প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কম্মিতী ওন ইকনোমিক এফিয়র্সনা ঙসি নেস্নেল হায়ৱেজ (ও) প্রোগ্রামগী মখাদা ভোপাল-কানপুর ইকনোমিক কোরিদোরগী মরু ওইবা সেগমেন্ত অমা ওইরিবা তুংলমচৎকীদমক সিক্স-লেনগীদমক দিজাইন তৌবা স্ত্রকচরশিংগা ওইবা ফোর-লেন এক্সেস-কন্ত্রোল কোরিদোর অমা ওইরিবা কানপুর-কাব্রাই এক্সেস-কন্ত্রোল্দ গ্রীনফিল্দ হাইৱেগী কিলোমিতর ১১৭.৭ শাবদা অয়াবা পীখ্রে। চাউরাক্না অপুনবা কেপিতেল কোস্ত লুপা করোর ৭১৪৫.১৪ ওইগদবা প্রোজেক্ত অসি নেস্নেল হায়ৱেজ ওথোরিতী ওফ ইন্দিয়া (এন.ঐচ.এ.আই.) না এন.ঐচ.-৩৪গী হৌজিক লৈরিবা কানপুর-কাব্রাই সেক্সনগী ওপরেসন অমসুং মেনতেন্সনগা লোয়ননা বি.ও.তি. (তোল) মোদতা ইমপ্লিমেন্ত তৌগনি।
প্রোজেক্ত অসিনা কানপুর অমসুং কাব্রাইগী মরক্তা হায়-স্পীদ কন্নেক্তিবিতী ফংহল্লগনি অমরোমদা মসিনা সাগর, ভোপাল অমসুং মধ্য প্রদেশকী অতোপ্পা মফমশিংদা কন্নেক্তিবিতী হেন্না মপাঙ্গল কনখৎহন্দুনা মসিনা উত্তর প্রদেশকী ইন্দস্ত্রীএল অমসুং কম্মর্সিএল সেন্তরশিংগা মিনরেল মরাং কাইবা, মেন্যুফেকচরিং অমসুং মধ্য প্রদেশকী লৌউ-শিংউগী লমশিংগা শম্নহল্লিবা মোদর্ন একসেস কন্ত্রোল ইকোনোমিক কোরিদোর অমা শেমগৎলগনি।
পুংদা কিলোমোতর ৮০-১০০গী খোঙজেলদা চেনবা য়ানবগী দিজাইন তৌরিবা কোরিদোর অসিনা কানপুর অমসুং কাব্রাইগী মরক্তা চৎথোক-চৎশিন তৌবদা চংগদবা পুং ৩.৫দগী পুং ১.৫ (৫৮%) ফাওবা হন্থহল্লগনি। মসিনা লম্বীগী সেফতী হেনগৎহল্লগনি, ভেহিকলশিংগী ওপরেতিং কোস্ত হন্থহল্লগনি অমসুং পেসেঞ্জর অমসুং ফ্রেৎ ত্রাফিক্কী ইফিসিএন্ত ওইবা চৎথোক-চৎশিন তৌবদা মতেং ওইরগনি। প্রোজেক্ত অসিনা এন.ঐচ.-৩৪, এন.ঐচ.-৩৫, বুন্দেলখন্দ এক্সপ্রেসৱে, কানপুর রিং রোদ, অমসুং স্তেত হায়ৱেজ এস.ঐচ.-৪৬. এস.ঐচ.-৯১ , এস.ঐচ-১০বি অমসুং এস.ঐচ.-৪২গা লোয়ননা স্ত্রেতেজিক কন্নেক্তিবিতীসু ফংহল্লগনি। মসিনা রিজনেল হায়ৱেজ নেৎৱার্ক্কা লোয়ননা ইন্তিগ্রেসন মপাঙ্গল কনখৎহল্লগনি। কোরিদোর অসিনা কাব্রাই মাইনিং বেল্তকা কন্নেক্তিবিতী হেন্না মপাঙ্গল কনখৎহল্লগনি। মসিনা মিনরেলশিং, ইন্দস্ত্রীএল গুদস, কন্সত্রক্সন মেতরিএলশিং অমসুং লৌউ-শিংউগী পোত্থোকশিং পুথোক পুশিন তৌবা হেনগৎহল্লগনি। মসিনা লোজিতিক্সকী ইফিসিএন্সী, সপ্লাই চেনগী রেসিলিয়েন্সী অমসুং রিজনেল ইকনোমিক দিবেলপমেন্ত হেনগৎহল্লগনি।
পি.এম. গতিশক্তি নেস্নেল মাস্তর প্লানগী পরিং মখাদা প্রোজেক্ত অসিনা উন্নাও, বন্তর, পানখি, রানিয়া, জৈনপুর, রোমা, চাকেরি, সুমরপুর অমসুং বুরাগর ইন্দস্ত্রিএল এরিয়াশিং, ত্রান্স গঙ্গা ইন্তিগ্রেতেদ তাউনশিপ, গ্রোথ সেন্তর জয়পুর, কানপুর নগর নোদ অমসুং বেঙ্গল কেমিকেল্স অমসুং ফার্মাস্যুতিকেল্স লিমিতেদ য়াওনা ইকনোমিক নোদ ১৬দা কন্নেক্তিবিতী ফগৎহল্লগনি। মসিনা সোসিএল নোদ ৯ মমিং ওইনা পল্লবদা ফতেহপুর, মহোবা, কানপুর জুলোজিকেল পার্ক, বুদ্ধ পার্ক, জে.কে. তেম্পল এন্দ গার্দেন, রাধা কৃষ্ণ মন্দির, সিদ্দেশ্বর মহাদেব মন্দির, গোপেশ্বর মন্দির অমসুং মহোবা তুরিস্ত প্লেস, অমসুং কানপুর, ঘাতামপুর, হামিরপুর, মহোবা, কাব্রাই, ভরৱা সুমরপুর অমসুং বান্দা রেলৱে স্তেসনশিং য়াওনা লোজিতিক্স নোদ ১০ অসিবু কানপুর, চাকেরি অমসুং খাজুরাহো এয়রপোর্তশিংগা লোয়ননা কন্নেক্তিবিতী মপাঙ্গল কনখৎহল্লগনি।
অপুনবা ওইনা, পি.এম. গতিশক্তিগী পান্দমশিং অসি মাংলোমদা পুখৎতুনা, বুন্দেলখন্দ অমসুং উত্তর প্রদেশ অমসুং মধ্য প্রদেশকী মনাক নকপদা লৈবা মফমশিংদা লোজিস্তিক্সকী কম্পিতিতিবনেস, ইন্দস্ত্রীএল দিবেলপমেন্ত অমসুং ইকনোমিক গ্রোথ হেনগৎহনবা।
প্রোজেক্ত অসি পাইখৎলিঙৈগী মতমদা চাউরাক্না কিলোমীতর অমগী লেন অমনা হকথেংননা পর্সন-দেস ওফ এমপ্লোইমেন্ত ১১,১৮৮ অমসুং নাকোইননা ১৩,৯৮৫ পীগনি অমসুং মসিগী মথক্তা শেনবা চহি ২০২৮ ফাওবদা পেসেঞ্জর কার য়ুনিৎ (পি.সি.য়ু.) ১৮,০৬৯গী এন্যুএল এভরেজ দেলী ত্রাফিক (এ.এ.দি.তি.) অমা লৈগনি হায়না পানরি, মসিনা মাগী তুং কোইবা ইকনোমিক, লোজিস্তিক্স, অমসুং ত্রান্সপোর্তকী মরু ওইবা অদু তাক্লি। প্রোপোজ তৌরিবা প্রোজেক্ত অসিনা মীওই করোর ১.২ রোমদা হকথেংননা অমসুং নাকোইননা পর্সন-দেস ওফ এমপ্লোইমেন্ত পীগনি।
কোরিদোরগী মেপ:
