ঙসি প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা গঙ্গা তুরেল মথক্তা( হৌজিক লৈরিবা দিঘা-সোনেপুর রেল-কম-রোদ ব্রিজগী নোংচুপ থংবা শরুক্তা) কিমি ৪.৫৬ শাবা লেন-৬গী অনৌবা থোং অমা শাবা অয়াবা পীখ্রে অমসুং থোং অসি ই.পি.সি মোদতা বিহারদা পাতনা জিলা অমসুং সারন(এন.ঐচ-১৩০ ৱেস্ত) অনিমক্তগী লানবা য়াগনি।
চাদিং তৌগদবা শেনফম:
সিবিল কন্সত্রক্সনগী লুপা করোর ২,২৩৩.৮১ য়াওনা প্রোজেক অসিগী অপুনবা শেনফম লুপা করোর ৩,০৬৪.৪৫ নি।
বেনিফিসরি মশিং:
থোং অসিনা চৎথোক-চৎশিন হেন্না য়াংহনগনি অমসুং অৱাং থংবা বিহার য়াওনা রাজ্য অসি হিরম খুদিংমক্তা চাউখৎহনগনি।
অকুপ্পশিং:
দিঘা(পাতনা অমসুং গঙ্গা তুরেলগী মখা থংবা তোর্বান্দা লৈবা) অমসুং সোনেপুর(সারন জিলাদা গঙ্গা তুরেলগী অৱাং থংবা তোর্বান) অসি হৌজিক অয়াংবা গারি খক্ত লানবা য়াবা রেল কম রোদ ব্রিজ অমনা শম্নহল্লি। মরম অদুনা, হৌজিক লৈরিবা লম্বী অসি পোৎ-চৈ পুবা গারিশিং লানবা য়াদবনা অচৌবা ইকোনোমিক ব্লোকেত অমা ওইরি। দিঘা অমসুং সোনেপুরগী মরক্তা থোং অসি শাদুনা মসিগী অৱাবা অসি কোকহনবা ঙমগনি অমসুং থোং অসি হেক শাবদা পোৎ-চৈ লানবা য়াগনি অমসুং লমদম অসিগী শেন-থুমগী খুদোংচাবা হেনগৎহনগনি।
থোং অসিনা এন.ঐচ-১৩৯ ফাওরগা পাতনাদগী গোল্দন ক্বাদ্রিলেতরেল কোরিদোরগা ঔরাঙ্গবাদ অমসুং সোনেপুর(এন.ঐচ-৩১, ছাপ্রা, মোতিহারি(ইস্ত-ৱেস্ত কোরিদোর ওল্দ এন.ঐচ-২৭), বেত্তিয়া(এন.ঐচ-৭২৭)তা অৱাং থংবা বিহারদা শম্নহনগনি। প্রোজেক অসি বুদ্ধ সর্কুইতকী শরুক অমনি। মসিনা বাইসালি অমসুং কেসারিয়াদা বুদ্ধ স্তুপাগা শম্নহনগনি। এন.ঐচ-১৩৯ ৱেস্তনা মমিং চৎলবা অরেরাজ সোমেশ্বর নাথ লাইশঙ অমসুং শানবা থৌরাং তৌরিবা বিরাত রমায়ন মন্দির(মালেমদা খ্বাইদগী চাউবা ধর্মগী মোনুমেন্ত)গা ইস্ত চম্পারন জিলাদা কেসারিয়াদা শম্নগনি।
প্রোজেক অসি পাতনাদা পায়খৎকনি অমসুং রাজ্যগী কোনুং ফাওরগা অৱাং থংবা বিহার অমসুং বিহারগী খা থংবা শরুক শম্নগনি। থোং অসিনা চৎথোক-চৎশিন হেন্না য়াংহনগনি অমসুং অৱাং থংবা বিহার য়াওনা রাজ্য অসি হিরম খুদিংমক্তা চাউখৎহনগনি। শেন-থুমগী লমদা নৈনবদা বেজ কেস্তা চাদা ১৭.৬ কী ই.আই.আর.আর অমা উৎলে অমসুং চৎথোক-চৎশিনগী মতম অমসুং অথাপ্পা ওইজবদা খ্বাইদগী খুদোংচাদবা ফিবমদা চাদা ১৩.১ ওইগনি।
থবক ওইনা পাংথোক্নবা লাল্লোং অমসুং পান্দমশিং:
খ্বাইদগী নৌবা তেক্নোলোজি হায়বদি ফাইব দি-বিল্দিং ইনফোর্মেসন মোদেল্লিং(বি আই এম), ব্রিজ হেল্থ মোনিতরিং সিস্তেম(বি ঐচ এম এস), থাগী দ্রোন মেপ্পিং শীজিন্নদুনা শাবা অমসুং শীজিন্নবদা মগুন লৈহন্নবা হোৎনগনি। থবক পীবা হৌখিবা নুমিত্তগী থা ৪২গী মনুংদা শাবা লোইশিন্নবা পান্দম থম্লি।
অচৌবা কান্নবা, থবক পীবা ঙম্বগী খুদোংচাবা য়াওনা:
- প্রোজেক অসিনা অৱাং থংবা বিহার অমসুং খা থংবা বিহারগী শরুকশিং য়াংনা অমসুং হেন্না নুংঙাইনা চৎথোক-চৎশিন য়াহন্নবা পান্দম থম্লি। মসিনা লমদম অসি শীনবা থুংনা খুন্নাই অমসুং শেন্মিৎলোন চাউখৎহনগনি।
- শেমগৎ-শাগৎপা মনুং অমসুং য়েংশিনবা মতম মনুংদা পাংথোকপা তোঙান-তোঙানবা থবকশিংনা স্কিল অমসুং অন-স্কিল শিন্মীশিং হকথেংননা থবক পীগনি হায়বগী থাজবা থম্লি।
কোনশিল্লিবা রাজ্যশিং/জিলাশিং:
প্রোজেক অসিনা জিলা অনি হায়বদি খা থংবা শরুক্তা দিঘাদা পাতনা অমসুং বিহারগী গঙ্গা তুরেল লাল্লগা অৱাং থংবা শরুক্তা সারনগা শম্নহনগনি।
নুঙগীৱারোল:
বাকারপুর, মনিকপুর, সাহেবগঞ্জ, অরেরাজ শম্নবা পাতনা(এ আই আই এম এস) ময়াগী এন.ঐচ-১৩৯গী পরিং অসিদগী হৌরগা বেত্তিয়া ময়াগী এন.ঐচ-২৭গী জঙ্কসন ফাওবগী পরিং অসি জুলাই ৮, ২০২১দা থোকখিবা গেজেত নোতিফিকেসনগী মখাদা এন.ঐচ-১৩৯(ৱেস্ত) হায়না সরকারনা লাউথোক্লে।
The Cabinet has approved the construction of a new 6-lane bridge across River Ganga, connecting Digha and Sonepur in Bihar. This project will boost connectivity, spur economic growth and benefit lakhs of people across Bihar. https://t.co/MiivGjPXBK https://t.co/bsizx6bjkK
— Narendra Modi (@narendramodi) December 27, 2023
