પ્રધાનમંત્રી શ્રી નરેન્દ્ર મોદીએ આજે બ્રુનેઇમાં ભારતના હાઈ કમિશનના નવા ચાન્સરી પરિસરનું ઉદ્ઘાટન કર્યું હતું. આ પ્રસંગે તેમણે દીપ પ્રગટાવી તકતીનું અનાવરણ કર્યું હતું.
પ્રધાનમંત્રીએ ઉદઘાટન પ્રસંગે ઉપસ્થિત ભારતીય સમુદાયનાં સભ્યો સાથે પણ વાત કરી હતી. તેમણે બંને દેશો વચ્ચે જીવંત સેતુ તરીકે અને દ્વિપક્ષીય સંબંધોને મજબૂત કરવાનાં તેમનાં પ્રદાનની પ્રશંસા કરી હતી. બ્રુનેઇ પહોંચેલા ભારતીયોનો પ્રથમ તબક્કો 1920ના દાયકામાં તેલની શોધ સાથે શરૂ થયો હતો. હાલમાં બ્રુનેઈમાં લગભગ 14,000 ભારતીયો વસવાટ કરી રહ્યા છે. બ્રુનેઈના આરોગ્ય સંભાળ અને શિક્ષણ ક્ષેત્રોની વૃદ્ધિ અને વિકાસમાં ભારતીય ડોકટરો અને શિક્ષકોના યોગદાનને સારી રીતે સ્વીકારવામાં આવ્યું છે.
આ પ્રાસંગિક સંકુલ ભારતીયતાની ગહન ભાવનાને મૂર્તિમંત કરે છે, જે પરંપરાગત ભાતો અને લીલાછમ વૃક્ષોને કુશળતાપૂર્વક સંકલિત કરે છે. ભવ્ય ક્લેડીંગ્સ અને ટકાઉ કોટા પથ્થરોનો ઉપયોગ તેની સૌંદર્યલક્ષી અપીલમાં વધુ વધારો કરે છે, સુમેળપૂર્વક ક્લાસિક અને સમકાલીન તત્વોનું મિશ્રણ કરે છે. આ ડિઝાઇન માત્ર ભારતના સમૃદ્ધ સાંસ્કૃતિક વારસાને જ શ્રદ્ધાંજલિ આપતી નથી, પરંતુ શાંત અને આમંત્રિત વાતાવરણ પણ બનાવે છે.
Delighted to inaugurate the new Chancery of the High Commission of India, indicative of our stronger ties with Brunei Darussalam. This will also be serving our diaspora. pic.twitter.com/9xWD1ErAXL
— Narendra Modi (@narendramodi) September 3, 2024
Merasa gembira untuk merasmikan Chancery Suruhanjaya Tinggi India yang baharu, ia menunjukkan hubungan kami yang lebih kukuh dengan Negara Brunei Darussalam. Ini juga akan memberi perkhidmatan kepada warga India di Brunei Darussalam. pic.twitter.com/9IQnrUffZp
— Narendra Modi (@narendramodi) September 3, 2024
