প্ৰধানমন্ত্ৰী শ্ৰী নৰেন্দ্ৰ মোদীয়ে জি-৭ সন্মিলনৰ সমান্তৰালভাৱে হিৰোছিমাত ২১ মে’, ২০২৩ত ব্ৰাজিলৰ ৰাষ্ট্ৰপতি শ্ৰীযুত লুইজ ইনাচিঅ’ লুলা দা ছিলভাৰ সৈতে বৈঠকত মিলিত হয়৷
দুয়োগৰাকী নেতাৰ মাজত এইখন প্ৰথম বৈঠক৷ নেতা দুগৰাকীয়ে উল্লেখ কৰে যে এই বছৰটো দেশ দুখনৰ মাজৰ কূটনৈতিক সম্পৰ্কৰ ৭৫সংখ্যক বৰ্ষপূৰ্তি৷ তেওঁলোকে কৌশলগত অংশীদাৰিত্বৰ পৰ্যালোচনা কৰাৰ লগতে সেইবোৰ, বিশেষকৈ প্ৰতিৰক্ষা উৎপাদন, বাণিজ্য, ঔষধ-পাতি, কৃষি, দুগ্ধপাম আৰু পশু-পালন আৰু জৈৱ ইন্ধন তথা স্বচ্ছ শক্তি খণ্ডৰ অংশীদাৰিত্বক আৰু অধিক গভীৰ কৰি তোলাৰ উপায়সমূহো আলোচনা কৰে৷ দুয়োগৰাকী নেতাই দুয়োখন দেশৰ ব্যৱসায়িক মুৰব্বীসকলৰ মাজত এখন উচ্চ পৰ্যায়ৰ বৈঠক আয়োজন কৰাৰ ক্ষেত্ৰত গুৰুত্ব আৰোপ কৰে৷
নেতা দুগৰাকীয়ে আঞ্চলিক উন্নয়নৰ দিশত মত বিনিময় কৰে৷ তেওঁলোকে বহুপাক্ষিক মঞ্চৰ সহযোগিতা অব্যাহত ৰখা আৰু বহুপাক্ষিক প্ৰতিষ্ঠানৰ দীৰ্ঘদিনীয়া সংস্কাৰৰ প্ৰয়োজনীয়তাত গুৰুত্ব আৰোপ কৰে৷
প্ৰধানমন্ত্ৰীয়ে চলিত বৰ্ষৰ ছেপ্টেম্বৰ মাহত অনুষ্ঠিত হ’বলগীয়া জি-২০ সন্মিলনত ৰাষ্ট্ৰপতি লুলাক ভাৰতলৈ আদৰণি জনোৱাৰ বাবে আগ্ৰহী বুলি উল্লেখ কৰে৷
The talks with President @LulaOficial were productive and wide ranging. India and Brazil will keep working together to deepen trade ties. We also discussed diversifying cooperation in sectors like agriculture, defence and more. pic.twitter.com/xEwAdN1lzx
— Narendra Modi (@narendramodi) May 21, 2023
As conversas com o presidente @LulaOficial foram produtivas e amplas. A Índia e o Brasil continuarão trabalhando juntos para aprofundar os laços comerciais. Também discutimos a diversificação da cooperação em setores como agricultura, defesa e mais. pic.twitter.com/s6ZQqcH9wD
— Narendra Modi (@narendramodi) May 21, 2023
