প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কম্মিতী ওন ইকনোমিক এফিয়র্স (CCEA) না উত্তরাখন্দগী গোবিন্দঘাত্তগী হেমকুন্দ সাহিব জী ফাওবদা 12.4 km শাংবা রোপৱে প্রোজেক্ত শানবা অয়াবা পীখ্রে। প্রোজেক্ত অসি দিজাইন, বিল্দ, ফাইনান্স, ওপরেৎ অমসুং ত্রান্সফর (DBFOT) মোদতা পুন্না কেপিতেল কোস্ত লুপা করোর 2,730.13 চংনা শেমগৎকনি।
হৌজিক্কী ওইনা, হেমকুন্দ সাহিব জীগী খোঙচৎ অসি গোবিন্দঘাত্তগী 21-km চীংথক্তা কাবা খোঙচৎ অমনি অমসুং মসি খোঙনা চৎপা নৎত্রগা পোনি নৎত্রগা পালনকিনশিংনা চৎলি। প্রপোজ তৌখিবা রোপৱে অসিনা তীর্থ য়াত্রীশিং অমসুং হেমকুন্দ সাহিব জী অমসুং ভেলী ওফ ফ্লৱরদা লাকপা তুরিস্তশিংদা খুদোংচাবশিং ফংহন্নবা থৌরাং তৌরি। মসিনা গোবিন্দঘাত অমসুং হেমকুন্দ সাহিব জীগী মরক্তা মতম পুম্নমক্তা লাস্ত মাইলগী কন্নেক্তিবিতী লৈহল্লগনি।
রোপৱে অসি পব্লিক-প্রাইবেৎ পার্তনরশিপকী মখাদা শেমগৎনবা থৌরাং তৌরি। মসি গোবিন্দঘাত্তগী ঘাঙ্গরিয়া (10.55 km) ফাওবগী মোনোকেবল দিতেচেবল গোন্দোলা (MDG) দা য়ুম্ফম ওইগনি, নোংমদা পেসেঞ্জর 11,000 পেসেঞ্জর পর আৱর পর দিরেক্সন (PPHPD) পুবা ঙম্বা দিজাইন কেপাসিতীগা লোয়ননা ঘাঙ্গরিয়াদগী হেমকুন্দ সাহিব জী (1.85 km) ফাওবগী খ্বাইদগী ফবা ত্রাইকেবল দিতেচেবেল গন্দোলা (3S) তেক্নোলোজীগা লোয়ননা পুনশিল্লগনি।
রোপৱে প্রোজেক্ত অসিনা শেমগৎ-শাগৎপা অমসুং মথৌ পাংথোকপা মতমদা থবক ফংহনবগী অচৌবা খুদোংচাবশিং লৈহল্লগনি মসিগা লোয়ননা হোস্পিতালিতী, ত্রেবেল, ফুদ এন্দ বেভরেজ (F&B) অমসুং চহি চুপ্পগী তুরিজমগুম্বা মরী লৈনবা তুরিজম ইন্দস্ত্রীশিংদা থবক ফংহল্লগনি।
রোপৱে প্রোজেক্ত অসি শেমগৎপা অসি বেলেন্স সোসিও-ইকনোমিক দিবেলপমেন্ত অমা পুরক্নবা, লাই খুরুম্বা লাকপশিংগীদমক লাস্ত মাইলগী কন্নেক্তিবিতী হেনগৎহন্নবা অমসুং লমদম অসিগী ইকনোমিক গ্রোথ অমা থুনা পুরক্নবা মরু ওইবা খোঙথাং অমনি।
হেমকুন্দ সাহিব জী অসি উত্তরাখন্দ রাজ্যগী চামোলি জিলাদা ফিৎ 15,000গী অৱাংবদা লৈবা য়াম্না শিংথানীংঙাই ওইরবা লাই খুরুমফম অমনি। লাইনিং লাইশোনগী মফম অসিদা লিংখৎপা গুরুদ্বার অসি চহি অমদা থা 5গী ওইনা মে অমসুং সেপ্তেম্বরগী মরক্তা হাংই অমসুং চহি খুদিংগী তীর্থ য়াত্রী লাখ 1.5 দগী লাখ 2 ফাওবা লাকই। হেমকুন্দ সাহিব জীগী খোংচৎ অসি গারহৱাল হিমালয়গী অশেংবা মফমদা লৈবা UNESCO ৱর্ল্দ হেরিতেজ সাইত ওইনা শকখঙলবা নেস্নেল পার্ক অমা ওইরিবা মমিং লৈরবা ভেলী ওফ ফ্লোয়রদা চংনবগী গেৎৱেসু ওইরি।
