ওফসোর ৱিন্দ ইনর্জি প্রোজেকশিং পায়খৎনবা ভাইএবিলিতি গেপ ফন্দিং(ভি জি এফ) স্কিম মন্ত্রীমন্দলনা অয়াবা পীরে

ভারত্তা অহানবা ওফসোর ৱিন্দ ইনর্জি প্রোজেকশিং পায়খৎনবা স্কিম অসিনা পান্দম থম্লি

লুপা করোর ৭৪৫৩গী অপুনবা শেনফম অমা কাইথোক্তুনা ওফসোর ৱিন্দ ইনর্জি প্রোজেকশিং পায়খৎনবা ভাইএবিলিতি গেপ ফন্দিং(ভি জি এফ) স্কিম, ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে। কাইথোক্লিবা শেনফম অসিগী মনুংদা গিগাৱাত ১গী ওফসোর ৱিন্দ ইনর্জি প্রোজেকশিং( গুজরাত অমসুং তামিল নাদুগী সমুদ্র মপান্দা মেগাৱাত ৫০০গী অমমম) পানখৎনবা অমসুং থবক হৌনবা লুপা করোর ৬৮৫৩ অমসুং ওফসোর ৱিন্দ ইনর্জি প্রোজেকশিংগী পোৎ-চৈ পুথোক-পুশিনগী দরকার ওইশিং ফংহন্নবা হিথাংফম অনি ফগৎহন্নবা লুপা করোর ৬০০গী গ্রান্ত য়াওরি।

ভারতকী এক্সক্লুসিপ ইকোনোমিক জোন মনুংদা লৈরিবা য়াম্লবা নুংশিত্তগী মৈ পুথোক্নবগী খুদোংচাবশিং লৌনবা পান্দমদা ২০১৫ দা নোতিস থোকখিবা ওফসোর ৱিন্দ ইনর্জি পোলিসি থবক ওইনা পায়খৎনবা মাইকৈদা ভি.জি.এফ স্কিম অসি হৌদোকপনি। ওফসোর ৱিন্দ ইনর্জি প্রোজেকশিংদগী মৈ পুথোকপদা চঙবা শেনফম হন্থহনবা অমসুং মৈ অদু দিসকোমশিংনা লৈবা ঙম্নবা ভি.জি.এফনা মতেং পাংগনি। অরোন-অথুপ লৈতাবা বিদ্দিং প্রোসেস অমগী খুৎথাংদা খল্লবা লনাই কাংবুনা প্রোজেকশিং অসি পায়খৎকদবনি। সমুদ্র মপানগী ইনফ্রাস্ত্রকচরশিং অসি পৱার গ্রিদ কোর্পোরেসন ওফ ইন্দিয়া লিমিতেদনা শাগনি। নিউ অমসুং রিনিউএবল ইনর্জি মিনিস্ত্রিনা নোদেল মিনিস্ত্রি ওইনা, স্কিম অসি মাইপাক্না পায়খৎনবা তোঙান-তোঙানবা মিনিস্ত্রিশিং/দিপার্তমেন্তশিংগা পুন্না থবক তৌমিন্নগনি।

ওফসোর ৱিন্দ ইনর্জি প্রোজেকশিং শাগৎনবা অমসুং মসি থবক পাংথোক্নবা অরুম্বা অমসুং অচৌবা খুৎলায় কয়া থম্বা অমসুং পুথোক-পুশিন তৌনবা অখন্নবা হিথাংফমগী ইনফ্রাস্ত্রকচর দরকার ওই। স্কিম অসিগী মখাদা, ওফসোর ৱিন্দ ইনর্জি প্রোজেকশিংগী দরকার ওইবশিং ফংহনবা ঙম্নবা পোর্তস, সিপ্পিং অমসুং ৱাতরৱেজ মিনিস্ত্রিনা লৈবাক অসিদা হিথাংফম অনি মতেং পাংগনি।

সমুদ্র মপানগী নুংশিৎ অসি রিনিউএবল ইনর্জিগী হৌরকফম অমনি অমসুং মসিনা কংফালগী ৱিন্দ অমসুং সোলার প্রোজেকশিংদগী কান্নবা হেন্না লৈরি। মসিনা হেন্না মতিক চাবা, মৈ তুংশিন্দুনা থম্নবগী মফম হন্থহনবা অমসুং থবক ফংহনবগী খুদোংচাবা য়াবা লৈরি। শেন থাদনবা মীওই লাকহন্দুনা, লৈবাক মনুংগী মেনুফেকচরিংগী তৌবা ঙম্বা হেনগৎহন্দুনা, ভেলু চেন শীনবা থুংনা থবক পীনবা খুদোংচাবা পীদুনা অমসুং লৈবাক অসিদা ওফসোর ৱিন্দগী তেক্নোলোজি পুথোক্তুনা ওফসোর ৱিন্দনা খুদোংচাবশিং হেন্না পীরি। মসিনা ভারতকী ইনর্জিগী লমদা অওনবা পুরক্নবা পান্দমশিং ফংহনবদা মতেং পাংগনি।

১ গিগাৱাত ওফসোর ৱিন্দ প্রোজেকশিং থবক তৌরকপা মতমদা চহিদা রিনিউএবল ইলেক্ত্রিসিতি য়ুনিত বিল্লিয়ন ৩.৭২ রোম পুথোক্কনি, মসিনা চহি ২৫ চহি অমদা কার্বোনদাইওক্সাইদ তন মিল্লিয়ন ২.৯৮ থাদোকপা হন্থহনগনি। মখা তানা, স্কিম অসিনা ভারত্তা ওফসোর ৱিন্দ ইনর্জি পুথোকপা হৌবা খক নত্তনা লৈবাক অসিগী সমুদ্রদা য়ু্ম্ফম ওইবা শেন্মিৎলোনগী থবকশিংদা মতেং পাংনবা দরকার ওইবা ফিবম অমা শেমগৎপা ঙমহনগনি। পায়খৎকদৌরিবা থবক অসিনা লুপা করোর ৪,৫০,০০০ রোম থাদুনা গিগাৱাত ৩৭গী ওফসোর ৱিন্দ ইনর্জি পুথোক্নবা থবক্তা মতেং পাংগনি।

The Cabinet decision to approve a funding scheme for 1 GW offshore wind projects off the coasts of Gujarat & Tamil Nadu will enhance our renewable energy capacity, reduce CO2 emissions and create numerous jobs. https://t.co/3Z2QWiUEfE

— Narendra Modi (@narendramodi) June 19, 2024