প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা শেন্মিৎলোনগী মন্ত্রীমন্দলগী কমিতীনা ঙসি উত্তর প্রদেশকী বরানসী শহর চিনবগী চাং হন্থহন্নবা বরানসী রিং রোদকা লোয়ননা এন.ঐচ.-৩১ অমসুং বরানসী রিং রোদকা শম্নহন্নবা কিলোমিতর ৪৩.২১৮ লিঙ্ক/ কন্নেক্তর কোরিদোর অমা শেমগৎপদা অয়াবা পীখ্রে। প্রোজেক্ত অসিদা মরুওইনা কোরিদোর, ফ্লাই ওভরশিং, লুপশিং, রাম্পশিং অমসুং সর্বিস রোদশিং য়াওনা 6/4-লেনগী এলিভেতেদ কোরিদোর অমা য়াওরি। মসি নেস্নেল হায়ৱেজ ওথোরিতী ওফ ইন্দিয়া (এন.ঐচ.এ.আই.) না হাইব্রিদ এনুইতী মোদেল (ঐচ.এ.এম.) গী মখাদা পুন্না লুপা করোর ১০,৯৯৮.৩২গী শেনফম চঙনা পায়খৎকনি। মসিগী মনুংদা সিভিল কন্সত্রক্সন কোস্তকী লুপা করোর ৪,৫৬৫.৩৩ অমসুং লম লৌশিনবগী লুপা করোর ৯৩৪.৯১ য়াওরি।
কোরিদোর অসি বরানসী দি-কঞ্জেসন প্লানগী মরুওইবা শরুক অমনি অমসুং মসিনা এন.ঐচ.-৩১ অমসুং কাশী রেলৱে স্তেসনগী মরক্তা শম্নবা ঙম্লগনি। বরানসী রিং রোদ, বরানসী এয়রপোর্ত, কাশী রেলৱে স্তেসন, বরানসী সিতী রেলৱে স্তেসন, বরানসী জঙ্কসন, দীন দয়াল উপাধ্যায় জঙ্কসন, রামনগর পোর্ত, সমপুরনানন্দ সংস্কৃৎ য়ুনিভর্সিতী, বরানসীগী ঘাতশিং অমসুং মনাক নকপদা লৈবা চন্দৌলি লমদম ফাওবগী খুদোংচাবসু চাউনা হেনগৎহল্লগনি।
পুং অমদা কি.মি. ৮০দগী ১০০ ফাওবগী ওপরেতিং স্পীদকীদমক দিজাইন তৌখিবা প্রোজেক্ত অসিনা এন.ঐচ.-৩১ অমসুং কাশী রেলৱে স্তেসনগী মরক্তা চৎপগী মতম চাউরাক্না মিনিত ৪০দগী মিনিত ২০দা হন্থদুনা চাদা ৫০গী চাংদা হন্থহল্লগনি। মসিনা শহর অসিগী লম্বীগী নেৎৱার্ক চিনবা য়াম্না হন্থহল্লগনি, লম্বীগী সেফতী হেনগৎহল্লগনি, ভেহিকল ওপরেতিং কোস্ত হন্থহল্লগনি অমসুং পেসেঞ্জর অমসুং ফ্রেত ত্রাফিক হেন্না থুনা, অথিংবা লৈতনা চৎথোক-চৎশিন তৌবা য়াহল্লগনি।
প্রোজেক্ত অসিনা ইকোনোমিক নোদ অমা (চন্দৌলি সোসিএল ইকোনোমিক জোন), সোসিএল নোদ অমা (চন্দৌলি) অমসুং মরুওইবা লোজিস্তিক নোদ তরুক্কী এক্সেস ফগৎহন্দুনা রিজনেল কনেক্তিবিতীসু মপাঙ্গল কনখৎহল্লগনি। মসিনা পি.এম. গতি শক্তি নেস্নেল মাস্তর প্লানগী মতুং ইন্না মল্তিমোদেল ইন্তিগ্রেসন হেঙ্গৎহল্লগনি। মসিনা লৌউ-শিংউগী পোৎথোকশিং, ইন্দস্ত্রীগী পোত্থোকশিং, কন্সত্রক্সন মেতরিএলশিং অমসুং মিনরেলশিং, লোজিস্তিক ইফিসিএন্সী ফগৎহনবা অমসুং নোংপোক উত্তর প্রদেশ শিনবা থুংনা তুংকোইনা শেন্মিৎলোন চাউখৎপদা মতেং পাংগনি।
অপুনবা ওইনা, প্রোজেক্ত অসিনা কনেক্তিবিতী হেঙ্গৎহনগদবা, মল্তি-মোদেল ত্রান্সপোর্ত ইন্তিগ্রেসন মপাঙ্গল কনখৎহনগদবা, তুরিজম অমসুং শেন্মিৎলোন চাউখৎহনগদবা, অমসুং বরানসীদা লৈবা মীওইশিং অমসুং ভিজিটরশিংগী পুন্সি মহিং ফগৎহনগদবা, মোদর্ন, এক্সেস-কন্ত্রোল তৌরবা অর্বান ত্রান্সপোর্ত কোরিদোর অমা শেম্লগনি।
কোরিদোরগী মেপ:
