প্ৰধানমন্ত্ৰী নৰেন্দ্ৰ মোদীয়ে ১২ ছেপ্তেম্বৰত ঝাৰখণ্ডৰ ৰাঁচীত মুকলি কৰিব কিষাণ মান ধন যোজনা৷
আঁচনিখনে ৫কোটি ক্ষুদ্ৰ আৰু উপান্ত কৃষকৰ জীৱন সুৰক্ষিত কৰিব৷ তেওঁলোকে এই আঁচনিৰ অধীনত ৬০বছৰ বয়সৰ পাছত মাহিলী ৩,০০০টকাকৈ লাভ কৰিব৷
পৰৱৰ্তী তিনি বছৰৰ বাবে আঁচনিখনৰ ব্যয় ১০,৭৭৪কোটি টকা ধাৰ্য কৰা হৈছে৷
১৮ৰ পৰা ৪০বছৰ বয়সৰ সকলো ক্ষুদ্ৰ আৰু উপান্ত কৃষকে আঁচনিখনৰ বাবে আবেদন কৰিব পাৰে৷
প্ৰধানমন্ত্ৰী নৰেন্দ্ৰ মোদীয়ে লগতে ৪০০খন একলব্য মডেল আবাসিক স্কুলো উদ্বোধন কৰিব৷ এই স্কুলসমূহে জনজাতি অধ্যুষিত অঞ্চলত উন্নত মানৰ উচ্চ প্ৰাথমিক, ছেকেণ্ডাৰী আৰু ছিনিয়ৰ ছেকেণ্ডাৰী পৰ্যায়ৰ শিক্ষা আগবঢ়াব৷
প্ৰধানমন্ত্ৰী নৰেন্দ্ৰ মোদীয়ে ঝাৰখণ্ড বিধানসভাৰ নতুন ভৱন মুকলি কৰাৰ লগতে ৰাঁচীত সচিবালয়ৰ নতুন ভৱনৰ আধাৰশিলা স্থাপন কৰিব৷
ভ্ৰমণকালত তেওঁ ছাহেবগঞ্জত মাল্টি-মডেল টাৰ্মিনেলো মুকলি কৰিব৷
