ମହାମହିମ, ମୋର ପ୍ରିୟ ବନ୍ଧୁ, ରାଷ୍ଟ୍ରପତି ମାକ୍ରନ୍,
ଉଭୟ ଦେଶର ପ୍ରତିନିଧି,
ଗଣମାଧ୍ୟମର ବନ୍ଧୁଗଣ,
ନମସ୍କାର!
ବୋନ୍ ଜୁ, (ଶୁଭ ଦିନ)!
ମୋର ପ୍ରିୟ ବନ୍ଧୁ, ରାଷ୍ଟ୍ରପତି ମାକ୍ରନଙ୍କୁ ମୁମ୍ବାଇରେ ସ୍ୱାଗତ କରି ମୁଁ ଅତ୍ୟନ୍ତ ଖୁସି ଅନୁଭବ କରୁଛି। ଗତ ବର୍ଷ, ସେ ମୋତେ ଫ୍ରାନ୍ସରେ ଅନୁଷ୍ଠିତ ଏଆଇ ଆକ୍ସନ୍ ଶିଖର ସମ୍ମିଳନୀରେ ଯୋଗଦେବା ପାଇଁ ନିମନ୍ତ୍ରଣ କରିଥିଲେ।
ସେତେବେଳେ, ଆମେ ମାର୍ସେଇଲ୍ ପରିଦର୍ଶନ କରିଥିଲୁ ଯାହା ଫ୍ରାନ୍ସର ସବୁଠାରୁ ବଡ଼ ବନ୍ଦର ଏବଂ ଫ୍ରାନ୍ସ ସହିତ ସମଗ୍ର ୟୁରୋପର ଏକ ପ୍ରମୁଖ ପ୍ରବେଶ ଦ୍ୱାର ମଧ୍ୟ। ମାର୍ସେଇଲ୍ ହେଉଛି ସେହି ସହର ଯେଉଁଠାରୁ ଆମର ଭାରତୀୟ ସୈନିକମାନେ ପ୍ରଥମ ବିଶ୍ୱଯୁଦ୍ଧ ସମୟରେ ୟୁରୋପରେ ପ୍ରବେଶ କରିଥିଲେ। ସେମାନଙ୍କ ବୀରତ୍ୱର କାହାଣୀ ଆଜି ମଧ୍ୟ ୟୁରୋପର ଅନେକ ସ୍ଥାନରେ ସ୍ମରଣ କରାଯାଏ।
ଏହା ସେହି ସହର ଯେଉଁଠାରେ ସ୍ୱାଧୀନତା ସଂଗ୍ରାମୀ ବୀର ବିନାୟକ ଦାମୋଦର ସାଭରକର ବ୍ରିଟିଶଙ୍କ କବଳରୁ ରକ୍ଷା ପାଇବା ପାଇଁ ଗଭୀର ସମୁଦ୍ରକୁ ଡେଇଁ ପଡ଼ିଥିଲେ। ତାଙ୍କର ଏହି ପଦକ୍ଷେପ ଭାରତର ସ୍ୱାଧୀନତା ପାଇଁ ତାଙ୍କର ଅଟଳ ସଂକଳ୍ପର ପ୍ରତୀକ ଥିଲା। ଗତ ବର୍ଷ ମୋତେ ମାର୍ସେଇଲ୍ରେ ତାଙ୍କୁ ସ୍ମରଣ କରିବା ଏବଂ ଶ୍ରଦ୍ଧାଞ୍ଜଳି ଜଣାଇବାର ଅବସର ମିଳିଥିଲା।
ଏହିଥର, ଯେତେବେଳେ ରାଷ୍ଟ୍ରପତି ମାକ୍ରନ୍ ଭାରତରେ ଏଆଇ ପ୍ରଭାବ ସମ୍ମିଳନୀ ପାଇଁ ଆସିଛନ୍ତି, ସେତେବେଳେ ଭାରତର ପ୍ରବେଶ ଦ୍ୱାର ଅର୍ଥାତ୍ ମୁମ୍ବାଇରେ ତାଙ୍କୁ ସ୍ୱାଗତ କରିବା ଆମ ପାଇଁ ଏକ ସୌଭାଗ୍ୟର ବିଷୟ। ରାଷ୍ଟ୍ରପତି ମାକ୍ରନ୍ ଙ୍କ ସହିତ ମିଶି, ଆମେ ଏହି ରଣନୈତିକ ସହଭାଗୀତାକୁ ଅଭୂତପୂର୍ବ ଗଭୀରତା ଏବଂ ଶକ୍ତି ଦେଇଛୁ।
ଏହି ବିଶ୍ୱାସ ଏବଂ ସହଭାଗୀ ଦୃଷ୍ଟିକୋଣ ଉପରେ ଆଧାର କରି, ଆଜି ଆମେ ଏକ ସ୍ୱତନ୍ତ୍ର ବିଶ୍ୱ ରଣନୈତିକ ସହଭାଗୀତା ଭାବରେ ଆମର ସମ୍ପର୍କ ସ୍ଥାପନ କରୁଛୁ।
ବନ୍ଧୁଗଣ,
ଭାରତ ଏବଂ ଫ୍ରାନ୍ସ ମଧ୍ୟରେ ଏକ ବିଶେଷ ସମ୍ପର୍କ ରହିଛି। ଫ୍ରାନ୍ସ ହେଉଛି ଭାରତର ସବୁଠାରୁ ପୁରୁଣା ରଣନୈତିକ ସହଯୋଗୀମାନଙ୍କ ମଧ୍ୟରୁ ଗୋଟିଏ।
ଏହା କେବଳ ଏକ ରଣନୈତିକ ସହଭାଗୀତା ନୁହେଁ। ଆଜିର ଅସ୍ଥିରତା ପରିପୂର୍ଣ୍ଣ ସମୟରେ, ଏହା ବିଶ୍ୱ ସ୍ଥିରତା ଓ ବିଶ୍ୱ ପ୍ରଗତି ପାଇଁ ଏକ ସହଭାଗୀତା ।
ବନ୍ଧୁଗଣ,
ଆଜି ଭାରତରେ ଏକ ହେଲିକପ୍ଟର ଆସେମ୍ବଲି ଲାଇନର ଉଦଘାଟନ ଏହି ଗଭୀର ବିଶ୍ୱାସର ଆଉ ଏକ ଉଜ୍ଜ୍ୱଳ ଉଦାହରଣ। ଆମେ ଗର୍ବିତ ଯେ, ଭାରତ ଓ ଫ୍ରାନ୍ସ ମିଳିତ ଭାବରେ ଏମିତି ଏକ ହେଲିକପ୍ଟର ଭାରତରେ ତିଆରି କରିବେ, ଯାହା ମାଉଣ୍ଟ ଏଭରେଷ୍ଟର ଉଚ୍ଚତା ପର୍ଯ୍ୟନ୍ତ ଉଡ଼ି ପାରିବାର କ୍ଷମତା ରଖିବ ଏବଂ ଏହା ବିଶ୍ୱର ଏକମାତ୍ର ଏମିତି ଏକ ହେଲିକପ୍ଟର ହେବାର ମାନ୍ୟତା ପାଇବ। ଏହାକୁ ସମଗ୍ର ବିଶ୍ୱକୁ ରପ୍ତାନୀ ମଧ୍ୟ କରାଯିବ।
ଭାରତ-ଫ୍ରାନ୍ସ ସହଭାଗୀତାର କୌଣସି ସୀମା ନାହିଁ; ଏହା ଗଭୀର ସମୁଦ୍ରରୁ ଆରମ୍ଭ କରି ସବୁଠାରୁ ଉଚ୍ଚତମ ପର୍ବତ ପର୍ଯ୍ୟନ୍ତ ପହଞ୍ଚିପାରିବ।
ବନ୍ଧୁଗଣ,
୨୦୨୬ ବର୍ଷ ଭାରତ ଓ ୟୁରୋପ ସମ୍ପର୍କରେ ଏକ ନୂଆ ମୋଡ଼ ଆଣିଛି। କିଛି ଦିନ ପୂର୍ବରୁ, ଆମେ ୟୁରୋପୀୟ ସଂଘ ସହିତ ଭାରତ ଇତିହାସର ସବୁଠାରୁ ବଡ଼ ଏବଂ ସବୁଠାରୁ ମହତ୍ୱାକାଂକ୍ଷୀ ମୁକ୍ତ ବାଣିଜ୍ୟ ଚୁକ୍ତିନାମା ସ୍ୱାକ୍ଷର କରିଛୁ। ଏହି ମୁକ୍ତ ବାଣିଜ୍ୟ ଚୁକ୍ତିନାମା ଭାରତ ଓ ଫ୍ରାନ୍ସ ସମ୍ପର୍କରେ ମଧ୍ୟ ଅଭୂତପୂର୍ବ ଗତି ଆଣିବ।
ପାରସ୍ପରିକ ନିବେଶକୁ ପ୍ରୋତ୍ସାହିତ କରିବା ପାଇଁ, ଆମେ ଆଜି ଏକ ଚୁକ୍ତିନାମା ମଧ୍ୟ ସ୍ୱାକ୍ଷର କରୁଛୁ ଯାହା ସୁନିଶ୍ଚିତ କରିବ ଯେ, ଆମର ଲୋକମାନଙ୍କୁ ଏବଂ କମ୍ପାନୀଗୁଡ଼ିକୁ ଦ୍ୱିଗୁଣିତ ଦେବାକୁ ପଡ଼ିବ ନାହିଁ। ଏହି ସମସ୍ତ ପଦକ୍ଷେପ ପାରସ୍ପରିକ ବାଣିଜ୍ୟ, ନିବେଶ ଏବଂ ଗତିଶୀଳତା କ୍ଷେତ୍ରରେ ନୂତନ ଶକ୍ତି ପ୍ରଦାନ କରିବ। ଏହା ହେଉଛି ସହଭାଗୀ ସମୃଦ୍ଧିର ରୋଡମ୍ୟାପ୍।
ବନ୍ଧୁଗଣ,
ଭାରତ-ଫ୍ରାନ୍ସ ଉଭୟ ଦେଶ “ଇୟର୍ ଅଫ୍ ଇନୋଭେସନ୍” ବା ନବସୃଜନ ବର୍ଷର ଶୁଭାରମ୍ଭ ସହିତ, ଆମେ ଏବେ ଆମର ରଣନୈତିକ ସହଭାଗୀତାକୁ ଲୋକଙ୍କ ସହଭାଗୀତାରେ ପରିଣତ କରିବାକୁ ଯାଉଛୁ। ନବସୃଜନ ସହଯୋଗ ମାଧ୍ୟମରେ ହୁଏ, ପୃଥକୀକରଣ ଦ୍ୱାରା ନୁହେଁ।
ସେଥିପାଇଁ, ଭାରତ-ଫ୍ରାନ୍ସ “ଇୟର୍ ଅଫ୍ ଇନୋଭେସନ୍” ବା ନବସୃଜନ ବର୍ଷରେ ଆମର ଲକ୍ଷ୍ୟ ହେଉଛି ଲୋକଙ୍କ ସହିତ ସମ୍ପର୍କକୁ ସୁଦୃଢ଼ କରିବା।
ପ୍ରତିରକ୍ଷା ହେଉ କିମ୍ବା ସବୁଜ ଶକ୍ତି, ବ୍ୟବସାୟ କିମ୍ବା ଉଦ୍ଭାବନଶୀଳ ପ୍ରଯୁକ୍ତିବିଦ୍ୟା, ଆମେ ପ୍ରତ୍ୟେକ କ୍ଷେତ୍ରରେ ଆମର ଶିଳ୍ପ ଏବଂ ନବସୃଜନକାରୀଙ୍କୁ ଏକାଠି କରିବାକୁ ପଦକ୍ଷେପ ନେବୁ।
ଆମେ ଷ୍ଟାର୍ଟ-ଅପ୍ ଓ ଏମଏସଏମଇ ମଧ୍ୟରେ ଅଧିକ ଶକ୍ତିଶାଳୀ ନେଟୱାର୍କ ସୃଷ୍ଟି କରିବୁ। ଆମେ ଆମର ଛାତ୍ର ଏବଂ ଗବେଷକଙ୍କ ମଧ୍ୟରେ ଆଦାନପ୍ରଦାନକୁ ଆହୁରି ସହଜ ଓ ସୁଗମ କରିବୁ।
ଏହା ସହିତ, ଆମେ ମିଳିତ ନବସୃଜନ ପାଇଁ ନୂତନ କେନ୍ଦ୍ର ମଧ୍ୟ ସ୍ଥାପନ କରିବୁ।
ବନ୍ଧୁଗଣ,
ଆଜି, ଆମେ ଗୁରୁତ୍ୱପୂର୍ଣ୍ଣ ଖଣିଜ, ଜୈବ ପ୍ରଯୁକ୍ତିବିଦ୍ୟା ଏବଂ ଉନ୍ନତ ସାମଗ୍ରୀ କ୍ଷେତ୍ରରେ ଆମର ସହଯୋଗକୁ ଆହୁରି ସୁଦୃଢ଼ କରୁଛୁ। ଆମେ ସ୍ୱାସ୍ଥ୍ୟରେ ଇଣ୍ଡୋ-ଚାଇନିଜ୍ ସେଣ୍ଟର ଫର୍ ଏଆଇ, ଇଣ୍ଡୋ-ଚାଇନିଜ୍ ସେଣ୍ଟର ଫର୍ ଡିଜିଟାଲ୍ ସାଇନ୍ସ ଆଣ୍ଡ୍ ଟେକ୍ନୋଲୋଜୀ, ଏବଂ ନ୍ୟାସନାଲ୍ ସେଣ୍ଟର ଅଫ୍ ଏକ୍ସଲେନ୍ସ ଫର୍ ଲର୍ଣ୍ଣିଂ ଇନ୍ ଏରୋନେଟିକ୍ସ ଆରମ୍ଭ କରିବାକୁ ଯାଉଛୁ।
ଏଗୁଡ଼ିକ କେବଳ ପ୍ରତିଷ୍ଠାନ ନୁହେଁ; ଏଗୁଡ଼ିକ ଭବିଷ୍ୟତ ଗଢ଼ିବା ପାଇଁ ପ୍ଲାଟଫର୍ମ।
ବନ୍ଧୁଗଣ,
ଆଜି ବିଶ୍ୱ ଅନିଶ୍ଚିତତାର ଏକ ସମୟ ଦେଇ ଗତି କରୁଛି। ଏମିତି ପରିସ୍ଥିତିରେ, ଭାରତ-ଫ୍ରାନ୍ସ ସହଭାଗୀତା ବିଶ୍ୱ ସ୍ଥିରତା ପାଇଁ ଏକ ଶକ୍ତି ରୂପେ ଉଭା ହେଉଛି। ଆମେ ଫ୍ରାନ୍ସର ଦକ୍ଷତା ଏବଂ ଭାରତର ବ୍ୟାପକ ପରିମାଣକୁ ଏକତ୍ର କରୁଛୁ। ଆମେ ବିଶ୍ୱସ୍ତ ପ୍ରଯୁକ୍ତିବିଦ୍ୟା ବିକଶିତ କରୁଛୁ। ଆମେ ଅନ୍ତର୍ଜାତୀୟ ସୌର ମେଣ୍ଟ, ଭାରତ-ମଧ୍ୟପ୍ରାଚ୍ୟ ୟୁରୋପ ଅର୍ଥନୈତିକ କରିଡର (ଆଇଏମ୍ଇସି) ଏବଂ ମିଳିତ ବିକାଶ ପ୍ରକଳ୍ପ ମାଧ୍ୟମରେ ମାନବ ବିକାଶକୁ ସୁନିଶ୍ଚିତ କରିବୁ। ଆମେ ବହୁପାକ୍ଷିକତା, ଆଲୋଚନା ଓ କୂଟନୀତି ମାଧ୍ୟମରେ ଶାନ୍ତି ଏବଂ ସମୃଦ୍ଧି ପାଇଁ ଆମର ପ୍ରୟାସକୁ ଆହୁରି ଶକ୍ତିଶାଳୀ କରିବା ଦିଗରେ କାମ କରିବୁ।
ବନ୍ଧୁଗଣ,
ଭାରତ ଏବଂ ଫ୍ରାନ୍ସ ଉଭୟ ଦେଶ ଗଣତାନ୍ତ୍ରିକ ମୂଲ୍ୟବୋଧ, ଆଇନର ଶାସନ ଓ ଏକ ବହୁଧ୍ରୁବୀୟ ବିଶ୍ୱ ବ୍ୟବସ୍ଥାରେ ବିଶ୍ୱାସ କରନ୍ତି। ଆମେ ସହମତ ଯେ, ବିଶ୍ୱ ପ୍ରତିଷ୍ଠାନର ଢାଞ୍ଚା ମାଧ୍ୟମରେ ବିଶ୍ୱସ୍ତରୀୟ ଚ୍ୟାଲେଞ୍ଜର ସମାଧାନ ମିଳିପାରିବ।
ୟୁକ୍ରେନ, ପଶ୍ଚିମ ଏସିଆ କିମ୍ବା ଭାରତ-ପ୍ରଶାନ୍ତ ମହାସାଗରୀୟ ପ୍ରସଙ୍ଗ, ପ୍ରତ୍ୟେକ କ୍ଷେତ୍ରରେ ଆମେ ଶାନ୍ତି ପାଇଁ ସମସ୍ତ ପ୍ରୟାସକୁ ସମର୍ଥନ କରିଚାଲିବୁ। ଆତଙ୍କବାଦର ପ୍ରତ୍ୟେକ ରୂପ ଓ ପ୍ରକାରକୁ ମୂଳୋତ୍ପାଟନ କରିବା ହେଉଛି ଆମର ସାମୂହିକ ପ୍ରତିବଦ୍ଧତା।
ବନ୍ଧୁଗଣ,
ଭାରତ ଏବଂ ଫ୍ରାନ୍ସ ଉଭୟ ଦେଶ ପ୍ରାଚୀନ ଓ ସମୃଦ୍ଧ ସଭ୍ୟତା ବହନ କରନ୍ତି। ଆମେ ଆମର ସାଂସ୍କୃତିକ ଏବଂ ଲୋକ-ଲୋକ ସମ୍ପର୍କକୁ ବହୁତ ଗୁରୁତ୍ୱ ଦେଉଛୁ। ଆମେ ଅତ୍ୟନ୍ତ ଖୁସି ଯେ, ଆମେ ଯୁଗ ଯୁଗେନ ଭାରତ ମ୍ୟୁଜିୟମରେ ଶତାବ୍ଦୀ ଧରି ସହଯୋଗ କରିଆସିଛୁ।
ବର୍ତ୍ତମାନ ଆମେ ଲୋଥାଲରେ ଜାତୀୟ ସାମୁଦ୍ରିକ ଐତିହ୍ୟ ସଂକଳନରେ ଫ୍ରାନ୍ସ ସହିତ ସହଯୋଗ କରିବାକୁ ଯାଉଛୁ।
ଭାରତୀୟ ସଂସ୍କୃତିକୁ ଫ୍ରାନ୍ସର ଲୋକମାନଙ୍କ ଆହୁରି ନିକଟରେ ପହଞ୍ଚାଇବା ପାଇଁ, ଆମେ ଶୀଘ୍ର ଫ୍ରାନ୍ସରେ ସ୍ୱାମୀ ବିବେକାନନ୍ଦ ସାଂସ୍କୃତିକ କେନ୍ଦ୍ର ଖୋଲିବାକୁ ଯାଉଛୁ।
ମହାମହିମ,
ଭାରତ-ଫ୍ରାନ୍ସ ସହଭାଗୀତା ପ୍ରତି ଆପଣଙ୍କର ଗଭୀର ପ୍ରତିବଦ୍ଧତା ରହିଛି। ମୁଁ ବିଶେଷ ଭାବରେ ଖୁସି ଯେ, ଆଜି ଆମେ ଏକାଠି ଆମର ସମ୍ପର୍କରେ ଏକ ନୂତନ ଅଧ୍ୟାୟ ଆରମ୍ଭ କରୁଛୁ।
ଆସନ୍ତୁ ଆମେ ମିଳିତ ଭାବେ ବିଶ୍ୱ ଶାନ୍ତି ଓ ସମୃଦ୍ଧି ପାଇଁ ଏକାଠି କାମ କରିବା।
ଅନେକ ଅନେକ ଧନ୍ୟବାଦ।
ମେର୍ସି ବୋକୁ - ଅର୍ଥାତ୍ ‘ଅନେକ ଅନେକ ଧନ୍ୟବାଦ’ ।
भारत और फ़्रांस के संबंध बहुत ही विशेष हैं।
— PMO India (@PMOIndia) February 17, 2026
फ़्रांस भारत के सबसे पुराने strategic partners में से एक है।
और प्रेसीडेंट मैक्रॉ के साथ मिलकर हमने इस strategic partnership को अभूतपूर्व गहराई और ऊर्जा दी है।
इसी विश्वास और साझा vision के आधार पर, आज हम अपने संबंधों को, Special…
हमें गर्व है कि, भारत और फ़्रांस मिलकर, माउंट एवरेस्ट की ऊँचाइयों तक उड़ान भरने वाला, विश्व का एकमात्र helicopter भारत में बनाएंगे और पूरे विश्व को export करेंगे: PM @narendramodi
— PMO India (@PMOIndia) February 17, 2026
वर्ष 2026, भारत और यूरोप के संबंधों में एक turning point है।
— PMO India (@PMOIndia) February 17, 2026
कुछ ही दिन पहले, हमने European Union के साथ,
भारत के इतिहास का सबसे बड़ा और महत्वाकांक्षी Free Trade Agreement किया: PM @narendramodi
हम Indo-French Centre for AI in Health, Indo-French Centre for Digital Science and Technology और National Centre of Excellence for Skilling in Aeronautics लॉन्च करने जा रहें हैं।
— PMO India (@PMOIndia) February 17, 2026
और यह मात्र institutions नहीं हैं।
यह future-building platforms हैं: PM @narendramodi
आज दुनिया uncertainty के दौर से गुजर रही है।
— PMO India (@PMOIndia) February 17, 2026
ऐसे माहौल में, India-France partnership एक force for global stability है: PM @narendramodi
