প্ৰধানমন্ত্ৰী শ্ৰী নৰেন্দ্ৰ মোদীয়ে ৫ অক্টোবৰত মহাৰাষ্ট্ৰ ভ্ৰমণ কৰিব। তেওঁ ৱাছিমলৈ যাত্ৰা কৰিব আৰু প্ৰায় ১১:১৫ বজাত পহাৰাদেৱীৰ জগদম্বা মাতা মন্দিৰ দৰ্শন কৰিব। ৱাছিমৰ সন্ত সেৱালাল মহাৰাজ আৰু সন্ত ৰামৰাও মহাৰাজৰ সমাধিস্থলত তেওঁ শ্ৰদ্ধাঞ্জলি জ্ঞাপন কৰিব। ইয়াৰ পিছত প্ৰায় ১১:৩০ বজাত প্ৰধানমন্ত্ৰীয়ে বঞ্জাৰা জনগোষ্ঠীৰ চহকী ঐতিহ্যক উদযাপন কৰি বঞ্জাৰা ঐতিহ্য সংগ্ৰহালয় উদ্বোধন কৰিব। দুপৰীয়া প্ৰায় ১২ বজাত তেওঁ প্ৰায় ২৩,৩০০ কোটি টকাৰ কৃষি আৰু পশুপালন খণ্ডৰ সৈতে জড়িত কেইবাটাও পদক্ষেপ আৰম্ভ কৰিব। বিয়লি প্ৰায় ৪ বজাত প্ৰধানমন্ত্ৰীয়ে থানেত ৩২,৮০০ কোটিৰো অধিক মূল্যৰ বিভিন্ন উন্নয়নমূলক প্ৰকল্পৰ উদ্বোধন আৰু আধাৰশিলা স্থাপন কৰিব। ইয়াৰ পিছত সন্ধিয়া প্ৰায় ৬ বজাত বিকেচি মেট্ৰ’ ষ্টেচনৰ পৰা বিকেচিৰ আআৰু মুম্বাইৰ আৰে জেভিএলআৰলৈ চলিবলগীয়া মেট্ৰ’ ৰে’লৰ ফ্লেগ অফ কৰিব। বিকেচি আৰু চাণ্টাক্ৰুজ ষ্টেচনৰ মাজত মেট্ৰ’ত যাত্ৰাও গ্ৰহণ কৰিব।
ৱাছিমত প্ৰধানমন্ত্ৰী
কৃষকক সবলীকৰণৰ প্ৰতি থকা দায়বদ্ধতাৰ সৈতে সংগতি ৰাখি প্ৰধানমন্ত্ৰীয়ে প্ৰায় ৯.৪ কোটি কৃষকক প্ৰায় ২০ হাজাৰ কোটি টকাৰ প্ৰধানমন্ত্ৰী-কিষাণ সন্মান নিধিৰ অষ্টম কিস্তি প্ৰদান কৰিব। অষ্টাদশ কিস্তিৰ মুক্তিৰ লগে লগে পিএম-কিষাণৰ অধীনত কৃষকসকলক মুকলি কৰা মুঠ পুঁজি প্ৰায় ৩.৪৫ লাখ কোটি টকা হ’ব। তদুপৰি, প্ৰধানমন্ত্ৰীয়ে প্ৰায় ২০০০ কোটি টকা প্ৰদান কৰি নমো শেটকাৰী মহাসনমান নিধি যোজনাৰ পঞ্চম কিস্তিও আৰম্ভ কৰিব।
প্ৰধানমন্ত্ৰীয়ে কৃষি আন্তঃগাঁথনি পুঁজিৰ অধীনত ৭৫০০ৰো অধিক প্ৰকল্প দেশৰ বাবে উৎসৰ্গা কৰিব, যাৰ মূল্য ১,৯২০ কোটিৰো অধিক। প্ৰধান প্ৰকল্পসমূহৰ ভিতৰত আছে কাষ্টম হায়াৰিং চেণ্টাৰ, প্ৰাথমিক প্ৰচেছিং ইউনিট, গুদাম, ছৰ্টিং আৰু গ্ৰেডিং ইউনিট, শীতল সংৰক্ষণ প্ৰকল্প, চপোৱাৰ পিছৰ ব্যৱস্থাপনা প্ৰকল্প আদি।
তদুপৰি, প্ৰধানমন্ত্ৰীয়ে দেশৰ বাবে উচৰ্গা কৰিব ৯,২০০ কৃষক উৎপাদক সংস্থা (এফপিঅ’) যাৰ মুঠ ব্যৱসায় প্ৰায় ১,৩০০ কোটি টকা হ’ব।
তদুপৰি, প্ৰধানমন্ত্ৰীয়ে গৰু আৰু থলুৱা লিংগ বিভাজিত বীৰ্য প্ৰযুক্তিৰ বাবে ইউনিফাইড জিন’মিক চিপ মুকলি কৰিব। এই পদক্ষেপৰ লক্ষ্য হৈছে কৃষকৰ বাবে সুলভ মূল্যত লিংগ বিভাজিত কৰা বীৰ্যৰ পৰ্যাপ্ততা বৃদ্ধি কৰা আৰু প্ৰতি ড’জত প্ৰায় ২০০ টকা খৰচ হ্ৰাস কৰা। জিন’টাইপিং সেৱাৰ লগতে ইউনিফাইড জিন’মিক চিপ, থলুৱা গৰু-ম’হৰ বাবে GAUCHIP আৰু ম’হৰ বাবে MAHISHCHIP প্ৰস্তুত কৰা হৈছে। জিন’মিক নিৰ্বাচন ৰূপায়ণৰ লগে লগে কম বয়সতে পোৱালি উচ্চমানৰ ম’হ চিনাক্ত কৰিব পৰা যায়।
তদুপৰি, প্ৰধানমন্ত্ৰীয়ে মুখ্যমন্ত্ৰী সৌৰ ক্ৰুছি বাহিনী যোজনা–২.০ৰ অধীনত সমগ্ৰ মহাৰাষ্ট্ৰত মুঠ ১৯ মেগাৱাট ক্ষমতাৰ পাঁচখন সৌৰ উদ্যান উচৰ্গা কৰিব। এই কাৰ্যসূচীৰ সময়ত তেওঁ মুখ্যমন্ত্ৰী মাজি লড়কী বহীন যোজনাৰ হিতাধিকাৰীসকলকো সম্বৰ্ধনা জনাব।
থানেত প্ৰধানমন্ত্ৰী
থানে অঞ্চলটোত নগৰীয়া গতিশীলতা বৃদ্ধিৰ বাবে এক বৃহৎ উদগনি হিচাপে প্ৰধানমন্ত্ৰীয়ে মূল মেট্ৰ’ আৰু পথ প্ৰকল্প উদ্বোধন কৰাৰ লগতে আধাৰশিলা স্থাপন কৰিব। প্ৰায় ১৪,১২০ কোটি টকাৰ মুম্বাই মেট্ৰ’ লাইন-৩ৰ বিকেচিৰ পৰা আৰে জেভিএলআৰ অংশ উদ্বোধন কৰিব প্ৰধানমন্ত্ৰীয়ে। এই অংশত ১০টা ষ্টেচন থাকিব, ইয়াৰে ৯টা ভূগৰ্ভত হ’ব। মুম্বাই মেট্ৰ' লাইন-৩ হৈছে এক মূল ৰাজহুৱা পৰিবহণ প্ৰকল্প যিয়ে মুম্বাই চহৰ আৰু উপকণ্ঠ অঞ্চলৰ মাজত যাতায়তৰ উন্নতি সাধন কৰিব। সম্পূৰ্ণ কাৰ্যক্ষম লাইন-৩-এ দৈনিক প্ৰায় ১২ লাখ যাত্ৰীক যোগান ধৰাৰ সম্ভাৱনা আছে।
প্রধানমন্ত্রীয়ে প্রায় ১২,২০০ কোটি টকা ব্যয় সাপেক্ষে নির্মাণ হ’বলগীয়া থানে অখণ্ড আঙঠি মেট্ৰ’ ৰে’ল প্রকল্পৰ আধাৰশিলা স্থাপন কৰিব৷ ২০টা উচ্চ আৰু ২টা ভূগৰ্ভস্থ ষ্টেচনৰ সৈতে প্ৰকল্পটোৰ মুঠ দৈৰ্ঘ্য ২৯ কিলোমিটাৰ। এই অভিলাষী আন্তঃগাঁথনি প্ৰকল্পটো মহাৰাষ্ট্ৰৰ এটা প্ৰধান ঔদ্যোগিক আৰু বাণিজ্যিক কেন্দ্ৰ থানেৰ ক্ৰমৱৰ্ধমান পৰিবহণৰ প্ৰয়োজনীয়তা পূৰণৰ বাবে এক মূল পদক্ষেপ।
তদুপৰি, প্ৰধানমন্ত্ৰীয়ে প্ৰায় ৩,৩১০ কোটি টকাৰ ছেডা নগৰৰ পৰা আনন্দ নগৰ, থানেলৈ এলিভেটেড ইষ্টাৰ্ণ ফ্ৰীৱে সম্প্ৰসাৰণৰ আধাৰশিলা স্থাপন কৰিব। এই প্ৰকল্পই দক্ষিণ মুম্বাইৰ পৰা থানেলৈ নিৰৱচ্ছিন্ন সংযোগ প্ৰদান কৰিব।
তদুপিৰি, প্ৰধানমন্ত্ৰীয়ে প্ৰায় ২,৫৫০ কোটি টকাৰ নৱী মুম্বাই বিমানবন্দৰ প্ৰভাৱ অধিসূচিত এলেকা (NAINA) প্ৰকল্পৰ প্ৰথম পৰ্যায়ৰ আধাৰশিলা স্থাপন কৰিব। এই প্ৰকল্পত প্ৰধান ধমনী পথ, দলং, উৰণ সেতু, আণ্ডাৰপাছ আৰু সংহত উপযোগী আন্তঃগাঁথনি নিৰ্মাণ কৰা হৈছে।
প্রধানমন্ত্রীয়ে প্রায় ৭০০ কোটি টকা ব্যয় সাপেক্ষে নির্মাণ হ’বলগীয়া থানে পৌৰ নিগমৰ আধাৰশিলাও স্থাপন কৰিব৷ থানে পৌৰ নিগমৰ উচ্চ প্ৰশাসনিক ভৱনটোৱে কেন্দ্ৰীয়ভাৱে অৱস্থিত এটা ভৱনত বেছিভাগ পৌৰসভাৰ কাৰ্যালয় স্থাপন কৰি থানেৰ নাগৰিকসকলক সুবিধা প্ৰদান কৰিব।
