মান্নবা শাহৌ, চাউখৎপা অমসুং রেসিলিয়েন্স পুরক্নবগীদমক স্ত্রেতেজিক কনভর্জেন্স অমসুং থাজবা থম্বা পার্তনরশিপ অমা মাংলোমদা পুখৎপা
ভারতকী প্রধান মন্ত্রী ঐচ.ই. শ্রী নরেন্দ্র মোদীনা বর্তন তৌদুনা কৌবনা জাপানগী প্রধান মন্ত্রী ঐচ.ই. তেকাইচী সানাইনা ২০২৬গী জুলাই ১-৩ ফাওবদা ১৬শুবা ভারত-জাপান চহিগী মীফমগীদমক ভারত্তা ওফিসিএল ভিজিৎ তৌখি। প্রধান মন্ত্রী তাকাইচীগা লোয়ননা মকোক থোংবা ওফিসিএলশিং, সি.ই.ও.শিং অমসুং ইন্দস্ত্রীগী লুচিংবশিং য়াওবা অৱাংবা থাক্কী মীহুৎ কাংবু অমা লাকখি। মসি প্রধান মন্ত্রী তাকাইচীগী ভারতকী অহানবা ওফিসিএল খোঙচৎনি।
প্রধান মন্ত্রী অনিমক্না হৌখিবা চহিগী সম্মিৎকী মতুংদগী ওইরক্লিবা দিবেলপমেন্তশিং অদু য়েংশিনখি অমসুং ভারত-জাপান স্পেসিএল স্ত্রেতেজিক অমসুং গ্লোবেল পার্তনরশিপ মখা তানা হেনগৎহন্নবা মতেং পীনবগী লম কয়া অমা খন্ন-নৈনখি। লৈবাক অনিগী মরক্তা অসিগুম্বা স্ত্রেতেজিক অমসুং গ্লোবেল কোওপরেসন মপাঙ্গল কনখৎহনবা অসি নাকল অনিগী কান্নবা ওইগনি অমসুং ইন্দো-পেসিফিক অমসুং মসিগী ৱাংমদা মপাঙ্গল কনখৎপা অমসুং চাউখৎপা ওইহনবদা মতেং পাংগনি হায়না মখোয়না য়ানখি।
ভারত-জাপান পার্তনরশিপকী স্ত্রেতেজিক ওইবা মরুওইবা অদু খঙলদুনা, নোংম-নোংমগী ফীভম শোকচিল্লক্লিবা অমসুং জিওপোলিতিকেলগী ওইবা অকোয়বগী ফীভমদা, প্রধান মন্ত্রী অনিমক্না অমনা অমবু মপুং ফাহন্নবা মরী অমা শেমগৎনবা মখোয়গী ফিরেপ অদু অমুক হন্না ফোংদোক্নখি। ১৫শুবা ভারত-জাপানগী চহিগী মীফম মাই পাকপগী মখাদা মখোয়না মরুওইবা হীরম অহুমদা য়ুম্ফম ওইদুনা মতেং পীনবা হেনগৎনবা য়ানখি: ঙাকশেল অমসুং সেক্যুরিতী কোওপরেসন; ইকোনোমিক সেক্যুরিতী, ইনর্জী রেসিলিয়েন্স, তেক্নোলোজী অমসুং ইন্নোবেসন য়াওনা ইকোনোমিক পার্তনরশিপ; অমসুং পিপল-তু-পিপল এক্সচেঞ্জ। মখোয়না ভারত অমসুং জাপান অসি মখোয়গী নেস্নেল ইন্তরেস্তশিং ফংনবা হোৎনবদা মহৌশাগী ওইবা অমসুং তঙাইফদবা পার্তনরশিংনি হায়না মখোয়না য়ানখি।
মালেমগী মকোক থোংবা দেমোক্রেসীশিং অমসুং মরুওইবা শেন্মিৎলোনশিং ওইনা, মখোয়না ফ্রী, ওপন ওইবা অমসুং আইনগী কাংলোনদা য়ুম্ফম ওইবা মালেমগী ওইবা কাংলোন অমা শেমগৎপা অমসুং ঙাক-শেনবগী থৌদাং লৈ হায়না প্রধান মন্ত্রী অনিমক্না অমুক হন্না ফোংদোকখি। মসিগীদমক্তা, প্রধান মন্ত্রী মোদীনা অপদেৎ তৌরবা "ফ্রী এন্দ ওপন ইন্দো-পেসিফিক (এফ.ও.আই.পি.)"বু তরাম্না ওকখি অমসুং মসিনা ইন্দো-পেসিফিক ওসিনস ইনিসিয়েতিব (আই.পি.ও.আই.) অমসুং ম্যুচুএল এন্দ হোলিস্তিক এদভান্সমেন্ত ফোর সেক্যুরিতী এন্দ গ্রোথ এক্রোস রিজনস (মহাসাগর)গা য়াম্না চুনৈ হায়না ফোংদোকখি। মখোয়না মখোয়গী কম্মন স্ত্রেতেজিক ওইবা মীৎয়েংদা য়ুম্ফম ওইদুনা কংক্রিৎ ওইবা কোওপরেসন মখা তানা চেৎশিলহন্নবা মখোয়গী ফিরেপ অমুক হন্না ফোংদোক্নখি।
প্রধান মন্ত্রী অনিমক্না নাকল অনিগী দিফেন্স অমসুং সেক্যুরিতী কোওপরেসন হেনগৎলক্লিবা অসিদা থাগৎপা ফোংদোকখি অমসুং হৌখিবা চহিগী সম্মিৎতা এদোপ্ত তৌখিবা সেক্যুরিতী কোওপরেসনগী জোইন্ত দিক্লারেসনদা য়ুম্ফম ওইদুনা কোওপরেসন হেন্না চেৎশিলহন্নবা মখোয়গী ফিরেপ অদু অমুক হন্না ফোংদোকখি। মখোয়না মখোয়গী মিনিস্তরশিংদা চহি অসিগী অরোইবা শরুক্তা তোকিওদা ২+২ মিনিস্তরেল মীফমগী মরিশুবা রাউন্দ পাংথোক্নবা খঙহনখি। মখোয়না জাপানগী নাকলদা লৈরিবা সর্ভিস অনি অসিনা মতেং পাংদুনা পাংথোকপা “জে.এ.আই.এম.ই.এক্স. ২৫” নেভেল এক্সরসাইজ মাই পাক্না পাংথোকপা য়াওনা মখোয়না মরী লৈনবা সর্ভিসশিংগী মরক্তা মতেং পাংনবা হোৎনবদা খুমাং চাউশিল্লকপদা নুংঙাইবা ফোংদোকখি। বিশাখাপত্নমদা পাংথোকপা ইন্তর্নেস্নেল ফ্লিৎ রিভিয়ু ২০২৬তা জাপাননা শরুক য়াখিববু ভারতনা তরাম্না ওকখি। মখোয়না মেরিতাইম সেক্যুরিতী কোওপরেসনবু মপাঙ্গল কনখৎহনবা, সেতেলাইত কেপাসিতীশিং শীজিন্নদুনা মেরিতাইম দোমেনগী এৱেরনেস, নেভেল মেন্তেনেন্স, রিপিয়র অমসুং ওভরহোল (এম.আর.ও.) কোওপরেসন, অমসুং দিফেন্স ইক্বিপমেন্ত অমসুং তেক্নোলোজী কোওপরেসনবু "মেক ইন ইন্দিয়া"গী ফ্রেমৱার্ক্কী মখাদা হেন্না চেৎশিলহন্নবা য়ানখি।
প্রধান মন্ত্রী মোদীনা দিফেন্স ইক্বিপমেন্ত অমসুং তেক্নোলোজী ত্রান্সফর তৌনবগী মতাংদা প্রিন্সিপল অহুমগী মতাংদা জাপানগী রিভিয়ুবু তরাম্না ওকখি অমসুং মসিনা লৈবাক অনিগী মরক্তা দিফেন্স পার্তনরশিপ মখা তানা চেৎশিলহল্লগনি হায়না আশা তৌখি। প্রধান মন্ত্রী অনিনা য়ুনিফাইদ কমপ্লেক্স রেদিও এন্তেন (“য়ুনিকোর্ন”) প্রোজেক্তকী মতাংদা লেমহৌরিবা তেক্নিকেলগী ওইবা অকুপ্পা মরোলশিং অদুগী মতাংদা য়ানচে অমদা য়ৌরকপদা নুংঙাইবা ফোংদোকখি। মখোয়না প্রোজেক্ত অসি অথুবা মতমদা লোইশিন্নবা মখোয়গী থাজবা ফোংদোকখি অমসুং দিফেন্স ইক্বিপমেন্ত অমসুং তেক্নোলোজীগী লমদা অতোপ্পা প্রোজেক্তশিং পায়খৎনবা পাম্বৈশিং থিজিনবদা য়ানখি।
হৌজিক ওইরক্লিবা মালেমগী ফীভম অসিনা লৈবাক অনিমক্না শেন্মিৎলোনগী সেক্যুরিতীগী লমদা ময়েক শেংনা তেংবাং পীনবা হেনগৎহনবগী তঙাইফদবা লৈ হায়না প্রধান মন্ত্রী অনিমক্না য়ানখি। মখোয়না শেন্মিৎলোনগী সেক্যুরিতীগী মতেং পীনবা হেন্না চেৎশিলহন্নবা অমসুং রেসিলিয়েন্ত অমসুং চাউখৎপা লমদম অমা শৌগৎনবগীদমক মরুওইবা ইনিসিয়েতিবশিং শেমগৎনবা অচেৎপা ৱাফম থমখি। মখোয়না ক্রিতিকেল মিনরেলশিং অমসুং মরুওইবা ইন্দস্ত্রীগী সেক্তরশিংদা সপ্লাই চেনগী অৱাবা থোকহনবা য়াবা, অমসুং মমল অকা-অকুম তৌবগী এক্সপোর্তকী অথিংবা য়াওনা ইকোনোমিক কোএর্সন অমসুং নন-মার্কেৎ পোলিসীশিং অমসুং প্রেক্তিসকী মতাংদা মখোয়না নুংনাংবা ফোংদোক্নখি। মখোয়না তোঙান-তোঙানবা, রেসিলিয়েন্ত অমসুং থাজবা য়াবা গ্লোবেল সপ্লাই চেন, অচুম্বা কম্পিতিতিব গ্লোবেল এনভাইরনমেন্ত, অমসুং লৈবাক অমা হেক্তদা মখা পোনবা থীংবগী তঙাই ফদবগী মরুওইবা অদু ফোংদোকখি। মখোয়না মখোয়গী রেগুলেসনশিং অমসুং মরী লৈনবা কাংলোনশিং ঙাক্লগা মরুওইবা তেক্নোলোজীশিং প্রমোৎ অমসুং ঙাক্নবা মখোয়গী ফিরেপ অদু অমুক হন্না ফোংদোকখি।
নাকল অনিমক্না এক্সপোর্ত কন্ত্রোলগী শীংনবশিং অসি অমগা অমগা কোমথোক্নবগা লোয়ননা হায়-তেক্নোলোজীগী ললোন-ইতিকপু মখা তানা ঙাকথোক্নবা য়ানখি। মখা তানা, মখোয়না লৈবাক অনিগী মরী লৈনবা মন্ত্রালয়শিংগী মরক্তা খন্ন-নৈনবগী থবকশিং খুমাং চাউশিলহন্নবা ৱারেপ লৌখি। হৌখিবা চহিগী সম্মিৎতা হৌদোকখিবা ইকোনোমিক সেক্যুরিতী ইনিসিয়েতিবকী মখাদা লৈবাক অনিমক্না পায়খৎলিবা খোংথাংশিং, হৌদোকপগী প্রাইবেৎ সেক্তর ইকোনোমিক সেক্যুরিতী দাইলোগ অমসুং চহি অসিগী অঙনবা শরুক্তা ইকোনোমিক সেক্যুরিতী দাইলোগকী অনিশুবা রাউন্দ পাংথোকখিবা অদু মখোয়না থাগৎখি। সেমিকন্দক্তরশিং, ক্রিতিকেল মিনরেলশিং, ইনফোর্মেসন অমসুং কম্ম্যুনিকেসন তেক্নোলোজী, ক্লিন ইনর্জী অমসুং ফার্মাস্যুতিকেলশিংগী মরুওইবা সেক্তরশিংদা প্রোজেক্ত-বেজ কোলাবোরেসন মখা তানা প্রমোৎ তৌনবা ইকোনোমিক সেক্যুরিতী কোওপরেসনগী মতাংদা ইন্দিয়া-জাপান জোইন্ত দিক্লারেসন এদোপ্ত তৌখি।
মালেমগী ইনর্জীগী কৈথেলশিংদা থোক্লিবা অহোংবা অসিনা মরম ওইদুনা ইনর্জী য়াম্না শীজিন্নবা লৈবাকশিং ওইবগী মখোয়গী মান্নবা থাক অদু খঙলদুনা, প্রধান মন্ত্রী অনিমক্না ইনর্জী সেক্যুরিতীদা ভারত-জাপানগী মতেং পীনবা হেনগৎহনবগী তঙাই ফদবা অদু পনখি। অথিংবা লৈতবা নেভিগেসনগী নীংতম্বা অমসুং স্ত্রেত ওফ হোর্মজ য়াওনা মালেমগী কম্মর্সকী লেপ্পা লৈতনা চৎথোক চৎশিন তৌবগী মরুওইবা অদু মখোয়না অমুক হন্না ফোংদোকখি অমসুং কম্মর্সিএল জহাজশিংগী চৎথোক চৎশিনদা অথিংবা থম্লিবা অথিংবা পীরকপা পাম্বৈ খুদিংমক্তা মাইয়োক্নবা ফোংদোকখি। মখোয়না ইনর্জী ভেল্যু চেন পুম্নমক্তা হেন্না পাকথোক চাউথোকহন্নবগী পান্দমশিংবু তরাম্না ওকখি। মখোয়না ইনর্জী সপ্লাই চেনশিংগী রেসিলিয়েন্স হেনগৎহন্নবা অমসুং মালেমগী ইনর্জী মার্কেৎশিংদা স্তেবিলিতী প্রমোৎ তৌনবা নাকল অনিগী ওইবা অমসুং মল্তিলেতরেল প্লেৎফোর্মশিংগী খুত্থাংদা পুন্না থবক তৌমিন্ননবা মখোয়গী অচেৎপা ফিরেপ অমুক হন্না ফোংদোকখি।
প্রধান মন্ত্রী অনিনা মেরিতাইম ইনর্জী ত্রান্সপোর্ত ভেল্যু চেনগী লমদা পুন্না শেন থাদবা য়াওনা পুন্না থবক তৌমিন্নবগী খুদোংচাবশিং নৈনবদা য়ানখি। মখোয়না ইনর্জী রেসিলিয়েন্স মপাঙ্গল কনখৎহন্নবা রিজনেল ইনিসিয়েতিবশিংগী মরুওইবা অদু পনখি, খুদম ওইনা জাপানগী পার্তনরশিপ ওন ৱাইদ ইনর্জী এন্দ রিসোর্স রেসিলেন্স (পাৱর এসিয়া), খা এসিয়াদা ইনর্জী সেক্যুরিতীদা ভারতকী মতেং অমসুং ইন্দো-পেসিফিক ইনর্জী সেক্যুরিতীদা ক্বাদ ইনিসিয়েতিব অসিনচিংবা। মখোয়না ইনর্জী রেসিলিয়েন্সকী মতাংদা জোইন্ত স্তেতমেন্ত এদোপ্ত তৌবদা নুংঙাইবা ফোংদোকখি। মখোয়না স্ত্রেতেজিক ওইরবা পেত্রোলিয়ম রিজর্বশিংদা তেংবাং পীনবা হেনগৎনবা য়ানখি। মসিগী মনুংদা স্ত্রেতেজিক স্তোকপাইলিং ইকোসিস্তেমদা খ্বাইদগী ফবা থৌওংশিং অমসুং তেক্নিকেল কোলাবোরেসনগী এক্সচেঞ্জ য়াওরি। অসিগুম্বা ফীভম অসিদা, প্রধান মন্ত্রী তাকাইচীনা ইন্তর্নেস্নেল ইনর্জী এজেন্সী (আই.ই.এ.) দা ভারতনা মেম্বর ওইরকপদা মতেং পাংগনি হায়না ফোংদোকখি।
প্রধান মন্ত্রী অনিমক্না ক্লিন ইনর্জী সেক্তরদা মখোয়গী পার্তনরশিপ মখা তানা খুমাং চাউশিলহন্নবা য়ানখি অমসুং ভারত শিনবা থুংনা বাইওগ্যাস প্লান্ত ১০০০ অমসুং ওর্গানিক ফর্তিলাইজর প্লান্ত ১০০০ লিংখৎনবা ভারত-জাপানগী পান্দমগী মতুং ইন্না বাইওগ্যাস পুথোকপা হেনগৎহন্নবা ভারত-জাপান কোওপরেতিব বাইওগ্যাস ফোর গ্রোথ ইনিসিয়েতিব (সিবিজি ইনিসিয়েতিব) হৌদোকপগীদমক থাগৎপা ফোংদোকখি। জাপানগী ইকোনোমী, ত্রেদ অমসুং ইন্দস্ত্রী মন্ত্রালয় অমসুং ভারতকী কোওপরেসন মন্ত্রালয় অমসুং এনিমেল হজবেন্দরী অমসুং দাইরীগী বিভাগকী মরক্তা তেংবাং পীননবা মেমোরেন্দম অমা খুৎয়েক পীনখিবা অদু মখোয়না তরাম্না ওকখি। মখোয়না হায়দ্রোজেন অমসুং অমোনিয়াগী মরুওইবা অদু দিকার্বোনাইজেসন তৌবদা নত্তনা ইনর্জী সেক্যুরিতী হেনগৎহনবদা মরু ওই খঙখি। সরকার অনিমক্না মখা তানা মতেং পাংদুনা ওরিশাদা লেন্দমার্ক ওইরবা ক্লিন এমোনিয়া প্রোজেক্ত প্রমোৎ তৌনবা মখোয়না অমুক হন্না য়ানখি। মখোয়না ক্লিন এমোনিয়া, গ্রীন হায়দ্রোজেন, সোলর পি.ভি. তেক্নোলোজীশিং, ন্যুক্লিয়র ইনর্জী য়াওনা অতোপ্পা হীরমশিংদা ক্লিন ইনর্জী প্রোজেক্তশিং প্রমোৎ তৌবগী মরুওইবা অদুসু খঙখি।
প্রধান মন্ত্রী অনিমক্না এ.আই. য়াওনা অনৌবা তেক্নোলোজীশিংদা ইন্নোবেসন পুক্নিং থৌগৎপা অসি কোওপরেসন বেজ অসি মখা তানা পাকথোক চাউথোকহন্নবগীদমক য়াম্না মরু ওই হায়না য়ানখি। মখোয়না এ.আই.দা নেস্নেল কেপাসিতী হেনগৎহনবা অমসুং থাজবা য়াবা অমসুং রেসিলিয়েন্ত দিজিতেল ইনফ্রাস্ত্রকচরদা তেংবাং পীনবা হেনগৎহনবগী তঙাইফদবা অদুদা য়ানখি। হার্দ ইনফ্রাস্ত্রকচরগী লমদা য়াওনা এ.আই.গী তুংকোইনা চৎনবা য়াবা অমসুং ইনক্লুসিব দিবেলপমেন্তকীদমক এ.আই. তেক্নোলোজী শীজিন্নবা অমসুং শীজিন্নবগী থোংদা ইন্নোবেসন প্রমোৎ তৌবগী তঙাইফদবা অদু মখোয়না ফোংদোকখি। খুদোংচাবশিং অসি শীজিন্নবা অমসুং মসিগা মরী লৈনবা রিস্কশিং অসি মতিক চাবা মওংদা হন্থহনবা অমসুং হিরোশিমা এ.আই প্রোসেস অমসুং এ.আই. ইম্পেক্তকী মতাংদা ন্যু দিল্লী দিক্লারেসনগী ৱাখল্লোনগী মতুং ইন্না রেসিলিয়েন্ত, এজাইল, দাইভর্স অমসুং থাজবা য়াবা এ.আই সপ্লাই চেন অমা লৈহন্নবা মখোয়না থাজবা থমখি। মসিগী মতাংদা মখোয়না ইন্দিয়া-জাপান এ.আই. কোওপরেসন ইনিসিয়েতিবকী মখাদা খুমাং চাউশিলহন্নবা, ইন্দিয়া-জাপান স্ত্রেতেজিক দাইলোগকী অহানবা মীফম পাংথোকপবু তরাম্না ওকখি অমসুং এ.আই. কোওপরেসনগী মতাংদা জোইন্ত স্তেতমেন্ত এদোপ্ত তৌখি।
প্রধান মন্ত্রী অনিমক্না জাপানদগী ভারত্তা প্রাইবেৎ ইনভেস্তমেন্ত হেনগৎলকপদা নুংঙাইবা ফোংদোকখি অমসুং ভারতকী বিক্সিত ভারতকী নেস্নেল গোলদা মসিগী তেংবাং অদু শকখঙখি। হৌখিবা চহিগী সম্মিৎতা য়েন ত্রিল্লিয়ন ১০গী পান্দম থমখিবা অদু মঙফাওনহন্নবগী মায়কৈদা খুমাং চাউশিল্লকপগীদমক মখোয়না থাগৎপা ফোংদোকখি। মখোয়না ইন্দিয়া-জাপান ইন্দস্ত্রীএল কম্পিতিতিবনেস পার্তনরশিপ (আই.জে.আই.সি.পি.) গী মখাদা ফাস্ত-ত্রেক মেকানিজম শীজিন্নদুনা ইনভেস্তমেন্তকী ফীভম ফগৎহন্নবা থবক পায়খৎনবা য়ানখি। লৈবাক অনিমক্না কম্প্রেহেন্সিব ইকোনোমিক পার্তনরশিপ এগ্রীমেন্ত (সি.ই.পি.এ.) সাইন তৌনখিবা চহি ১৫ হেনখ্রে হায়না পল্লদুনা অমসুং নাকল অনিগী ওইবা ললোন-ইতিক হেনগৎহনবা অমসুং তোঙান-তোঙানবা মওংদা তৌবগী তঙাইফদবা অদু খঙলদুনা মখোয়না সি.ই.পি.এ.বু হেন্না মাংলোমদা চংশিন্নবা হোৎননবগীদমক সি.ই.পি.এ.গী ইমপ্লিমেন্তেসনগী রিভিয়ু অমসুং মপুং ফানা অমসুং ইফেক্তিব ওইনা শীজিন্নবগী থবক য়াঙখৎহনবদা য়ানখি। জাপানগী মাইকৈনা চৎনবা য়াবা আইনশিং অমসুং কাংলোনশিংগী মতুং ইন্না জাপানিজ ফাইনান্সিএল ইন্সতিত্যুসনশিং অমসুং বেঙ্কশিংদা ভারতকী বেঙ্কিং অমসুং নন-বেঙ্কিং ফাইনান্সিএল সেক্তরশিংদা মখোয়গী মপাঙ্গল কনখৎহন্নবগীদমক পীরিবা ফেসিলিতী অদু খঙখি। মখোয়না আই.জে.আই.সি.পি.গী মখাদা লোজিস্তিক্স, তেক্সতাইল, ফুদ প্রোসেসিং, লৌউ-শিংউ, ওতোমোতিব অমসুং ইন্দস্ত্রীএল কেপিতেল গুদসকী লমদা তেংবাং পীনবা হেনগৎহন্নবা নাকল অনিগী ওইবা হোৎনরিবশিং অদু য়াখি। মখোয়না লৈবাক অনিগী ফাইনান্সিএল কোওপরেসন অমসুং ভারত অমসুং জাপানগী মরক্তা পেমেন্ত সিস্তেমশিংদা কোওপরেসন হেনগৎহনবগী মরুওইবা অদু অমুক হন্না ফোংদোকখি। ফার্মা সপ্লাই চেনশিং য়াওনা হেল্থকেয়র সেক্তরদা মতেং পীনবা হেনগৎহনবগী মরুওইবা অদু মখোয়না খঙখি।
প্রধান মন্ত্রী অনিমক্না ইন্দিয়া-জাপান এস.এম.ই. ফোরম হৌদোকপা অমসুং এরোনোতিকেল সেক্তরদা জাপানদগী এস.এম.ই. মিসন অমা ভারত্তা লাকপদা হরাওবা ফোংদোকখি। মখোয়না ললোন-ইতিক্কী ফীভম ফগৎহন্নবা অমসুং জাপান অমসুং ভারত অনিমক্কী ললোন-ইতিক, মরুওইনা এস.এম.ই. অমসুং স্তার্ত-অপশিংগীদমক নেৎৱার্ক হেনগৎহন্নবা হোৎনরিবা কয়াগী অওনবা পুরকপবু তরাম্না ওকখি। জাপান-ইন্দিয়া স্তার্ত-অপ সপোর্ত ইনিসিয়েতিব (জে.আই.এস.এস.আই.) গী মখাদা মখোয়না তোঙান তোঙানবা য়ুনিভর্সিতীশিংগা খুৎশম্নদুনা জাপানিজ এস.এম.ই.শিং অমসুং স্তার্ত-অপশিং ভারতকী কৈথেলদা শরুক য়াবা হেনগৎহন্নবা অপাম্বা ফোংদোকখি। মাইক্রো, স্মোল অমসুং মেদিয়ম এন্তর্প্রাইজেস (এম.এস.এম.ই.) গী শরুক য়াবা হেনগৎহনবা অমসুং জাপানিজ এন্তর্প্রাইজেস অমসুং ভারতকী তিয়র-II অমসুং তিয়র-III সপ্লাইয়র ইকোসিস্তেমগী মরক্তা মরী লৈনবগী মরুওইবা অদুসু মখোয়না ফোংদোকখি। মসিগী মতাংদা মখোয়না ইনভেস্তমেন্ত ফ্লোশিং, ইন্দস্ত্রীএল কোলাবোরেসনশিং অমসুং তেক্নোলোজী পার্তনরশিপশিং হেঙ্গৎহন্নবা মখোয়গী অচেৎপা ফিরেপ অমুক হন্না ফোংদোকখি।
প্রধান মন্ত্রী অনিমক্না ভারতকী সোসিও-ইকোনোমিক দিবেলপমেন্ততা জাপানগী দিবেলপমেন্ত কোওপরেসন সপোর্তকী মরু ওইবা কন্ত্রিব্যুসন অদু হরাওবা ফোংদোকখি। কনেক্তিবিতী মপাঙ্গল কনখৎহনবদা অমসুং ক্লিন অমসুং সস্তেনেবল সোসিও-ইকোনোমিক দিবেলপমেন্ত প্রমোৎ তৌবদা মতেং ওইগদবা মুম্বাই মেত্রো (লাইন ১১), বেঙ্গালুরু মেত্রো (ফেজ ৩), মহারাস্ত্রাদা হেল্থকেয়র দেলিভরী অমসুং এজুকেসন সিস্তেম, অমসুং পঞ্জাবতা সস্তেনেবল হোর্তিকলচর হায়রিবা প্রোজেক্ত মরি অসিগী হন্দক্কী প্রোগ্রেস অদু মখোয়না তরাম্না ওকখি। মখোয়না শেন্মিৎলোনগী চাউখৎপা পুন্না পুরকপদা মতেং পাংগদবা মওংদা দিবেলপমেন্ত কোওপরেসন প্রমোৎ তৌবগী অপাম্বদা শরুক তমখি।
ভারত অমসুং জাপানগী মরক্তা মরুওইবা প্রোজেক্ত অমা ওইনা মুম্বাই-অহমেদাবাদ হাই স্পীদ রেলগী মরুওইবা অদু প্রধান মন্ত্রী অনিমক্না অমুক হন্না ফোংদোকখি। ২০২৭তা প্রাইওরিতী সেক্সনশিংদা কম্মর্সিএল ওপরেসনশিং হৌদোক্নবা ভারতনা পান্দম থম্লিবা অদু জাপাননা মপুং ফানা খঙই অমসুং দরকার ওইবা মতেং পীনবা হেনগৎহন্নবা লেপ্লি হায়না প্রধান মন্ত্রী তাকাইচিনা ফোংদোকখি। মখোয়না ই১০ হৌদোক্নবগী পান্দম অদু য়াখি। কিলোমিতর ৭,০০০গী নেস্নেল হাই স্পীদ রেল নেৎৱার্ক অমা শেমগৎনবা ভারতকী মঙলান ফংনবা তুংগী হাই স্পীদ কোরিদোরশিংদা তেংবাং পীনবগী ওইথোকপা য়াবা পাম্বৈশিং থিজিনবা মখোয়না অপাম্বা ফোংদোকখি। প্রধান মন্ত্রী মোদীনা জাপানিজ কম্পনীশিংদা তুংলমচৎকী কোরিদোরশিং শেমগৎপদা শরুক য়ানবা খুদোংচাবশিং য়েংশিন্নবা হায়খি অমসুং অসিগুম্বা এঙ্গেজমেন্ত অসিদা মতেং পাংনবা মহাক্না শেম-শারিবা অদু ফোংদোকখি। জাপানগী এদভান্স মোবিলিতী তেক্নোলোজীশিং অসি ভারতকী অফবা হ্যুমেন রিসোর্সশিং অমসুং ভারত শিনবা থুংনা লৈরিবা মার্কেৎ পোতেন্সিএলগা পুনশিন্নবগী পান্দমদা হাই স্পীদ রেল অমসুং কম্প্রিহেন্সিব মোবিলিতীদা প্রাইবেৎ সেক্তরনা লুচিংবা কোওপরেসন অমসুং ইনভেস্তমেন্ত অসি খুমাং চাউশিলহন্নবা মখোয়না মীৎয়েং থমখি। মসিগীদমক্তা নাকল অনিগী মরক্তা মথংগী জেনরেসনগী মোবিলিতী পার্তনরশিপকী এম.ও.সি.দা খুৎয়েক পীনখিবা অদু মখোয়না তরাম্না ওকখি। মখোয়না হ্যুমেন রিসোর্সকী মতেং পীনবা য়াওনা শিপ বিলদিং সেক্তরদা মতেং পীনবগী মরুওইবা অদু খঙখি।
প্রধান মন্ত্রী অনিমক্না হায়খি মদুদি অৱাংবা থাক্কী সাইন্স অমসুং তেক্নোলোজীগী লমদা তেংবাং পীনবা অমসুং এক্সচেঞ্জ তৌমিন্নবা অসি নাকল অনিগী মরীগী মরুওইবা য়ুম্বী অমনি। হীরম অসিগী মতাংদা, মখোয়না একাদেমিক ইন্সতিত্যুসনশিংগী মরক্তা হৌজিকমক্কী ওইনা চৎথরিবা জোইন্ত রিসর্চ কোলাবোরেসনশিং, লৈবাক অনিগী সাইন্তিস্তশিং অমসুং রিসর্চরশিংগী এক্সচেঞ্জ ভিজিৎশিং, অমসুং জাপানগী কম্পেনীশিংদা ইন্তর্নশিপকী খুদোংচাবশিংগী খুত্থাংদা ইন্দস্ত্রী-একেদমিয়া কোলাবোরেসনশিং অদু থাগৎপা ফোংদোকখি। লোতস প্রোগ্রামগী মখাদা ভারতকী স্কিল লৈরবা মীওইশিং অমসুং জাপান সাইন্স অমসুং তেক্নোলোজী এজেন্সীগী সাকুরা সাইন্স এক্সচেঞ্জ প্রোগ্রাম অমসুং সাইন্স অমসুং তেক্নোলোজী দিপার্তমেন্ত (দি.এস.তি.) না লৌখৎলিবা খোঙথাংশিংগী মখাদা কৌখিবা জাপানিজ হাইস্কুলগী মহৈরোইশিংগী মশিং হেনগৎলক্লিবা অদু মখোয়না পনখি। দি.এস.তি.গী ইন্দো-জাপান কোওপরেতিব সাইন্স প্রোগ্রাম (আই.জে.সি.এস.পি.), জাপান সোসাইতী ফোর প্রমোসন ওফ সাইন্স (জে.এস.পি.এস.), এম.ই.এক্স.তি. স্কোলরশিপ অমসুং ইন্তর-য়ুনিভর্সিতী এক্সচেঞ্জ প্রোজেক্তকুম্বা প্রোগ্রামশিংগী খুত্থাংদা মহৈরোইশিং অমসুং য়ুনিভর্সিতী এক্সচেঞ্জশিং মখা তানা খুমাং চাউশিলহন্নবা মরুওইবা অদুসু মখোয়না ফোংদোকখি। মখোয়না ইন্দিয়ন স্পেস রিসর্চ ওর্গনাইজেসন অমসুং জাপান এরোস্পেস এক্সপ্লোরেসন এজেন্সীগী মরক্তা লুনর পোলার এক্সপ্লোরেসন (এল.য়ু.পি.ই.পি.ই.এস.)দা হৌজিক লাক্লিবা প্রোগ্রেস অসিদা অপেনবা ফোংদোকখি। ভারতকী দি.এস.তি. অমসুং জাপানগী কেবিনেৎ ওফিসকী মরক্তা ক্বান্তম তেক্নোলোজীশিংদা লেতর ওফ ইন্তেন্ত সাইন তৌনখিবা অদু মখোয়না তরাম্না ওকখি।
. লৈবাক অনিগী মরক্তা তেলেন্ত সর্ক্যুলেসন অসি নাকল অনিমক্তা লৈরিবা শিংনবশিং কোকহন্নবা ম্যুচুএল কপ্লিমেন্তরী ওইবা মরী অমা ওইরি হায়না নিংশিংলদুনা প্রধান মন্ত্রী অনিমক্না মীয়ামগী মরক্তা এক্সচেঞ্জশিং মখা তানা পুক্নিং থৌগৎনবা মখোয়গী অচেৎপা ফিরেপ অদু অমুক হন্না ফোংদোকখি। মখোয়না নিহোংগো পার্তনরস প্রোগ্রামগী খুত্থাংদা হৌজিক ফাওবদা খুমাং চাওশিল্লক্লিবা অসিদা থাগৎপা ফোংদোক্লদুনা ভারত্তা জাপানিজ লোলগী এজুকেসন মখা তানা প্রমোৎ তৌনবা ফোংদোকখি। ২০২৫দা লৈবাক অনিগী মরক্তা লাকপা মীওই ৫৪০,০০০ হেনগৎলকপদা মখোয়না নুংঙাইবা ফোংদোকখি অমসুং লৈবাক অনিগী মরক্তা তুরিজম চাউখৎহন্নবা মখোয়গী ফিরেপ অমুক হন্না ফোংদোকখি। মখোয়না লৈবাক অনিগী মরক্তা ইন্সতিত্যুস্নেল অমসুং পিপল-তু-পিপল কন্নেক্ত হেন্না চেৎশিলহন্নবা পান্দমদা হৌজিক চত্থরিবা ইন্তলেকচুএল অমসুং কলচরেল এক্সচেঞ্জশিং থাগৎপা ফোংদোকখি। মখোয়না অখন্ননা নহাশিংগী মরক্তা, এনিমে, মঙ্গা, গেমিং অমসুং ফিল্মগুম্বা ক্রিএতিব ইন্দস্ত্রীশিংনা লৌরিবা মরুওইবা থৌদাং অদু ফোংদোকখি। তুরিস্তশিং য়াওনা মী অমগা অমগগী এক্সচেঞ্জ হেনগৎলক্লিবা অদু খঙলদুনা, মখোয়না মরী লৈনবা ওথোরিতীশিংগী মরক্তা কন্সুলার এফিয়র্সতা দাইলোগ প্রমোৎ তৌবগী মরুওইবা অদু অমুক হন্না ফোংদোকখি।
প্রধান মন্ত্রী অনিমক্না লৈবাক অনিগী মরক্তা শেন্মিৎলোন অমসুং পিপল-তু-পিপল কন্নেক্সন হেন্না চেৎশিলহনবদা ভারতকী রাজ্যশিং অমসুং জাপানগী প্রিফেকচরশিং অমসুং ম্যুনিসিপালিতীশিংনা লৌরিবা মরুওইবা থৌদাং অদু খঙখি। মখোয়না ইন্দিয়া-জাপান গবর্নরশিংগী মরক্তা মরুপ মপাং ওইবগী নেৎৱার্ক অমা শেম্বা অমসুং ইকুই কুইদ্রিঙৈদা য়ামানাশি প্রিফেকচর অমসুং উত্তর প্রদেশ, তোয়ামা প্রিফেকচর অমসুং অন্দ্রা প্রদেশ, শিজুওকা প্রিফেকচর অমসুং গুজরাত, হামামাতসু সিতি অমসুং অহমেদাবাদ, ৱাকায়ামা প্রিফেকচর অমসুং মহারাস্ত্রা, সান’ইন রিজন অমসুং কেরলা, ইহাইম প্রিফেকচর অমসুং তামিল নাদু, ফুকুওকা প্রিফেকচর অমসুং দিল্লী অমসুং কিতাক্যুশু সিতি অমসুং তেলঙ্গনাগী মরক্তা অৱাংবা থাক্কী কোলাবোরেসনশিং য়াওনা রিজনেলগী থাক্তা লেপ্তনা হেনগৎলক্লিবা এক্সচেঞ্জশিংবু তরাম্না ওকখি।
রিজনেল অমসুং গ্লোবেলগী ইসুশিং
অনৌবা এফ.ও.আই.পি. অমসুং এক্ত ইস্ত পোলিসীগী ওইরিবা ফীভম অমসুং ইন্দো-পেসিফিক লমদম অসিবু মপাঙ্গল কনখৎহন্নবা অমসুং চাউখৎহন্নবা, প্রধান মন্ত্রী অনিমক্না ভারতকী অৱাং-নোংপোক লমদম (এন.ই.আর.) গী মরুওইবা অদু পনখি। প্রধান মন্ত্রী মোদীনা লমদম অসিদা লম্বী নেৎৱার্ক, থোংশিং, হকশেলগী লমদা সোসিএল ইনফ্রাস্ত্রকচর, ফোরেস্ত মেনেজমেন্ত অমসুং দিজাস্তর রিস্ক হন্থহনবগুম্বা লমশিংদা হার্ড, সোফত অমসুং পিপল-তু-পিপল কন্নেক্তিবিতী হেনগৎহনবদা জাপানগী মপাঙ্গল কনবা মতেং অদু থাগৎপা ফোংদোকখি। সেমিকন্দক্তর অমসুং বাইওফ্যুএল সেক্তরদা জাপানিজ অমসুং ভারতকী এন্তর্প্রাইজশিংনা শেন্মিৎলোনগী থবক থৌরমশিং, স্কিল দিবেলপমেন্ত, জাপানিজ লোল ত্রেনিং অমসুং হ্যুমেন রিসোর্স এক্সচেঞ্জ তৌবদা মখোয়না নুংঙাইবা ফোংদোকখি। মরী লৈনবা পার্তনরশিং অমসুং বিমস্তেক য়াওনা রিজনেল ওর্গনাইজেসনশিংগা নক্না খুৎশম্নদুনা এন.ই.আর.বু বে ওফ বেঙ্গল এরিয়াগা শম্নহল্লিবা ইন্দস্ত্রীএল ভেল্যু চেনশিং শেমগৎনবা মখোয়না পুন্না হোৎনমিন্নরি। ২০২৬কী ফেব্রুৱারীদা মেঘালয়াগী শিলোংদা তরুকশুবা ইন্দিয়া-জাপান ইন্তলেকচুএল কনক্লেব মাই পাক্না পাংথোকখিবা অদুসু মখোয়না থাগৎখি। এক্ত ইস্ত ফোরম (এ.ই.এফ.) গী মথংগী রাউন্দ অসি অথুবা মতমদা পাংথোকপগী মরুওইবা অদুদা মখোয়না য়ানখি।
ইন্দো-পেসিফিক লমদম অসিবু মপাঙ্গল কনখৎহন্নবা অমসুং চাউখৎহন্নবা মখোয় অনিগী পান্দম অদু ফংনবগীদমক, মান্নবা ৱাখল্লোন লৈবা লৈবাকশিংগী মরক্তা তেংবাং পীনবা হেনগৎহন্নবা মখোয় অনিগী অচেৎপা ফিরেপ অদু প্রধান মন্ত্রীনা অমুক হন্না ফোংদোকখি। মখোয়না ক্বাদ ফ্রেমৱার্ক্কী মখাদা লেপ্পা লৈতনা খুমাং চাউশিল্লকপবু তরাম্না ওকখি অমসুং প্রাক্তিকেল কোওপরেসন হেনগৎহন্নবগীদমক মখোয়না শরুক য়ামিন্নরিবা ফিরেপ অদু অমুক হন্না ফোংদোকখি। মেরিতাইম অমসুং ত্রান্সনেস্নেল সেক্যুরিতী, ক্রিতিকেল মিনরেলশিং য়াওনা শেন্মিৎলোনগী চাউখৎপা অমসুং সেক্যুরিতী, মরুওইবা অমসুং অনৌবা তেক্নোলোজীশিং অমসুং হ্যুমেনিতরী এসিস্তেন্স অমসুং ইমর্জেন্সী রেস্পোন্সকী য়ুম্বী মরিদা ক্বাদ কোলাবোরেসনগী মরুওইবা অদু মখোয়না ফোংদোকখি। হীরমশিং অসিদা লৈবাক অনিগী মরক্তা তেংবাং পীনবা হেনগৎলকপনা ক্বাদকী হোৎনরিবশিং হেন্না মপাঙ্গল কনখৎহল্লগনি অমসুং মপুং ফাহল্লগনি হায়না মখোয়না পনখি। ক্বাদ লিদরশিংগী মথংগী সম্মিৎ অথুবা মতমদা পাংথোক্নবা হোৎনবদা তেংবাং পীননবা মখোয়না অমুক হন্না অচেৎপা ৱাফম থমখি। মখোয়না রিজনেল রেসিলিয়েন্স মপাঙ্গল কনখৎহন্নবা অমসুং শান্তি, তংদু লৈতাবা অমসুং চাউখৎপা পুরক্নবা আসিয়ানগী মেম্বর স্তেতশিংগা পুন্না থবক তৌমিন্নবগী মরুওইবা অদুসু পনখি। মসিগী মতাংদা মখোয়না ফিলিপিন্সকা লোয়ননা অহানবা ত্রিলেতরেল ১.৫ ত্রেক পোলিসী দাইলোগ পাংথোক্নবা শেম-শাবা হৌনবা য়ানখি। মখোয়না আসিয়ানগী সেন্ত্রেলিতী অমসুং য়ুনিতীগীদমক মখোয়গী অকনবা শৌগৎপা অদু অমুক হন্না ফোংদোকখি অমসুং ইন্দো-পেসিফিক (এ.ও.আই.পি.) গী মতাংদা আসিয়ানগী মীৎয়েং (এ.ও.আই.পি.) মখা তানা, মখোয়না মান্নবা ৱাখল্লোন লৈবা লৈবাকশিংগী মরক্তা ক্রিতিকেল মিনরেল সপ্লাই চেনশিং মপাঙ্গল কনখৎহন্নবা, ৱার্ল্দ বেঙ্ক গ্রুপকী রেসিলিয়েন্ত এন্দ ইনক্লুসিব সপ্লাই চেন এনহেন্সমেন্ত (আর.আই.এস.ই.) পার্তনরশিপ এন্দ এসিয়ন দিবেলপমেন্ত বেঙ্ক (এ.দি.বি.), ক্রিতিকেল মিনরেল্স-তু-মেনুফেকচরিং ফাইনান্সিং পার্তনরশিপ ফেসিলিতী (সি.এম.এম.-এফ.পি.এফ.)গুম্বা মল্তিলেতরেল দিবেলপমেন্ত বেঙ্কশিং (এম.দি.বি.) য়াওনা মসিগী মরু ওইবা অদু থমখি।
ইস্ত চাইনা সী অমসুং সাউথ চাইনা সীদা ওইরিবা ফীভম অসিদা প্রধান মন্ত্রী অনিমক্না নুংনাংবা ফোংদোক্নখি। মখোয়না সেক্যুরিতী অমসুং নেভিগেসন অমসুং ওভরফ্লাইৎকী নীংতম্বা অমসুং ফোর্স নৎত্রগা কোএর্সন্না স্তেতস ক্বো হোংদোক্নবা হোৎনবা য়াবা য়ুনিলেতরেল ওইবা এক্সনশিং মখোয়না অকনবা মওংদা য়ানীংদবা ফোংদোকখি। মখোয়না ৱারোইশিন পুরকপা য়াদবা মওংশিংগী হেনগৎলক্লিবা মিলিতরাইজেসনগী মতাংদা মখোয়গী নুংনাংবা ফোঙদোক্নখি। মখোয়না অমুক হন্না য়ু.এন.সি.এল.ও.এস.দা ফোংদোক্লিবা মওংদা সমুদ্রগী ৱাথোকশিং অসি শান্তি ওইনা অমসুং মালেমগী ওইবা আইনগী মতুং ইন্না ৱারোইশিন পুরকপা মথৌ তাই হায়না ফোংদোকখি।
প্রধান মন্ত্রী অনিমক্না অৱাং কোরিয়াগী ন্যুক্লিয়র অমসুং মিসাইল প্রোগ্রামশিংদা চাউনা নুংনাংবা ফোংদোকখি। মখোয়না য়ুনাইতেদ নেসন্স সেক্যুরিতী কাউন্সিল (য়ু.এন.এস.সি.) গী মরী লৈনবা রিজোলুসনশিংগী মতুং ইন্না অৱাং কোরিয়াবু ন্যুক্লিয়রদগী মপুং ফানা লৌথোক্নবা মখোয়গী ফিরেপ অদু অমুক হন্না ফোংদোকখি। মখোয়না রিজন অসিদা অমসুং মসিগী ৱাংমদা নোর্থ কোরিয়াদগী অমসুং মফম অদুদা ন্যুক্লিয়র অমসুং মিসাইল তেক্নোলোজীশিং প্রোলিফরেসন তৌবগী মতাংদা লৈরিবা নুংনাংবা অদু মখা তানা কোকহন্নবগী মরুওইবা অদুদা অকনবা ৱাফম থমখি। মখোয়না য়ু.এন.সি.সি.গী রিজোলুসনশিংগী মখাদা নোর্দ কোরিয়াদা খুৎলায় অমসুং মরী লৈনবা পোৎলমশিং পীনবা নত্ত্রগা নোর্দ কোরিয়াদগী লৌবদা অথিংবা থম্বা য়াওনা অথিংবাশিং অসি ইমপ্লিমেন্ত তৌনবা মখোয়গী ইন্তর্নেস্নেল ওবজেক্তিবিতীশিং ঙাক্না চৎনবা য়ু.এন.সি.গী মেম্বর স্তেত পুম্নমক্তা তকশিনখি। মখোয়না এবদক্সন ইসু অসি অথুবা মতমদা লোইশিন্নবগী তঙাইফদবা অদু অমুক্কা হন্না ফোংদোকখি।
প্রধান মন্ত্রী অনিমক্না ম্যান্মারদা ওইরিবা ফীভম অমসুং মসিনা লমদম অসিদা পীরিবা শাফুগী মতাংদা খন্নখি। মখোয়না ম্যান্মারনা লুচিংবা, ম্যান্মারগী মশাগী ওইবা শান্তি অমসুং মতম শাংনা চৎথগদবা সোলুসন অমগীদমক স্তেকহোল্দর পুম্নমক্কী মরক্তা ইনক্লুসিব দাইলোগ অমা তৌনবগীদমক খুদোংচাবা ফীভম অমা শেম্নবা অমসুং মীহাৎ-মীপুনগী থৌওংশিং অথুবা মতমদা লেপহন্নবা মখোয়না অমুক্কা হন্না হায়খি।
প্রধান মন্ত্রী অনিমক্না মিদল ইস্ততা তুং কোইনা চৎকদবা শান্তি অমসুং তংদু লৈতাবা পুরকপা ঙম্নবগীদমক মখোয়গী ফিরেপ অমুক হন্না ফোংদোক্নখি। ইরানগা মরী লৈনবা ফীভমগী মতাংদা, মখোয়না স্ত্রেত ওফ হোর্মজকী থোংদা নীংতম্বা অমসুং সেফ নেভিগেসন ফংহনবা, ইনর্জী অমসুং অতৈ তঙাই ফদবা পোৎলমশিংগী লেপ্পা লৈতবা সপ্লাই চেনশিং ঙাকপা, অমসুং ইন্তর্নেস্নেল লো, মরুওইনা য়ু.এন.সি.এল.ও.এস.তা ফোংদোক্লিবা অদু ঙাক্না চৎপগী মরুওইবা অদু পনখি। মখোয়না গাজাবু অমুক হন্না শেমগৎনবা কম্প্রিহেন্সিব প্লানদা খুমাং চাউশিলহন্নবা অমসুং লৈবাক অনিগী সোলুসন অমা ফংহন্নবা অচেৎপা ৱাফমদা য়ুম্ফম ওইনবা মরুওইবা ৱাফম থমখি। রিজন অসিদা অথুবা মতমদা স্তেবিলিতী অমুক হন্না শেমগৎনবা অমসুং মতম শাংনা শান্তি অমা পুরক্নবা কন্না হোৎনরিবা অসি তঙাইফদে হায়না মখোয়না অমুক হন্না ফোংদোকখি।
প্রধান মন্ত্রী অনিমক্না ইন্দিয়া-অফ্রিকা ফোরম সম্মিৎ মেকানিজম (আই.এ.এফ.এস.) অমসুং জাপানগী তোকিও ইন্তর্নেস্নেল কনফরেন্স ওন অফ্রিকান দিবেলপমেন্ত (তি.আই.সি.এ.দি.) অমসুং ইন্দিয়ন ওসীন-অফ্রিকাগী ইকোনোমিক রিজন ইনিসিয়েতিবকী মতুং ইন্না অফ্রিকাদা মতেং পীনবা হেনগৎহন্নবা মখোয়গী অচেৎপা অদু অমুক হন্না ফোংদোকখি। মসিগীদমক্তা, মখোয়না অফ্রিকাদা জাপান-ইন্দিয়া কোওপরেসন পাকথোক চাউথোকহন্নবা স্ত্রেতেজিক আউৎলুক শেম্বা অমসুং ললোন-ইতিক অমসুং ইনভেস্তমেন্তকীদমক হব অমা শেম্নবা অমসুং আফ্রিকাদা তুং কোইনা চৎনগদবা ইকোনোমিক দিবেলপমেন্তকীদমক ভারত-জাপান কোওপরেসন ইনিসিয়েতিব পুখৎনবা ভারত্তা ইন্দস্ত্রীএল কন্সেন্ত্রেসনগী ৱাফম থমখি। মখোয়না ইনিসিয়েতিবশিং অসিগী সিনর্জীদা য়ুম্ফম ওইদুনা কংক্রিৎ কোওপরেসন মখা তানা প্রমোৎ তৌনবা মখোয়গী অচেৎপা ফিরেপ অদু অমুক হন্না ফোংদোকখি।
প্রধান মন্ত্রী অনিনা য়ুনাইতেদ নেসন্সকী চার্তর য়াওনা মালেমগী আইনগী মতুং ইন্না য়ুক্রেনদা অচুম্বা অমসুং মতম শাংনা লৈগদবা শান্তি অমা পুরকপদা মতেং পাংগনি হায়না ফোংদোকখি। মখোয়না অচুম্বা অমসুং তুং কোইনা চৎকদবা শান্তি অমা ফংনবগীদমক লৈবাক কয়া অমনা চত্থরিবা দিপ্লোমেতিক ইসুশিংবু তরাম্না ওকখি।
মল্তিলেতরেল ফ্রন্ততা, মেম্বর স্তেতশিংগী অয়াম্বনা শৌগৎলিবা, হৌজিক্কী জিওপোলিতিকেল রিয়েলিতিশিং হেন্না ফজনা উৎনবগীদমক পর্মিনেন্ত অমসুং নন-পর্মিনেন্ত কেতগোরী অনিমক পাকথোক চাউথোকহনবগা লোয়ননা য়ুনাইতেদ নেসন্স সেক্যুরিতী কাউন্সিল (য়ু.এন.এস.সি.) গী অথুবা মতমদা রিফোর্ম তৌনবগীদমক অতোপ্পা জি.৪ লৈবাকশিংগা নক্ননা থবক তৌমিন্ননবা মখোয়গী অচেৎপা ফিরেপ অদু প্রধান মন্ত্রী অনিমক্না অমুক হন্না ফোংদোকখি। মখোয়না য়ু.এন.এস.সি.গী রিফোর্মশিং খোংজেল য়াংশিনবা, মরুওইনা লেপ্পা মতমগী মনুংদা কংক্রিৎ ওইবা ফলশিং ফংনবগী অপুনবা পান্দমগা লোয়ননা ইন্তর-গবর্নমেন্তেল নেগোসিএসন ফ্রেমৱার্ক্কী মখাদা তেক্স-বেজ নেগোসিএসনশিং হৌনবা মখোয়গী ফিরেপ অদু ফোংদোকখি। মখোয়না রিফোর্ম তৌরবা য়ু.এন.এস.সি.দা পর্মিনেন্ত সিৎ অমগীদমক অমনা অমগী কেন্দিদেচরদা অমনা অমগী মতেং পাংনবা ফোংদোকখি। চহি ২০২৮-২৯ অমসুং ২০৩৩-৩৪দা নন-পর্ম্মেনেন্ত সিৎশিংদা মরী লৈনবা কেন্দিদেচরশিংবু মতেং পীননবা ভারত অমসুং জাপাননা য়ানখিবা অদুসু মখোয়না থাগৎপা ফোংদোকখি। মখোয়না হোংলক্লিবা মালেম অসিদা গ্লোবেল গভর্নান্সতা মতেং পাংলিবা য়ু.এন.গী ইফিসিএন্সী অমসুং ইফেক্তিবিতী হেনগৎহন্নবা য়ু.এন.গী রিফোর্মগী তঙাইফদবা অদুসু পনখি।
প্রধান মন্ত্রী মোদীনা ২০৩০দা ৪শুবা য়ুনাইতেদ নেসন্স ৱার্ল্দ কনফরেন্স ওন দিজাস্তর রিস্ক রীদক্সন ২০১৫-২০৩০গী সেন্দাই ফ্রেমৱার্ক ফোর দিজাস্তর রিস্ক রীদক্সন ২০১৫-২০৩০গী স্পিরিত অমসুং প্রিন্সিপলশিং, খুদম ওইনা দিজাস্তর রিস্ক রিদক্সনদা ইনভেস্তমেন্ত তৌবগী মরুওইবা অমসুং "বিল্দ বেক বেত্তর" অসিনচিংবা পুখৎনবগী পান্দমদা ২০৩০দা পাংথোক্কদৌরিবা ৪শুবা য়ুনাইতেদ নেসন্স ৱার্ল্দ কনফরেন্স ওন দিজাস্তর রিস্ক রিদক্সন ২০৩০দা য়ুম্বু ওইহন্নবা জাপানগী মতেংবু তরাম্না ওকখি। মখোয়না ২০২৭তা জাপানগী সেন্দাইদা পাংথোক্কদৌরিবা দিজাস্তর রিস্ক রিদক্সনগী এসিয়া-পেসিফিক মিনিস্তরেল কনফরেন্সকী খুত্থাংদা দিজাস্তর রিস্ক হন্থহনবগী লমদা মখা তানা মতেং পীননবা অচেৎপা ৱাফম থমখি। মখোয়না অফ্রিকা, এসিয়া অমসুং মিদল ইস্ত/ৱেস্ত এসিয়াগুম্বা রিজনেল এফিয়র্স অমসুং য়ু.এন. রিফোর্ম, স্পেস, সাইবর সেক্যুরিতী অমসুং মেরিতাইম দোমেনশিং, ক্লাইমেৎ চেঞ্জ, তেরোরিজম অমসুং আর্কতিক অসিনচিংবা পোলিসী প্লান্নিং য়াওনা মল্তিলেতরেল এজেন্দাদা ফোরেন মিনিস্ত্রীশিংগী মরক্তা পোলিসী কন্সল্তেসনশিং মখা তানা হেনগৎহন্নবা য়ানখি।
প্রধান মন্ত্রী অনিমক্না তেরোরিজম অমসুং হিংসাগী ওইবা এক্সত্রিমিজমবু মসিগী মওং অমসুং মশক মওং খুদিংমক্তা, মসিগী মনুংদা পকিস্তানদগী লাকপা ক্রোস-বোর্দর তেরোরিজম য়াওনা অকনবা মওংদা য়ানিংদবা ফোংদোকখি। মখোয়না এপ্রিল ২২, ২০২৫দা জম্মু অমসুং কাশ্মীরগী পহলগামদা থোকখিবা তেরোরিস্ত এতেক অদু অকনবা মওংদা য়ানিংদবা ফোংদোকখি অমসুং রেজিস্তেন্স ফ্রন্ত (তি.আর.এফ.) গী মতাংদা পল্লদুনা জুলাই ২৯, ২০২৫দা য়ুনাইতেদ নেসন্স সেক্যুরিতী কাউন্সিল মোনিতরিং তীমগী রিপোর্ত অদু খঙজিনখি। নবেম্বর ১০, ২০২৫দা দিল্লীদা থোকখিবা তেরোরিস্তকী থৌদোক অদুসু মখোয়না অকনবা মওংদা য়ানিংদবা ফোংদোকখি। মখোয়না হায়খি মদুদি থৌওং অসি চৎখিবা, থৌরাং তৌখিবা অমসুং শেল থাদখিবা মীওইশিং অসি অথুবা মতমদা ৱায়েল-পথাপকী মমাংদা পুথোক্কদবনি। অল কাইদা, আই.এস.আই.এস./দাইশ, লশকর-ই-তাইবা (এল.ই.তি.), জাইশ-ই-মোহমদ (জে.ই.এম.) অমসুং মখোয়গী প্রোক্সীশিং য়াওনা য়ু.এন.না লিস্ততা য়াওবা তেরোরিস্ত গ্রুপশিং অমসুং এন্তিতীশিংগী মায়োক্তা পুন্না থবক পায়খৎনবা অমসুং তেরোরিস্তশিংগী সেফ হাবানশিং মুত্থৎনবা, তেরোরিস্ত ফাইনান্সিং চেনেলশিং অমসুং ত্রান্সনেস্নেল ক্রাইমগা মরী লৈনবা অমসুং তেরোরিস্তশিংগী ক্রান্স-বোর্দর মুভমেন্ত থিংনবা ৱারেপ লৌনবা মখোয়না হায়খি।
সেক্তর কয়াদা ভারত-জাপানগী মতেং পীনবা হেনগৎহন্নবা চহিগী ওইবা সম্মিৎ মেকানিজমগী মরুওইবা অদু প্রধান মন্ত্রী অনিমক্না অমুক হন্না ফোংদোকখি। দিপ্লোমেতিক রিলেসনশিং লিংখৎপগী চহি ৭৫ ভারত-জাপান চহিগী ওইনা পাংথোকপদা মখোয়না অখন্নবা স্ত্রেতেজিক অমসুং গ্লোবেল পার্তনরশিপ মখা তানা মপাঙ্গল কনখৎহন্নবা অমসুং চহি চুপ্পনা পাংথোক্কদবা প্রোগ্রামশিংগা লোয়ননা মীয়ামগী মরক্তা লৈনরিবা মরী হেন্না চেৎশিলহন্নবা মখোয়গী ফিরেপ অমুক হন্না ফোংদোক্নখি।
প্রধান মন্ত্রী তাকাইচীনা প্রধান মন্ত্রী মোদীবু মহাক্কী খোংচৎ মনুংদা উৎখিবা মীয়োক-মীচান ফবা মতৌ অদুগীদমক থাগৎপা ফোংদোকখি। মহাক্না প্রধান মন্ত্রী মোদীবু মথং চহিদা ১৭শুবা চহিগী সম্মিৎকীদমক জাপানদা লাকনবা বর্তন তৌখি, মদুবু প্রধান মন্ত্রী মোদীনা তরাম্না ওকখি।
