প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী মন্দল মীফমনা জয়পুর মেত্রো ফেজ-২, প্রহ্লাদপুরদগী তোদি মোদ ফাওবা কিলোমিতর ৪১ শাংবা অৱাং-খা কোরিদোর অমা শেমগৎপদা অয়াবা পীখ্রে। মসিগী মনুংদা স্তেসন ৩৬ য়াওরি। প্রোজেক্ত অসিগী অপুনবা শেনফম লুপা করোর ১৩,০৩৭.৬৬ ওইগনি। প্রোজেক্ত অসি রাজস্থান মেত্রো রেল কোর্পোরেসন লিমিতেদ (আর.এম.আর.সি.এল.) না পায়খৎকনি। মসি ভারত সরকার অমসুং রাজস্থান সরকারগী ৫০:৫০ জোইন্ত ভেঞ্চর অমনি।
ফেজ-২গী কোরিদোর অসিনা সীতাপুরা ইন্দস্ত্রীএল এরিয়া, ভি.কে.আই.এ., জয়পুর এয়রপোর্ত, তোঙ্ক রোদ, এস.এম.এস. হোস্পিতাল অমসুং স্তেদিয়ম, অম্বাবরি অমসুং বিদ্যাধর নগরগুম্বা মরুওইবা থবক থৌরমগী নোদশিংদা থোইদোক হেন্দোক্না কনেক্তিবিতী ফংহল্লগনি। মসিদা এয়রপোর্ত এরিয়াদা লৈবা মেত্রো স্তেসনশিং য়াওরি অমসুং শহর শিনবা থুংনা য়ুনিফাইদ অমসুং কন্তিন্যুস মেত্রো নেৎৱর্ক অমা লৈহন্দুনা, থৌরাং তৌরবা ইন্তরচেঞ্জ অমসুং ফিদর সিস্তেমশিংগী খুত্থাংদা ওপরেস্নেল ফেজ-১গা পুনশিন্নগনি।
হৌজিক্কী ওইনা, জয়পুর মেত্রো ফেজ-১দা অতেনবা অদুবু য়াম্না মরু ওইবা কিলোমিতর ১১.৬৪গী কোরিদোর অসিদা নোংমদা চাংচত্তা পেসেঞ্জর ৬০,০০০ রোম চৎপা থেংনরি। ফেজ-২গী থবক হৌরকপগা লোইননা, মেত্রো নেৎৱর্ক অসিনা রাইদরশিপ মশিং য়াম্না হেনগৎহল্লগনি, জয়পুরদা পব্লিক ত্রান্সপোর্তকী শরুক চাউনা হেনগৎহল্লগনি অমসুং প্রাইবেৎ ভেহিকলশিংদা মখা পোনবা হন্থহল্লগনি হায়না পানরি।
জয়পুর মেত্রো ফেজ-২ অসি ইন্তর-মিনিস্ত্রীএল কন্সল্তেসন, নেতৱর্ক প্লান্নিং গ্রুপ রিভিয়ু অমসুং পব্লিক ইনভেস্তমেন্ত বোর্দকী ইভালুএসন য়াওনা লেবেল কয়াদা কুপ্না য়েংশিনখ্রে। প্রোজেক্ত অসিগী ইকোনোমিক ইন্তর্নেল রেৎ ওফ রিতর্ন (EIRR) অসি থ্রেশহোল্দ (>14%) দগী হেল্লি, মসিনা মপাঙ্গল লৈবা সোসিও-ইকোনোমিক ভাইএবিলিতী উৎলি। মেট্রো রেল পোলিসী, ২০১৭গী মতুং ইন্না ভারত সরকার অমসুং রাজস্থান সরকারগী ইক্বিতী সপোর্ত, সবর্দাইন দেবিৎ অমসুং মল্তিলেতরেল ফাইনান্সিংগী খুত্থাংদা শেল থাদনগনি।
প্রোজেক্ত অসি রাজস্থান তোদ পোলিসী-২০২৫, প্রপোজ তৌরিবা য়ু.এম.তি.এ.গী রিফোর্মশিং অমসুং নেস্নেল সস্তেনেবল অর্বান ত্রান্সপোর্ত এজেন্তিবশিংগা মরী লৈনৈ। সেপ্তেম্বর ২০৩১ ফাওবদা লোইশিন্নবা পান্দম থম্লিবা, জয়পুর মেত্রো ফেজ-২না ত্রাফিক জাম, ভেহিকল ইমিসন হন্থহল্লগনি অমসুং রেসিদেন্তশিং, ৱর্করশিং অমসুং তুরিস্তশিংগীদমক মোবিলিতী হেনগৎহল্লগনি হায়না থাজরি। মসিনা জয়পুরবু মোদর্ন, তুংলমচৎকীদমক শেম-শারিবা শহর অমা ওইনা অমসুং বিক্সিত ভারত অমসুং বিক্সিত রাজস্থানগী মায়কৈদা খোংথাং অমা ওইনা মপাঙ্গল কনখৎহল্লগনি।
জয়পুরদা ফেজ-১গী মখাদা ইস্ত-ৱেস্ত কোরিদোরগী মনসরোবরদগী বাদী চৌপুর ফাওবা চৎপা, রেসিদেন্সিএল অমসুং কম্মর্সিএল এরিয়াশিংবু জয়পুরগী সেন্ত্রেল বিজিনেস দিস্ত্রিক্ত হায়বদি জিলাগী মনুংচন্না শম্নহল্লিবা স্তেসন ১১গা লোয়ননা কিলোমিতর ১১.৬৪ শাংবা মেত্রো সিস্তেম অমা মথৌ তৌরি। হেরিতেজ ৱাল্দ সিতী। জয়পুর মেত্রো ফেজ-২, অৱাং-দক্ষিণ এক্সসতা থৌরাং তৌরিবা অসিনা হৌজিক লৈরিবা কোরিদোর অসি মপুং ফাহনগনি অমসুং শহর পুম্বদা, জয়পুর মেত্রো কনেক্তিবিতী ফংহল্লগনি। মসিনা ত্রাফিক্কী চয়েৎনবা হন্থহল্লগনি অমসুং অপুনবা অর্বান মোবিলিতী ফগৎহল্লগনি।
Jaipur is set for a major infrastructural upgrade! Cabinet approval for Jaipur Metro Phase-2 is a significant step towards sustainable urban growth. It will expand connectivity, reduce congestion and enhance ‘Ease of Living.’https://t.co/CXSugfyklF
— Narendra Modi (@narendramodi) April 8, 2026
