“I have also been connected to the country and the world through my YouTube channel. I also have subscribers in decent numbers”
“Together, we can bring transformation in the lives of a vast population in our country”
“Awaken the nation, initiate a movement”
“Subscribe to my channel and hit the Bell Icon to receive all my updates”

মোৰ ইউটিউবাৰ বন্ধুসকল, আজি মই আপোনালোকৰ মাজত এজন সহযোগী ইউটিউবাৰ হিচাপে উপস্থিত থাকিবলৈ পাই অত্যন্ত সুখী হৈছোঁ। ময়ো আপোনালোকৰ দৰেই, বেলেগ নহয়। যোৱা ১৫ বছৰে ময়ো এটা ইউটিউব চেনেলৰ জৰিয়তে দেশ আৰু বিশ্বৰ লগত সংযোগ স্থাপন কৰি আহিছোঁ। মোৰো গৰিষ্ঠ সংখ্যক চাবস্ক্ৰাইবাৰ আছে।

মই জানিব পাৰিছো যে আজি ইয়াত প্ৰায় ৫,০০০ ক্ৰিয়েটৰ, উচ্চাকাংক্ষী ক্ৰিয়েটৰ উপস্থিত আছে। কোনোৱে গেমিংৰ কাম কৰে, কোনোৱে প্ৰযুক্তিৰ ওপৰত শিক্ষা দিয়ে, কোনোৱে ফুড ব্লগিং কৰে, আনহাতে একাংশ ট্ৰেভেল ব্লগাৰ বা লাইফষ্টাইল ইনফ্লুয়েন্সাৰ।

বন্ধুসকল, বছৰ-বছৰ ধৰি মই পৰ্য্যবেক্ষণ কৰি আহিছো যে আপোনালোকৰ বিষয়বস্তুৱে আমাৰ দেশৰ জনসাধাৰণক প্ৰভাৱিত কৰিবলৈ সক্ষম হৈছে। আৰু এই প্ৰভাৱক অধিক ফলপ্ৰসূকৰণৰ সুযোগ আমাৰ হাতত আছে। আমি সকলোৱে মিলি আমাৰ দেশৰ জনসাধাৰণৰ জীৱনৰ পৰিৱৰ্তন সাধন কৰিব পাৰো। আমি একেলগে বহু ব্যক্তিক শক্তিশালী কৰিব পাৰো। একেলগে আমি সহজেই শিকাব পাৰো আৰু কোটি-কোটি লোকক গুৰুত্বপূৰ্ণ বিষয়বোৰ বুজাব পাৰো। আমি তেওঁলোকক আমাৰ লগত সংযোগ কৰিব পাৰো।

বন্ধুসকল, যদিও মোৰ চেনেলত হাজাৰ-হাজাৰ ভিডিঅ’ আছে, তথাপিও মোৰ বাবে আটাইতকৈ সন্তুষ্টিদায়ক হৈছে যেতিয়া মই ইউটিউবৰ জৰিয়তে আমাৰ দেশৰ লাখ-লাখ ছাত্ৰ-ছাত্ৰীৰ সৈতে পৰীক্ষাৰ মানসিক চাপ, আশা, ফলাফল আদি বিষয়ত কথা পাতিছিলো।

দেশৰ ইমান বিশাল সৃষ্টিশীল সমাজৰ মাজত, আপোনালোকৰ সৈতে কেতবোৰ বিষয়ত কথা পাতিবলৈ মন গৈছে। এই বিষয়সমূহ গণ আন্দোলনৰ সৈতে জড়িত, দেশৰ জনসাধাৰণৰ ক্ষমতাই সফলতাৰ আধাৰ।

প্ৰথম বিষয় স্বচ্ছতা - বিগত ৯ বছৰত স্বচ্ছ ভাৰত এক বৃহৎ অভিযানত পৰিণত হ'ল। সকলোৱে ইয়াত অৰিহণা যোগাইছিল, ল’ৰা-ছোৱালীয়ে ইয়াত এক আৱেগিক শক্তিৰ সঞ্চাৰ কৰিছিল। চেলিব্ৰিটিসকলে ইয়াক এক নতুন গতি প্ৰদান কৰে, দেশৰ চুকে-কোণে লোকসকলে ইয়াক মিছনলৈ ৰূপান্তৰিত কৰিলে আৰু আপোনালোকৰ দৰে ইউটিউবাৰসকলে পৰিষ্কাৰ-পৰিচ্ছন্নতাক অধিক সাফল্যমণ্ডিত কৰি তুলিলে।

কিন্তু আমি ৰৈ থাকিব নালাগে। যেতিয়ালৈকে পৰিষ্কাৰ-পৰিচ্ছন্নতা ভাৰতৰ পৰিচয় নহয়, তেতিয়ালৈকে আমি ক্ষান্ত নহ’ম। গতিকে আপোনালোকৰ প্ৰত্যেকেই পৰিষ্কাৰ-পৰিচ্ছন্নতাক অগ্ৰাধিকাৰ প্ৰদান কৰিব লাগিব।

দ্বিতীয় বিষয়টো হ’ল - ডিজিটেল পেমেন্ট। ইউপিআইৰ সফলতাৰ বাবে আজি ভাৰতে বিশ্বৰ ডিজিটেল পেমেন্টত ৪৬ শতাংশ অংশীদাৰিত্ব লাভ কৰিছে। আপোনালোকে দেশৰ অধিক সংখ্যক লোকক ডিজিটেল পেমেন্ট কৰিবলৈ অনুপ্ৰাণিত কৰা উচিত, আপোনালোকৰ ভিডিঅ’ৰ জৰিয়তে সহজ ভাষাত ডিজিটেল পেমেন্ট কৰিবলৈ শিকাব লাগে।

আন এটা বিষয় হৈছে ভকেল ফৰ লোকেল। আমাৰ দেশত ইমানবোৰ সামগ্ৰী স্থানীয় পৰ্য্যায়ত তৈয়াৰ কৰা হয়। আমাৰ স্থানীয় শিল্পীসকলৰ দক্ষতা আচৰিত। আপোনালোকে আপোনালোকৰ কামৰ জৰিয়তেও তেওঁলোকক সহায় কৰিব পাৰে, আৰু ভাৰতৰ স্থানীয় পৰিৱৰ্তনক বিশ্বব্যাপী কৰি তোলাত সহায় কৰিব পাৰে।

আৰু মোৰ আৰু এটা অনুৰোধ আছে। আনকো অনুপ্ৰাণিত কৰক, আন্তৰিক আবেদন জনাওঁক যে আমি সেই সামগ্ৰীহে কিনিম যি সামগ্ৰীত আমাৰ মাটিৰ সুগন্ধি আছে, য’ত আমাৰ দেশৰ কোনো শ্ৰমিক বা শিল্পীৰ ঘাম নিহিত হৈ আছে। খাদীয়েই হওঁক, হস্তশিল্পই হওঁক, হস্ততাঁতেই হওঁক বা আন যিকোনো বস্তুয়েই হওঁক। আপোনালোকে ৰাষ্ট্ৰখনক সজাগ কৰক, এক আন্দোলনৰ সূচনা কৰক।

আৰু আৰু এটা কথা মোৰ ফালৰপৰা পৰামৰ্শ দিব বিচাৰিছো। ইউটিউবাৰ হিচাপে আপোনালোকৰ যি পৰিচয় আছে, তাৰ লগতে আপোনালোকে এটা কাৰ্য্যকলাপ যোগ কৰিব পাৰিবনে? প্ৰতিটো খণ্ডৰ শেষত এটা প্ৰশ্ন লিখা বা কিবা এটা কৰিবলৈ একচন পইন্ট দিয়াৰ কথা চিন্তা কৰিবচোন। মানুহে সেই কাৰ্য্যকলাপটো কৰিব পাৰে আৰু আপোনালোকৰ সৈতে শ্বেয়াৰ কৰিব পাৰে। এইদৰে আপোনালোকৰ জনপ্ৰিয়তাও বাঢ়িব আৰু মানুহে কেৱল শুনাই নহয় কিবা এটা কামত লিপ্তও হ’ব।

আপোনালোক সকলোৰে লগত কথা পাতি সঁচাকৈয়ে ভাল লাগিল। আপোনালোকৰ ভিডিঅ'বোৰৰ শেষত কি কয়... ময়ো তাকেই ক’মঃ মোৰ চেনেলটো চাবচক্ৰাইব কৰি বেল আইকনটো টিপি দিলে মোৰ সকলো আপডেট লাভ কৰিব।

আপোনালোকক আন্তৰিক শুভেচ্ছা জনাইছো।

 

 

Explore More
৭৭সংখ্যক স্বাধীনতা দিৱস উপলক্ষে লালকিল্লাৰ প্ৰাচীৰৰ পৰা দেশবাসীক উদ্দেশ্যি প্ৰধানমন্ত্ৰী শ্ৰী নৰেন্দ্ৰ মোদীয়ে আগবঢ়োৱা ভাষণৰ অসমীয়া অনুবাদ

Popular Speeches

৭৭সংখ্যক স্বাধীনতা দিৱস উপলক্ষে লালকিল্লাৰ প্ৰাচীৰৰ পৰা দেশবাসীক উদ্দেশ্যি প্ৰধানমন্ত্ৰী শ্ৰী নৰেন্দ্ৰ মোদীয়ে আগবঢ়োৱা ভাষণৰ অসমীয়া অনুবাদ
Tamil Nadu is writing a new chapter of progress in Thoothukudi: PM Narendra Modi

Media Coverage

Tamil Nadu is writing a new chapter of progress in Thoothukudi: PM Narendra Modi
NM on the go

Nm on the go

Always be the first to hear from the PM. Get the App Now!
...
Prime Minister condoles loss of lives due to road accident in Dindori, Madhya Pradesh
February 29, 2024

The Prime Minister, Shri Narendra Modi has expressed deep grief over the loss of lives due to road accident in Dindori district of Madhya Pradesh.

Shri Modi also wished speedy recovery for those injured in the accident.

The Prime Minister’s Office posted on X;

“मध्य प्रदेश के डिंडोरी में हुई सड़क दुर्घटना अत्यंत दुखद है। मेरी संवेदनाएं शोकाकुल परिजनों के साथ हैं। ईश्वर उन्हें इस कठिन समय में संबल प्रदान करे। इसके साथ ही मैं सभी घायल लोगों के जल्द स्वस्थ होने की कामना करता हूं। राज्य सरकार की देखरेख में स्थानीय प्रशासन पीड़ितों की हरसंभव सहायता में जुटा है: PM @narendramodi”