প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কম্মিতি ওন ইকনোমিক এফিয়র্সনা লুপা করোর ২৭৯৮.১৬ চংনা রেলৱেজ মন্ত্রালয়না শাগদবা তারঙ্গা হিল - অম্বাজী – আবু রোদকী অনৌবা রেল লাইন শাবদা অয়াবা পীখ্রে।
অনৌবা রেল লাইন অসিগী অপুনবা অশাংবা কিমি ১১৬.৬৫ ওইগনি। প্রোজেক্ত অসি ২০২৬-২৭ ফাওবদা লোইশিনগনি। প্রোজেক্ত অসিগী কনস্ত্রক্সন মনুংদা মেন দে লাখ ৪০রোমগী দাইরেক্ত এমপ্লোইমেন্ত জেনরেৎ তৌগনি।
প্রধান মন্ত্রী শ্রী নরেন্দ্র মোদীজীগী অনৌবা ভারতকী বিজন মখাদা প্রোজেক্ত অসিনা কন্নেক্তিবিতী ফগৎহনগনি অমসিং মোবিলিতী লৈহন্দুনা লমদম অসিগী সমাজিক-শেন্মীৎলোনগী অপুনবা চাউখৎ-থৌরাং পুরকপা ঙমগনি।
অম্বাজী অসি মরু ওইবা ত্রীর্থ য়াত্রাগী লমথুংফম অমনি অমসুং ভারতকী শক্তিপীথ ৫১গী মনুংদা অমনি অমসুং গুজরাত লোয়ননা লৈবাক্কী অমসুং মপাল লৈবাক্কী শরুক কয়াদগী চহি খুদিংগী ভক্তা করোর কয়াগী মীৎয়েং চীংশিল্লি। লাইন অসি শাবনা ভক্তা করোর কয়া লায়না চত্থোক-চৎশিন তৌবদা খুদোংচাহল্লগনি। মখা তানা কন্নেক্তিবিতী অসিনা তারঙ্গা হিলদা লৈবা অজিতনাথ জেন মন্দির (শেংলবা জেন ত্রীর্থকর ২৪গী মনুংদা অমা ওইরিবা) অসিদা ভক্তাশিংনা লাকপদসু চাউনা কান্নবা পীরগনি। তারঙ্গা হিল - অম্বাজী – আবু রোদকী মরক্তা রেলৱেগী অনৌবা লাইন অসিনা রেলৱেগী মেন নেৎৱার্ক্কা লোয়ননা মরু ওইবা লাইফমলেন অনিগা শম্নহল্লগনি।
লাইন অসিনা লৌউ-শিংউ অমসুং লমদম অসিগী পোত্থোকশিং খোঙজেল য়াংনা পুথোক পুশিন তৌবা য়াহল্লগনি অমসুং লমদম অসুগী মীয়াম্না গুজরাত অমসুং রাজস্থান অমসুং লৈবাক্কী অতোপ্পা মফমদিংদা চৎনবগী মোবিলিতী হেনগৎহল্লগনি। প্রোজেক্ত অসিনা হৌজিক লৈরিবা অহমদাবাদ – আবু রোদ রেলৱে লাইনগী মহুৎ শিনবা য়াবা রুত অমা পীরগনি।
প্রপোজ তৌখিবা দব্লিংগী এলাইনমেন্ত অসি রাজস্থানগী সিরোহি জিলা অমসুং গুজাতকী বনাসকান্থা অমসুং মহেসানা জিলাশিং ফাওদুনা চৎকনি। অনৌবা রেল লাইন শাবা অসিনা ইনভেস্তমেন্ত লাক্নবা মীৎয়েং চীংশিন্দুনা অপুনবা সমাজিক-শেন্মীৎলোনগী চাউখৎ-থৌরাংদা শরুক তমগনি।
