বিশিষ্ট মন্ত্ৰীসকল, জেষ্ঠ বিষয়াসকল, স্বাস্থ্য বৃত্তিধাৰীসকল, আৰু সমগ্ৰ বিশ্বৰ মোৰ বন্ধুসকল,
নমস্কাৰ!
মই আনন্দিত যে বিভিন্ন দেশৰ পৰা ইমান বেছি সংখ্যক বিশেষজ্ঞ ক’ৱিন গ্ল’বেল সন্মিলনত আমাক যোগ দিছে৷ আৰম্ভণিতে, মই মহামাৰীত সকলোবোৰ দেশতে প্ৰাণ হেৰুৱা লোকসকললৈ মই মোৰ আন্তৰিক সমবেদনা জ্ঞাপন কৰিছো৷ এই মহামাৰীৰ সমান্তৰাল যোৱা এশ বছৰত একো নাই৷ অভিজ্ঞতাই দেখুৱাই দিলে যে কোনো ৰাষ্ট্ৰ, লাগিলে যিমানে শক্তিশালী দেশ নহওঁক, এই প্ৰত্যাহ্বানটো আইচ’লেচনত থাকিহে সমাধা কৰিব পাৰে৷ ক’ভিড-১৯ মহামাৰীৰ পৰা লাভ কৰা ডাঙৰ শিক্ষাটো হ’ল যে মানৱতাৰ আৰু মানুহৰ কাৰণে, আমি একোলগে কাম কৰিছো আৰু একেলগে আগবাঢ়িছো৷ আমি ইখনে দেশে সিখনৰ পৰা শিকিছো আৰু ইখনে সিখনক উত্তম অনুশীলনৰ বিষয়ে সহায়-সহযোগিতা আগবঢ়াইছো৷ মহামাৰীৰ একেবাৰে আৰম্ভণিৰ পৰা, ভাৰতে নিজৰ অভিজ্ঞতাসমূহৰ, নৈপুণ্য আৰু সম্পদসমূহৰ বিষয়ে এই যুদ্ধৰ বিষয়ে বিশ্ব সম্প্ৰদায়ক প্ৰকাশ কৰাত প্ৰতিশ্ৰুতিবদ্ধ আছিল৷ আমাৰ সকলো বাধ্য-বাধকতা স্বত্ত্বেও, বিশ্বৰ সৈতে আমি যিমান পাৰো সিমান প্ৰকাশ কৰিবলৈ যত্ন কৰিছিলো৷ আৰু, আমি বিশ্ব সম্প্ৰদায়ৰ অনুশীলনসমূহৰ পৰা শিকিবলৈ আগ্ৰহেৰে ৰৈ আছিলো৷
বন্ধুসকল,
ক’ভিড-১৯ ৰ বিৰূদ্ধে আমাৰ যুঁজখনত প্ৰযুক্তি এক অবিচ্ছেদ্দ্য অংগ আছিল৷ সৌভাগ্যক্ৰমে, চফ্টৱেৰ এক ক্ষেত্ৰ যত সম্পদৰ কোনো ব্ধ্য-বাধকতা নাই৷ সেয়েহে আমি আমাৰ ক’ভিড অনুসৰণ আৰু অনুসৰণৰ এপ অপেন চোৰ্চ কৰিছিলো যেতিয়াই ই প্ৰযুক্তিগতভাৱে সম্ভৱপৰ হৈছিল৷ প্ৰায় ২০০ মিলিয়ন ব্যৱহাৰকাৰী সৈতে, ডেভেলপাৰ সকলৰ বাবে এই 'Aarogya Setu' এপ এক সহজেই উপলব্ধ পেকেজ আছিল৷ ভাৰতত ব্যৱহৃত হিচাপে, আপুনি নিশ্চিত থাকিব পাৰে যে এইটো বাস্তৱিক পৃথিৱীত ক্ষিপ্ৰতা আৰু বিস্তাৰৰ বাবে পৰীক্ষা কৰা হৈছে৷
বন্ধুসকল,
মহামাৰীৰ পৰা সফলতাৰে ওলাই আহিবলৈ টিকাকৰণ মানৱতাৰ বাবে শ্ৰেষ্ঠ আশা৷ আৰু একেবাৰে আৰম্ভণিৰে পৰা, আমি ভাৰতত আমাৰ টিকাকৰণ কৌশল পৰিকল্পনা কৰোতে এক সম্পূৰ্ণ ডিজিটেল প্ৰক্ৰিয়াৰে পদক্ষেপ গ্ৰহণ কৰিবলৈ সিদ্ধান্ত গ্ৰহণ কৰিছিলো৷ আজিৰ বিশ্বায়নৰ পৃথিৱীত, যদি মহামাৰীৰ পৰবৰ্তী পৃথিৱীখন স্বাভাৱিক অৱস্থালৈ ঘুৰি আহিবলগীয়া হয়, তেনে এক ডিজিটেল পদক্ষেপৰ প্ৰয়োজন৷ সামগ্ৰিকভাৱে, মানুহহে নিশ্চিতভাৱে প্ৰমাণ কৰিব পাৰিব লাগিব যে তেওঁলোকে টিকা গ্ৰহণ কৰিছে৷ তেনে প্ৰমাণ নিশ্চিতভাৱে সুৰক্ষিত, নিৰাপদ আৰু বিশ্বাসযোগ্য হ’ব লাগিব৷ লোকসকলৰ নিশ্চিতভাৱে এক ৰেকৰ্ডো থাকিব লাগিব যে কেতিয়া আৰু ক’ত কাৰ দ্বাৰা তেওঁলোকক টিকা প্ৰদান কৰা হৈছে৷ টিকাৰ প্ৰতিটো পালি কিমান মূল্যৱান তাৰ প্ৰতি লক্ষ্য ৰাখি, প্ৰতিটো পালি অনুসৰণ কৰা হয় আৰু নূন্যতম অপচয় নিশ্চিত কৰিবলৈ চৰকাৰসমূহ উদ্বিগ্ন৷ এণ্ড টু এণ্ড ডিজিটেল পদক্ষেপ অবিহনে এইসকলোবোৰ সম্ভৱপৰ নহ’ৱহেতেন৷
বন্ধুসকল,
ভাৰতীয় সভ্যতাই সমগ্ৰ বিশ্বকে এটা পৰিয়াল হিচাপে বিবেচনা কৰে৷ এই মহামাৰীয়ে বহু লোকক এই দৰ্শনৰ বুনিয়াদী সত্য অনুভৱ কৰাইছে৷ এই কাৰণেই, আমাৰ প্ৰযুক্তি প্লেটফ’ৰ্ম ক’ভিড টিকাকৰণ- প্লেটফ’ৰ্ম যাক আমি CoWin বুলি কওঁ- অপেন চোৰ্চ হিচাপে গঢ়িবলৈ তৈয়াৰ কৰি থকা হৈছে৷ শীঘ্ৰ, এইটো যিকোনো আৰু সকলো দেশতে উপলব্ধ হ’ব৷ এই প্লেটফ’ৰ্ম আপোনালোক সকলোৰে আগত অৱগত কৰিবলৈ আজিৰ সন্মিলন প্ৰথম খোজ৷ এইটোই প্লেটফ’ৰ্ম যাৰ জড়িয়তে ভাৰতে ৩৫০ মিলিয়ন ক’ভিড ভেকচিনৰ টিকা প্ৰদান কৰিছে৷ কিছুদিন আগতে, আমি দিনতে প্ৰায় ৯ মিলিয়ন লোকক টিকা প্ৰদান কৰিছো৷
তেওঁলোকে কোনো প্ৰমাণ দিবলৈ টুকুৰা-টুকুৰি কাগজ লৈ ফুৰাৰ প্ৰয়োজন নাই৷ এইসকলোবোৰ ডিজিটেল ৰূপত উপলব্ধ৷ কিন্তু সকলোতকৈ উত্তম কথটো হ’ল, চ’ফ্টৱেৰটো যিকোনো দেশৰে তেওঁলোকৰ স্থানীয় প্ৰয়োজনৰ হিচাপত সালসলনি কৰিব পাৰি৷ আপুনি আজিৰ সন্মিলনত অধিক প্ৰযুক্তিগত বিৱৰণৰ বিষয়ে আৰু অধিক গম পাব৷ মই নিশ্চিত আপনি আৰম্ভ কৰিবলৈ আগ্ৰহী৷ আৰু, মই আপোনালোকক অপেক্ষা কৰাব নিবিচাৰো৷ গতিকে, মই আজিৰ অতিকৈ গুৰুত্বপূৰ্ণ ফলপ্ৰসূৰ আলোচনাটোৰ বাবে আপোনালোকক শুভেচ্ছা জ্ঞাপন কৰি সামৰিছো৷ 'এক পৃথিৱী, এক স্বাস্থ্য' দৃষ্টিভংগীৰ দ্বাৰা আগুৱাই, মানৱজাতিয়ে নিশ্চয়কৈ এই মহামাৰী অতিক্ৰম কৰিব৷
ধন্যবাদ৷
বহুত বহুত ধন্যবাদ৷
