্না চেৎশিলহন্নবা অমসুং হিরোশিমা এ.আই. প্রোসেস ফ্রেন্দস গ্রুপ এক্সন প্লান ২০২৬ চৎনহনবদা মতেং পাংনবা মখোয়গী ফিরেপ অমুক হন্না ফোংদোকখি।
লুচিংবা অনিমক্না এ.আই. মোদেলগী ইভাল্যুএসন, কেপাসিতী এসেসমেন্ত, গাইদলাইনশিং, খুৎলাইশিং অমসুং বেঞ্চমার্কশিং য়াওনা এ.আই.গী মপুং ফাবা লাইফসাইকল পুম্বদা সেফ দিজাইন, দিবেলপমেন্ত, দিপ্লোইমেন্ত অমসুং শীজিন্নবদা মতেং পীনবা হেনগৎহনবগী তঙাই ফদবা অদুদা অকনবা ৱাফম থমখি। তেক্নিকেল রিসোর্সশিং, খুৎলাইশিং, বেঞ্চমার্কশিং অমসুং খ্বাইদগী ফবা থৌওংশিং পুনশিন্নবা কোলাবোরেতিব প্লেৎফোর্ম অমা ওইনা ইন্দিয়া এ.আই. ইম্পেক্ত সম্মিৎ মনুংদা লাউথোকখিবা ত্রস্তেদ এ.আই. কম্মন্সকী খুত্থাংদা মরী লৈনবা ইন্সতিত্যুসনশিংদা তেংবাং পীনবা মখোয়না পুক্নিং থৌগৎখি।
লুচিংবা অনিমক্না খঙখি মদুদি য়াম্না হৈথোই শিংথোইরবা ফ্রন্তিয়র এ.আই. মোদেলশিংদা এদভান্স সাইবর কেপাসিতিশিং লৈরি, মসিনা দিফেন্দরশিংবু মপাঙ্গল কনখৎহনবা ঙমগনি অমসুং মসিগা লোয়ননা লান্না শীজিন্নবগী রিস্কসু লৈহল্লগনি। সাইবরস্পেস অসি মালেমগী মীয়ামগী কান্নবনি হায়না নৌহৌনা ফোংদোক্লদুনা মখোয়না হায়খি মদুদি অসিগুম্বা সিস্তেমশিং অসি য়েংশিনবা, কন্ত্রোল তৌরবা রিলিজ অমসুং থাজবা য়াবা এক্সেসকী থৌরাংশিং অসি রিস্কদা য়ুম্ফম ওইবা অমসুং থৌদাং লৈবা পার্তনরশিংগী লেজিতিমেৎ সাইবর দিফেন্সকী তঙাই ফদবা অদুদা পুক্নিং চংগদবনি। মখোয়না ক্রিতিকেল ইনফ্রাস্ত্রকচরদা অখন্নবা মীৎয়েং থমদুনা এ.আই.-ইনেবল সাইবর সেক্যুরিতী অমসুং এ.আই. সিস্তেমশিংগী সেক্যুরিতীদা মতেং পাংনবা ৱারেপ লৌখি।
লুচিংবা অনিমক্না এ.আই. শেমগৎলকপা অমসুং শীজিন্নরকপদা অঙাংশিংগী শাফনা থম্নবগী মরুওইবা অদু পনখি অমসুং অকাইবা থোকহনবগী মহুৎ এ.আই.না অঙাংশিংগী তমশিন্নবগী অমসুং শাহৌ লৈনবগী পাম্বৈ অমা ওইনা মথৌ তৌবা ঙমহন্নবা, থৌদাং মশক খঙবা দিজাইন, গভর্নান্স, অমসুং রিস্কদা য়ুম্ফম ওইবা সেফগার্দশিং অসি য়াম্না মরু ওই হায়না য়ানখি।
II. ইনফ্রাস্ত্রকচর দিবেলপমেন্ত, মোদেল দিবেলপমেন্ত, অমসুং হ্যুমেন রিসোর্সেস একচেঞ্জ অমসুং সোলুসন পুন্না শেম্বা
লুচিংবা অনিমক্না এ.আই. তেক্নোলোজী স্তেক্কী রেসিলিয়েন্স, দাইভর্সিফাইদ ওইবা অমসুং থাজবা য়াবা সপ্লাই চেন্না ঙাকলৌ পীরিবা ইন্দো-পেসিফিক য়াওনা সেফ, সেক্যুর অমসুং থাজবা য়াবা এ.আই. ইকোসিস্তেম শেমগৎপগী মরুওইবা অদু অমুক হন্না ফোংদোকখি। মসিগা মরী লৈননা, মখোয়না ভারত অমসুং জাপানবু এ.আই.গী লমদা স্ত্রেতেজিক রিসর্চ অমসুং দিবেলপমেন্ত পার্তনরশিং ওইনা পুখৎনবা ৱারেপ লৌখি। দেতা সেন্তরশিং, জি.পি.য়ু. অমসুং অতোপ্পা কম্প্যুতরগী রিসোর্সশিং, অমসুং সেমিকন্দক্তরশিং য়াওনা এ.আই.গীদমক সেক্যুর দিজিতেল ইনফ্রাস্ত্রকচরদা তেংবাং পীনবা অমসুং শেন্মিৎলোন অমসুং সেক্যুরিতীগী মীৎয়েংদগী এ.আই. তেক্নোলোজী স্তেক পুম্নমক্তা ওইথোকপা য়াবা খুদোংচাবশিং অমসুং খুদোংচাদবশিং পুন্না য়েংশিন্নবা মখোয়না ৱারেপ লৌখি। মসিগী মতাংদা, মখোয়না দিজিতেল কন্নেক্তিবিতী অমসুং রেসিলিয়েন্ত এ.আই. সপ্লাই চেনশিং মপাঙ্গল কনখৎহন্নবা এফ.ও.আই.পি. দিজিতেল কোরিদোর ইনিসিএতিববু মাংলোমদা পুখৎনবগী অকনবা ৱাফম থমখি।
লুচিংবা অনিনা ইফিসিএন্ত মোদেলশিং, ওপ্তিমাইজ তৌরবা ইনফরেন্স, ইনর্জী ইফিসিএন্ত কম্প্যুত অমসুং গ্রীন, সেক্যুর দেতা ইনফ্রাস্ত্রকচরগী থবক য়াওনা ইন্দিয়া এ.আই. ইম্পেক্ত সম্মিৎকী, প্লেবুক ওফ এদভান্সোং রেসিলিয়েন্ত এ.আই. ইনফ্রাস্ত্রকচরদা খন্ন-নৈনখিবা রেসিলিয়েন্ত, ইন্নোবেতিব অমসুং ইফিসিএন্ত এ.আই.গী মতাংদা ভোলুন্তরী গাইদিং প্রিন্সিপলশিং অসি য়েংলগা রেসিলেন্ত, ইন্নোবেতিব অমসুং ইফিসিএন্ত এ.আই.দা মতেং পীননবা ৱারেপ লৌখি।
লুচিংবা অনিমক্না সরকার, ইন্দস্ত্রী অমসুং একাদেমিয়াগী মরক্তা মল্তিলিঙ্গ্যুএল, ওপন-সোর্স, দোমেন-স্পেসিফিক অমসুং ভর্তিক্তেল এ.আই. মোদেলশিংদা তেংবাং পীনবা হেনগৎহনবদা য়ানখি, মসিগী মনুংদা মশাগী লোল অমসুং মীয়ামগী কান্ননবগী এপ্লিকেসনশিংগী মোদেলশিং য়াওরি। মসিগী মতাংদা, লুচিংবা অনিনা আর্তিফিসিএল ইন্তেলিজেন্সকী লমদা মরী হেন্না চেৎশিলহন্নবা পান্দম থম্লিবা মরুওইবা মেমোরেন্দম কয়া খুৎয়েক পীনখিবা অদুবু তরাম্না ওকখি মসিগী মনুংদা ইন্দিয়ন ইন্সতিত্যুৎ ওফ তেক্নোলোজী বোম্বে, ভারতজেন তেক্নোলোজী ফাউন্দেসন, অমসুং নেস্নেল ইন্সতিত্যুৎ ওফ ইনফোর্মেতিক্স (এন.আই.আই./আর.ও.আই.এস.) গী মরক্তা লার্জ লেংগ্বেজ মোদেলশিং (এল.এল.এম.শিং) গীদমক পুন্না রিসর্চ অমসুং দিবেলপমেন্ত তৌনবা মেমোরেন্দম ওফ অন্দর্স্তেন্দিং (এম.ও.য়ু.); মপুং ফাবা এ.আই. তেক্নোলোজী স্তেক্তা তেংবাং পীননবা সরভম অমসুং প্রিফর্দ নেৎৱার্কশিংগী মরক্তা এম.ও.য়ু.ল; অমসুং লৈবাক অনিমক্কী এ.আই. দিবেলপমেন্ত কম্পনীশিংদা মতেং পীনবা ইন্দিয়া এ.আই. অমসুং এম.ই.তি.আই. (ইকোনোমী, ত্রেদ অমসুং ইন্দস্ত্রী মন্ত্রালয়)গী মরক্তা মেমোরেন্দম ওফ কোওপরেসন
(এম.ও.সি.) য়াওরি।
লুচিংবা অনিমক্না এ.আই.-ইনেবল সাইন্তিফিক দিস্কোভরী অমসুং এদভান্স রিসর্চকী মরুওইবা অদু খঙখি অমসুংএ.আই. ইম্পেক্ত সম্মিৎ মনুংদা লিংখৎখিবা নেৎৱার্ক ওফ এ.আই. ফোর সাইন্স (এ.আই.৪.এস.) ইন্সতিত্যুসনশিং য়াওনা হীরম অসিদা তেংবাং পীননবা মরী লৈনবা ইন্সতিত্যুসনশিংদা পুক্নিং থৌগৎখি।
লুচিংবা অনিনা জোইন্ত রিসর্চ প্রোজেক্তশিং প্রমোৎ তৌবা অমসুং রিসর্চরশিংগী এক্সচেঞ্জ হেনগৎহনবা য়াওনা রিসর্চ কোওপরেসন হেন্না চেৎশিলহন্নবা স্ত্রেতেজিক ওইবা মরুওইবা অদু অমুক হন্না ফোংদোকখি। মসিগী মতাংদা লুচিংবা অনিনা সেমিকন্দক্তরদগী এ.আই. স্তেক পুম্নমক্তা এপ্লিকেসনশিং ফাওবদা ইন্দস্ত্রী-একাদেমিয়া কোলাবোরেসনগী থোংদা হ্যুমেন রিসোর্স একচেঞ্জ তৌদুনা লৈবাক অনিগী ইন্দস্ত্রীগী কম্পিতিতিবনেস মখা তানা মপাঙ্গল কনখৎহন্নবা অচেৎপা ৱাফম থমখি। ভারতকী মপাঙ্গল কনবা এ.আই. হ্যুমেন কেপিতেল অসি হেন্না নকশিন্ননা মতেং পাংনবগী য়ুম্ফম অমা ওইনা শকখঙলদুনা, মখোয়না জাপানিজ কম্পনীশিংনা ভারতকী মকোক থোংবা হায়র এজুকেসন ইন্সতিত্যুসনশিং অমসুং তেক্নোলোজী তেলেন্তশিংগা লোয়ননা এঙ্গেজমেন্ত হেন্না চেৎশিল্লক্লিবা অসি তরাম্না ওকখি। জাপানিজ কম্পনীশিং অমসুং ভারতকী এ.আই. তেলেন্ত ইকোসিস্তেমগী মরক্তা মপাঙ্গল কনখৎহন্নবা, জোইন্ত রিসর্চ, ইন্তর্নশিপ, থবক ফংহন্নবা খুদোংচাবশিং অমসুং অতোপ্পা লম্বীশিংগী খুত্থাংদা জাপানিজ তেলেন্তশিংগী প্রোফেস্নেল দিবেলপমেন্ত অমসুং মোবিলিতীদা মতেং পাংদুনা, জাপানিজ কম্পনীশিংবু ভারত্তা এ.আই.গা মরী লৈনবা আর.এ.দি., ইন্নোবেসন অমসুং ইন্দস্ত্রী পার্তনরশিপ পাকথোক চাউথোকহন্নবা পুক্নিং থৌগৎনবা খোঙথাংশিং লৌখৎনবা নাকল অনিমক্না য়ানখি। মসিগী মতাংদা মখোয়না ২০২৬কী জনুৱারীদা ভারত-জাপান ফোরেন মিনিস্তরশিংগী স্ত্রেতেজিক দাইলোগতা থমখিবা পান্দম অদু অমুক হন্না ফোংদোকখি, মদুদি ২০৩০ ফাওবদা ভারতকী অৱাংবা থাক্কী হৈশিংলবা এ.আই. প্রোফেস্নেল ৫০০বু জাপানদা কৌবা অমসুং পুন্না রিসর্চ তৌবা অসিনি।
লুচিংবা অনিমক্না এ.আই.গী থৌদাং লৌগদবা দিবেলপমেন্ত, দিপ্লোইমেন্ত অমসুং গভর্নান্সকীদমক হ্যুমেন কেপিতেল অসি মরু ওই হায়না ফোংদোকখি। মসিগী মতাংদা, মখোয়না ইন্দিয়া এ.আই. ইম্পেক্ত সম্মিৎকী মনুংদা শেমখিবা এ.আই.গী মতম অসিদা স্কিলিং অমসুং রিস্কিলিংগীদমক্তা ভোলুন্তরী গাইদিং প্রিন্সিপলশিংগী কান্নবা অদু ফোংদোকখি।
লুচিংবা অনিনা লৈবাক অনিমক্কী স্ত্রেতেজিক, ইকোনোমিক অমসুং খুন্নাইগী মরুওইবশিংদা থেংনরিবা খুদোংচাদবসিং কোকহন্নবা এ.আই. সোলুসন পুন্না শেমগৎপগী মরুওইবা অদু অমুক হন্না ফোংদোকখি অমসুং পব্লিক-প্রাইবেৎ পার্তনরশিপকী খুত্থাংদা হৌজিক পায়খৎলিবা প্রোজেক্তশিং অসি খুমাং চাউশিলহন্নবা য়ানখি। মখোয়না লৈবাক অনিগী কোর্পোরেসনশিং, স্তার্তঅপশিং, রিসর্চ ইন্সতিত্যুসনশিং, ইনভেস্তরশিং অমসুং পব্লিক এজেন্সীশিংদা কংক্রিৎ প্রোব্লেম স্তেতমেন্তশিং মশক খঙদোক্নবা অমসুং স্কেল তৌবা ঙম্বা এ.আই. সোলুসনশিং পুন্না শেমগৎনবা হায়খি। মতাং অসিদা, মখোয়না মরী লৈনবা স্তেকহোল্দরশিংবু মায় পাক্না এ.আই. শীজিন্নখিবগী কেসশিং শীজিন্নবা, অমুক হন্না শীজিন্নবা অমসুং পাকথোক চাউথোকহনবদা মতেং পাংনবা গ্লোবেল এ.আই. ইম্পেক্ত কম্মনস শীজিন্ননবা পুক্নিং থৌগৎখি।
III. এ.আই. ফোর ওল
লুচিংবা অনিনা ইন্দিয়া এ.আই. ইম্পেক্ত সম্মিৎতা এদোপ তৌখিবা 'ন্যু দিল্লী দিক্লারেসন'দা 'এ.আই. ফোর ওল'গী ভিজন এদভোকেৎ তৌখিবা অদু তরাম্না ওকখি অমসুং মীওইবা খুন্নাই পুম্নমক্কী কান্ননবগীদমক, ইনক্লুসিব অমসুং সস্তেনেবল দিবেলপমেন্তকীদমক অমসুং পব্লিক সর্ভিস দেলিভরী ফগৎহন্নবা এ.আই. অমা শেম্নবা মখোয়গী অপুনবা ফিরেপ অদু অমুক হন্না ফোংদোকখি।
লুচিংবা অনিনা নেস্নেল লোশিং, মরু ওইবা ৱাফমশিং অমসুং হীরমশিংদা ইকাই খুম্নবা উৎতুনা এ.আই.গী কেপাসিতী বিল্দিং, তেক্নিকেল এসিস্তেন্স, নোলেজ শেয়রিং অমসুং য়ুজ কেস রেপ্লিকেসনদা মতেং পাংনবা মান্নবা ৱাখল্লোন লৈবা লৈবাকশিং অমসুং অতোপ্পা পার্তনরশিংগা পুন্না থবক তৌমিন্ননবা ৱারেপ লৌখি। লুচিংবা অনিমক্না য়ানখি মদুদি অহুমশুবা লৈবাকশিং অমসুং স্তেকহোল্দর কয়াগী কম্ম্যুনিতীশিংগা লোয়ননা তেংবাং পীনবা হেনগৎহনবা অসি সেফ, সেক্যুর, ইনক্লুসিব, সস্তেনেবল, রেসিলিয়েন্ত অমসুং থাজবা য়াবা এ.আই. ইকোসিস্তেম অমা পুন্না শেমগৎপদা য়াম্না মরু ওই।
জাপানগী প্রধান মন্ত্রী তাকাইচী সানাইনা খুদোংচাবা হেক ফংবগা অথুবদা জাপাননা এ.আই. সম্মিৎ অসি পাংথোক্কনি হায়না লাউথোকখিবদা প্রধান মন্ত্রী শ্রী নরেন্দ্র মোদীনা মহাক্কী ৱাফম অদুবু তরাম্না ওকখি অমসুং শৌগৎখি।
