প্রধান মন্ত্রী ঐচ.ই. কিরিয়াকোস মিৎসোতাকিসকী চেবাও মতুং ইন্না প্রধান মন্ত্রী শ্রী নরেন্দ্র মোদীনা হেলেনিক রিপব্লিক্তা ওগস্ত ২৫, ২০২৩দা ওফিসিএল ওইবা খোঙচৎ অমা চৎখ্রে।
প্রধান মন্ত্রী মিৎসোতাকিস অমসুং প্রধান মন্ত্রী মোদীনা ভারত অমসুং গ্রীস অনিনা পুৱারীগা শাগোন্নরবা মরী অমা লৈ অমসুং মালেম পুম্বনা মমাংদা লৈখিদ্রিবা অহোংবা অমা লাকপা মতমদা হেন্না মপাঙ্গল লৈবা খোঙথাং অমা থাংজিন্দুনা লৈবাক অনিগী মরী অসিবু হেন্না ফগৎহনবা চঙই হায়না য়ানখি।
লুচিংবা অনিনা মরুপ মপাং ওইবগী মতৌদা পুক্নিং য়াংনা অৱাংবা থাক্কী ৱারী শানখি। মখোয়না হৌজিক চত্থরিবা নাকল অনিগী মতেংশিং খঙমিন্নখি অমসুং লৈবাক অনিগী, লমদম অসোমগী অমসুং মান্নবা পান্দম লৈবা অন্তরজাতিগী ওইবা মীৎয়েংশিং লান্থোক্নখি।
মতম কয়াগী মমাংদগী সমুদ্রগী ওইবা মীৎয়েং লৈবা অরিবা সমুদ্র লৈবা লৈবাক অনিগী লুচিংবশিং ওইনা মখোয়না সমুদ্রগী কাংলোন ইন্না মরুওইনা য়ু.এন.সি.এল.ও.এস.কী প্রোভিজনশিং ঙাক্না অমসুং সোভরেন্তী, ঙমখৈ ঙাকপা অমসুং অন্তর্জাতিগী শান্তি, তংদু লৈতাবা অমসুং ঙাকশেলদা কান্নবা ফংনবা ফ্রী, ওপন অমসুং কাংলোন নাইবা মেদিতরেনিয়ন সী অমসুং ইন্দো পেসিফিক্কী ওইবা ৱাখল্লোনশিং লান্থোক্নখি।
লুচিংবা অনিনা ই.য়ু. অমসুং ভারতনা খ্বাইদগী চাউবা গনতন্ত্রিক ওইবা অমসুং ফ্রী মার্কেত ওইবা স্পেস অমা মালেমদা লৈ অমসুং ই.য়ু.-ইন্দিয়াগী মরী হেন্না ফগৎহনবনা মায়কৈ অনিমক্তা কান্নবা ফংগনি অমসুং রিজনেল অমসুং গ্লোবেল ইম্পেক্ততা অফবা ফিভম অমা পুরক্কনি হায়না য়ানখি। প্রধান মন্ত্রীনা অপেনবগা লোইননা ফোংদোকখি মদুদি গ্রীস অমসুং ভারতনা শীংনবা কয়াগী মরক্তা মশক থোকপা শেন্মিৎলোনগী ওইবা পাঙ্গল উৎখ্রে অমসুং দোমেস্তিক একনোমিক গ্রোথ হঞ্জিলহনখ্রে। প্রধান মন্ত্রী অনিনা মখোয়গী ওইবা হৌজিক চত্থরিবা ভারত-ই.য়ু.গী লল্লোন ইতীক অমসুং ইনভেস্তমেন্ত নেগোসিএসন অসিদা শৌগৎপা ফোংদোক্নখি অমসুং ইন্দিয়া-ই.য়ু. কন্নেক্তিবিতী পার্ত্নর্শিপপু ঙল্লিবা মখৈ থবক্তা ওন্থোকপগী অপাম্বা ফোংদোক্নখি।
মখোয়গী লৈবাকশিংগী মরক্তা অমসুং মীয়ামগী মরক্তা মতম শাংনা লৈরক্লিবা নুংশি চান্নবগী মরী অসিদা য়ুম্ফম ওইরদুনা লুচিংবা অনিনা গ্রীক-ভারতকী লৈবাক অনিগী মরী অসিবুসু "স্ত্রেতেজিক পার্তনরশিপ"কী থাক্তা চিংখৎপগী অপাম্বা ফোংদোক্নখি অমসুং রাজনিতি, ঙাকশেল অমসুং শেন্মিৎলোনগী হীরমদা লৈবাক অনিগী মরী হেন্না পাকথোক চাউথোক্নবা হোৎনবদা য়ানখি। প্রধান মন্ত্রী অনিনা লৈবাক অনিগী মীয়ামগী মরক্তা লৈনরিবা মরীবুসু হেন্না মপাঙ্গল কলহন্নবা হোৎনমিন্ননবা ৱারেপ লৌমিন্নখি। চহি খরা অসিদা লৈবাক অনিগী মরক্তা লৈরিবা লল্লোন ইতীক অমসুং শেন্মিৎলোনগী মরী হেনগৎলক্লিবা অসিবু শিংথারদুনা লুচিংবা অনিনা নাকল অনিমক্না লৈবাক অনিগী লল্লোন ইতীক্কী মরী অসি ২০৩০ ফাওবদা শরুক অনি হেনগৎনবা খন্নখি।
নাকল অনিগী লুচিংবা অনিনা ঙাকশেল, শিপ্পিং, সাইন্স অমসুং তেক্নোলোজী, সাইবর স্পেস, এজুকেসন, কলচর, তুরিজম অমসুং লৌউশিংউদা লৈবাক অনিগী এঙ্গেজমেন্ত হেন্না পাকথোক চাউথোকহনবগী তঙাইফদবা ফোঙদোক্নখি। মখোয়না লৌউশিংউদা নাকল অনিমক্না কান্নবা য়াবা সেক্তোরেল কোওপরেসন ফংহন্নবা হেলেনিক-ইন্দিয়ন জোইন্ত সব-কম্মিতী ওন এগ্রিকলচর য়াওনা মতেং পীননবগী এম.ও.য়ু. খুৎয়েক পীননবা খন্নখি। লুচিংবা অনিনা মখোয়গী সেনিয়র ওফিসিএলশিংদা রাজনিতী, শেন্মিৎলোন, ঙাকশেল, সেক্যুরিতী অমসুং মীয়ামগী দিপ্লোমেসীদা চাং নাইনা ৱারী তৌনবা খঙহনখি। মখোয়না গ্রীস অমসুং ইন্দিয়াগী মরক্তা দাইরেক্ত ফ্লাইত লৈহন্নবা হোৎনবদা য়ানখি।
ভারত অমসুং গ্রীসকী মরক্তা মতম শাংনা লৈরক্লবা নাৎকী ওইবা মরী অসিবু য়েংলদুনা লুচিংবা অনিনা কলা মখল খুদিংদা লান্থোক্নদুনা হেন্না ফগৎহন্নবা হোৎনবদা তরাম্না ওকমিন্নখি। মখোয়না অরিবা মফমশিং ঙাক্তুনা থম্বা অমসুং য়ুনেস্কোগী মনুংদা লৈনরিবা মরীশিং মপাঙ্গল কনখৎহনবদা পুন্না হোৎনমিন্নবা হায়না য়ানখি।
লুচিংবা অনিনা মোবিলিতী অমসুং মাইগ্রেসন পার্তনরশিপ এগ্রীমেন্ত (এম.এম.পি.এ.) অঙনবদা ফাইনেলাইজ তৌবনা লৈবাক অনিমক্কী মফমদা কান্নবা ফংগনি, মসিনা লৈবাজক অনিগী মরক্তা লৈরিবা ৱার্কফোর্সশিংদা অপনবা য়াওদনা চত্থোক চৎশিন তৌবদা নুংঙাইগনি হায়না য়ানখি।
লুচিংবা অনিনা মওং অমত্তগী ওইবা হিংশাবু করম্বা কাংবুনা তৌরিবনো হায়বা থিদনা অমসুং ক্রোস বোর্দর তেরোরিজম শীজিন্নবা তেরোরিস্ত প্রোক্সিশিংবু অকনবা মওংদা য়ানিংদবা ফোংদোক্নখি।
প্রধান মন্ত্রী মোদীনা গ্রীসপু ইন্তর্নেসনেল সোলার এলাইএন্স (আই.এস.এ.)দা তরাম্না ওকখি অমসুং গ্রীসনা কোলিজন ফোর দিজাস্তর রেজিলিএন্ত ইনফ্রাস্ত্রকচর (সি.দি.আর.আই.)দা মেম্বরশিপ অমা ওরকপগী আসা তৌখি।
ভারতকী জি২০ ফোরমগী প্রেজিদেন্সীবু তরাম্না ওক্লদুনা প্রধান মন্ত্রী মিৎসোতাকিসনা অচেৎপা থাজবা ফোংদোকখি মদুদি ভারতকী লুচিং মখাদা জি২০না মসিগী পান্দম মায় পাক্না পুখৎপা ঙমগনি হায়না ফোংদোকখি।
প্রধান মন্ত্রী মোদীনা প্রধান মন্ত্রী মিৎসোতাকিসপু অমসুং গ্রীসকী মীয়াম্বু খোঙচৎ অসিদা সরকার অসিনা তরাম্না ওকপীবগীদমক থাগৎচখি। প্রধান মন্ত্রী মোদীনা প্রধান মন্ত্রী মিৎসোতাকিসপু ভারত্তা লেংবীরকপগী অপাম্বা ফোংদোকখি।
IATA AGM being held in India after a gap of 42 years
