প্রধান মন্ত্রী, শ্রী নরেন্দ্র মোদীনা ঙসি ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা তেলিকোম সেক্তরদা পাইখৎপা স্ত্রকচরেল অমসুং প্রোসেসকী রিফোর্ম কয়া অয়াবা পীখ্রে। মসিনা থবক্কী খুদোংচাবশিং ঙাকশেনগী অমসুং থবক পীগনি, অফবা কম্পিতিসন থৌগৎকনি, কঞ্জুমরশিংগী অপাম্বশিং ঙাক্না চৎকনি, লিক্বিদিতী লৈহনগনি, ইনভেস্তমেন্ত লাকহনগনি অমসুং তেলিকোম সর্ভিদ প্রোভাইদরশিং (তি.এস.পি.শিং)দা পীবা রিগ্যুলেতরীগী পোৎলুম হন্থহনগনি হায়না পান্নরি।
দেতা কঞ্জুম্পসন চাউনা হেনগৎলকপা, ওনলাইন এজুকেসন, ৱর্ক ফ্রোম হোম, সোসিএল মীদিয়া, ভর্চ্যুএল মীতিংশিং অসিনচিংবগী খুত্থাংদা ইন্তর্পর্সনেল কনেক্ত তৌবগা লোইননা কোবিদ-১৯গী শীংনবশিং অসি কোকহন্নবা তেলিকোম সেক্তরগী শীংথানীংঙাই ওইবা পর্ফোর্মেন্স অসিগী মরুমদা ফোর্মগী থৌরাংশিং অসিনা ব্রোদবেন্দ অমসুং তেলিকোম কনেক্তিবিতীগী প্রোলিফরেসন অমসুং পেনিত্রেসন মখা তানা থৌগৎলগনি। মন্ত্রী-মন্দলগী ৱারেপ অসিনা প্রধান মন্ত্রীগী মপাঙ্গল কনবা তেলিকোম সেক্তরগী ভজন অদু নৌহৌনা নীংশিংহল্লি। কম্পিতিসন অমসুং কস্তমর চোইস, ইনক্লুসিব দিবেলপমেন্তগীদমক অন্ত্যোদয়া অমসুং শোত্থরবা মফমশিং মেনস্ত্রীমদা পুরক্নবা অমসং অনকনেক্ত ওইবশিং ব্রোদবেন্দগী এক্সেস ফংহনদুনা কনেক্ত তৌবগা লোইননা পেকেজ অসিনা ৪জি প্রোলিফরেসন হেনগৎহনগনি, লিক্বিদিতী লৈহনগনি অমসুং ৫জি নেৎৱর্কশিংদা ইনভেস্তমেন্ত তৌনবগী এনভাইর্নমেন্ত অমা লৈহনগনি।
তেলিকোম সর্ভিস প্রোভাইদরশিংগী স্ত্রকচরেল রিফোর্ম মাপন অমসুং প্রোসিদ্যুরেল রিফোর্ম মঙা অমদি মতেং পীনবা থৌশিলশিং মখাদা পীরি:
স্ত্রকচরেল রিফোর্মশিং
১. এদজস্ত তৌরবা গ্রোস রিভেন্যুগী রেস্নেলাইজেসন: নন-তেলিকোম রিভেন্যু অসি এ.জি.আর.গী দেফিনিসনদগী প্রোস্পেক্তি বেসিসতা এক্সক্লুদ তৌগনি।
২. বেঙ্ক গরেন্তীশিং (বি.জি.শিং) রেস্নেলাইজ তৌবা: লাইসেন্স ফী (এল.এফ.) অমসুং অতৈ মান্নবা লেভীশিংদা বি.জি.গী মথৌ তাবশিংদা (৮০%) চাউনা হন্থহনখ্রে। লৈবাক অসিগী তোঙান-তোঙানবা লাইসেন্স সর্ভিস এরিয়াশিং (এল.এস.এ,শিং)গী রিজনশিংদা বি.জি কয়াগী মথৌ তাবা লৈররোই। মসিগী মহুৎ, বি.জি. অমনা য়ারগনি।
৩. শেন্দোইগী চাংশিং রেস্নেলাইজ তৌখ্রে/ পেনাল্তীশিং লৌথোকখ্রে: ওক্তোবর ১, ২০২১দগী লাইসেন্স ফী (এল.এফ.)/স্পেক্ত্রম য়ুজেজ চার্জ (এস.য়ু.সি.)গী পেমেন্তশিং ঔবদা থেংথরবদি শেন্দোইগী চাং এম.সি.এল.আর. প্লস ৪% ওইরম্বগী মহুৎ এস.বি.আই.গী এম.সি.এল.আর. প্লস ২% ওইনা লৌরগনি; থাগী ওইরম্বদগী শেন্দোই চহিদা ওইনা কম্পাউন্দ কারগনি; পেনাল্তীদা পেনাল্তী অমসুং শেন্দোই লৌবা তোকখ্রে।
৪. মসিগী মতুং তারকপদা ওক্সনশিং তৌরকপদা ইন্সতোলমেন্ত পেমেন্তশিং সেক্যুর তৌনবা বি.জি. অমত্তা মথৌ তাররোই। ইন্দস্ত্রী হোংলে অমসুং মমাংঙৈগী বি.জি. চৎনরম্বা অদু মথৌ তাদ্রে।
৫. স্পেক্ত্রম তেনর: তুংদা তৌবা ওক্সনশিংদা স্পেক্ত্রমগী তেনর অসি চহি ২০দগী ৩০দা হেনগৎখ্রে।
৬. তুংদা তৌবা ওক্সনশিংদা ফংখিবা স্পেক্ত্রমগী চহি ১০গী মতুংদা স্পেক্ত্রম সরেন্দর তৌবগী অয়াবা পীগনি।
৭. তুংদা তৌবা স্পেক্ত্রমগী ওক্সনশিংদা ফংখিবা স্পেক্ত্রমগীদমক স্পেক্ত্রম য়ুজেজ চার্জ (এস.য়ু.সি.) লৌরোই।
৮. স্পেক্ত্রম সিয়র তৌবা থৌগৎখ্রে – স্পেক্ত্রম সিয়রিংগী অহেনবা এস.য়ু.সি.গী ০.৫% লৌথোকখ্রে।
৯. ইনভেস্তমেন্ত তৌবা থৌগৎনবা, তেলিকোম সেক্তরদা ওতোমেতিক রুৎকী মখাদা ফোরেন দাইরেক্ত ইনভেস্তমেন্ত (এফ.দি.আই.) ১০০%গী অয়াবা পীখ্রে। চেকশিল থৌরাং পুম্নমক পাইখৎকনি।
প্রোসিদ্যুরেল রিফোর্মশিং
১. ওক্সনগী কেলেন্দর লেপখ্রে- শেনবা চহি খুদিংগী অরোইবা ক্বাতরদা স্পেক্ত্রম ওক্সনশিং পাঙথোক্লগনি।
২. ইজ ওফ দুইং বিজিনেস থৌগৎখ্রে - ১৯৫৩গী ৱায়রলেস ইক্বিপমেন্তগী কস্তমস নোতিফিকেসনগী মখাদা লাইসেন্সশিংগী চে-চাংশিং মথৌ তাবা অদু লৌথোকখ্রে। সেল্ফ-দেক্লেরেসন্না মহুৎ শিনখ্রে।
৩. নো য়োর কস্তমর (কে.ৱাই.সি.) রিফোর্মশিং: সেল্ফ-কে.ৱাই.সি. (এপ বেজ) অয়াবা পীখ্রে। ই-কে.ৱাই.সি. রেৎ শুপ্নগী লুপা অমদা রিভাইজ তৌখ্রে। প্রিপেদতগী পোস্ত-পেদতা ওনবা অমসুং ভাইস-ভর্সাদা নৌনা কে.ৱাই.সি. তৌবা মথৌ তাররোই।
৪. চেগী কস্তমর এক্যুজিসন ফোর্মশিং (সি.এ.এফ.) অসি দেতা দিজিতেল স্তোরেজ তৌবনা মহুৎ শিল্লগনি। তি.এস.পি.শিংগী তোঙান-তোঙানবা ৱেয়রহাউসশিংদা লৈরিবা চেগী সি.এ.এফ. ৩০০-৪০০কী মথৌ তাররোই। সি.এ.এফ.কী ৱেয়রহাউস ওদিত মথৌ তাররোই।
৫. তেলিকোম তাৱরশিংগী এস.এ.সি.এফ.এ. কোমথোকখ্রে। সেল্ফ-দেক্লেরেসন বেসিস্তা পোর্তেলদা য়ুম্ফম ওইরগা দি.ও.তি.না দেতা এসেপ্ত তৌগনি। অতৈ এজেন্সীশিংগী পোর্তেলশিং (সিভিল এভিএসনগুম্বা) দি.ও.তি. পোর্তেলগা লিঙ্ক তৌগনি।
তেলিকোম সর্ভিস প্রোভাইদরশিংগী মথৌ তাবা লিক্বিদিতী থুংহনবা
মন্ত্রী-মন্দলনা মখাদা পীরিবা অসি তেলিকোম সর্ভিস প্রোভাইদর (তি.এস.পি.শিং) পুম্নমক্কীদমক অয়াবা পীখ্রে:
১. এ.জি.আর. জদজমেন্তদগী লাকপা দ্যুশিংগী এন্যুএল পেমেন্তশিংদা চহি মরি আওবগী মোরাতোরিয়ম/দিফরমেন্ত, অদুম ওইনমক নেত প্রজেন্ত ভেল্যু (এন.প.ভি.) ঙাকপগা লোইননা দ্যু লৈরিবা শেনফমশিং ঙাক্তুনা থমগনি।
২. মরী লৈনবা ওক্সনশিংদা স্তিপ্যুলেদ তৌখিবা শেন্দোইগী চাংদা এন.পি.ভি. ঙাক্তুনা থম্বগা লোইননা চহি মরি ফাওবগী ওইনা মমাংগী ওক্সনশিংদা (২০২১গী ওক্সন য়াওদনা) লৈখিবা স্পেক্ত্রমগী দ্যু পেমেন্তশিংদা মোরাতোরিয়ম/দিফরমেন্ত।
৩. ইক্বিতীগী থোংদা পেমেন্তগী দিফরমেন্ত অসিনা মরম ওইরগা লাকপা শেন্দোইগী শেনফম থিনবগী তি.এস.পি.শিংদা ওপ্সন পীবা।
৪. মোরাতোরিয়ম/দিফরমেন্তগী মতম লোইরকপদা ইক্বিতীগী থোংদা হায়রিবা দিফর তৌখিবা পেমেন্ত অসিগা মী লৈবভা অতোনবা শেনফম অদু কনভর্ত তৌনবগীদমক সরকারগী খুত্থাংদা গাইদলাইনশিং পীখ্রে হায়রিবা অসি শেল-থুম মন্ত্রালয়না অরোইবা ওইনা লেপথোক্লগনি।
মথক্তা পীরিবা অসি তি.এস.পি. পুম্নমক্তা চৎনগনি অমসুং লিক্বিদিতী অমসুং কেশ ফ্লো লৈহনদুনা মতেং পীগনি। মসিনা তেলিকোম সেক্তরদা কুইনা এক্সপোজর লৈরক্লবা তোঙান-তোঙানবা বেঙ্কশিংদসু মতেং পাংগনি।
