પ્રધાનમંત્રી શ્રી નરેન્દ્ર મોદીએ પૂર્વ પ્રધાનમંત્રી શ્રી ચંદ્રશેખરની જન્મજયંતી પર તેમને ભાવભીની શ્રદ્ધાંજલિ અર્પી છે.
પ્રધાનમંત્રીએ નોંધ્યું હતું કે આ વર્ષ ચંદ્રશેખરજીની 100મી જન્મજયંતિની શરૂઆતનું વર્ષ છે અને તેમણે જણાવ્યું હતું કે આ અવસર સમૃદ્ધ અને ન્યાયી ભારતના તેમના વિઝનને સાકાર કરવાની પ્રતિબદ્ધતાને પુનરાવર્તિત કરવાનો અવસર છે.
તેમના વારસાને યાદ કરતા પ્રધાનમંત્રીએ કહ્યું કે ચંદ્રશેખરજીને એક એવા લોકનાયક તરીકે યાદ કરવામાં આવે છે જેઓ હિંમત, દ્રઢ નિશ્ચય અને લોકતાંત્રિક મૂલ્યો પ્રત્યે ઊંડી પ્રતિબદ્ધતા ધરાવતા હતા. તેમણે ભારપૂર્વક જણાવ્યું હતું કે ભારતની માટી સાથે જોડાયેલા અને સામાન્ય નાગરિકોની આકાંક્ષાઓ પ્રત્યે સંવેદનશીલ એવા ચંદ્રશેખરજીએ જાહેર જીવનમાં સાદગી અને સ્પષ્ટતા લાવી હતી.
પ્રધાનમંત્રીએ એ પ્રસંગોને પણ યાદ કર્યા જ્યારે તેમને ચંદ્રશેખરજીને મળવાની અને રાષ્ટ્રના વિકાસ માટેના દ્રષ્ટિકોણના આદાનપ્રદાનની તક મળી હતી. પ્રધાનમંત્રીએ ભારતના યુવાનોને ભારતની પ્રગતિ તરફના ચંદ્રશેખરજીના વિચારો અને પ્રયત્નો વિશે વધુ વાંચવા માટે આહ્વાન કર્યું હતું.
X પરની એક પોસ્ટમાં શ્રી મોદીએ કહ્યું:
“પૂર્વ પ્રધાનમંત્રી ચંદ્રશેખરજીની જન્મજયંતી પર તેમને શ્રદ્ધાંજલિ. આ વર્ષ તેમની 100મી જન્મજયંતિની શરૂઆત દર્શાવે છે અને સમૃદ્ધ તથા ન્યાયી ભારતના તેમના વિઝનને સાકાર કરવા માટે આપણી પ્રતિબદ્ધતાને પુનરાવર્તિત કરવાનો આ સમય છે. ચંદ્રશેખરજીને હિંમત, દ્રઢ વિશ્વાસ અને લોકતાંત્રિક મૂલ્યો પ્રત્યે ઊંડી પ્રતિબદ્ધતા ધરાવતા લોકનાયક તરીકે યાદ કરવામાં આવે છે. ભારતની માટી સાથે જોડાયેલા અને સામાન્ય નાગરિકોની આકાંક્ષાઓ પ્રત્યે સંવેદનશીલ રહીને તેમણે જાહેર જીવનમાં સાદગી અને સ્પષ્ટતા લાવી હતી. મને એ પ્રસંગો યાદ છે જ્યારે મને તેમને મળવાની અને આપણા રાષ્ટ્રના વિકાસ માટેના દ્રષ્ટિકોણ પર ચર્ચા કરવાની તક મળી હતી. હું ભારતના યુવાનોને વિનંતી કરું છું કે તેઓ ભારતના વિકાસ માટેના તેમના વિચારો અને પ્રયત્નો વિશે વધુ વાંચે.”
Tributes to former Prime Minister Chandra Shekhar Ji on his birth anniversary. This year marks the start of his 100th birth anniversary and is a time to reiterate our commitment to realising his vision for a prosperous and just India. Chandra Shekhar Ji is remembered as a mass… pic.twitter.com/Cf5P8k9n5I
— Narendra Modi (@narendramodi) April 17, 2026
