મુખ્યમંત્રીશ્રી નરેન્દ્રભાઇ મોદીને આજે ભાવનગરના ધારાસભ્ય શ્રીમતી વિભાવરીબેન દવેના નેતૃત્વમાં સમગ્ર દેશમાં એકમાત્ર ભાવનગર રેલ્વે સ્ટેશનમાં સેવારત મહિલા કુલીઓનું પ્રતિનિધિમંડળ મળ્યું હતું અને રાજ્ય સરકારે મહિલા સશકિતકરણ માટે લીધેલા પગલા અને સ્થાનિક સ્વરાજની સંસ્થાઓમાં પ૦ ટકા મહિલા પ્રતિનિધિત્વના વિધેયક પસાર કરવા માટેની પહેલ બદલ હાર્દિક શુભેચ્છા આપી હતી.
સમગ્ર ભારતમાં એકમાત્ર ભાવનગર રેલ્વે સ્ટેશન ઉપર જ મહિલા કુલીઓ અધિકૃત સેવાઓ આપે છે અને વર્ષોથી પરંપરાગત ધોરણે નારીશકિત કુલી તરીકે પ્રસંશનીય ફરજો નિભાવે છે, વિધાનસભાની કાર્યવાહી નિહાળવા માટે આતુર આ અનોખી સેવાવ્રતી મહિલાઓને મુખ્યમંત્રીશ્રીએ અભિનંદન આપ્યા હતા.
