Mera Saansad
Search Search
Assamese language

আমেৰিকা যুক্তৰাষ্ট্ৰৰ ৰাষ্ট্রপতিৰ ভাৰত ভ্ৰমণকালত প্রধানমন্ত্রীৰ প্রেছ বিবৃতি

Published By : Admin | February 25, 2020 | 13:14 IST
The cooperation between India and the US is based on shared democratic values: PM Modi
India-US will step up efforts to hold the supporters of terror responsible: PM Modi
The most important foundation of this special friendship between India and the US is our people to people relations: PM Modi

মোৰ বন্ধু তথা আমেৰিকাৰ ৰাষ্ট্রপতি ড’নাল্ড ট্রাম্প,

আমেৰিকাৰ প্রতিনিধিদলৰ সন্মানীয় সদস্যবন্দ,

ভদ্র পুৰুষ-মহিলাসকল,

নমস্কাৰ,

ৰাষ্ট্রপতি ট্রাম্প আৰু তেওঁৰ প্রতিনিধিদলক পুনৰবাৰ ভাৰতলৈ আন্তৰিক আদৰণি জনাইছো। মই অতিশয় আনন্দিত যে এইবাৰৰ ভ্ৰমণলৈ আপুনি সপৰিয়ালে আহিছে। বিগত আঠ মাহত ৰাষ্ট্রপতি ট্রাম্পৰ সৈতে এয়া মোৰ পঞ্চম সাক্ষাৎ।

কালি ম’টেৰা’ত ৰাষ্ট্রপতি ট্রাম্পৰ অভূতপূর্ব আৰু ঐতিহাসিক আদৰণি অনুষ্ঠান অবিস্মৰণীয় হৈ ৰ’ব। কালি এইটো পুনৰ স্পষ্ট হ’ল যে আমেৰিকা আৰু ভাৰতৰ পাৰস্পৰিক সম্পর্ক কেৱল দুখন চৰকাৰৰ মাজতে নহয়, এই সম্পর্কৰ মূল চালিকাশক্তি হ’ল জনসাধাৰণ। এই সম্পর্ক একবিংশ শতিকাৰ আটাইতকৈ গুৰুত্বপূর্ণ অংশীদাৰিত্বৰ অন্যতম। সেইবাবে আজি ৰাষ্ট্রপতি ট্রাম্প আৰু মই আমাৰ সম্পর্কক সর্বাংগীণ আন্তঃৰাষ্ট্ৰীয় কৌশলগত অংশীদাৰিত্বৰ পৰ্যায়লৈ উন্নীত কৰাৰ সিদ্ধান্ত লৈছো। এই লক্ষ্য স্থিৰ কৰাৰ ক্ষেত্রত ৰাষ্ট্রপতি ট্রাম্পৰ অৱদান অপৰিসীম।

বন্ধুসকল,

আজি আমাৰ আলোচনাত এই অংশীদাৰিত্ব প্রতিটো ক্ষেত্রতে ইতিবাচক হৈছে–সেয়া প্রতিৰক্ষা আৰু নিৰাপত্তা বিষয়েই হওঁক বা শক্তি উৎপাদনত কৌশলগত অংশীদাৰিত্বই হওক বা প্রযুক্তি সহযোগিতা, আন্তঃৰাষ্ট্ৰীয় যোগাযোগ ব্যৱস্থা বা বাণিজ্যিক সম্পর্ক অথবা উভয় দেশৰ জনগণৰ মাজত পাৰস্পৰিক সম্পর্ক সুদৃঢ় কৰাই হওক। ভাৰত আৰু আমেৰিকাৰ মাজত ক্রমৱর্ধমান প্রতিৰক্ষা আৰু নিৰাপত্তা সহযোগিতাই আমাৰ কৌশলগত অংশীদাৰিত্বৰ এক অত্যন্ত গুৰুত্বপূর্ণ অংশ। অত্যাধুনিক প্রতিৰক্ষা সঁজুলি আৰু মঞ্চত সহযোগিতাৰ ফলত ভাৰতৰ প্রতিৰক্ষা ক্ষমতা বৃদ্ধি পাইছে। আমাৰ প্রতিৰক্ষা সঁজুলি নির্মাতাৰ পৰস্পৰৰ যোগান শৃংখলৰ অংশ কৰি তোলা হৈছে। আমেৰিকাৰ সশস্ত্র বাহিনীৰ সৈতে এতিয়া ভাৰতীয় সশস্ত্র বাহিনীয়ে সৰ্বাধিক যুটীয়া অনুশীলন কৰিছে। বিগত কেইবা বছৰ ধৰি দুয়োখন দেশৰ সেনাবাহিনীৰ মাজত অভূতপূর্ব বুজাপৰা বৃদ্ধি পাইছে।

বন্ধুসকল,

একেদৰে আমি নিজৰ মাতৃভূমিৰ সুৰক্ষা আৰু আন্তঃৰাষ্ট্ৰীয় অপৰাধৰ বিৰুদ্ধে যুঁজৰ ক্ষেত্রত পাৰস্পৰিক সহযোগিতা বৃদ্ধি পাইছে। আজি মাতৃভূমি নিৰাপত্তা সুনিশ্চিত কৰিবলৈ যি সিদ্ধান্ত লোৱা হৈছে, তাৰ দ্বাৰা এই সহযোগিতা আৰু সুদৃঢ় হ’ব। সন্ত্রাসৰ সমর্থকৰ চিহ্নিতকৰণ আৰু দায়ী কৰাৰ ক্ষেত্রত আমি নিজৰ চেষ্টা বৃদ্ধিৰ সিদ্ধান্ত লৈছো। ৰাষ্ট্রপতি ট্রাম্পে ড্রাগছ আৰু মাদক দ্ৰব্যৰ চোৰাং সৰবৰাহৰ বিৰুদ্ধে যুঁজক অগ্রাধিকাৰ দিছে। আজি তেওঁ আমাৰ মাজত ড্রাগছ আৰু অন্যান্য মাদক দ্ৰব্য চোৰাং সৰবৰাহৰ সন্ত্রাস আৰু সংঘবদ্ধ অপৰাধৰ দৰে জটিল সমস্যাবোৰ সমাধানৰ লক্ষ্যৰে এক নতুন যৌথ ব্যৱস্থা গঢ়ি তোলাৰ ক্ষেত্ৰত সহমত প্ৰকাশ কৰিছে।

বন্ধুসকল,

কিছুদিন পূৰ্বে স্থাপিত আমাৰ কৌশলগত শক্তি উৎপাদন অংশীদাৰিত্ব ইতিমধ্যে সুদৃঢ় হৈ উঠিছে। আৰ এই ক্ষেত্রত পাৰস্পৰিক বিনিয়োগ বৃদ্ধি পাইছে। তেল আৰু প্রাকৃতিক গেছৰ ক্ষেত্রত ভাৰতৰ বাবে আমেৰিকা এক প্রধান উৎস হৈ উঠিছে। বিগত চাৰি বছৰত আমাৰ মুঠ শক্তি বাণিজ্য প্রায় ২০ লাখ কোটি ডলাৰ। নবীকৰণযোগ্য শক্তি বা পাৰমাণৱিক শক্তি খণ্ডত আমাৰ সহযোগিতাই নতুন প্রাণশক্তি সঞ্চাৰ কৰিছে।

বন্ধুসকল,

এইদৰেই ইণ্ডাষ্ট্ৰী ৪.০ আৰু একবিংশ শতিকাৰ অন্যান্য আধুনিক প্রযুক্তি ক্ষেত্রত ভাৰত–আমেৰিকা অংশীদাৰিত্ব, উদ্ভাৱন আৰু বাণিজ্যক নতুন মাত্রা প্রদান কৰিছে। ভাৰতীয় বৃত্তিধাৰীসকলে আমেৰিকাৰ কোম্পানীৰ প্রযুক্তিৰ নেতৃত্বক শক্তিশালী কৰিছে।

বন্ধুসকল,

ভাৰত আৰু আমেৰিকা আর্থিক ক্ষেত্রত উদাৰীকৰণ আৰু ন্যায়সংগত আৰু ভাৰসাম্যযুক্ত বাণিজ্যৰ প্ৰতি দায়বদ্ধ। বিগত তিনি বছৰত আমাৰ দ্বিপাক্ষিক বাণিজ্যত ‘১০শতাংশতকৈ অধিক বিকাশ’ হৈছে আৰু ইয়াৰ ভাৰসাম্য আৰু বৃদ্ধি পাইছে। যদি শক্তি, অসামৰিক বিমান, প্রতিৰক্ষা আৰু উচ্চ শিক্ষাৰ কথা কও তেতিয়া হ’লে বিগত ৪-৫ বছৰত কেৱল এই চাৰিটা ক্ষেত্রত ভাৰত আৰু আমেৰিকাৰ মাজত প্রায় ৭০ বিলিয়ন ডলাৰৰ কাম হৈছে। ইয়াৰে ভিতৰত বেছিভাগেই ৰাষ্ট্রপতি ট্রাম্পৰ নীতি আৰু সিদ্ধান্ত গ্রহণৰ ফলতে সম্ভৱ হৈছে। মোৰ দৃঢ় বিশ্বাস, অনাগত দিনত এই সংখ্যা আৰু অধিক বৃদ্ধি পাব। দ্বিপাক্ষিক বাণিজ্যৰ ক্ষেত্রত আমাৰ বাণিজ্য মন্ত্রীসকলৰ মাজত ইতিবাচক আলাপ-আলোচনা হৈছে। ৰাষ্ট্রপতি ট্রাম্প আৰু মই একমত যে আমাৰ বাণিজ্য মন্ত্রীৰ মাজত যি বুজাবুজি গঢ়ি উঠিছে, তাক আমাৰ টীমে আইনী ৰূপ দিব। আমি এক বৃহৎ বাণিজ্য চুক্তি সম্পাদনৰ বাবে আলাপ-আলোচনা আৰম্ভ কৰাৰ ক্ষেত্ৰত সহমত প্ৰকাশ কৰিছে। আশা কৰো, এই পাৰস্পৰিক সম্পর্ক ফলপ্ৰসূ হ’ব।

বন্ধুসকল,

বিশ্ব পৰ্যায়ত গণতান্ত্রিক মূল্যবোধ আৰু ইয়াত উদ্দেশ্যবোৰৰ ভিত্তিতে ভাৰত আৰু আমেৰিকাৰ সহযোগিতা আৰু অধিক বৃদ্ধি পাব। বিশেষকৈ, ভাৰত–প্রশান্ত মহাসাগৰীয় ক্ষেত্রত আৰু বিশ্বত নীতি-ভিত্তিক আন্তঃৰাষ্ট্ৰীয় শান্তি বজাই ৰখাৰ উদ্দেশ্যে এই সহযোগিতা বিশেষ গুৰুত্বপূর্ণ। উভয় দেশে বিশ্বত যোগাযোগ ব্যৱস্থাৰ আন্তঃগাঁথনি উন্নয়নত সুদূৰপ্রসাৰী আৰু স্বচ্ছ বিনিয়োগৰ ক্ষেত্ৰত সহমত পোষণ কৰে। আমাৰ এই পাৰস্পৰিক সহযোগিতা কেৱল এই দুখন দেশৰ মাজতে সীমাবদ্ধ নাথাকে, সমগ্র বিশ্বই সুফল লাভ কৰিব।

বন্ধুসকল,

ভাৰত আৰু আমেৰিকাৰ এই বিশেষ বন্ধুত্বৰ আটাইতকৈ গুৰুত্বপূর্ণ আধাৰ হ’ল আমাৰ দেশৰ লোকসকলৰ সৈতে সেই দেশৰ জনসাধাৰণৰ সম্পর্ক। বৃত্তিগত দিশৰ পৰা আৰম্ভ কৰি ছাত্র-ছাত্রী বা আমেৰিকাত বসবাস কৰা প্রবাসী ভাৰতীয়সকলে এই ক্ষেত্রত আটাইতকৈ বেছি অৱদান আগবঢ়াইছে। নিজৰ মেধা আৰু পৰিশ্রমৰ জৰিয়তে ভাৰতৰ প্রকৃত এই ৰাজদূতসলে আমেৰিকাৰ অর্থনীতিত অৱদান আগবঢ়াইছে। নিজৰ গণতান্ত্রিক মূল্যবোধ আৰু সমৃদ্ধ সাংস্কৃতিক উপাদানত আমেৰিকাৰ সমাজক সমৃদ্ধ কৰিছে। মই ৰাষ্ট্রপতি ট্রাম্পক অনুৰোধ কৰিছো যে আমাৰ বৃত্তিধাৰী লোকসকলৰ সামাজিক সুৰক্ষাৰ অৱদানক লৈ সামুদ্রিক চুক্তি সম্পাদনৰ লক্ষ্যৰে দুয়োপক্ষই আলোচনা ত্বৰান্বিত কৰা হওক। এই চুক্তি দুয়োখন দেশৰ বাবেই লাভজনক হ’ব।

বন্ধুসকল,

এই সকলো ক্ষেত্রত আমাৰ সম্পর্কক আৰু অধিক শক্তিশালী কৰি তুলিবলৈ ৰাষ্ট্রপতি ট্রাম্পৰ এই ভ্ৰমণে ঐতিহাসিক ভূমিকা পালন কৰিছে। মই পুনৰবাৰ ৰাষ্ট্রপতি ট্রাম্পক ভাৰত ভ্ৰমণলৈ আহি ভাৰত–আমেৰিকাৰ সম্পর্কক নতুন মাত্ৰা প্রদান কৰাৰ বাবে আন্তৰিক ধন্যবাদ জনাইছো।

ধন্যবাদ।

 

Login or Register to add your comment
Explore More
শ্ৰী ৰাম জনমভূমি মন্দিৰৰ ধ্বজাৰোহণ উৎসৱত প্ৰধানমন্ত্ৰীৰ সম্বোধনৰ অসমীয়া অনুবাদ

Popular Speeches

শ্ৰী ৰাম জনমভূমি মন্দিৰৰ ধ্বজাৰোহণ উৎসৱত প্ৰধানমন্ত্ৰীৰ সম্বোধনৰ অসমীয়া অনুবাদ
View All
'Bharat Innovates' Bridge Between India’s Talented Youth And European Expertise: PM Modi

Media Coverage

'Bharat Innovates' Bridge Between India’s Talented Youth And European Expertise: PM Modi
View All
NM on the go

Nm on the go

Always be the first to hear from the PM. Get the App Now!
Download App
...
Prime Minister shares Sanskrit Subhashitam highlighting the role of diversity in innovation and entrepreneurship
June 15, 2026

The Prime Minister, Shri Narendra Modi said that in the fields of innovation and entrepreneurship, every individual has a distinct way of thinking and a unique creative vision, and it is this diversity that gives rise to new possibilities. He noted that just as every source of water has a different taste, every talent possesses its own unique identity and contribution. The Prime Minister added that innovation and progress become possible through the convergence of diverse ideas and capabilities.

The Prime Minister shared a Sanskrit Subhashitam-

“पिण्डे पिण्डे मतिर्भिन्ना कुण्डे कुण्डे नवं पयः।

जातौ जातौ नवाचाराः नवा वाणी मुखे मुखे॥”

The Subhashitam conveys that in the field of innovation and enterprise, each person has a different way of thinking and a unique creative vision, and this diversity gives rise to new possibilities. Just as the taste of water differs from one source to another, every talent has its own distinct identity and contribution. It is through the combination of these different ideas and abilities that innovation and progress become possible.

The Prime Minister wrote on X;

“पिण्डे पिण्डे मतिर्भिन्ना कुण्डे कुण्डे नवं पयः।

जातौ जातौ नवाचाराः नवा वाणी मुखे मुखे॥”