প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ইন্দিয়া সেমিকন্দক্তর মিসন(আই এস এম)গী মখাদা অহেনবা সেমিকন্দক্তর প্রোজেক মরি অয়াবা পীখ্রে।
অয়াবা পীখ্রবা প্রোজেক তরুক মাঙজৌননা থবক পায়খৎপগী তোঙান তোঙানবা তাঙ্ককশিংদা লৈবগা লোয়ননা ভারত্ত সেমিকন্দক্তরগী থবকশিংগী য়াংনা চঙশিল্লি। ঙসি অয়াবা পীখ্রবা প্রোজেকশিং অদুদি সিকসেম, কন্তিনেন্তেল দিভাইস ইন্দিয়া প্রাইভেত লিমিতেদ(সিদিল), ৩-দি গ্লাস সোলুসন্স ইনকোর্পোরেতেদ অমসুং এদভান্স সিষ্টেম ইন পেকেজ(এ এস আই পি) তেক্নোলোজিসনি।
অয়াবা পীরবা প্রোপোজেস মরি অসিদা লুপা করোর ৪,৬০০ রোম থাদুনা সেমিকন্দক্তর শানবা য়ুনিতশিং লিংখৎকনি অমসুং হৈথোই-শিংথোইরবা শীনফমশিংগী মীওই ২০৩৪ থবক পীগনি হায়বগী থাজবা থমলি অমসুং মসিনা ইলেক্ত্রোনিক মেনুফেকচরিংগী থবকশিং পায়খৎতুনা নাকোইননা থবক কয়া পীগনি। ঙসি প্রোজেক মরি অয়াবা পীখিবগা লোয়ননা আই.এস.এমগী মখাদা অয়াবা পীখ্রবা অপুনবা প্রোজেক ১০ য়ৌরে অমসুং রাজ্য ৬ দা চাউরাক্না লুপা করোর লাখ ১.৬০ রোম থাদরে।
তেলিকোম, ওতোমেতিপ, দেতাসেন্তরশিং, কঞ্জুমর ইলেক্ত্রোনিক্স অমসুং ইন্দষ্ট্রিয়েল ইলেক্ত্রোনিক্সতা সেমিকন্দক্তর দরকার ওইবা হেনগৎলকপগা লোয়ননা, নৌনা অয়াবা পীখ্রবা সেমিকন্দক্তর প্রোজেক মরি অসিনা অত্মনির্ভর ভারত ওইহনবদা চাউনা মতেং পাংগনি।
উরিসাদা সিকসেম অমসুং ৩-দি গ্লাস লিংখৎকনি। পঞ্জাবতা সিদিল লৈগনি অমসুং অন্ধ্র প্রদেসতা এ.এস.আই.পি লিংখৎকনি।
উরিসাগী ভুবনেশ্বরগী ইনফো ভেল্লিদা সিলিকোন কর্বাইদ ( এস আই সি) দা য়ুম্ফম ওইবা কম্পাউন্দ সেমিকন্দক্তরগী ইন্তিগ্রেতেদ ফেসিলিতি লিংখৎনবা সিকসেম প্রাইভেদ লিমিতেদনা ক্লাস-এস.আই.সি ৱেফর ফেব লিমিতেদ, য়ু.কেগা পুন্না থবক তৌমিন্নরি। মসি লৈবাক অসিদা অহানবা কম্মর্সিএল কম্পাউন্দ ফেব ওইগনি। প্রোজেক অসিনা সিলিকোন কর্বাইদ দিভাইন্সশিং শাগনি। কম্পাউন্দ সেমিকন্দক্তর ফেব অসিদা চহি অমদা ৱেফর ৬০,০০০ শাবা অমসুং য়ুনিত মিল্লিয়ন ৯৬ পেকেত তৌবগী খুদোংচাবা লৈগনি। পুথোক্কদৌরবা পোৎথোকশিং অদু মিসাইলশিং, ঙাক-শেনগী খুৎলায়শিং, ইলেক্ত্রিক গারিশিং, রেলৱে, ফাষ্ট চার্জরশিং, দেতা সেন্তর রেকশিং, কঞ্জুমর এপ্লাইয়েন্সশিং অমসুং সোলার পৱার ইনভর্তরশিংদা শীজিন্নগনি।
উরিসাগী ভুবনেশ্বরগী ইনফো ভেল্লিদা ৩-দি গ্লাস সোলুসন্স ইনকোর্পোরেতেদনা ভর্তিকেলি ইন্তিগ্রেতেদ এদভান্স পেকেজিং অমসুং ইম্বেদদেদ গ্লাস সবষ্ট্রেদ য়ুনিত অমা লিংখৎকনি। য়ুনিত অসিনা ভারত্ত মালেমগী খ্বাইদগী ফবা পেকেজিং তেক্নোলোজি পুরক্কনি। মসিদা পেসিভ অমসুং সিলিকোন ব্রিজশিং য়াওবা গ্লাস ইন্তরপোজরশিং অমসুং ৩-দি হেতেরোজেনস ইন্তেগ্রেসন (৩ দি ঐচ আই) মোদুলশিং য়াওনা মশিং য়াম্লবা অৱাংবা থাক্কী তেক্নোলোজিশিং লৈগনি। য়ুনিত অসিনা চহি অমদা চাউরাক্না গ্লাস পেনেল সবষ্ট্রেদ ৬৯,০০০, এশেম্বল য়ুনিত মিল্লিয়ন ৫০ অমসুং ৩ঐচ.দি.আই য়ুনিতি ১৩,২০০ পুথোক্কনি হায়না পানরি। পুথোক্কদৌরিবা পোৎথোকশিং অদু ঙাক-শেন, অৱাংবা থাক্কী কম্পুতিংগী থবক, আর্তিফিসিএল ইন্তিলিজেন্স, আর.এফ অমসুং অতোমেতিপ, ফোতোনিক্স অমসুং কো-পেকেজ ওপ্তিক্স অসিনচিংবদা শীজিন্নগনি।
এদভান্স সিষ্টেম ইন পেকেজ তেক্নোলোজিস (এ এস আই পি) না সাউথ কোরিয়াগী এপেক্ত কো লিমিতেদকা তেক্নোলোজিগী খুৎশম্নদুনা অন্ধ্র প্রদেসতা সেমিকন্দক্তর য়ুনিত অমা লিংখৎকনি অমসুং মসিদা চহি অমদা য়ুনিত মিল্লিয়ন ৯৬ পুথোকপা ঙমগনি। পোৎথোকশিং অদু মোবাইল ফোনশিং, সেত-তোপ বোক্সশিং, ওতোমোবাইল অমসুং অতোপ্পা ইলেক্ত্রোনিক্কী পোৎথোকশিংদা শীজিন্নগনি।
কন্তিনেন্তেল দিভাইস (সিদিল) না পঞ্জাবকী মোহালিদা মসিগী সেমিকন্দক্তর শানবা খুদোংচাবশিং পাকথোক-চাউথোকহনগনি। মসিদা অৱাংবা থাক্কী সেমিকন্দক্তর দিভাইসশিং হায়বদি মোসেতশিং, আই.জি.বি.তিশিং, স্কুতকি বাইপাস দাইওদশিং অমসুং ত্রান্সিষ্টরশিং, সিলিকোন অমসুং সিলিকোন কর্বাইদ অনিমক্ত শাগনি। মফম অসিদগী চহি অমদা য়ুনিত মিল্লিয়ন ১৫৮.৩৮ পুথোক্কনি। শাগদৌরিবা পোৎথোকশিং অসি ওতোমেতিপ ইলেক্ত্রোনিক্স হায়বদি ই.ভি অমসুং মসিগী চার্জ তৌনবা মচাকশিং, রিন্যুএবল ইনর্জি সিষ্টেমশিং, পৱার কনভর্সন এপ্লিকেসনশিং, ইন্দষ্ট্রিয়েল এপ্লিকেসনশিং অমসুং কম্মুনিকেসন ইনফ্রাষ্ট্রকচরদা শীজিন্নগনি।
প্রোজেকশিং অসি অয়াবা পীখিবগা লোয়ননা, হায়রিবা প্রোজেকশিং অসি লৈবাক অসিগী অহানবা কম্মর্সিএল কম্পাউন্দ ফেব ওইবা অমসুং অৱাংবা থাক্কী গ্লাস-বেজ সবষ্ট্রেদ সেমিকন্দক্তর পেকেজিং য়ুনিত ওইবনা লৈবাক অসিগী সেমিকন্দক্তরগী থবকশিংদা য়াম্না চাউনবা কান্নবা পীগনি।
একাদেমিক ইন্সতিতুসন ২৭৮ অমসুং ষ্টার্দ-অপ ৭২ দা সরকারনা দিজাইন ইনফ্রাষ্ট্রকচরগী মতেং পাংবগা লোয়ননা লৈবাক অসিদা মালেম থাক্কী চিপ দিজাইনগী খুদোংচাবশিং শেমগৎপদা প্রোজেকশিং অসিনা মতেং পাংগনি।
তেলেন্ত দিবলপমেন্ত প্রোগ্রামগী কান্নবা মাঙজৌননা মহৈরোয় ৬০,০০০ হেনবনা ফংখ্রে।
India is making rapid strides in the semiconductor sector, building a robust ecosystem to power our digital future and drive global innovation. Today's Cabinet decision relating to approval of semiconductor units in Andhra Pradesh, Odisha and Punjab will boost manufacturing…
— Narendra Modi (@narendramodi) August 12, 2025
ଭାରତ ସେମିକଣ୍ଡକ୍ଟର କ୍ଷେତ୍ରରେ ଦ୍ରୁତ ପ୍ରଗତି କରୁଛି ଏବଂ ଆମର ଡିଜିଟାଲ ଭବିଷ୍ୟତକୁ ଶକ୍ତିଶାଳୀ କରିବା ତଥା ବିଶ୍ୱ ନବସୃଜନକୁ ଆଗେଇ ନେବା ପାଇଁ ଏକ ଦୃଢ଼ ଇକୋସିଷ୍ଟମ ନିର୍ମାଣ କରୁଛି । ଆନ୍ଧ୍ରପ୍ରଦେଶ, ଓଡ଼ିଶା ଏବଂ ପଞ୍ଜାବରେ ସେମିକଣ୍ଡକ୍ଟର ୟୁନିଟ୍ ଅନୁମୋଦନ ସମ୍ପର୍କିତ ଆଜିର କ୍ୟାବିନେଟ ନିଷ୍ପତ୍ତି ଉତ୍ପାଦନ କ୍ଷମତାକୁ ବୃଦ୍ଧି…
— Narendra Modi (@narendramodi) August 12, 2025
ਭਾਰਤ ਸੈਮੀਕੰਡਕਟਰ ਸੈਕਟਰ ਵਿੱਚ ਤੇਜ਼ੀ ਨਾਲ ਤਰੱਕੀ ਕਰ ਰਿਹਾ ਹੈ ਅਤੇ ਸਾਡੇ ਡਿਜੀਟਲ ਭਵਿੱਖ ਨੂੰ ਮਜ਼ਬੂਤ ਬਣਾਉਣ ਅਤੇ ਆਲਮੀ ਨਵੀਨਤਾ ਨੂੰ ਹੱਲ੍ਹਾਸ਼ੇਰੀ ਦੇਣ ਲਈ ਇੱਕ ਮਜ਼ਬੂਤ ਈਕੋਸਿਸਟਮ ਦਾ ਨਿਰਮਾਣ ਕਰ ਰਿਹਾ ਹੈ। ਆਂਧਰ ਪ੍ਰਦੇਸ਼, ਓਡੀਸ਼ਾ ਅਤੇ ਪੰਜਾਬ ਵਿੱਚ ਸੈਮੀਕੰਡਕਟਰ ਯੂਨਿਟਾਂ ਨੂੰ ਮਨਜ਼ੂਰੀ ਦੇਣ ਦੇ ਅੱਜ ਦੇ ਕੈਬਨਿਟ ਦੇ ਫੈਸਲੇ ਨਾਲ…
— Narendra Modi (@narendramodi) August 12, 2025
భారతదేశం సెమీకండక్టర్ రంగంలో వేగంగా అడుగులు వేస్తోంది, మన డిజిటల్ భవిష్యత్తుకు శక్తినివ్వడానికి మరియు ప్రపంచ ఆవిష్కరణలను నడిపించడానికి ఒక బలమైన పర్యావరణ వ్యవస్థను నిర్మిస్తోంది. ఆంధ్రప్రదేశ్, ఒడిశా మరియు పంజాబ్లలో సెమీకండక్టర్ యూనిట్ల ఆమోదానికి సంబంధించిన నేటి మంత్రివర్గ…
— Narendra Modi (@narendramodi) August 12, 2025
