মহামহিম, মোৰ মৰমৰ বন্ধু, ৰাষ্ট্ৰপতি মেক্ৰ’,
দুয়ো দেশৰ প্ৰতিনিধিবৃন্দ,
সংবাদ মাধ্যমৰ বন্ধুবৰ্গ,
নমস্কাৰ!
বং জু,
মোৰ প্ৰিয় বন্ধু, ৰাষ্ট্ৰপতি মেক্ৰ’ক মুম্বাইত আদৰণি জনাই মই আনন্দিত হৈছো। যোৱা বছৰ তেওঁ মোক ফ্ৰান্সত অনুষ্ঠিত এ আই একচন ছামিটলৈ নিমন্ত্ৰণ জনাইছিল।
সেই সময়ত আমি মাৰ্চেইলছলৈ গৈছিলো— ফ্ৰান্সৰ আটাইতকৈ ডাঙৰ বন্দৰ আৰু ফ্ৰান্স আৰু সমগ্ৰ ইউৰোপৰ বাবে এক ডাঙৰ প্ৰৱেশদ্বাৰ। প্ৰথম বিশ্বযুদ্ধৰ সময়ত আমাৰ ভাৰতীয় সৈন্যসকলে ইউৰোপত প্ৰৱেশ কৰা চহৰখনেই হৈছে মাৰ্চেইলছ। তেওঁলোকৰ সাহসিক কাহিনী ইউৰোপৰ বহু ঠাইত এতিয়াও স্মৰণীয়।
আৰু এইখনেই সেইখন চহৰ য’ত স্বাধীনতা সংগ্ৰামী বীৰ ছাৱাৰকাৰে ইংৰাজৰ কবলৰ পৰা সাৰিবলৈ সাগৰত জাঁপ দিছিল। তেওঁৰ এই কাৰ্য্যই ভাৰতৰ স্বাধীনতাৰ প্ৰতি তেওঁৰ অদম্য সংকল্পৰ প্ৰতীক আছিল। যোৱা বছৰ মাৰ্চেইছলত তেওঁক স্মৰণ আৰু শ্ৰদ্ধাঞ্জলি জনোৱাৰ সুযোগ পাইছিলোঁ।
এইবাৰ যেতিয়া ৰাষ্ট্ৰপতি মেক্ৰ’ এ আই ইমপেক্ট ছামিটৰ বাবে ভাৰতলৈ আহিছে, তেতিয়া ভাৰতৰ প্ৰৱেশদ্বাৰ মুম্বাইত তেওঁক আদৰণি জনোৱাটো আমাৰ সৌভাগ্যৰ কথা।
বন্ধুসকল,
ভাৰত আৰু ফ্ৰান্সৰ সম্পৰ্ক অতি বিশেষ। ফ্ৰান্স ভাৰতৰ অন্যতম পুৰণি কৌশলগত অংশীদাৰ দেশ। আৰু ৰাষ্ট্ৰপতি মেক্ৰ’ৰ সৈতে মিলি আমি এই কৌশলগত অংশীদাৰিত্বক অভূতপূৰ্ব গভীৰতা আৰু শক্তি প্ৰদান কৰিছো। এই বিশ্বাস আৰু উমৈহতীয়া দৃষ্টিভংগীৰ ভিত্তিত আজি আমি আমাৰ সম্পৰ্কক বিশেষ বিশ্ব কৌশলগত অংশীদাৰিত্ব হিচাপে প্ৰতিষ্ঠা কৰিছো।
এই অংশীদাৰিত্ব কেৱল কৌশলগত নহয়। আজিৰ অশান্ত সময়ত ই বিশ্বৰ সুস্থিৰতা আৰু বিশ্বৰ প্ৰগতিৰ অংশীদাৰিত্ব।
বন্ধুসকল,
আজি ভাৰতত হেলিকপ্টাৰ এছেম্বলি লাইন উদ্বোধন এই গভীৰ আস্থাৰ আন এক উজ্জ্বল নিদৰ্শন। আমি গৌৰৱান্বিত যে ভাৰত আৰু ফ্ৰান্সে যৌথভাৱে ভাৰতত মাউণ্ট এভাৰেষ্টৰ উচ্চতালৈ উৰা মাৰিব পৰা বিশ্বৰ একমাত্ৰ হেলিকপ্টাৰ নিৰ্মাণ কৰিব আৰু আমি ইয়াক সমগ্ৰ বিশ্বলৈও ৰপ্তানি কৰিম।
ভাৰত-ফ্ৰান্সৰ অংশীদাৰিত্বৰ কোনো সীমা নাই; ই গভীৰ সাগৰৰ পৰা আটাইতকৈ ওখ পাহাৰলৈকে বিস্তৃত হ’ব পাৰে।
বন্ধুসকল,
২০২৬ বৰ্ষটো ভাৰত-ইউৰোপ সম্পৰ্কৰ এক টাৰ্নিং পইণ্ট। মাত্ৰ কেইদিনমানৰ আগতে আমি ইউৰোপীয় সংঘৰ সৈতে ভাৰতৰ ইতিহাসৰ আটাইতকৈ ডাঙৰ আৰু অভিলাষী মুক্ত বাণিজ্য চুক্তিত স্বাক্ষৰ কৰিছিলোঁ। এই মুক্ত বাণিজ্য চুক্তিয়ে ভাৰত-ফ্ৰান্সৰ সম্পৰ্কতো অভূতপূৰ্ব গতি প্ৰদান কৰিব।
পাৰস্পৰিক বিনিয়োগক প্ৰসাৰিত কৰিবলৈ আমি আজি এনে এখন চুক্তিত স্বাক্ষৰ কৰিছো যাৰ ফলত আমাৰ মানুহ আৰু কোম্পানীয়ে দুগুণ কৰ দিব নালাগিব। এই সকলোবোৰ পদক্ষেপে পাৰস্পৰিক বাণিজ্য, বিনিয়োগ, আৰু গতিশীলতাক নতুন গতি প্ৰদান কৰিব। আৰু এইটোৱেই হৈছে উমৈহতীয়া সমৃদ্ধিৰ ৰোডমেপ।
বন্ধুসকল,
ভাৰত-ফ্ৰান্স উদ্ভাৱন বৰ্ষৰ আৰম্ভণিৰ লগে লগে আমি এতিয়া আমাৰ কৌশলগত অংশীদাৰিত্বক জনসাধাৰণৰ অংশীদাৰিত্বলৈ ৰূপান্তৰিত কৰিছো। কাৰণ উদ্ভাৱন বিচ্ছিন্নতাৰ জৰিয়তে নহয়, সহযোগিতাৰ দ্বাৰাহে হয়।
গতিকে ভাৰত-ফ্ৰান্স উদ্ভাৱন বৰ্ষত আমাৰ লক্ষ্য হৈছে মানুহৰ মাজত যোগাযোগ শক্তিশালী কৰা। প্ৰতিৰক্ষাই হওক, স্বচ্ছ শক্তিয়েই হওক, মহাকাশেই হওক বা উদীয়মান প্ৰযুক্তিয়েই হওক, আমি আমাৰ উদ্যোগ আৰু উদ্ভাৱকসকলক প্ৰতিটো ক্ষেত্ৰতে সংযোগ কৰিম।
আমি ষ্টাৰ্ট-আপ আৰু এমএছএমইৰ মাজত শক্তিশালী নেটৱৰ্ক গঢ়ি তুলিম। আমি আমাৰ ছাত্ৰ-ছাত্ৰী আৰু গৱেষকৰ মাজত আদান-প্ৰদানৰ সুবিধা কৰিম। ইয়াৰ সমান্তৰালকৈ আমি যৌথ উদ্ভাৱনৰ বাবে নতুন কেন্দ্ৰও সৃষ্টি কৰিম।
বন্ধুসকল,
আজি আমি গুৰুত্বপূ্ৰ্ণ খনিজ, জৈৱ প্ৰযুক্তি আৰু উন্নত সামগ্ৰীৰ ক্ষেত্ৰত আমাৰ সহযোগিতা শক্তিশালী কৰিছো। আমি ভাৰত-ফ্ৰান্স চেণ্টাৰ ফৰ এ আই ইন হেল্থ, ভাৰত-ফ্ৰান্স চেণ্টাৰ ফৰ ডিজিটেল ছায়েন্স এণ্ড টেকন’লজী আৰু নেচনেল চেণ্টাৰ অৱ এক্সেলেন্স ফৰ স্কিলিং ইন এৰ’নটিক্স আৰম্ভ কৰিছো। আৰু এইবোৰ কেৱল প্ৰতিষ্ঠান নহয়; সেইবোৰ ভৱিষ্যত নিৰ্মাণৰ মঞ্চ।
বন্ধুসকল,
আজি পৃথিৱীখনে অনিশ্চয়তাৰ সময় পাৰ কৰিছে। এনে পৰিবেশত ভাৰত-ফ্ৰান্সৰ অংশীদাৰিত্ব বিশ্বৰ সুস্থিৰতাৰ এক শক্তি। আমি ফ্ৰান্সৰ বিশেষজ্ঞতা আৰু ভাৰতৰ স্কেলৰ সংমিশ্ৰণ ঘটাইছো। আমি বিশ্বাসযোগ্য প্ৰযুক্তি বিকশিত কৰিছো। আন্তঃৰাষ্ট্ৰীয় সৌৰ মৈত্ৰী, ভাৰত-মধ্যপ্ৰাচ্য ইউৰোপ অৰ্থনৈতিক কৰিডৰ (আই এম ই চি), আৰু যৌথ উন্নয়ন প্ৰকল্পৰ জৰিয়তে আমি মানৱ উন্নয়ন নিশ্চিত কৰিম। আমি বহুপক্ষীয়তাবাদ, আলোচনা আৰু কূটনীতিৰ জৰিয়তে সুস্থিৰতা আৰু সমৃদ্ধিৰ বাবে প্ৰচেষ্টা শক্তিশালী কৰি যাম।
বন্ধুসকল,
ভাৰত আৰু ফ্ৰান্স দুয়োখনেই গণতান্ত্ৰিক মূল্যবোধ, আইনৰ শাসন আৰু বহুমেৰু জগতত বিশ্বাস কৰে। আমি এই কথাত একমত যে বিশ্ব প্ৰতিষ্ঠানসমূহৰ সংস্কাৰে গোলকীয় প্ৰত্যাহ্বানসমূহৰ সমাধান প্ৰদান কৰিব।
ইউক্ৰেইন, পশ্চিম এছিয়া, ভাৰত-প্ৰশান্ত মহাসাগৰীয় অঞ্চলতেই হওক, আমি প্ৰতিটো অঞ্চলতে শান্তিৰ বাবে কৰা সকলো প্ৰচেষ্টাক সমৰ্থন কৰি যাম। সন্ত্ৰাসবাদক ইয়াৰ সকলো ৰূপ আৰু প্ৰকাশভংগীৰে নিৰ্মূল কৰাটো আমাৰ উমৈহতীয়া প্ৰতিশ্ৰুতি।
বন্ধুসকল,
ভাৰত আৰু ফ্ৰান্স উভয়ে প্ৰাচীন আৰু চহকী সভ্যতা। আমি আমাৰ সাংস্কৃতিক আৰু জনসাধাৰণৰ সম্পৰ্কক অতি গুৰুত্ব দিওঁ। যুগ যুগ ধৰি চলি অহা ভাৰত সংগ্ৰহালয়ত সহযোগিতা কৰি আমি অতিশয় আনন্দিত হৈছো। আৰু এতিয়া আমি লোথালৰ ৰাষ্ট্ৰীয় সামুদ্ৰিক ঐতিহ্য কমপ্লেক্সত ফ্ৰান্সৰ সৈতে সহযোগিতা কৰিবলৈ ওলাইছো।
ভাৰতীয় সংস্কৃতিক ফ্ৰান্সৰ জনসাধাৰণৰ ওচৰলৈ অনাৰ বাবে আমি অতি সোনকালে ফ্ৰান্সত স্বামী বিবেকানন্দ সাংস্কৃতিক কেন্দ্ৰ মুকলি কৰিম।
মহামহিম,
ভাৰত-ফ্ৰান্সৰ অংশীদাৰিত্বৰ প্ৰতি আপোনাৰ দায়বদ্ধতা গভীৰ। বিশেষকৈ মই আনন্দিত যে আজি আমি আমাৰ সম্পৰ্কৰ এক নতুন অধ্যায়ৰ প্ৰতি অগ্ৰসৰ হৈছো।
বিশ্বৰ সুস্থিতা আৰু সমৃদ্ধিৰ বাবে আমি একেলগে কাম কৰোঁ আহক।
আপোনাক অশেষ ধন্যবাদ।
মেছি বাকু
भारत और फ़्रांस के संबंध बहुत ही विशेष हैं।
— PMO India (@PMOIndia) February 17, 2026
फ़्रांस भारत के सबसे पुराने strategic partners में से एक है।
और प्रेसीडेंट मैक्रॉ के साथ मिलकर हमने इस strategic partnership को अभूतपूर्व गहराई और ऊर्जा दी है।
इसी विश्वास और साझा vision के आधार पर, आज हम अपने संबंधों को, Special…
हमें गर्व है कि, भारत और फ़्रांस मिलकर, माउंट एवरेस्ट की ऊँचाइयों तक उड़ान भरने वाला, विश्व का एकमात्र helicopter भारत में बनाएंगे और पूरे विश्व को export करेंगे: PM @narendramodi
— PMO India (@PMOIndia) February 17, 2026
वर्ष 2026, भारत और यूरोप के संबंधों में एक turning point है।
— PMO India (@PMOIndia) February 17, 2026
कुछ ही दिन पहले, हमने European Union के साथ,
भारत के इतिहास का सबसे बड़ा और महत्वाकांक्षी Free Trade Agreement किया: PM @narendramodi
हम Indo-French Centre for AI in Health, Indo-French Centre for Digital Science and Technology और National Centre of Excellence for Skilling in Aeronautics लॉन्च करने जा रहें हैं।
— PMO India (@PMOIndia) February 17, 2026
और यह मात्र institutions नहीं हैं।
यह future-building platforms हैं: PM @narendramodi
आज दुनिया uncertainty के दौर से गुजर रही है।
— PMO India (@PMOIndia) February 17, 2026
ऐसे माहौल में, India-France partnership एक force for global stability है: PM @narendramodi
