আজি প্ৰধানমন্ত্ৰী শ্ৰী নৰেন্দ্ৰ মোদীয়ে ডেনমাৰ্কৰ প্ৰধানমন্ত্ৰী মহামহিম শ্ৰীমতী মেটে ফ্ৰেডৰিকচনৰ সৈতে টেলিফোনিক বাৰ্তালাপ কৰে।
নেতাদ্বয়ে বাণিজ্য, বিনিয়োগ, উদ্ভাৱন, শক্তি, জল ব্যৱস্থাপনা, খাদ্য সংসাধন আৰু বহনক্ষম উন্নয়ন আদি ক্ষেত্ৰত ভাৰত-ডেনমাৰ্ক সেউজ কৌশলগত অংশীদাৰিত্বক সুদৃঢ়কৰণৰ অংগীকাৰৰ কথা দোহাৰে।
প্ৰধানমন্ত্ৰী মোদীয়ে অব্যাহত ডেনমাৰ্কৰ ইউৰোপিয়ান ইউনিয়নৰ পৰিষদৰ অধ্যক্ষতা আৰু ৰাষ্ট্ৰসংঘৰ নিৰাপত্তা পৰিষদৰ অস্থায়ী সদস্যপদৰ সফলতাৰ বাবে শুভেচ্ছা জ্ঞাপন কৰে।
নেতা দুজনে আঞ্চলিক আৰু বিশ্বজনীন গুৰুত্বপূৰ্ণ বিষয়সমূহতো আলোচনা কৰে। প্ৰধানমন্ত্ৰীয়ে ইউক্ৰেইনৰ সংঘাতৰ শান্তিপূৰ্ণ সমাধান আৰু শান্তি তথা সুস্থিৰতাৰ অগ্ৰিম পুনৰুদ্ধাৰৰ বাবে ভাৰতৰ ধাৰাবাহিক সমৰ্থনৰ কথা দোহাৰে।
প্ৰধানমন্ত্ৰী ফ্ৰেডৰিকচনে পাৰস্পৰিকভাৱে উপযোগী ভাৰত-ইইউ মুক্ত বাণিজ্য চুক্তিৰ অগ্ৰিম পৰিসমাপ্তি আৰু ২০২৬-ত ভাৰতে আয়োজন কৰিবলগীয়া এআই ইম্পেক্ট ছামিটৰ সফলতাৰ বাবে ডেনমাৰ্কৰ দৃঢ় সমৰ্থনৰ কথা পুনৰবাৰ প্ৰকাশ কৰে।
Had a very good conversation with Prime Minister Mette Frederiksen of Denmark today. We reaffirmed our strong commitment to strengthening our Green Strategic Partnership and to an early conclusion of the India-EU Free Trade Agreement. Conveyed best wishes for Denmark’s Presidency…
— Narendra Modi (@narendramodi) September 16, 2025
