চাইনাগী স্তেত কাউন্সিল্লর অমসুং ঙাক-শেলগী মন্ত্রী জেনরেল ৱৈ ফেংঘেনা ঙসি প্রধান মন্ত্রী শ্রী নরেন্দ্র মোদীগা উনখ্রে।
প্রধান মন্ত্রীনা ঙাক-শেল অমসুং মিলিতরী এগচেঞ্জশিং য়াওনা লম পুম্নমক্তা ভারত অমসুং চাইনাগী মরক্তা লানরিবা অৱাংবা থাক্কী মরিদা হেনগৎলক্লিবা খোংজেল অদুবু শিংথাখি।
ভারত-চাইনাগী মরি অসি মালেম অসিদা তংদু লৈতাবা পুরক্নবগী মরম অমনি হায়না ফোংদোক্লদুনা প্রধান মন্ত্রীনা হায়খি মদুদি ভারত অমসুং চাইনানা ঙমখৈগী লমদমদা শান্তি অমসুং তংদু-লৈতাবা লৈননবা মরম চাবা অমসুং মপুং ফাবা ঙাক-শেন পাইখৎলিবা অসিনা মফম অদুদা চয়েৎনবা থোকহন্দ্রি।
প্রধান মন্ত্রী মোদীনা ৱুহান, কিংদাও অমসুং জোহন্নিসবর্গতা হন্দক্তা রাস্ত্রপতি সি জিনপিংগা লোইননা পাংথোকখিবা মীফম অদুসু নীংশিখি।
