প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী কেবিনেতনা কোরিদোর অহুমগী চেন্নাই মেত্রো রেল প্রোজেক্ত ফেজ-II গীদমক্তা হাউসিং অমসুং অর্বান এফিয়র্সকী মন্ত্রালয়গী প্রোপজল অদুবু অয়াবা পীখ্রে। অয়াবা পীখ্রবা লাইনশিং অদুগী অপুনবা অশাংবা অদু স্তেসন ১২৮ লৈবগা লোইননা কি.মি. ১১৮.৯ শাংগনি।
প্রোজেক্ত অদু লোইশিনবদা লুপা করোর ৩৬,২৪৬ চংগনি অমসুং ২০২৭ ফাওবদা লোইশিন্নবা থৌরাং তৌরি। ফেজ-II অসিনা মপুংফানা মথৌ তৌবদা, চেন্নাই সহরদা পুন্না কি.মি. ১৭৩গী মেত্রো রেল নেতৱার্ক লৈরগনি। ফেজ-II প্রোজেক্ত অসিদা মখাগী কোরিদোর অহুম অসি য়াওগনি:
- কোরিদোর-(i): স্তেসন ৫০ লৈবা কি.মি. ৪৫.৮ শাংবা মাধৱারমদগী SIPCOT মেত্রো লাইন।
- কোরিদোর-(ii): স্তেসন ৩০ লৈবা কি.মি. ২৬.১ শাংবা লাইতহাউসতগী পুনামল্লে বাইপাস মেত্রো লাইন অমসুং
- কোরিদোর-(iii): স্তেসন ৪৮ লৈবা কি.মি. ৪৭ শাংবা মাধৱারমদগী শোলিঙ্গানল্লুর মেত্রো লাইন।
ফেজ-II অসিনা মপুংফানা মথৌ তৌবদা, চেন্নাই সহরদা পুন্না কি.মি. ১৭৩গী মেত্রো রেল নেতৱার্ক লৈরগনি।
কান্নবশিং অমসুং শাহৌ ফগৎহনবা:
চেন্নাই মেত্রো রেল প্রোজেক্তকী ফেজ-II অসিনা সহর অসিগী ইনফ্রাস্ত্রকচর দেবেলপমেন্ততা য়াম্না শিংথানিংঙাই ওইবা মওংদা চাউখৎলকপা অদুবু মশক তাকই। ফেজ-IIনা সহর অসিদা মেত্রো রেল নেতৱার্ক চাউথোরকপগী য়াম্না মরু ওইবা তাঙ্কক অমা ঔইগনি।
কনেক্তিবিতী হেন্না ফগৎহনবা: ফেজ-IIনা অনৌবা মেত্রো লাইন কি.মি. ১১৮.৮ রোম হেনগৎহল্লগনি। ফেজ-IIগী কোরিদোরশিং অসিনা মরু ওইবা মফমশিং খুদম ওইনা মাধৱারম, পেরম্বুর, থিরুমায়িলাই, অদ্যার, শোলিঙ্গানল্লুর, SIPCOT, কোদম্বাক্কম, ৱাদাপালনি, পোরুর, বিল্লিবাক্কম, অন্না নাগর, সেন্ত থোমস মাউন্ত ফাওদুনা চেন্নাইগী অৱাংদগী খাদা অমসুং নোংপোক্তগী খাদা শম্নহল্লগনি, মসিনা মশিং য়াম্লবা ইন্দস্ত্রিয়েল, কমর্সিয়েল, রেসিদেন্সিয়েল অমসুং ইনস্তিত্যস্নেল এস্তাব্লিশমেন্তশিং শম্নহল্লগনি অমসুং মসিগী ক্লস্তরশিং অসিদা থবক তৌরিবা ৱার্কফোর্সশিং অদুগীদমক্তা বাম্না ফবা পব্লিক ত্রান্সপোর্ত অমশু পীরগনি অমসুং সহর অসিগী তোঙান-তোঙানবা মফম কয়াগশু শম্নহল্লগনি। মসিনা য়াম্না য়াংনা চাউখৎলক্লিবা মফমশিং খুদম ওইনা সাউথ চেন্নাই IT কোরিদোরগীদমক্তা হব অমা ওইরিবা শোলিঙ্গানল্লুরদা কেনেক্তিবিতী হেনগৎহল্লগনি। ELCOT ফাওদুনা শোলিঙ্গানল্লুরগা শম্নহন্দুনা, মেত্রো কোরিদোর অসিনা য়াম্না য়াংনা চাউথোরক্লিবা IT ৱার্কফোর্সকী ত্রান্সপোর্তকী মথৌ তারিবশিং অদু পীবা ঙম্লগনি।
ত্রাফিক চিনবা হন্থবা: মেত্রো রেল অসি রোদ ত্রান্সপোর্তকী য়াম্না ফবা অতোপ্পা পাম্বৈ অমনি অমসুং চেন্নাই স্রদা মেত্রো রেল নেতৱার্ককী এক্সতেন্সন অমা ওইনা ফেজ-II অসিনা ত্রাফিক কঞ্জেসন হন্থহল্লগনি অমসুং মসিনা মরু ওইনা ত্রাফিক খ্বাইদগী হেন্না চিনবা রুতশিংদা য়াম্না শাফহনগনি। রোদ ত্রাফিক হন্থবনা গারি চত্থোক-চৎশিন তৌবদা য়াম্না কোমহল্লগনি, চৎপদা চংবা মতম হন্থহল্লগনি, রোদ সেফতীদা য়াম্না হেনগৎহল্লগনি।
অকোইবদা লৈরিবা মহৌশাগী ফিভমদা কান্নবশিং: ফেজ-II মেত্রো রেল প্রোজেক্ত হাপচিল্লকপা অসিগা লোইন-লোইননা চেন্নাই সহরদা মেত্রো রেল নেতৱার্ক হেনগৎলকপা অসিনা হাণ্নগী ফোসিল ফ্যুএল শিজিন্নবা ত্রান্সপোর্তশিংগা চাংদম্নবদা কার্বোন এমিসন য়াম্না শিংথানিংঙাই ওইবা মওংদা হন্থহল্লগনি।
শেন্মিৎলোনদা শাহৌ লাকপা: সহরগী তোঙান-তোঙানবা মফমশিংদা চৎপাদা চংবা মতম হন্থহনবা অমসুং চৎপদা হেন্না শাফহনবনা মীশিংবু মখোয়গী থবক শুফমদা খ্বাইদগী হেন্না ফবা মওংদা য়ৌবা ঙমহন্দুনা প্রোদক্তিবিতী হেনগৎহল্লগনি। ফেজ-IIগী কনস্ত্রক্সন অমসুং ওপরেসন্না কন্সত্রক্সন ৱার্করশিংদগী হৌরগা এদমিনিস্ত্রেতিব স্তাফ অমসুং মেন্তেনেন্স পার্সোনেলশিং য়াওনা সেক্তর কয়া অমদা থবক কয়া অমা ফংহল্লগনি। লোইননা কনেক্তিবিতী ফগৎহনবনা লোকেল বিজনেসশিং চাউখৎহল্লগনি, মরু ওইনা অনৌবা মেত্রো স্তেসন ময়াগী মফমশিং, মসিনা হান্না মমাংদা য়ৌশিল্লমদবা মফমশিং ইনভেস্তমেন্ত অমসুং দেবেলপমেন্ত পুরক্লগনি।
খুনাইদা পীবা শাফু: চেন্নাইদা ফেজ-II মেত্রো রেল নেতৱার্ক চাউথোরকপনা পব্লিক ত্রান্সপোর্ত্তা মীপুম খুদিংমক্না শিজিন্না ফংহল্লগনি, মসিনা তোঙান-তোঙানবা দোসিয়ো-ইকোনোমিক গ্রুপশিং কান্নহল্লগনি অমসুং ত্রান্সপোর্ত্তা লৈরিবা খেৎনবশিং অদুবু হন্থহল্লগনি, মসিনা চত্থোক-চৎশিন তৌবদা চংবা মতম হন্থহন্দুনা অমসুং তঙাইফদবা সর্বিসশিং ফংবগী চাং হেনগৎহন্দুনা পুনশি মহিং ফগৎহনবদা য়াম্না চাউনা শরুক য়াগনি।
ফেজ-II চেন্নাই মেত্রো রেল প্রোজেক্ত অসি সহর অসিগীদমক্তা অওনবা অমা পুরক্কদবা অদুগুম্বা চাউখৎ-থৌরাংগী থবক অমা ওইরগনি। মসিনা কেনেক্তিবিতী হেন্না ফগৎহল্লগনি, ত্রাফিক চিনবগী চাং হন্থহল্লগনি, অকোইবদা লৈরিবা মহৌশাগী ফিভম কান্নহল্লগনি, শেন্মিৎলোনদা শাহৌ লাকহল্গগনি, অমসুং পুনশিং মহিং হেন্না ফগৎহল্লগনি। সহরগী মফমশিংদা থেংনরিবা মরু ওইবা শিংনবশিং অদুবু কোকহন্দুনা অমসুং তুংদা চাউথোরক্নবগী ফাউন্দেশন পীদুনা, ফেজ-IIনা সহর অসিগী চাউখৎ-থৌরাংগী ত্রাজেক্তরি অমসুং সস্তেনেবিলিতী শেমগৎপদা য়াম্না মরু ওইবা থৌদাং লৌরগনি।
Boosting ‘Ease of Living’ in a vibrant city!
— Narendra Modi (@narendramodi) October 3, 2024
I congratulate the people of Chennai and Tamil Nadu on the Cabinet’s approval of the Chennai Metro Rail Project Phase-II. This will help in easing traffic, improving sustainability and economic growth. https://t.co/NShzNC50AU
