প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রীমন্দলনা লুপা করোর 12,000গী শেনফমগা লোয়ননা FY 2025-26গী মনুংদা প্রধান মন্ত্রী উজ্জ্বলা য়োজনা (PMUY)গী কান্নবা ফংলবশিংদা চহি অমদা রিফিল 9 ফাওবগী ওইনা (অমসুং 5Kgগী সিলিন্দরগীদমক্তা প্রপোর্স্নেৎলী প্রো-রেতেদ ওইনা) 14.2 kgগী সিলিন্দর অমদা লুপা 300গী তার্গেতেদ সবসিদী পীবদা অয়াবা পীখ্রে।
প্রধান মন্ত্রী উজ্জ্বলা য়োজনা: প্রধান মন্ত্রী উজ্জ্বলা য়োজনা (PMUY) অসি লৈবাক শিনবা থুংনা লৈরিবা লায়রবা ইমুংশিংগী নুপীশিংদা দিপোজিৎ য়াওদনা LPG কনেক্সন ফংহন্নবা পান্দমগা লোয়ননা মে, 2016দা হৌদোকখি। 01.07.2025 ফাওবদা লৈবাক শিনবা থুংনা PMUYগী কনেক্সন করোর 10.33 লৈরে।
PMUYগী কান্নবা ফংলবা মীওই পুম্নমক্না সিলিন্দরগী সেক্যুরিতী দিপোজিৎ (SD), প্রেসর রিগুলেতর, সুরক্ষ হোস, দোমেস্তিক গ্যাস কঞ্জুমর কার্দ (DGCC) বুকলেৎ অমসুং ইন্সতোলেসন চার্জশিং য়াওনা দিপোজিৎ য়াওদনা LPG কনেক্সন ফংলি। উজ্জ্বলা 2.0গী হৌজিক লৈরিবা মোদেলিতীশিংগী মতুং ইন্না অহানবা রিফিল অমসুং স্তোব অসিসু কান্নবা ফংলবা মীওই পুম্নমক্তা লেম্না পীরি। PMUYগী কান্নবা ফংলবা মীওইশিংনা LPG কনেক্সন নত্ত্রগা অহানবা রিফিল নত্ত্রগা স্তোবকীদমক্তা পেমেন্ত অমত্তা তৌবগী মথৌ তাদে, মসিগী শেনফম অসি ভারত সরকার/OMCশিংনা পুথোকই।
প্রধান মন্ত্রী উজ্জ্বলা য়োজনাগী কঞ্জ্যুমরশিংদা পীবা তার্গেতেদ সবসিদী: ভারতনা মাগী LPGগী মথৌ তাবগী চাদা 60দি ইম্পোর্ত তৌই। মখোয়না LPG অসি লেপ্পনা শীজিন্নবা ঙমহন্নবা PMUYগী কান্নবা ফংলবশিংবু LPGগী ইন্তর্নেস্নেল প্রাইসকী অকা-অকুম লাকপদগী ঙাকথোক্নবা অমসুং PMUY কঞ্জ্যুমরশিংদা LPGগী মমল হোংনা ফংহন্নবা সরকারনা মে 2022দা PMUY কঞ্জ্যুমরশিংদা চহিদা রিফিল 12 (অমসুং 5kgগী কনেক্সনগীদমক্তা প্রপোর্স্নেৎলী প্রো-রেতেদ ওইনা) ফাওবদা 14.2kgগী সিলিন্দর অমদা লুপা 200/-গী তার্গেতেদ সবসিদী অমা পীবা হৌখি। 2023গী ওক্তোবরদা সরকারনা চহি অমদা রিফিল 12 ফাওবা (অমসুং 5kgগী কনেক্সনগীদমক্তা প্রপোর্স্নেৎলী প্রো-রেতেদ ওইনা) চহিগী ওইনা রিফিল তৌবগীদমক 14.2 kgগী সিলিন্দর অমদা লুপা 300দা তার্গেতেদ সবসিদী হেনগৎহনখি।
PMUYগী ইমুংশিংগী LPG কঞ্জুম্পসন ফগৎলকপা: PMUYগী এভরেজ পর কেপিতা কঞ্জুম্পসন (PCC) অসি 2019-20দা রিফিল 3 খক্তা অমসুং 2022-23দা রিফিল 3.68 ওইরমখি, মসি FY 2024-25গী মনুংদা 4.47দা হেনগৎলকখি।
