প্ৰধানমন্ত্ৰী শ্ৰী নৰেন্দ্ৰ মোদীয়ে জৰ্দানৰ মহামহিম ৰজা দ্বিতীয় আব্দুল্লাৰ সৈতে এক টেলিফোনিক বাৰ্তালাপত মিলিত হয়। এই বাৰ্তালাপত তেওঁলোকে পৰস্পৰে পৰস্পৰৰ মাজত উৎসৱ উপলক্ষে শুভেচ্ছা বিনিময় কৰে আৰু অঞ্চলটোৰ নিৰাপত্তা পৰিস্থিতি সন্দৰ্ভত আলোচনা কৰে।
প্ৰধানমন্ত্ৰীয়ে মহামহিম ৰজা দ্বিতীয় আব্দুল্লাৰ সৈতে কথা পাতি ঈদৰ শুভেচ্ছা জ্ঞাপন কৰে। আলোচনাৰ সময়ত দুয়োগৰাকী নেতাই পশ্চিম এছিয়াৰ পৰিস্থিতিৰ সন্দৰ্ভত উদ্বেগ প্ৰকাশ কৰে আৰু এই অঞ্চলত শান্তি, নিৰাপত্তা আৰু সুস্থিৰতা শীঘ্ৰে প্ৰতিষ্ঠাৰ বাবে আলোচনা আৰু কূটনীতিৰ প্ৰয়োজনীয়তাৰ ওপৰত আলোকপাত কৰে।
প্ৰধানমন্ত্ৰীয়ে কয় যে পশ্চিম এছিয়াৰ শক্তিখণ্ডৰ আন্তঃগাঁথনিৰ ওপৰত হোৱা আক্ৰমণ নিন্দনীয় আৰু ইয়াৰ ফলত পৰিস্থিতিৰ অৱনতি ঘটিব পাৰে। শ্ৰী মোদীয়ে নিশ্চিত কৰে যে ভাৰত আৰু জৰ্দান দুয়োখন দেশেই সামগ্ৰী আৰু শক্তিৰ অবাধ প্ৰবাহৰ প্ৰতি সমৰ্থন কৰে। প্ৰধানমন্ত্ৰীয়ে লগতে অঞ্চলটোত আৱদ্ধ হৈ থকা ভাৰতীয়সকলক সুৰক্ষিতভাৱে ঘূৰাই অনাৰ ক্ষেত্ৰত জৰ্দানৰ প্ৰচেষ্টাৰ প্ৰশংসা কৰে।
প্ৰধানমন্ত্ৰীয়ে এক্সত লিখেঃ
"মই মোৰ ভাতৃ জৰ্দানৰ ৰজা মহামহিম দ্বিতীয় আবদুল্লাহক টেলিফোনযোগে ঈদৰ শুভেচ্ছা জনালোঁ। আমি পশ্চিম এছিয়াৰ পৰিস্থিতিৰ সন্দৰ্ভত উদ্বেগ প্ৰকাশ কৰিছো আৰু এই অঞ্চলত শান্তি, নিৰাপত্তা আৰু সুস্থিৰতা শীঘ্ৰে প্ৰতিষ্ঠাৰ বাবে আলোচনা আৰু কূটনীতিৰ প্ৰয়োজনীয়তাৰ ওপৰত গুৰুত্ব আৰোপ কৰিছো। পশ্চিম এছিয়াৰ শক্তি খণ্ডৰ আন্তঃগাঁথনিৰ ওপৰত হোৱা আক্ৰমণ নিন্দনীয় আৰু ইয়াৰ ফলত পৰিস্থিতিৰ অৱনতি ঘটিব পাৰে। ভাৰত আৰু জৰ্দান দুয়োখন দেশে সামগ্ৰী আৰু শক্তিৰ অবাধ প্ৰবাহৰ সমৰ্থন কৰে।
Conveyed advance Eid wishes to my brother, His Majesty King Abdullah II, the King of Jordan, over phone.
— Narendra Modi (@narendramodi) March 19, 2026
We expressed concern at the evolving situation in West Asia and highlighted the need for dialogue and diplomacy for the early restoration of peace, security and stability in…
تحدثتُ هاتفياً مع أخي، جلالة الملك عبدالله الثاني، ملك الأردن، وتقدمتُ إليه بتهاني عيد الفطر المبارك مسبقاً.
— Narendra Modi (@narendramodi) March 19, 2026
وقد أعربنا عن قلقنا إزاء تطورات الأوضاع في غرب آسيا، وأكدنا على ضرورة اللجوء إلى الحوار والدبلوماسية من أجل استعادة السلام والأمن والاستقرار في المنطقة في أقرب وقت ممكن.…
