প্ৰধানমন্ত্ৰী শ্ৰী নৰেন্দ্ৰ মোদীয়ে আজি ভিডিঅ' কনফাৰেন্সিঙৰ জৰিয়তে বিকশিত ভাৰত সংকল্প যাত্ৰাৰ হিতাধিকাৰীসকলৰ সৈতে মত বিনিময় কৰে। কেইবাগৰাকীও কেন্দ্ৰীয় মন্ত্ৰী, সাংসদ, বিধায়ক আৰু স্থানীয় পৰ্যায়ৰ প্ৰতিনিধিকে ধৰি সমগ্ৰ দেশৰ কেইবা হাজাৰ বিকশিত ভাৰত সংকল্প যাত্ৰাৰ হিতাধিকাৰীয়ে অনুষ্ঠানটোত যোগদান কৰে।
সমবেত লোকসকলক সম্বোধন কৰি প্ৰধানমন্ত্ৰীয়ে উল্লেখ কৰে যে ভি বি এছ ৱায়ে অলপতে ৫০ দিন সম্পূৰ্ণ কৰিছে আৰু প্ৰায় ১১ কোটি লোকৰ সৈতে সম্পৰ্ক স্থাপন কৰিছে। "বিকাশ ভাৰত সংকল্প যাত্ৰা কেৱল চৰকাৰৰে নহয়, দেশৰ যাত্ৰাও হৈ পৰিছে", তেওঁ কয়। প্ৰধানমন্ত্ৰীয়ে কয়, "মোদীৰ গেৰাণ্টিৰ বাহনে দেশৰ প্ৰতিটো চুক-কোণ স্পৰ্শ কৰিছে। চৰকাৰী আঁচনিৰ লাভালাভ পাবলৈ অপেক্ষা কৰি জীৱন অতিবাহিত কৰা দৰিদ্ৰ লোকসকলে আজি এক অৰ্থপূৰ্ণ পৰিৱৰ্তন প্ৰত্যক্ষ কৰিছে। চৰকাৰ হিতাধিকাৰীসকলৰ নিবিড় সান্নিধ্যলৈ আহিছে আৰু সক্ৰিয়ভাৱে লাভালাভ প্ৰদান কৰিছে। "মোদীৰ গেৰাণ্টিৰ বাহনৰ উপৰি চৰকাৰী কাৰ্যালয় আৰু জনপ্ৰতিনিধিসকল জনসাধাৰণৰ ওচৰ চাপিছে", তেওঁ লগতে কয়।
'মোদী কি গেৰাণ্টি' সম্পৰ্কে বিশ্বব্যাপী উঠা গুণগুণনিৰ কথা উল্লেখ কৰি প্ৰধানমন্ত্ৰীয়ে গেৰাণ্টিৰ ৰূপৰেখা আৰু দ্ৰুতগতিত হিতাধিকাৰীসকলৰ কাষ চপাৰ প্ৰয়োজন সন্দৰ্ভত গুৰুত্ব আৰোপ কৰে আৰু বিকশিত ভাৰতৰ লক্ষ্য তথা আঁচনিৰ আওতাৰ ব্যাপকতাৰ মাজৰ সম্পৰ্ক সন্দৰ্ভতো গুৰুত্ব আৰোপ কৰে। প্ৰধানমন্ত্ৰী মোদীয়ে বহু প্ৰজন্ম ধৰি দৰিদ্ৰ, যুৱচাম, মহিলা আৰু কৃষকসকলৰ সংগ্ৰামৰ কথা উল্লেখ কৰে। প্ৰধানমন্ত্ৰীয়ে ব্যাখ্যা কৰে, "আমাৰ চৰকাৰে বৰ্তমান আৰু ভৱিষ্যত প্ৰজন্মই পূৰ্বৰ প্ৰজন্মৰ জীৱনশৈলী অনুসৰণ কৰিবলগীয়া হোৱাটো নিবিচাৰে। আমি দেশৰ এক বৃহৎ জনসংখ্যাক সৰু দৈনন্দিন প্ৰয়োজনীয়তাৰ সংগ্ৰামৰ পৰা উলিয়াই আনিব বিচাৰো। সেয়েহে আমি দৰিদ্ৰ, কৃষক, মহিলা আৰু যুৱসকলৰ ভৱিষ্যতৰ ওপৰত গুৰুত্ব আৰোপ কৰিছো। আমাৰ বাবে এইবোৰ হৈছে দেশৰ চাৰিটা বৃহৎ জাতি। যেতিয়া দৰিদ্ৰ, কৃষক, মহিলা আৰু যুৱচাম শক্তিশালী হৈ উঠিব, তেতিয়া দেশ শক্তিশালী হ'ব।"
প্ৰধানমন্ত্ৰীয়ে ভি বি এছ ৱাইৰ মুখ্য লক্ষ্য চৰকাৰী আঁচনিসমূহৰ লাভালাভৰ পৰা কোনো যোগ্য হিতাধিকাৰীক বঞ্চিত নকৰা বুলি দোহাৰে। তেওঁ জনায় যে এই যাত্ৰা আৰম্ভ হোৱাৰ পৰা সুৰক্ষা বীমা যোজনা, জীৱন জ্যোতি যোজনা, প্ৰধানমন্ত্ৰী স্বনিধিৰ বাবে লাখ লাখ আবেদনৰ উপৰি উজ্জ্বলা সংযোগৰ বাবে ১২ লাখ নতুন আৱেদন লাভ কৰা হৈছে।
ভি বি এছ ৱাইৰ প্ৰভাৱ সন্দৰ্ভত আলোকপাত কৰি প্ৰধানমন্ত্ৰীয়ে জানিবলৈ দিয়ে যে এতিয়ালৈকে ১ কোটি যক্ষ্মা ৰোগৰ পৰীক্ষা আৰু ২২ লাখ চিকল চেল পৰীক্ষাকে ধৰি ২ কোটিৰো অধিক লোকৰ স্বাস্থ্য পৰীক্ষা কৰা হৈছে। আজি প্ৰধানমন্ত্ৰীয়ে কয় যে চিকিৎসকসকলে দৰিদ্ৰ, দলিত, বঞ্চিত আৰু জনজাতীয় লোকসকলৰ কাষ চাপিছে, যাক পূৰ্বৰ চৰকাৰে প্ৰত্যাহ্বান হিচাপে গণ্য কৰিছিল। তেওঁ সুলভ মূল্যত ঔষধ উপলব্ধ হোৱা জন ঔষধি কেন্দ্ৰৰ উপৰি ৫ লাখ টকাৰ স্বাস্থ্য বীমা আগবঢ়োৱা তথা দৰিদ্ৰ লোকসকলৰ বাবে বিনামূলীয়া ডায়েলাইচিছৰ সুবিধা আগবঢ়োৱা আয়ুষ্মান যোজনা সন্দৰ্ভতো আলোকপাত কৰে। তেওঁ লগতে কয়, "সমগ্ৰ দেশতে নিৰ্মিত আয়ুষ্মান আৰোগ্য মন্দিৰসমূহ গাওঁ আৰু দৰিদ্ৰ লোকসকলৰ বাবে বৃহৎ স্বাস্থ্য কেন্দ্ৰ হৈ পৰিছে"।
প্ৰধানমন্ত্ৰী মোদীয়ে দেশত মহিলা সৱলীকৰণৰ ক্ষেত্ৰত চৰকাৰৰ প্ৰভাৱ সম্পৰ্কে উল্লেখ কৰাৰ লগতে মুদ্ৰা যোজনাৰ জৰিয়তে ঋণ উপলব্ধ হোৱা তথা মহিলাসকলে বেংক মিত্ৰ, পশু সখী আৰু আশা কৰ্মীৰ ভূমিকা পালন কৰাৰ বিষয়ে উনুকিয়ায়। যোৱা ১০ বছৰত ১০ কোটি মহিলাই মহিলা আত্মসহায়ক গোটত যোগদান কৰিছে বুলি সদৰী কৰি তেওঁলোকক ৭.৫ লাখ কোটিতকৈও অধিক টকা প্ৰদান কৰা হৈছে বুলি শ্ৰী মোদীয়ে জানিবলৈ দিয়ে। ইয়াৰ জৰিয়তে বহু ভগ্নী বিগত বছৰবোৰত লাখপতি দিদি হৈ উঠিছে বুলি প্ৰধানমন্ত্ৰীয়ে কয়। ইয়াৰ সফলতাৰ কথা উল্লেখ কৰি প্ৰধানমন্ত্ৰীয়ে লাখপতি দিদিৰ সংখ্যা আৰু ২ কোটি বৃদ্ধি কৰাৰ চৰকাৰৰ অভিযান তথা ভিবিএছৱাইৰ সময়ত প্ৰায় ১ লাখ ড্ৰোন প্ৰদৰ্শন কৰা নমো ড্ৰোন দিদি আঁচনিৰ বিষয়ে অৱগত কৰে। তেওঁ লগতে কয় যে দেশৰ ইতিহাসত প্ৰথমবাৰৰ বাবে দ্ৰুতগতিত নতুন প্ৰযুক্তিৰ সৈতে ৰাইজক সংযুক্ত কৰা হৈছে। "বৰ্তমান কেৱল কৃষি খণ্ডত ড্ৰোন ব্যৱহাৰৰ বাবে প্ৰশিক্ষণ দিয়া হৈছে। কিন্তু সমাগত দিনত ইয়াৰ পৰিসৰ আন ক্ষেত্ৰসমূহলৈ সম্প্ৰসাৰিত হ'বলৈ গৈ আছে", প্ৰধানমন্ত্ৰী মোদীয়ে লগতে কয়।
প্ৰধানমন্ত্ৰীয়ে উল্লেখ কৰে যে পূৰ্বৰ চৰকাৰসমূহত দেশত কৃষি নীতি সন্দৰ্ভত হোৱা আলোচনাৰ পৰিসৰ কেৱল উৎপাদন আৰু বিক্ৰীতে সীমাবদ্ধ আছিল, যাৰ ফলত দৈনিক কৃষকসকলে সন্মুখীন হোৱা বিভিন্ন সমস্যা অৱহেলিত হৈছিল। "আমাৰ চৰকাৰে কৃষকসকলৰ প্ৰতিটো অসুবিধা দূৰ কৰিবলৈ সৰ্বাধিক প্ৰচেষ্টা চলাইছে", শ্ৰী মোদীয়ে প্ৰধানমন্ত্ৰী কিষাণ সন্মান নিধিৰ জৰিয়তে প্ৰতিজন কৃষকলৈ কমেও ৩০,০০০ টকা হস্তান্তৰ তথা পি এ চি এছ, এফ পি অ'ৰ দৰে সংগঠনৰ সৈতে কৃষিক্ষেত্ৰত সহযোগিতাৰ প্ৰচাৰ, মজুতকৰণৰ সুবিধা বৃদ্ধি আৰু খাদ্য সংসাধন উদ্যোগৰ উন্নয়নৰ কথা উল্লেখ কৰি এইদৰে কয়। প্ৰধানমন্ত্ৰীয়ে মাটিমাহ বা ৰহৰ দাইলৰ কৃষকসকলে এতিয়া তেওঁলোকৰ উৎপাদিত সামগ্ৰী পোনপটীয়াকৈ চৰকাৰক বিক্ৰী কৰিব পাৰে আৰু সৰ্বাধিক বিক্ৰী মূল্যত ক্ৰয় তথা বজাৰত উন্নত মূল্য নিশ্চিত কৰিব পাৰে বুলি সদৰী কৰে। তেওঁ লগতে কয় যে এই আঁচনিৰ পৰিসৰ আন মাহজাতীয় শস্যলৈও সম্প্ৰসাৰিত কৰা হ'ব। "আমাৰ প্ৰয়াস হৈছে যে আমি মাহজাতীয় শস্য ক্ৰয় কৰিবলৈ বিদেশলৈ প্ৰেৰণ কৰা ধন দেশৰ কৃষকসকলৰ বাবে উপলব্ধ হ'ব লাগে", তেওঁ কয়।
ভাষণ সমাপ্ত কৰি প্ৰধানমন্ত্ৰীয়ে সম্পূৰ্ণ নিষ্ঠাৰে কামত নিয়োজিত হৈ থকা স্থানীয় প্ৰশাসনকে ধৰি ভি বি এছ ৱাই কাৰ্যসূচী অব্যাহত ৰখা দলৰ প্ৰচেষ্টাক প্ৰশংসা কৰে। "এই ভাৱনাৰে, ভাৰতক এখন উন্নত দেশ হিচাপে গঢ়ি তুলিবলৈ আমি আমাৰ কৰ্তব্য পালন কৰিব লাগিব", প্ৰধানমন্ত্ৰী মোদীয়ে সামৰণি মাৰে।
समाज में अंतिम पायदान पर खड़े व्यक्ति तक सरकार खुद पहुंच रही है, उसे अपनी योजनाओं से जोड़ रही है: PM @narendramodi pic.twitter.com/NWc2Pgskbv
— PMO India (@PMOIndia) January 8, 2024
विकसित भारत संकल्प यात्रा को लेकर गांव हो या शहर, हर जगह उत्साह देखा जा रहा है। pic.twitter.com/WsXE8RoyMT
— PMO India (@PMOIndia) January 8, 2024
विकसित भारत संकल्प यात्रा का सबसे बड़ा मकसद है- कोई भी हकदार, सरकारी योजना के लाभ से छूटे नहीं: PM @narendramodi pic.twitter.com/0CIc3sSjfI
— PMO India (@PMOIndia) January 8, 2024
