য়ু এস এগী উদ্যোগ অমসুং ললোন–ইতিক্কী মকোক থোংবা লুচিংবশিং য়াওবা য়ুনাইতেদস্তেৎস ইন্দিয়া স্ত্রেতেজিক পার্তনরশিপ ফোরম(য়ু এস আই এস পি এফ)গী বোর্দমেম্বরশিংগা ঙসি প্রধান মন্ত্রী নরেন্দ্র মোদীগা উনখ্রে ।
মখোয়না মমাংদা পাংথোকখিবা ইন্দিয়া লিদরসিপ সমিৎকী ফংলকপা ফলশিংগী মতাংদা প্রধান মন্ত্রীদা পাউদমখি । হৌখিবা চহি মরি অসিদা সরকার অসিনা পায়খৎলিবা ইকনোমি অমসুং নিয়মশিং শেমদোকপগী থবকশিং অদু থাগৎখি অমসুং য়াংনা চাউখৎলক্লিবা ভারতকী ইকনোমিনা মরম ওইদুনা নাকল অনিমক খুদোংচাবা ফংনবা ভারতকা মখা তানা অচেৎপা মরি থম্নিংবগী অপাম্বা ফোংদোকখি ।
প্রধান মন্ত্রীনা হায়খি, শেন–থুমগী থবক পায়খৎপদগী লৈবাক অনিমক মমাংদা অমুক্তা ওইখিদ্রিবা মওংদা কান্নবা ফংলে । স্তার্দ–অপস, ইনর্জি, হকশেল অমসুং দিজিতেল তেক্নোলোজিগী লম য়াউনা অনৌবা হিরমশিংদা য়ু এসগী কম্পেনশিংনা ললোন–ইতিক্কী অনৌবা খুদোংচাবশিং লৌনবা মহাক্না তকশিনখি ।
