প্ৰধানমন্ত্ৰী শ্ৰী নৰেন্দ্ৰ মোদীয়ে ২০২৩ চনৰ ১০ ছেপ্টেম্বৰত নতুন দিল্লীত জি-২০ সন্মিলনৰ সময়ত নেডাৰলেণ্ডৰ প্ৰধানমন্ত্ৰী শ্ৰীযুত মাৰ্ক ৰুটৰ সৈতে এক দ্বিপাক্ষিক বৈঠকত মিলিত হয়।
প্ৰধানমন্ত্ৰী ৰুটে ভাৰতৰ জি-২০ অধ্যক্ষতা আৰু সন্মিলনৰ সফলতাৰ বাবে প্ৰধানমন্ত্ৰীক অভিনন্দন জনায়। তেওঁ চন্দ্ৰযান অভিযানৰ সফলতাৰ বাবে ভাৰতক অভিনন্দন জনায় আৰু আদিত্য অভিযানৰ বাবেও শুভেচ্ছা জ্ঞাপন কৰে।
দুয়োগৰাকী নেতাই বাণিজ্য আৰু বিনিয়োগ, প্ৰতিৰক্ষা আৰু নিৰাপত্তা, বিশুদ্ধ শক্তি আৰু সেউজ হাইড্ৰজেন, ছেমিকণ্ডাক্টৰ, চাইবাৰ আৰু ডিজিটেল প্ৰযুক্তিৰ ক্ষেত্ৰত সহযোগিতাকে ধৰি তেওঁলোকৰ দ্বিপাক্ষিক অংশীদাৰিত্ব গভীৰ কৰাৰ উপায়ৰ বিষয়ে আলোচনা কৰে।
আলোচনাত পাৰস্পৰিক স্বাৰ্থৰ আঞ্চলিক আৰু গোলকীয় বিষয়সমূহো সামৰি লোৱা হয়।
Excellent meeting with @MinPres Mark Rutte. We talked about ways to enhance friendship between our nations. The scope of cooperation for our businesses is immense. We also look forward to strong ties in clean energy, semiconductors, digital technology and more. pic.twitter.com/KorTmjTKA1
— Narendra Modi (@narendramodi) September 10, 2023
