প্ৰধানমন্ত্ৰী শ্ৰী নৰেন্দ্ৰ মোদীয়ে আজি নতুন দিল্লীৰ ভাৰত মণ্ডপমত 'বীৰ বাল দিৱস' উপলক্ষে আয়োজিত অনুষ্ঠানত ভাষণ দিয়ে। শ্ৰী মোদীয়ে শিশুসকলৰ দ্বাৰা পৰিৱেশন কৰা এটা আবৃত্তি আৰু তিনিটা সমৰ কলা প্ৰদৰ্শন প্ৰত্যক্ষ কৰে। এই উপলক্ষে প্ৰধানমন্ত্ৰীয়ে দিল্লীত যুৱ প্ৰজন্মৰ এটা পদযাত্ৰাৰো শুভাৰম্ভ কৰে।
সমবেত জনতাক সম্বোধন কৰি প্ৰধানমন্ত্ৰীয়ে কয় যে আজাদী কা অমৃত কালত ভাৰতৰ বাবে বীৰ বাল দিৱসৰ এক নতুন অধ্যায় উন্মোচিত হোৱাৰ লগে লগে দেশবাসীয়ে বীৰ চাহিবজাদাসকলৰ অমৰ ত্যাগক স্মৰণ কৰি তেওঁলোকৰ অনুপ্ৰেৰণা লাভ কৰিছে। প্ৰধানমন্ত্ৰীয়ে যোৱা বছৰৰ আজিৰ দিনটোতেই উদযাপন কৰা প্ৰথম বীৰ বাল দিৱসৰ কথা স্মৰণ কৰি কয় যে বীৰ চাহিবজাদাসকলৰ বীৰত্বৰ কাহিনীয়ে সমগ্ৰ দেশক ৰক্ষা কৰিছিল। প্ৰধানমন্ত্ৰী মোদীয়ে জোৰ দি কয়, "বীৰ বাল দিৱস ভাৰতীয়তাৰ সুৰক্ষাৰ বাবে কেতিয়াও পাহৰিব নোৱাৰা মনোভাৱৰ প্ৰতীক"। প্ৰধানমন্ত্ৰী মোদীয়ে জোৰ দি কয়, "এই দিনটোৱে আমাক সোঁৱৰাই দিছে যে সাহসিকতাৰ শীৰ্ষত বয়সৰ কোনো গুৰুত্ব নাই।" এই দিৱসক শিখ গুৰুসকলৰ ঐতিহ্যৰ উৎসৱ বুলি অভিহিত কৰি প্ৰধানমন্ত্ৰীয়ে কয় যে গুৰু গোবিন্দ সিং জী আৰু তেওঁৰ চাৰিগৰাকী বীৰ চাহিবজাদাৰ সাহস আৰু আদৰ্শই আজিও প্ৰতিগৰাকী ভাৰতীয়ক উৎসাহিত কৰি আহিছে। "বীৰ বাল দিৱস হৈছে অতুলনীয় সাহসেৰে সাহসী লোকৰ জন্ম দিয়া মাতৃসকলৰ প্ৰতি ৰাষ্ট্ৰীয় শ্ৰদ্ধাঞ্জলি", প্ৰধানমন্ত্ৰীয়ে কয় যে তেওঁ বাবা মতিৰাম মেহৰাৰ পৰিয়ালৰ ত্যাগ আৰু দিৱান তোদাৰমলৰ ভক্তিৰ কথা সকলোৱে স্মৰণ কৰে। গুৰুসকলৰ প্ৰতি থকা এই প্ৰকৃত ভক্তিয়ে ৰাষ্ট্ৰৰ প্ৰতি ভক্তিৰ ভাৱনা জগাই তুলিছে বুলি প্ৰধানমন্ত্ৰীয়ে কয়।
বীৰ বাল দিৱস এতিয়া আমেৰিকা যুক্তৰাজ্য, ব্ৰিটেইন, অষ্ট্ৰেলিয়া, নিউজিলেণ্ড, সংযুক্ত আৰব আমিৰশ্বাহী আৰু গ্ৰীচৰ লগতে আন্তঃৰাষ্ট্ৰীয় পৰ্যায়ত উদযাপন কৰাক লৈ প্ৰধানমন্ত্ৰীয়ে আনন্দ প্ৰকাশ কৰে। চামকৌৰ আৰু চিৰহিন্দ যুদ্ধৰ ইতিহাসৰ কথা স্মৰণ কৰি প্ৰধানমন্ত্ৰীয়ে কয় যে এই ইতিহাস কেতিয়াও পাহৰিব নোৱাৰি। ভাৰতীয়সকলে কিদৰে মৰ্যাদাৰ সৈতে নিষ্ঠুৰতা আৰু স্বৈৰাচাৰৰ সন্মুখীন হৈছিল, সেই বিষয়ে প্ৰধানমন্ত্ৰীয়ে স্মৰণ কৰে।
প্ৰধানমন্ত্ৰী মোদীয়ে আঙুলিয়াই দিছিল যে যিসময়ত আমি আমাৰ ঐতিহ্যক ইয়াৰ উপযুক্ত সন্মান দিয়া আৰম্ভ কৰিছিলো, তেনে সময়ত সমগ্ৰ বিশ্বয়ো আমাৰ ঐতিহ্যৰ প্ৰতি দৃষ্টি ৰাখিছিল। তেওঁ কয়, "আজি যেতিয়া আমি আমাৰ ঐতিহ্যক লৈ গৌৰৱ কৰি আছো, তেনে সময়ত বিশ্বৰ দৃষ্টিভংগীও সলনি হৈছে"। আজিৰ ভাৰতে দাসত্বৰ মানসিকতা পৰিহাৰ কৰাৰ লগতে দেশৰ সামৰ্থ্য, অনুপ্ৰেৰণা আৰু জনসাধাৰণৰ ওপৰত সম্পূৰ্ণ আস্থা ৰখাক লৈ শ্ৰী মোদীয়ে সন্তোষ ব্যক্ত কৰে। "আজিৰ ভাৰতৰ বাবে চাহিবজাদাসকলৰ বলিদান এক অনুপ্ৰেৰণাৰ বিষয়।" একেদৰে ভগৱান বীৰছা মুণ্ডা আৰু গোবিন্দ গুৰুৰ ত্যাগে সমগ্ৰ দেশক প্ৰেৰণা যোগাই আহিছে।
বিশ্বই ভাৰতক সৰ্বাধিক সুযোগৰ দেশসমূহৰ ভিতৰত স্থান দিছে বুলি প্ৰধানমন্ত্ৰীয়ে উল্লেখ কৰে। অৰ্থনীতি, বিজ্ঞান, গৱেষণা, ক্ৰীড়া আৰু কূটনীতিৰ গোলকীয় সমস্যাত ভাৰতে গুৰুত্বপূৰ্ণ ভূমিকা পালন কৰি আহিছে বুলি প্ৰধানমন্ত্ৰী মোদীয়ে মন্তব্য কৰে। সেয়েহে প্ৰধানমন্ত্ৰীয়ে লালকিল্লাৰ পৰা দিয়া তেওঁৰ আহ্বানৰ পুনৰাবৃত্তি কৰি কয় যে "য়েহি সময় হে সহী সময় হে" অৰ্থাৎ এয়াই হৈছে উচিত সময়। এয়া হৈছে ভাৰতৰ সময়, অহা ২৫ বছৰত দেশে ইয়াৰ সামৰ্থ্য প্ৰদৰ্শন কৰিব বুলি তেওঁ লগতে কয়। পাঁচটা প্ৰতিজ্ঞাক অনুসৰণ কৰাৰ প্ৰয়োজনীয়তাত জোৰ দি তেওঁ এটা মুহূৰ্তও অপচয় নকৰিবলৈ সকলোৰে প্ৰতি আহ্বান জনায়।
প্ৰধানমন্ত্ৰীয়ে গুৰুত্ব আৰোপ কৰে যে ভাৰতে এনে এক সময়ৰ মাজেৰে পাৰ হৈ আছে যিটো সময়তকৈ আগতে আহিছে। আজাদীৰ অমৃত কালত শ্ৰী মোদীয়ে কয় যে একাধিক কাৰক একত্ৰিত হৈছে, যিয়ে ভাৰতৰ বাবে সোণালী সময় নিৰ্ধাৰণ কৰিব। ভাৰতৰ যুৱ শক্তিৰ ওপৰত গুৰুত্ব আৰোপ কৰি তেওঁ কয় যে স্বাধীনতা সংগ্ৰামৰ সময়ৰ তুলনাত বৰ্তমান দেশত যুৱসকলৰ জনসংখ্যা বহুত বেছি আৰু বৰ্তমানৰ যুৱপ্ৰজন্মই দেশখনক অকল্পনীয় উচ্চতালৈ লৈ যাবলৈ সক্ষম হ’ব বুলি তেওঁ বিশ্বাস ব্যক্ত কৰে। তেওঁ জ্ঞানৰ সন্ধানত সকলো বাধা অতিক্ৰম কৰা নচিকেতাৰ কথা উল্লেখ কৰাৰ লগতে কম বয়সতে 'চক্ৰবেহু'ত সোমাই পৰা অভিমন্যু, ধ্ৰুৱ আৰু তেওঁৰ তপস্যা, অতি কম বয়সতে সাম্ৰাজ্যৰ নেতৃত্ব দিয়া মৌৰ্য ৰজা চন্দ্ৰগুপ্ত, একলব্য আৰু তেওঁৰ গুৰু দ্ৰোণাচাৰ্য, খুদিৰাম বসু, বটুকেশ্বৰ দত্ত, কনকলতা বৰুৱা, ৰাণী গাইদিনলিউ, বাজি ৰাউতৰ লগতে দেশৰ হকে প্ৰাণ আহুতি দিয়া আন আন ৰাষ্ট্ৰীয় নায়কসকলক শ্ৰদ্ধাৰে সোঁৱৰে।
প্ৰধানমন্ত্ৰীয়ে স্পষ্টভাৱে কৈছিল যে "আহিবলগীয়া ২৫ বছৰে আমাৰ যুৱক-যুৱতীসকলৰ বাবে বৃহৎ সুযোগ লৈ আনিব। দেশৰ যিকোনো অঞ্চল তথা সমাজত জন্মগ্ৰহণ কৰা সকলো যুৱক-যুৱতীৰে সীমাহীন সপোন আছে। এই সপোনবোৰ পূৰণ কৰাৰ বাবে চৰকাৰৰ স্পষ্ট ৰোডমেপ আৰু দৃষ্টিভংগী আছে।" তেওঁ ৰাষ্ট্ৰীয় শিক্ষা নীতি, ১০ হাজাৰ অটল টিঙ্কাৰিং লেব আৰু অতুলনীয় ষ্টাৰ্টআপ সংস্কৃতিৰ বিষয়ে উল্লেখ কৰি এইসমূহৰ সন্দৰ্ভত বিস্তৃত ব্যাখ্যা আগবঢ়ায়। তেওঁ মুদ্ৰা যোজনাৰ ফলত উদ্ভৱ হোৱা যুৱ, এছএছ/এছটি আৰু পিছপৰা সম্প্ৰদায়ৰ ৮ কোটি নতুন উদ্যোগীৰ কথাও উল্লেখ কৰে।
শেহতীয়া আন্তঃৰাষ্ট্ৰীয় প্ৰতিযোগিতাসমূহত ভাৰতীয় খেলুৱৈসকলৰ সফলতাৰ কথা উল্লেখ কৰি প্ৰধানমন্ত্ৰীয়ে উল্লেখ কৰে যে বেছিভাগ খেলুৱৈ গ্ৰাম্য অঞ্চলৰ মধ্যবিত্ত পৰিয়ালৰ পৰা আহিছে। তেওঁ তেওঁলোকৰ সফলতাৰ কৃতিত্ব খেলো ইণ্ডিয়া অভিযানক দিয়ে, যিয়ে তেওঁলোকক উন্নত ক্ৰীড়া আৰু প্ৰশিক্ষণৰ সুবিধা প্ৰদান কৰাৰ লগতে স্বচ্ছ বাছনি প্ৰক্ৰিয়া নিশ্চিত কৰে। প্ৰধানমন্ত্ৰীয়ে কয় যে এইটো যুৱসকলৰ কল্যাণক অগ্ৰাধিকাৰ দিয়াৰ ফলতে ই সম্ভৱ হৈছে।
প্ৰধানমন্ত্ৰীয়ে তৃতীয় সৰ্ববৃহৎ অৰ্থনীতি হোৱাৰ সপোনৰ অৰ্থ ব্যাখ্যা কৰে। তেওঁ কয় যে ইয়াৰ ফলত যুৱপ্ৰজন্ম আটাইতকৈ সৰ্বাধিক লাভান্বিত হ'ব আৰু ইয়াৰ অৰ্থ হৈছে উন্নত স্বাস্থ্য, শিক্ষা, সুযোগ, চাকৰি, জীৱন আৰু সামগ্ৰীৰ মান উন্নত হোৱা। প্ৰধানমন্ত্ৰী মোদীয়ে যুৱ দৰ্শকসকলক বিকশিত ভাৰতৰ সপোন আৰু সংকল্পৰ সৈতে যুৱসকলক সংযুক্ত কৰাৰ দেশব্যাপী চলোৱা প্ৰচাৰৰ বিষয়ে উল্লেখ কৰে। তেওঁ প্ৰতিজন যুৱক-যুৱতীক মাই-ভাৰত পৰ্টেলত পঞ্জীয়ন কৰিবলৈ আমন্ত্ৰণ জনায়। তেওঁ কয়, "এই মঞ্চখন এতিয়া দেশৰ যুৱক-যুৱতীসকলৰ বাবে এটা ডাঙৰ প্ৰতিষ্ঠান হৈ পৰিছে।"
প্ৰধানমন্ত্ৰীয়ে যুৱসকলক তেওঁলোকৰ স্বাস্থ্যৰ প্ৰতি সৰ্বাধিক অগ্ৰাধিকাৰ দিবলৈ পৰামৰ্শ দিয়ে, কিয়নো জীৱনত আকাংক্ষিত ফলাফল প্ৰাপ্ত কৰাটো অত্যন্ত গুৰুত্বপূৰ্ণ। তেওঁ শাৰীৰিক ব্যায়াম, ডিজিটেল ডিটক্স, মানসিক সুস্থতা, পৰ্যাপ্ত টোপনি আৰু শ্ৰী আন্না বা বাজৰাক তেওঁলোকৰ আহাৰত অন্তৰ্ভুক্ত কৰাৰ প্ৰত্যাহ্বানৰ কথা উল্লেখ কৰাৰ বাবে নিজৰ বাবে কিছুমান স্থল নিয়ম প্ৰস্তুত কৰাৰ লগতে সেইসমূহ দৃঢ়তাৰে পালন কৰাৰ পৰামৰ্শ দিয়ে। প্ৰধানমন্ত্ৰী মোদীয়ে সমাজত ড্ৰাগছৰ ভয়াৱহতাৰ কথাও উল্লেখ কৰে আৰু এখন ৰাষ্ট্ৰ আৰু সমাজ হিচাপে একত্ৰিত হৈ ইয়াৰ সৈতে যুঁজ দিয়া বিষয়ত গুৰুত্ব আৰোপ কৰে। তেওঁ চৰকাৰ আৰু পৰিয়ালৰ লগতে ধৰ্মীয় নেতাসকলক ড্ৰাগছৰ বিৰুদ্ধে শক্তিশালী অভিযান আৰম্ভ কৰিবলৈ আহ্বান জনায়। "এক সক্ষম আৰু শক্তিশালী যুৱ শক্তিৰ বাবে সবকা প্ৰয়াস অপৰিহাৰ্য" বুলি উল্লেখ কৰি শেষত প্ৰধানমন্ত্ৰীয়ে কয় যে আমাৰ গুৰুসকলে আমাক প্ৰদান কৰা 'সবকা প্ৰয়াস'ৰ শিক্ষাই ভাৰতক এখন উন্নত ৰাষ্ট্ৰ হিচাপে গঢ়ি তুলিব।
কেন্দ্ৰীয় মহিলা আৰু শিশু বিকাশ মন্ত্ৰী শ্ৰীমতী স্মৃতি জুবিন ইৰাণী, কেন্দ্ৰীয় শিক্ষা মন্ত্ৰী শ্ৰী ধৰ্মেন্দ্ৰ প্ৰধান, কেন্দ্ৰীয় তথ্য আৰু সম্প্ৰচাৰ মন্ত্ৰী শ্ৰী অনুৰাগ সিং ঠাকুৰো এই অনুষ্ঠানত উপস্থিত আছিল।
পৃষ্ঠভূমি
বীৰ বাল দিৱস উপলক্ষে চৰকাৰে চাহিবজাদাসকলৰ দৃষ্টান্তমূলক সাহসৰ কাহিনীৰ বিষয়ে নাগৰিকসকলক, বিশেষকৈ যুৱক-যুৱতীসকলক অৱগত আৰু শিক্ষিত কৰাৰ বাবে সমগ্ৰ দেশতে অংশগ্ৰহণমূলক কাৰ্যসূচীৰ আয়োজন কৰিছে। চাহিবজাদাসকলৰ জীৱন কাহিনী আৰু ত্যাগৰ বিৱৰণ দিয়া এখন ডিজিটেল প্ৰদৰ্শনী সমগ্ৰ দেশৰ বিদ্যালয় আৰু শিশু যতন প্ৰতিষ্ঠানসমূহত প্ৰদৰ্শন কৰা হ'ব। দেশজুৰি 'বীৰ বাল দিৱস'ৰ ওপৰত আধাৰিত এখন তথ্যচ্চিত্ৰও প্ৰদৰ্শিত হ'ব। ইয়াৰ লগতে বিভিন্ন অনলাইন প্ৰতিযোগিতা যেনে-মত বিনিময় প্ৰশ্নোত্তৰ শিতান থাকিব, যিসমূহ মাই-ভাৰত আৰু মাই-গভ পৰ্টেলৰ জৰিয়তে আয়োজন কৰা হ'ব।
২০২২ চনৰ ৯ জানুৱাৰীত শ্ৰী গুৰু গোবিন্দ সিং জীৰ প্ৰকাশ পূৰবৰ দিনা প্ৰধানমন্ত্ৰীয়ে ঘোষণা কৰে যে শ্ৰী গুৰু গোবিন্দ সিঙৰ পুত্ৰ চাহিবজাদা বাবা জোৰাৱৰ সিং জী আৰু বাবা ফতেহ সিং জী শ্বহীদ হোৱাৰ প্ৰতি সন্মান জনাই উপলক্ষে ২৬ ডিচেম্বৰৰ দিনটো 'বীৰ বাল দিৱস' হিচাপে পালন কৰা হ'ব।
वीर बाल दिवस भारतीयता की रक्षा के लिए, कुछ भी कर गुजरने के संकल्प का प्रतीक है: PM @narendramodi pic.twitter.com/dk0Fnyu4sw
— PMO India (@PMOIndia) December 26, 2023
माता गुजरी, गुरु गोबिंद सिंह और उनके चारों साहिबजादों की वीरता और आदर्श, आज भी हर भारतीय को ताकत देते हैं: PM @narendramodi pic.twitter.com/QR5oVFlRy5
— PMO India (@PMOIndia) December 26, 2023
हम भारतीयों ने स्वाभिमान के साथ अत्याचारियों का सामना किया: PM @narendramodi pic.twitter.com/KZnuhHy64F
— PMO India (@PMOIndia) December 26, 2023
आज जब हम अपनी विरासत पर गौरव कर रहे हैं, तब दुनिया का नज़रिया भी बदला है: PM @narendramodi pic.twitter.com/MgaWsJW2B0
— PMO India (@PMOIndia) December 26, 2023
आज के भारत को अपने लोगों पर, अपने सामर्थ्य पर, अपनी प्रेरणाओं पर भरोसा है: PM @narendramodi pic.twitter.com/35BXZ2WOY7
— PMO India (@PMOIndia) December 26, 2023
आज पूरी दुनिया भारतभूमि को अवसरों की भूमि मान रही है: PM @narendramodi pic.twitter.com/YLunplAJm8
— PMO India (@PMOIndia) December 26, 2023
आने वाले 25 साल भारत के सामर्थ्य की पराकाष्ठा का प्रचंड प्रदर्शन करेंगे।
— PMO India (@PMOIndia) December 26, 2023
और इसके लिए हमें पंच प्राणों पर चलना होगा, अपने राष्ट्रीय चरित्र को और सशक्त करना होगा।
हमें एक पल भी गंवाना नहीं है, हमें एक पल भी ठहरना नहीं है। pic.twitter.com/JQZZw9SoJh
आने वाले 25 साल हमारी युवा शक्ति के लिए बहुत बड़ा अवसर लेकर आ रहे हैं। pic.twitter.com/BqprkFA2xo
— PMO India (@PMOIndia) December 26, 2023
साल 2047 का विकसित भारत कैसा होगा, उस बड़े कैनवस पर बड़ी तस्वीर हमारे युवाओं को ही बनानी है।
— PMO India (@PMOIndia) December 26, 2023
सरकार, एक दोस्त के रूप में आपके साथ मज़बूती से खड़ी हुई है: PM @narendramodi pic.twitter.com/vDMaoPXW3i
जब भारत का युवा फिट होगा, तो वो अपने जीवन में, अपने करियर में भी सुपरहिट होगा। pic.twitter.com/FIjP3zRRO3
— PMO India (@PMOIndia) December 26, 2023
