"Children with Haemophilia meet Shri Narendra Modi"
"Shri Modi blesses the children, prays for their healthy life"
મુખ્યમંત્રીશ્રી નરેન્દ્રભાઇ મોદીની આજે આનુવંશિક રોગ હિમોફિલીયાગ્રસ્ત ર૦૦ જેટલા બાળકોએ તેમના માતાપિતા સાથે મૂલાકાત લીધી હતી તથા નિરામયતંદુરસ્ત જીવનના આશીર્વાદશુભેચ્છા મેળવ્યા હતા. રાજ્ય સરકારે હિમોફિલીયાના આ રોગ સામે જનજાગૃતિ તથા સારવાર સુશ્રુષા માટે લીધેલી આરોગ્યલક્ષી કાળજી અને પગલાંઓ અંગે આ બાળકોના વાલીઓએ મુખ્યમંત્રીશ્રીનો આભાર વ્યકત કર્યો હતો.
ગુજરાત હિમોફિલીયા શિક્ષણ અને માહિતી સેવા ટ્રસ્ટના ઉપક્રમે ધંધુકાના ધારાસભ્યશ્રી લાલજીભાઇ મેર અને યુવા અગ્રણી શ્રી પ્રવિણસિંહના નેતૃત્વમાં આ બાળકો તથા તેમના પરિવારજનો આજે વિધાનસભાની કાર્યવાહી નિહાળવા આવ્યા હતા તથા મુખ્યમંત્રીશ્રીની મૂલાકાત લઇ તેમની શુભેચ્છાઓ પ્રાપ્ત કરી હતી.
