ইকায়খুম্নরবা প্রধান মন্ত্রী শ্রী নরেন্দ্র মোদীনা লুচিংবা কেবিনেত কমিতী ওন ইকনমিক এফ্যার্সনা মার্কেতিং সীজন ২০২৪-২৫গী মেন্দেত তৌরবা রবী মহৈ মরোং পুম্নমক্কী মিনিমম সপ্পোর্ত প্রাইস (এম.এস.পি.) হেনগৎনবা অয়াবা পীখ্রে।
লৈঙাক্না মার্কেতিং সীজন ২০২৪-২৫গী রবী মহৈ মরোংশিংগী এম.,স.পি. অসি লৌমীশিংদা মখোয়গী পোত্থোক্কী শেন্দোং লৈহন্নবগীদমক হেনগৎখিবনি। শেনগঙ ওইনা এম.এস.পি.দা খ্বায়দগী য়াম্না হেনগৎপগী অয়াবা লেন্তিলদা (মসুর) পীদুনা কুইন্তলদা লুপা ৪২৫ ওইরে মসিগী মতুংদা কুইন্তলদা লুপা ২০০ ওইদুনা হঙ্গাম মুলা অমদি হঙ্গাম্না ওইরি। গেহু অমদি কুশুম্লৈগীদমক্তদি কুইন্তলদা লুপা ১৫০ হেনগৎপদা অয়াবা পীরে। বার্লী অমদি গ্রামগীদমক্তদা মথঙশিৎনা কুইন্তলদা লুপা ১১৫ অমদি লুপা ১-৫ হেনগৎপদা অয়াবা পীরে।
মার্কেতিং সীজন ২০২৪-২৫গী ওইবা রবী মহৈ মরোং পুম্নমক্কী মিনিমম সপ্পোর্ত প্রাইস
(কুইন্তলদা লুপা)
|
সেরিএল নম্বর |
মহৈ মরোংশিং |
এম.এস.পি. আর.এম.এস. ২০১৪-১৫ |
এম.এস.পি. আর.এম.এস. ২০২৩-২৪ |
এম.এস.পি. আর.এম.এস. ২০২৪-২৫ |
পুথোকপগী শেঞ্জং* আর.এম.এস. ২০২৪-২৫ |
এম.এস.পি.দা হেনগৎলকপা (এবসোলুৎ) |
শেঞ্জংদা লৈবা মার্জিন (চাদা) |
|
১ |
গেহু |
১৪০০ |
২১২৫ |
২২৭৫ |
১১২৮ |
১৫০ |
১০২ |
|
২ |
বার্লী |
১১০০ |
১৭৩৫ |
১৮৫০ |
১১৫৮ |
১১৫ |
৬০ |
|
৩ |
গ্রাম |
৩১০০ |
৫৩৩৫ |
৫৪৪০ |
৩৪০০ |
১০৫ |
৬০ |
|
৪ |
লেন্তিল (মসুর) |
২৯৫০ |
৬০০০ |
৬৪২৫ |
৩৪০৫ |
৪২৫ |
৮৯ |
|
৫ |
হঙ্গাম মুলা অমদি হঙ্গাম |
৩০৫০ |
৫৪৫০ |
৫৬৫০ |
২৮৫৫ |
২০০ |
৯৮ |
|
৬ |
কুশুম্লৈ |
৩০০০ |
৫৬৫০ |
৫৮০০ |
৩৮০৭ |
১৫০ |
৫২ |
*খুলং, শন/মেচিন নেকপদা চঙখিবা শেনফম, লমগী ভরা পীখিবদা চঙখিবা শেনফম, মরু, হার, শন্থি, ঈথৈ লৌখোংনচিংবা মচাক মথুমশিংদা চঙখিবা শেনফম, পোৎলম চৈরম অমদি ফার্ম বিল্দিং ফীভম শোকচিল্লকপা, শেল্লেপকী শেন্দোয়, পম্প সেতনচিংব চলাইবগী দীজল/মৈগী শেল, অতৈ অতৈদা চঙখিবা শেনফম অমদি ইমুংগী মীগী পাথোক্লবা খুৎশুমল পুম্নমক য়াওরবা শেঞ্জংবা পাবনি।
মার্কেতিং সীজন ২০২৪-২৫গী মেন্দেত তৌরবা রবী মহৈ মরোংশিংগী এম.এস.পি. হেনগৎলিবা অসি ওল ইন্দিয়া ৱেতেদ এভরেজ কোস্ত ওফ প্রদক্সনগী য়ামদ্রবদা শরুক ১.৫গী চাংদা এম.এস.পি. লেপথোক্নবা লাউথোকখিবা কেন্দ্রগী বজেৎ ২০১৮-১৯গী পরিংদা হেনগৎপনি। ওল ইন্দিয়া ৱেতেদ এভরেজ কোস্ত ওফ প্রদক্সনগী মথক্তা ফংগনি হায়না পানরিবা শেন্দোংগী চাং অসি গেহুদা চাদা ১০২, মথঙদা হঙ্গাম মুলা অমদি হঙ্গামদা চাদা ৯৮; লেন্তিলদা চাদা ৮৯; গ্রামদা চাদা ৬০; বার্লীদা চাদা ৬০; অমদি কুশুম্লৈদা চাদা ৫২নি। রবী মহৈ মরোংশিংগী এম.এস.পি. হেনগৎলিবা অসিনা লৌমীশিংদা শেন্দোং লৈবা মমল ফংহনগনি অমদি খেন্নবা মহৈ মরোংশিং থাবদা শেল ফংহনগনি।
ভারত লৈঙাক্না থাউ মরূ, হৱাই অমদি শ্রী অন্ন/চনানগী লমদা ক্রোপ দাইভর্সিফিকেসন য়োকখত্তুনা ফুদ সিক্যুরিতীগী ফীভম ফগৎহন্নবা, লৌমীশিংগী শেন্থোক হেনগৎহন্নবা, অমদি মপান্দগী পুশিল্লকপা পোৎলমশিংদা তাংবগী চাং হন্থহন্নবা হোৎনরি। প্রাইস পোলিসীগী মথক্তা, লৈঙাক্না শেলগী তেঙবাঙ পীননবা, লৌমীশিংদা থাউ মরূশিং অমদি হৱাই চেঙৱাই থাননবা পুক্নিং থৌগৎনবগীদমক তিঞ্জং কায়জঙদবা মরূ ফংহন্নবগী পান্দমগা লোয়ননা নেস্নেল ফুদ সিক্যুরিতী মিসন (এন.এফ.এস.এম.), প্রধান মন্ত্রী কৃশী সিঞ্চায়ী য়োজনা (পি.এম.কে.এস.ৱাই.), অমদি নেস্নেল মিসন ওন ওইলসীদ্স এন্দ ওইল পাল্ম (এন.এম.ও.ও.পি.)নচিংবা তোঙান তোঙানবা থৌরাংশিং পায়খৎলি।
মসিগী মথক্তা, লৈবাক শিনবা থুংনা লৌমী খুদিংমক্তা কিসান ক্রেদিত কার্দ (কে.সি.সি.) স্কীমগী কান্নবা ফংহন্নবগীদমক, লৈঙাক্না কিসান রিন পোর্তেল (কে.আর.পি.), কে.সি.সি. ঘর ঘর অভিয়ান, অমদি লৌমীশিংদা মখোয়গী মহৈ মরোংগী মতাঙদা মতম চানা ফিরেপ লৌবদা মপাঙ্গল হাপ্নবগীদমক মতম চাবা অমদি মরিক চুম্বা ঈশিং নুংশিৎকী ঈ-পাউ ফংহন্নবা পান্দমগা লোয়ননা পায়খৎপা ৱেদর ইনফোর্মেসন নেৎৱর্ক দেতা সিস্তেম (ৱিন্দ্স)নচিংবা থৌরাংশিং পায়খৎলি। থৌরাংশিং অসিনা লৌউ-শিংউগী লমদা য়াওল অমা পুরক্নবা, ফাইনেন্সিএল ইনক্লুজনগী ফীভম ফগৎহন্নবা, দেতা শীজিন্নবা হেনগৎহন্নবা, অমদি লৈবাক শিনবা থুংনা লৌমীশিংগী পুন্সি ফগৎহন্নবা পান্দম থম্লি।
