પ્રધાનમંત્રી શ્રી નરેન્દ્ર મોદીની અધ્યક્ષતામાં કેન્દ્રીય મંત્રીમંડળે આજે લાલ બહાદુર શાસ્ત્રી આંતરરાષ્ટ્રીય એરપોર્ટ, વારાણસીનાં વિકાસ માટે એરપોર્ટ ઓથોરિટી ઓફ ઇન્ડિયા (એએઆઈ)ની દરખાસ્તને મંજૂરી આપી હતી, જેમાં નવા ટર્મિનલ બિલ્ડિંગનું નિર્માણ, એપ્રોન એક્સ્ટેન્શન, રનવે એક્સ્ટેન્શન, સમાંતર ટેક્સી ટ્રેક અને આનુષંગિક કાર્યો સામેલ છે.
એરપોર્ટની પેસેન્જર હેન્ડલિંગ ક્ષમતા વર્તમાન 3.9 એમપીપીએથી વધારીને વાર્ષિક 9.9 મિલિયન પેસેન્જર્સ (એમપીપીએ) કરવા માટે અંદાજિત નાણાકીય ખર્ચ રૂ. 2869.65 કરોડ થશે. 75,000 ચોરસ મીટરના વિસ્તારને આવરી લેતી ન્યૂ ટર્મિનલ બિલ્ડિંગની રચના 6 એમપીપીએની ક્ષમતા અને 5000 પીક અવર પેસેન્જર્સ (પીએચપી)ની ક્ષમતા માટે કરવામાં આવી છે. તે શહેરના વિશાળ સાંસ્કૃતિક વારસાની ઝલક આપવા માટે રચાયેલ છે.
દરખાસ્તમાં રનવેને 4075 એમ એક્સ 45 મીટરના પરિમાણો સુધી વિસ્તૃત કરવા અને 20 વિમાન પાર્ક કરવા માટે નવા એપ્રોન બનાવવાનો સમાવેશ થાય છે. વારાણસી એરપોર્ટને ગ્રીન એરપોર્ટ તરીકે વિકસાવવામાં આવશે, જેનો મુખ્ય ઉદ્દેશ ઊર્જા ઓપ્ટિમાઇઝેશન, વેસ્ટ રિસાયક્લિંગ, કાર્બન ફૂટપ્રિન્ટમાં ઘટાડો, સૌર ઊર્જાનો ઉપયોગ અને આયોજન, વિકાસ અને કામગીરીનાં તમામ તબક્કાઓ દરમિયાન અન્ય સ્થાયી પગલાંની સાથે-સાથે કુદરતી ડેલાઇટિંગને સામેલ કરીને પર્યાવરણને સંતુલિત કરવાની ખાતરી આપવાનો છે.
हमारी सरकार देशभर में कनेक्टिविटी के विस्तार के लिए प्रतिबद्ध है। इसी दिशा में हमने वाराणसी के अंतर्राष्ट्रीय हवाई अड्डे के विकास को मंजूरी दी है। इससे यहां के लोगों का जीवन आसान होगा, साथ ही काशी आने वाले तीर्थयात्रियों को भी बहुत सुविधा होगी।https://t.co/kDi0RUCLok
— Narendra Modi (@narendramodi) June 19, 2024
