અમને માનવતામાં શ્રદ્ધા છે

Published By : Admin | May 26, 2015 | 15:04 IST
શેર
 
Comments

કોઈકના પાસપોર્ટના કલરમાં ફરક હોઈ શકે છે પણ, માનવતાના સંબંધથી વધુ મજબૂત બીજું કઈં નથી એવું પ્રધાનમંત્રી શ્રી નરેન્દ્ર મોદીએ અવારનવાર, વારંવાર કહ્યું છે અને જ્યારે પણ વિશ્વમાં કોઈપણ સ્થળે કોઈ આપત્તિ આવી પડી હોય કે દુર્ઘટના બની હોય ત્યારે તેમણે પોતાની આ દ્રઢ માન્યતાને યથાર્થ પણ ઠરાવી છે.

યમનમાં આંતરિક સંઘર્ષ ચરમ સીમાએ પહોંચ્યો ત્યારે અનેક દેશોના લોકો આ આંતરવિગ્રહ, હિંસાગ્રસ્ત વિસ્તારમાં ફસાયા હતા. ભારત સરકારે એવી સ્થિતિમાંથી ફક્ત ભારતીયો જ નહીં, અન્ય કેટલાય દેશોના નાગરિકોને પણ બચાવવા, બહાર કાઢવા ભારે જહેમત ઉઠાવી હતી. અનેક દેશોએ બચાવ કામગીરીમાં ભારતને સહાય માટે વિનંતી કરી હતી. ભારતે હાથ ધરેલી બચાવ કામગીરીનો વ્યાપ અને વેગ અસાધારણ, અભૂતપૂર્વ અને ખૂબજ અસરકારક રહ્યા હતા.



આ પરિસ્થિતિમાં ભારતે આપેલા પ્રતિભાવ ઉપર સર્વોચ્ચ સ્તરેથી દેખરેખ રાખવામાં આવી રહી હતી. વિદેશ મંત્રી શ્રીમતી સુષ્મા સ્વરાજ યમનની પરિસ્થિતિ ઉપર સતત નજર રાખી રહ્યા હતા. રાજ્ય કક્ષાના વિદેશ મંત્રી શ્રી વી. કે. સિંહ પોતે યમન અને જિબુટી ગયા હતા અને ખુદ બચાવ કામગીરીની આગેવાની મોરચે રહીને સંભાળી હતી.

નેપાળમાં 25મી એપ્રિલ, 2015ના દિવસે સવારે વિનાશક ભૂકંપે તારાજી સર્જી ત્યારે ભારતે પોતાના નેપાળી બંધુઓ અને બહેનોની પીડામાં સહભાગી થવા શક્ય એવા તમામ પ્રયાસો કર્યા હતા. ભારતના સશસ્ત્ર દળો, ડીઝાસ્ટર મેનેજમેન્ટ ટીમો તથા સર્વોચ્ચ સ્તરના અધિકારીઓએ નેપાળ જઈ ત્યાં પરિસ્થિતિ પૂર્વવત્ બનાવવામાં પોતાનો ફાળો આપ્યો હતો. પ્રધાનમંત્રીએ પોતે પરિસ્થિતિ ઉપર નજર રાખવા અનેક ઉચ્ચ સ્તરીય બેઠકોનું સુકાન સંભાળ્યું હતું. સાથોસાથ, ભારતે નેપાળમાં ભૂકંપથી અસરગ્રસ્ત ભારતીય નાગરિકો તેમજ અન્ય વિદેશીઓ, સૌને બચાવવા શક્ય એવા તમામ પ્રયાસો કર્યા હતા.


ભારતના આ પ્રયાસોની વિશ્વ સ્તરે સરાહના કરાઈ હતી. શ્રી મોદી વિશ્વ નેતાઓને મળ્યા ત્યારે સૌએ ભારતની ભૂમિકાને બિરદાવી હતી – ચાહે એ ફ્રાન્સના પ્રમુખ ઓલાન્દે અને પ્રધાનમંત્રી હાર્પર હોય કે જેમણે રાહત અને બચાવ કામગીરીમાં ભારતના પ્રયાસોની પ્રશંસા કરી હતી, કે પછી ઈઝરાયેલના પ્રધાનમંત્રી શ્રી નેતાન્યાહુએ પ્રધાનમંત્રી શ્રી મોદી સાથે ટેલિફોનિક વાતચીતમાં ભારતીય ભૂમિકાના વખાણ કર્યા હતા તો અમેરિકાના ભારત ખાતેના દૂત શ્રી રીચાર્ડ વર્માએ પણ ભારતની કામગીરીની પ્રશંસા કરી હતી. 


ફેબ્રુઆરી 2015માં ફાધર એલેક્સિસ પ્રેમ કુમાર આઠ મહિના જેટલો લાંબો સમય અફઘાનિસ્તાનમાં ત્રાસવાદીઓની કેદમાં વિતાવ્યા પછી પોતાના ઘેર પાછા ફર્યા હતા. ફાધર તો પોતાની સેવાભાવી કામગીરીને સમર્પિત એક સહાય કાર્યકર હતા, પણ અફઘાનિસ્તાનમાંના અમાનવિય તત્ત્વોની યોજના કઈંક જુદી જ હતી. તેમનું અપહરણ કરાયા પછી કેટલાય મહિનાઓ સુધી તેમને બાનમાં રખાયા હતા અને તેમની મુક્તિના પ્રયાસો ગજગ્રાહ અને મડાગાંઠના કારણે અટવાયા હતા. આખરે જો કે, ભારત સરકાર ફાધરને ઘેર પાછા લાવવામાં અને તેમના પરિવારજનો સાથે તેમનું મિલન કરાવવામાં સફળ રહી હતી. તેમની વાપસીથી ખૂબજ ઉત્સાહિત થયેલા પરિવારજનોએ ભારત સરકાર તેમજ પ્રધાનમંત્રીનો તેમની મુક્તિ માટે આભાર માન્યો હતો.

એવી જ રીતે, મધ્ય પૂર્વના અનેક દેશોમાં આંતર વિગ્રહની સ્થિતિના કારણે ફસાઈ ગયેલી ભારતીય નર્સોને કેન્દ્ર સરકારે ઉગારી લીધી હતી. આ પ્રયાસો બદલ ખુદ કેરળના મુખ્યમંત્રી શ્રી ઓમાન ચાન્ડીએ કેન્દ્ર સરકારનો આભાર માન્યો હતો.

કેન્દ્ર સરકારે આ રીતે અનેક પ્રસંગોએ, મુશ્કેલીના સમયમાં એવું દર્શાવ્યું છે કે, માનવતાના સંબંધો કોઈપણ દેશના નાગરિકના પાસપોર્ટના કલર કરતાં વધુ મહત્ત્વના રહે છે.

Explore More
પ્રધાનમંત્રીએ 76મા સ્વતંત્રતા દિવસના પ્રસંગે લાલ કિલ્લાની પ્રાચીર પરથી દેશને કરેલાં સંબોધનનો મૂળપાઠ

લોકપ્રિય ભાષણો

પ્રધાનમંત્રીએ 76મા સ્વતંત્રતા દિવસના પ્રસંગે લાલ કિલ્લાની પ્રાચીર પરથી દેશને કરેલાં સંબોધનનો મૂળપાઠ
What is PM Modi's role in Union Budget? FM Nirmala Sitharaman reveals

Media Coverage

What is PM Modi's role in Union Budget? FM Nirmala Sitharaman reveals
...

Nm on the go

Always be the first to hear from the PM. Get the App Now!
...
શેર
 
Comments

5 મે 2017, એ ઇતિહાસમાં કોતરાઈ ગયો છે જ્યારે દક્ષીણ એશિયાના સહકારે એક મજબુત પ્રોત્સાહન મેળવ્યું – આ દિવસે સાઉથ એશિયા સેટેલાઈટને સફળતાપૂર્વક પ્રક્ષેપિત કરવામાં આવ્યો હતો, જે ભારતે બે વર્ષ અગાઉ આપેલા વચનનું પાલન હતું.

દક્ષીણ એશિયા સેટેલાઈટ દ્વારા દક્ષીણ એશિયાના દેશોએ તેમના સહકારને અવકાશ સુધી પણ લંબાવી દીધો છે!

ઈતિહાસ રચાતો જોવા ભારત, અફઘાનિસ્તાન, બાંગ્લાદેશ, ભૂતાન, માલદિવ્સ, નેપાળ અને શ્રીલંકાના નેતાઓએ વિડીયો કોન્ફરન્સીંગ દ્વારા એક કાર્યક્રમમાં ભાગ લીધો હતો.

આ કાર્યક્રમ દરમિયાન બોલતા વડાપ્રધાન શ્રી નરેન્દ્ર મોદીએ સાઉથ એશિયા સેટેલાઈટની ક્ષમતા તે કેવીરીતે હાંસલ કરી શકશે તેનું સંપૂર્ણ ચિત્ર રજુ કર્યું હતું.

તેમણે જણાવ્યું કે સેટેલાઈટ બહેતર શાસન, અસરકારક સંચાર, બહેતર બેન્કિંગ અને છેવાડાના વિસ્તારોમાં શિક્ષણ, સચોટ હવામાનની આગાહી અને લોકોને ટેલી-મેડીસીન સાથે જોડીને બહેતર સારવારની ખાતરી કરશે.

શ્રી મોદીએ યોગ્યરીતે જ સ્પષ્ટ કર્યું હતું કે, “જ્યારે આપણે હાથ મેળવીને પરસ્પર જ્ઞાનના, ટેક્નોલોજીના અને વિકાસના ફળ વહેંચીએ છીએ ત્યારે આપણે આપણા વિકાસ અને સમૃધ્ધિને ગતી આપીએ છીએ.